🪐 @fffffs Channel on Telegram

🪐

06 Feb, 10:08

الليلة مَدري شصار بيه
هيچ فجأه لوحدي گاعد
و اشتهيت تكض اديه
و گمت من فراشي اعاين
وينك انتَ و ما اجيت
و فَجأه كُل شي انطفى بعَيني
بهالدقيقة تذَكريت
چنت ناوي وياي تبقى
أي نوَيت
وللأسف بس ما بُقيت
چان عندي البوم كامل من صوَرّك
گُلت من أفرغ اشُگهن
ما فرغت، أشگگيت؟
چنت ما تدري انه أحبك
و درت وجهَك من درَيت
گتلَك ابقى گبال عيني
و عمَت عيني وما بقيت .

250

🪐

04 Feb, 00:56

باجر من ترد
وتخونك احلامك
ترد تفرش ندم
وافرشلك اسهامك
واتعبك بالعتب
كد ما بروحي اعتاب
كد ما خيبتني
الخاطر امالك .

522

🪐

04 Feb, 00:55

ما دامتلي فرحه و لا دمعّتي تروح
مدري شعده وكتي وياي متعاند
صرت حتى من أنام احلامي مو حلوات
لو مكتول افز لو كاتل و شارد
ما حبيت نوم الليل بس مجبور
المن ينطي وجهه الماله كل واحد
غيري بنگره هَـفهه وطلعت شگبان
واني بشط اهفهه وكلشي ماصايد
ازرع خير گالوا تحصد انتَ الخير
زرعتلهم ورد ، بس شوكـْهم حاصد
عفت اليفتهمني وبالندم غطيت
وهويت المايعرف بگلبي وشرايد
كل شيبات صدري احلام مدفونات
انام واگعد مچملهن بواحد
مو زايد على اهلي من الوجع حسيت
لا حسيت روحي على البشر زايد
اذا كل التريده يغيب عن العين
بعد ياجفني اخيطك من تضل كاعد..

513

🪐

01 Feb, 08:37

بَس وحَگك
باجر يعوفوك كُلهم
وَحدك ترجعلي ذابل
باجر آثار الغرب هوسه على خصرك
اكثر من آثار بابل

713

🪐

01 Feb, 00:20

ما كلتلي من البداية
الحُبّ ضلالة الشوگ لعنة
حتى لا أكفر وأحبّك
وما كلتلي
عيونك الحلوات ما بيهن قرار
وما كلتلي
الليل شيع كل محطات الضوا
وصارت مكابر
حتى ما تاني القطار
وليش ترسمني شبابيج إنتظار
وتخنگ خيوط الشمس
ويذوب وي روحي الوعد
وليش تصلبني أعله بابك
وأنت تدري الشمس ماتت
ما كلتلي الصبح ما يطلع بعد

670

🪐

28 Jan, 15:31

انه دين النوارس والهدوم البيض
قسة وياي گلبك يا ترف كِله
وياخد الجنت ابوسه
كليلي منين اجيبن طين
من يغلط شحطن بوسته تردله
اشبعك وادري عزة نفسي راح تجوع
اجيتك والكرامة تگود بالفشلة
حي الذلة مامريت بي فد يوم
ابشرك بيت بيت خلافك كمت اندله
الجاسن شفتي بس اسمك ودخان
الشابع من غيابك بالاكل شلة؟!
اليكلي شلونك يدفعني كفارات
وانه شلون حالي وشراح اسولفله
انه شيبة واحطن وين كلها صغار
انه وردة بوكت بي شاخت السلة
بعدني صغير اني شجابني على الشيب
خلصت وكت المراية وميلة الكذلة
همومي من البعد تنشافلك تلة
وگلبي واختلالك والدمع نهرين
بعد عوزلك علم وتصيرلك دولة

1,021

🪐

28 Jan, 14:19

اتِعيبان ومتوني رچيچه
وبيه الوجع چمرة بغليجه
عويناتي هاي دلي ذيچه
مگروه مثل إبن الشريجه
ياهوّ مثلي ألضيم ضاگه
وگت الضحك من سنه باگه
توه الفجر بين شفاگه
وشالوني تابوت علِه ناگه
سولفت بيك ونشف ريجي
وطريت جلدي وعفت زيجي
چا هاي عود انته رفيجي
ما جيتني بايام ضيجي
عليمن تجذب بالمراسيل ؟
وتضحك عليه وبالحجي تعيل
عل شيله ضلت باجر نشيل
ما زال صارت بالتواسيل

784

🪐

27 Jan, 00:07

چنت ألمع بصفك والليالي تغار
واذا لاح البرد حُضني
أجيسن گلبي وأرجع نار

846

🪐

27 Jan, 00:06

وطفة الشارع ضواه
ونعست كل الدروب
وآنه علىٰ المامش تلوب
وآنه أذوب
يا بحر
يا ليل
يَمعود
روحِي بالظلمة تذوب
والخطاوي متيهة دمي
والعيون تبوگ حلمي
والأزقة الغافية وكل الدروب
يا فوانيس المحلة أشتعلي مني
هاچ دمي
هاچ دمعي
هاچ كل هذا الحنين
أشتعلي مني
روحي بالظلمة تذوب
يا بريد الليل ما يرهم رسالة
خاطر گليبي يتوب
وآنه علىٰ المامش ألوب

858

🪐

27 Jan, 00:05

فِلم ليليهَ بيك
يصير وتنام
بس ياهُو اليشوفك
مثل الافلام
وتعبر يومك
بتَركيز وبخوف
چنك عابر
مِن الشارع العام
بفراشي واخلص
الليل فزات
ناس بنص مخدتي
تدگلي دمَام
وأنهَ بيتنة
وكالساعهَ مدعوم
لان احلامي كِلها بشارع العَام .

821

🪐

26 Jan, 14:41

ياگلبي جنك شو توازيتَ
واليله من غروب حنيت
انثويِ مطروحَ ضليت
طبِك وجعَ مادامَ حبيتّ
هضيمُه الزلم بلَ شوك ِتنهان
ويبلعَ السانةَ الجانِ ابو لسان
جيلةَ عدُو ولاضِيم نسوانَ
عوفَ الرسِائل لاتانيّ
گلبيّ التريدةَ يريد ثانيِ
مَوت ؏ كاسك والاغاَني
الَـليلة ضايِع منيّ آنـي .

850

🪐

23 Jan, 11:59

انه احَبك حتى لو
غيري الخذاك
انتَ تبقى بداخِلي ومالك
غرض
وكُلشي بالدنيا
حَلو يذكرني بيكِ
ياخسَارة عُمري يالمالك عوض
وكت كَمت اسمك
اسِمعه من الغَريب
كَبل جِنت أسمك
اسمِعه وي النبض
انتَ خَلي ونجَمي البعِيد
انتَ يقرونك عَلي وكت المرضِ
ولله مابيه نقص ولله العظيم
انا حظ ماعندي
بس عايزني حظ .

