Basem Elewa-باسم عليوة Telegram Posts

خدوا بالكم يا جماعه دول نصابين مش حسابي الشخصي

مصدر الرقم من جريدة البورصة

قناة حلال بورصه


https://t.me/HalalBorsa/50

أشهر جملة في تاريخ المنصوب عليهم!

هو : " الشركة بقالها سنة بتوزع أرباح وكل بلدنا داخلين معاهم وبيكسبوا و أنا كسبت بنفسي "

أنا : أيوه يا حبيبي ما هي دي فرشة النصاب

من كام يوم ،بعت للتيم عندي في حلال بورصة ، أقولهم اعملوا تقرير عن الشركة دي عشان كنت حاسس انهم هينصبوا على الناس ،

فالنهارده للأسف المنصة قفلت ونصبت على الناس في مبلغ تخطى ٦ مليار دولار ( مصدر الرقم من جريدة البورصة👇🏻عشان عارف ان الرقم يخض 😢)

التقرير موجود الآن على قناة حلال بورصة على التلجرام 👇🏻

#باسم_عليوة
#شريعة_أوديت

📢 المقيمين في السعودية ركزوا كويس!

وأنت بتتعامل مع البنوك الإسلامية، خلي عينك في وسط راسك! 👀

لأن التورق المصرفي المنظم (زي مرابحة السلع الدولية: البلاتينيوم، زيت النخيل، الأسهم، وغيرها) منتشر بشكل مرعب ومسيطر على جزء كبير من القطاع المصرفي الإسلامي، سواء تحت مسمى البطاقات الائتمانية أو التمويل الشخصي.

💥 المشكلة فين؟
قرار المجمع الفقهي الدولي صرّح بوضوح بعدم جوازه، لأن العملية دي بتحوّل التمويل لمجرد قرض بفائدة بشكل مغلف،

وده مخالف لمبادئ التمويل الإسلامي
( بسبب التواطؤ للحصول على تمويل نقدي بفائدة ثابتة و ادخال سلعة محلل للمعاملة) .

رأيي الشخصي وبقولها لله:
التورق المصرفي المنظم نذير شؤم وبيهدد المصرفية الإسلامية على مستوى العالم! هو فعليًا استسلام للواقع واتباع للسياسة النقدية التقليدية اللي المفروض إحنا بنحاول نخرج منها.

صدق رسول الله ﷺ:
«حَتَّى لَوْ دَخَلُوا جُحْرَ ضَبٍّ لَدَخَلْتُمُوهُ».

💡 طب إيه الحل؟
التورق مش لازم يكون هو الخيار الأول!

✅ المفروض يُعرض على الهيئة الشرعية حالة بحالة، ولو
مفيش بديل شرعي زي:
• المضاربة 💰
• الوكالة بالاستثمار 🏦
• الإجارة المنتهية بالتمليك 🏡
• السلم والاستصناع 🏗️

ساعتها فقط نفكر في التورق كآخر حل، لكن مش نستخدمه على طول كأنه الحل السهل السريع!

⚠️ مفيش حد يدخل يزايد على البنوك الاسلامية، فأنا بقول اللي ليهم واللي عليهم بشكل محايد☺️



#باسم_عليوة
#شريعة_أوديت
#المصرفية_الإسلامية
#التورق_المصرفي

للأسف الموضوع كل يوم بيكبر !

اكتب نصيحة للمهندس أو مسئول المشتريات اللي بياخد عمولات من ورا الشركة أو الجهة الحكومية،

وبيقنع نفسه بكلام زي: “أنا بجيب أحسن سعر وأفضل تكلفة، وأنا مش باخد مرتب زي غيري، فبعوض الفرق”،

والكلام اللي بيهدي بيه ضميره ده !

والمقاولين والموردين بين نارين إما يوقفوا العمولات فشغله يقف ، أو يدفع ويبقى بيعينه على أكل أموال الشركة بالباطل👇🏻


https://www.facebook.com/share/p/156q7xzyjN/

#باسم_عليوة
#شريعة_أوديت

حوار متكرر للأسف!

هو: “أنا ناوي آخد فلوس من حد وأشغلها في بيع وشراء بضاعة، بس عندي مشكلة صغيرة… مش بعرف أحسب الأرباح والحسابات بتتلخبط معايا!” 🤔

أنا: “خلاص، ما تاخدش فلوس حد ولا تدخلها معاك في الشغل، لأن الشراكة دي مبنية على توزيع الربح بنسبة محددة، وإنت أصلاً مش قادر تحدد الأرباح!” ❌

وخد بالك " الربح يُوزع حسب الاتفاق ،والخسارة على رأس المال ولا يضمن المضارب (مدير الاستثمار) الخسارة إلا في حالة التفريط والتعدي "

📌 الخلاصة:
لو مش متأكد من حساباتك، اشتغل لوحدك أو اتعلم الأول ازاي تحسب ربح الأموال اللي هتاخدها من الناس ، عشان بعدها تقدر توزعها .



#باسم_عليوة
#شريعة_أوديت
#المضاربة
#الشركات_الحديثة

زكاة المال و شنطة رمضان !

