Ethiopian Broadcasting corporation ® @ebc

Ethiopian Broadcasting corporation ®

28 Jan, 11:42

ኢትዮጵያ ከአፍሪካ መሪ የሆነችበት የ2024 አስደናቂ የቱሪዝም እድገት
***********************
የተባበሩት መንግስታት ድርጅት የቱሪዝም ባሮሜትር መረጃ ቱሪዝም ከኮቪድ ወረርሽኝ ችግር ማገገሙን አመላክቷል።
ይህም በአውሮፓውያኑ 2024 ዓለም አቀፍ ቱሪዝም አስደናቂ ለውጥ የተመዘገበበት እንዲባል አስችሎታል።
በዓለም አቀፍ ደረጃ የታየው የቱሪዝም እድገት ማበብ ኳታርን ቀዳሚ ያደረገም ሆኗል።
የቱሪዝም ዘርፉ አስደናቂ ስኬት አስመዝግቧል የሚለው ይሄው መረጃ፣ የቱሪዝም ገቢ መቶ ሠላሳ ሰባት በመቶ ዕድገት አሳይቷል።
ይህም ከ2019 ጋር ሲነፃፀር፣ ከዓለም አቀፍ የቱሪዝም ግዙፍ ኩባንያዎች የላቀ እድገት ማለትም ኢትዮጵያ 40 በመቶ፣ ጃፓን 16 በመቶ፣ ቱርክ 14 በመቶ፣ ስፔን 13 በመቶ፣ ሳውዲ አረቢያ 69 በመቶ፣ ማልታ 29 በመቶ፣ ሞሮኮ 35 በመቶ፣ እና ዶሚኒካን ሪፐብሊክ 32 በመቶ እድገት አስመዝግበዋል።
ኢትዮጵያ በቱሪዝም ዘርፍ አስደናቂ ውጤት በማስመዝገብ ከአፍሪካ ቀዳሚ ሆናለች።
ይህ አስደናቂ እድገት በታሪክ፣ በባሕል እና በተፈጥሮ ድንቆች የበለፀገ መዳረሻ በመሆን የሀገሪቱ ተወዳጅነት እየጨመረ መምጣቱን ያሳያል።
ኢትዮጵያ በአፍሪካ የቱሪዝም ዘርፉን በማነቃቃትም ግንባር ቀደም መሆን ችላለች።
ከአንድ ሚሊዮን በላይ ጎብኚዎች በአውሮፓውያኑ 2024 የጎበኟት ኢትዮጵያ፣ በ2030 ቱሪዝም የበለጠ አስተዋፅዖ ሊያደርግ ይችላል ተብሎ ይጠበቃል።
በጌቱ ላቀው

740

Ethiopian Broadcasting corporation ®

28 Jan, 11:41

በኢትዮጵያ በሚካሄደው ዓመታዊው ዓለም አቀፍ የቁርዓን ውድድር የሚሳተፉ እንግዶች አዲስ አበባ እየገቡ ነው
***********
በኢትዮጵያ በሚካሄደው ዓለምአቀፉ ዓመታዊ የቁርዓን ውድድር የሚሳተፉ እንግዶች አዲስ አበበ እየገቡ ነው።
ውድድሩ በዘይድ ኢብን ሳቢት የቁርዓን ማኅበርና በኢትዮጵያ እስልምና ጉዳዮች ጠቅላይ ምክር ቤት የተዘጋጀው ነው።
የዘይድ ኢብን ሳቢት የቁርዓን ማኅበር ፕሬዚዳንትና የኢትዮጵያ ዓለም አቀፍ የቁርዓንና የአዛን ውድድር ዋና ኃላፊ ዶክተር ኑረዲን ቃሲም፥ ውድድሩ ከጥር 21 እስከ 25/2017 ዓ.ም እንደሚካሄድ አስታውቀዋል።
ኢትዮጵያን የሚወክሉ 2 ወንድና 1 ሴት ተወዳዳሪዎች መለየታቸውንም ዶክተር ኑረዲን ጨምረው ገልፀዋል።
በውድድሩም ከአፍሪካ፣ ከመካከለኛው ምስራቅ፣ ከእስያ፣ ከአውሮፓ እና ከአሜሪካ በአጠቃላይ ከ60 ሀገራት የተውጣጡ ተወዳዳሪዎች የሚሳተፉ ሲሆን፤ ተወዳዳሪዎቹ አዲስ አበባ እየገቡ መሆኑን ገልጸዋል።
የፓርላማ አባላት፣ ኢንቬስተሮች፣ አምባሳደሮች እና ሌሎች አካላት ዝግጅቱን እንደሚታደሙ መናገራቸውን ኢዜአ ዘግቧል።
ተወዳዳሪዎቹ በውድድሩ ከመሳተፍ በተጨማሪ በኢትዮጵያ የሚገኙ የተለያዩ የቱሪስት መስህቦችን እንደሚጎበኙ አዘጋጆቹ ገልጸዋል።

576

Ethiopian Broadcasting corporation ®

28 Jan, 11:37

ኢራን አዲሱን ግዙፍ ድሮኗን ይፋ አደረገች
*****************
ኢራን "ጋዛ" የሚል ስያሜ የሰጠችውን እና እስካሁን ከሰራቻቸው ድሮኖች ሁሉ በግዝፈቱ የሚልቀውን አዲስ ድሮን ይፋ አድርጋለች።
500 ኪሎግራም ክብደት የመሸከም አቅም እንዳለው የተነገረው ድሮኑ፣ በአንድ ጊዜ 13 ቦንቦችን መያዝ ይችላል ተብሏል።
እስከ 1ሺህ ኪሎ ሜትር ድረስ ጥቃት መፈፀም እንደሚችልም ተነግሯል።
በአየር ላይ ያለማቋረጥ ለ35 ሰዓታት መቆየት እንደሚችል የተነገረለት ድሮኑ፤ በሰዓት 350 ኪሎሜትር መብረር ይችላልም ተብሏል።
"ጋዛ" የሚል ስያሜ የተሰጠው ይህ ድሮን 22 ሜትር የሚረዝም ክንፍ አለው።
በኢራን እሁድ እለት በተካሄደ ትልቅ ወታደራዊ ልምምድ ላይ ይፋ የተደረገው ድሮኑ፣ በዚሁ ወቅት ለመጀመሪያ ጊዜ ስምንት ኢላማዎችን በተሳካ ሁኔታ ማውደም ችሏል ተብሏል።
በሔለን ተስፋዬ

443

Ethiopian Broadcasting corporation ®

28 Jan, 11:37

የኢትዮጵያ የልማት ድርጅቶች በኢኮኖሚው እድገት ላይ ያላቸው አስተዋፅኦ ከፍተኛ ነው፡- ብሩክ ታዬ (ዶ/ር)
***************
የኢትዮጵያ የልማት ድርጅቶች በኢኮኖሚው እድገት ላይ ያላቸው አስተዋፅኦ ከፍተኛ መሆኑን የኢትዮጵያ ኢንቨስትመንት ሆልዲንግስ ዋና ስራ አስፈፃሚ ብሩክ ታዬ (ዶ/ር) ገልጸዋል።
የኢትዮጵያ የመንግስት የልማት ድርጅቶች አጥጋቢ ካልሆነ የአስተዳደር ማእቀፍ በመውጣት፣ በኢትዮጵያ ኢኮኖሚ ቁልፍ ሚና እየተጫወቱ መሆኑን እና ወደ አማራጭ የፋይናንስ ምንጭነት መሸጋገራቸውን ዋና ስራ አስፈፃሚው ተናግረዋል።
የኢትዮጵያ ኢንቨስትመንት ሆልዲንግስ በስሩ 34 የመንግስት የልማት ድርጅቶችን በባለቤትነት የሚያስተዳድር ሲሆን የኢትዮጵያ አየር መንገድ፣ ኢትዮ ቴሌ ቴሌኮም ፣የኢትዮጵያ ፖስታ ፣የኢንዱስትሪ ፓርኮች ልማት ኮርፖሬሽን ፣የኢትዮጵያ ኤሌትሪክ ኃይል እና የኢትዮጵያ ልማት ባንክ ከድርጅቶቹ መካከል ይጠቀሳሉ።
በ2014 ዓ.ም በ100 ቢሊዮን ብር የተፈቀደ ካፒታል የተቋቋመው ተቋሙ፤ መንግስት ባደረጋቸው ማሻሻያዎች አማካኝነት ተቋቁሞ ወደ ስራ መግባቱን የድርጅቱ ዋና ስራ አስፈፃሚ "ኢትዮጵያን ኢን ፎከስ" በተሰኘው ፕሮግራም ላይ ገልጸዋል።
በፓሪስ የአክሲዮን ገበያ የዓለም አቀፍ የንግድ ኩባንያዎችን አክሲዮን ላይ መዋዕለ ንዋዩን በማፍሰስ የኢኮኖሚ ተጠቃሚነትን ለማረጋገጥ እየሰራ ነው ብለዋል።

427

Ethiopian Broadcasting corporation ®

28 Jan, 11:34

የቀድሞው የሕዝብ ተወካዮች ምክር ቤት አባል አቶ ዳኘ ሽብሩ ከዚህ ዓለም በሞት ተለዩ
*********************
የቀድሞ የሕዝብ ተወካዮች ምክር ቤት አባል አቶ ዳኘ ሽብሩ ከዚህ ዓለም በሞት ተለይተዋል፡፡
አቶ ዳኘ ሽብሩ ባጋጠማቸው የመኪና አደጋ በሕክምና ሲረዱ ቆይተው በተወለዱ በ57 ዓመታቸው በትናንትናው ዕለት አርፈዋል፡፡
የቀድሞው የምክር ቤት አባሉ በኦሮሚያ ክልል ሰሜን ሸዋ ዞን (ሰላሌ) ወረ ጃርሶ ወረዳ የምርጫ ክልል ሕዝብን በመወከል የሦስተኛው ዙር ምክር ቤት አባል ነበሩ፡፡
የምክር ቤት የአባልነት የሥራ ዘመናቸውን ካጠናቀቁ በኋላ እስከ ህልፈተ ሕይወታቸው ድረስ በሲቪል ማሕበረሰብ ድርጅቶች ባለሥልጣን በተለያዩ የኃላፊነት ቦታዎች አገልግለዋል፡፡
አቶ ዳኘ ሽብሩ የአንድ ወንድ እና የአንድ ሴት ልጅ አባት ነበሩ፡፡
የቀብር ሥነ-ሥርዓታቸው በሱሉልታ ቅዱስ ገብርኤል ቤተክርስቲያን በዛሬው ዕለት ከቀኑ 7፡00 ላይ እንደሚፈጸም ከምክር ቤቱ የተገኘው መረጃ ያመላክታል፡፡

457

Ethiopian Broadcasting corporation ®

28 Jan, 11:33

ፕሬዚዳንት ታየ አፅቀ ሥላሴ የተሳተፉበት የአፍሪካ ኢነርጂ ጉባዔ እየተካሄደ ነው
*****************
ፕሬዚዳንት ታየ አፅቀ ሥላሴ የተሳተፉበት የአፍሪካ ኢነርጂ ጉባዔ በታንዛኒያ ዳሬ ሰላም እየተካሄደ ነው።
ጉባዔውን የታንዛኒያ መንግስት፣ የአፍሪካ ህብረት፣ የአፍሪካ ልማት ባንክ እና የዓለም ባንክ በጋራ አዘጋጅተውታል፡፡
የአፍሪካ ልማት ባንክ እና ዓለም ባንክ በቀጣይ 5 ዓመታት ለ300 ሚሊዮን አፍሪካዊያን የኤሌክትሪክ ኃይል ተደራሽ ለማድረግ የያዙት ውጥን እውን እንዲሆን ያለመ ጉባዔ ነው።
በአፍሪካ 600 ሚሊዮን ህዝብ ከኤሌክትሪክ ኃይል ተደራሽነት ውጪ መሆኑን መረጃዎች ያሳያሉ፡፡
አህጉሪቱ ያላትን እምቅ የታዳሽ ኃይል ወደ ሥራ ለማስገባት ዘርፈ ብዙ ሥራዎች እየተከናወኑ ነው፡፡
ሙሉ ግርማይ

544

Ethiopian Broadcasting corporation ®

26 Jan, 12:57

ሩዋንዳ እና ዴሞክራቲክ ኮንጎ ግጭታቸውን ለመፍታት ፍላጎት ካለቸው ቱርክ ለማገዝ ዝግጁ መሆኗን አስታወቀች
****************
የቱርኩ ፕሬዚዳንት ረሲብ ጠይብ ኤርዶሃን ከሩዋንዳው አቻቸው ፖል ካጋሜ ጋር በአንካራ በነበራቸው ውይይት ሩዋንዳ ከዴሞክራቲክ ኮንጎ ጋር ያለባትን ግጭት ለመፍታት ፍላጎት እንዳላቸው ገልጸዋል፡፡
ፕሬዚዳንት ኤርዶሃን እንዳሉት ሀገራቸው "ለአፍሪካ ችግሮች አፍሪካዊ መፍትሔ" በሚለው መርህ አፍሪካውያን በጋራ ችግሮቻቸውን የሚፈቱበትን እና ለአህጉሪቱ መረጋጋት እና ዕድገት እንዲሠሩ ፍላጎት አላት፡፡
ቱርክ አንጎላ ለምትመራው የሩዋንዳ-ኮንጎ ድርድር ድጋፍ እንደምትሰጠም ፕሬዝዳንቱ አረጋግጠዋል።
ሁለቱ መሪዎች በንግድ እና ሌሎች ዘርፎች ያላቸውን ትብብር ስለማሳደግ የተወያዩ ሲሆን፤ የቱርክ ድርጅቶች ሩዋንዳ ውስጥ የሚጫወቱትን ወሳኝ ሚና በማንሳት የቱርክ ኢንቨስትመንት እንዲጨምር ተስማምተዋል።
የሩዋንዳው ፕሬዚዳንት ፖል ካጋሜ በበኩላቸው በሀገራቸው እና ቱርክ መካከል ያለውን ትብብር ወደ ላቀ ደረጃ ለማሳደግ እንደሚሠሩ ገልጸው፣ ቱርክ ለአፍሪካ ሰላምና ፀጥታ ጉዳይ መስራቷን የሚያስመሰግን ነው ብለዋል::
በቅርቡም ኢትዮጵያን እና ሶማሊያ በውይይት ችግሮችን እንዲፈቱ ኤርዶሃን ለተጫወቱት ሚና ምስጋና አቅርበዋል::
የተደረሱት ስምምነቶች ሩዋንዳ እና ቱርክ ትብብራቸውን ለማጠናከር ቁርጠኛ እንደሆኑ ያሳያል ያሉት ካጋሜ፤ ለቱርክ ኢንቨስትመንት እንዲሁም ለአንካራ የሰላም ጥረቶች ምስጋና ማቅረባቸውን ስፑትኒክ ዘግቧል::
በለሚ ታደሰ

847

Ethiopian Broadcasting corporation ®

26 Jan, 12:56

ባለፉት 6 ወራት ከ3.5 ቢሊዮን ብር በላይ የዋጋ ግምት ያላቸው የኮንትሮባንድ ዕቃዎች ተይዘዋል
**********
የወንጀል መከላከል ጠቅላይ መምሪያ በ2017 ግማሽ በጀት ዓመት ከ3 ነጥብ 5 ቢሊዮን ብር በላይ የዋጋ ግምት ያላቸው የኮንትሮባንድ ዕቃዎች መያዙን አስታወቀ።
የኢትዮጵያ ፌደራል ፖሊስ ወንጀል መከላከል ጠቅላይ መምሪያ የ6 ወር የሥራ አፈፃፀም የማጠቃለያ ግምገማ ተካሂዷል።
ከጉምሩክ ኮሚሽን ጋር በመተባበር በቁጥጥር ሥር ከዋሉት ዕቃዎች መካከል ተሽከርካሪዎች፣ መድኃኒቶችና በሕገ-ወጥ መንገድ ሊወጡ የነበሩ የከበሩ ማዕድናት እንደሚገኙበት የጠቅላይ መምሪያው አዛዥ ምክትል ኮሚሽነር ጀነራል መላኩ ፋንታ ገልፀዋል።
ከዚህ በተጨማሪ በሰው ጤና ላይ ከፍተኛ ጉዳት ሊያስከትሉ የሚችሉ ጊዜያቸው ያለፈባቸው መድኃኒቶችና ምግቦችም እንደተያዙ ምክትል ኮሚሽነር ጀነራል መላኩ ፋንታ ተናግረዋል።

661

Ethiopian Broadcasting corporation ®

26 Jan, 12:54

የዲራሼ፣ ኩሲሜ፣ ማሾሌ እና ሞሲዬ ብሔሮች የዘመን መለወጫ በዓል በጊዶሌ እየተከበረ ነው
*********
የዲራሼ፣ ኩሲሜ፣ ማሾሌ እና ሞሲዬ ብሔሮች የዘመን መለወጫ በዓል በጋርዱላ ዞን፣ ጊዶሌ ከተማ በድምቀት እየተከበረ ነው።
በበዓሉ ላይ የደቡብ ኢትዮጵያ ክልል ርዕሰ መስተዳድር ጥላሁን ከበደን ጨምሮ የክልሉ ከፍተኛ የሥራ ኃላፊዎች ተገኝተዋል።
ከአራቱ ብሔሮች የተውጣጡ የፊላ ሙዚቃ ቡድኖች ለ‘ሀይሶት ህርባ’ ዘመን መለወጫ ሙዚቃዊ ትርዒት በማቅረብ ላይ ይገኛሉ።
በጊዶሌ ከተማና በዙሪያዋ የሚገኙት የዲራሼ፣ ሞሲዬ፣ ኩሲሜ እና ማሾሌ ብሔረሰቦች ቋንቋ በዚሁ ቅደም ተከተል ዲራይታት፣ ሞስቻቻ፣ ኩሲሚኛ እና ማሾልኛ በመባል ይታወቃሉ።
በሰለሞን ከበደ

