مـدونة كوت عبــدالله

@alshoara

إسم الله طرت
لکن طرت
شایل قفص بجناحي ...

#حسن_عاشور

أئتلاف الشعر الشعبي
المنشئ
@almtoori

#شعر_شعبي
#اهوازي
#عراقي

مـدونة كوت عبــدالله (Arabic)

مـدونة كوت عبــدالله هي قناة تيليجرام مخصصة لعشاق الشعر الشعبي والأدب العربي. بوجودها على التطبيق، تأتي الشعرى بأجمل القصائد والأبيات التي تعبر عن الحب والجمال والألم. هذه القناة تضم محتوى متميز ومميز من قبل المنشئ @almtoori، الذي يشارك من خلالها أجمل الخواطر والأفكار الشعرية. إذا كنت من عشاق الشعر وتبحث عن مكان لتستمتع بأعمال أدبية فريدة ومميزة، فإن مـدونة كوت عبــدالله هي الخيار الأمثل لك. انضم إلينا الآن واستمتع بجمال الشعر الشعبي العربي في كل لحظة.

مـدونة كوت عبــدالله

12 Nov, 19:53

الثورة من تبدي گصيبة
وتنضفر للوطن , للچف النظيف
لديرة سمرة..
الثورة من تبدي قصيدة
وفكر شعبي
الما تلمّ الناس ماتسّمّه ثورة...
وطولك اليندل مشاوير الملح والماي
وعيون الشمس
كلما يطيح تغنّي فوگ ترابه شجرة...
انت يازفة عشگ ليلة مطر
صلّت عليها گلوب خضره..
گلبك يجيس الفلِح والگاع
وتهلهل بيادر
ترگص الحنطة وطن والديرة خير...
صوتك يعلّمني
احب گاعي وهويتي
واضحك بوجه الهوى شماغنّى طير..
چنْت الم دمعي اعلى مودك
يم جرف عاشور ابدّي
واشتعلّك شمعة شمعة...
هسه چم عاشوريندل
خلّص دموعي وكسرني
الليلة مابيّاش دمعة...
الليلة بس آنه
وضريحك والبخور
وعلگ بالشباچ من عاشگ علامة...
الليلة اشد راسي بحضرتك
ياندى يالون
ياطلعة فجر يتنفّس الدنيا ابتسامة....
للعشگ مشتولة روحك
طينتك طينة صريفة و نيّتك نيّة حمامة...
أكبر من الدمعة صوتك
وأبعد من الشعر ماضيّه وجديده....
انت بس عبد الله عندك يشتل الصحره براءة
و يسگي تاريخ العطش ماي وقصيدة...
غروبهم مابدّه شمسك
ذيچ شمسك طافحة بچبد السمه....
وذاك شوفك
يمتد لآخر مدينة
يسيّر اعليها العمه ...
وهذا صوتك يغزل السچة البعيدة
ويندل المهرة الجموح...
واحنا شبّينه اعلى مودك
عِشرة صرنا ويه الرماح
وغزّرت بينه الجروح ...
شكثر متنه
شكثر فوگ صدورنا داست حوافر
وانت تشهگنه اعلى كيفك
نسمة نسمة ...
تريدنه نضوّي الوطن
من تكبر جبال الظلام
ونشتعل بالثورة نجمة.....
الليلة من يطفه الگمر
چم نجمة تطفه ؟!..
وچم نهر بالديرة ينسد؟..
وباچربوجه العطش چم وردة توگف!
باچرالغيم ايتدلّه
وچم علگ للثورة ينشد!..
خاطر يطش الخضار ويه المطر
ويطير دخان الحرب
واللون الاسود....
خاطر يبردن عليك گلوب اهلنا
وگلب خيمة زينب المحروگ يبرد
گلب خيمة زينب المحروگ يبرد

