Elite history @elitehistory5 Channel on Telegram

Elite history

@elitehistory5

قناة الفريق الخاصة بمادة التاريخ لطلاب السنة التحضيرية
رابط غروب المناقشة :
https://t.me/+nMET5kF-csUxYWRk

Elite history (Arabic)

تمتلك قناة Elite history الفريق الخاصة بمادة التاريخ لطلاب السنة التحضيرية. إذا كنت تبحث عن مكان لتعزيز معرفتك بالتاريخ وتحسين تحصيلك الدراسي، فإن هذه القناة هي المكان المناسب لك. يمكنك الاستفادة من الموارد التعليمية المتنوعة التي تقدمها القناة لتعزيز فهمك ومهاراتك في مجال التاريخ. بالإضافة إلى ذلك، يمكنك الانضمام إلى رابط غروب المناقشة على تليجرام لتبادل الأفكار والمعلومات مع زملائك في الدراسة. لا تضيع الفرصة للانضمام إلى Elite history والاستفادة من محتواها المفيد والشيق لتحقيق نجاحك الدراسي في مادة التاريخ!

Elite history

18 Feb, 08:46

اغلبكن خايف من التاريخ وعم يبعتلي
ف هلق مشان طمنك بس
هي الخطة الي حنتابع عليها ما تاكل هم
نزلتها هلق مشان تطمنوا انو في خطة وفي شغل باسبوعها
كفوا دراسة فيزيا منيح لتجيبوا المادتين معدل

خطة ال100 بالتاريخ

🚨مصدر الدراسة :
1- كتاب أو نوط ايليت الشاملة
2-الموجز (اساسي للمراجعة والشي الي ما بتلحقو)

🚨طريقة الدراسة :
1-حضور فيديوهات
2-الدراسة من النوطة الشاملة
3-مراجعة تجميعات وجمل اول من من الموجز

🚨أهم قناة بتاريخك :
قناة ايليت للتاريخ حينزل نكشات أسئلة اتمتات دورات كل شي لنجيب 100

‏https://t.me/elitehistory5
3,594
Elite history

15 Feb, 11:17

قربت شوي
طلع الكاتب الاسئلة ريالي
5,529
Elite history

15 Feb, 09:32

كيف قدمتوا يا شبيبة
فوتوا سردوا ع الاسئلة تبع الانكليزي وخبرونا شو اجاكن
متل كل الدفعات الي قبل بيوم الانكليزي بيسردوا ع الاسئلة الغريبة والي بتضحك😂

https://www.facebook.com/share/g/1A835ycvdK/?mibextid=K35XfP
6,049
Elite history

15 Feb, 06:01

رح يجيكن سؤال عن برشلونة
تذكرو حكيي 😂😂
موفقين يا شباب الله ييسرلكن 💙
6,502
Elite history

14 Feb, 12:18

موفقين جدا بكرا يا شباب ❤️❤️

الاسبوع الجاي عندكن فيزيا والدكتور نوار مزبطلكن كل الامور تابعوا شو بيقول بالحرف ورح تجيبوها معدل ان شاء الله

التاريخ رح ينزل الجمعة الجاي خطة للدراسة
الشي الي بتحتاجو النوطتين والموجز والكورس اذا حابب تدرس فيديوهات
الي مو دارس شي ابدا ف الكورس كتير بيفيدك ان شاء الله بيختصر وقت جدا وبتعرف ع شو تركز

اسبوع التاريخ رح نزل خطة للي دارس ومو دارس كمان
ورح ضل متابع معكن اول باول عالقنوات
وكل التجميعات والمراجعة موجودين بالموجز ف ضروري تجيبو حتى لو مخلص المادة

بالتوفيق الكن وهانت ان شاء الله
هاد الي عم تعملوه انجاز
اي حدا قادر يدرس ويتابع ويجيب معدل ف هو شخص بطل بظل كل الظروف❤️❤️
6,917
Elite history

13 Feb, 16:15

بوست خفيف نضيف شوفوه وكفوا دراسة👇

https://www.facebook.com/share/p/1Ey2jpmmvC/?
5,471
Elite history

11 Feb, 12:46

شوي من علامات الطلاب الي درسوا من الموجز
سوا فصول معينة وفي منن درس بس موجز

الموجز انا بدي ياك تتركو اخر خيار
بتدرس من النوطة والشي الي ما بتلحقو بتدرسو موجز هو ملخص بالنهاية بس ان شاء الله بيضمن منيح
وهي الرسالة فيها شرح عن الموجز 👇
https://t.me/elitehistory5/6859
الموجز موجود ورقي فقط بالمكاتب

الموجز والنوطة والكورس كلن موجودة بالمكاتب
8,185
Elite history

08 Feb, 15:53

كلمتين حلوين ❤️
8,277
Elite history

08 Feb, 15:26

ما شاء الله
لو عندكن طرق بالدراسة متل طرق التحبير كان قفلتو المواد ١٠٠ات 😂😂😂
احلى شي هي طريقة السراب المتعدد
مفكر حالو بانمي ناروتو
8,289
Elite history

08 Feb, 15:16

كيف حبرتو ؟
بانو طريقة 🌝
7,306
Elite history

08 Feb, 10:07

طلعت عنجد سهلة بس انت مابدك تدرس😂
8,303
Elite history

07 Feb, 19:55

مسالخير
موفقين جدا جدا بكرا يا شباب
ان شاء الله كلكن بتجيبوا العلامات الي بدكن ياها❤️❤️

بخصوص التاريخ اذا مانك دارس شي ابدا
فيك تمرق شوي مع الانكليزي
والكورس بفيدك بهالشي
فيديوهات الفصل التاني ساعتين
فيديوهات الفصل الرابع ساعتين
حضرن هلق وباسبوعها بنزلكن خطة للي دارس ومو دارس وكلو ان شاء الله

الموجز كمان مفيد للكل باسبوعها
عامل تجميعات لكل شي بالتاريخ فيه
وفي كتير ربط بين الفصول
فبيفيد للمراجعة وللزنقة اذا حدا ما لحق شي بيدرسو منو
النوط والأكواد والموجز موجودين بالمكاتب

ما تخاف قبل اسبوع التاريخ رح نزلك برنامج ورح اعملك خطة وزبطلك كل الوضع ما تاكل هم
هلق ركز بالبيو وبالتوفيق جميعا❤️❤️
7,763
Elite history

07 Feb, 14:30

فيديو عملتو السنة الماضية
طرق لتشلف جواب اذا انتهت حلول الارض🤣🤣

https://www.instagram.com/reel/C2KzXKcrIeV/?igsh=MTJjc2xyMHNiZ2c5aA==
5,970
Elite history

07 Feb, 13:23

دعم معنوي ❤️😂
2,708
Elite history

07 Feb, 13:10

موفقين بكرا جدا كثيرا ❤️❤️
خلص بلا صياح حاولو اعملو الي بتقدرو عليه
وتاكدو انو مافي شي بروح عالفاضي
وما تموتو رعبة هوي اتمتة رح تتذكرو كلشي قدامكن بالامتحان
مو اذا اجاك ١٠ اسئلة ورا بعض ما عرفت تحلن معناها فرشت ..ال٩٠ الي بعدن رح بكونو مي .. تحكم باعصابك جوا الامتحان
مرح كتر حكي .. اطفو كلشي وسجل خروج من الكوكب وراجعو قد ما بتقدرو 💙
5,638
Elite history

27 Jan, 17:09

ستحلو ولو طال مرّها
11,209
Elite history

18 Jan, 21:30

رح ابعتلكن اياه كل فترة لتتذكرو و ذكر حالي انو قرب الامتحان لكي لا نفرش 💔😂😂
2,604
Elite history

18 Jan, 21:16

دعم معنوي حبايب ئلبي ❤️
لا تثقطو متل بعض عالم
2,750
Elite history

17 Jan, 12:06

⬅️مو دارس شي شو بلحق تاريخ؟
⬅️الموجز ايمت بدرس منو وشو بستفاد منو؟
⬅️الكورس شو رح ينزل عليه فيديوهات جديدة

انضموا لقناة التاريخ 👇
https://t.me/elitehistory5
5,883
Elite history

15 Jan, 17:14

هي للي بحب يطبع كذا نسخة ويتدرب
الله يوفقكن جميعا ويكافئكن عكل تعبكن
5,235
Elite history

15 Jan, 17:10

✅طريقة اولى انت مافي داعي تترك شي لانو فورا عم تحبر بس برجع بقول ما بنصح فيها لانو ممكن تزيغ عينك و تضرب سؤال وتكرج ١٠ او ٢٠ سؤال غلط
✅اذا رح تتبع الطريقة التانية لازم تترك اقل شي ربع ساعة للتحبير
(الافضل ٢٠ دقيقة .. حتى لو ما كنت مخلص كل الاسئلة بس ضل تلت ساعة بتترك من ايدك وبتروح بتحبر الي حليتن )
✅الطريقة التالتة لما بدك تحبر رح تحتاج ٥ دقايق للتحبير واقل لانو انت بالاصل حاطط شخطة او نقطة بقلم رصاص B2عمربع التحبير
لازم تدرب عطريقة من هلق الموضوع ابدا مو لعبة
5,126
Elite history

15 Jan, 16:59

طريقة التحبير..
خدلك استراحة ١٠ دقايق واسمع ❤️
موفقين جدا
4,367
Elite history

15 Jan, 16:59

كيف البروفا يا اساطير؟؟(للي عم يدرس جديد وعم يراجع الحكي ❤️ ❤️)
3,905
Elite history

15 Jan, 16:59

هاد بتمنى ترجعو تسمعو وتدّربو عالتحبير كتير مهم يا شباب تتبعو طريقتكم بالتحبير وتكونو متدربين عليها قبل ما تفوتو عالامتحان
3,983
Elite history

13 Jan, 13:45

مسالخير كيفكن يا اكابر
بما انو هلق عندكن كتير اسئلة بخصوص التاريخ وشو تدرس منها وشو تلحق والخ

