Посты канала Бір пенде

✍️Рамазан айында жасалатын амалдардың бірі- айналамызға жомарттық таныту. Хадисте: “Жомарт адам Аллаға жақын, жәннәтқа жақын, адамдарға жақын,, деген.

Рамазан оразасының әр күніне бөлек ниет ету шарт па, әлде айдың басында ниет ету жеткілікті бола ма?

✍️Жауап: Оразаның әрбір күні өз алдына бөлек ғибадат. Сондықтан әр күнге жеке ниет ету шарт болып саналады. Фиқһ ғалымдары бір күннің оразасын бұзу басқа күндердің оразасын бұзбайтынын айта отырып, Рамазан оразасының әр күніне жеке-жеке ниет ету қажет деген тұжырымға тоқтаған.

✍️Рамазан айының ең үлкен мәні де, шарты да – өзіңді тәрбиелеу.
Мына бір қызықты қараңыздар, әншейінде, бір сағат темекі тартпаса тұра алмайтын, насыбай атпаса назданатындар Рамазанда бір апта немесе бір ай бойына нашар әдеттерін тастап жатқанын көреміз. Неге? Себебі, лағынеті шайтанның азғыруы азаяды. Сондықтан, Рамазанның сауабын толық алудан тосатын тақуалыққа таңсық әрекеттерді тастауға туып тұрған мүмкіндікті жіберіп алмайық. 

✍️Ұйықтап қалып, сәресіні өткізіп алған кісілер не істейді?
Сәресі ішу – парыз емес. Ұйықтап яки басқа себептермен сәресіні өткізіп алғандар ештеңе ішіп-жеместен ораза ұстауын ары қарай жалғастыра береді. Бірақ, сәресіні жіберіп алмауға тырысқан жөн. Хадисте: «Сәресі ішіңіздер, себебі, сәресіде берекет бар. Бір жұтым су ішсеңдер де сәресіні тастамаңдар. Себебі, сәресіге тұрғандарға Алла Тағала рақым етіп, періштелер кешіріп тілейді», - делінген. Сәресі мезгілі – дұға-тілектер қабыл болатын ең берекетті уақыт. Сәресі ішу адамға күш береді, күндізгі жұмыстарын тыңғылықты атқаруға, ғибадаттарын кемшіліксіз орындауға көмектеседі. Бұған қоса, сәресіге тұрған кісі сүннет сауабын алады. Себебі, сәресі жеу – пайғамбарымыздың сүннеті. Сәресіге тұрған кісі артынша сәре уақыты шықпай тұрып «Тәһәжжуд» намазын оқып, Раббысына мінәжат етсе нұр үстіне нұр.

✍️Намаз оқымаған адамның ораза ұстауына бола ма?
Ораза – жеке-дара құлшылық. Намаз оқымаған адам да ұстай алады. Ораза – Ұлы Жаратқанға жақындаудың бір түрі. Мұны болмайды деп тыю дұрыс емес. Намаз оқымайтын кісі ораза арқылы дінге бір табан жақындап, келер жылдары намазға жығылуы әбден мүмкін. Ораза ұстаған кісіге «Оразаң қабыл болсын!» деп демеу беріп, мұсылманшылыққа даналықпен шақыру – саналы әрбір мұсылманның міндеті.

👍С: Рамазан айында кімге ораза тұтуға рұқсат етілмейді?
Ж: Рамазан айында етеккірі келген әйел мен босанғаннан кейін қан көрген әйел ораза тұтпайды. Өйткені етеккір мен нифас қаны ораза тұтуға кедергі болады.

✍️Жүкті әйелге ораза ұстау керек пе?
Шариғатта құрсақтағы немесе емізулі балаға зияны тиеді деп қауіптенген (жүкті не емізулі) анаға Рамазан оразасын  тұтпай, кейінге қалдыруына рұқсат[20]. Сахаба Әнәс бин Мәликтен риуаят етілген хадисте Пайғамбарымыз (с.а.у): «...Күмәнсіз Алла тағала сапардағы адамға намазды қысқартып, ал оразаны жолаушыға және жүкті әйел мен емізулі әйелге міндеттемеді...»[21], - деді.

Крем жағу оразаны бұза ма?
Терідегі ұсақ тесіктер арқылы ет пен терінің арасына сіңетін заттар оразаны бұзбайды. Мысалы, крем жағу, май жағу, судың ішінде ұзақ тұру, жараның бетіне дәрі таңу т.б. Тек крем не майды жаққан кезде тым қалындатпаған жөн. Себебі, қалың жағылған крем не май дәрет алғанда суды теріге жеткізбеуі мүмкін. Ал теріге су тимеген соң дәрет дұрыс болмайды.

✍️Негізі расымен де біз кітаптан ұзақтап бара жатырмыз. Көп уақытымыз әлеуметтік желідегі пайдасыз дүниелерге кетіп жатыр. Олай болса ештен кеш жақсы дейдіғой бүгіңгі сәрсенбінің сәтті күнінен қолымызға бір кітап алып, 10 беттен кітап оқуды бастап кетейік. Сонда жоқ дегенде 1 жылда 12 кітап оқып шығамыз😍😊 “Артық білім кітапта,,
Ғалымдардан қалған сөз бар екен: “ СӘРСЕНБІ КҮНІ БАСТАЛҒАН ІС СОҢЫНА ЖЕТЕДІ,, деген….

📖 🫢 Жылына 50 кітап бітіруге болама?
- 1 күнде - 35 бет = 50 мин.
- 1 аптада - 245 бет.
- 1 айда - 980 бет.
- 6 айда - 6370 бет.
- 1 жылда - 12,740 бет = 50 кітап = (12 күн). 3,2%

📖🤓 Ал, 30 кітап ше?
- 1 күнде - 20 бет = 30 мин.
- 1 аптада - 140 бет.
- 1 айда - 560 бет.
- 6 айда - 3640 бет.
- 1 жылда - 7280 бет = 30 кітап = (7,6 күн). 2%

📖🤫 Ал, 10 кітап ше?
(10 кітап бітірсең әлемдегі орташа кітап оқитындардың қатарында боласың.)
- 1 күнде - 7 бет = 10 мин.
- 1 аптада - 49 бет.
- 1 айда - 196 бет.
- 6 айда - 1274 бет.
- 1 жылда - 2548 бет = 10 кітап = (5 күн). 1,3 %

🫠🫠🫠 Әлументтік желіде ше. Неше уақыт отырамыз?
- 1 күнде - 2 сағ.
- 1 аптада - 15 сағ.
- 1 айда - 60 сағ.
- 6 айда - 390 сағ.
- 1 жылда - 780 сағ. = (32 күн). Адам өмірінде = 6 жыл. 9,3 %


✅ https://t.me/maktubatkz