🔊نادىر دەۋەتلەر [2]🔊

پاناھلىق تېلەنگەن34 خىل بالا-قازا

پەيغەمبەر ئەلەيھىسسالام پۈتۈن مۇسۇلمانلار ساقلىنىشقا تېگىشلىك بولغان دۇئالارنى ئۈگىتىپ قويغان بولۇپ
ئۇ دۇئالارنى ھەر ۋاقىت ئوقۇش بەك مۇھىمدۇر. شۇنىڭ بىلەن بىرگە باللىرىمىزغا ئۈگىتىش تېخىمۇ مۇھىمدۇر.چۈنكى، بۇ دۇئالار لەپزى قىسقا مەنىسى چوڭقۇر بولۇپ، ئۇنىڭغا تەڭ دۇئالارنى تېپىش قىيىندۇر. ھەمدە بۇ دۇئالار پەيغەمبەر ئەلەيھىسسالام داۋاملىق قىلغان دۇئالار بولۇپ ئۇلار بىلەن دۇئا قىلىش پەيغەمبەر ئەلەيھىسسالامغا ئەگەشكەنلىكنىڭ ساۋابى بىلەن باشقا دۇئالاردىن ئىجابەت بولۇشقا يىقىنراقدۇر.

اللَّهُمَّ إِنِّي أَعُوذُ بِكَ مِنَ:
1. العَجْزِ (ئاجىزلىقتىن)
2. الكَسَلِ (ھورۇنلۇقتىن)
3. الجُبْنِ (قورقۇنچاقلىقتىن)
4. البُخْلِ (بېخىللىقتىن)
5. الهَرَمِ (قېرىلىقتىن)
6. القَسْوَةِ (تاش يۈرەكلىكتىن)
7. الغَفْلَةِ (غەپلەتتىن)
8. العَيْلَةِ (مۇھتاجلىقتىن)
9. الذِّلَّةِ (خارلىقتىن)
10. المَسْكَنَةِ (مىسكىنلىكتىن)
11. الفَقْرِ (نامراتلىقتىن)
12. الكُفْرِ (كۇپۇرلۇقتىن)
13. الشِّرْكِ (شېرىكتىن)
14. الشِّقَاقِ (نىپاقتىن)
15. الفُسُوقِ (پاسىقلىقتىن)
16. النِّفَاقِ (مۇناپىقلىقتىن)
17. السُّمْعَةِ (يامان نامدىن)
18. الرِّيَاءِ (رىيادىن)
19. الصَّمَمِ (گاسلىقتىن)
20. البَكَمِ (گاچىلىقتىن)
21. الجُنُونِ (ساراڭلىقتىن)
22. الجُذَامِ (ماخاۋ كېسىلىدىن)
23. البَرَصِ (ئاق كېسەلدىن)
24. سَيِّئِ الأَسْقَامِ (يامان كېسەللەردىن)
25. غَلَبَةِ الدَّيْنِ (قەرزدارلىقتىن)
26. قَهْرِ الرِّجَالِ (باشقىلارنىڭ زۇلمىدىن)
27. زَوَالِ النِّعْمَةِ (نېمەتنىڭ يوقىلىشىدىن)
28. تَحَوُّلِ العَافِيَةِ (ساغلاملىقنىڭ يوقىلىشىدىن)
29. فُجَاءَةِ النِّقْمَةِ (تۇيۇقسىز ئۆچمەنلىكتىن )
30. جَمِيعِ سَخَطِ اللهِ (ئاللاھنىڭ ھەرقانداق غەزىپىدىن)
31. جَهْدِ البَلاَءِ (بالا-قازانىڭ ئېغىرلىقىدىن)
32. دَرَكِ الشَّقَاءِ (بەخىتسىزلىكنىڭ يېتىپ كېلىشىدىن)
33. سُوءِ القَضَاءِ (تەقدىرنىڭ يامانلىقىدىن)
34. شَمَاتَةِ الأَعْدَاءِ (دۈشمەنلەرنىڭ مېنىڭ ئىشىمدىن شادلىنىشىدىن)
بۇ دۇئانى كۈندىلىك ناماز-ئىبادەتلىرىمىزدە، بولۇپمۇ سەجدىدە ياكى نامازدىن كېيىنكى تەسبىھلەردە ئوقۇش مۇھىمدۇر. بۇ دۇئانى ئوقۇش ئارقىلىق بىز ئاللاھقا سېغىنىمىز ۋە ئۇنىڭ قوغدىشىنى سورايمىز.

نىدا دەۋەت مەركىزى


https://t.me/dawatlar99

شەھۋىتنى يىڭەلمىگەنلەرنىڭ ئاقىۋتى


https://t.me/dawatlar99

جۈپتىڭىز بىلەن كېلىشەلمەسلىك بولغاندا تۆۋەندىكى 13 تۈرلۈك ئىشلارنى قىلىشتىن ساقلىنىڭ! ئائىلىڭىز بەختسىز، بالىلىرىڭىز يېتىم بولمايدۇ.

بىرىنچى: تالاق قىلىشنى خىيالىڭىزغا كەلتۈرمەڭ ! چۈنكى، تالاق ئۆمۈرلۈك پۇشايماننىڭ دورىسىدۇر .

ئىككىنچى: ئۇرماڭ! چۈنكى، تاياق دۈشمەن ئۈچۈندۇر.

ئۈچىنچى: جۈپتىڭىزنى قارغاپ دۇئا قىلماڭ! چۈنكى، دۇئا ئىجابەتتۇر.

تۆتىنچى:ئۆتمۈشىنى تىلغا ئالماڭ، خاتالىقىنى قايتىدىن يۈزىگە سالماڭ!

