أحدث المنشورات من Асмааул ҳуснаа99+ (@asmaaul_husnaa99) على Telegram

منشورات Асмааул ҳуснаа99+ على Telegram

Асмааул ҳуснаа99+
ҚАЧОНКИ АЛЛОҲ ТАОЛОНИ КЎПЛАБ ИСМ-У СИФАТЛАРИ БИЛАН ТАНИСАК ВА У ЗОТНИНГ СИФАТЛАРИДАН ИБРАТ ОЛИБ ХУЛҚИ ГЎЗАЛ МЎМИН-МУСУЛМОНГА АЙЛАНСАК, ШУНДА ИЛМНИНГ ЭНГ АФЗАЛИНИ ЭГАЛЛАГАН ҲИСОБЛАНАМИЗ.
17,025 مشترك
736 صورة
354 فيديو
آخر تحديث 01.03.2025 13:00

قنوات مشابهة

Дуолар
232,040 مشترك
Arab tili darslari | الفجر
7,876 مشترك
КИЗИКЧИЛАР 2022 Qiziqchilar 2022
2,622 مشترك

أحدث المحتوى الذي تم مشاركته بواسطة Асмааул ҳуснаа99+ على Telegram

يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ

Эй, иймон келтирганлар! Сизлардан аввалгиларга фарз қилинганидек, сизларга ҳам рўза фарз қилинди. Шоядки, тақво қилсангиз.
("Бақара" сураси, 183-оят)

Яъни, рўза тутишдан мақсад тақвони ўрганишдир.

Тақво–билиб ёки билмасдан гуноҳ қилиб қўйишдан қўрқишдир.

Рўза тутган сари гуноҳ қилишдан қўрқадиган бўлиб қолсангиз, демак, рўзангиз Аллоҳ таолога мақбул бўлибди...

Ал-Ғаффор Зот айнан Ўзидан қўрқиб гуноҳни тарк қилган бандасининг олдинги гуноҳларини кечиради.

@Asmaaul_husnaa99
@Asmaaul_husnaa99
🌷🌷🌷БАҲОР...🌷🌷🌷
🌷🌷🌷🌷🌷🌷🌷🌷🌷

@Asmaaul_husnaa99
Рамазон–ал-Ғаффор бўлган Роббимизнинг Раҳмати, Мағфирати беҳад жўш урган ойдир.

Аллоҳ таолонинг Раҳматидан, Мағфиратидан умид қилган ҳар бир соғлом мўмин-мусулмон учун бу ойда рўза тутиш фарздир.

Илло, Роббул оламийннинг Раҳматини, Мағфиратини истаган одам тақволи бўлиши, гуноҳларидан тавба қилиши шарт.

Тақво–билиб ёки билмасдан ҳам Аллоҳ таолони норози қиладиган амалларни қилиб қўйишдан қўрқиш, эҳтиёт бўлишдир!

Рамазон–тақвога, Аллоҳ таолодан чин маънода қўрқишга ўргатувчи ой.

Кимки, Аллоҳ таолодан ростдан қўрқса, тақволи бўлса, У Зотнинг Раҳматига, Мағфиратига сазовор бўлади!

@Asmaaul_husnaa99
#БИР_ҲАДИС_ШАРҲИ

📚📖📚РАМАЗОН КЕЧАЛАРИДА ҚОИМ БЎЛИШНИНГ ФАЗЛИ

Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
“Ким Рамазон ойида иймон билан савоб умидида (таровеҳда) қоим бўлса, аввалги гуноҳлари кечирилади”, дедилар.
(Имом Бухорий ривояти)

БУГУН ХУФТОН НАМОЗИДАН СЎНГ ЮРТИМИЗДАГИ МАСЖИДЛАРДА ТАРОВЕҲ НАМОЗЛАРИ БОШЛАНАДИ, ИН ШАА АЛЛОҲ!

