آنا لای لاسی

عشق ساراییمی ائتدین ائله ویران هارا گئتدین

پاریم پارچالدین ووردون اوره گیمه یارا گئتدین

محبتین سونی نه دن غمدن یازیلمیش

گئجه لر یوخ قراریم گوندوزومه چکدین قارا گئتدین

گوزله ریم آخیر هرگون آرپا چایی تک

قالدیم الی قوینوندا سنده اولدون سارا گئتدین

طالع پوزدی سنی حیاتیم دن یوخ خبریم 

سویله گولوم سویله خان چوبان سیزهارا گئتدین

یازدا گلدی خزان سارلدی سولوخدو گولوم 

بلبل شیدانی بی وفا سالدین درده خارا گئتدین

حسرتین دوندوردو گوزدن آخان یاشیمی

استیردین هجران کوله گین سالدین بوراناقاراگئتدین

دردکدرله قوجاقلاشیب هرگون آغلاشیریق

انتظار خالچاسین من اؤچون چکدین دارا گئتدین

اؤیونجاق ساندین صداقتلی عشقیمی سن

آلیشدیم یاندیم سالدین آتشه ناراگئتدین
@anadeli69

ائل آغلادی من آغلاديم

خـــزان گــه لنده باغيــــما
 گول آغلادی من آغـلاديم
شيها چــــكدی شيدا بـــولبول
 ائل آغــالادی من آغــلاديم

ياغدی ياغيش دونـــدی سئله
 هـــــاوار دوشدی ائــلدن ائله
سارام بـــــوغـــولانـــدا بـئله
 سئل آغــــلادی من آغــلاديم

وفــــا يوخويمـــــوش عوموره
باتـــدی دنيز بيـــــــردن بيره
اوچدی صونام قـــالدی جوره
 گؤل آغــــلادی من آغــلاديم

باخ گـؤر نئجه اولدی ظولوم
پارچـــالانديق بولوم بولوم
ياساقـــلاندی يازيق ديليم
 ديل آغــــلادی من آغــلاديم

چــؤره گيميز باتدی كـــؤ له
 سينه يارديم چئخديم چـــؤله
 باغــير ديم درديـــمی يئــــله
يئل آغــــلادی من آغــــلاديم

عــاريف لر ئــؤيمه دی اؤزون
 وئردی باشين توتدی سؤزون
ظاليم اؤيـدی مظلوم گـؤزون
ميل آغــلادی من آغــــلاديم

بير قـــئريخ ساز آلــديم اله
دينـــگيلــد تديم ائلدن ائله
سنده دينله ايــرضا له له
 تـئـل آغـــلادی من آغـــلاديم

دولتخواه
@anadeli69

چتین آزاد یاشایا



سالینیب دارقفسه نغمه لی بولبوللریمیز
سارالیب سولدو خازانیلا قیزیل گوللریمیز


قیشا دؤندو یازیمیز دولمادی بارا باغیمیز
قورودو شاختا سازاقلا ساری سونبوللریمیز


فلگین ظولمواییب قددیمیزی ائتدی کامان
گنج واختیندا قارا دؤندو قارا تئللریمیز


یئدی بیگانه بیزیم ائل اوبانین وار یوخونو
ییخیلیب قم یوکو آلتیندا سینیب بئللریمیز


اولموشوق ایندی دیلنچی چاپیلان حاققمیزا
باغلانیب حاققیمیز اوستونده دوداق دیللریمیز


