FILOLOG KUNDALIGI 📚

YO’LDADIRMAN

Yigirma yil o‘tdi intizorlikda.
Andrey Voznesenskiy

Siz kutasiz. Menam boraman.
Uchib borodurman xuddi o‘q.
Faqat... oldin xat yuboraman,
O’sha xatni yozganimcha yo‘q.

Ko‘ngil ichga to‘kib borini,
Bir yil, o‘n yil o‘tdi, bu ko‘pmi?
Ayriliqning alafzorini,
Birgalashib o‘ramiz, xo‘pmi?

Yigirma yil, o‘ttiz yil o‘tdi,
Ko‘zingizga malol inmasmi?
O’ttiz yillab g‘ovlagan o‘tni,
O’rar chog‘i chalg‘i sinmasmi?!

Qirq yil o‘tdi. Men tez boraman,
Ranjimangiz, guvoh yeru ko‘k!
Faqat... oldin xat yuboraman,
Xatni... hali yozolganim yo‘q.

Uchib borodurman xuddi o‘q,
Bu holatni qanday sharhlayman.
Borgan sari o‘rmonzor quyuq,
Men kuyinib chalg‘i charxlayman.

Siz kutasiz. Menam boraman.

©Halima Xudoyberdiyeva

@dunyo_klassikasi

Ilm va ijod – har ishda najot...

Kelin boʻlgin-u, kasal boʻlma.

@dunyo_klassikasi

«Jinoyat va jazo» asarida Raskolnikovning tilidan aytilgan shunday jumla bor: «Men kampirni emas, o‘zimni o‘ldirdim».
Naqadar oddiy... haqiqat!
Axir o‘zingizga yomonlik qilmasdan o‘zgaga yomonlik qilishning imkoni bormi? O‘zini sotmay sotqinlik qilgan, vijdonini toptamay xiyonat qilgan, sha’nini yerga urmasdan birovni haqoratlagan bittagina mardumni ko‘rsating menga?!
Ko‘rsatolmaysiz...
Ko‘rsatolmaymiz...
Eng yomoni nima, bilasizmi? Eng yomoni - ba’zan bolta xato ketib kampirlar tirik qolishi mumkin, ammo zarba bergan Raskolnikovlar baribir o‘ladi!

Bayram ALI

@Fyodor_Dostoyevskiy_Iqtiboslar

Yangi bilim olish uchun, haftasiga 3-4 soat vaqt ajrata olmagan inson abadiy qora ishchi nomiga mutlaq munosib.

Alisher Usmanov – o‘zbek millatiga mansub rossiyalik milliarder va tadbirkor.

@dunyo_klassikasi

Asta oʻlib boradi, kimki sayohat qilmasa,
Kimki oʻqimasa,
Kimki musiqa tinglamasa,
Kimki oʻzligini topolmasa.
Asta oʻlib boradi
Kim oʻziga ishonchini yoʻqotsa,
Kim oʻziga yordam bermasa.
Asta oʻlib boradi, kim sevgini yanchib oʻtsa,
Omadsiz yoki tinmayotgan yomgʻir haqida soʻzlab
Kunlarini tinimsiz shikoyat-la oʻtkazsa.
Asta oʻlib boradigan odam rejalarin boy berar,
Hatto urinib koʻrmas boshlashga,
Kim oʻziga nomaʼlum dalillar haqda savol bermasa,
Va kim undan bilganlari haqida soʻrasa indamasa.
Asta oʻlib boradi, kim odatlar quliga aylansa,
Har kuni bir xil yumushni bajarsa
va ishga qatnasa aynan bir yoʻnalishda
Hech qayerga burilmasa,
Libosi rangini oʻzgartirishga qoʻrqsa,
Begonalar bilan gaplashmasa.
Asta oʻlib boradi, kim ehtirosdan qochsa,
Kulish oʻrniga esnasa.
Oq rang ichida qorani va “i” harfi ustidagi nuqtani koʻrsa,
Hislar bilan birga boʻlish oʻrniga
Koʻzlaring porlashiga va yurak tez urishiga
Sabab boʻlgan odamdan nari boʻlsa
Xatolar va tuygʻulardan uzoqlashsa.
Asta oʻlib boradi, kimki stolni aylantirmasa,
Ishxona yoki muhabbat bobida omadsiz boʻlgan payt 
taqdir zarbalarini yengmasa,
nomaʼlum narsa uchun oʻzini xavf ostiga qoʻymasa
orzular ortidan bormasa,
kimki hayotida biror marta ham
nasihatlardan bezmasa...
Oʻlimdan mayda qadamlar bilan uzoqlashishga harakat qilamiz,
tirik ekanimizni hamisha yodda tutib,
katta quvvat talab qiladi
nafas olish uchun harakat qilish.
Bugun bilan yasha!
Bugun tavakkal qil!
Bugun bajar!
Asta-sekin oʻlib borma!
Baxtli boʻlish uchun oʻzingga toʻsiq qoʻyma!

