ឈួន​ ច័ន្ទធីតា​ - Jessi Yun Public Channel

👩‍🎓 ខ្ញុំនឹងធ្វេីវីដេអូចែករំលែកពីការសិក្សានៅប្រទេសស្វីស​ 🇨🇭 ផ្នែកបដិសណ្ឋារកិច្ចឆាប់ៗ​! បងប្អូនមានសំណួរអ្វីអាចចូលរួមមតិសួរនៅខាងក្រោមនេះ ខ្ញុំនឹងឆ្លេីយតបនៅក្នុងវីដេអូទៅតាមលទ្ធភាពដែលអាចធ្វេីទៅបាន។

សាលាដែលខ្ញុំរៀនគឺ​:​ Swiss Hotel Management School (SHMS) Leysin

📚សៀវភៅជាភាសាខ្មែរ១០ក្បាល​ ដែលលក់ដាច់ជាងគេប្រចាំឆ្នាំ២០២៤​ 🎉​ ៖

១.​ ផ្នត់គំនិត​
២.​ អង់អាច
៣.​ អំណាច
៤.​ ពេលព្រឹកដ៏អស្ចារ្យ
៥.​ ទម្លាប់ ៧ យ៉ាងដ៏មានប្រសិទ្ធភាពសម្រាប់យុវវ័យ
៦.​ អាជីពដែលសក្តិសមនឹងខ្ញុំ
៧.​ រស់ជាខ្លួនឯង
៨.​ ចិត្តវិទ្យាអំពីប្រាក់
៩.​ សិល្បៈឈ្នះខ្ជិល
១០.​ សិល្បៈចងមិត្តបន្ទន់ចិត្តអ្នកដទៃ

(ទិន្នន័យពីហាងសៀវភៅក្លេអូ)

តេីអ្នកអានបានប៉ុន្មានក្បាលដែរក្នុងចំណោមនេះ?

ការពិត​ ១០​យ៉ាង​ អំពីជីវិត៖

១.​ អ្នកមិនអាចស្នេីគេឱ្យមកស្រលាញ់អ្នក

២.​ អ្នកមិនអាចឃាត់គេមិនឱ្យស្អប់អ្នក

៣.​ មនុស្សភាគច្រេីនមិនវាយតតម្លៃអ្នកទៅតាមអ្វីដែលជាខ្លួនអ្នកនោះទេ​ តែទៅតាមអ្វីដែលគេចង់វាយតម្លៃអ្នក

៤.​ មនុស្សខ្លះរីករាយនៅពេលអ្នកបានសុខ​ មនុស្សខ្លះរីករាយនៅពេលអ្នកកេីតទុក្ខ

៥.​ ទំនុកចិត្ត​ ជារឿងដែលពិបាកនឹងបង្កេីត​ តែងាយនឹងបំផ្លាញបំផុត

៦.​ មនុស្សធម្មតាសុទ្ធតែគិតថាខ្លួនជាមនុស្សល្អ​ត្រឹមត្រូវ​ ហេីយព្យាយាមស្វែងរកចំណុចត្រូវរបស់ខ្លួន​ដេីម្បីបញ្ជាក់ប្រាប់អ្នកដទៃ មានតែមនុស្សដែលមិនធម្មតាប៉ុណ្ណោះដែលគិតថាខ្លួនអាចនឹងមានកំហុស​ ហេីយព្យាយាមស្វែងរកកំហុសរបស់ខ្លួនដេីម្បីកែប្រែ។

៧.​ អ្នកដែលអាចធ្វេីឱ្យអ្នកឈឺចាប់បំផុត​ គឺមនុស្សដែលអ្នកទុកចិត្តបំផុត

៨.​ សម្តីសរជាតិ​ មាយាទសរពូជ​ មនុស្សល្អមិនចេះតែនិន្ទាឈ្នានីសអ្នកដទៃនោះឡេីយ​។

៩.​ ចង្កៀងផ្ទះអ្នកណា​ ភ្លឺផ្ទះអ្នកនោះ​ បេីទោះបីជាអ្នកទៅអេីតកចូលមេីលផ្ទះគេក៏ដោយ​ ក៏អ្នកមិនអាចដឹងឮគ្រប់រឿងរ៉ាវរបស់គេនោះដែរ។

