Dream Team Pharmacy ( 5th year )

@dreamsecondyear

Dream Team Pharmacy ( 5th year ) (English)

Are you a pharmacy student looking to ace your exams and become part of a supportive community? Look no further than Dream Team Pharmacy! In its 5th year of operation, @dreamsecondyear is a Telegram channel dedicated to helping second-year pharmacy students excel in their studies. From sharing study tips to providing resources and creating a space for collaboration, Dream Team Pharmacy is the ultimate destination for aspiring pharmacists. Join us today and become a part of a dynamic group where you can learn, grow, and succeed together. Don't miss out on this incredible opportunity to elevate your academic experience and connect with like-minded individuals. Your future in pharmacy starts here with Dream Team Pharmacy!

Dream Team Pharmacy ( 5th year )

24 Sep, 11:27

مرحبااا 🧘‍♀️❤️❤️

🔹 رابط قناة مكتبة أليسار ع التيلي:
https://t.me/tishreencopycenter

#Dream_team
#Dare_to_dream

1,170

Dream Team Pharmacy ( 5th year )

19 Sep, 06:05

صباح الخير 🩵
مين لسا دايخ بالتسجيل ع الوطني!
جبنالكن ملف فيه خطوات التسجيل بالتفصيل 👇

موفقين 💞

#Dream_team
#Dare_to_dream

1,672

Dream Team Pharmacy ( 5th year )

31 Aug, 07:16

صباح الخير أعزائي 💞💞
كيف الجو صوبكن 🧘‍♀️

💭 بالنسبة للسؤال يلي الكل عم يسألو ((بيتلحقوا ملخصات الوطني بالوقت يلي ح يضل معنا بعد التكميلية))
🔹 منرجع منخبركن أنو إي بيتلحقوا وزيادة، الملخصات كلن سوا حوالي 500 صفحة يعني قد شي 3 مواد وسط من موادنا
🔹 فأكيييد بشهر بتلحقوا يا أحبائي وزيادة
🔹 والأكيد كمان أنو الملخصات شاملين وبتضمنو النجاح وزيادة برياحة 🧘‍♀️💞

فيكن كمان ترجعو للبوست الماضي يلي فيه كلل التفاصيل يلي ممكن يكون بدكن تعرفوها ✌️🤓

💭ومنرجع نذكركن بالتوصية على ملخصات الوطني على الرقم:
0949883715
برسالة نصية فيها كل التفاصيل (اسم وعدد النسخ وشو النوط يلي بدكن ياها)

موفقين كتير 💞

#Dream_team
#Dare_to_dream

2,144

Dream Team Pharmacy ( 5th year )

24 Aug, 19:20

مسا الخير 💞

🔹 نوطة دورات الوطني متوفرة بالمكتبة صارت

موفقين كتير 💞

#Dream_team
#Dare_to_dream

1,893

Dream Team Pharmacy ( 5th year )