Pablo Neruda
Adabiyot boʻyicha Nobel mukofoti sovrindori

@dunyo_klassikasi

💥💥💥 01.01. 2025 💥💥💥

Va nihoyat, kanal sarhisobi. Yil davomida yaxshigina jonlanish boʻldi. Tolstoy hamda Dostoyevskiy oyligi eng manfaatli kontent ulashilgan davrlar boʻldi. Eng koʻp koʻrilgan post shubhasiz, Anna Dostoyevskayaning "Xotiralar" kitobiga yozgan taqrizim.
1yil mobaynida 100 dan ortiq kitob sotib oldim.

Obunachilarga birgina tavsiyam bor: koʻp oʻqimang, saralab oʻqing.
Oʻtgan kundagidan koʻra bugun aqlliroq, kuchliroq va baxtliroq boʻling!

@dunyo_klassikasi

Dekabrda yil boshidan beri tamal toshi qoʻyib, intilayotganim, kutayotganim muhim hodisa yuz berdi: Adabiyotshunoslik yoʻnalishida tayanch doktoranturaga qabul qilindim.
Omadlimanmi? Yoʻq.
Tasodifmi? Mutlaqo. Gʻoliblar tasodiflarga ishonmaydilar.
Hammasi harakat, harakat va yana harakat.

Oʻtgan yildagiga qaraganda, badiiy asarlar mutolaasiga kam vaqt ajratganim rost. Lekin, erishilgan natijalar buni oqlaydi.
Muhimi, oilam, turmush oʻrtogʻimning qoʻllab-quvvatlashi, qishloq sharoitida 2 ta yosh bolali ona sifatida roʻzgʻor ichida yoʻqolib ketmaganim, bozordagi pomidor narxi bilan qiziqmaganim, gʻiybatlardan nari yurganim, balandroq mavzularda bemalol suhbatlasha olishim, oʻzimga boʻlgan ishonchning nihoyatda yuqoriligi.
Bu yil oʻylab qarasam, 27 yoshimda yoʻqotganlarimdan topganlarim bisyor ekan.

@dunyo_klassikasi

2-yutuq, shubhasiz, karyeramda katta qadam qoʻyganim, Angren universityda ish faoliyatimni boshlaganim boʻldi. Kreativ jamoa, haqiqiy qalb kasbim, olov atmosfera maydonini topdim. 2015-yil oliy taʼlimga qadam qoʻygan vaqtimda kelajakda jurnalist yoki nashriyot bilan bogʻliq faoliyat bilan shugʻullanaman, deb oʻylardim.

Lekin, talabalarga dars oʻtish mobaynida shuni tushundimki, hamma ishda energiya sarflasa, men yigʻar ekanman. Konfutsiyning bir gapi bor: "Sizga yoqadigan ish bilan shug'ullansangiz, siz ishlamagan bo'lasiz".

@dunyo_klassikasi

#yil_sarhisobi

Agar kanalni ancha vaqtdan buyon kuzatib kelayotgan boʻlsangiz, 2024-yil boshida turk tilini oʻrganishni boshlaganim haqida yozgan edim. Bahordagi eng zoʻr yutugʻim - 2 ta farzandimdan ortib, 3 oyda B2 daraja olganim boʻldi. Bunda Türk hocam @shaxnoza_filolog ning xizmati, ayniqsa dakkilari beqiyos)) Shu bilan birgalikda bir nechta ustozlarning online videodarslarini kuzatib bordim, solishtirdim, yangi narsa oʻrganishdan toʻxtamadim.

Til oʻrganish mobaynida bir narsani anglab yetdimki, hech qachon bitta ustoz bilan cheklanib qolmang! Bir nechta ustozlarning eng yaxshi, eng kuchli tomonlarini oʻzlashtiring. Avvalo, oʻsha tilni seving, sertifikat - imtiyoz beruvchi bir qogʻoz, ammo miyangizda saqlanib qoluvchi bilim eng qimmatbahosidir.

Kuniga kamida 2 soat vaqt ajrating. Til oʻrganish havasga emas, qandaydir reja, maqsad asosiga boʻlsin. 1 kunda til bilimdoni boʻlib qolmaysiz, vaqtlar oʻtib, oʻrganayotgan tilingizda film, serialni original tilda koʻrib, eshitib tushunsangiz - mana bu haqiqiy eyforiya.

@dunyo_klassikasi

Ayolning joni qirqta, qalbi bitta!

@dunyo_klassikasi

@bibliofilllll Akmaldan yil oxirida ajoyib sovgʻa keldi, kattakon rahmat, "Kitobdoshlar" jamoamiz N1. 😎

@dunyo_klassikasi

Baʼzan hammasiga qoʻl siltaging keladi!

@dunyo_klassikasi

Mashhur “bevafolar”: ular nafratga loyiqmi, shafqatga?

Yunon mifologiyasidagi Pandora har qanday xiyonatkor ayolning arxetipi sifatida koʻriladi. U Pandora qutisini ochishi bilan insonlar dunyosiga oʻlim va yomonliklar kirib kelgan. Shundan soʻng u xiyonat va aybdorlik ramziga aylangan. Lilit ham mifologiyadagi mashhur ayol obraz boʻlib, u Odamni tashlab ketib, iblis bilan ittifoq tuzgani aytiladi.

