The Blue Pride ሰማያዊው ኩራት

ፔተር ቼክ - የተናፈቀው የሰማያዊዎቹ የቀድሞ ዘብ!!

*** በቼልሲ ቤት በቆየባቸው 11 የውድድር አመታት በድምሩ 1,241 ግዜ (on target) ሙከራዎች ተደርገውበት 1,000 ኳሶችን ጎል እንዳይሆኑ አድኗል።

*** በ11 የውድድር አመቶች 241 ግቦችን ብቻ አስተናግዷል። ይህም በአማካይ 22 ግቦች በአንድ የውድድር ዘመን ማለት ነው። ይህ የማዳን ችሎታው በመቶኛ ሲገለፅ ከተሞከረበት ሙከራ 80.5% የሚሆነውን አድኗል።

**** በ166 ጨዋታዎች ላይ መረቡን በጭራሽ አላስደፈረም!!

እንዴት ያለ ድንቅ ታሪክ ነው!

ማነው ትክክል?

“ኤንዞ ማሬስካ ግትር አሰልጣኝ ነው ማለቴን እቀጥላለሁ። ሳንቼዝ እና በቼልሲ ደረጃ መጫወት የሚችሉ ተጨዋቾች አይደሉም። የመጨረሻ ኳስ ላይ የሚወስኑት ውሳኔ ሁልግዜም በጣም ዝቅተኛ ነው። ኢንዞ ማሬስካ ስህተታቸውን ያያል፣ ነገር ግን ግትር ስለሆነ በአቋሙ ፀንቷል። አሁን ከ4ኛ ደረጃ ወጥተናል፣ ለዚህም ሀላፊነቱን ኤንዞ ማሬስካ መውሰድ አለበት። በሳንቼዝ እና በጃክሰን መተማመኑን የሚቀጥል ከሆነ ስራውን ሊያሳጡት ስለሚችሉ ሻንጣውን ቢያዘጋጅ ጥሩ ነው"

ጆን ኦቢ ሚኬል

🔵

“አሁንም እንደገና ልድገመው እንዴ? … በሮበርት ሳንቼዝ እንተማመናለን። ስህተቶችን ሊሰራ ይችላል፣ ግን ደግሞ ማነው ስህተት የማይሰራው? ሳንቼዝ ጠንክሮ መስራቱን ይቀጥላል፣ በእሱ በጣም እንተማመናለን። እንደቡድንም እየተሻሻልን ነው። ከአንድ ወይም ከሁለት ወራት በፊት ከነበርንበት ሁኔታ አሁን በጣም ተሻሽለናል። እንደዛሬው አይነት ሁኔታዎች ደግሞ የበለጠ ጠንካራ እንድንሆን ያደርጉናል። የጨዋታ እቅዳችን በጣም ጥሩ ነበር። ምናልባት ሁለተኛውን ጎል አስቆጥረን ቢሆን ኖሮ ወሬው ከአሁኑ በተቃራኒው ይሆን ነበር"

ኤንዞ ማሬስካ

የማይሰበረው ቻሎባህ!

ይሄ ልጅ ይቅርታ ሊጠየቅ አይገባውም?

- ቼልሲዎች ለቅድመ ውድድር ዝግጅት ወደ አሜሪካ ሲጓዙ ከቡድኑ ጋር እንደማይሄድ አሳወቁት። ይህ ውሳኔ የተላለፈው ቻሎባህ ምንም አይነት የዲሲፕሊን ግድፈት ፈፅሞ አይደለም። ይልቁንስ እሱ በመልካም ስነምግባሩ ምሳሌ የሚሆን ሰው ነው። የብቃት ነው እንዳይባል ገና ሲዝኑ አልተጀመረም፣ የቅድመ ውድድር ዝግጅት ደግሞ "ማን ነው የተሻለ አቅምና ብቃት ያለው?" የሚለውን ለማወቅ የሚዘጋጅ ነገር ነው። ይሁን እንጂ ልጁ ራሱን እንዲያሳይ እንኳ እድል አልተሰጠውም።