ميثاق الهلالي
@alshar_alsahih

216

مـدونة كوت عبــدالله

08 Oct, 09:10

انغصب عرض القدس

عوج أغصانهن ماينعدل ضلهن
كبرن وانحنن ماشوف تعدلهن

مالن من زغرهن والگصب شيفيد
اذا شديتهن چف غيرك ايحلهن

ماصلن أبد عالقدس متوضيات
مدري منين ماي ابليس جابلهن

مهن حلن شعرهن لليهود بليل
اومانگدر نگول اشصار بکللهن

شگن ثوبهن واتكشف المستور
ياقائم محمد گوم خيطلهن

ينزف من غدرهن ياجرح بغداد
ودم اليمن فاضح غدر باطلهن

الحكومات التحلل دم شعب مظلوم
ماعنده شرف كلمن ايجاملهن

ازعلهن وسبهن واليصير ايصير
شلي بصوت الكرامه الما ايزعلهن

حكومات العرب كلهن بله استثناء
اخذلك من جهنم نار واشعلهن

الظماير من تموت ايكف شليله الماي
مايصحن محال اشما اتنگطلهن

دول باعن شرفهن وارتضن بالعار
وأراضيهن يهود الكفر تحتلهن

ظمن چف اديهن من حرب لبنان
وابن سعود هد اوصفگن كلهن

چن ثار القدس ماراح بسرائيل
بأرض اليمن ثار القدس راحلهن

گلي منين أجيبن مثل چف عباس
ينگص عالشريعه اوما ايصفگلهن

اويبن سعود صاير عاليمن رجال
ورايات الكرامه رايد اتذلهن

لوعندك شجاعه حارب اسرائيل
واعلام اليهود الترف نزلهن

اولو عندك شرف رد شبعا والجوﻻن
الصاحلك وبذنك وقر گتلهن

بنات بیوت حيفا اويافا ياملعون
وامس دخلن عليك ورحت تخذلهن

انغصب عرض القدس والخيل مربوطات
وسيوفك صدى الزنجار ماكلهن

تفك الجامهن هسه اوصرت مغوار
بعد ماخلصت عمرك امسنسلهن

چلابك عاليمن حليتهن ياعار..
الواجب عاليهود چلابك اتحلهن

ناظم الحاشي..

@alshoara

568

مـدونة كوت عبــدالله

13 Sep, 22:23

ياويلي ،،
من گتلي احبّك
ياويلي أچفوفك حنّيه

وأشفافك دمرن كل ثوبي
ومطرت فوگانه التكّيه
.
.
.
مظفر_النواب

@alshoara

728

مـدونة كوت عبــدالله

21 Jul, 13:03

يل كذلتك والحدر منها
محطات استراحة

ــ عبد الكريم القصاب

@alshoara

1,167

مـدونة كوت عبــدالله

02 Jul, 12:15

((علم اخرس))

شفه تتراگص رعب
ولحچي ايظم الحچي

ول جدار ايزع جدار

ولوطن كادود اسمر ظهره بيمن ينتچي
ودمع چذاب ايتضحوك بلبچي

السكوت اول عدو
وموگد احچاية الثائر تلگه بييه اشگد دفو

شعب حگه امطلعه من عين الحلم
علم اخرس حجزو ابگلبه الچلم
وحچو اتفاگ القبائل حته لايحچي القلم

وطن ينزف دم حزن
وطن لو ناسك نزيهه اتهد گطن
وطن وعيونك دخيله ابياسلف متروسه خاطر تستچن

ياوطن مامن رفيچ........
دمع شمعه اتخلص اصفاحك حريج
عطش مشحوف ايتحلم بلغريج

امنين متباوع جفاف
امنين متباوع حمل طاغي ابوزنته عله الچتاف
رعنه هايه حزانه وتردف رداف

فقر كافر......
فقر دمع قافيه وماصحله شاعر
فقر زلمه وسيف اكو بس ماكو شاهر

كلشي ذمه........
صوت عينك من تكتمه
شوف صوتك من تلچمه
الزلمه لو ماصار زلمه

للظلم لاتنطي ظهرك يستقلك هايه ولمه
وزع الموت اعله روحك ورفض اتلمك مذمه

#علي_محسن_المطوري

@alshar_alsahih

1,366

مـدونة كوت عبــدالله

11 Jun, 10:22

أجيسك والسوالف ناعمة لحد البجي
وأترس گليبي فــرح
أنٰـت الفرح سكتة وحجي
.
.
.