Batafsil: https://oyina.uz/uz/article/3334

Rasmiy sahifalarimiz👇

Telegram | Instagram | X | YouTube

Ushbu toʻplamni @alisher_abduhamidov ismli obunachimiz sovgʻa qildilar. Katta rahmat!

Eng yaxshi investitsiya bilim olishga qaratilgan investitsiyadir.

@dunyo_klassikasi

​​​​Tolstoy va Dostoyevskiy oʻrtasidagi 10 farq:

1. Tolstoy koʻp koʻzli, Dostoyevskiy koʻp ovozli yozuvchidir.

2. Tolstoy tashqariga, Dostoyevskiy ichkariga boqar.

3. Tolstoy aql va mantiq yozuvchisidir, Dostoyevskiy esa ziddiyatlarni aks ettiradi.

4. Tolstoy nima qilish kerak degan savollarning ortidan quvar ekan, Dostoyevskiy mumkin emas, nimalarni qilmaslik kerak degan savol ortidan boradi.

5. Dostoyevskiy kambagʻal boʻlgani uchun, kitob va qoralamalarining gonorarini oldindan olishga majbur edi. Tolstoy esa boy boʻlgani holda asarlari nashr etilgandan keyingina qalam haqi olardi.

6. Tolstoy asarlari uchun sogʻligʻidan qanchalik qarzdor boʻlsa, Dostoyevskiy hastaligi va taqdiri uchun shunchalik burchlidir.

7. Tolstoy epik, Dostoyevskiy esa dramatik janrda yozardi.

8. Dostoyevskiy Xudoga ishonardi, Tolstoy esa yashirincha eʼtiqod qilardi.

9. Tolstoy ijodi davomida eng yaxshisini izladi, Dostoyevskiy esa doim yomonlardan koʻra yomonrogʻi borligini eslatib turdi.

10. Inson insonlardan uzoqlashsa, Tolstoyni oʻqishni istaydi, inson insonlar orasiga kirgach, Dostoyevskiyning qadrini anglaydi.

Bu ikki yozuvchini bir-biriga qarshi qoʻymoq toʻgʻri emasdir. Na Tolstoy va na Dostoyevskiy, ikkisi birlikda Tolstoyevskiydir.

Turk tilidan kamina tarjimasi.

@dunyo_klassikasi

Yaqin orada sotib olgan kitoblarim shular ekan. Endi ilmiy adabiyotlarga koʻproq murojaat qilishim tabiiy.

@dunyo_klassikasi

- Rostini aytsam, faqat kitob qahramonlarigina eʼtiborimni qozonishi mumkin.
- Sevgi tariximga qarasam, fikringga qoʻshilaman, deya olaman. Roman qahramonidan yaxshisi yoʻq.
- Nega unday deyapsan?
- Chunki bu dunyoda unaqalar yoʻq.
- Bor boʻlsa-chi? Sen uni yanglish yerlardan izlayotgan boʻlsang-chi?

"Londondan muhabbat ila"

@dunyo_klassikasi

Yangi yilda mana shu toʻplamni sovgʻa sifatida olishni xohlar edim.

@dunyo_klassikasi

Agar kimdir yuqori lavozimlarni egallab, chiroyli uylarda yashasa, ma’lumot va bank hisobiga ega bo‘lsa, demak, bu odam shunga munosib odam deb o‘ylagan paytlarim qanchalik ahmoq bo‘lgan ekanman.

"Martin Iden"

@dunyo_klassikasi

Mashhur adib Xorxe Luis Borxesning kitob haqida e’tiborli fikri bor: “Inson qo‘lidagi turli-tuman qurol-yarog‘, asbob-uskunalar orasida eng g‘aroyibi, shubhasiz, kitob sanaladi. Mikroskop va teleskop – ko‘zning davomi, telefon – ovozning, omoch va qilich – qo‘lning. Biroq kitob – butunlay boshqa narsa, kitoblar – xotiralar va tasavvurlarning davomidir".

@dunyo_klassikasi

Kunning eng zoʻr yangiligi:


Tayanch doktoranturaga qabul qilinibman!

@dunyo_klassikasi

Odam oʻzini baxtli his qilishi uchun oldida avgustda tugʻilgan inson boʻlishi kerak:)

Hech narsa birdan o'zgarmaydi: asta-sekin isiyotgan vannada o'zing sezmay tiriklayin pishib qolasan.

M. Etvud

@dunyo_klassikasi

"Uyda yolgʻiz" mavsumi rasman ochiq))
01.12.2024

@dunyo_klassikasi

1-avgust dahshatlari yumshay boshladi. Dastlab uchta yoʻnalishni tanlash mumkin qilib qoʻyildi. Bu yaxshi yangilik edi. Chunki bizning davrda kimdir OʻzMUning tarix yoʻnalishidan 190 ball bilan yiqilardi. Oʻsha yili BuxDUda esa 170 ball bilan grantga kirish mumkin boʻlib qolardi.

