EL - Magic ( Emad Ahmed ) 2024

5️⃣ أخيرا يا صديقي بعتذر جدا لو شوفت الرسايل وضايقتك لكن والله كان الهدف محاولة افادتك قدر الامكان ،، ربنا يوفقكم ويكرمكم واستمتعوا باجازتكم عشان عندكوا مرحلة جاية مهمة جدا جدا جدا واكثر اهمية وخطورة من الثانوية العامة

⏮ أخر جملة هقولهالك ان الثانوية العامة مش أخر الدنيا دي أول الدنيا فحتي لو كان فيه غلطات في أول دنيتك حاول تتلاشها يا صديقي

⏮ أشوفكم علي خير في ظروف أفضل ،، الجروب هنا هيفضل موجود ومش هيتمسح منه اي حاجة لا ريكوردات ولا اي حاجة لان دا جزء من عمري زي ما جزء من عمركم ،، فبحن للجرووبات دي وبرجعلها تاني وبفتكر كنت عامل ازاي كل ما بشتغل دفعة جديدة عشان احاول احسن من نفسي ،، واتمني يكون رسايل الجروب جزء من حياتك ويكون يعني جزء كويس مش وحش ،، موقع الامتحانات لسه شغال معاكم لحد 15-8-2024 لو حابب تنزل كل الدرجات بتاعتك لانها ذكري ليك ( متأسف بس انا تافه كدا وبحب كدا بحب احتفظ بكل حاجة فلو حد تافه زيي يعني )


سلام عليكم اشوفكم علي خير❤️❤️

⏮ لكن انا والله ما اعرف فعلا اية حوار القدرات لاني فاشل تماما في موضوع الرسم دا

3️⃣ بالنسبة للناس اللي بتسألني في حاجات زي اختبار القدرات والحاجات دي انا مش خبير اوي فيها لكن فيه بشمهندسة سابقاكم بعتتلي انها بتعطي كورس اختبار قدرات كلية فنون تطبيقية واللينك دا لينك الاكونت بتاعها علي الفيسبوك وهتساعدكم في الموضوع فممكن تدخل تسألها ( https://www.facebook.com/Denona.hiaaah )

2️⃣ اول حاجة خد بالك من سلوكك علي مدار السنة اللي فاتت شوف اية عيوبك واشتغل عليها واية مميزاتك وطورها وكبرها ،، صدقني بعد 10 سنين من الوقتي هتتمني تكون عملت دا وهيفرق معاك جدا كمستوي تعليمي واجتماعي ومادي اللي بتتعلمه الوقتي وبتغيره في نفسك هيكون سبب وصولك مستقبلا لمكانة انت نفسك ما تتخيلهاش

4️⃣ أخيرا فيه طالب من دفعة سبقتكم كنت عامل ليهم فيديو فقالي يفضل اني ابعته ليكم لعله يغير في طريقة تفكيرك لانه نبهني ان الفيديو دا غير فيه حاجات ،، الفيديو طويل ومتقسم لعنواين كتير وحاجات كتيرة اوي يفضل بصراحة انك تشوفه اعتبره

بودكاست طويل شوية بس فعلا هيفيدك جدا خصوصا في الكلام عن

تعليم اللغات وعن البرمجة وعن الفوركس وعن البورصة وعن التداول عشان اعرف ان ناس فيكم مهتمين بالحوار دا ،، وعن نتيجة الثانوية العامة وكل ما يخصها وممكن يكون سبب في نظرة اشمل واعم ليك ،، يمكن كل الكلام اللي فيه كان نفسي فعلا حد يقولهولي وانا طالع من ثانوية عامة أكيد كان هيفرق معايا ،، فلعله يفرق معاك حتي لو هتقسمه وتشوفه علي كذا مرة هو متقسم ومتعنون اصلا

https://youtu.be/Tr10NGhjrNY?si=FnOKNIfzN6aId_gS

1️⃣حمد الله علي السلامة من الامتحانات ( قدر ولطف 😂❤️) وربنا يكملكم علي خير ويرزقكم بأكثر مما تستحقون ،، انا مش ناسيك يا صديقي والله بس قلت اسيبك كام يوم تريح كدا بعد امتحاناتك ،، اسف لو رسالتي هتكون رخامة عليك اعتبرها اخر رسالة مني يا صديقي ،، انا مرضتش اعمل ريكورد عشان اكيد مش مستحملين صداع مني الوقتي خلاص السنة خلصت ولكن اخر كل سنة بحب كدا اوجه نظرك لكام حاجة مهمة اوي لعلهم يفرقوا مع واحد فقط ومشياً بمبدا فذكر

