Mr Aslanov's blog

Doniyor Aslanov bilan to'g'ri tayyorlaning!

Sizni to'g'ri tayyorlanishga urg'u beruvchi mutlaqo bepul marafonimizga taklif qilaman.

Siz ushbu 7 kunlik marafonda quyidagilarni haqida o'rganasiz:

🎚 Dars qilmaslikka to'siqlar va ular bilan ishlash;
🎚 Dars qilish uchun diqqatni yaxshilash;
🎚 Dars qilish uchun kunlik rejalarni to'g'ri tuzish;
🎚 To'g'ri tayyorlanish haqidagi boshqa savollaringizga javob.

Aytagimdek bu marafon mutlaqo bepul faqat ilk 500 kishigina marafonga qo'shila oladi.

Siz ham omadli 500 kishi orasida bo'lishni xohlasangiz tezda quyidagi linkdan qo'shilib oling.

https://t.me/+6mYL9FeU-zY2NTEy

Kanaldagi kurs haqida e'lonlardan charchaganlar uchun!

Endi alohida kanalda bir nechta kurslarimni juda arzon narxlarda, eng muhimi saqlab olsa bo'ladigan shaklda sotuvga chiqaraman.

Barcha ma'lumotlar o'sha kanalga joylanadi.

Linkni yoqotib qo'ymang. Qo'shilib oling:

https://t.me/+j61e6TTaVoZlYzEy

Meva!

Bir kuni darsimdan chiqib tashqariga ketmoqchi bo’lib tursam bir yosh hamkasbim chaqirib qoldi. Borsam qarang, ustoz birinchi oyligimga adamlarga kompyuter va onamlarga telefon oldim. Ularniki eskirib qolgan edi dedi. U qizning ko’zidagi quvonchni, oqlangan ota-ona ishonchini, shuncha mehnatlarining mevasini chinakamiga tushunish uchun o’zimiz ham bundan o’tishimiz kerak.

Sizda ham hozir qiyin bo’lyaptimi? Taslim bo’lishga shoshilmang! Mevasini ko’rmaguncha davom eting.

📱 @mraslanov

Paymedan eslatma!

Payme ilovasini o'chib yoz oyidagi kirim va chiqimlarni hisobotini ko'rib chiqdim. O'sha hisobot menga bir narsani yana bir bor eslatdi.

Iyun va Iyul oylarida yozda maksimal ko'pchilik bekor qolmay ilm olsin deb kurslar ochgan edim. Maqsad ilm berish bo'lgan, tushum juda yaxshi.

Avgust oyida juda pulga muhtoj bo'lgandim va pul topay deb kurslar ochdim. Natija kutganimdek bo'lmadi.

Eslatma: maqsadni ilm ulashish deb qo'ysak, pul o'zi bizni topib keladi. Pul desak, u bizdan qochishi mumkin.

📱 @mraslanov

Odamlar nima deydi?

Mana shu qo'rquv bizni ko'p narsadan ushlab qoladi.

Misol uchun bir kuni bir taksist bilan gaplashib ketyapman. Aytishlaricha moliyaviy tarafdan qiynalgan ekanlar. Ming so'm ham hozirgi ahvollarida juda kerakli pul ekan. Ularga mashinangizga yandex taksi reklamasini yopishtirib oling, eshitgan edim shunda sizga ma'lum pul tashlab berishar ekan, harna-da desam, ular 'Voy! Odamlar nima deydi?' dedilar...

Yana boshqa kuni, boshqa bir amaki bilan ham gaplashib ketdim. Aytishlaricha ancha uzoqdan kelib poytaxtda taksi qilar ekanlar. Yo'qchilikdan yakkayu yagona o'g'illari yosh ota bo'lishiga qaramasdan Rossiyada qurilishda ishlar ekan. Ular ham moliyaviy tarafdan qiynalayotganlarini, shuning uchun o'zlari bu yerda, o'g'illari chet elda jon berib ishlayotganliklarini aytdilar. Qo'shimcha qilib, aksiga bizda to'y-hashamlar ko'p, hammasini yaxshilab qilish kerak, unga ham ko'plab pullarimiz ketayapti dedilar. Ularga ham norozi ohangda amaki, sizga nima zaril, o'zi misqollab yig'ayotgan ekansizlar desam yana o'sha gap - odamlar nima deydi?

Qachon shu qo'rquvdan batamom qutular ekanmiz?

Support!

O'zim mustaqil joy olib dars berishni boshlagan paytlarim shunday o'quvchilarim bo'lgan ana o'shalarda man haqiqiy supportni ko'rganman.

Hozir bitta reaksiya yoki izoh yozishga yaramayotgan bir paytimiz, avval shunday o'quvchilarim bo'lardi - har oy 1, 2 marta darsga kelib, to'lov qilib yana bir oy yo'q bo'lib ketgan. Na aloqaga biror raqami bo'lardi na internetda manzili. Keyinchalik bilsam ustozga bizdan yordam bo'lsin deb shunday qilishgan ekan.

Yana shunday bir o'quvchim bo'lardi - 1 yil maosh olmasdan ishlagan. Kunlik harajatiga majburlab pul bersam olardi lekin oylik haqida gap borsa YO'Q USTOZ! deb ishimda yordam berar edi. Nega unday qilasan desam Otam shunday deganlar. Ustozingni xizmatini qil, duosini ol lekin pulini olma deb uqtirgan ekanlar. Hozir o'sha shogirtim 3000$ dan ko'p pul topadi oyiga.

Qarang hayotni qiziqligini.

Jur'at!