ف اي حدا عندو سؤال يبعتلي ياه انستا
وحرد حسب الوقت بالترتيب ان شاء الله

https://www.instagram.com/hasan_alsino?igsh=MTMyMTBhc3EzOGM3dw%3D%3D&utm_source=qr

موفقين كتير❤️
5,549
Elite history

12 Jan, 21:08

الساعة ١٢ و ٨دقائق
الكلاسيكو بدون ريال مدريد
ادراة البرشا تخبرنا بسقوط الريال
6,064
Elite history

12 Jan, 20:59

اذا قلنا مننطر للدقيقة ٩٠
وبدنا ٣ غوال
بس يلا مننطر
قال احلا شي انو تفائلو لما انطرد الحارس
5,551
Elite history

12 Jan, 19:58

وهكذا ترفع الادرينالين ب نص ساعة تشحن طاقتك ل ١٠٠ اسبوع دراسة
اويلييييي عالجمال
4,988
Elite history

11 Jan, 19:07

لما تصعب عليك شي فقرة وما تفهم شي فيها ،شوف شو ممكن يطلع منها أسئلة ؟
وعلى هاد الأساس بتعرف شو تحفظ منها وشو لا

وهيك الموجز بيفيدك بطريقة دراستك من النوطة كمان تعرف كيف تحفظ

بالمناسبة كيفكن طمنوني ؟ حطولي شو عندكم أسئلة هالفترة عن اي شي
5,400
Elite history

11 Jan, 12:05

بحسكن عايشين عكوكب زمرّدة
يا شباب ما سمعتو هاد
اقل شي فوت عاسبوعا دارس ٤ و٢ شبكن
5,318
Elite history

11 Jan, 11:58

الي بيترك التاريخ لاسبوعا انا بورجيه
منتحاسب يا شوية بري 10😂🤝🤝🤝
6,295
Elite history

11 Jan, 10:57

صباح الخير كيفكن🥰
متل ما قلتلكن الطريقة المثلى للاستفادة من الفيديوهات
تشوف فيديو شو ادرس مع النوطة تاشر وتدرس النوطة وتراجع فيديوهات المباحث
هي الطريقة بتختصرلك وقت كبير كتير وبتسرد بالفصل بسرعة

الموجز صار موجود باغلب المحافظات والي لسا ما وصل بيكون بكرا متوفر ان شاء الله
بالتوفيق ❤️❤️
6,845
Elite history

10 Jan, 10:12

1-ماني دارس ولا شي شو اعمل؟
2-الاستفادة من كورس التاريخ
3-هل بقدر ادرس من الموجز كل شي؟
4-بخصوص 3 ايام المراجعة

https://t.me/elitehistory5
10,180
Elite history

09 Jan, 12:56

نصيحة كتير مهمة وان شاءالله كلكن بتوصلوا لهالمرحلة وبتخلصوا هي المادة ع خير وسلامة
وناطر ال١٠٠ات❤❤
6,558
Elite history

08 Jan, 08:06

الحكي فوق كان مزح محدا رح يفرش باذن الله 😂😂❤️
معلش بس هيك شدو همتكن ضل ٣٠ يوم فقط وانت رح تفوت عمعركة تكسير وطحن بينك وبين دماغك الي مرح يترك فكرة سلبية ومرح يزرعا فيك
انت لازم تكون قد الفترة الي جاي وتكون قادر تطلع من الضغط باقل خسائر ممكنة
اسابيع البروفا جدا مهمة لكلا الطرفين من الطلاب
في عالم بتستغلا للاعادة الي هيي جدا مفيدة
وفي عالم بتستغلا انو تخلص التقصير الي عليها
وفي اشخاص من الخوف عم تضيع وقت ومرح تستغل شي
التاريخ التاريخ ممنوع بني آدم يفوت عاسبوعا تارك ١و٢ و٤
يا شباب ممنوع ممنوع انت رح تحكم عحالك ب٧ ايام من الجحيم باسبوع المادة
الموجز مو تترك الكتاب او النوطة وتقول اي يلا هاد بجبلي علامة .. انت عم تلعب قمار هيك
باسبوع المادة ممكن حدا ما يلحق فصل ٣ او ٥ مثلا بيروح بيدرسون من الموجز
فهمت الفاىدة منو ؟
انت معك ١٥ يوم لسا
يعني اذا حدا مو فاتح التاريخ بيقدر يخلص ١ و٤
ربي يوفقكن انتو متل اخواتي ولله وانا عم حكيكن شو صار معي هديك السنة اغلاط وقلكن انو لازم ما تنعمل .. فيك تطبقا وباذن الله ما بتندم
وفيك تعمل الي براسك بس رح تتذكر كلامي
ربي يوفقكن ارفعو راسكن وراس اهلكن رغم الظروف الصعبة
7,492
Elite history

08 Jan, 07:40

8/2/2025
اجاك الدور يا دكتور 💔😂

بس نحنا اليوم8/1

وثيادتو فرش 8/12
ماذا تستنتج ?
6,770
Elite history

07 Jan, 23:06

الموجز هو ملخص للكتاب ع شكل سؤال وجواب
بالاضافة ل اكتر من 40 صفحة تجميعات ومشابهات
عدد الصفحات 112 صفحة فين التلخيص بعدين كل شي تجميعات

اولا بتعتمد ع النوطة الشاملة بشكل اساسي
وما بتعتمد عالموجز من هلق
تانيا الي بيخلص دراسة نوط بيراجع نوط وبيراجع تجميعات الموجز كلن لانو فين ربط كبير بين الفصول وفين تجميعات لكل الفصول
تالتا الي مو ملحق بتدرس نوطة وبس تنزنق لابعد درجة بحيث ماعندك خيار وقتها بتدرس الي ضللك من الموجز

الموجز هو ملخص بالنهاية فلا تقلي قديش بضمن لانو ماحدا بيعرف بس هو بيحتوي 95 بالمية من معلومات الكتاب وبجوز اكتر
منشال شوية حشو بسيط وشغلات مو كتير مهمة

الخميس رح يكون متوافر بكل المحافظات ان شاء الله
وكل ما يتوفر بمحافظة رح خبركن عالقناة هون
5,647
Elite history

04 Jan, 21:01

تجميعات لذيذة من الفصل التاني

هدول كلن ضمن الموجز الي رح خبركن عنو هاليومين بس يتوفر بالمكاتب ورح نزلكن عينة منو

الموجز هو ملخص للكتاب ع شكل سؤال وجواب
بالاضافة ل اكتر من 40 صفحة تجميعات ومشابهات
ف بالمراجعة كتير رح يفيدكن
5,735
Elite history

03 Jan, 13:57

كيفكن يا اكابر
الفيديو كمالة الفصل الخامس نزل عالتطبيق

وحنزلكن النوطة التانية عالتطبيق مشان تدرسوا لوقت تقدروا تجيبوا النوطة

الاتمتات تبع الفصل الخامس رح ينزلوا ع قناة الاتمتة

فيديوهات حزورة التاريخ مستمرين فيها ورح يضل ينزل فيديوهات لنضل متذكرين المعلومات

رح نزلكن فيديوهات مراجعة وتجميعات قريبا متل تبع حضارات الاول

هيك منكون خالصين مادة التاريخ كاملة
بس رح ضل مستمر معكن لنوصل ل علامة ال100

الطلاب الي دارسة شي قليل او لسا ما بلشت عادي ما تاكل هم لسا في وقت
المهم تحط ببالك تدرس المادة وتتابع الفيديوهات وتحفظ كل شي مهم بقلك عليه
وامورك تمام ان شاء الله
8,187
Elite history

31 Dec, 16:38

يسعد مساكن يا شباب
وكل عام وانتوا بالف خير
وان شاءالله تكون سنة سعيدة عالجميع وتحققوا فيها احلامكن❤️

يومين الخميس والجمعة رح ناخد الفصل الخامس ونكون أنهينا المادة كاملة

رح يكون عنا 3 ايام للبروفا بعد بروفات الكيميا والفيزيا
الكيميا رح تبلش ب 1/8 وتخلص ب 1/14
والفيزيا تبلش ب 1/15 وتخلص ب 1/21
التاريخ رح ناخد ايام 22 و23 و24
البيو بتبلش ب 25 وبتخلص ب 2/7
وفحصكن 2/8
يعني البيو الها 14 يوم
فيزيا 7
كيميا 7
تاريخ 3 ايام بروفا منراجعن فين الفصول 2و4 وممكن الاول نلحقو
حتقلي 3 و5 ايمت نراجعن نحن منخلص الجمعة والاربعا بتبلش بروفا الكيميا
ف هي الايام فيكن تراجعوا فيها تاريخ وتدرسوا للعملي

بخصوص المراجعة رح نزلكن فيديوهات تحميعات للمراجعة تكون اسطورية عالتطبيق ف الي حابب يتابع يجيب الكود ويجهز حالو
باسبوعها حنراجع المادة لسا مرة ويوم الجمعة مراجعة سريعة
هيك منكون راجعنا التاريخ كتير وبصمناها

بالتوفيق ❤️❤️
13,422
Elite history

31 Dec, 14:45

حزورة التاريخ الجديدة 👇

https://www.instagram.com/reel/DEPxeYrMxPc/?igsh=MXJ5am1zdTBqcmhtYg==
6,005
Elite history

31 Dec, 13:27

قد ما حكوا عن العين بتضل عيونها الأجمل

من تجميعات الموجز الي حينزل ❤️😂
https://t.me/elitehistory5
6,618
Elite history

31 Dec, 07:21

الحمد لله
8/2❤️‍🔥💚
7,444
Elite history

30 Dec, 23:22

مسالخير يا شباب❤️🔥
⬅️الفصل الخامس رح ندرسو يومين الخميس والجمعة
ويوم الاربعا يكون ترميم للفصل الرابع
لانو هالاسبوع ما ضل عندكن بيو وهيك منخلص المادة كاملة
فيديو الفصل الخامس رح ينزل الاربعا او الخميس وممكن جزء ينزل بكرا
هاد الفصل سردي كتير وكتير حشو
لهيك الفيديو حيكون عالنوطة ورح اشرحلك واربطلك وفهمك اكتر وقلك شو تحفظ