Мамлакатимизнинг 14 та ҳудудидаги масжидларда таровеҳ намозининг бошланиш вақтлари билан танишинг:

Фарғона –– 20:20
Наманган –– 20:20
Андижон –– 20:20
Тошкент в. –– 20:30
Тошкент ш. –– 20:30
Сирдарё –– 20:30
Жиззах –– 20:30
Самарқанд –– 20:30
Қашқадарё –– 20:40
Сурхондарё –– 20:40
Навоий –– 20:40
Бухоро –– 20:40
Хоразм –– 21:00
Қорақалпоғистон Р. –– 21:10

@Asmaaul_husnaa99
🇺🇿 Рамазон ойи 1 мартдан бошланади

Ўзбекистон Республикаси Президенти "Муборак Рамазон ойини муносиб тарзда ўтказиш тўғрисида"ги қарорини имзолади.

Мазкур қарорга кўра, 2025 йилги муборак Рамазон ойининг бошланиши 1 март кунига тўғри келиши ҳақидаги Ўзбекистон мусулмонлари идорасининг ахбороти маълумот учун қабул қилинди.

Аллоҳим, Рамазон ойида қиладиган ибодатларимизни, дуоларимизни ва барча солиҳ амалларимизни қабул этгин!

Ё Роббал оламийн! Халқимизга тинчлик, барқарорлик ва офиятни насиб қилгин!

Аллоҳим, ё Роббал оламийн, ё Роҳман, ё Роҳийм!
Муборак Рамазон ойининг фазлидан тўлиқ баҳраманд бўлишни ҳар бир бандангга, хусусан, ўзимизга ҳам, барча яқинларимизга ҳам насиб этгин!

@Asmaaul_husnaa99
📚📖📚САЛОВОТ АЙТИШНИНГ ФАЗЛИ

Авс ибн Авс розияллоҳу анҳудан ривоят қилинади:

Расулуллоҳ соллаллоҳу алайҳи васаллам дедилар:

«Албатта, энг афзал кунларингиздан бири жума кунидир. У кунда менга кўп саловот айтинглар, чунки сизларнинг саловотларингиз менга кўрсатилади». Саҳобалар: «Эй Аллоҳнинг Расули, чириб кетган бўлсангиз, қандай қилиб бизнинг саловотларимиз сизга кўрсатилади?»–дейишди. (Шунда) У зот: «Аллоҳ таоло пайғамбарларнинг жасадларини (ейишни) ерга ҳаром қилди», дедилар".
(Абу Довуд ривояти)

Абу Ҳурайра розияллоҳу анҳудан ривоят қилинади:

"Расулуллоҳ соллаллоҳу алайҳи васаллам:

«Бирор киши менга салом айтса, Аллоҳ таоло руҳимни менга қайтаради. Мен салом айтган кишига алик оламан»,–дедилар."
(Абу Довуд ривояти)

📚📖📚SALOVOT AYTISHNING FAZLI

Avs ibn Avs roziyallohu anhudan rivoyat qilinadi:

Rasululloh sollallohu alayhi vasallam dedilar:

«Albatta, eng afzal kunlaringizdan biri juma kunidir. U kunda menga ko‘p salovot aytinglar, chunki sizlarning salovotlaringiz menga ko‘rsatiladi». Sahobalar: «Ey Allohning Rasuli, chirib ketgan bo‘lsangiz, qanday qilib bizning salovotlarimiz sizga ko‘rsatiladi?»–deyishdi. (Shunda) U zot: «Alloh taolo payg‘ambarlarning jasadlarini (yeyishni) yerga harom qildi», dedilar".
(Abu Dovud rivoyati)

Abu Hurayra roziyallohu anhudan rivoyat qilinadi:

"Rasululloh sollallohu alayhi vasallam:

«Biror kishi menga salom aytsa, Alloh taolo ruhimni menga qaytaradi. Men salom aytgan kishiga alik olaman»,–dedilar."
(Abu Dovud rivoyati)

