EDU Light 📚💡

اولا الله يعطيكم العافية على تعبكم و شغلكم 👊🏻❤️🔥
ثانيا جايكم بفيدوهات جديدة عالقناة الجديدة 👊🏻😁
الي هي كيف تدرس بالبكالوريا بشكل صحيح
و كيف ندرس كل مادة بشكل منفصل بعد الاتمتة لكل مادة فيديو باذن الله
ولكن عندنا طااابع عام اتغير على دراسة الاتمتة للسنة هي
الا وهو 👇🏻
كالعادة رح نحكي بواقعية وحكي بلامسك انت
🛑 اولا في كثير طلاب حاسة الموضوع مسألة من كوكب اخر
صديقي في تهويل كبير عالاتمتة السنة ولكن المنهاج لا يزال نفسه والدرس نفسه والسؤال رح يكون نفسه ولكن مؤتمت
يعني
السؤال كان
حدد موقع المخاريط المذكرة مثلا
اسا صار
ان موقع المخاريط المذكرة هي
A
B
C
D
.
ف الموضوع مش بهالتعقيد
.
في مثلا الرياضيات
كان السؤال
ادرس اطراد التابع
اسا صار
ان اطراد التابع هو
Aمتزايد
Bمتناقص
Cثابت
Dمتناوب
وهكذا
ف ما تخاف من الموضوع زيادة لانو الي بيفهم يدرس وبيفهم يحل ف الحل الصح نفسه والطريقة نفسها
🛑ولكن في بعض الملاحظات
السنة بدك تكون حربوق
اني مسميها سنة الحرابيق
كيف يعني
ركز معي هون
رح قول مثال بسيط جدا
مثلا بجي بقول لطالب
احسب نهاية

X مربع
على
X
🟠في طالب1
رح يقلي حالة عدم تعيين
لانو لا نهاية على لا نهاية و يعمل اخراج عامل مشترك و يطلع اخر شي
X
على 1
ويقول نهاية x عند اللانهاية هي لا نهاية
وهذا اجابتو صح مية بالمية وما في عليه اي غلط واخذ العلامة كاملة
..
🟢بيجي طالب *حربوق*
بقلك التابع من نفس الشكل بالبسط وبالمقام
والمقام اعلى من البسط
بختصر بشكل فوري
بضل X ونهياتها هيي لا نهاية
.
هذاك صح وهذا صح ولكن الفرق هذا اخذ 3 ثواني وهذاك اخذ 50 دقيقة
ف اللعبة للشاطر والحربوق الي بيتشاطر عالسؤال
(بس من معرفة وخبرة )
يعني ما تكون الغبي الطموح
كون الحربوق من جد
.
الشي الي بدي وصله من بعد كل ها
انو السنة بدك تكون حريص عالوقت
والسرعة بالحل بتجي من
التدريب ثم التدريب ثم التدريب
يعني بدك تخفلي ايدك كل السنة
وانت تشتغل وتتدرب كثير
بالاخص رياضيات وكيماء وفيزياء
اللعبة للشاطر والسريع مش للي بيدرس بعيونو اكثر
.
ف الهدف الكامل من هي الرسالة لا تخاف من الاتمتة
بس فهام اتعامل معها واتدرب كثير كثير
ورح يكون الوضع رواق جدا باذن الله
اسف على طول الرسالة بس كرمال توصلكم الافكار بشكل صح
موفقين يا غوالي❤️