⬅️الموجز الي فيو كل التجميعات المهمة وكل الكتاب ع شكل سؤال وجواب
الاسبوع الجاي رح يتوفر بالمكاتب ان شاء الله
واسالوا بري 8و9 عنو حيخبروكن كيف بيفيد
وطبعا هالسنة عملت عليه تعديل بحيث يصير اكثر شمولية وضفت كتير تجميعات زيادة رح تتفاجأوا فيها

⬅️فيديوهات حزورة التاريخ رح راجعلك فيها تقريبا كل علماء الكتاب ف كتير مهم تشوفوهن وتابعوا حساب الانستا حيضل كل يوم ينزل فيديو وينزلوا عالتطبيق

https://www.instagram.com/hasan_alsino?igsh=MTMyMTBhc3EzOGM3dw%3D%3D&utm_source=qr


⬅️الي ما جاب الكود ومو دارس شي يجيبو لانو بيختصرلك نص وقت الدراسة ورح يكون في فيديوهات مراجعة كتير بتفيد باسبوعها بالكود وطبعا رح ينزل حل دورة بري 9 كاملة بالفيديوهات

⬅️النوطة متوفرة بالجزأين جيبوها مشان تدرسوا وما تقصروا

⬅️اذا مددوا الفحص رح يكون عنا ايام بروفا للتاريخ لنراجع المادة كلها ان شاء الله

بالتوفيق يا اكابر❤️❤️
10,862
Elite history

29 Dec, 15:09

حزورة التاريخ الجديدة👇

https://www.instagram.com/reel/DEKq6vCsOeT/?igsh=MWV2ZXo1encxNHpidw==

كل يومين رح نزلكن فيديو ع الانستا
6,133
Elite history

28 Dec, 11:42

بوست خاص للعملي👇

https://www.facebook.com/share/p/15LAYBGeqe/?
7,535
Elite history

27 Dec, 11:03

صباح الخير يا اشاوس
الي متابعين عالخطة
اليوم عنا المباحث المتبقية من الفصل الرابع
هنن عددن كبير بس كلن قصار وقادر تخلصن
واذا ضل شي بتكملو بكرا
اليوم رح ينزل اتمتات تكملة لكل الفصل الرابع
فيديو شو ادرس من الفصل الرابع موجود كامل عالتطبيق
فيديوهات المباحث للفصل الرابع صارت كاملة عالتطبيق

الفصل الخامس رح نزلو فيديو شو ادرس من الفصل لكن مع شرح وتحفيظ اكبر
ف هو حيكون فيديو واحد مشترك شو ادرس من الفصل مع فيديوهات المباحث

الموجز ان شاء الله الاسبوع الجاي حينزل
بالتوفيق ❤️❤️
11,709
Elite history

27 Dec, 06:14

وقت بتنجح كلو بصير بحبك وبدو رضاك
قليل الي حيدعمك قبل ما تنجح
احذفو انستا وفيس وكلشي(انا حذفتن مبارح 😂)..انسو الاخبار اهم شي دراستنا
بلش العد التنازلي❤️‍🔥
7,500
Elite history

24 Dec, 12:36

صباح الخير يا اكابر
هي اوقات كل فصل

الشخص الي مو مبلش ابدا بكفي تدرس 1و2و4 اذا لحقتن منيح والباقي باسبوعها

الشخص الي دارس فصل او تنين لسا معك وقت تخلص كل المادة

حاليا هالاسبوع والي بعدو بكون خالصين المواد الباقي وبضل عندك تاريخ عطيها اسبوع مع الكورس بتقدر تلحقها كلها
18,391
Elite history

21 Dec, 19:22

يعطيكن العافية يا شباب
حاليا الامتحان غالبا ٢/٨ وبدرجة اقل ٢/١
ف ان شاء الله صار في وقت منيحة
بكرا حنزلكن خطة للي ما بلش ابدا
أو الي دارس بس فصل
بحيث باسبوع مع الكورس تخلص كل المادة

والي ماشي معي عالخطة ف ان شاء الله وقتنا مرتاح وحنخلص ع بكير

والفيديوهات كلها عالتطبيق نازلة
الاسبوع الجاي منكون مخلصين تنزيل فيديوهات الكتاب كلو
بعدها رح بلشلكن بفيديوهات مراجعة وتجميعات بحيث نخلص مراجعة الكتاب كلو بوقت قصير جدا جدا وهالشي كتير بفيد باسبوعها
موفقين❤❤
9,010
Elite history

20 Dec, 13:39

⬅️فيديوهات المباحث ال٤ الأولى صاروا عالتطبيق
⬅️فيديو شو ادرس من الفصل الرابع الجزء التاني صار عالتطبيق

⬅️وهي رابط قناة الأتمتة الكل ينضم
عالساعا ٨ حينزلوا الاتمتات:
https://t.me/elitehistoryquiz
13,394
Elite history

19 Dec, 14:32

يعطيكن العافية يا اكابر ❤

⬅️بكرا ان شاء الله حينزل فيديوهات اول ٤ مباحث فصل ٤ كاملين
⬅️ورح نزل الجزء الثاني من شو ادرس من الفصل الرابع

⬅️فيديوهات المباحث عم تطول شوي بسبب المونتاج ومابدي يطلع شغل مو زابط ف عم نطول شوي
⬅️لهيك انت فيك تدرس من فيديو شو ادرس من الفصل وبس ينزلوا تبعات المباحث بتراجع منن
هيك افضل حل

⬅️كمان حزورة التاريخ منزلكن ٣ فيديوهات ل٣ علماء ورح نزلكن غيرن

⬅️وفيديوهات تجميعات للمراجعة حينزل كرمال الفحص

⬅️يعني بكرا عنا اول ٤ مباحث من الرابع
والاسبوع الي بعدو الباقي من الرابع
وبكرا اتمتات المباحث ال٤ من الرابع عالقناة

بالتوفيق 🥰
9,454
Elite history

18 Dec, 12:42

لكترة الاسئلة مع انو نزللكن ياها الدكتور حسن
هي اهم التواريخ الي لازم تركزو عليها
7,255
Elite history

17 Dec, 09:22

ايام مهمة
الي مضى كان مهم بس مضى
واذا كان في أيام سيئة مضت
كلشي هلق لازم نشوفو هوي من (الزجاج
الامامي)
وقت حساس جدا والدراسة فيه دهب قد ما كنت دارس قبل
هاد الوقت مع اسبوع المادة متل الوقت الاضافي بعد الدقيقة ٩٠
كل ثانية قادرة تغير شي بمستقبلك ..
لا نركز انو راح وقت وممكن ياجلو وممكن يحذفو
خلص بدرس الشي الي بين ايدي وخالصين عملت الي عليي انا
ثقتنا بحالنا قادرة تعمل العمايل ..عدوك هوي (عقلك)
انتصر عافكارو السلبية تكن ملك هذا الزمن ومحدا بينتصر عليك
الله يقويكن ويوفقكن كلكن💚💚
يلا خدو دوبامين تفاؤل 😂😂💚
#هانت
7,861
Elite history

16 Dec, 22:07

مسالخير❤✋

⬅️مدة فيديوهات الفصل الاول ساعة وربع لساعة ونص
مدة فيديوهات الفصل الثاني ساعة و٤٥ دقيقة لساعتين
مدة فيديوهات الفصل الثالث ساعة لساعة وربع
الفصل الرابع قيد التصوير والمونتاج

⬅️يعني كل شي نحن دارسينو اول ٣ فصول فيديوهاتو بتساعدك ع الدراسة اول مرة
وكمان الي حابب يراجع فيراجع فيديوهات حاليا كافي

⬅️النوط متوفرة بالمكاتب
⬅️والاكواد متوفرة

⬅️كمان منزلكن ٣ فيديوهات لحزورة التاريخ عطوني رأيكن بهي الفكرة
⬅️ولسا في فيديوهات تجميعات حتنضاف للكورص مشان اسبوع الفحص

⬅️الموجز ان شاء الله الاسبوع الجاي بينزل ومنحكي عنو

بالتوفيق ✋🔥
7,352
Elite history

12 Dec, 19:02

يعطيكن العافية يا شباب
حاليا بما انو لسا ما حدا مركز لسا وقدران يدرس وهيك
ف مرقوا اول مبحث فصل 4 نازل الفيديو تبعو
ورح ينزل فيديو شو ادرس من الفصل الرابع ان شاء الله

الي دارس فصل 1 يدرس التاني بعدو بعدو الرابع هدول اهم 3 فصول

الي دارس التاني يبلش بالرابع بعدين الاول

الي مو دارس شي يبلش بالتاني بعدين الرابع بعدين الاول

النوطة والاكواد متوافرين بالمكاتب
نوطة جزء تاني حنرجع نبعت أعداد ان شاء الله
بالتوفيق❤️❤️
10,116
Elite history

11 Dec, 21:36

مسالخير يا شباب🥰
بكرا رح نحكي بخصوص كل الناس الي ما بلشت لسا
وبخصوص الطلاب الي دارسة شوي
والطلاب الي دارسة لهلق شو يعملوا

بكرا عودتنا ان شاء الله
النوطة التانية متوفرة بالمكاتب
والاولى كمان متوفرة بالمكاتب

الكود فيو فيديوهات شو ادرس من الفصل
فيديوهات لكل مبحث
فيديوهات حزورة التاريخ
فيديوهات حل اختبارات وقريبا حل دورات
وكمان متوفر بالمكاتب والسعر ٢٠٠ الف متل قبل

بالتوفيق يا شباب❤❤
10,025
Elite history

11 Dec, 12:41

🚨🚨 بعض الاشاعات المغلوطة المنتشرة

- لا صحة لإلغاء السنة التحضيرية لهذا العام
- لا صحة لإلغاء العام الدراسي لهذا العام

🚨 بعض القرارات قيد النقاش للتطبيق

- تعديل تقويم الامتحانات الجامعية
- إقامة دورة تكميلية
- إعادة طلاب المحافظات للدراسة في جامعة محافظتهم الأصلية
- إلغاء سنة الإمتياز
- الغاء الالتزام في دراسة بعض الأفرع الجامعية

