قناة قصائد والحان في رحاب الحسين ع

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

ابوذيات

يـبـن جـعـفـر عـلـيـك الـدمـع   ..  ياريت
السجن والـدنـيـا حـيـل ويـاك  ..  ياريت
لـحَـد مـوتـي اخـدمـك اضـل  ..  ياريت

اشـكبـر حـضـي وتـصـد عينـك عـلـيـه

*---------------------------*--------------------*

اشــمــا اخـدم اگـولــن الــك ..  مديت
وحبل وَصلي بـدمـوع العين ..  مديت
اديــه الــحـضــرتـــك مـولاي ..  مديت

اعـرفـك بالـكـرم چـفـك سـخـيـه

*--------------------*-------------------*

خادم موسى ابن جعفر (ع)
✍الشاعر رعد الجريخي

قصيدة للامام الكاظم ع

رساله. من طوامير السجن
رساله. انكتبت بدمعه وحزن

ابتدت بالحمد لله والشكر
تحچي عن موسى ابن جعفر والصبر 
رساله. رساله

.........................

الصبر مفتاح الفرج. واليصبر الله يعينه
يتحمل آلام وغصص. ودوم الدموع بعينه
الموت ارحم من سجن. بالضيم تكضي سنينه
والمنسجن تحت الارض. نتعجب مكيدينه

دعائه. من كلب ينكط دمه
دعائه. يوصل لسابع سمه
الليله ياقصة عذاب المنكسر
تحچي عن موسى ابن جعفر والصبر 
رساله. رساله

........................

اول رساله من گلب. يشكر الباري هوايه
صار السجن مسجد اله. واعبايته مصلايه
لسانه رطب من الذكر .  أيه وتگود بآيه
الطاموره بالكاظم صفت. كبه ومناره ورايه

صلاته. رغم كيده بكل وكت
صلاته. دوم وي روحه اخت
والصلاة الكلهه روحيه الفجر
تحچي عن موسى ابن جعفر والصبر 
رساله. رساله

..........................

من القصر جابو جاريه. للسجن وبلاحشمه
وتوقعو بيها الذنب. يتغلب اعله العصمه
لكنها صارت عابده. ومتحجبه ومتعلمه
وصلَّت ورا فرض الستر. ودلاهه درب النعمه

حياته. رغم جدران الحبس
حياته. النه بيها چم درس
سنين عمره لله خلاهه نذر
تحچي عن موسى بن جعفر والصبر
رساله. رساله

........................

من سدو ابواب السجن. كلبه فتح بيبانه
ودوم التسامح والعفو. ما يوكع من لسانه
اول سجين بهيبته. حيَّر  عقل سجانه
السجان يبچي بكل فرض. كلما سمع آذانه

صفاته. الرحمه والحب والعدل
صفاته. يفرح بلم الشمل
الشيعه باچر بانتظاره اعله الجسر
تحچي عن موسى بن جعفر والصبر
رسالة. رسالة

..........................

كل محب واكف عالجسر. وبالامل ينتظرونه
اليتلاگه وي وجه النبي. بشوفته يكحل عيونه
لكن اجه بوسط النعش. وبس اربعه يحملونه
هذا إمام الرافضه. صاحو لليحبونه

نهايه. للظلم ولكل الم
نهايه. المهدي لو شال العلم
رايته ترفرف بثارات ونصر
تحچي عن موسى بن جعفر والصبر
رسالة. رسالة

………..

نسألكم الدعاء
حسين صادق العقابي

قصيدة للامام الكاظم ع

عندي وي سجنك كلام
بي اشم ريحة خيام
والقيود الشبكت ايدك .... شبكت الحب والسلام

....………….

قيدو عطر الامامه ... والحقد كاشف لثامه
ابوجهك وشاهر حسامه ... يابو طلبه
حقد ضد النبي وآله .... استهدفوا اصل الرساله
اتجالهوا رمز الدلاله ... وحتى كتبه
هاي مو اول جريمه ...وما اظن آخر ظليمه
لكن بنعشك هظيمه ... انشوف غربه

عالجسر نعشك وحيد ...مثل محزوز الوريد
سمهم ايحز بوريدك .....مايراعوك اللئام

عندي وي سجنك كلام

...........…….

سيدي موسى ابن جعفر ... ابابك اتخيلت منضر
صار سجانك معسكر ... وانته وحدك
هذا من نسل السقيفه ... هبل جده وظل حليفه
وانته ابن حره وشريفه ... وطه جدك
ما خفت سيف المنايه... نور ساطع بلولايه
رأيه انته وشلت رأيه ... وعلي زندك

حاربت كل الطغاة ... علم يا نسل الإباة
منزله صبرك يزيدك ...شما يزيدون انتقام

عندي وي سجنك كلام

..........................

من صبر جدك تجله ....بيك من عنده وتعله
كل صعوبه اتصير سهله ....ابسجده وحده
تطوي كل الكون تكدر ... بالدعاء وهاي اكثر
السجن لو صار خيبر ...هم تهده
بيك مسلم جاي اشوفه ....وحدك والسجن كوفه
والجسر طوعه بظروفه ...اتصير عده

ياسجن يمنع دعاء ...العنده جده بكربلاء
الغانمه ابصبرك تريدك .... يعتلي بأسمك مقام

عندي وي سجنك كلام

.......……….

سجنك اظلم جنه ليله .... الوحشه مرت علعقيله
وانته هم عندك عليله ...... ومحد الهه
ذيج ماتت بالمدينه ... لوعة ودموع وحزينه
بگلب مافارك حنينه .... عن اهلهه
فاطمه بنتك غريبه .... وعاشت اهموم المصيبه
خبر منك من يجيبه .....ويرجعلهه

عاشت بحيره وعذاب ......بروح ما تحمل مصاب
جانت وشاح اعله جيدك.... ناحت بنوح الحمام

عندي وي سجنك كلام

.....……….

رمح سمهم شال راسك ...وحافر الطاموره داسك
وانته هم العطش جاسك...متت ظامي
مثل ما ماي الشريعه ..... عاف الحسين ورضيعه
عمرك الهاجر ربيعه ..... يا امامي
ثار دمك من يطلبه ...ومنهو يعلن بيك حربه
وسهم سمهم مرد كلبه ... وكلبه دامي

وأكف ابابك واشوف ... لوحه من ارض الطفوف
والجواد اهنا عضيدك ... وجبده جوده وبي سهام

عندي وي سجنك كلام

........…….

تبقى ارض الكاظمية ... لمحه من الغاظريه
وبني العباس واميه ..... ما تردنه
كاظمين الغيظ نبقه .... النه ويه الموت صفقه
ماكو منه العاف حقه .... ولا عهدنه
أحنه تربات الصميده .... عشنه وانموت ابعقيده
وحك من حزو وريده .... مابردنه

نار نبقى اعله اليظدكم ... يا حياة النه بعدكم
رتلت بلدم نشيدك .... ابدمك الدين استقام

عندي وي سجنك كلام

........


احمد العقابي الحياوي
..................