Ancha yil avval universitet javoblarini ko'rgani borganimda bir yigitga qoil qolgan edim. Imtihon natijalari doskasidan hamma o'zini qidirgan, kimdur o'zini byudjetda, kimdur o'zini kontraktda topgan. Kimdurlar esa 'chiziq' pastida. O'sha yerda xursandchilik ham bor edi, yig'i-sig'i ham.

O'zim ham chiziq pastida ekanligimdan yaxshigina tushkunlikka tushib turgan edim. Bir payt yonimdagi yigit telefonini olib kimgadur telefon qildida 'Domla, o'qishga kira olmabman. Ertadan darslarni boshlasak bo'ladimi? Hozir qaytib yo'lga chiqaman.' dedi.

O'sha yigitdagi jur'at menga ham yaxshigina dars bo'lgan edi. Biz taslim bo'lgan kundagini yengilgan bo'lamiz, kurashyapmizmi demak hali yengildik degani emas.

Sizga ham o'qish davomida shunday jur'at tilab qolaman, guys!

📱 @mraslanov

Qush daraxt shoxiga qo'nayotganda shoxning baquvvat ekanligiga ishonib emas o'zining shox sinib ketsa uchib keta olish qobilyatiga ishonib qo'nar ekan.

Kurslarimizga qo'shilayotganlarga ham shu maslahat - avvalo o'zingizga, olib keta olishingizga ishonishingiz shart.

Ikkilanyapsizmi demak o'xshamaslik ehtimoli ko'proq. Aksincha, ishonyapsizmi demak o'xshashi.

📱 @mraslanov

Instagramdan chiqib ketsangiz hayotingiz ancha iziga tushadi deb o'ylayman. Chunki boshqalardagi "yaxshi" hayotni ko'rib o'zingizni ular bilan solishtirishni to'xtatasiz. Qalb ancha xotirjam.

Ertangi rejalaringiz orasiga ota-onangizni biror ish qilib xursand qilishni ham qo'shib qo'ying!

Har kuni kechasi ortda qolgan kuningiz qanday o'tganini sarhisob qiling.

Vaziyatdan nolishni to'xtatib, uni yaxshilashga uringan kunimdan beri o'syapman. Alhamdulillah!

Men uchun bu dunyoda eng mushkul tarbiya - inson o'zini tarbiya qilish!

Insonlar ilm olishni o'ziga moslashtirishga harakat qilyapti. Palon vaqt, palon kungina dars qila olaman. Menga palon uslubda o'rgatsa yaxshi va hokazo.

Do'stlar! Ilm unday olinmaydi. 'Erkatoy' lik qilib olgan ilimimiz hech nima bo'lmaydi. Ilmni ozginasi yuqishi uchun qancha mehnat, ter to'kilishi kerak ekanligini unutmaylik. Ilm bergan insonni roziligi u alohida mavzu.

Ilm boshi Bismillah! oxiri
ustozdan duo bo'lishi kerak deb o'ylayman.

Yaqin do'stiz bilan o'tirib 'Esindami....' deb boshlagan suhbatingizga hech nima yetmaydi...

"O'zimga qulay vaqtda o'rganam" deyishni yig'ishtirish kerak. Hozirgi zamonda qulay vaqt yo'q deb o'ylayman. Bor vaqt faqat - hozir.

Shart shart o'rgan. Keyingi darajaga o't. Shu IELTS / Multilevel degan boshog'riqdan qutul. Hayotda boshqa muhim narsalar ham borku. Nima kerak yillab umrni bir tilni o'rganish uchun ketkazish?

P.S. Agar yo'nalishingiz shu til bilan bog'liq bo'lmasa.

Mana bu postda tushuntirganman hammasini.

Man doim o'quvchilarni foydasini o'ylaganman. O'zi o'ylamasa boshqalar o'ylashi befoyda.

Kurs uchun access ni 1 yil qilib qo'ysangiz 11 chi oy boshlaydi intizomsizlar. Bilmadim nega ba'zilarga sudralib yurish yoqadi 🤦🏻‍♂

ONLINE KURSLARGA QATNASHSANGIZ

Online kurslarda o'qimoqchi bo'lganlarda bir xato fikrlash ko'p uchraydi.

Material bizda qoladimi? Darslar o'chib ketmaydimi? Keyinroq yana takrorlab chiqmoqchiman deb ko'p so'rashadi. Bu narsa unchalik ham to'g'ri emas. Agar online dars o'tayotgan ustoz darslardan kurs tugaganda ham foydalanaverasizlar desa ishoning kurs mobaynida kuchli harakat qilib o'zlashtirmaysiz. Keyin ham darslar o'chib ketmas ekanku bemalol qilamanda deb ortga surib yuraverasiz.

Lekin aksincha, aytaylik palon kurs 3 oy davom etadi va kurs tugasa darslar o'chib ketadi deyilsa siz shu 3 oyni maksimal kursni o'zlashtirish, darslardagi ma'lumotlarni biror yerga yozib olish bilan o'tkazasiz.

Bir o'ylab ko'ring IELTS kursini nega olasiz? Shu kursda o'qib, o'zlashtirib, imtihondan yaxshi natijaga erishish uchunmi yoki qayta qayta shu darajada qotib turish uchunmi?

Shunga o'xshash holat listening va reading kurslarimizda uchraydi. Qatnashuvchilar orasida shu ko'nikmalarini rivojlantirishdan ko'ra materiallar qachongacha qolishi haqida xavotirlanadiganlar bor. Va afsuski ayni o'shalarga kurslarimiz unchalik foyda bermasligi mumkin. Chunki biror kursda o'qimoqchimisiz fokusni natijaga qarating, materiallarga emas.

✍🏻 @Aslanovsblog