512

Ethiopian Broadcasting corporation ®

24 Jan, 06:46

ትራምፕ በዩክሬን ያለውን ጦርነት እንዲያስቆሙ ፑቲንን አሳሰቡ
*****************

አዲሱ የአሜሪካ ፕሬዚዳንት ዶናልድ ትራምፕ በዩክሬን ያለውን ጦርነት እንዲያስቆሙ ፕሬዚዳንት ፑቲንን አሳስበዋል፡፡

ትራምፕ የሩሲያው ፕሬዚዳንት ጦርነቱን ማስቆም ካልቻሉ በሀገሪቱ ላይ ከፍተኛ ቀረጥ እና ተጨማሪ ማዕቀብ እንደሚጥሉም አስጠንቅቀዋል።

ትራምፕ በምርጫ ቅስቀሳ ዘመቻቸው ወቅት የሩሲያ እና ዩክሬን ጦርነትን “በአንድ ቀን” ውስጥ አስቆመዋለሁ ማለታቸው ይታወሳል፡፡

ከዶናልድ ትራምፕ ንግግር ጋር ተያይዞ እስካሁን ከሩሲያ በኩል የተሰጠ ምላሽ አለመኖሩን ቢቢሲ ዘግቧል፡፡

ከሰሞኑ ፕሬዚዳንት ትራምፕ በቅርቡ ከፑቲን ጋር እንደሚነጋገሩ በመግለጽ ፤ “ይህን አታካች ጦርነት ማስቆም ይገባል” ማለታቸው አይዘነጋም፡፡

በሜሮን ንብረት

161

Ethiopian Broadcasting corporation ®

24 Jan, 06:46

የኢትዮጵያ አየር መንገድ የካርጎና ሎጂስቲክስ አገልግሎቱን ይበልጥ ለማላቅ እየሰራ ነው
*********************

የኢትዮጵያ አየር መንገድ የካርጎና ሎጂስቲክስ አገልግሎቱን ይበልጥ ለማላቅ እየሰራ መሆኑን አስታውቋል፡፡

አየር መንገዱ በዛሬው ዕለት ቦይንግ 777F ዕቃ ጫኝ አውሮፕላንን ተቀብሏል፡፡

አውሮፕላኑ አየር መንገዱ እየሰጠ ያለውን አስተማማኝና ዓለም ዓቀፍ ደረጃውን የጠበቀ የአየር ዕቃ ጭነት አገልግሎት ይበልጥ ለማጠናከር እንደሚያግዝ ተገልጿል፡፡

የኢትዮጵያ አየር መንገድ በማኅበራዊ ትስስር ገጹ ፤ “ይህ አዲስ የካርጎ አውሮፕላን አየር መንገዱ ማኅበራዊ ኃላፊነቱን በመወጣት ረገድ እያከናወናቸው የሚገኙ ተግባራትን የሚያግዙና የበጎ ፈቃድ አገልግሎት ላይ ለተሰማሩ ተቋማት የሚለገሱ ቁሳቁሶችንም ወደ ሀገር ውስጥ ይዞ መጥቷል” ብሏል፡፡

120

Ethiopian Broadcasting corporation ®

24 Jan, 06:46

የሀገሪቱን የግብይት ስርዓት ከመሰረቱ የሚቀይር የበየነ-መረብ ግብይት ተጀመረ
******************

የሀገሪቱን የግብይት ስርዓት ከመሰረቱ የሚቀይር የበየነ-መረብ ግብይት መጀመሩን የንግድና ቀጣናዊ ትስስር ሚኒስትር ካሳሁን ጎፌ (ዶ/ር) ገልጸዋል፡፡

ሚኒስትሩ በማኅበራዊ ትስስር ገጻቸው ፤ “የሃገራችንን የግብይት ስርዓት ከመሰረቱ የሚቀይር የበየነ-መረብ (ኦንላይን) ግብይትን አስጀምረናል” ብለዋል፡፡

ለዘመናዊ የንግድ ስርዓት መሰረት የሚሆኑ ቁልፍ ተግባራትም በዛሬው ዕለት ይፋ መደረጋቸውን አንስተዋል፡፡

አዲሱ የግብይት ስርዓት የንግዱ ዘርፉ በሀገሪቱ ኢኮኖሚ የሚገባው ድርሻ እንዲወጣ እንደሚያስችልም ገልጸዋል፡፡

ስርዓቱ የበየነ-መረብ ግብይት ፍትሃዊነትን የሚያረጋግጥ እና ለሀገሪቱ የወጪ ንግድ ብዝሃነት ትልቅ ግብዓት እንደሚሆንም ጠቁመዋል፡፡

የግብይት ስርዓቱ የንግድ ሰንሰለቱን በማሳጠር አምራች እና ነጋዴውን በቀጥታ እንደሚያገናኝም አስታውቀዋል፡፡

ሚኒስትሩ የግብይት ስርዓቱ የሀገሪቱ አርሶ አደሮችን የአካታች የፋይንስ ሥርዓት ተጠቃሚ ለማድረግ እንደሚያግዝም ጠቅሰዋል፡፡

በዚሁ መድረክ ላይ የዲጂታል ግብይትን ጽንሰ ሐሳብ ያነገበ አዲሱን የኢትዮጵያ ምርት ገበያ መለያ ምልክት (ሎጎ) ይፋ ማድረጋቸውንም ገልጸዋል፡፡

የኢትዮጵያ ምርት ገበያ ባለ 24 ወለል ህንጻ የመሰረት ድንጋይ ማስቀመጣቸውንም አመላክተዋል፡፡

221

Ethiopian Broadcasting corporation ®

24 Jan, 06:46

የሶማሌ ክልል 32ኛ ዓመት የምሥረታ በዓል ተከበረ
*******************

የሶማሌ ክልል 32ኛ ዓመት የምሥረታ በዓል በዛሬው ዕለት በጅግጅጋ ከተማ በድምቀት ተከብሯል፡፡

በክብረ በዓሉ ላይ የፌዴሬሽን ምክር ቤት አፈ ጉባዔ አገኘሁ ተሻገር፣ የሶማሌ ክልል ርዕሰ መሥተዳድር ሙስጠፋ ሙሁመድ፣ የሀረሪ ክልል ርዕሰ መሥተዳድር ኦርዲን በድሪ፣ የድሬዳዋ ከተማ ከንቲባ ከድር ጁሃር እንዲሁም ከተለያዩ የጎረቤት ሀገራት የተጋብዙ እንግዶች ተገኝተዋል።

የፌደሬሽን ምክር ቤት አፈ ጉባዔ አገኘው ተሻገር ፤ "በሶማሌ ክልል የሰፈነው አስተማማኝ ሰላምና የተጀመረው አመርቂ የልማት እንቅስቃሴ የበለጠ ተፋጥኖ ለዓመታት ከልማት ርቆ የኖረው የክልሉ ህዝብ ህይወት በአጭር ጊዜ እንደሚለወጥ ያለኝን ፅኑ እምነት እገልፃለሁ" ብለዋል።

የሶማሌ ክልል ፕሬዝዳንት ሙስጠፋ ሙሁመድ በበኩላቸው ፤ ክልሉ ከተመሰረተ በኋላ በተለያዩ ውጣ ውረዶች ማሳለፉን አስታውሰው ፣ ባለፉት ስድስት የለውጥ ዓመታት የክልሉ ህዝብ በኢትዮጵያዊነቱ ሳይሸማቀቅ ራሱን ማስተዳደር መቻሉን አስታውቀዋል፡፡

አክለውም ከለውጡ ማግስት በክልሉ የሰፈነው አስተማማኝ ሰላም ፤ የሶማሌ ክልል ህዝብ ከሌሎች ወንድም ህዝቦች ጋር በሰላም ለመኖር እና የልማት ተጠቃሚነቱን ለማሳደግ ማስቻሉን መናገራቸውን ከክልሉ ኮሙኒኬሽን ቢሮ የተገኘው መረጃ ያሳያል፡፡

127

Ethiopian Broadcasting corporation ®

24 Jan, 06:46

በስልጤ ዞን ሁልባራግ ወረዳ በደረሰ የትራፊክ አደጋ የ8 ሰዎች ሕይወት አለፈ
******************

በማዕከላዊ ኢትዮጵያ ክልል ስልጤ ዞን በሁልባራግ ወረዳ ከአዲስ አበባ ወደ አርባ ምንጭ ይጓዝ የነበረ የህዝብ ማመላለሻ ተሽከርካሪ ከባጃጅ ጋር ተጋጭቶ የ8 ሰዎች ሕይወት አልፏል።

የስልጤ ዞን ፖሊስ መምሪያ ኮማንዳር ኑረዲን ሀምዳላ በተለይ ለኢቢሲ ዶትስሪም እንደገለፁት፤ ዛሬ ጠዋቱ 3፡30 አካባቢ የህዝብ ማመላለሻ ተሽከርካሪው በወረዳው ከቢለዋንጃ ወደ ኬራቴ ሲጓዝ ከነበረ ባጃጅ ጋር ተጋጭቶ አደጋው ተከስቷል።

በአደጋው ከፍተኛ ጉዳት የደረሰባቸው ሰዎችም ስለሚገኙ የሟቾች ቁጥር ሊጨምር እንደሚችልም ኮማንዳር ኑረዲን ሀምዳላ ተናግረዋል።

የትራፊክ አደጋው መንስኤ ከገደብ በላይ በፍጥነት ማሽከርከር እንደሆነ የዞኑ ኮሚዩኒኬሽን መረጃ ያመላክታል።

በላሉ ኢታላ

109

Ethiopian Broadcasting corporation ®

24 Jan, 06:46

የ "ጥርን በባህር ዳር" ዝግጅት አንዱ አካል የሆነው የታንኳ ቀዘፋ ውድድር እና የጀልባ ትርዒት እየተካሄደ ነው
*******************

በአማራ ክልል በጥር ወር ከማከበሩት ደማቅ ሁነቶች አንዱ በባህር ዳር ከተማ እና በጣና ሀይቅ ላይ የሚካሄደው "ጥርን በባህር ዳር" ዝግጅት ነው።

በጣና ሃይቅ ላይ እየተካሄደ ያለው የጥርን በባሕር ዳር የባህል፣ የገጽታ ግንባታ እና የቱሪስት መስህብ ሥራ ሆኖ ቀጥሏል።

ይህ አስደማሚ ዝግጅት ባለፉት ሰባት አመታት ሲካሄድ የቆየ ሲሆን በዚህ አመትም የጥር ወር ከገባ ጀምሮ በተለያዩ መርኃ-ግብሮች ሲካሄድ ሰንብቷል።

የታንኳ ቀዘፋ ውድድር፣ የጀልባ ትርዒትና ሽርሽር ከሚካሄዱ ሁነቶች መካከል የሚጠቀሱ መሆናቸውን ከአማራ ክልል ባህልና ቱሪዝም ቢሮ የተገኘው መረጃ ያመላክታል።

113

Ethiopian Broadcasting corporation ®

10 Jan, 19:11

በመዲናዋ የትራፊክ ፍሰትና አጠቃላይ የፀጥታ ሁኔታን የሚቆጣጠር የድሮን ስምሪት ይደረጋል - የኢትዮጵያ ፌደራል ፖሊስ
*****************

በቅርብ ቀናት በአዲስ አበባ ከተማ የትራፊክ ፍሰትና አጠቃላይ የፀጥታ ሁኔታ እንዲሁም ታላላቅ ፕሮግራሞችን ቁጥጥር ማድረግ የሚችሉ የድሮኖች ስምሪት እንደሚደረግ የኢትዮጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል ገለፁ፡፡

የፀጥታ ጥምር ኃይል በአዲስ አበባና ዙሪያዋ ያለውን የፀጥታ ሁኔታን በኢትዮጵያ ፌደራል ፖሊስ ዋና መሥሪያ ቤት በመገምገም ቀጣይ አቅጣጫ አስቀምጧል።

ግምገማውን የመሩት ኮሚሽነር ጀነራል ደመላሽ ገ/ሚካኤል የወንጀል መከላከል ሥራችንን በከፍተኛ ደረጃ ማሳደግ የሚችሉ ስራዎች እየተሰሩ መሆኑን ተናግረዋል፡፡

አያይዘውም ከ15 ቀን በፊት በተቀመጠው አቅጣጫ መሰረት የከተማችን ሰላምና ደህንነት ዘላቂ እንዲሆን የፀጥታ ጥምር ኃይሉ ተቀናጅቶ በመሥራቱ ከፍተኛ ውጤት ተመዝግቧል ብለዋል፡፡

በዚህም አሁን ላይ በአዲስ አበባ ምቹ የፀጥታ ሁኔታ ያለበትና በቀጣይ በሀገራችን የሚከበረው የጥምቀት በዓል እና የአፍሪካ ህብረት የመሪዎች ጉባዔ በሰላም እንዲጠናቀቁ ከወዲሁ ይህንን የሚመጥን ዝግጅት መደረጉን ገልፀዋል፡፡
https://web.facebook.com/EBCzena/posts/pfbid02J6MXWz9ofFg3ruE4SNq1YohDYsMpRyboVX7KA73iP5hvzE8ZXLk8paPVsQrftULrl

297

Ethiopian Broadcasting corporation ®

10 Jan, 19:11

የአቶ ቡልቻ ደመቅሳ የቀብር ስነ-ስርዓት የፊታችን እሁድ ይፈፀማል
***************

የአንጋፋው ፖለቲከኛ እና የምጣኔ ሀብት ባለሙያ አቶ ቡልቻ ደመቅሳ የቀብር ስነ-ስርዓት በመጪው እሁድ ጥር 4 ቀን 2017 ዓ.ም ይፈፀማል፡፡

በዕለቱ ከጠዋቱ 3 ሰዓት ከመኖሪያ ቤታቸው ወደ አድዋ ድል መታሰቢያ አዳራሽ የእርሳቸውን ክብር በሚመጥን መልኩ የአስክሬን ሽኝት እንደሚደረግም ተገልጿል፡፡

ከሽኝቱ በኋላ የቀብር ስነ-ስርአቱ ቤተሰቦቻቸው፣ የመንግስት ከፍተኛ ባለስልጣናት፣ ወዳጅ ዘመዶቻቸው በተገኙበት እሁድ ከቀኑ 7 ሰዓት በጴጥሮስ ወጳውሎስ መካነ መቃብር እንደሚፈፀም ታውቋል፡፡

334

Ethiopian Broadcasting corporation ®

10 Jan, 19:11

በሰሜን ወሎ ዞን ዋድላ ወረዳ የሰብል ቃጠሎ መድረሱ ተገለፀ
******************

በአማራ ክልል ሰሜን ወሎ ዞን ዋድላ ወረዳ 03 ቀበሌ በአርሶ አደሮች ሰብል ላይ የእሳት ቃጠሎ አደጋ መድረሱን የወረዳው ዋና አስተዳዳሪ ሲልማ ባዬ አስታውቀዋል።

ቃጠሎው የደረሰው ቀጭኔ ተብሎ በሚጠራው ጎጥ ላይ ሲሆን በቃጠሎው የ52 አርሶ አደሮች ሰብል መውደሙን ዋና አስተዳዳሪው ተናግረዋል።

የወረዳው ሰላም እና ጸጥታ ጽሕፈት ቤት ኃላፊ ኢንስፔክተር ሀብቴ በላይ፤ አደጋው በክልሉ ካለው ወቅታዊ የጸጥታ ችግር ጋር የተዛመደ ሳይሆን በጥንቃቄ ጉድለት መከሰቱን ገልጸዋል።

የጉዳቱን መጠን እና የተጎጂ ወገኖችን ልየታ በማድረግ አስፈላጊውን ድጋፍ ለማድረግ እየተሰራ መሆኑን አሚኮ ዘግቧል።

401

Ethiopian Broadcasting corporation ®

10 Jan, 19:11

ሳይንቲስቶች 1.2 ሚሊዮን ዓመት እድሜ ያለው የበረዶ ግግር ማግኘታቸውን ገለፁ
******************

አለም አቀፍ የሳይንስ ቡድን አባላት 1.2 ሚሊዮን አመት እድሜ ያለውን የበረዶ ግግር በአንታርክቲካ ማግኘት መቻላቸውን አስታውቀዋል።

ይህ ግኝት የምድር ከባቢ አየር እንዴት እየተቀየረ እንዳለ ለሳይንቲስቶች ግንዛቤ ለመስጠት ወሳኝ ነው ተብሏል።

የሳይንስ ቡድኑ 2 ማይል (3.2 ኪሎ ሜትር) ወደ አንታርክቲካ በረዶ ዘልቆ በመግባት ቁፋሮውን ማካሄዱ ተጠቅሷል።

በረዶው ከእድሜው አንፃር እስካሁን ከተገኙት የበረዶ ግግሮች ረዥም እድሜን ያስቆጠረ መሆኑ ተጠቁሟል፡፡

ግኝቱ የጥንት በረዶ ትንተና፣ የምድር ከባቢ አየር እና የአየር ሁኔታ እንዴት እንደተሻሻሉ ያሳያል መባሉን ቢቢሲ ዘግቧል።

ሳይንቲስቶች ግኝቱ የበረዶ ዘመን ዑደቶች እንዴት እንደተለወጡ ግንዛቤ ለማግኘት እና በከባቢ አየር ውስጥ ያለው ካርቦን እንዴት የአየር ሁኔታን እንደለወጠ ለመረዳት ይረዳል ብለዋል።

