علی جباری(علی معللیم)

قانع اولماز

علی جباری ( علی معللیم )

بو اینستاگرامدا کی  پیجیمین  آدرسی
👇
https://instagram.com/alijabbari.alimallim?igshid=1nmoe66hjkxes

بودا   تلکرامدا کی کانالیمین  آدرسی دیر 
👇
@alijabbarii

دای قوجالیرام

علی جباری ( علی معللیم )

بو اینستاگرامدا کی  پیجیمین  آدرسی
👇
https://instagram.com/alijabbari.alimallim?igshid=1nmoe66hjkxes

بودا   تلکرامدا کی کانالیمین  آدرسی دیر 
👇
@alijabbarii

گلین خانیم شعری

گلین خانیم آچ گؤزلری
چیخیرسان بیر اوزون یولا
سیرغا ائله بو سؤزلری
محبتله وئر قول قولا
چالیش یارین خوشبخت اولا

جانلا باشلا یار دئگینن
نقدر عومرون وار دئگینن
گیزلی هم آشکار دئگینن
سئوگینیزی قویما سولا
چالیش یارین خوشبخت اولا

عشق سارایین تیک اؤزونه
سئوگیله باخ هر سؤزونه
چالیش هرآن گول اوزونه
قاش قاباغی سن قوغالا
چالیش یارین خوشبخت اولا

چوخ آختارما ثروت واری
خوشبخت لیگه بیل آچاری
محبتی  چک  یوخاری
محبتله ائویز  دولا
چالیش یارین خوشبخت اولا

واللاه بئش گونلوک دونیادی
قویما قاچا آغزو دادی
درد ائلمه هربیرزادی
یاشاییش آچسادا چالا
چالیش یارین خوشبخت اولا

یارینین اخلاغین  تانی
هرآن اوجالت او اینسانی
قویما یورا هئچزاد سنی
ایشلمه سن کوزا کولا
چالیش یارین خوشبخت اولا

علی ائدیر آرزی سیزه
بیر کؤرپه سالاسیز دیزه
قوچاق لازیم ائلیمیزه
لاپ قیزدیرسین ائوی بالا
چالیش یارین خوشبخت اولا

@alijabbarii
بی شعری

بوقوجا دونیادا ببر آرزیم بودور
همیشه عومرینده گول آی تازه بی
ائلین چوخ سئوینیر گلیب تویونا
تبریکلر سؤیله ییر ائل آی تازه بی

چوخ سئوین تاپیبسان سئودیگین یاری
باشاجان بیرلیگه وئرین  ایلقاری
سیزه کمک اولسون او بؤیوک تاری
عومروز سازی چالسین زیل آی تازه بی

بیر - بیریزین قدرینی هرآن بیلین
بیرگه شاد یاشایین بیرلیکده گولون
همیشه فرحدن دانیشسین دیلین
محبت سؤیله سین دیل آی تازه بی

علی آرزیمدیر کی شادلیق مودام
آتا ، آنازا   مرحبا مین کلام
چوخ ساغ اولسون گلن قونلار تامام
بونلارین قدرینی بیل آی تازه بی

@alijabbarii

باج اوغلو مهدی بی ین تویودور

علی جباری ( علی معللیم )

بو اینستاگرامدا کی  پیجیمین  آدرسی
👇
https://instagram.com/alijabbari.alimallim?igshid=1nmoe66hjkxes

بودا   تلکرامدا کی کانالیمین  آدرسی دیر
👇
@alijabbarii

#️⃣ #alijabbari_alimallim
📅 23/08/2020, 21:17:18
👤 alijabbari.alimallim
❤️ 1,153
▶️ 9,468
💬 57
🎥 00:03:53


🔄 01/01/1970, 02:00:00
📥 @Regrambot

تورک اوغلونون رئیس جمهور اولماسینی هامییا تبریک دئییرم
اونادا بوللو باشاریلار دیله ییرم

بابک قالاسیندا
شعر ، سس ; علی جباری (علی معللیم )
شعر 1381- ده ، بابک قالاسیندا ، بابک ین دوغوم گونو دئییلیب
@alijabbarii