- ከአሜሪካ ቀርቶ በግሉ እንኳ እንዳይዘጋጅ የክለቡን የመለማመጃ ሜዳም ሆነ ጂም (ፋሲሊቲ) እንዳይጠቀም ተከለከለ። የሆነ የተከለከለ አበረታች እፅ የወሰደ ይመስል "ወደ ኮብሃም በጭራሽ እንዳትመጣ፣ ቤትህ ሁን" ተብሎ በግልፅ ተነገረው።

- "ክለብ ፈልግና ሂድ" ብለው እሱ ከመልቀቁ በፊት የሚወደውን መለያ ቁጥር (የእናቱ ማስታወሻ ነው) ለሌላ ተጨዋች ሰጡበት። … ሌላም ሌላም ሞራል የሚነካ ነገር ተደረገበት።

- ቻሎባህ ግን አልተለወጠም፣ አልተሰበረም፣ በእምነቱ ፀና። ወደ ፓላስ በመጨረሻዋ የዝውውር ቀን ሄዶ በዚያ ማንነቱን ለማሳየት የቅድመ ውድድር ዝግጅት እንኳ አላስፈለገውም።

- በ5 ወሩ ቼልሲዎች "ተቸግረናል ታስፈልገናለህ" ብለው ሲጠሩት በደስታ መጣ፣ በልቡ ቂም አልያዘም። በተሰለፈበት የመጀመሪያ ጨዋታ ኮከብ ሆና የገፋውን ግን አሳዳጊውን የልጅነት ክለቡን ወሳኝ 3 ነጥብ እንዲያገኝ ቁልፍ ሚና ተጫወተ።

ከፍ ያለ ክብር ለጂሆቫው ልጅ !!

ከእግር ኳስ በላይ ብዙ ነገሮች አሉ፣ ሁላችንም ከቻሎባህ ህይወት የምንማረው ነገር ይኖራል ብዬ አምናለሁ።

መልካም ቀን!

ቼልሲዎች ዳግመኛ እንደማይፈለግ ተነግሮት ሞራል በሚነካ መንገድ የተሰናበተው ቻሎባን ከአምስት ወራት በኋላ የውሰት ውሉ ተቋርጦ እንዲመለስ ወስነዋል።

ቼልሲዎች ከእረፍት መልስ በተቆጠሩባቸው ሁለት ጎሎች ሲመሩ ቆይተው ሪስ ጄምስ ባስቆጠራት የቅጣት ምት ጎል አቻ ወተዋል። ማሬስካ በጥሩ አቋም ላይ የነበረውን ቶሲንን አስቀምጦ ወጣቱን አቺያምፖንግን ማሰለፉ ቡድኑን ዋጋ አስከፍሎታል።

የሰማያዊዎቹ አሰላለፍ ይሄን ይመስላል።

እንዴት ነው?

እስኪ ውጤቱን ገምቱ

መልካም እድል ለሰማያዊዎቹ!

ሬናቶ ቬጋ - የጠንካራ ማንነት ባለቤት!!

ፖርቹጋላዊው ሬናቶ ቬጋ ቼልሲን በቋሚ ውል መልቀቅ እንደማይፈልግ ተናግሯል። በቼልሲ በሚፈልገው የመሃል ተከላካይነት ስፍራ በቋሚነት መጫወት አለመቻሉን ተከትሎ የቬጋ ፍላጎት ለቀጣዮቹ ስድስት ወራት በውሰት ውል ለትልቅ ክለብ በመሃል ተከላካይነት በቋሚነት ለመጫወት እና ብቃቱን አሳይቶ ወደ ቼልሲ መመለስ እና ሰማያዊዎቹን ለረጅም አመታት ማገልገል ነው። ቬጋን በውሰት ውል ለማስፈረም ቦርሲያ ዶርትሙንድ ፉክክሩን እየመራ ነው።

የሬናቶ ቬጋን የአእምሮ ጥንካሬ እና በራስ መተማመን አለማድነቅ አይቻልም፣ ምንያቱም እሱ ያሰበውን ለማሰብ ጠንካራ ማንነት (strong personality) ይፈልጋል። ብዙ ተጨዋቾች ህልማቸውን ማሳካት ተስኗቸው ከመንገድ የሚቀሩት እንደዚህ አይነት ጠንካራ ማንነት ስለሌላቸው ነው።