Keyin beshta yoʻnalishni tanlash imkoniyati yaratildi. Buyam yaxshi dedik. Keyin super kontraktga ruxsat berildi. Bunisi endi ta'lim islohoti emas, shunchaki diplom sotish edi.

Keyin sirtqi ta'limga ruxsat berildi. Bu ham diplom sotishning bir koʻrinishi. Qachondir uzoq yillik ish tajribasiga ega xodim sirtqi ta'limda oʻqib chiqardi. Endilikda maktabni tugatiboq sirtqi ta'limga kirib, yiliga ikki marta oʻqishga borib, diplom qoʻltiqlab chiqa boshlashdi.

Xususiy universitetlarga ruxsat berilgach esa hamma yoqni talaba bosdi. "Davlat oliygohiga kirolmadingizmi? Bizning universitetda imtihonsiz talaba boʻling" degan chaqiriq bilan kirib keldi ular. Oʻqishga kirish shu qadar oson boʻlgan sharoitda davlat oliygohiga kirolmaydigan darajadagi abituriyentlar xususiy universitetlarga yopirilishdi.

Maktabdagi taʼlim ahvoli hammaga maʼlum. Undagi bilim hech ishga yaramaydi. Shu bois bizda repetitorlik sohasi gullab-yashnagandi. Oliy taʼlimga kirmoqchi boʻlganlar maktab davrida yoki maktabni tugatgach kamida ikki-uch yil repetitorga borishardi. Kuniga 15-16 soatlab dars qilishardi. Yaxshigina poydevor bilan qadam qoʻyishardi oliy taʼlimga.

Hozir esa imtihon qilsang oltinchi sinf darajasidagi savollarga javob berolmaydigan yoshlar xususiy universitetlarda oʻqishyapti. Har qanday kuchli oʻqituvchi boʻlmasin, har qanday kuchli tizim boʻlmasin bularni oʻqitishning iloji yoʻq (aksiga olib tizim ham talabani oʻqitishga emas, pulini olib diplom berishga qaratilgan). Chunki maktab bola darajasida ham bilimi yoʻq ularning.

Ertaga ming-minglab besavod oʻqituvchilar, chala shifokorlar, layoqatsiz xodimlar jamiyat hayotiga qoʻshilishadi. Siz-u bizning taqdirimizga ta'sir qilishadi. Kelajakni oʻylasam qoʻrqib ketaman gohida.

Brem Stokerning "Drakula" kitobini oʻqiganda vampirning qasrini qanday tasavvur qilgandingiz?

Suratda: Drakulaning real hayotdagi makoni.

@dunyo_klassikasi

* * *

Ҳавода учдилар
чинор барглари,
кўчага тушдилар тўзғиб саросар.
Кенгайди дардимнинг
оғриқ ҳадлари –
энди мен қайғуман
кузга баробар.

Чинор баргларини териб ўйнадинг,
Хазонлиғ дастига
бекитдинг юзни.
Аммо бирор баргни менга қиймадинг
ғамгин пичирладинг:
«севаман...
кузни...»

Усмон Азим
"Куз" китобидан

@dunyo_klassikasi

Men oʻylaymanki, Tolstoy hech qachon qarimaydi. Tili eskiradi-yu, ammo oʻzi yoshligicha qolaveradi.

Anton Chexov

@dunyo_klassikasi

Bugun barcha tan olgan, eʼtirof etilgan asarlardan biroz chekinib, jahon adabiyotidan koʻpchilikka notanish boʻlgan Top 10 asarlar va hikoyalar roʻyxatini tuzdim. Manfaatli boʻlsin!


1. Jek London "Gulxan", "Isyonchi"
2. Kobo Abe "Yashik odam"
3. Mo Yan "Musallas mamlakati"
4. Dino Butsatti "Avliyoning iti"
5. Knut Hamsun "Ochlik"
6. Chingiz Aytmatov "Sohil yoqalab chopayotgan olapar"
7. Folkner "Alvon yaproqlar", "Emili uchun atirgullar"
8. Borxes "Murdalar mashvarati"
9. Tolstoy "Insonga qancha yer kerak?"
10. Murakami "Spagetti yili"

@dunyo_klassikasi

Bayram bayramdek boʻlsin!
Barchasi Dostoyevskiy haqida:

@FDostoyevskiy
@dostoyevskiydan_qaydlar
@Fyodor_Dostoyevskiy_Iqtiboslar
@Fedya_Dostoyevskiy
@dostoevskiy_life

@dunyo_klassikasi

Dostoyevskiyning ushbu asari oʻzbek tiliga tarjima qilinmagan. Nasib etsa, shuni oʻzim tarjima qilaman. Gʻoya oʻgʻirlash boʻlmasin))

@dunyo_klassikasi

1. "Kambagʻallar"

2. "Qimorboz"

3. "Jinoyat va jazo"

4. "Iblislar"

5. "Ayrilmas er"

6. "Xoʻrlangan va haqoratlanganlar"

7. "Aka-uka Karamazovlar"

8. "Telba"

9. "Maʼsuma"

10. "Oʻlik uydan maktublar"

11. "Xotiralar" (Dostoyevskaya)

12. "Oydin tunlar"

13. "Kulgili odamning tushi"

Ushbu havolalar orqali Dostoyevskiy oyligi davomida eʼlon qilib borilgan, adib asarlariga yozilgan sara taqrizlar bilan tanishishingiz mumkin.