رح نحكي عن دراسة الاتمتة اليوم🧐👊🏻

*🛑اتمتة*
مسا الخير كيفكم جميعاً
.
بخصوص الاتمتة كثار منكم متوترين وكثير
اول سنة
واصعب سنة.
وما عنا نماذج كافية
و الى اخره
.
بدي احكيكم بواقعية عن الاتمتة
وقبل ما نحكي بحب قلكم شو ما في عنا وشو ما بينزل قرارات رح نتخطا هالسنة وباحلا علامات
.
يلا👇🏻
1️⃣اولا السنة كثير عندكم نقطة ايجابية لهالموضوع انو اول سنة اتمتة
وفي طلاب رح تستغرب انو شو الايجابي ونحنا ما عنا نماذج
صديقي الايجابي انو
شفتو سنة الماضية كم مرة غيرو بين اتمتة وعدمها وهذا الشي سببه انو في ناس مع وفي ناس ضد بالناس الي عم تتخذ القرار
ف طالما السنة اتطبق هذا القرار ومافي منه رجعة ابدا
ف الناس الي معه رح تسعى وبكل ما تعني الكلمة من معنى لحتى تنجحه وتقول عنه قرار صائب
وهذا الشي كيف رح يكون؟!؟
تسهيل اسئلة و تخفيض معدلات🌚🤷🏻‍♂️
(هذا ك تحليل شخصي فقط لا غير)
من خلال خبرتنا الي عشناها مع هيك امور
2️⃣ثانيا فكرة التصليح
كم طالب اكبر منك اجا قلك درست وعملت وسويت واشتغلت واخر شي انظلمت؟!؟
في صديق الي من الاوائل ولكن خطه سيء
سيء لدرجة ما بينقرا ابدا
جاب 180 من 240 بالبكالوريا بسبب هالموضوع
ف هي الامور تبع ظلم التصحيح والخربطة بالورقة و و و و و
راحت خلص
3️⃣ثالثا تعداد الاسئلة
صار تعداد الاسئلة اكثر
يعني صار نسبة خطأك بسيطة مش اذا غلطت بشي بتغلط بكل شي
والطلب كان مثلا ب 20 علامة
السنة صار ب 5 او 10 حسب التقسيم
ف بقللك نسبة خطأك
4️⃣رابعا الاختيار
مش شرط تكون حافظ المعلومة صب لحتى تقدر تجاوب
يعني مثلا
اذا انت حافظ فكرة وطنية
مجرد ما شفت الخيار رح تعرفه على عكس انو كان بدك تكتبو بحرفيته عالتحريري
ف
يا جماعة شيلو موضوع التوتر من الاتمتة وبلشو درسو بهمة
ومن ناحية نصائح خلص بلشنا معكم ورح نضل معكم باذن الله
بما يتناسب مع دوامنا وجامعاتنا❤️🌚🙏🏻

انطروا رسالة اليوم رح نحكي فيها بكذا شغلة 🔥🤍

مصدر المعلومات الواسع الي عنجد عنجد رح يفيدكم كثير موجود بفيديو الإعداد 2 للاستاذ لؤي على قناتو اليوتيوب إلي حاكي فيه بشكل علمي وطبي مفصل كثيير كيف نحنا قادرين نستغل طاقتنا كلها للدراسة وما نصرفها على شغلات ثانية من دون ما ننتبه ولما نجي لندرس نلاقي ما في عنا هالطاقة اللازمة 👐👐

لكل حدا حابب عنجد يستفيد وياخذ الخبرة من هالشي يحضر الفيديو كامل عاليوتيوب صدقوني اني وكل خبرتي بالدراسة ولما حضرت هالفيديو بالذات اني تعلمت منو وطورت من حالي كثير ❤️❤️

https://youtu.be/UDJ9QNSu2K4?si=32YOY83sJrO-u4oW

⭕حابب اقرا كثير بس مكتئب
⭕لازم ادرس وحابب ادرس ولما اجي ادرس بكون ما الي خلق بالمرة وبقول ثاني يوم اكيد رح ادرس وبيرجع بيتكرر نفس الموال👐

⭕بتمنى كثير رجاء خاص من كل حدا عنجد حابب يستفيد معنا ينهي الرسالة هي وبوجهو عالمصدر الاساسي ليشوف الحكي كامل على اكمل وجه ليحقق الفائدة وليتفادى هالشي الي على طول عم يصير مع الكل❤️❤️

⭕جملة *الإعداد ← حالة عقلية فعالة*

سبب الشي الي عم يصير معك لما تجي تدرس انو طاقتك بتكون عم تستنزفها على كثير امور غير الدراسة من دون ما انت تحس حتى ولهيك لما تجي لتدرس وتجهد اكثر عضو بجسمك بحاجة لطاقة "اوكسجين" رح تلاقيه ما عم يلبّيك ودغري عم تنعس ويذيق خلقك وما تقدر تدرس بالمرة 👐 وبخصوص ها الفكرة← فكرة طاقتك وين عم تروح ما بدي اشرح كثير فيها لانو رح تاخذ كثير حكي لهيك رح اترك الفيديو الاساسي هو الكفيل بشرح هي الفكرة على اكمل وجه صدقوني❤️

