ڕزگاربوون لە پۆڕن

#گرنگ

🔷 تێڕوانینی چاوەکانت و بەرکەوتنەکانی ڕۆژانەت خەیاڵ و بیرکردنەوەی مێشکت دیاری دەکەن

ئێمە هەموومان ئەزانین لێکدانەوەی مێشک پەیوەستە بەو بابەتانەی کە رۆژانە بە چاوەکانمان سەیری دەکەین واتا تۆ لە بەیانی تا شەو لەم ماوەیەدا بەرکەوتنت لەگەڵ چی هەبووبێت و چاوەکانت چییان بینیـبـێـت راستەوخۆ لە شەودا مێشک لێکدانەوەی بۆ ئەو بابەتانە ئەکات کە لە ڕۆژدا وجوودیان هەبووە لێرە شتێکی گرنگ هەیە گەر تۆ بتەوێت بابەتە ڕووتەکان و خەیاڵی ورووژێنەر لە مێشکدا نەمێنێت ئەبێت هەوڵبدەیت بابەتەکانی ڕۆژانەت دووربن لە هەموو شتێکی ورووژێنەر وە هەوڵبدەیت مێشکت بە بابەتێکی تر مەژغووڵ بکەیت تا مێشک ڕەنگدانەوەی ئەو بابەتی هەبێت کە خۆت پێوە مەژغووڵکردووە بە نموونە بۆتان ڕوونتر دەکەمەوە : کاتێک تۆ لە رۆژی شەمەوە تەواوی کاتەکانت خۆت مەژغووڵی وەرزش و بابەتە وەرزشیەکان ئەکەیت تاکوو رۆژی ٥ شەمە بەردەوام خەریکی بابەتە وەرزشیەکان بووبیت و بە بابەتی وەرزشی مەژغووڵ بوویت ئەوکات شەوی ٥ شەمە کاتێک ئەچیتە سەر جێگای خەوتنت ئۆتۆماتیکی مێشک لێکدانەوە بۆ بابەتی ئەم هەفتەیە ئەکات کە تۆ پێوەی مەژغووڵ بوویـت بەڵام بە پێجەوانەی بکەینەوە لە ماوەی ئەم هەفتەیەدا گەر خەریکی پۆڕن و بابەتی ورووژێنەر بووبیت ژیان و ڕۆتینی ڕۆژانەت بریتی بێت لە بابەتە وروژێنەر و ڕووتەکان ئەوکات مێشک لێکدانەوە بۆ ئەم بابەتە ڕووتانە ئەکات مێشکت پڕدەبێت لە بابەتی ورووژێنەر ئەوکات تووشی خەیاڵی ورووژێنەر ئەبیت هەر بۆیە بابەتەکانی ڕۆژانەت و بینینی ڕووداوەکانی رۆژ کاریگەریان لەسەر مێشک گەر تۆ ماوەیەک چاوەکانت بپارێزیت لە هەموو وێنەیەکی ڕووت ئەوکات مێشک ناتوانێت لێکدانەوە بۆ هیچ بابەتێکی ڕووت بکات چونکە وەک وتم مێشک پەیوەستە بە چاوەکانمان هەرچی لە چاوەکانمان سەیری بکەین راستەوخۆ بۆ مێشک ئەڕوات و ئەوکات مێشک لێکدانەوەی بۆ دەکات هەر بۆیە دوو شت زۆر گرنگن یەکەم ئەو بابەتانەی پێوەی مەژغووڵ دەبیت دووەم پاراستنی چاوەکانت لەو شتانەی ڕۆژانە ئەیبینیت چونکە من دوای قوڵبوونەوە لە مێشک بۆم دەرکەوتووە زۆربەی شتەکان پەیوەستە بە چاوەکانمان بە نموونە کاتێک شەوانە پێش ئەوەی بخەویت سەیری چەند وێنەیەکەی نیمچە ڕووت ئەکەیت ئەوکات مێشک لێکدانەوەی بۆ دەکات ئەمەش وادەکات تووشی خەو بینینی سێکسی ببیت ئەمەش دەرخەری ئەوەیە هەتا وێنەی ڕووت لە مێشکدا کەمتر بێت مێشک کەمتر لێکدانەوە بۆ بابەتە ڕووتەکان ئەکات زۆربەی ئەوانەی وازدێنن دوای مانگێک ئەڵێن ئێستا مێشکمان زۆر کەم بیر لە بابەتی ورووژێنەر دەکاتەوە ئەمەش بەهۆی ئەوەی لەم مانگەدا وازیان لە وێنە ڕووتەکان هێناوە بەڵکوو بابەتی تر جێگای وێنە ڕووتەکانی گرتۆتەوە بەڵام پێجەوانەکەشی هەیە ئەکرێت کەسێک مانگێک یا زیاتر بێت وازی هێنابێت بەڵام هێشتا مێشکی بیر لە بابەتی ورووژێنەر بکاتەوە ئەمەش بەهۆی ئەوەی رۆژانە سەیری وێنەی نیمچە ڕووت و بابەتی ورووژێنەر ئەکات هەر بۆیە ئازیزان زۆر پێویستە ئاگاداری چاوەکانت و بابەتەکانی ڕۆژانە و ژیانت ببیت چونکە ئەم دوو شتە زۆر کاریگەریان هەیە بە تایبەت بۆ وازهێنان کاریگەری راستەوخۆیان هەیە بۆیە چاوەکانمان سەرچاوەی لێکدانەوەی بابەتەکانی مێشکی ئێمەیە رۆژانە چی ببینین بە چاوەکانمان مێشک ئەو شتەمان بۆ لێکدەداتەوە ، ئەوجا مانگی رەمەزان نیزیکە تەنها لەم مانگەدا ئاگاداری چاوەکانت و ڕوانینەکانت ببە زائیدەن ڕۆتینی ڕۆژانەت و بابەتەکانی ڕۆژانەت رێک بخەو هەوڵبدە بەدووربیت لە هەموو بابەتێکی ورووژێنەر ئەوکات بزانە چەند گۆرانکاری لە مێشکدا ڕووئەدات ئەوکات بزانە خەیاڵی ورووژێنەر چەندێک لە مێشکدا کەم ئەبێتەوە هەموو شتێک پەیوەستە بە ڕوانینی چاوەکانت بۆیە دەبێت باش ئاگاداری تێڕوانینی چاوەکانت بیت .


▪️خۆشەویستەکان ئەم ماوەیە پۆستەکانمان کەم دەکەینەوە چونکی لە چەناڵەکەمان بەقەد کتێبێکی بچووکراوە پۆست و بابەتی بەسودمان بڵاوکردۆتەوە دەمەوێت ئێوە خوێنەری تەواوی بابەتەکانی چەناڵ ببن چونکە دڵنیاتان دەکەم گەر خوێنەری بابەتەکان ببن هۆشیاری و زانیاری زۆر پەیدا دەکەن ئەوکات لە خودا نەبێت پێویستان بە هیچ کەسی تر نابێت .

🔷 ڤیدیۆ کورتە ورووژێنەرەکان بەشێکن لە پۆڕنی بچووک کراوە


یەکێک لەو شتانەی کە زیانی زۆری لە مێشکی ئێمەی مرۆڤداوە ڤیدیۆ کورتەکانی ناو سۆشیاڵ میدیایە تۆ لە ماوەی ١٠ دەقەدا سەیری چەندین ڤیدیۆ ئەکەیت ئەزموونی چەندین هەستی جیاواز دەکەیت دوای ئەم هەستانە کاتێک دەست هەڵدەگریت لەم ڤیدیۆ کورتە خۆشت نازانیت لە چی حاڵەتێک و هەستێک دایت لەگەڵ ئەوەشدا ئاڵودەبوون بەم ڤیدیۆ کورتانە کاریگەری راستەوخۆیان لەسەر مێشک هەیە بە دەرەجە یەک تووشی کێشەی زاکیرە و لەبیرچوونەوەت دەکات پێموایە ئەوەی ئاڵودەی ئەم ڤیدیۆیانە بووبێت هەستی بەوە کردووە زاکیرەی وەک باشتر نەماوە بەڵکوو لاواز بووە لە هەمانکاتدا ئەم کورتە ڤیدیۆیانە بە بەردەوامی دۆپامین لە مێشکی مرۆڤدا ئەڕژێنێت و وایلێدەکات مرۆڤ بە بەردەوامی لە چێژ وەرگرتنێکی کاتی کەمدا بێت ئەمەش وا لە مێشکی ئەم مرۆڤە دەکات کە زوو زوو دۆپامین وەربگرێت بە ماوەیەکی کورت واتا مێشک دۆپامینی خێرایی دەوێت و ڕازی نابێت تۆ ماوەیەک سەبر بگریت و دواتر بەرهەمی سەبر گرتنەکە دۆپامینێکی زۆر و خۆشیەکی بەردەوام بێت بۆ نموونە گەر پێت بڵێن هەفتەیەک چاوەرێ بکە و خۆت لەو بابەتانە بپارێزە کە دۆپامینی خێرایان تێدایە دوای ئەم هەفتەیە ئەبیتە خاوەن خۆشیەک و دۆپامینێکی زۆر بۆ ماوەیەکی زۆر لە خۆشیدا ئەبیت ئەوە ئارامگرتنت لەسەر قورس دەبێت و مێشکت نارەحەتت ئەکات چونکە مێشک وا راهاتووە رۆژانە بەهۆی ئەم کورتە ڤیدیۆیانە دۆپامینی زۆر برژێنێت و زوو زوو مێشک پێویستی بە دۆپامین ئەبێت هەر ئەمەش وایکردووە مەیلی ئارامگرتنت نەمێنێت و ناتوانیت پلانی درێژخایەن دابنێیت ئەمە بۆ وازهێنانیش لە پۆڕن ڕاستە کاتێک پێتان ئەڵێم هەفتەی یەکەم و مانگی یەکەم نارەحەتی هەیە دوای ئارامگرتن لەسەر ئەم نارەحەتیە ئەوە خۆشی و ئارامی دێـت ژیانتەوە بەڵام دەبێت سەرەتا بەسەر فشارەکانی دۆپامیندا زاڵ ببیت ، ئەوەی باسم کرد کورتەیەک بوو لەسەر کاریگەری ڤیدیۆ کورتەکانی سۆشیاڵ میدیا ئاڵودەبوون بەم ڤیدۆیانە دەیان کاریگەری تری هەیە ئەوەی گرنگە ئاماژەی پێبدەم لەم دواین چەند ساڵەدا ڤیدیۆ ورووژێنەر و ڕووتەکان زۆر زیادی کردووە زۆر پەرەیان پێدراوە لە تەواوئ سۆشیاڵ میدیا ئەم ڤیدیۆیانە بوونەتەکە بەشێک لە پۆرنی بچووک کراوە واتا کاریگەری راستەوخۆیان هەیە بە تایبەت کەسانێک ئاڵودەی ئەم ڤیدیۆیانە ببن کاریگەری خەراپیان لەسەر مێشکیان دەبێت زۆر جار ئەوانەی وازدێنن لە پۆڕن پێم ئەڵێن بەهۆی کورتە ڤیدیۆیەکانی ناو سۆشیاڵ میدیاوە دووبارە گەڕاوینەوە سەر پۆڕن و ئاڵودەبوون هەر بۆیە ئازیزانم دەمەوێت ئێوە بزانن کاتێک بریاری وازهێنان لە پۆڕن ئەدەیت واتا دەبێت واز لە هەموو بابەتێکی ڕووت و نیمچە ڕووت بێنیت ناکرێت لە سۆشیاڵ میدیا بەدڵی خۆت سەیری هەموو جۆرە ڤیدیۆیەک بکەیت بە تایبەتی لە قۆناغی سەرەتای وازهێنان ئەم کورتە ڤیدیۆ ڕووت و نیمچە ڕووتانە وەک ئاگرێک وایە بۆ جەستە و مێشکی تۆ چونکە تۆ لە قۆناغی سەرەتا بە بچووکترین شت تووشی ورووژان دەبیت و ئەبێت باش خۆت بپارێزیت لە بابەتە ورووژێنەرەکان تاکوو مێشک مەیلی بۆ وێنە ڕووتەکان کەم دەبێتەوە بۆیە خۆپاراستن لە ڤیدیۆ ورووژێنەرەکان واجبە و ئەبێت هەوڵبدەیت بە باشی خۆتیان لێ بپارێزیت دڵنیابە خۆپاراستن لەم کورتە ڤیدیۆیانە کاریگەری زۆر بەشیان لەسەر ژیانت دەبێت بە دەرەجە یەک کاریگەری بەسود و ئەرێنیان لەسەر مێشک و دەروون ئەبێت ، ئەم بابەتە زۆر نووسین هەڵدەگرێت بەڵام ئەوەی لە کۆتایدا دەمەوێت پێت بڵێم تۆی ئاڵودەبوو دەبێت باش خۆت لە ڤیدیۆ کورتە ورووژێنەرەکان بپارێزیت و نەیەڵیت کاریگەریان لەسەر هەبێت چونکە لەم دواین چەند ساڵەدا لە تەواوی سۆشیاڵ میدیەکان زۆر پەرە بە ڤیدیۆی ڕووت و نیمچە رووت دراوە ساڵ بۆ ساڵ ڤیدیۆ و وێنە ڕووتەکان زیاتر پەرە ئەسێنێت وە زائیدەن تۆی مرۆڤ گەر ئاڵودەی پۆڕنیش نەبیت نابێت بهێڵیت ئەم ڤیدیۆیانە دەست بەسەر مێشکدا بگرن و ئاڵودەت بکەن بەڵکوو دەبێت سنوورداریان بکەیت و مێشک و دەروونت بپارێزیت لەم نیمچە ژەهری مێشک و دەروون و ژیانت .

#بە_ئاگا_هاتنەوە

🔶 چیتر چاوەکانت کوێر مەکە
🔷چیتر دەستەکانت ئازار مەدە


🔸چاوەکانت کوێر مەکە : پێغەمبەر ( د . خ ) فەرموویەتی زینای چاوەکان بریتییە لە سەیرکردنی حەرامکرەوەکان واتا ڕوانینی حەرام بەشێکە لە زینای چاوەکان ئەوجا تۆی ئاڵودەبوو بیهێنە پێش چاوت ڕۆژانە سەیری هەزاران وێنەی ڕووت بکەیت سەیری هەزاران داوێن پیسی بکەیت ئەبێت تاوانی ئەم هەموو وێنە و ڤیدۆیانە چەنێک قورس و گران بێت ئەبێت چەند دڵ و دەروون قورس بکات چەند چاوەکانمان ئازار بدات ، بەراستی ئێمەی مرۆڤ زۆر بەبێ باکانە چاوەکانمان بەرهەڵدا دەکەین گەیشتووینە ئاستێک گەر گەنجێک چاوەکانی لە ئافرەتی نامەحرەم بپارێزێـت ئەوە هاورێیەکانی بە چاوێکی کەم و گاڵتەجاریەوە سەیری دەکەن لە کاتێکدا وا وەیلی بۆ ئەو کەسەی چاوەکانی بەرهەڵدا ئەکات بێ ئەوەی بزانێت ئەم چاوانە مافیان لەسەرمان هەیە ئەم چاوانە لە ڕۆژی دوایدا گلەیی دەکات لەوەی رۆژانێک ئەم چاوە بە نەرخانەت بە دیمەنی رووت و حەرام ئازار داون گلەیی دەکات لەوەی ڕۆژانێک گلێنەی چاوەکانت ئاویان لێ ڕژاوە لەبەر ئەوەی ئەوەنە بینەری دیمەنە ڕووتەکان بوویت ، تکایە چاوەکانت کوێر مەکە بە دیمەنە حەرامکراوەکان چیتر چاوەکانت ئازار مەدە بە دیمەنە ڕووتەکان ئەم چاوە بە نەرخانەت لە حەرامدا کوێر مەکە بەڵکوو لە ڕەزامەندی خودا چاوەکانت و گلێنەی چاوەکانت گەش بکەوە ، چیتر بە چاوەکانت وێـڵ و شەیدای وێنە ڕووتەکان نەبن چونکە لە کۆتایدا وێنە ڕووتەکان بەتەواوی چاوەکانت ئازار ئەدەن و لاواز و کوێری دەکەن

🔹دەستەکانت ئازار مەدە : یەکێک لەو ئەندامەی ئەتوانی زۆرترین تاوان یان زۆرترین خێری پێ ئەنجام بدەیت ئەویش دەستەکانن ئەو دەستانەی ئەتوانیت بیانگەشێنیتەوە لە خزمەت دین و ئیماندا تاکوو سبەی دەستەکان شایەتی پاکی و خاوێنیمان بۆ بدەن بەڵام غەرقکردنی پەنجەکان و دەستەکان لە ناو پۆڕندا تاوانێکی یەکجار زۆر هەڵدەگرن چونکی ئەو دەستانەی سێرجی بۆ پۆڕنی پێ دەکەیت ئەتوانیت بە هەمان دەست سێرجی زکـر و یادی خودای پێبکەیت ئەو پەنجانەی ڤیدۆ ڕووتەکانی پێ ئەگۆرێت ئەتوانی بە هەمان پەنجە ئیمان و ژیانتی پێ بگۆرێت ئەو دەستانەی داوێنی پێ پیس ئەکەیت ئەتوانیت بە هەمان دەست داوێنت بە پاک و خاوێنی ڕابگریت ، چیتر دەستەکانت ئازار مەدە لە حەرامدا چیتر ئێـسکی پەنجەکانت ئازار مەدە لە گەڕان بەدوای پۆڕندا چونکە دەستەکانت رێگایی ژیانت دیاری دەکەن ئەتوانیت شاخێک لە ئیمانی پێ درووست بکەیت یان شاخێک لە تاوانی پێ ئەنجام بدەیت .