@Asmaaul_husnaa99
📚📖📚ЖУМА КУНИДА ДУОЛАР АНИҚ ИЖОБАТ БЎЛАДИГАН ВАҚТ БОР

عَنْ أَبِي مُوسَى رَضِيَ اللهُ عَنْهُ قَالَ: سَمِعْتُ رَسُولَ اللهِ صلى الله عليه وسلم يَقُولُ: «هِيَ مَا بَيْنَ أَنْ يَجْلِسَ الْإِمَامُ إِلَى أَنْ تُقْضَى الصَّلَاةُ». رَوَاهُ مُسْلِمٌ وَأَبُو دَاوُدَ وَالتِّرْمِذِيُّ.
وَلَفْظُهُ: «إِنَّ فِي الْجُمُعَةِ سَاعَةً لَا يَسْأَلُ اللهَ الْعَبْدُ فِيهَا شَيْئًا إِلَّا آتَاهُ اللهُ إِيَّاهُ». قَالُوا: يَا رَسُولَ اللهِ، أَيَّةُ سَاعَةٍ هِيَ؟ قَالَ: «حِينَ تُقَامُ الصَّلَاةُ إِلَى الِانْصِرَافِ مِنْهَا».
Абу Мусо розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг: «Ўша (соат) имом (минбарга) ўтирганидан бошлаб, намоз ўқилиб бўлгунча», – деганларини эшитдим».
(Муслим, Абу Довуд ва Термизий ривоят қилишган)

Термизийнинг лафзида:
«Жумада бир соат бордир. Банда унда Аллоҳдан нимани сўраса, албатта Аллоҳ уни берур», – дедилар. Одамлар: «Эй Аллоҳнинг Расули, у қайси соат?» – дейишди. У зот соллаллоҳу алайҳи васаллам: «Намозга иқомат айтилганидан бошлаб, уни тугатгунича», – дедилар».

📚📖📚JUMA KUNIDA DUOLAR ANIQ IJOBAT BO‘LADIGAN VAQT BOR

Abu Muso roziyallohu anhudan rivoyat qilinadi:
«Rasululloh sollallohu alayhi vasallamning: «O‘sha (soat) imom (minbarga) o‘tirganidan boshlab, namoz o‘qilib bo‘lguncha», – deganlarini eshitdim».
(Muslim, Abu Dovud va Termiziy rivoyat qilishgan)

Termiziyning lafzida:
«Jumada bir soat bordir. Banda unda Allohdan nimani so‘rasa, albatta Alloh uni berur», – dedilar. Odamlar: «Ey Allohning Rasuli, u qaysi soat?» – deyishdi. U zot sollallohu alayhi vasallam: «Namozga iqomat aytilganidan boshlab, uni tugatgunicha», – dedilar».

@Asmaaul_husnaa99
📚📖📚ЖУМА КУНИ "КАҲФ" СУРАСИНИ ЎҚИШНИНГ ФАЗЛИ

Ибн Умар розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: «Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади», деганлар.

Абу Исҳоқ қуйидагиларни айтади: «Ал Баррознинг қуйидагиларни айтаётганини эшитдим: "Бир киши «Каҳф» сурасини ўқий бошлади. Ҳовлида бир ҳайвон бор эди. Шунда, ҳайвон безовта бўла бошлади. Ҳалиги киши қараса, уни булут ўраб турибди. Бўлган ҳодисани Расулуллоҳ соллаллоҳу алайҳи васалламга айтиб берган эдик, У зот алайҳиссалом: «Эй фалончи, ўқийвер, у Қуръон тиловати учун тушган сакийнадир», дедилар».
(Имом Бухорий ривояти)

Абу Дардо розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: «Ким «Каҳф» сурасининг охирги ўн оятини ўқиса, Дажжол фитнасидан сақланади», деганлар.
(Имом Муслим ривояти)

Яна бошқа бир ривоятда: ''Аввалги ўн оятини ёд олса, Дажжол фитнасидан сақланади'' дейилган.

📚📖📚JUMA KUNI "KAHF" SURASINI O'QISHNING FAZLI

Ibn Umar roziyallohu anhudan rivoyat qilingan hadisda Rasululloh sollallohu alayhi vasallam: «Kim «Kahf» surasini juma kuni o'qisa, qiyomat kuni uning qadami ostidan nur chiqib, osmonu falakni yoritadi va uning ikki juma orasidagi xatolari kechiriladi», deganlar.