⭕ *طيب شو ممكن اعمل لحس بالرضى عن حالي وكون رضيان بدراستي للبكالوريا؟*
1_ إنك تحدد الهدف من دراستك ليش ويضل هالهدف على طول قدام عيونك ← اني عم ادرس للاقي نتيجة دراستي اخر السنة، لارفع راس اهلي،لارضى عن حالي، لادخل فرع الي عم احلم فيه ١٢ سنة بالمدارس ولازم ادخلو

2 _ تأامن انو هدفك هذا واقعي وانك انت قادر توصللو وتحققو مش هدف جاي من الخيال وصعب التحقيق ما في شي صعب كلنا سواسية❤️👐

3_ يكون هدفك وانت عم تدرس محدد ودقيق لازم تحدد هدفك وانت عم تدرس تقول لحالك اليوم بدي خلص ١٠ صفحات على سبيل المثال يعني ١٠ صفحات بتصير لما تجي تدرس اذا ما قدرت تخلصن وانت واعد حالك هالوعد تكتئب كثير وبنفس الوقت اذا خلصتهن بتحس حالك حرفيا وصلت لهدفك وبتحس بالانجاز بينك وبين نفسك
أما لو ما حددت هدفك وقلت هات لنجرب نقرالنا كم صفحة ← هيك رح تدرس كم صفحة عنجد وتمل وما عاد تدرس لانك مش محدد هدفك شو هوي اساسا 👐

4_ قادر تتأكد من حدوث هالهدف ← بإنك لما تخلص دراسة وتوصل لهدفك تضمن انك انت قادر توصل لكل هدف عم تحطو بحياتك من اصغر الاهداف "10 صفحات بمثالنا" لأكبر الاهداف ← الفرع الي بدنا نوصللو

5_ الهدف مهم وقابل للمكافأة← يا اخي قول بينك وبين حالك بدي خلص هال10 صفحات وبعديهم رح اطلع مشوار صغير شم هوا، اقعد مع اهلي شوي، ارتاح شوي، يا عمي قوم اكل بسكوتة ومش لازم اكلها غير لخلص ال10 صفحات🙂

6_ يكون الو علاقة بأولوياتك وحسب أولوياتك متل لما جماعة النوادي بقولولك بدي روح عالنادي لو شو ما بدو يصير يصير هذا الشي من أولوياتي ف حرفيا هيك لازم تدرس ولازم تخلص هالكم عليك من الدراسة لكل يوم لانو ها الشي من اولوياتك خلال هالسنة بل من أول أول أولوياتك كمان 👐

وبها الاسلوب رح تلاقي كثير نتائج انو انت ما عاد عندك مماطلة عالدراسة بالمرة وتركيزك عم يزيد ويزيد وعم تخلق شعور بالتقدم والنجاح بكل يوم عم تحط فيه هدف وعم توصل لعندو وتحط راسك عالمخدة وانت مرتاح "بترضى عن نفسك" بتصير تحس انو هالمهمة الصعبة معها معها عم تتجزأ وتصير كثير كثير سهلة ورح تبعد عن الخوف والقلق من موضوع الدراسة❤️❤️

ادعولنا ما يتعرقل شغلنا بحكم هالشي الي صار
وانشالله نقدر نلاقي طريقة نعرف وين الموبايل ادعولنا❤️❤️

جهزولي حالكم الرسالة رح ابعثها بعد شوية بس هالمرة محتوى المصدر تبع الرسالة في كثير معلومات بتفيدكم صدقا يمكن ها من اكثر المعلومات الي رح تكون قادرة تساعدكن ومنشان ما تطول الرسالة متل اول رسالة رح احكي شوية عن هالمعلومات واعطيكم المصدر تبعها لتشوفوه كامل وتستفيدو من كل كلمة انحكت فيه❤️❤️

#Education_Light_Team ❤‍🔥

تجربتي مع البكالوريا
وكيف اتحولت من شخص ضايع و مهمل بسنين الثانوية
لشخص قدر يحقق حلمه وبس
بسنة البكالوريا
مقطع بيستاهل وقتك
https://youtu.be/9bm8Kq2dOzA?si=KKGUIR6yGTK5sELF

🔴 #عاااجل || صدور نتائج جميع المفاضلات سيتم اليوم الساعة 4 عصراً.