១០.​ ពុំមាននរណាម្នាក់អាចបំពេញចិត្តមនុស្សគ្រប់គ្នាបានឡេីយ។

គ្រាដែលអ្នកស្អាតបំផុត​ គឺគ្រាដែលអ្នកពោរពេញដោយក្តីស្រលាញ់
គ្រាដែលអ្នកល្អបំផុត​ គឺគ្រាដែលអ្នកជួយគេ
គ្រាដែលអ្នកមានបំផុត​ គឺគ្រាដែលអ្នកឱ្យ
គ្រាដែលអ្នកសុខសាន្តបំផុត​ គឺគ្រាដែលអ្នកមានចិត្តស្ងប់
គ្រាដែលអ្នកជោគជ័យបំផុត​ គឺគ្រាដែលអ្នកអាចយកឈ្នះលេីខ្លួនឯងបាន
គ្រាដែលអ្នកចេះដឹងបំផុត​ គឺគ្រាដែលអ្នកជួយបង្រៀនអ្នកខ្សត់ខ្សោយជាងអ្នក
គ្រាដែលអ្នកគួរឱ្យគោរពបំផុត​ គឺគ្រាដែលអ្នកចេះគោរពអ្នកដទៃ។

ការសិក្សាផ្នែកបដិសណ្ឋារកិច្ចនៅស្វីស​🇨🇭
https://youtu.be/_D2S2NLa0RE?si=QKs_3-P_mSn59Dpt

ការសិក្សានៅទីនេះពិតជារវល់ណាស់​ រៀនពីព្រឹកទល់យប់​ ថ្ងៃសៅរ៍អាទិត្យត្រូវយកពេលធ្វេីរបាយការណ៍ជាច្រេីនទៀត​។ សង្ឃឹមថាខ្ញុំនឹងអាចឆ្លៀតពេលធ្វេីវីដេអូចែករំលែកដល់អ្នកទាំងអស់គ្នាបានបន្ថែមទៀត។

តែយ៉ាងណា​ ខ្ញុំសន្យាថានឹងខិតខំរៀនសូត្រដេីម្បីមុខមាត់ប្រទេសកម្ពុជានៅក្នុងឆាកអន្តរជាតិ។

#ជីវិតជានិស្សិតបរទេស
#foreignstudentinSwitzerland

ដំណេីរបន្តការសិក្សានៅប្រទេសស្វីស​🇨🇭
https://youtu.be/TRfTnXnuPWI?si=pbduTnYMtP7nmVeO

💰 ក្បួនសន្សំលុយ​ ៧យ៉ាង​ ៖​

១.​ សន្សំពីតិចៗទៅ​ ៖​ ចាប់ផ្តេីមពីតិចៗទៅ​ វាងាយស្រួល​ ហេីយមិនសូវមានអារម្មណ៍ថាខ្វះលុយចាយភ្លាមៗ។

២.​ គិតឱ្យបាន១០ដងសិន​ មុននឹងចំណាយ​ ៖​ របស់ខ្លះ​មិនចាំបាច់ទេ​ វាកេីតឡេីងដោយសារតែចំណង់ប៉ុណ្ណោះ​ ដូច្នេះមុនពេលដែលអ្នកសម្រេចចិត្តចំណាយទៅលេីវា​ ត្រូវសួរខ្លួនឯងម្តងហេីយម្តងទៀតឱ្យច្បាស់​ថាវាចាំបាច់ដែរឬទេ? បេីអត់មានវា​ តេីមានអីប៉ះពាល់ដែរឬទេ? បេីអត់វាក៏បាន​ នោះមិនចាំបាច់ទិញទេ​ ឬលេីកទៅពេលក្រោយក៏បាន។

៣.​ បន្ថែមចំនួនប្រាក់សន្សំ​ ៖​ ប្រាក់សន្សំប្រៀបដូចជាការលេីកទឹកចិត្តមួយ​ អ្នកឃេីញលុយខ្លួនឯងសន្សំបានកាន់តែច្រេីន​ អ្នកកាន់តែមានទឹកចិត្តក្នុងការសន្សំបន្ថែមទៀត។ ដូចនេះព្យាយាមបន្ថែមចំនួននៃប្រាក់សន្សំឱ្យបានច្រេីន​ មិនយូរទេប្រអប់សន្សំលុយរបស់អ្នកនឹងរីកធំធាត់យ៉ាងខ្លាំង។

៤.​ នៅពេលឡេីងប្រាក់ខែ​ ត្រូវដកប្រាក់ខែដែលលេីសនោះមកសន្សំទាំងអស់​ ៖​ បេីអ្នកអាចចាយបានពេលប្រាក់ខែនៅតិច​ នោះពេលប្រាក់ខែឡេីងច្រេីនក៏អ្នកនៅតែអាចចាយដូចកាលនៅតិចបានដែរ។ យកមកសន្សំទៀត​ លុយកេីនទៀត!