ሬናቶ ቬጋ ህልሙን እውን አድርጎ የሰማያዊዎቹ ታሪካዊ (ሌጀንድ) ተጨዋች ሊሆን እንደሚችል ተስፋ አደርጋለሁ።

ቼልሲዎች በጨዋታው መገባደጃ ላይ በተቆጠረባቸው ጎል ነጥብ ተጋርተው ለመውጣት ተገደዋል።

በኮል ፓልመር በተቆጠረ ብቸኛ ጎል ቼልሲዎች 1ለ0 እየመሩ ጨዋታው ወደ እረፍት አምርቷል።

የመጀመሪያውን 45 ደቂቃ እንዴት አገኛችሁት?

ክሪስታል ፓላስን የሚገጥሙት ቼልሲዎች አሰላለፋቸው ይሄን ይመስላል።

እንዴት ነው?

ሰሞኑን ጥሩ ሲንቀሳቀስ የነበረው ቶሲን ተጠባባቂ ሆኖ ወጣቱ አኪያምፖንግ በእሱ ቦታ በመጀመሪያው አሰላለፍ ውስጥ መግባቱን የተሻለ ነው??? ወይስ …

እስኪ ውጤቱን ገምቱ

መልካም እድል ለሰማያዊዎቹ!

የጨዋታ ቀን !

ሰማያዊዎቹ የፈረንጆቹን አዲስ አመት (የ2025) የመጀመሪያ ጨዋታቸውን ዛሬ ከክሪስታል ፓላስ ጋር ከምሽቱ 12:00 ላይ በማድረግ ይጀምራሉ። ሰማያዊዎቹ ክሪስታል ፓላስን አሸንፈው 2025ትን በድል እንደሚጀምሩት እና ወደ አሸናፊነት እንደሚመለሱ ይጠበቃል።

ዛሬ የሚያከናውኑት የፕሪሚየር ሊጉ 20ኛ ሳምንት ጨዋታ ነው።

ጨዋታውን ለማየት ዝግጁ ናችሁ?

ኢፕስዊች ታወንን የሚገጥሙት ቼልሲዎች አሰላለፋቸው ይሄን ይመስላል።

ሳንቼዝ እና ጃክሰን በተጠባባቂነት መጀመራቸውን እንዴት አገኛችሁት?

እስኪ ውጤቱን ገምቱ

መልካም እድል ለሰማያዊዎቹ!

አሮን አንሴልሚኖ ሊመለስ ነው

ለቦካ ጁኒየርስ በውሰት ውል እየተጫወተ የነበረውና የቼልሲ ንብረት የሆነው አርጀንቲናዊው የመሀል ተከላካይ አሮን አንሴልሚኖ በዚህ ሳምንት መጨረሻ ወደ ለንደን ተጉዞ ቼልሲዎችን በመቀላቀል የኢንዞ ማሬስካ ቡድን አባል ይሆናል። የስራ ፍቃድ ሂደቱን አስቀድሞ ስለጨረሰ ከሚቀጥለው ሳምንት መጀመሪያ ጀምሮ በኮብሃም ልምምድ ሰማያዊዎቹን ለመቀላቀል ተዘጋጅቷል። እ.ኤ.አ. 2005 የተወለደውን ይህን ወጣት ቼልሲዎች ባለፈው ክረምት ከቦካ ጁኒየርስ ከ25 ሚሊዮን በታች በሆነ ክፍያ ካስፈረሙት በኋላ እዛው በውሰት ውል እንዲጫወት መፍቀዳቸው ይታወሳል።

ልጁ ገና ወጣት ቢሆንም ከፍተኛ አቅምና ክህሎት እንዳለው ብዙዎች እየመሰከሩለት ነው።

የጨዋታ ቀን !