06 Aug, 10:20

مسالخير ❤️❤️
الحمدلله ع سلامة الجميع اول شي
وانشالله بالتوفيق للكل بمختلف المجالات اللي جاي
البوست اليوم هام كتير كتير
وقبل مانبلش لازم تحطو ببالكن شغلة انو اي كلمة رح نحكيها هيي لمصلحتكن
وثقوا بأي كلمة
#الامتحان_الوطني_الموحد_2024
من حوالي ال٥ سنين بلش دريم بفكرة ملخصات الوطني وانطلقنا من امكانيات صغيرة وبلشنا نطور الفكرة سنة عن سنة
الملخصات ممتازين هي حقيقة وبرأي كلشي درس منهن
ورح تتفاجئوا اذا بقلكن اغلب الدفعات رفعت وطني منهن
رح تسألوني ليش ماخدا عم يحكي فيهن لكن؟
الحقيقة معكن حق
مظلومين اعلامياً كتير ومن ايدنا
بس كلشي درس الملخصات بيعرف قيمتا ومحتواها
منجي عن الشرح عن الملخصات ومضمونها
الملخصات موجودة على 5 اقسام:
الملخص الاول:
#قسم_الادوية_والكيمياء_الصيدلية
شرح عن كافة الزمر الدوائية وفقا للتسلسل الوارد في كتيب مركز القياس والتقويم بالاضافة لذكر اهم معلومات علاقة البنية بالتأثير الخاصة بكل زمرة دوائية (يعني معلومات قسم الدواء وثم بعدها علاقة البنية بالتاثير والتصنيف الكيميائي للادوية وجرعها) خصوصا كون معظم اسئلة هالقسمين عم تكون مدموجة مع بعضها
طبعا هاد القسم عليه اكبر نسبة من الاسئلة دائما
الملخص التاني:
#الصيدلانيات_والمراقبة
معلومات موسعة عن كافة الاشكال الصيدلانية المذكورة (مرتبة ايضا وفقا للكتيب) وبعد الاشكال الصيدلانية قسم المراقبة واهم المراقبات اللي بتنعمل عالاشكال الصيدلانية
اسئلة قسم الصيدلانيات حوالي 30% من الاسئلة وعم تكون واضحة بمعظمها
الملخص التالت:
#قسم_العقاقير_والسموم
بخصوص قسم العقاقير تم التوسع فيه اكثر من النباتات المذكورة في الكتيب لانه دائما عم تجي اسئلة من نباتات غير مطلوبة والمعلومات اللي موجودة بشكل جداول فيه كاملة
لقسم العقاقير حوالي 15% من الاسئلة
اما بخصوص قسم السموم تصنيف للسموم والترياقات اللي هي اهم شي بقسم السموم بالاضافة لباقي المعلومات عن السموم
حوالي 10%
الملخص الرابع: #المعالم_السريرية_والجراثيم_والتحليل_الالي
قسم المعالم السريرية يشمل الحيوية السريرية وامراضها المختلفة (سكر، شحوم .... الخ)
طبعا هيدا القسم كمان حوالي 10% واقل من هي النسبة
الجراثيم والفيروسات عادة ما ياتي من هالقسم 1-4 اسئلة
التحليل الالي والتقانات التحليلية
معلومات تحليلية موسعة وعن مختلف الاجهزة ومبدأ عملها كمان عهيدا القسم حوالي 10%
الملخص الخامس:
#الدورات
تجميع اسئلة دورات مختلفة للامتحان الوطني دورات 2023 وماقبلها(دورة كانون 2022 ودورة نيسان 2022 والدورات اللي قبلهن)
بالاضافة لمجموعة من الاسئلة المتنوعة من مختلف جامعات القطر وكافة الاقسام ( ادوية - مراقبة - صيدلانيات ...)
والنوطة هامة جدا جدا لنعرف كيف نمط الاسئلة وقسم من الاسئلة على شكل ملاحظات
بس حاليا مارح تكون جاهزة بالمكتبة لان عم نحاول نجمع اسئلة الدورة الاخيرة
#توضيحات
1)هلا شو الفرق بين هالملخصات وملخص الملازمة؟
معلومات الملازمة والامتحان الوطني متشابهة في قسم كبير فمن الطبيعي يكون فيه شي مكرر بملخصات الوطني لكن ملخص الملازمة غير كافي ابدا (كونو في نقص متل قسم الكيميا الصيدلية وبعض اقسام الادوية غير المطلوبة في الملازمة، وقسم المراقبة غير المذكورة فيها ايضا).
2)منلحق ندرس الملخصات؟
اي اكيد بتلحقو لان في كتير معلومات رح تحسو حالكن ماالكن شي دارسينا
3)كم عدد اسئلة الامتحان؟ وكم علامة النجاح؟
120 سؤال لكن النسب مو من الضروري يلتزموا فيها وعم يصير تغيير بعدد الاسئلة لكل قسم
علامة النجاح 50 واحيانا 48+2
بالنسبة للدراسات العليا فمطلوب حد ادنى 60
3)مين مشتغل الملخصات؟
طلاب دراسات من جامعة تشرين وع اطلاع دائم بكلشي عم يصير بهالخصوص
3)النجاح مضمون؟
مضمون بإذن الله في حال درست بالشكل الصحيح
4)شو هي مراجع الملخصات؟
محاضرات جامعة تشرين بالاضافة للاستعانة ببعض المراجع الاجنبية متل:
Aulton, Ansel, Good man & Gilman
المواد اللي عليها علامات قليلة ضرورية ندرسها؟
يفضل ندرسها كمان كون الاسئلة منها عم تجي بسيطة مو كتير صعبة بحيث ممكن بتصفح بسيط للملخصات تعلق المعلومات بذهنا
5)ياترا شو المدة الكافية للدراسة؟
المدة بتختلف بين شخص واخر والعلامة اللي ناوي الطالب يوصللها لكن وسطيا حسب الاستفسار من الطلاب بين 25-30 يوم كافية
6) شو عدد الصفحات؟
قسم الادوية والكيميا الصيدلية 171 صفحة
قسم الصيدلانيات والمراقبة وصيدلة المجتمع 113
قسم العقاقير والسموم 72 صفحة
قسم الحيوية والجراثيم والتحليل 93