بەشىنچى: بالىلىرىڭىزنى جېدەلگە ئارىلاشتۇرماڭ ! چۈنكى، ئۇلارغا چوڭ زىيانكەشلىك قىلغان بولىسىز.

ئالتىنچى: ئارىڭىزدا بولغان جېدەلنى ئاتا-ئانىڭىزغا دېيىش ئارقىلىق چوڭايتماڭ! چۈنكى، سىز ئەپۇ قىلىسىز، ئۇلار قىلالمايدۇ. سىز ئۇنتۇيسىز، ئۇلار ئۇنتۇيالمايدۇ.

يەتتىنچى: ئاچچىقىڭىز كەلگەندە، دەرھال، شۇ يەردىن ئايرىلىڭ، قارشىلاشماڭ!

سەككىزىنچى: بىر-بىرىڭىزنى ھاقارەت قىلماڭ! سەت تىللىماڭ! ئېغىز بۇزماڭ !

توققۇزىنچى : ئۆز پىكرىڭىزدە چىڭ تۇرۇۋالماڭ ! دېگىنىم دېگەن دېمەڭ! چۈنكى، ھاڭ چوڭۇپ كېتىدۇ.

ئونىنچى:ئالدىماڭ، خىيانەت قىلماڭ! چۈنكى، ئالداش ئىشەنچكە ئۇرۇلغان خەنجەردۇر.

ئون بىرىنچى: ئارتۇق مەسئۇلىيەت ئاتماڭ! ياكى، تەلەپ قىلماڭ!

ئون ئىككىنچى:مۇمكىن بولسا ھېچكىمگە دېمەڭ! ئەپۇ قىلىڭ!

ئون ئۈچىنچى، ئۆز شەخسىيتىڭىزئۈچۈن ئائىلە ۋە باللىرىڭىزنىڭ مەنپەتىنى قۇربان قىلماڭ! يەنى ھەر ئىشتا ئۇلارنى ئويلاڭ!

نىدا دەۋەت مەركىزى



https://t.me/dawatlar99

ئەبۇ مۇسا ئەشئەرى رەزىيەللاھۇ ئەنھۇدىن رىۋايەت قىلىنىدۇكى ، پەيغەمبەر سەللەللاھۇ ئەلەيھى ۋەسەللەم مۇنداق دېگەن : « بېرىشكە بۇيرۇلغان نەرسىنى كۆڭۇل ئازەدىلىكى بىلەن ( قىلچىمۇ ھەسەت قىلماستىن ) تولۇق بېرىدىغان ، كىمگە بېرىشكە بۇيرۇلسا شۇنىڭغا بېرىدىغان ئىشەنچىلىك مۇسۇلمان ئامبارچى سەدىقە بەرگۇچىلەرنىڭ بىرىدۇر. »
[ بۇخارى ۋە مۇسلىم رىۋايەت قىلغان ]



https://t.me/dawatlar99

جەننەت ئاشىقلىرى


https://t.me/dawatlar99

ئادەمنىڭ قەلبى ئۆزگۈرۈپ تۇرىدۇ. بەزىدە تاشتەك قېتىپ كېتىدۇكى، مىت قىلىپ بىرتامچىمۇ ياش چىقمايدۇ. قەلىب قېتىپ كەتكەندە گۇنا مەسىئەت ئىشلار، پەرزلەرگە سەل قاراشلار، ھەقسىز ئىشلار خۇددى بىر تال چىۋىننى قورىغاندەكلا پەرۋاسىز ۋە ئاددى بىلىنىدىغان بولۇپ قالىدۇ. قەلب قاساۋەتلىشىپ پارقىرىماس بولۇپ قالغاندا، يۇقۇندى كىرلار ھەلدەك ئورىناپ كەتكەندە قەلب كۆزى كور بولىدۇ ئىنساننىڭ...

قەلىب شۇنداق نەرسە، پاك-پاكىزە، غۇبارسىز يارىتىلغان. ئىنسان ھامان مەيلى كىچىك بولسۇن بىر گۇناھقا شىرىك بولىدىكەن قەلبىدە بىرتال قارا چىكىت پەيدا بولىدۇ، يەنە بۇ گۇناھلار داۋاملىشىدىكەن قارا چىكىتلەر ئاۋۇپ، چىقىرىش تەس بولغان كىر قەۋىتى قەلىبنى ئورىۋالىدۇ،-دە پارقىرىقى يوق بولىدۇ! ئەمەلىيەت شۇكى، پەيغەمبەرلەردىن باشقا ھەممە ئىنسان غۇبارسىز پاك ئەمەس، چوقۇم گۇناھلارغا ئۇچۇرۇشۇپ ياشايدۇ. بۇ گۇناھلارنى كىر ۋە توزانلارغا ئوخشاتساق، قەۋەت قەۋەتتىن قۇنىۋەرسە قەلىب بىر نەرسىدىن تەسىرلەنمەس، ئېرىمەس بولۇشقا يۈزلىنىدۇ، بارا-بارا پارقىرىقىنى يوقىتىدۇ، ھەتتا قاغجىراپ چۈرىيدۇ، قارىدايدۇ...

بۇ گۇناھلارنى يۇيۇشنىڭ يولى، پارقىرىقىنى يوقاتقان قەلبنى ئەسلىگە كەلتۈرۈشنىڭ يولى دەل ئىبادەت. بەش ۋاقىت ناماز ئۇششاق گۇناھلارنى يۇيۇپ تۇرىدۇ، روزا بىر يىللىق قەلىب كىرلىرىنى تازلايدۇ. مېھرىبان اللە بىزگە شۇنداق كەڭرى پۇرسەتلەرنى بەرگەن ئىكەن، ھامان ئۆزىمىزنى رىمۇنتلىۋالىدىغان، تەرتىپكە سېلىۋالىدىغان پۇرسەتلەرنى روزا ۋە نامازدەك ئىبادەتلەر ئارقىلىق بەرگەن ئىكەن!

