أماكن خروجات في مصر 🪂

سلسلة مميزة من اعداد اسراء
تروح فين خلال الفترة الجاية 👌🔤
معارض وزيارات مهمة جدا

https://t.me/EgyTours ✅

مهرجان القلعة❤️💃💃

والسنة دى هيبقى فى مدحت صالح وهانى شاكر و على الحجار ودينا الوديدى وجنات وهشام عباس وحمزة نمرة وكريمان سليمان وفنانين كتير جدا هتلاقوهم كلهم فى الجدول

الأحسن من كده ان القلعة بتتزين وبيبقى شكلها جميل جدا والاضواء بتخليها تحفة
حاول تروح حتى وتتصور لانها مش هتتعوض🤩🙈

مين اكتر حد حابب تروحله منهم؟

www.Hayya.online

اللهم اقسم لنا من خشيتك ما يحول بيننا وبين معاصيك، ومن طاعتك ما تبلّغنا به جنتك، ومن اليقين ما تُهَوِّنُ به علينا مُصِيباتِ الدنيا، ومَتِّعْنا بأسماعنا وبأبصارنا وقوتنا ما أحييتنا، واجعله الوارث مِنَّا، واجعل ثأرنا على من ظلمنا، وانصرنا على من عادانا، ولا تجعل مصيبتنا في ديننا، ولا تجعل الدنيا أكبر همنا، ولا مبلغ علمنا، ولا تسلط علينا من لا يرحمنا

👍

🔤حديقة العبور
🔤حديقة الطفل
🔤حديقة الحرية
🔤حديقة الدراجات
🔤طيبة روز
🔤الحديقة الدولية
🔤حديقة البانوراما
🔤الميريلاند
🔤 حديقة ام كلثوم
🔤 حديقة الازهر


شاركها مع اصحابك ❤️
@EgyTours ✅

🌳حديقه الازهر 🌳

الحديقه الأجمل في القاهره الكبري واللي ميتشبعش منها أبداً مفيش أحلي من انك تقضي يوم الأجازه مع اسرتك في مكان كله مساحات خضره الڤيو لوحده يرد الروح واللون الأخضر للطبيعه يخليك تفصل خالص 🍀💚😍

ومتنساش معاك بقي تورمس عشان الشاي هيعدل مزاجك وانت قاعد في الروقان ده ♥️ ☕️

هتلاقي هناك كيدز ايديا ومجاناًاا 😍😍 يعني ملكش حجه خالص 😂
وفي هناك كمان طفطف صغير سعر الفرد ١٠ج وهيلف بيك الحديقه كلها 🥰

متاح دخول المأكولات بس من غير حلل🤭
و مطاعم شيك قوي علي البحيره 💙

@egytours ✅

قعدة زى دى مثلا على النيل فى لسعة برد الصبح مع شوية شمس
سعر التذكرة : ٢٠جنيه
حديقة أم كلثوم

مطلوب منك يبقى معاك كتاب ولا هاند فرى و تاخد حاجة بسيطه من الكافيتيا هناك وتقعد تقضى يوم ممتع

عنوانها بالظبط ،، لو جاي من اتجاه الجيزة
فهي بعد كوبري الجامعه بتدخل شمال
في اتجاهك لمدخل استقبال
مستشفى القصر العيني القديم

@egytours ✅

حديقة الميريلاند في مصر الجديدة
سعر التذكرة : ٣٠ جنيه

من أقدم الحدائق في مصر لانها موجودة من سنة ١٩٤٥ وافتتحت تاني بعد التجديد من حوالي سنه ونصف

الحديقة فيها اماكن جلوس واماكن لعب للاطفال وغير مسموح بدخول المأكولات .

العنوان هي بس تكتب الميريلاند مصر الجديدة
وهي في شارع الحجاز
اقرب محطة مترو هي هليوبليس

@egytours ✅

حديقة البانورما
حديقة فى قلب القاهرة ومسموح بدخول المأكولات والكورة واى حاجة عاوز تعملها بس المهم تحافظ على الحديقة

كتير مننا بيعدى على شارع صلاح سالم بس ميعرفش الحديقة دى او بيشوفها بس مفكرش يدخلها .. أحنا المرادى قرننا نخش نشوف ونسأل و نجمع البيانات دى كلها .. والميزة فى الحيقة دى أنها فى وسط البلد وجنب المترو بالظبط ( علشان الناس اللى بتستتقل المشاويلا البعيدة )

أنت كل اللى مطلوب منك تشوف هتروح مع مين وتحددوا كل واحد هيجيب ايه فى ال Picnic او الغديوه دى علشان ميحصلش تضارب فى الأصناف 😊 😊 .. ومين اللى هيجيب الكورة و اللعب .. وتعملوا حسابك ع الانبساط وبس

عموما الحديقة مساحتها كبيرة جدا والمساحات الخضراء وفيها برجولات للناس اللى هتدور على الضلة ..

تذكرة الدخول ب 30 جنيه ودخول الفرد للأكل 10 جنيه..