ጥናቱን ያስተባበሩት ፕሮፌሰር ካርሎ ባርባንቴ በግኝቱ መሰረት በከባቢ አየር ውስጥ ባለው የሙቀት አማቂ ጋዞች፣ ኬሚካሎች እና አቧራዎች ምን እንደተቀየረ እንረዳለን ሲሉ ተናግረዋል።

በሴራን ታደሰ

745

Ethiopian Broadcasting corporation ®

10 Jan, 19:11

የኤሌክትሪክ ተሽከርካሪ ቻርጅ ማድረጊያ ስርዓትን የሚቆጣጠር መመሪያ ፀደቀ
**************

የኤሌክትሪክ ተሽከርካሪ ቻርጅ ማድረጊያ (ኃይል ሙሌት) ስርዓትን የተመለከተ መመሪያ ማጽደቁን የነዳጅና ኢነርጂ ባለስልጣን አስታወቀ፡፡

መመሪያው በቤት ውስጥና ለንግድ ዓላማ የሚውሉ የኃይል መሙያ ስርዓት ቴክኒክና የኤሌክትሪከ የክፍያ ሥርዓትን ለመቆጣጠር የሚያስችል የህግ ማዕቀፍ ነው ተብሏል፡፡

መመሪያው በዋናነት የፈቃድ መስፈርቶች፤ የቴክኒካል ስታንዳርድ፤ መሟላት የሚገባቸው የደህንነት መስፈርቶች እና የኤሌክትሪክ ክፍያ ተመን ማካተቱ ተጠቅሷል፡፡

በተጨማሪም መመሪያው የኃይል መሙያ መሠረተ ልማት አቅራቢዎችን፣ ተጠቃሚውን፤ የኤሌክትሪክ ሃይል አቅራቢዎችን እና የተሸከርካሪ ባለቤቶችን መብትና ግዴታ ያስቀምጣል ነው የተባለው፡፡

የኃይል መሙያ ሥርዓት አገልግሎትን በተመለከተ በቤት ውስጥ፣ ለህዘብ መገልገያ እና ለራስ አገልግሎት በተለያዩ ተቋማት የሚተከሉ ሲስተሞች በሚል በሶስት ክፍል የተከፋፈለ ሆኖ መዘጋጀቱን የባለስልጣኑ መረጃ ያመለክታል፡፡
https://web.facebook.com/EBCzena/posts/pfbid0u1L4x5M6vMegEFQij4c89aZhhNhwVC25voqwJ8qviKWHN2aJejPNwDmdf5PgACD5l

547

Ethiopian Broadcasting corporation ®

10 Jan, 19:11

ጠቅላይ ሚኒስትር ዐቢይ አሕመድ (ዶ/ር) የኢትዮጵያ ሙዓለ ንዋዮች ገበያ (ESX) መርቀው ከፍተዋል።

ይኽ ተግባር የኢትዮጵያን የፋይናንስ ዘርፍ በማዘመን ረገድ ዐቢይ ርምጃ ነው። ESX ለዘርፉ ግልፅነትን የተላበሰ የገበያ ስፍራ ይፈጥራል።

በሁለተኛው የሀገር በቀል የኢኮኖሚ ሪፎርም ጥላ ሥርም በኢንቨስትመንት ለሚመራ እድገት በር ይከፍታል።

በመንግሥትም በግልም ዘርፎች የፋይናንስ አካታችነትን በማስፋት የቁጠባ እንቅስቃሴን ማሳደግን ብሎም ኢንቬስተሮችን መጠበቅን ታላሚ አድርጎ ተነስቷል።

ESX በሶስት የገበያ ክፍሎች ላይ ይሰራል። እነዚህም ለቢዝነስ ተቋማት፣ ለመንግሥት እና ሌሎች ተቋማት የሚያገለግሉ የይዞታ ገበያ፣የቋሚ ገቢ ገበያ እና የገንዘብ ገበያ ናቸው። የሙከራ የገንዘብ ገበያው ከ100 ቢሊዮን ብር በላይ እንቅስቃሴ ተካሂዶበታል።

ይኽም ገበያው የኢትዮጵያን የፋይናንስ ስርዓት ለማጠናከር ብሎም ለዘላቂ ልማት የካፒታል አቅም ለማሰባሰብ ያለውን አቅም አሳይቷል።

#PMOEthiopia

321

Ethiopian Broadcasting corporation ®

10 Jan, 15:11

https://t.me/bbc_news_amharic_2

233

Ethiopian Broadcasting corporation ®

10 Jan, 05:42

“በተለያዩ አካባቢዎች በሰማይ ላይ የታየውን ተቀጣጣይ የሚመስል ቁስ ምንነት እያጣራሁ ነው”፦ የኢትዮጵያ የስፔስ ሳይንስ ሶሳይቲ
*****************

በትናንትናው ዕለት በደቡብና ደቡብ ምዕራብ ኢትዮጵያ ክፍሎች ምንነቱ በውል ያልታወቀ በሰማይ ላይ ሲምዘገዘግ የሚታይ ተቀጣጣይ ነገር መመልከታቸውን በርካቶች የአካባቢው ነዋሪዎች በማህበራዊ ትስስር ገፆቻቸው ላይ በተንቀሳቃሽ ምስል እና በፎቶ አስደግፈው ሲያጋሩ ተስተውሏል።

ይህንንም ተከትሎ ከምሽቱ 1፡30 ገደማ በደቡብና ደቡብ ምዕራብ ኢትዮጵያ ክፍሎች በሰማይ ላይ እየተቀጣጠሉ በከፍተኛ ፍጥነት ሲንቀሳቀሱ የነበሩ የቁስ አካላት ስብስብ ምንነት በማጣራት ላይ እንደሚገኝ የኢትዮጵያ የስፔስ ሳይንስ ሶሳይቲ አስታውቋል።

የክስተቱን ምንነት በእርግጠኝነት ለማብራራት ያስችል ዘንድ ሁኔታውን በቅርበት እያጣራሁ ነው ያለው ተቋሙ የተጣራ መረጃ ሲደርስም ለህብረተሰቡ ይፋ እንደሚደረግ እና የማጣራት ሥራው እንኪጠናቀቅ ሁሉም ሰው በተረጋጋ መንፈስ እንዲጠባበቅ አስታውቋል።

ተቋሙ በታዩት ተንቀሳቃሽ ምስሎች ለመመልከት እንደቻለውም የእነዚህ አካላት ስብስብ የጠፈር ፍርስራሾች አሊያም የሚቲዮር አለቶች ሊሆኑ እንደሚችሉ መላምቱን አስቀምጧል።

#ebcdotstream #ኢትዮጵያ #ኢቲቪ #ኢቢሲ #etv #EBC

546

Ethiopian Broadcasting corporation ®

10 Jan, 05:30

የርዕደ-መሬት ክስተቶችና የተሰጡ ምላሾችን በዝርዝር በመገምገም በቀጣይ ሊወሰዱ ስለሚገባቸው እርምጃዎች አቅጣጫ ተቀመጠ
*************

በኦሮሚያና በአፋር ክልሎች በስምጥ ሸለቆ ውስጥ በሚገኙ ሦስት ወረዳዎች ያጋጠመውን የርዕደ-መሬት ክስተት በተመለከተ የአደጋ ስጋት ስራ አመራር ምክር ቤት ዛሬ አስቸኳይ ስብሰባ አካሂዷል።

በአስቸኳይ ስብሰባው የሳይንሱ ማህበረሰብ አባላት እና የሁለቱ ክልሎች አመራሮችም እንዲሳተፉ ተደርጓል።

ከመስከረም 2017 ዓ.ም ጀምሮ የምስራቅ አፍሪካ ስምጥ ሸለቆ አካል በሆኑ አካባቢዎች የተከሰቱ የርዕደ-መሬትና ንዝረት ስጋቶችን በልዩ ትኩረት መከታተል እንደሚያስፈልግ በስብሰባው ከመግባባት ስለመደረሱ ምክትል ጠቅላይ ሚኒስትር ተመስገን ጥሩነህ በማህበራዊ ትስስር ገፃቸው አስፍረዋል።

የክስተቱ ድግግሞሽ እና ስፋት በአካባቢው በሚኖሩ ዜጎች ላይ ባለው ተፅዕኖ ምክንያት ተገቢውን ቅድመ ጥንቃቄ ማድረግ እንደሚያስፈልግ በማመን በጋራ ግብረ ኃይል የተሰሩ የቅድመ አደጋ መከላከል ስራዎች ውጤታማ ስለመሆናቸው ስብሰባው ገምግሟል።

የፌዴራልና የክልል መዋቅሮች የተቀናጀ የአደጋ ስጋት ምላሽ እየሰጡ መሆኑን እና የሳይንሱ ማህበረሰብ ጉዳዩን በትኩረት እየተከታተለ መረጃ እየሰጠ መሆኑም ተነስቷል።

እስካሁን አጋር አካላት እና የሚመለከታቸው ሴክተሮች በአደጋ ስጋት አመራር ኮሚሽን በኩል የቅድመ መከላከል ስራውን በትኩረት ስለመደገፋቸውም በመድረኩ ተገልጿል።

አስቸኳይ ስብሰባው የርዕደ-መሬት ክስተቶችና የተሰጡ ምላሾችን በዝርዝር በመገምገም በቀጣይ ሊወሰዱ የሚገባቸው እርምጃዎች እና ተግባራት ላይ አቅጣጫ አስቀምጧል።

እስካሁን በተከናወነው የቅድመ መከላከል ውጤታማ ስራ ለተሳተፉ አካላት በሙሉ ምክትል ጠቅላይ ሚኒስትር ተመስገን ጥሩነህ ምስጋና አቅርበዋል።

321

Ethiopian Broadcasting corporation ®

10 Jan, 05:30

ድሬዳዋን ለነዋሪዎቿ ምቹ፤ ለንግድና ኢንቨስትመንትም ተመራጭ የማድረግ ዕቅዳችንን ለማሳካት ርብርባችንን አጠናክረን እንቀጥላለን፦ ከንቲባ ከድር ጁሀር
*********

የድሬዳዋ አስተዳደር ከንቲባ ከድር ጁሀር ከ7.5 ኪሎ ሜትር በላይ የሚሸፍነውን የከተማዋን የመጀመሪያ ምዕራፍ የኮሪደር ልማት ፕሮጀክት የግንባታ ሂደት ዛሬ ተዘዋውረው ተመልክተዋል።

ከንቲባ ከድር ከከተማ አሰተዳደሩ ካቢኔ አባላት ጋር በመሆን ባደረጉት ጉብኝት፥ በቀጣይ ሊሻሻሉ እና ሊታረሙ በሚገባቸው ግንባታዎች ላይ ውሳኔ በማስተላለፍ የሥራ መመሪያ ሰጥተዋል።

ከንቲባው ጉብኝቱን ተከትሎ በማህበራዊ ትስስር ገፃቸው ባጋሩት መልዕክት፥ ድሬዳዋን ውብ፣ ለንግድ እና ኢንቨስትመንት ተመራጭ እንዲሁም ለነዋሪዎቿ ምቹ የማድረግ እቅዳችንን ከግብ ለማድረስ የጋራ ርብርባችንን አጠናክረን እንቀጥላለን።

414

Ethiopian Broadcasting corporation ®

06 Jan, 07:22

ጠቅላይ ሚኒስትር ዐቢይ አሕመድ (ዶ/ር) የልደት በዓል ስጦታ አበረከቱ
*******************

ጠቅላይ ሚኒስትር ዐቢይ አሕመድ (ዶ/ር) ዝቅተኛ ገቢ ላላቸው የጠቅላይ ሚኒስትር ጽሕፈት ቤት ሠራተኞች እና ጽሕፈት ቤቱ ለሚያሳድጋቸው ሕጻናት የልደት በዓል ስጦታ አበርክተዋል።

774

Ethiopian Broadcasting corporation ®

06 Jan, 07:22

ጠቅላይ ሚኒስትር ዐቢይ አሕመድ (ዶ/ር) በአቶ ቡልቻ ደመቅሳ ሕልፈት የተሰማቸውን ኀዘን ገለጹ
****************

ጠቅላይ ሚኒስትር ዐቢይ አሕመድ(ዶ/ር) በአቶ ቡልቻ ደመቅሳ ሕልፈት የተሰማቸውን ኀዘን ገልጸዋል።

ጠቅላይ ሚኒስትሩ በማኅበራዊ ትስስር ገጻቸው ባስተላለፉት የኀዘን መልዕክት፤ አቶ ቡልቻ ደመቅሳ በማረፋቸው የተሰማኝን ኀዘን እገልጻለሁ ብለዋል።

አቶ ቡልቻ በሚችሉት ሁሉ ሀገራቸውንና አፍሪካን ያገለገሉ፣ በአቋማቸው ጽኑ፣ ሕዝቦችን ለማቀራረብ የተጉ፣ እውነት ነው ብለው ያመኑትን የትምና መቼም የሚናገሩ እንደነበሩ ጠቅሰዋል።

እንዲህ ዓይነት ብርቱ ሽማግሌዎችን ማጣት ጉዳቱ ለሀገር ነው ያሉት ጠቅላይ ሚኒስትሩ፤ፈጣሪ ነፍሳቸውን ይቀበላት ብለዋል።

639

Ethiopian Broadcasting corporation ®

05 Jan, 09:58

ማህበራዊ ችግሮችን እያቃለሉ ያሉት የበጎ ፈቃድ አገልግሎት ተግባራት ተጠናክረው ይቀጥላሉ፦ ከንቲባ ከድር ጁሃር
*********

በድሬዳዋ አስተዳደር ማህበራዊ ችግሮችን በማቃለል በኩል ዓይነተኛ ሚና እየተጫወቱ ያሉት የበጎ ፈቃድ አገልግሎት ተግባራት ተጠናክረው እንደሚቀጥሉ የአስተዳደሩ ከንቲባ ከድር ጁሃር ገለጹ።

"እናትና አባቶቻችንን ለመደገፍ እሮጣለሁ" በሚል መሪ ሐሳብ ችግረኞችን መደገፍን ዓላማው ያደረገ የጎዳና ላይ ሩጫ ዛሬ በድሬዳዋ ተካሂዷል።

ከንቲባ ከድር በዚሁ ወቅት እንደገለፁት፥ የበጎ ፈቃድ አገልግሎት ተግባራት በአስተዳደሩ የሚስተዋሉ ማህበራዊ ችግሮችን በከፍተኛ ደረጃ እያቃለሉ ይገኛሉ።

በተለይም አረጋውያንና አቅመ ደካሞች የሚያጋጥሟቸውን ችግሮች በማቃለል ረገድ ከፍተኛ አስተዋጽኦ እያበረከቱ መሆናቸውን አንስተዋል።

የዛሬው ሩጫም የዚሁ ማሳያ መሆኑን ጠቅሰው፤ የመተባበርና የመደጋገፍ ባህልን በማጠናከር በቀጣይም የበጎ ፈቃድ ተግባራቱን በተጠናከረ ሁኔታ እናስቀጥላለን ማለታቸውን ኢዜአ ዘግቧል።

በሩጫው ላይ የተሳተፉት የአስተዳደሩ የወጣቶችና ስፖርት ኮሚሽን ኮሚሽነር ካሊድ መሐመድ በበኩላቸው፥ የበጎ ፈቃድ ተግባራትን ከስፖርታዊ እንቅስቃሴዎች ጋር በማቀናጀት ሰው ተኮር ስራዎችን ለማጠናከር መታቀዱን ጠቁመዋል።

ችግረኞች እናቶችና አባቶችን መርዳትና መደገፍን ዘላቂ ባህል ማድረግ ይገባናል ያለው ደግሞ በሩጫው ላይ የተሳተፈው አርቲስት ይገረም ደጀኔ ነው።

737

Ethiopian Broadcasting corporation ®

04 Jan, 22:40

https://t.me/+u5l252_cZTVmNmNl

116

Ethiopian Broadcasting corporation ®

04 Jan, 18:01

ከሰም ስኳር ፋብሪካ በመሬት መንቀጥቀጡ ከፍተኛ ጉዳት ማስተናገዱ ተገለፀ
**************

በአፋር ክልል ዱላሳ ወረዳ የሚገኘው የኢፌዴሪ ከሰም ስኳር ፋብሪካ በመሬት መንቀጥቀጡ ከፍተኛ ጉዳት አስተናግዷል።

በአፋር ክልል ዱላሳ ወረዳ በከፍተኛ ሁኔታ እየጨመረ የሚገኘው የመሬት መንቀጥቀጥ በስኳር ፋብሪካው አስተዳደር ህንፃ፣ በኃይል ማስተላለፊያ ክፍል፣ የላብራቶሪ እና ኤሌክትሮ ሜካኒካል ክፍል ላይ ከፍተኛ ጉዳት ማስተናገዱን የፋብካው ስራ አስኪያጅ አቶ አሊ ሁሴን ኡመር ለኢቲቪ ተናግረዋል።

