العرايس | استفسار وحلول العروسة

مُفضلاتي الأبدية من iherb | 🌟🤎

- سويت غلط قبل عرسي بسته شهور طلبت طلبية كبيرة من ايهرب وندمتت ، اولًا لو في شي فاد معي مااقدر اكون متاكده هو لوحده السبب ولا بقيه الاشياء اللي استخدمتها وثانيًا تاريخ الصلاحية بعضها انتهى ومالحقت اخلصه وكثير اشياء اخذتها وماركزت نوع الشعر و البشرة وتوهقت فصرت اقرأ بالتفصيل عنه بالتعليقات وهذا اللي
انصحكم تسوونه.

- المكملات كثير منها فيها جيلاتين حيواني مشتقات الخنزير فانتبهوا والافضل تاخذونه
من السعودية ⚡️

- افضل وقت للطلب من ايهرب فترة الشتاء اي كريمات اي شي عناية تطلبينه من دولة ثانيه خليه بالشتاء عشان لا يتأكسد او يخرب من الحر وشركات الشحن تتركهم
بالشمس.

- ايهرب امريكي فركزوا على مواعيد عروض امريكا مثل الجمعة البيضا هذا الشهر و نهاية السنة وقارنوا الاسعار ترا في اشياء تلاقينها اغلى في ايهرب.

- تسمحون لي اقول معلومة اذهلتني بما اني احب الشاور الدافي! تروشوا بموية باردة فترة عنايتكم للجسم له فوائد نفسية كثييير ويقوي المناعة فتزيد استجابة الجسم لكل التغييرات وبيقوى قلبكم مع الشهقات
و بتصير الزفة اتفه همومك 💡✨

استخدموا أي كود بس يعني
كودي فيه بركة CBV7852 💅🏻🥹

نتعلم ثقافات كثيرة و جميلة تجارب الفشل السقوط تعطيك اساليب تفكير حلوة منطقية او مركبة تعالج فيك محدودية النظر مثل المشاهد اللي نشوف فيها رأي شخصين تجاه موضوع واحد ، تشوفون قيمة الالتزام و السعي و
نتائجها بالافلام الدرامية ،
النهايات المفتوحة تعلمنا نفكر انه للقصة
الف احتمال ولنا كل الحق بالاختيار ،
تطور لغوي عظيم يعني موب بس لغة ثانية لا حتى الترجمات نسمع عن كلمات عربية ماقد
مرت علينا.


اتمنى هالمقدمة تخليكم تتحمسون لذوقي
لأن ذوقي السينمائي صدق عالمي
بس ليه كتبت هالكلام بالقناة اللي اغلبها مُرتبطين او على وشك 👰🏻‍♀️👩‍❤️‍👨 !؟


لأن جهزت قائمة افلام لازم تشوفينها مع
شريكك خاصة فترة الملكة بدل المكالمات والروتين المكرر ، اذكر شفت فيلم شايفته من قبل لوحدي وماتمللت لأن الموضوع مختلف تنتظرين ردة الفعل على كل لقطة تعرفينها و تفتح حوارات طويلة وعميقة تساعدك تشرحين نفسك تفهمي وجهة نظر الطرف الآخر بأمور كثيرة ، تقربكم لبعض تصيرون تضحكون على شي لأنه ذكركم بشي شفتوه سوا مثل افكار مسلسل ساينفيلد وفريندز والغباء الحلو اللي فيهم 🥰


| قائمة متجددة بأفلام ومسلسلات تناسب الكبلز متنوعة بين الوفاء و الانانية
والتضحية و تقبل الآخر ✨|

أبدأ بثلاثية الغروب ثلاث اجزاء لفيلم يلتقون الكابلز مصادفة وعفوي جدًا :

1- Before Sunset
2- Blue valentine
3-Julie & Julia
4- A sapration
5- Sense from a marriage
6- Past lives
7- Sylvie’s love
8- Sweet & sour
9- Gone girl
10- Nocturnal animals
11- American beauty
12-Revolutions rouds
13-Me before you
14- Vertigo
15- Sweet November
16- Unfaithful
17- Pride & prejudice
18- Casablanca
19- Carol
20- Amour

بكتب لكم هالبوست وانا متشوقة لأن بتكلم عن شي اشوف عيوني تلمع لما اسولف عنه 🥹🌻

تدرون عاد على قد ماكتبت مواضيع ولا مرة عشت هالشعور الحلو اللي احس نفسي ماراح اسكت لو بدأت !! هذا هو اللي يسمونه شغف بس اشوفها كلمه ظالمة لأن هالشعور ينوصف بالالاف الصفحات اختزلوه بكلمة وكرهناه ، اتمنى من قلبي تكتشفون هالشي اللي يعطيكم نفس هالمشاعر واحلى.

اشوف الافلام اكثر من مجرد متعة لحظية معانيها وتأثيرها كبير خاصة اذا كانت الاختيارات فريدة ومميزة وصار عندي قدرة تحليلية مختصر الحديث هالموهبة طورتها من كثر قراءة المراجعات للافلام تعرفون لما تشوفون فيلم وتالي احد ينبهكم على
امور عجيبة تقولون شلون ياربي ماركزت!

