Community FM in VN🎓

بسم الله الرحمن الرحيم

بكرة بإذن بداية آخر فاينال في مسيرتكم الدراسية 🥳🥳🥳

نسال الله العظيم رب العرش العظيم أن يكتب لكم الخير وأن يوفقكم في كل الامتحانات ❤️❤️

🔻 مبدأيا كدا لازم تناموا ع الأقل ساعتين عشان تروحوا فايقين و ميقعش منكم أسئلة بسبب قلة النوم

🔻 هتحاول توصل قبل الامتحان بنص ساعة ع الأقل [متضمنش المواصلات عاملة ازاي] و مش عايزينك توصل متأخر ف تتوتر

🔻 متنسوش اذكاركم

❓❓أول ما يقف قدامك سؤال هتعمل ايه ؟
هتهدى خالصص خالصصصص و تاخد نفس عميق كدا وتطلعه بالراحة و تقول
[اللهم يا جامع الناس إلى يوم القيامة اجمع عليّ ضالتي]
[لا إله إلا أنت سبحانك إني كنت من الظالمين]
[وما رميت إذ رميت ولكن الله رمى 🔻]

وافتكر دائما إنك مش بتحل بمجهودك ؛ انت بتحل بتوفيق ربنا سبحانه وتعالى

🔻 أول ما هتخلص امتحان هتعمل ايه ؟
هتفتح تليفونك وهتتطمن الست الوالدة (هتلاقيها هي بنفسها بتتصل وقت معاد انتهاء الامتحان 🥹😂😂)

وبعدين طيارة ع البيت عشان ترتاح و تبدأ مذاكرة للامتحان اللي بعده

و اللي بيتوتر ميراجعششششش بعد الامتحان ⚠️⚠️⚠️⚠️⚠️⚠️

ربنا يوفقكم بكرة يا شباب وتخرجوا مبسوطين من الامتحان ❤️❤️❤️

"ربّ اشرح لى صدري، ويسّر لى أمري، واحلل عقدة من لسانى يفقه قولي، باسم الله الفتاح، اللهم لا سهل إلا ما جعلته سهلا، فإنك إن شئت تجعل الصعب سهلا يا أرحم الراحمين"

"اللهمّ إنّي أسألك الصلاح والتوفيق، والصواب عند الجواب، وبلّغني أعلى المراتب في الدّنيا والآخرة. - اللهمّ إني أسألك بأسمائك الحسنى، وصفاتك العليا، وأسألك باسمك الأعظم الذي إذا دُعيت به أجبت، أن تُيسّر لي أمري، وتُسهّل لي دربي، وتقضي لي حاجتي"

لو حد مش واخد باله من الفايلات دي 👈👉
https://drive.google.com/drive/folders/1ky-xlGybhGY5HvUYZMEnCWK4RSStqlvs

متجمع فيها الـ Chapters بشكل مبسط ممكن تقرأوها بعد ما تخلصوا مذاكرة

وربنا يوفقكم و تحلوا حلو بإذن الله ❤️❤️

بسم الله الرحمن الرحيم

"اللهم اجعل عملنا خالصاً لوجهك الكريم، واحفظنا من النفاق والرياء، اللهم تقبل منّا، وطهّر قلوبنا من الإثم والمعاصي يا رب العالمين"

دفعة 83 الدفعة الأكثر دعمًا والأقرب لقلوب دفعة 82 ❤️❤️

ها قد وصلنا إلى نهاية الطريق ، اخر راوند في مسيرة الخمس سنوات طب [بس مش آخر حاجة في مسيرة الطب عامة عشان هتفضلوا تذاكروا طول عمركم 😭]

راوند طب الأسرة عامل زي يوم الجمعة كدا هو اللي بيلم العيلة 😂😂
الدفعة كلها هتاخدوا في نفس الوقت

والحقيقة الراوند دا كان محطة انطلاق قنوات فاينال ريفيجن في سنة 5

الراوند عبارة عن 5 مواد
1. Forensic medicine
2. Community
3. Pediatric
4. Internal medicine
5. OBS/GYM

هنا في التشانيل هتلاقوا كل حاجة ممكن تحتاجوها لجزء ال community
✅ شرح المنهج كله في فويسات مش طويلة
✅ نوتس تحت كل ريكورد
✅ نوتس متجمعة في فايلات درايف [تغنيكم عن الكتاب 🫣]
✅ أسئلة تحت كل جزئية لو حابب تختبر نفسك
✅ كويزات مجمعة أسئلة الشابتر كله لو حابب تختبر نفسك بعد ما تخلص كل شابتر

