ANS ÇM / ANS ChM

Cəbrayıl şəhərinə növbəti köç karvanı yola salınıb
Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdışa dair I Dövlət Proqramına əsasən, yenidən qurulan Cəbrayıl şəhərinə, respublikanın müxtəlif ərazilərində yataqxana, sanatoriya və inzibati binalarda müvəqqəti məskunlaşmış ailələrdən ibarət növbəti köç karvanı Bakı şəhərinin Qaradağ rayonundan yola salınıb.
Bu mərhələdə Cəbrayıl şəhərinə 49 ailə - 253 nəfər köçürülüb.
Erməni işğalından azad edilmiş ərazilərə qayıdanların ümumi sayı:
Laçın - 2090 nəfər (570 ailə)
Zabux (Laçın rayonu) - 823 nəfər (217 ailə)
Sus (Laçın rayonu) - 215 nəfər (59 ailə)
Füzuli - 3136 nəfər (823 ailə)
Ağalı (Zəngilan rayonu) - 871 nəfər (175 ailə)
Talış (Ağdərə rayonu) - 90 nəfər (20 ailə)
Şuşa - 1388 nəfər (369 ailə)
Xocalı (Xocalı rayonu) - 179 nəfər (46 ailə)
Ballıca (Xocalı rayonu) - 152 nəfər (27 ailə)
Cəbrayıl - 1169 nəfər (287 ailə)
Cəmi: 10 113 nəfər.

Türkiyənin Quru Qoşunları komandanı Bakıda rəsmi səfərdədir
Dekabrın 23-də Azərbaycan Respublikasının müdafiə naziri general-polkovnik Zakir Həsənov ölkəmizdə rəsmi səfərdə olan Türkiyə Respublikasının Quru Qoşunları komandanı ordu generalı Selçuk Bayraktaroğlunun rəhbərlik etdiyi nümayəndə heyətini qəbul edib.
Görüşdə hərbi, hərbi təhsil sahələrində əməkdaşlığın inkişaf perspektivləri, eləcə də maraq doğuran bir sıra digər məsələlər ətrafında geniş fikir mübadiləsi aparılıb.
Sonra müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev qardaş ölkənin nümayəndə heyəti ilə görüşüb. Birgə hərbi əməkdaşlığın cari vəziyyəti və digər məsələlər müzakirə edilib.
Daha sonra Azərbaycan Respublikasının müdafiə nazirinin müşaviri general-polkovnik Bəxtiyar Ersay ilə görüş keçirilib. Görüşdə Azərbaycan Ordusunun Türkiyə Respublikası Silahlı Qüvvələri modelinə uyğunlaşdırılması ilə bağlı həyata keçirilən tədbirlər barədə ətraflı fikir mübadiləsi aparılıb.

Şuşa şəhərinə növbəti köç karvanı yola salınıb
Bu mərhələdə Şuşaya 208 nəfər köçürülüb.
Erməni işğalından azad edilmiş ərazilərə qayıdanların ümumi sayı:

Laçın - 2090 nəfər (570 ailə)
Zabux (Laçın rayonu) - 823 nəfər (217 ailə)
Sus (Laçın rayonu) - 215 nəfər (59 ailə)
Füzuli - 3136 nəfər (823 ailə)
Ağalı (Zəngilan rayonu) - 871 nəfər (175 ailə)
Talış (Ağdərə rayonu) - 90 nəfər (20 ailə)
Şuşa - 1388 nəfər (369 ailə)
Xocalı (Xocalı rayonu) - 179 nəfər (46 ailə)
Ballıca (Xocalı rayonu) - 152 nəfər (27 ailə)
Cəbrayıl - 916 nəfər (238 ailə)
Ümumi: 9860 nəfər.

