جمال الـيـقـيـن بـالله 🤍🕊️ Telegram-Beiträge

رساله لقلب ربي يعرفه ✨🩷

لم يُحيي الله في قلبك لهفَة الفرج، ليتخلّى عنك.
تطمن واصبر واهم شي ارضى بكل شي من الله حاليا لان وضعك اختبار ليقينك
الرضا هو الحل لأن من رضي فله الرضا

ربي هو المتكفل بكل مشاعرك ، يشوفك كل م قربت لليأس وتحس بتوقف دعائك ..يحيي في قلبك صوت هادي وعميق يقولك استمر ربي حاشاه يخذلك ، هالصوت من جند ربي يبثه الله بقلبك من خلالهم لأنهم مأمورين بتصبيرك
عشان تصبر واسأل نفسك ليه تصبر؟ وش ينتظرك عشان تصبر
جواب الاسئله هذي بقلبك اسمع له وابتسم
م بيحيي فيك لهفة لشي ويتخلى عنك !
حاشاه الرحيم ✨🩷

صبرك عمره م كان منك ولا بيكون منك
إنما منه هو ..تأمل وش عشت وكيف مر الأصعب من هالوضع وبتعرف ان صبرك مو منك

اللي معهم ربي ..لا خوف عليهم ولا هم يحزنون


﴿يُدَبِّرُ الْأَمْرَ﴾
.{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَاۖ﴾

شاركوني هنا مدى ملامسة الرساله لقلوبكم

رابط قناتي..

https://t.me/beauty_of_certainty


شاركوني هنا مدى ملامسة الرساله لقلوبكم

https://110369375314554976578.sarhne.com

مواساة ورساله ..لقلب يعرفه ربي 💕

.
.
شاركوني تعليقاتكم

لـ قلب ربي يعرفه 🤍
{مَا وَدَّعَكَ رَبُّكَ وَمَا قَلَى}
م نساك ربي، ولا هو غافل عنك ولا عن حزنك وتدبير امورك
ابتسم هي ببالك متعسره، لكن هي مدبره بأدق ترتيب وتدبير 👌
ربي يحبك ، اتعب قلبك الفتور لكن تطمن قلبك معلق فيه ومتصل اتصال دائم فيه
يمكن م تبصر خفايا اللطف في امرك
لكن، تطمن وابتسم.. م هان عليه حزن قلبك وانت تحس انه يمكن ربي م صار يحبك؟
و سخر لك جنود أرضه عشان يكتبون لك؟
تطمن يحبك لكن هذي الفتره ربما تكون تألم قلبك لاحساسك ببعدك عنه؟ لكن لـ حكمه إلهيه ويتخللها الطاف إلهيه عظيمه
ابصرها و بتشوفها 👌🤍
ينظر لك الآن وكل وقت وحين وانت حتى مو واعي لنفسك وحسن ظنك
وانت لخطبة مشاعرك مضمونها ان ربي حاشاه يبعدك عنه وانت تبي قربه
تواسي قلبك بالظن الحسن فيه وتتذكر الآيه الي تقول {فما ظنكم برب العالمين}
وتطمن هو عند ظنك فيه

﴿ إِنَّنِي مَعَكُمَا أَسْمَعُ وَأَرَىٰ﴾.

.
.
سُئلَ الإمامُ الشَّافعي -رحمَه الله- :
‏ما أعظَم عملٍ يتقرَّب بهِ العبدُ إلى الله؟
‏فبكَى ثمَّ قالَ: "أن ينظرَ اللهُ إلى قلبِك فيرَى أنَّك لا تُريد من الدُّنيا والآخِرة إلا هُو!
.
.

مبارك عليكم الشهر حبايبي 🌙🤍.