🚨 نهيب بالطلبة عدم الانجرار وراء الأخبار غير الموثوقة

يُنشر و يُعمم
https://t.me/NewSyria8_12/285
8,442
Elite history

25 Nov, 19:12

طريقة التحبير..
خدلك استراحة ١٠ دقايق واسمع ❤️
موفقين جدا
1,667
Elite history

24 Nov, 20:50

طلاب #اللادقية الي حابب يسجل ع اختبار الفصل الثاني تاريخ بالمعهد

الاختبار حيكون يوم الاربعا عالساعة ١ (رح خبركن المكان ببوست قادم)
كرمال العملي وهالقصص فبتوقع الكل بيقدر يجي هيك وحتى فيك تغيب جلسة عادي

بس حل هاد الاختبار مهم وجو الاختبار نفس جو الفحص الاخير لانو رح راقبك بالفحص😂😂

وكمان بس نخلص مناخد اسئلتكن وبجاوبكن عليها ومنحكي شوي بالمادة وشو الصعوبات وكيف نتجاوزها

الي حيجي اكيد وحابب يسجل ع الاختبار يتواصل ع حساب الفريق
يبعت اسمو الثلاثي ورقمو كرمال التثبيت👇
@Eliteprem

بالتوفيق يا اشاوس❤❤
3,125
Elite history

24 Nov, 20:13

🔴رسالة كتير مهمة بالتاريخ ردا ع استفسارات صعوبة المادة :

⬅️التاريخ بس بدك تربط شوية مواضيع سوا
وحاليا مهمتنا بقلب السنة انو نفهم اغلب الافكار ونحفظ قد ما منقدر وعملنا الكورس مشان هالشي مشان عالاقل تحفظ ٧٠ بالمية من معلومات الفيديو والشي الي بركزلك عليه وتركز ع النكشات الي بقلك عليها بالاتمتات ع قناة الاتمتة

⬅️باسبوعها رح نعمل فيديوهات كتير ربط وسريعة بحيث تخلص مراجعة بوقت قياسي وتتذكر اكتر شي مهم

⬅️التواريخ ركز ع الي بنزلن بس
الشغلات الي كتير مبينة عامة مالها داعي تقعد تحفظ بصم اسم اسم متل النباتات الي مو حاطينلك شو وظيفتها
⬅️موضوع شو تحفظ حاططلك فيديوهات اسمها شو ادرس من الفصل هدول الفيديوهات بقلك عالنوطة شو لازم تبصم وشو قراءة وشو تفهم بس

⬅️المادة جامدة وبصمية كتير بس بتندرس حتى بدون قصص من خلال هي الفيديوهات والذاكرة البصرية بالنوطة

⬅️وكمان مشان الشغلات الي بتخربط رح نزلكن موجز فيو كل شي تجميعات بالمادة وكتير بيساعد ع ترتيب الافكار

⬅️واي سؤال بعتولي ع حساب الانستا بخصوص دراسة هي المادة وشو صعوبتك فيها وبقلك كيف تلاقي حل
https://www.instagram.com/hasan_alsino/profilecard/?igsh=MTMyMTBhc3EzOGM3dw==
4,069
Elite history

24 Nov, 20:02

⛔ الرسالة المثبتة لمادة التاريخ ⛔
◀️مقدمة التعريف بمادة التاريخ ضروري تحضروها 👇🏻
https://youtu.be/zJTAi3eVUxU?si=OPr44BNeOU_t4NeA

◀️عينة الكورس👇🏻
https://youtu.be/2HmuI7fjV7s?si=ruFs75wa3WJDWnMI

◀️عينة النوطة الي حندرس منها 👇🏻
https://t.me/elitehistory5/6602

◀️رابط الخطة 👇🏻
https://t.me/elitehistory5/6716

◀️قناة التاريخ:
https://t.me/elitehistory5
◀️رابط غروب المناقشة :
https://t.me/+nMET5kF-csUxYWRk
◀️رابط تحميل التطبيق :
https://t.me/elitehistory5/6606
◀️المكاتب المعتمدة :
https://t.me/elitehistory5/6614
1,799
Elite history

23 Nov, 19:58

حابب بس ذكر بشغلة كتير مهمة يا شباب منشان تشيلوا من طريقكن من هلق ❤️
دكتور سينو عم يعمل اختبارات مؤتمتة ورقي صح ؟
انت شو مهمتك غير انو تحلو .. بتنزل ورقة اتمتة للاجابة pdf
وبتروح عالمكتبة بتطبعا
وبتتعلم التحبير من هلق ..ليش ؟؟
تعال لقلك .. انا بامتحان البيو ٢٠ سؤال ولله يا شباب حاللن بس غلطت بالتحبير ..كرجو ٢٠ سؤال قدام عيوني غلط ..وفرشت بالمادة 💔
هاد الحكي مو لخوفّكن ولله .. منشان ما يصير فيكن متلي ..اعتبروني اخوكن بربي الشغلة بتموت من القهر بعد تعب وسهر راحو هيك وفرشت طلعت عم ابكي ..
المهم انا مو جايني شي غير انو ما يصير مع حدا هيك ... بتعملو متل ما قلتلكن وانا رح نزلكن فويس عن قريب كيف بتحبرو وبتدربو عليها والي بقلك بكير عالتحبير بكون كذاب كل سنة طلاب بتروح علامات من ورا التحبير
وتصبحو عخير ..موفقين كتير ❤️❤️
واذا في اسئلة تفضلو

اختبار الفصل الثاني رح يكون فيه ورقة أتمتة جاهزة لتحبر عليها
2,810
Elite history

23 Nov, 14:57

يعطيكن العافية 🥰

اختبار الفصل الثاني صار جاهز ومن بكرا بتلاقوه بالمكاتب
٥٠ سؤال لازم يخلص معكن ب اقل من ٤٠ دقيقة
حاططلك كمان ورقة اتمتة ببدايتو مشان تحل عليها

طلاب اللادقية وطرطوس بجوز يوم الاربعا والخميس نعمل هاد الاختبار بمعهد
فجهزوا حالكن لوقتها ولا تجيبوه هلق مشان اذا عملناه وقتها دغري تجيبوه من المعهد

بالتوفيق ❤
2,945
Elite history

23 Nov, 10:36

صباح الخير كيفكن
اليوم رح نعمل بث مباشر فيديو ع الانستغرام نجاوب فيه ع كل اسئلتكن
حيكون موجود نوار ودالاتي والياس كمان معي
البث حيكون شي الساعة ٨-٩

وهي رابط الحساب تبعي الي حنفتح منو البث عملوا فولو مشان وقت نزل يجيكن اشعار
https://www.instagram.com/hasan_alsino/profilecard/?igsh=MTMyMTBhc3EzOGM3dw==
3,014
Elite history

22 Nov, 16:58

اهم تواريخ كامل كتاب التاريخ بعتوها لكل رفقاتكن
⬅️هل ممكن يجي غيرن؟
ممكن لكن نسبة ضئيلة جدا جدا وولا سنة اجا غير تواريخ الجامعات
⬅️شو بتنصحني اعمل دكتور احفظ كل شي تواريخ؟
صديقي مافيك تحفظ كل تواريخ الكتاب ولا كل تواريخ ولادات ووفيات العلماء الأمر شبه مستحيل
وحتى في تواريخ غلط فيهن فالوزارة ماعم تجيب منن
⬅️الفصل الثاني كلو ولادات ووفيات ما مهمين لهيك ما حطيت شي منن
برأيي دروس هدول بكفوا واجا غيرن بلا سؤال يعني مارح تخرب الدنيا بس فعلا مافيك تحفظ كل شي وتضيع وقتك فيهن في شغلات كتير اهم لازم تحفظن
بالتوفيق ❤❤
https://t.me/elitehistory5
5,389
Elite history

22 Nov, 16:24

22/12
تخيل تخيل هالوقت وركز فيه....
حيكون نازل برنامج امتحانكن وحيكون كل الطلاب الي ملحق والي مو ملحق والي بدو يلحق ينفد بجلدو  ... وغالبا بتكون اول مادة بيو فبينترك قبلا ١٤ يوم
فتقريبا بداية الشهر 1 كل الطلاب بتكون مبلشة بيو (اذا كان مخلصا او مو مخلصا ).. يا جماعة ركزو فهمو وين انتو ..فهمو وين صرتو وشو ضل .. معك شهر ونص  تقريبا لحتى تكون تارك كلشي من ايدك وبدك تبلش باول مادة .. يا جماعة لا تخلو التعب يسيطر عليكن ولا تخلو الشيطان يخدعكن ويقلكن انو انتو خلص حتفشلو ودراستكن هيك هيك ما منا فائدة ومرح تلحق وكلو عالفاضي وانت فاشل مرح تحقق حلمك
ركز معي انت ما بدك حدا يشجعك ..شو ولد صغير ؟؟ طالما لسا الله عاطينا فرصة لنكمل يومنا ونحنا لسانا عايشين مافي شي اسمو انتهى .. انتهى كلمة للضعاف الي بيستسلمو وبقول ظروفي هيك ..بكرا بس تطلع علامتك محدا رح يقول اي هاد خطي صار معو هيك ...كلو بهمو النتيجة وانت نفسك بتعرف هالحكي ... استهدو بالرحمن  وافتحو صفحة جديدة وتوكلو عالله .. الغو كلشي من الحياة حاليا فترة جدا جدا حساسة ومفصلية ولله ...انت بمنافسة مع افضل اشخاص ضمن مجالك  مفي مجال للهروب..
التاريخ التاريخ.. مانك دارس  او مقصر او دارس ..كل يوم ٣ ساعات الصبح كل يوم بتدرس مبحث او مبحث ونص ..اذا كبير قسمو ع ٣ ايام .. ممنوع بني آدم يفوت عاسبوعا مو مخلص ٢ و٤ و١
خايف تعبك يروح عالفاضي ؟ لا حبيبي لا .. الله موجود تاكد هوي عرفان شو انت ووين انت وكيف عم تتعب وتشوف رفقاتك عم يتسلو وانت مزنوق زنقة بدا عفو الله ..
ربي يكون معكن ويجبر بخاطركن ويسهل عليكن الصعوبات كلا ويفرح قلوبكن ...
واذا كل الحكي فوق ما حرك شي فيك رح قلك كلمتين ( تذكر أهلك ❤️) تذكر انو انت بايدك انو تفرحن او تخليهن يبكو زعل
لا تخاف نحنا هلق 22/11😂❤️
2,931
Elite history