خردادین بیرینده یازیلان شعر

اؤز کیملیگیمیزی، اؤز دیلیمیزی ،اؤز ادبیاتیمیزی ،آذربایجانیمیزی سئون دوستلار،، وطن دردین قانان اینسانلار،
بو یازین انجمنی دیلیمیز اوچون ، ادبیاتیمیز اوچون ، بیرپارا اؤیرتیم ، تانیتما ایشلری گؤرور ،
بس نه قدر چوخ آدام بوردان فایدالانسا ، اوقدر هم دیلیمیز ،ادبیاتیمیز اوچون، همیده اؤیرنلر  اوچون فایدالی دیر
اونا گؤره
سؤزده یوخ ،
حقیقتا هربیر دوشونن ، قانان ، آنلایان ، اینسانین وظیفه سی دیر ، گوروی دیر
هم اؤزو گلمه لیدیر ، همیده الی چاتان اینسانلاری( گوشی سینده ، اولدوغو گروهلاردا ، اؤز کانالینداکی ) آذربایجانا عاشیق آداملاری ، چاغیریب بورا گتیرسین کی بو نعمتدن فایدالانسینلار

بودا   انجمنین  لینگی
https://t.me/+QHeYpeNwP06oXZ0P

یازین انجمنینده من  یازدیغیم مئیخانا

وئریلن باشلیق بودور

سؤزو اولان گلسین  مئیخانا یازسین
جاواب وئریلمسه   هریانا  یازسین
#

من یازانلار بونلاردیلار
#

شاعیرین هنری  دئییر مئیخانا

هر بیر شاعیر گیرنمز بو مئیدانا

آخیجی طبع ایستیر گله عصیانا

شاعیر گرک سؤزون اعلانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

میللت ایستیر شاعیردن اورک سؤزون

گلین خالقین اؤرک سؤزلرین دوزون

سؤز ایچیندن گؤزل سؤزلری سوزون

هر ائشیدن  باشقا  انسانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

مئیخانا دئییلسین  باکی دیلیله

اوتای بوتای قووشوسون اؤز ائلیله

شاعیرلری بوردا گؤرک سئلیله

گؤرنلر بو جمعی  هریانا  یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

میللت گؤرسون شاعیر اولوب دیل اونا

دوزمز میللت اوستونه قملر قونا

ایندی شاعیر دیلدی  آذربابجانا

میللت دردین  گرک  تهرانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

شعردیر شاعیرین  قیلینج قالخانی

اونلا وورار ساغی سولو هربانی

تانیش ائدک بو هنریله ایرانی

فارس شاعیری گلیب  مئیخانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

خالق شاعیری چاغیریری  امدادا

شاعیر باشین  قاتماسین باشقا زادا

شاعیر گؤرسنمه سین  وئلو  آرادا

سؤزلرینی هر بیر عنوانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

مئیخانانین چوخ گتیرین حورمتین

هر بیریاندا   وئرین اونون  قیمتین

بیلین مئیخانانین  اصیل نیتین

گلیب سؤزو  مرد مردانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

مئیخانانی  دئمک هنر  ایشیدیر

اوستاد شاعیرلرین  بو گردشی دیر

خالق آلقیشی  اونوندا  ارزشیدیر

بو بیرلیگی کاتب  پیمانا  یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

چوخ شاعیر وار  او مئیخانا  یازانماز

بیر توتدوغو  او یولدان هئچ  آزانماز

خالقینی سایمایان  حورمت قازانماز

باشقا سؤزو  لاپ  یوز دیوانا  یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

سیز آللاهیز  خالقی یاددان  سالمایین

میللت آغلیر  باشی  قاردا  قالمایین

میللتسیز بیر باشقا هاوا چالمایین

میللت دردین  آخی  هایانا  یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

قوجالمیشام  یازانمیرام  مئیخانا

دای مئیدانی وئرمه لیک  جاوانا

قروول  اولسونلار   آذربایجانا

گلجگین  اولار  تورانا یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین
#

بوگون من ایسته دیم آزجا دوز سالام

مئیخانانین  باتان  حققینی  آلام

هرگون اوخویورام باخمایین لالام

علیده  نقدینی   یان یانا  یازسین

سؤزو اولان گلسین  مئیخانا یازسین
جاواب وئریلمسه   هریانا  یازسین

#️⃣ #alijabbari_alimallim
🕐 2022/03/20 23:43:18 UTC
📺 ‌
▫️

نثر یا دوزیازی  نه دیر؟

دانیشیلان سؤزلر، یازی اوستده گلنده، نثر یا دوزیازی دئییلیر،

نثرین نوعلاری
نثر ساده، ساده یازی(گونده لیک، روزنامه دیلی)
نثرفنی(ایستعاره، کنایه لی، مکلفی، تخصصی دیل)
نثر مسجع(جمله لرکی سونوندا قافیه اولور)...
بونلاردان باشقا

اوچ جوره نثریمیز وار

۱_ گزارشی نثر، بیر اولایی دئمک،
اورنک
تاریخ، استشهاد محل، گزارش، شکایت، تقاضا، نامه اداری، اطلاعیه، خبر...