لە کۆتایدا خودا ڕێگـای پێداویت بەدڵی خۆت چاوەکانت بتروکێـنیت وە ڕێگایی پێداویـت ئێسکی پەنجەکانت بەبێ کێشە کار بکەن وە تۆی ئـازاد کردووە فەزڵی زۆری پێداویت بەڵام ئەوە تۆیت دیــاری دەکـەیت : ( ئایا چاوەکانت لە پێناو خودا ئەپارێزیت و لەخزمەت خودا سەرفی دەکەیت ؟ ، ئایا دەستەکانت و ئێسکی دەستەکانت لە پێناو خودا ئەپارێزیت و لەخزمەت خودا بەکاریان دێنیت ؟ ) بڕیار لای تۆیە گەنجی ئازیز هەتا دوا هەناسە خودا تەوبەت لێ وەردەگریت زۆریش خۆشحاڵ دەبێت کاتێک دەبینێت گەنجێک تەواوی ئەندامی جەستەی لە خزمەت خودا بەکاردێنێت و جوان دەیپارێزێت لە حەرامکرەوەکان ، ئیدی لە کۆتایدا ئەڵێم بە ئێمە لۆمەی نەفسمان بکەین بە چیتر ئەندامەکانی جەستەمان لە حەرامدا ئازار نەدەین بە چیتر شەرمەزار و شەرمەندەی لای پەروەردەگارمان نەبین ئەو پەروەردگارەی لە تاریکی و تەنهایدا دەمانبینێت کاتێک تاوان دەکەین بەڵام هێشتا دەستەکانمان لە کار ناخات و چاوەکانمان کوێر ناکات و گوێچکەکانمان نابیست ناکات و داوێنمان عەیبدار ناکات ئیدی دوای ئەم هەموو میهرەبانیە گەر ناتوانین بگەڕێیـنەوە لای خودا و ناتوانین لەخۆمانی ڕازی بکەین ئەوە خەجەڵەت و شەرمەزاری هەردوو دوونیا ئەبین

🔷 گەر بەدڵی خۆمان غەرقی ناو حازە شەهوەتیەکان ببین لە کۆتایدا بەرهەمەکەی هەر هیچ ئەمێنێتەوە


بە ئێمە گەشتێک بە ناو حازەکانی نەفسمان بکەین و بەدڵی شەهوەتمان بکەین بزانین چی رووئەدات ، باش ئەزانم تۆی گەنجی ئاڵودەبوو وێڵی ئەنجامدانی سێکسکردنیت حاز دەکەیت شەو تا بەیان خەریکی بەتاڵکردنەوەی شەهوەتت بیت ئێمە هەموومان ئەزانین نەفس حازی لە سێکسە بە تایبەت کەسی ئاڵودەبوو شێت و شەیدای سێکسە گریمان تۆی ئاڵودەبوو گەیشتیت بە پرۆسەی سێکس گریمان تۆی ئاڵودەبوو شەو تا بەیان لەگەڵ دەیان ئافرەت خەریکی بەتاڵکردنەوەی شەهوەت بوویت دوای کۆتایی هاتن دووبارە بۆ رۆژی دواتر شەهوەتت داوای بەتاڵبوونەوە دەکات واتا سێکسکردنت لەگەڵ ١٠ ئافرەتدا هیچ قیمەت و بەهایی نەبووە ئەگەر بۆ ماوەی ١٠ ساڵ تۆ خەریکی ئەنجامدانی پرۆسەی سێکس بیت لەگەڵ دەیان ئافرەت دوای ١٠ ساڵەکە دووبارە شەهوەتت داوای بەتاڵبوونەوە دەکات ئەوکات وادەزانیت هەرگیز رۆژێک لە ڕۆژان ئەزموونی سێکسکردنت نەکردووە چونکە چێژە کاتیە ئەڕوات ئەوەی دەمێنێتەوە پەشیمانی و تاوانەکانن ئێمە ئەزموونی دەیان کەسم لایە باسیان لەوە کردووە رۆژانێک لەگەڵ دەیان ئافرەت خۆیان بەتاڵکردۆتەوە بەڵام ئێستا زۆر پەشیمانن چونکە پێم ئەڵێن کاتێک بیردەکەینەوە لە ئەنجامدانی ئەم هەموو داوێن پیسیە هیچمان بۆ نەماوەتەوە تەنها چێژێکی ١٠ دەقەیی و کاتی بوو تێپەری لێرەدا بە ئەقڵێک و بیرکردنەوەیەکی درووست بۆمان دەردەکەوێت شەهوەت هەرگیز تێربوونی نیە شەو تا بەیان خەریکی پۆڕن و خوی نهێنی و داوێن پیسی بیت بۆ رۆژی دواتر دووبارە مێشک و جەستە داوای بەتاڵکردنەوە دەکات و غەرقی گـێژاوی ئاڵودەبوون ئەبیت بەڵام کاتێک تێدەفکریت ئیسلام بەرنامەیەکی زۆر تایبەتی بۆ ئێمە داناوە ئەویش ئەوەیە پێمان دەڵێت پێویستە سەرەتا داوێنت بپارێزیت و تەنها لە حەڵاڵی خۆت بەتاڵی بکەیتەوە تاکوو دووربیت لە هەموو ئاڵودەبوونێک و نەخۆشیەک لەگەڵ ئەوەشدا بتوانیت خێزانێک پێکبهـێنیت و تەنها سەرنجت لەسەر چێژ کاتیەکە نەبێت ئەوەی جێگای سەرنج و تێڕامانە ئیسلام نایەڵێـت مرۆڤ ئاڵودەی سێکس و بابەتە شەهوەتیەکان ببێت چونکە ئیسلام زۆر بە باشی دەزانێت مرۆڤ بە ١٠٠ ئافرەت تێرنابێت بە تایبەت ئەگەر ئاڵودەی سێکس و بابەتە شەهوەتیەکان ببێت هەر بۆیە مرۆڤ ئەپارێزێت و هاوسەنگی شەهوەتی مرۆڤ ڕادەگرێت زائیدەن ئیسلام قیمەت و بەها ئەداتە سێکس ئێمە هەموومان ئەزانین گەر مرۆڤێک داوێنی لە حەڵاڵ بەتاڵ بکاتەوە پاداشتی لەسەر وەردەگریت ڕێـک پێجەوانەی پۆڕنە لە پۆرنۆگرافیدا سێکس زۆر بێ قیمەت و بێ بەهایە هیچ ئامانجێکی نیە تەنها چێژ نەبێت وە چێژەکەش کاتیە و ئەروات تەنها ئاڵودەبوونت بۆ دێمێـنێتەوە وات لێدەکات وەک ئاژەڵ وێڵی سێکس ببیت و بە ١٠٠ ئافرەت ناتوانیت شەهوەتت دامرکێنیتەوە و هاوسەنگی شەهوەتت تێک ئەدات ، لە کۆتایدا گەر بە ئەقڵەن و هۆشیارانە بیربکەیتەوە ئەگەیتە ئەو قەناعەتی کە پێویستە جوان ئیرادەی شەهوەتت بدەیت و باش ئاگاداری بیت گەر ووردبویتەوە ئەوکات تێدەگەیت گەر تا مردن هەموو رۆژ داوێنت لە حەرامدا بەتاڵ بکەیتەوە بەقەد مسقاڵێک قیمەت و بەهایی نابێت مادەم حەرام قیمەتی نیە بۆچی مێشک و جەستەت وێران دەکەیت بۆچی هاوسەنگی شەهوەتت تێک ئەدەیت ؟ بۆچی بەهاری تەمەنت بە چێژێکی کاتی وێران ئەکەیت ؟ گەنجیەتی و ژیانی خۆت بپارێزە بەهیوام وشەکانم ببێتە مایەی هۆشیاری بۆ ئێوە چونکە پۆڕن کەسی هۆشیاری خۆش ناوێت بەڵکوو پۆڕن کەسێکی ئەوێت هیچ هۆشیاری لەسەر سێکس نەبێت و تەنها حاز و فکری لای چێژ و شەهوەت بێت هەر بۆیە ئەوانەی ئاڵودەی پۆرن دەبن زۆربەیان نازانن مانای سێکس چیە و ئامانج لەم پرۆسەیە چیە بۆیە دەکەونە ناو ژەهری وێنە ڕووتەکان .

▪️ ئەکتەری پێشووی پۆڕن نامەوێت ناوی بێنم لەبەر ئەوەی نەبێتە رێکلام لە چەند دێڕێکی کاریگەر باسی ئەزموونی خۆی لە پۆڕندا دەکات : ئەم ئەکتەرە ئەڵێت کاتێک لە تەمەنی هەرزەکاری چومە ناو پۆڕن زۆر دڵخۆشم بووم وامزانی سێکسکردن لەگەڵ ئەم هەموو ئافرەتە چێژێکی بێ وێنەی هەیە و خەونێکە بۆ من بەڵام دوای ساڵێک کارکردن لە پۆڕندا وەک ئاژەڵێک خۆم دەبینی کە تەنها خۆی بەتاڵ دەکاتەوەو ئەڕوات بێ ئەوەی سۆزێک یان هەستێک لەم پرۆسەیەدا بوونی هەبێت ، دوای ساڵێک لەبەر تێکچوونی دۆخی دەروونیم بەتەواوی وازم هێنا ئێستا بەتەواوی دژی پۆڕن کاردەکەم هەرچەند هێشتا ڤیدۆیەکانم لە سایتەکانی پۆرن بوونیان هەیە ئەمەش زۆر ئازارم ئەدات بەڵام دەمەوێت ئاگادارتان بکەمەوە پۆڕن دوورە لە هەموو سێکسێکی واقیعی ژیان تەنها بە زەبری دەرمان و جوانکاری ڕازێنراوەتەوە

🔷 ئایا پۆڕن شەهوەتی مرۆڤ تێک ئەدات ؟

🔷 ئایا هیچ دەرمانێک هەیە بۆ نەمانی شەهوەت ؟

کاتێک ئاڵودەی پۆڕن دەبیت دوای ماوەیەک هەست دەکەیت شەهوەتت گۆرانکاری بەسەردا هاتووە بە شێوازێک توانایی کۆنترۆڵکردنی شەهوەتت بۆ ناکرێت بە بچووکترین بابەت تووشی ورووژان دەبیت بە بچووکترین خەیاڵی ورووژێنەر دووبارە ئەگەڕێیتەوە سەر پۆڕن واتا هەست بە گۆرانکاری لە شەهوەتت ئەکەیت زۆربەی جار ئاڵودەبووان ئەڵێن ئێمە پێش ئەوەی ئاڵودەی پۆڕن ببین شەهوەتمان ئاسایی بووە توانایی خۆکۆنتڕۆڵکردنمان زۆر ئاسان بووە ئاستی ورووژانمان قورس بووە واتا گەر بابەتێک زۆر ورووژێنەر نەبایە کاریگەری لەسەرمان نەدەبوو کەچی ئێستا بە بوکەڵەی منداڵان هەستمان ئەجوڵێت ڕێک کەوتوویتە ژێر باری شەهوەتەوە ، ئێمە دوای چەند ساڵێک وردبوونەوە لە پۆڕن بۆمان دەرکەوتووە پۆڕن وا لە مرۆڤ دەکات هەموو کات برسی سێکس و چێژ بێـت هەر ئەمەش وایکردووە شەهوەتی مرۆڤ گۆرانکاری بەسەردا بێت و جڵەوەی شەهوەتی بەدەست خۆی نەمێنێت ، حازدەکەم بە ٣ خاڵ بۆتان ڕوونبکەمەوە تا بزانن چۆن شەهوەتت تووشی ناڕێکی دەبێت :

یەکەم : پۆڕن دەیان وێنەی ڕووت و دیمەنی ڕووت پێشکەشی مێشک ئەکات دواتر مێشک لێکدانەوەی سێکسی واقیعی بۆ دەکات هەر بۆیەش لێرەدا شەهوەتت ئەجوڵێت ئەمەش ورووژانێکی زۆر گەورە درووست دەکات

دووەم : دوای ماوەیەک و سەیرکردنی هەزاران وێنەی رووت مێشک وا فێردەبێت هەر وێنەیەکی نیمچە ڕووتی بینی راستەوخۆ لێکدانەوەی پرۆسەی سێکس و وێنەی ڕووتی بۆ دەکات لێرەدا دووبارە شەهوەتت ئەجووڵێت و ورووژان رووئەدات .

سێیەم : دواتر کاتێک لە دەرەوە ئافرەتێک دەبینیت راستەوخۆ مێشک لێکدانەوەی پرۆسەی سێکسی بۆ دەکات یان خەیاڵی ورووژێنەرت بۆ درووست دەکات لێرەدا دووبارە شەهوەتت ئەجوڵێت و ورووژان درووست دەبێت ئەم کۆمەڵە شتانە و دەیان شتی تر وادەکات شەهوەتی مرۆڤ بگۆڕێت و زۆۆر خێراتر هەست بە ورووژانێکی نائاسایی بکات ، پۆرن وا لە مرۆڤ دەکات هەموو چواردەووری بە سێکس ببینێت ئەمەش هاوسەنگی شەهوەت تێک ئەدات چونکە لە فیتڕەتی مرۆڤدا ورووژانی بەرز کاتێک رووئەدات دوو هاوسەر لێک نیزیک ببنەوە بە مەبەستی جوتبوون هەرگیز نەبووە مرۆڤ لە رۆژێکدا دەیان جار تووشی ورووژان بببێت چونکە ئەمە وادەکات هاوسەنگی شەهوەتی مرۆڤ و هەستی سێکسی مرۆڤ تێک بدات , ئەم بابەت زۆر قوڵترە بەڵام ئەمەی باسم کرد کۆمەڵێک ووردبوونەوەو هۆشیاری بوو زائیدەن هیچ پێویست بە دوودڵی ناکات چارەسەری ئاسانە پشت بەخودا لێرە دەمەوێت باسی چارەسەر بکەم زۆر کەس بەهۆی ناڕێک بوونی شەهوەتیەوە داوای دەرمانی کەمکردنەوەی شەهوەت دەکات هەندێ جار ئاڵودەبوو ئەگاتە ئاستێک دەڵێت دەمەوێت شەهوەتم هەر بوونی نەمێنێت ئەوەندە نارەحەت و بێزاری کردووم ، وڵامێکی پوخت و کورت بۆ ئەم پرسیارە و بۆ چارەسەری ئەم کێشەیە :

ئازیزانم دەمەوێت بزانن شتێک نیە بە ناوی نەمانی شەهوەتەوە دەبێت ئێوە تێبگەن هەبوونی شەهوەت نێعمەتێکی خودایە نەیدات بە هەموو مرۆڤەکان دەیان مرۆڤ هەیە لەبەر نەبوونی شەهوەتیان هەزاران دەرمان بەکاردێنن هەر بۆیە هەبوونی شەهوەت نێعمەتێکی گەورەیە گەر تۆ شەهوەتت نەبێت بێبەش دەبیت لە چێژ و خۆشی پرۆسەی سێکس بەڵام لێرەدا شتێک هەیە زۆربەی ئاڵودەبووان بەهۆی پۆڕنەوە شەهوەتیان گۆراوە واتا بە بچووکترین شت ئەورووژێن توانایی خۆکۆنترۆڵکردنیان زۆر لاواز بووە پێم ئەڵێن شەهوەتمان گۆرانکاری بەسەردا هاتووە ناتوانین کاری رۆژانەمان بە ئاسایی ئەنجام بدەین لە کاتێکدا پێش ئەوەی ئاڵودەبین شەهوەتمان ئاسایی بووە زۆریش بە ئاسایی بەسەریدا زاڵبووین بەس ئێستا ئەو توانایەمان نەماوە لێرەدا باشترین چارەسەر ئەوەیە پێویستە لەسەر تۆ بتوانیت سەرکەوتووبیت لە وازهێنان و بتوانیت زاڵ ببیت بەسەر شەهوەتت چونکە دوای مانگێک یان زیاتر لە وازهێنان هەست دەکەیت شەهوەتت ئاسایی بۆتەوە هەست دەکەیت ئاستی ورووژانت کەم بۆتەوە وەک پێشتر نەماویت کە تەنها بە بوکەڵەیەکی منداڵان هەستت ئەجوڵا بە پێی کات و مانگ بۆ مانگ هەست و شەهوەتت رێک دەبێتەوە توانایی زاڵبوونت بۆ دەگەرێتەوە وە ئەکرێت هەندێ جار بەهۆی بەرزی رێژەی هۆڕمۆنی تێستێسڕۆن زیاد لە پێویست هەستی جنسیت هەبێت لەم جۆرە حاڵەتانە پێویستی بە دکتۆر و دەرمانە بەڵام بە شێوەیەکی گشتی لەگەڵ وازهێنان لە پۆڕن و خوی نهێنی شەهوەتت رێک دەبێتەوە لەگەڵ نەمانی وێنە ڕووتەکان لە مێشکدا ئاستی ورووژانت کەمتر دەبێتەوە لەگەڵ نەمانی خەیاڵی سێکسی ئاستی ورووژانت ئاسایی دەبێتەوە تاکوو دووربیت لە بابەتە رووتەکان خێراتر هەستی سێکسیت ڕێک دەبێتەوە دواتر ئەگەیتە ئاستێک زۆر ئاسان خۆت کۆنترۆڵ دەکەیت ، دەمەوێت لە کۆتایدا پێت بڵێم شەهوەت بەشێکە لە فیتڕەتی مرۆڤ کەس ناتوانێت لێی ڕابکات بەڵکوو دەبێت وەک نێعمەتێکی خودایی سەیری بکەین تەنها ئەوەی گرنگە بتوانیت بەجوانی ئاگاداری شەهوەتت ببیت مامەڵەیەکی درووست و ئەقڵانە بکەیت و لە کۆتایدا لە حەڵاڵدا خاڵی بکەیتەوە .