Bakı-Şamaxı yolu buz bağlayıb
Bakı-Şamaxı avtomobil yolu buz bağlayıb, nəqliyyat vasitələrinin hərəkətində çətinlik yaranıb. Bu barədə DİN-in Mətbuat Xidmətinin Şəki regional qrupundan bildirilib. Məlumata görə, yolda nəqliyyat vasitələrinin hərəkətində yaranmış çətinliklə bağlı əraziyə Yol Patrul Xidmətinin və digər aidiyyəti qurumun əməkdaşları cəlb olunub. Operativ müdaxilələrlə avtomobillərin hərəkəti bərpa olunub: “Meteoroloji şəraiti nəzərə alaraq bir daha sürücülərə tövsiyə olunur ki, yola çıxmazdan əvvəl nəqliyyat vasitələrinin sazlığına diqqət yetirsinlər, sürət həddini hava şəraitinə uyğun seçsinlər”.

Azərbaycan Prezidenti İlham Əliyev Gürcüstanın yeni seçilən Prezidenti Mixeil Kavelaşviliyə təbrik məktubu göndərib.

Məktubda deyilir:

"Hörmətli cənab Kavelaşvili.

Gürcüstanın Prezidenti vəzifəsinə seçilməyiniz münasibətilə Sizi ürəkdən təbrik edirəm.

Azərbaycan-Gürcüstan əlaqələri tarixən dostluq və mehriban qonşuluq şəraitində yaşamış, bir-birinə daim dəstək olmuş xalqlarımızın iradəsindən qaynaqlanır. Belə möhkəm təməllər üzərində qurulmuş, qarşılıqlı hörmət və etimada əsaslanan ikitərəfli münasibətlərimizin bu gün hərtərəfli və müvəffəqiyyətlə inkişaf etməsi bizi sevindirir.

İnanıram ki, ölkələrimizin və xalqlarımızın rifahı, regionumuzun sabitliyi və təhlükəsizliyinin təmin olunması, iqtisadi potensialının reallaşdırılması naminə dövlətlərarası əlaqələrimizin və strateji tərəfdaşlığımızın daha da möhkəmləndirilməsi və genişləndirilməsi istiqamətində birgə səylər göstərəcəyik.

Bəşər Əsədin Moskvada ilk FOTOsu
Suriyanın devrilmiş lideri Bəşər Əsəd və həyat yoldaşının Moskva hava limanında ilk fotoları ortaya çıxıb.

Bəşər Əsədin Moskvada ilk FOTOsu
Suriyanın devrilmiş lideri Bəşər Əsəd və həyat yoldaşının Moskva hava limanında ilk fotoları ortaya çıxıb. P.S. Sosial şəbəkələrin yazdığına görə, bu şəkil çoxdan, özü də Suriyada çəkilib.

Məlumata görə, sözügedən fotoşəkil Əsədin 2013-cü ildə Suriyada baş verən zəlzələdən sonra xəstəxanaya getdiyi köhnə videonun skrinşotudur.

Əsəd sağdır və ailə üzvləri ilə Moskvaya gəlib
TASS-a Kremldəki mənbə bildirib ki, Bəşər Əsəd və onun ailə üzvləri Moskvaya gəlib, Rusiya Federasiyası onlara sığınacaq verib. “Əsəd və onun ailə üzvləri humanitar mülahizələrə əsaslanaraq Rusiyaya gəlib, onlara sığınacaq verib”, - agentliyin həmsöhbəti bildirib. Bu arada Suriyanın Moskvadakı səfirliyinin binasından SAR bayrağı götürülüb.