ሰማያዊዎቹ በያዝነው የታህሳስ (ዲሴምበር) ወር ማከናወን ከሚጠበቅባቸው 9 ጨዋታዎች መካከል 9ኛውን እና የአመቱን (የ2024) የመጨረሻ ጨዋታቸውን ዛሬ ከኢፕስዊች ታውን ጋር ከምሽቱ 4:45 ላይ በማድረግ ያጠናቅቃሉ።

ሰማያዊዎቹ እስካሁን በዚህ ወር ካደረጓቸው 8 ጨዋታዎች መካከል ስድስቱን አሸንፈው፣ በአንዱ አቻ ተለያይተው እንዲሁም በአንዱ ተሸንፈው ዛሬ ማታ የመጨረሻውን ጨዋታ ለማድረግ እየጠበቁ ነው። ኢፕስዊች ታውንን አሸንፈው አመቱን እና ወሩን በድል እንደሚያጠናቅቁት ይጠበቃል።

ዛሬ የሚያከናውኑት የፕሪሚየር ሊጉ 19ኛ ሳምንት ጨዋታ ነው።

እናንተስ ዝግጁ ናችሁ?

የጨዋታ ቀን !

በእንግሊዝ ፕሪሚየር ሊግ ዛሬ የ"ቦክሲንግ" ቀን ጨዋታዎች ሲከናወኑ ሰማያዊዎቹ በሜዳቸው ስታምፎርድ ብሪጅ ፉልሃሞችን አመሻሽ 12:00 ሰዓት ላይ ያስተናግዳሉ።

ዛሬ የሚያከናውኑት የፕሪሚየር ሊጉ 18ኛ ሳምንት ጨዋታ ነው።

ዝግጁ ናችሁ?

https://youtu.be/tUueBtR6O4M?si=OMSIClu2Z6z6MnOs

ዋው !!

ቼልሲዎች በማዱዌኬ (3)፣ ጃክሰን፣ ፓልመርና ፊሊክስ ጎሎች በጥሩ ብቃት ዎልቭስን 6 ለ 2 አሸንፈው የውድድር አመቱን የመጀመሪያ ሙሉ 3 ነጥብ ይዘው ወተዋል።

ጨዋታውን እንዴት አገኛችሁት?

ከቪክቶር ኦሲሚዬን ወደ ካልቨርት ሊዊ?

የናፖሊው የፊት አጥቂ ናይጄሪያዊው ቪክቶር ኦሲሚየን የተጋነነ ደሞዝ እንዲከፈለው መጠየቁን ተከትሎ ቼልሲዎች ከእሱ ጋር ሲያደርጉት የቆዩትን ድርድር አቋርጠው ፊታቸውን ወደ እንግሊዛዊው የኤቨርተን አጥቂ ካልቨርት ሊዊ መመለሳቸው ዘ ሰን እና ስካይ ስፖርት ዘግበዋል።

ፌሊክስ ተመልሷል!

ጆአዎ ፌሊክስ የልቡ መሻት ተፈፅሞለት ከአትሌቲኮ ማድሪድ በቋሚ ውል ወደ ቼልሲ ተመልሷል። ፌሊክስ እስከ ሰኔ 2030 ድረስ የሚያቆየውን የስድስት አመት ውል ከመፈራረሙ በፊት በለንደን የህክምና ምርመራ ያደርጋል። ኮንትራቱ እስከ 2031 ድረስ ያለውን አማራጭ ያካትታል።

እንኳን ተመለስክ!

ምንድን ነው?

ቻሎባህ፣ ኮኖር፣ አሁን ደግሞ ቺሊ ከቼልሲ የተገፉበት መንገድ የተጨዋቾቹን ብቻ ሳይሆን የክለቡንም ክብር አይመጥንም። ተጨዋቾች ይመጣሉ ይሄዳሉ፣ አዲስ ነገር አይደለም። ለክለቡ እድገት አስፈላጊ እስከሆነ ድረስ ተጨዋቾችን በተለያየ ምክንያት ማሰናበት የማያከራክር ጠቃሚ ውሳኔ ሊሆን ይችላል። ጥያቄው ለምን ይሰናበታሉ አይደለም፣ የሚሰናበቱበት መንገድ ግን ያሳቅቃል፣ ለቀድሞ ተጨዋቾቹ ሳይቀር የማይቋረጥ ቤተሰባዊ ፍቅር በመስጠት ለሚታወቀው የቼልሲ እግር ኳስ ክለብ ይህ አካሄድ ያልተለመደ እና ቅር የሚያሰኝ ነው። ማሰናበት የመጨረሻ አማራጭ ከሆነ የተጨዋቾችን ክብር እና የደጋፊውን ስሜት በማይነካ መልኩ መፍትሄ መስጠት አይቻልም ነበር?