የመሬት መንቀጥቀጡ በከፍተኛ ሁኔታ በአከባቢው እየጨመረ መምጣቱን ተከትሎ ጉዳት በደረሰባቸው ህንፃዎች ውስጥ የሚገኙትን ሌሎች ንብረቶችን ለማዳን የመሬት መንቀጥቀጡ ከፍተኛ ስጋት እንደሆነባቸው ስራ አስኪያጁ ገልፀዋል።

የፋብሪካው ሰራተኞች ላይ ጉዳት እንዳይደርስ አስቀድሞ እንዲለቁ መደረጉን የገለፁት አቶ አሊ ሁሴን፤ ከተፈጥሮ አደጋ በተጨማሪ በፋብሪካው ንብረት ላይ ስርቆት እንዳይፈጸም ከመከላከያ፣ ፌዴራል ፖሊስ እና ከዞን ፖሊስ እንዲሁም ሌሎች ባለድርሻ አካላት ጋር በቅንጅት እየተሰራ እንደሚገኝ ተናግረዋል።
https://web.facebook.com/EBCzena/posts/pfbid02S1ucKAbjN3PFxDzDkJj7iSYhGmyeQHkws28NQyirY6UJDnssxAQsRSs4rGgi3eqkl

271

Ethiopian Broadcasting corporation ®

04 Jan, 18:01

በአፋር እና በኦሮሚያ ክልሎች እየተከሰተ ባለው የርዕደ-መሬት ክስተት ሁኔታና ምላሽን አስመልክቶ ከኢትዮጵያ አደጋ ስጋት ሥራ አመራር ኮሚሽን የተሰጠ መግለጫ
**************

በአፋር ክልል አዋሽ ፈንታሌ እና ዱለቻ ወረዳዎች እንዲሁም በኦሮሚያ ክልል ፈንታሌ ወረዳ የርዕደ መሬት ከስተት የተፈጥሮ የቅድመ ማስጠንቀቂያ ደወለን ተከተሎ መንግስት የተለያዩ ስራዎችን እያከናወነ ይገኛል፡፡ በእስካሁኑ ሁኔታና ምላሽ እየታየ ያለው ስራ አመርቂ ነው፡፡

በአፋር ከልል ሁለት ወረዳዎች ማለትም አዋሽ ፈንታሌና ዱለቻ (ዱለሳ) ወረዳዎች ለችግሩ ተጋላጭ ናቸው:: በሁለቱም ወረዳዎች ማለትም በአዋሽ ፈንታሌ 6 ተጋላጭ ቀበሌዎች 15 ሺህ ነዋሪዎች ተጋላጭ ሲሆኑ እስከ አሁን 7 ሺህ ወገኖች ከስጋቱ ቀጠና ወደ ሌላ ስፈራ ተጓጉዘዋል፡፡

በዱለቻ ወረዳ ደግሞ 20 ሺህ የሚሆኑ የ2 ቀበሌዎች ወገኖች ተጋላጭ ሲሆኑ፤ ከነዚህ ቀበሌዎች እስከ አሁን 6 ሺህ 223 ህዝብ አካባቢውን ለቀዋል፡፡

በኦሮሚያ ክልል ፈንታሌ ወረዳ የ5 ቀበሌዎች ወገኖች ለአደጋው ተጋላጅ ናቸው:: በ5ቱም ቀበሌዎች 16 ሺህ 182 ሕዝብ ተጋላጭ ሲሆን እስከ አሁን ድረስ 7 ሺህ 350 ሕዝብ ከተጋላጨ ስፍራ ወጥተዋል፡፡ 8 ሺህ 832 የሚሆኑት ቀሪዎቹ ሰዎች ደግሞ በሚቀጥሉት ቀናት ውስጥ ከስፍራው እንዲንቀሳቀሱ እየተሠራ ይገኛል፡፡
https://web.facebook.com/EBCzena/posts/pfbid0253rRMDzA8P1cpNFCdkn4TBT97JynJMFkx4hVPxig67C2zpXWSZ1oLV5DfpC4XP4zl

104

Ethiopian Broadcasting corporation ®

04 Jan, 18:01

ጥቁር አንበሳ ስፔሻላይዝድ ሆስፒታል ያስገነባውን የድንገተኛ ህክምና ማዕከል በከፊል አገልግሎት አስጀመረ
******************

የአዲስ አበባ ዩኒቨርሲቲ ጤና ሳይንስ ኮሌጅ ጥቁር አንበሳ ስፔሻላይዝድ ሆስፒታል ያስገነባውን የድንገተኛ ህክምና ማዕከል በከፊል አገልግሎት አስጀምሯል።

በማስጀመሪያ ስነ ስርዓቱ ላይም የጤና ሚኒስትር ዶ/ር መቅደስ ዳባ፣ የትምህርት ሚኒስትርና የአዲስ አበባ ዩኒቨርሲቲ ቻንስለር ፕሮፌሰር ብርሃኑ ነጋ፣ የአዲስ አበባ ዩኒቨርሲቲ ፕሬዚዳንት ሳሙኤል ክፍሌን (ዶ/ር) ጨምሮ ሌሎች እንግዶች ተገኝተዋል።

በዚሁ ወቅት የአዲስ አበባ ዩኒቨርሲቲ ፕሬዚደንት ሳሙኤል ክፍሌ (ዶ/ር)፤ የጥቁር አንበሳ ስፔሻላይዝድ ሆስፒታልን የህክምና ልህቀት ማዕከል ለማድረግ እየተሰራ መሆኑን ተናግረዋል፡፡

በከፊል ስራ የጀመረው የጥቁር አንበሳ ስፔሻላይዝድ ሆስፒታል የድንገተኛ ህክምና ማዕከል የድንገተኛ ህክምና አገልግሎቱን በከፍተኛ ደረጃ እንደሚያሻሽልም ገልጸዋል።

ከዚህ ባሻገር ማዕከሉ ኢትዮጵያን የህክምና ቱሪዝም መዳረሻ ለማድረግ በሚደረገው ጥረት ውስጥ ትርጉም ያለው ድርሻ እንደሚኖረውም አመልክተዋል።

ማዕከሉን በሙሉ አቅም ወደ ስራ ለማስገባት ከ1.2 ቢሊዮን ብር በላይ የሚያስፈልግ ሲሆን የባለድርሻ አካላት ርብርብም ወሳኝ እንደሆነ ተጠቁሟል።

ሆስፒታሉ በዓመት ከ14ሺህ እስከ 15ሺህ ለሚደርሱ ዜጎች የድንገተኛ ህክምና አገልግሎት እየሰጠ መቆየቱ ከአዲስ አበባ ዩኒቨርሲቲ የተገኘው መረጃ ያመለክታል፡፡

195

Ethiopian Broadcasting corporation ®

04 Jan, 18:01

ርዕሰ መሥተዳድር ሽመልስ አብዲሳ ኩሪፍቱ ሪዞርት አፍሪካ ቪሌጅን መረቁ
*************************

የኦሮሚያ ክልል ርዕሰ መሥተዳድር አቶ ሽመልስ አብዲሳ በሸገር ከተማ የተገነባውን ኩሪፍቱ ሪዞርት አፍሪካ ቪሌጅን መርቀው ከፍተዋል፡፡

በምረቃ ሥነ-ሥርዓቱ ላይ ሚኒስትሮች፣ አምባሳደሮች እንዲሁም ጥሪ የተደረገላቸው እንግዶች ተገኝተዋል፡፡

በ54 ሺህ ካሬ ሜትር ላይ ያረፈው ሪዞርቱ ፤ የአፍሪካ ሀገራትን እና የቀድሞ ፓን አፍሪካኒስት መሪዎችን የሚዘክሩ የተለያዩ ክፍሎችን በውስጡ መያዙ ተገልጿል፡፡

ሪዞርቱ ለበርካታ ዜጎች የሥራ ዕድል መፍጠሩንም የኩሪፍቱ ሪዞርት ባለቤት አቶ ታዲዮስ ጌታቸው ተናግረዋል፡፡

ከአዲስ አበባ በቅርብ ርቀት ላይ የሚገኘው ሪዞርቱ መዲናዋን በ180 ዲግሪ ማየት እንደሚያስችልም ተመላክቷል፡፡

ቶማስ ሀይሉ

96

Ethiopian Broadcasting corporation ®

06 Dec, 19:33

https://t.me/ethiocrytohunter

53

Ethiopian Broadcasting corporation ®

06 Dec, 13:46

አየር መንገዱ ለናይጄሪያ የቱሪዝም ኢንዱስትሪ ዕድገት እያበረከተ ላለው የላቀ አስተዋፅዖ ሽልማት ተበረከተለት
************

የኢትዮጵያ አየር መንገዱ ለናይጄሪያ የቱሪዝም ኢንዱስትሪ ዕድገት እያበረከተ ላለው የላቀ አስተዋፅዖ ሽልማት ተበርክቶለታል።በተካሄደው የቱሪዝምና ትራንስፖርት ኤክስፖ ላይ ነው።

በዚህም ለናይጄሪያ የቱሪዝም ኢንደስትሪ ዕድገት በዓየር ትራንስፖርቱ ዘርፍ እያበረከተ ላለው የላቀ አስተዋፅዖ "Outstanding Onboarding Experience Achievements” ሽልማት አግኝቷል።

ይህ ዓመታዊ የቱሪዝም ኤክስፖ የትራንስፖርት ትስስር ለቱሪዝም ዕድገት በሚል መሪ ቃል የተካሄደ ሲሆን በአፍሪካ ቱሪዝም ዘርፍ ላይ ወሳኝ ሚና ያላቸው የተለያዩ ተቋማት እንደሚሳተፉበት የአየር መንገዱ መረጃ ያመላክታል።

362

Ethiopian Broadcasting corporation ®

06 Dec, 13:46

በ2016 ዓመተ ምህረት የምርት ዘመን የስንዴ ምርት በምን ያህል ከፍተኛ ደረጃ ማደጉን ያውቁ ይሆን?
*************

አነስተኛ ማሳ ተጠቃሚ ገበሬዎች 3.6 ሚሊዮን ሄክታር አርሰው 123 ሚሊዮን ኩንታል ሲያመርቱ በመስኖ ከታረሰው 2.9 ሚሊዮን ሄክታር መሬት ደግሞ 107.7 ሚሊዮን ኩንታል ማምረት ተችሏል። የ2016 የኢትዮጵያ የስንዴ ምርት በድምሩ 230 ሚሊዮን ኩንታል ደርሷል።

ከ2012 የምርት ዘመን ጋር ሲነፃፀር አነስተኛ ማሳ ተጠቃሚ ገበሬዎቹ 54 ሚሊዮን ኩንታል ስንዴ ብቻ ነበር ያመረቱት። ዛሬ ይህ ቁጥር ትርጉም ባለው መጠን ከፍ ብሏል። ይህ እመርታ በፅኑ አመራር፣ በአስቻይ ፖሊሲዎች ብሎም ምርትን ለማሳደግ በተተገበረ ያላሰለሰ ጥረት የተገኘ ነው።
የጠቅላይ ሚኒስትር ጽሕፈት ቤት

270

Ethiopian Broadcasting corporation ®

06 Dec, 13:46

በሐረሪ ክልል የተገነቡ የትምህርት ተቋማት ፕሮጀክቶች ተመረቁ
**************

በሐረሪ ክልል የተገነቡ የተለያዩ የትምህርት ተቋማት ፕሮጀክቶች ተመርቀው ለአገልግሎት በቅተዋል።

የክልሉ ርዕሰ መስተዳድር አቶ ኦርዲን በድሪ በክልሉ የትምህርት ተደራሽነትና ጥራትን ወደ ተሻለ ደረጃ ያሸጋግራሉ ተብሎ የተገነቡትን የትምህርት ተቋማት ፕሮጀክቶችን እየመረቁ ይገኛሉ።

በአሁኑ ወቅት ለአገልግሎት የበቁት የትምህርት ተቋማት መካከል አዳዲስ እና የማስፋፊያ የግንባታ ስራ የተከናወነባቸው የአንደኛ ደረጃ እና የቅድመ መደበኛ ትምህርት ቤቶች ናቸው። የክልሉ ትምህርት ቢሮም እድሳት ከተደረገላቸው ተቋማት መካከል ይገኝበታል።

በአዳዲስ መልኩ የተገነቡትና ማስፋፊያ የተደረገላቸው የትምህርት ተቋማቱ በአጭር ጌዜና በጥራት የተገነቡና የትምህርት ጥራት እና ተደራሽነትን ለማሻሻል ከፍተኛ አስተዋጽኦ ያላቸው መሆኑም ተገልጿል።

በምረቃው ሥነ-ሥርዓቱ ርዕሰ መስተዳድር ኦርዲን በድሪ፣ የክልሉ ምክትል ርዕሰ መስተዳድር ወይዘሮ ሮዛ ኡመር፣ በየደረጃው የሚገኙ የክልሉ አመራር አካላትና ማህበረሰቡ መገኘታቸውን ኢዜአ ዘግቧል።

በሐረር ከተማ ዘመናዊ መለስተኛ የእግር ኳስ መጫወቻ ሜዳ ትላንት ምሽት ተመርቆ ለአገልግሎት ክፍት መሆኑ ይታወሳል።

260

Ethiopian Broadcasting corporation ®

06 Dec, 13:46

ኢትዮጵያ የፖሊዮ በሽታን ለማጥፋት የጀመረችው ጥረት እንዲሳካ የባለድርሻ አካላት ተሳትፎ ሊጠናከር እንደሚገባ ተገለፀ
***************

የዓለም የፖሊዮ (የልጅነት ልምሻ) ቀን በሀገር አቀፍ ደረጃ በጋምቤላ ክልል በመከበር ላይ ይገኛል።

በክልሉ ሁለተኛው ዙር የፖሊዮ ክትባት ዘመቻ ተጀምሯል።

የክትባት ዘመቻውን የጤና ሚኒስቴርና የኢትዮጵያ ህብረተሰብ ጤና ኢኒስቲትዩት ተወካዮች እንዲሁም የተለያዩ ባለድርሻ አካላት በጋራ አስጀምረውታል።

በመርሐ- ግብሩ ኢትዮጵያ የፖሊዮ በሽታን ለማጥፋት የጀመረችው ጥረት እንዲሳካ የባለድርሻ አካላት ተሳትፎ ሊጠናከር እንደሚገባ ተገለጿል።

የኢትዮጵያ ህብረተሰብ ጤና ኢኒስቲትዩት ተወካይ አቶ ሚኪያስ አላዮ፤ የፖሊዮ በሽታ መከላከያ ክትባት የወረርሽኙ ስጋት ባለባቸው 6 ክልሎች ዕድሜያቸው ከ 5 ዓመት በታች ለሆኑ ከ5.8 ሚሊየን በላይ ህፃናት እንደሚሰጥ ገልፀዋል።https://web.facebook.com/EBCzena/posts/pfbid02Z2ooEu9xtQxL5KUtTBSvZL38kUchF7dNAvLJAcN7BXgMcgFR3RdkAbfz1uBygnzxl

337

Ethiopian Broadcasting corporation ®

29 Nov, 17:22

የጉግል አቅጣጫ ጠቋሚ መተግበሪያን በመጠቀም በጎርፍ የፈረሰን ድልድይ ሲሻገሩ ለሞት የተዳረጉት ህንዳውያን
*****************

በህንድ 3 ሰዎች የጉግል አቅጣጫ ጠቋሚ መተግበሪያን በመጠቀም ያደረጉት ጉዞ ለሞት እንደዳረጋቸው ተገልጿል።

መተግበሪያው በጎርፍ የፈረሰን ድልድይ እንዲሻገሩ በማመላከት በአካባቢው ባለ ወንዝ ውስጥ ገብተው ህይወታቸው እንዲያልፍ ምክንያት መሆኑ ተገልጿል።

ድልድዩ በጎርፍ አደጋ በደረሰበት ጉዳት ሳቢያ ጥቅም እንደማይሰጥ በአካባቢው ያሉ ነዋሪዎች ቢያውቁም፤ በአቅራቢያው ይህን የሚገልፅ ምንም ዓይነት የትራፊክ ምልክት እንዳልተቀመጠ ታውቋል።

በዚህም የሚመለከተው የመንግሥት ተቋም ብልሽቱን ለጉግል ሊያሳውቅ ይገባ ነበር የሚሉ ትችቶች ተሰንዝረዋል።

መተግበሪያው ከካርታ ቀያሽ፣ ከሳተላይት ምስል እንዲሁም ከመንግሥት የሚደርሱትን መረጃዎች በመጠቀም በመንገዶች ላይ የተደረጉ ለውጦች ሲኖሩ መረጃውን እንደሚያዘምን ተገልጿል።

ይህ ሳይሆን ቀርቶ ለሚደርስ አደጋ የመተግበሪያው ባለቤት ተጠያቂ ሊሆን እንደማይገባውና የመንገዱን ደህንነት በተመለከተ አሽከርካሪው በራሱ ግምገማ ሊወስድ እንደሚገባው የኩባንያው ተወካይ መግለፃቸውን ቢቢሲ ዘግቧል።

በህንድ ታዋቂ የሆነው ይህ የጉግል መተግበሪያ 60 ሚሊዮን ተጠቃሚዎች ያሉት ሲሆን፤ በቀን 50 ሚሊዮን የሚሆኑ የአቅጣጫ ጥያቄዎችን ያስተናግዳል።

ሆኖም ግን መተግበሪያውን በመጠቀም የሚደርሱ አደጋዎች በጊዜ ሂደት ተጠቃሚዎች በመተግበሪያው እንዳይተማመኑ እያደረጋቸው መሆኑን ገዘባው ጠቅሷል።