اهلا حبايبي
فيديو و رساله لقلب ربي وحده يعلم عنه
قلب يحزن ويفكر ان ربي م يسمع له ولا يستجيب له؟ ولا يشوف رجاء قلبه وحزنه؟ الفيديو هذا لك رساله
تأمل ان ربي أراها المنام وسخر لها كل شي حولها عشان تقول المنام في بث هالمفسر ربي يبارك في علمه، وتأمل ان بآخر الفيديو قالت إنه ربي يرد عليها وعلى 'ناس معينين'
يعني؟ اللي اصطفاهم لقربه والهمهم يدعون
وتأمل نقطة ثناء الله على قلبها بأنه مثل قلب الطفل من نقائه وطيبته
شوف الفيديو لانه بتطلع منه بقلب يقينه واصل للسما برب عظيم وبعدها.. اقرا هالكلام لأنه بتقرا الحين لكن بتدركه اكثر بس تخلص الفيديو
لما يجي لك الشيطان يوسوس لك ان ربي م استجاب لك او انه الهمك الله تكرر شي معين عشان يستجيب لك او جعلك تدعيه فتره معينه بعدها تعب قلبك وتركت الدعاء لكن ربي يعلم قلبك وش يبي! هنا جاوب نفسك
{ فـمـا ظـنـكم بـرب العـالـمـين }
الجواب بقلبك اسمع له
و بسألك ليه بدل تقول ربي م استجاب لي وانا يأست خلاص م عاد بيستجيب لي لاني وقفت او جا لي فتور، ليه م تفكر ان ربي استجاب منذ البدايه واصلا هذا كله مدبر من عنده لأن امرك من السما للارض ينزل مدبر وخالص
بس يحب يسمع صوتك! ليه م تفكر كذا؟ بيجي لك وسوسه عارفين من مين يقولك من تكون عشان يحبك ربي
ليه الشيطان يزرع فيك فكره بدون تحس بنفسك انه من تكون؟
جاوبه و ربي يعلم انك م تزكي نفسك لكن انت تعلم بقرارة نفسك ان لجوئك له وتركك للبشريه كلهم مو هين عنده

طيب ليه م تفكر ان ربي يبي لك خير عظيم جدا من تكرارك للدعاء وانك تتقرب منه دايم؟ بس بنقطة دعوتك المسأله مقضيه من زمان عند الله مدبره وخالصه!

اشياء كثيره لو فكرنا فيها من جوانب ثانيه بنشوف شي الشيطان يعمينا عنه دايم
بيجي لك فئه مثلا تقول هذا تشجيع على عيش اوهام
رد بابتسامه وحط عينك بعينهم
وقول من متى حسن الظن بربي
كان وهم؟ وامضي بثقه تشع من عينك لان هو معك
وهم خلق من خلقه ولأن اللي تبي بيده وحده
مب بيدهم، ولأن مشيئته فوق مشيئة خلقه
ولأن م اراده الله م بيوقفه اي احد
لا يوسوس لك لا شيطان ولا انس ولا جن
انت تدعي رب عظيم وش ظنك فيه؟
قلبك جاوب لأنه تعرف وبعد عيونكم دمعت وتنهدت لان تعرف منه اللي م يعلمه غيرك
لكن احيانا تضعف.. عادي بشر لكن العبره بعد الضعف كيف تقوم بيقين أعلى واهم شي بعد م تشوف لطف ربي فيك
وحبه لك
وقتها تذكروا صبرك مو منك لانه كل لحظه معك
‏﴿ وَمَا صَبْرُكَ إِلَّا بِاللَّهِ ۚ﴾.

✨ تبي اليقين عندك ومعدل
السعاده يرتفع لأعلى شي؟

✨ تبي حسن ظنك بالله يرتفع أعلى ارتفاع؟

✨تبي م عاد تركز الا على النعم بحياتك؟

✨تبي تكون طول وقتك بس
مستشعر السعاده ومتلذذ فيها؟

✨والأهم هو
انك بأعلى مراحل ابصار
لطف الله في كل أمرك؟

|| تكلمت بشكل مفصل عن المشاعر
هذي وكيف تصل لها
بـ الامـتـنـان والـشكـر والحـمـد لله 🤍||

تأملت بآيات وأحاديث عن الشكر
والحمد والامتنان
وتكلمت عن طريقه بسيطه جدا بس نتيجتها عظيمه وقويه جدا
طريقه باختصار توصلك لأعلى
مراحل ابصار لطف الله بكل امرك