https://anspress.com/isa-peygember-ve-cingiz-mustafayevi-yashda-oten-ans

İSA PEYĞƏMBƏR VƏ ÇİNGİZ MUSTAFAYEVİ YAŞDA ÖTƏN ANS
MÜASİR AZƏRBAYCANLA HƏMYAŞLILIQ ANS-ÇİLƏRİ UNİKAL EDİR!
Dünən Şəkinin M.F. Axundov prospekti, 80 ünvanında yerləşən VMF KAFE-də təsadüfən istedadlı bir jurnalistlə rastlaşdım. Sözün düzü, ANS TV və ANS PRESS-in yubileyləri ilə üst-üstə düşməyinə baxmayaraq, Şəkiyə çox vacib, lakin haqsız olaraq kölgədə qalmış bir ictimai xadim, ulu sənətkar və Şəkinin əsl mənasında memarını təltif etmək üçün gəlmişdim və çox gərgin şəraitdə mərasimin hazırlanması ilə məşğul idim. Bacım Xatirə ilə qonaqların siyahısını tərtib edərək bar arxasında parlaq “metallik şeyker”də peşəkarcasına nəyisə qarışdıran, aydın alban simalı barista xanıma yalnız bu kafedə hazırlanan Şəki fındığının tamı ilə “kofe-late” sifariş etdim. Bu zaman kassa qarşısında dayanan bir gənc mənə tərəf çevrildi və məni tanıyaraq masamıza yaxınlaşdı. Özü ilə möhtəşəm kofe qoxusunu gətirən gənc bir əlində kompüteri bərk-bərk sıxaraq, digər əlindəki kofedən qurtum alandan sonra mənə müraciət etdi:
- Siz Vahid Mustafa yevsiniz..?
Onun artıq kofe sahibi olduğuna paxıllıq hissi və ya işin başdan aşan zaman diqqəti yayındırmaq üçün, ona soyuq baxışımla müsbət cavab verdim və yenə də qarşımdakı siyahılara tərəf çevrildim. Gənc utanmadan masamız arxasında qalan yeganə boş kürsünü çəkib əyləşərək mənim diqqətimi cəlb etdi.
- Bu gün ANS-in ad günüdür. Sizi ürəkdən təbrik edirəm.
İri, adam yeyən gözləri ilə bu gənc elə bil məni də əlindəki hələ də sirli ətir saçan qəhvədən aldığı növbəti qurtum kimi udmaq istəyirdi.
- Mən ANS fəaliyyətdə olan zaman hələ balaca uşaq idim, amma çox yaxşı xatırlayıram ki, atam “Xəbərçi” proqramı başlayanda evdə hamıya sakit olmağı əmr edirdi və hamımızı ANS-in xəbərlərinə baxmağa çağırırdı. “Xəbərçi”yə baxanda atam həmişə deyərdi: “Dərindən nəfəs alın, bu veriliş əsl müstəqillik havasıdır!”.
Mən siyahılara “batan” başımı çıxarıb gəncə tərəf döndüm. Sözün düzü, onun həyasızlıqla bir sərhəddə yerləşən əzmkarlığı məni heyran edə bilməzdi. Və mən…
“Bəs ANS-in dövranı birdəfəlik sona çatdı?" sualını eşitdikdə bir az mat, bir az da şah vəziyyətinə düşdüm. Gənc, məndən fərqli olaraq sahibi olduğu kofedən bir qurtum da alaraq dərin, qarşısında uzun yolu görən bəbəyi ilə düz mənim gözlərimə baxmağa davam edirdi. İxtiyarsız cavab heyrətimi qabaqlayıb dilimi qaranlıq və sakit məkanı tərk etmək məcburiyyəti qarşısında qoydu:
- Təəssüf və eyni zamanda sevinc hissi ilə demək istəyirəm ki, bəli, həmin dövran sona çatdı! ANS-in və onun təkbaşına Azərbaycan uğrunda bütün dünya ilə əliyalın vuruşma dövranı sona çatdı.
Çırpılmış südün köpüklərini bığından silərək, baxışlarındakı marağı təəccüb və kədərlə əvəzləyən həmsöhbətim artıq bir az səngimiş ifa ilə davam edirdi...
- Bilirsiniz, atamın o ifadəsindən sonra mən də jurnalist oldum... Bilmək istəyirəm - deməli, ANS artıq heç vaxt olmayacaq?
Fürsətdən istifadə edərək şəkili barista xanımın pianoçu, eyni zamanda səviyyəli manikürə sahib əli ilə mənə uzatdığı, yulaf südündən hazırladığı fındıq tamlı lateni aldım. Həsrətində olduğum qəhvədən bir qurtum içdim, bir az sakitləşdim, bir az yaxşılaşdım və həmkarıma səbrlə cavab qaytardım:
- Yox, ANS olub, var və olacaq. Bu gün də ANS PRESS informasiya agentliyi və ANS ÇM radiosu fəaliyyət göstərir, "Bakifilm" kinostudiyası "Birlikdə" bədii filminin premyerasını edib və "Balans Studiyası" "Şərikli çörək" filminin bərpasını sona çatdırıb. Söhbət, cavan oğlan, dövrandan gedir - o dəliqanlı və başdanxarab dövrandan. O illər Azərbaycan Respublikasının illik büdcəsi cəmi 300-500 milyon dollarla hesablanırdı. Ölkə tam informasiya blokadasında idi və xaricə Azərbaycanın səsini yalnız ANS çatdırırdı. O illər biz Yaponiyanın NHK, Avropanın ORT, RTR, ZDF, ARD, TF-1, RAI-1, BBC, ABŞ-ın ABC News, CNN və NBC kimi media şirkətləri ilə əməkdaşlıq edirdik. Hər ay əməkdaşlıq etdiyimiz beynəlxalq media qurumlarının da sayı artırdı, Müstəqil Azərbaycanı tanımağa başlayan ölkələrin və xalqların da sayı. Azərbaycandan məlumatları öz xəbər lentlərinə qoymaq xatirinə mən Əfqanıstan, Çeçenistan, Bosniya və digər qaynar nöqtələrdən

