الشاعر بشار الاسمر

گلوله وضع اهواك كلش تراده
واكثر من الدكتور طب للعياده
بشار الاسمر

اعان الله خل فارق خله
ان الشتاء على الفاقدين صعيب
فأن الليل تطول وحشته
اذا حل الشتاء بلا حبيب

الي ما وصل مكتوبك وراداك
وشلت ايدي وبگيت امشي وراداك
شته وتذكرك گلبي وراداك
شتهيتك سير الليله عليه
بشار الاسمر

هذا ابيات النعي تقريبا ٢٠١٨ لخوي بشار الاسمر

عتاب انه وكلبي…

ها گلبي بشر شنهي الاخبار
طــفوك لـو خـلوك بـالـنار
بارد طبعهم وانته تنور
يالحار هم يرادلك حار

يا گلبي يمگير يفاهي
شتعوف ياهي وتنسه ياهي
جروحك يشدن وصله بالليل
دگ ورگص مثل الملاهي

طردوك خايب ياگلب توب
وبالباب حطو چلب مچلوب
تركض وره المايوفي وياك
امسرد تضل من دون الگلوب

ذيچ الرسايل والتعابير
چيمو بيهن بالتنانير
ياگلبي عيش الوحدك دوم
فارغ مثل مگفه التصاوير

چم مره گتله الطيب عيفه
لا تحب وادم مو نضيفه
كلساع دارع ثوبه ويصيح
اخذوني اربطوني بشريفه

ضهر الگلب مال وتحدب
وبحلوگهم يوميه ننسب
گتله وعلي ءمن تروح اچويك
گال آنه رايح ليهم انچب

گلبي الرچيچ الهجر ياذه
چن طير ومضيع ملاذه
عافوه وگام يجر مواويل
داخل حسن مو گلب هذا

تعاملنه بخبث بس احنه طيبين
الضاهر بس حليبتنه حنينه
بيتك لو بغزه نسير اعليك
وانته بمنطقتنه وما تجينه
بشار الآسمر

ماعدنه زعل بگلوبنه عليك
ومثل گلبك گلب مامر علينه
تمنيتك تجينه وتدفع الباب
موش اترروح عنه وماتجينه

عمار الهلالي

واني لاهوى المنام في غير حينه
لعل لقائآ بالمنام يكون

احن بس الاحبه صلف ماحان
بچيت وطاح وي الدمع ماحان
غفيت وبعده وكت النوم ماحان
گلت بلكت يمر بالطيف اليه
بشار الاسمر

الليله جسمي من التعب باد
وحالي بجفاكم صاير رماد
گمت انشد انه الراح والراد
انطوت روحي طوي المخاد

مو شاب حيلي وراسي شايب
وذوب الثلج بجفاك ذايب
حته الله مايرضاش خايب
گمت انعگد عگد الگصايب

جم راس الك براس شديت
وصرت انحرم من طبت البيت
من اصورك انه علوگ سويت
ناوي اعله چتلي كون وديت

نوم الشوارع نومي صاير
مو حرگت اشفافي الجگاير
حيرة الدم مطلوب حاير
كاتل وجهه انگاب داير

مالك السواد

تعال افرش وسولف ليش هاملني
ومثل ما عاملك بالطيبه عاملني
چا وي غيري تمشي شلون؟ وآنه اعليك
اغار من الشغل چي ماخذك مني
بشار الاسمر

ونين ايووب من زغري بداني
عليك وگل گلب هايم بداني
مت وخواني هل دفنو بداني
بعد ياحال امره وتمر بيه
عمار الهلالي

ربن وستفحلن دگاتك اوياي
واذا نفرش وسولف راسك يشيب
تحط بيه جرح وتريد ماصيح
وتگلي شدعوه اصبر باجر يطيب
احط رجلي بسلفكم ونطرد ليش
هلك وانته وسلفكم مو معازيب
عفت امي مريضه وسيرت ليك
ولگيت امك تچيم بالمكاتيب
بشار الاسمر

حبيت غيرك گمت تهتم بيه
مو چنت اغفه بابكم يوميه
رديت الي من عافك
راويني عرض چتافك
من تالي گلبك طگته الحنيه
بشار الاسمر

نايم بگبري وانشد اعليك
گدام منكر جبت طاريك
وگفه اوگف لملگاك لو جيت
هوه انته جاي وماگمت ليك

