Dream Team Pharmacy ( 5th year )

مسا الخير ❤️❤️❤️ محاضرات جديدة صاروا متوفرين بالمكتبة🌝❤️
🔺نظري :
◽المحاضرة التانية صيدلة حيوية.
🔺عملي :
◽الجلسة التانية حيوية سريرية.
◽الجلسة التانية ميكروبيولوجيا.
موفقين ❤️
#Dream_Team
#Dare_To_Dream

مرحبا يا حلوين كيفكن🤗❤️

جايبتلكن تصويب وكام توضيح صغير للمذاكرة بكرا:
♦️بجلسة الامتصاص الصفحة 12 بالمربع اللي بأعلى الصفحة: الحموض والأسس #الضعيفة (بالجلسة مكتوب القوية واكيد خطأ)

♦️بجلسة الاستقلاب: منعرف إنو في علاقة طردية بين معدل الاستخلاص الكبدي والتصفية الذاتية للكبد

⬅️بالمسألة الاولى عند الطلب الأول، نلاحظ ان التصفية الذاتية مرتفعة
حطوا بين قوسين (وبالتالي معدل الاستخلاص الكبدي مرتفع)

⬅️بالمسألة الثانية:
بعد الطلب الثاني، جنب لأن التصفية الذاتية منخفضة، ضيفوا بين قوسين (معدل الاستخلاص الكبدي منخفض)

اذكروا المصطلحين مشان نضمن العلامة

♦️برضو بجلسة الاستقلاب عند قانون التوافر الحيوي:
هو 100 ناقص ER في حال كان الامتصاص كامل
⬅️في حال عطونا مثلاً الامتصاص 70%
هون منكتب 100 ناقص ER ناقص 30%
يعني منطرح الجزء اللي ما تم امتصاصه

♦️آخر شي رح رجعكن على الطلب الثالث بمسألة الاستقلاب الأولى:
اكتبوا بعدو ملاحظة:
نتيجة انخفاض الجريان الدموي، كـنوع من المعاوضة من الجسم (او من الانزيمات) ازداد الاستخلاص الكبدي


♦️القوانين مو للحفظ بس لازم نعرف كل واحد ايمت نستخدمه

وبس هيك موفقين كتير كتير❤️❤️

#Dream_Team
#Dare_To_Dream

مسا الخير ❤️🌝
توضيحين بخصوص مذاكرة الصيدلية الحيوية :
🔺كل الجلسات المطلوبة ب مذاكرة الصيدلة الحيوية صارت موجودة ب المكتبة.
🔺نموذج المذاكرة رح يكون عبارة عن :
▫️سؤالين صح و غلط.
▫️فراغات.
▫️مسألة.
ادرسوا منيح و موفقين كتير ❤️❤️❤️
#Dream_Team
#Dare_To_Dream

مسالخير يا كبار القوم بالكلية 💙

🔷️جلستين الصيدلة الحيوية صاروا بالمكتبة وجاهزين ومن بكرا فيكن تمروا وتاخدون

موفقين كتير 💙

#Dare_To_Dream
#Dream_Team

صباح الخير ❤️❤️ تقرير الأسبوع 🌝
#أدوية_سريرية :
خلصت الدكتورة بحث السرطان و حكت عن العلاج الهرموني و العلاجات الهدفية و بلشت بمقدمة عن المناعة و طريق تفعيل شلال المناعة.
🔺المحاضرة اللي جاي رح تعطي مثبطات المناعة و تخلصهن.

#مهارات_تواصل :
بلشنا بقسم الدكتورة سالي و رح تعطينا هاد القسم المعيدة رنا خضر و بلشت ب اول محاضرة ب مقدمة بسيطة عن تاريخ مهارات التواصل و لغة الجسد.

#تقانة_حيوية :
بلشت معنا الدكتورة بالمعالجة الجينية و حكينا عن مبادئ العلاج و أنواعه و بعدا انتقلنا للحوامل المستخدمة بنقل الموروثات و حكينا بالتفصيل عن كل واحد و انتقلنا بعدا للطرق المستخدمة بنقل المورثة و بعدا حكينا عن عدة أمراض و كيف منعالجا بهالطرق.

