Business Talk By Omnia

@btbyomnia

This channel is about tips and tricks for start-up owners and entrepreneurs.

Business Talk By Omnia (English)

Are you a start-up owner or entrepreneur looking for valuable tips and tricks to help your business succeed? Look no further than 'Business Talk By Omnia'! This Telegram channel is dedicated to providing insightful advice and strategies for individuals like you who are navigating the world of business ownership. Whether you are just starting out or have been in the game for years, there is always something new to learn and apply to your own venture. With 'Business Talk By Omnia', you can stay up-to-date on the latest trends, best practices, and success stories in the business world. Join our community of like-minded individuals who are passionate about growing their businesses and achieving their goals. Don't miss out on this valuable resource - subscribe to 'Business Talk By Omnia' today and take your business to the next level!

Business Talk By Omnia

25 Jan, 11:39

Live stream finished (53 seconds)

Business Talk By Omnia

25 Jan, 11:38

Live stream started

Business Talk By Omnia

18 Jan, 09:50

#مهم_للغاية 😍⚠️🤝⭐️

هل عارفين أنو دا الكورس الوحيد الي بتشتغلوا وتطبقو فيهو تطبيق عملي كامل على مشروعكم أو الشركة النفسكم تتوظفو فيها وبنهاية الكورس ح تتنافسو على #جائزة يختارها الجمهور مقدارها 100 دولار وح تكونو بنيتو خطة تسويقية من البداية تعتبر مرجع ليكم واثبات لقدرتكم الفعلية وفهمكم العميق للتسويق 💃💃💃💃

⭐️اذا حابين تخشو مجال التسويق وما عارفين تخشو كيف ؟

⭐️ اذا انتو حابين تخشو مجال التسويق الرقمي لكن فايت عليكم الاساسيات حقت التسويق ؟ المصممين وكتاب المحتوى وكل الوظائف العندها علاقة بالتسويق ؟

⭐️ الناس الحابة تعمل شفت في الكارير حقها او تضيف مهارة اساسية زي التسويق لخبرتها ؟

⭐️ الناس الفاتحين مشاريع وما عارفين يسوقو ليها بالصورة الصحيحة ؟

⭐️ الناس البتفتش شغل في المجال دا وعايزة تتخصص فيهو وتبني مستقبل وظيفي؟

⭐️ رواد الاعمال واصحاب الشركات الصغيرة الما عارفين يختو ياتو مؤشرات اداء لي موظفين التسويق العندهم ؟

⭐️ كل الناس الي فايت عليهم يعني شنو تسويق وما عارفين الفرق بين التسويق والاعلان والمبيعات والدعاية والتسويق الالكتروني وغيرها .

⭐️ للناس الكل معلوماتهم من البوستات وكورسات متفرقة وعايزين قاعدة علمية متكاملة ومرتبة وموجهة ومتجددة ومتناسبة مع الظروف الحالية ؟

اخيرا فتحت التسجيل لكورس طلبتوه مني كتير جدا :
Marketing for non-marketers 😎✌️

الكورس دا صممتو بمنهجية مختلفة جمعت فيهو ما بين 3 مدارس تسويقية درستها وهي :

💙- منهج التسويق لريادة الاعمال MBA من الجامعة الكاثوليكية في ميلان ايطاليا .
💙- منهج CIM Applied Marketing الزمالة البريطانية للتسويق .
💙- منهج الجامعة الامريكية في القاهرة AUC .

اضف الى ذلك خبرتي العملية في الاستشارات مع ما يفوق ال 300 مشروع صغير وشركة ومؤسسة طوال 7 سنوات من الشغل وخبرتي العملية في انشاء 3 مشاريع صغيرة وادارتها في السنين الفاتت ✌️😎

موعودين برحلة مختلفة جدا ح تخليكم تحبوا التسويق وتفهموه ❤️🙏

2,697

Business Talk By Omnia

16 Jan, 18:15

زي ما وعدتكم البوست الفات 🌹

#تخفيض 50% على الساعات الاستشارية الخاصة بالناس العندهم مشاريع ومحتاجين اي استشارة تخص التسويق والبزنس وتطوير الاعمال .. أو الاشخاص الحابين يمشو في مجال الوظائف المتعلقة بالتسويق 🌹

متاح خيار #ساعة استشارية أون لاين أو أوف لاين للناس الفي مصر ✌️
العرض لعشرة مشتركين فقط يأكدوا حجزهم خلال الشهر دا 😁
ممكن تحجزو من جميع دول العالم على الواتس :
+249112108364