بشار الاسمر

تجيني الصبح وتكلي سلامتك
وامس بالليل رافس رفس بيه
بشار الاسمر

كرهت چفوفي من ساعة سلمتك
يباطل بيد اخو زينب سلمتك
تجيني الصبح وتگلي سلامتك
وامس بالليل رافس رفس بيه
بشار الاسمر

دير بالك ياگلب تهوى وتذوب
الراح عوفه ولا تهم بفراگه
هاي وادم لو هوت تهوى الثگيل
وآنه الم فـلوس للـعلاگه

وانته ياگلبي انتبه لتضل غشيم
يله كض اذنك وگول التوبه
وصي جدمك لايسير للبعيد
انته نار وگاعهم مرطوبه

وآنه وانته والفرق كلش چبير
فرق بين اولايتك وولايتي
انته گد فلوسك واملاك ابوك
وآنه زلمه زغير گد احچايتي!

عوفني وخليني ما ارهم عليك
آنه واحد ملتهي او يجروحه
آنه ذاك الما عشت مثل الزغار
صرت زلمه وعيني عالمرجوحه
للقريب بشار الاسمر
شكول عليك

ياهو اليبيع اضهور رايدلي ضهرين
فارگني غفله وصار للفرگه شهرين

ليالي فرگتك چم سيف شهرين
عليه ولسن هذا وذاك شهرين
مشيت وصارلك بالضبط شهرين
شهر عشته وشهر غربو بيه

بشار الاسمر

يا نديم الروح تمشي وآنه اضل ابلا نديم
اعرفت ماترجع عليه من گلتلي الله كريم
عيني دم ودمع نزفت
ردلي احس امي توفت
غير ابوي بصفي گاعد ليش احس روحي يتيم!!

بشار الاسمر

كلكم واگفلكم ما وگفتولي
الم بحمولكم ومطشر حمولي
واذا صرتو طوال الزود اليه يعود
آنه اطيتكم مترين من طولي
بشار الاسمر

تبچني بچفك وچفي بچوياك
وذا چويتني اتونس بچوياك
بچيت وگلبي المسرد بچوياك
اطلعت تبچي اعله ولفك مو عليه
بشار الاسمر

النومه چانت حيل حلوه
بس هسه گوه انام گوه
گلبي آدم وما لاگي حوه
الحيل توه نحل توه

الحزن عده وياي صفقه
وياي حالف دوم يبقه
العگل خف تگول ورقه
ثاري الفراگ اعدال طلقه

چا بيش اصبر الروح مدري
الدمع سوه اشطوط حدري
الراحه راحة بال ندري
مو سلعه حته نروح نشري

خلصته هاذا الليل وگفه
منشده بالي شلون يصفه
عيوني راح تروح تطفه
امنيتي لحظه ارتاح وغفه

بحملي انايط دوم وحدي
حته الربه وياي ضدي
امولم التابوت عندي
خلص عمرنه وراح نحدي

للشاعر حسن الحلاق الشطري

سويتلك بيه عمل يوم الرحت من عندي
بليل افز واتذكرك والگه الدمع متبدي
گلبي انتهى وربك لطف
دلحگ عليه يمكن وگف
اتحده امك بالعشگ محد يحبك گدي

ياهو اللذي بذنك قره من علمك عالفرگه
دور الدنيا ورد الي مثلي وعلي ماتلگه
خليت جمره بداخلي
مو ذاك انته الاولي
من گلبي دم احمر نزل ودموعي چَوّن خدي

الشالك بعينه بيا ذنب بيدك تبزه بعينه
السچينه جرهه من الضلع غير انته ابو السچينه
ياحضي ويامن گعد
حالف ولا حبن بعد
حته الخيال وداعتك ماريده ومشي الوحدي

بشار الاسمر

وانه هم حگي من اروح وما اجيك
ما الك موقف حلو يذكرني بيك
شايف الخرده التضل بيد الجهال
لو تصير بهالسعر ما اشتريك
بشار الاسمر

ولك طال الزعل راضيني شمتاني
ولك صارت چبيره اعليه قمصاني
تلگاني نعم لو هالشهر ماجيت
بس قطعه اعله باب الحوش تلگاني

ولك مو شمت الجيران عطابي
ولك وديلي چلمه اتبرد اعصابي
حالي بفرگتك دافن عزيز وراد
طاح الچادر وما طايح انگابي
بشار الاسمر