قەلىبتىكى كىرلەر يۇيۇلغاندا، اللە غا روھى جەھەتتىن تەسلىم بولغاندا، اللە دىن قورققاندا، اللەنىڭ مەرھەمىتىگە ئېرىشكەندە، اللە دىن باشقا يۆلەنچۈكىمىز ۋە ياردەمچىمىز يوقلىقىنى ھېس قىلغاندا... ئىختىيارسىز ياش چىقىپ كىتىدۇ كۆزلەردىن...

«ئى قەلىبلەرنى ئۆزگەرتىپ تۇرغۇچى اللە، قەلبىمنى ساڭا ئىتائەت قىلىشقا ئۆزگەرتكىن!» دەپ دۇئا قىلىشىمىز كىرەك شۇڭا ھەر زامان، ئەمەل ئىبادەتلەر بىلەن بىرگە...

https://t.me/dawatlar99

ۋادېرىخا! ھالىمىز، قىيامەتتە بام-باشقا بۇلىدۇ.

ئۆيلەر كېڭىيىۋاتىدۇ، بىراق ئۆيدە ياشايدىغان كىشىلەر ئازلاۋاتىدۇ.

مېدىتسىنا كۈندىن كۈنگە تەرەققىي قىلىۋاتىدۇ، بىراق كېسەللەر شىددەت بىلەن ئېشىۋاتىدۇ.

يۇقىرى ئۆرلەپ ئاي شارىغا يەتتۇق،بىراق تام قوشنىمىزدىن خەۋىرىمىز بولمايۋاتىدۇ.

مال-دۇنيا كۆپىيىۋاتىدۇ،بىراق يۈرەكتە ھۇزۇر،كۆڭۈلدە ئارام قالمايۋاتىدۇ.

ئادەملەر بىردەكلىشىۋاتىدۇ، بىراق مېھرىبانلىق، كۆيۈمچانلىق ئۆلۈۋاتىدۇ.

ئالاقىلىشىش ۋاسىتىلىرى توپ ۋە ئايرىم شەكىلدە بىر-بىرى بىلەن باغلىنىدۇ،
ئەمما كۈنلەپ، ئايلاپ كۆڭۈللەر بىر-بىرىنى سېغىنمايدۇ، ئالاقە قىلىشمايدۇ.

بىلىملىكلەر ئاۋۇۋاتىدۇ، ئۇنۋانلىقلار كۆپىيىۋاتىدۇ، بىراق دانالار، يېتەكچىلەر چىقمايۋاتىدۇ.

سۈنئىي دوستلار كۆپىيىۋاتىدۇ، بىراق ھەقىقىي دوستلار قالمايۋاتىدۇ.

سائەتلەرنىڭ تۈرلىرى ھەيران قالدۇرىدۇ، بىراق ۋاقىتنىڭ قىسلىقى جاننى سىقىۋاتىدۇ.

ئىنسانلارنىڭ نوپۇسى ئېشىۋاتىدۇ،بىراق ئىنسانىيلىق، ئادىمىيلىك تۈگەۋاتىدۇ.

بوۋاقلار كۆپلەپ تۇغۇلۇۋاتىدۇ، بىراق ھەق يولىدىن ماڭمايۋاتىدۇ.

ھەممە يەردە ئىنسان ھەقلىرى، ھايۋان ھەقلىرى دەپ ئۇلۇغ داۋا قىلىنىۋاتىدۇ،
بىراق داۋاچىلار ھەممە ھەقلەرنى دەپسەندە قىلىۋاتىدۇ.

جىھاد چاقىرىقلىرى تېرورلۇققا، رادىكاللىققا، ۋەھشىيلىككە تەبىر قىلىنىۋاتىدۇ،
ئەمما جىھادنى تاشلىغان مۇسۇلمانلار ئۆيلىرىدە، يۇرتلىرىدا، كوچىلاردا قەتلى قىلىنىۋاتىدۇ.

مەسچىتلەر بوش، كوچا-رەستىلەرگە ئادەم سىغمايۋاتىدۇ.

ئاياللاردا ياسانچۇقلۇق ئېشىپ شەرمى-ھايا تۈگەۋاتىدۇ.
يىگىتلەردە ۋىجدان ئۆلۈپ، ۋاپا يوقىلىۋاتىدۇ.

زىنا-پاھىشە ئاسانلىشىۋاتىدۇ، رەكلاملىرى ھەممە يەرنى قاپلاۋاتىدۇ، ئەمما ھالال يول بىلەن توي قىلىش قىيىنلىشىۋاتىدۇ، چىقىم ۋە سېلىقلىرى ئېغىرلىشىۋاتىدۇ.

ياخشىلارغا جاھان دار، بۇزۇقلارغا ھەممە يار بولۇۋاتىدۇ.

ئىلىمنىڭ سەركىسى دىننىڭ ئىلمى تەرك ئېتىلىۋاتىدۇ، سەل قارىلىۋاتىدۇ، ئەمما
قورساقنىڭ ئىلمى - دۇنيانىڭ ئىلمى يىللاپ ئۆمۈرنى ئېلىۋاتىدۇ.

ئەۋلادلار پۈتۈن ئىلىملارنى ئوقۇۋاتىدۇ، مەكتەپلەرگە يۈگۈرۋاتىدۇ،
ئەمما ئوقۇش پەرز ھاياتىدا زۆرۈر بولغان تەۋھىد ئىلمىدىن خەۋەرسىز قىلىۋاتىدۇ.

ۋەز-نەسىھەتلەر، تەبلىغ-دەۋەتلەر ھەر يەردە قىلىنىۋاتىدۇ،
ئەمما ئەمەلگە، ئىش-ھەرىكەتكە، رېئاللىققا ئەكس ئەتمەيۋاتىدۇ.

