❤️مدائح مكتوبة🇮🇶❤️

النار علكت والفزع ما جاني
وصلت زرع سيد علي سليماني

سيد علي دنصب روايه اثنيني
لجدك محمد اكحل العينيني
يوم المعاجز سيد الكونيني
ارجب البراق وشفع بلميداني

انخه الحسن وحسين والعباسي
واريد بين الناس رفعت راسي
يالراجب الميمون بيه اعطاسي
والذى الفقار امجندل الفرساني

شدوا لبوا مكلد على الكداده
ينار كلبي بالحشى وكاده
جان الحريجيا تمس الساده
لترك مديحي من العبد ريحاني

جت الحريجا ودخنا عالي
هلن ادموعي وانزرف دلالي
اجدود الصميدع كاظبين التالي
نوبه بنوبه امبردين الداني

يالشيخ مهدي واين اخو دليه
تكصه بشرفكم دفزعولي بذيه
عفيه بعمامي البيهم الغيريه
بيهم شهامه ومن كبل شجعاني

ستار يالمثبور صيح ونادي
بلجي يجوني لابتي واجدادي
يالشاك الحيه يخو حمادي
كوم اركبوا لا تشتفي العدواني

كل الهلا بيكم يا عين الطلاب
يا ولد عبار زيزوم الحراب
اصيح عالي الصوت يلمفرع يياب
البيه شيمه يخمد النيراني

اسنادي وزير الباز شد احزامي
و عبد الرحيم الينتخي جدامي
هاها يالضعيف على الينظامي
و البيه شيمه يخمد النيراني

يمحمد العبار عجل الشاره
جت الحريجيه وطفوا ناره
اليوم حايج ما يصد عن جاره
وانتوا جفيتوا الجار والوالداني

خيال الدهم جاينه فزاعي
ويكول ياسيد اشبيك اتواعي
الشيخ فتحي ينتخي ويداعي
و يكول عين عيون من ينخاني

اجدودنه فرحوا ابغزة الرايه
الشايب وعبدوا لفوا عدايه
ابن الطويله مطلجنه اهوايه
يم الحدود مخمد النيراني

ابن الطويله يتنخالي من بعيد
النار وصلت يا ابن عجان الحديد
اهواتكم يا شيخ جتلها رعيد
العبد الاسمر بالطلب سكماني

امحمد البندر تجنه ابزوده
يوم المعاجز يحضرون اجدوده
هيله على النيران تجزي احدوده
و العبد واجف للطلب سكماني

السيد محمد يراعي السوده
عيب على المثلك تور احدوده
جدي ابو و ضحه يتجنه بزوده
شيخ وزعيم انصار بيها امحاني

#الجم@aslamiraqy

صالح نعيمي يابو سيد علي
أريـد فزعـه أمن الطراز الأولي
ـــــــــــــــــــــــــــــــــــــــــــــــ
أريد فزعات الگبل ماتنوصف
الچانت أهـد العوالي منالعصف
أخطوط يالدكتور من ضيمي لصف
وليش كل هالمده مـاتبين علـي

ليش كل هالمده باينلك كطع
ولا تگول أوليدنه يطلب فزع
من جفاك الـزاد مـر ماينجرع
وعايف الحادي ياحجي مبتلي

عايف الحادي يشوشح كل مسا
ونار البصدره ياحجي أمنسنسا
كـثـر مـانـادك أريـاجـه يـابسـا
وكل نهار وليل دفو أيجهجلي

كـل نهار وليل يـرگـب فـزعتك
ونته سبع الدور وبين شارتك
محنا مو غـربـه ترانـه خلفتك
لا يابو احمد كل عذر ما نقبلي

لا ياابو عبد الله شو طول جفاك
ماسمعت الحادي بالشده ونخاك
صالح نعيمي جنت اني ابذراك
مثل طفل ابحضن أبوه أمدليلي

مثل أبيج هااينوفه أمنين أجيب
چان بول صيحه يحفز من جريب
بهالوگت يمكنو حاسبني غريب
وصـار مده أخيولكم ماتصهلي

صـار مـده أولاحدا منكم يـمـر
يـاهل نـوفـه بالگلب ماظل صبر
ماسمعتو أصياحي كل صبح وعصر
وعيني دم مو دمع دايم تهملي

وعيني ظلت علدروب أمنوطره
ترگب أفزاع اليجي من الدكتره
ويـن أبـو الباكـورة المزرزره
بـظـرب چـدان لمن تـفـتـلـي

وبظرب چـدان خبـري من تثور
إمنيد ابونوفه السكن برضج يادور
ابـو عمار أبـوزه وحـاله مخطور
وصاح نجده ولفزع شو طولـي

صـاح بهل الدور وشايل حربته
ويـن أخـو خيته أيبين أمروتـه
وينتخي لنه ويجينه أبفزعته
لايخو العميه ععداكم منهو إلي

عميه يـاعميه أخـيـج مـالـفـه
عگب عينو جفني مالحضه غفه
ألـرايـة السـوده الغزها بسعفه
وبلچي دااا يـزعل وعـنـي يسألي

عندي مريض وما برئ من كاعة
عبد الجليل المكي وين اذراعـة

أبو هـمام يصـيح وين اجدادي
الحـال ناحـل والكـلب مـترادي
وينك يا اخوه كرمه ياليث عادي
يا الـساكن بلاسـون وين افزاعـة

يا الـساكن بلاسـون لا تنـسوني
ما ضـنتي بالضيج هم تجفوني
وين الشفيه اليطلج المجنوني
عبد الحميد المكي ليث بكاعـة

عندي مريض وصايبوا وهواسي
كومــوا يا اهـلنا عـيرتنا الـناسي
انخاك على الشدات خضر الياسي
مـاتسـمعون الصـاح بيـكم داعـة

ما تسـمعون الصاح يااهل الديره
همومي اتداور واكضي ليلي بحيره
وينـج خميـسه للـطلب تدبـيره
وينج يا كـرمه وروحي الج وكاعـة

وينج يا كرمه الشـارتج مـعلومه
عند الصحيح احرابكم مسمومه
عندي مريـض وما برئ من يومه
والبي غيــره ينـتــخي مـن كاعـة

عـبد الجلـيل المــكي لا تنساني
صـارت اغبــيه واجتفوا عدواني
عجـلوا فزعـكم يا اكـبار الشاني
والـي ندبــكم مـايضـل وداعــة

امدح على السادات كل جمعيه
والـبي غـيـره يـنـتـخيـلي بـذيه
انـجان مـا جـانه الفـزع حـربيه
عـيباً عــليه امـدح بكـلِ سـاعة

عيبا عـليه أمـدح إذا مــاجاني
اخو خميسه معـدل العوجاني
ويـن الشفـيه اليـظهر البرهاني
ويكول عيـني عـيون لـلي داعـة

ويكول عـيني عـيون للمـحتاجي
اهل الفزع والجود وأهل التاجي
عبد الجليل اليبري مالوا اعلاجي
يالـساكن بلاسـون صيـتك شاعـة

عنـدي مريـض ومـابـكتـلـي جاره
غيـر الله ثم اهـل الـعلم والـشاره
العبـد الأسـمر شـايـعات أخــباره
مبري السقيم وحجي ماهو إشاعة

يـا صـالح الـدكتور مـالـك جيه
عنــدك كرامـه وحربتـك مجليه
خبـري بهـلنا اليرعـطـون الـحيه
ويـن ابو نـوفه اليبري من اوجاعه