بدايتهن دفو ايامك وخرهن
بواچي وتيهت شرهن وخرهن
صورك غاد عن عيني وخرهن
اريد اغفه شكو مچلبات بيه
بشار الاسمر

كون الگبر ينفك وكت عاشور
كون تصير والميت يجي يزور
ونُبعث باربعين حسين حفاي
حدنه الكربله ونرجع للگبور
بشار الاسمر

كل عشيره تفگدت نسوانهه
ليش زينب ما اجو وليانهه

ليش اهل زينب عليهه تعطلو
آل هاشم وينهم ما بينو
خذو بتهم للسبي چا ما اجو
صعدت اعله الناگه محد عانهه

حرمه شافت كربله وطف وسواد
الهسه يتراوالهه ذاك الرماد
مثل ما تفلس الگاع من الحصاد
هيچ زينب فلست من اخوانهه

الگاع مالت بيهه لاچن ماتميل
تداري بالاطفال وتداري العليل
يامره تحملت هالحمل الثجيل
تنگل الروس وتعوف ابدانهه

گول خلصت كربله وصار السفر
وبين هذا وذاك خلاهه القدر
شافت السجاد يرمونه بحجر
وعنه زينب شاگفت بردانهه

والاطفال تصيح ياعمه الفرج
واحنه جدنه للسمه السابع عرج
والشتايم حدث ابلايه حرج
اشوه منهن كربله ونيرانهه

اتعاتب الراس وتگله شصبراك
حاقد الشال الرمح ما نزلاك
هواي طلعت لسن يبن امي وراك
حچت وترندحت فوگ حصانهه

نعمه جابو راسك اويانه رفيج
وما نشف ريجك لان مابيك ريج
بتك اتندبك على طول الطريج
اسمك او لا طاح من لسانهه

وآنه اخيتك مو مثل باجي الخوات
رحنه للشام ورجعنه مخدرات
لچن تعذرني يبو سكينه البنات
وحده من عدهن ذبل بستانهه
بشار الاسمر

زينب ع
لو جاي ابو الحسنين لخيمنه ليله
حته العليل يگوم يمشي اعله حيله
بشار الاسمر

زينب ع
بالحجر ننطگ وين ما ردنه نندار
ينبنن بي بيتين يحسين الحجار
بشار الاسمر
😢

تگول زينب ع
كبرت رقيه الشيب بعيوني شفته
صارت تنين حسين ما چنهه بته
بشار الاسمر

الناگه الشالت راس الحسين طول الطريق تبچي هنا تگول زينب….

بالدرب ناگه اعليك تبچي بمحنه
طبخوهه لبن ازياد لمن وصلنه
بشار الاسمر

هذا وضع زينب اليوم تكول…

الشفته بالطف مايحمله اقوه الرجال
وصور ما يحملهه ابو الگلب الكلف
كون واحد غيري مايصبر يموت
لاچن احنه من آل هاشم نختلف
وصوت بذني يصيح يازينب تعاي
گطعو الراس الگبل بي ينحلف
اطلعت من الخيمه اركض صوب خوي
وشايله همومي وعباتي اعله الچتف
اركض او انهطر وتوچه وگوم
وموش بس عيني ترف كلي ارف
گلبتهن جثه جثه ومالگيت
عود اهلنه وماشفت بيهم عرف
اجساد متوذره وتغطت بالتراب
وروس ما تنعرف من گد النزف
حرب والبيهه انتصر دم النحور
وما سلم من عدهه عبدالله الترف
هسه كلهه بصفحه بس عندي سؤال
حسين راح الوحَده شسواه الف😢
بشار الاسمر

تكول زينب ع

خم خيولهم بالطف خمتنه
عود احنه النبي مفصل خمتنه
احضر ياعلي حرگو خيمتنه
وبچت دخان مو دمعه رقيه
بشار الاسمر

زينب ع قبل ساعه من مصرع الحسين ع كالتله گابلني خلي ابجي هسه عليك لان من تنصرع التهي بالرضعان والنار والخيل ومالحگ ابجي عليك تگله..

خل ابچي هسه اعليك بعد اشوي احتار
التهي وموش تگووول گلب اختي اندار
بشار الاسمر

مو كل سنه اعله الراس نركض نحز بيه
خلوه يعيش حسين يهل التشابيه
بشار الاسمر