Посты канала Alkavsar.uz

ОНАНИ ХОРЛАГАН ФАРЗАНД ОҚИБАТИ
(Ҳаётий воқеа)

У яна қўпол муомала қилди, онасининг юзига қараб бақирди, уни сўкди, ҳақорат қилди.
Оллоҳ берган куч-қувватни зулмга, ноҳақ бўлса ҳам ўз фикрида туриб олишдек қайсарликка сарфлади.
Онаси унга доим бундай қўпол, зулмкор бўлмаслигини айтиб насиҳат қилар эди. Атрофидаги ҳамма, ҳатто аёли ҳам унинг қўполлиги сабаб қайтиб келмайдиган бўлиб уйига кетган эди.
Ҳурмат-эътиборга муҳтож она гўё ўғлининг хизматчисидек бўлиб қолди.
Она Оллоҳдан ўз жигарбандининг аҳволини ўнглаб, Тўғри Йўлга бошлашини сўраб неча маротаба кўзёш тўкди. Ахир у нима бўлганда ҳам якка-ю ёлғиз фарзанди. Шояд Оллоҳ унга ҳидоят берса. Лекин туғён уни одамгарчиликдан чиқарган эди.

Бир куни у онасининг олдига ёмон бир алфозда кириб келиб, унга қичқирди: Ҳалиям кечки овқатни тайёрламадинггизми?
Қарилик, дард ва қайғудан қадди букилган онаизор оёқ-қўли титраганича, кўзининг оқу қораси бўлмиш фарзанди учун овқат тайёрлашга турди. Ўғил таомни кўриб, ёқмагани сабаб ерга отиб юборди ва ғазаб отига минганича онасига деди: Сиз ҳеч нарсани яхши тайёрлай олмайсиз, куним энди сиз – оқсоч кампирга қолди. Билмадим сиздан қачон қутулар эканман.

Она йиғлади: Болам, Оллоҳдан, дўзахдан қўрқгин. Ахир Оллоҳнинг ғазабидан наҳот қўрқмасанг. Ахир Оллоҳ таоло ота-онага оқ бўлишдан қайтарганку, сени қарғашимдан қўрқмайсанми?
Онанинг бу гаплари унинг ғазабини, мажнунлигини янаям оширди ва онасининг кийимиларидан қаттиқ тортганича, ўзи томон буриб деди: Мен сизни насиҳатларинггизга зор эмасман, Оллоҳдан қўрқ деган гапларингизни менга айтманг, деди ва уни итариб юборди. Она юзтубан ҳолда ерга тушди. Ана шу онда унинг йиғиси истеҳзо кулгисига аралашди. Ўғил онасининг истеҳзо аралаш кулаётганини кўриб: Энди мени дуоибад қилар эмиш, худди Оллоҳ унинг дуоларини ижобат қиладигандек, деб онасини масхарлаганича уйидан чиқиб кетди. Дарҳақиқат, унинг қалби тошга айланган эди.

Шундан сўнг ўғил машинасини ҳайдаб кетди. У радиодан таралаётган куйни баланд қўйганича шодон кетар эди. У уйда ғамгин ҳолда қолган мискина онасига қилган ишларини унутган эди.
Ўғлининг бу қилиқларидан онанинг қалби вайрон, дилини алам ўртар, кошки эди, агар у шу фарзандини дунёга келтирмаганида уни дуоибад қилмас, балки Ҳасбияллоҳу ва неъмал вакил, деган бўлар эди.

У машинасида тезликни оширганча кетар экан, тўсатдан рўпарасидан туя чиқиб қолди. У тараддудга тушиб, мувозанатни йўқотди. Ўзини ўнгламоқчи бўлди, лекин тақдирдан қочиб бўлмас эди. Машинанинг синган темирларидан бир бўлаги унинг ичига кириб кетди. У ўлмади. Оллоҳ унга муҳлат берган эди. У бир операциядан иккинчисига кўчиб юраверди. Тўшакка михланиб ётиб қолди. Ҳаракатдан мосуво бўлди. Сўздан қолди. У ўзгаларга ибрат бўлсин учун ана шу ҳолида қолди.