🔷 زۆر جار لێم دەپرسن و پێم دەڵێن ئایا لە قۆناغی وازهێنان چی ڕووئەدات ئەو ئاستەنگیانە چین تووشی ئێمە دەبێتەوە ، ئێمەش ئەزموونی دەیان کەسی ئاڵودەبوومان وەرگرتووە کە ڕزگاریان بووە لە پۆڕن زائیدەن بە پێی ئەزموونی خۆشمان باسی نارەحەتی و ئاستەنگیەکان دەکەین :

مانگی یەکەم : پێشتر ئاماژەم پێداوە مانگی یەکەم زۆر گرنگ و ئەساسە چونکە لەم مانگەدا تووشی ئاستەنگی و نارەحەتی دەبیت بە تایبەت ٢ هەفتەی سەرەتا بەهۆی کاریگەری ئاڵودەبوونەکەوە تووشی : سەرئێشە و بێتاقەتی و تێچکوونی ئارامی دەروون و زۆری فشاری شەهوەت ئەبیت بەتایبەت لە رۆژی ٢٠ بۆ ٣٠ــم شەهوەتت هەندێ زۆرت بۆ دەهێنێت زۆربەی ئاڵودەبووان باسی ئەوەیان کردووە لە بیستەمین ڕۆژدا شەهوەت زۆری بۆ هێناون بەڵام ئەوانەی بەسەریدا زاڵبوون دواتر تووشی ئەم فشارە زۆرەی شەهوەتە نەبوونەوە بەڵکوو بەرگریان بەرامبەر شەهوەتیان پەیداکردووە زائیدەن هەبوونی خەیاڵی سێکسی و ورووژێنەر لە ماوەی وازهێناندا لەگەڵیدا تووشبوون بە ئاو هاتنەوە لە خەودا وە چەندین کاریگەری تر ئەکرێت کاریگەریەکان کەس بۆ کەس بگۆڕێت بەڵام ئەوەی لێرەدا گرنگە ئەوەیە گەر تۆ بتوانیت لەم قۆناغەدا سەرکەوتووبیت و بتوانیت بەسەر نارەحەتیەکاندا زاڵ ببیت و ئارامگربیت دڵنایت پێ ئەدەم سەرکەوتوودەبیت لە وازهێنان بە ئەگەری زۆرەوە چونکە لە دوای مانگێک هەست بە گۆرانکاری لەتەواوی جەستە و دەروونت ئەکەیت ، زۆربەی ئاڵودەبوونەکان لە جیهاندا مانگی یەکەمی وازهێنان بە سەنگی مەحەک دانراوە .

مانگی دووەم : لە گەیشتن بە مانگی دووەم زۆر گۆرانکاری رووئەدات هەست دەکەین قۆناغێکی گەورەت بڕیوە زیاتر پۆڕن و ئاڵودەبوون لە مێشکدا کاڵ دەبێتەوە کەمتر مەیلت بۆ وێنە رووتەکان و پۆرن ئەچێت زۆربەی کاریگەریەکان لاواز دەبن تەنها کاریگەری ( خەیاڵ و فکری ورووژێنەر و سێکسی ) ئەمێنێتەوە ئەمەش بە پێی کات چارەسەر دەبێت دەمەوێت ئاماژە بەوە بکەم خەیاڵی ورووژێنەر یەکێکە لەو کاریگەریانەی ماوەیەکی ئەوێت تا بەتەواوی لە مێشکدا کاڵ دەبێتەوە بەس بە شێوەیەکی گشتی گەر گەیشتیتە مانگی دووەم زۆر بە کەمی مەیلی پۆڕنت ئەمێنێت هەتا هەندێ کەس هەیە ئەگاتە ئاستێک قێز لە پۆرن دەکاتەوە هەست و مەیلی بۆ وێنە رووتەکان کەم دەبێتەوە .

مانگی سێیەم : کە ناسراوە بە ٩٠ ڕۆژەکە لەم مانگە بەتەواوی کاریگەریەکان لاواز دەبن ئەتوانم بڵێم بەتەواوی نامێنن ئەوکات ئیرادەت زۆر بەرزتر دەبێت ئەوکات توانایی زاڵبوونت زیاتر دەبێت ئەوکات شەهوەتت دێـتەوە باری ئاسایی خۆت زۆر بە ئاسانتر ئەتوانی خۆت کۆنترۆڵ بکەیت چونکە پۆڕن شەهوەتی مرۆڤەکان تێک ئەدات و ناڕێکیان ئەکات وایلێدەکات هەموو کات شەهوەتی مرۆڤ لە جوڵە دەبێت هەستی بە بوکەڵەکی ڕووت بجوڵێت ئەمەش وادەکات توانایی زاڵبوون بەسەر ئاڵودەبوون و شەهوەتت زۆر کەم ببێتەوە بکەویتە ژێر ڕکێفی شەهوەتت بۆیە رێک بوونەوەی شەهوەتت زۆر گرنگ و کاریگەرە لە داهاتوو بە وردتر باسی ڕێک بوونەوەی شەهوەت ئەکەین ، بە گشتی ئەوانەی ئەگانە مانگی سێیەم زۆۆر بە دەگمەن ئەگەرێنەوە سەر پۆڕن مەگەر بە هۆکارێکی تایبەت لە وازهێنان سارد ببنەوە یان بەهۆی چەند هۆکارێکی دەروونی قورس دووبارە بگەرێنەوە ئەگینا زۆربەیان شتێک نامێنێت بە ناوی پۆڕن لە ژیانیان چونکە مانگ بۆ مانگ ئیرادەت بەرز دەبێتەوە مانگەکان وەک زنجیرەی شاخەکان وان تا مانگەکانی وازهێنانت زیاتر بێت پتەو بەهێزتر دەبیت .


ئەمانەی باسم کردن کاریگەریەکانی وازهێنانن ، ئەکرێت کاریگەریەکان کەس بۆ کەس بگۆڕێت بەڵام بە شێوەیەکی گشتی کاریگەریەکان بەم شێوازەن کە ئاماژەمان پێداون ، دەمەوێت بزانن تاکوو زیاتر جدی بن لە وازهێنان وە بە جوانی رێنمایەکان جێبەجێ بکەن کاریگەریەکانی وازهێنان بە خێرایی کەم دەبێتەوە بەڵام وەک ئاماژەم پێداوە مانگی یەکەم هەندێ نارەحەت و دژوارە دواتر پشت بەخودا ئاسان دەبێت لەگەڵیدا هەبوونی ئیمانێکی پتەو زۆر کاریگەری هەیە لەسەر وازهێنان و رێگایی وازهێنانت بۆ گوڵرێژ دەکات ، لە کۆتایدا دەمەوێت بزانن وازهێنان ئاسانە تەنها بڕیارێکی یەکلاکەرەوەو هەندێ ئیرادە و ئارامگری دەوێت .

🔷 ئێمە سێکسمان ناوێت تەنها پۆڕنمان دەوێت


کاتێک سەرەتا کەسێک ئاڵودەی پۆڕن دەبێت هەموو ئامانجی سەرەکی ئەبێتە چێژ و بەتایبەیش ئامانجی دەبێتە گەیشتن بە سێکس و ئەزموونکردنی پرۆسەی سێکس بەڵام کاتێک ئەم مرۆڤە ئاڵودەبووە بە پۆڕن ئەگاتە سێکسی واقیعی زۆر خێرا لێی بێزار دەبێت چونکە ئەوەی لە پۆڕن هەیە و نمایش کراوە لە ژیانی واقعیدا بوونی نیە پۆڕن واتلێدەکات هەموو کات تۆ لە چێژ دابیت و هەموو کات چێژ و چێژت بوێت فکرت لای چێژ بێت بەڵام کاتێک سەیر دەکەیت لە سێکسی واقیعدا ماوەی چێژوەرگرتن چەند دەقەیەکە واتا وەک پۆڕن نیە چونکە پۆڕن وا درووستکراوە چێژێک و دۆپامینی زۆۆر ئەداتە مرۆڤ بەهۆی هەزاران ڤیدۆی ڕووتەوە تۆ بەردەوام لە چێژوەرگرتنی نائاسایی دایت بۆیە تام و خۆشی لە سێکسی واقیعی وەرناگریت هەندێ جار خودی پرۆسەی سێکست لە پێشچاو دەکەوێت ، پێشتر چەندین توێژینەوە کراوە لەسەر کەسانی ئاڵودەبووی خێزاندار زۆربەی ئاڵودەبووەکان پۆڕنیان لە سێکسی واقیعی پێ باشتر و بەچێژتربووە ئەمەش بۆتە کێشەیەکی سەرەکی و خێزانی لەم دواین چەند ساڵەدا لە کوردستانیش ئەم کێشەیە رووی لە زیادبوون کردووە کەسانی ئاڵودەبوو ناتوانن چێژ و خۆشی لە سێکسی حەڵاڵ وەربگرن ئەوجا دەمەوێت ئێوە ئاگاداربکەمەوە بۆتان ڕوونبکەمەوە لەوەی پۆڕن چێژی ڕاستەقینەی ژیانت پێنادات بەڵکوو هەرچی چێژە لە ژیانت لایدەبات بە تایبەت چێژی سێکسی واقیعی ژیان بەتەواوی ئەمرێنـێت وە واتلێدەکات ناتوانیت چێژ لە جوتبوونی حەڵاڵی ژیانت ببینیت تۆش گەر گەیشتیتە ئەم ئاستەی ناتوانیت چێژ لە جوتبوونی حەڵاڵ وەربگریت ئەوکات سێکس هیچ قیمەتی نامێنێت ناچار لەوەیە دووبارە بچیتەوە پۆڕن واتا لێرە تۆی ئاڵودەبوو دوو جار سەرگەردان بوویت یەکەم لەبەر ئەوەی ئاڵودەی پۆڕن بوویت و تووشی دەیان نارەحەتی بوویت دووەم ناتوانیت چێژ لە سێکسی ڕاستەقینەی ژیان و حەڵاڵت وەربگریت لە کاتێکدا هەموو ئامانجی کەسی ئاڵودەبوو گەیشتنە بە سێکس بەڵام پۆڕن بە شێوازێک مێشکی مرۆڤ بەرمەجە ئەکات تەنها فکری لای چێژ بێت واتا وایلێدەکات بە چێژی خودی سێکسی حەڵاڵ ڕازی نەبێـت لە کاتێکدا چێژی پۆرن زۆر ناسرووشتی و نائاسایە بەڵکوو چێژی سێکسی راستەقینە ئاسایی و فیتڕەتی مرۆڤە ، من وەک نووسەری بابەتەکانی چەناڵ زۆر جار کاتێک تێدەفکرم گومانی ئەوەم بۆ درووست دەبێت و ئەڵێم ئەبێت ئەم مرۆڤەی پۆڕنی داهێناوە شەیتانێک یارمەتی نەدابێت ؟ چونکە بەڕاستی ئەوەنە بە خەراپی لە گەردنی مرۆڤ ئەهاڵێت تووشی دەیان نەهامەتی دەروونی و جەستەیی دەکات ئەوەنە کاریگەری بەهێزە هەرگیز نەبووە شتێک تەنها لە رێگای شاشەیەکەوە بەم شێوازە مرۆڤ گیرۆدە بکات ، لە کۆتایدا دەمەوێت بڵێم چێژی پۆڕن ساختەیە دوورە لە فیتڕەتی مرۆڤ گەر تۆ دەتەوێت چێژ لە پرۆسەی جووتبوونی حەڵاڵ وەربگریت دەبێت دەست لە پۆڕن و ئەم چێژە نائاسایە هەڵبگریت بۆیە من لەم بابەتە تەرکیزم خستۆتە سەر “ چـێـژ “ چونکە ئاڵودەبووانی پۆڕن تەنها فکر و خەیاڵیان لای چێژە ئەگینا وەک پێشتر باسم کردووە پرۆسەی سێکس پێویستی بە خۆشەویستی و ئەدەب و گونجانە واتا چێژ بەشێکە لەم پرۆسەیە بەڵام پۆڕن هەموو چێژەکانی تری داماڵیوە ئەگینا گەر پرۆسەی سێکس خۆشەویستی و رێز و گونجان و ئامانجی درووستکردنی خێزانێکی تێدابێت زۆۆر چێژی زیاترە وەک لەوەی تەنها فکرت لای چێژە کاتیەکە بێت ، دەمەوێت هۆشیاریتان پێبدەم چونکە هۆشیاری یارمەتی تەواوت ئەدات بۆ وازهێنانی یەگجاری وە ئێوە بەتەواوی تێبگەیەنم پۆڕن دوورە لە هەموو فیتڕەتێکی مرۆڤ تەنها نمایشێکە مێشک و ژیانی مرۆڤ دائەروخێنێت وایلێدەکات وەک ئاژەڵ مامەڵە بکات فکر و خەیاڵی تەنها لای چێژ و خۆبەتاڵکردنەوە بێت .

🔷 چارەسەری کێشەی زاکیرە


یەکێک لە کاریگەرە باوەکانی پۆڕن بریتییە لە تووشبوون بە لە بیرچوونەوە واتا زوو شتەکان لە یاد دەکەن و کێشەی زاکیرەیان بۆ پەیدابووە بەهۆی پۆڕنەوە لەم کێشەیەدا هەموو مرۆڤێک زەرەرمەند دەبێت بەڵام بە پلەی یەکەم خوێندکار زۆر زیانمەند دەبێت دواتر کەسانی تر ، تێکچوونی زاکیرە بەهۆی پۆڕنەوە کێشەیەکی سەرەکیە لە تەواوی جیهاندا زۆربەی ئاڵودەبووان پێوەی ئەناڵێنن ئێمە بابەتێکی تایبەتمان لەسەر ئەم کێشە داناوە لە چەناڵ ئەتوانن سودی لێ وەربگرن ، پێشتر زۆر پرسیاری ئەوەمان لێکراوە ئایا چارەسەری کێشەی زاکیرە چیە ؟ ، ئێمەش دوای پرسیارکردن لە دکتۆرێکی بەرێز و وەرگرتنی ئەزموون و زانیاری لە کەسانی ئاڵودەبوو زائیدەن گەڕان بەدوای چارەسەری ئەم کێشەیە گەیشتینە چەند خاڵێک ئێمەش بۆ ئێوەی ئازیز ئەیخەینەڕوو :


🔹یەکەم : خەوتنی پێویست یەکێکە لە کاریگەرترین شتەکان بۆ سەر زاکیرەی مێشک کەم خەوی وادەکات بەشی یادگەی مێشک وەک پێویست کار نەکات هەر بۆیە پێویستە خەوی تەندرووستت هەبێت تاکوو بەتەواوی زاکیرەت ئیسرەحەتی خۆی وەربگریت .

🔹دووەم : خواردنی خورما و کوێز خواردنی ئەم دووانە پێکەوە کاریگەری باشی هەیە لەسەر تەرکیزی مێشک و بەشی زاکیرە بە تایبەت ئەوانەی پۆلی دوانزەن زۆر سود لەم خاڵە وەردەگرن خۆتان تاقی بکەنەوە ئەنجامەکەی ببینن ، زائیدەن ئەم خواردنانەش کاریگەریان هەیە بۆ بەهێزبوونی زاکیرە ( ماسی ، زەردەچەوە ، تۆوی کولەکە ، بوندوق ، پرتەقاڵ، هێلکە ، چای سەوز ،بڕۆکلی ) چەندین خواردنی تر ئەتوانن لە ئینتەرنێت بە ئاسانی دەستی بخەن .

🔹سێیەم : ( ئۆمێگا ٣ ) کاریگەری زۆری هەیە لەسەر زاکیرەی مێشک ئەم ئۆمێگایە لە ماسیدا بوونی هەیە بە تایبەت لە ماسی سەلەموون ڕێژەیەکی باشی ئۆمێگا ٣ بوونی هەیە لەگەڵ چەرەزات و چەندین تۆی میوەکان ئۆمێگا ٣ بوونی هەیە وە ئەکرێت لە ڕێگایی دەرمان و سەپڵیمێنتەوە بەدەستی بخەیت بەڵام ئەگەر نەخۆشیەکی بەردەوامت هەیە واباشترە سەرەتا پرس بە دکتۆر بکرێت ئەوکات بەکاری بێنیت و سودی لێ وەربگریت .


🔹چوارم : ڕاهێنانکردن بە مێشک بەژداریکردنی کۆرسی بەهيزکردنی یادگە بەڵام سەرەتا دەبێت زانیاریت لەسەر کۆرسەکە دەست بخەیت بۆ ئەوەی سودی لێ وەربگریت چونکە دەیان کۆرسی بێ سود بوونیان هەیە ، زائیدەن خوێندنەوە کاریگەری هەیە بە تایبەت خوێندنی قورئان وادەکات ئاستی فراوانی مێشک بەرەو پێش بچێت ئەوانەی قورئان خوێنن هەست بەوە دەکەن ئاستی توانایی مێشکیان فراوانتربووە ، هەروەها وەرزشکردن یەکێکە لەو ڕێگایانەی کاریگەری هەیە لەسەر باشبوونی بەشی یادگەی مێشک .


ئەو خاڵانەی ئاماژەم پێدان یەکێکن لە گرنگترین خاڵەکان ئەتوانن سودی تەواو لەم ڕێنمایانە وەربگرن بتوانن دووبارە زاکیرە و یادگەی مێشکتان بەهێز بکەنەوە ، دەمەوێت پێتان بڵێم دوای وازهێنان لە پۆڕن جێبەجێکردنی ئەم ڕێنمایانە کاریگەریان دەبێت بەڵام پێویستی هەندێ بە کاتە ئەکرێت کەس بۆ کەس بگۆرێت ئەوەی زیانی زۆری بەر زاکیرەی مێشک کەوتبێت کاتی زیاتر دەکەوێت بەڵام ئەوەی لە کۆتایدا گرنگە ئەوەیە بتوانیت دووبارە زاکیرەکەتان بێتەوە باری ئاسایی خۆی وە دەمەوێت بیرتان بخەمەوە دەبێت بە جوانی خۆت لە بابەتە ڕووتەکان بپارێزیت ، لە کۆتایدا تۆی خۆشەویستیش هەر زانیاریەکەت لایە سەبارەت بە باشبوونی زاکیرە ئەتوانیت لە کۆمێنت ئاماژەی پێبدەیت و بیخەیتە خزمەتی تەواوی ئەو کەسانی گیرۆدەی ئەم کێشەیە بوون .

