Assalomu alaykum.
Huquqiy tomondan biror qiyinchilikka tushib qolsangiz, vizangizni qaysidur sababdan uzaytira olmas vaziyatga tushib qolsangiz, iltimos yordam so'rang. Bir o'zingiz qiynalib katta jarimani to'lamasdan.
Xullas, bir ayol kishi yozib qoldi. F-2-R vizasiga o'tishda anglashilmovchilik yuzasidan viza muddatidan bir necha kun o'tib ketgan. 6mln jarima chiqarib berishgan. Turmush o'rtog'i O'zbekistonda ekanligini, hali barqaror iqtisodiy ahvolda emasligini aytsa, 3mlnga tushurib bergan. Jarimani to'lagan, lekin 1yil urilishi kerak bo'lgan viza muddatini yarimta qilib, 6oyga urib bergan. Endi u kishi 6oydan keyin viza uzaytira olishi qiyin masala. Agar shuni huquqni biladigan biror kim bilan maslahatlashsa edi, tushuntirish xati bilan yana qayta murojaat qilsa edi, 3mln jarimani yana yarmiga bo'lib berar edi. 3mln jarima bilan viza uzaytirish amrimahol.
Koreyada hamma narsaning imkoni bor. Faqat tushuntirsangiz bas. Vaziyatingiz yozilgan bir varaqning o'zi kifoya. Faqat so'rang, biladiganlardan. Anonim qilib so'rayvermaysizmi? O'sha ayol kishi turmush o'rtog'ini, farzandini chaqirish uchun F-2-Rga o'tib, qiyin sharoitga ko'nib ishlab kelayotgan edi. Endi vaziyati yanayam og'irlashdi.
Shu kungacha deport bo'lish arafasidagilarga, 4ta F olgan talabalarga ham tushuntirish xati yozib berdim. Ularga chiqib ket, deyishmadi, vizalarini ijobiy hal qilib berishdi. Imigratsiyada o'tirganlar ham inson, men ularning yuragi borligi uchun ham hurmat qilaman.
Nelegal bir ayol ish ustida imigratsiya tomonidan olib ketildi. Uning uch farzandi Koreyada maktabga qatnayotganini inobatga olib, ayolni 40kundan so'ng qo'yib yuborishdi. Imigratsiya o'zlari yaratgan qonundan insoniylik qonunlarini ustun qo'ydi! Beva ayol uch farzandi kelajagi uchun kurashayotgani uchun, aksincha o'sha nelegal ayolga viza olishi uchun compassni qo'liga tutqazdi. Endi u yo'l qidirayapti. Shunchaki imigratsiyadagilarning tutgan bu yo'li meniyam ko'zimni namlagandi o'shanda.
Guruppada huquqni biladiganlar ko'p. Bilmasa, so'rab beradiganlar bor(Men huquqiy tomondan hech baloni bilmayman, so'rab bera olaman😁). Qiyin ahvolda qolganingizda, arosatda qolganingizda yolg'iz to'rt devor ichida qiynalmasdan so'rab surishtiring. Jarima chiqsa, bemalol vaziyatni tushuntirib, uni kamaytirish mumkin. Deport uramiz, desa, tutgan yo'lingizning o'ziga yarasha sababi bo'lsa, albatta deportdan sizni saqlab qolishadi. Huquq tomondan yordam kerak bo'lsa, koreys advakatga millionlarni sarflamang, oldin so'rang, hozircha huquq yo'lida jadal harakat qilayotgan Jahongir Ganiev dan so'rang. U kishi huquqiy bilimga ega. Yana kimdur huquqiy sohada yordam bera olishini komentariyada yozib qoldirsangiz, boshqalar uchun manfaatli bo'lar edi.
Faqat so'rang! Yolg'iz qiynalmang!
Bu degani qonunni buzish mumkin degani emas, ogoh bo'lib, xushyor bo'lib yuring, bilmay xato qilsangiz, sababni qilib natijani egasidan so'rang!
®Малоҳат Гаффарова
@epskorea1