#كيميا_حيوية_سريرية :
#نظري :
كملت الدكتورة آخر بروتينين بلازميين و بدأت بالبروتينات البولية و حطت عن بعض البيلات البروتينية و اسبابها و بعدين بدأت بعنوان جديد و هو الأنزيمات و استخدامها بالتشخيص المخبري.
#عملي :
نفس تقرير الاسبوع الماضي.

#صيدلة_حيوية :
#نظري :
عطت الدكتورة محاضرة الاستقلاب الكبدي و حكت عن حركية الأنزيمات و عن تفاعلات الاستقلاب بطوريها الاول و التاني و بعدا انتقلت للتصفية الكبدية و بالأخير حكت عن الاطراح الصفراوي للأدوية.
#عملي :
فئات التلاتا أخدوا جلسة جديدة بتحكي عن استقلاب الدواء بالجسم.

#ميكروبيولوجيا :
#عملي :
نفس تقرير الاسبوع الماضي.
موفقين ❤️❤️❤️
#Dream_Team.
#Dare_To_Dream.

مسا الخير 🌝
جبنالكن دفعة جديدة من المحاضرات :
🔺نظري :
حيوية سريرية المحاضرة الأولى.
🔺عملي :
صيدلة حيوية الجلستين الأولى و التانية.
◽المحاضرات صاروا متوفرين بالمكتبة.
موفقين❤️❤️❤️
#Dream_Team
#Dare_To_Dream

صباح الخيير .. تقرير الأسبوع الرابع 🌝❤️
#أدوية_سريرية :
كفت الدكتورة لينا بأنواع الأدوية اللي منسخدمها بعلاج السرطان و حكت عن مشابهات البيرميدين و البورين و عن طريقة العلاج المعتمدة على المناعة.
◽الأسبوع الجاي رح تخلص بحث السرطان كامل.

#مهارات_التواصل :
حكينا عن مهارات التواصل مع الذات و طرق تنمية الذات البشرية و حكينا عن انواع الشخصيات الاجتماعية.
◽الأسبوع الجاي رح نبلش بقسم الدكتورة سالي.

#تقانة_حيوية :
كملت معنا الدكتورة بالحديث عن البروتينات العلاجية و شو المضيف المستخدم بالتحضير و توسعنا بالحديث اكتر عن E.Coli و الخمائر
و بعدا كيف مننقل الموروثة للحيوان و كيف منحافظ ع ثبات البروتين بعد انتاجه.

#صيدلة_حيوية :
#نظري :
بدأت الدكتورة بمحاضرة جديدة و حكت عن توزع الدواء و العوامل المؤثرة فيه و عن ارتباط الدواء بالبروتينات.
#عملي :
جلستنا كانت تكملة ب الحرائك الدوائية و كانت بتحكي عن توزع الدواء بالجسم.

#حيوية_سريرية :
#نظري :
كملت الدكتورة عناوين المحاضرة الماضية و عطت اليرقان عند حديثي الولادة و بعدها بدأت بعنوان جديد و هو البروتينات البلازمية وحكينا عن صفاتها و وظائفها و بعدين حكت عن اضطرابات البروتينات الإجمالية و بالنهاية شرحت عن كم بروتين من بروتينات البلازما.
#عملي :
أخدنا جلستين الأولى بتحكي عن الكشف عن البروتينات و التانية بتحكي عن الكشف عن الألبومينات و تعرفنا ع طريقة المعايرة و قياس الامتصاصية و حساب التركيز.

#ميكروبيولوجيا :
#عملي :
تعرفنا على مبدأ التعقيم بالحرارة الرطبة و أقسام جهاز الأوتوكلاف و استخدامه و آلية عمله و طرق التعقيم بالحرارة الجافة و استخدامها.
و موفقيييين ❤️❤️❤️❤️
#Dream_Team
#Dare_To_Dream

كيفكن زملاء ... جبنالكن اول دفعة محاضرات ❤️❤️
🔺نظري :
◽حيوية المحاضرة الأولى.
◽مهارات تواصل المحاضرة الأولى و التانية و التالتة.
🔺عملي :
◽سريرية الجلسة الأولى و التانية.
◽ميكروبيولوجيا الجلسة الأولى.
🔺المحاضرات متوفرين بالمكتبة ابتداءً من يوم التلاتا يعني من بكرى.
موفقين كتير ❤️❤️❤️❤️
#Dream_Team
#Dare_To_Dream

مرحبا زملائنا❤️ جبنالكن تقرير الأسبوع كرمال تعرفوا شو أخدنا🌝

#أدوية_سريرية :
كفت الدكتورة لينا بالمقدمة عن آلية حدوث السرطان و بعدين بلشت تحكي عن طرق العلاج الي كانت جراحة أو أشعة أو أدوية و بلشنا بأصناف الأدوية و حكينا آلية العمل و أهم الآثار الجانبية.