videoreportajlar hazırlayırdım. O zaman Azərbaycanın özü də "dəli yığıncağı"na bənzəyirdi. Hər il dəyişən hakimiyyət, cibində 10 min dollar olan hər bir şəxsin ordusu, ərzaq qıtlığı, reket və daim torpaqların itkisi ilə müşahidə olunan ölkəmizin müxtəlif ərazilərində yiyəsini tanımayan saysız-hesabsız “it sürüsü”... Kimin əli kimin cibindədir sualına hətta cib sahibləri də cavab verə bilmirdi... Lakin ANS işləyirdi! ANS ideologiya yaradırdı! Mən dəqiq bilirdim ki, ANS-in mədəni-maarif verilişləri ilə Azərbaycanın etnik azlıqlarını birləşdirmək lazımdır. Buna görə yəhudi Albert Aqarunov, rus Yura Çyornı, kürd Ruslan Həsənov kimi ardı-arası kəsilməyən qəhrəmanlar yaradaraq, Azərbaycanı multikultural ölkə kimi təqdim edirdim dünyaya. Ölkədə fəaliyyət göstərən xarici kanalların bağlanması uğrunda vuruşurduq və onları açıq yayımdan çıxarmağa müvəffəq olurduq. ANS düşmən mövqedə olan ölkələrin TV kanalları ilə savaşır, onların ağızlarını yumurdu, əhalimizin onların təsirinə düşməyinə imkan vermirdi. ANS yeni nəsil Azərbaycan jurnalistləri hazırlayırdı. ANS "Döyüş Alnınıza Yazılıb 2/216" ideologiyası ilə gələcək nəsli Qarabağ uğrunda döyüşə hazırlaşdırırdı. ANS işləyirdi, işləyirdi, işləyirdi!
Bu gün artıq o dövran yoxdur, bu gün Dövlət var, qanun var, qayda var, Ordu var! Bu gün vətəndaş özünü kifayət qədər mühafizə olunmuş hiss edir. Bu gün biz torpaqları itirmirik, geri alırıq. Bu gün ölkə büdcəmiz 20 milyard ABŞ dollarını ötüb və hər gün Azərbaycana yalnız təbii sərvətlərin satışından 30 milyon ABŞ dollarından çox pul gəlir. Şükür Allaha!
Odur ki, o dövran qurtardı və ANS o dövran üçün öz missiyasını tamamilə yerinə yetirdi! Yeni ANS TV-sizlik dövranı başladı, amma problemlər qurtarmadı. Problemlər həmişə olub, olur və olacaq. Uşaqpulu, pensiyaların azlığı, ümumiyyətlə Azərbaycanlı, bir insan həyatı faktoru… Bəs Azərbaycanda mövcud TV-lər nə ilə məşğuldur? Niyə Azərbaycan Xalqı bu qədər “TV qutuları” ilə əhatə olmasına baxmayaraq yenə ANS-in rənglərinin həsrətindədir? Bəlkə yeni TV-lərin flomasterləri fərqlidir, yağlı olsa da solğundur?
Deyirik “Hər Azərbaycan ailəsi bir Şəhid verib” – düzdür – ANS-i də həmin ailələr itirib. ANS Azərbaycanın bu günə qədər verdiyi 30 minə yaxın Şəhidin sırasındadır. Şəhid vermək isə çox ağırdır və bu yara heç bir vaxt sağalmayacaq.