7)كيف لازم ندرس؟
الطريقة المناسبة على سبيل المثال يبلش الطالب بقسم الادوية وبعدا ينتقل عنوطة الدورات ويحل اسئلة الادوية اللي بشوفها لان هاد بكرس المعلومات بالذهن

#ملحوظة
عم نشتغل حاليا على شغلة انشالله رح تخدمكن وخاصة جماعة اللي عندن تكميلي ومزنوقين بالوقت
ترقبونا اكيد ✌🏻✌🏻

2,713

Dream Team Pharmacy ( 5th year )

06 Aug, 10:20

#التوصية
اكيد رح نعتمد عالتوصية عن طريق رسالة نصية للرقم
0949883715
والاهم من هيك تكون صياغة الرسالة واضحة
يعني الاسم وعدد النسخ وكلو بشكل واضح
وفيكن توصو من اليوم
وبيبدا استلام النسخ من #مكتبة_أليسار بعد يومين من التوصية
#بالنهاية
منتمنى التوفيق للجميع وانشاء لله ملخصاتنا رح تكون عند حسن ظنكن متل العادة
جاهزين لكل الاستفسارات
معكن خطوة بخطوة للتخرج❤️❤️
#Dream_team_pharmasy

3,092

Dream Team Pharmacy ( 5th year )

28 Jul, 19:42

هاي أعزائي 💕

#الصحة_العامة
🔹 هي الرسالة رح نحط فيها شو طلع معنا اسئلة حلها حسب السلايدات غير السلم
🔹 وكل ما طلع معنا شي جديد رح نعدل هي الرسالة ونضيفا
🔹 وقبل بدي ارجع نوهكن الحل كلو #حل_سلالم والخيار بيرجعلكن ع شو بدكن تعتمدو بالحل

💠المبوب الأول:
🔹 صفحة 3: سؤال 3 لازم E وسؤال 4 لازم D
🔹 صفحة 5: سؤال 1 لازم B وسؤال 4 و 5 لازم A
🔹 صفحة 6: سؤال 2 لازم B
🔹 صفحة 10: سؤال 40 لازم C
🔹 صفحة 11: سؤال 43 لازم A
🔹 صفحة 13: سؤال 3 لازم A
🔹 صفحة 14: سؤال 36 لازم A
🔹 صفحة 15: سؤال 5 لازم E
🔹 صفحة 17: سؤال 2 لازم B
🔹 صفحة 25: سؤال 17 لازم A
🔹 صفحة 27: سؤال 15 لازم D
🔹 صفحة 30: سؤال 37 لازم E
🔹 صفحة 33: سؤال 7 لازم B وسؤال 21 لازم A
🔹 صفحة 39: سؤال 22 لازم B
صفحة 40 : سؤال 27 لازم A
🔹 صفحة 46: سؤال 5 لازم A

💠المبوب الثاني لهلأ ما طلع معنا شي فيه...

🔵#تنويه_كتير_مهم: أي سؤال بتشوفوه مكرر بكل مبوب حل شكل، اعتمدوا حل المبوب #التاني

برجع بقلكن اي شي جديد رح نعدل هي الرسالة نفسا لهيك ضلو شيكو عليها مشان ما ننزل كذا رسالة
موفقين 💞

#Dream_team
#Dare_to_dream

2,037

Dream Team Pharmacy ( 5th year )

27 Jul, 14:15

مسالخير جميعاً ❤️

أول شي تواصلت مع الدكتور وقلي عدد الأسئلة رح تكون #80_سؤال

و مشان كترة الأسئلة ع شو محذوف من المبوب يا جماعة هية المادة دورات لهيك ما حذفنا شي منها ولأن الدكتور بالمحاضرات كان مرات يقول ما رح جيب شي مو انعطى ومرات يقول النوطة سهلة وقادرين تدرسوها لحالكن وكلا ثقافة عامة
ف لهيك تركناهن بس رجعت سألتو لأتأكد وهيك كان ردو 👇
المطلوب حتى بحث التدخين ضمناً
أما العادات و أسلوب الحياة غير مطلوبة
بقا هاد قراركن اذا بتحبو تدرسو كلشي ام لا 🤷🏻‍♀️