بحق الأمام الكاظم //ع//


بالباري عندك صله    **   كعبه صــرت للمله

              عمرك خلص بــالسجن
              بــس حصلت منزلـــــه

                *--------------*---------------*

  ضنهم يضمك سجن بس أشيضمه الضـــوه
  مـــوتـــك زرعلك عمر بدمع المحبه ارتـــوه
  لا ضــل رشيد ومُلك ضلت حضرتـــك دوه
  گبتك تنوّر ذهب وقصر اليـــضـــدك هـــوه

مثلك مــنــو زيارتـه    *   مـأوه البشر حضرته

                 صح جثتك مسلسله

                *--------------*---------------*

زنـــزانـــه چانت الك صبح ومسه مظلمــه
صـارت مناره وگُبب بيهه البشر هـــايـــمـه
جـــنـــة عـــدن روضتك رغماً على الظالمه
اهـــل الارض والسمه تتباهه الك خــادمـه

دمع المحب شاهده   *   صــوت العزه يردده

                يـــومــك مثل كربله

                *--------------*---------------*

  قصتك تحير العقل طـــول الـــزمن مفـرده
  بيهه الامـــيــر انعدم والبسجن ســـيــــــده
  هـــذا اليريد المجد يبقى المجد شـــاهــده
  ثـــورة صبر ثورتك لأهـــل القيم خـــالـــده

عظمى وتضل فاجعه  *  يجري الجفن مـدمعه

                تشيع الك مـــاحـــلــه

                *--------------*---------------*

    نـــدري اليموت بغرب محد يضل يذكـره
    وانـــت بغربتك صرت تكصد اله الحايره
    تتعنه بـــان وبني يـم حضرتك زايـــــــره
    بــاب الحوائـــج صبح بابك منو الينــكره

كلمن اجــــه بمطلبه    *    ودمـــع الحـزن قربه

                 الحزنك عويله اعتله

                *--------------*---------------*

جسر الرصافه انعرف يـــوم النعش شـــــرّفه
ودجله وي عينك غفت ومعنى الحزن تعرفـه
كـــل شي انطفه بغيبتك بس نورك الما طـفـه
بـدمـك رسمت الدرب محد كـــدر حرّفـــــــــه
          
شامخ يضل منهجه   *  رغـــم اليروح واجه

               بموتك غـفـت بسمله

                *--------------*---------------*

   رادوا تموت بغرب ومـــا تحضرك رافضه
   ربــك رفعلك ذكـــر غصبا على المارضـــه
   مـــأتم تقيمه الارض ومأتم تقيمه الفضـه
   الصابر  بقه ومحتسب رب العُلى يعوّضه

منعوا عليك الــهـــوه  *   صــرت بغربتك ضوه

                 صعبه الجـــره اتخيله

                *--------------*---------------*

✍خادم موسى ابن جعفر ع
     الشاعر رعد الجريخي

انا لله... ماتت زينب
انا لله.... وينه الينحب
هاي المحد بالشام الها
خل نمشي نگل للكافلها
باب الساعات الكاتلها.... انا لله
//////////////////////////////////////

اعز مخلوقة أعله الله وينها اوين الخرابه
لبيت أبوها ودو طارش كعدوها أعله الترابه
امن اول احجاره اشمروها وضاعت اخبار المهابه

حسبالنه امن الكوفه ترتاح
بس مادرينه الشام ذباح

مالان گلب الشام ما لان
اسباب هاي الميته ديوان

انا لله.... عالعلويه
انا لله... عالمسبيه
هاي التعبت من غربتها
بت الزهره وسبعه اخوتها
أجّوت ضيم وسومر ضلها... انا لله
/////////////////////////////////////

بياذنب عمة اسكينه تنضرب من آل اميه
امحرگات اثنين اديها وگاعده اداوي برقيه
اهدوم اخوها اتقاسموها وماحجت لو جلمه هيه

بالسنه ونص والحال ياحال
ما رايحه آثار الاحبال

محروگ گلب الزهره محروگ
امن السوگ مدري وادم السوگ

انا لله... عالمهضومه
انا لله... عالمضيومه
لا من عاشت شافت راحه
ولا ماتت زينب مرتاحه
هاي الحنت للدللها.... انا لله
//////////////////////////////////////
كل سطح بالشام نبله ومدري جم عبدالله عدها
اهنا بده شوط البواجي امسابگ ايطيح اعله خدها
بشامها العيّاله كثرت وماكو نغّار اليردها

يتشمتون الفوگ الاسطوح
وشبعو بواجي الجوّه الاسطوح

هاي العشيرتها مجاتيل
سمعت حجي اثگل امن الخيل

انا لله... علتعبانه
انا لله... علعطشانه
محد قدرها امن الوادم
ويعرفوها عزيزة هاشم
شو بالفرحه اتعاين كلها... انا لله
////////////////////////////////////

كافي شبعت دهر غربه وندري بيها اشگد حنينه
لاهي ماتت يم ابوها ولاهي ماتت بالمدينه
الشام يادفان يذبح جيبها يم ابو سكينه

جم دوب هاي الغربه جم دوب
كافي اشبعت من كيفها اغروب

مو ناسها اهل الشام ياناس
تدروها ترتاح اويه عباس

انا لله.... عالمتغربه
انا لله... عالمتعذبه
المن بالشام امخليها
كون لعباس نوديها
شهذا الشام الما لاگلها... انا لله
/////////////////////////////////////
ام عون يا اول اجنازة مامش اصياح بوراها
اهنا ولا شامي تنگب من اجه الموت وخذاها
اهنا ولا واحد معمم طيّح اعمامه بگفاها

ومادام هيجي الشام مادام
خلها البواجي اتغرگ الشام...

والموت كون ايلوحنه الموت
تطلب صوايح عله التابوت...


انا لله... لبت الزهره
انا لله... ماتت حسره
يمتى ايدلينه اعله اصوابه
عدنه اويه اهل الشام طلابه
والمالت هوه اليعدلها... انا لله


اللهم عجل لوليك الفرج
اللهم عجل لوليك الفرج
اللهم عجل لوليك الفرج

احمد ماجد الكلابي

محد بجه اعله اجنازتج
محد حضرهه دفنتج
محد وصلهه غربتج
يازينب العلويه
.....
أتمنيتي جان ابدفنتج عباس حاضر
وحسين اخوج الهشمت صدره الحوافر
جانت دعوتج روحج بيوم التسافر
يمج  يجوج الفاركوج ابيوم عاشر

ما أنصف اوياج الدهر
عشتي بهضم عشتي بقهر
منج اخذ شمس وكمر
الفاركتي موش اشوية
........
حتى ابدفنتج ما خلصتي من عذابج
مو جف كفيلج جف غرب هالت ترابج
بالموت وانتي اعيوانج اتصد اعله بابج
شمتانيه يم الخدر جيت احبابج

ياهو التتاني جيته
الكطعوله جف لو ركبته
العلترب ظلت جثته
سهم ورمح مرميه 


.......
بس ابن اخوج الشيعج هاي الهضيمه
اجنازتج ظلت حالهه حال اليتيمه
ابعازت امتون الشيلهه اتصيح الضليمه
محد فزع ليهه مثل حركت الخيمه

ماواحد الضل من هلج
بس الشماته تبره الج
ميته وضحكهم واصلج
وانتي الكلب مدمية


......
عشتي غريبه ومتي يا زينب  غريبه
خلصت حياتج نوح واهات ومصيبه
الشافت اخوهه أعلى الترب جثه سليبه
كل عمر ما يبقه الهه ابد لا مو عجيبه

عيشتهه جرح ابصف جرح
الشافت اخوهه ينذبح
وراسه اعتله فوك الرمح
واكطعت منه الجية


......
الشام اه يالشام بيهه اشفتي اذيه
ما رحمت ابحالج يبت خير البريه
ابنوك الهزيله دخلوج الهه  سبيه
وظلت ابالج هالصور حد المنيه

اتحملتي انواع المحن
شيدتي بحزانج وطن
من البجي عيونج عمن
الموتج عقدتي النيه


.......