عادت اولموش اولو بابک ائلینه لال یاشاماق
گونو گوندن چوخالیر ائل آرا نیسگیللریمیز


اولماسا بیرلیگیمیز اؤلمه لییوک آیریلماز
چتین آزاد یاشایا بیرده اسیر ائللریمیز

آیریلماز

@anadeli69

آنالار ائللرین دان اولدوزیـــــــــــــدی
آنالارائللرین سلطان قیزیــــــــــــدی

آنالار الله هیـــــــــن هدیه سی دی

الله هین لطفی دی عطیه سی دی

آنالار ائللـــــــــــــره لای لای چالارلار

الله دان ائللـــــــــــــــــره الهام آلارلار

آنالار انسانه شـــــــــــــــــرف یارادار

انسانه دوز گون بیــــــر هدف یارادار

آنالار چراخـــــــــــــدی بشـــــریه ته

گوزل بیــــر معنادی انسانیتــــــــــه

بهشتیـــــن کلیــــــــــدی آنالاردادی

آنالار هارداســــــــا بهشت اوردادی

آنالار آنالار آنالار اولمــــــــــــــــــــــز

آنالار عشقینه هیچ زاوال گلمــــــــز

آنالار اولنـــــده آرزیلار اولــــــــــــــــر

آنالار اولنـــــده دیلک لر اولـــــــــــــر

آنالار اولنده گوللــــرده ســــــــــولار

سونبوللر گولشنـــــده پریشان اولار

گوروم کی آنالار یاشاسین ایللــــــر

نه آیلار نه گونلر بلکه یوز ایللـــــــــر

بیزده خوش یاشییاق آنا عشقینـــه

محبت عشقینه آناعشقینــــــــــــــه

@anadeli69

دوستوم

بیزه گلنده بیرآز دیل داماغ گتیر دوستوم
دِییب گولوب قاتیشیب قایناماغ گتیر دوستوم

یامان غریب سه میشم بیر تانیش تاپا بیلسون
گوزومده وار یری یالوار قوناغ گتیر دوستوم

بیری اوزون تاپابیلمیر بیری اوزون ایتیریب
آماندی گوزگوزی گورمور چیراغ گتیر دوستوم

اوره ک یانیب کوله دونسه او کول منیم باشیما
او سئوگی دیر سالاجاغ اود اوجاغ گتیر دوستوم

دنیزدنیز چوله توکمه داغیتما قار یاغیشی
بیزیمده کندیمیزه بیر بولاغ گتیر دوستوم

اوزومدن اَل اوزه بیلسه م یاری گزیب تاپارام
اَلونده بیر نئچه باشماق ایاغ گتیر دوستوم

نفس ده گلسه اومودسیز حیات اولوم کیمی دیر
اومود گتیرمه سون اوچ اَرشین آغ گتیر دوستوم

یِلی گتیرمه یخیلسامدا آرخاسیز لیقدان
دایاغ سیز اولسادا داغ داغدی داغ گتیر دوستوم

نه یاغ دامار نه ده مینّت یاوان چورکلردن
نه یاغ گتیرنه ده کی قاش قاباغ گتیر دوستوم

بو کار شه هر ائله داغدی داشدی فریادیما
بالیخ لارین شه هریندن قولاغ گتیر دوستوم
@anadeli69

پالاز اولام یوخسول ائوه سالینام
قیصاص اولام ظالیم لردن آلینام
بیر ساز اولام مجلیس لرده چالینام
اوندا شیرین اولار بو حیات منه
‌
باهار اولام قیش قهرینی چکنه
قووه ت اولام خلقه روزی اکنه
مسلک اولام سینیخ کؤنول تیکنه
اوندا شیرین اولار بو حیات منه
‌
بیر اود اولام جهالتی یاندیرام
قانمییانی دوشوندورم قاندیرام
یول هانس دیر ارکان نه دیر آندیرام
اوندا شیرین اولار بو حیات منه
‌
جاهاز اولام یئتیم قیزا گلینه
عصا اولام قوجالارین الینه
داراخ اولام آنا لارین تئلینه
اوندا شیرین اولار بو حیات منه

@anadeli69

آنا غمینده

هارای کونلوم بولاندی
قلبیم آلیشدی یاندی
آنام گئتدی الیمدن
خوش گونلریم تالاندی

قددی کامان گونومدی
دوستان اومان گونومدی
گلون گلون ائللریم
منیم یامان گونوم دی

آنام آی اولدی باتدی
بیزی اونودی آتدی
یئتیشدی ایلقارینا
گول تک منی ساراتدی

آنا مهری داغیمیش
سوزی قلبه یاغیمیش
نییه قدرین بیلمدیم
او گونلر کی ساغیمیش

گوزل آنام ناز آنام
مهرون اولدی آز آنام
اوزون سفر ائدیرسن
هردن نامه یاز آنام

دردیم غمیم چوخ اولدی
سوزی قلبه اوخ اولدی
آنامدان هیچ دویمادیم
بیردن بیره یوخ اولدی

هارای قارا گونومدی
قلبی یارا گونومدی
گلون گلون ائللریم
ائدون چارا گونومدی
@anadeli69

سئوگے سـاراسیـز اولماز

دردلَــر چـاراسیـز اولماز

خـان چـوبانلار اؤره گـی

دردسیـز یـاراسیـز اولماز
@anadeli69

عشقین سؤزونو گؤز دانیشار دیل دیه بیلمز

او گؤزکی دانیشماز اونا مستانه دمزلر

عاشیق کی گؤزون قویدو دیلینن دئدی عشقین

عشاق آراسیندا اونا مستانه دمزلر
@anadeli69

یازدیخ جا گوزل یاغدیم هر ڪلمہ اوچون یاندیم

حسرت دولے گوزلر یاش دونیانے یالان ساندیم

دونیا بویے یالواردیم من سن دن اوزاخ قالدیم

سن سن من اوچون دونیا من آیریلارین داندیم
@anadeli69

داشدان دا اگر اولسا اورک عشقی اونوتسا
بیر غملی هاوا چالسا او داش لار تارا
سیزلار

بیر قیش گئجه‌سی یارین اگر یادینا
دوشسه
دونسان دا گؤزون یولدا قالار یوللارا
سیزلار
@anadeli69