اختم قصيدي على النبي المحمودي
بـدر الكــمال الحــوضـهُ مــورودي
المصـطفى جـدي وجـد اجـدودي
وسـيد الخـلائق صـاحب الشفاعة

عالباب نوخ محمل الاجمالي
المدد يهل الغايرة يرجالي

كاعد على باب الرجى ومسايل
ودمع عيني فوك خدي سايل
الله خصيمك والنبي يا عايل
بيوم ما ينفع بنين ومالي

عالباب نوخ محملك يا طعمة
ما هبت الارياح منكم طعمة
كلبي حزين بيوم فارك طعمة
الركب غرب عالحواشي وشالي

عالباب نوخ محمل المداحي
يهل الحمه ما تسمعون صياحي
هاها ياعبدالله ويعبدالاحي
انتو التعدلون الحمل لو مالي

امدح بساداتي ولاني لاشه
خبري بهم يوم الحرب هواشه
والله ماسله حجاية اسعد باشة
ما زال دين احمد علينه غالي

امدح بساداتي ولاينسوني
خبري بهم عند الضيك يلفوني
شدو عليهن من كفه لاسوني
اخوت كرمة معدلين التالي

شدو لبوخمره على الدلية
اللي ضرب شاه العجم غبشية
ديهلهلي للشيخ ينعيمية
جم باشة خلو مكانو خالي

سلامي للخضر ياريح وصلاه
ترده الحال منو يروم وصلاه
ثواه شوگ المحبه ابنار وصلاه
اومالو غير نظرتكم شفا

حضرة الباز عنه الروع هداه
عليل الجاه بسرو زاح هداه
مثل سيل العرم عضد هداه
بحر طم العوالي والرتاب

حث جدمك انصابك ضيم عرجاه
لعند شيخ العواجز ابو الـ عرجاه
هلا بسبع الجزيرة الحضر عرجاه
اوزاح الضيم عنه والغثا

علم فيض الرفاعي منالله شلهام
غوث ابدرك للينخاه شلهام
گحاطم للاعادي ابزود شلهام
حاضر للمريد بيوم الطلاب

غزينا رايا للخضر سيدنا
اوللباز الاشهب والرفاعي جدنا

الجور مسنا اوضاقت الاحوالي
او يا خيبت امه الما وراه ارجالي
غزينا رايا فوگ رسمن عالي
لحد يخضر الياس سرك مدنا

لحد يخضر الياس مدنا ابنضرة
تنخه الحوادي افزاعكم منتضرة
وين الشفايه اهل السيادة الخضرة
اللي تحضر يوم الكلايف عدنا

نلته فيوض انوار من مولاكا
واسرار من علم اللدن عطاكا
يا ساكن الابحار حشمناكا
ببيات من وجد الدليل انشدنا

غزية رايا فوگ عالي ارتابي
لحضرة جناب الشيخ ابو قبقابي
ياباز راسي منالنوايب شابي
ومنكم يبو صالح مدد ناشدنا

غزية رايا اوشوشحت برداني
للشيخ عبد القادر الگيلاني
راعي الدرك والسر والبرهاني
ياغوث عجل ابغارتك ونجدنا

الشيخ محي الدين عالي الهامه
دايس على ارگاب العدو بقدامه
يشهد افعاله الطوب ابو خزامه
وسفار تاريخ الكُتب يشهدنا

تحدي الحوادي بالمدح ونشادي
بسمك يخطاف الاسير اتنادي
اتريد منكم ياشفيه امدادي
وبزودك الحگ العدى ايردنا

جدي الرفاعي قُدسة اسراره
سبع الجزيرة انلتمس انظاره
منهل حقيقة عذب تجري انهاره
واحنا عليها منل صغر ماردنا

ايد التهامي حضرتو امقبلها
شيخ العريجه والصعاب ايذلها
بنفاسهُ الطيبه الجروح اشلها
وسطام بالشداة للي ضدنا

دونك ايا عبداللطيف اواحدي
من گلب ملهم بالحساس اوجدي
اليمدح اهل الله نال السعدي
اوهيهات عنهم العذول ايصدنا

امدح شيوخك وفتخر ياحادي
اهل العلم وراث طه الهادي
انعم واكرم بالنعيمي اسنادي
عارف مربي شيخنا اومرشدنا

ازكى صلاتي معطره بشواقي
اشمارنمت بصواتها العشاقي
للمصطفى محبوب ربنا الباقي
وصلها يانسم الصبى من عدنا

لو چنت مضيوم حث ركبك يساعي
ونوخ ارچابك عند باب الرفاعي

لو چنت مضيوم حثحث عالذلول
واقصد الغوث الملا همومك اتزول
لجل عينه ارتفع كف الرسول
وقبله بشهود سيدنا الرفاعي

ارتفع كف النبي بضحى النهار
وقبله دون الملا غوث البرار
احمد الحبه كسر بوب السرار
بيه ايتباهه ولبسه تاج ارتفاعي

حث جودك واقصد الغوث الملا
منبع الارشاد والفخر العلا
يم ابو العباس همك ينجلا
وخابت امه الما وراه احمد رفاعي

لو چنت مضيوم حث ركبك وسير
نحو ابو العلمين خطاف اليسير
صاحب البرهان له سرٍ غزير
يرصد النيران وسموم الافاعي

حث جودك واتجه نحو اليمين
ومر ابو داوود ملاذ الخايفين
يم ابو داوود يفرح كم حزين
صاحب المختار للمضيوم داعي

لو چنت مضيوم حث ركبك وسيح
ونحو ابو العلمين نوخ واستريح
واسلك الاداب لو جيت الضريح
من دخل دار الملوك يكون واعي

لو چنت مضيوم حثحث عالجياد
واقصد الغوث الملا بحر الرشاد
هو للمضيوم والخايف اسناد
وفاز من لاذ وتلزم بالرفاعي

والبياتي غاز للطرشان رايه
ويندب اهل الخيل والبيهم احمايه
البو خمره روضو حزن السبايه
وانتخوا للغاز رايات الفزاعي

انخى سكان الجزيره والعضد
خلفة الدرويش عجلين المدد
لو نخى المحسوب ابو قدري لكد
وينتخي الحربي بضهر سابج رباعي

لو لكد عالگوم سكان الخيام
وشبه جرناسِ صفك رف الحمام
بذر ابو محمود ياخايف دنام
وزال هم الدخل بيت ابن الرفاعي

يبركان النوامس ليش خمداني@
اضنك يابو حمد سيف رباني@

1صلاة الله على المبعوث للامه&
مـــحـــمد سيدي يزايح الغمه&
بداية كل حچي من انطق الكلمه&
اسم طه النبي مجراه بشرياني@

2يويل الويل كلمن داس بالثايه&
يجونو اربع ارجال وبيهم كفايه&
دسوقي وبدوي يــلفون عننايه&
وابو العرجه الرفاعي وباز گيلاني@

3يبركان النوامس ما اضن تخمد&
واخبرك من گبل شلمانه فوگ الحد&
ترانه بشاربك والله يسيد احمد&
عجب ترضا الحوادي بغير ولياني@

4عجب ترضى يشايب مالنا چاره&
مچــثرين المديح وگول الاشعاره&
خـــــما فزعاتكم لي گفا گياره&
واحنا مالنا من عدكم احساني@