🔷 چۆن وابکەین ڕقمان لە وێنە ڕووتەکان ببێتەوە ؟

گەلێک جار کەسانی ئاڵودەبوو لێم ئەپرسن کە چۆن وابکەین ڕقمان لە وێنە رووتەکان بێت لە کاتێکدا پێش ئەوەی ئاڵودەی پۆڕن ببین هەرگیز ڕووی بینینی وێنەی نیمچە ڕووتمان نەبووە کەچی ئێستا ئاشقی ئەم وێنە ڕووتانە بووین ، ئەوجا لەگەڵمان بن بۆ چارەسەری ئەم کێشەیە پشت بەخودا :

ئازیزانم سەرەتا دەمەوێت ئاماژە بەوە بدەم کە پێشتریش باسم کردووە کاتێک بتەوێت ئاڵودەبوونێک لە مێشکدا ناشیرین ببێت و مەیلت بۆی نەمێنـێت ئەبێت واز لە هەموو ئەو بابەتانە بێنیت کە دووبارە ئەتگەڕێنێتەوە ناو ئەم ئاڵودەبوونە دواتر سنوورێکیان بۆ دابنێیت نموونە گەر تۆ بتەوێت چیتر مەیلت بۆ وێنەی ڕووت نەچێت دەبێت سەرەتا بەتەواوی واز لە هەموو بابەتێکی ڕووت و زائیدەن وێنەی نیمچە ڕووت بێنیت ئەمە واجبی سەرەکیە لەسەر تۆ دواتر دەبێت هەوڵبدەیت خۆت لە ئافرەتی نامەحرەم بپارێزیت بە تایبەت چاوەکانت لە هەموو ئافرەتێکی نامەحرەم بپارێزیت وە ئافرەتانیش خۆیان لە کەسە نامەحرەمەکان بپارێزن ئەوکات دوای ماوەیەک ئەگەیتە ئاستێک شەرم دەکەیت سەیری ئافرەتی نامەحرەم و کەسانی نامەحرەم بکەیت گەر گەیشتیتە ئەم ئاستە هەرگیز ڕووت نایەت سەیری وێنەی نیمچە ڕووت بکەیت تەواوی وێنە نیمچە ڕووتەکانت لا ناشیرین دەبێت و بەتەواوی مەیلی دڵ و دەروونت بۆ وێنە ڕووتەکان نامێنێت لەگەڵ ئەوەشدا فکر و خەیاڵی ورووژێنەرت نامێنێت و ئەگەڕییتەوە سەر فیتڕەت ئەوکات مێشک وا فێردەبێت بینینی ئافرەتی نامەحرەم شتێکی ئاسایی نیە هەر بۆیەش کاتێک سەیری وێنەیەکی نیمچە ڕووت بکەیت مێشک قەبووڵی ناکات و هەزمی ناکات چونکە تۆ لە یەکەمین هەنگاودا سنوورت بۆ ئافرەتی نامەحرەم داناوە وە مێشکت وا ڕاهێناوە سەیرکردنی ئافرەتی نامەحرەم شتێکی ئاسایی نیە هەر بۆیەش گەر مێشک ئافرەتی نامەحرەمی قەبووڵ نەبێت هەرگیز ئافرەتی نیمچە ڕووتی قەبووڵ نیە چونکە ئەوکات لای مێشک شتێکی زۆر نائاسایە لە ئافرەتی نامەحرەمەوە بچیت بۆ سەیرکردنی ئافرەتی نیمچە ڕووت مێشک ئەم بازدانە گەورەیی پێ قەبووڵ ناکرێت ، بەڵام بە پێچەوانەوە ئەگەر هاتوو تۆ لە یەکەمین هەنگاودا حسابت بۆ ئافرەتی نامەحرەم نەکرد و دواتر سنوورت بۆ وێنە نیمچە ڕووتەکان دانەنا ڕاستەوخۆ چوویت سەیری وێنەی ڕووت کردوو بینەری دەیان ڤیدۆ و وێنەی ڕووت بوویت ئەوکات حەتمەن مێشک ئاشقی وێنە ڕووتەکان دەبێت ئەوکات مێشکت وا فێردەکەیت ئافرەتی نامەحرەم و ئافرەتی نیمچە رووتی زۆۆر شتێکی ئاساین بۆیەش لە مێشکی تۆدا ئافرەتی نامەحرەم و ئافرەتی نیمچە ڕووت حەڵاڵ دەبن و بەدڵی خۆت سەیری دەکەیت هیچ سنوورو بەربەستێک نامێنێت لە مێشکی تۆدا چونکە گەر لە سەرەتاوە فلتەر و بەربەستت بۆ ئافرەتی نامەحرەم و وێنە نیمچە ڕووتەکان دانەنابێت ئەوکات مێشک زۆر بە ئاسانی ئاڵودەی وێنە ڕووتەکان دەبێت ، زۆر جار لە برایانی ئاڵودەبوو پێم ئەڵێن ( ئێمە جۆرە کەسانێک بووین شەرمان دەکرد سەیری بوکەڵەی ڕووت بکەین چی بگاتە ئافرەتی نامەحرەم و نیمچە ڕووت کەچی ئێستا وامانلێهاتووە سەیری مەحرەمەکانی خۆشمان دەکەین بە شەهوەتەوە هیچ سنوورێکی ئەخلاق و فیتڕەت لە مێشکمان بوونی نەماوە ) ئەم قسانەی کەسانی ئاڵودەبوو دەرخەری ئەوەیە مێشکی مرۆڤ سنوور بۆ شتەکان دادەنێت هەتا ئەم سنوورە بوونی هەبێت تۆ پارێزاویت ئێمە زۆر ئاماژەمان پێداوە پۆڕن زۆر خێرا سنووری ئەخلاق لە مێشکی مرۆڤدا دائەماڵێت و هەموو شتێکی لا ئاسایی دەکاتەوە ، بۆیە تۆ گەر دەتەوێت ڕزگارت ببێت لە وێنە ڕووتەکان و چیتر مەیلت بۆی نەچێت دەبێت سەرەتا سنوورێکی زۆر تووند بۆ وێنە ڕووتەکان و نیمچە ڕووتەکان دابنێیت وە بیانکەیت بە هێڵی سوور دواتر هەوڵبدەیت بەجوانی خۆت لە ئافرەتی نامەحرەم بپارێزیت ئەوکات بە پێی کات ئەگەیتە ئاستێک بەتەواوی ڕقت لە وێنە ڕووتەکان دەبێتەوە واتا کاتێک تۆ ڕووی ئەوەت نەبوو بەدڵی خۆت چاو بۆ ئافرەتی نامەحرەم بگێڕیت و شەرم بکەیت لە سەیرکردنیان ئەوکات هەرگیز ڕووی ئەوەت نابێت سەیری وێنەی و ڤیدۆی نیمچە ڕووتیش بکەیت و مێشک قەبووڵی ناکات چونکە تۆ فلتەر و سنوورێکت بۆ کەسانی نامەحرەم داناوە هەر بۆیە گەر مێشکت ئافرەتی نامەحرەمی قەبووڵ نەکرد هەرگیز ڕووتی قەبووڵ ناکات ، لە کۆتایدا دەمەوێت پێتان بڵێم مێشک وابەستەیە بە سنووریەکان تۆ خۆت سنوور بۆ چی دابنێیت مێشکیشت سنووری بۆ دادەنێیت و چیتر مەیلی و حازی بۆی ناچێت ، تۆ تەنها مانگێک تاقی بکەوە بزانە چۆن وێنەی ڕووت لا ناشیرین دەبێت بزانە پاراستنی چاوەکانت لە کەسانی نامەحرەم چەند چێژبەخشە .

#گرنگ

🔷 پێویستە سنوورێک بۆ پۆڕن و وێنە رووتەکان دابنێیت لە ناو مێشکدا

ئازیزانم مێشکی مرۆڤ بە جۆرێکە گەر ماوەیەک غەرقی ناو بابەتێک بوویت لەگەڵی ڕادێت و ئاسایی دەبێتەوە هەرچەند پێشتر ئاین یان ژینگە وایکردبێت سنوور بۆ ئەم بابەتە دابنێـت لە مێشکدا بەڵام گەر تۆ خۆت بەجدی سنوورێک بۆ بابەتە حەرامەکان دانەنێیت ئەوکات هیچ شتێک کاریگەری نابێت بە نموونە ئەوانەی مەحرەمبازن لە سەرەتادا ئەسڵەن فکرە و حەزی مەحرەمی لە مێشکیان بوونی نەبووە هەتا لای ئەوان ئەم حەزە زۆر ناشیرین بووە واتا لە مێشکی ئەوان حەزی مەحرەمی وەک شتێکی قێزەون و هێڵی سوور دانراوە بۆیە هەرگیز مێشکیان ئەمەی قەبووڵ نەکردووە بەڵام وردە وردە لەگەڵ تێکەڵبوون بە ڤیدۆ مەحرەمیەکان و تێکەڵبوون بە گروپە مەحرەمیەکان ئەم سنوور و ئەم ئەخلاقە لە مێشکی ئەم کەسەدا کاڵ بۆتەوە گەیشتۆتە ئاستێک ئێستا چێژ لەم کارە قێزەونە وەردەگرێت لە کاتێکدا پێشتر هەرگیز ئەم کارەی لا پەسند نەبووە بەس چونکە لە مێشکی خۆیدا ئەم کارەی زۆر ئاسایی کردۆتەوە هیچ سنووری بۆ دانەناوە هەر بۆیە تەنها لە ماوەی چەند مانگێک ئینسانێک کە پێشتر ئامادەبووە گیانی خۆی فیدا بکات لە پێناو کەرامەت و ناموسی خۆی کەچی ئێستا خۆی تەماحی داوەتە ناموس و کەرامەتی خۆی ئێوە سەیر بکە پۆڕن بە چەند مانگێک چۆن ڕەگ و ڕیشەی مێشکی مرۆڤەکان تێک ئەدات چۆن ئەیکاتە کۆیلەی نەفس و شەهوەتی چۆن سنووری ئەخلاقی ئینسان دائەماڵێت ، لێرەدا من دەمەوێت پێتان بڵێم ئێوەی ئاڵودەبوو هەمووتان پۆرن و وێنە رووتەکان لە مێشکتاندا ئاسایی بۆتەوە دەبێت دووبارە لە مێشکی خۆتان سنوورێک بۆ وێنە ڕووتەکان دابنێیت و سنوورێک بۆ چاوەکانت و خەیاڵەکانت دابنێیت نەیەڵیت چیتر لای مێشکت وێنە رووتەکان ئاسایی بن چونکە ئەزانم هەموو ئاڵودەبووەکان پێش ئەوەی تێکەڵی پۆڕن و وێنەی رووتەکان ببن پێیان شەرم بووە سەیری وێنەی ڕووت بکەن بەڵکوو لەبەرامبەدا هەستیان بە تاوان دەکرد چونکە ئەوکات لە مێشکی ئێوەدا سنوورێک بوونی هەبووە وە مێشک وێنەی ڕووتی لا ئاسایی نەبووە بەڵام بەپێی کات ئەم سنوورە لە مێشکی ئێوەدا بوونی نەماوە هەر بۆیە شەو تا بەیان بەدڵی خۆت سەیری وێنەی ڕووت دەکەیت و هیچ هەست بە تاوان ناکەیت چونکە مێشک زۆر لای ئاسایی بۆتەوە ، لێرەدا پرسیارەکە ئەوەیە چۆن سنوور بۆ مێشکمان دابنێین ؟

سەرەتا پێویستە لە مێشکی خۆتەدا بەشێوازێک وێنای پۆرن بکەیت وەک ژەهرێک وابێت دەبێت لە مێشکی خۆتدا پۆڕن و خەیاڵی ورووژێنەر بکەیتە هێڵی سوور ئەوکات وردە وردە مێشک سنوور دادەنێـت و چیتر مەیلی بۆ پۆڕن و وێنە رووتەکان نامێنێت هەتا ئەوانەی زۆر بە سەختی ئاڵودەبوون پۆرن و وێنە رووتەکان بوون لای ئێمە دوای چەند مانگێک و سنووردارکردنی مێشکیان ئێستا کاتێک وێنەی نیمچە رووت ئەبینن رقیان لێیە و هەندێ جار تووشی دڵ تێکەڵ هاتن ئەبن ئەوەنە پۆرن لایان بێزراو بووە واتا بە ماوەی چەند مانگێک ١٨٠ پلە تێروانینیان بۆ بابەتە ڕووتەکان گۆراوە بۆیە دەبێت تۆی ئاڵودەبوو سنوور بۆ مێشکت دابنێیت کە بەدڵی خۆی خەیاڵی ورووژێنەر ئەنجام نەدا دەبێت سنوور بۆ چاوەکانت دابنێیت کە چیتر بەدڵی خۆی سەیری وێنە ڕووتەکان نەکات ، یەکێک لە شتە تایبەتەکانی ئاینی ئیسلام ئەوەیە زۆر بە جوانی سنووری بۆ مێشکی ئینسان داناوە بەشێوازێک مێشکی ئینسان دادەڕێژێـت وایلێدەکات لە هەموو وێنە رووتەکان و حەرامێک بەدووربێت ئاسودەیی بۆ مێشک فەراهەم دەکات بەڵام پۆڕن زۆر خێرا ئەم کاریگەرە و سنوورە لە مێشکدا ناهێڵێت واتلێدەکات بەدڵی خۆت بەناو پۆرندا بگەڕێیت بێ ئەوەی مسقاڵێک هەست بە شەرمەرازی تاوان بکەیت نەک پۆڕن بەڵکوو هەموو ئاڵودەبوونێک لە دوونیادا گەر سنوورێکت بۆی دانا لە مێشکدا ئەوکات پارێزراو دەبیت نموونە لای زۆربەمان حازی مەحرەمبازی یان هاوڕەگەزبازی شتێکی زۆ قێزەونە چونکە لە مێشکی ئێمەدا ئەم حازە سنووری بۆ دانراوە مێشک قەبووڵی ناکات نیزیکی ئەم شتانە بکەوین بۆ پۆڕنیش سەرەتا بە هەمان شێواز بووە مێشک قەبووڵی نەکردووە بەڵام بە پێی کات ئەم سنوورە نەماوە ئەبیت دووبارە درووستی بکەیتەوە دواتر کاتێک گەیشتیتە ئەو ئاستەی بەتەواوی سنوورێک و پەردەیەکت بۆ پۆڕن بۆ وێنە ڕووتەکان دابنێیت ئەوکات تا مردن خۆت بە دووردەگریت لە پۆڕن بە هیچ شێوازێک مێشک مەیلی بۆ پۆرن و بابەتە ڕووتەکان ناچێت ، هەر بۆیە تۆ دەبێت لەگەڵ وازهێنان سنوورێک بۆ مێشکت دابنێیت و نەیەڵێیت چیتر وێنە ڕووتەکان و پۆڕنی لا ئاسایی بێت بەڵکوو دەبێت مێشکت وا ڕابێنیت ئەم بابەتە ڕووتانە وەک ژەهرێک وان بۆ تەواوی ژیان .

🔷 پەشیمانی و خۆزگەی دەیان کەسی ئاڵودەبووم لە هەردوو ڕەگەزم کردووە بە نووسین و ئامۆژگاری زێڕین بۆ ئێوەی خۆشەویست ، تاکوو ئێوە سود لەم خۆزگە و پەشیمانیانە وەربگرن و ژیان و قیامەتی خۆتانی پێ سەربەرز بکەن :

🔹خۆزگە لە سەرەتایی تەمەنم هەوڵم دابایە زانیاری لەسەر پەروەردەی سێکسی و جەستەیی پەیدا بکەم تا هۆشیاری تەواوم هەبێت و نەکەومە تەڵەی پۆڕن و بەتەواوی پێناسەی سێکسم لا بشێوێـت .

🔹خۆزگە لە سەرەتایی تەمەنی لاویم دەستم کردبایە بە فێربوونی بابەتەێک یان فێربوونی هوونەرێک و ئەزموونکردنی ئیشێکم هەبایە نەوەک لە سەرەتایی تەمەنم غەرقی ناو پۆڕن ببم و تەواوی ژیانمی لەسەر دابنێم

🔹خۆزگە لە سەرەتایی گەنجیەتیم ژیانم بە دین و ئیمان بەسەر بردبایە تاکوو ژیانێکی پڕ لە دەروون ئارامی ببمە سەر تاکوو بتوانم خەزێنیەکی پڕ لە خێر بۆ قیامەتم پاشکەوت بکەم چونکە کاتێک تەمەنت ئەگاتە ٣٠ ساڵ ئەوکات تێدەگەیت ئەم ١٠ ساڵەی تەمەنی گەنجیت تەنها بە زیایە ڕۆشتووە هیچ شتێکت بۆ نەماوەتەوە ئەوکات هەست بەوە دەکەیت ئەو چێژە کەمی پۆڕن پێیداویت تەنها ژیانی پێ وێران کردوویت و بێ ئاگایی کردوویت لە هەموو خۆشیەکانی ژیان بێ لەوەی زۆر جار بێبەش دەبیت لە درووستکردنی خێزانێکی جوان بێبەش دەبیت لەوەی ببیتە خاوەن کاری خۆت لە دەیان شتێکی جوان بێبەش دەبیت .