۲_ مقاله، یعنی نظری یازماق
مقاله اوچ بؤلوم اولار
باشلانیش (مقدمه)
متن (فیکری دئمک)
 سونوج
اؤرنک
رساله، علمی مقاله، سیاسی مقاله، ادبی مقاله، تئزه دکترا،...

۳_ روایتی، یا، روایی نثر
 یعنی
ناغیل،  داستان، اؤیکو، قصه،...
اودا ایکی جوره دیر
بیرینجی،
قدیمی داستانلار، ناغیللار،
اؤرنک
ماناس داستانی، گل قامیش داستانی، دده قورقود داستانلاری، کوراوغلو، شیکاری، ارسلان، اصلی کرم،...
آنالاریمیز دیین ناغیللار،...

ایکینجی
مدرن اؤیکو،
مدرن داستانلار، رمانلار، خاطره لر...
مدرن روایی نثرلرین
قانون قایدالاری بونلاردیر

بیر مدرن روایی نثریده، بو آچیلار چوخ اؤنملی دیر،

‌۱- باشدانیش، قورتاریش،
گوجلو گؤزل باشلایب. گؤزلده قورتارا..‌.
سنتی ناغیللاردا بئله باشلانیر بیری واریدی، بیری یوخ ایدی، فیلان یئرده، فیلانکس وارایدی، سوندا، سونوجدا (نتیجه گیری) اولاردی،
یعنی
ناغیللار چوخلو عبرت اوچون دئییلیردی.
آنجاق
مدرن روایتی نثرده، اؤیکوده، داستانلاردا روای ائده بیلیر روایتی اورتادان یا سونلاردان باشلایب، ایسته دیگی یئرده، فیلاشبک ووروب اووله قاییدا،
بو راوینین سلیقه سینه، مهارتینه قالیب،
بیرده
مدرن اؤیکوده سونوج آلینماز،
سونوجو، اوخوجو اؤزو آلمالیدیر،

‌۲- دیل باخیمیندان
آغیر، پیتلاشیق باشا دوشولمز بیر دیلله یاخشی اولمور،
آخیجی ساده گؤزل ر‌وان، هامی باشا دوشن دیل اولاندا گؤزل اولار...
لغت بوللوغو
یعنی بیر سؤز تئز - تئز ایشلدیلمییه
یازار نقدر سؤز (لغت) بیلسه اثر اوقدر گوجلو گؤزل اولار
ادبی یازی دیلینین، صرف نحو، قوراللاری
گوزلنیله،
بیرده
روای نثرینده اؤز دئدیگینی، ادبی دیلده، یعنی یازی قایداسیندا آپارمالیدیر،
دیالوکدا، دانیشیقدا  قاریشی طرفی یعنی راویلا دانیشان آدامین سؤزونو، ایسته سه دانیشیق دیلینده یازا بیلر،

۳- پیرایه - مقدمه یا باشلانیشدا
هرزادی تئز لوا وئرمییه
یعنی داستانین سونو بواولاجاق دئیلسه اوندا اوجوخودا داها ماراق قالماز آردینی اوخویا اونا گؤره چوخ آچیقلانمامالیدیر،
چونکو، اوخوجو بیلسه روایتین سونو نه دیر داها اوخوماغا ماراغی، علاقه سی قالماز،

۴- شخصیت پردازی، تانیتماق
یعنی
اثرده کی کاراکترلرین. آداملارین، اشیلارین
مشخصاتی. اؤرنک
آداملارین. یاشینی باشینی، بویو بوخونو. خویونو، ظاهری قیافه لرینی. نجور اولدوغونو، کئیملرینی. دانیشقلارینی. سؤزون دئییم فورمولونو. ساغلام ناقص اولدوغونو. ایری دوز اولد‌غونو... یازیدا، یئرینده گتیرمک

۵- فضاسازی. چئوره نی گؤرمک
یئر، فضا آچماق ،یعنی روایتین چئوره سینده، دوره برینده اولانلاری، بالاجا بیر ایشلریده گ‍وز، اونونه چکیب... توصیف ائتمک،

۶-‌ موضوع
کلیشه ای، تکراری اولمایا،  دئییلمیش ائشیدیلمیش اولمایا، یئنی، نقدر تاپ- تازا اولسا اوقدر گؤزل اولار،

۷- چکیجیلیک، جذابیت،
یعنی
اوخوجو ماراقلا اوخویا لذت آلا
روایت اوقدر شیرین چکیجی اولا اوخوجو یازینی اثری الیندن یئره قویماغا دؤزه بیلمیه...

