✨Күннээҕи гороскоп✨
Тохсунньу 7 күнэ
♈️Хой
Бүгүн умнуллубат түгэн тосхойуоҕа. Дьон болҕомтотун тардар, умсугутар күүһүн чыпчаала. Көрсөр дьонуҥ тус бэйэҥ интэриэскэр ис кыаҕы аһыахтара, онон болҕомтолоох уонна саҥа билсиһиигэ элэккэй буол диэн сулустар сүбэлииллэр. Саҥа этиини киллэрэртэн кыбыстыма.
♉️Оҕус
Инники былааны уонна дьоһуннаах дьыаланы ылсарга толору ис хоһоонноох күн. Дьоһуннаах кэпсэтии уонна көрсүһүү ыллыктаах буолуоҕа. Ыарахаттары көрсүбүт түгэннэрин эн туһаҕар табыллыан, быһаарыллыан сөп. Үлэтин уларытарга быһаарыммыт дьоҥҥо, бүгүн табыллыылаах күн.
♊️Игирэлэр
Дуоһунаска өрө тахсыы кыаҕа тосхойуон сөп. Бииргэ алтыһан үлэлиир дьоҥҥун кытары сыһыан итэҕэллээх уонна бөҕө туруктаах буолуоҕа. Кинилэр өйөбүллэрин саҥа саҕалааһыҥҥар бэриниилээхтик эрэниэххин сөп. Салайааччы буоларга дьулуһууга амбицияҕыттан тутулуктаах. Дьээбэлэнииттэн уонна көртөн-нартан туттун, сэрэхтээх буол.
♋️Араак
Туһалаах сүбэлэри бэйэҥ тускар туһанаргар табыгастаах күн. Дьиэҕэр сылаас эйгэни тэрийээччи, нус барааны олохтооччу кэтэһиилээх дьонуҥ ыалдьыттыахтара. Чугас дьоҥҥор соһуччу бэлэх оҥоруу – бу таптал уонна кыһамньы ураты бэлиэтэ буолуоҕа. Ис санааҕын иһиттэххинэ сыыһаны-халтыны оҥорортон куотуоҥ, сөптөөх быһаарыныыны ылынарга олук буолуоҕа.
♌️Хахай
Сулустар этэллэринэн бүгүн ситиһиилэриҥ үтүөлээх билиниитин, өрөгөй чыпчаалын кэтэһиэххин сөп. Ситиһии суола ордук дьаныардаах, тулуурдаах буолууну эрэйииттэн тахсар. Чыпчааллары ситиһии соруга уустугуран иһэр, онон иннин диэки эрэллээхтик хардыылыыр ордук. Буола турар түгэн ымпыгар-чымпыгар болҕомтолоох буолуҥ, тиэтэйимэҥ – бу бүгүҥҥү күҥҥэ ситиһиигит сүрүн сыала-соруга.
♍️Кыыс
Дьиэ кэргэн кыһамньыта түһүөн сөп диэн сулустар сэрэтэллэр. Онтон ыһыктынан кэбиһэр табыллыбат. Күүтүллүбэтэх түгэн дьиэ кэргэн боппуруостарыгар болҕомтону хаттаан күөдьүтүөн сөп. Үлэ туһугар аһара охтума, үлэ «кэтэһиэҕэ», билигин чугас дьонуҥ эн кыһамньыгар олус наадыйаллар.
♎️Ыйааһын
Түөкүттэр сиэртибэлэрэ буолбат туһуттан, телефонунан кэпсэтиигэ ураты болҕомтолоох буол. Күүһүҥ таһынан хара күүскүнэн үлэлээтэххинэ, хамнаннаххына сыраҥ-сылбаҥ бараныа, сэниэҥ эстиэ. Күүс-уох эбинэргэ сунуу-тарааныы, истиҥ кэпсэтии төһүү көмө буолуоҕа.
♏️Скорпион
Табыллыылаах, ситиһиилээх күн тосхойуоҕа. Тапталлаахтар сыһыаннара бөҕөргүөҕэ, уустук сыаллаах-соруктаах дьон кыһалҕата чэпчэкитик быһаарыллыаҕа. Ол эрэн кэпсэтиигэ сэрэхтээх буоларын ирдэнэр, аһаҕастык билинииттэн, этэртэн туттунуҥ. Эйигин тулалыыр дьоҥҥо болҕомтоҕун уур, кинилэр өйөбүл буолуохтара.
♐️Охчут
Бэйэҥ күүскүн-кыаххын, күдэххин табыгастаахтык түҥэтэргэ, туһанарга үөрэн. Таба тайамматаххына ситэ түһэрбэтэх ыйааһыныҥ өссө эбиллиэҕэ. Онтон куотар туһуттан көхтөөх сынньалаҥҥа болҕомтоҕун уур. Ол курдук, спорт саалаҕа сылдьан дьарыктан, боростуойдк сүүр бэтэр хаам. Бэйэни көрүнүү – инникигэ эрэл, бэйэни үчүгэйдик ылыыныы, билинии.
♑️Чубуку
Инникигин эрэллээхтик, сырдык санаалаахтык тымтыктанан көрүөҥ. Кимниин бириэмэҕин атаараргыттан, алтыһаргыттан тутулуга суох инники былааннаргар саҥа көрүүлэр арыллыахтара. Сэрэхтээх буолууга болҕомтоҕун уурума диэн сулустар сүбэлииллэр. Ол эрэн, ситэри толкуйдамматах, быһаарыллыбатах быһыыланыыттан туттунарыҥ ордук.
♒️Күрүлгэн
Үөрэ-көтө саҥаны саҕалыырга табыгастаах күн. Бэйэҥ баҕа санааҕын уонна саҥа көрүүлэргин олоххо киллэр. Тус туругун, ис санааҥ этиитин иһиттэххинэ сөптөөхтүк хардыылыаҕын, ыарахан түгэнтэн тахсарга көмөлөһүөҕэ.
♓️Балыктар
Саҥаны саҕалыырга, арыйарга, бэйэ толкуйун олоххо киллэрэргэ сулустар сүбэлииллэр. Айар-тутар эйгэҕэ саҕалааһын түмүктээх буолуоҕа. Урукку баҕа санааҕын олоххо киллэриэххин сөп, ол эрэн ис туруккун кыана туттунарын ордук. Дьиэ кэргэҥҥэр улахан болҕомтото уур, дьиэ ис-тас өттүгэр үлэлиириҥ табыстастаа буолуоҕа.
@gazetaensieli