وينه الينادي اوياي بالونه الثجيله
يا مايله الدنيه اويه زينب خوش ميله
هاليوم وحشه اديارهه صارت عليله
من عدهه شالت عافيتهه اوياهه شيله

دار العقيله مظلمه
تبجيهه املاك السمه
وين اليصب دمعه دمه
عل بالحبل مسبية
،.....
كلمات
موسى الخادم

.......

نزال

تحضر الدفن ام عون ... وين الهواشم
،،،،،،،،،،،،،،،،،،،،،،،،،،،،،،،،،،
وين سادت هاشم يحضرونها
الغربه ماقبلو تره يشيعونها
فشله لو ماحضرو يدفنونها
بدجت المغيسل تهل عيونها

لو جثث خيگومون ... للحره لازم
تحضر الدفن ام عون ... وين الهواشم
،،،،،،،،،،،،،،،،،،،،،،،،،،،،،،،،،،،
خل يجي العباس اخوها هنانه
ولو يجي ويا يجيب اخوانه
زينب ابكثر الهضم ذبلانه
جنازه ابد متعب الدفانه

عالنعش تنذب كون ... كل العمايم
تحضر الدفن ام عون ... وين الهواشم
،،،،،،،،،،،،،،،،،،،،،،،،،،،،،،،،،،،،
وينكم يالسده يهل الغيره
بتكم ابموتتها عاشت حيره
والله كلفه المن وجها اديره
من الهضم صارت مريه جبيره

مابقت عدها اعيون ... لامتن سالم
تحضر الدفن ام عون ... وين الهواشم
،،،،،،،،،،،،،،،،،،،،،،،،،،،،،،،،،،
نعش زينب ياهم يشيلونه
وبالگبر حيل الوفه ينزلونه
الساده كون الجادر ينصبونه
والحسين ابكسرته ايعزونه

وينكم يهل الكون .... واهل الصوارم
تحضر الدفن ام عون ... وين الهواشم
،،،،،،،،،،،،،،،،،،،،،،،،،،،،،،،،،،
العاشت جروح السبي ولجماته
وحسبت حسين شكثر طعناته
تفرهدت يوم الهوت خيماته
وماتت ابلجمت جرح ملگاته

بت رسول الله شلون ... ما الها وادم
تحضر الدفن ام عون ... وين الهواشم
العبد ابوفايز الرافضي
الفاتحه على روح والدي

#نعي

وينه اليعتني لگبور الاحنان
ينادي لمن يوصل طف الاحزان
اختكم زينب الليله يوليان
ماتت ياهظيمه ابعازة اخوان
چانت أمنيتهه الموت لو حان
يصير حسين لو عباس دفان
مارادت مبعده عن الاوطان
بين اهل المحنه رادت امچان

فصيل النوگ زينب ون عليهه
ونه من زغري ناعي وانعه ليهه
بالطف وين أمهه وين عليهه
يشيلون الحمل عالهاشميه

الزمان الضهري ياعباس مالاه
واريدن صوت بالتشييع مال آه
اليطيح ابعوز غير الأخو مالاه
وآنه ابعازتك وكت المنيه


يطف الغاضريه ريته لم چان
ويدمعات النواظر ريت المچن
أصيح ابين اخوتي ريت الي امچان
واسمع ونَّة الزاير عليه

الوكت جار او ولانه اشلون ولياي
وضل ايصد علينه الراح والياي
گرب موتي وانه اتمنيت ولياي
تشيل اجنازتي وتنحب عليه

سيد علي الموسوي

بصحوت موت ودارت عيني عله البيبان
و تمنيت بذاك الموقف عندي اخوان
وتمنيت تغمض عيني بجف حسين
ويگعد يمي العباس يرتـل القرآن

ينسد چفي بچف عبـاس
وتغمض عيني بچف حسين
مونعشي يشيعونه الناس
و أستشهد بدموع الـعين

اتلفت وين اهـل الغيره
زينب راح تمـوت بحيره
تغمض عيني بليل الغربه
الصار عليْ يعجز تفسيره

انه زينب … انه زينب

سديت عيوني وگمت احلم كبل الموت
ياخـذ نعشـي حسـين يسـير بي زاتـوت
وينشال عله متون اخوني وبي يمشـون
هاشم كلها تصير چناف ودمعه وصوت

خلص حلمي وفزت عيني
و حسره گـلبي تهـدم بيـه
واسئل ياهو الشاف حسيني
وكلمن دمعه ترد عليـه

مايرجع ذاك حسين انسي
ويوم العاشر خلص كلشي
لاضـل حسين ولا كافـل
وباچر غربه تشيع نعشي

انه زينب … انه زينب

گرب اموتي و نعشي يضل بعازه متون
هاشم يهلي الغربـه تشيع ما ترضـون
تنشز يهلـي چفـوف الغربـه البتشييع
وبيرغ ماكـو ولا حفـاي علـيْ تمشون

لا بيـرغ يفـزعلـج بـاجـر
و لاطـول حسـين تشوفـين
گبالـج يعرض يـوع العاشـر
بس صوت سيوف تسمعين

من ضل بالطف يوم العاشر
حسين وشفته بمشيه يعاثر
وعينه فترت صوب خيامه
مـا مهتم لـدوس الحـافـر

انه زينب … انه زينب

جرحي يخضر كـلما اصد لـكوز المـاي
و اذكـر لـمن يـوم العـاشر شـح ويـاي
واسأل روحي هاذ العطش ريج حسين
و هاذ الخلـه حسين ينـام بلـيه فيـاي

ياماي تشح لـيش علينـه
شمـسويـن بـذاك الـيوم
من تيبس گلـب سـكينـه
هم تعرف گلب الملجوم

يا ماي شسويت بحالـي
دمع ايتامي عليك يلالـي
رتـك بيدي بيوم العـاشر
موعطشانه وبيدي حبالي

انه زينب … انه زينب

✍️علي اياد

سواهه الزمان وفارگانه
هلي بعيدين كل واحد مكانه
هلي هلي آه يا هلي

-----------------------------------

لم روحه الضوى وفارگني الغروب
بدت وحشة ضريحي انسدت البوب
ماكو اصوات شيعه تصيح يم عون
جبنه من الكفيل ويانه مكتوب