والموضوع بقى مش جنينة وبس
احنا اللى عرفناه تقريبا كمان ان دى أكبر قاعات مفتوحة للأفراح فى مصر

الحديقة فى لحظات بتتقسم لأكتر من قاعه وتلاقى ان فى المساحة دى ممكن يتعمل 5 أفراح مع بعض وكل واحد بأستقلاليه لوحدة
والقاعات كمثال فى كتب الكتاب بتبدأ من 9000 جنية

العنوان : حديقة البانوراما – بجوار بانوراما حرب أكتوبر – شارع صلاح سالم – دقيقتين مشى من محطة مترو أرض المعارض

@egytours ✅

الحديقة الدولية
سعر التذكرة : ٢٠ جنيه

أحلى حاجة أنه مسموح بدخول الأكل
من الحدائق الحلوة اللى فيها مساحات خضراء كبيرة جدا وشكل النجيلة يفرح ومسموح بالقعدة على النجيلة بس بعد أذنك نضف مكانك بعد ما تخلص

الحديقه كويسه أوى للعب الاطفال وفيها ملاهى وفيها حديقة عالم الحيوان هنشرحهالكم فى بوست منفصل

بالنسبة للأكل نرشحلكم محل قدام الجنينة أسمه Crispy Station بيعمل سندوتشات حلوة اوى ممكن تاخدوها وتدخلوا بيها

العنوان : ش د. محمود ابراهيم متفرع من ش عباس العقاد الحى السابع , مدينة نصر, القاهرة
✅@egytours

Tiba Rose Plaza Hotel

سعر التذكره ٤٠ جنيه
والسعر دة شامل ( دخول الفندق – حديقة الحيوان – القعدة فى الحديقة )

معروفه
العيد يعنى جنينة الحيوان مع مساحات خضراء كبيرة وملاهي والمكان ده متكامل فى كل حاجة لان دى تعتبر أحدث حديقة حيوان فى مصر مع القعدة فى مساحة مسطحات خضراء ..

باسكت اكل الحيوانات ب ١٠ جنيه
التصوير مع البغبغانات ب ١٠ جنيه

يعنى تستغل بقى ان الجو مظبوط فى ايام العيد وتطلع على فندق تيبا روز بلازا وخصوصا انهم هيعملوا برامج ترفيهيه للاطفال من اول يوم الجمعه

غير حديقة الحيوان هتلاقى الحديقة بتاعت الفندق اللى كلها ترابيزات للقعدة و Landscape زرع و شجر و نخل 🌴 منظرها حلو اوي و فيها كاڤتريا

بالنسبه لحديقة الحيوان
فيها نعام، بجع🦤 بط 🦢 نسانيس🐒 بوني، طاووس 🦚 ماعز🦙 دجاج و بط فرعوني، غزال 🦌 لاما، فلامنجو ، 🐐 حمام 🕊️🕊️ بانواعه

و في كمان قفص عصافير كبييير فيه عصافير و بغبغانات أشكال و الوان .. و تقدر تشيلهم على ايدك و تتصور بيهم 📸 'دخول الفرد ب ١٠ ج'

و من الانشطة اللي الاطفال بيحبوها أوي ركوب البوني "الحصان الصغير" الجولة ب ٢٠ جنيه

في كمان العاب Video Game وملاهى

الدخول من بوابة الفندق ب ٤٠ جنيه للفرد، و العربية ب ٢٠ طول اليوم "وقت مفتوح"

رقم التليفون
02-24481218
العنوان
فندق تيباروز بلازا، التجمع الخامس، قبل مسجد المشير
@egytours ✅

حديقة الدراجات
Bikes Park - Future City

المكان ده تذكرته ب ٢٥ جنية ومسموح بدخول الاكل من برة الحديقة وكمان هتركب عجل

تعتبر فى الوقت الحالى أكبر مكان فيه مسطحات خضراء ومش بس كده انت ممكن تروح بالعجلة بتاعتك او تأجر عجلة من هناك

المكان المثالي لل picnic أو الغيديوه 😁😁تاخد اسرتك و اصحابك و تطلعوا على Bike park اكبر مساحة مخصصة لركوب العجل في مصر

مساحة الحديقة ضخمة و الحديقة كلها عبارة عن تراك للعجل 🚴 باللون الاحمر، و جنبه تراك تاني مخصص للمشي و الجري باللون الازرق

بتدفع تذكرة الدخول ب 25 جنيه ممكن كمان تأجر عجلة من هناك المدة اللي انت عايزها "النص ساعة ب 20 جنيه" جميع المقاسات اللي تناسب الكبار و الاطفال

الحديقة فيها منطقة عاملة زى كوبرى استانلى بالظبط حلوه اوى والصور عندها بتطلع جميلة جدا

تقدر تروح بسكوتر، باتيناج، هوفر بورد يعنى العب مع اولادك اى كان سنهم

و في ملاعب كورة، و مصارعة حرة وفى منطقة العاب منفوخة كبيرة فيها لعب بتتغير أسبوعيا

تيكت دخول الحديقة ب ٢٥
العجل تأجيرة من جوه ب ٢٠ ج نص ساعه
دخول العجل ب ١٠ ج ( لو هتجيب العجلة معاك )
دخول الاكل ١٠ ج للفرد ايا كان الاكل اللى معاك

العنوان : مدينة المستقبل - - طريق مصر الاسماعيلية امام اكوا بارك
ربع ساعة بالظبط من مصر الجديدة

@egytours ✅