دزڵیــــــــەیــانـــە

پەژارەت شادٚیم جە بێخ ئاوەردٚەن
دووریت خەیمەی دڵ ڕیشەکەن کەردٚەن


فیراقت فەرقم وە تووتیا کەردٚ
جیاییت ئازام جە هەم جیا کەردٚ


وەسواسەت وەی تەور نێش دان وە جەرگم
وە مەرگت قەسەم ڕازیم وە مەرگم


وێت بدەر ئینساف نەونەمام نۆ
مەردٚەن خاستەرەن یا خۆ دووری تۆ؟


مەردٚەن یەک ساتەن ئەرواحە کەی وێم
دووریت هەر ساتێ سەدٚ مەرگەن پەرێم.


مەر جەستەی خەستەی من جە فوولادەن
یەند دووریت وینۆ هێمان دڵشادەن


دەک ڕەحمەت ئەو قەبر گشت وەفاداران
خسووسەن ئەو کەس شای وەفاداران

شێعر : #مەولەوی  
   
                        
‎‌‌‎‌‌‍‌‌‌‌‎‌‌‌‌‌‌‎‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‎‌‌‎https://t.me/dezli_khabar
♡ ⠀⠀ 〇⠀⠀  ⎙⠀‌ ‌  ⌲⁣
ˡⁱᵏᵉ  ᶜᵒᵐᵐᵉⁿᵗ  ˢᵃᵛᵉ    ˢʰᵃʳᵉ⁣
┄┄┄┅━❅❅━┅┄┄┄

📜 #چیرۆک📜

کۆرناوە؛ زەمانوو زووی پاد٘شاد٘ێوە ئەمرە کەرۆ بە یۆ جە خزمەتکارەکاش؛ ۱۰(دە) دانێ تووتێ🦮 هارێ بارۆ پەی ئانەی هەرعان وەزیرێوە یام ڕاوێژکارێوە بێ‌ئەمری پاد٘شای کەڕۆ یام هەڵێوەش کەرد، وزۆش وەروو دەموو ئا تووتا...!

  ڕوێ جە ڕوا، یۆ جە ڕاوێژکارەکاو پاد٘شای کە فرە زیرەک بێ، جە هەرمانێوەنە کە پەنەش سپاریێ‌بێ، نەتاواش ڕێکش وزۆ، ئینە بی‌بە بەهانێوەو پەی سزادایش جە لایەنوو پاد٘شایوە.

پاد٘شا دەسوورش‌ـدا؛ پەی ماوەو یەک مان٘گی تووتەکا ئاورا بازاوە و، دماتەر کابرای ڕاوێژکارـی وزا وەروو دەمیشا...
   ڕاوێژکار داواش جە پاد٘شای کەرد؛ ۱۰(دە) ڕوێ مۆڵەتش پەنە بد٘ۆ، ئیجار وزاش وەروو دەموو تووتەکا...

  پاد٘شاـی وات:
« قەد٘ش نیا، وەروو ئانەی کە زووەن خزمەتش پەنە کەردەنا، ۱۰ ڕوێ مۆڵەتش پەنە دەیدێ...»
  کابرای ڕاوێژکار، عازا ملۆ پەی لاو ئا نۆکەرـی کە تووتەکا وەی کەرێ و، داواش وەنە کەرد؛ ئا دە ڕوە سەیۆوە و، وەی‌کەردەو تووتەکا پاد٘ی سپارۆ...
  خزمەتکاروو تووتەکا ڕازی بی و، ڕاوێژکارەکە دەس‌کەرۆ بە وەی‌کەردەو تووتا؛
ـ عال‌عالێ شۆرێشا
ـ واردەمەنی خاسشا پەنەدێ
ـ یاگەکێشا پۆختە کەرێ و...

  شۆنەو دەڕوەکەیرە، کابرای ڕاوێژکارشا ئارد پەی جابەجاکەردەو حوکمەکەو پاد٘شاـی.
  بە ئەمرەو پاد٘شاـی، کابرای مارا و بە دەس‌بەسیا فڕەش مد٘ا وەرو دەموو تووتا جە حاڵێوەنە پاد٘شا و دارودەسەش ئاماد٘ێنێ و چەمداراو ئانەی کەرا کە چەنی تووتەکا بە دڕننەتەرین شێوە، ڕاوێژکاری تیکەتیکە کەرا و، وەراش وەلێم،
  وینا تووتەکا حەر نزیکش مەگناوە...!!!

  پاد٘شا سەرەش سڕمەنۆ؛ داخم وەروو چێشی تووتەکا مەوەراش...!!؟؟
  کابرا سەرە بەرز کەرۆوە و، ماچۆ:
«جەنابوو پاد٘شاـی! دە ڕوێ مۆڵەتم چەنە واستی، چا ماوەنە دەسم کەرد بە وەی‌کەردەو ئی تووتا، تەنیا ۱۰ ڕوێ خزمەتم کەردێ، تووتەکا ئی پیاوەتیشا ئینا وەروو چەماوە و، کارشا نیا پۆمۆ وەلێم،
  من دە ساڵێ تەمام خزمەتوو تۆم کەرد و حیچت وەروو چەماوە نەبێ، تەنیا هەڵێوەم کەرد، پیجۆرە خشمیت جمێنە و، ئینەیچە پاداشتوو ئا گردە خزمەتی...!!!؟»

★پاد٘شا خەجاڵەتیێنە سەرەش وسترە و، بڕیاروو عەفوێش دا و، چەنەش‌ وەش‌بی★
ــــــــــــــــــــــــــــــــــــــــ
#مووچیاری_ویەردا

گردما دۆس‌وهامڕایێما هەنێ کە ساڵانێوە چەنیما بیێنێ، وەشی و ناوەشیما پێوە چەشتەن، خاس نیا پەی وچکلەتەرین هەڵەی، یۆترینی وزمێ چێروو تیرەو قینێ و غەرەزی.


✍نویستەی:
#موحەممەدساڵح_عەزیزی(ڕەزاو)
                                                    
‎‌‌‎‌‌‍‌‌‌‌‎‌‌‌‌‌‌‎‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‎‌‌‎https://t.me/dezli_khabar
♡ ⠀⠀ 〇⠀⠀  ⎙⠀‌ ‌  ⌲⁣
ˡⁱᵏᵉ  ᶜᵒᵐᵐᵉⁿᵗ  ˢᵃᵛᵉ    ˢʰᵃʳᵉ⁣
┄┄┄┅━❅❅━┅┄┄┄

ئارۆ وێنەی وێم، دیم خەزانێ زار
بەند بی بە زامەت، جەور و جەفای خار

ئەو جە دەردی وێش بێ مدارا بی
خار چەنگی زامەت لێش ویارا بی

بە زارزارەوە هەر وێش مەشانا
جە زامەتی خار دووریش مەنمانا

خار شەرمش نەکەرد جە ڕەنگی زەردش
تا بە جەفا و جەور سەد پارە کەردش

فەرزەن جە هەرکۆ دەردەدارێ بۆ
زەدەی زامی سەخت نێشی خارێ بۆ

ئەویچ چوون جەستەی من دەردەدار بۆ
یا بەی تەور زەدەی زامەتی خار بۆ

🔸بیسارانی

ورود موج بارشی فعال و گسترده از اواخر هفته

🔹از اواخر هفته آینده با ورود موج بارشی جدیدی به کشور همراه خواهیم بود که بسیاری از نقاط را تحت تاثیر قرار خواهد داد.

🔹با ورود این موج بارشی به کشور، انتظار بارش های بسیار خوبی را در بخش گسترده ای از استان های نیمه غربی و شمالی کشور داریم.