ومشان الأسئلة المتناقضة بالحل نحنا حاطين حل السلالم 👀
و ختاماً الأسئلة رح تكون واضحة عحسب حكي الدكتور ورح يكون الختام مسك انشالله ❤️

#Dream_team
#Dare_to_Dream

1,719

Dream Team Pharmacy ( 5th year )

27 Jul, 10:51

صباح الخير أعزائي 🥰

#طباعة_مشاريع_تخرج
🔹 هلا بما انو صار فينا ناخد نفس شوي
منرجع منذكركن بالهموم اللي عليكن ونحاول نلاقيلا حلول😂

يتوفر لدينا خدمة طباعة مشاريع التخرج بكافة الانماط
🔹 ابيض واسود
🔹 ملون
🔹 تجليد عادي وفني مع ألوان اغلفة بتجنن

🔹 للتوصية على طباعة مشاريع التخرج بمكتبة #أليسار فيه يتواصل على الرقم:
+963949883715

#Dream_team
#Dare_to_dream

2,008

Dream Team Pharmacy ( 5th year )

24 Jul, 14:10

هاااي أخيرة❤️
#كم تصويب صغار:
🌚بالمحاضرة 12 ص 22 وبالنقاط تبع المحاضرة ص4 فقرة ملاءمة نظام UV يتم التحقق عن طريق قراءة الامتصاصية لمحلول عياري 6 مرات(مو 5).
🌚بنقاط المحاضرة 10 ص1 N يتناسب عكساً(مو طرداً) مع w مبينة مو💁‍♀️
🌚بالدورات ص 16 السؤال 3 بصراحة ما موجود كل التفاصيل بالمحاضرة بس الأنسب هو نختار الخيار الصح وهو A
🌚بملف التصويبات بالغلط كاتبة السيليكا A أكثر نقاوة. B هو الأكثر نقاوة.

💊تنويه بنقاط المحاضرة 10 ص 3 تبع ازدياد الحمل الكربوني كلما ازداد... هون عم نحكي عن طور ثابت لا قطبي (كروماتوغرافيا RP).

#فيما يخص الوقاء شرحتو بالملف يلي نزل تبع التصويبات بس رح إرجع عيدو هون مع أمثلة للتوضيح:
قبل ما نبلش هالحكي ما شرحتو الدكتورة ولا جابت سيرتو☹️ بس من شغلات أخدناها قبل:
💊 بشكل عام الفكرة نحنا لما بكون عندي تخرب بالوسط الحمضي والقلوي مثلا معناها لازم حافظ عالPH يلي عندي بدون تغيير ولحافظ عليها بدي وقاء بس متل ما منعرف كل وقاء عندو مجال ph بيشتغل فيه يعني ما بكل قيم ال PH بيقدر يشتغل لهيك المفروض نختار وقاء مجال عملو بيتضمن PH المحلول تبعي (يلي هو ثابت فيه أصلاً) ولما بضيف هالوقاء متل ما قلنا بحافظ عقيم ال PH من التغيير سواء ضفت شي حمضي أو قلوي ما بقى بيتأثر ph محلولي(بحدود معينة طبعاً حسب قدرة الوقاء) بالتالي بصير في مقاومة للتخرب بواسطة الحموض والأسس. أمثلة👇
♦️الدوا تخرب بالوسط الحمضي بس⬅️ما منضيف وقاء بيشتغل بالحمضي(لإنو إذا الدوا تخرب بالوسط الحمضي معناها ph ثباتو أكيد مو بالوسط الحمضي معناها بدي وقاء بيشتغل ب PH الثبات تبع محلولي بحيث يحافظلي على ph محلولي وشو ما ضفت ما بقى يتأثر يعني بيحمي من تأثيرات الحموض والأسس.
♦️الدوا بيتخرب بالوسط القلوي⬅️ما لازم نستخدم وقاء بيشتغل بالوسط القلوي(نفس مبدأ فوق).
♦️إذا بيتخرب بالوسطين⬅️معناها الدوا تقريباً بدو يكون ثابت بالوسط قريب للمعتدل لهيك ما منستخدم وقاء بيشتغل بالوسط القلوي ولا الحمضي.