በአፎምያ ክበበው

315

Ethiopian Broadcasting corporation ®

29 Nov, 17:22

አየር ኃይል ዘመኑን የዋጀ ተቋም ሆኖ እንዲገነባ የተደረገው ጥረት ውጤታማ ነው - ፊልድ ማርሻል ብርሃኑ ጁላ
********************

የኢትዮጵያ አየር ኃይል ዘመኑን የዋጀ ተቋም ሆኖ እንዲገነባ የተደረገው ጥረት ውጤታማ መሆኑን የኢፌዴሪ ጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ተናገሩ።

ፊልድ ማርሻል ብርሃኑ ጁላ በአየር ኃይል 89ኛ ዓመት ክብረ በዓል ማጠቃለያ መርኃ ግብር ላይ ባስተላለፉት መልዕክት፤ አየር ኃይል ያደረጋቸውን መልከ ብዙ የሪፎም ተግባራት አድንቀዋል።

ዘመኑን የዋጀ ተቋም ለመንባት የተደረገው ጥረት ውጤታማ መሆኑን ጠቅሰው፥ ፕሮፌሽናል ሰራዊት እየተገነባ መሆኑንም ተናግረዋል።

አየር ኃይል በቴክኖሎጂ የበቃ የሰው ኃይል የማፍራትና ትጥቆችን የማደስ ሥራው ስኬታማ መሆኑንም ገልጸዋል።

አየር ኃይሉ የሰራዊቱ መኖሪያ ቤት ችግር ለመቅረፍ፣አዳዲስ ትጥቅና የውጊያ መሰረተ ልማት የማሳደግ ሥራው እንዲሁም ምቹና ውብ የሥራ አካባቢ መገንባቱንም አድንቀዋል።
https://web.facebook.com/EBCzena/posts/pfbid02rGQP8oVDhPNgamWc8gwGLeRmudwhtwnpEeGTdVXBi53bHhdZYoMePZLKzwEE9QrLl

362

Ethiopian Broadcasting corporation ®

29 Nov, 11:14

የኢፌዴሪ አየር ኃይል 89ኛ ዓመት የምስረታ በዓል እየተከበረ ነው
**************

የኢፌዴሪ አየር ኃይል 89ኛ ዓመት የምስረታ ቀን በዓል "የተከበረች ሀገር የማይደፈር አየር ኃይል" በሚል መሪ ሐሳብ በተለያዩ ሁነቶች እየተከበረ ይገኛል።

የጦር ኃይሎች ጠቅላይ ኢታማዦር ሹም ፊልድ ማርሻል ብርሀኑ ጁላ ዛሬ ማለዳ የተለያዩ ፕሮጀክቶችን መርቀዋል።

ደረጃቸውን የጠበቁ የሠራዊቱ መኖሪያ ቤቶች፣ የመመገቢያ አዳራሽ፣ የፓይለቶች መኖሪያ ፣ የአስፓልት መንገድ ፕሮጀክት ምረቃ ተከሂዷል።

ከዚህ በተጨማሪ በአየር ኃይል ዋና አዘጋጅነት የተለያዩ የመከላከያ ኢንዱስትሪ ኮርፖሬሽኖች፣ የኢትዮጵያ መከላከያ ዩኒቨርሲቲ በጋራ በመሆን የተለያዩ የአቪየሽንና ልዩ ልዩ ወታደራዊ ትጥቆች ለዕይታ ቀርበዋል።

በዚህ ኤግዚቢሽን ላይ በአየር ኃይሉ የተሰራችውና ለበረራ ዝግጁ የተደረገችው ፀሐይ ሁለት አውሮፕላንም ለዕይታ ቀርባለች።

ኤግዚቢሽኑን የጦር ኃይሎች ጠቅላይ ኢታማዦር ሹም ፊልድ ማርሻል ብርሀኑ ጁላ፣ የአፍሪካ አየር ኃይል አዛዦች፣ ጀነራል መኮንኖች፣ የመንግስት የስራ ኃላፊዎች ተገኝተው ጎብኝተዋል።

በወንድወሰን አፈወርቅ

476

Ethiopian Broadcasting corporation ®

29 Nov, 11:14

"ዛሬ ጠዋት የአውሮፓ እና የፈረንሳይ የውጭ ጉዳይ ሚኒስትር የሆኑትን ጂያን-ኖኤል ባሮትን በሁለቱ ሀገሮቻችን ባሉ ትስስሮች ላይ ለመነጋገር በጽህፈት ቤታችን ተቀብያለሁ።" - ጠቅላይ ሚኒስትር ዐቢይ አሕመድ (ዶ/ር)

317

Ethiopian Broadcasting corporation ®

29 Nov, 11:14

የኢትዮጵያ አየር መንገድ ወደ ኒውዮርክ ከተማ በየዕለቱ ሊበር ነው
******************

የኢትዮጵያ አየር መንገድ ከአዲስ አበባ ወደ ኒውዮርክ ከተማ ሲያደርገው የነበረውን አራት ሳምንታዊ በረራ በማሳደግ በእየዕለቱ ሊበር መሆኑን አስታውቋል።

አየር መንገዱ ከህዳር 22 ቀን 2017 ዓ.ም ጀምሮ ወደ ከተማዋ የሚያደርገውን እለታዊ በረራ እንደሚጀምር ባወጣው መረጃ አስታውቋል።

ደንበኞች በድረ ገፅ www.ethiopianairlines.com አሊያም በተንቀሳቃሽ ስልክ መተግበሪያ https://www.ethiopianairlines.com/aa/ethiopian-app በመጠቀም ትኬታቸውን ቆርጠው በዕለታዊ በረራ አገልግሎቱ እንዲጠቀሙ ኤር መንገዱ ጋብዟል።

354

Ethiopian Broadcasting corporation ®

29 Nov, 11:14

አውስትራሊያ ከ16 ዓመት በታች የሆኑ ታዳጊዎች ማህበራዊ ሚዲያ እንዳይጠቀሙ አገደች
***********

የአውስትራሊያ ፓርላማ የዓለማችን ጥብቅ ሕግ የተባለውን ከ16 ዓመት በታች የሆኑ ታዳጊዎች ማህበራዊ ሚዲያ እንዳይጠቀሙ የሚያግድ ሕግ አፅድቋል፡፡

የሀገሪቱ ጠቅላይ ሚኒስትር አንቶኒ አልባኔዝ ሕጉ ወጣቶችን ከማሕበራዊ ሚዲያ ጉዳት ለመጠበቅ የወጣ መሆኑን ነው የተናገሩት፡፡

መጠቀሚያ ቁሶችን ሰጥቶ ልጆችን በማሕበራዊ ሚዲያ ሱስ በማድረግ እና በመከልከል ግራ ተጋብተን ነበር የሚሉት ወላጆች “ልጆቻችን የልጅነት ጊዜ እንዲኖራቸው እኛም እንድናውቃቸው እንፈልጋለን” ሲሉ ገልፀዋል፡፡

እገዳው ስናፕ ቻት፣ቲክቶክ፣ፌስቡክ ኢንስታግራም እና “X” ን ወይም የቀድሞውን ትዊተር እንደሚያጠቃልል ተጠቅሷል።

ከእገዳው ለጻ የሚሆኑ መተግበሪያዎች የመጫወቻ እና የመልዕክት መለዋወጫ ሲሆኑ ዩቲዩብም ከእገዳ ነጻ ሊሆን እንደሚችል ተጠቁሟል።

ይህንንም ሕግ የማያከብሩ ኩባንያዎች እስከ 50 ሚሊዮን ዶላር ቅጣት ሊጣልባቸው ይችላል ተብሏል፡፡https://web.facebook.com/EBCzena/posts/pfbid028jEFuBg3hhyVozjE23yvrScpLUrM3xfW4VrGYGika9foxWmJihMcn2w3bQv9Whvfl

355

Ethiopian Broadcasting corporation ®

26 Nov, 12:36

የኢትዮጵያ አየር መንገድ የቀድሞ ዋና ስራ አስፈፃሚ ካፒቴን መሐመድ አሕመድ ከዚህ ዓለም በሞት ተለዩ
*******

የኢትዮጵያ አየር መንገድን እ.ኤ.አ ከ1980 እስከ 1991 ዓ.ም በዋና ስራ አስፈፃሚነት በማገልገል ለአየር መንገዳችን ዘመን ተሻጋሪ ዕድገት የበኩላቸውን የመሪነት አስተዋፅዖ ያበረከቱት ካፒቴን መሐመድ አሕመድ ከዚህ ዓለም በሞት ተለይተዋል።

የካፒቴን መሐመድ አሕመድ ስርዓተ ቀብር ዛሬ ሕዳር 17 ቀን 2017 ዓ.ም የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው፣ የኢትዮጵያ አየር መንገድ ማኔጅመንት አባላትና ሰራተኞች፣ የቀድሞ የስራ ባልደረቦቻቸው እንዲሁም ቤተሰቦቻቸውና ወዳጅ ዘመዶቻቸው በተገኙበት በኮልፌ ሙስሊም መካነ መቃብር ተፈፅሟል።

ካፒቴን መሐመድ አሕመድ የኢትዮጵያ አየር መንገድ ዋና ስራ አስፈፃሚ ሆነው ባገለገሉበት ወቅት አየር መንገዱ ዛሬ ለደረሰበት የስኬት ደረጃ እንዲበቃ መሰረት የጣሉ ውሳኔዎችን በማሳለፍ የማይተካ የመሪነት ሚናቸውን ተጫውተው አልፈዋል።

የኢትዮጵያ አየር መንገድ ካፒቴን መሐመድ አሕመድ በህይወት ዘመናቸው ለአየር መንገዱ ባበረከቱት የመሪነት አስተዋፅዖ ምንጊዜም ያስታውሳቸዋል ብሏል አየር መንገዱ በማኅበራዊ ትስስር ገፁ ባጋራው የኀዘን መግለጫ መልዕክት።

ለቤተሰቦቻቸው እንዲሁም ለወዳጅ ዘመዶቻቸው የኢትዮጵያ አየር መንገድ መጽናናትን ተመኝቷል።

506

Ethiopian Broadcasting corporation ®

26 Nov, 12:36

የአፍሪካ ኅብረት የመሪዎች ጉባዔ በተሻለ ሁኔታ ለማስተናገድ ቅድመ ዝግጅት በማድረግ ላይ እንገኛለን፡- ከንቲባ አዳነች አቤቤ
*******************

የዘንድሮውን የአፍሪካ ኅብረት የመሪዎች ጉባዔ በተሻለ ሁኔታ ለማስተናገድ ቅድመ ዝግጅት በማድረግ ላይ እንገኛለን ሲሉ የአዲስ አበባ ከተማ ከንቲባ አዳነች አቤቤ ገለጹ።

ከንቲባዋ በማኅበራዊ ትስስር ገጻቸው ላይ በሰፈሩት መልዕከት፤ በዚሁ መሰረት ዛሬ ከሆቴል ባለቤቶች እና ከዘርፉ አካላት ጋር ተወያይተናል ብለዋል።

በውይይቱም የተለመደውን ኢትዮጵያዊ ጨዋነትንና እንግዳ ተቀባይነታችንን አጉልተን በማሳየት በላቀ አገልግሎት ሰጪነት እንድናስተናግድ ተግባብተናልም ነው ያሉት።

ከተማችንን የቱሪዝምና የኮንፍረንስ ማዕከል ለማድረግ የጀመርነውን ስራ ይበልጥ በሚያጠናክር አግባብ የአፍሪካ ህብረት የመሪዎች ጉባኤን ብቻ ሳይሆን ሌሎች ትላልቅ አህጉራዊ እና ዓለም አቀፋዊ ጉባኤዎች ወደ ከተማችን እንዲመጡ የበኩላቸውን ሚና እንዲወጡም ከዘርፉ ባለሐብቶች ጋር መግባባታቸውን ገልጸዋል።

331

Ethiopian Broadcasting corporation ®

26 Nov, 12:36

አቶ ብናልፍ አንዱዓለም ከሩዋንዳ የአገር ውስጥ ጉዳይ ሚኒስትር ዶ/ር ቪንሰንት ቢሩታ ጋር ተወያዩ
*************

የሰላም ሚኒስትር አቶ ብናልፍ አንዱዓለም ከሩዋንዳ የአገር ውስጥ ጉዳይ ሚኒስትር ዶ/ር ቪንሰንት ቢሩታ ጋር የሁለትዮሽ ትብብርን ለማጠናከር የሚያስችል ውይይት አደረጉ።

ሚኒስትሮቹ ውይይቱን ያደረጉት "የበለፀገችና ሰላማዊ አፍሪካን እንገንባ" በሚል መሪ ሀሳብ በአዲስ አበባ እየተካሄደ ካለው አህጉር አቀፍ ጉባኤ ጎን ለጎን ነው።

ውይይቱ የሁለቱን ሀገራት ጥቅም ባስጠበቀ መልኩ የጋራ ልምድንና እውቀትን በመጠቀም ውጤታማ የሰላም ግንባታ ስራ ለማከናወን የሚያስችል መሆኑን የሰላም ሚኒስቴር መረጃ ያመለክታል።

574

Ethiopian Broadcasting corporation ®

26 Nov, 12:36

ለኮሚሽነር ጀነራል ደመላሽ ገ/ሚካኤል ፕሬዚዳንታዊ የትብብር ሜዳል ተበረከተ
***********************

የደቡብ ሱዳን ሪፐብሊክ ፕሬዝደንት ሳልቫኪር ማያርዲት ለኢትዮጵያ ፌዴራል ፖሊስ ኮሚሽነር ጀነራል ደመላሽ ገ/ሚካኤል ፕሬዚደንታዊ የትብብር ሜዳል አበርክተዋል፡፡

የፕሬዚዳንታዊ የትብብር ሜዳሊው የተበረከተው ኮሚሽነር ጀነራል ደመላሽ የሁለቱን ሀገራት የፖሊስ ለፖሊስ ግንኙነት በማጠናከር፣ ድንበር ዘለል ወንጀሎችን በመከላከል እንዲሁም የደቡብ ሱዳን ፖሊስ ሪፎርም ሂደትን በመደገፍ የአገልግሎቱን ከፍተኛ መኮንኖች አቅም ለመገንባት በኢትዮጵያ ፖሊስ ዩኒቨርሲቲ በሰጡት የትምህርትና ስልጠና እድሎች አስተዋፆ መሆኑን ተገልጿል፡፡

በሥነ-ሥርዓቱም ላይ የደቡብ ሱዳን የፕሬዚደንታዊ ጉዳዮች ሚኒስትር አምባሳደር ቾል ማውትን ጨምሮ በደቡብ ሱዳን የኢትዮጵያ አምባሳደር አቶ ነቢል መሀዲና የደቡብ ሱዳን ፖሊስ ኢንስፔክተር ጀነራል አተም ማሮል መገኘታቸውን የኢትዮጵያ ፌዴራል ፖሊስ መረጃ ያመላክታል።

196

Ethiopian Broadcasting corporation ®

26 Nov, 12:36

ኢትዮጵያ እና ቻይና በቱሪዝም ዘርፍ ያላቸውን ትብብር ለማጠናከር መከሩ
***************

ኢትዮጵያ እና ቻይና በቱሪዝም ዘርፍ ያላቸውን ትብብር ማጠናከር በሚቻልበት ሁኔታ ላይ መክረዋል።

የቱሪዝም ሚኒስትር ሰላማዊት ካሳ በኢትዮጵያ የቻይና አምባሳደር ቼን ሃይን በጽሕፈት ቤታቸው ተቀብለው አነጋግረዋል።

ውይይታቸው በሁለቱ ሀገራት መካከል ያለውን የቱሪዝም ልውውጥ ግብይት ማስተዋወቅ፣ በትምህርት እና አቅም ግንባታ፣ በውጭ ጎብኚዎች (outbound tourists)፣ በቱሪዝም ፕሮጀክቶች ኢንቨስትመንት፣ የቱሪስት መዳረሻዎችን ልማት እና የጋራ የቱሪዝም ምርቶችን ለማልማት ያለመ መሆኑን የቱሪዝም ሚኒስቴር መረጃ ያመላክታል።

215

Ethiopian Broadcasting corporation ®

26 Nov, 12:36

በሐረሪ ክልል የህፃናት መጠነ መቀንጨርን ዜሮ ለማድረግ እንደሚሰራ ርዕሰ መስተዳድር ኦርዲን በድሪ ገለጹ
******************

በሐረሪ ክልል የህፃናት መጠነ መቀንጨርን ዜሮ በማድረግ ጤናማ እና አምራች የሰው ኃይልን ለመፍጠር በትኩረት እንደሚሰራ የክልሉ ርዕሰ መስተዳድር ኦርዲን በድሪ ገለፁ።

በሐረሪ ክልል የተቋቋመው የሥርዓተ ምግብ እና ኒውትሪሽን ምክር ቤት ማብሰሪያ እና የግንዛቤ ማስጨበጫ ስልጠና እየተካሄደ ነው።

መርሀ ግብሩን በንግግር የከፈቱት ርዕስ ምተዳድሩ በክልሉ አካላዊ እና አዕምሮ ዕድገቱ የዳበረ ጤናማ ትውልድን መገንባት ትኩረት እንደተሰተው ገልጸዋል።

ለበርካታ የአፍሪካ አገራት ፈተና የሆነው የህፃናት መጠነ መቀንጨር በልጆች ጤና ብቻ ሳይሆን በአዕምሮ ዕድገት ላይ ተፅኖ እያሳደረ የሚገኝ መሆኑንም ጠቁመዋል።