رابط القناة الجديدة الخاصة فيكم🧐
والله غير اعطي فيها كل جهدي لتكونو انجح دفعة ورغم كل شي تغير
👊🏻وقت الجد بلش

https://youtube.com/@louayabomenther?si=F_Z0xZis9H66fxS8
.
Eng Louay

المعلومات الي فيه رح ينلحس مخنا من كثرتهن ويا لطيف شو رح نحسهن بحر ما بيخلص ← لما نشوف ونقسم الدروس الي فيه ولما نقسم الدرس نفسو لفقرات ولما نقسم الفقرة نفسها لأسئلة وجمل ونفرطها ونفرط الدرس كلّو رح يروح كل هالخوف ورح نصير متمكنين من دراستنا لهالمادة قد ما كان حجمها كبير وها معنى جملة *"فرّق يعني نفرق هالشي قد ما كان حجمو كبير علينا ← تسود يعني منصير نحنا السيّد على هالشي والمتحكم فيه براحتنا"*

⭕9_ ها النصيحة كثيير مهمة خصوصي انو صار منهاجنا السنة اتمتة وطريقة ابصم ابصم القديمة ابدا معش بتنفع معنا ولازم نغير من طريقة دراستنا ونتبع اسلوب جديد وطريقة جديدة بعيدة تماما عن البصم او خلينا نقول لازم نخلي البصم هوي اخر خطوة بعملية الدراسة تبعنا✅
متل ما حكينا وبعد ما نفرط الفقرة ونقسمها لإسئلة المطلوب منا نفهم عن شو عم تحكي الفقرة ونحدد الجملة اللّب والمفيدة والي فيها كل معنى هالفقرة بقلم تحديد ونربط كل كلام هالفقرة بهالجملة ونحللها بذهننا لدرجة نصير قادرين نحكي فيها لهالفقرة ونهرج فيها أي حدا من اهالينا عن فهم مش عن بصم وآخر شي نحفظها كاملة بالشكل الصح✅

⭕10_ *التدرب على اخراج المخرجات كما تتدرب على ادخال المدخلات* مش مهم فوتنا المعلومة على دماغنا ومش مهم انو نحنا حفظنا هالمعلومة وادخلناها على مخنا طالما نحنا مش قادرين نخرج هالمعلومة ونحكيها متل ما دخلناها بالضبط يعني باختصار انت لما تدرس فقرة وتحفظها مش تعمل عليها سكيب وتمشي عاللي بعدها لأ أبدا هالشي كثير غلط لانو لازم بعد كل فقرة انت حفظتها تكون قادر على اخراجها بنفس الشكل الي انت حفظتها فيه يا اخي قوم حكيها لأهلك كتبها على ورقة سمعها لحالك عمال اي شي المهم تضمن انك قادر تخرّج أي معلومة من ذهنك متل ما انت قدرت تفوتها وها سبب الفرق بينك وبين طالب حافظين نفس الفقرة بالضبط بس هوي قدر يسمعها للاستاذ وانت بس وقفت لتسمعها ما عرفت تحكي ولا حرف الفرق انو هوي متدرب عليها ومسمعها لحالو قبل ما يسمعها للاستاذ عشر مرات مش مرة ومرتين ✅

⭕ *11_عدم الخوف والاحباط من الفشل* وها الجملة كثيير معناها كبير ولازم كثير نفهمها ونطبقها صح✅
ما حدا منا بحب يخسر او يذوق طعم الخسارة وما في اي حدا فينا بفوت على أي شي إلا وبكون حاطط ببالو الفوز فقط "هيك غريزة عقلك البشري بتحكي" لهيك لما نذوق طعم الخسارة بصيبنا الاحباط بس بالمقابل ←مش شرط ابدا لما تفوت على شي جديد لأول مرة او لما تحط خطة جديدة عليك لأول مرة هالخطة تنجح وهيك المنطق بيقول 👐 لهيك ابدا مش لازم تزعل لانك حليت اول تمرين رياضيات غلط او لانك خربطت بامتحان اتمتة عملتلك ياه المدرسة بمادة العلوم أو انك فشلت بخطة دراسية عملتها وما لقيت نتيجتها معك متل ما انت بدك بالعكس تماما لازم من هالفشل او من هالغلط تبني الشي الصح الي رح تشوف نتيجتو بعيونك بعدين✅ وخذها كمثال جملة بسيطة كثير *الواحد ما بيتعلم غير من اخطائو*
انت لما تفوت لتلعب بيس انت ورفيقك وتكون حاطط ببالك تفوز ويقرطك ثمانة صفر رح تزعل اول مرة بس بنفس الوقت رح تنتبه انت وين غلطت بهالمباراة منشان لما ترجع تلعب معو تتعلم من هالغلط تبعك لتفوز عليه✅ ونفس الشي تماما بينطبق على أي تجربة وعلى أي خطة وعلى أي شي جديد بدك تقوم فيه بهالسنة لانو باختصار السنة كلها جديدة عليك ومش قايم بأي نشاط من نشاطاتها قبل ❤️❤️
ومنختم هالفكرة بجملة لستيف هارفي بتقول أفضل معلم في هذه الدنيا هو الفشل وبتوقع وصل المغزى من هالفكرة بالشكل الكامل والصحيح❤️❤️