يا جماعة الخير، بعد إذنكم، زكاة المال الأصل فيها إنها تطلع نقود علشان المستحق هو اللي يحدد أولوياته واحتياجاته. ✅

شنطة رمضان؟ دي خليها من الصدقة، لكن مش زكاة إلا في حالة ان المستحق بنفسه أو وكيله (زي الجمعيات الخيرية)

هو اللي طلب إن الزكاة تكون مواد تموينية بدل الفلوس او انت سلمتها نقود وهو كوكيل المستحق اشترى مواد تموينية، ساعتها مفيش مشكلة خالص.

💡 ليه؟ لأن الهدف من الزكاة هو تلبية احتياجات الفقير بالشكل اللي يناسبه مش بالشكل اللي احنا شايفينه صح.

⏳ اتأكد إن زكاتك بتوصل لمستحقيها بالطريقة الصح.

🌟 “إنما الصدقات للفقراء والمساكين…” (التوبة: 60)

#باسم_عليوة
#شريعة_أوديت
#زكاة_المال
#شنطة_رمضان

هل تعلم أن أهل مكة كانوا أهل التجارة وأهل المدينة أهل الزراعة!

قال رسول الله ﷺ: “الوزنُ وزنُ أَهْلِ مَكَّةَ والمِكْيالُ مِكْيالُ أَهْلِ المدينةِ”

سبق الإسلام ما تسعى إليه المؤسسات الاقتصادية العالمية مثل (ISO, WTO) في فكرة توحيد المقاييس والمعايير بين الدول لتسهيل التجارة وضمان الشفافية وحماية المستهلك.

فكان أهل مكة، أهل التجارة، لعلمهم الأكثر بالموازين عن غيرهم (كالدرهم والدينار، اللذين كانا يُستخدمان في الزكاة).

وكان أهل المدينة أهل الزراعة، لعلمهم الأكثر بالمكاييل عن غيرهم (كمقدار الصاع والكيل اللذين كانا معيارًا للكفارات).

📌الفرق بين الكيل والوزن:

• الكيل: للأشياء التي تُقاس بالحجم مثل الخضروات، الحبوب، والسوائل، ومعاييره (لتر، صاع، مكيال).

• الوزن: للأشياء التي تُقاس بالكتلة والثقل بعيدًا عن حجمها مثل المعادن، اللحوم، السكر، والملح، ومعاييره (جرام، كيلو جرام، رطل)

📍لو عجبتك المعلومة و أول مرة تعرفها، صلي على النبي ﷺ الذي أوتي جوامع الكلم 😍

#باسم_عليوة
#شريعة_أوديت
#الإعجاز_الاقتصادي_في_القرآن_والسنة

⚠️ احذر الفخ: صندوق أو خدمة “الفلاني” ذو العائد اليومي المتغير!

كتير من الناس بيجيلها عروض مغرية زي:

“حط فلوسك وخد عائد يومي مميز يوصل لـ 21.8% سنويًا، وتقدر تسحب فلوسك في أي وقت بدون قيود، والأرباح بتتحسب يوميًا وبتدخل حسابك بشكل منتظم.”

وكمان عشان الحلال والحرام، العائد متغير! 😏

طيب تعالوا نفهم الموضوع ده شرعًا ببساطة: 👇

1️⃣ الموديل ده بيشتغل إزاي؟
• بتحط فلوسك في المحفظة أو الحساب.

• الشركة بتضمنلك عائد يومي ثابت أو بنسبة تقريبية أو حتى متغيرة.

• وتقدر تسحب فلوسك في أي وقت بدون خسارة رأس المال.

2️⃣ فين المشكلة الشرعية؟

• لما يكون فيه عائد مضمون ولو متغير مع ضمان رأس المال، المعاملة دي بتدخل تحت بند “القرض بفائدة”، وده صورة صريحة من الربا المحرم شرعًا.

• الإسلام بيشترط في الاستثمار وجود مخاطرة، يعني فيه احتمال ربح أو خسارة. لكن لما الشركة تضمنلك الفلوس + نسبة أرباح (حتى لو متغيرة)، ده يعتبر ربا حتى لو المسمى اختلف.

3️⃣ ليه بعض الناس بتتلخبط؟

• لأن الشركات بتغلف الموضوع بأسماء جذابة زي “عائد تراكمي” أو “أرباح يومية”، لكن الجوهر واحد:
عقد فيه ضمان لرأس المال + فائدة = ربا.

4️⃣ طيب إمتى تكون المعاملة حلال؟

✅ لما يكون العائد مرتبط بأرباح فعلية من نشاط تجاري حلال، مع احتمال خسارة جزء من رأس المال.

❌ لكن لو العائد مضمون ورأس المال كمان مضمون، يبقى ربا القروض.

📍 ده فضلًا عن المجال اللي بيتم استثمار أموال الوعاء الاستثماري فيه (واللي في الغالب بيكون في بنوك تقليدية أو أدوات دين قصيرة الأجل زي أذون الخزانة).

📌 الخلاصة:
لو رأس مالك مضمون، يبقى ده قرض، والعائد سواء كان متغير أو ثابت يعتبر نفع مشروط مسبقًا.

⚠️ دايمًا خليك فاكر القاعدة:

“كل قرض جر نفعًا مشروطًا مسبقًا فهو ربا.”


#اضافه: الكلام السابق لا ينطبق على البنوك الاسلامية العقد عقد وكالة بالاستثمار او مضاربة

#باسم_عليوة
#شريعة_أوديت
#صندوق_الادخار_اليومي