የሰቆጣ ቃልኪዳን መርሀ ግብር ከተጀመረ ወዲህ በክልሉ የመቀንጨር ችግርን በአንፃራዊነት መቀነስ መቻሉንም ርዕሰ መስተዳድሩ ገልፀዋል።https://web.facebook.com/EBCzena/posts/pfbid02B28s2tdNAozeKvhERjTLY5wTgZszCt8mBHYGTVvVXVsDdGN76dJWRy2T1sMCKvdjl

209

Ethiopian Broadcasting corporation ®

26 Nov, 12:36

የውጭ ጉዳይ ሚኒስትር ጌዲዮን ጢሞቲዎስ (ዶ/ር) የሱዳን አቻቸውን ተቀብለው አነጋሩ
***********

የኢፌዴሪ የውጭ ጉዳይ ሚኒስትር ጌዲዮን ጢሞቲዎስ (ዶ/ር) በዛሬው ዕለት የሱዳን አቻቸው የሆኑትን አምባሳደር አሊ ዩሱፍ አህመድ አል-ሸሪፍን በጽ/ቤታቸው ተቀብለው አነጋግረዋል።

ሁለቱ ሚኒስትሮች በውይይቱ ወቅት በበርካታ የሁለትዮሽ ጉዳዮች እና በሱዳን ወቅታዊ ሁኔታ ዙሪያ ሃሳብ መለዋወጣቸውን የውጭ ጉዳይ ሚኒስቴር መረጃ ያመለክታል።

198

Ethiopian Broadcasting corporation ®

19 Nov, 16:36

"አዲስ አበባ ፓሪስን መስላለች" - ዳያስፖራው የቱሪዝም ባለሞያ
****

ላለፉት 55 ዓመታት በካናዳ ነዋሪ የሆኑት የቱሪዝም ባለሞያ ልዑል እስጢፋኖስ መንገሻ አዲስ አበባ ፓሪስን መስላለች ሲሉ ተናገሩ፡፡

የቱሪዝም ባለሞያው ከኢቲቪ ጋር በነበራቸው ቆይታ፤ ባለፉት 6 ወራት ብቻ የሀገሪቱ ግስጋሴ የሚደነቅ መሆኑን አንስተው፤ አዲስ አበባን በፈጣን ለውጥ ላይ ትገኛለች ብለዋል፡፡

የኢትዮጵያ ቱሪዝም እድገት ለዳያስፖራው ትልቅ ኃላፊነት ነው ያሉት ልዑል እስጢፋኖስ፤ ሀገራችን ለማየት በምንመጣበት ጊዜ ብዙ የውጭ ሀገራት ነዋሪዎችን ይዘን መምጣት ይጠበቅብናል ሲሉ ገልጸዋል፡፡

በዚህም በቀጣይ ጥር ወር ላይ ብዙ እንግዶችን ወደ ኢትዮጵያ ይዘው እንደሚመጡ እና እንግዶቹ ቱሪስቶች ብቻ ሳይሆኑ ኢንቨስተሮችም መሆናቸውን ተናግረዋል፡፡

"እኛ የኢትዮጵያ አምባሳደሮች ነን" ያሉት ዳያስፖራው፤ ለሀገራችን ማንም እስኪሾመን አንጠብቅም ብለዋል፡፡

338

Ethiopian Broadcasting corporation ®

19 Nov, 16:36

የፌዴራል መንግሥት ሰራተኞች ረቂቅ አዋጅ ፀደቀ
*******************

የህዝብ ተወካዮች ምክር ቤት የፌዴራል የመንግሥት ሰራተኞች ረቂቅ አዋጅን አጽድቋል፡፡

በዚህም መሰረት የፌዴራል መንግሥት ሰራተኞች አዋጅ ቁጥር 10/64/2010 ተሻሽሎ አዲሱ ረቂቅ አዋጅ ቁጥር 1353/2017 በምክር ቤቱ በአብላጫ ድምፅ መጽደቁን ኢዜአ ዘግቧል፡፡

የህዝብ ተወካዮች ምክር ቤት 4ኛ ዓመት የሥራ ዘመን 5ኛ መደበኛ ስብሰባውን በዛሬው ዕለት አካሂዷል።

358

Ethiopian Broadcasting corporation ®

19 Nov, 16:36

የኢትዮጵያ መንግስት አብዲራህማን ሞሃመድ አብዲላሂ የሶማሊላንድ ፕሬዚዳንት ሆነው በመመረጣቸው የአንኳን ደስ አለዎ መልእክት አስተላለፈ
******************

የኢትዮጵያ መንግስት አብዲራህማን ሞሃመድ አብዲላሂ የሶማሊላንድ ፕሬዚዳንት ሆነው በመመረጣቸው የአንኳን ደስ አለዎት መልእክት አስተላልፏል፡፡

የውጭ ጉዳይ ሚኒስቴር ባወጣው መግለጫ፤ በሶማሊላንድ በተደረገው ፕሬዝዳንታዊ ምርጫ አብዲራህማን ሞሃመድ አብዲላሂ የሶማሊላንድ ፕሬዚዳንት በመሆን በመመረጣቸው በኢትዮጵያ መንግስት እና ህዝብ ስም የአንኳን ደስ አለዎት መልእክት አስተላልፏል፡፡

ተመራጩ ፕሬዝዳንትም ሆነ ፕሬዝዳንት ሙሴ ቤሂ ላሳዩት አርአያነት ያለው ዲሞክራሲያዊ መንግስትነት ኢትዮጵያ አድናቆት እንዳላትም ሚኒስቴሩ በመግለጫው ጠቅሷል።

የውጭ ጉዳይ ሚኒስቴር መጪው የሶማሊላንድ አስተዳደር ስኬታማ ጊዜ እንዲገጥመውም መልካም ምኞቱን ገልጿል፡፡

249

Ethiopian Broadcasting corporation ®

19 Nov, 12:14

ምክትል ጠቅላይ ሚኒስትር ተመስገን ጥሩነህ ለይፋዊ የስራ ጉብኝት ጎንደር ገብተዋል
********************

ምክትል ጠቅላይ ሚኒስትሩ ጎንደር አጼ ቴውድሮስ አየር ማረፊያ ሲደርሱ የከተማው ተቀዳሚ ምክትል ከንቲባ ቻላቸው ዳኘውን ጨምሮ የከተማ አስተዳደሩ ከፍተኛ አመራሮች፣ የሃይማኖት አባቶች እና የከተማዋ ነዋሪዎች ደማቅ አቀባበል አድርገውላቸዋል፡፡

ከምክትል ጠቅላይ ሚኒስትሩ ጋር ቀዳማዊት እመቤት ዝናሽ ታያቸውን ጨምሮ ሌሎችም ከፍተኛ የመንግስት የስራ ኃላፊዎች የተገኙ ሲሆን በቆይታቸው በጎንደር ከተማ እየተሰሩ ያሉ የልማት ስራዎችን ይጎበኛሉ ተብሎ ይጠበቃል፡፡

ምክትል ጠቅላይ ሚኒስትሩ ይህን አስመልክቶ በማህበራዊ ትስስር ገጻቸው፤ ከቀደምት የሥልጣኔና የኪነ ሕንፃ ጥበብ ምድር፣ ከታሪካዊቷ ስፍራ፣ ከዐፄ ፋሲለደስ ሀገር፣ የኅብረ ብሔራዊ አንድነት ትእምርት ከሆነችው፣ ከአበቅ የለሿ ከተማ ጎንደር ገብተናል ብለዋል፡፡

በጎንደር አውሮፕላን ማረፊያ ለተደረገላቸው አቀባበል ለከተማው ከንቲባ እና ለጎንደር ከተማ ሕዝብ ምስጋና አቅርበዋል።

በአሸናፊ እንዳለ

426

Ethiopian Broadcasting corporation ®

19 Nov, 12:14

በጉጉት ሲጠበቅ የነበረው ፍቅር እስከ መቃብር በቅርቡ መተላለፍ ይጀምራል
********************

በጉጉት ሲጠበቅ የነበረው የፍቅር እስከ መቃብር ተከታታይ ፊልም በኢቢሲ የመዝናኛ ቻናል ከጥቂት ቀናት በኋላ መተላለፍ ይጀምራል።

የፍቅር እስከ መቃብር ፊልም በፍርድ ቤት ጉዳዩ ሲታይ ቆይቶ ህዳር 9 ቀን 2017 ዓ.ም በዋለው ችሎት ክርክሩ በስር የፌዴራል መጀመሪያ ደረጃ ፍርድ ቤት እንዲታይ እንዲሁም መስከረም 8 ቀን 2017 ዓ.ም የተሰጠው እግድ እንዲነሳ በማለት ውሳኔ ተሰጥቷል፡፡

በዚህ መነሻ በጉጉት ሲጠበቅ የነበረው የፍቅር እስከ መቃብር ተከታታይ ፊልም በኢቢሲ የመዝናኛ ቻናል ከጥቂት ቀናት በኋላ የሚጀምር ይሆናል።

345

Ethiopian Broadcasting corporation ®

08 Nov, 12:15

አዲስ አበባ ዩኒቨርሲቲ በብሪክስ ማዕቀፍ የሩስያ አፍሪካ ኔትዎርክ ዩኒቨርሲቲዎችን እንዲቀላቀል ጥሪ ቀረበለት
*************

የአዲስ አበባ ዩኒቨርሲቲ ተጠባባቂ ፕሬዚዳንት ሳሙኤል ክፍሌ (ዶ/ር) ከሩስያ ሳይንስና ከፍተኛ ትምህርት ሚኒስቴር ምክትል ሚኒስትር ቆስጠንጢኖስ ሞግሌብስኪ ጋር ተወያይተዋል።

የብሪክስ ዩኒቨርሲቲዎች ህብረት አባል የሆነው አዲስ አበባ ዩኒቨርሲቲ ከሩስያ ሳይንስና ከፍተኛ ትምህርት ሚኒስቴር ጋር በቴክኖሎጂ፣ በሕክምና፣ በጠፈር ሳይንስ፣ በፊዚክስ እንዲሁም በማዕድን እና ኢነርጂ ዘርፎች ያለውን ትብብር ወደ ላቀ ደረጀ ለማድረስ ያተኮረ ምክክር ተደርጓል።

በዚሁ ወቅት አዲስ አበባ ዩኒቨርሲቲ በብሪክስ ማዕቀፍ የሩስያ አፍሪካ ኔትዎርክ ዩኒቨርሲቲዎችን እንዲቀላቀል በሩሲያ ሳይንስ እና ከፍተኛ ትምህርት ሚኒስቴር ጥሪ ቀርቦለታል።

ለይፋዊ የሥራ ጉብኝት አዲስ አበባ የገቡት ሚኒስትሩ እና ልዑካቸው አዲስ አበባ ዩኒቨርሲቲን የጐበኙ ሲሆን፤ ዩኒቨርሲቲው ወደ ሙሉ ራስገዝነት የሚያደረገውን የሽግግር ሂደት እንደሚደግፉ በዚሁ ወቅት መግለጻቸውን ከአዲስ አበባ ዩኒቨርሲቲ የተገኘው መረጃ ያመላክታል።

233

Ethiopian Broadcasting corporation ®

08 Nov, 12:15

472 ሺህ 500 ኩንታል ዩሪያ የአፈር ማዳበሪያ የጫነች የመጀመሪያዋ መርከብ ጂቡቲ ወደብ ደረሰች
***************

በ2017/18 የምርት ዘመን ከውጭ ከሚገዛው 23 ሚሊዮን ኩንታል የአፈር ማዳበሪያ ውስጥ 472 ሺህ 500 ኩንታል ዩሪያ የጫነች የመጀመሪያዋ ኤም ቪ አባይ ሁለት የተሰኘች የኢትዮጵያ መርከብ ጂቡቲ ወደብ ደርሳለች።

በቀጣይ ቀናት ወደ ሀገር ውስጥ የማጓጓዝ ሥራውም በፍጥነት እንደሚጀመር ይጠበቃል።

ለ2017/18 የምርት ዘመን የ23 ሚሊዮን ኩንታል የአፈር ማዳበሪያ ግዢ ለመፈጸም 1 ነጥብ 3 ቢሊዮን ዶላር ተመድቧል።

መንግሥት አዲስ የግዢ መመሪያ በማውጣቱ ባለፈው የምርት ዘመን 21 ቢሊዮን ብር ለማዳን መቻሉን የኢትዮጵያ የግብርና ሥራዎች ኮርፖሬሽን መረጃ ያመለክታል።

215

Ethiopian Broadcasting corporation ®

08 Nov, 12:15

ኢትዮጵያ በባህልና ስፖርት ዘርፍ ያላትን እምቅ ሀብት ለዓለም በመሸጥ ከውጤቱ ተጠቃሚ እንድትሆን በትጋት መስራት ይገባል
*********

ባህልና ስፖርት ሚኒስቴር ከክልልና ከተማ አስተዳደር አመራሮች ጋር በፖሊሲና ስትራቴጂክ ጉዳዮች ዙሪያ ምክክር እያደረገ ነው።

በምክክር መድረኩ የመክፈቻ ንግግር ያደረጉት የባህልና ስፖርት ሚኒስትር ሸዊት ሸንካ፥ ኢትዮጵያ በባህልና ስፖርት ዘርፍ ያላትን እምቅ ሀብት ለዓለም በመሸጥ ከውጤቱ ተጠቃሚ እንድትሆን በትጋት መስራት ይገባል ብለዋል።

ግጭትን ለመፍታትና ሰላምን ለማስፈን የጥበብ ሚና ከፍተኛ ነው ያሉት ሚኒስትሯ፤ ኪነ ጥበብን፣ ስነ ጥበብን እና ባህላዊ እሴቶችን ለሀገር ገፅታና ለትውልድ ግንባታ እንደ ትልቅ መሳሪያ መጠቀምን አዳብረን እንቀጥላለን ብለዋል።

መድረኩ በሃገር አቀፍ ስፖርት ልማት አንፃር የሚታዩ ችግሮችን ለመፍታት በተከለሰ የስፖርት ፖሊሲና ረቂቅ የስፖርት አዋጅ፣ በ2017 አንደኛ ሩብ ዓመት አፈፃፃም እና በሌሎች ስትራቴጂያዊ ጉዳዮች ዙሪያ እንደሚመክር ተገልጿል።

ባህል፣ ኪነ ጥበብና ስነ ጥበብን ለህዝቦች አብሮነትና ገፅታ ግንባታ ለመጠቀም ያለመ የ3 ወር ንቅናቄ ማስጀመርም ሌላው የመድረኩ ዓላማ መሆኑን የሚኒስቴሩ መረጃ ያመለክታል።

226

Ethiopian Broadcasting corporation ®

08 Nov, 12:15

ሞስኮ ከዋሽንግተን ጋር ለመነጋገር ዝግጁ ነች፦ ፕሬዚዳንት ፑቲን
***********************************

የሩሲያው ፕሬዚዳንት ቭላድሚር ፑቲን በአሜሪካ ፕሬዚዳንታዊ ምርጫ ዶናልድ ትራምፕ ማሸነፋቸውን ተከትሎ የእንኳን ደስ አለዎት መልዕክት አስተላልፈዋል።

ፕሬዚዳንቱ በመልዕክታቸው ሞስኮ ከተመራጩ የአሜሪካ ፕሬዚዳንት ጋር ለመነጋገር ዝግጁ መሆኗን ገልፀዋል።

ፑቲን በሶቺ በሚገኘው የቫልዳይ ዓለም አቀፍ የውይይት መድረክ ላይ “በአሜሪካ ፕሬዚዳንታዊ ምርጫ ስላሸነፍክ ትራምፕ እንኳን ደስ አለህ ለማለት እወዳለሁ” ስለማለታቸው አልጀዚራ ዘግቧል።

ፑቲን ከትራምፕ ድል በኋላ ለመጀመሪያ ጊዜ ይፋዊ መግለጫቸውን የሰጡ ሲሆን ሀገራቸው ከአዲሱ የአሜሪካ ፕሬዚዳንት ጋር ለመነጋገር ዝግጁ ስለመሆኗ ጠቁመዋል።

አሜሪካ ከሩሲያ ጋር ያላትን ግንኙነት ለማሻሻል እና የሩሲያ ዩክሬን ግጭትን ለመፍታት ትራምፕ ያላቸውን ፍላጎት ያነሱት ፑቲን አሁንም ለጉዳዮቹ ከፍተኛ ትኩረት እንደሚሰጡ ጠቁመዋል።

ይህ በንዲህ እንዳለ የዩክሬን ፕሬዚዳንት ቮሎዲሚር ዘለንስኪ ከምርጫው ውጤት በኋላ ትራምፕን ካነጋገሩት መሪዎች መካከል አንዱ ሲሆኑ የዩክሬን እና የአሜሪካን ቀጣይ ትብብር አስፈላጊነት ላይ አፅንዖት ስለመስጠታቸው ተሰምቷል።

"ጠንካራ እና የማይናወጥ የአሜሪካ አመራር ለዓለም ፍትሃዊ ሰላምን ለማምጣት አስፈላጊ ነው" ሲሉ ዘለንስኪ በኤክስ መልዕክታችን አጋርተዋል ሲል የዘገበው አልጀዚራ ነው።