22 Nov, 15:35

المصطلحات المطلوبة منك بكامل كتاب التاريخ
طبعا ممكن يجي أسئلة مصطلحات
بالبري ٨ اجا ٣ أسئلة مصطلحات فلازم تحفظن
بالتوفيق ❤❤
كل هالتجميعات حيكونوا موجودين بالموجز بعد اسبوعين بينزل
https://t.me/elitehistory5
5,056
Elite history

21 Nov, 20:53

مسالخير❤❤❤
بكرا عنا اول ٣ مباحث بالفصل التالت
والاتمتات عالساعة ٩

اي حدا ما بلش يبلش بالفصل التاني دغري واهم فصل بعدو هو الرابع وبعدو الاول

ع خطتنا ضل ٥ اسابيع غير بكرا منخلص ب٢٧/١٢ وممكن أقل

الاسبوع الجاي بس نخلص التالت منكون خلصنا تلتين المنهاج وبضل تلت فقط

الي ماعم يلحق ابدا عالاقل يحضر الفيديوهات بكون هيك عم ياخد ٧٠ بالمية من معلومات الدراسة ف هيك احسن من بلا شي
رح يكون في فيديوهات مراجعة أسطورية كتير ك تجميعات مع الكورس مشان باسبوعها نعيد كذا مرة

اشتركوا بقناة الاتمتة مشان تحلوا ورا كل مبحث

اي سؤال حطوه بالتعليقات بالتوفيق ❤❤
3,823
Elite history

20 Nov, 09:10

صباح الخير 🥰
هاد الأسبوع عنا المباحث ال٣ الأولى من الفصل التالت مانن صعبين وسلسين وان شاءالله بيمرقوا بسرعة
عملتكن كم قصة ظريفة عليهن
وحكيت أهم الشغلات الي لازم نحفظها كرمال ما تضيع بالحشو
وفي كم سؤال ممكن يجي نبهتكن عليهن

الاتمتات يوم الجمعة عال٩ بهدول ال٣ مباحث

مافينا ناخد استراحة من التاريخ مشان ما نقصر
الي متأخر أو ما بلش يجيب الكود ويشوف الفيديوهات ليمشي بسرعة متل ماحكينا

في كتير فيديوهات حلوة محضرلكن ياها كمان مشان اسبوع المادة نراجع كتير بسرعة

بالتوفيق❤❤
4,025
Elite history

19 Nov, 15:05

الفصل الاول كامل ساعة وربع
الفصل الثاني كامل ساعة وتلت رباع
يعني كل شي نحن دارسينو عالخطة هو 3 ساعات مدة فيديوهاتن بكورس التاريخ لايليت

فاي حدا مو مبلش اذا شاف الفيديوهات وركز فين منيح بيكون حفظ 70 بالمية من المعلومات المهمة وهيك بدو يوم لكل فصل بس دراسة من النوطة بيخلص الفصلين

فاي حدا ما بلش تاريخ لسا قدامك فرصة انك تلحق بس جيب الكورس وشوف الفيديوهات يومين بتلحق الخطة وبتمشي معنا بس المهم انك تبلش
هي الفيديوهات كتير بتختصر عليك وقت وبتساعدك بالحفظ واغلب الي تابع وجرب شاف هاد الموضوع وصار ماشي كتير منيح

بالتوفيق❤️❤️
7,493
Elite history

16 Nov, 18:43

مسالخير 🥰
الموجز بالتاريخ لايليت الي صرلو سنتين ينزل وكان الكل يمدح فيه
خصوصي التجميعات الموجودة
رح ينزل ان شاء الله بعد اسبوعين

لانو حاليا بدي ياك تدرس النوطة الشاملة
الموجز هو كامل الكتاب ع شكل سؤال وجواب بعدد صفحات قليل
وكمان فيو تجميعات لكل شي ممكن يخطر ببالك متل الي عم ينزلوا عالقناة

مشان ما تتسرع وتجيب شي مو مجرب أو مو معروف
فاستنى الموجز الموثوق وكتير طلاب تابعت منو ووصلت علاماتن فوق ال٩٥

ما تدرس من اي ملخص حاليا ابدا
ادرس من النوطة الشاملة مشان ما ينقصك علامات
والموجز بتراجع بعد الفصل أو بتدرس من التجميعات بس تخلص الفصل وباسبوع المادة كتير بيفيدك

وطبعا الموجز تنسيقو رهيب وكتير بيساعد عالحفظ لانو كلو جداول
مو مجرد كلام متل الكتاب ورا بعض وبس تعداد نقطي لانو الجداول يساعدك عالذاكرة البصرية

موفقين❤❤
6,807
Elite history

16 Nov, 11:56

نتيجة مسابقة التاريخ
بعد اذنكن تواصلوا معي ع الانستا
لتحصلوا ع الكود
https://www.instagram.com/hasan_alsino/profilecard/?igsh=MTMyMTBhc3EzOGM3dw==

بالتوفيق ❤❤
4,700
Elite history

16 Nov, 01:00

بالنسبة لكل الطلاب الي لسا ما بلشت
ف هي اوقات دراسة كل فصل
كرمال تعرف قديش بتحتاج وقت دراسة لهي المادة

برأيي اهم شي تخلص ٢و٤ وبعدين ١ وبعدين ٣و٥ هاد الترتيب الي لازم اي حدا مابلش يمشي عليه

طبعا مع الفيديوهات لسا فيك تختصر مدة الدراسة اكتر واكتر
لانو الفيديو بس تشوفو وبعدين تدرس بتكون اختصرت اكتر من نص الوقت
ف كتير بيفيديكن خصوصا الي دارس قليل أو لسا ما بلش
الكورس متوفرة بالمكاتب تبع الفريق
والنوطة الجزئين صاروا متوفرين بمكاتب الفريق
موفقين بعتوها لكل رفقاتكن❤
https://t.me/elitehistory5
9,149
Elite history

15 Nov, 17:30

🚨أهم كتب الفصل الثاني بتبصمن متل اسمك هدول :
1. كتاب أخبار العلماء بأخبار الحكماء ⬅️ للقفطي
2. كتاب طبقات الأطباء والحكماء⬅️ لابن جلجل
3. كتاب البواسير و كتاب الأدوية المفردة ⬅️ لعيسى بن قسطنطين .
4. كتاب الكامل ، كتاب الأدوية المسهلة ، كتاب الجنين ، كتاب الجذام ، كتاب السموم وعلاجها ، كتاب الفصد ، كتاب الحجامة ، كتاب القولنج ومعرفة العين وطبقاتها ، كتاب الصداع ⬅️ لابن ماسويه .
5. كتاب في أوجاع الكلى والمثانة ⬅️ لثابت بن قره .
6. كتاب النبات ⬅️ للدينوري .
7. كتاب الجبر ، كتاب العمل بالأسطرلاب⬅️ للخوارزمي .
8. كتاب المدخل في الطب الجامع ، كتاب المختصر في الطب ، كتاب المغيث في الطب ، كتاب المعروف باسم القانون الصغير ، كتاب الأطعمة والأشربة ⬅️ لأبو علي أحمد بن مندويه .
9. كتاب الجامع في أصول الحساب ، كتاب شرح أصول إقليدس في الهندسة ، كتاب تحليل المسائل الهندسية والأشكال الهلالية ، كتاب في الهالة وقوس قزح ⬅️ لابن الهيثم .
10.فردوس الحكمة ⬅️ علي بن ربن الطبري
11.كتاب الحاوي ⬅️ الرازي
12.الاقرباذين ⬅️ سابور بن سهل الكوسج
13.زاد المسافر ⬅️ ابن الجزار القيرواني
14.المعالجات البقراطية⬅️ احمد بن محمد الطبري
15.كامل الصناعة الطبية (الملكي) ⬅️ الاهوازي
16.التصريف لمن عجز عن التأليف ⬅️ الزهراوي
17.القانون ⬅️ ابن سينا
18.التيسير في المداواة والتدبير ⬅️ أبن زهر
19.كتاب الكليات ⬅️ ابن رشد
20.دلالة الحائرين⬅️ موسى بن ميمون
21.الافادة والاعتبار - المجرد⬅️ عبد اللطيف البغدادي
22.العمدة في صناعة الجراح⬅️ ابن القف الكركي
23.تذكرة اولي الالباب⬅️ داوود الانطاكي
24. منهاج الركان ودستور الاعيان ⬅️ كوهين العطار
25.بستان الأطباء وروضة الالباء ⬅️ ابن مطران
26.قصص وحكايات المرضى ⬅️ الرازي
🔴 كتاب عيون الأنباء في طبقات الأطباء ⬅️لابن أبي أصيبعة .
🔴 كتاب عيون الأنباء ( نفسو كتاب عيون الأنباء في طبقات الأطباء بس هنن عم ياخدو أول جزء من الاسم الكامل ) ⬅️ لابن أبي أصيبعة .
🔴 كتاب طبقات الأطباء ( نفسو كتاب عيون الأنباء في طبقات الأطباء بس هنن عم ياخدو تاني جزء من الاسم الكامل ) ⬅️ لابن أبي أصيبعة .
https://t.me/elitehistory5
4,657
Elite history

15 Nov, 16:55

شوية ملاحظات عن اليوم :
⬅️الاتمتات صاروا مجدولين ع قناة الاتمتة
بينزلوا عالساعة ٩ ان شاء الله للساعة ١٠ الا ربع

رح نزللكن اهم الافكار للمباحث تبع الفصل الثاني ع قناة الأتمتة هدول كتير بيفيدوك بالمراجعة