Gənc şəkili jurnalistlə vidalaşandan sonra da həmsöhbətimin məni sonadək anlamadığı o iri gözlərini xatırlayırdım. Mən onu anlayıram - o zamanı və ANS-in hansı şəraitdə Vətənini qorumağını və bütün dünyaya dünyəvi, sivil və multikultural ölkə kimi göstərdiyi dövrünü görməyən anlamaz. Bu mənim, Seyfullanın və bizim əməkdaşlarımızın yolu idi və biz onu açıq alınla keçdik və bu günümüzə Şərəflə qədəm basdıq.
Odur ki, əziz ANS-çilər, hamınızı təbrik edir və bağrıma basıram. Fəxr edirəm ki, Sizinlə bir səngərdə çiyin-çiyinə döyüşmüşük! Sizinlə Azərbaycanın tarixini, videoxülasəsini yaratmışıq! Hər birinizin qarşısında baş əyirəm! Allah Sizi qorusun! Mən fəxr edirəm ki, mənim rəhbərliyim altında oddan-alovdan keçməyimizə baxmayaraq, mən bir dənə də olsun əməkdaşımı itirmədim! Hamısı sağ-salamat ailələrindədir!
Bu ağır, amma gözəl döyüş idi! Çətin, amma kişi dövrü idi! Və biz, ANS-çilər bu döyüşdən, bu dövrandan İtkisiz və Qələbə ilə çıxdıq!!!! O ki qaldı cavan yaşlarda ölümə, bu Allahın seçimidir və bəndə bu işlərdə sadəcə bir alətdir. İsa Peyğəmbər, Çingiz Mustafayev, cəmi 23 ay yaşayan Azərbaycan Demokratik Respublikasının aqibətini unutmayın və Şükür edin Azərbaycanımızı qoruyan Allaha!

Dövlət sirri təşkil edən məlumatları yaymaqda təqsirləndirilən hərbi-ekspert Ədalət Verdiyev həbs edilib. Məlumatı Baş Prokurorluq yayıb.

Ermənilərin muzdlu jurnalisti Türkiyəyə buraxılmadı
Kanadalı jurnalist Neil Hauer sosial şəbəkələrdə şikayət edib ki, bu yaxınlarda İrəvandan İstanbula uçub, lakin onun “qara siyahı”da olduğu və İrəvana geri deportasiya edilməsi barədə məlumat verilib. “Jurnalist” qadağadan apellyasiya şikayəti verəcəyini və “heç bir cinayət törətmədiyini” bildirib. Bununla belə, o, qadağanın “Azərbaycanı tənqid etməsi və Qarabağ hadisələri ilə bağlı nəşrləri” ilə bağlı ola biləcəyini və burada erməni tərəfini fəal şəkildə dəstəklədiyini deyib.

Azərbaycan SEPAH-la birgə təlim keçirir FOTO
İran İslam Respublikasının Ərdəbil vilayətinin Aslandüz yaşayış məntəqəsi yaxınlığında Azərbaycan Ordusu Quru Qoşunlarının və İran İslam İnqilabı Keşikçiləri Kopusunun (SEPAH) Quru Qoşunlarının xüsusi təyinatlıları ilə ”Araz - 2024” birgə taktiki təlimi keçirilir. Təlimdən əvvəl hər iki ölkənin nümayəndə heyətlərinin yüksək səviyyəli üzvlərinin iştirak etdiyi komanda-qərargah iclasında təlimin mərhələləri və epizodlarının icra olunması üzrə ardıcıllıq müəyyənləşdirilib, təhlükəsizlik qaydaları çatdırılıb. Daha sonra ”Araz - 2024” birgə taktiki təliminin açılış mərasimi keçirilib. Mərasim başa çatdıqdan sonra hərbi qulluqçular təlimin keçiriləcəyi ərazi ilə tanış olublar.

