حضر متاعك للسفر يافاني
باچر وراك الدود والترباني
حضر متاعك وغتنم اوقاتك
وندم علل غفله ابزمان الفاتك
معدوده انفاسك ترى اوساعاتك
اسرع اوعجل توب للرحمنِ
من تطلع الروح اوتوقف جفنه
ابنه وعزازه يسرعون ابدفنه
ايخافون منك لا تفوح العفنه
رگض ابركض عجلين للدفاني
وبكل وسيله مالك اللميته
وعمرك لجل عينه ابتعب افنيته
ابشر لنوام الضحى خليته
ماحصلت بس الچفن ذرعاني
بالگبر يتساوه العبد والسيد
ايفوز اللي بطاعتو متگيد
اللي كتابو في يمينوو ايعيد
واللي بشماله خايب اوخسراني
لتغرك الدنيا اذا غنتلك
لو دامت لغيرك فلا وصلتلك
احبالها گشره اذا فتلتلك
تخليك بعد العز مذله تعاني
وين الوجاها اوذاك خشم اليابس
للفقره والمسكين وجهك عابس
اليوم خامه عگب قوطك لابس
واللحد لا مرمر ولا حلاني
شمچلب ابدنياك وانت الهالك
العزه بس لله القوي المالك
الگبر ضيق وبظلامو حالك
مابيه لا شباك لا بيباني
قهار ملك الموت محد نده
عنك يخايب گلي منهو يرده
اعتا جيوش البالارض مصده
مامور بامر الواحد الدياني
يوم الحشر رمق البصار ابذله
نار الشمس فوگ الرؤس امطله
سبعة يظلم الكريم ابظله
مسند حديث المصطفى العدناني
خلي لسانك للعباده شاطر
بالذكر والتسبيح دومو عاطر
وعلم عظيم الاجر جبر الخاطر
وان التكبر من غوى الشيطاني
وين امسو اللي من گبل اغوتهم
الدنيا بالمال اوملك غرتهم
تالي لحضيض الهاويه ودتهم
فرعون وي قرونها اوهاماني
اياك في قوتك تكن مغروري
وين القوام البأسهم مذكوري
الينحتون امنل جبال قصوري
من طغوا اهلكهم عظيم الشاني
ياربي حسن الخاتمه عدنه
والقبر وهوال الحشر امنه
ابعفوك الواسع يالطيف اشملنه
ياذا الكرم والجود يامناني
هذا النظم عبداللطيف املاهو
من غفله تاتصحه النفس رجواهو
وللي تذوق للحچي اومعناهو
مو اي كلام امسفط ابالحاني
ثم صلاتي والسلام امعطر
تهدى لحبيب الروح باهي المنظر
ذخر وسندنه غادي يوم المحشر
عند الصراط اوصحف والميزاني
السيد عبداللطيف النعيمي
باچر وراك الدود والترباني
حضر متاعك وغتنم اوقاتك
وندم علل غفله ابزمان الفاتك
معدوده انفاسك ترى اوساعاتك
اسرع اوعجل توب للرحمنِ
من تطلع الروح اوتوقف جفنه
ابنه وعزازه يسرعون ابدفنه
ايخافون منك لا تفوح العفنه
رگض ابركض عجلين للدفاني
وبكل وسيله مالك اللميته
وعمرك لجل عينه ابتعب افنيته
ابشر لنوام الضحى خليته
ماحصلت بس الچفن ذرعاني
بالگبر يتساوه العبد والسيد
ايفوز اللي بطاعتو متگيد
اللي كتابو في يمينوو ايعيد
واللي بشماله خايب اوخسراني
لتغرك الدنيا اذا غنتلك
لو دامت لغيرك فلا وصلتلك
احبالها گشره اذا فتلتلك
تخليك بعد العز مذله تعاني
وين الوجاها اوذاك خشم اليابس
للفقره والمسكين وجهك عابس
اليوم خامه عگب قوطك لابس
واللحد لا مرمر ولا حلاني
شمچلب ابدنياك وانت الهالك
العزه بس لله القوي المالك
الگبر ضيق وبظلامو حالك
مابيه لا شباك لا بيباني
قهار ملك الموت محد نده
عنك يخايب گلي منهو يرده
اعتا جيوش البالارض مصده
مامور بامر الواحد الدياني
يوم الحشر رمق البصار ابذله
نار الشمس فوگ الرؤس امطله
سبعة يظلم الكريم ابظله
مسند حديث المصطفى العدناني
خلي لسانك للعباده شاطر
بالذكر والتسبيح دومو عاطر
وعلم عظيم الاجر جبر الخاطر
وان التكبر من غوى الشيطاني
وين امسو اللي من گبل اغوتهم
الدنيا بالمال اوملك غرتهم
تالي لحضيض الهاويه ودتهم
فرعون وي قرونها اوهاماني
اياك في قوتك تكن مغروري
وين القوام البأسهم مذكوري
الينحتون امنل جبال قصوري
من طغوا اهلكهم عظيم الشاني
ياربي حسن الخاتمه عدنه
والقبر وهوال الحشر امنه
ابعفوك الواسع يالطيف اشملنه
ياذا الكرم والجود يامناني
هذا النظم عبداللطيف املاهو
من غفله تاتصحه النفس رجواهو
وللي تذوق للحچي اومعناهو
مو اي كلام امسفط ابالحاني
ثم صلاتي والسلام امعطر
تهدى لحبيب الروح باهي المنظر
ذخر وسندنه غادي يوم المحشر
عند الصراط اوصحف والميزاني
السيد عبداللطيف النعيمي