بیر کسیم یوخدی منیم ساغلغما نوش دیه

ساقی احسان اله یولدان کچنین سالغنا

دوسلاریم گوردی پریشان منی یکسر یاداولوب

عیبی یوخ بادنی توک دوسلاریمین ساغلغنا
@anadeli69

دولدور هی سن باده نی ساقی حالئم اولموش يامان

تانرى هئچ بير عاشيقين سئوداسئن الدن
الماسین

آيرى دوشموش بير يارئم وار ساقیا تک
قالمئشام

هئچ سئون دونياده بير گون سئوگيسيز تک قالماسئن
@anadeli69

دونموشم

سارالیب نرگیزیم سولوب بنوشم
داغینا قار یاغمیش یازا دونموشم
ده ییشیب طبعیمده طبیعتیمده
سیملری قیریلمیش سازا دونموشم

گوزله رم انصاف سیز هله ده گلمز
وئرربوعومرومو یئله ده گلمز
ال آ تسان وارلیغیم اله ده گلمز
دیللرده سویله نن سوزه دونموشم

بهمن م سارالدیب بیر ایستک منی
عومور یوللاریندا قویوب تک منی
ایله یاندیریب کی اوملک منی
یانیب اوزوم بویدا کوزه دونموشم


@anadeli69

دان اولار ظولمت گئجه سونلوق قویار هیجرانیما

هئی دئیه دؤزدوم یارین‌لار مرهم اولماز آنیما

اود دوشوب سانکی اززلدن باغری یانمیش جانیما

نئیله‌رم حسرت باخیم ایندی گل مندن دانیش

سس ساویم بولبول فغانی ایندی گل مندن دانیش
@anadeli69

عاشیقم عشقین کتابین گوز یاشیمدان یازمیشام

بیر وفاسیز دلبر و تک غمداشیمدان یازمیشام

آیریلیخ سیلابی گلدی منده اوزمک بیلمدیم

تارینی فریاد ایدوب ظالیم جهاندان یازمیشام

@anadeli69

سنسیز اورگیم شاخدیا دوشموش بارا بنزر


سنسیز کورگیم قهریله سینمیش تارا بنزر


ایللر بویو یولاردرا قالیب گوزلریم آغلار


آغ گونلری کورلار کیمی ایندی قارا بنزر

@anadeli69

من عاشیق دارا تئلی

آچ زولفون دارا تئلی

کمند إله بوینومدا

هوروکلو قارا تئلی
@anadeli69

بیر آرزوم وار چیچک آچا گول بیته
تر یاسمن دوستدان دوستا پای اولا
بولود اؤته دومان یاتا چن ایته
گونش اولا اولدوز اولا آی اولا

بیر آرزوم وار یاخشی تاپا یاخشینی
اینصافدیرمی یاخشی آتا یاخشینی
یاخشی گرک یاخشی توتا یاخشینی
ایکی کؤنول بیر بیرینه تای اولا


حسین عاریف بو تورپاقدان گوج آلار
ائل گؤزونده اوجالدیقجان اوجالار
بیرآرزوم وار یاللی گئده قوجالار
بیرآرزوم وار بالالارا توی اولا

حسین عاریف
@anadeli69

درگه خالق سبحاندی علی نین قاپیسی 
مأمن سائل و سلطاندی علی نین قاپیسی 
چون علی ناطق قرآندی دئسم واردی یری 
جلد و شیرازه ی قرآندی علی نین قاپیسی 
کیم بهشت ایسته سه دووسین بوصفالی قاپینی
چون درِ روضه ی رضواندی علینین قاپیسی
حیف اولا ساخلامادی حرمتینی بیر عدّه 
ظلمیلن اوددوتوپ اودلاندی علینین قاپیسی
شعله سیندن آلشوب بال و پر پروانه 
ائله بیل شمع شبستاندی علی نین قاپیسی
در و دیوار آراسیندا گل جنّت یاندی 
یان دیلیم یان نجه کی یاندی علینین قاپیسی
یا رسول الله اؤزون عترتیوه خاطر گل 
قانیله گور نجه الواندی علی نین قاپیسی
نوک مسمار باتوبدور قیزینن سینه سینه 
سر بسر قانیله غلطاندی علی نین قاپیسی
اولمادی فاطمه نین حالینه بیر کیمسه یانان 
حالینه بیرجه فقط یاندی علی نین قاپیسی
حسین اسدزاده بابا اوغلو

@anadeli69