@dunyo_klassikasi

Bugun rus klassik adabiyotining ustuni Fyodor Dostoyevskiyning tugʻilgan kuni. Mana bu yerda adib haqidagi barcha maʼlumotlar jamlangan.

@dunyo_klassikasi

Mutolaada: "Lolazor"
Va nihoyat)

@dunyo_klassikasi

Men: Tayanch doktoranturaga topshirgandim.

U: Kunduzgimi, sirtqimi?

Men: 🧐🤯

U: Qaysi biri?

Men: Kechgi 😎

@dunyo_klassikasi

Onamni aldadim soppa-sog‘man deb,
Otamni aldadim: “Pulim bor doim”.
Og‘amni aldadim: “Borarman, nasib”...
Men seni nima deb alday, Xudoyim?!

G‘unchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolg‘onchi qilma!

Mansur Jumayev


Ba'zi odamlarni shaxsan tanimaysiz, lekin sheʼrlari, hatto suratining oʻzidan yaxshi odam ekanligini his qilasiz. Mansur Jumayev yaxshi odam edi. Endi oramizda yoʻqligini eshitib gʻalati boʻlib ketdim. Yaxshi odamlar koʻp yashamaydi negadir.

Madomiki, hayot juda qisqa ekan, uni sayoz kitoblar mutolaasiga sarflamaslik kerak.

@dunyo_klassikasi

Qaysidir kitobni izlab topa olmayapsizmi?
Noyob kitoblarga qiziqasizmi?

U holda @Xazinalar_ombori sizga yordamga keladi.

Kanaldan yangi, 1 marta o'qilgan va hatto o'qilmagan, eski, noyob va kamyob nashrdagi kitoblarni topa olasiz.

Murojaat uchun: @Xazinalar_ombori_admin

Har tong shunday perashki pishiraman.

Bir yil oldin turmush o‘rtog‘im bilan "Urfon" bookkafesini tashkil etganmiz. 500ga yaqin kitoblarimni olib borib qo'yganman. Cafe maktab yonida joylashgan.

Perashkilarni ham o‘sha joy uchun pishiraman. Har kun 100 dan ortiq perashki, hot-dog, coffee, shirinliklarim va hokazolar sotiladi. Men o‘quvchi hamda o'qituvchilar uchun oddiy bufetchi opa (ba'zan xola😅)man.

Ular meni hatto universitetda o‘qiganimniyam bilishmaydi. Tasavvur ham qilishmaydi. Ba'zi o'qituvchilar mensimaygina muomala ham qilib qo‘yadi. Bufetchiman-da))

Hammasiga kulib qo‘yaman😊

Ba'zilar hayron bo‘lib so‘rashadi: "Shuncha qiynalib, kontrakt to‘lab, 4 yil o‘qib, nega o‘qituvchi bo‘lmadingiz", deb.

Ularga "muharrirman, kopirayterman, sahifalovchilik qilaman. Bir qancha sayt va nashriyotlarda online ishlayman", deb batafsil javob bersam, baribir tushunishmaydi. "Eee, o‘qituvchimas ekansiz-ku baribir", deya bosh chayqaydi. Ular uchun bufetchi, diplomli qora ishchiman.

Ammo hecham afsuslanmayman. Boshida o‘zim ham g‘alati bo‘lib yurdim. Ammo yaqinda butun hayotimni (xuddi 50 yil yashagandek gapirvordim-a😂) sarhisob qilib ko‘rib, o‘zimdan qanoat hosil qildim.

Odamga o‘xshab, ofisga borib-kelib ishlamaganimga 3 yildan oshdi. Shu vaqt ichida online faoliyat olib bordim. O‘ylab qarasam, hayotimda yutuq deb qarasa bo'ladigan hamma narsaga shu 3 yilda erishibman.

Jismoniy va aqliy mehnatni birlashtiroldim. Perashki pishiramanmi, pishiriq tayyorlaymanmi yoki mijozlardan qolgan idish-tovoqni yuvamanmi, qo'lim ishda ekan miyam aqliy faoliyatda bo‘ldi.

Yumushlarni bajararkanman o‘qib bo‘lgan kitoblarimning tahlili bilan mashg‘ul bo‘laman. Qo‘lim sal bo‘shashi bilan kursining bir burchiga omonatgina o‘tirib tezgina maqola yozishga tushaman. Natijada kun.uz saytida 50 ga yaqin, demokrat.uz saytidan o'nlab maqolalarim shunday holda vujudga keldi.

"Mutolaa" loyihasidagi faoliyatim ham shu tarzda kechdi. G‘oyalar ayni jismoniy mehnat vaqtida quyilib keladi.

Uyimiz bilan cafe orasi 14 daqiqalik yo‘l. Shu masofa orasidan audio kitob tinglab o'taman. Uyga qaytgach esa yarim tungacha tahrirlarim bilan shug'ullanaman.