Ermənistanın futbol klubunun London rüsvayçılığı
London “Çelsi”si Konfrans Liqasının qrup mərhələsinin 3-cü turunun matçında Ermənistan “Noah” klubunu darmadağın edib.

Londonun "Stemford Bric" stadionunda keçirilən görüş 8:0 hesabı ilə ev sahiblərinin xeyrinə başa çatıb.

Rüsvayçı məğlubiyyətdən sonra erməni komandası sosial şəbəkələrdə nikbin görünməyə çalışıb: "Londonda kədərli məğlubiyyət. Gəlin dərs götürək və irəli gedək. Bizə inandıqları və bizi dəstəklədikləri üçün azarkeşlərimizə təşəkkür edirik".

Ermənistanın sosial şəbəkə istifadəçiləri bu paylaşımın altında kifayət qədər tikanlı və məsxərəli şərhlər yazıblar. 😳🙈Görəsən ermənilər özləri ilə Londona qapıçı aparmamışdılar?

Bu gün - Zəfər Günü - Bakıda Zəfər Parkının açılışı olub. Zəfər Parkının dronla çəkilmiş VİDEOÇARXı

Bu gün Zəfər Günüdür 44 gün ərzində Azərbaycan Ordusu tərəfindən 300-dən çox kənd, qəsəbə və şəhər, o cümlədən Şuşa işğaldan azad edilib. İkinci Qarabağ müharibəsində Azərbaycanın 3 minə yaxın hərbi qulluqçusu, təqribən 93 mülki şəxs şəhid olub, minlərlə əsgər, zabit və dinc sakin yaralanıb.

Qələbənin üç ilinin tamamında – 2023-cü il sentyabrın 19-dan 20-nə keçən gecə Qarabağdakı separatçı və qeyri-qanuni erməni hərbi birləşmələrinə qarşı lokal xarakterli antiterror tədbirləri həyata keçirilib. Bu əməliyyat təxminən 23 saat davam edib və Azərbaycanın bütün əraziləri üzərində dövlət suverenliyinin tam bərpa olunması ilə nəticələnib. Zəfər Günün mübarək, Azərbaycan!

#AnımGünü

27.09.2020 11:40

-Bu gün səhər Ermənistan silahlı qüvvələri...

🇦🇿🕯️🙏 #AnımGünü
Allah bütün Şəhidlərimizə rəhmət eləsin!

Dövlət Suverenliyi Günümüz mübarək🇦🇿

33 ildən sonra Şuşada ilk toy.

Allah xoşbəxt eləsin. Qoşa qarısınlar.😃🎉🎉🎉

Qarabağda 1990-cı ildən başlayaraq öncə erməni icması, sonra da erməni silahlı qüvvələri mövcud perspektivləri təhrif etməyə başladı. Bu vəziyyət ermənilərin özlərinin perspektivlərini təhrif edərək 30 il cərəyan etdi...

Və nəhayət, 2020-ci ildə inkişafda olan erməni təhriflərinin perspektivi ciddi sual altına düşdü. 44 günlük müharibə və sonra 23 saatlıq savaş nəticəsində getdikcə təhrifə uğrayan "Artsax" perspektivləri Azərbaycan Ordusu tərəfindən ciddi korreksiyaya uğrayaraq sükuta məruz qaldı.
Lakin ermənilərin xəyali perspektivləri hələ də mövcuddur və Azərbaycan onları təhrif etməsə, tarix regionumuzdakı sabitliyə korreksiya edə bilər.

Mən, qardaşım Seyfulla, əzizim Böyük Seva və oğlum Çingiz Qarabağa son səfərimiz zamanı Xankəndidə mövcud Perspektiv Təhriflərə Korreksiya verməyə çalışdıq. Pis alınmadı məncə...

Siz də belə edə bilərsiniz!