1,123

🪐

21 Jan, 20:43

مادام انتهت وارمادهن حار
خلي احجيلك الما تدري بيهن
الهدايه الچانّ بعينك رخيصات
ذني بتعب روحي مشتريهن
اقصر ويا اهلي حتى اراضيك
تالي انباع يا وسفه العليهن
عيوني المايشوفن غيرك بطيف
عساهن بحفظك وبختك بچيهن

1,290

🪐

20 Jan, 09:05

و دكاكين العزاهم خلص من كم يوم
هيچ عيوننا گوة فتحناها
هاي عيوننا لو ما فراگك، چان
يگدر هالسواد يصير جواها ؟
غلطتك ما تجي، و غلطتنا منتظريك
و كتبنالك قصائد ما قريناها
احنا الي بالمگابر دمعة ما يبچون
و عليك المغرب تنگع لحاياها
هسَة احنا چذب، ما عايشين بخير
بنص الفوضوية الما فهمناها
نركض، نلتفت
تركض ورانا وجوه
ما ناسينها، بس ردنا ننساها
إذا جابوا اخبارك، نبچي
إذا جابوك؟ نذبحلك الاصيلة الما ركبناها
و نگعدك وين ما ظلينا نبچي إعليك
لأن أكثر برودة هناك تلكاها..

1,350

🪐

17 Jan, 08:44

بفتره من فترات عمري
چنت عمري
وچنت اشوفك شي مقدس
ضامه على يسار گلبي
لكن الايام دارت
والحمامه الچنت اوكلها من اديه
من ايدي طارت
چان چفك راهم لچفي گصيبه
و صوفرت بفراگ وجهك
وبيّن مفارگ حبيبه
من اجيت وگتلي روح
ولله ما ضلتلي روح
روحي صعدت للسما وصارت غريبه
وعنوان قصتي وياك أذيه

1,516

🪐

15 Jan, 06:48

شنو مصاحب قطار شبيك وياي
يهددني برحيلك صوت ملگاك

1,489

🪐

13 Jan, 21:24

جيتك.. بليلة شته
ضلمة ومطرها،ࢪشك
وشبعدة صار الدࢪب
خوف. ورعيد وثلج
وجڤوف ادية زرك
بابك طحت ها؟ كمت!
وطميت ادية وردت ع الباب بالروح ادك!

1,645

🪐

13 Jan, 21:22

من صَدري اريد اليوم اجُره
وَباب بيتك گلِبي اشمُره
شو دخذه هاك اچفيَني شِره
تعبني بس لـ تعِوفه بَره
بيتي من ذكِرك چان يبُرد
تخيل بابك يرجِف شگد !
مايرضه يعشگ غيرَك احِد
ماتشتري وتصِير جَناي
عابر بيَاض النورس هِواي
صح صاير اسمر حقِه من هاَي
يفتر عليك وعايف الِماي
گلبي نُعرضله اشَكال العِيون
والوانهن لون احلى من لوَن
استنگي گتله وگام اخِذني
لصورك وگال اله ذنِي
"شسون عُيونك ضيِعني" .

1,691

🪐

13 Jan, 21:21

نعمة برسالة أنتهت
گلت أگدر بدونك
چا والله مافارگت
لو شايف عيونك
بفراگنة شحصلت
مِن المغيرك آخ مو
چنة عشك الشلب
واحد گبال اللخ
تعاليت چنك عَلي
والشوك ميلوحك
وچروك مثل الگطن
ما عارضت روحك
ويوصلني گُل الحچي
وردتك تچي وياه
مشتاگلك يالهوا مِن
بابگم لهنا لاحظت بية
الهلا من عيوني ولساني
چا ما عفتني ورحت
لو بالگلب ثاني فزز
الطين المُطر مايبست
احضاني مايدري فضت
من آمس مِن غيمة رداني
ونعمة برسالة أنتهت گلت
أكدر بدونك جا والله مافرکت
لو شايف عيونك وچا ذال روحي
بَعد وأتوسل شلونك والعين
ترخص صدك يم اليشبهونك

1,455

🪐

10 Jan, 10:54

كتبنا على الجرف أسماءنا بعود
وحفظها الروج ذمة بركبة الطين
وخلينه النوارس على الحجي شهود
ودفنه اسرارنا بفي البساتين
وغفينا الدمع باحضان الأظنون
وحدرفي بالزلف نامت سوالف
واخذنه من الحزن كحلنه الاجفون
وكطعنه الحيف من غصن الشفايف
السهر صيدة نسر وجفوفه الاعيون
أمان ويلزم بجفوفه خايف
لاتمشي الأمل بدروب الوعود
ولا تامن جرح بجفوف سجين
ولا يغرك سماري وسود الأخدود
دم أبيض يصب من ينزف التين
واحرث كاع عينك وازرع النوم
البالي الك محد يطوله
والزغر النفس وبروحك تلوم
إذا كالوا نجم كلهم ننوله
النسر بليل يحسد طيرة البوم
السهم يكتل رغم شدة نحوله
شعر راسك طويل مغطي الزنود
الرمش مابي قليل وحافظ العين
عطش صحراء قيسه وعاين الجود
عطشها شما كبر بميته يلين

951

🪐

09 Jan, 10:14

عرفتك خاين بشبكاتك اجذب
سنون المكص من تتشابك تخرب
عدواني الشجر والفوس
سكتك موش سكتت خير
مثل سكتت قلم مايحجي بس جاسوس
عبالك يغشني السان
لضنونك محسب احساب
اعرفنك تريد تغر
تريد تمشي مالاتك
وانا بكلهن مفتش حر
من اول ماعرفتك فرزنت طينك
عيونك وكحه مو راحه
اهتمامك والعشك جذبه
الزرع راعيه ذباحه
تطب روحي تريد بساع
وادري بكلبك ملعب
تريد بداخلي انت تعيش
حتى النوب تكتلني بزر عكرب
وعودك ضحكتك ملكاك
الترافه البيك جذبيه
ناعم وانت كلك سم طبع حيه
اتظاهرلي بذر ياسه
وعزيز تصير عد الكاع
لا غلطان اعرفنك
بذر عاكول
لا تنشره ولا تنباع
تعودني عليك تريد
بس بتالي تنكرني
تكرهني وتريد ليل مانامه
وانا محسب حساب الهاي
ماجومت صوره وعلكتها بيت
اخاف اتقيد بجامه

1,038

🪐

09 Jan, 10:14

اجيت وتارسه عيوني الاحبكم
ورجَعت وتارسه عيوني الحَرامات
اني عيون امي وچَذبتهِن
شجاني وصَدَكِت چِذب البِدايات
والله احلامي لَعيونَك عِفِتهِن
بَس المُشكلة عيونَك حَقيرات
وابَد ماجارحَك بَس مِن بستهِن
وانتَ عيونَك وجرحَك چبيرات
انتَ اعزازَك گبالي احسبتهُم
واني گبالَك احسِب بالخَسارات
تالي مكمِل بدوني وعِفتني
ارجَع مِثل دَخان القُطارات
والله تفاجئِت لَمَن شِفِتهِن
احس عيوني بعيوني غريبات
صَح خَربِت شكلي وعَذبتني
بَس مو مُشكلة عيونَك جَميلات.