በናርዶስ አዳነ

270

Ethiopian Broadcasting corporation ®

08 Nov, 12:15

ርዕሰ መሥተዳድር አረጋ ከበደ የመገጭ መስኖ ግድብ ፕሮጀክትን ጎበኙ
*************

የአማራ ክልል ርዕሰ መሥተዳድር አረጋ ከበደ የመገጭ መስኖ ግድብ ፕሮጀክትን የግንባታ እንቅስቃሴ ጎብኝተዋል።

ጉብኝቱን ተከትሎ ርዕሰ መሥተዳድሩ የግድቡ ግንባታ በአጭር ጊዜ እንዲጠናቀቅ አቅጣጫ ያመላክታሉ ተብሎ ይጠበቃል።

ርዕሰ መሥተዳድሩ በቆይታቸው በከተማዋ እና በአካባቢው እየተከናወኑ ያሉ ሌሎች ትላልቅ የልማት ፕሮጀክቶችን ተዘዋውረው እንደሚጎበኙ ይጠበቃል።

431

Ethiopian Broadcasting corporation ®

08 Nov, 12:15

በ"ከረሃብ ነጻ ዓለም" ጉባዔ የተካፈሉ መሪዎች ወደየሀገራቸው ተመለሱ
*********

ባለፉት ቀናት በአዲስ አበባ በተካሄደው "ከረሃብ ነጻ ዓለም" ጉባዔ የተሳተፉ መሪዎች ወደየሀገራቸው ተመልሰዋል።

የውጭ ጉዳይ ሚኒስትር ዴዔታ አምባሳደር ብርቱካን አያኖ በቦሌ ዓለም አቀፍ አየር ማረፊያ ለመሪዎቹ አሸኛኘት አደርገውላቸዋል።

458

Ethiopian Broadcasting corporation ®

01 Nov, 09:57

ቀዳማዊት እመቤት ዝናሽ ታያቸው ከ2 ሺህ በላይ መጻሕፍትን ለአብርሆት ቤተ-መጻሕፍት አበረከቱ
****

ቀዳማዊት እመቤት ዝናሽ ታያቸው በዛሬው እለት ቁጥራቸው ከ2 ሺህ በላይ የሆኑ መጻሕፍትን እና 25 “ኦርካም ማይ አይ” የተባለ ዐይነ ስውራን አንባቢያንን የሚያግዝ መሳሪያ ለአብርሆት ቤተ-መጻሕፍቱ በስጦታ አበርክተዋል፡፡

ለቤተ መጻሕፍቱ የተበረከቱት መጻሕፍት በተለያዩ ርዕሰ ጉዳዮች ላይ ለአንባቢያን በተለይ ለዩኒቨርስቲ ተማሪዎች ጠቅላላ እውቀትን የሚሰጡ የመጻሕፍት ስብስብ መሆናቸው ተጠቅሷል፡፡

መጻሕፍቱ “Book for Africa” ከተባለ ድርጅት በድጋፍ የተገኙ መሆናቸው መገለፁን ከቀዳማዊት እመቤት ፅ/ቤት ያገኘነው መረጃ ያመለክታል፡፡

846

Ethiopian Broadcasting corporation ®

01 Nov, 09:55

የሰላም ሚኒስቴር በመጪው ሰኞ ዓለም አቀፍ የሐይማኖት ተቋማት ኮንፍረንስ ሊያካሂድ ነው
*****

የሰላም ሚኒስቴር ከመሃመድ ቢን ዛይድ ዩኒቨርሲቲ ጋር በመተባበር ዓለም አቀፍ የሐይማኖት ተቋማት ኮንፍረንስ በመጪው ሰኞ ሊያካሂድ መሆኑን አስታወቀ።

የሰላም ሚኒስትር ዴኤታ ከይረዲን ተዘራ (ዶ/ር) አለም አቀፍ ኮንፈረንሱን አስመልክቶ በሰጡት ጋዜጣዊ መግለጫ፤ ኢትዮጵያ የታላላቅ ሀይማኖቶች ሀገር በመሆኗ ይህንን ኮንፈረንስ የማዘጋጅት እድል ያገኘች መሆኑን ገልጸዋል።

ጥንታዊና ታላላቅ ሀይማኖቾች በሀገርና በሰላም ግንባታ ጉልህ ሚና የተጫወቱ ናቸው ያሉት ሚኒስትር ዴኤታው፤ ሀይማኖቾቹ ቀናይ ትውልድ በማነፅ ያበረከቱትን አስተዋፅኦ የሚዘክሩ ዝግጅቶች መደረጋቸውንም ተናግረዋል።

ኢትዮጵያ ሀይማኖቶችን እና ቅርሶቻቸውን ጠብቃ ለዓለም ማበርከቷን ያወሱት ሚኒስትር ዴኤታው፤ በዚህው ዓለም አቀፍ ኮንፈረንስ ተሳታፊዎች ይህንን የሚመለከቱበት መድረክ ይሆናልም ብለዋል።

አለም አቀፍ ኮንፈረንሱ ላይ ከ13 ሀገራት ከ300 በላይ ተሳታፊዎች የሚጠበቁ ሲሆን ጥናታዊ ፅሁፎች፣ ኤግዚቢሽን እና የተለያዩ ሀገራት ተሞክሮዎች የሚቅርቡበት እንደሆነ ሚኒስትር ዴኤታው ተናግረዋል።

ለሁለት ቀናት የሚካሄደው ኮንፈረንሱ በመጪው ሰኞ በሀይሌ ግራንድ ሆቴል የሚጀምር እንደሆነም ተጠቅሷል።

በመሀመድ አልቃድር

641

Ethiopian Broadcasting corporation ®

01 Nov, 09:55

ጠቅላይ ሚኒስትር ዐቢይ አሕመድ (ዶ/ር) የደቡብ ሱዳን ፕሬዝዳንት ልዩ መልዕክተኛን ተቀብለው አነጋገሩ
****

ጠቅላይ ሚኒስትር ዐቢይ አሕመድ (ዶ/ር) የደቡብ ሱዳን ፕሬዝዳንት ሳልቫ ኬር ልዩ መልዕክተኛ ዶ/ር ማርቲን ኤልያ ሌሙሮን ተቀብለው አነጋግረዋል።

ጠቅላይ ሚኒስትሩ በማህበራዊ ትስስር ገጻቸው ባጋሩት መልእክት፤ ዛሬ ጠዋት መልዕክት ይዘው የመጡትን የደቡብ ሱዳን ፕሬዝዳንት ሳልቫ ኬር ልዩ መልዕክተኛ ዶክተር ማርቲን ኤልያ ሌሙሮን ተቀብያለሁ ብለዋል።

በሁለትዮሽ እና ቀጠናዊ ጉዳዮች ላይም ውይይት ማድረጋቸውንም ጠቅላይ ሚኒስትር ዐቢይ አሕመድ (ዶ/ር) ገልጸዋል፡፡

430

Ethiopian Broadcasting corporation ®

01 Nov, 09:54

ዶ/ር መቅደስ ዳባ በአርባምንጭ ከተማ የተለያዩ የጤና ተቋማት ላይ ምልከታ እያካሄዱ ነው
*******

የጤና ሚኒስትር ዶ/ር መቅደስ ዳባ በአርባምንጭ ከተማ የተለያዩ የጤና ተቋማት ላይ ምልከታ እያካሄዱ ይገኛል።

26ኛው የጤና ዘርፍ ዓመታዊ ጉባዔ “የመጀመሪያ ደረጃ ጤና እንክብካቤ እመርታ ለተፋጠነ የዘላቂ ልማት ግቦች ስኬት” በሚል መሪ ቃል ከዛሬ ጀምሮ ለሶስት ቀናት በአርባምንጭ ከተማ ይካሄዳል።

የጉባኤው አካል የሆነው የጤና ተቋማት ምልከታም በደቡብ ኢትዮጵያ ክልል የተለያዩ አካባቢዎች እየተካሄደ ነው።

በጉባኤው የጤና ሚኒስቴር፣ የክልል ጤና ቢሮዎች እና አጋር አካላት በጤናው ዘርፍ በተከናወኑ ተግባራት እና ተግዳሮቶች ላይ ውይይት ያካሂዳሉ።

በአስረሳው ወገሼ

392

Ethiopian Broadcasting corporation ®

01 Nov, 09:52

ለሚ ናሽናል ሲሚንቶ ምርቱን ለገበያ ማቅረብ መጀመሩን አስታወቀ
******

በቅርቡ ሥራ የጀመረው ለሚ ናሽናል ሲሚንቶ ፋብሪካ ከትናንት ጀምሮ ምርቱን ለገበያ እያቀረበ መሆኑን አስታውቋል፡፡

ፋብሪካው የማምረት ሥራውን በፍጥነት እንዲጀምር የተደረገው ምርቱን በቶሎ ወደ ገበያ በማቅረብ በሀገር ደረጃ ያለውን የሲሚንቶ ገበያ ለማረጋጋትና እንደሀገር የተጣለበትን ከፍተኛ ኃላፊነት ለመወጣት መሆኑ ተገልጿል፡፡

ፋብሪካው ምርቱ ደረጃውን የጠበቀ እንዲሆን ከግብዓት ምርት ጀምሮ ዘመናዊና የተደራጀ ላቦራቶሪ ገንብቶ ባለሙያ መድቦ በብቃት እየሠራ መሆኑን አስታውቋል፡፡

ምርቱ ከሚመለከተው አካል የጥራት መስፈርት ያሟላ መሆኑንም ከፋብሪካው ያገኘነው መረጃ አመልክቷል፡፡

379

Ethiopian Broadcasting corporation ®

01 Nov, 09:50

ኢትዮ ቴሌኮም የአምስተኛው ትውልድ (5G) የሞባይል ኔትዎርክ አገልግሎትን በደቡብ ሪጅን፣ ሐዋሳ ከተማ አስጀመረ
*

አምስተኛ ትውልድ (5G) የሞባይል ኔትዎርክ አገልግሎት ዓለም የደረሰችበት የመጨረሻው ፈጣኑ የሞባይል ኔትዎርክ አገልግሎት መሆኑ በማስጀመሪያ መርሐ ግብሩ ላይ ተገልጿል።

ይህም ለተቋሟት እና ግለሰቦች ፈጣን የኔትዎርክ አገልሎት በመስጠት የስራ ክንውናቸውን ለማቀላጠፍ ሚናው ከፍተኛ እንደሆነ ተገልጿል።

የግብርና፣ ማዕድን፣ ትምህርት፣ ጤና እና አገልግሎት ዘርፎች የመረጃ ልውውጥን በማሳደግ ዲጂታል ኢኮኖሚን ለማዳበርም ጉልህ ሚና ይጫወታል ነው የተባለው።

በማስጀመሪያ መርሐ ግብሩ ላይ የተገኙት የኢትዮ ቴሌኮም ዋና ስራ አስፈፃሚ ፍሬህይወት ታምሩ፥ ኩባንያው ዲጂታል ኢትዮጵያን እውን በማድረግ ረገድ የበኩሉን ሚና እየተወጣ ያለ ተቋም ስለመሆኑ ተናግረዋል።

የሲዳማ ክልል ርዕሰ መስተዳድር ደስታ ሌዳሞ፥ ኢትዮ ቴሌኮም ዓለም በደረሰበት ዲጂታል ቴክኖሎጂ ተወዳዳሪ ሀገር እና ተወዳዳሪ ኢኮኖሚ በመገንባት ረገድ እያበረከተው ያለው አስተዋጽኦ ከፍተኛ ስለመሆኑ አንስተዋል።

በዘንድሮው በጀት ዓመት የአምስተኛው ትውልድ (5G) የሞባይል ኔትዎርክ አገልግሎትን በ15 የሀገሪቱ ከተሞች ታቅዶ እየተሰራ መሆኑ በማስጀመሪያ መርሐ ግብሩ ላይ ተገልጿል።

ኩባንያው የአምስተኛው ትውልድ (5G) የሞባይል ኔትዎርክ አገልግሎትን ከሐዋሳ አስቀድሞም በአዲስ አበባ፣ አዳማ፣ ድሬዳዋ፣ ሐረር፣ ጂግጂጋ እና ባሕርዳር ማስጀመሩ ይታወቃል።

በሚካኤል ገዙ

306

Ethiopian Broadcasting corporation ®

26 Oct, 12:15

ከ2 ቢሊዮን ብር በላይ ወጪ የተደረገበት ኩባንያ ተመርቆ ስራ ጀመረ
*******

በቦሌ ለሚ ኢንዱስትሪ ፓርክ በ7ሺህ ካሬ ሜትር የማምረቻ ሼድ ላይ ያረፈውና ከ2 ቢሊዮን ብር በላይ ወጪ የተደረገበት የህፃናትና አዋቂ ጫማዎችን የሚያመርተው ገሊላ ማኑፋክቸሪንግ ኩባንያ ተመርቆ ወደ ስራ ገብቷል።

የኢንዱስትሪ ፓርኮች ልማት ኮርፖሬሽን የዋና ስራ አስፈፃሚ ተወካይና የኮርፖሬት ሃብት ማኔጅመንት ምክትል ዋና ስራ አስፈፃሚ አለማየሁ ሰይፉ በዚሁ ወቅት፤ ኩባንያው በቆዳ ቴክኖሎጂ ኢትዮጵያን አንድ ደረጃ ከፍ የሚያደርግና ለበርካታ ዜጎች የስራ እድል የሚፈጥር ነው ብለዋል፡፡

ግዙፉ በሆነው የቦሌ ለሚ ኢንዱስትሪ ፓርክ ውስጥ የፋብሪካውን ግንባታና ማሽነሪ ተከላ በአጭር ጊዜ በማጠናቀቅ ወደ ስራ ማስገባት መቻሉንም ገልፀዋል።

የኩባንያው ስራ አስኪያጅ እና ባለቤት በርሄ አሰፋ በበኩላቸው፤ ኩባንያው የተለያዩ አይነት ጫማዎችን እንደሚያመርትና ምርቶቹንም ለሀገር ውስጥ ገበያ ከማቅረቡ በተጨማሪ ወደ ተለያዩ የአውሮፓ ሃገራት እንደሚልኩ ገልፀዋል።

ኩባንያው አሁን ላይ በቀን 2ሺህ ጥንድ ጫማዎችን የሚያመርት ሲሆን በሙሉ አቅሙ ስራ ሲጀምርም 4ሺህ ጫማዎችን እንደሚያመርትና ከ4ሺህ በላይ ለሚሆኑ ዜጎች የስራ እድል እንደሚፈጥር የኮርፖሬሽኑ መረጃ ያመለክታል።

804

Ethiopian Broadcasting corporation ®

26 Oct, 12:14

ኢትዮጵያና ማሌዥያ ከግማሽ ክፍለ ዘመን በላይ ያስቆጠረ የሁለትዮሽ ግንኙነታቸውን ለማጠናከር ተስማምተዋል - ጠቅላይ ሚኒስትር ዐቢይ አህመድ (ዶ/ር)
*****

ኢትዮጵያና ማሌዥያ ከግማሽ ክፍለ ዘመን በላይ ያስቆጠረ የሁለትዮሽ ዲፕሎማሲያዊ ግንኙነታቸውን ለማጠናከር መስማማታቸውን ጠቅላይ ሚኒስትር ዐቢይ አህመድ (ዶ/ር) ተናገሩ፡፡

ጠቅላይ ሚኒስትር ዐቢይ አሕመድ (ዶ/ር) በማሌዢያ ኳላላምፑር ይፋዊ የስራ ጉብኝት ያደረጉ ሲሆን ከማሌዢያው ጠቅላይ ሚኒስትር አንዋር ኢብራሂም ጋር ተወያይተዋል።

ጠቅላይ ሚኒስትር ዐቢይ አሕመድ (ዶ/ር) ከማሌዥያ አቻቸው አንዋር ኢብራሂም ጋር የሁለትዮሽ ውይይት ካደረጉ በኋላ ለመገናኛ ብዙሃን በሰጡት መግለጫ፤ ኢትዮጵያና ማሌዥያ የሁለትዮሽ ግንኙነታቸውን ለማጠናከር መስማማታቸውን ተናግረዋል፡፡

ሁለቱ ሀገራት ከግማሽ ምዕተ ዓመት በላይ ያስቆጠረ ዲፕሎማሲያዊ ግንኙነት እንዳለቸው አንስተው፤ ግንኙነቱን ወደ ላቀ ደረጃ ለማሸጋገርና ለማጠናከር መሰል ጉብኝትና ምክክር አስፈላጊ ነው ብለዋል፡፡

በጉብኝቱ ሁለቱ ሀገራት ያላቸውን ዘመናት ያስቆረ የሁለትዮሽ ግንኙነት ማደስ መቻሉንም ጠቅላይ ሚኒስትሩ ተናግረዋል፡፡

ኢትዮጵያና ማሌዥያ በግብርና፣ በኢንዱስትሪ፣ በማዕድን፣ በንግድ፣ በኢንቨስትመንትና በሌሎችም ቁልፍ ዘርፎች በትብብር ለመስራት ከስምምነት ላይ መደረሳቸውን ገልፀዋል፡፡

የማሌዥያ የንግድ ማህበረሰብ በኢትዮጵያ ያለውን ምቹ የኢንቨስመንትና የንግድ እድሎችን እንዲጠቀሙም ጥሪ አቅርበዋለሁ ብለዋል፡፡

በኢትዮጵያ ያለውን የኢንቨስትመንት አማራጭ መጠቀም ለሚፈልጉ የማሌዥያ የግሉ ዘርፍ ተዋናያን ኢትዮጵያ አስፈላጊውን ድጋፍ እንደምታደርግም ነው የገለፁት፡፡