QARABAĞDAN QAYIDAN ÇİNGİZ MUSTAFAYEV HEKAYƏSİ

Bu gün qardaşım Çingizin Ad günüdür. Düz 32 il bundan əvvəl 32 yaşında Çingiz Şəhid olub.
Bizim nəsilə Çingiz adı düşmür. Əmim Çingiz Mustafayev 1942-c i ildə Müstəqil Azərbaycan dərnəyinin yaradıcılarından biri olaraq repressiya olundu, qardaşım Çingiz Vətən uğrunda gedən döyüşlərdə həlak oldu... Lakin talehlə mübarizəmiz davam edir. Mənim oğlumun adını da yekdilliklə Çingiz qoymağa qərar verdik.
32 il bundan öncə Çingiz həyatını, dünyada ən şirin və vacib olan balası Fuadı qoyub getdi, bizi qoyub getdi... Lakin Çingiz bir məktəb yaratdı - Şəhidlik məktəbi. Və bu gün bu məktəbdə bütün Azərbaycanlı balalar oxuyur o cümlədən mənim də oğlum Çingiz. Bu dəfə Qarabağa Çingizi də özümlə apardım - imtahan verməyə. Siz baxın - Qarabağdan qayıdan Çingiz Mustafayev imtahanı verə bildi ya yox?

Bu dəfə Naxçıvanikdən Çingizlə qayıtdım...
Naxçıvanikdən VİDEOREPORTAJ


Bu dəfə Azərbaycan Respublikasının Prezidenti, Ali Baş Komandan İlham Əliyevə müraciət etdik. Çox sağ olsun, həmən müsbət cavabla bizi sevindirdi və... Və mən, qardaşım Seyfulla, Sevda Həsənova (Böyük Seva) və oğlum Çingiz Mustafayev Qarabağa yollandıq - qardaşım Çingizin ad günü ərəfəsində onun Şəhid olduğu ərasini ziyarət etmək üçün.
Mənim üçün çox çətin idi bu səyahət. Yolüstü keçdiyimiz Ağdamda son günlərə qədər döyüşən ağdamlıların yanında idim və hər küçə və ya ondan qalan yollarda bir-bir itirdiyim dostlarımın ağrı-iniltisini yenidən eşitdim. Əsgərandan keçib Naxçıvanikə qalxanda bu ağrı-inilti daha da möhkəmləndi...

Pulemyot atəşi ilə qarnı yırtılmış və bütün bağırsaqları üzə çıxmış gənc əsgəri gördüm. Məndən soruşurdu ki, nə olub, necədir, böyükdür yaram? Görürdüm ki, az qalıb, odur ki, təsəlli verirdim ki, narahat olma, ciddi bir şey yoxdur. Elə başını qaldırıb baxmaq istəyəndə qoymurdum, sığallayırdım başını ki qaldırmasın. Portağal rəngli dərman qutumda iki flakon “Piramidol” var idi. Birini vurdum baldırına. Bilmirdim nə edirdim... Atışma davam edirdi, hətta nəfəsimizdə də qurğuşun var idi. Deyirdim, döz bir az da, “sançast” maşını indi gələcək. Gör sənin toyunda biz necə rəqs edəcəyik. Ağzıma gələni deyirdim ki, ona danışmağa, məndən nəsə soruşmağa imkan verməyim... Amma artıq son iki dəqiqəni meyitlə danışırdım. Kimin oğlu idi bu, kimin qardaşı idi? Yəqin ki, həmin bu sualı yaralı Çingizi döyüş meydanından çıxartmaq istəyən mənim kimi zavallılar da soruşurdu...
Ah-nalə Bakıya qayıdana kimi məni buraxmadı...
Niyə getdim ora? Son vaxtlar onunla bu döyüşdə olmayan, ümumiyyətlə Naxçıvanikdə olmayan, yazı yazıb video çəkənlər qardaşım Çingizin həlak olduğu yer barədə düzgün olmayan məlumatlar veriblər millətə. Bunu belə qoymaq olmazdı. Külli miqdarda yerli və xarici Çingizsevərlər onu ziyarət etmək istəyəcək və buna görə də Çingizin Şəhid olduğu yeri dəqiq bilməlidirlər! Bu idi amalım. Yerinə yetirdim!
Allah btün Şəhidlərimizə rəhmət eləsin, elə Çingizə də, o toyunda oynaya bilmədiyim adsız qardaşıma da.  
Lakin 1992-ci ildən fərqli olaraq bu dəfə Naxçıvanikə mənimlə gedən Çingiz Mustafayevlə geri qayıtdım. Şükür Allaha! 9 yaşı var və in şa Allah, həyatında müharibə görməz!