867

🪐

06 Jan, 15:15

مرات اريد احچيلك اليوجعني
ومرات اريد ابچيلك وتحضني
مرات اغمض وارجع لموعدنه
من الفرح چانت الدنيا ما توسعنه
مشتهي اتوسل نضره من عيونك
تاخذني وتسافر وبيه تغني
ضلت بنفسي الزم چفوفك
والعب بأصابيعك واطوفك
مشتاگ اسولفلك واضحكك
ومحتاج افرفح يم رگبتك
وتشيل هذا الحزن عني
تذكر بموعدنه شحچينه
ودروبنه البيهن مشينه
يوميه امر بيهن وأغني
هنا سولفينه هنا سكتنه
وهنا تسامرنه وكعدنه
هذا الدرب منا عبرنه
هنا ردت احضنك بس خجلنه
هنا گتلي نرجع تأخرنه
ومشينه وگلمن گاد حزنه

1,130

🪐

05 Jan, 19:11

غبت
چا غير تشوفني شعندي ؟
ورسايل بالچذب ماتعرف تودي ؟
علمودك عايف العاف علمودي هواي
واجيت اجمع شتاتك واني متأذي
الليلة الروح هامت
والگلب بيه نار
وما چنها على خير السالفة تعدي
ادور على الهوا الغرگان هم مو هيج
واحر من كلشي حار الدمع البخدي
زيناتي بنهركم اكثر من الماي
على كل اليمرك چنت متصدي
چنت ماشي عدل
تخطيط گلب المات
وماخلاك وكتي وغيرك ضدي
وبديت اتغير اني
ومشى براسي الشيب
فترة وگمت احس شيابنا بكدي
واني ادري التجازه الزين بالموزين
ولكن سامحت من انعبر حدي
كلف واليمر ينطيه ماي عينه البير
ويشمرونه بحجر چيف انه متهدي
حنين اسگي بورد مرسوم ع الحيطان
واركض باليطيح وحالي متردي
بس منا ورايح راح اعلم الروح
ماخلي واحد يگعد بسدي

1,145

🪐

31 Dec, 20:50

بِرَبِّكَ أَيُّها العامُ الجَديدُ
أَفيكَ مِنَ الأَماني ما نُريدُ
تَتابَعَتِ الخُطوبُ فَكُلُّ قَلبٍ
حَزينٌ في جَوانِحِهِ كَميدُ
حَمَلناها ثِقالاً لَو تَرامَت
عَلى الأَطوادِ ما فَتِئَت تَميدُ
وَطالَ الصَبرُ وَالأَيّامُ تأتي
وتذهبُ بالحوادثِ وهيَ سودُ
ظلامٌ حالكٌ وأسىً مُقيمٌ
وَشَرٌّ شامِلٌ وَأَذىً شَديدُ
يَوَدُّ الناسُ لَو هَلَكوا جَميعاً
لِيَحجِبَهُم عَنِ الدُنيا اللُحودُ

1,490

🪐

27 Dec, 12:29

كون الگلب ينعت واعته
واشلع ضلوعي وياه ستة
لو ينمرد بيدي مردته
وزتت حطب للنار ازته
الصوج بية استاهل انه
لساني ماجريت اذانه
كون الوجع اندل مچانه
اچوي ولا احمل مهانة !
ريت الهوا مگطوع ريته
ولا انطرد من باب بيته ..

1,889

🪐

27 Dec, 12:27

فاركني بس بأدب
لاتحجي يمهم علي
وتحرف الواقع
من التقينا ترة
من حضن امي إلك
ماجيت من الشارع.

1,806

🪐

24 Dec, 15:58

من أولها لو قاريني
بس مشغول ماشفت
عالسطر وأعلى غلافي
متغير صدگ بس مو بهاليومين
خليت المعاتب والجرح غافي
من شفتك تجي بلا واهس أضطريت
أضم كل السوالف وأقفل شفافي
انا تغيرت من كمت أميل الناس
أدور شوفتك واكف إعلى أطرافي
من چانت ضحكتك كوه تطلع
چان خلكك مال واحد نيته يچافي
من صارت أسرارك يمي ما تنگال
وأتدنت لصوتك وادم أخلافي
من ضل موعدك ينسي وتالي تكول
أي والله نسيتك بالي مو صافي
من كتلك انا بخاطري بخاطري
وتانيت دمعگ حتى أكول مسامح وعافي
چا لو فازع لدخانه المحروك
لو ما منتظر ينكالك طافي
بعد ما رافك الذاكرته تغدر بي
ولا صديتله المايعرف يوافي
منك وأنتهت
للگيش حد خليت
لو يغمگ بعد لو يترك ضغافي
انا مدليك بيه وفاكلك بيبان
مادليت بيها البالحلم غافي
چنت أبحرلك بلا بوصله ولا ريح
لا للموج راي ولا لمجذافي
جا مالحت ضيي بدون ماعليك
كلب ذاك ليللك بي شرح وافي
فارشلك ورد تحتمي جدامگ بي
عن لا تنجرح بخشونة چتافي
بعذر مايشتغل ماظل بعد بردان
خلي بجرح لكن جرح دافي
ما أريد الحروف الما بنصهن روح
أجل اليعتذر كون العذر شافي
گبل حتى الزعل وانا بذورته الكاك
تتقمص زعلتي وتاخذ أوصافي
وأراضيك بعذر من باب أخسرك خاف
هسه من أرد أربحك أخسر أنصافي
وأسمعك يمكن وما قاطعك
بس راح اكول واحد بگلبي يصيحلك كافي

1,880

🪐

24 Dec, 01:16

اخر شبگه الك حسيت بيها وداع
وگمت ما احط عطر حتى ابقى اشم عطرك
يا لغز الما عرفته وچنت دايخ بي
لوحه گبالي حلوه وغار البضهرك
وعفت كل اهتمامي بروحي واهتم بيك
ولا متوقع اتفاجئ انا بهجرك
بسرعه استعجلت بالروحه ما تانيت
واثر بوساتي مطبوعه بوسط نحرك
چنت ما اشم هوى الله اختلف عن الناس
اشم بس الهوى التفرغه من صدرك
مو انت حلفت ما چف يلزمك يوم؟
وامس شفت الچفوف التلعب بشعرك
نصحوني العشگ مو زين ويأذيك
الجگاره تزيل همك لكن تضرك
وگالولي ولك لا تدمن انت عليه
باچر من يعوفك خايب يدمرك
صگر فالح صرت بالخير انا مغطيك
وانت تجيب وتگوم علي شرك
مسحت الصور كلها البيها ذكرى وياك
شموازيني واتحمل بعد قهرك؟
شغله الهاضمتني وبيها انا الندمان
ليالي السهرتها تسوى كل عمرك

1,559

🪐

24 Dec, 01:15

چفك حمامة سمة
واچفوف أدية غصن
والمفترض نلتقي بس القدر
مشكلة
خلانه ما نلتقي وأثنينا بكربلا،
خلاك طيرة حضر محد يكلك
غلط
لو تكعد أعلى الگبب ما تلكه
غير الهله
وخلاني بالطف سهم ما شاركت
بالحرب
بس انكرهت بذنب شافوني
عد حرمله .