⭕ *12_والي هيي آخر فكرة تحت عنوان استمرارية السعي←تعني حتمية الوصول*
انت لما تضلك تحاول بشي لينجح معك عدد محاولات لا نهائي فنسبة فشلك بهالشي كمحصلة نهائية هيي الصفر👐
يعني انت لما تضلك تحاول تعمل شي وتضلك تفشل وتعيد الكرة وتحاول وتغلط وتعيد الكرة وتحاول وتحاول وتحاول لتنجح او لتفوز او لتحقق الي انت بدك ياه ف المحصلة النهائية من هالمحاولة اتجاه هالشي الي انت عملتو هيي النجاح ومش الخسارة لانك انت ضليت تعيد وتحاول وتستمر بهالسعي للشي لبالآخر نجحت فيه
ونفس الشي تماما بينطبق على أي شي بخص البكالوريا ان كان معلومة مش فهمانها ان كان فقرة صعبة عليك أن كان مادة كاملة ما عم تقدر تسلّك حالك فيها لاي شي بيخطر ببالك مجرد ما انت استمريت بانك عم تسعى لتحققو صدقني رح تحققو ❤️❤️


صح طولت عليكم كثير صح الكثير منكم رح يشوف هالكلام كلو حكي فاضي بس صدقوني لما تطبقوهن على ارض الواقع مش مجرد نحنا قريناهن بعيونا والله والله رح تلمسو هالفرق انتوا لحالكم مش حدا ثاني ❤️❤️❤️
*بالتوفيق انشالله للجميع وانشالله بفرح بعلاماتكن الي حابين توصلولها "لأنو رح توصلولها🧐"*

*#Education_Light_Team* ❤‍🔥

*رح احكي عن كذى فكرة يمكن تشوفوهن حكي بسيط ومستساغ بس معناهم لما نفهموا قادر يغير كثير منا وخصوصي مع طريقة المنهاج الجديدة وطريقة الدراسة الجديدة ورح بلش معكن من ابسط النصائح لأعظمها حبة حبة:*

⭕1_ هلق مبدئيا لما نجي نسأل حالنا ليش اني قريت وتعبت وعملت كل الي عليي وعطيت كل جهدي ووقتي وغيري فلان قرا وتعب بس مش قد تعبي اني ما جبت علامات وهوي قدر يجيب علامة معقول هوي اشطر مني؟
جواب هالسؤال يا صديقي هوي انو انت وفلان الي جاب اكثر منك مستوى ذكاكن او المستوى الذهني عندك وعندو وعندي وعند أي شخص بهالغروب هوي نفسو ومتساوي عند كلل انسان بس الفكرة بتكمن بالطريقة الصح الي هوي درس فيها وقدر يستغل مستواه العقلي والذهني وطريقتك الي كان فيها بعض الاخطاء الي ما خلتك تجيب نفس النتيجة الي هوي جابها
يعني باختصار نحنا كمستوى ذكاء كلنا سواسية الفكرة بتكمن بانو نحنا نقدر نستغل مستوى هالذكاء عنا بالشكل الصحيح مية بالمية✅