🔹خۆزگە هەموو هەوڵێکم بۆ داوێن پاکی دابایە هەرچەند نارەحەت بووبایە چونکە داوێن پاکی ئاسودەیی دەروونی و ڕەزامەندی خودا بەرهەم دێنێت لە کاتێکدا بەکارهێنانی داوێنم لە حەرامەدا هیچی پێنەبەخیشووم لە کۆمەڵێک ئازار و نارەحەتی و نەخۆشی نەبێت .

🔹خۆزگە چاوەکانم پاراستبایە لە هەموو نامەحرەمێک و بەتایبەیش لە دیمەنە ڕووتەکان چونکە بەرهەمی بەرهەڵداکردنی چاوەکانم هیچ قیمەتی نەبووە بێ لەوەی چەندین زیان بەر چاوەکانم و مێشکم کەوتووە لەگەڵیدا زیانێکی زۆر بە ئیمانەکەم کەوتووە .

🔹خۆزگەیەکی تر هەیە کە ئافرەتان زۆر لێی پەشیمان و ئەڵێن لە تەمەنێکدا ئێمە خۆمان دانەپۆشیوە بەڵکوو زۆر بێ باکانە بە جلک و بەرگێکی ناشەرعی خۆمان ڕازاندۆتەوە بێ ئاگا بووین ئەم جلک و بەرگە پارچەیەکە لە ئاگر بێ ئاگابووین لەوەی پیاوەکان بە تەقەی پێڵاوی ئافرەت تووشی ورووژان دەبن بێ ئاگا بووین ئەم جلک و بەرگە هیچ قیمەت بەهایەکی نیە کەچی ئێمە لەبەر دوو وشەی جوانی خەڵک ڕەزامەندی خودامان بیرچۆتەوە کاتێک بەئاگا دێیتەوە ئەوکات زۆر درەنگ دەبێت هەندێ جار تاکوو ناو گۆڕێکی تاریک بەئاگا نایەیتەوە ( من وەک پیاوێک و دوای ئەوەی تێگەیشتووم لە سایکۆلۆژی پیاو گەر خودا بمگۆڕێت بۆ ئافرەت ئەوکات بە پارچەیەک لە ئاسن خۆم دائەپۆشم چونکە ئەزانم پیاو ورووژانی چەند هەستیارە من ئەزانم پیاو مێشکی لە دەست ئەدات لە ئاست ڕووتی ئافرەتدا ، دەمەوێت بە هەموو خوشکیان بڵێم لەم سەردەمە لە هەموو لایەک هەوڵ بۆ ڕووتکردنەوەی ئافرەت ئەدرێت پێتان ئەڵێن گەر ئافرەت خۆی رووت نەکاتەوە ناشیرین دەردەکەوێت پێتان ئەڵێن گەر ئافرەت ڕووت نەبێت ئەوە دواکەوتوویە پێتان ئەڵێن گەر ئافرەت خۆی ڕووت و تەسک نەکاتەوە هیچ پیاوێک ئامادەنیە بیکاتە هاوبەشی ژیانی ئەمە لە کاتێکدا ڕێک پێچەوانەکانی ڕاستە هەر بۆیە لەم سەردەمە پڕ لەفیتنەیەدا ئەکرێت بەهەشت بۆ ئافرەتان تەنها خۆداپۆشین و ئیمانێکی ڕاست و پاک بێت و ژین و ژیانی تەنها بۆ خودا بێت )

🔹لە کۆتایدا خۆزگەیەکی زۆر قوڵ هەیە کە زۆربەی ئاڵودەبووان پەشیمانی بۆ دەردەبڕن ئەویش ئەوەیە تەمەنیان بۆ خودا دەرخان نەکردووە بە تایبەت گەنجیەتیان چونکە بۆیان دەرکەوتووە ڕاکردن بە دوای هەموو چێژێکی حەرامەدا هیچی قیمەت و بەهایەکی نیە بەڵکوو شتێکی کاتیە و ئەروات بەڵام ئەوەی ئازاری ئینسان ئەدات لەم تەمەنە هەستیار و جوانەدا لە جیاتی بە عیبادەتی خودا بەسەری بەریت لە پۆڕندا بەسەرت بردووە لەم تەمەنە نازداروو جوانەدا چاوەکانت پڕکردوون لە وێنەی حەرام دەستەکانت بەکارهێناون بۆ بینینی دیمە ڕووتەکان داوێنت بۆ حەرام بەکارهێناوە ئەمەش بەتەواوی مرۆڤ ئازار ئەدات کاتێک بیردەکاتەوە خودا ئیسکەکانی دەستەکانی چاوەکانی تۆی درووستکردوون بەڵام تۆ لە حەرامدا بەکارت هێناون تووشی شەرمەزاری لای خودا دەبیت ، بەڵام هێشتا خودا دەرفەتی پێداویت ئەم بارە لارە ڕاست بکەیتەوە دەرفەتی پێداویت لەمەودوا دەستەکانت و چاوەکانت و تەواوی جەستەت لە خزمەتی ئەودا بەکاربێنیت و ڕەزامەندی بەدەست بێنیت .

ئەم وشە و خۆزگانەی بۆ ئێوەم باس کرد بەرهەمی ئازار و پەشیمانی دەیان برا و خوشکانی ئێمە بوون دەمەوێت ئێوەش سود لەم وشانە وەربگرن چونکە هەندێ جار ئەکرێت ئامۆژگاریەک یان نووسینێک بەقەد ئاڵتوونێک قیمەت بەهایی هەبێت و تەواوی ژیانت بگۆڕێت ، بەهیوام خۆزگەکان بە گرنگ و هەند وەربگرن چونکە وەک ئاماژەم پێدا بەرهەمی نارەحەتی دەیان کەسی ئاڵودەبوون .

🔶 چێژ سەنتەری

یەکێک لە کاریگەریە خەراپەکانی پۆڕن کە تاکوو دوا هەناسەی وازهێنان دەمێنێتەوە ئەتوانم بڵێم کۆتا کاریگەریە کە کاتێکی باشی ئەوێت تاکوو رزگارت ئەبێت لێی ئەویش ( تەماشاکردنی هەموو ئافرەتێکە بە شێوازی ڕووت و شەهوەتی و سێکسیەوە ، بۆ ئافرەتیش بە هەمان شێوازە بەس لە پیاواندا ئەم کاریگەریە زۆر زیاتر زاڵە ) ئەم تێڕوانینە شەهوەتیە وا دەکات چێژ بداتە مێشک و ئامانجی سەرەکی تۆ تەنها چێژ بێت بۆیە منیش ناوم لێناوە چێژ سەنتەری هەوڵدەدەم بە وردی و پوختی باسی ئەم کاریگەرە مەترسیدارە بکەم .

پێش ئەوەی ئاڵودەی پۆڕن ببیت لەوەیە هەرگیز ڕووی ئەوەت نەبووبێت لە مێشکی خۆتدا بە شێوازی شەهوەتی یان چێـژوەرگرتن سەیری هیچ ئافرەتێک بکەیت هەتا گەر ویستبێتت بڕیاری ژیانی هاوسەرگیری بدەیت لەسەر بنەمایی گونجان و رێز و خۆشەویستی هاوسەرگیریت ئەنجام ئەدا ئەسڵەن سەیری لایەنی جەستەیی و جنسیت نەدەکرد و بۆت گرنگ نەبوو بەڵام کاتێک ئاڵودەی پۆڕن دەبیت ١٨٠ پلە تێروانینت ئەگۆڕێت هەر یەکەمین و سەرەتایترین کاریگەری پۆڕن بریتییە لەوەی بە شێوازێکی ڕووت خەیاڵ بۆ ئافرەتەکانی چواردەوورت دەکەیت تا وردە وردە مێشک ڕادێت لەسەر ئەم کاریگەرە و لای ئاسایی دەبێتەوە دواتر ئەم کاریگەرە ئەوەنە خەست دەبێتەوە دەگاتە ئەو ئاستە ترسناکەی بە شێوازێکی شەهوەتەوە سەیری مەحرەمەکانی خۆت دەکەیت هەتا ئەوانەی ئاڵودەی مەحرەمی خۆیان بوون ئەم کاریگەریە تەنگی پێـهاڵچنیون و بەتەواوی دەروونیان وێران بووە سنووری شەرم لە مێشکیان داماڵڕاوە ، ئەم کاریگەریە ئەوەنە بەهێزە هەندێ جار بەبێ ویستی خۆت کەسانی چواردەوورت بە ڕووتی ئەبینیت زۆر جار ئاڵودەبوو هەبووە دوای وازهێنان و پێکهێنانی ژیانی هاوسەرگیریش ئەم کێشەیەی هەبووە کاتێک سەیری ئافرەتانی تری کردووە راستەوخۆ بە مەیلی شەهوەتەوە سەیری کردووە بێ ئەوەی خۆی بیهەوێت بەڵام چونکە مێشک ڕاهاتووە لەسەر ئەم ڕوانینە لەگەڵیدا چێژی لێ وەرگرتووە زائیدەن کاریگەری ئاڵودەبوون و وێنە ڕووتەکان ئەوەنە بەهێزن ماوەیەکی باشی ئەوێت تا بەتەواوی مێشک لێیان پاک دەبێتەوە ، مەترسی ئەم کاریگەریە ئەوەیە واتلێدەکات دارووبەرد بە سێکس و ڕووتی ببینیت واتلێدەکات بوکەڵەیەک بە سێکس ببینیت واتلێدەکات گەر ئافرەتێک خاوەن جەستەی جوان نەبێت هەڵینەبژێریت بۆ ژیانی هاوسەرگیری چونکە هەموو ئەکتەرەکانی پۆڕن جوانکاری جەستەیان بۆ کراوە واتلێدەکات وەک ئاژەڵێک تەنها بەدوای چێژ و چێژ ڕابکەیت ببیتە کۆیلەی چێژێکی کاتی ، وە ئەم کاریگەریە وادەکات تەواوی هەبوونی ئافرەتێک کوورت بکاتەوە تەنها لە جەستە و سێکس واتا ڕوانینت بۆ ئافرەت تەنها ئەبێت بە سێکس و هیچیتر زۆریش بە ئازارە ئەم تێڕوانینە هەرچەند ئەتەوێت وەک پێش ئاڵودەبوون ئافرەت بە ئاسایی ببینیت ناتوانیت چونکە مێشک ڕاهاتووە لەسەر ئەم بینین و تێڕوانینە گەر زوو دەستی لێ هەڵنەگریت مێشک زۆر خەراپ ئاڵودەی ئەم جۆرە خەیاڵ و تێڕوانینە ئەبێت لای ئێمە ئاڵودەبوو هەبووە زۆر نارەحەتی بەدەست ئەم کاریگەرە کێشاوە زۆر جار وازهێنانت لەسەر قورس دەکات بەڵام ئەوەی جێگای خۆشحاڵیە دوای ماوەیەک و گۆرینی تێروانینیت بۆ ئافرەت لەوەی کە ئافرەت زۆر لە سێکس و ئەمانە گەورەترە ئەوان سەرچاوەی ژیانن ئەوان ئارامی دەروونین بۆ پیاوان ئەوان دایکن ئەوان خاوەن دەیان جوانین گەر تێڕوانینت بەم شێواز گۆرا ئەوکات چیتر بە مەیلی شەهوەتەوە سەیری هیچ ئافرەتێک ناکەیت بەڵکوو زۆر بە حورمەت ئەبن لە مێشکدا چیتر مێشکت ڕووی ئەوەی نابێت وەک پێشتر سەیری ئافرەتان بکات زائیدەن کاتێک زانیت پێناسەی سێکس چیە کاتێک تێگەیشتی سێکس بۆ درووستکردنی خێزانە ئەوکات تێڕوانینت ئەگەڕێـتەوە بۆ سەر فیتڕەت چونکە پۆرن تێروانینی مرۆڤەکان زۆر بە خەراپی ئەشێوێنێت و لە فیتڕەت لایان ئەدات ، پۆرن بە شێوازێک تێڕوانین و خەیاڵت تێک ئەدات دەیهەوێت ئامانجی سەرەکیت تەنها تێکردنی شەهوەتت بـێت و چێژ وەرگرتن بێت لە هەموو بابەتە ڕووتەکان بێ ئەوەی گرنگی بە دین بدەیت گرنگی بە درووستکردنی خێزان بدەیت گرنگی بە خۆشەویستی بدەیت پۆڕن هەموو ئەمانەت لێ ئەستێنێتەوە تەنها چێژی کاتیت بۆ دەهێڵێتەوە کە دواتر لێت دەبێتە ژەهرێک تا تەمەنێک پێوەی ئەناڵێنیت .

🔷 چەند تێبینیەکی گرنگ لەسەر وازهێنان

ئازیزانم کاتێک تۆ بڕیاری وازهێنان ئەدەیت لە پۆڕن یان لە خۆی نهێنی ئەبێت بناغەیەکەت هەبێت و بزانیت بۆچی وازدێنیت نابێت بە عەشوایی وازهێنان ئەنجام بدەیت زۆر جار کەسێک کە کاتێک تووشی پۆرن و خوی نهێنی ئەبێت دواتر زۆر پەشیمان ئەبێتەوە ڕاستەوخۆ بەڵێنی وازهێنان بە خودا ئەدات بەڵام چونکە وازهێنانەکە بناغەی نیە دواتر دوای چەند رۆژێک بەڵێن و پەیمانەی ئەشکێنێت دووبارە ئەچێتەوە سەر پۆڕن بۆیە کاتێک تۆ بڕیاری وازهێنان ئەدەیت ئەبێـت بزانیت بۆچی وازدێنیت و بۆچی جارێکی تر ناتەوێت بچیتەوە سەر پۆڕن بەتەواوی خۆت یەکلایی بکەیتەوە وە بناغەیەکی توند و پتەوی وازهێنان دابنێیت تاکوو بۆ هەتا هەتایە نەچیتەوە سەر پۆڕن بە نموونەیەک بۆت ڕوون دەکەمەوە ( کاتێک من بریاری وازهێنان ئەدەم و بۆم دەرکەوتووە پۆرن لە ژەهرێک نەبێت هیچی تر نیە ، بۆم دەرکەوتووە ١٠٠ ساڵ بە دیار پۆڕن دانیشم مەنی ناو جەستەم بە زیایە بدەم هیچ قیمەت و سودی نیە بێ لەوەی دوونیایەک زیانی هەیە بۆم ، کاتێک بۆم دەرکەوت لە ناو ئەم هەموو چیژە ساختانەی دوونیادا تەنها چێژی جوتبوونی حەڵاڵ باشترین و پاکترین چێژ و خۆشیە ئەوکات هەموو بابەتی پۆڕن و ڕووتیت لا بێزراو دەبێت ، کاتێک بۆت دەردەکەوێت ئامانجی خودی سێکس بەس چێژ نیە بەڵکوو زۆر لە چێژ گەورەترە ئەویش درووستکردنی خێزانە ئەوکات چێژ سەنتەری لە ژیانت بوونی نامێنێت ، وە کاتێک بۆت دەردەکەوێت وێنە و ڤیدۆ ڕووتەکان ژەهری مێشکن ئەوکات لێیان ڕادەکەیت و خۆتیان لێ دەپارێزیت ) ئەمانەی باسم کردن وەک بناغەیەکی گرنگ وان بۆ وازهێنان چونکە تۆ بەژداری هەر کۆرسێک یان شتێکی بەسود بکەیت گەر بناغەیەکی پتەوی وازهێنانت نەبێت وازهێنان قورس دەکەوێت لەم سەردەمە پڕ فیتنەیەدا چاو بۆ هەر لایەک ئەگێڕیت پریەتی لە وێنە و ئافرەتی ڕووت ئەمانە کاریگەری زۆریان هەیە ئەگەر نەفس بەهێز نەبێت ، کاتێک منیش ئەم چەناڵەکەم درووستکردووە ئامانجم ئەوە بووە هۆشیارتان بکەمەوە دواتر بە شێوازێک وازبێنن گەر لە ناو جیهانێکی پڕ لە پۆرندا بیت تۆ سەیری نەکەیت و نەفس بەرز و بەهێز ببێت من نامەوێت ئەمرۆ بە عەشوایی و بەبێ بناغە وازبێنیت و دووبارە سبەی شکست بێنیت ، ئەبێت کە بریاری وازهێنانت دا بەتەواوی خۆت یەکلایی بکەیتەوە هیچ بیانوو بۆ کارەکانت نەهێنیتەوە ،

تۆ گەر وتت واز دەهێنم واتا چیتر بەلای پۆرندا ناچم ئەگەر پۆڕن یەک سێرچ لێم دووربێت

تۆ گەر بریاری وازهێنانت دا واتا چیتر بەدوای وێنەی ورووژێنەردا ناڕۆم و چاوەکانم باش دەپارێزم

تۆ گەر بریاری وازهێنانت دا واتا من ئامادەیی هەموو نارەحەتیەکەم تاکوو لەم ژەهرە ڕزگارم ببێت

کاتێک تۆ بڕیاری وازهێنان ئەدەیت واتا دەبێت بە جوانی رێنمایەکانی جێبەجێ بکەیت و ئارامگربیت لەسەریان


لە کۆتایدا دەمەوێت پێتان بڵێم پرۆسەی وازهێنان قورسی و نارەحەتی و ئارامگرتن و کاتی پێویستە بەڵام نارەحەتیەک کاتی بێت و دواتر خۆشی بەدوابێت زۆر باشترە لەوەی لە ناو نارەحەتی پۆڕندا غەرق ببیت و تەمەنێک پێوەی بناڵێنیت ، هەر بۆیە گەر بڕیاری وازهێنانی کۆتایت دا پێویستە سەرەتا بناغەی پتەوی بۆ دابنێ و پشت بە خودا ببەستە و هۆشیاری تەواو پەیدا بکە لەسەر پۆڕن و بابەتەکان وە بەتەواوی خۆت ئامادە بکەیت بۆ پرۆسەی وازهێنان ان شاء الله لە کۆتایدا سەرکەوتوودەبن .