زالىملار، قانخورلار، مۇستەبىتلەر ياشاۋاتىدۇ، دەۋران سۈرۈۋاتىدۇ،
مەزلۇملار، گۇناھسىزلار، ئاجىزلار ئۆلتۈرۈلۈۋاتىدۇ، قان-قىساسى ھېسابسىز قېلىۋاتىدۇ.

ھەق باتىلدەك، ھەقلىق گۇناھكاردەك، يالغان راستتەك، ئىشەنچ مىكىردەك نامايان بولۇۋاتىدۇ.

ھەر يەردە قان ئېقىۋاتىدۇ، يىغا-زار، نالە-پەرياد جاھاننى قاپلاۋاتىدۇ.
ئەمما ھەر كىشى ئۆز ئىشى، دۇنيا غېمى بىلەن بولۇۋاتىدۇ.

قۇرئان-سۈننەت رەھبىرىمىز، يول باشچىمىز دېيىلىۋاتىدۇ،
ئەمما ئۇنى ئوقۇش، چۈشىنىش، ئەگىشىش قۇرۇق گەپكە ئايلىنىۋاتىدۇ.

كۈندىن كۈنگە قىيامەت كېلىۋاتىدۇ، ئالامەتلىرى بولۇۋاتىدۇ، ئىنسانلار تۇيۇقسىز ئۆلۈۋاتىدۇ،
بىراق ئۇلار بۇنى ھېس قىلالمايۋاتىدۇ، يۈرەكتىن تۇيمايۋاتىدۇ.

ھېساب، سوئال-سوراق، تارازا-مىزان ھەر تىلدا سۆزلىنىۋاتىدۇ.
قۇرئان ئوقۇشقا ۋاقىت يەتمەيۋاتىدۇ، كىنوغا سائەتلەر سەرپ بولۇۋاتىدۇ.

ھالالدىن پۇل تاپماق قىيىنلىشىۋاتىدۇ، ئەمما ھارامدىن ياشىماق ئاسانلىشىۋاتىدۇ.

كائىنات-مەخلۇقات ھەمدە پۈتۈن مەۋجۇدات ئاللاھنىڭ،
ئەمما كاپىرلار ھۆكۈم ۋە دەۋران سۈرۈۋاتىدۇ.

ھەر يەردە ئىسلام ۋە مۇسۇلمانلىق ئىددىئالىرى داۋا قىلىنىدۇ،
ئەمما مۇسۇلمانلارنى كاپىر-تاغۇتلار ئۆز ھۆكمى بىلەن باشقۇرۇۋاتىدۇ.

گەپ مەيدانىدا ئات چاپتۇرغانلار، سەھنە بېشى بولغانلار،
ئەمەل-ھەرىكەت ۋە ئەرلىك مەيدانىدا كەم بولۇۋاتىدۇ.

تۈرلۈك ئىلىملەردە ئەۋلادلار ئوقۇۋاتىدۇ،مەكتەپلەرگە بېرىۋاتىدۇ
ئەمما قۇرئان-سۈننەت ئىلمىدە پۈتۈنلەي جاھىل قىلىۋاتىدۇ.

قىيامەت كەلگەندە ۋادېرىخا! ۋادېرىخاھالىمىز بام-باشقا بولىدۇ.

نىدا دەۋەت مەركىزى


https://t.me/dawatlar99

ۋىسال ئىزدەپ سەپەر قىلدىم، مۇھاممەت رەھنىمايىمدۇر،
ئۇلۇغ قۇرئان كۈندۈز قۇياشىم، كىچەلەر كۆكتە ئايىمدۇر.
ئاللاھ يىگانىدۇر شەكسىز، مۇھامممەت ئەلچىسى بەرھەق،
دىگەن ئۇشبۇ گۈزەل سۈزلەر مىنىڭ ئالى شۇئارىمدۇر.
سۆيەرمەن ھەق ئادالەتنى ،سۆكۈپ كۇپرى جاھالەتنى،
ئۇنى ئۈلچەشكە ھەر دائىم قۇرئان، ھەدىس مىزانىمدۇر.
ماڭارغا يوللىرىم مۈشكۈل ۋە لىكىن مەنزىلىم پارلاق،
يېڭىپ مۈشكۈلنى مەنزىلگە يېتىش ۋىجدان قارارىمدۇر.
تەبەسسۇم ئەيلىسە رەببىم، ئازاد ھۆر ياشىسا خەلقىم،
پەقەت دىلخەست شۇ ئارمان بۈيۈك ئارزۇ مۇرادىمدۇر.

«ئالىمجان ئابلەت 1992>>


https://t.me/dawatlar99

غەيۋەت: بىرسىنىڭ يوق يىرىدە يامان گىپىنى قىلىش.
"شىكايەت باشقا"

نەمىيمەھ: كىشىلەرنىڭ ئارىسىنى بۇزۇش ئۆچۈن سۆز توشۇش.

بوھتان: يولسىزلىق بىلەن بىرسى قىلمىغان ۋە ئىچىدە بولمىغان ئىشنى ئۇنىڭغا دۆڭگەش.

تۆھمەت : يالغاننى توقۇش.