5يبركان النوامس وانت المدلل&
واليزعلك گبل يصبح ترا امبهدل&
عجيب بهاليالي افزاعك امأجل&
ولاچني صحت وينك يسگماني@

6ولاچني صحت وينك يبو الغيره&
يسيد احمد علينا كل نضر ديره&
ترانا انحيل دعوه لاهل البصيره&
واگول للشيخ عيسى الفزع ماجاني@

7واگول للشيخ عيسى شلون ترضاها&
ابــــــو حــــمد قضيتي ماتبناها&
ولا جـــاســـم بگربو جه وتعناها&
عجل ماني بمدحكم متعب لساني@

8عجل ماني بمدحكم متعب ايديه&
حـــــسافه مالفوا جمع السلاميه&
اخــت نامس يغبشه گولي لزهيه&
تـــرا الحادي بوجل ماگال بهتاني@

9ترا الحادي بوجل يانسل الابطالي&
صـــــبح بين الخلايگ مالو اي والي&
يــــحــجي سراج والله الماتعنالي&
احــطوا اسموا بشچيه لسيد الاكواني@

10احط اسموا بشچيه للنبي الهادي&
اذا مــــاجـــه وتعنه لغانم الحادي&
خـــوما اني مدحت الماهم اجوادي&
ولا گـــــلت الكلام الناس طرشاني@

11ولا گلت الكلام الناس موراحه&
اضن مدحي صدر لچباش نطاحه&
وحگ الله اخو زهيه لو رما سلاحه&
فــــضيحه تصير والمداح ينهاني@

12فضيحة هالامر مابيه تدليسى&
اذا واحـــــد تجبن من ضنا عيسى&
يــبـو سلمان جرحي محد يجيسى&
ولا گـــلـتوا الحويدي راد برهاني@

13ولا گلتوا الحويدي امبهدله احواله&
تـــــرجى من النشامه ارجال خياله&
يـــويـــن البـيه شيمه يبين افعاله&
يــــگف مثل الاسد لو صار ميداني@

14صلاة الله على خير المخاليجي&
محمد اسمهو مفتاح كل ضيجي&
يبو ابراهيم من عندك تفاريجي&
بأمر رب البريه انسها وجاني@

حبك حبك سابينه يبو الزهره هادينه
ياخير الناس احمد جود بنظرك علينه

انني مغرم هايم بحبك يابو القاسم
شمعة بيني هاشم احمد عزنه والينه

بقيت ابجي ونوحي ومحبرات اجروحي
احمد يابعد روحي نور اعيوني غالينه

تاه العكل ولفكري بهواكم عالي القدري
حبكم بينه يسري حيكم ياحمد سابينه

هايم تره ومفتوني باحمد نور العيوني
بالحشر لا تنسوني يهل علم وسكينه

بالحشر يبو الزهره اعطف علينه نظره
خادمكم صار بعسره حمله احمول السفينه

حمله احمولأ ثجيله طاح ابحيكم هزيله
منو غيركم اشيله يبو الزهره هادينه

جور الوكت ميالي وبضيج اصبح حالي
يااحمد انت أمالي يوم الحشر تنجينه

مطعون وسط الدليل طريح باقي وعليل
دمعي عالخدي اسيل بشوك الهادي نبينه

اختم نضمي والمكتوب لبو الزهراء المحبوب
نضره لاحمد الحبوب عدكم داخل رهينه

شدو الهمة ياهلنا سباع الميدان
ارض بزاعة تنادي وين الشجعان

احشم بيكم ياسادة بالله فزاعي
اقصد بخالي زكور البزاعي
يانسل السادة يبن رفاعي
قوم ادرك حاديكم لو صار محان

كوم ادرك حاديكم يوم نادي
يبو جنيد الغظنفر يابن السادة
ترى الجفا مو الكم عادة
كثرت علينا العدا يهل البرهان

ياخو مريم ناديتك وينك ياخال
كوم احضر علينا لو حملي مال
عجب ترضى الحادي ينذل
هكوتي بيكم سباع الميدان

هكوتي بيكم يعگال الراس
ماترضى بكسر الصيرة وحنا ننداس
وين ابو جنيد الاسد وين الجرناس
يذكرونك بالحومة مثل البركان

ناديتك وينك وقت الضيجة
ترى والله حاديكم نشف ريجه
جروح الجبد صارت غميجة
ومحد لفانا منهل البرهان

لاعاد احشم بيكم ياسادة
لوصرنا وسط الجمر زايد وكادة
كثر الجفا صارلكم عادة
عاري عاليكم بيوم المحان

عاري عاليكم كل جدودي
ظقت مر اليالي وبس انودي
صحت اني وين السبع محمودي
واكع بضيجة وحميت الصيجان

اشره عليكم وين اهل لاسوني
وين النشامة التطلچ المجنوني

اشره عليكم بالطلب يسيادي
وين النشامة الماتعوف الحادي
بالكلفة اريد افزاعكم يجدادي
موبس حچي وبالمحنة ماتلفوني

حالي ابكدر يهل الدرك ومتاني
شارات من جدادنة الشجعاني
وين الرفاعي اوحضرة الگيلاني
وين السباع التفرح المحزوني

وين اهل گرمة الماتعوف الصاحي
اهل الحمية التدرك المداحي
فزعة يهلنة صار ضرب ارماحي
واني ادري بالشياب مايجفوني

والله لهل لاسون لنصب راية
العبد الجليل المكي واحبي احباية
چنكم يساده ماسمعتو ابچاية
مانام ليلي اوبالضهر مطعوني

وين الشفية اليجبر المكسوري
رايد فزعكم بالله يهل الدوري
يله نحث ارچاب للدكتوري
والي يندبو ايگول عين اعيوني

درب يحادي اوگوم غز اعلامي
للسكنو ابلاسون خطهم حامي
والله ان ماگامو على المنضامي
ابنالهم. رايات سود الوني

لا يبن حيدر مابگت شاراتي
نامو حدر تربان كل ساداتي
شوف الگبور الفوگهن راياتي
وسفة وهضيمة بيكم ايعيروني

انصب رواية امن الكدر والضيمي
لهل الحمية وكل زعيم انعيمي
چنهم غفو ماسمعو التحشيمي
واني ابنهم بالوجل يدروني

خلوني مايدرون شنهو البية
شيابنة الچانو گبل حربية
عبدالله گوم افزع يخو فتحية
باكور ماتطلج من العرجوني