انظموا لأكتر من 500 شخص استفادو من الخدمة دي حول العالم 🫧

بالنسبة للناس الراجية #الكورس بتاع التسويق ح ينزل اعلانو يوم الخميس أن شاءالله فخليكم قراب عشان تحجزو مقاعدكم وح ينزل بنفس سعر الكورس الفات 39 دولار فقط لا غير ✌️🙏

1,812

Business Talk By Omnia

15 Jan, 17:23

الفي الصورة دا اسمو جون مكارثي .. وغالبا لو ما كنت في مجال البرمجة يمكن تكون دي أول مرة تسمع بيه .. بس خليهو علي جمب ح نجيهو بعدين 😁

سنة 2017 وبناء على تطبيقات الذكاء الأصطناعي قوقل طورت تطبيق أسمو Google lens .. الي دمجتو لاحقا في كاميرات الاندرويد ..

قوقل لينس او عدسات قوقل عبارة عن محرك بحث ذكي عن الصور .. كان التطبيق قادر على قراية اي صورة ومعرفة نوع المنتج الفيها ومن ثم البحث عنو في محركات البحث والمتاجر الالكترونية المعروفة ( امازون ، نون وهكذا ) ومن ثم افادة المستخدم بالاسعار والمقارنة بينها ..

يعني صاحبتك الغتيتة الما بتقول ليك هي بتستخدم ياتو كريم كوري لوشها .. بينك وبينها صورة للمنتج العجيب الغريب الفي تسريحتها .. وقوقل ح يقوم بي باقي المهمة 😈😈 ..

تطبيقات تانية كتيرة قائمة على الذكاء الأصطناعي .. التشات بوت البرد عليك بدل موظف خدمة العملاء وبتزهج منو وبتقول ليه جيب لي human يكلمني انت مش فاهمني ..🥲🥲

مواقع حجوزات الفنادق البتجيب ليك صورة لي فندق في المالديف وحوالينو المياه الزرقاء الساحرة وتقول ليك ما نفسك تحجز يومين .. علما بإنك فطور يومين ما عندك لكن امس كنت بتتونس مع صاحبك في القهوة وقال ليك ماشي شهر عسل المالديف وقلت ليه شوف صورة ود عمتي في الفيس بوك كان هناك 😁😁

وغيرها كتير من التطبيقات ..المسوقين منذ زمن بعيد بستخدمو مفاهيم متعلقة بال AI لتطوير وتحسين نتايج حملاتهم التسويقية .. اذن الذكاء الأصطناعي ما جديد .. طيب .. ايه الجديد ؟ 🤷‍♀️

انت الجديد عزيزي المسوق وصاحب المشروع 🤷‍♀️

جون مكارثي ..الراجل الفي الصورة .. عالم حاسوب امريكي ومعروف بأبو الذكاء الأصطناعي .. عرف ال AI بإنو ( قدرة الانظمة على أداء المهام التي اذا قام بها الأنسان يمكن تسميته ذكيا 😁) بالانجليزي قال considered intelligent .. ومن التعريف دا جات تسمية Artificial intelligence.. بس دي ما المشكلة .. المشكلة انو قال الكلام دا سنة 1971 او قبلها كمان .. عرفت ليه بنقول ليك انت الجديد 💃💃

لازم تفهم وتمارس تطبيقات الذكاء الاصطناعي في حياتك اليومية وحياة مشروعك .. ودا ما ح تقدر تعملو بدون ما تفهم 3 مصطلحات مهمة .. البيانات Data , الخوارزميات algorithms .. والشبكات networks .. بس دي حكاية نحكيها المرات الجاية 😁

#AI_in_Marketing

1,657

Business Talk By Omnia

03 Nov, 20:45

خشو السحب على مقعد مجاني لكورس التسويق برعاية كاريري ماكس على صفحتي على الفيس بوك .. ما تفوتو الفرصة الزابطة دي 😍😍

2,897

Business Talk By Omnia

03 Nov, 20:44

https://m.facebook.com/story.php?story_fbid=pfbid028FAFLGnwWaiTBoVxvLFxdugsX3XQaea4H8ahY1hW79YZq3bjfFUmQrpSfYNBsEu3l&id=1754640502&mibextid=Nif5oz

2,664

Business Talk By Omnia

02 Nov, 22:04

Live stream finished (2 hours)

Business Talk By Omnia

02 Nov, 19:59

Live stream started

Business Talk By Omnia

02 Nov, 19:59

السلام عليكم تحت المنشور دا ح تكون مساحة النقاش أن شاء الله وكتابة الاسئلة والتفاعل اثناء المحاضرة

2,738

Business Talk By Omnia

01 Nov, 19:20

برعاية كريمة من Trends Vanity وبازراهم المميز بازار روح السودان حبو يقدمو للجميع ورشة مجانية عن المشاركة في الفعاليات والبازارات .