🔶 بۆچی وێنە ڕووتەکان ژەهری مێشک و ژیانن ؟

لەوانەیە رۆژێک بیرت کردبێتەوە بۆچی ئەم هەموو وێنە ڕووتە بەبێ بەرامبەر پێشکەشی تەواوی مرۆڤەکان دەکرێت ! بۆچی بەشێک لە وڵاتەکان بە ناوی ئازادی ئەوەنە گرنگی بە بڵاوکردنەوەی ڕووتی ئەدەن ؟ ، بە بزانین وێنە ڕووتەکان چییان بەسەر گەنجانی ئێمە هێناوە تەنها کاریگەیان بۆ ئێوە باس دەکەم تا تێبگەن چی ژەهرێکە :

🔸گەنجانی ئاڵودەبوو پێم ئەڵێن ئەوەنە بینەری وێنەی ڕووت بووین وامان لێهاتووە بە بوکەڵەی منداڵان شەهوەتمان ئەجوڵێت بەتەواوی مێشکمان بۆتە پارچەیەک لە ڕووتی بەشێوەیەک پۆرن و وێنە ڕووتەکان وایان لێکردووین وەک ئاژەڵ مامەڵە بکەین و تەنها سەرنجمان لەسەر سێکس بێت لە کاتێکدا پێشتر وانەبووین بەڵکوو شەرمان دەکرد لەوەی سەیری ئافرەتی نیمچە ڕووتیش بکەین .

🔸بەشێکی زۆری تر لە ئاڵودەبووەکان لە هەردوو ڕەگەز لێم ئەپرسن کاتێک نوێژ یان عیبادەکان ئەنجام ئەدەین وێنە ڕووتەکان دێـنەوە پێش چاومان و زۆر ئازارمان ئەدەن و نارەحەتمان دەکەن .

🔸بەشێکی تری لە ئاڵودەبووان ئاماژە بەوە دەکەن وێنە ڕووتەکان وایان لێکردووین هەموو ئافرەتێک بە شەهوەتەوە یان بە ڕووتی سەیر بکەین و تووشی خەیاڵی نەشیاوی ببین وە ڕزگاربوونمان لەسەر قورس بووە خەریکە تووشی نەخۆشی دەروونیمان دەکات .


🔸بەشێکی تری ئاڵودەبووان ئەناڵێنن بەدەست کێشەیەکی گەورەوە ئەویش لە کاتی ئەنجامدانی پرۆسەی جوتبوونی حەڵاڵدا وێنە ڕووتەکان دێنەوە یـاد و خەیاڵیان ئەمەش وادەکات چێژ لە جوتبوونی حەڵاڵ وەرنەگرن هەندێ جار ئاڵودەبووە هەبووە ئاماژەی بەوە کردووە لە کاتی جوتبووندا دەبێت سەیری پۆڕن بکات بۆ ئەوەی بتوانێت چێژ وەربگرێت ، ئەم کێشەیە لە تەواوی جیهان بوونی هەیە دەیان جیابوونەوە لەسەر ئەم کێشە ڕوویداوە .


کاریگەیەکانی دیمەنە ڕووتەکان یەکجار زۆرن بەڵام دەمەوێت شتێک بە ئێوە بڵێم و جیاوازی نێوان دوو مرۆڤ بکەین : مرۆڤێک لە ماوەی چەندین ساڵدا هەزاران وێنەی ڕووت لە مێشکیدا پرۆسێس بووبێت و سەیری هەزاران دیمەنی ڕووتی کردبێت لە بەرامبەدا مرۆڤێکی تر بوونی هەبێت کە بەتەواوی تەمەنی بینەری وێنەی ڕووت نەبووبێت هەتا خۆی پاراستبێت لە وێنە نیمچە ڕووتەکان تەنها خێزان و حەڵاڵی خۆی بەبێ پەردە بینیبێت وە تا مردنیش تەنها خێزانی خۆی بەبێ پەردە ئەبینێت لێرەدا پرسیارەکە ئەوەیە ئایا دەکرێت ئەم دوو کەسە وەک یەکتربن ؟

ئایا ئەو کەسەی کە خۆی پاراستووە لە وێنە ڕووتەکان زۆر زیاتر چێژ لە جوتبوونی حەڵاڵ وەرناگرێت وەک لە کەسێک کە هەزاران وێنەی نەشیاوی بینیوە ؟ لەگەڵیدا هەندێ جار حەڵاڵی خۆشی لە پێش چاو دەکەوێت .

ئایا ژیان و دەروونی ئەو کەسە زۆر ئاسودەتر نیە کە بینەری وێنە ڕووتەکان نەبووە مێشکی خۆی بەم وێنانە ئازار نەداوە یان بەتەواوی وازی لێ هێناوە وە بەجوانی خۆیانی لێ ئەپارێزێت ؟

ئایا شەهوەتی کەسێکی ئاڵودەبوو بە وێنە ڕووتەکان کە هەستی بە بووکەڵەیەک ئەجوڵێت و بەتەواوەتی شەهوەتی شێواوە وەک شەهوەتی کەسێکی تر وایە کە بینەری وێنە ڕووتەکان نەبووبێت و بەتەواوی زاڵبووە بەسەر شەهوەتی و بە ئاسانترین شێوە کۆنترۆڵی دەکات ؟

ئایا چالاکی مێشکی کەسێکی پڕبوو لە وێنە ڕووتەکان وەک مێشکی کەسێکی تر وایە کە خۆی پاراستووە لە هەموو وێنەیەکی نەشیاو ؟ خۆتان تێستی مێشکی خۆتان بکەن بزانە پێش پۆڕن و دوای پۆڕن چالاکی و زیرەکی مێشکتان چۆن گۆڕاوە .


لە کۆتایدا بۆت دەردەکەوێت بۆچی ئەوەنە ڕەواج بە وێنە ڕووتەکان ئەدرێت ئەوکات تێدەکەیت وێنە ڕووتەکان زۆر بە ئاسانی مێشک داگیر دەکەن و بەتەواوەی ژیانی مرۆڤەکان تێک ئەدەن ئەوکات تێدەگەیت بە ئاسانی وێنە ڕووتەکان میلەتێک و وڵاتێک داگیر ئەکەن ، کاتێک خەریکی نووسینی ئەم بابەتە بووم ئایەتێکی خودام بیرکەوتەوە کە ئەفەرمووێت ( ( ئەی محمد صلى الله عليه وسلم بە پیاوانی باوەڕداران بڵێ با چاوی خۆیان بپارێزن لە تێڕوانینی حەرام وە داوێنی خۆیان بپارێزن لە زینا ، وە لەوەى كە كەس نەیبینێت ، ئەمە بۆ دڵ و دەرون و دینیان پاكترە ، بەڕاستی خوای گەورە زۆر زانیارییەكی وردی هەیە بەو كـردەوانەی كـە ئێوە ئـەنجامی ئـەدەن ) بەراستی ئەم ئایەتە وەک موعجیزەیەک وایە تەنها کەسانێک لەم ئایەتە تێدەگەن کە بزانن کاریگەری بەرهەڵداکردنی چاو چەنێ کاریگەی هەیە تەنها کەسێک لەم ئایەتە تێدەگات کە بەوردی کاریگەری وێنە ڕووتەکان بزانێت چونکە لە هەمووی خەراپتر کاریگەری وێنە ڕووتەکان ئەوەنە بەهێزن هەندێ جار ماوەیەکی باشی دەوێت تا لە مێشک نامێنن بەڵام ئەوەی جێگای خۆشحاڵیە لەگەڵ وازهێنان بە پێی کات کاریگەریەکان لاواز دەبن و نامێنن ، ئەم بابەتە یەکجار زۆر نووسین هەڵدەگرێت بەڵام دەمەوێت لە کۆتا دێـڕدا پێتان بڵێم وێنە ڕووتەکان لەوەیە چەند دەقەیەک چێژ بداتە مێشک بەڵام لە بەرامبەردا زیانێکی یەگجار زۆرت لێ ئەدات و بەتەواوی تەمەنت پێوەی ئەناڵێنیت هەر بۆیە وازهێنان لە وێنە ڕووتەکان دەربازبوونە لە دەریایەکی پڕ لە ئازار و نارەحەتی دەروونی .

ئازیزانم حاز دەکەم سەرەتا ٥ دەقە لە کاتی خۆتان بگرن بینەری ئەم ڤیدیۆیە بـن لەوەیە بەقەد کتـێبـێک کاریگەری هەبێت ، دواتر خوێنەری بابەتەکەمان بن ، ئێمە یەکەم جارە ڤیدیۆ لە چەناڵەکەمان دابنێـین وە ئەکرێت کۆتا جاریش بێت بۆیە بە گرنگی لێی بڕوانن.

🔷 برا و خوشکەکانم داوا دەکەم چیتر ئێمە دەستەکانمان لە حەرامدا ماندوو نەکەین ، ئەم خودایەی جوڵەی ئیسک و دەستەکانی بە ئێمە داوە هەر ئەویش ئەتوانێت لێمان بستێنێتەوە بەڵام سەربەرزی ئەوەیە کاتێک گەراینەوە لای خودا دەستەکانمان مۆری تاوانی پێوە نەبێت و غەرقی ناو تاوان نەبووبێت .

🔷 بە چیتر ئەم دوو چاوە بە نەرخانەی خۆمان لە حەرامدا ماندوو نەکەین تاکوو سبەی لە قیامەت چاوەکانمان شایەدی پاکیمان بۆ بدەن لای پەروەردگارمان ، تەنها ئێمە ئەزانین دانیشتن بەدیار وێنە ڕووتەکان چەنێ کاریگەری گەورەی لەسەر مێشک هەیە ئیدی لە پای چی ئەم چاوانە ئازار بدەین و زاکیرەی مێشکمان پڕ بکەین لە وێنە ڕووتەکان ؟

🔷 بە چیتر بە دیار زینای دوو کەسی داوێن پیس دانەنیشین و تاوانی سەر شانمان کەڵەکە نەکەین ئاخر ئەم تاوانە ئەوەنە پیسە خودی ئەکتەرەکان سەیری ڤیدۆیەکانی خۆیان ناکەن چونکە ڕوویان نیە ئیدی ئێمە چۆن ئەتوانین لە حزووری خودا بێ باکانە چاوەکەنمان بەرهەڵدا بکەین و شەو تا بەیان سەیری داوێن پیسی دەیان کەس بکەین !


براکانم بە چیتر بەهاری تەمەنمان بە پۆڕن و چێژی کەمی کاتی بە فیرۆ نەدەین ئەزانم تۆی گەنج خاوەن شەهوەتی ئەزانم تۆی گەنج مەیلی زۆرت بەلای سێکسدا هەیە بەڵام بەکارهێنانی ئەم شەهوەتە لە حەرامدا بەرەو تاریکی و وێرانی ئەتبات گەر تۆ تەواوی تەمەنت داوێنت لە حەرامە بەتاڵ بکەیتەوە هیچ قیمەتی نابێت تەنها بەقەد زەوی پەشیمانیت بۆ دەمێنێتەوە وە هەردوو دوونیات لێ تاریک دەبێت ، ئێمە بەرکەوتنمان لەگەڵ دەیان گەنجی ئاڵودەبوو هەبووە بە کەسانی خاوەن دین و بێ دینەوە هەموویان دوونیایەک پەشیمانیان لە نەخیاندا هەبووە گەر ئیماندارە ترسی قیامەتی هەبووبێت ئەوە کەسەی خاوەن بێ دین خەمی ژیان و دەروون و جەستەی بووە چونکە پۆرن دین و ڕەگەز و تەمەن نازانێت هەر ئەوەنەی بەسە تۆ ئاڵودەی ببیت ئەوکات واتلێدەکات نەفس و شەهوەتت حوکمی جەستەت بکات ، ئەم وشانەی بۆ ئێوەی ئازیزم نووسیوە بـەرهەمی نارەحەتی دەیان گەنجانی ئاڵودەبوویە چونکە ئێمە ئەوەنە کاریگەری خەراپمان بینیوە لەسەر گەنجان نامەوێت چیتر برا و خوشکەکەکانم لەو نارەحەتیەدا ببینم ، قسەی زۆر ھەیە بۆ وتن بەڵام دەمەوێت لە کۆتایدا پێتان بڵێم تۆ گەر خۆت بۆ خودا یەکلایی کردبێتەوە ئەبێت دەستەکانت و چاوەکانت و گوێیەکانت بە پارێزیت لە حەرامکرەوەکان گەر تۆ بەرزترین پلەی بەهەشتت بوێت ئەبێت بەجوانی داوێـنت بپارێزیت و بەدوای چێژێکی کاتی نەکەویت وە ئەم تەمەنە کاتیە لە عیبادەتی خودا سەرف بکەیت چونکە خێرەکان و عیبادەتەکان تاکە شتێکە لە تەمەنمان ئاخی پەشیمانی بۆ ناکێشین و پێی سەربەرز ئەبین ، تاکە ئامۆژگاریم ئەوەیە رۆژێک بە تەنیا دابنیشە بزانە پۆڕن لە دوونیایەک زەرەر چی بەتـۆ بەخشیوە ، پێویستە ئێمە خۆمان لێپرسینەوە لە نەفسمان بکەین پێش ئەوەی خودا لێمان بپـرسێتەوە چونکە ئەوکات مەجالی تۆبـە و گەرانەوەمان نابێت .

🔷 خاڵی بەھێزی نەفس چیە ؟ ، وە چی وادەکات نەفس بەھێز ببێـت و زاڵ ببێت بەسەر ئیرادەی مرۆڤدا ؟

لەوەیە زۆربەمان ئاگاداری خاڵی لاوازی نەفس بین و بزانین نەفس بە چی لاواز دەبێت بەڵام زۆربەمان خاڵی بەھێزی نەفس نازانین کە وادەکات ئینسان بەردەوامبێت لە تاوان و رۆژ بۆ رۆژ نەفس خۆی بەھێز بکات و بەتەواوی جڵەوی مرۆڤ بکات و ئیرادەی تەخت بکات ، یەکێک لە خاڵە بەھێزەکانی نەفس نەزانین و ناھۆشیاریە واتا نەفس ھیوایەتی ئەوەیە ئینسان بە کوێرانە بەدوای حازوو ئارەزوەکانی بکەوێت ئەسڵەن نەفس گرنگی بە حەرام و حەڵاڵ نەدات و گرنگی بە زەرەر و زیان نەدات تەنھا ئەیھەوێت چێژ وەربگرێت لە شتەکان کاتێک تۆ ھۆشیاریت نیە لەسەر پۆڕن کاتێک تۆ نازانیت خودا بۆچی شەھوەتی بە ئینسان داوە کاتێک نازانیت سێکس چیە و بەرھەمی سێکس چیە کاتێک نازانیت ئیمان و تەقوا چیە ئەوکات حەتمەن نەفس زۆر بەھێز دەبێت و حوکمی جەستەی تۆ دەکات ، لە ھەمانکاتدا نەفسی ئینسان ئاشقی ئەوەیە مرۆڤ بۆ کردەوەکانی بیانوو بێنێتەوە نموونە کاتێک گەنجانێک تازە ئاڵودەی پۆڕن بووە ئەزانێت پۆڕن خەراپە بەڵام بیانوو بۆخۆی دەھێنێتەوە ئەڵێت بۆیە من سەیری پۆڕن دەکەم چونکە ناتوانم ژیانی ھاوسەرگیری پێک بێنم ھەر بۆیە سەیری پۆرن دەکەم تا تووشی زینا نەبم لە کاتێکدا ئەم گەنجە ناھۆشیارە نازانێت خودی پۆڕن سەرچاوەی سەرەکی زینایە پۆرن وادەکات رێگای زینات زۆر بۆ ئاسان بێت ئەوجا ئێوە سەیر بکەن چۆن نەفس مرۆڤەکان ھەڵدەیخەڵەتێنێت و وایلێدەکات بیانوو بدات بە کارەکانی بۆیە ناھۆشیاری و بە کوێرانە دواکەوتنی نەفس وادەکات جڵەوی نەفست لەبەر دەستی خۆت نەمێنێت و گیرۆدەی نەفسی خۆت ببیت ھەر بۆیە کاتێک تۆ ھۆشیاری و شارەزایت نەبوو لە بابەتەکان ڕاستەوخۆ نەفس بەھێز دەبێت و ئیرادە لاواز دەبێت ، خاڵی تری بەھێزی نەفس دووربوونە لە ئیمان ھەموومان ئەزانین ھەر مرۆڤێک دووربێت لە ئیمان نەفسی زۆر بەھێز دەبێت و خێرا کاریگەری لەسەر درووست دەکات سەرچاوەی زاڵبوون بەسەر نەفسدا و لاوازکردنی نەفس پەیوەستە بە ئیمانەوە نامەوێت زیاتر باسی بکەم خۆتان شارەزایتان لێ ھەیە و لەسەرەوە ئاماژەم پێداوە ، خاڵی کۆتایی ھۆکاری بەھێز بوونی نەفس بەسەر مرۆڤدا ئارام نەگرتنە کاتێک تۆ بە بچووکترین وێنەی ورووژێنەر راستەوخۆ ئەچیتەوە سەر پۆرن و ئارام ناگریت ئەمە وادەکات نەفست بەرەو بەھێزبوون بچیت و زاڵببیت بەسەر ئیرادەی تۆدا ، کاتێک تۆ لە پرۆسەی وازھێنان دایت و ئارام ناگریت لەسەر نارەحەتیەکان ئەمە وادەکات وردە وردە ئیرادەت نزم ببێت و نەفس بەرەو بەھێزبوون بچێت و لە کۆنترۆڵی خۆت دەربچێت ئەوکات نەفس کە لەوپەڕی بەھێزی دایە بەدڵی خۆی تاوانت پێ ئەنجام ئەدات و لات شیرین ئەکات .