ليه السينما اشوفها بهالجمال!
لأنها تتكلم بلغة البصر تجسد لك شعور عجزت تفهمه تعلمك تكون نبيه وتعرف مدلولات الصورة و المشهد يعني مثلا شعور الوحدة لما احد يذكره يطرالي شكل الممر في فيلم taxi driver عرفتو شلون ، احيانًا تربي فيك او تطور صفات حلوة تعرف وش تطالع ووش كلام فاضي تعطيك رغبة يكون لك ذوق متفرد بكل شي بحياتك ، تتعلم تصبر احيانًا الفيلم يكون ميت واللقطة الاخيرة تحييك من قوتها مثل فيلم bird Man ✨

٢- زيارة لطبيبة النساء و الولادة : هالثقافة انا ودي تنتشر لأن والله يزعل اشياء واجد تروع البنات ممكن بكل سهولة تشرحها للدكتورة وتفرق بأهم ايام عمرها بس في ثلاث اسباب اتمنى اي عروس تأخذها بعين الاعتبار وتااخذ موعد على الاقل ٣ شهور قبل عرسها :
⁃ تكيس المبايض
⁃ أسباب تخص المنطقة الحميمية
⁃ تطعيمات ( HPV )
⁃ موانع الحمل
⁃ اذا كانت على ادوية لأي سبب (روكتان)

وش بتزيدك هالزيارة ؟ اولًا عاداتنا كبنات دائمًا تحتاج تحسين خاصة فترة الدورة ولو تلاحظون صار كثير تظهر عنده اعراض تكيس المبايض حلو تعرفين وضعك من بدري ونصائح مثل الاكل النظيف الصحي شلون بيغير اشياء كثير بهرموناتك وانه تدفين زين ورجولك فترة الدورة ماتمشي على السراميك بدون حماية.

وكمان اذكر في وحدة بقروب العرايس حمستني اخذ موعد وقالت لي معلومات كنت اشوفها حلوة وودي اطبقها بس قلت خلني اروح وفعًلا طلع كثير منها ما تنطبق علي واحتاج اشياء مختلفة وعندي تصور خاطئ عن اشياء كثير مثل التطعيمات وساعدتني افهم مانع الحمل اللي يناسب وضعي ورجعت بحثت عن جميع الانواع وسويت ملخص بيفيد كثير ، ولو قررت احمل وش مهم ابدأ اخذ مكملات لو اختصر زيارتي لها بفائدة ذهبية ؛ انه قفلي اذنك عن تجارب غيرك بكل شي طبي دائمًا حالتك تختلف واللي يناسبك ممكن مايناسب غيرك فما في شي اسمه توصيات على نوع معين او سواليف قروبات الواتس والصدق رغم ان عندي قروب
واستفيد من تجاربهم واااجد بس
اقنعني كلامها لأنه واقعي.

٣- السبب الثالث واللي كثير ممكن يغفل عنه هو لو أنك مسوية اجراء تجميلي جراحي أيّ كان في معلومات كثيرة تحتاجي تحطيها ببالك وغالبًا اكثر ناس ممكن يخدموك بهالموضوع هم الاطباء بدل لا احد يخوفك ويقولك ماتقدرين تحملين او الرضاعة مستحيلة
يصير تطمني من مصدر موثوق 👌🏻🤎

يسعد اوقاتكم 🥹💘
من طول الغيبات وشو !!!

ندخل بسرعة بسرعة على الموضوع لأن
طلع تأثيث البيت يبيله طولة باااال وانا عندي بال واحد صغير هذا سبب قلة منشوراتي 🥲
بس صدق هالبوست اخذ مني مجهود عالي بسبب كثرة مصادره وحاولت اتأكد من المعلومات من اكثر من شخص.


السؤال كذا شكله :
انا وش احتاج من استشارات طبية تخص صحتي قبل الزواج وليه ؟

١- فحص شامل : اسلم لك لأن هذا بيحل مشاكل واجد توجهينها ممكن يكون سببها نقص معادن وفايتمنز مثل ايش ؟ الحديد بتقولون مين ماعنده انيميا ، بقولكم اللي عالجوها ارتاحو من الهالات و التعب العام اللي مايخليك عندك طاقه لشي وتركيزهم زاد طيب ليه اللحين قبل الزواج ؟ لأن اولًا بتعيشن لوحدك ضروري تهتمين انتي بهالامور محد بياخذ باله منك زي في بيت الماما وبعد وبكرة بتصيرين أم اول شي يعانو منه البنات فقر دم الولادة وهاتك ابر حديد وشغلة وقيسوا على ذلك اي نقص بيأثر على نتايج عنايتك و الأهم منها صحتكك ✨

مسا مسا للجميلين والناس الطيبة
و الذوق 💗🥹💅🏻✨

في ابلكيشن اسمه ( مهري ) رتب لي كل شي وساعدني اسوي ميزانية للأشياء اللي ابيها الصراحة لما كنت ادخله احس اني مطمنة تحطين فيه قيمة المهر ثم تكلفة كل شي فستانك وكل التفاصيل صدق صدق منقذ حبيته وصرت حتى لو عندي مناسبة استقبال اي شي احط اسمها واقسم قائمة المهم ومواعيدي الجاية فيه اتعب وانا امدحه.

بس الصراحة العد التنازلي لموعد الزواج
في تطبيقات اجمل منه وخيارات اكثر و يسمح لك تحطين الخلفيه اللي تبينها
اكتبو بالسيرش (Countdown)