۸- تعلیق - آردینی گؤزلمک
اوخوجونو انتیظاردا قویماق،
اوخوجو دییه، بس او ایش نه واخت اولاجاق نییه بس اولمور، الان اولار،

۹ - ییغجاملیق
روای سؤزو چوخ اوزاتمایا. اثر ییغجام اولا، حشوی، آرتیقلیغی اولمایا
روای اثرده اوخوجونو یورمادان، لوپ کلامی دییه...

۱۰- دنگه نی پوزماق 
گؤزه گلیم بیر اتفاق دوشه. عادی معمولی روالدا بیر شئی اولسا یاخشی اولماز،
یعنی
روایتین گئدیشی،  معمولی عادی بیر قاتار کیمی اؤز یولونو گئتمییه،
قاتار یولدان، عادی گئدیشیندن چیخمالیدیر، اوخوجودا بیر هیجان یاراتمالیدیر،

۱۱- زوایه دید، آچیدان باخماق
بیرینجی شخص، گئتدیم،
ایکینجی شخص، گئتدین.
اوچونجو شخص، گئتدی.
نمایشی، آیدین بئله ائله دی،
یاشار بئله ائله دی،
نمایشی
اؤرنک، نمایش یازیسی، فیلمنامه،
بونلارین هانسی اولسا
اؤز یئرینده دؤز گئتمه لیدیر...
البتده،
مدرن اؤیکوده بیرینجی شخص گؤزل اولور،
یا
دانای کل، یعنی هامینین ذهنین اوخویان، بیلن
هامینین  فیکرینی دیین،
یا
دانای محدود یعنی. راوی یالنیز اؤزو، اؤز فیکرینی دییه،
قالانلارین فیکرینی اولارین دانیشغیندان آلا
اولارین اؤز دیلیجه دییه
مدرن اؤیکوده، دانای محدود، طبیعی اولور، گؤزل اولور،

۱۲- روانی، جامعه باخیمدان
یازار
کاراکترلرینین دیلیله میللت سئون، پیامی، ساوو،  ایسته ییی، اوخوجویا، ائله گؤزل چاتدیرمالیدیر کی جامعه اونو آلقیشلایا،
او آلقیش باعث اولا، اثری حتی باشقا دیللرده ده چاپا گئده.
  ......

علی جباری ( علی معللیم )
@alijabbarii

ایللر بویو
@alijabbarii

بودا منیم اوشاقلاریم ، بابک ، آتابک ، امیر
1389- تبریز
اونداکی تبریزده چوخلاری آذربایجانی اویناماغی تانیمازدی، بو اوشاقلار اؤز اویناماغیمیزی یاییردیلار

علی جباری (علی معللیم)
@alijabbarii

ادبیاتیمیزا قیسسا باخیش

یازار:
علی جباری
(علی معللیم)
@alijabbarii

ادبیاتچی دوستلارا ، نقاد دوستلارا
بو آشاغیدا گلن یازیلاری اوخوماق ، واجیب - واجیب دیر
چون
دیققتله اوست اوخوسانیز گؤررسیز
من اوست یازیدا، کتابی نقدیله ، انجمن نقدینه ایشاره ائتمیشم
بو ایشاره لرین  تک - تکینی گئنیش اوخوماق لازیم دیر
اونلار هابئله باشقا بیلگیلرده بوردا👇واردیر

انجمن نقدی

نقدیده زامان چوخ-چوخ اؤنملیدیر

چون بیرنفر ایستیرسه حرفه ای، گئنیش کتابی نقد یازا
گرگلیدیر
نقد اولونان اثری گئنیش اوخویا، بوتون ریز نقطه لری گؤروب
سونرا
اونا هرآچیدان(دیل، فورم، محتوا، ...)دوزگون باخمالیدیر
اؤرنک
اثر یازیلان دیلین،
دیل قورولوشو (گرامئری)
لغت، هابئله صرف، نحو قورلوشو،
یا، یازی قایداسی دوزدور یا یوخ
یا
دانیشیق دیلینده دیر

بلاغت باخیمیندان
سؤزلری بیر- بیرینه اویغون اؤز یئرینده گتیرمه سی، گوزل سؤزلر ایشلتمه سی