صلو على محمد حضرة ياسين
راعي الشفاعة العظمى في يوم الدين

امدحْ رسولك لاتهابَ الناسِ ِ
اهل البُدع والعِدهُمْ الوسواسِ
....
مَجِّدْ رسولك بالمَدِح ْبالدف ِ
عُوف التكبر واليذكرون القذفِ
صُفْ ويَه من يمدَح رسولو وصُفِّ ِ
لاتلتفت للوَسوَسُو الخُناس ِ
.........
هذا مديحك ملح لاهل الأرضِ ِ
لاتسمع الگالو بَلَى ومنقرضِ ِ
ولاتعتِبر لأقوالهم وتْرَضِّي
خيرَ الكلام بصُحبَة الجُلاس ِ
.....
سَطِّر مديحك عالرسول وسطِّرْ
أذكر صفاتو ومجدو وهم كثِّرْ
فكر بآخرتك يساهي وفكِّر
عَلَّ منِ ادِينُو يشَرِّبَك بالكاسِي
.....
ماشفت كيفَ استقبلوه بمدحِ
أَهل المدينه وبايَعوُه بفَرْحِ
حيَّ الصحابه وگلبو هم مُنشَرحِ
ماگال تحريف وبدع يا ناسِ ِ
.......
ربو بمواقف امدحو بقرآن ِ
بخلق عظيمٍ وبصبر وإيمانِ
جهل وضلاله المَنَع هو خسرانِ
هيچ الله گال وانصحك ياقاسِ ي
....
حب الرسول انغرس في اعماقي
راقي ومديحو لكل محب وراقي
ينثر ورد وعطور عالعُشاقي
بوصف المُشدد مدح ماينقاسِ
.....
العاشقين كثَار تملى الساحه
تمَجدَ الحببب بكل مسا ومصباحه
بحبُ النبي خَل تمدح المداحه
عگال عرُبِي أنِّصب فوگ الراسي
....
ابقى أسطر مدحُهُ مهما كانِ
حبي وغرامي المصطفى العدنانِ
حجي صباح اليكتب الألحان ِ
عشق النَبيَّ الصَّار ساسي وباسي
....
صلو على من غشى حبو الكون ِ
طه الممجد هوَّ نور عيوني
يبقى مديحو بالحفظ والصونِ
ماطول ما باقي عقل بالراسي
........
أمدح رسولك لاتهاب الناس ِ
اهل البدع والعدهم الوسواسِ ِ
.............................................

يامحمد غير جاهك مالي
ورتجي الغفار يرحم حالي

اليف الفت المدح منظومي
وحاربت عيني لذيء النومي
ما اداون الجرح مالومي
با محمد خزن ابدلالي

البيه بحبك يا نبيناطايح
ادموع عيني علا اخدودي سايح
يا محمد ما سمعت الصايح
ليش تجفون الهزل لتالي

التيه تراني بشيبتك يا هادي
شوف حالي منعذاب الوادي
خظير البركات بيك اينادي
يا حبيب الله ذكرك غالي

الثيه وثبتنا علا الايماني
بقدرتك ربي عظيم الشاني
بجاه طه وصورة القراني
تغفر الزله وترحم حالي

الجيم جرحي خزن ولا طابي
بحب ساداتي اليوث الغابي
شوف سر الباز ابو قبقابي
هل تلجايني بيوم الفزع خيالي

الحه حظرنه المصطفى وصحابه
وكام للمطعون ولم اصوابه
ناركم يا مصطفى لهابه
ساعره وما تنطفي بدلالي

الخه يخظر الياس لت تنسانه
ومن هواك اعيونه رمدانه
سور عالي ويلتقي بركانه
وغير ابو ابراهيم مالي والي

الدال داوو علتي سديا ساده
ناركم يا مصطفى وكاده
لندب الدرويش ويه اولاده
امجربين اهل الحواش ارجالي

الذال ذابت مهجتي بهواكم
ارواحنا يا مصطفى تفداكم
بلقيامه ننتدب بحماكم
وغيركم منهو الذي يبرالي

الرا يرب العرش يا معبودي
ونار طه ساعره بكبودي
هذ محمد مقصدي ومطلوبي
وين ابو ابراهيم سور العالي

الزيه زمت اجروحي بس الوبي
ومن دمع عيني تبلل ثوبي
هذ محمد مبري المجلوبي
شوف ملك الموت عذب حالي

السين سيفك يا علي ذباحي
انته الشفيه ودوم جبش انطاحي
يا ابو الحسن ما اتلم اجراحي
وغيركم منهو الذي يبرالي

الشين شالوني وكت عشويه
وندب محمد صاحب الغيريه
اهناك ابو ابراهيم حاظر ليه
بيوم تربان الحد تنهالي

الصاد صلو عل النبي يحظوره
اتكول شمس وكام ياظي نوره
ياقاصدين المصطفى لنزوره
وعند ابو ابراهيم لشكي حالي

لو صرت بضيجه حشم وانخه الدكتور
سيد صالح النعيمي راعي الدستور

صلو على محمد سيد السادات
احمد شفيع الخلق يوم الشدات
يسيدي نرتجي منك نظرات
انته الحبيب الغالي والوجه ينور

لو صرت بظيجه حشم ونخه الكيلان
ابو صالح يحظرلك ناشر جنحان
وين الذي يعادينا ويدور محان
يلكه الباز بآذن الله واكف ناطور

لو صرت بضيجه حشم وانخه بساعي
كوم بطولك ونادي بالرفاعي
وحك الله يجيك بسرعه يداعي
ابو العرجه سندنه وصكار صكور

وحك الله مو كصره بالساده نعيم
كلهم اعلام ترفرف يجلون الظيم
ولاكني اخص بهذا التنظيم
ابو نوفه الشيمجه الساكن بالدور

ابو نوفه الشيمجه لكل عله علاج
يدكتور المشايخ لصاح سياج
يحي الله السياده طبونه فواج
كالو جينه عل حادي الدرب منشور

كالو جينه عل حادي الدرب مرسال
ويحشم بالمشايخ ويدور فعال
ابشر هذا ابو نوفه جايك خيال
دايس خشم عدوانك ما خله كصور

ابو نوفه يسنادي يانور العين
اكتب للكم كصايد صايرلي سنين
منين اجذبلكم السبعه وحسين
تايزعلكم يهل الله ويصير حضور

يبو نوفه تشهدلك كل الهنود
لمن صفكت بيدك عند الحدود
شبه البحر من هاج وبي كل الزود
طيحت اعروش ملوك من كبل دهور

طيحت اعروش ملوك بسم الجبار
خليت اهل العلوم بسرك تحتار
اريد اني احلفك بسم بالجبار
ترضى الحادي بالذله كلبو مكسور

بلجي بجيتك يشايب ينزاح الهم
خبري عندك غيريه وسر مطلسم
والله لو لا تحظرلي ماني مهتم
حجي العاذل والايم ميحجي بزور

لو صرت بضيجه كوم وجثر الصايح
ونخه راعي الغيريه سيد صالح
ابو احمد الشيفيه طير جارح
مثل الحر البكبيدي بسمانه يدور

مثل الحرالبكبيدي بسمانه يحوم
وكت الحرايب والله هو الزيزوم
ابو نوفه وصوابو دايم معلوم
تشهد هذيج الدار الخلاها تمور

والحادي صااح عالساده هذا الاقوال
يرجه فضل دعائو همو ينشال
بيكم ترى متحزم يا نعم ارجال
والي جفانه ابدا ماهو معذور

تعنه البيت ابو خمره يامضيومي
وابو صاحب على الشدات معلومي .