💁‍♀️هاد شي منطقي من يلي منعرفو والموجود بالدورات حل سلم
بالأخير كل حدا يحل حسب قناعتو.

🔥معلومتين عالهامش واردين بشكل مفصل بالمحاضرات بس حسيتن مهمين حبيت ذكركن فيهن👀👇
💊تنويه صغير للتذكير بس باختبار الضوء الشارد منستخدم بالاختبار مواد قيم امتصاصيتها عالية ركزوا عكلمة عالية🔥 لنكشف بسهولة عن وجود الضوء الشارد (كونو هي أكتر شي بتتأثر بهالظاهرة).منحضر 3 محاليل عند 3 أطوال موجية.
💊تنويه تاني مهم للتذكير بس: خلوها ببالكن Core shell particles هي يلي حكينا عنا متل بنية الكناكر تعطي عدد طبقات نظرية مماثل للجسيمات تحت 2 ميكرومتر.
👀إذا في شي جديد رح عدل هون منشان يكتروا الرسائل أوكي🥰

#Dream_team
#Dare_to_dream

1,932

Dream Team Pharmacy ( 5th year )

24 Jul, 10:51

يعطيكون العافية جميعاً❤️
قبل مانبلش بتمنى ناخد من وقتكن كم دقيقة وتكفوا البوست لاخر حرف لتفهموا التفاصيل كاملة وماتسالو عنها
#صحة_عامة
🔹 المادة للدكتور فواز حيدر
🔹 ماالها محاضرات في كتاب شي 300 صفحة
🔹 يعني منفهم من هالحكي انو المادة بتندرس مبوب؟
اي مبوب ولا اي شي تاني
هلا بيجي شخص وبقلنا طيب ليش مامندرس من الكتاب؟
الفكرة ياصديقي أنو دراسة الكتاب مضيعة للوقت وعالفاضي
رح تدوخ السبع دوخات لتلاقي جواب ويمكن ماتلاقي

🔹 المهم ياشباب جهزنا للمادة مبوب عملناه على قسمين
محتويات المبوب شاملة المادة ككل
يعني رح تتعبو ع قد مافيه دورات
طبعا الدورات مبوبة ومقسمة حسب كل فصل
🔹 طيب شو فائدة هالشي؟
قال حسب عالم نفس نسيت اسمو انو وقت تدرس اسئلة مترابطة لنفس الفكرة مع بعض بتعلق الفكرة ببالك اكتر
وهالشي فعلا صح يعني هالمبوب اثبت وجودو بالسنين الماضية
ماعلينا
منكرر المبوب على قسمين يعني جاي يعني نوطتين
َالتنين دورات بس مشان الحجم عملناهون بنوطتين

🔹 محتويات المبوب:
اول شي رح نلاقي الدورات المبوبة حسب كل فصل
بالاضافة لان الدكتور بيعتمد كتير بأسألتو ع جداول الوصل
يعني 5 عبارات ع خمس خيارات لهيك
خصصنا قسم كامل من المبوب وجمعنا فيه هالجداول كلها
بالاضافة للدورات الاخيرة سواء دورات الصيدلة او البشري لان المادة مشتركة بيناتنا وسمعنا انو الدكتور بأغلب الاحيان بكرر منها لهيك ضفناها للمبوب

🔹 مو بس هيك
على حسب العادة بالسنين الماضية الدكتور كان يعطي نماذج اسئلة للحضرانين وبيجي منهن منيح
كمان حطيناهون بالمبوب ومع الحل✌🏻
كم صفحة المبوب؟
القسمين مع بعض ككل شي ١٠٠ صفحة
بس انو مابخوفو دورات

#تنويه
اذا لقيتو تضارب بالحل المشكلة بالسلم وهالشي طبيعي بمادة الصحة بس اكيد هالاسئلة قليلة كتير يعني

المبوبات بتكون متوفرة بالمكتبة بكرا بعد المراقبة

اللي عندو أي استفسار يسأل

وهيك منكون خالصين
بالتوفيق للجميع ❤️

#Dare_to_Dream
#Dream_team_pharmacy

1,414

Dream Team Pharmacy ( 5th year )