1,452

🪐

21 Dec, 00:01

انا بهذا العمر تايه نبي ودينه سوالفكم
اذب روحي حزن يمكم
وجي من الغربه كلي اعتاب والكه الله بشفايكم
على الدنيا ورد واحساس طشركم
احبكم وانتم عيوني امل مني ولاملكم
هلي وناسي وحزن كلبي ومواويلي وشعر شعبي ورصاص احمر رسم دمكم
قصايد والعمر چلمـة وحبيبة وكيف والبية تعب منكم
ماشلتو الكمر وياي ما غنيتو لسجه البعيده وياي بديت اكره منايركم
ولا أحبكم
غريبه بعيني اساميكم
عمري الراح مذبوح بجناسيكم
صدف تتلاكه بالصدفه نهر شارد من جروفه عمر مايندل احبابه قصايدكم
وضل انه السهر والخوف ولياويل والمدري ولعد ياباب
امد شوفي وكول اليوم ازاعلكم
وافاركم..
وشك الخارطة واحرك شكو بروحي واحرك كل رسايلكم
انا اكرهكم
واحب تراب رجليكم
وابوس الناس كل الناس احس الناس تشبهكم
منو الجاباكم العمري ومنو الوداكم بكلبي دخيل الله ولاينشبع من عدكم
- عزيز عسكر

1,720

🪐

18 Dec, 08:55

صباح الخير
ع الفك ريجة بالمسطر
صباح الخير
ع الشاف ابنة من الجوع
يرسم خبزة ع الدفتر
صباح الخير
ع الدخن شكو بروحة
ورجع لكط كطوف العام
مابيهن نفس ينجر
صباح الخير
ع اليغبش يجيب اغموس لعيالة
رجع والروح كوة مجلبة بذيالة
وجهالة التمو عليه ضحك ومهامش
وكالولة يبونة ارتاح كواك الله ع المامش
يبونة يروح فدوة الجفك المتعوب
ذاك السوك متعلمين بيك انضوك
يبونة الناس شبعت عيد واحنة شوية ضحكتنة
يبونة العيد لهل العيد واحنة الضيم مالتنة
مادام انتة يمنة انعيش
صح غالي الخبز بس انتة كلي ابيش
محد مات من الجوع
نعمة من الله عدنة اليوم نتعشة تعب ودموع

1,748

🪐

15 Dec, 22:03

سلس ما اصير و ابقى بكيفك انگاد
وحطب ما اصير وانت بعازة النار
چنت عين الشمس هسة انا صبير
ما ادير ويَ شمسك وين تندار
كاتلني العطش بس بالي مرتاح
اشرب بالرمل ما اذل الأنهار
و ويَ الگاع طولي و من تجي الريح
اضل ثابت انا وتهتز الاشجار
اذا تمري امس ما غزّر وياك
شلون اكتل نخلتي انطيك جمار
و اچذبها الجروح الگالت تطيب
و اچذب الغيم كون الغيم مطّار
جثة لمگبرة وديت الافراح
شيرجعها وتجيني بيوم خطار
اذا عالشوف جرة السيف شفناه
واذا عالثار أيّس ماكو كل ثار

1,809

🪐

14 Dec, 10:09

يطبون بصفنتي
و عَنك يدورون
يلكَوني أفكر بيك يلكَوني
صاحت كلها صاحت هذا باك فلان
ماعندي لگوك و بيك تهموني
تهموني بمحبتك والله لو يدرون
علىٰ ضيم العَليه يظل يواسُوني
مَا يدرون عَايفني بمَهب الريح
وانا وياك عفت المايعوفوني
اليحبوني شكثر
و لجيتي يتانون
و أخجل من كثر ما كَام يتنوني
وأنتَ الما تحبني شلون بله وياك
أمراً بيك ما أمر باليحبوني

1,504

🪐

14 Dec, 10:09

فاح الصبر بية وتبده
وخلگي انگطع وبيش اشدة
ما غافي ليلي صار مدة
وعيوني وحدة تخون وحدة

1,457

🪐

13 Dec, 17:06

عادي يجوز گلبك مشتهي يجدد
وهيه تبينت من گمت ما تنشد
يعش يوميه اشوفن بيك واحد حاط
بذن زيجك طلع چم واحد مغرد

1,539

🪐

13 Dec, 07:42

هاي اخر ايام السنه
ما الك نيه تشوفنه؟
ما ترهم نحبك ولك
ومشتتين تعوفنا
احنه مرضى
وماكو دوه لهذا الجرح
مر علينه وخلي أديك تروفنه
رابع سنه تمر وتعدي بدونكم
مرولنه لو بالحلم خاطر نشوف عيونكم.

1,603

🪐

11 Dec, 19:20

وين أنت ملينا النشد
والناس گامت ماترد
- جبار رشيد

1,770

🪐

10 Dec, 15:20

بسك تمرني بحلم طالبني بطلابه؟
مو گتلي كلشي انتهى ومنا وغاد اعتذر
وحدك كمل الدرب ماريدك تحبني
ولمن شفتني ردت غيرك اعاشر بشر
ترجع تعاتبني وتگلي چنه وچنت
ماغزرت عشرتي؟
هو انتَ هسه منو گاعد تحاسبني؟

1,802

🪐

06 Dec, 09:50

شكم جمعة أجت
بس انت ما جيت
واكول تعود بلجمعة الجديدة
مفاركني عمر مو يوم يومين
يا أول صعب چنت انة اريده
كمت أكتب شعر بلهفة وبشوك
ولأجل عينك عفت حتى القصيدة
هاي الجمعة كلي أتذكرك بيش ؟
عموماً يالرحت جمعة سعيده

2,102

🪐

06 Dec, 09:49

لا تحبني
مو بعازة لَچمة تدري جروحي متهديات گوّة
وآنة من اخر جرح عاهدت روحِي وگلت أقوة
شلون إذا حبيتَك أقوة؟
وتدري ملح الحُب عذابَة
وآنة ادري بروحي لمّن اعشگ اضعَف
بالرغم عشگي بصلابة
وخاف أحبّك
خاف أحسبنّك وطن
وگليبك يسد علية بابه
وآنة مو ذاك الگُبل
يستقبل اللَچمة برحابة
لاتحبني
وهسة اچذّب لو گلتلَك آنة اودّك
لا تحبني
آنة ما اضمنلَك
بـ سد مايي راح يعيش وردَك
لا ولا أضمن دمعتك
ما تضل تتبدّة ليلية اعلة خدّك

1,873

🪐

04 Dec, 23:13

ويخلص الليل
ويخضر ليل ثاني
بية واهس كافر وربچ هِداني
الليل شبعني سَفر وانا بمُكاني.