رح نزلكن كمان تجميعات ع قناة الاتمتة فيما يخص الفصل الثاني كتير مهمين تشوفوهم

كل شي بينزل بعد الاتمتات
فضلوا متابعين قناة الاتمتة منيح 🔥

في معلومة بالمباحث الثامن تبع صفات الطبيب الفاضل مكتوب انو يكون ذكورا هي ما كتير موضحين معناها فكرنا قصدن انو يكون ذكر لكن في كتير طبيبات كانوا وقتها بالعصر هداك فممكن يكون قصدن انو صاحب ذاكرة منيحة
ما كتير هي مهمة اساسا هي بتجي الكلمة نسخ لصق ف انت حافظها بكل الأحوال

رح نعمل اختبار بالفصل التاني متل الفصل الاول وشفتوا قوة الأسئلة وكيف مهم نحل الاختبار لانو كتير مننتبه ع نكشات
5,055
Elite history

15 Nov, 10:48

صباح الخير 🥰

مدة فيديوهات الفصل الثاني كاملا هنن ساعة و٤٥ دقيقة
متخيل فصل كامل بعبع واصعب فصل بالكتاب عاملك فيديوهاتو بس ساعة و٤٥ دقيقة
فأنت بس تخلصو قدران بساعتين تراجعو كامل من خلال الفيديوهات بس

بكرا هدول الفيديوهات بالمراجعة كتير كتير حيفيدوك يعني كامل الكورس حيكون اقل من ٨ ساعات ف قدران تراجع كل المادة بيوم فالفيديوهات كتير كتير بتفيدك

عال٩ الاتمتات رح تنزل ع قناة الاتمتة وكمان رح نزلكن اهم الافكار وشغلات لذيذة

بدي منك تحاول اليوم تنهي الفصل الثاني كاملا وهيك بتكون انهيت نص كتاب التاريخ تماما

الي مابلش دغري يبلش بفيديوهات التاني مشان يقدر يختصر وقت ويلحق معنا
6,130
Elite history

15 Nov, 05:11

شبك ؟؟؟
بتعرف انو كل الدنيا ناطرة انو تفشل ؟؟ روح قلبا الناس تشمت وتحكي .. شو ما كنت دارس ..بتقوم بتحرق الاخضر واليابس ..كل الدنيا عندا ظروف ..انت بتقوم بتكبا وبتروح بتبلش درس وبتعاهد حالك انو هي كل طاقتي يا ربي ..وانت يا رب عطيني من كرمك ❤️
جمعة مباركة كلا نشاط وانجاز وتفاؤل
شد عحالك واسمع شو بقلك دكتور سينو و حاول لحقو معلش اسهر اتعب كسر الدنيا المهم توصل ❤️
Don't give up
4,266
Elite history

14 Nov, 20:17

مسالخير🥰🥰

⬅️بكرا عنا تكملة الفصل التاني
يعني حيكون يوم مضغوط ولازم تدرس بأقصى طاقتك لتلحق واي شي بضللك بتمرقو ضمن الاسبوع
بعد نهاية الفصلين ١و٢ هيك منكون انهينا نصف مادة التاريخ كاملة
وضللنا نصف أسهل من الأول

⬅️الاسبوع الجاي رح نبلش بالفصل التالت
لهيك اي شخص لسا ما بلش ف الوقت عم يداهمك وماعاد تلحق تخلص المادة إذا لسا تأخرت
فبدك تبلش دغري بالفصل التاني وبعدين الأول بتصير تمرقو شوي شوي
المهم يخلص التاني معك وتحاول توصللنا

⬅️الفيديوهات ان شاء الله بكرا بكونوا عالتطبيق وهدول الفيديوهات مزبطلكن ياهن كتير لانو الفصل التاني كتير مليان حشو فأنا قلتلك ع شو تركز وشو تبصم

⬅️النوطة والكود متوفرين بالمكاتب جيبن وبلش

⬅️في فقرة جديدة رح نعملها
كل يوم رح نزلكن صورة مضحكة تذكرة لشي مر معنا وهيك بتضلوا تتذكروا معلومات مرت

والكل ينضم ع قناة الاتمتة
الاتمتات بكرا عالساعة ٩ 👇
https://t.me/elitehistoryquiz
موفقين كتير واي سؤال حطوه بالتعليقات ❤🥰
6,578
Elite history

13 Nov, 17:22

تذكرة باول فصل😂
4,054
Elite history

12 Nov, 12:54

مرحباااااا
اخيرا اول قسم من المبحث الخامس فصل تاني صار عالتطبيق
ضل قسم حينزل كمان
وحينزل المباحث ٦-٧-٨-٩ من هون للجمعة

هالاسبوع عنا شوية ضغط لكن انتوا قدها ومنقدر نلحق ان شاءالله
بعدها بصير كل شي أسهل لانو التاني هو اغلظ وأصعب شي

الاتمتات كلن يوم الجمعة لهدول ال٥ مباحث عالساعة ٨ أو ٩ مشان نلحقن كلن

الاسبوع الجاي حينزل اختبار للفصل الثاني كامل ان شاء الله

الي ما بلش لسا يبلش ضروري لانو بعد هيك صار في صعوبة يلحق كل شي
جيب النوطة والكود وبلش دغري بتاني فصل اهم شي وبعدين بتمرق الاول بس المهم تبلش تمام؟

رح اعملكن فيديوهات كتير لذيذة لمراجعة شوية معلومات سوا عن عالم معين مثلا
موفقين كتير❤
9,801
Elite history

10 Nov, 15:37

بوست من كنكنة الشتوية لذكرك بشي كتير مهم .. كتير طلاب بتنساه 😂❤️👇
تفاعلوا و تاغوا لبعضكم ❤️

https://www.facebook.com/share/1x77C4ukg2JuVxKq/
4,500
Elite history

09 Nov, 19:12

مسالخير ❤❤

فيديو شو ادرس من الفصل التاني جزء ٢ صار عالتطبيق

بكرا رح ننزل قسم كبير من فيديو المبحث الخامس

وبما انو عندكن فيزيا عطلة فرح ناخد بكرا للتاريخ منخلص فيه المبحث الخامس

ويوم الجمعة رح ندرس المباحث ٦-٧-٨-٩
والاتمتات يوم الجمعة للمباحث ٥-٦-٧-٨-٩
ضمن الاسبوع الجاي رح نعمل اختبار للفصل الثاني كامل ان شاء الله
بتراجعوا من الفيديوهات كافيين

فيديوهات المبحث الخامس فين كتير قصص كرمال يتسهل الحفظ ف دغري شوف الفيديو بس ينزل لتبصمن منيح
وحتى تبع المدارس بنهاية المبحث الخامس عاملكن عليهن قصص حتحفظوهن دغري

الي لسا ما بلش بكرا يجيب الكود والنوطة ويبلش دغري بالفصل التاني

بالتوفيق❤
7,448
Elite history

09 Nov, 11:50

مسابقة ع كودين لمادة التاريخ
جخوا❤😂

https://www.facebook.com/share/1BUuTdE5Cp/
5,506
Elite history

08 Nov, 13:32

هايز غايز😘
المبحث الرابع صار عالتطبيق فيكن تدرسوه دغري
جزء من المبحث الخامس اليوم بينزل عالتطبيق كمان
بما انو عندكن عطلة بكرا فيزيا فيكن تدروا فيها تاريخ ونكمل الخامس كلو

شو بدي ادرس من الفصل التاني جزء تاني كمان اليوم رح ينزل عالتطبيق

الاتمتات تبع المبحث الرابع عالساعة ٩
5,706
Elite history

08 Nov, 04:36

يسعد صباحكن🥰
بعد ما صورت كامل المبحث الخامس صار مشكلة بالفيديوهات وما عاد لحقناه كامل
لهيك ححاول نزل جزء منو وفي جزء حنأجلو
ف اليوم فيكن تدرسوا بيولوجيا تكفوا الفصل التامن وتخلصوا المبحث الرابع
والاسبوع الجاي مثلا يومين ورا بعض بتدرسوا تاريخ
او هلق قسم من الخامس وقسم ضمن الاسبوع بتمرقوه

المبحث الخامس هو شوي طويل وغليظ بس بالفيديوهات كتير عملتلكن قصص بحيث نحاول نغطي اكبر قدر ممكن وبضل شوي بدنا نحفظن

بخصوص الاتمتات اليوم عال9 في اتمتات المبحث الرابع فقط

بخصوص فيديو شو ادرس من الفصل نازل باول قسم المبحث الرابع والضهر او العصر بينزل تاني قسم ليكمل الفصل كامل

في نمط فيديوهات كتير حلو عم جهزلكن ياه وكتير رح يعجبكن ان شاء الله

موفقين كتير ❤️❤️
8,673
Elite history

06 Nov, 19:54

هايز🥰
شوية نقاط عن خطة هاد الاسبوع
1-نحن عنا المبحثين 4 و5 من الفصل الثاني هاد الاسبوع
المبحث الخامس جدا طويل واغلبكن ممكن ما يلحقو
لهيك رح خلي 4 صفحات منو للاسبوع الجاي
من عند المدارس بالعهد العباسي هدول للجمعة الجاية

2-هاد الاسبوع رح نزلكن فيديوهات هدول المبحثين ورح نزل اتمتات للمبحث الرابع فقط
المبحث الخامس اتمتاتو لخطة الاسبوع الجاي

3-فيديوهات المبحث الخامس هنن اقوى شي انعمل ضمن الكورس لهلق
كتير ربطتلك الاسماء بجمل مارح تنساها
وكتير ركزتلك ع جمل ممكن تجي نكشات بهاد المبحث وكل سنة بجيبوا منو فوق ال10 اسئلة لهيك كتير كتير مهم تحضر الفيديو تبعو

4-الي لسا ما جاب الكورس والنوطة وما بلش
ف بكرا فرصة ذهبية لتبلش لانو بعد هيك بصير صعب تلحق كل شي وحتنزنق جدا