@alkavsaruz

БЕБОШ ЎҒИЛ ВА ОНАСИ

Бебош бир ўғил онасининг сўзларига қулоқ солмас, гапларини бўлиб ташларди. Бечора она боласининг дарди билан ёниб юрарди. Она боласини йўлга солишга ожизлигини кўргач, бешигини олдига олиб келиб қўйди ва:
– Эй аҳмоқ болам! Болалигингни унутганга ўхшайсан. Сен доимо йиғлайдиган бола эдинг. Мен ҳам сени деб кеча-кундуз тинмасдим. Тунлари сенинг истакларинг учун уйқудан ҳам воз кечгандим. Шу бешикда ожизгина ётардинг. Ҳатто юзингдаги чивинни ҳам учириб юборолмасдинг. Бугун катта бўлдинг, куч-қувватга тўлдинг. Энди эса мени ранжитяпсан. Лекин, бир кун келиб албатта бу дунёдан ўтасан. Қабрнинг тубига, қоронғилик қаърига кирасан. Ўшанда Аллоҳдан раҳмат нури ололмайсан, – деди.

ҲИКМАТ

Шарқнинг буюк мутафаккири Саъдий бу қиссаси билан оналик ҳақининг нозик жиҳатларини баён қилмоқда. Дунёда валинеъматларини билмаганлар Ҳаққа исён қилган бўлишади. Шу боис ҳам пайғамбаримиз Муҳаммад соллаллоҳу алайҳи васаллам «Жаннат – оналарнинг оёғи остида» дейиш билан уларга хизмат қилиш жаннатий амаллардан эканлигини билдирганлар. Шубҳасизки, она ҳақини адо қилмоқ бу дунёда мумкин эмас. У бешикдаги гўдагини минг турли ниёзлар билан ўстириши фарзанди устидаги энг катта ҳақидир.
Бир куни бир киши Муҳаммад алайҳиссаломга:
– Мен онамни кўтариб, Маккани зиёрат қилдирдим, ҳақини адо қилдимми? – дебди. Пайғамбаримиз Муҳаммад соллаллоҳу алайҳи васаллам :
– Йўқ, у сени қучоғида олиб юрганда фарзандим униб-ўссин, катта бўлсин, – деб ўйлаганди, сен эса кўтариб юрган пайтингда онангнинг ўлими ҳақида ўйлардинг, – дедилар.
Эй фарзанд, сен онангнинг олдида турганингда, доимо Саъдийнинг бешик ҳақидаги ушбу қиссасини эслагин. Саъдий бу қиссани ёшларга ибрат бўлсин деб ёзганлар.

Раббимиз ҳузурида энг мақбул амал, Унга ибодатимиз ва ота-онага хизматимиздир.

@alkavsaruz

Биз Қуръонни мўминлар учун шифо ва раҳмат ўлароқ нозил қилурмиз. У золимларга зиёндан бошқани зиёда қилмас. (Дарҳақиқат, Қуръони Карим шифодир, Қуръони Карим раҳматдир. Қуръони Карим куфр, ширк ва мунофиқлик каби энг зарарли ақидавий хасталикларни даволайди.) 

Исро сураси, 82-оят

@alkavsaruz

#muftiy_minbari

📹 ОҒИР СИНОВ (2-қисм)
🎤 Шайх Нуриддин Холиқназар ҳазратлари

@alkavsaruz

Поку-озода, танлаб олинган Пайғамбаримизга салавот саломлар бўлсин!

أزكَى الأنَامِ وخيرُ النَّاسِ لا جدَلٌ
‏القَائل الحقّ دومًا دونَمَا قَلَقِ

‏الهَادِيَ النَاس للخَيراتِ تَفعلهَا
‏حتَّى تَفوزَ وتُرضِي مُنزِلَ الفَلَقِ

‏صلَّى عليكَ إلهِي مَا الرِّياحُ ذَوَتْ
‏أو أنزل الغيث ربِّي خالقُ الأفُق.

‏صلى الله عليه وسلم .‌‌

Махлуқотлар поки, инсонлар яхшиси ҳеч бегумон
Ҳақиқатни айтган доимо асло бўлма ҳайрон
Ҳидоятга бошлади барчани то бўлгунча ғолиб
Тонгни кетиргувчи Роббим рози бўлди, эй толиб
Аллоҳим сизга юборар шамолдек тинмас салавот
Роббим раҳмат ёмғирила сероб қилар эй улуғ зот
Аллоҳим юборгил у зотга беҳисоб салому салавот.

Устоз Адҳамжон домла Абдураҳмонов таржималари.