بده الليل ،، بدت قصة سبي وهاي النهيبه
بده الليل ،، رجع صوت الشمر زينب غريبه

چا وين الكفل وينه لوانه
هلي بعيدين كل واحد مكانه
هلي هلي آه يا هلي

-----------------------------------


انه بيا حال ما حضروني الاحباب
بگلبي وخيمتي وبچفوفي عطاب
هذا الطف اشوفه انعاد يحسين
واشوف بنارهم هم حرگو الباب

الف آه ،، تمر خنگه بضريحي وماكو زوار
الف آه ،، چن وكت السبي وللكافل اندار

يخي عباس فگدك موتانه
هلي بعيدين كل واحد مكانه
هلي هلي آه يا هلي

----------------------------------------


يحال الفاگده الما يمها خوان
تاذيني الليالي وجفني سهران
انه بكل آه بيه امخضر الشام
باب الزهره صار هواي بيبان

يهل ناس ،، على التله القديمه بيوم عاشور
يهل الناس ،، اتاني وهلبت اليذكرني ويزور

شنهي الشيعي ذاكرنه ؟ نسانه ؟
هلي بعيدين كل واحد مكانه
هلي هلي آه يا هلي

-----------------------------------------

وكت ماله صديج شسوى وياي
اخذ وين التريد تشوفه عيناي
اخذ امي وابوي وحسن وحسين
اخذ مني الكفيل اليسوى الهواي

يكفال ،، من طبينه قصر ايزيد والناس
يكفال ،، كل تصيح زينب مات عباس


وينك يا گمر محد لفانه
هلي بعيدين كل واحد مكانه
هلي هلي آه يا هلي

------------------------------------

خلصت ياهلي بچندوب وشلون ؟
گضت بس شو خذت وياهه العيون
حيره الماله وادم توگف وياه
اذا صدره اختنگ واحبابه يمشون


مثل موت ،، يظل حال الغريب بكل مسيه
مثل موت ،، اذيه تسلمه يا ناس لأذيه

عمانه الضيم يا وادم عمانه
هلي بعيدين كل واحد مكانه
هلي هلي آه يا هلي


كلمات الخادم / رعد الفريجي
13/ رجب /1446
ثوابها الى روح والدتي

سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0

يا موت باريني
لحسين وديني
وينك تعال.... مات الدلال
..............................................................
مو عوايدهم اصيح وما يجون
امنيتي جف حسين اليغمض العيون
العدها اولاد بدفنها منكبين
واني ابني بكربلا دافنته عون

بحصيرة انلمة المطشر...... وضعني بيا بخت ينلم
النار السوط لو الحبال...... ..من ياهنه ارد اسلم

الروح... يمتى تروح..... وانسى جروح... غربتي
كون... هلي يشيعون.... وعلي يبجون.. بدفنتي

ال بطيف ما عفته
بالشام عاف اخته
بضيم الحبال...... مات الدلال
...............................................................
من يذبحون الكصب يردونه في
حجاية التنكال ما مروا علي
من السبي وجهي رسومة تغيرت
شوفوا جا الحبال شمسويه بأدي

اللحكوا يا بني هاشم....... موش ولام الي الديوان
الضلت تاكل بكلبي.... بسوگ يمر خدر عدنان

الفات.... ابد ما مات... شبعت شوغات.. بحياتي
وداع.. الماي انباع... وصنته الكاع.. بمماتي

يخواني لحكولي
شوي ماي جيبولي
كل حملي مال..... مات دلال
..................................................................
انكسر خاطر عيني من ذاك الصباح
اتصابح بوجه الشمر والكة الرماح
اخ يا عازة هلي ما تنحمل
لمن راحو حتى نوم عيوني راح

وصيت لعلي السجاد..... بهونك من تسد جفني
وهنتالله بمتن زينب....... بهيدة من تنزلني

الشام... يبوك احلام... ويضيع ايتام... سبيه
شوك... وكلب محروك.... وتعتنه النوك.. اذيه

يا راي ضل عندي
بالموت هم وحدي
حيرة وسؤال..... مات الدلال
..............................................................
الغربه رحلة وتاخذ دموعي متاع
زينب اسمي وعكب اخوتي اسمي ضاع
الوحشه نار وكلبي يابس بالربيع
بغربه موتي بلا اخوتي بلا وداع

بعين اخواني جنت اكعد..... هسه اكعد ع الترابه
ورمهن متوني السوط...... ما تنفظ هالطلابه

ليل... نار وخيل.. وماضل حيل.. مصيبه
رماح...وضعني راح... وكلبي طاح... غريبه

التهضمني يا موتي
من يشيل تابوتي
عشت بخيال..... مات الدلال
.........................................................
الموت راحة الشام يلجم جنه نار
جبيرة اني وتضحك اكبالي الزغار
فوك ضيم حبال اديه والسياط
مو هلا اتلكوني بالشام بحجار

هلي كافي وعلي كافي...... هجركم ميل اجتافي
هلي شلعان البكلبي...... لحكني حتى بأطيافي

وين... اخوي حسين... وضواها العين... كفيلي
موت.. والتابوت...... بلا زاتوت...... يجيلي

والروح ملجومة
من الشام وهمومة
يا حالي حال.... مات الدلال
................................................................
مرتضى عامر الشمري

ماتت وهية ما مرتاحة مولاتي زينب(صلوات الله عليها) من العاشر لحد الشام تسولف مولاتي لحضات موتها وحيرتها وشني ألي خلاها تموت وهية ما مرتاحة….


زينب ماتت ما مرتاحة
من الشام وذاكة السوگ…
يا موت شعطلها ايامك
الحگ گلبي الضل محروگ…
أبيتي ومحد شايف ضلي
شلون تصير وارگب نوگ…


هسه گلبي
ارتاح توة
راح اغمض عيني…
بس كسرتي
من اغمض
ماكو يمي حسيني…
راح اموتن
موتي سكتة
باقي بس اونيني…


ليش توة الموت اجاني
كون وي اهلي وخذاني
ردت ايدي بيد اخوتي
ليش عنهم بعَداني


غريبه وراح اموتن غريبه…

___________________________

لحگو لزينب زينب ماتت
راحت تطلع هاي الروح…
كون حسين يغمض عيوني
بس حسيني ضل مذبوح…
ما جارحني بس اغيابه
من اعيوني لا ميروح…


وين اخوتي
لحگو زينب
انة وحدي بروحي…
اخر انفاسي
وموتن
وتبقة بية جروحي…
هسه اهلي
هم يجوني
يمتة ابطل نوحي…


ولله مشتاگه لكفيلي
راح اموتن ما يجيلي
كون بچفوفه الحنينة
الزم ايدة ويكضي ليلي


غريبه راح اموتن غريبه….