فصاحت باخیمیندان
سؤزلری آچیق آیدین دئمه سی
یعنی
اثرین دئییم دیلی چوخ قدیم کهنه یا، باشا دوشولمز، چتین پیتلاشیق، اوخوجویلا ایلگی قورا بیلمیین بیردیلده اولوب، اولماماغی
یا،
بیر آخیجی، باشادوشولن، خوشا گلن دیلده دیر، یا یوخ

شعرین، شاعیرین، اؤزه ل(اؤزونه مخصوص) دیلی وارمی، یوخمو

شعرین یازیلیش بیچیمی، فورماسی
وزنیلی دیر
وزنیسیزدیر
قالیبلی(وزن،قافیه،ردیف...)دیر
آزاد دیر
سربست دیر
او فورمانی، دوز یازیب، یا، یوخ

شعریت باخیمیندان
ادبی گؤزللیک
یعنی، ادبی بزکلردن، ادبی آرایه لردن، یاخشی فایدالانیب،
اثرده بیرگوزللیک(ایستئتیک)یارادا بیلیب، یا یوخ

شعریده باشلانیش، گئدیشات، قورتاریش نجوردور
شاعیر یورولمایب

شعریده ضعف تالیف، چاتیشمامازلیق وارمی، یوخمو

اثر ییغجام دیر یا اوزانیب، حشو، تکراری وارمی، یوخمو

شعرین نوعی
یازیلان شعر
حماسی، ساواش(ائپیک)دیر
غنایی(احساسی، دویغوسال)دیر
سئوگیسل، عاشقانه(لیریک)دیر
طنز، گولملی(ساتریک)دیر
روایی، ناغیل تک(راپسودیک)دیر
تعلیمی، اخلاقی، اؤیودسل(ائتیک)دیر
آچیق سئوگی سؤزو(ائروتیک)دیر
متعهد ادبیات دیر
دیرنیش دیر
اعتراضی دیر
رثاعی، مرثیه، آغی دیر
توصیفی، تعریفدیر
هجو دیر
هزل دیر
یا
اوشاق ادبیاتیدیر
یا
عوموم، میللت اوچوندور
بولارین هانسی نوعیندا، اولور اولسون
او نوعا اویغون اثری یئرینه قویا بیلیب یا یوخ

روانشناسی آچیدان
موضوع نه دیر
موضوعدا اجتماعی، سیاسی...هانسی رسالتی داشییر،
آماج(هدف)ایسته یینی یئرینه قویا بیلیب یا یوخ
یا
اثری آراج ائدیب
یعنی هدفی فیکرینی چاتدیرماقدیر،
یا
آماج ائدیب
یعنی هدفی ادبی گؤزللیکدیر

ارتباط عمودی، افقی، آچیدان
ارسطونون اوچ بیرلیگی
یعنی
موضوع، زمان، مکانین قیریلیب، قیریلماماسی

موللیفه لر، قایدالار، آچیسیندان
تخییول، احساس دویغو، وزن موسیقی، دیل اویونلاری، اتفاق، فیکر، اثرده نجوردور، هانسی گوجلودور، هانسی ضعیف دیر

مدرن، سنت باخیمدان
سنتی، کهنه دیر
یا
سربست فورمادا دیر، گئنه کهنه دیر
یا
سربست مدرن دیر، یئنی بیر اثردیر
یا
کلاسیک قالیبده دیر، آنجاق مضمون مدرن دیر، نئوکلاسیک دیر

دونیا ادبیاتی باخیمیندان اویغون دور
یعنی
اثر خاص بیرفیکر، بیرمکان اوچون دئییل، بوتون اینسانلار اوچوندور
دونیا ادبیاتیندا بوشقابا قویمالیدیر یا یوخ
یا
نظیره، تقلید دیر
بیر یارادیجیلیق یوخ، توره تمک دیر

اثرده چکیجیلیک
یعنی
اوخوجونو اؤزیله چکن خوشا گلیمدیر
گونسل دیر
یعنی
مخاطبین گونسل ایستکلریدیر. یا، یوخ

جامعه شناسی آچیدان
اثرین موضوعسو، فیکری، یاشادیغی جامعه یه نئجه دیر.