ፊሊክስ ሊመለስ ነው!

ፌሊክስ ወደ ቼልሲ ለመመለስ ፍቃደኛ ነው። የሳሙ ኦሞሮዲዮን ስምምነት ከከሸፈ በኋላ ቼልሲዎች በፌሊክስ ስምምነት ላይ እየሰሩ ነው። በሁለቱ ክለቦች መካከል ንግግሮች በመካሄድ ላይ ናቸው፣ ቼልሲዎች እንዴት እንደሚቀጥሉ ቶሎ ይወስናሉ ተብሎ ይጠበቃል። ፊሊክስ ቀድሞውንም በቼልሲ ደስተኛ እንደነበር እና በፕሪምየር ሊጉም መጫወት እንደሚመርጥ ተገልጿል። ከአንድ አመት በፊት ማውሪሲዮ ፖቸቲኖ ነበር ፊሊክስን በእቅዱ ውስጥ እንደሌለ ገልፆ የውሰት ውሉ እንዲቋረጥ የተደረገው።

ፊሊክስ እንዲመለስ ትፈልጋላችሁ?

እንኳን ደህና መጣህ!!

አዲሱ ሰማያዊ ፔድሮ ኔቶ - የ2024/25 የውድድር አመት በጉጉት እንድንጠብቅ ከሚያደርጉን ጥቂት ምክንያቶች አንዱ ነው።

ከጉዳት ይጠብቅህ!!

ፊሊፕ ዮርገንሰን አዲሱ ሰማያዊ፣ እንኳን ደህና መጣህ!

ፊሊፕ ዮርገንሰንን ለሰማያዊዎቹ ሊፈርም ነው!

ቼልሲዎች የቪላሪያሉን ዴንማርካዊ ግብ ጠባቂ ፊሊፕ ዮርገንሰንን በ24.5 ሚሊዮን ዩሮ ለማስፈረም ተስማምተዋል።

ዮርገንሰን በቀጣዩ ሳምንት በለንደን የሜዲካል ምርመራውን እንደሚያከናውን እና ኮንትራቱን እንደሚፈርም ታውቋል።

ዮርገንሰን እና ሳንቼዝ የሰማያዊዎቹ ቁጥር አንድ ተመራጭ በረኛ ለመሆን ይፎካከራሉ።

የሳንቼዝን መጎዳት ተከትሎ የባለፈውን አመት በጥሩ ብቃት የጨረሰው ወጣቱ የቼልሲ ግብ ጠባቂ ፔትሮቪች እጣ ፈንታ ምን ሊሆን እንደሚችል እስካሁን በግልፅ የተወሰነ ነገር የለም።

የውድድር አመቱ እስኪጀመር ጓጉቻለሁ!

"እንደ ቡድን ረዘም ካለ እረፍት በኋላ የመጀመሪያው ጨዋታችን ነበር፣ ለእኔ ደግሞ በግሌ ከረዥም ጊዜ በኋላ ያደረኩት የመጀመሪያ ጨዋታዬ ነበር። በዚህ የቅድመ ውድድር ዘመን ዝግጅት ላይ ወደ አቋሜ እንደምመለስ እና ወደ ሊጉ ውድድር ስንገነባ በጥሩ ብቃት እንደምጀምር አምናለሁ። በአዲሱ አሰልጣኛችን ኤንዞ ማሬስካ ስር የነበሩት የመጀመሪያዎቹ ቀናት በጣም አስደሳች ነበሩ። እስከዛሬ ከለመድኩት አሰለጣጠን ዘይቤ የተለየ ነው፣ ነገር ግን አሰልጣኙ የሚከተለው ታክቲክ እና ለመተግበር የሚፈልገው የጨዋታ ስልት ለእኔ በጣም የሚስማ ነው። ነገር ግን አሁንም የእኔ ሚና የበለጠ ለማጎልበት እና ምን እንደሚያስፈልግ የበለጠ ለማወቅ ብዙ መማር አለብኝ። አሁን ያለንበት ሁኔታ በጣም የሚያስደስት ነው፣ እናም የውድድር አመቱ እስኪጀመር ጓጉቻለሁ"