ابو خمرة الاسد حاظر علئ الشده
ولا ينطي المريد الايذ ابسده
يجيك المدد منه ومن فضل جده
والطرش بالحرايب يكسر الگومي

برود النار والصيجان ياطعمه
دجودو عل النخاكم لا يخو شمه
ترى الما يحضرنه بالحجي انذمه
ولا نمدح عليه من بعد هل يومي

تعب صوتي ابكثر ماصيح ونخاكم
ياشيخ اخيار مو حسي تعداكم
ترى اني اشرى عل مثل شرواكم
دكومو ونتخو يازيكم بس نومي

جرح گلبي بعد ما يطيب ولا يبره
اذا الطرشان ما سمعوني هل مره
ياجيران ابو صالح لا يبو خمره
تعال احضر علي لا ملخ اهدومي

يثارو بالفزع وجفوفهم سمحه
يجونه عل كلايف من ارض سرحه
دمرو عل طعين وضمدو جرحه
روايه الكم اترف ابعالي الرسومي

حواديكم يايابه تاهت ابهيمه
تريد افزاع من عندك يبو خيمه
هلا ومية الهلا ياصاحب الشيمه
نهض شبه البرك من بين الغيومي

خيار الشيخ يحضر بالفزع عندي
ويذل كل من علينا جاي متعدي
اريد ارسل سلامي الشيخنا الهندي
يذكرونو علئ الطلبات زيزومي

درت كل البدايد ما لكيت اني
مثلكم بالفزع والله ياطرشاني
علي ومجول شجاكم ها ياشجعاني
دجودو عل نخاكم ترى مالومي

ذرى المحسوب عز الصاح بي ندري
زعيم الساكن السرداب ابو قدري
يخابركم ياشيخي محزم الضهري
صكر دايم على الشدات وتحومي

صلاتي عل نبي الهادي وتحياتي
عدد ماهبت الارياح نسماتي
رقى سابع سما راعي المعجزاتي
مثل بدر ايتلالى بين النجومي

باجر تصير العبرا من فوك النار
وغير الجسر المحدد مامش معبار

١-باجر تصير العبرا وتشوف العين
حاظركلشي سويتا من زين وشين
أنتامخير يبن أدم مابين أثنين
جنك عاقل حسبها وشوف المقدار

٢-باجرتصير العبراوياويل الويل
من شدت ذاك الموقف ينهد الحيل
يسلم منهاالمتبدل في جوف اليل
ومئمن بلموعود ماعندا نكار

٣-باجر تصير العبرا ومنين تشوف
لاواحدينوع واحد والناس عدو
كلمن مشتا بحالا وعيونو تشوف
ينطونا حك حساباومامن انكار

٤-باجر تصير العبرا والناس تصيح
يومن تزلك رجليها ومن فوك أطيح
بس البايع محمد يعبر كل ريح
ويسلم من ذاك الشدا وذاك التيار

٥-باجر تصير العبرا والناس فواج
وعلى شاطي جهنم وتغور مواج
بس البايع محمد ينطونا فراج
ألا العاصي الماطبق نص القرار

٦-باجرتصير العبرا ومنين تشوف
والراس هناك مركب فوك الكتوف
لاتفيدهناك اغنام ولابيع الصوف
ولازرع الحنطا أيفيداوصرف الدولار

٧-باجرتصير العبراوالناس دشوم
على شاطي جهنم قايلها ايعوم
أهل المعاصي الواحد بلثاني أيلوم
هاذا بئس التخاصم بين أهل النار

٨-باجر تصير العبرا وكلشي بحساب
لاولدك ينفاعونك غادي ولاصحاب
جنك صافي السريرا ومنتا جذاب
أتبع محمد تحشر وياالأبرار

ابن الرفاعي ياذره المضيومي
صاحب كرامه وبالدرك معلومي

صاحب كرامه ومعدن الأسراري
معلوم ابو العرجه برود الناري
عند اللزايم ذخر للمحتاري
هوه وابو صالح اللگات الگومي

هوه وأبو صالح قطب بغدادي
فرحت دليل الصاح وين اجدادي
أنصار ضرب احراب عجل الطرادي
يزيحون هم الي يتنخه ويومي

لقطب الجزيره دربت مكتوبي
جدي الرفاعي يالكات الطوبي
حاضر علا الينخا والمحسوبي
شيخ العريجه يابرود اسمومي

لنصب روايه بعاليات الرتابي...
لكلمن شيمجي وينتمي لاقطابي..
حشمت ياهل الله شوفو كتابي...
معسرذلولي مكدر ومهمومي..
.......................
شارات اهلنا من كبل معلومه...
لكلمن تنخه تزول همومه...
عرجه عليكم جان ماضل حومه....
باطل يشايب جان ساكك نومي...
.............................
حربي عليهم نادب الحربيه....
قطب المشايخ قائد الدوريه...
نضرة علينا ياهل الغيريه....
وان جان ماجينولاشك هدومي......

اومي وانادي شيوخنا الغربيه..
عاري عليكم جان محد ليه...
علمي عليكم للحرس دوريه...
باز المشايخ يالكاة الكومي...

دكت طبول القادريه ارعادي...
تدوي علينه من اهل بغدادي..
جودو علينا وانجدو المترادي..
قطب المثلم لنتصبلو هدومي

هزبر رعيد ولو لفا العطراوي...
عز النخاه وي العدا متلاوي...
خبري باهلنا النور منهم ضاوي..
ولد النعيم وياهنا المضيومي

اختم مديحي بالصلاة عالماحي
ثم الصحب وال آل والصلاحي
سيد سند لايذ بهل أصحاحي
ويطلب من الله الستر لنه يدومي

هلي بسوح الوغى شُمن صناديد
شفايه انعيم شگاگت عرابيد

هلي سم الحنش تسگي الاعادي
صواعق ترعب اليوث البوادي
بسمهم دوم تتغنى الحوادي
عظيمه افعالهم للهم شواهيد

بنات الريح من لكدوا عليهن
حوافرهن شرار الموت بيهن
تروج الگاع تهتز المشيهن
فشگ كرخانه محشوه البواريد

اهل دله اونجر خضر الروايه
بسرهم والكرم تزهي التكايه
صدق بيمان صافين النوايه
هلي برواحهم لله اجاويد

يفيض اسرار المولى عطاهم
سكينه الناس من تدخل حماهم
نسل خير البشر عالي لواهم
يغيث الخير بالدنيا اوعواميد

اسم ويفوحِ بالديان عطره
مسچ والعود عنبر والشمطره
لهو تاريخ مي الذهب سطره
سفر عنوان ما يحتاج تمجيد

اسم عالي الفخر دور عليهم
لان شان الفخر يرتفع بيهم
طوال الباع ما تگصر اديهم
بحر طم العوالي اوروجه ايزيد

هلي ينعيم يسيوفن شواطر
غضب بركان ياحمر النواظر
حداهم لو زعل لجيوش داحر
اسد من صولتو فروا مشاريد

لهم فعل المناقب يشهدنه
من الدشمان چم شارب لونه
اذا المضيوم فزعتهم تمنه
لفوه ابزود چلبرق الرواعيد

ينسل الغوث مولانا الرفاعي
بني سيد نعيم الصيتو ذاعي
على الكفات حضروا لليواعي
هدشت الذيب هدوا والضرب صيِّد

يلوگ الراسهم تاج العمايم
دوى للروح عذبين النسايم
عن المضنوك زياحت هضايم
مطر آذار للمحسوب والعيد

تنومس وفتخر بهلك يبنهم
ايا عبداللطيف اوگول عنهم
عقود ابيات من اشعار غنهم
بالزهيري اومديحك والاناشيد

صلاة الله خلاق العبادي
على المبعوث للاكوان هادي
ترانيم ابعذب صوت الحوادي
مدح بعشواق في اجمل تغاريد

26/5/2024

صلو على نور الهدى محمودي
عند الشدايد حاظرين اجدودي

1اول جنبهم سيد سليماني
راع الكرامه من مغرب جاني
الجبر كلمن غثهم ندماني
والحارب الساده تراه مكرودي