ኢትዮጵያ ከተሞችን በማዘመን፣ በመሰረተ ልማት ግንባታ እና በሌሎችም በበርካታ ዘርፎች ከማሌዥያ መማር እንደምትችልም ተናግረዋል፡፡

ጠቅላይ ሚኒስትሩ የማሌዥያ መንግስትና ህዝብ ላደረጋቸው አቀባል ምስጋና አቅርበው፤ ኢትዮጵያ ወደፊት ከሜሌዥያ ጋር ያላትን ዲፕሎማሲያዊ ግንኙነት በማጠናከር ጥብቅ ትብብር ለማጎልበት ቁርጠኛ ናት ብለዋል፡፡

የሜሌዥያ ጠቅላይ ሚኒስትር አንዋር ኢብራሂም የአፍሪካ መዲና፣ የረጅም ታሪክና የባህል ብዝሃነት ባለቤት የሆነችውን ኢትዮጵያን መጥተው እንዲጎበኙም ጥሪ አቅርበውላቸዋል፡፡

በላሉ ኢታላ

558

Ethiopian Broadcasting corporation ®

26 Oct, 12:12

የማሌዢያ የንግድ ማኅበረሰብ በኢትዮጵያ ኢኮኖሚ ውስጥ ያለውን የኢንቨስትመንት እድል እንዲጠቀሙ አበረታታለሁ - ጠቅላይ ሚኒስትር ዐቢይ አሕመድ (ዶ/ር)
*******

የማሌዢያ የንግድ ማኅበረሰብ በፍጥነት በመስፋፋት ላይ ባለው የኢትዮጵያ ኢኮኖሚ ውስጥ ያለውን የኢንቨስትመንት እድል እንዲጠቀሙ አበረታታለሁ ሲሉ ጠቅላይ ሚኒስትር ዐቢይ አሕመድ (ዶ/ር) ገለጹ።

ጠቅላይ ሚኒስትሩ በማህበራዊ ትስስር ገጻቸው ባስተላለፉት መልዕክት፤ ጠቅላይ ሚኒስትር አንዋር ኢብራሂም ብሎም የማሌዢያ ሕዝብ እና መንግሥት በቆይታችን ለሰጣችሁን ደማቅ አቀባበል እና ፍቅር እናመሰግናለን ብለዋል።

ትብብራችንን ትኩረታቸውን በግብርና፣ ማዕድን፣ ማኑፋክቸሪንግ እና ታዳሽ ኃይል ላይ ባደረጉ የንግድ እና ኢንቨስትመንት ዘርፎች ብሎም ሰፊ አድማስ ባላቸው ሌሎች ቁልፍ ሥራዎች ላይ ለማጠናከር ተስማምተናል ሲሉም ገልፀዋል።

472

Ethiopian Broadcasting corporation ®

26 Oct, 12:11

የኦሮሚያ ክልል የመንግስት እና የፓርቲ የስራ አፈፃፀም ግምገማ መድረክ አየተካሄደ ነው
******

የኦሮሚያ ክልል የ2017 የመጀመሪያ ሩብ ዓመት የመንግስት እና የፓርቲ የስራ አፈፃፀም ግምገማ መድረክ በአዳማ ከተማ እየተካሄደ ይገኛል፡፡

በመድረኩ ላይ የክልሉ ርዕሰ መስተዳድር አቶ ሽመልስ አብዲሳን ጨምሮ ሌሎች ከፍተኛ አመራሮች ተገኝተዋል፡፡

በግምገማው ላይ የመንግሥት እና የፓርቲ አፈጻጸሞች ቀርበው ጥንካሬ እና ድክመቶችን በመለየት አቅጣጭ እንደሚቀመጥ ከክልሉ ኮሙዩኒኬሽን ቢሮ ያገኘነው መረጃ ያመላክታል፡፡

358

Ethiopian Broadcasting corporation ®

22 Oct, 17:43

#ማስታወቂያ #እንሸልሞት

✅ ሰላም የethiocryptohunter ቤተሰቦቻችን ቻናላችንን ለማሳደግ giveaway አዘጋጅተናል።

❇️ giveaway መሳተፍ ምትፈልጉ በሚሰጣቹ ሊንክ ብዙ ሰው የጋበዘ አሸናፊ ይሆናል ሽልማቱ 0.5 Ton ወይም 400 Birr ነው እንደፍላጎቱ🥳🎁🎁

❇️ Giveaway ሚጠናቀቀው ቻናላችን 1000 member ሲገባ ነው በየመሀሉ በደረጃ እየመሩ ያሉትን ሰዎች የምናሳውቅ ይሆናል

የራሳቹን መጋበዣ ሊንክ ለመቀበል Dm🏃‍♂🏃‍♂
👇👇👇👇👇

@Crytoking1212 በዚህ አውሩኝ

👇👇ቻናላችንን join አርጉ👇👇

@ethiocrytohunter
@ethiocrytohunter

389

Ethiopian Broadcasting corporation ®

22 Oct, 17:30

በወልዲያ አንዲት እናት በአንድ ጊዜ 4 ልጆችን ተገላገለች
******

በወልዲያ አንዲት እናት በአንድ ጊዜ 4 ልጆችን በሰላም መገላገሏን የወልዲያ አጠቃላይ ስፔሻላይዝድ ሆስፒታል ገለጸ።

የወልዲያ አጠቃላይ ስፔሻላይዝድ ሆስፒታል የሚድዋይፍሪ ባለሞያ የሆኑት ወጋየው ገብሬ በተለይ ለኢቢሲ ሳይበር እንደገለጹት፤ሰላማዊት ደርቤ የተባለች የ31 ዓመት እናት በትናትናው እለት ንጋት ላይ 4 ሴት ልጆችን በሆስፒታሉ በሰላም ተገላግላለች፡፡

ከተወለዱት ሕጻናት መካከል የሁለቱ ክብደት ከመጠን በታች በመሆኑ በሆስፒታሉ ክትትል እየተደረገላቸው መሆኑን ባለሙያው ተናግረዋል፡፡

አሁን ላይ አራቱ ልጆች እና እናታቸው በሙሉ ጤንነት ላይ እንደሚገኙ ገልጸዋል፡፡

የሕጻናቱ ወላጅ እናት ከዚህ ቀደም አንድ ልጅ እንዳላትም ጠቁመዋል፡፡

በሆስፒታሉ ከዚህ ቀደም 3 ልጆችን የወለደች እናት መኖሯን አስታውሰው፤ይህ ክስተት ግን ለሆስፒታሉም ሆነ ለአከባቢው አዲስ ነው ብለዋል፡፡

በሜሮን ንብረት

#ETV#etv

358

Ethiopian Broadcasting corporation ®

22 Oct, 17:29

በመርካቶ ሸማ ተራ አካባቢ የደረሰውን የእሳት አደጋ መንስኤ እየመረመርኩ ነው - የአዲስ አበባ ፖሊስ
*****

በመርካቶ ሸማ ተራ አካባቢ የደረሰውን የእሳት አደጋ መንስኤ እየመረመረ መሆኑን የአዲስ አበባ ፖሊስ አስታውቋል፡፡

የአዲስ አበባ ፖሊስ ጥቅምት 11 ቀን 2017 ዓ.ም ምሽት ላይ በአዲስ ከተማ ክፍለ ከተማ ሸማ ተራ ነባር የገበያ ማዕከል እና በአካባቢው በደረሰ የእሳት አደጋ በንብረት ላይ ጉዳት መድረሱን ገልጿል፡፡

የአደጋውን መንስኤ ለማጣራት የአዲስ አበባ ፖሊስ ከፌዴራል ፖሊስ የፎረንሲክ ምርመራ ቡድን ጋር በመቀናጀት ምርመራ መጀመሩን አስታውቋል።

አደጋውን ለመከላከል እና በአደጋው ምክንያት ሌላ ወንጀል እንዳይፈፀም እንዲሁም የአደጋ ተከላካይ ሰራተኞች ተግባራቸውን በአግባቡ መወጣት እንዲችሉ እና ተጨማሪ ጉዳት እንዳያጋጥም የፌዴራል እና የአዲስ አበባ ፖሊስ፣ የመከላከያ ሠራዊት፣ ሪፐብሊካን ጋርድ፣ ብሔራዊ መረጃና ደህንነት አገልግሎት፣ የከተማ አስተዳደሩ አመራሮች፣ የሠላምና ፀጥታ መዋቅር፣ የኢትዮጵያ አየር መንገድ እና ሌሎች ተቋማት ከፍተኛ ርብርብ በማድረግ አደጋው እንዳይባባስ ከፍተኛ ጥረት ማድረጋቸውን ጠቁሟል፡፡

አደጋውን እንደ ምቹ ሁኔታ በመጠቀም የስርቆት ወንጀል የፈፀሙ 33 ተጠርጣሪዎችን ይዞ ምርመራ እያጣራ መሆኑን እና ከአደጋው ጋር በተያያዘ በ7 ሰዎች ላይ ቀላል በ2 ሰዎች ላይ ደግሞ ከባድ ጉዳት መድረሱንም አመላክቷል፡፡

አደጋውን ለመከለከል የፀጥታና ሌሎች ተቋማት እንዲሁም የአካባቢው ህብረተሰብ ላደረገው ድጋፍ እና ተባባሪነትም ፖሊስ ምስጋናውን አቅርቧል፡፡

የአዲስ አበባ ፖሊስ በደረሰው የእሳት አደጋ የተሰማውን ሃዘን ገልፆ ወደ ፊት በምርመራ የደረሰበትን ውጤት ለህዝብ ይፋ እንደሚያደርግም ገልጿል፡፡

308

Ethiopian Broadcasting corporation ®

22 Oct, 17:28

የዓለም እግር ኳስ ማህበር (ፊፋ) ፕሬዚዳንት ሽኝት ተደረገላቸው
*******

የዓለም እግር ኳስ ማህበር (ፊፋ) ፕሬዚዳንት ጂያኒ ኢንፋንቲኖ በቦሌ ዓለም አቀፍ አውሮፕላን ማረፊያ ሽኝት ተደርጎላቸዋል፡፡

ለፕሬዚዳንቱ የባህልና ስፖርት ሚኒስትር ሸዊት ሻንካ፣ የኢትዮጵያ እግር ኳስ ፌዴሬሽን ፕሬዚዳንት እና የካፍ ሥራ አስፈፃሚ ኮሚቴ አባል አቶ ኢሳያስ ጅራ እንዲሁም ሌሎች የመንግሥት የሥራ ኃላፊዎች አሸኛኘት አድርገውላቸዋል፡፡

ፕሬዚዳንቱ የአፍሪካ እግር ኳስ ኮንፌዴሬሽን (ካፍ) 46ኛ መደበኛ ጠቅላላ ጉባኤ ላይ ለመሳተፍ በትላንትናው ዕለት አዲስ አበባ መግባታቸው ይታወሳል፡፡

በዛሬው ዕለት በተካሄደው የካፍ መደበኛ ጠቅላላ ጉባኤ ላይ ፕሬዚዳንቱን ጨምሮ የአፍሪካ እግር ኳስ ኮንፌዴሬሽን ፕሬዚዳንት ፓትሪስ ሞትሴፔ፣ የካፍ ሥራ አስፈጻሚ ኮሚቴ አባላት፣ የዓለም አቀፉ የእግር ኳስ ማህበር (ፊፋ) ፕሬዚዳንት ጂያኒ ኢንፋንቲኖ፣ የፊፋ ዋና ፀሐፊ ማትያስ ግራፍስትሮም፣ የካፍ አባል ሀገራት እግር ኳስ ፌዴሬሽኖች፣ የቀጣናዊ እግር ኳስ ማኀበራት ፕሬዚዳንቶች እንዲሁም ሌሎች የስፖርቱ ባለድርሻ አካላት ተሳትፈዋል፡፡

259

Ethiopian Broadcasting corporation ®

22 Oct, 17:28

የኢትዮጵያ ብሔራዊ ምርጫ ቦርድ 11 ፓርቲዎችን በጊዜያዊነት አገደ
******

የኢትዮጵያ ብሔራዊ ምርጫ ቦርድ በጠቅላላ ጉባዔ፣ በኦዲት እና በሴት አባላት አማካኝነት ከሚገኝ የገንዘብ ድጋፍ ጋር በተያያዘ 11 የፖለቲካ ፓርቲዎችን በጊዜያዊነት አግዷል፡፡

ቦርዱ ለኢትዮጵያ የፖለቲካ ፓርቲዎች የጋራ ምክር ቤት እንዳስታወቀው የታገዱት ፓርቲዎች የኦሮሞ ነጻነት ንቅናቄ፣ አንድ ኢትዮጵያ ዴሞክራሲያዊ ፓርቲ፣ የጌዲኦ ሕዝብ ዴሞክራሲያዊ ድርጅት፣ የሐረሪ ዴሞክራሲያዊ ድርጅት፣ የገዳ ሥርዓት ለኦሮሞ ነጻነት ፓርቲ፣ የዎላይታ ብሔራዊ ንቅናቄ፣ አዲስ ትውልድ ፓርቲ፣ የጋምቤላ ብሔራዊ ዴሞክራሲያዊ ንቅናቄ፣ የጋምቤላ ሕዝቦች ዴሞክራሲያዊ ንቅናቄ፣ የኢትዮጵያ ዴሞክራቲክ ኅብረት እና አገው ለፍትሕና ለዴሞክራሲ ፓርቲ ናቸው።

በፓርቲዎቹ ላይ የተሰጠው የዕግድ ውሳኔ ቦርዱ የተለየ ውሳኔ እስከሚሰጥ ድረስ ለጊዜው ከማንኛውም ሕጋዊ እንቅስቃሴ ታቅበው እንዲቆዩ የሚያደርግ ነው።

በመሆኑም ቦርዱ የሰጠውን የዕግድ ውሳኔ እስከሚያነሳ ድረስ ከላይ የተገለጹት ፓርቲዎች የጋራ ምክር ቤቱ በሚያዘጋጃቸው ጉባዔዎች ላይ ሊገኙ፣ ሊመርጡም ሆነ ሊመረጡ እንዲሁም በኮሚቴ አባልነት ሊያገለግሉ አይችሉም ተብሏል።

የጋራ ምክር ቤቱ የዕግድ ውሳኔ የተላለፈባቸውን ፓርቲዎች ከማንኛውም የምክር ቤቱ ሥራዎች እና እንቅስቃሴዎች እንዳይካፈሉ እንዲያደርግም ቦርዱ አሳስቧል።

242

Ethiopian Broadcasting corporation ®

22 Oct, 17:27

የኢትዮጵያ የአፍሪካ ዋንጫ አስተናጋጅነት ጥያቄ በካፍ የአሰራር ስርዓት ይታያል - የካፍ ፕሬዚዳንት ፓትሪስ ሞትሴፔ
**

የኢትዮጵያ የአፍሪካ ዋንጫ አስተናጋጅነት ጥያቄ በካፍ የአሰራር ስርዓት እንደሚታይ የአፍሪካ እግር ኳስ ኮንፌዴሬሽን (ካፍ) ፕሬዚዳንት ፓትሪስ ሞትሴፔ ተናግረዋል፡፡

የካፍ መስራች አባል ሀገር የሆነችው ኢትዮጵያ በአፍሪካ እግር ኳስ ውስጥ ታሪካዊ ሚና እንዳላትም አውስተዋል፡፡

ለአፍሪካ ነጻነት ትልቅ አቅም የነበረችው ኢትዮጵያ የአፍሪካ ዋንጫን ለማስተናገድ በትክክለኛ ጊዜ ለካፍ ጥያቄ ማቅረቧንም አንስተዋል፡፡

“ኢትዮጵያውያን ለእግር ኳስ ያላቸውን ከፍ ያለ ስሜት እረዳለሁ” ያሉት ፕሬዚዳንቱ እግር ኳስን ህዝባዊ አንድነትን ለመፍጠር መጠቀም እንደሚገባ ገልጸዋል፡፡

ጠቅላይ ሚኒስትር ዐቢይ አሕመድ (ዶ/ር) ባስጎበኟቸው በግንባታ ላይ ባሉ ስታዲየሞች እና የስፖርት መሰረተ ልማቶችም መደሰታቸውን ጠቁመዋል፡፡

የኢትዮጵያ የአፍሪካ ዋንጫ የማስተናገድ ጥያቄ በካፍ የአሠራር ሂደት እንደሚታይም ማረጋገጣቸውን ኢዜአ ዘግቧል፡፡

304

Ethiopian Broadcasting corporation ®

22 Oct, 10:03

ጠቅላይ ሚኒስትር ዐቢይ አሕመድ (ዶ/ር) በብሪክስ ጉባዔ ለመሳተፍ ሩሲያ ገቡ
***

ጠቅላይ ሚኒስትር ዐቢይ አሕመድ (ዶ/ር) በብሪክስ ጉባዔ ለመሳተፍ ሩሲያ ካዛን ገብተዋል፡፡

ጠቅላይ ሚኒስትሩ ከቀዳማዊት እመቤት ዝናሽ ታያቸው እና ከሚኒስትሮች ልዑካን ቡድን ጋር በመሆን በሩሲያ ካዛን መገኘታቸውን የጠቅላይ ሚኒስትር ጽሕፈት ቤት መረጃ ያመላክታል፡፡

608

Ethiopian Broadcasting corporation ®

Ethiopian Broadcasting corporation ® (English)

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®

Ethiopian Broadcasting corporation ®