⭕ *2_ ثقتك بنفسك* يا صديقي على قد ما هالجملة البعض بشوفها عادية وبسيطة ومالا أي معنى على قد ما هيي بتحمل كثير معنى بذاتك وبنفسك أني لما بلش دراسة أي مادة قد ما كانت صعبة وكون كلني ثقة بحالي انو اني رح اطلع بنتيجة ترضيني من دراستي الها وها الشي بينطبق على كل الامور بحياتك بغض النظر عن الدراسة

⭕ *3_ على هبة الاستعداد* والمعنى من هالجملة هو انك تكون مستعد بكامل قواك العقلية والجسدية وأمورك الاجتماعية والنفسية لهالسنة المصيرية بحياتك إنك انت تبتعد عن أي مصدر لمشكلة كانت ملازمتك قبل إنك تبتعد عن اي شخص بتعرفو ممكن يأثر عليك تاثير سلبي ولو 1% بالمية إنك تحوّط حالك بالاشخاص الصح والاصدقاء الصح بهالسنة بالذات لانو صدقني هالعامل كثير بيلعب دور في فرق كبير بين شخص بحب يشوفك ناجح وبيطير فيك فرحة و "صديق بيثقل وجهو بس يشوفك ناجح بأي شغلة وفهمكم كفاية👐"
إنك تخصص مكان لدراستك بالبيت يكون كفيل انو يعزلك عن أي مشتتات ممكن تأثر عليك حتى حتى جوات بيتك، مكان يكون كفيل انك مجرد ما انت قعدت فيه حسيت بالراحة النفسية المطلقة وصرت على كامل الاستعداد لانك تبلش دراسة❤️❤️✅

⭕ *4_نظّم نفسك ووقتك وعملك:*
تنظيم نفسك يعني انك ترتب جواتك أفكارك بالشكل الصحيح وتعرف انت شو بدك وشو لازم تعمل وشو لازم تحقق وتنجز
تنظيم وقتك وعملك انك *تكون قادر على وضع هالخطة الدراسية الصح بالأوقات الصح "برنامج الدراسة الخاص فيك" وإنك تلتزم بهالخطة وتضلك مثابر عليها دون أي تقصير منك وساعتها بس تنظم وقتك ومواعيد دراستك ومواعيد راحتك وتقسيم موادك انت من حالك رح تلمس الفرق بإنجازك الدراسي*

⭕ *5_استغلال وقت فراغك بالشكل الصحيح* يعني باختصار ما في طالب بكالوريا ما بيرتاح ساعة او ساعتين او حتى 3 الفكرة بإنك حتى ساعات هالراحة هي تستغلها بشي مفيد الك ولصحتك ولذهنك ولتفكيرك مش المهم انو نحنا هلق قاعدين ومرتاحين هذا بيعني انو اني لازم امسح مخي بهالوقت بريلزات الانستا او بفيديوهات الفيس لانو صدقوني كل هالشي ما بعود عليك بنفع لو واحد بالمية وعالوقت صدقوني هالشغلات بتمسح مخك وبتبعدو تماما عن التركيز والدراسة *"تذكروا نصيحة انو نبتعد عن المشتتات شو ما كانت تكون✅"*

⭕ *6_الانضباط:* تحت عنوان لجملة بتقول: *أن تفعل ما تكره كأنك تفعل ما تحب*
ما حدا منا بحب يقعد ورا الكتب والوراق والدفاتر ويدرس وأي شخص منا عندو ساعة اللعب بتسوا عشر ساعات دراسة كراحة لانو عطول نحنا منتقبل كل شي سهل ومنرفض أي شي صعب
بس نحنا بسنة منعرفها صعبة اوكي بس قادرين نخليها سهلة قادرين نقوم بواجبنا اتجاها ونحنا كل بالنا وتفكيرنا انو هيي اسخف من السخافة انو هيي شي نحنا منحب نعملو ونساويه وتذكرو فكرة مكان الدراسة الي مجرد ما انت قعدت فيه بتحس براحة نفسية هوي لحالو بصير يحببك بالدراسة انت بتصير حابب تدرس وتعيش جو انك عم تعمل اكثر شي بتحبو لانو عمليا هالشي الي عم تعملو هلق "الدراسة" رح يوصلك لأكثر شي انت عنجد بتحبو👐 *"مستقبلك الي انت بتحب تكون فيه❤️"*
لهيك شو ما كانت الظروف وشو ما كانت ظروفك وقد ما كانت صعبة نفسيا لازم تستمر وتنضبط لحتى نوصل لخط النهاية✅❤️