@alkavsaruz

ОТА-ОНАГА ОҚ БЎЛИШНИНГ ОҚИБАТЛАРИ

1.Ота-онасига оқ бўлган жаннатга кирмайди.
Расулуллоҳ соллАллоҳу алайҳи ва саллам айтганлар: “Аллоҳ таоло уч кимсага жаннатни ҳаром қилди (ҳадис ниҳоясида) Ота-онасига оқ бўлганни (зикр қилди)”. Саҳиҳ ҳадис.
Яна у зот айтдилар: “Ота-онага оқ бўлган кимса жаннатга кирмайди”.

2. Оқ бўлган кимсанинг савоб амаллари қабул бўлмайди.

3. Оқ бўлганга лаънат ўқилур.
Расулуллоҳ соллАллоҳу алайҳи ва саллам дедилар: “Ота-онасини ҳақорат қилганни Аллоҳ лаънатлар”.

4. Оқ бўлганнинг жазоси тезлашур.
Абу Бакр розияллоҳу анҳудан ривоят қилинади: “Расулуллоҳ соллАллоҳу алайҳи ва саллам дедилар: “Золимлик ва ота-онага оқ бўлиш Аллоҳ таоло Охиратда берадиган жазосидан аввал бу дунёнинг ўзида бу жиноят эгасига азобини тезлатишига энг лойиқ гуноҳдир”.

5. Оқ бўлганнинг ризқи кенг, умри узун бўлмас.

6. Ота-онасига оқ бўлганнинг фарзандлари ҳам ўзига оқ бўлурлар. (Мана шу уларнинг қилмишларига) яраша жазодир!

7. Оқ бўлган кимсага ваъда қилинган қаттиқ азоб бордир.

8. Одамлар орасида ота-онасига оқ бўлганнинг номи хунук бўлур.

9. Оқ бўлганнинг ишлари юришмас, истаган нарсаси амалга ошмас. Ундайларга яхшилик эшиги беркилур.

10. Ота-она ўзларига оқ бўлган фарзандларини дуоибад қилурлар. Парвардигор уларнинг дуоларини ижобат этар. Ундай кимса дунё-ю Охиратда зиён топар. Мана шу очиқ зиёндир.

11. Ота-онасига оқ бўлганнинг ҳаёти қуйида келтирилажак ҳикоялардагидек аламли ва оғриқли ҳолда ниҳоя топар.

(Иброҳим Ҳозимий “ОҚПАДАРЛИК ОҚИБАТЛАРИ” китобидан).

@alkavsaruz

Солиҳ салафлар Шаъбонда

Шаъбон ойи келса, Ҳабиб ибн Абу Собит: «Бу қорилар ойи», – дер эди.
* * *
Амр ибн Қайс эса эшикларини тамбалаб олиб, Қуръон қироатига киришар эди.
* * *
Ҳасан ибн Шуҳайл раҳимаҳуллоҳ Шаъбонда кўп Қуръон ўқир ва: «Раббим, икки улуғ ойни менга манфаатли қил», – дер эди.

📚 Ибн Ражабнинг «Латоифул маориф» китобидан.

@alkavsaruz

​​Сизларга баҳоси қиммат бир ҳақиқатни айтиб қўяй: "Агар болангизга тарбияни беш ёшида бермасангиз, ўн беш ёшида беролмайсиз. Бундан кейин назоратини қила олмайсиз. Ҳали кичик экан, ғофил бўлманг. Фурсатни қўлдан берманг".

Шайх Муҳаммад Ротиб Ноблусий.

@alkavsaruz

#muftiy_minbari

📹 УЛАРГА УФ ДЕМА
🎤 Шайх Нуриддин Холиқназар ҳазратлари

@alkavsaruz

#ЭСЛАТМА:

Расулуллоҳ соллаллоҳу алайҳи ва салламнинг суннатлари

• Ҳар ишни бошласангиз «Бисмиллаҳ» денг.
• Ният қилсангиз «Ин ша Аллоҳ» денг.
• Ҳайратлансангиз «Субҳаналлоҳ» денг.
• Мақтасангиз «Ма ша Аллоҳ» денг.
• Раҳмат айтсангиз «Жазакаллоҳ» денг.
• Афсуслансангиз «Астағфируллоҳ» денг.
• Кузатсангиз «Фий амааниллаҳ» денг.
• Берсангиз «Фий сабийлиллаҳ» денг.
• Ўлимни эшитсангиз «Иннаа лиллаҳ» денг.
• Акса урсангиз «Алҳамдулиллаҳ» денг.
• Қийинчилик етса «Ё Аллоҳ» денг!

@alkavsaruz