#مهارات_تواصل :
حكينا عن النظام التمثيلي للشخص و تعرفنا ع النظام البصري و السمعي و الحسي و صفات كل نظام منهن وبعدين حكينا عن الإدراك و البرامج العقلية العليا.

#تقانة_حيوية :
كملت معنا الدكتورة بالبروتينات العلاجية و توسعنا اكتر و حكينا عن كيفية الحصول على بروتينات مؤشبة و كيف منحدد بروتينات علاجية و كيف بتصير عملية التطوي و انتقلنا بعدا للبلاسميدات و شرحنا بالتفصيل أنواعا و الغاية منها.

#صيدلة_حيوية :
#نظري :
كانت محاضرتنا بعنوان "الامتصاص" حكينا عن تعريفه والعوامل اللي بتأثر عليه و انتقلنا ل أنواع النقل عبر الأغشية الحيوية و بعدا حكينا عن طرق إعطاء الدواء و كيف بتأثر على عملية الامتصاص .
#عملي :
بلشنا ب الامتصاص و حكينا عن العوامل المؤثرة فيه و حلينا مسائل.
#كيميا_حيوية_سريرية :
#نظري :
كملت الدكتورة النقص بأول محاضرتين و بدأت بالمحاضرة التالتة
تعرفنا بدايةً على تشريح الكبد و وظائفو و بعدها أخدنا الاختبارات السريرية يلي بتقيم وظائف الكبد و الكثير من الامراض الكبدية
اما القسم التاني من المحاضرة فكان عن تدرك الهيم و اضطراباته "اليرقان" و بالنهاية أخدنا تحديد مستويات البيلروبين.
#عملي :
نفس تقرير الاسبوع الماضي.

#ميكروبيولوجيا:
#عملي : نفس تقرير الاسبوع الماضي.
موفقين كتير ❤️❤️❤️
#Dream_Team
#Dare_To_Dream

كيفكن زملائنا من بعد غياب وانشالله تكون بداية سنة حلوة للكل 🥰❤️
اجينا نخبركن شو أخدنا ب أول أسبوعين دوام🥰❤️
#أدوية_سريرية :
🔶بالمحاضرة الأولى عطت الدكتورة غيث و حكت مقدمة عن المادة.
🔶بالمحاضرة التانية بالساعة الأولى كفت الدكتورة غيث بالمقدمة تبعها و شرحت فيها مراحل تطبيق الدواء بمرحلتين سريرية و ما قبل سريرية.
و بالساعة التانية عطت الدكتورة لينا مقدمة عن بحث السرطان.

#مهارات_تواصل :
🔶بالمحاضرة الأولى حكت الدكتورة غيث مقدمة عن المادة و عن البرمجة اللغوية العصبية.
🔶بالمحاضرة التانية كملت بالبرمجة اللغوية العصبية و حكت عن تطبيقاتها و آخر شي ختمت ب خطوات التواصل و الألفة.

#تقانة_حيوية :
🔶بالمحاضرة الأولى بلشت الدكتور سوزان و حكت مقدمة تعريفية عن المادة.
🔶بالمحاضرة التانية بلشنا بمقدمة عن التقانة الحيوية و أهميتها وانتقلنا بعدا لفروع علم التقانة وكل واحد شو لونو ودلالتو وتعرفنا اكتر عن استخدامات التقانة الصيدلانية والمواد الطبيعية والمستقلبات وحكينا عن كيفية الحصول عن بروتينات مؤشبة ونستخدمها علاجياً.