2هزيت مربطهم على حمريني
كلبي ضمد بولاد عز الديني
اخوة كرمه البلطلب حاظريني
من فاسهم يجبر كسير العودي

3هزيت مربطهم على الشداتي
والبيه شيمه من المشايخ ياتي
غصبن علينه انئلف الابياتي
وانجعد النايم عليه منكودي

4هزيت مربطهم على بغدادي
انعيم الحويجه الواجفين اسنادي
انصار بلميدان ضرب احرابي
عند الشدايد لاندبك مسعودي

5انخ الجبر ليكلة الحرفاتي
علمي بفزعهم للندبهم ياتي
يرجال شدوا المدح على الساداتي
والي تواله من الربع مزهودي

6انخ الانعيم الساجنين الزابي
اولاد منصور الاتهابُ الاجنابي
انصار بلميدان ضرب احرابي
عند الشدايد لاندبك مسعودي

7عاداتنا الحمل الثجيل انشيلوا
وانخاصم الي خاصمك وانهينوا
ولد السلامي كولي جيل بجيلوا
سر ابو طلاكه بيومنا الموعودي

8الله يغفر من جميع اذنوبوا
الا الصحيب الخاين بمحبوبوا
جبت الضحى كولمن درك محسوبوا
واني بدليل الجرح خزن دودي

9عاري عليكم يا عمر منداني
يلخابرك طمطام تنده ذاني
بالله انجدونا او يا اهل خريساني
والله انما جيتوا لاكسر العودي

10سيد طحر لجتابنا متملي
لمن نخيتوا ماهكوتي ايذلي
لمن ايصير الهيج بلعصملي
يثنونهن والبيش بيه مرصودي

11فزعوا عمام والهم عني راحي
وانلتقي بعد الهظم بفراحي
ما زال رب العرش بل ميظاحي
من فظله خير عيلنه ايجودي

12 ابنالهم رايات بمعيزيله
حملي وكع وين اليجي وايشيله
الراجب الزله جتنا خيله
خايف من اعدايه عليه اتزودي

ابن الرفاعي ياذره المضيومي
صاحب كرامه وبالدرك معلومي

صاحب كرامه ومعدن الأسراري
معلوم ابو العرجه برود الناري
عند اللزايم ذخر للمحتاري
هوه وابو صالح اللگات الگومي

هوه وأبو صالح قطب بغدادي
فرحت دليل الصاح وين اجدادي
أنصار ضرب احراب عجل الطرادي
يزيحون هم الي يتنخه ويومي

لقطب الجزيره دربت مكتوبي
جدي الرفاعي يالكات الطوبي
حاضر علا الينخا والمحسوبي
شيخ العريجه يابرود اسمومي

لنصب روايه بعاليات الرتابي...
لكلمن شيمجي وينتمي لاقطابي..
حشمت ياهل الله شوفو كتابي...
معسرذلولي مكدر ومهمومي..
.......................
شارات اهلنا من كبل معلومه...
لكلمن تنخه تزول همومه...
عرجه عليكم جان ماضل حومه....
باطل يشايب جان ساكك نومي...
.............................
حربي عليهم نادب الحربيه....
قطب المشايخ قائد الدوريه...
نضرة علينا ياهل الغيريه....
وان جان ماجينولاشك هدومي......

اومي وانادي شيوخنا الغربيه..
عاري عليكم جان محد ليه...
علمي عليكم للحرس دوريه...
باز المشايخ يالكاة الكومي...

دكت طبول القادريه ارعادي...
تدوي علينه من اهل بغدادي..
جودو علينا وانجدو المترادي..
قطب المثلم لنتصبلو هدومي

هزبر رعيد ولو لفا العطراوي...
عز النخاه وي العدا متلاوي...
خبري باهلنا النور منهم ضاوي..
ولد النعيم وياهنا المضيومي

اختم مديحي بالصلاة عالماحي
ثم الصحب وال آل والصلاحي
سيد سند لايذ بهل أصحاحي
ويطلب من الله الستر لنه يدومي

❤️مدائح مكتوبة🇮🇶❤️ pinned «ينعيم اهلنه التوبلس شجعان ولد ابو حمره اصكور بالميداني ينعيم اهلنه أحفاد عزالديني ذيب الكلايف ظنوت المسكيني سيد امين الحاج مايجفيني ابن الاماره اليرهب العدواني ابن الاماره باالظيج مشهودي خلفة العجرف ذخر كلبي وزودي شارات اهلنه اتخمد البارودي يوم الحرايب يرصدون…»

ينعيم اهلنه التوبلس شجعان
ولد ابو حمره اصكور بالميداني

ينعيم اهلنه أحفاد عزالديني
ذيب الكلايف ظنوت المسكيني
سيد امين الحاج مايجفيني
ابن الاماره اليرهب العدواني

ابن الاماره باالظيج مشهودي
خلفة العجرف ذخر كلبي وزودي
شارات اهلنه اتخمد البارودي
يوم الحرايب يرصدون الداني

يوم الحرايب حاظرين اجدودي
هدو على اظهور الخيول احيودي
وكت الفزع انخه الأسد محمودي
جدي المشكر شبه ليث اطعاني

جدي المشكر ظنوت المداحي
ياعز محسوبه التنخه وصاحي
محمد العجرف شبه جبش انطاحي
الشاع صيته من قديم ازماني

الشاع صيت الهم اهلنه انعيمي
شاراتكم تجدح رعود ابغيمي
حشم ان ردت افزاع يالمظيومي
التوبلس وكت الطلب فرساني

التوبلس وكت الطلب حربيه
اسيوفهم تبرج هلي ومجليه
يوم المحان ان شبت الجمريه
خمدو لهبها وتشهد العرباني

خمدو لهبها البيهم الهكواتي
يوم المحان وبانت الشاراتي
انعيم يهل الدور ياساداتي
أهل الحميه البيهم البرهاني

أهل الحميه اعلامهم منشوره
ولد ابو حمره للخصم عاثوره
يوم الطعن بسلاح والباكوره
شبه الأسود ابحومة الميداني

شبه الأسود انعيم وكت الغاره
هدو على العايل وهجمو داره
الكنج باالفزعه لفو حظاره
الشيخ فارس ينجد الحيراني

الشيخ فارس لولفه من غادي
يدرك مريده الصاح وين اجدادي
طارق السيد ذياب للكم حادي
عيب ونقص علمايجي ويحماني

عيب ونقص عل التوبلس جمعيه
ان مالفتني اسرارهم كشفيه
ياالساجنين الدور وبسوريه
اتنه فزعكم هل الوكت ماجاني

صلوا جمله يالاخوان
على النبي العدنان
اريد الفزع من جدي
لو من الاسمر ريحان
…… .. الدور……