Anglab yetganim shu bo‘ldiki, insonda ichki bir ishtiyoq bo‘lsa, xohish kuchaysa, qiziqish ustun kelsa, har qanday vaziyatda o‘zi sevgan, intilgan, rohatlangan mashg'ulotlariga vaqt, imkon topoladi. 8 sigir ichida unisini qo‘yib, bunisini sog‘ib, boqib yurib ham "Yosh kitobxon" loyihasida Respublikaga chiqolganman. 4 oy turk tilini mukkamdan ketib o'rganib, B2 sertifikat olganman. Bular o‘zim uchun amaliy dalil bo‘ldi.

Shamolni tutib, qamab bo‘lmaganidek, ishtiyoq bilan urgan yurakni, zavqqa to‘lgan ko‘ngilni bog'lab qo‘yib bo‘lmaydi. Bu imkonsiz.

Kishi orzu-umidsiz yashamaydi, yasholmaydi. Sizda intilish bormi, sharoitni tashqi tomondan qidirmang. Uni ichkarida yarating. "Ichkari"ni eshiting, quloq soling.

Katta ishtiyoq doim ham bo'lavermaydi. Bu yutuq. Ishtiyoqingiz yo‘q bo‘lsa, 24 soat bekorchi bo‘lsangiz-da hech narsa qilolmaysiz. Sizni harakatga undaydigan, intiltiradigan bu — ichkarida.

Ichkaringiz olovlanib turgan bo‘lsa, o‘chishiga, o‘chirishlariga yo‘l qo'ymang. Harakatlaringiz, orzularingiz bilan unga o‘tin qalang. Hammasini uddalasa bo‘ladi!

@qodirova_g

Kuz oyoqlab qoldi...

@dunyo_klassikasi

Xilʼatin to aylamish jonon qizil, sorigʻ, yashil...

@dunyo_klassikasi

Agar men Dante bilan suhbatdosh boʻlib qolsam, nima haqida gaplashar edim? U menga eng yaxshi zamondosh boʻlardi. Men u bilan bugungi hayot muammolari yuzasidan – yaxshilar va yomonlar, vijdonli va vijdonsizlar haqida gaplashardim. Dantedan poraxoʻrlar, oʻgʻrilar, hasadgoʻylar, laganbardorlar va hokazolar hozir ham qoʻrqib keladilar. Ijodining shu jihatlari bilan Dante bizga zamondoshdir.

Abdulla Oripov

@dunyo_klassikasi

Кинопоиск Достоевскийнинг "Жиноят ва жазо"сини ҳозирги замонга адаптация қилинган сериал шаклидаги экранизациясини суратга олибди.

Ҳозирги кунлар. Петербург. Талаба Родион Раскольников пулсизлик, ишсизлик ва ўз ҳаётининг маъносизлиги ҳақидаги фикрлар билан банд. У мана шундай кризис вақтида янги назарияни ўйлаб топади, унга кўра агар инсон оламшумул янгилик қилса, дунёни ривожланишини олдинга одимлата олса, ўша инсон энг жирканч бошқа ишларни ҳам қилишга ҳақли инсондир. Бу нарсани синаб кўриш учун у қотиликка қўл уришга киришади.

Сюжетни изоҳи менга ёқди, XXI асрдаги Раскольниковни қанақа бўлиши қизиқ, албатта кўраман.

Nima uchun aksariyat kitobxonlar Dostoyevskiy, Tolstoy, Pushkin, Chexov, Jek London, Drayzerning kitoblarini sevib oʻqishadi?

Chunki, ular realist adiblar edi. Inson esa doimo haqiqatga muhtoj.

@dunyo_klassikasi

Jism ila ruh ikkisi bir choponning oʻng ila tersi kabidur. Agar jism tozalik ila ziynatlanmasa, yomon xulqlardan saqlanmasa, choponni ustini qoʻyub, astarini yuvub, ovora boʻlmoq kabidurki, har vaqt ustidagi kiri ichiga uradur.

Abdulla Avloniy

@dunyo_klassikasi

Kimgadir kitob sovgʻa qilaymi??

O‘zbek tili kambag‘al emas, balki o‘zbek tilini kambag‘al deguvchilarning o‘zi kambag‘al. Ular o‘z nodonliklarini o‘zbek tiliga to‘nkamasinlar.

Abdulla QODIRIY

@dunyo_klassikasi

Agar bizning hayotimiz hurriyat va xalq baxt-saodati uchun qurbonlik sifatida kerak boʻlsa, biz oʻlimni ham xursandchilik bilan qarshi olamiz.

Behbudiy

Ancha vaqtdan beri jadidlar faoliyatini oʻrganish bilan bandman. Koshki umrlari bevaqt xazon boʻlmaganda edi, biz ilm-maʼrifat taraqqiyotidan yuz yil ilgarilab ketgan boʻlar edik. 😢

@dunyo_klassikasi

Hayot senga eng yaxshi tuhfalarni tayyorlab qoʻymaydi. Hammasiga kurashib, yengilib va yana kurashibgina erishasan.