____________________

شلعو گلبي لگالو اسمي
بروحي شسوه ااااا يلشام…
اطلع من ديره لحد ديره
مشوني بلغربه أأيام…
اتلفت بس ألمن امشي
انة الحرگو ليها اخيام…


اصل موتي
يوم عاشر
من طلعت بهيمه…
اركض شلون
وانه زينب
بضهري حرگو خيمه…
ذبحو حسين
وانه اصيحن
عوفو اخوي بضيمه…


ااه گلبي أشگد عذابة
انذبحو اهلي اعلل ترابة
واركضت بلهيمه وحدي
والجرح ما سدلي بابة


غريبه وراح اموتن غريبه…

___________________

تعَبت زينب كلش تعبت
الذبحو اهلة مايرتاح…
والهضمتها زينب راحت
حاديها هوه الذباح…
هيه الغربه هاي التكتل
من حاديها زينب صاح…


هاي زينب
هيچ صارت
عل هزل تعبانة…
ولله مايرهم
بديها
حبل موش امچانة…
اه صاحت
وين اخوتي
هاي زينب انة…


الشام هوه الموتاني
شلع گلبي وتَعباني
صاحو أعلية الغريبة
وكبر جرحي وضيعاني


غريبه وراح اموتن غريبه…

__________________

✍️محسن الباوي

اللهم عجل لوليك الفرج
_________________
@Alphadli
قناة في رحاب الحسين ع

لحن القصيدة 👇👇

ابوذيات الى السيده زينب عليها السلام

أهــــل دمعـــي واجــرن آه وي آه

ودليلـي أبنـار زينــب ريـت ويــــاه

تمنــت لــو نعشــها الاخــو ويــــاه

مشه ويصرخ يخيّتي الهاشميه

****

الشاعر
موسى البديري

(موشح لاستشهاد السيدة زينب عليها السلام)
*
زينب    الحوراء   مظلم شامهه
ماتت    وما  صح  گمر  گدامهه

*

الف  دمعه     وآه   يا   أم  الخدر 
هذا  يوم    اوداع  چن يوم الاسر
مو  وكت كافور  مو  وكت  السدر
جيبو ماي  من النهر  لخيامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

غمضت  عيناچ  يم  گلب  الحزين
وما  أظنه يموت كل ضيم السنين
ميته   لكن   للكفل  مفتوحه عين
بلكي يحضر هم تتاني ايتامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

يحضر   العباس   والرايه  الترف
بچفه  تنشالين  ومحضر  الچتف
كافلچ     وياچ     والكافل   كلف
دمعة أعيونه المصابچ ضامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


وينه   ذاك   الرجف  بعينه  الحرب
وينه مرني الموت والموقف صعب
هيه   نفس  الشام  والناس  الغرب
بعد  ساعه  وهم  يدگ  دمامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

آه   والاهات   تحلى  ويا  الدمع
اليوم گلب حسين صبح  منفجع
اليوم  رد الباب ومصاب   الضلع
وحرگ دار اهل السمه خدامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

دگو    حيل   صدوركم   شيعة  علي
تسوى اخت عباس روحي  وكل هلي
يا   ستر   غطه   الستر   بنت  الولي
مثل حيدر هم قديم اسلامهه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ابد   متظلين   وحدچ    لا   أبد
اليوم  كلنه وياچ ما طاح  العمد
الهيبه حتى بموتتچ  وازيد  بعد
زينب العظمى الترف اعلامهه

كلمات خادم زينب
  رعد الفريجي

هاي  الجنازة  منين يا شام ؟
حاچيني تشبه ذيچ الخيام !!

***

بس گلي هاي شلون   ومنين ؟
تابوت   فوگه  خيام الحسين
هذا العلم ؟  اي ذني    چفين
ها هاي  زينب  چا علي  وين ؟

شو بس دموع بعين الايتام
حاچيني تشبه ذيچ  الخيام

*

يا  شام  ماتت  والنعش  فات 
مو  مره  وحده   وياك  مرات
تذكر ؟ نسيت ؟ شكثر لچمات
يا    شدة    الراحن   اسيرات

طبت قصركم چنهه   الاعدام
حاچيني  تشبه  ذيچ  الخيام

**

اعلن   حداد    اودنگ    الراس
هاي   الجنازة   لأخت    عباس
مات   الورد   واستشهد  الياس
يا ناس   ماتت وسفه   يا  ناس

گلب الحسين لأخته  محتام
حاچيني  تشبه ذيچ الخيام

**


هذا    النعش    محتاج   الاحباب
عطلو   الجنازه    ابعتبة     الباب
عباس    ارجع     طال     الغياب
وسدهه   بيدك    هيل       التراب 

فوگ الگبر خل  چفك    ونام
حاچيني  تشبة  ذيچ  الخيام

**

چا  وين  اهلهه  اوين الاخوان ؟
دمع   الغريب   ايطيح   بردان
هاي   الجنازة    تريد    ذرعان
كون     الكفيل   ايصير   دفان

يحضرهه  اخوهه بهاي  الايام
حاچيني  تشبه  ذيچ  الخيام

****

زينب    جرح    من  أمها    للموت
مو دنيا    عاشت   چنهه     تابوت
فگدت  اهل   واخوان       وبيوت
كثر   البواچي     أيموت   الصوت

ميته   ودمعهه  يسولف    آلآم 
حا حيني  تشبه  ذيچ   الخيام


         كلمات خادم زينب
            رعد الفريجي

بيناتنه ،،، ربات الزغر بيناتنه
بيناتنه ،،، دگت صدر  بيناتنه
بيناتنه ،،، تراب الگبر  بيناتنه

،،،،،،،،،،،،،،،،،،،،،،،،،،،،

عباس اختك زينب انه
باخر نفس ها يا حمانه
يا وسفه كل واحد مكانه
آه يالزمان الفرگانه

حشمتك بآخر حرف مات بلساني
مو انته گتلي ادللي عد عينچ آني
هلوصل موتي ودوريتك وابقه اتاني
عباس بعدك علنهر درجع ثواني

وينك ،،،، متانيتك ودمعه اعله خدي
وينك،،،، من اهد النهر يا خويه وحدي
وينك،،، بيا حال تارك لچمة عندي
  
بيناتنه ،،،، عيون وسهم بيناتنه
بيناتنه ،،،، رماد الخيم  بيناتنه
بيناتنه ،،،،، الموت انعدم  بيناتنه


،،،،،،،،،،،،،،،،،،،،،،،،،،،،،،،،،،

علقبله وجهي وانته ما جيت
بالخوه ترجع مو تنخيت
بين الحياه والموت حلميت
وحسبالي بچفوفك تغطيت

اي هذا راجع والسهم بعده بعيونه
چفوفه الگطيعه وجربته اي هذا اخونه
خلوه رجعلي من الحرب لتعبونه
گعدوني امسح جبهته وعينه اومتونه

ريتك ،،، تحاچيني  وتبرد  دليلي
ريتك ،،، بآخر نفس خويه وتجيلي
ريتك ،، شوف التعب هدني ويه ليلي
 
بيناتنه ،،،، الدم والنبض  بيناتنه
بيناتنه ،،،، حسين الفرض بيناتنه
بيناتنه ،،،،، تموت الارض  بيناتنه
بيناتنه

،،،،،،،،،،،،،،،،،،،،،،،،،،

تانيت خويه سنين وشهور
كل لحظه تشمرني اعله عاشور
عمري بغيابك والله منحور
وانته برحيلك ادري معذور