ሪስ ጀምስ ትላንት ቼልሲዎች በዝግጅት ወቅት የመጀመሪያውን የወዳጅነት ጨዋታቸውን በአሜሪካ ከደረጉ በኋላ የተናገረው።

አዲሱ የሰማያዊዎቹ አለቃ ጣሊያናዊው ኤንዞ ማሬስካ በሚፋጀው የስታምፎርድ ብሪጅ መቀመጫ ላይ ተቀምጦ ቼልሲዎችን ወደ ስኬት ሊመራ ዝግጁ መሆኑን ዛሬ ከክለቡ የሚዲያ ክፍል ጋር በነበረው ቆይታ ተናግሯል።

እንዲሳካለት ከልብ እንመኛለን።

በሹመቱ ምን ተሰማችሁ? ጣሊያናዊው በቼልሲ ቤት የምንመኘውን አይነት ቡድን ሰርቶ ደጋፊውን ማስደሰት ይችልይሆን? እስኪ ሀሳባችሁን አካፍሉን።

መቶ ፐርሰንት የምችለውን ሁሉ ለማደርግ ቁርጠኛ ነኝ!!

"እኔ ከሳጥን እስከ ሳጥን ያለው ቦታ ላይ መጫወት የሚያስደስተኝ የአማካይ ቦታ ተጨዋች ነኝ። ቡድኔ ሲጠቃ ለተካላካይ መስመሩ ሽፋን ለመስጠት የምጥር፣ ስናጠቃም ወደፊት ሄጄ በተጋጣሚያች ላይ ጫና ለመፍጠር የበኩሌን ለማድረግ መቶ ፐርሰንት የምችለውን ሁሉ ለማደርግ ቁርጠኛ ነኝ። ዋንጫዎችን ማሸነፍ እፈልጋለሁ፣ ለዚህም የቼልሲ ተጨዋች በመሆኔ ደስተኛ ነኝ"

አዲሱ ሰማያዊ ኬርናን ዲውበሪይ ሃል (ኬዲኤች)

እንኳን ደህና መጣህ ብለናል!!

የሰሞኑን የቼልሲ አዳዲስ ፈራሚዎች እንዴት አገኛችኋቸው?

ቻምፒየንስ ሊግ እና ፕሪምየር ሊግን ማሸነፍ እፈልጋለሁ!!

“በጥሩ ሁኔታ ለመጀመር በጣም አስፈላጊው ነገር ከአካባቢዬ ጋር መላመድ ነው ብዬ አስባለሁ፣ ይህም ቀላል እንደሚሆን እርግጠኛ ነኝ፣ እና በእርግጥ ለቼልሲ ቻምፒየንስ ሊግ እና ፕሪምየር ሊግ ማሸነፍ እፈልጋለሁ። በግሌ ብዙ ግቦችን በማስቆጠር ቡድኑን በተቻለኝ መጠን መርዳት እፈልጋለሁ። እናም የአለም ምርጥ አጥቂ መሆን እፈልጋለሁ"

ማርክ ጉዩ !

እንኳን ደህና መጣህ!

የክረምቱ የመጀመሪያው ፈራሚ ቶሲን አድራቢዮ በነፃ ዝውውር ከፉልሃም ወደ ቼልሲ መምጣቱ ይፋ ሆኗል።

እንኳን ደህና መጣህ!

ይህን ዝውውር እንዴት አገኛችሁት?

አዲሱ ሰማያዊ ኤንዞ ማሬስካ!