⭕ *7_الصبر:* كلنا عنا ظروف وكل واحد فينا ربنا يعينو على ما ابتلاه شو ما كان هالظرف الي مذايقو بس صديقي الحياة ما فيها شي اسمو راحة مطلقة عطول في عقبات بتخلي منك شخص نااجح وشخص قوي وقد حالو لهيك رح نعتبر فترة البكالوريا هيي مجرد عقبة لازم نصبر فيها لنتخطاها ونصير شخص اقوى وانجح بكثير من الشخص الي كان قبلها❤️❤️

⭕ *8_جملة فرّق تسود* يا ترى شو معناها؟ صح يمكن طول بالحكي فيها بس معناها والفائدة منها كثيير خارق❤‍🔥❤‍🔥 ←هلق نحنا لما نتطلّع على سنة البكالوريا من بعيد من قول يا ويلااخ من وين ابدا يا قلبي من وين بدي بلّش دراسة شو بدي ساوي شو بدي اعمل ← لمّا نقرّب شوية ونشوف موادها ونتعرف عليهن اكثر بتهون علينا شوية ← لما نمسك كتاب واحد من هالمواد اول ما نشوفو ونشوف

⭕ *انشالله اليوم رح تكون الرسالة الأولى*

⭕بعتذر عالتأخير بس بعدنا لهلق ما استقرينا بأمور الجامعة والدوام والسكن لهيك ما في هذاك الوقت كان معي بس انشالله اليوم اول رسالة رح تكون عندكن ❤️❤️

⭕ *صح احتمال تكون طويلة شوية بس من هلق الي خلقو ذيّق اني عم قلك صديقي ما تقراها*

⭕ *ويلي عنجد حابب يستفيد ويلمس هالافادة بالنتائج الي رح يحققها معنا يقراها بتمعّن وللآخر ❤️❤️*

*#Education_Light_Team* ❤‍🔥

كيفكم يا غوالي شو الاخبار
الحمدلله انو نشرت هيك فيديو
كثار ماكانو فاهمين شو بدنا بالضبط
حاليا رح نبني خطة عامة معكم
انه نبدأ بتطبيق النصائح الي موجودة بالقناة
وبالذات بالمحتوى الاخير
(كتاب ادرس بذكاء وليس بجهد)
ونشوف النتيجة بعيوننا
يا جماعة اني لما قريت الكتاب كنت عم قدم امتحانات فصل ثاني كنت قاري 3 فصول بس

الي هني:
🛑 قدرة العقل الحقيقة (رفعلي ثقتي بنفسي بعد مكنت محطم وشايف الكل اشطر مني ومش عارف انجز)
🛑الاعداد (فهمت ليش تم اتعب وتروح كل طاقتي واني مش حاسس وعرفت كيف اعطي قدرتي لدراستي)
🛑الذاكرة بوقتها صرت استخدم التأثيرات الي موحودة بالكتاب وصرت عنجد احفظ الفقرة بربع الوقت وبس راجعها حس انو قاريها كثير
رغم انو كون قاريها مرة وحدة
.
وكانو بس 3 فصول الي قاريهم من هالكتاب
.
بدي منكم طلب صادق الي بعده مش متابع هي السلسة يتابعها
و يسجل ملاحظات
وهو بنفسه يحكيلي النتيجة الي لمسها
وصدقوني كل شخص بتابع فيها رح يشكرني على توفير عنائه
موفقيين كلكم❤️🙏🏻

تغيير القرارات
وطريقة مساعدتنا الكم بهي السنة
لو سمحتو بدنا نتعاون نشارك الفيديو لكل شخص بهمكم امره
🙏🏻❤️
https://youtu.be/YkLSxrm4Mo0?si=W5Fw963gFICjkVZl

🔴 #عاااجل || اطلاق فريق EDU Light الموعد الرسمي لمساعدة طلاب البكالوريا 2025 على هذه القناة ان شاء الله
يرجى نشر الرابط لتعم الفائدة لكل شخص يهمك أمره
https://t.me/EDU_Light123

🔴 #عاااجل || ستصدر نتائج مفاضلة الجامعات الخاصة للاختصاصات غير الطبية بعد صدور نتائج المفاضلة العامة ب 10 أيام تقريباً.