✅✅بعتذر جدا عن الريكورد دا بس من خوفي انكوا تنشغلوا بالخناقات دي وتنسوا المادة الجاية

✅✅ أخر ريكورد دفعة 2024

طيب هو ريكورد مش مهم // فلو حاسس انه هيضيع وقتك بلاش تسمعه انا اسف والله ،،



بس يعني اعتبره فضفضة ،، لحد هنا انا شغلي انتهي والريكورد دا ليس له اي علاقة بشغلي ،، بعتذر منكم علي الصداع اللي مسببهلكم بقالي 300 يوم ،، ولكن انا حتي سألت نفسي ابعته ولا لا ،، ورجعت قلت خليه أخر ريكورد علي الجروب ،، عشان المواد الجاية مش هينفع ابعتلك اي حاجة خلاص شغلي خلص وكمان عشان باقي اساتذة المواد ميزعلوش مني ،، ربنا يوفقكم ويكرمكم واشوفكم في افضل الاماكن مستقبلا ،،




✅✅ومحدش يشكرني علي حاجة ولا تبعت رسايل شكر يا صاحبي انا كنت بعمل شغلي اللي باخد عليه مقابل مادي من اهاليكم ،، اهم حاجة ربنا يعفو عن تقصيري بس لو قصرت معاكم ،، تصبحوا علي خير ❤️❤️ وبكرة تخرجوا من اللجان مبسوطين يا رب ان شاء الله ❤️❤️❤️

ناموا بدري يا ولاد نامواااااااااااا كويس وسيبوها لله الدنيا هتبقي سهلة ان شاء الله المهم التركيز والبصيرة ربنا معاكم

✅✅ ريكورد تعليمات الامتحان لازم تسمعه معلش عشان تعرف شوية حاجات مهمة كدا،، معلش استحملني خلاص لسالنا نص ساعة بس مع بعض أخرنا الساعة 10.30 وبعديها صمت لحد ما تطلعوا من اللجان مبسوطين وتركزوا في المادة الجاية الانجليزي ان شاء الله

https://youtu.be/FFYS36guuBY

✅✅ ما تحزقش قصاد الفيديو سرعه عادي واتفرج عليه هو مجرد كام حاجة لما تيجي للطلبة بتلغبطهم بس فبص عليهم كدا ،، وقفووووووووووووووا حل اللي لسه بيحل بطل حل ،، هناخدب الاسباب اه لاخر نفس بس بردة هنشتغل بعقل اي حل الوقتي هيرهق مخك وهتلاقيك بتغلط في حاجات هبلة ،، شوف الفيديو دا كانك بتتفرج علي فيلم يا صديقي

🚫🚫🚫 وقفواااااااااااا اي حلول ،، ما تحلش اي فيزياء تاني من النهاردة لحد بكرة الصبح ،، ما تحلش حاجة ،، اخرك الوقتي بتقرا في ملخصاتك او كشكول اخطائك او في السبورات وقراءة مش حل وفرهدة ،،، ريح مخك ريح مخك


وانتظر فيديو التكات قدامه عشر دقايق ويخلص رفع هتتفرج عليه كأنه فيلم هندي كدا انبسط بقي فك دماغك خالص هو مجرد فيديو بيفكرك بالمنهج كله وبالتكات اللي بتوقع الناس

✅✅ اخر حاجة تحلها الوقتي يا شباب هي امتحان الازهر كإمتحانات شاملة ،، وبص علي سبورات الكهربية والمستمرة والمترددة ( الفكرة رقم 1+2+3+4+13+14+15 ) راجعهم كويس واتاكد ان فاهم واختارلك شوية اسئلة في في كل فكررة فيهم بس ما تكترش من دلوقتي لحد الساعة 8 مساءا

الساعة 8 بالدقيقة هبعتلك فيديو اسمه فيديو تكات ( أخر فيديو لدفعتكم ) اتفرج عليه كأنه فيلم هندي وانت بتتسلي كدا هو هيكون نص ساعة هفكرك بكام حاجة مهمين عشان ما تقعش فيهم بكرة ان شاء الله

حاول تهدي دماغك ما تشتتش نفسك ما تروحش تحل اسئلة خزعبلية الوقتي خالص امتحانات ثانوية عامة وبس بمنتهي الهدوء لان هتلاقي امم بتصيع عليكم الوقتي واصل انا هجيبلك ملف فيه الامتحان والهجايص دي وكل دول شوية هجاصين فكك منهم

{بنا معاكم معلش سامحوني علي الزن شوية وهتخلصوا مني خالص