5-الفيديوهات كتير بتساعد باختصار الوقت اذا لسا ما بلشت وكتير بسهلولك المادة
لهيك جدا مهم تشوفن وجرب بنفسك مع فيديوهات وبدون ورح تلاحظ فرق كتير كبير

6-الاسبوع الجاي منكون خلص نص مادة التاريخ وهاد يعتبر انجاز وهي اول سنة الطلاب بتاخد المادة بشكل جدي وبيمشوا فيها منيح وان شاء الله بنهاية الفصل حيكون علامات ال100 وال90 ما بينعدوا فلا تكون علامة قليلة والكل يسبقك بهي المادة

7-نزلتلكن فيديو حل الاختبار عالتطبيق الكل يشوفو
وهو مجاني يعني مابدو كود
حيصير ينزل فيديوهات حل دورات واختبارات خاصة لكل مشتركي الكورس ورح دربهن ع النمط كتير ف كتير مهم تجيب الكود من هلق كرمال تمشي معنا منيح

8-بخصوص النوط ف نوطة ايليت شاملة لكل شي حتى الهوامش لكن في نوط لغير فرق ممكن تكون ناقصة وتروحلك علامات وهاد الشي صار بالبري 9و8 فتأكد من نوطتك وقارن الفصل الاول كامل بالكتاب واذا في شي ناقص ف تركها وبلش بنوطة ايليت

بالتوفيق يا اكابر❤️❤️
11,004
Elite history

05 Nov, 17:39

مسالخير 🥰

كيف اموركن كيف الدراسة
في حدا لسا ما بلش تاريخ؟
وايمت ناوي يبلش😂

بخصوص تواريخ الفصل الثاني فمافي اي تاريخ مهم ما تحفظوا شي منن

بخصوص الفيديوهات ان شاء الله الجمعة حينزل الرابع والخامس إذا ضل شي ممكن نخليه للأسبوع الجاي كونو كتير كبير وبجوز ما تلحقوا تدرسوهن كلهن

الي لسا ما جاب النوطة والكود يجيبن ويبلش لانو الوقت عم يداهمك

قناة الاتمتة مهمة الكل ينضم لانو عم انشرلكن شغلات صعبة لتتعودوا واي شي بيجي بصير بينحل
وكل شي نكشات ع نمط دورة بري ٩ ممكن يلعبوا فيها عم قلكن ياها بالفيديوهات

موفقين واذا حدا عندو سؤال يا اكتبو بالتعليقات يا بعتلي ياه انستا 👇
https://www.instagram.com/hasan_alsino/profilecard/?igsh=MTMyMTBhc3EzOGM3dw==
6,860
Elite history

05 Nov, 01:07

انضموا ع غروب المناقشة تبع التاريخ كرمال اي سؤال عندكن 👇
https://t.me/+nMET5kF-csUxYWRk
5,136
Elite history

04 Nov, 12:57

حبيت نزلكن هاد السؤال عالقناة مشان الكل يستفيد
الجواب كالآتي:

بتمشي معنا بالفصل التاني يعني عالخطة

ف هيك انت معك الفصل الاول مانك دارسو ف شو بتعمل
بتصير كل اسبوع بتحاول تمرق مبحث من الفصل الأول مع الفيديوهات ما بياخد اكتر من ساعتين تلاتة
وهيك بعد ٨ اسابيع بتكون تقريبا رح تخلص مادة التاريخ كاملة وهيك كأنك مو مقصر ابدا
يعني بس تشد شوي بيمشي الحال

كتير مهم تهتم بالمادة من هلق وطالع لانو بعد اسبوع بتصير ماعاد تلحق تخلصها وحتصير عبئ عليك
وطبعا مافي داعي ذكرك انو المادة عليها ١٠٠ واهميتها كبيرة وهي الي رح ترفعلك معدلك
بالتوفيق❤❤
12,523
Elite history

03 Nov, 19:30

الرسائل الي بتخلينا نستمر ونعطي كل شي عنا

لا تضل مستني تبلش ولا تضل تماطل حط هالمادة وخلص فوت فيها وشوف لوين بتوصل

أول خطوة هي الصعبة بعدها كلو بصير اسهل ولحالها بتمشي امورك

إذا عم تواجه صعبة فالفيديوهات كتير حل مثالي ليساعدك
والنوطة الجزئين الاول والتاني صاروا بالمكاتب
جيب كل شي بيلزمك وبلش

الي عندو سؤال يحطو بالتعليقات
5,389
Elite history

02 Nov, 19:23

مسالخيررررر🥰🥰

فيديو شرح حل الاختبار نزل عالتطبيق
خبرتك كيف كل سؤال شو الصح وشو الخيار الخطأ وكيف تحل هيك نمط وطبعا فيو حل لدورات البري ٩
وهو مجاني يعني الكل بيقدر بشوفو مو بس مشتركي الكورس

بكرا رح ينزل فيديو حل دورات الفصل الاول كمان بنفس الطريقة بشرحلك كل سؤال ليش هيك جاوبنا
هاد الفيديو مدفوع حيكون يعني الي جايبين الكورس

شوفوا فيديو حل الاختبار وعطوني رأيكن فيه😂❤

بكرا الكورس والنوطة متوفرين بكل المكاتب

بالتوفيق❤
5,008
Elite history

02 Nov, 10:51

صباح الخير 🥰
بدكن اشرح حلول الاختبار وليش حلينا كل سؤال هيك؟

ومين لسا ما حل الاختبار يحاول يحلو هاد الأسبوع

اي ساعة حابين نزلكن شروحات حل الاختبار
5,384
Elite history

01 Nov, 22:48

هي الفكرة الي حابب قلكن عليها ولاحظتوها من حالكن
انو الكل بقلك لا تجيب وما بفيد ولحالك ومابعرف شو
بس هي الفيديوهات كلها بتختصرلك وقت وكتير بتسهلك الحفظ بالاضافة انو في تجميعات وفيديوهات شو ادرس من الفصل
يعني شي كتير بفيدك

وتصبحوا على خير ❤️❤️
5,483
Elite history

01 Nov, 17:44

مسالخير❤
كيف اموركن كيف الدراسة

كل العلامات لي عم تجي باختبار الفصل الاول بتبشر بالخير وبتدل انكن وحوش وهي السنة رح تكون علامات التاريخ مولعة🔥

بدي الكل يبلش ما تضل عم تأجل
إذا لسا ما بلشت فبتبلش فصل تاني معنا
وبتمرق كل اسبوع مبحث من اول فصل
وهيك بعد ٨ اسابيع بتكون ماشي مع الخطة ومخلص كل المادة ان شاء الله 🥰

عال٩ عنا اتمتات اول ٣ مباحث بالفصل التاني فالكل ينضم ع قناة الأتمتة 👇
https://t.me/elitehistoryquiz

اي حدا عم يعاني بالمادة وما عرفان يحفظ وما قدران فالفيديوهات كتير بتساعدك وبتنظملك أفكارك وبتسهل الحفظ

واخيرا النوطة والكود بالمكاتب الي لسا ما جابن فيه يجيبن ويبلش

بالتوفيق ❤❤❤❤
7,776
Elite history

31 Oct, 21:15

مسالخير 🥰
بكرا عنا اول ٣ مباحث بالفصل التاني
كلن رح يصيروا عالتطبيق هلق مشان تحملوهن وتتابعوهن
مدة الفيديوهات فقط ٣٥ دقيقة
بيختصرولك تقريبا اكتر من نص وقت الدراسة لحالك
ف انت بعد الفيديوهات بتحتاج فقط ٣-٤ ساعات وبتكون مخلص كمية هاد الأسبوع
وبتتفضى للانكليزي أو ترميم غير مواد

فالفيديوهات مدتن قصير وبيختصروا وقت ف هنن افضل حل لاي طالب ما بلش لسا وبدو يخلص هي المادة

الطلاب الي ما بلشت بلشوا بالفصل التاني معنا لانو مانو مرتبط بالأول
وبتصير كل اسبوع تمرق مبحث من الاول
٨ اسابيع بتكون خالص الاول وبتكون ماشي عالخطة وهيك امورك لوز بتكون

كل الطلاب الي لسا عم تعاني وتخربط ببن الحضارات فأنا منزلك فيديو مقارنة بين الحضارات وهاد كتير بيساعدك ترتب أفكارك

النوطة تبع ايليت هي شاملة ف دروس منها بدون خوف وما بتحتاج معها قصص لانو جواتها في قصص مساعدة كتير
والنوطة معمولة بطريقة كتير ممتازة لتساعدك ك ذاكرية بصرية
وكمان حاططلك فيها أفكار دورة البري ٩ كلها ال١٠٠ سؤال مشان تعرف شو الافكار الي ركزوا عليها وفي بعض النوط لغير فرق منقصين هي الافكار فدير بالك

بكرا عال٩ عنا اتمتات اول ٣ مباحث من التاني ع قناة الاتمتة ف الكل ينضم عليها
https://t.me/elitehistoryquiz

الكود متوفر بمكاتب الفريق إذا لسا ما بلشت جيب الكود والنوطة وبلش بالمادة ما ضل كتير وقت

بالتوفيق ❤❤
10,081
Elite history

31 Oct, 19:32

شفتو هدية بالريل👇
https://www.instagram.com/reel/DBzEk4UMX4A/?igsh=eGdvZ2F2bmo5eHFz
4,816
Elite history

29 Oct, 19:09

من الوحوش الي متابعين خطوة بخطوة بالنوطة والفيديوهات وأمورو نار
باصعب اختبار ٣٩ من ٤٠
الكل لازم يهتم بالمادة بهاد الشكل وان شاءالله رح تجيبوها فيها شي كتير يرضيكن

الاختبار فيك تحلو ايمت مابدك من هون للجمعة
والفيديوهات متل ما قلتلك اذا راجعتها لحالها كافي

بالتوفيق❤
9,524
Elite history

28 Oct, 15:31

كيفكن شو الاخبار😘

كيف الاختبار حاولتوا تحلوه؟
وكيف شفتوا الأسئلة
بدكن ننزل الأسئلة الصعبة ونتناقش فيها؟ وقلك كيف حليناها وشو الشي الغلط بكل جملة مثلا؟