1,699

🪐

04 Dec, 20:42

الليلة طلابتي طلابة
الليلة موادعك ماشوف منه
تعود چنه موادع المعدوم
لأصحابه الليله چفوفي ماتعرف
تروح لوين چنها جفوف اليدور
على صوابه واجر نفسي
بطلاع الروح وصوت
النشغة سيف و تنزع گرابه وخلگ
ما عندي اگوم لشيخ طايفتي
واذا مريتني الليلة اگوم بلا جدام
شلون الترابة سهلة البالموادع
يلزم دموعه وسهله اليلزم صفاحة
بس انطيني زلمة اليلزم اعصابة
شني عذرك بدگة الباب
خاف يعور چفوفك
انة التارس گطن بابة واحس
جايب هلي من گبورهم للبيت
اذا طاريك بسدي شخص جابة

1,706

🪐

28 Nov, 21:17

انا بجَبهة غيابك ضايعتلي سنين
حَرب من طرف واحد بيها متبَعثر
ومِثل الجندي يوميه التِحق بَليل
ما تطيني أجازه هموهك تحير
واتصوب واطيح وينزف الألبوم
وارد مِن صورتك لفراشي متأسّر

1,949

🪐

26 Nov, 10:12

رجعتلها وگلت يلة الصلح خير
وگلت ما اخشن الروح اعلى خلها
بعدني العشرة بيهن ضال دخان
واگول من ارجع العشرة اشعل الها
تخيلت من اجيها گبالي شتگول؟
اذا دمعت يمي شراح اگلها؟
گدرت ابتسامتها اعلى ملگاي
وبديت ارسم على الواهس شكلها
بنيت ظنون بيض بليلة الخوف
وموت الوساوس گبل اجلها
ابتسامة شفتي الغرگانة بالخوف
گدرت ارجع من الموت انتشلها

2,154

🪐

26 Nov, 00:35

بعد ما موت يم عينك
بعد ماصيرلك نسمه
وتطشني بخنكة سنينك
لون ادري العذر چذاب
ما غنيتلك وينك
ولون ادري الهجر محراب
ما صليت يم دينك
لملم كلشي عكبك ضال
لم صبحك ولم ليلك
واخذ وياك اغانينه
وقصايدنه ومواويلك
وابعد حد غواش الغين
لحد مابيه ادنيلك
واذا صحناك لا تسمع
مثل ما چنه نشكيلك

2,029

🪐

17 Nov, 17:44

مو حزن لاچن حزين
مثل ما تنكطع جوا المطر
شدة ياسمين
مو حزن لاچن حزين
مثل صندوگ العرس ينباع خردة عشك من تمضي السنين
أنه كتلك
موحزن
لاچن حزين
مثل بلبل كعد متاخر
لكه البستان كلها بلايا تين
مو حزن لا موحزن
لاچن أحبك من جنت يسمر جنين

622

🪐

16 Nov, 18:42

مشيت وياك
وأدري بروحي مغلوب
وچانن كل خساراتي
برضاتي
كسرة خاطري
ودموعي
والليل
وحتى الوجع
چان بمشتهاتي
ردت أوصل لاخر نقطة وياك
لاخر حل أحس بي ترضى ذاتي
حتى من ارجع
من العشرة مخذول
الوم بروحي
مو بمعثراتي ..

779

🪐

15 Nov, 13:19

چا والنَاس ، والوهَواس
واثار البچي ونُوحَه !
ترى التعَبان مِن روحَه
ما أظن تُبرد جروحه .

774

🪐

15 Nov, 13:18

اليله شينشف
دمعتي عيوني گبت بيه نار
واني مثل الميل صاير
دوم اكرها الانتضار
اليله شيجيب التركني
اليله خايف راح اموت
اليله راخي اهواي حيلي
اليله انام ابلا خليلي
اليله بس دمعي ابشليلي
اشلون اعيش ابلايه صوت
سنيني خلصت بل خساره
وعايش اعلئ الله وجگاره
ابراسي صوت اشما انام
يگوم يدوي اتگول عايش
عيشت العاش ابمغاره
اعصابي ضلت بيه تذبل
والوجع بيه ايتغلغل
وعيني فگدت كل بصرها
ومابقت بل شوف تندل
ساعه اطيح وساعه اگوم
وساعه اجلب بل اهدوم
اوگلبي بفراگك هملني
وضل يسفط بل اهموم
امنيلي الواهس واتاني
خايف احفر گبري بيدي
اوروحتك خربت عيدي
وگلبي ينزف من وريدي
اشكد جنت اكتب قصايد
هسه خايف من جديدي
بيه حرگه اوبيه لهفه
ااني عاشگ ضاع ولفه
النار بس بيه اتدفه
امنين اجيب انوب صدفه
اتلمني بحبيبي التركني
اسنيني خلصت واني صابر
انهدل متني واني اكابر
اوليلي متقصد يغثني
يدري بيه اكسر الخاطر
اسمع اونين اوبواجي
وجهي من النوح اسود
صاير ابلون الخواجي
ياخساره وياهضيمه
اتنزل ادموعي جريمه
حبنه جان ابكلبي اضمه
وقصته كلش عضيمه
يبن گلبي ويبن روحي
لاتكثر بيه نوحي
ارجع وداوي اجروحي
اتكاونن كلهن عليه

786

🪐

14 Nov, 12:45

﴿إِن يَنصُرْكُمُ اللَّهُ فَلَا غَالِبَ لَكُمْ ۖ ﴾

156

🪐

12 Nov, 21:11

مو خفيف وادعتك بَس گلبي نار
واليحبله إنسان يحچيله الصدگ
روحي چانت تينه مَيته بِلا ثمار
ومن عرفتك بالصخر طگلي عِرگ
هواي باعوني وگلت فات القطار
ونظرة منك رجعتني إعله العشگ
أنتَ هاون ذِكرى باقي من الحصار
يونس التعبان صُوتك من يَدگ
خاف أغثك يوم والله عليك أغار
وتدري ناس اليوم ماتستر، تشگ
أنتَ ضحكة فرحه بحلوگ الزغار
كلّه چذبه بعُمري بس أنتَ الصدگ