៥.​ បេីចង់បានអ្វីមួយលេីសតម្រូវការ​ ចាំសន្សំលុយគ្រប់សឹមទិញ​ ៖​ មិនមែនថារាល់អ្វីដែលមិនចាំបាច់មិនអាចទិញបានជារៀងរហូតនោះទេ​ ព្រោះមនុស្សក៏ត្រូវការកម្សាន្តអារម្មណ៍ខ្លះដែរ​ តែអ្នកអាចដាក់ការសន្សំមួយផ្សេងទៀតសម្រាប់វា។ ចាំសន្សំលុយសម្រាប់ចំណាយលេីវាគ្រប់ហេីយ​ សឹមយកលុយនោះទៅទិញវា​ ហេីយមិនឱ្យប៉ះពាល់ទៅដល់លុយសន្សំផ្សេងទៀតឡេីយ។

៦.​ លេីកទឹកចិត្តខ្លួនឯងពេលសន្សំលុយបានច្រេីន​ ៖​ ចេះសរសេីរខ្លួនឯងនៅពេលដែលខ្លួនធ្វេីបានល្អ​ ហេីយបេីល្អលេីសការរំពឹងទុកទៀត​ ត្រូវមានមោទនភាពលេីការខិតខំប្រឹងប្រែងរបស់ខ្លួន។ ការនេះក៏អាចជួយកសាងទំនុកចិត្តលេីខ្លួនឯងបានបន្ថែមទៀតដែរ។

៧.​ បំពាក់ស្លាកមួយឱ្យខ្លួនឯងថា​ ខ្ញុំជាមនុស្សពូកែសន្សំលុយ​ ៖​ នៅពេលដែលអ្នកជឿថាខ្លួនឯងពូកែសន្សំ​ អ្នកនឹងធ្វេីសកម្មភាពទាំងឡាយណាដែលជំរុញឱ្យខ្លួនអ្នកពូកែសន្សំ​ ដូចជាធ្វេីកិច្ចការណាដែលអ្នកពូកែសន្សំធ្វេី​ ហេីយមិនធ្វេីកិច្ចការណាដែលអ្នកមិនពូកែសន្សំធ្វេី។

ចុងក្រោយអ្នកក៏នឹងក្លាយទៅជាអ្នកដែលពូកែសន្សំលុយយ៉ាងពិតប្រាកដ។

អ្នកដឹងទេថាទង្វេីអ្វីដែលទទួលបានការគាំទ្រច្រេីនជាងគេ?
គឺទង្វេីដែលត្រូវនឹងចិត្តអ្នកមេីល។

អ្នកដឹងទេថាទស្សន:អ្វីដែលទទួលបានការគាំទ្រច្រេីនជាងគេ?
គឺទស្សន:ដែលស្របនឹងគំនិតរបស់អ្នកស្តាប់។

អ្នកដឹងទេថាអ្វីដែលពិបាកទទួលយកជាងគេ?
គឺការពិតដែលខុសពីចិត្តចង់បាន។

ផេកក្លេអូកំពុងមានការបញ្ចុះតម្លៃក្នុងការ​ Live។ បងប្អូនអាចស្វែងរកសៀវភៅជាច្រេីនបានទាំងខ្មែរ​ និងអង់គ្លេស

https://www.facebook.com/share/v/6qpp3GWU58aKFaGR/?mibextid=WC7FNe

តេីស្ថាប័នរបស់អ្នកស្ថិតក្នុងរង្វង់បីនេះដែរឬទេ?
https://youtu.be/Omam7ILWfPM?si=eeLK9_I1UTmgcrc7