عباس يا ردت نفس للصدره مخنوگ
گلبي اشتعل مثل الخيم ليهسه محروگ
من اشتاگلك اندب علي وعيوني ليفوگ
عباس يا نور السمه المن عندي مبيوگ

ليله ،، تطلع تره استفحل ظلامي
ليله ،، نبرت دمع تترس كلامي
ليله ،، يل أسمك امحلي الاسامي

بيناتنه ،، شهود الدمع بيناتنه
بيناتنه ،،، موتت شمع  بيناتنه
بيناتنه ،،، ثار الضلع  بيناتنه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، 

زينب حرت يا خويه حيره
هالليله من عمري الاخيره
ترضاهه كل واحد مصيره
صوب النهر كل عمري اديره

ما بينك وابيني الوعد ليهسه موجود
وليهسه اختك ناطره وتتأمل تعود
رد وتعال امروتك ما حاجه للجود
اكتب كفيل من الدمع واسمك بالخدود

عيني ،، ياخويه رسمك عاش بيهه
عيني ،، ارجع تعال الحگ عليهه
عيني ،، تحچيلك اسمع كل حچيهه

بيناتنه ،،، نجوم السمه بيناتنه
بيناتنه ،، شوگ وضمه بيناتنه
بيناتنه ،، رمال ودمه بيناتنه

،،،،،،،،،،،،،،،،،،،،،،،،،،،،،،،،،،،،،،،،،،،،،،

يا عين زينب يا ضواهه
ها يا نبضهه وكل هواهه
غيرك بعد ياهو اللفاهه
بس الحزن يفتر وراهه

ما عندي بس جرت نفس وانته اعله بالي
وين  التفتلك  والنهر  بايگ  دلالي
يا موتت الما عنده اهل والوجه خالي
محد  يشيل  جنازته  وميدفنه  غالي

حيلي ،، يم الشريعه هناك مطروح
حيلي ،، خلص تره بدمعات وجروح
حيلي ،، يا روح زينب فدوه لتروح


بيناتنه ،، چلمة شرف بيناتنه
بيناتنه ،، منحر نزف بيناتنه
بيناتنه ،،، حيدر وگف بيناتنه



كلمات الخادم  / رعد الفريجي

انصبو الفاتحه بكل شارع الليله
جنازته الغريبة كلش اثكيله

بالغربه السنه ومحد وصل ليها
لحد زارها ولحد نشد بيها
مهضومه وبقه بين الغرب زوار
غير ام عون حكنه نبچي عليها

ضل تابوت زينب محد يشيله

@@@@@@@@@@@@@

قيمو الفاتحه بنص الكلب خدام
زينبكم تضل وحدها هذا العام
غريبة بلا اهل بلغرب هاي ام عون
ماتت لابچي وتشيع نص الشام

كون اخوان عدها النعش تبجيله

@@@@@@@@@@@@@@

فزعه نريد كون اليوم من عدكم
مااريد الطم يبرد اب مجلسكم
شدو حزامكم عالطم والدمعه
خدام المجالس زينب تكلكم

كل واحد بچه عباس يدعيله

@@@@@@@@@@@@@

كون بكربله مدفونه يم عباس
حته نزورها بكل وكت ياهلناس
زينب بالغرب ملجومه هاي شلون
محد زارها والكبر ما ينجاس

غير ام الخدر وحسين نشكيله

@@@@@@@@@@@@@@

بلايه يخوان ماتت بلغرب صعبه
لو يمها الكمر جان الدمع صبه
ضلت لاهل مهضومه يالعباس
موش ولام ليها زينب الغربه

صاحت ياابو فاضل ماتت العيله

@@@@@@@@@@@@@@

وداد البخاتري




@Alphadli
قناة في رحاب الحسين ع

هونك يدفان * ماعدهه خوان
مبينه غريبه هالمره // صفنت عليهه المكبره
//////////////////////////////////
الفاره الدنيه بسبيهه شباقي بيهه
شويه يادفانهه هون عليهه
بلكت آمن اخوانهه واحد يجيهه
خاف ماتدري الحبل رضرض اديهه
شوف النعش زين * هاي اخت الحسين
ياهو بسبيهه مادره // صفنت عليهه المكبره
//////////////////////////////////
جي غريبه بالنعش ينسمع ونهه
بالك اتراب اللحد يلجم متنهه
دموع غربتهه تره بخدهه جونهه
جنازه لا بيهه اخوهه ولا ابنهه
مبحوحت الصوت * ما جاهه زاتوت
جنازت غريبه محيره // صفنت عليهه المكبره
//////////////////////////////////
وسع اشويه الكبر خليهه ترتاح
ظلوع كسرو منهه تدري بكعب الرماح
طبع بالمحني ظهرهه تكض الصفاح
بالسبي يكومهه جانو شتم واصياح
التلجمهه الخيام * مسبيه للشام
ليش بحزنهه موزره // صفنت عليهه المكبره
//////////////////////////////////
شويه من الشوج فدوه نضف التراب
السحكته الشوج بجدمهه لهسه ماطاب
وللحجار اشويه اريدك تحسب احساب
بحجر اهل الشام صعبه انوب تنصاب
من كل سطح دار * راموهه بحجار
ويدرون بيهه مخدره // صفنت عليهه المكبره
//////////////////////////////////
جوه خدهه وصله خلي امنكعه احساس
وصله من راية اخوهه الكمر عباس
حزن زينب عالكفلهه عجب الناس
طول درب السبي غيره يدخن الراس
ما شافت افياي* كرهت شكو ماي
الشافت هذيج المجزره // صفنت عليهه المكبره
//////////////////////////////////
لا تعلي اتراب كبر الحره تزعل
اتراب الهوايه تره يذكرهه بالتل
انعادت الوحشه عليهه من الاول
شكد مصايب ياكلب زينب تحمل
طف كربله بعيد *** وشوفت اخو تريد
الشمات وكفو دائره // صفنت عليهه المكبره
//////////////////////////////////
تمت ____ علاء الزيدي



@Alphadli
قناة في رحاب الحسين ع

ردوا آل أميه يردوني سبيه
شعدها وياي الايام تجرح غربة الشام
****
أمس تعنوني وصاحوا بالإجماع
من أرضنه يالغريبه ارحلي بساع
كبتج نهدمها ونساويها للگاع
اليوم رجعو وستغلو هاي الأوضاع

شعندج صاحو اهنا بساعج امشي منا
هواي بگلبي آلام تجرح غربة الشام
****
انه زينب بت علي وانه الحبيبة
حاوطوا كبري ودوت نار المصيبة
وكلت هسه منين ابو فاضل اجيبة
ينظر بعيناه حال أخته الغريبة

يحضرني بغربتي وينشف دمعتي
ويبعد عني الاسهام تجرح غربة الشام
***
بغربتي ظليت ودموعي جريه
وردت واحد ياخلك يكَصد اليه
ابحضرتي أيطوف وبحضرت رقية
ويرد عنه وحشه الحضره الخليه

من بعد الهواشم يحرس گبري ظالم
تفتر يمي ظلام تجرح غربة الشام
***
اعتنت ليه رقية بدمع العيون
تكلي ذوله الناس من عدنه شيريدون
خل نهاجر للعراق الشيعه يوفون
ونسكن بين النجف وكربله كون