بۇلارنىڭ ھەممىسى ئاللاھ چەكلىگەن كەبىيرە "چوڭ" گۇناھلاردۇر ۋە جازاسى قاتتىقتۇر !
ھەقىقىي مۇسۇلمانلىق ئەخلاقىنى ساقلاپ قىلىش ۋە ئاللاھنىڭ رەھمىتىگە ئىرىشىش ئۆچۈن بۇ گۇناھلاردىن تۈبە قىلىشقا ۋە يىقىنلىرىڭىزنى بۇنىڭدىن ئاگاھلاندۇرۇشقا ئالدىراڭ.


https://t.me/dawatlar99

https://t.me/dawatlar99

#ۋەتەندىكىلەرنىڭ بۇ سوئالىغا نېمە دەپ جاۋاپ بېرىمىز؟

ئوڭ قولىڭىز بىلەن #يۈرىكىڭىزنى تۇتۇپ تۇرۇپ ئاڭلاپ بېقىڭ!



https://t.me/dawatlar99

https://t.me/dawatlar99

نەشدە ...قورقمايمىز

جەننەتكە ئېرىشىشكە سەۋەپ بۇلىدىغان ئالتە خىسلەت




https://t.me/dawatlar99

*«مەن بىلەن ھەۋزى-كەۋسەردە كۆرۈشكۈچە سەۋر قىلىڭلار!»*

ھەقىقەتەن بۇ سۆز، ئىنسانىيەت تارىخىدىكى ئەڭ تەسىرلىك ۋە كۈچلۈك تەسەللى سۆزىدۇر.

ھاياتىڭىز قىيىنچىلىقلارغا تولغاندا، ئەتراپىڭىزدىكىلەر ھارام پارىخورلۇققا بېرىلگەندە، پەيغەر ﷺ نىڭ مۇبارەك كۆزلىرى بىلەن سىزگە تىكىلىپ تۇرۇپ: «ھەۋزى-كەۋسەردە مەن بىلەن كۆرۈشكۈچە سەۋر قىلغىن» دېگەن مېھرىبان سۆزىنى تەسەۋۋۇر قىلىڭ.

تېنىڭىزنى كېسەللىك قاپلىغاندا، كۈچ-قۇۋۋىتىڭىز ۋە سەۋر تاقىتىڭىز تۈگىگەندە، پەيغەمبەر ﷺ نىڭ رەھمەت نۇرى چاقناپ تۇرغان چېھرى بىلەن: «ھەۋزى-كەۋسەردە مەن بىلەن كۆرۈشكۈچە سەۋر قىلغىن» دەۋاتقانلىقىنى ھېس قىلىڭ.

ئەتراپىڭىزدىكى ئايال-قىزلار گۈزەللىكىنى نامايەن قىلىش ئۈچۈن ياكى كېلەچەك بەختىم -توي قىلىش- شۇنىڭغا قاراشلىق دىگەن خاتا كۆز قاراش بىلەن ھىجابىنى تاشلىغاندا، ئىمانىڭىزنى مۇستەھكەم تۇتۇڭ. ۋە پەيغەمبەر ﷺ: «ھەۋزى-كەۋسەردە مەن بىلەن كۆرۈشكۈچە سەۋر قىلغىن» دېگەن ۋەدىسىنى قەلبىڭىزگە نەقىش قىلىڭ.

يېقىنلىرىڭىز، دوست- بۇرادەرلىرىڭىز زۇلۇم قىلغاندا، ياخشى كۆرىدىغان كىشىلىرىڭىز تاشلاپ كەتكەندە، سىز توغۇرلۇق بوھتان-تۆھمەتلەر ۋە تۈرلۈك سۆز-چۆچەكلەر تارقالغاندا، پەيغەمبەر ﷺ: «ھەۋزى-كەۋسەردە مەن بىلەن كۆرۈشكۈچە سەۋر قىلغىن» دەپ تەسەللى بېرىۋاتقانلىقىنى ھېس قىلىڭ.

گۇناھلار نەپسىڭىزگە چىرايلىق كۆرۈنگەندە، دۇنيانىڭ جىلۋىلىرى سىزنى دىنىڭىزدىن ئايرىماقچى بولغاندا،
بۇ ھاياتنىڭ ئۆتكۈنچى بىر سايە، بۇ دۇنيانىڭ مۇساپىرلار كارۋىنى ئۈچۈن قىسقا بىر توختالغۇ ئىكەنلىكىنى ئۇنتۇپ قالماڭ.

پۈتكۈل ھايات سەپىرىڭلاردا شۇ مۇقەددەس سۆز قەلبىڭلارغا كۈچ-قۇۋۋەت بەخش ئەتسۇن:
«ھەۋزى-كەۋسەردە مەن بىلەن كۆرۈشكۈچە سەۋر قىلىڭلار.»​​​​​​​​​​​​​​​​

(رسائل من النبي ﷺ)

تەرجىمىدە: ئەبۇ زۈبەيىر تەجدىدى


https://t.me/dawatlar99

https://t.me/dawatlar99
گۈزەل نەشىد

ئاللاھ بىزگە دۇئا قىلىشنى تەلىم بېرىپ مۇنداق دەيدۇ : (ئاللاھنىڭ گۈزەل ئىسىملىرى بار ، سىلەر شۇ ئىسىملار بىلەن دۇئا قىلىڭلار) !
پەيغەمبەر ئەلەيھىسسالاتۇ ۋەسسالام مۇنداق دېگەن : ئاللاھنىڭ 99 ئىسمى بار ، كىمىكى ئۇ ئىسىملارنى ( مەنىسى ) بىلەن ) يادېلىسا جەننەتكە كىرىدۇ .

بىز ئاللاھنىڭ 99 ئىسىم - سۈپەتلىرىنى ئۆگىنەيلى ۋە ئەۋلادلىرىمىزغا ئۆگىتەيلى ! دۇئا قىلغاندا ئاللاھنىڭ گۈزەل ئىسىملىرىنى تىلغا ئېلىپ دۇئا قىلايلى !



https://t.me/dawatlar99

خوتۇن-بالا دۈشمەنلىكى.