وبتكون من الفئه القليله الي
قال الله ووصفهم انه قليل الي يشكرونه

وذكرت ادعيه بتعينك وتساعدك
على الشكر والحمد لربي 💕


🫧والله كل م ذكرته بالتسجيل الصوتي
هو من خلاصة اشياء عشتها بنفسي
والوصف فيها كان قليل💕

🫧 اسمع التسجيل الصوتي هذا ودل كل من يحتاجه عليه وانويه لوجه الله تعالى 🤍

بشارك معكم رؤيا وصلتني والرؤيا جميله لأبعد حد
بكل صدق انا دايم وربي يشهد الله ادعي لكم بكل موضع استجابه وم ابي لكل احد فيكم الا الخير ومن قلب قلبي دايم دعواتي لكم وشفتوا شعور لما تدعون وتبتسمون تحسون ان ربي سمعكم والهمكم واستجاب لكم؟ دايم في شعور خاص وغريب ويجننن بس ادعي لكم وعلى فكره اشوف دعواتي فيكم دايم من ضمنها ان الرسايل اللي من خلالي توصل لكم وتلامسكم وان ربي يقر عيني بجبركم وشوفتكم تبصرون لطف ربي واشياء كثير
الرؤيا جميله تأملوها

اهلين حبايبي ❤️
طلبت منكم تشاركوني لو لامستكم الرساله اللي فوق ..وكنت متأكده في مواقف حلوه وتقشعر
هذا موقف وصلني ..تأملوا معي كيف هي كانت متضايقه واكثرت من الصلاه على الرسول عليه الصلاة والسلام ودعت ربي !
خلونا نتأمل الموقف اول شي الضيقه هنا جت لسبب وهو عشان تطلع منها دعوات لربي وتفضفض ويستجاب لها ،وهنا نتأمل ان الضيق ضيف جاي يؤدي مهمه اذا استغليتوه عدل وهي هنا فضفضت لربي وحست مثل الثقل راح عن قلبها ..هنا الضيقه جت لتؤدي غرض وتم
اكثر جزء يذوب القلب تقول انه النت مقفل عن جوالها يعني م في رساله تقدر توصل ..لكن؟ وصلت لها رساله على الرغم من ان النت مقفل وهنا تأملوا كيف ربي م هان عليه حزنها وكيف في رساله كان لابد توصل بأي شكل من الأشكال ووصلت لان امر الله نافذ
الرساله لامستها ولامست كثير غيرها ..وموقفها يعلمك كيف ربي لطيييف لطف يذوب القلب بعباده ..ربي ترى
م يهون عليه حزن عبده والطافه تجري وعبده يكاد لا يدري وربي ترى كفيل ومتكفل بتصبير كل عبد استجاب له وتأمل وارجع بذاكرتك كم مره حسبتها النهايه وصبرك ربي ورجعت اقوى برحلة دعائك ؟ هنا بتعرف ان صبرك عمره
م كان منك انما من الله

.
.

رساله لقلب ربي يعرفه 🤍

تطمـن.. الخلق خلقه، والملك مُلكه وحده
وكل اللي تبيه بيده وحده
ولأنه اذا اراد أمر لن يوقفه احد
ولأن مشيئته فوق مشيئة خلقه؟
ولأنك عبده اللي يحبه اللي
لجأ له بكل وقت وحين؟
ولأنك اللي م تهون عنده
ولا يرضى لك الحزن
تطمن وتطمن وابتسم بثقه بوعده الحق
ولأنه عند ظن عبده؟ ابتسم اكثر
ولأنه بعد بشرك وطمنك
بكل وقت وحين ولحظه
لازم تتطمن وتمضي لأن القادم عطاء لابد وشرط ان تكون دهشته عمر كامل🤍
اثبت وأصبر

.
.
https://t.me/beauty_of_certainty

شاركوني هنا لو لامستكم الرساله 🩷

https://110369375314554976578.sarhne.com