“በአለም ላይ ካሉ ታላላቅ ክለቦች አንዱ የሆነውን ቼልሲን መቀላቀል ለማንኛውም አሰልጣኝ ህልም ነው። በዚህ አጋጣሚ በጣም የተደሰትኩት ለዚህ ነው። የክለቡን የስኬት ባህል የሚያስቀጥል እና ደጋፊዎቻችንን የሚያኮራ ቡድን ለመስራት ጥሩ ብቃት ካላቸው ተጫዋቾች እና ሰራተኞች ጋር በጋራ ለመስራት ጓጉቻለሁ"

ኤንዞ ማሬስካ

ቼልሲዎች ጣሊያናዊውን ወጣት የእግር ኳስ ባለሟል ዋና አሰልጣኛቸው አድርገው መቅጠራቸውን ዛሬ ይፋ አድርገዋል።

እንኳን ደህና መጣህ!! መልካም የስራ ዘመን ይሁንልህ!!

ማሬስካ ወደ ቼልሲ?

ቼልሲዎች ጣሊያናዊውን የሌስተር ሲቲ አሰልጣኝ ኤንዞ ማሬስካን በዋና አሰልጣኝነት ሊቀጥሩት ከጫፍ መድረሳቸውን ፋብሪዚዮ ሮማኖ ዘግቦታል።

ማሬስካ በቼልሲ የሚሳካለት ይመስላችኋል?

ከብራይተን እንደገና?

ግርሃም ፖተር ብራይተንን ጥሩ ኳስ የሚጫወት ቡድን አድርጎት ስለነበር በቼልሲ ባለቤቶች ቼልሲን እንዲያሰለጥን እድል ተሰጥቶት ነበር፣ አልተሳካለትም እንጂ። ምክንያቱም ብራይተን እና ቼልሲ ሁለት በጣም የተለያየ ደረጃ ላይ ያሉ ክለቦች በመሆናቸው ነው። የፖቼቲኖም ቅጥር ተመሳሳይ ነው። አሁን ደግሞ ዲ ዘርቢም በብራይተን የሰራውን ግንዛቤ ውስጥ አስገብተው የቼልሲ ባለቤቶች በቼልሲ እድሉን እንዲሞክር እድል ሊሰጡት እንደሆነ በስፋት እየተዘገበ ነው። አዲሶቹ የቼልሲ ባለቤቶች አሰልጣኝ የሚቀጥሩት በጥናት ላይ ተመስርተው ሳይሆን በእድልና በግምት (በ "ደስ አለኝ - መሰለኝ" እንደሚባለው) ይመስላል። ለዚህም ማሳያው በሁለት አመቱ ውስጥ ቀጥረው ያሰናበቷቸውን እና አሁን ለመቅጠር የመጨረሻ እጩ ሆነው የቀረቡትን አሰልጣኞች መመልከት ይቻላል። ጥሩ ባለሙያዎች ሊሆኑ ይችላሉ፣ ናቸውም። ይሁን እንጂ አንዳቸውም በቼልሲ የልዕቀት ደረጃ ላይ የሚገኙ እንዳልሆኑ ግልፅ ነው። በቼልሲ ያለውን ጫና (ዋንጫ አላልኩም) ለመቋቋማቸው ምንም ማረጋገጫ የለም። ሊቋቋሙትም ላይቋቋሙትም ይችላሉ፣ እድላቸውን ይሞክራሉ። ከሆነላቸው ጥሩ ነው፣ ካልሆነላቸው ይሰናበታሉ። አሁን የሚቀጠሩት አልሆን ብሏቸው ሲሰናበቱ ደግሞ ሌሎች ወጣት "ታለንት" ያላቸው አሰልጣኞች ታላቁን ቼልሲ የማሰልጠን እድሉን እንደሚያገኙ ይጠበቃል።

ዲ ዘርቢ እድሉን ቢያገኝ በቼልሲ የሚሳካለት ይመስላችኋል?

ፖቼቲኖ ለምን ተሰናበተ?