ئازیزانم ئەوەی باسم کرد چەند خاڵێک بوو لەسەر لاوازی و بەھێزی نەفس وە زاڵبوون بەسەر نەفسماندا ، دەمەوێت پێتان بڵێم کاتێک نەفسی مرۆڤ بەردەوام دەبێت لە تاوان و بەبێ باکانە سەیری حەرامکراوەکان دەکات ئەوە ئەم نەفسە بەھێز دەبێت و فێری تاوان دەبێت وە ھەموو شتێکی لا ئاسایی دەبێتەوە ڕادێت لەسەر ئەنجامدانی تاوان بەڵام لە ھەمانکاتدا کاتێک تۆ نەفست بەدوور ئەگریت لە تاوان و خۆت ئەپارێزیت ئەوکات ئەم نەفسە لاواز دەبێت و فێر دەبێت کە دووربێت لە تاوان ھەر کاتێک تاوانێک دەکەیت خێرا نەفس لۆمەی خۆی دەکات چونکە پێشتر فێربووە دووربێت لە تاوان بۆیە تاوان و گوناح بە شتێکی نادرووست سەیر دەکات ئەمەش دەرخەی ئەوەیە پەروەردەکردنی نەفس ئەکەوێتەوە سەر خۆتان چۆن پەروەردەی بکەن ئاوا دەردەچێت ، ئێمە گرنتی کەسێک ئەکەین پشت بەخودا ببەستێت و رێنمایەکانی وازھێنان بە جوانی جێبەجێ بکات زائیدەن جدی بێت لە وازھێنان و ئاگاداری خاڵە بەھێز و لاوازەکانی نەفس بێت و ھۆشیاری لەسەر پۆرن ھەبێت لەگەڵیدا ئارامگربێت لەسەر نارەحەتیەکانی وازھێنان وە لە ڕووی عیبادەت و ئیمانەوە کەم و کووڕی نەبێت ئەوە بەدڵنیایی سەرکەوتوودەبێت لە وازھێنان .

▪️شێخ شەعراوی فەرموویەتی : ٥٠ ساڵ ئاڵودەی جگەرە بووم ڕۆژانە ٤ پاکەتم ئەکێشا ، کاتێک بڕیارم دا تەرکی بکەم یەک ساڵ چەرخ و پاکەت لە ناو گیرفانم بوو بەڵام نەمکێشا تاکوو نەفسم لـغـاو بکەم و تەربێتی بدەم ، ئیتر لە کۆتایدا تەرکم کرد . کاتێک تـۆ یەک سێـرچ لە پۆڕن دووریت بەڵام سەیری ناکەیت و ئارام دەگریت ئەمە لە ئیرادە بەھێزی و بەرزی تۆیە ، بەم ئارامگرتنە بەتەواوەتی حازی نەفست دائەماڵیت .

🔶 چۆن تەربێتی نەفسمان بدەین و بەتەواوی بەسەریدا زاڵ ببین ؟


پێغەمبەر د،خ ئەفەرمووێت باشترین جیھاد ئەوەیە بەرامبەر نەفسی خۆت ئەنجامی بدەیت ، ئەم فەرموودەیە دەرخەری ئەوەیە نەفس لە شەیتان کاریگەری زیاتر لەسەر ئینسانەکان دەبێت بە مەردانە ھەوڵی ڕووبەڕووبوونەی نەفس بدەیت و بەسەریدا زاڵ ببیت ، رێگایەکانی زاڵبوون بەسەر نەفسدا زۆرە بەڵام ئێمە لە ڕوانگەی پۆڕنەوە سەیری دەکەین وە دەمەوێت خاڵی لاوازی و بەھێزی نەفستان بۆ باس بکەم تا بزانن چی وادەکات نەفس لاواز ببێت و ئیرادەت بەرز ببێتەوە وە چی وادەکات نەفس بەرەو بەھێزبوون بچێت و لە جڵەوەی خۆت نەمێنێت بە ھیوام سودی بۆتان ھەبێت ،

🔷 خاڵی لاوازی نەفس چیە چۆن نەفسم لاواز بکەم لە بەرامبەردا ئیرادەم بەھێز بکەم ؟

یەکێک لە خاڵە لاوازەکانی نەفس پەیوەستە بە زانین و ھۆشیاری کاتێک مرۆڤێک ھۆشیاری لەسەر پۆڕن ھەیە و ئەزانێت پۆڕن چی ژەھرێکە بۆ ژیانی کاتێک ئەزانێت پێناسەی خودی سێکس چیە وە کاتێک ئەم کەسە ئەزانێت ٥ دەقە چێژی خوی نھێنی ھیچ قیمەتی نیە لە کۆمەڵە زیانێک نەبێت کاتێک ئەزانێت تا رۆژی مردن خەریکی بەتاڵکردنەوەی شەھوەتی بێت بە حەرام ھیچی قیمەتی نابێت تەنھا تاوانەکەی ئەمێنێـتەوە ئەم ھۆشیاریە دەبێتە ھاندەرێک بۆ ئەوەی زاڵ ببیت بەسەر نەفسدا کاتێک تۆ بە تەنیا لەگەڵ خۆت و نەفسی خۆت دادەنیشیت و بیردەکەیتەوە چەند ساڵێک سەیری ئافرەتت کردووە ڕوونتر بڵێم نەزەڕت کردووە بەڵام ئەم نەزەڕ کردنە ھیچ سودی نەبووە بگرە ئەو ئافرەتەی تۆ سەیرت کردوون لە زاکیرەی مێشکت بوونیان نەماوە لێرە بۆت دەردەکەوێت تۆ لەم نەزەڕکردنە ھیچت بۆ نەماوەتەوە تەنھا گوناح و زەرەر نەبێت ئەوکات ئەگەیتە قەناعەت کە چیتر نەزەڕ نەکەیت چونکە شتێکی بێ سودە تەنھا نەفس حازی لێدەکات ئەم تێگەیشتنە وادەکات زیاتر زاڵ ببیت بەسەر نەفسدا و خاڵی لاوازی نەفست بۆ دەربکەوێت ، تێبینیمان کردووە ئەوانەی ھۆشیاریان لەسەر بابەتەکان ھەیە وازھێنان زۆر ئاسانترە بۆیان چونکە ھۆشیاری و بەئاگابوونیان وایلێدەکات ناکەوێتە ژێر کاریگەری نەفس و شەھوەتەوە ، یەکێک لە خاڵە لاوازەکانی تری نەفس ئیمانە ھەر مرۆڤێک بە جوانی ئیمان و تەوحید لە دڵدا بوونی ھەبێت و بزانێت چێژی دوونیا کاتیە ئەوکات نەفسی زۆر لاواز دەبێت بە شێوەیەک نەفسی مرۆڤ زۆر لە ئیمان ئەترسێت ئەتوانـم بڵێم ئیمان و تەقوا ڤاکسینێکە بۆ زاڵبوون بەسەر نەفسدا ھەتا لە تەواوی جیھان ئەوانەی واز لە پۆرن دێنن باس لەوە دەکەن دین زۆر یارمەتی داون لە کاتێکدا دینی ئیسلام زۆر بەھێزە بەرامبەر نەفس رێک خامۆشی ئەکاتەوە بەو مەرجەی ئینسان بەجوانی دینەکە لە دڵیدا بچەسپێت نەک تەنھا بە ڕووکەش دیندار بێت پێویستە تەوحیدی و تەقوایەکی درووستی ھەبێت ئەمەش یارمەتی تەواوی ئەدات لە زاڵبوون و وازھێنان لە حەرامکراوەکان ، کۆتا خاڵی لاوازی نەفس ئارامگرتنە ئەم ئارامگرتنەش تەنھا بۆ کەسێکی ئیماندارە چونکی کەسی ئیماندار ئەزانێت بەرھەمی ئارامگرتن لەسەر نەفس و خاڵیکردنەوەی لە حەڵاڵدا پاداشتی یەکجار زۆری ھەیە ھەر بۆیە خودا ئەفەرمووێت ( کەسێک له‌ دونیادا ترسا بێت له‌ ڕاوه‌ستان له‌به‌ر ده‌ستی خوای گه‌وره‌و زانیبێـتی ڕۆژێك ئه‌گه‌ڕێته‌وه‌ بۆ لای خوای گه‌وره‌ ، وه‌ له‌ ترسی خوای گه‌وره‌ قه‌ده‌غه‌ی نه‌فسی خۆی كردبێ له‌ هه‌واو ئاره‌زوو جڵه‌وگیرى كردبێت ئه‌وه‌ به‌ دڵنیایى شوێنی گه‌ڕانه‌وه‌ی ئه‌وانە به‌هه‌شته‌ ، له‌به‌ر ئه‌وه‌ی له‌ دونیا خۆیان پاراستووه‌ خوای گه‌وره‌ له‌ قیامه‌ت پاداشتیان ئه‌داته‌وه‌ به‌ به‌هه‌شت ) لەم سەردەمەدا ئارامگرتن لە تەنیایەکان ئارامگرتن لە تاریکیەکان ئارامگرتن لەسەر شەھوەتەکان لەبەر خودا ئەوە پاداشتێکی نەبڕاوەی ھەیە مەگەر ئیلا خودا بزانێت چی پاداشتێکی گەورەیە .

ھەتا خۆمان تێبینیمان کردووە ئەوانەی ئاڵودەی پۆرن نین و دوورن لە پۆڕن زۆربەیان کەسانی دیندار و ھۆشیارن واتا بەجوانی لە قورئان تێگەیشتوون شوێنی ئامۆژگاریەکانی قورئان و پێغەمبەر کەوتوون و دەستیان پێوە گرتووە لەگەڵیدا ھۆشیاریان لەسەر بابەتەکان پەیدا کردووە نەک خۆڵ بکەنە چاوی خۆیان و بەدوای چێژێکی کاتی بکەون و خۆیان بخەڵەفێنن لە کاتێکدا پێناسەی سێکس و پۆڕن دوو شتی زۆر جیاوازن گەر ھۆشیاریت نەبێت خەراپ بەرچاوت تاریک ئەبێت ، ئازیزم لە کۆتایدا دەمەوێت پێتان بڵێم گەر ھەفتەی تەنھا سەعاتێک بخوێـنیـتـەوە لانی کەم بابەتەکانی چەناڵەکەمان بخوێـنیـتـەوە یان سەیری ڤیدۆیەکەی بە سود بکەیت بەسە بۆت تا ھۆشیاری پەیدا بکەیت چیتر خەڵکانی دەرەوە ناتوانن بە ئاسانی مێشکمان داگیر بکەن گەر ئێمە شوێنکەوتەی قورئان بین بەو مەرجەی جوان لێی تێبگەین ھەرگیز کەس ناتوانێت زەفەرمان پێ ببات لەسەر حیسابی ئەقڵی ئێمە خۆیان دەوڵەمەند بکەن وە ناتوانن شیرازەی خێزانەکانمان تێک بدەن و ئاسودەیی دەروونیمان لێ بستێنن ، الحمدللە لەم دواین چەند ساڵەدا ھەم لە کوردستان ھەمیش لە وڵاتانی مسوڵمان ھۆشیار زۆر بڵاوکراوەتەوە لەسەر پۆرنۆگرافی ھەنگاوی زۆر گەورە نراوە جێگای خۆشحاڵیە ، بەھیوام گەنجانمان زیاتر و زیاتر ھۆشیار پەیدا بکەن خودا ئەفەرمووێت ( ئێوە بیربکەنەوە زائیدەن ئاقڵتان بەکاربێنن چونکە سبەی لێپرسینەوەتان لەسەر نێعمەتی ئەقڵ لێ دەکرێت ) بۆیە ئەبێت گەنجی مسوڵمان دوو جار بیربکاتەوە چونکە خاوەن قورئانە ھەموو شتێکی بۆ ڕوونکراوەتەوە لەگەڵیدا دەبێت گەنجی مسوڵمان زۆر ھۆشیار بێت ناکەوێتە تەڵەی بازرگانەکانی ئەوروپا و ئەمریکا لەسەر حیسابی ئێمە خۆیان دەوڵەمەند بکەن و شیرازەی خێزانەکانمان تێک بدەن وە نابێت خۆمان گیرۆدەی چێژی کاتی بکەین کە بەتەواوی ژیانمان لێ تاڵ دەکات و ژەھرێک ئەدەنە مێشکمان کە ئازارەکەی زۆر نارەحەت و وێرانکەرە .

کاتی خۆی کە پۆرنۆگرافی درووستکرا بانگەشەی ئەوەی بۆ کرا کە سودی بۆ فشاری دڵ و ئەمانە ھەیە وادەکات ئینسان بێتاقەتی نەمێنێت و لەگەڵ ئەوەشدا بانگەشەی ئەوەیان کرد کە خەڵک فێری شێوازی سێکسکردن ئەکەن و دەیان چەواشەکاری تر بەڵام دوای چەند ساڵ لەگەڵ بڵاوبوونەوەی ئینتەرنێت دەرکەوت زیانەکانی پۆرنۆگرافی یەکجار زۆرن ھەر بۆیە لە دەیان وڵات فلتەر دانرا لەگەڵیدا کتێب و ھۆشیاری بڵاوکرایەوە تەنھا لە ساڵانی ٢٠١٠ بۆ ٢٠١٥ لە ئەوروپا دەیان کتێب و ھۆشیاری لەسەر مەترسی پۆڕن بڵاوکراوەتەوە لە کاتێکدا لە کوردستان ئەوکات تازە خەڵک خەریکی پۆرنۆگرافی بوو شەو تا بەیان سەیری پۆڕنیان دەکرد بەشێکی دووکانەکان خەریکی فرۆشتنی ئەم فلیمانە بوون ئێوە سەیری ئەقڵی کەسێکی ئەوروپی و ئێمە بکەن ئەوانە لەگەڵ بڵاوبوونەوەی پۆرن لێی ورد بوونەوە لەگەڵیدا خەریکی ھۆشیارکردنەوەی خەڵک بوون کەچی ئێمە تازە خەریکی فرۆشتنی فلیمی پۆرنۆگرافی بووین بە ھەرحاڵ دوای ئەوەی سایتەکانی پۆڕن بۆیان دەرکەوت خەڵکی ئاسیا و بە تایبەت گەنجانی مسوڵمان زۆر پێشوازیان لە پۆڕن کردووە بینەرێکی بێ وێنەیان ھەبووە ئێستاشی لەگەڵدا بێت بەشێک لە وڵاتە بە ناو ئیسلامیەکان زۆرترین بینەری پۆڕنیان ھەیە ئەوکات درکیان بەوە کرد بەشێکی زۆری گەنجانی مسوڵمان ناخوێنەوە ھەوڵنادەن ھۆشیاری پەیدا بکەن تاکوو بزانن ئایا پۆڕن چیە و چۆنە مادەم لە دینەکەمدا حەرامە دەبێت لێی وردببمەوە بزانم لەپشت ئەم پۆرنە چی ئەگوزەرێت لە کاتێکدا خودا فەرموویەتی ( گەر کەسێک ھەواڵ یان شتێکی بۆ ھێنان پەلە مەکەن لە بڕیاردانی و لێی وردببنەوە نەوەک دین و ئیمانەکەشمان لەگەڵ بڕوات ) بەڵام بەداخەوە نەک ھەر لە پۆرن ورد نەبووینەوە بەڵکوو زۆر کوێرانە بڕیارمان دا سەیری بکەین و زۆربەی گەنجان بەدوای پۆرن کەوتن بێ ئەوەی بزانن زیانەکانی چین بەشێکی زۆر لە گەنجان دین و ئیمانیان لەسەر ئەم ژەھرە داناوە ، دوای چەند ساڵێک زانیان گەنجانی ئێمە ئەسڵەن پێناسەی سێکس نازانن تەنھا بەدوای چێژ دەکەون درکیان بەوە کرد گەنجانی ئێمە زۆر ناھۆشیارن شەو تا بەیان لە تیلیگرام داوای ڤیدۆی منداڵ و دەیان شتی ناشیرینن دەکات زانیان ئێمە تەنھا بە ڕووکەش دینەکەمان وەرگرتووە شارەزایمان لە دینەکەمان نیە بە تەواوەتی درکیان بەوە کرد ئێمە بەدوای عیلم و زانین ناکەوین ھەرچەند کاتی بەتاڵمان زۆر بێت ئەمەش وەک دەرفەتێـکی زێڕین وابوو بۆ کۆمپانیاکانی بەرھەمھێنانی پۆرنۆگرافی ھەستان دەیان سایتی عەرەبیان درووست کرد کە ڤیدۆی ئافرەتی حیجاب و پیاوی مسوڵمانیان تێدایە نمایش ئەکرد بۆ ئەوەی زیاتر کاریگەریان لەسەر گەنجانی مسوڵمان ھەبێت و گیرۆدەی خۆیانی بکەن لەسەر حیسابی گەنجانی مسوڵمان دەیان ملیار دۆلاریان بۆ ئەمریکا و کۆمپانیا جولەکەکان پەیدا کرد بەڵام لەوە شۆک ھێـنەرتر ئەوەبوو دوای ئەوەی زانیان گەنجانی ئێمە ئاڵودەی پۆرن بوون لەگەڵیدا تووشی دەروونی بوون زانیان گەنجامی ئێمە بەھۆی خوی نھێنی تووشی کەمی ھەستی سێکسی بوون ھەستان دەرمانی چارەسەری نەخۆشی دەروونیان درووستکردوو پێمانیان فرۆشتەوە دواتر دەرمانی چارەسەری ھەستی سێکسیان بەرھەم ھێناو پێمانیان فرۆشتەوە لێرە بەھۆی ئەم دەرمانەوە دەیان ملیار دۆلاری تریان قازانج کرد ، ئازیزانم ئێوە بە وردی سەیری ئەم ھەڵخەڵەتاندنە گەورەیە بکەن بە گەنجانی مسوڵمان و تەواوی دوونیا کراوە سەرەتا لە رێگای سایتەکانی پۆڕن لەسەر حیسابی ئێمە و ئەوانی تر دەیان ملیاریان دۆلاریان دەست کەوتووە دواتر ھەر ئێمە ناچاربووین دەرمانی دەروونیان لێ بکڕین کەسێکی تریش ناچار بوو دەرمانی چارەسەری ھەستی سێکسیان لێ بکڕێت دووبارە لێرەدا لەسەر حیسابی گەنجانی ئێمە و دەیان گەنجی تری ئاڵودەبوو قازانێکی تری گەورەیان بەدەست ھێنا واتا دوو جار بە گەورەترین شێوە ئێمە ھەڵخەڵەتێنراوین و زەرەرمەندی یەکەم بووین رێک مێشکی ئێمەیان داگیر کردووە ھەر بۆیەش کاتی خۆی یەکێک لە بەرھەمێنەرەکانی پۆرنۆگرافی وتی ( داگیرکردنی مێشکی گەنجانی مسوڵمان ئاسانە ) بەڵام دواتر ئەم تویتەیان پێ ڕەشکردەوە بەوەی سوکایەتی بە مسوڵمان کردووە ھەرچەند ئەم قسەیە بە ئازارە بەڵام گەر سەیری واقیعەکە دەکەین زۆر ڕاست دەکات چونکە ئەزانێت گەنجانی مسوڵمان ناخوێنەوە ئەسڵەن رۆژێک سەیری قورئانیان نەکردووە تا بزانن خودا فەرمانی چی پێکردوون تا ھۆشیار ببنەوە نەک کوێرانە مامەڵە بکەن ئاخر ئازیزانم ئەم سەقەفەتەی سێکسکردنەی ئەوروپا پێمان ئەفرۆشێتەوە ١٤٠٠ پێش ئێستا پێغەمبەری نازدار جوان بۆی ڕوونکردووینەوە کە پرۆسەی جوتبوون چیە و رێنمایەکانی چین بەس بەداخەوە وەک وتم ئێمە قوربانی دەستی ناھۆشیاری خۆمانـیـن گەر ئێمە بە جوانی وردبینەوە لە قورئان و سونەت ھۆشیاری لەسەر شتەکان پەیدا بکەین ببینە کەسێکی خوێنەر ھەرگیز ناکەوێنە تەڵەی کەسانی ترەوە

#ھۆشیاری

🔶 یەکێک لە بەرھەم ھێنەرەکانی پۆرنۆگرافی ئەڵێت داگیرکردنی مێشکی گەنجانی مسوڵمان ئاسانە !