عمه جان أملنه نسكن يم اهلنه
لحسين الگلب هام تجرح غربة الشام
**
نسكن بين الأحباب وبين أهلنه
والعراق ايصير ياعمه وطنه
تهوه من كل فج عميق الشيعه النه
وكلها مشيايه تجي وتسر كلبنه

تخدمنه المواكب وما نرجع غرايب
وعدنه اهوايه خدام تجرح غربة الشام
**
صح اهلنه اهل العراق وناس طيبين
وحلمي جان اندفن يم عباس حسين
لاجن بهذا الامر ياعمه تدرين
ما اعوف الشام وحنه اهنانه باقين

الشام اتسمه بسمي وهذا المهدي يمي
جيته تحقق احلام تجرح غربة الشام
***
تمت
ميثم العمري


@Alphadli
قناة في رحاب الحسين ع

طايح كفـيلي  ــــ   صوب دليلي
هاي المصيبه  ــــ  زينب غربيــه
             طايح كفيلي
ـــــــــــــــــــــــــــــــــــــــــــ
ردللخيم يابوالــفضل  ضلمه   علينه
ماضل كفيل عل ضعن وحنه نسيبنه
احــــبال  العده  ياهيبتي  شدو بدينه
عكبك  يخو زيـنب  تره  وليه  انولينه
واحدضربنه  ــــ  واحــديسبنه
ماظلي والي  ــــ   وينك يغالي
مبعدخليلي ــــ   طايح كفيلي
ـــــــــــــــــــــــــــــــــــــــــــ
عوف العذب خويه صحت زينب تريدك
أمنيتي يردذاك الزمن  وجفوفي بيدك
انته الشجاع ال بالحرب  محديصيدك
وابن   الأمير البشدد   والكل  عبيدك
رايديذلهم    ـــ   بجفه أجلهم
بجفوفه رايه ــــ    ليث المـنايه
للغالي حيلي ــــ  طــايح كفيلي
ـــــــــــــــــــــــــــــــــــــــــــ
صعبه يخو زينب بقـــت زيـــنب وحـــيده
الجانت كبل يمك تضل هســه  وحــيده
منهو الي يكدر عــــالزمن  لينه وعيـــده
عيدي من اشوفك والكلب ماينسه عيده
ريتك تمرني  ــــ  بـٌعدك هظمني
راح من ايديه ــــ   ليث الحــميه
يدموعي سيلي ــــ طــايح كفيلي
ـــــــــــــــــــــــــــــــــــــــــــ
ماضلن لـزيــنب خيــم بـــــت الوديــــعه
ياوسفه ليث الموزمه ضـــــل عالشريعه
هاي المصيبه وعله الحرم هاي الفجيعه
جفوف الحمه راعي الفخر صارت كطيعه
ياهــــواليردنه   ــــ  ماتت ولـــدنه
كلفه الشماته ــــ   علطــــيبه ذاتـه
مايكضي ليلي ــــ  طـــــايح كفيلي
ـــــــــــــــــــــــــــــــــــــــــــ
تــالــي العمر بت فاطــــمه ضربو متـنهه
أذتهـــه والله مصــيبــتـك ردهـه لوطنهه
رايـــة يمـــينك ياكـــمر رادت جـفــنـــهه
وجانت تريد بـــكربلــه يــصـبـح دفــنــهه
تالي عمرهه   ــــ  يـــمك كبرهه
ياخويه وينك  ــــ  واسمع ونينــك
أبموتي اندعيلي ــــ  طايح كفيلي
ـــــــــــــــــــــــــــــــــــــــــــ
خادمكم قيس عوده الكعبي

ياحســـــــــــــــــــــــــــــــــــــــين =
ــــــــــــــــــــــ ١ ــــــــــــــــــــ

عـــنك ماشـيه يحسـين
وحـگـــك يالاخـو گـــوه
يــبـوطـول الحلو مذبـوح
عجيبه عله الارض تهـــوه
اجيت من الخيم يحسين
احـــشمك يـابــــو المروه
حركوها الخيم والنار
بـنــاتـك بـيـــها تـــتـــجوه

حسين حسين حسين
ــــــــــــــــــــــ ٢ ـــــــــــــــــــــ
من كثر الطعن نـاديــت
اخــوي ارسومـه متغيره
اجيت اوشفتك بهل حال
عـالطبره شفت طبره
وصلت اوشفته فوك الكاع
اويلي اوصاله مـتـــوذره
صحت معقوله هذا حسين
وكــفـت بـصـفه متحيره

حسين حسين حسين
ـــــــــــــــــــــ ٣ ــــــــــــــــــــــــ
جاوبنـي النحر ويكول
اني حسين يا زيـــنـــب
كلبي من العطش مفطور
جيبـي الماي اريد اشرب
يخويه اشلون اشربك ماي
بلا راس الجـسد يصعب
ينزف دمك عله الكاع
يـخـويـة ونــحـرك مـــتـرب

حسين حسين حسين
ـــــــــــــــــــــ ٤ ــــــــــــــــــــــ
شسولفك يشيخ الگـوم
اخافن الچم اجروحك
ريــت اخـيولـهم يحسين
سحگني او بقت روحــك
شجرة من البعد تنشاف
اســهــام الوادم اتلــوحـك
يگـلبـي لا تـبطـل النـوح
خـل يـعله بدمــــع نــوحـك

حسين حسين حسين
ــــــــــــــــــــــ ٥ ــــــــــــــــــــ
اجيت لمـصرعك يحسين
بضنـي للخـيم ترجــع
جــثـه لــكــيــتك بلاراس
جـثـت غــالي تتگـطــع
جدّامي واچذب العين
وشوفك واني ما اقـــنـع
مصيبه والكلام ايطول
وخـــاف ارقيـه لا تـسمع

حسين حسين حسين
ــــــــــــــــــــــــــــــــــــــــــ
الشاعر خالد جودي العارضي

ابيات ابوذيه
جروحي لاتضن بعدك    شلتها
ومشي دروب السبي ابنيتك  شلتها
رقيه  اتعبت  عود انه    شلتها
طاحت اسف ماشالنها اديه

انه بنت النزل هايم    وحلها
 رگد حيلي عله الراحو   وحلها
احبالي اشلون افلنها   وحلها
وصار اشهور مشدوده بديه

وينك يا رفيج الدرب     يرباي
لضعنه الشامت امن ابعيد يرباي
الشمربل حبل بين الناس  يرباي
الخجل موتني موگصات اديه

سلام البهادلي

كافي بل غربه تعاي. ابكربله اشگدعدنه ماي
يمي اريدج خويه اصيح
ابچفي ابنيلچ ضريح
يزينب     يزينب
___
من غربتچ خويه زينب گلبي يعصرني عصر
من يسدونه ضريحچ ابگلبي مايبقه صبر
عيون التحبچ ابابچ تبچي بل حسره جبر
الضريح اشلون فارغ ناس ماكو من العصر