#حيوية_سريرية :
#نظري :
🔶بالمحاضرة الأولى بلشت الدكتورة رمال مقدمة عن المادة و حكت عن ضمان الجودة في المخبر السريري و المعايير الأساسية للتحقق من كفاءة الطريقة المخبرية و كيف بتم الحكم على جودة الطريقة.
🔶بالمحاضرة التانية ختمت الدكتورة عناوين المحاضرة الأولى و بدأت بالمحاضرة التانية يلي بتحكي عن اضطرابات استقلاب الحموض الأمينية النوعية و العامة بالتفصيل.
#عملي :
كانت الجلسة بتحكي بالبداية عن تعريف بالمادة و أهميتها بعدين حكينا عن مصطلحات طبية مستخدمة فيها و عن طرق حفظ العينات و الأجهزة المستخدمة بالتحليل والكشف.

#صيدلة_حيوية :
#نظري :
🔶بالمحاضرة الأولى بلشت الدكتورة نسرين و حكت تعريف عن المادة بشكل عام .
🔶بالمحاضرة التانية حكت عن تعريف الصيدلة الحيوية والعوامل اللي بتأثر على دراستها و عن نماذج الحركية الدوائية و بعدين انتقلنا للعمر النصفي.
#عملي :
كانت الجلسة بعنوان مقدمة و مراجعة لأساسيات الرياضيات و راجعنا قواعد خاصة بالأسس و اللوغاريتمات و نهايةً حكينا عن المنحنيات اللي بتربط التركيز البلاسمي للدواء بتغير الزمن و كيف منحدد ميل هالمنحنيات.

#ميكروبيولوجيا :
#عملي :
تعرفنا على مفهوم التعقيم و التطهير و التنظيف بالإضافة إلى إزالة البيروجينات و تعرفنا على طرق التعقيم الفيزيائية والكيمائية و تصنيف المطهرات حسب فعالية التطهير.
وهييك منكون خلصنا... شدوا الهمة وانشالله موفقين كتير❤️❤️
#Dream_Team
#Dare_To_Dream

Dream Team Pharmacy ( 5th year ) pinned «مسالخير 💙 كيفكون وكيف الهمة 🔹️تعو نتعرف على مواد الفصل بعد ما تاكدنا شو التغييرات بالدكاترة الي مستلمين كل مادة🤩 🔹️لهيك شوفولي هالملف الظريف والي فيه اجوبة لكل سؤال بيخطر عبالكن ⬇️ وأكيد اي سؤال نحن موجودين ومنجاوب الكل😍 موفقين كتير 💙💙 #Dream_Team #Dare_To_Dream»

مسالخير 💙
كيفكون وكيف الهمة

🔹️تعو نتعرف على مواد الفصل بعد ما تاكدنا شو التغييرات بالدكاترة الي مستلمين كل مادة🤩

🔹️لهيك شوفولي هالملف الظريف والي فيه اجوبة لكل سؤال بيخطر عبالكن ⬇️
وأكيد اي سؤال نحن موجودين ومنجاوب الكل😍

موفقين كتير 💙💙
#Dream_Team
#Dare_To_Dream

Channel name was changed to «Dream Team Pharmacy ( 5th year )»

مسالخير جميعا
الدكتوره ردت بخصوص المحاضره السادسه وقالتلي كل حكي الميزات والعيوب وهالقصص مو مطلوب لان من كل البحث جايه سؤال وقالتلي سهل انشالله
عملوا اعاده سريعه وحاولوا تطلعوا ع الأسئله يالقناه هون
موفقين كتير وانشالله الكل بيطلع مبسوط❤️

🔹رح نشرح امثلة الصفحة 41 بس اول شي زبطو الترقيم لان مكرر حرف ال E مرتين ف انتو حذفوه وزبطو الترقيم والباقي كلو صح

🔹منجي عأول مثال انا جبت نوعين من النبات وجربتن على مرضى التحصي ف البحث تجريبي

🔹فتت على قسم الحواضن الي عم يتعرضوا للعلاج الضوئي وغيرت وضعيتن لشوف شو أثر هاد الشي على مستوى البيليروبين فهاد تجريبي لان طبقت تغيير الوضعية عليهن

🔹رحت عقسم الاورام بمشفى تشرين وسألت المرضى عن رأيهن بجوده الاداء التمريضي وعملت بحث لاوصفو بدون ما جرب شي فيكون وصفي

🔹مرضى الاورام رح تنتج عندن اثار جانبية من هالمرض قمت رحت ع مشفى الأورام وعملت بحث عن الاثار الجانبية الي سببتا الأورام بكون وصفي ارتباطي لان عم اوصف شي مرتبط بمرض