الي راجع من الفيديوهات وحل الاختبار كيف شاف الوضع

هالاسبوع عنا اول ٣ مباحث فصل تاني وهالفيديوهات كتير مزبطلكن ياها وكتير في قصص وربط فيهن كونو الفصل التاني أصعب فصل 🔥
6,094
Elite history

27 Oct, 22:36

مسالخير ❤
الاختبار صار موجود بالمكاتب من بكرا الصبح
هو ٤٠ سؤال من الفصل اول فقط
لازم ياخدوا معك اقل من ٤٠ دقيقة

⬅️الأسئلة مستواها صعب
⬅️الأسئلة تحوي أسئلة دورات الفصل الاول من دورة البري ٩
⬅️كل شخص بجيب فوق ال٣٠ ف هو قادر بالامتحان يجيب ١٠٠ بهي المادة
⬅️الاختبار كتير مهم تحلو لهيك راجع قبل ما تحل الاختبار فيك تشوف فيديوهات الفصل الاول كافيين ك مراجعة لانو مدة الفصل الاول كاملا هو شي ساعة ك فيديوهات احضرن بعدين حل
بالتوفيق
⬅️كل شخص بجيب فوق ال٣٠ ينزل ستوري انستا ويتاغيلي لانو انجاز😂❤
4,409
Elite history

27 Oct, 18:12

🔴نصيحة اليوم :
راجع المباحث من الفيديوهات قبل ما تحل الاختبار الي حينزل بكرا
لانو كل خيار حاطلك ياه من مبحث
إذا هاد الاختبار جبتو كامل فأنت حتجيب التاريخ 150 من 100 😂
2,735
Elite history

27 Oct, 11:07

صباح الخير 🥰

بخصوص موضوع النسيان وموضوع الاعادة
هاد الموضوع انا حاللكن ياه بالفيديوهات
كل مبحث مدتو بين ٥ دقايق وربع ساعة
يعني انت بس شوف الفيديو لحالو بكفي كأنك راجعت كل المبحث

الفصل الاول كلو مدتو ساعة
فأنت بس تكون نسيان أو حاسس ما متذكر أو خايف تراجع بس شوف الفيديوهات كافي لانو انا بحكي كل معلومات الكتاب ضمن الفيديو 🔥

ومشان الاختبار كمان فيك بس تراجع فيديوهات وحتقدر تحل كل شي

الكورس متوفر بالمكاتب المعتمدة تبع الفريق فيكن بكرا تجيبوه

بالتوفيق❤
5,161
Elite history

27 Oct, 03:44

If you never try you will never know🔥❤️

مسالخير لأبطال التحضيري الموجودين ع جبهات الدراسة🥰

فريق ايليت هالسنة قرر يضيف لمستو ع مواد العملي للسنة التحضيرية ببعض المحافظات

ورح نخبركن شو المواد الي صارت نازلة وموجودة

محافظة دمشق : نوط عملي للمواد ال3 (فيزيا -كيميا -بيولوجيا) وموجودين الكيميا والبيو حصرا بمكتبة تصوير الاسنان عند باب الاداب اول ما تفوت من الباب

محافظة طرطوس : نوط عملي للمادتين (كيميا -بيولوجيا)
موجودين بمكتبة الجامعة الي فيها كل اعمال الفريق نفسها

محافظة اللادقية: نوطة عملي لمادة البيولوجيا
موجودة كمان بمكتبة عاج الي فيها كل اعمال الفريق

فريق ايليت بيتمنالكن التوفيق ❤️❤️
2,341
Elite history

26 Oct, 20:55

❤💙🥰
3,152
Elite history

26 Oct, 11:43

صباح الخير بتوقيتي
هاد السؤال صار الف طالب سألني عليه وعالخيار الاول وبعد بحث لاحظت انو هاد الخيار في نوط منقصتو ولهيك الطلاب ماعم تعرف تحلو وعم يخربطوا
فديروا بالكن من المصدر الي عم تدرسوا منو يكون ناقص وكتير خبرتكن انو تقارنوا

في كتير طلاب بتنصحكن بمصدر نوط معين لانو ع وقتن الاسئلة كانت تجي سهلة ومن رؤوس الاقلام ما كانوا كافيين هدول اما هلق الاسئلة صارت عميقة وصعبة وبينكشوها ف هدول النوط هلق راح وقتن لهيك قارنوا

نوطة ايليت انا بضمنلك ياها انو شاملة لانو انا مشتغلها
5,775
Elite history

25 Oct, 21:05

لا تستنى الوقت المناسب لتبلش لانو مافي شي اسمو وقت مناسب
كل الأوقات هي فينا نعملها اوقات مناسبة
تعامل مع التاريخ انها مادة أساسية ولا تهملها وبتلاقي حالك ماشي فيها وما احلاك بس لا تاخد وقتها لمواد تانية وبعدين تقعد تندب

الفيديوهات كتير بسهلولك الحفظ وبيختصروا الوقت ف جرب وشوف

وشكرا كتير ع رسائلكن مافيني انشرها كلها بس مبسوط انو عم نقدم شي يفيدكن

هي الرسالة حبيت نزلها كرمال الي خايف يبلش مو عرفان كيف وكل يوم بضل يأجل
بالتوفيق ❤❤
3,458
Elite history

25 Oct, 18:48

بدكن أسئلة ربط بين مباحث الفصل الأول كلن؟
شي سؤالين تلاتة للمزمزة
3,321
Elite history

25 Oct, 17:40

مسالخير🥰
كيفكن كيف الدراسة
شو اخبار التاريخ معكن
في شي صعوبات؟
شفتوا الفيديوهات واختصرولكن وقت ؟

الي اليوم ما درس لسا بيلحق يدرس مبحثين تلاتة فببساطة بتقدر بس المهم تنوي ع هالشي

عاا٩ رح نزل اتمتات المباحث ٧و٨ فصل اول فالكل ينضم ع قناة الأتمتة 👇🏻
https://t.me/elitehistoryquiz

وكمان اول ٦ مباحثين نازلين ع قناة الاتمتة وموجود روابطن بالرسالة المثبتة

جهزولي اموركن والكل يحضر فيديو التجميعات قد ما كانت أفكارك مخربطة هاد بزبطلك ياها

الأمور كلها بخير والي لسا ما بلش بلحق كمان بس لا تضل تأجل وتماطل بكرا ما بتلاقي حالك غير باسبوع الفحص وعندك هالمادة الضخمة والمقتة فقرر وبلش

موفقين ❤❤
اي سؤال حطوه بتعليقات هالرسالة
7,530
Elite history

24 Oct, 19:25

مسالخيررررر🥰

شو رأيكن بتجميعات الحضارات شفتوا الفيديو؟
قديش استفدتوا ورتبلكن افكاركن
نعمل هيك لكل الفصول؟

بكرا رح ينزل اتمتات المباحث ٧ و٨ فصل اول
بدي الكل يخلص الفصل الاول
بكرا بتدرس المباحث وبعدين بتشوف ملف التجميعات وبتحل الاتمتات وهيك بتكون امورك نار

يوم السبت رح انشر اختبار للفصل الاول كامل ورح يكون بالمكاتب وعالتطبيق
مشان خلص نختم الفصل عالاخر

الي لسا ما بلش يحاول يبلش
والفيديوهات كتير بتساعدك ف جيب الكود وعالاقل شوف الفيديوهات هيك بتكون درست منيح من التاريخ

النوطة جزء اول متوفر هلق ورح يتوفر الجزء الثاني هاد الأسبوع أن شاء الله

موفقييييين❤🥰
https://t.me/elitehistory5
6,256
Elite history

23 Oct, 22:08

مساء الشغلات الحلوة بمناسبة الفوز
طلاب طرطوس نوطة عملي البيولوجيا صارت متوفرة بمكتبة الجامعة
ونوطة عملي الكيميا الاسبوع الجاي حتنزل ان شاء الله

طلاب دمشق نوط العملي فيزيا كيميا بيولوجيا متوفرة حصرا بمركز تصوير الأسنان جنب باب الآداب تبع الجامعة
بالزاوية صايرة المكتبة
بالتوفيق❤
4,199
Elite history

23 Oct, 21:02

الي بعدوووو
مبسوطين يا شباب 😂❤
4,220
Elite history

23 Oct, 18:34

سمعو من الدكتور يا شباب وردو عليه .... بتمنى الكل يقرأ يفهم شو عم احكي
صدقوني مفي احلى من شعور انك تفوت عاسبوع التاريخ دارسا ومخلصا مع دوراتا ونكشاتا
ركز وفهام منيح وين وشو انت
بلشنا بالجد معد في مزح ... نحنا بآواخر شهر ١٠ رح يبلش شهر ١١
بكرا ما بتحس عحالك غير غدرك الوقت وفجأة اجا شهر ١٢ ونزل برنامج الامتحان وبلشت تنضغط نفسيا اضافة للضغط الدراسي
وهون الشاطر ها الشاطر الي دوبو يلحق يدرس فصا ٢ وفصل ١
بفوت عاسبوعا هيك او في عالم ما بتدرس منا شي.. المادة ارتفع مستوا اسئلتا جدا معد في مزح فيا .. بتمنى من الكل لا تظلم حالك وتظلم هيك مادة تحتاج فقط للحفظ الدقيق مع قصص
عندك حلين مفي غيرن :
١..يوم الجمعة بتخصص نصو للتاريخ فبتدرس متل ما بقلك الدكتور حسن المباحث حسب انو خطة
٢... بتخصص ساعتين بيومك بتدرس فيهن وبتكرر هالحركة كل يوم
يعني مثلا بكرا عندك بيو
بتدرس اول شي ساعتين تاريخ بعدا بتبلش بيو وبتخلص كميتك
الله يوفقكن ❤️❤️هاد الشي مو تخويف بس صدقوني مفي ابشع من الندم انو تترك مادة وتهملا عحساب غيرا
وهي تحتاج حفظ بدون الفهم الي بيتطلبو غير مواد
4,302

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.