ፖል ሜርሰን የፖቼቲኖን የስንብት ውሳኔ በተመለከተ እንዲህ ብሏል

"ይሄ እብደት ነው፣ ስለ ፖቼቲኖ መሰናበት የምሰማውን ነገር ማመን አልቻልኩም። ቡድኑን እያሻሻለው ነበር፣ የአውሮፓ ውድድር ላይ ተሳታፊ እንዲሆን አስችሎታል፣ ማንችስተር ዩናይትድን በልጦ 6ኛ ደረጃ እንዲይዝ አድርጎታል"

……………………… …………………………

ሁኔታዎች እንደሚጠቁሙት ፖቼቲኖ የተሰናበተው ባስመዘገበው ውጤት የተነሳ አይደለም። የሊጉን ዋንጫ ቢወስድም እነ ቶድ ቦሊ የማይታዘዛቸውን አሰልጣኝ በቼልሲ እንዲቆይ አይፈቅዱም። በሚታዘዛቸው ወቅትማ ክለቡ ቢወርድም እንደግፈዋለን እያሉ፣ በፕሮጀክታቸው እንድናምን ሲጎተጉቱን ነበር። አሁን ምን አዲስ ነገር ተፈጠረ? … ፖቼ መታዘዝ አቆመ ወይም አጉረምርሟል። በዋናነት ጋላጋር እና ቻሎባህ እንዲሸጡ አይፈልግም፣ ባለቤቶቹ ደግም በሁለቱ የአካዳሚ ተጨዋቾች ሽያጭ የሚያገኙት ገንዘብ ንፁህ ትርፍ በመሆኑ እንዲሸጡ ይፈልጋሉ። የፍላጎት ግጭቱን (conflict of interest) እነሱ አለቃ ስለሆኑ አሰልጣኙን በማሰናበት ለመፍታት ሞክረዋል። ቶማስ ቱኩልንም ያሰናበቱት የእኛን ፍላጎት አያከብርም ብለው ነው፣ የእነሱ ፍላጎት በቼልሲ ከፍተኛ ትርፍ ማጋበስ ነው። ተጨዋቾች የሚገዙት ከክለቡ ውጤት አንፃር ብቻ ሳይሆን ወደፊት ከሚያገኙት የሽያጭ ትርፍ አንፃር ነው። ፖቼቲኖ የተሰናበተው ከቼልሲ ውጤት አንፃር ቢሆን ኖሮ መሰናበት የነበረበት አሁን ሳይሆን ከ6 ወር በፊት ነበር። ያኔ የማንም መጫወቻ ሆኖ በየሳምንቱ ሲሸነፍና ደጋፊው ሲያዝን "በፖቼቲኖ እንተማመናለን፣ ከአሰልጣኙ ጋር የረጅም ግዜ ፕሮጀክት ነው ያለን፣ ደጋፊው ትዕግስት ሊኖረው ይገባል" እያሉ ያላግጡ ነበር። አሁን ደጋፊው በቡድኑ እንቅስቃሴ ተስፋ ማድረግ ሲጀምር የእነሱ ጥቅም ስለተነካ ብቻ በድንገት ያለምንም ማቅማማት በ30 ደቂቃ ንግግር ቶማስ ቱኩል ላይ የመዘዙትን የስንብት ሰይፋቸውን አወጡ። ጥቅማቸውን ለማስከበር የሚሄዱበት ርቀት እና ቡድኑ ውጤት ሲያጣ የሚያሳዩት ገደብ አልባ ትዕስት የሰማይ እና የምድር ያህል ይራራቃል።

አሁንም እየፈለጉ ያሉት የሚታዘዛቸውን ወጣት እና ልምድ የሌለው አሰልጣኝ መሆኑን ይፋ ማድረጋቸው ደግሞ የበለጠ ልብ ይሰብራል። ይህ ምን የሚሉት መስፈርት ነው? ትልልቅ ፕሮፋይል ያላቸው አሰልጣኞችን የማይፈልጉት ስለማይታዘዟቸው ከመሆኑ በስተቀር ሌላ ምን ምክንያት ሊኖራቸው ይችላል? … በዚህ አካሄዳቸው የምንወደው ክለባችን ባለቤቶች ቡድኑን ወደ ቀድሞ ክብሩ ይመልሱታል ማለት ዘበት ነው። ተጨዋቾች ውጤታማ ካልሆኑ ይሸጣሉ ወይ በውሰት ይሰጣሉ፣ አሰልጣኝም ቢሆን ካልሆነለት ይሰናበታል፣ የክለብ ባለቤት ክለቡን ሲያምስ ግን ምን ይደረጋል? … የቸገረ ነገር ነው የገጠመን፣ ቢሆንም ግን ይህም ይታለፋል!!