979

🪐

08 Nov, 22:43

شني يومين!
فاتحتك لَحد فاتحتي أخليها
ومثل كل يوم
انا متاني رَجعتك موش تابوتك
هاي الرَده منك ما متانيها
بَعد ما طاب جَرح الفات
نارَك بيش أطفيها!
ولك يا عازة الدنيا "انتَ" والبيها
وسيع الحوش بس ما ينطب خلافك
وهاي رسومنه خربت معانيها
والأيام الگبل تمشي أسرع من الريح
وياك، وبدونك ما أدري شبيها
الضوه يگضي وأوشل عيوني، بَس الليل
يوگع ع الجروح الما مداويها
وأفتر بمكانك جاي رايح، جاي
چا بلكت حِلم!
بلكت يردَك شوگ
بلكت تُمر
بلكي عيونك الحلوات أحاچيها!
أريد وسادتي چفوفك
مثل ما عودتني عليك، سويها
وعودني بدونك مو بساع تروح
هاي السالفة الما أگدر إعليها
شويه شويه
مَهدلي
لَمّحلي بمَشيتك موت تاليها
مو صَدمة وتُفض
وأستوعب انه الصار
ولا بَچيه وأرد أحسن إمن أبچيها
ولا ينسد مكانك حتى اگول تهون
هاي التايهات الما محسبيها
تمشي الدنيا، وانه بخطوه مو وياك
جِدمي تطيح ما بياش أمشّيها

1,404

🪐

05 Nov, 18:03

خلنام بحضنك آبقى
باردة الدنيا بدونك
والشوارع كُلها مليانة ازدحام
والله هيچ ايام حُضنك
عندي اهم من الدوام

1,495

🪐

05 Nov, 18:03

كون المفارك حبيبه يرد عليل
ونبض كلبه يسولف الصار بجفاه
وكلمن يحب من طرف ولفه يجي
بوجهة يترس حيرته وتمطر سماه
حضنة العشاك مابيها حرام
اليحب من محبوبته يفصل غطاه
وكون المسافر نفس ميشم غريب
متاع للغربة اليحب ياخذ ثواب
من تراب ولايته شيوصله خير
بروحه يندهه كل صبح بالغربة تاه
ولا جفن سهران يبقى يتاني طيف
الليل مالح والجرح وجهة وكفاه
اليحب من طرف واحد ما يكفي ليل
رمشة بكل حلم من يخطف يشده
العاشك يختنك لو طاري فركة يفوت
الهوى الما مر حبيبه بريته يرده

1,414

🪐

29 Oct, 11:57

حَبيت و بعد
خَلي الظلام يزود
شما تِكبر الظلمة
أذكر عِيونك سُود
هوَ العنده
مِثل عيونك شمحلاه
ضگت خَدك
و عِفت العَنب و العَنگود .

1,900

🪐

29 Oct, 08:05

واحرث گاع عينك وازرع النوم
البالي الك محد يطوله
ولا صغر نفس وبروحك تلوم
اذا گالو نجم گلهم ننوله
النسر بليل يحسد طيرة البوم
السهم يكتل رغم شدة نحوله
شعر راسك طويل مغطي الزنود
الرمش مابي قليل وحافظ العين

1,873

🪐

26 Oct, 22:32

أشتل جماجم بالدرب
و أشلاء من كل حرب
و أطفال مذبوحة
تيزاب ارش من كل كتر
أحرك جدامك من تمر
فنك دياري تزورها

1,941

🪐

26 Oct, 22:32

قصتك عيشتني اشياء
‏متوقعت يوم تصير
‏تنام انتَ واظل سهران
‏واكضي الليل بس تفكير
‏اخاف اغفى وشخص كبلي
‏الصبح من تكعد يكلك
‏"صباح الخير"
‏وهاي الشغله اذتني
‏صوره وبيها نضحك ليش
‏بچتني؟
‏وصدمتني نهايتنا
‏الغلط چان بعلاقتنه
علاقتنه

1,999

🪐

25 Oct, 21:20

انه كلمة
رادو يكولوها غيرك
ومن صرتلك ما كلتني
طَرزت طولك قصايد
احب وأشتاگ بقصايد
ازعل عتابي قصايد
لا عرفت أصرخ بعينك
لا عرفت
بزعلي أكلك
لا عرفت أعتب
على حساسك وأجرحك
وهذا حالي
تبيعني
ويشتري چفوفي القلق
واسهر واكتبك
ولا وجع جابك
ولا هاي القصيدة تجيب طولك
وداعت أسمك
جنت أظن آخر قصيدة وياك
ما يوصل وكتها
وانت العلمتني وعودتني
وكَتبتها ..

1,899

🪐

20 Oct, 18:28

خايف أتلگاك يم حزني غريب
خايف عيونك تچملني نحيب
خايف من الناس
من الما بقى يمهم حبيب
لا تهدني..
الوَطن حيطانه بعيدة وما يلمّ الينتچي
آنه من تغيب،
يستفحل على عيوني البچي
يا حبيبي..
شلون لو شَحت مكاتيبك عليه؟
الغيم ما يودي حچي
يا حبيبي..
تراب الولاية حزين بغير جدمك
والضباب شما ترسني وتيهتني ألگاني يمك
چنت أظنّ يگودني الشباچ لچفوفك وألزمك
لا تروح الدنيا مو مثلي تبچيني وأرسمك
آنه بدموعي أرسمك

1,942

🪐

20 Oct, 18:21

توها بردت وانتِ مريتي رصاصهَ

2,084

🪐

17 Oct, 13:27

برد نعسان
وآنت آوياي والصفنات
مدري آشلون آوج نوبات
مدري آشلون آسولف والدفو يزعل
وآندم وآستحي مني
كبل ما أستحي منك
اتوسل آدموعي آيدفّن آجفوفك
وآبجي وتصعد لعيني أصابيعك
اكَلادة بوس ،
ولا شيك وترد دافي وسوه نبرد
برد نعسان ، كلّش حار
وآكلّك بُْردَت آعذرني
الحجي نوبات يزهك لا تواخذني ،
ماشيني على النيّات
هذا آنا على نيتي
عسل برحي وضوه آمرايات
بعدني آمشمّس ومعسول ، لا تزعل
الزعل يحبيّب آيعطش خضار الروح
بعدني آبيض مثلما جنت بيد الله
بعد بيّه حليب آمي ضوه آمرايات ،
وجروفي زلال الماي
ولجل آشفايفك يغسل بروحه الماي

2,259

🪐

17 Oct, 13:27

ليِش تخَسر مَثلي وَاحد
هَامِل الدنيَا وَيجيك
انَسان مِن تُوگع بشدَه
يعَينك أكثَر مِن أديَك
انسَان چَان يِبيع رُوحَه
ويشتَري الترهَم عَليك