هتلاقوا كل دا في الرسالة المثبتة
https://t.me/Community_FM_VN/3

ولو عندكم اي فيد باك الكومنتات مفتوحة
وممكن تبعتوا هنا كمان
https://surveyheart.com/form/64f24ba72cbd627e58a74c32

بالنسبة لباقي مواد طب الأسرة ف زمايلي ربنا يباركلهم شارحينها بشكل كافي ووافي ومبسط خالص هنا
https://t.me/finalrevision5thyear


واخيرًا لا تنسوا والدي من دعائكم ❤️❤️

ربنا يجعله راوند سهل وخفيف على قلوبكم و يكون مسك الختام ❤️❤️

السلام عليكم يا شباب دا جهاز الدفعة الأصغر مننا [سنة ٥ حاليًا]

للأسف الوضع صعب خالص والأسعار كل يوم بتزيد بشكل هيستيري

والصراحة الدفعة دي أكتر دفعة بتحبنا ووقفوا معانا وكانوا بيشجعونا واحنا مزنوقين والكلية حاطة علينا وجم احتفلوا معانا في آخر يوم امتحانات ف احنا وهما واحد 😂

ف نقدر نعتبره جهاز دفعتنا بردوا ونساعدهم فيه عشان يلحقوا يشتروه قبل ما يغلى أكتر


الجهاز مفيش منه غير واحد بس في وحدة الكلى
وعناية ال PICU بيحتاجوه دائمًا ف ساعات بيستعيروه منهم وساعات مش بيعرفوا لأنه عهدة 🥲

لو حد حابب يتبرع ممكن يبعت على الأرقام اللي مكتوبة في الصورة

او يكلمني أدله على حد من التيم بتاعهم يستلم منه التبرع في الكلية

دا لينك البيدج بتاعتهم
https://www.facebook.com/profile.php?id=61555495645206&sfnsn=scwspwa&mibextid=2JQ9oc

متاح التبرع من خلال الأرقام التالية :
- فودافون كاش
01025705902
- انستا باى
mradwan1021@instapay

ويا ريت لو تعملوا شير للجهاز عندكم [الدال على الخير كفاعله]

خليك جزء من قصتهم وبطل من أبطالها 🤍

وعليكم السلام ورحمة الله وبركاته

ترددت قبل الجواب على السؤال دا هنا الصراحة

ولكن .. كي لا أكون السبب في إن حد يقعد يعاتب نفسه ويأنبه ضميره

فالحقيقة يشهد الله أني لا أذكر إني أحمل في قلبي ضغينة لأحد

وإن كان حصل أي موقف مع أي حد فحقيقي أنا أكتر حد مبياخدش باله وبنسى بسرعة لأن الدنيا مش مستاهلة

فأنا مسامحة كل من تجاوز في حقي

وأسأل الله تعالى أن تسامحوني إن تجاوزت في حق أحد منكم

ألف ألف مبروك يا شباب 🥳🥳
ربنا يفرح قلوبكم دائمًا يارب 🤍🤍🤍

ولمن تعثر في الطريق نقول له 
"وكم تعثرت الخُطى فاكتشفنا بعدها أن في تلك العثرة استقامتنا!
وكم كُسرتْ قلوبنا فاكتشفنا أن جبرها كان في كسرها!
وكم فارقنا أشخاصاً فاكتشفنا أن الخير كان في أن لا نبقى!
وكم خسرنا وظائف فاكتشفنا أن العطاء يسبقه الحرمان!
وكم خُذلنا في مواضع طمأنينتنا فاكتشفنا أنَ الكسر في أول الطريق أيسر منه في آخره!
لولا الجُبّ ما كان يوسف عليه السلام ليجلس على كرسي الملك،
ولولا الدموع على أبواب مكة ما كان الفتح،
ولولا إفلات القافلة ما كانت بدر ولا جاء النصر،
هكذا هي رحمة الله أحياناً تأتي مغلفة بالوجع فإذا ما انكشفَ لنا الحجاب،
عرفنا أن ربَّ الخير لا يأتي إلا بخير!"