سواء كنت جزء من المتاجر المختارة للمشاركة في بازار روح السودان أو لم يحالفك الحظ في المرات السابقة .. من المهم جدا انك تعرف كيف تجهز نفسك للبازار بصورة صحيحة عشان تحقق أفضل النتائج .. وعشان نحنا بيهمنا نساعدكم تظهرو في كل البازارات بأفضل صورة ممكنة .. نظمنا ليكم ورشة مجانية مع م.أمنية السيد .. أمنية بخبرتها الطويلة مع المشاريع الصغيرة والتسويق ح تديكم أهم النقاط الح تخلي متجركم يتميز في أي فعالية :
- كيف اختار البازار المناسب ؟
- ادخل البازار بأي استراتيجية ؟
- كيف أسعر منتجي ؟
- كيف أحسب التكاليف والارباح ؟
- شنو مهارات البيع للجمهور ؟
- شنو اهم تكتيكات العروض والتخفيضات الممكن استخدمها ؟
- كيف اجهز المواد الاعلانية والفريق حقي ؟
- واخيرا .. كيف أقيم مشاركتي في البازار ؟ ..

الورشة مجانية ، مفتوحة للكل وح تكون هنا في القناة .. ما تفوتوا الفرصة الذهبية عشان تختو بصمتكم في اي فعالية وتكونوا انتو روح المكان ❤️

3,388

Business Talk By Omnia

30 Oct, 07:14

اذا انت بادي مشروعك البوست دا مهم جدا ليك 😎
أقتصاد الشلة ( تسميتي الخاصة 🤣)

وهو اقتصاد يعتمد على خلق علاقات معتمدة على المصالح بين مجموعة من المشاريع أو الاشخاص .. الاشخاص ديل بيخلقو community مغلق .. بتبادلو العملاء ويبيعو لنفس الفئة المستهدفة ويعززو لي بعض .. يتميز اقتصاد الشلة بإنو يرفض الدخلاء الجدد عموما مالم يثبتوا وضعهم الاجتماعي ..

من ميزات اقتصاد الشلة إنو بساعدك اذا كنت جواها على النمو السريع .. من عيوبو انو جودة منتجك ما الشي الاساسي .. اهم عناصر النوع دا هو ال influencer marketing..

عموما عهد التسويق بالمؤثرين ماشي لي نهايتو .. وح تلاحظو كلكم في نفسكم إنو تفاعلكم مع الانفلونسرز بقا ما زي زمان .. لانو مصداقية التسويق المدفوع الزي دا الناس بقت تشكك فيها ..

طيب ويش الهبة الجديدة على قول السعوديين ..
حاجة أسمها UGC .. دي مهنة المؤثرين الجدد .. وهي اختصار لي
User generated experience

الشركات بقت تفكر كالاتي .. بدل ما أدفع لي مؤثرين ملايين الدولارات ويخربو ميزانيتي .. ليه ما ادفع للعملاء زاتهم عشان هم يخلقو محتوى تسويقي .. مبني على تجربتهم الخاصة ...

في الاعلان ح يظهر ليك زول طبيعي زيو زيك بفتح المنتج ويجربو ويديك رايو فيهو عيوب وميزات .. الزول دا ما انفلونسر ولا عندو متابعين كتار ولا بعيش لايف استايل مختلف ولا جزء من شلة اجتماعية معينة ..

أول ما ظهر ال UGC كان مع فيديوهات التيك توك عن ريفيوز المنتجات الكانت بتصل لي ارقام خرافية من اشخاص عاديين .. بدون كميرات احترافية .. بدون لوكيشن .. احيانا الزول نفسه ما بظهر في الاعلان ..

خليك من دا كلو .. الانفلونسرز ديل زاتهم ح يستبدلو بي شخصيات من الذكاء الاصطناعي .. ( موجودين حاليا وعندهم متابعين بالملايين في الانستا.. ) تلبسهم كل يوم زي ما عايز وتخليهم يقولو العايزو .. وتضمن النتائج حقت حملتك التسويقية ..

فلو أنت زعلان انك ما قادر تخترق شلة الناس البتعزز لي بعض وتسوق لي بعض لأسباب كتيرة شديد او ما عندك الاف الدولارات عشان تدفعها لي انفلونسرز .. لو عندك قروش بسيطة اصرفها على عملائك والمنتج الجيد مصيرو يثبت نفسه مع الزمن .. ✌️❤️

زي ما قلت ليكم قبل كدا الماركتير الشاطر بلعب على جناحين :
Customer acquisitions
Customer retention
وبشوف كيف يحقق الاهداف الاعلى بالتكاليف الأقل .. ✌️😎

2,075