1,896

🪐

14 Oct, 21:41

الخلل بيه عفتني وماعرفت انساك
لا والله من الأول ماعرفت أهوه
ماترهملي صاحب مو حبيب تصير
بس ترهم بن آدم يوكَع ابلوه
مو بحجارة ربك يضرب بمحبوب
يحط روحك بواحد دمعة مايسوه
جنت ماعندي شي وتصيحلي ومآجيك
وتتوسل جبتها فدوة ما فدوة
عفتني والله نكتة تموت من النوح
بقيت أضحك وأون من كثر ماحلوة
هسه انت رحت طيرة وخذتها الريح
قلبي شبي بدونك ماعرف يروه
أعاشر غيرك وأطلع وأطب وأشتاكَـ
ماكَلك وفه بس روحي محرومه
شفت الأحلى منك والأحب والزين
واهتموا بروحي وبقت مهمومة
ثاري العشكَـ موش تكَلب وتختار
مثل الموت هم كل واحد بيومه
التجارب فشلن وسميتهن نزوه
ردت ارهم لغيرك لجن مو كَوة
مو كل حسره تعرف قيمة الدخان
الجكَارة بشفة المرتاح مو حلوة
آنا وياك ام وأبن بس مو زين
أحن غصباً عليّ وتشح بالمروه
يذآك الـ بالسجن من تطلع افرح بيك
يجي الليل وتجي هم ذآبني ابلوه
انا مقيمك غلط والغير ما الومه
كَالوا مبتسم من كَلت شعلومه
فرحانين لك وانا ابجي ختيلان
مثل وحده بعرس صاحبها معزومه
كَطعت وياي أذا بالطيف أجيك تكَوم
تفز فزة الشاف جنازته بنومه
بعده أخضر فراكَك والشمس بت غيم
والخليته ذاك ، ذاك المبلله هدومه
شطلع بيه وعليك فراكَي مر نشوه
وانا من اسبوع بأيامك جنت لكَوة
استشعرت الكرم بيه ولزمت الباب
مشاعر قلبي امس جديتهن جدوه
وجاملتك حضن كَد ماصحت بردان
بس حضنيش صدري بصدرك تّجوة
هسه ازعل وما تهتم
وانا من ايام اذا ماارضه تنطي شفايفك رشوه
وهي خلصت وبعده الشوكَـ ماخلصان
غيب وعود تلكَة المايريدك حان
كَالوا الينسي اليبتعد بس لتخاف
أديّ تهوه المكَاود ماتهز فنجان
طري ، طري وجهي وبعده بي للمعاتب ماي
خاف تريد نتحاسب منو الغلطان
مشكلتك تحب بس اكثر من اثنين
ومشكلتي من احب من قلبي اصير انسان
وهذني جفوفي مارافعهن بدعوة
اعله واحد عافني ادري الخسر هوه
طيب واليضوك سوالفي ميخون
على اهل الشوكَـ نسمه وللربع خوه
امي بروحها تنست لمن ماجيت
وموش بجلدي صارت بالقلب نِسوه
وشنو الماخسرته ورايد اربح بيك
انا الشاطر المانصبوه قدوة
ومو شرط التعب بأنسان حصته يصير
الأسد حصته الزند والركض للبوه
هاي الدنيا مدري انت المهم تهون
صفه الشط صاحبي كَد ماكَلت فدوة

2,286

🪐

12 Oct, 16:54

ما چنت اظن أشرب خمر
چي فارگتني وناسي
صدگني من أشرب خمر
جايب صورك حتى اصعده براسي
ذني السوالف مو إلي
بس انت تدري بروحتك
مدمر انه احساسي
صدگني مو اهلي الاجو
شمات اجتني تواسي

1,908

🪐

12 Oct, 16:52

لكيتك وشلكيت وياك
رب الشوك واسراري
اجيت من الضياع
لبيتك التعبان بعيوني
الدمع والمغرب وملگاك والطاري
اجيت ابابك وضليت للنسيان
كل اوراقي محترگه على چف ناري
انا الحرمان خلاني غصن ذبلان خلاني
حاولت شكد بس ما كدرت انساك
بيك وجوه خلاني

1,829

🪐

12 Oct, 01:31

ردتِك بأخرَ دقيقِة تگليُ " أحبچَ "
تگليُ عوفِي الدنيَا كُلها بسِ ضمَيني يمِچ
رايَد تلمِيني بأيَدج
حَلمي ضلمِة وأگعَد بنصَ ليلِي أريدچَ
أبقِي يمَي
خِايف تضيعَين مِني شلوُن أجًيبچ
أيدِي چَانت تنتظِر أيَدك تضمِني
وسَكتة مِنك وسَكتة مِني
وهَيچ قصِتنا انگضَت
لا گدرنِا النحچَي بينِة وَلا سوالفِنا الحچَت

1,941

🪐

06 Oct, 21:24

يجي وكت العتب
وأتعاتب وياك
وأخليهن كبال عينك
وحدة وحدة
أجرح بالعتب ما تجرح بسيف
لأن جرح العتب محد يضمده
مو كتلك ترااا الدنيا دولاب ؟
إذا فترت عكس حيلك تهده .

2,372

🪐

01 Oct, 21:04

كان من الممكن أن ألجأ إليكَ
في ليلة أرق كهذه
لتخبرني أنهُ لا داعي للخوف
وان ما كسر يمكن إصلاحه
أو ربما تعويضه بأشياء جديدة تماماً
فأطمئن أكثر
ويعود كلانا إلى النوم
شاعرين بسخافة ما يحدث في العالم
لأننا معاً
لكن الحياة ليست بهذه البساطة !

2,601

🪐

30 Sep, 21:25

اذكرها اخر شوفة الك ؟
من گتلك شمالك عليّ
ماجاوبت چنك ولا سامعني
من عدها فز گلبي وخفت
سديت عيني وفتحت
نفس الوجه !
وجهك وجه بايعني
والله وكت ، اندارلك من كل درب
وعيونك تضيعني .

2,372

🪐

30 Sep, 21:21

اله انَشِف ماي اصابيعَك
واخليها اتراعَش مِن كِثُر دَكها اعلى بابي
اله اضوگَك ذِلَة المَلاچ مِن يصير راعي
اله اخَليك بمكاني المالَه داعي
اله ارِدَك عَ الهدوم الشابگك
بيهِن تَدور خانه خانه !
اله اخَليك اتصفَن بالوجوه
التِمشي يَمَك كِلها تتراولك انه
انتَ ياهو ؟
وهذا ياهو الگالك روحي ذليلة ؟
خاف حسبالَك صِرت فوگ ورَهيت !
انه روحي اعنادها عناد الفِسيلة !
الظاهِر انتَ لهَسه ماتعرُف شأريد
ولا مفَكِر تفتهمني
واني اوَل ماعرَفتَك كِتلك حچاياتي ذَني
حِطلي فوگ متوني ضَيم اهِل العراق
وحطِلي كاع الله وسماها ومايهمني
ولا تحِط يَمي بَشر ما يفتهمني !
خاف گالولك عَلى گَلبي حنين
تَرا هذا الگالَك مَطرود گَبلك
لا تفَكِر تستغِلني
ولا تتانيني ارجَع ومِن هَسه اگِلَك
مايردلَك لا تصيح بظَهرَه
المحَمل غَراضه وتَوة شايل
الواصِل لمَرحَلة يشَگِكله قَصيدة
لا توَديله رسايل
عِد اليشگ القَصيدة يجوز تِنداس الرِسايل
"زَعلي هَالمره ثِكيل"
لا توَديلي غَريب اعلى المراضَه ولا گَرايب
"اني مِنَك ما رضيت"
المَن موَدي الغَريب يصالحَك وياي خايب ؟
رَخصت روحَك وِلَك !
اغلَه لا ينگال عَني چان عاشِگله رِخيص .