ئىنسانغا ئەڭ يېقىن ۋە سۈيۈملۈك كىشى ئۇنىڭ جۇپتى ۋە باللىرىدۇر. ئاتا-ئانا باللىرىنى ياخشى كۆرىدۇ ۋە ئۆزىگە ئەڭ يېقىن دەپ قارايدۇ. ئەر-خوتۇنمۇ بىر-بىرىنى ئۆزىگە شۇنداق قارايدۇ. ئەمما مۇشۇ ئەڭ يېقىن دەپ قارىغان كىشىلەر بەزى ۋاقىتلاردا بىر-بىرىگە دۈشمەن بولۇپ قېلىشى مۇمكىن.

ئەمەلىيەتتىمۇ قارايدىغان بولساق، بەزى پاسىق ئاياللار خۇددى لۇت ئەلەيھىسسالامنىڭ ئايالىدەك دۈشمەن بىلەن سەپ تۇتۇپ ئەرلىرىگە خىيانەت قىلىدىغان، مال-مۈلكىنى ئالداپ ئېلىۋالىدىغان، ئائىلە سىرلىرىنى پاش قىلىدىغان، بەزەن ئەرلىرىنى ئۆلتۈرۈۋېتىدىغان، ياكى ئەر-خوتۇنچىلىققا خىيانەت قىلىپ باشقا ئەرلەر بىلەن مۇناسىۋەت قىلىدىغان ئەھۋاللار مەۋجۇت. يەنە بەزى ئەۋلادلار ئاتا-ئانىسىنى قاقشىتىدىغان، ئۇلارغا قول ياندۇرىدىغان، زەررىچە كۆڭۈل بۆلمەيدىغان، جەھەننەمنىڭ كۈنىنى ياشىتىدىغان ئەۋلادلار بار.

دېمەك، يېقىن كىشىلەرنىڭ ھەممىسى مەنپەئەتلىك بولىشى ناتايىن. شۇڭلاشقا ئۇلارنى دەپ ئاللاھقا ئاسىيلىق قىلىش، ئۇلارنىڭ ئىشلىرى بىلەن بولۇپ قۇرئان-سۈننەتنىڭ يولىدىن يىراقلىشىش، ئۇلارنىڭ رازىلىقى ئۈچۈن ئىسلامنىڭ ھۆكۈملىرىنى قويۇپ قويۇش قاتارلىق ئىشلاردىن ئاگاھلاندۇرۇپ ئاللاھ مۇنداق دەيدۇ:

«يَـٰٓأَيُّهَا ٱلَّذِينَ ءَامَنُوٓا۟ إِنَّ مِنْ أَزْوَٰجِكُمْ وَأَوْلَـٰدِكُمْ عَدُوًّا لَّكُمْ فَٱحْذَرُوهُمْ»
«ئى مۆمىنلەر! سىلەرنىڭ ئاياللىرىڭلاردىن، بالىلىرىڭلاردىن سىلەرگە دۈشمەن بولىدىغانلىرىمۇ بار، ئۇلاردىن ئېھتىيات قىلىڭلار!»

ئابدۇللاھ ئىبنى ئابباس رەزىيەللاھۇ ئەنھۇ بۇ ئايەتنىڭ چۈشۈش سەۋەبىنى بايان قىلىپ مۇنداق دېگەن: «بۇ ئايەت مەككىدە تۇرۇپ قالغان بىر تۈركۈم مۇسۇلمانلار ھەققىدە نازىل بولغان. ئۇلار ئاللاھ يولىدا مەدىنىگە ھىجرەت قىلىشنى ئىرادە قىلغاندا، ئايال-بالىلىرى ئۇلارغا: 'سىز بىزنى بۇ يەرگە يالغۇز تاشلاپ قويۇپ كېتەمسىز' دەپ تۇرۇۋالغاچقا، ئۇلار ھىجرەت قىلىشتىن ۋاز كەچكەن ئىدى.»

ئاتا ئىبنى يەسار مۇنداق دەيدۇ: «بۇ ئايەت ئەۋف ئىبنى مالىك ئەلئەشجەئى رەزىيەللاھۇ ئەنھۇ ھەققىدە نازىل بولغان. ئۇ كىشىنىڭ خوتۇن-بالىلىرى كۆپ بولۇپ، قاچانكى جىھادقا چىقماقچى بولسا خوتۇن-بالىلىرى: 'بىزنى قويۇپ قويامسىز؟ بىز سىزدىن ئايرىلىشقا چىدىمايمىز' دەپ يىغلاپ ئىچىنى ئاغرىتاتتى-دە، ئۇ كىشى بالىلىرىغا چىدىماي جىھادتىن قالاتتى.»

مۇجاھىد ئايەتتىكى «دۈشمەن» دېگەن دۈشمەنلىكنى تەپسىرلەپ مۇنداق دەيدۇ: «بەزى ئاياللار ئەرلەرنى ئۆز قېرىنداشلىرى ياكى ئاتا-ئانىلىرىغا ئۆچ قىلىدۇ، نەتىجىدە ئۇ كىشى ئۇلارغا بولغان سىلە-رەھىمنى ئۈزىدۇ. ياكى بەزى ئاتا-ئانىلار باللىرىنىڭ بۇزۇق ئىشلار بىلەن شۇغۇللانغانلىقىنى بىلىدۇ. ئەمما ئۇلارنى قاتتىق ياخشى كۆرگەنلىكتىن ئۇلارنىڭ رازىلىقىنى كۆزلەپ توسمايدۇ، نەتىجىدە خاتاغا كۆز يۇمۇش جىنايىتى شەكىللىنىدۇ، شۇنىڭ بىلەن ئاللاھنىڭ ئازابىغا دۇچار بولىدۇ.»