23 Jul, 21:19

♦️بوستات بنص الليل بعنوان المراقبة لا ترحم🤣💔
آخر رسالة وعد🤣 إذا ما صار شي طارئ طبعاً😶 ما علينا شوفوا شو جبتلكن
#أهم الفقرات بقسم د.هلا مندرس كل شي طبعاً بس منركز حبتين زيادة
عهدول 👇
#لسا شغلة بالصور تحت هي الصورة يلي قلتلكن عنها بالطباعة بالملخص صاير فيها خربطة ونقص شوفوها من هون كاملة👇
💊تنويه مهم: ما تنسوا يلي نازل نقاط صار نازل لل 6 و9 و10 و12.
♦️وبدي قلكن إنو بكرا ما رح كون عالنت جمعوا أسئلتكن وإذا قدرت المسا إنشالله بفتح وبرد عالكل❤️
موفقين كتير درسوا منيح ها❤️

#Dream_team
#Dare_to_dream

1,114

Dream Team Pharmacy ( 5th year )

23 Jul, 21:16

💊هاااي سريعة❤️
# جبتلكن التصويبات + تنويهات مهمة كلكن شوفوها ها👀
💊رح ينزل بعدو فقرات هامة من قسم د.هلا شوفوهن كمان.

#Dream_team
#Dream_team

1,425

Dream Team Pharmacy ( 5th year )

23 Jul, 19:35

هلو أغين😌❤️
👀سمعت إنكن حسيتوا المحاضرة 6 حفظية وبتخربط لهيك جبتلكن👇
# نقاط هامة من المحاضرة 6 لتثبتوا معلوماتكن فيها بتدرسوا بالأول المحاضرة بعدين بتشوفوا هالنقاط.
🔹وبضل علينا هيك بس تصويبات وكم تنويه مهم ما رح طول عليكن فيهن.
موفقين كتير❤️

#Dream_team
#Dare_to_dream

1,856

Dream Team Pharmacy ( 5th year )

22 Jul, 15:43

هلو زملاء كيفكن❤️
كيف المراقبة من صوبكن😌
📢بنا على طلب الجماهير😂
#نقاط هامة المحاضرة 10 الكروماتوغرافيا يلي كلكن بتحبوها🙂
🔹ما علينا بتخلصوا المحاضرة من هون بتشوفوا هالنقاط أو بالعكس حسب شو الأريح لإلكن المهم الأمثلة والمصطلحات بالمحاضرة بتشوفوها كلها ها وإلا منزعل من بعض☹️

انطروني لسا بنقاط للمحاضرة 6 بقسم د.هلا رح تملوا مني هاليومين بعرف🤣
موفقين كتير😍

#Dream_team
#Dare_to_dream❤️

1,750

Dream Team Pharmacy ( 5th year )

21 Jul, 16:56

هاااي زملاء كيفكن❤️
🔹تعوا شوفوا اليوم شو جبتلكن😌
#نقاط هامة من المحاضرة الأخيرة للدكتورة آيات:
بتخلصوا المحاضرة من هون وبتشوفوا النقاط هي منشان تثبتوا معلوماتكن👀
وإذا ما لحقتوها للمحاضرة(طبعاً إنشالله بتلحقوا كل شي) شوفوا النقاط عالأقل مع كم مثال من المحاضرة💁‍♀️
موفقين كتير درسوا منيح وبتركيز❤️

#Dream_team
#Dare_to_dream

1,411

Dream Team Pharmacy ( 5th year )

20 Jul, 08:16

صباح الخير يا حلوين🥰
شوفوا شو جبتلكن👇
#شغلات لازم تضل ببالنا منشان حل الأمثلة بقسم د.آيات +كم فكرة مهمة من المحاضرة 9(حتى يلي تارك هالقسم يشوفهن💁‍♀️) :

♦️بالأمثلة إذا عاطتنا الدكتورة جدول وحاطة نتائج منتطلع شو القيم يلي حاسبينها مثلاً:
📌حاسبين الاسترداد %Recovery بروح تفكيرنا للمضبوطية فوراً وكل ما كان الاسترداد أو الاستعادة قريب لل %100 أفضل بتكون النتائج صحيحة (مضبوطة) مثلاً 98 أكيد منيحة.
👀وما مننسى إنو لتعيين المضبوطية بحاجة 9 مقايسات(3 تراكيز وكل تركيز منقيسو 3 مرات). مهمة دورة