- مرتضى مطشر

2,277

🪐

30 Sep, 21:20

باجر يفرغ الباكيت والماعون
دورلك شريف يداين المديون
جاي اخذ نفس مادري وين يروح
وصلت للنفس واخواني مايدرون

1,401

🪐

30 Sep, 21:16

‏وينك انتَ
احَجي لاتُكضيها سكتهَ
المَاضي عفتهَ
المَوت شفتهَ
المُر جُرعتهَ
وكلَت يمته تحَن اليّه
وانتَ ماتدرَي برحيلَك
صرت اخرَس
صوتي بكَته
ههَذا كُله الصَار بيَه
شلَونك انتَ؟

1,541

🪐

17 Sep, 18:12

عاملني بغرابة وأنة مصدوم
مَرة يدزلي بوسة ومَرة سهمة
ومَرة بگل لطافة يسولف وياي
ومَرة بنص كلام يخَلي سمة

2,290

🪐

17 Sep, 16:53

الفرگه نار توج وسط
گلبي وتريدك مرني ماي
الليل جوع .. اعزمي مره علَى النهر
قشمر جروحي بـ أجيتك حتى انام
دزلي كلماتك وهَم بيهن سلام
يلي بيني و بين بيتك
شارع الفرگه طويل
و بطوله محتله الظلام
منين اجيبن صم نظر
مگدار شارع حتى اجيك؟
منين اجيبن عين ساعه
وساعه اضل صافن عليك
كون اجيك .. كون اصيرن جار شِفتك
ضحكه اريدن بيها اعيش
وحتى لو تحسبها أجار
انت نظراتك حبال
تجر عقل كلمن يريدك
عكس نظرات الصغار
عندي نظرات على گدي
تباوع لأبعد مكان تشوف خدي
فرگة ضعونك يغالي تريد حيل
وانا گاعد اعثر بجرحي وأميل
واعزف بلحن السوالف واشتهيتك
شحت الكلمات واذني تريد صوتك
يمي واگف .. ألزم حروفك جفاف
شما المهن اقرى كلمة راح اروح!
ادخل لعالم خيالي ألگاك أمير
ارجع لواقع حياتي الگاك غير
تحبني بس تحب عذابي
تردلي بس توگف الخطوه گبال شامت
وما تعبره وتنحني وتحضن الباب
گلبي أجّل نبضه الا يمر هواك
نمت ليلي وهو گاعد
نسى ينام وما نساك
وعشت انا وگلبي حيره
نروح ذله والبقاء يولد بنص گلبي علّه
و وگفن بنص الدرب خطوه وكرامه
عبّر الخطوه وتعال وفرح اللحظات بيك
ما أجيت وگلت اجيك
وگلت اعوفن نظر عيني احساسي يندل
لكن اعثر بالكرامه وما اجيك

2,174

🪐

14 Sep, 23:47

دك الحجر بالحجر
يطلع شرار ونار
وهز الشجر بالشجر
تنملي الگاع اثمار
گرب نهر من نهر
تلگاه قوي التيار
وانا التقيت بـ بشر
چن لاگي كومه احجار

1,701

🪐

14 Sep, 23:47

جنها هالمره صدك متفارگين
اليوم اودي وين كل هذا الحنين
مره فارگتك دقايق ومن اجيت
گتلك شعطلك كل هاي السنين
انه مرجوحه بمحرم وحدي اعيش
مثل وحشة رحم بفراك الجنين
وانت جنك جرحي اذا اداوي يروح
ع كيفك عاد يبن المسعدين
ساعه وداعك ذيج والمغربيه
مثل اليجيها وليد ويموت ابيه
هيج اريدن شوفتك من اعتنيك
لاغرام ولا هوى ولا مشتهيك
انه ذاك الشايل دموعه بگفاك
وانت ذاك الشايل الخنجر بديك
وانه ذاك المشتري البايعني دوم
وانت ذاك الي تبيع اليشتريك
الدنيا ماتوگف ع احد ياهو گال
من درت وجهك اشو وگفت عليك
يادوه جروحي اليوم شو وگفت عليك
ترفس تلث اوكات روحي ع طاريك
والله تعبني السهر يوم ارد انام
الشوارع فارغه وراسي ازدحام
احنه لو متخاربين احسلي عاد
ولا علاقتنه تضل بس السلام
وصدفه نتلاگه وغريبين ونروح
جنه مانعرف بعض والله حرام
فرگتك يحملها جا گلبي الرجيج
وعلي يريدلها صبر مالت امام
مستعد لو رديت من الجاهليه
ذنوب العرب لليوم كلهن عليه .

1,651

🪐

13 Sep, 00:42

بّعدك تحِن وشبأقيْ
عندِك غيّر سلهَ صغيَره
لأورأِق ألحَزن بْعدك تِحن؟
موٰ بْس شوأطَي ألذكريأت
محِرگه بيهْأ ألسُفِن
سأكِن ببّيت ألنار كِل هذهَ
الوْكت سأكن ببّيت ألنار مُو
مأ ينِسكن توزع غنأك بوَحشِه
الحٰيطأن وألعوَد نكسِر وبألك
أكثر مْن لحِن بْعدك تحّن؟
ليْش ألحزن ربأك صَأيُرلك أبو
وأنتَ بْرضأتك صأير لْحزنك أبن؟.
وبعدهَ ألخلاف ويَ الزمْن
وهوهْ صعُب وأنتَ مرَن
شنِهي أليجُبرك علِصبُر؟
وشنِهي أليجبُرك تنتظُر؟
مْأ دأم خلِوك ومٰشو
ووزنِوك مْن بأعو وزِن.

1,570

🪐

10 Sep, 20:28

شما تلتفت عيني الگاك موجود
يتراوالي وجهك وين ماصد
اغمّض والگه ظلّك يمشي بالعين
بحيث من ارد اجيك برمشي تلبد

1,705

🪐

🪐 (Arabic)

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐

🪐