عزيز_السماوي

@alshoara

1,213

مـدونة كوت عبــدالله

04 Jun, 21:58

القصيده الكامله

@alshar_alsahih

1,375

مـدونة كوت عبــدالله

04 Jun, 21:56

ريحة الحنطة
آخر قصيدة للشاعر الكبير
كاظم إسماعيل كاطع

ماخذ وياي العراق بجنـــــطه
ما كفت الجنــــطه
طالعه منها مناره وعثك نخلـــه
وشعله من عيون نفطه

وراح نوصل… ذاك حد السيطرات
وذيج ضوايات المحطه
وين اضمها.
لا هوه اكتاب ويخليه المسافر جوّه أبطـــه
الحمد لله.. الدنيا ليل… ونقطة التفتيش سنطه
هاي نقطه ويمها واحد
نقطتين. ثلاثة. خمسه
ست نقاط ويمها واحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال سلطه
بجرة السَحَاب شافت عينه نجمـه
وطكته ريحة الحنطــه
ما لكه غير العلم.. كلي شيـفيدك
كتله غربه
إحنه غربه
ومن نموت هناك… جا بيش انتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه

@alshar_alsahih

1,481

مـدونة كوت عبــدالله

17 Apr, 19:45

أمس
دورت الرسايل

والشبابيچ وصفنتي
ومالگيتك وآنطفيت !

لـ علي الصفار

1,516

مـدونة كوت عبــدالله

29 Feb, 12:03

دنياتك نحيسة عين
.. والوادم خلية جود.

‏لـ العريان

@alshoara

2,080

مـدونة كوت عبــدالله

29 Feb, 12:00

بعد هذا التعّب كله
‏شبعد يا روحي متأملة

‏هاي المعركة بيها الخيّول تطيح
‏لو بَس على الفارس ﭼـا گِلت سهلة

‏وكت هذا الضياع يصير
‏بأكثر درب چانت روحي تندله

‏ولك ﭼـا هيج تتخلة ؟

‏ لـ ⁧ #علي_قاسم⁩

@alshoara

1,948

مـدونة كوت عبــدالله

05 Jan, 15:12

اشموَع اَلغايب

أما آن للنهايات أن تبدأ ؟!

حزنان الجرف، واللوح شال اشموع محتاره
والشط ابسواده اينوح، شايل ضيم خطاره
والنور اعلى چف الماي، شاف اسرار باسراره
انشده رايه
/ ما يعرف يحل اللغاز ، بالشط فلشت ناره /
شهگ مايه
اوحچى احچايه
- من يگدر يشوف الروح،
فوگ اخيال بمرايه؟
••••••••••••••••
يچل الضيف
يفتر سندباد الطيف
يسأل كل شواطي الليل:
- وين الغاب باسراره !
وينه الگال، وكت الضيم،
يخفگ سيف مختاره ؟
وينه اللي رهن بالبير ثدي امه اوهجر داره ؟
اوشتل گطرة حليب اوگال..
اجي اويه اسهيل تسياره ؟
••••••••••••••••••
اويفتر سندباد الطيف
يطش سنبل على اجروفه
لهلبت لو خطف مهره، اعلى غفله السنبل اتشوفه اوتسولف له..
الصبر نگضان،
اوتگله الساعه ملهوفه
••••••••••••••••••
اويفتر سندباد الطيف
شايل حنة الصبير
يحني الماي وجروفه
يحني اهروش متلوفه
اويحني الطير
اويظل ينطر صهيل الريح...
.........................؟
............................!
مامش،
لا صدىَ اولا طيف
ولا حيف اليرد الحيف
شط اخرس
جرف اخرس
شمع اخرس
اوهالة ليل دواره
- عليمن چاتذب انذور، واسبوعك خمس تيام ؟
نحروا نجمة الأحد، و الجمعة اندفن بالشام
والسنبل تدوسه الگاع، نذر للطين حباته
اويذري الريح بالحنه، اويلم الماي حسباته
•••••••••••••••••••••••
اوينام النور..
تنگض خشبة الخايب
بس ومضه اعلى خد اللوح،
تلهث فوگ جثة شمعة الغايب
تكتب عالجرف والليل:
- ياجرح السفر جل توب من ثارك
- يَلن اللي طفح ثاره، صبح تايب !

الشاعر الكبير الراحل شاكر السماوي
ش.س
١٩٦٧/١١/٤

@alshar_alsahih

2,180