@dunyo_klassikasi

Remarkni oʻqiy oladigan yagona qatlam — bu realistlar. Negativ yorligʻi ostidagi, hayotni tovuq goʻngni titgani kabi titib tashlaydigan, hech bir mafkuraga shunchaki ishonib ketmaydigan, pafosli romantizm ustidan kuladigan, ideal qarashlar va romantik tasvirlarni bachkana deb hisoblaydigan hamda hayotni bor-budicha, kerak boʻlsa, yalangʻoch holda koʻrishga odatlangan realistlar Remarkni oʻqiy olishadi.

@bibliofilllll

Hozirgi kunda ortiqcha olaxurjun hech kimga kerak emas. Kundan-kun beshafqatga aylanib, ojizlarni yamlamay yutayotgan bu hayotda o'z oyog'ingda tura olishing judayam muhim.

Ertaga yo'lda yakka qolib ketsang, bemalol davom eta olish darajasiga yetishga majbursan. Aks holda yiqilgan yeringdan birov seni suyab, turg'azishi dargumon.

O'z ustingda ko'p ishlashing, ojizlar safidan kuchlilar qatoriga amallab o'rnashishing, o'z muvozanatingni mustahkam tiklashing shart. Yo'qsa piypalanasan.

Hozir suyanching bordir, tog'ing mustahkamdir. Ammo bu hayot. Ertangi kunga kim kafolat beradi?
Ayol ko'p narsaga majbur qoladi. Ayol avvalo o'zini tutishga, kuchli bo'lishga majbur! Zulmatda nur topishga majbur!

Gulasal Qodirova

@dunyo_klassikasi

Biz, istigʻno eli, qichqirmagʻon maʼvogʻa bormasmiz,
Agar chandiki xirman aylasa dunyogʻa bormasmiz,
Agar lab tashna qolsak, filmasal sahroyi olamda,
Malolat zohir etsa, mavj uran daryogʻa bormasmiz.

Furqat

@dunyo_klassikasi

Yolgʻizligim insonlarga toʻla.

Kafka

@dunyo_klassikasi

Tanishing, 2024-yilgi adabiyot boʻyicha Nobel mukofoti sovrindori, janubiy koreyalik adiba Han Kang.

@dunyo_klassikasi

Anton Chexov oʻziga nisbatan ishonchi baland bo‘lsa-da, Lev Tolstoy huzuriga tashrif buyurish masalasiga kelganda, vahimaga tushib qolardi. Shunchalik vahimalanardiki, shimni tanlashga bir soatcha vaqt sarflardi.

Keyinchalik Bunin Chexovning goh u shimda, goh bu shimda u yoqdan-bu yoqqa yugurib yurganini eslagan. Birida o‘zini arzon yozuvchidek, boshqasida esa surbet odamdek his qilgan. Chunki shimi shu qadar keng ediki, goʻyo Qora dengizga qiyoslanardi.

Buning bari "Anna ko‘zlarining qorong‘ida chaqnayotganini his qildi" deb yozgan odamning oldiga shunchaki borib kelolmasligi tufayli edi.

Mana shunday edi Chexovning Tolstoyga bo‘lgan yuksak hurmati.


@kitob_ombori

Qishloq sharoitida yashab turib, bir etak bolasi bilan ilm qilaman degan ayolga juda qiyin...
Moddiy va maʼnaviy qoʻllab-quvvatlashsiz koʻplab iqtidorli, boʻlajak kadrlar roʻzgʻorni ichida yoʻqolib ketishadi...
Ota-onalar qiz farzandiga xuddi bir mulkidek, buyumdek munosabatda boʻladilar.
Bizda bir narsaga eʼtibor berganmisiz, 20 dan oshgan qizlarga ham shaxsiy fikr bildirishiga yoʻl qoʻyilmaydi, kelajak hayotini oʻzi qurishiga, loaqal bir umr yashaydigan turmush oʻrtogʻini oʻzi tanlashiga qoʻyib berilmaydi...
Asli ijod odami boʻlgan nechtalab ayolni Vulf aytganidek, shaxsiy xonasi yoʻq. Oʻz "men" i yoʻq.
NASA da ishlaydigan bir ayol aytgandi: "Men uy ishlarini bajarishni yaxshi koʻraman, ammo butun umrimni shunga sarflab yuborishga achinaman!"
Atrofingizda, ehtimol uyingizda turmush tashvishlaridan yuqorilay olgan, maishiy muammolardan balandda turuvchi qiz-ayollar boʻlsa, bilingki, ularga katta yordam kerak. Agar bir ayolning ilm olishiga hissa qoʻshsangiz, imkoniyat yaratsangiz, Sizning millatga qilgan eng katta yordamingiz shu boʻladi.

@dunyo_klassikasi

Koʻlaga yalingansimon unga yaqin yurib keldi...
— Kim bu?
— Men Kumush!
Otabek tovush egasini tanidi. Bu majnuna Zaynab edi.
— Ket mundan!
— Men Kumush!.. – dedi Zaynab, ammo ketmay iloji qolmadi. Zeroki, dunyodagi eng yaqin kishisi unga "ket!" amrini bergan edi.