اثرین دیشی ظاهری، مضموندان باشقا
آلت قاتیندا، اؤرتلو پیامی، ساوو، وار یا، یوخ
وارسا
آلت قاتی چاتدیرا بیلیب، یعنی آدرسی وئره بیلیب یا، هریولو باغلایب
دئییر بس چاتدیریب

دؤرد رسالت باخیمیندان
یعنی
رسالت زامانی تاریخی
رسالت جغرافیایی مکانی
رسالت اجتماعی
رسالت ادبی
شاعیر بو رسالتلر باخیمیندان بیر ایش گوروب، یا، یوخ

سبکلر باخیمیندان
سبک تورکستانی یا خراسانی
سبک آذربایجانی یا عراقی
سبک هندی
سبک معاصیر
هانسی سبکین تاثیری، یازیدا، شاعیرده چوخ اولوب

ادبی مکتبلر باخیمیندان
کلاسیزم، رئالیزم، رمانتیزم، سمبولیزیم، سوررئالیزم، ناتورالیزم، دادایزم، فورمالیزم، فوتوریزم، پارناس ایزم...
اومانیستی، فیمینیستی...
بونلارین هانسینا شاعیرین گرایشی چوخدور یازیدا تاثیر قویان مکتب وارمی، یوخمو.

بوتون آچیلاردان باخیب
هرآچیدان، گلیشمیش بیراثر اؤرنک گتیریب
اونو، نقد اولونان اثرله قارشی- قارشییا قویا
اونلاری مقایسه ائدیب
البتده کی
نقاد، نقدیده یوزه - یوز، بویاقسیز، غرضسیز اولمالیدیر
یالنیز- یالنیز، حقیقی،ادبیاتی نظرده آلیب
اثرین ایرادینی،گؤزللیگینی
اؤزه چیخاردیب، سونرا اؤز نظرینیده یازمالیدیر.

اوجور نقد، سیزجه نه قدرچکر؟
آنجاق
بوردا کی نقادلار گوندوزلر هره سی، بیر ایشده ایشله ییر
گئجه لر دینجلمک یئرینه یئنی یئتمه لره بیرکمکلیک الین آتسین دییه
بیریاندان شام یئییر بیریاندان اثری بیر- ایکی دؤنه فوری اوخویوب
نظرین یازیر
سیزجه بو اؤزو، شاهکارلیق دئییلمی
بوردا نقد اولونان اثره، هره بیر آچیدان باخیر
اوست- اوستده
اوسته دئدیکلریمین، یوزه - دوخسانی دئییلیر

علی جباری (علی معللیم)
@alijabbarii

هرشاعیر، یازار، اؤز اثرینی نقده قویماق ایستیرسه
یا
ایستیر نقادلارا قاتیلیب
نقد ائتسین
بو یازین انجمنینه گلسین👇

https://t.me/+QHeYpeNwP06oXZ0P

تک آنلار گونو، آنالار یادا دوشمه سین

هرگون ، آنالار یادیزا دوشسون

@alijabbarii

آنالار گونو قوتلو اولسون

@alijabbarii

سالام
ادبیات سئورسنسه، جانلی(زنده )ادبی انجمن ، توپلوم آختاریرسانسا ، گل بورا.
هرگئجه 8-دن ، 12- دک ، بیز بورداییق.
چئشیتلی (مختلف) سئویملی بؤلوملریمیز وار،
ادبیاتیمیزی ،دیلیمیزی سئونلر بونو پایلاشسینلار،
ادبیاتیمیزا ،دیلیمیزه ماراقلیلار بورا 👇 گلسینلر.
https://t.me/+QHeYpeNwP06oXZ0P

دکوراسیون اِویم سارای
@evim_saray    👈

09149146866
09376704123
پیج اینستاگرام
https://www.instagram.com/deko_evim_saray
جهت راحتر دیدن نمونه ها :
کانال کاغذ دیواری
@duvarkagaz
کانال سنگ آنتیک
@antikdashi
کانال کناف
@alciban
کانال قاب ابزار دکوراتیو
@qab_alat
کانال سقف کشسان
@gargi_tavan
کانال کابینت و کمد
@dolab_ichqab
کانال سنگ مصنوعی
@saxtadash
کانال آینه دکوراتیو
@ayna_duzakli
کانال کاغذ چسبدار
@tutqal_kagaz
کانال پوستر دیواری
@boyutlu
کانال پارکت
@basqit
کانال تایل دکوراتیو
@duzakli
کانال پرده
@parda_evim
کانال نرده
@tutacaq
کانال آسمان مجازی
@sanalgoy
کانال تایل سی ان سیcnc
@kasilan_boluk
کانال لمسه کاری
@lamsachilik
قرنیز رادیاتی
@isitsal