ئەبۇ بەكىر ئىبنى ئەلئەرەبى: «بۇ يەردىكى دۈشمەنلىك ئۇلارنىڭ ۋۇجۇدىدىكى دۈشمەنلىك ئەمەس، بەلكى ئىش-ھەرىكەتلىرىدىكى دۈشمەنلىكتۇر. چۈنكى ئىنساننى ئاللاھقا ئىتائەت قىلىشتىن توسۇشتىن چوڭراق دۈشمەنلىك يوقتۇر» دەيدۇ. دېمەك، كىشىلەرنىڭ بىر-بىرىنى قانداق سەۋەب بىلەن بولسۇن ئاللاھنىڭ ھۆكمىگە ئەمەل قىلىشتىن توسىشى ماھىيەتتە ئۇ كىشىگە دۈشمەنلىك قىلغانلىق ھېسابلىنىدۇ.

نىدا دەۋەر مەركىزى.

https://t.me/dawatlar99

پەيغەمبەر سەللەللاھۇ ئەلەيھى ۋەسەللەم مۇنداق دەيدۇ
ئەي ..! تىلى بىلەنلا ئىماننى دەۋا قىلغان ، قەلبىگە ئىمان كىرمىگەنلەر ...! مۇسۇلمانلارنىڭ غەيۋىتىنى قىلماڭلار ، ئۇلارنىڭ ئەيىپ نوقسانلىرىنى كوچىلاپ يۈرمەڭلار ، كىمكى مۇسۇلمانلارنىڭ ئەيىپ نوقسانلىرىنى كوچىلاپ يۈرىدىكەن ئاللاھ ئۇلارنىڭ ئەيپىنى ئېچىۋىتىدۇ، ئاللاھ ئەيپىنى ئېچىۋەتكەن كىشى، ئۆيىنىڭ ئىچىگە ( مۈكىۋالسىمۇ) رەسۋا بولۇپ كىتىدۇ.
رواه أبو داود وصححه الألباني 4880


https://t.me/dawatlar99

شۇنداقلا دۇنيادىكى ھاياتىمىزنى قانداق ئۆتكۈزۈشىمىز كېرەكلىكى ھەققىدە مۇھىم ساۋاقلارنى بېرىدۇ.ھەمدە قىيامەت كۈنى پۇشايمان قىلىدىغان كىشىلەردىن بولۇپ قالماسلىق ئۈچۈن ئۇلۇغ دىنىمىزنى ئۆگىنىش، چۈشىنىش، تۇلۇق بىلىشكە ئەھمىيەت بېرىش لازىملىقىنى كۆرسىتىدۇ. ئاللاھ ھەر بىر مۇسۇلماننى بۇ تۈردىكى كىشىلەردىن بولىشتىن ساقلىسسۇن!!!

نىدا دەۋەت مەركىزى

https://t.me/dawatlar99

قىيامەت كۈنى قاتتىق پۇشايمان قىلىدىغان 12تۈرلۈك كىشىلەر

1. كاپىرلار ۋە مۇناپىقلار:
دەلىل: ئاللاھ تائالا قۇرئان كەرىمدە مۇنداق دەيدۇ:
«ئۇ كۈندە زالىملار (پۇشايمان قىلىپ) قوللىرىنى چىشلەيدۇ. ئۇ: 'كاشكى مەن پەيغەمبەر بىلەن بىر يولنى تاللىغان بولسامچۇ!' دەيدۇ.» (فۇرقان سۈرىسى، 27-ئايەت)

2. ئىلىم ئېلىپ ئۇنىڭغا ئەمەل قىلمىغانلار:
دەلىل: پەيغەمبەر ئەلەيھىسسالام مۇنداق دېگەن:
«قىيامەت كۈنى ئەڭ قاتتىق ئازابلىنىدىغان كىشى، ئاللاھ ئۇنىڭغا ئىلىم بەرگەن، لېكىن ئۇ ئۇنىڭدىن پايدىلانمىغان كىشىدۇر.» (تەبەرانى رىۋايەت قىلغان)

3. رىيا قىلغۇچىلار (كۆز-كۆز قىلىش ئۈچۈن ئەمەل قىلغانلار):
دەلىل: پەيغەمبەر ئەلەيھىسسالام مۇنداق دېگەن:
«قىيامەت كۈنى ئەڭ ئاۋۋال ھۆكۈم چىقىرىلىدىغان ئۈچ تۈرلۈك كىشى بار... (ئۇلارنىڭ بىرى) ئىلىم ئۆگەنگەن ۋە باشقىلارغا ئۆگەتكەن، قۇرئان ئوقۇغان كىشى... ئاللاھ ئۇنىڭغا: 'سەن بۇلارنى نېمە ئۈچۈن قىلدىڭ؟' دەپ سورايدۇ. ئۇ: 'سېنىڭ رازىلىقىڭ ئۈچۈن ئىلىم ئۆگەندىم ۋە ئۆگەتتىم، قۇرئان ئوقۇدۇم' دەيدۇ. ئاللاھ: 'يالغان ئېيتتىڭ، سەن كىشىلەر سېنى ئالىم دېسۇن دەپ ئىلىم ئۆگەندىڭ، قارى دېسۇن دەپ قۇرئان ئوقۇدۇڭ، شۇنداق دېيىلدى' دەيدۇ...» (مۇسلىم رىۋايەت قىلغان)

4. تەۋبە قىلماي ئۆلگەنلەر:
دەلىل: ئاللاھ تائالا قۇرئان كەرىمدە مۇنداق دەيدۇ:
«ئۇلارنىڭ بىرىگە ئۆلۈم كەلگەن چاغدا: 'پەرۋەردىگارىم! مېنى (دۇنياغا) قايتۇرغىن. مەن تاشلاپ كەلگەن دۇنيادا ياخشى ئەمەللەرنى قىلىشىم مۇمكىن' دەيدۇ. ھەرگىز ئۇنداق ئەمەس.» (مۆئمىنۇن سۈرىسى، 99-100 ئايەتلەر)

5. دوزاخقا كىرگەنلەر:
دەلىل: ئاللاھ تائالا قۇرئان كەرىمدە مۇنداق دەيدۇ:
«دوزاختىكىلەر جەننەتتىكىلەرگە: 'بىزگە ئازراق سۇ ياكى ئاللاھ سىلەرگە رىزىق قىلىپ بەرگەن نەرسىلەردىن ئازراق بېرىڭلار' دەپ نىدا قىلىدۇ.» (ئەئراف سۈرىسى، 50-ئايەت) بۇ ئايەت دوزىخىلەرنىڭ قاتتىق پۇشايمەن ئىچىدە جەننەت ئەھلىگە يالۋۇرىدىغانلىقىنى كۆرسىتىدۇ.