الغربه وين اتريد بيچ.  خويه متألم عليچ
الفكره اشوفنهه صحيح
ابچفي ابنيلچ ضريح
__
وياچ تمشي الغربه گامت مثل ضعنچ والسبي
اليازمن جرحچ ابگلبچ ويجرح بكل طالبي
ياهي مثلچ ضيم شافت وبختهه اشچم نبي
انتي بابچ باب الله بخته من بخت العبي

اوحيده وبعيده لوين. ادري بيچ مضيعه عين
گلب المفارگ جريح
ابجفي ابنيلچ ضريح
___
كربله مابيهه ضلمه كربلهه كلهه ضوه
حته چفي عليچ ينشد حضرالجرچ دوه
الشام يجرح بيهه كلشي حته نسمات الهوه
اليمته نتفارگ تعبنه خويه خل نلتم سوه

اليمته گليلي انتظر .. مرعلينه اچم عصر
نركض انزور الذبيح
ابچفي ابنيلچ ضريح
_
جيبي وياج العلاوي الخاطر اعيون الرضيع
وخبري السام وغربته احنه مانشري اليبيع
وخبري كلمن يحبنه حسين يم الله شفيع
احسين مشتاگ الرقيه بعد مايحمل تضيع

ماكوخوف من السهام.  اطفاله يم حضنه تنام
خيام مااسمح تطيح
ابجفي ابنيلچ ضريح
____
هاي امنيتي يخويه عندي اغله الامنيات
گبتچ يمي قريبه وبضريحچ كون ابات
الدنيه بس اجروح بيهه وفرگتنه من الحيات
الجمعه حلووه حيل احبهه مااحب طاري الشتات

امنيتي تتحقق يريت. وكربله اتصير النه بيت
شوگي مايكتم صريح
ابچفي ابنيلچ ضريح

سلام   البهادلي

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

سارع في تسجيل قصيدة اونعي او لطمية لاستشهاد (الامام الكاظم )(ع )من خلال بصمة التلجرام او الواتساب للاستفسار
@ahmed_alziwar0

https://youtu.be/LrisPEcY7sU?si=o1pZevOF_je8XssH

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

https://t.me/+3A7xsv76RHFiMDlk

https://t.me/phadli

https://youtu.be/IOnTzNQzT90?si=aQonBe92Aj_yRlVw

ملا سجاد البهادلي

يا محلى الوداع بهالمسيه

للمرحوم خادم الحسين ع

الشاعر كاظم منظور الكربلائي

🕊🌥

شمس الشموس لك الديار تزينت✨
والطير غرد والمدينة أعلنت..🕊
ولدالامام الثامن البر التقي...💐
شمس الهداية بالرضا قد أشرقت..🌟

✨ 💫
قناة ملا سجاد البهادلي

https://t.me/alguran74

أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الأحد الموافق (٢٥ /١٢ / ٢٠٢٢ م) هو الأول من شهر جمادى الآخرة لعام ١٤٤٤ للهجرة ، .

#مكتب_السيد_السيستاني_دام_ظله
يوم الثلاثاء 3 جمادي الآخر استشهاد الزهراء صلوات ربي عليها عظم الله أجوركم

https://youtu.be/Hyxw-TnL5bs

https://t.me/alguran74

**وأي جمالّ بعد فاطِمُ يذكرُ **❤️🍃

#يازهراء
#مولد_الزهراء

أنا لله وانا اليه راجعون
صاحب الدمعه وصاحب العبره الحسينيه
الخطيب الشيخ رياض الباوي في ذمه الله
هنيئآ لك حبك للحسين ع
خسارتنه جبيره 😭😭😭💔

جرح السنين ام الحسين
مرقدج وين روحي أقدم لليدليني
•••••••••••○•••••••••••
مثل طير بكل وكت انا انذبح
كبرج المخفي يظل أكبر جرح
كبتج لازم تكون اجمل صرح
وبضريحج ندعي كل ظهر وصبح
كل محب فاز ام الاعزاز
مرقدج وين روحي اقدم لليدليني
••••••••••••••••••
كل موالي يحزن ادري وكل محب
مرقدج مخفي عليه اشكد صعب
شوك والام وحزن عينه تصب
وعل يضدج مثلي يعلنهه حرب
كل محب صاح رغم الجراح
ومرقدج وين روحي اقدم لليدليني
•••••••••••••••••••
قسم بحسين ودمائه ومصرعه
ابنج المذبوح بأعظم فاجعه
ونحر عبدالله الرضيع ومدمعه
اي وحق أم البنين الاربعه
انتي الانفاس وتصرخ الناس
مرفدج وين روحي اقدم لليدليني
••••••••••••••••••
اشكد شبه ما بينج وبين الإمام
نفس كسرة ضلعج امنهل الظلام
نفس حرك الدار حركوهه الخيام
ما يحبون البشر يبقه ابسلام
والكلب هام كل سنه وعام
مرقدج وين روحي اقدم لليدليني
••••••••••••••••••
ابو صالح فدوه أظهر يا ضوه
ضاكت الدنيا الوسيعه والهوه
وطيب اجروح التحبك يا دوه
ومرقد امك فاطمه نبنيه سوه
وطيب الجروح ذابت الروح
مرقدج وين روحي اقدم لليدليني


الشاعر. ..... هادي الساعدي

نعي إلى الزهراء عليها السلام☆
زماني يهدم أحـــــلامي ونبني
وعلى المحسن ذهيله أصرخ ونبني
طفل مايحمل اللوعه أظنهم كسرو ضلوعه يون وروحه مفجوعه
دفنته بالكبر وسمع ونبني
بكل ونه ضلع يكسر إليه..
**
بليلي ألزم مهد محسن ولولي
الصحابه من رحل طه ولولي
أنه الزهره نسطر خدي ولولي
الله وهوه ياخذ ثاري إليه.
؛؛:؛:؛:؛
باب الدار من دمي حنيته
وأنه ضهري بفكد محسن حنيته
دليلي تحركه كل ليله حنيته
يحن وتصور المحسن بديه
؛:؛:؛:؛:؛
الدهر شيد حزن بيه ويبني
وعصرة موت عصروني ويبني
يملك الموت إخذ روحي ويبني
أريدن بالكبر يغفه على إديه
؛:؛:؛:؛:؛
فاطم ياعلي طرحت حملها
ومنو الغيرك يبو الغيره حملها
مصايبها إذا كلبك حملها
شتكل للهادي عن ضلع الزجيه
؛:؛:؛:؛؛:؛
الدهر إم الحسن عني بعدها
وعساني ماعشت عمري بعدها
الثواني الموتي بحسبها بعدها
علي أني وضهري محني على الزجيه
؛:؛:؛:؛:؛:؛
عيون الزهره من طاحت ترابك
وكلبها ياعلي منهم ترابك
تفر الكوم لو تسمع ترابك
يعرفونك علي حامي الحميه
؛:؛:؛:؛:؛:؛
يدنيه لمي أحقادج وضهري
بعد طه نكسر ضلعي وضهري
علي صار الصبح أضلم وضهري
أسود والسمه ضلمت عليه
؛:؛:؛:؛:؛:؛

--
الشاعر نسيم الحميداوي