"Oʻtkan kunlar"

@dunyo_klassikasi

Dunyoda hech kim, biror zogʻ opa-singilning oʻrnini bosa olmaydi.

***

Biz yakshanbadan yakshanbaga yetish uchun yashaymiz.
Kunlar kechiramiz murdamiz sudrab
Yakshanba tongida tirilmoq uchun.

kitob ko’ramiz,
kino o’qiymiz,
ko’zlarimiz,
kulgularimiz to’qnashadi.
15 yashar qizga do’naman,
tentaklik qilaman, zavqing oshadi.
G’irromlik qilasan, o’yin buzasan,
yakshanbamni olib ketasan asta.

birdan uyg’onaman, o’rnimda yo’qman,
gir aylanib izlayman o’zimni,
yoqangga yopishaman dod solib,
derazadan uloqtiraman bo’yinbog’ingni,
yakshanbada saylov qiladiganlarni qarg’ayman,
nega sevgiga siyosatni aralashtirasizlar, deyman.
birdan nafratlanib ketaman,
sendan, sevgidan, siyosatdan.
mahshur bo’lmasayding,
daho bo’lmasayding, deyman.
Axir butun umringni emas,
bitta yakshanbani so’rayman xolos.

✍️MehrNoz

@dunyo_klassikasi

Kitobni sevuvchi qizlar boshqalardan butunlay farqlidirlar. Kitob o'qiydigan qizlar osonlikcha sevib qolishmaydi. Ularning ko'ngliga faqatgina o'qigan asarlarini o'qibgina yo'l topa olasiz.

Dostoyevskiy

@dunyo_klassikasi

​​Stefan Sveyg. Ayol qalbining mutarjimi. Shu vaqtga qadar ayol xarakteri, tuygʻularini bu qadar chuqur ochib bergan adibni koʻrmadim. Sveygning kichik bir hikoyasi yoxud romanlarida ayol obrazi bosh planda turadi. Sveyg qahramonlarini oʻldirishni maʼqul koʻradi, xuddi oʻzining joniga qasd qilgani kabi...
Fashizmning ashaddiy dushmani bo‘lgan adib natsistlarning Yevropa bo‘ylab g‘olibona yurishlariga toqat qilolmadi va ruhiy tushkunlik natijasida 1942 yilning 22 fevralida o‘z joniga qasd qilib, hayotdan ko‘z yumdi. Stefan Sveygning fojiali o‘limi haqida Erix Mariya Remark o‘zining “Jannatdagi soyalar” romanida shunday satrlarni bitgan edi: “Agar olis Braziliyada o‘z jonlariga qasd qilgan Stefan Sveyg va uning xotini o‘sha fojiali oqshom biror bir kishiga o‘z his-tuyg‘ularini to‘kib solish imkoniga ega bo‘lganlarida edi, bu dahshatli o‘lim yuz bermagan bo‘lardi. Afsuski Sveyg begona yurtda va begona odamlar orasida yashayotgan edi”.

"Qalb besabrligi"dagi nogiron, ammo qalbi nihoyatda goʻzal qiz Editning muhabbatiga Gofmiller tomonidan munosib javob qaytarilganida ehtimol oʻz joniga qasd qilmasmidi? Yoki "Kristina" dagi kambagʻal pochtachi qiz yorqinroq, boshqa bir maskanda tugʻilganida oʻz hayotiga revolver bilan yakun yasamasmidi?
"Murabbiya" ham balki hozir baxtli hayot kechirayotgan boʻlarmidi?
"Nomaʼlum ayol" eng baxtiyor ayolga aylanardi, ehtimol.
Yoʻq, Sveyg gavdalantirgan ayollar ojiz emas, urush umrining eng goʻzal yillarini oʻchirib tashlagan, taqdir borsa kelmas tomonlarga uloqtirib yuborgan, kuchli boʻlib yashashga majbur qilgan, chin muhabbatiga arzirli javob ololmagan shoʻrpeshona ular. Insonlar ichida yashab turib, yolgʻizlanib qolishdan yomoni yoʻq.

Xullas, ayol qalbining eng inja tomonlariga nazar tashlamoqni, oʻz koʻnglingizni taftish etmoqni istasangiz, Sveyg asarlarini mutolaa qiling.

@dunyo_klassikasi

Qachoon chiqar ekan shu kitob?

@dunyo_klassikasi

Agar oʻqituvchida ishiga muhabbat boʻlsa, u yaxshi oʻqituvchiga aylanadi. Oʻquvchisigagina muhabbati bor muallim hamma kitoblarni oʻqigan, lekin ishini ham, oʻquvchisini ham sevmaydigan oʻqituvchidan yaxshiroqdir. Har ikki muhabbatni oʻzida jam qila olgan oʻqituvchi esa komil ustozdir.

Lev Tolstoy

Suratda: Tolstoy Yasnaya Polyanadagi dehqon bolalari uchun ochgan maktabida mashgʻulot vaqtida.

@dunyo_klassikasi

Ustozdan oʻtmagan shogird shogird emas.