គោលគំនិតសត្វកាំប្រមា

ដកស្រង់ពីសៀវភៅ​ ៖​ Good to Great​ (EP9)
និពន្ធដោយ​ ៖​ Jim Collins

លក្ខណ:របស់​មេបញ្ជាការ​ Stockdale

ដកស្រង់ពីសៀវភៅ​ ៖​ Good to Great​ (EP8)
និពន្ធដោយ​ ៖​ Jim Collins

ជីវិតរបស់មនុស្ស​ គឺជាជម្រេីសរបស់មនុស្ស

https://youtu.be/MQ6RurQpmw4?si=Bm0cuXCTnrfqQV6Z

ពេលជួបគូប្រកួតខ្លាំង​ គួរដកថយ​យករួចខ្លួន ឬសម្រុកចូលយកឈ្នះឱ្យបានលេខ១?

ដកស្រង់ពីសៀវភៅ​ ៖​ Good to Great​ (EP7)
និពន្ធដោយ​ ៖​ Jim Collins

មេដឹកនាំ​ត្រូវរៀនឱ្យបានច្រេីន​ បេីមិនរៀនច្រេីន​ទេ តែកូនចៅឡេីងកៀកខ្លួន​បន្តិច ខ្លួននឹងភ័យ​ ហេីយចាប់ផ្តេីមធ្វេីទុក្ខបុកម្នេញដល់កូនចៅជាមិនខាន។

កូនចៅគ្មានកំហុសក៏ស្តីបន្ទោស​ ខ្លួនអសមត្ថភាពខ្លួនឯងក៏ខឹងនឹងកូនចៅ​ ចុងក្រោយស្ថាប័នគ្មានបញ្ហា​ ក៏ចាប់ផ្តេីមមានបញ្ហា​ មនុស្សចាប់ផ្តេីមលេងនយោបាយដាក់គ្នា​ ស្ថាប័នមិនរីកចម្រេីន​ បុគ្គលិកស្ត្រេសច្រេីន ផលិតភាពការងារក៏ថយចុះ​ កិច្ចការដែលត្រូវដោះស្រាយក៏មិនដោះស្រាយ​ ព្រោះរវល់តែផ្តោតរឿងតំណែងខ្លួនឯងពេក។

ស្ថាប័នបែបនេះ​ មិនគួរឱ្យចង់ធ្វេីការឡេីយ។

ដូច្នេះ​ មេដឹកនាំដាច់ខាតត្រូវតែបន្តការរៀន​ គឺរៀនឱ្យបានច្រេីន​ ព្យាយាមបង្កេីនសមត្ថភាពខ្លួនឯង​ និងការដឹកនាំរបស់ខ្លួន​ សំខាន់បំផុតគឺត្រូវមានចិត្តទូលាយ​ គិតលេីប្រយោជន៍រួមជាធំ។

ស្ថាប័នណាដែលមានមេដឹកនាំល្អ​ អាចបណ្តុះបណ្តាលធនធានល្អៗបានកាន់តែច្រេីន​ ស្ថាប័ននោះនឹងរីកចម្រេីនកាន់តែខ្លាំង​ និងយូរអង្វែង។

មេដឹកនាំត្រូវដឹងឮពីការពិត​ និង​ ៤វិធីដេីម្បីដឹងឮពីការពិត

ដកស្រង់ពីសៀវភៅ​ ៖​ Good to Great​ (EP6)
និពន្ធដោយ​ ៖​ Jim Collins

ទទួលយកការពិត​ ប្រសេីរជាងស្រមេីស្រមៃទាំងខុស

ដកស្រង់ពីសៀវភៅ​ ៖​ Good to Great​ (EP5)
និពន្ធដោយ​ ៖​ Jim Collins

ក្រុមហ៊ុនធំពីរប្រឈមមុខនឹងស្ថានភាពលំបាកដូចគ្នា​ តែទទួលបានលទ្ធផលខុសគ្នា

ដកស្រង់ពីសៀវភៅ​ ៖​ Good to Great​ (EP4)
និពន្ធដោយ​ ៖​ Jim Collins

សង្ខេបខ្លះៗពីការរេីសមនុស្សនៃក្រុមហ៊ុនដែលអភិវឌ្ឍខ្លួនពីល្អទៅល្អអស្ចារ្យ​ (First Who, Then What)