لەگەڵمانبن تا بزانین بۆچی ئەم قسەیەی کردووە:

🔹 کەسی دووەم : گەنجێک لە کۆڵان یان لە دەرەوە یان لە ھەمووی خەراپتر لە پۆڕن فێری پەروەردەی سێکسی دەبێت ئەمە دەبێتە یەکەم ھەنگاوی بۆ لەناوبردنی ژیانی خۆی گەر خوێندکاربێت دوای ماوەیەک لە ئاڵودەبوون ھەست بە لاوازبوونی زاکیرەی دەکات لە خوێندنی ئاستی زۆر دادەبەزێت لە ھەمووی نارەحەتر بێ ھیوا دەبێت ھیچ ھیواو ئاواتێکی نامێنێت دواتر گۆشەگیر دەبێت لە ھەمووی خەراپتر ئەوەیە بەھۆی خوی نھێنی بەردەوامەوە بێ ھێز و بێ توانا دەبێت مەیلی ئیشکردن و فێربوونی نامێنێت ھەموو کات حاز دەکات دووربێـت لە تێکەڵی خەڵک ھەموو ژیان و فکر و خەیاڵی دەبێتە سێکس وا دەزانێـت چێژی دوونیا بەس سێکسە تاکە ئامانجی ئەوە دەبێت ئەوەی لە پۆڕندا ھەیە بتوانێت ڕۆژێک لە ڕاستی ئەنجامی بدات کاتێک ژیانی خێزانی پێک دێـنـێت بەم دەروونە وێرانەوە ئەوکات دوای ماوەیەک لە خودی سێکس بێزار دەبێـت چونکە ئامانجی تەنھا چێژ بووە شتەکانی تری بەلاوە ناوە ھیچ شتێک نازانێت لەسەر پێناسەی سێکس بۆیە ئەوکات بە ئەگەری زۆرەوە ئەکرێت دووبارە بچێـتەوە سەر پۆڕن و خەریکی خوی نھێنی بێـت ئەوکات ئەکرێت لای ئەم کەسە پۆرن زۆر لە خودی سێکس بە چێژتربێت چونکە لە سەرەتاوە ئاشنایی پێناسەی پرۆسەی جوتبوون نەبووە کەس نەبووە دەستی بگرێت و فێری بکات ئەم پرۆسەیە چیە و چۆنە کاتێک ئەگەیتە تەمەنی ٣٠ ساڵی سەیر دەکەیت لە ماوەی ئەم ١٠ ساڵەدا کە ئاڵودەی پۆرن بوویت ھیچ بەرەو پیش نەچوویت خاوەنی ھیچ شتێک نیت لە ژیانت ئەوەی بۆت ماوەتەوە دەروونێکی وێران بووە چێژوەرنەگرتن بووە لە ژیانی خێزانی و خۆشی وەرنەگرتن بووە لە خودی ژیان ھەست دەیکەیت لە ماوەی ئەم دە ساڵەدا وەک رۆبۆتێک وابوویت تەنھا بەدوای چێژ کەوتوویت کە بەھیچی نەگەیاندوویت بێ لەوەی دەیان کەس ھەیە تووشی زینا و داوێن پیسی و دەیان کاری ناشیرینی تـر ئەبـن کە قەرەبووکردنەوەیان زۆر قورسە ، بەراستی کاریگەریەکانی پۆڕن ئەوەنە زۆرن لەسەر ژیان بە کتێبێک تەواو نابێت .

ئەمەی باسم کرد تەنھا جیاوازی دوو کەسە دانێکیان لە سەرەتاوە باوکی یان دایکی دەستی گرتووە فێری پەروەردەی سێکسی کردووە لانی کەم کتێبێکی بۆ کڕیوە سەبارەت بە پەروەردەی جەستەیی لەگەڵ ئەوەشدا باش ئاگاداری بووە جگەر گۆشەکەی بوور مانگانە سەیری مۆبایلەکانی کردووە سەیری ھاورێیەکانی کردووە بە کورتی باش چاودێـری کردووە ، کەسی دووەم گەنجێکی داماو بووە کە بەھۆی ھاورێیەکانی یان بەھۆی ئەوەی ژوورێکی تایبەت و ئینتەرنێتی تایبەتی بۆ فەرەھەم کراوە تووشی پۆرن بووە پێشتریش کەس نەبوو پێی بڵێیت سێکس و شەھوەت چیە خودا بۆچی ئەمانەی بە مرۆڤ داوە نابێت ئەم شتانە لە حەرامەدا بەتاڵ بکاتەوە ئەوکات ھەم ژیانی نافەوتێت ھەم دەروونی بەرەو وێران بوون ناروات ھەمیش ژیانێک درووست دەکات ، ئازیزانم ئەمەی بۆ ئێوەم باس کرد چیرۆکی دەیان گەنجی ئاڵودەبوویە ئەم وشانەی بۆ ئێوەی ئەنووسم تا ئاگادارتان بکەمەوە لەوەی تەمەنی ئێوەش بەم شێوازە بە زیایە نەڕوات دەمەوێت پێتان بڵێم شەھوەت تێربوونی نیە ئێوە خۆتان ئەزانن گەر شەمە تا پێنج شەم ھەموو رۆژ خەریکی بەتاڵکردنەوەی شەھوەتت بیت بەڵام رۆژێک و دووان خۆت ڕابگریت دواتر دووبارە جەستە داوای بەتاڵکردنەوەی شەھوەت ئەکات بۆیە ئەوەی گرنگە بزانیت چۆن مامەڵەی درووست لەگەڵ ئەم شەھوەت ئەکەیت و لە حەڵاڵدا بەتاڵی بکەیتەوە چێژی حەڵاڵ زۆر جیاوازە لە حەرام ، دەمەوێت پێتان بڵێم پەروەردەکردنی سێکسی ھیچ عەیبی تیانیە بەڵکوو عەیب ئەوەیە منداڵاکەت لە کۆڵان و شوێنی نادرووست فێری ئەم پەروەردەی سەقەتە بێت بەداخەوە نەبوونی پەروەردەیەکی درووست لەم وڵاتە بەتەواوی ژیانی گەنجانی بەرەو وێرانبوون بردووە گەنجێک لە کاتی باڵغبوونیدا کە ھەستیارترین کاتە گەر خێزانەکەی دەستی نەگرێت و پەروەردەیەکی درووستی جەستەیی نەکات دواتر لە شوێنێک پەروەردە وەردەگرێـت مەگەر خودا بزانێت چۆن پەروەردەیەکە ، لە کۆتایدا گەر ئەتەوێت منداڵەکەت دووربێت لە ( ھاورەگەزبازی و مەحرەمبازی و داوێـن پیسی و دەیان شتی تر ) ئەوە پەروەردەیەکی تەندرووستی بکە و لە دواتردا پرۆسەی حەڵاڵی بۆ ئاسان بکە وە تۆی گەنجیش ھۆشیاری لەسەر پرۆسەی سێکس پەیدا بکە و بزانە خودا بۆچی مەبەستێک ئەم پرۆسەیەی داناوە ئەوکات تێدەگەیت پرۆسەی جوتبوون زۆر جیاوازترە وەک لەوەی لە پۆرندا وێـنا کراوە ئەوکات تێدەگەیت دانیشتن بە دیار شاشەیەک و خۆبەتاڵکردنەوەیە وەک ژەھرێک وابووە نیووەی تەمەنی بە فیرۆداویت ئەوکات چیتر کاتەکانت لە حەرامدا بەسەر نابەیت و سەربەرزانە داوێنت ئەپارێزیت .


▪️ببورن بۆ درێژی بابەتەکە بەڵام ئەوەی باسم کرد یەکێکە لە گەورەترین گرفتەکانی گەنجانە دەمێکە ئەمەوێت باسی بکەم بۆتان ، تێبینیم کرد لە ھیچ شوێنێک باسی ئەم گرفتە ھەستیارە نەکراوە لە کاتێکدا سەرچاوەیەکی سەرەکیە بۆ ئاڵودەبوون بە پۆڕن ، بەھیوام خوێنەری تەواوی بابەتەکە ببیت چونکی دڵنیام سود و ھۆشیاری زۆری لێ وەردەگریت .

🔷 ئەوانەی پێناسەی سێکس ئەزانن یان پەروردەیەکی جوانی لایەنی سێکسی و جەستەیی ئەکرێـن ژیان درووست ئەکەن و گاڵتەیان بە پۆرن و خوی نھێنی دێت .


ئەگەر لە بەشێکی زۆری گەنجی ئێستا بـپرسیت سێکس چیە و بۆ سێکس دەکەیت ڕێک ئەڵێت چونکە چێژی لێ دەبینم بۆیە ئەم کارە ئەنجام ئەدەم واتا تەواوی پرۆسەی سێکس کورت ئەکاتەوە لە چێـژێکی کاتی وە وڵامێکی تەواوی پێ نیە ئەسڵەن نازانێت پێناسەی سێکس چیە ھەر ئەمەش وایکردووە نەتوانێت دەست لە پۆڕن ھەڵبگرێت ، ڕەنگە ئێوە لاتان سەیربێت گەر پێتان بڵێم کەسانێک بوونیان ھەیە خاوەن خێزان و منداڵی پێگەیشتوویە بەڵام ھێشتا بەتەواوی پێناسەی سێکس نازانێت ھەر ئەمەش وایکردووە بەم تەمەنەوە ئاڵودەی پۆڕن ببێت ، گەر کەسێک بزانێت پرۆسەی جوتبوون بۆ درووستکردنی خێزانە بۆ زیادبوونی خۆشەویستی نێوان ھاوسەرە ھەمیش چێژێکی ژیانی ھاوسەریە زائیدەن پرۆسەیەکی عاتیفی و سۆزداریە بەبێ لایەنی بەرامبەر ئەنجام نادرێت وە بزانێت ئەم غەریزە و شەھوەتە ھاندەرێکە بۆ زەواج و پێویستە لە رێگایەکی تەندرووست و حەڵاڵ خاڵی بکرێتەوە وە دووربێت لە پۆرن و خوی نھێنی ھەر گەنجێک بەم شێوازە لە خودی پرۆسەی سێکس تێبگات ھەرگیز مەیلی بۆ پۆڕن و خوی نھێنی ناچێت لەوەیە گاڵتەیی پێ بێت ئینسانێک بەرامبەر شاشەیەک دابنێشت و خۆی خاڵی بکاتەوە چونکە سێکسی واقیعی زۆر جیاوازە لەوەی لە پۆرندا ھەیە بەڵام لە بەرامبەردا ئەگەر گەنجێک لە کۆڵان یان بەھۆی ھاورێی خەراپ یان بەھۆی پۆرنەوە پەروەردەی سێکسی وەربگرێت رێک بەرەو وێرانبوون ئەڕوات چونکی ئەم کەسە لە سەرەتایی تەمەنی بەھۆی چێژێکی کاتی پۆرنەوە وەک وایە بەنج کرابێت ئیدی تاکوو ئەم گەنجە بەھۆش خۆی دێتەوە بەشێکی زۆری تەمەنی بە زیایە ڕۆشتووە بەھۆی بێ ئاگایی و غەرق بوون لە ناو چێژێکی کاتیدا ، دەمەوێت بە نموویەک بەراوردی ژیانی دوو گەنج یان دوو کەس بکەین کەسی یەکەم پەرورەدەی سێکسی کرابێت لایەنی کەم ئاشنایی پێناسەی سێکس بووبێت وە کەسی دووەم لە کۆڵان و پۆرنەوە فێرە پەروەردەی سێکسی بووبێت بزانین جیاوازەکان چین ، ئێمە لە تەمەنی ٢٠ تا ٣٠ ساڵی حساب دەکەن واتا ١٠ ساڵی تەمەنی :

🔹 کەسی یەکەم : گەنجێک لە تەمەنی بیستەکانیدایە پەروردەی سێکسی و جەستەیی کراوە جوان بۆیان ڕوونکردۆتەوە ئەم ھەستە چیە و چۆنە دەبێت لە حەڵاڵدا خاڵی بکرێتەوە بە کورتی و پوختی ھۆشیاری تەواوی لەسەر لایەنی جەستەیی پێ وتراوە ئەم گەنجە لە سەرەتایی تەمەنیدا لە رێگای خوێندن ئەکرێت زۆر سەرکەوتووبێت و داھاتووی خۆی بنیادبنـێت زۆر ھیواو ئاواتی ھەبێت دواتر بە شێوازێکی جوان خێزانێکی خنجیلانە پێک دەھێنێت و چێژ و خۆشەویستی لە ژیانی خێزانی وەردەگرێت و داوێنی پارێزراو دەبێت ، لە ماوەی ئەم ١٠ ساڵەدا واتا لە ٢٠ بۆ ٣٠ ساڵیدا گەر لە پرۆسەی خوێندنیش سەرکەوتوو نەبێت ئەتوانێت فێری دەیان کار و ئەزموونی جۆراوجۆر ببێت ئەتوانێت خۆی بەرەو پێش بکات لەبەر ئەوەی لە رووی وزە و تاقەوە ھیچ کێشەیەکی نیە لەوپەری ھێز و توانایی تێدایە لەگەڵیدا ئەتوانێت خۆی فێری زانیاری و زانین و دەیان شتی تر بکات لە ھەمووی گرنگ تر نیووەی گەنجیەکی بە داوێن پاکی بەسەر ئەبات وە کاتێک ئەگاتە تەمەنی ٣٠ ساڵ خاوەنی زۆر شتە لە ھەمووی بە نەرختر خاوەنی خێزان و ماڵ و منداڵە لەسەر پێیەکانی خۆی ڕاوەستاوە ، ئەگەر وادابنێین خاوەنی ھیچ نەبێت تەنھا گەنجیەتی بە داوێن پاکی بەسەر بردبێت ئەوە گەورەترین دەستکەوتە بۆ قیامەت ھەمیش دووربووە لە نارەحەتیەکانی شەھوەت و بابەتە پۆڕنۆگرافیەکان ، شتـگەلێکی زۆری تر ھەیە لە ژیاندا ئەتوانیت بەدەستیان بێنیت کاتێک لە پۆرن بە دووریت و گیرۆدەی شەھوەتت نەبووبیت .

🔷 دوای وازھێنان لە خوی نھێنی کێشەی داوێن و ھەستی جنسیم وەک پێشتر باش دەبێتەوە ؟

ھەرچەند وڵامی ئەمە درێژە بەڵام بە کورتی ئەکرێت دوای وازھێنان کێشەکان بە پێی کات چارەسەر ببێت بەڵام کاتەکەی دیارنیە ئەکەوێتە سەر خودی کەسەکە و شێوازی ژیانی و تەمەنی کاریگەری لەسەری ئەبێت بۆیە چەند زوو وازبێنیت ئەگەری باشبوونت زیاترە .


▪️ئەمە وڵامی ئەم پرسیارانەیە کە رۆژانە لێمان دەکرێت دەیان پرسیاری تر ھەیە لێرە ئاماژەمان پێ نەداوە لەبەر درێژی بابەتەکان ، ئێوەش خوشک و برایانی ئازیز گەر پرسیارێکتان ھەبوو ئەتوانن لە بەشی کۆمێنت یان لە تایبەت بفەرموون لەخزمەتان ئەبین .