أبدي بنضمي وكلامي
على بدر التمامي
وصحبهِ الكرامي
عد الورق والاغصان
………………
اثني على الكراري
حيدر علي المغواري
يا كاسر الكفاري
فده روحه للعدنان
…………… .
ثالث قفل يخواني
امدح شيخ الگيلاني
ابو صالح يحماني
لوصحته يجي فزعان
… ..،…… ..
ابو العرجه يارفاعي
يمطوع الافاعي
جيت لحضرتك ساعي
ارجوا الفزع يالشجعان
………………
اهلنه بالرمادي
يحضرون المترادي
ابو مگلد يسنادي
حاضرلي لو صار محان
…………
حاضر على الصعباتي
ويدحم على المحناتي
ناديت بالشداتي
الأسمر ها يا ريحان
………… .
العبد الاسمر يحضر
لو صار ضرب الخنجر
شبه الغضنفر يزئر
ليث الحرايب زعلان..…… ..
يوم اللزم ماينرد
جا مسرع ويتهدد
جدي حضرلي مسند
ومدرجلنه النگضان
……… ..
ومدرجين الحوادي
اسيادي نسل اجوادي
صيح بصوتك ونادي
يحضرلك جدي ريحان
…………
يحضر اليستغيثه
جدي الساكن حديثه
نسل الهادي وريثه
ابو مگلد يا عجان
………… ..
احسان حشم بيكم
يوم المحن ينخيكم
جودو على حاديكم
يومن يصير المحان
……………..
عمر يكتب تعميمي
والكم جاهٍ عضيمي
ربي انت العليمي
وانت القادر والمنان
…………… .
صلي ياربي وسلم
على النبي المكرم
ربي ارحم من نضم
هذا المطلع يا ديان

…………
هديه من عمر ابو خطاب
الى اخي احسان الزهيري
بتاريخ
28/8/2018
الثلاثاء

هـمـت والـعــگـل ياجاويد ضاعي
بـحـب الـغـوث ســيـدنا الـرفاعي

بـحـب الغوث عگلي شرد وخـتـل
ودمـع العـيـن عـالـوجــنـات منهل
ادور عــل اعـزاز الــگــلـب مـندل
ولالـي صــبـر يـاجــاويـد ضـاعي

مثل مجنون ليله اصـبـحـت هايم
ادور بــل فــلا ارســوم الـعـلايــم
هـواهـم هـدي حـيـلي والـگـوايـم
وطول الليل بس انـحـب وواعـي

بـچـيـت ومـانــفـع كثـر الابـچـايه
ولا كــثـر الـسـوالــف والـحــچـايا
يـنار الـشـوگ تـسـعــر ابـحــشـايا
ويـلـچــمـات الابــدلالـي وسـاعـي

نـمـر ورمـيـم مــاقـــاسـو مـثــالي
ولامـجـنــون لــيــلـه مـثـل حـالي
يـلـو مالي رجــه بـسـاعت وصالي
اشــگ الـثـــوب واصـرخ يـارفاعي

عــواذل لاتــــلـومــــونـي تــرانـي
عفت روحي وطــلـگـت الاوسـاني
عـزيــز الــگــلــب ودولـو سـگـاني
جـمـع كاسـات مـن ســم الافـاعـي

تـوعـه وكــفـي لـومـك يـاعـذولي
هــوه راع الـعــريـجـه مـايـزولــي
هــواهـم الــبـر ذلـت والاشـبـولـي
بـسـرو الـنــار طـاعـت والافـاعـي

ابـعـام الـحــاج بـانـــتــلـو اشـاره
يد الـمـخــتـار قــبـلـهـا جـهـاره
وكـل حـضـورهــا بـاتـــو حـيـاره
يـــنـادولـو يـااحــمـد يــارفـاعـي

مـدد يـاســيـدي راع الـعـــريـجـه
على الينخـاك واگـعـلـو بـضـيـجه
يـچـم وجـم مـگـطـعـت البـنيـجه
عـلى اليـنـخـاك يا حـلو الاطباعي

انـا الـنـاديــت ويـنـك ياســنــادي
ابـو الـهـمـات يـاراعـي الامــدادي
طـلـبـت الغوث من بـيـن الاعـادي
لانـك بـل كـرم ســمـح الاذراعــي

مـــريــــدك يـاابـل عـرجـه تـوازه
عـگـب ذيـچ الـلـيـالي ضاگ عازه
عـزيـز الـيـگـصـدك بالــسري فازه
وانـا مـن ضـيـجـتي مديت باعي

بلال اذن بالمدينه يوم من بعد الرسول
طلعت الناس تباجه شباب واطفال وكهول

بلال فارك هالمدينه وراح من بعد الوفاة
ماهو قادر ان يؤذن بعد سيد الكائنات
سكن بلده الداريه وعمه خير وباركات...
من صحب خير العباد الشافعي بيوم الممول.

وجاء سيدنا الحبيب بيوم بالرؤيا لبلال
هذا من بعد الرحيل للمهيمن ذو الجلال
سيدي طه الرسول بلسان الشوق قال
ام آن ان تزور دارنا بعد الاثول...

جاء سيدنا بلال من مدينه الداريه
مسرعا في جوف ليل للمدينه ساريا
دخل المسجد بشوق وحنين باكيا
انه شوق الصحابه للنبي طه الرسول

دخل المسجد بيلال قبل أذان الفجر
اه يا ليل المدينه والگلب لك يعتصر
وجد الصحبه الكرام ابو بكر وعمر
والحسن ثم الحسين نعم ساكن الاصول

ابو بكر وعمر قالوا لابن رباح
أذن بصوت جميل نادي حيا عالفلاح
مثل ما كنت تؤذن للنبي راعي السماح
قال لا يا يا كرام اعتذر عن القبول

وكذا قالوا له الحسن ثم الحسين
لا تردنا يا بلال أذن بصوت حزين
عيد ايام الرسول وعيد كل ذيج السنين
ثم قال ابشروا انتم اولاد البتول

اربع كبر بلال وكام يذرف بالدموع
اهتزت أطراف المدينه حينها وزاد الخشوع
طلعت الناس تباجه وجت عالمسجد جموع
أطفال والرجال ونساء كله ماخذها ذهول

وتشهد وهو يبكي يبكي من وجد اعترا
لا اله غيره الله لا رب سواه
كيف يمكن ان يؤذن والنبي ليس معاه
فاض دمع عيونو فاض كالمطر عند الهطول

عندما قال اشهد هناك فارتج البكاء
بالمدينه احمد رسول خاتما للانبياء
طلعت اجموع الخلايق الرجال والنساء
بعث الهادي نبينا الخلق كله تقول

اشهد ان احمد رسول للخلق كلهم جميع
قال سيدنا بلال صاحب الهادي شفيع
لكن العبره اخنكتو صوتو هالحلو الرفيع
والبجي رج المدينه وهزها الهبلو الهطول

بالمديح احمد خضر يطلب الباري السماح
والعفو والمغفره يوم تنبعث الارواح
وكذا الحادي المولع بالمديح علي فلاح
يرتجون الباري رحمه وهدايه وقبول

نختم ابيات المديح هذا طيب الكلام
بالصلاة على نبيبنا خاتم الرسل الكرام
صلى يارب على أحمد كلما ناح الحمام
تملئ وديان وجبال وصخار وسهول