📌أما إذا حاسبين ال RSD منطلع شو في لسا بالجدول مكتوب مثلاً:
💁‍♀ إجراء تجربة على مدار كذا يوم أو من قبل كذا محلل(مغيرين شي من الشروط) منروح للدقة الوسطى Intrmediate precision.
💁‍♀ أما لو بنفس اليوم ومن قبل نفس المحلل(يعني ما غيرنا شي) منقول تكرارية Repeatability.
💁‍♀ أما إذا غيرنا المخبر فبروح بالنا للتناتجية Reproducibility (احفظوا المصطلحات مهمين ها).. وهكذا
👀ولنحكم عالنتيجة منشوف هل عاطتنا RSD لكل محلل لحال بس (فرضاً بالمثال فوق) ولا عاطتنا لكل القيم سوا إذا لكل محلل لحال بس هون بدا النتائج معالجة إحصائية إضافية(يعني لازم تكون حاسبة مثلاً المتوسط والانحراف النسبي لكل القيم سوا مو بس لكل كم قيمة لحال لإقدر إحكم) أما إذا عاطتنا للكل فمنقدر نحكم عالنتيجة إذا جيدة ولا لاء.
👀منتذكر كل ما كان RSD أقرب لل 0 كلما كانت النتائج أفضل.

📌أما في حال عاطتنا الأرقام ومغيرين شروط شي سرعة تدفق شي درجة حرارة هون بروح تفكيرنا للمتانة Robustness ومنشوف الشرط يلي إلو RSD الأعلى هو يلي بأثر أكتر عالنتائج.

📌بالنسبة للانتقائية Selectivity لنقول طريقة انتقائية لازم تقدر تميزلي المادة تبعنا عن الشوائب
💁‍♀ إذا منعرف الشوائب منضيفها أو إذا ما منعرفها منطبق شروط إجهاد Stress(حرارة عالية، H2O2،Hcl..) لنخرب العينة قصداً وتطلع عنا نواتج تخرب ومنشوف بقى إذا طلع عنا قمة المادة + قمة إضافية هي غالباً للشوائب فالطريقة انتقائية كونو قدرت تميزلي المادة عن الشوائب.
👀وطبعاً هون حسب بأي شرط من شروط الإجهاد ظهرت شوائب منحدد شو الظروف يلي لازم نحفظها فيها:مهمة🔥
💁‍♀️إذا بالضوء مثلاً تخربت فالمفروض نحطها بعبوات عاتمة لنحميها من التخرب، إذا بتغيير ال PH ممكن بدنا وقاء.. الخ).
👀طبعاً باختبار المتانة منقيس قدرة الطريقة التحليلية على إعطاء نتائج صحيحة والمحافظة على نتائجها بموجب متغيرات بالشروط المحيطة بالعمل "يعني غيرنا الشروط ومع هيك حافظت الطريقة بشكل تقريبي على نتائجها فالطريقة متينة".

📌الخطية Linearity نحكم عليها من خلال معامل الارتباط أو معامل التحديد r^2.
👀 لإثبات الخطية نحتاج 5 تراكيز (تمديدات من المحلول الأم) على الأقل وكل تركيز منحضر منو 3 محاليل.مهمة
👀يجب أن يكون r^2 أكبر أو يساوي 0.997 لنقول الطريقة خطية.

📌فقرات حد الكشف وحد الكم مهمين هنن وأمثلتهن والقوانين🔥 روحوا راجعوهن وما تنسوا المثال ص 24 مهم.

📌بس تخلصوهن روحوا شوفوا الدورات وركزوا أفكاركن لإنو أكيد رح يجي عهالنمط.

📌تنويه مهم: بمحاضرة الكروماتوغرافيا ركزوا كل شي بشو عم نقيسو طول العمود ولا أبعاد الحبيبات أبعاد الحبيبات مثلاً بالميكرومتر منشان ما تتلبكوا بالأمثلة وتعرفوا شو العامل يلي عم ندرس تأثيره.

💣تنويه تاني: إذا طلع معي شغلات مهمة رح ضيفهن عالرسالة وبخبركن إذا عدلت.

#Dream_team
#Dare_to_dream

1,707

Dream Team Pharmacy ( 5th year )

17 Jul, 17:23

هدول شوية شغلات بتخص الصيغ (مو لكل المحاضرات)
فيكن تنتبهو عالتفاصيل بكل الصور
وفيكن تنتبهو بس عند اسم كل مجموعة مثلاً شو الشي المشترك يللي بدلنا المركب لمين بينتمي
رح يجي أسئلة الصيغ متل مبدأ اللي بالدورات وإن شاء الله ما بيجي شي معقد موفقين 💙

1,672