🔹اجيت وطبقت برامج اعاده تأهيل يعني تجريب لشي

🔹تمارين التنفس هاد متغير مستقل وانا فتت عقسم الاطفال الي مركبين قسطره اخدت قسم منن بطريقه عشوائيه وقسم جربت عليه وقسم ضل كمقارنه ف تحقق عندي تداخل وضبط وعشوائية صار حقيقي تجريبي

🔹عوامل الخطوه المرتبطه بالمضاعفات الرئويه هاد هلا تأكدت من الدكتوره قالتلي وصفي رصدي وما شرحتو وما اقتعنت فيه حسيتو ارتباطي افضل بس انتو احفظوه وصفي رصدي

بتوقع الباقي ينحل بنفس الاسلوب فوق واذا في شي مو واضح رح اشرحوا

🔹نقاط الضعف والقوه بكل المحاضره الرابعه مو مطلوبين واطلاع هنن والشرح وهي تاكيد الدكتوره هلا
موفقين كتير واحفظو الاسئلة الي نزلت من دوره السنة الماضية

المحاضرة الرابعة وأنواع الدراسات
🔹الدراسة الرصدية هي انو يكون في حاله مرضيه عم تدرسا او ظاهره طبيعيه منتشره وانت عم ترصدا وتدرسا
انواعها تقرير الحاله السريرية ودراسة حاله شاهد ودراسه معدل الشيوع ودراسه ذات مقطع مستعرض كلن تابعين للدراسة الرصدية

🔹الدراسة التجريبية معناها نفس الظاهره بس انت دخلت فيها وعم تجرب عليها شغلات مثلا كورونا ظاهره اجيت وطبقت لقاحات بتصير دراستك تجريبيه
والدراسة التجريبيه نفسا السريرية ونفسا دراسة عشوائية وغير عشوائية

🔹 معنى تجريبي حقيقي عندي تلات شغلات اساسية الي هنن :
◾مناوره نفسا تدخل يعني بشوف اذا عندي متغير مستقل
◾عشوائية باختيار العينه بحيث يكون كل شخص عندو فرصه متساويه يكون ضمن عينتي
◾الضبط بعد ما اختار العينة بقسما ل مجموعه ضابطة ووحدة تجريبية لاضمن قارن معها
وجود التلاته بحث تجريبي حقيقييي

🔹تجربه معماه معناها الي خاضع للتجربة ما عندو معلومات كافيه او ما عندو معرفه كافية متل مثال الدواء الوهمي

🔹مزدوجه التعميه معناها لا الباحث ولا المجرب عندن معرفه كافيه ومفيده بدراستنا منشان ما يتحيز الباحث

رح كفي معكن بالفرضيات
🔹الفرضية البحثية دايما بتميزوها من كلمة فروق ذات دلالة احصائية دايمااا

🔹 الفرضية الاحصائية يعني الصفرية بدا تقول انو ما في علاقه بين المتغيرات وانتبهوا الغير مباشره كان في علاقه ما بعرف شو نوعها اما هي ما في علاقه ورح تكتبلنا لا يوجد علاقه او فروق او احصائيات ...

🔹الامثلة قادر انك تقول عن الفرضية البحثية معقدة او بسيطة اذا حققت الشروط تبعها يعني اذا اكتر من متغير بتقول معقده وطيب اذا في كلمه فروق ذات دلاله احصائية معناها بحثية
معناها بتشوف الخيارات وحتما وحده منن رح تنوجد مو التنتين

🔹 في ملاحظة بخصوص الافعال الغير قابلة للقياس بس شوفا معناها ما في هدف ولا فرضية لان التنين بدن افعال قابله للقياس

🔹المعرفة شي غير قابل للقياس

🔹الجملة البحثية بتختلف تماما عن الفرضية
لان الجملة البحثية نفسا عنوان بحث ببلش فيه بجملة البحث فانتبهوا

وحابب بس قلكن انو انا حاولت كتير اطلب من الدكتورة تنزل لو نموذج نعرف كيف النمط
وهي قالت ما الها مروة تكتب اسئلة كتير
لهيك خطرتلي فكرة قاطع المقررين وشوف الاسئلة بلكي انشالله بتجي والكل بيطلع مبسوط🤍