رب الخير لا يأتي إلا بالخير ❤️❤️

ربنا يفرحكم جميعًا ويجبر بخاطركم ومن نجاح لنجاح دائمًا يا رب 🤍🤍🤍

اقترحت عليا صديقة أن أُنهي التشانيل برسالة وداع

الصراحة بقف قدام لحظات الوداع دي مببقاش عارفة أتصرف ازاي ولة المفروض أقول ايه وشكلي بيبقى عبيط أوي وكل الناس حواليا متأثرين وأنا مش عارفة المفروض بيعملوا ايه في اللحظات دي 😅

ولكن ....
فخورة إني كنت جزء من الدفعة القوية المثابرة دي حقيقي ... احنا عدينا بتحديات صعبة كتير أوي أوي

اللي كتير من الناس ميعرفهوش إني كان فيه احتمال كبير أدخل أسنان اصلا 😂

ولكن أقدار الله فوق كل شئ الحمدلله وكُتب لي أن أكون جزء منكم

وبالمناسبة ... فكرة إني أسجل الكومينتي جت بالصدفة وأنا طالعة مع صديقة ليا على سلم الأكاديمي للراوند (السلالم كتير فـ بنناقش قضايا مصيرية واحنا طالعين) 😂😂

وبردوا لما أخدت القرار بقيت أقدم رجل وأخر رجل ، وأبص للكتاب كدا وأتخض وأقول لا لا اكيد مش هكملها للآخر

بس سبحان الله .. ربنا سبحانه وتعالى كان بيبارك في الوقت بطريقة مكنتش متخيلاها

فالحمدلله على التمام الحمدلله على الإخلاص في العمل الحمدلله على كل شئ

وَقَالُوا الْحَمْدُ لِلَّهِ الَّذِي هَدَانَا لِهَٰذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ ۖ

مبروك التخرج مقدمًا يا شباب 🥳🥳🥳🥳🥳🥳🥳

ولا نقول وداعًا .... ولكن إلي اللقاء

All chapters were edited ✅✅✅

ربنا يعينكم على المادة دي 😭😭
بالتوفيق

⚠️⚠️⚠️⚠️ شباب أنا عدلت على نوتس الـ chapters بحيث ميكنش ناقصها اي حاجة عن الكتاب
ما عدا شابتر ١ هظبطه بكرة بإذن الله

فـ لو حد حملهم أو بيذاكر من pdf يفتح اللينك أفضل وباذن الله مش هتحتاجوا تفتحوا الكتاب جنب النوتس بعد التعديل
https://drive.google.com/drive/folders/1ky-xlGybhGY5HvUYZMEnCWK4RSStqlvs

أنا عارفة إن المادة تقيلة ورغاية والله بس هانتتتت هانتت معلش نستحمل بعض

"ضاقت فلما استحكمت حلقاتها فرجت.. وكنت أظنها لا تفرج"

#Chapter6_Family_Planning
#Notes

بصمجة جدول Contraceptive failure rates

مشاركة من زميلة لينا جزاها الله خيرًا❤️❤️

IUd : d, 6
Typical use & Perfect use = 0.6

Combined Pills : P, 9
Perfect use : 0.3
Typical use : 9

SperMicides Only : M شبه رقم تمانية
Perfect use : 18
Typical use : 28

diaphragm Spermicides : d, 6
Perfect use : 6
Typical use : 12

cOndOm without spermicides : O O , 2
Perfect use : 2
Typical use : 12

Coitus inteRRuptus - Rhythm : R , fouR
Perfect use : 4
Typical use (Rhythm) : 24
Typical use (Coitus inteRRuptus) : 22

هطلب منكم طلب صغير بس 👈👉

لو فيه أسئلة على الجروب وحد عارف الإجابة ممكن يرد عادي وتبقوا عملتوا فيا معروف

أختكم مزنوقة في باقي المواد وبفتح الجروب كل فترة 😭😂😂

كدا كل شابتر تحته لينك فايل درايف مجمع النوتس اللي تحت الريكوردات

📁 ودا لينك الـ folder شامل ال ٨ فايلات للتسهيل
https://drive.google.com/drive/folders/1ky-xlGybhGY5HvUYZMEnCWK4RSStqlvs

⚠️ تنبيه ١: زي ما قولت وانتوا بتسمعوا يبقى قدامكم الكتاب أفضل وبعدين تقرأ النوتس كمراجعة

⚠️ تنبيه ٢ : متحملوش الفايلات وافتحوها من اللينك عشان لو عملت اي تعديل من عندي يظهر عندكم

⚠️ تنبيه ٣ : متنسوش كوباية الشاي بالنعناع ☕

ربنا يوفقنا جميعًا ونخرج من آخر امتحان واحنا مبسوطين كلنا يارب

بالتوفيق 🤍