Abu Ishoq quyidagilarni aytadi: «Al Barrozning quyidagilarni aytayotganini eshitdim: "Bir kishi «Kahf» surasini o'qiy boshladi. Hovlida bir hayvon bor edi. Shunda, hayvon bezovta bo'la boshladi. Haligi kishi qarasa, uni bulut o'rab turibdi. Bo'lgan hodisani Rasululloh sollallohu alayhi vasallamga aytib bergan edik, U zot alayhissalom: «Ey falonchi, o'qiyver, u Qur'on tilovati uchun tushgan sakiynadir», dedilar».
(Imom Buxoriy rivoyati)

Abu Dardo roziyallohu anhudan rivoyat qilingan hadisda Rasululloh sollallohu alayhi vasallam: «Kim «Kahf» surasining oxirgi o'n oyatini o'qisa, Dajjol fitnasidan saqlanadi», deganlar.
(Imom Muslim rivoyati)

Yana boshqa bir rivoyatda: ''Avvalgi o'n oyatini yod olsa, Dajjol fitnasidan saqlanadi'' deyilgan.

@Asmaaul_husnaa99
📚📖📚АЛЛОҲ ТАОЛО ҲУЗУРИДАГИ ЭНГ АФЗАЛ НАМОЗ(жума кунининг яна бир фазли)

#БИР_ҲАДИС_ШАРҲИ

Абдуллоҳ ибн Умар розияллоҳу анҳудан ривоят қилинади:
"Набий соллаллоҳу алайҳи васаллам: "АЛЛОҲ ҲУЗУРИДАГИ ЭНГ АФЗАЛ НАМОЗ–ЖУМА КУНИ ТОНГДАГИ НАМОЗНИ ЖАМОАТ БИЛАН ЎҚИШ", дедилар".
(Имом Тобароний ривояти)

Бир тафаккур қилиб кўринг: ҳадисда ҳар кунги бомдод эмас, нега айнан "жума куни тонгдаги" намоз таъкидланяпти?

Чунки, бу ҳадис Қиёмат ҳақида хабар берилган ҳадиснинг мантиқий давомидир. Қиёматдан олдин қилишга улгурган энг охирги ишингиз ўша куни "тонгдаги намоз"ни жамоат билан ўқишингиз бўлса, қанчалар яхши!

Ўзи, умуман, бомдод намозини ҳар доим жамоат билан ўқиш афзал. Бироқ, айнан жума куни бунга янада қаттиқ аҳамият беришимиз керак экан. Чунки, бу Қиёматдан олдинги охирги солиҳ амалимиз бўлиб қолиши ҳам мумкин.

——————————————

📚📖📚ALLOH TAOLO HUZURIDAGI ENG AFZAL NAMOZ(juma kunining yana bir fazli)

#BIR_HADIS_SHARHI

Abdulloh ibn Umar roziyallohu anhudan rivoyat qilinadi:
"Nabiy sollallohu alayhi vasallam: "ALLOH HUZURIDAGI ENG AFZAL NAMOZ–JUMA KUNI TONGDAGI NAMOZNI JAMOAT BILAN O‘QISH", dedilar".
(Imom Tobaroniy rivoyati)

Bir tafakkur qilib ko‘ring: hadisda har kungi bomdod emas, nega aynan "juma kuni tongdagi" namoz ta’kidlanyapti?

Chunki, bu hadis Qiyomat haqida xabar berilgan hadisning mantiqiy davomidir. Qiyomatdan oldin qilishga ulgurgan eng oxirgi ishingiz o‘sha kuni "tongdagi namoz"ni jamoat bilan o‘qishingiz bo‘lsa, qanchalar yaxshi!

O‘zi, umuman, bomdod namozini har doim jamoat bilan o‘qish afzal. Biroq, aynan juma kuni bunga yanada qattiq ahamiyat berishimiz kerak ekan. Chunki, bu Qiyomatdan oldingi oxirgi solih amalimiz bo‘lib qolishi ham mumkin.

@Asmaaul_husnaa99