ដកស្រង់ពីសៀវភៅ​ ៖​ Good to Great​ (EP3)
និពន្ធដោយ​ ៖​ Jim Collins

គោលការណ៍ដ៏មានប្រសិទ្ធភាព៣ប្រការ​ ដឹកនាំក្រុមហ៊ុនពីល្អទៅល្អអស្ចារ្យ​

ដកស្រង់ពីសៀវភៅ​ ៖​ Good to Great (EP2)
និពន្ធដោយ​ ៖​ Jim Collins

រឿង​ ១០យ៉ាងនៃជីវិតដែលយេីងត្រូវចាំ​ ៖

១.​ ចង់បានលទ្ធផលខុសពីមុន​ ត្រូវធ្វេីសកម្មភាពខុសពីមុន។

២.​ មនុស្សណាក៏ចាត់ទុកខ្លួនឯងថាជាមនុស្សល្អដែរ​ តែអ្វីដែលអាចបែងចែកថាមនុស្សម្នាក់ល្អឬមិនល្អពិតប្រាកដ​ គឺអាស្រ័យទៅលេីទង្វេីរបស់អ្នកនោះ។

៣.​ ចិត្តគ្រប់គ្រងលេីមនុស្ស​ ហេីយមនុស្សក៏គ្រប់គ្រងលេីចិត្តដូចគ្នា។ បេីចិត្តអាក្រក់​ មនុស្សក៏អាក្រក់​ តែបេីមនុស្សអាចគ្រប់គ្រងលេីចិត្តឱ្យល្អ​ មានវិន័យ​ មានការគោរពបាន​ នោះចិត្តក៏ល្អទៅតាមនោះដែរ។

៤.​ ឈឺចិត្ត​អាចធ្វេីឱ្យអ្នកវេទនាជាងស្លាប់​ តែឈឺកាយអាចធ្វេីឱ្យអ្នកស្លាប់តែម្តង។ សុខភាពផ្លូវកាយនិងផ្លូវចិត្ត​ សុទ្ធតែសំខាន់ដូចគ្នា។

៥.​ អ្នកខ្លះស្គាល់អ្នកនៅពេលអ្នកមាន​ អ្នកខ្លះស្គាល់អ្នកនៅពេលអ្នកអត់​ ហេីយអ្នកខ្លះគឺមិនស្គាល់អ្នកតែម្តង។ កុំចំណាយពេលឈឺចាប់នឹងទង្វេីរបស់អ្នកដទៃ​ យកពេលវេលាដុសខាត់ខ្លួនឯង​ ធ្វេីសេចក្តីល្អ​ កសាងសេចក្តីសុខដល់ខ្លួនឯង​ និងមនុស្សជុំវិញខ្លួនល្អជាង។

៦.​ ពេលជោគជ័យ​ អ្នកនឹងរកឃេីញភាពក្លាហាន​ ពេលបរាជ័យ​ អ្នកនឹងរកឃេីញភាពរឹងមាំ។

៧.​ បេីអ្នកចង់ចិញ្ចឹមត្រីបានសុខ ចូរផ្តល់ទឹកយ៉ាងត្រជាក់ត្រជុំ​ឱ្យពួកវា។ បេីអ្នកចង់មានមនុស្សល្អៗនៅក្បែរ​ ចូរផ្តល់ជម្រកដ៏កក់ក្តៅឱ្យពួកគេ។

៨.​ ចង់បានការទុកចិត្តពីអ្នកដទៃ​ ត្រូវធ្វេីជាមនុស្សដែលគួរឱ្យទុកចិត្តបាន។

៩.​ ការបន្ទោសជារឿងងាយទេ​ ការទទួលខុសត្រូវទេីបជារឿងពិបាក​ ហេីយមនុស្សភាគច្រេីនចូលចិត្តធ្វេីរឿងខុសដែលងាយស្រួល​ ជាជាងរឿងត្រឹមត្រូវដែលពិបាក។

១០.​ ធ្វេីល្អ​ ពេលខ្លះមិនមែនមកពីអ្នកដទៃសក្តិសមនឹងទទួលបានល្អទេ​ គឺមកពីយេីងសក្តិសមនឹងធ្វេីល្អ។

បង្កេីនប្រសិទ្ធភាពការងារ
https://youtu.be/0cog4mhNCZk?si=3D4GhrxpNN5ySru2