6. ۋاقىتنى زايە قىلغانلار:
دەلىل: پەيغەمبەر ئەلەيھىسسالام مۇنداق دېگەن:«قىيامەت كۈنى ئادەم بالىسى تۆت نەرسە ھەققىدە سوراققا تارتىلمىغۇچە قەدىمى مىدىرلىمايدۇ. ئۆمرىنى نېمىگە سەرپ قىلغانلىقى، ياشلىقىنى قانداق ئۆتكۈزگەنلىكى، مېلىنى قەيەردىن تاپقانلىقى ۋە قەيەرگە سەرپ قىلغانلىقى، ئىلمى بىلەن قانداق ئەمەل قىلغانلىقى.» (تىرمىزى رىۋايەت قىلغان)

7.نامازنى تەرك ئەتكەنلەر:
دەلىل: ئاللاھ تائالا قۇرئان كەرىمدە مۇنداق دەيدۇ: "ئۇلاردىن كېيىن نامازنى زايە قىلىدىغان، نەپسى خاھىشلىرىغا ئەگىشىدىغان بىر ئەۋلاد كەلدى. ئۇلار گۇمراھلىقنىڭ جازاسىنى تارتىدۇ." (مەريەم سۈرىسى، 59-ئايەت)

8. ئاتا-ئانىسىغا ياخشىلىق قىلمىغانلار:
دەلىل: پەيغەمبەر ئەلەيھىسسالام مۇنداق دېگەن:«ئاتا-ئانىسى ياكى ئۇلاردىن بىرى قېرىغان چاغدا ئۇلارغا ياخشىلىق قىلىپ جەننەتكە كىرەلمىگەن كىشىنىڭ بۇرنى تۇپراققا سۈركەلسۇن (يەنى خار بولسۇن)!» (مۇسلىم رىۋايەت قىلغان)
بۇ ھەدىس ئاتا-ئانىغا ياخشىلىق قىلىشنىڭ جەننەتكە كىرىشنىڭ سەۋەبلىرىدىن بىرى ئىكەنلىكىنى كۆرسىتىدۇ.

9. زۇلۇم قىلغانلار:
دەلىل: پەيغەمبەر ئەلەيھىسسالام مۇنداق دېگەن:«كىمدە-كىم ئۆز قېرىندىشىغا زۇلۇم قىلغان بولسا ياكى ئۇنىڭ ھەققىنى دەپسەندە قىلغان بولسا، قىيامەت كۈنى كېلىشتىن بۇرۇن ئۇنىڭدىن ھالاللىق تىلىسۇن. چۈنكى ئۇ كۈندە دىنار ۋە دىرھەم بولمايدۇ. ئەگەر ئۇنىڭ ياخشى ئەمەللىرى بولسا، زۇلۇم قىلغان مىقداردا ئېلىنىدۇ. ئەگەر ياخشى ئەمەللىرى بولمىسا، زۇلۇمغا ئۇچرىغۇچىنىڭ گۇناھلىرىدىن ئېلىنىپ ئۇنىڭغا يۈكلىنىدۇ.» (بۇخارى رىۋايەت قىلغان)

10. گۇناھ-مەسىيەتكە چۆمۈپ كەتكەنلەر:
دەلىل: ئاللاھ تائالا قۇرئان كەرىمدە مۇنداق دەيدۇ:«ئۇ كۈندە ئىنسان قىلمىشلىرىدىن خەۋەردار قىلىنىدۇ. ئىنسان ئۆزىگە ئۆزى گۇۋاھتۇر. گەرچە ئۇ ئۆزرە-باھانە كۆرسەتسىمۇ (ئۇنىڭ ئۆزرىسى قوبۇل قىلىنمايدۇ).» (قىيامەت سۈرىسى، 13-15 ئايەتلەر)

11. مال-دۇنياغا بېرىلىپ كەتكەنلەر:
دەلىل: ئاللاھ تائالا قۇرئان كەرىمدە مۇنداق دەيدۇ:«سىلەرنى كۆپ مال-دۇنيا توپلاش قىزىقتۇرۇپ كەتتى. ھەتتا سىلەر قەبرىلەرنى زىيارەت قىلدىڭلار (يەنى ئۆلدۈڭلار).» (تەكاسۇر سۈرىسى، 1-2 ئايەتلەر)

12. تىلىنى تىزگىنلىمىگەنلەر:
دەلىل: پەيغەمبەر ئەلەيھىسسالام مۇنداق دېگەن:«كىشىنى دوزاخقا يۈزى بىلەن سۆرەپ كىرگۈزىدىغان نەرسە ئاساسەن تىلىنىڭ ئورۇنسىز سۆزلىرىدۇر.» (تىرمىزى رىۋايەت قىلغان)

بۇ دەلىللەر ۋە مىساللار بىزگە قىيامەت كۈنىدە پۇشايمان قىلىدىغان كىشىلەرنىڭ خىللىرىنى ۋە ئۇلارنىڭ قىلمىشلىرىنى تەپسىلىي كۆرسىتىپ بېرىدۇ.