Kəlbəcərdə mövqelərimiz atəşə tutulub
Avqustun 18-i saat 23:50 radələrində Ermənistan silahlı qüvvələrinin bölmələri Basarkeçər rayonunun Zərkənd yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Dəmirçidam yaşayış məntəqəsi istiqamətində yerləşən mövqelərini atıcı silahlardan atəşə tutub. Bu barədə Müdafiə Nazirliyinin mətbuat xidmətindən məlumat verilib. Bölmələrimiz tərəfindən qeyd olunan istiqamətdə adekvat cavab tədbirləri görülüb.

Naxçıvan istiqamətində mövqelərimiz atəşə tutulub
Avqustun 18-i saat 19:30 radələrində Ermənistan silahlı qüvvələrinin bölmələri Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi istiqamətində yerləşən mövqelərini atıcı silahlardan atəşə tutub. Bölmələrimiz tərəfindən qeyd olunan istiqamətdə adekvat cavab tədbirləri görülüb.

Bu arada Putin artıq Bakıya yola düşüb…

🌐@GSSR44

Putin Bakıya nə vaxt gəlir və proqramında nələr var?

Putin Azərbaycana Bakı vaxtı ilə saat 19:08-də gələcək.

Proqrama Heydər Əliyevin məzarı önünə əklil qoyulması, Zuğulba iqamətgahına gəlişi, birgə fotoçəkiliş, Azərbaycan Prezidenti İlham Əliyevlə dar və geniş tərkibdə danışıqlar, sənədlərin imzalanması planlaşdirilir.

Səfərə Ağ Şəhər ərazisində avtomobillə gəzinti, ”Jon-mirononosits” (Mirradaşıyan qadınlar) kafedral kilsənin ziyarəti daxildir.

Sonra ”Gülüstan” sarayında Putinin şərəfinə İlham Əliyevin adından dövlət qəbulu keçiriləcək.

Azərbaycan Paris Olimpiadasını 7 medalla başa vurdu
Paris-2024 Yay Olimpiya Oyunlarında Azərbaycan təmsilçiləri çıxışlarını başa vurub.Ümumilikdə 48 idmançımızdan 7-si aktivinə medal yazdırmağı bacarıb.Azərbaycan hazırda medal sıralamasında 28-cidir.Medal qazanmış idmançılarımızın siyahısını təqdim edirik:Cüdo:Hidayət Heydərov (73 kq) - qızılZelim Kotsoyev (100 kq) - qızılBoks:Alfonso Dominges (92 kq) - gümüşTaekvondo:Qaşım Maqomedov (58 kq) - gümüşYunan-Roma güləşi:Həsrət Cəfərov (67 kq) - bürüncSərbəst güləş:Giorgi Meşvildişvili (125 kq) - bürüncMaqomedxan Maqomedov (97 kq) - bürünc

Final görüşündə qalib gələn cüdoçumuz Zelim Kotsoyev (100 kq) Olimpiya çempionu olub.🥇

🇦🇿Azərbaycan Olimpiadanın medal sıralamasında 15-ci yerə yüksəlib.

Həmin o an...

"Paris-2024"d' Azərbaycanın ilk qızıl medalı🥇

Azərbaycan cüdoçusu Hidayət Heydərov Fransanın paytaxtı Parisdə keçirilən Yay Olimpiya Oyunlarının qalibi olub.

73 kq çəki dərəcəsində yer alan idmançı finalda fransalı Con Benjamin Qabanı üstələməklə olimpiadanın qızıl medalını qazanıb.