فوگ عالي ارتاب گوم اصعد يخايب
وغزي رايات اللوى ونخى الحبايب
_______________________________
وغزي رايات اللوى لم الحسين
بضعت المختاري قرت كلي عين
يفاطمه الزهراء بيچ امحزمين
ابيوم تمشي جيوش وتصير الحرايب
_______________________________
غزي رايات اللوى لوچنت حاير
ونخ گرمه اصيتهه ابكل العشاير
اوشوشح الوجده وخميسه انصار صاير
اويرصدنه الدان بهوات العصايب
_______________________________
اوشوشح الوجده وخميسه اولاتهاب
يامريد اركض على دان الطواب
دروح زور اگبورهن ذيچ الگباب
مصفيات السان من خير النجايب
_______________________________
غزي رايات اللوى ونصب اعلام
اومن بنات الجبر خص صبحه الدهام
اولي لفن عصياح جي رف الحمام
والعشر تنعام من عيت الطلايب
_______________________________
غزي رايات اللوى القبشه العلي
الهي ذره الوندات الخيل الهزلي
يمدح اخت نامس يهمي ينجلي
اوينفضون الزيج عن عيت الطلايب
_______________________________
غزي رايات اللوى ابعالي اجبله
لوچان گلبك بي هضم وموجله
نور البراهيم شبه ازلزله
يشارت العميه مثل برگ السحايب
_______________________________
غزي رايات اللوى الوضحه الحمد
يشبهي طيرآ مايچل امن الهدد
وياخلايف توبلس وين المدد
وسافي هالدلالي من كثر النوايب

فوگ عالي ارتاب گوم اصعد يخايب
وغزي رايات اللوى ونخى الحبايب
_______________________________
وغزي رايات اللوى لم الحسين
بضعت المختاري قرت كلي عين
يفاطمه الزهراء بيچ امحزمين
ابيوم تمشي جيوش وتصير الحرايب
_______________________________
غزي رايات اللوى لوچنت حاير
ونخ گرمه اصيتهه ابكل العشاير
اوشوشح الوجده وخميسه انصار صاير
اويرصدنه الدان بهوات العصايب
_______________________________
اوشوشح الوجده وخميسه اولاتهاب
يامريد اركض على دان الطواب
دروح زور اگبورهن ذيچ الگباب
مصفيات السان من خير النجايب
_______________________________
غزي رايات اللوى ونصب اعلام
اومن بنات الجبر خص صبحه الدهام
اولي لفن عصياح جي رف الحمام
والعشر تنعام من عيت الطلايب
_______________________________
غزي رايات اللوى القبشه العلي
الهي ذره الوندات الخيل الهزلي
يمدح اخت نامس يهمي ينجلي
اوينفضون الزيج عن عيت الطلايب
_______________________________
غزي رايات اللوى ابعالي اجبله
لوچان گلبك بي هضم وموجله
نور البراهيم شبه ازلزله
يشارت العميه مثل برگ السحايب
_______________________________
غزي رايات اللوى الوضحه الحمد
يشبهي طيرآ مايچل امن الهدد
وياخلايف توبلس وين المدد
وسافي هالدلالي من كثر النوايب

فوگ عالي ارتاب گوم اصعد يخايب
وغزي رايات اللوى ونخى الحبايب
_______
وغزي رايات اللوى لم الحسين
بضعت المختاري قرت كلي عين
يفاطمه الزهراء بيچ امحزمين
ابيوم تمشي جيوش وتصير الحرايب
_______
غزي رايات اللوى لوچنت حاير
ونخ گرمه اصيتهه ابكل العشاير
اوشوشح الوجده وخميسه انصار صاير
اويرصدنه الدان بهوات العصايب
_______
اوشوشح الوجده وخميسه اولاتهاب
يامريد اركض على دان الطواب
دروح زور اگبورهن ذيچ الگباب
مصفيات السان من خير النجايب
_______
غزي رايات اللوى ونصب اعلام
اومن بنات الجبر خص صبحه الدهام
اولي لفن عصياح جي رف الحمام
والعشر تنعام من عيت الطلايب
_______
غزي رايات اللوى القبشه العلي
الهي ذره الوندات الخيل الهزلي
يمدح اخت نامس يهمي ينجلي
اوينفضون الزيج عن عيت الطلايب
_______
غزي رايات اللوى ابعالي اجبله
لوچان گلبك بي هضم وموجله
نور البراهيم شبه ازلزله
يشارت العميه مثل برگ السحايب
_______
غزي رايات اللوى الوضحه الحمد
يشبهي طيرآ مايچل امن الهدد
وياخلايف توبلس وين المدد
وسافي هالدلالي من كثر النوايب

لبعث شچيتي معنونة بكتابي..
لبن الرفاعي وجدي ابو قبقابي..
ــــــــــــــــــــــــــــــــــــــــــــــــــــــــــ
لبعـث شچيتي ألسيد الكـونيني..
راعي الشفاعة وبالحشر حاميني..
وألــداحي البيبان ابو الـحسنيني..
والحمزة ابو حزامين سبع الغابي..
ــــــــــــــــــــــــــــــــــــــــــــــــــــــــــ
وأل جدنه العباس لنصب رايه..
عـالو علـيا وواگـع ابـلـوايـه..
ياجـعفر الطـيار كيـدو اعدايه..
ياابو بكر يجدي داوي اصوابي..
ــــــــــــــــــــــــــــــــــــــــــــــــــــــــــ
فاروق منهج سيرتك قدوتنه..
انت ذخرنا وگاضي بدعوتنه..
ايام سودة وبالو جل مرتنه..
ادرك ياذا النورين زاكي انسابي..
ــــــــــــــــــــــــــــــــــــــــــــــــــــــــــ
لبعـث شچيتي أل بازنه الطياري..
راعـي الحمية وبالوغى مغواري..
لمن صـفگ جنـحانو كالاعصاري..
يرمي خصيمو اصوابو ابد ماخابي..
ــــــــــــــــــــــــــــــــــــــــــــــــــــــــــ
وابن الرفاعي فرحة المنضامي..
فوگ العوالي رفرفتلو اعلامي..
جدي ابو العرجة قدوتي وإمامي..
نسـل الـزچـية وعـالي الارتـابي..
ــــــــــــــــــــــــــــــــــــــــــــــــــــــــــ
جدي الخضر يامبـــرد النيراني..
تصهل فرسكم بأول الفرساني..
يبن البداوي اطلج إلها اعناني..
وابن الدسوقي وياليوث الغابي..
ــــــــــــــــــــــــــــــــــــــــــــــــــــــــــ
ماضل صبر يجدوي ماضل بيه..
ناصب روايه ودگت الحربية..
لخو حــليمة الساكن بسورية ..
لبعـث شچيتي مزرفة بعتابي..
ــــــــــــــــــــــــــــــــــــــــــــــــــــــــــ
لبعـث شچيتي أل راعي النوماسي..
ابو زهـر يـوم المـحن جـرناســي..
عـــــــالو علـيه وعـيرتني الـناسـي..
ماضـل عذر يهل الدرك يا اقطابي..
ــــــــــــــــــــــــــــــــــــــــــــــــــــــــــ
ماضل صبر مال الحمل يسيادي..
ياألساكن الحمرة المدد يسنادي..
سركم ياشيخي چالبحر يزدادي..
وأل تضربونو ماثنيتو اصوابي..
ــــــــــــــــــــــــــــــــــــــــــــــــــــــــــ
صلو على راعي اللوى المعقودي..
احمد ذخرنا بيومنه الموعودي..
ثم الصحابه اهل الكرم والجودي..
وآل التهامي أل زاكي الانسابي..
ــــــــــــــــــــــــــــــــــــــــــــــــــــــــــ
تمت بحمد الله وبعونه تعالى.
كلمات المداح قاسم محمود العلي
نسأل اللــــــه لنا ولكم الاجـر والثواب
والقـــبول وشفا عة الرسول
صلى الله عليه وسلم