#مقاله (فایل)
رمان «ایکینجی ال آدام» (مهدی عظیمی) حاققیندا نوت‌لار
یازیچی: #احمد_یوسفی
#ادبیات_ائوی
@AdabiyatEvi
رمان «ایکینجی ال آدام» (مهدی عظیمی) حاققیندا نوت‌لار
یازیچی: #احمد_یوسفی
#ادبیات_ائوی
@AdabiyatEvi
ادبیات ائوی
@adabiyatevi
بوراسی ادبیات ائوی
ادبیاتسیز دونیا معنویّاتدان سیلینیر.
ادبیاتسیز دونیا، قوپ-قورو بیر دونیا اولور.
بو کانال‌دان مطلب پایلاشساز، لطفا آدرسین ده قئید ائدین.
ایلگی یولوموز:
اینستاگرام آدرسیمیز:
http://Instagram.com/adabiyatevi
ادبیات ائوی (Azerbaijani)
Adabiyat əvi kanalına xoş gəlmisiniz! Ədəbiyyat sizin dünyanızı ruhlandırır. Ədəbiyyat sizin dünyanızı qop-qorqu bir dünya olur. Bu kanaldan məqalə paylaşımı etməkdən zövq alırsınızsa, xahiş edirik ünvanımızı qeyd edin. Bizə buradan da əlaqə qura bilərsiniz. Instagram ünvanımız: http://Instagram.com/adabiyatevi
ادبیات ائوی
22 Jan, 11:28
#حیکایه
قاتاردا ساعات ۵:۲۵ده
یازیچی: #مارک_کوهئن
چئویرن: #ووقار_نعمت
کیشی قادینین اوز به اوزونده اوتوردو.
«بوگون ایشدن قووولدوم. دئییرلر دنگه‌سیزم».
قادین، یئرینده ساکیت اوتورموشدو.
کیشی اوزونو چئویریب یاغیشین شیریلتی‌سینا قولاق آسدی. دوداقلاری تیتره‌ییردی.
اؤز-اؤزونه دئییندی: «ائله‌بیل هئچ کسه اؤنملی دئییل!».
...
شام اوسته قادینین دوستو اوندان سوروشدو:
- خوشا گلمز بیر اولای‌می اوز وئریب؟!
قادین، هاوادا اوینایان بارماق‌لارینی اشاره ائدر کیمی:
«او کیشی قاتاردا ناراحات گؤزه دَییردی».
#ادبیات_ائوى
@AdabiyatEvi
قاتاردا ساعات ۵:۲۵ده
یازیچی: #مارک_کوهئن
چئویرن: #ووقار_نعمت
کیشی قادینین اوز به اوزونده اوتوردو.
«بوگون ایشدن قووولدوم. دئییرلر دنگه‌سیزم».
قادین، یئرینده ساکیت اوتورموشدو.
کیشی اوزونو چئویریب یاغیشین شیریلتی‌سینا قولاق آسدی. دوداقلاری تیتره‌ییردی.
اؤز-اؤزونه دئییندی: «ائله‌بیل هئچ کسه اؤنملی دئییل!».
...
شام اوسته قادینین دوستو اوندان سوروشدو:
- خوشا گلمز بیر اولای‌می اوز وئریب؟!
قادین، هاوادا اوینایان بارماق‌لارینی اشاره ائدر کیمی:
«او کیشی قاتاردا ناراحات گؤزه دَییردی».
#ادبیات_ائوى
@AdabiyatEvi
ادبیات ائوی
21 Jan, 21:26
#باش_ساغلیغی
ددم‌قورقود آیتدی:
العاقبت اوزون یاشین سونو اؤلوم-آیریلیق.
اَجَل آلدی یئر گیزلتدی، فانی دونیا کیمه قالدی؟!
تأسف‌له آلدیغیمیز آجی خبره گؤره، حؤرمتلی و دَیَرلی شاعیر #ووقار_نعمت جناب‌لاری‌نین آتاسی دونیاسینی دَییشیب.
عزیز شاعیریمیزه و عائله‌سینه باش ساغلیغی دئییب، قالانلارا اوزون عؤمور دیله‌ییریک.
#ادبیات_ائوى
@AdabiyatEvi
ددم‌قورقود آیتدی:
العاقبت اوزون یاشین سونو اؤلوم-آیریلیق.
اَجَل آلدی یئر گیزلتدی، فانی دونیا کیمه قالدی؟!
تأسف‌له آلدیغیمیز آجی خبره گؤره، حؤرمتلی و دَیَرلی شاعیر #ووقار_نعمت جناب‌لاری‌نین آتاسی دونیاسینی دَییشیب.
عزیز شاعیریمیزه و عائله‌سینه باش ساغلیغی دئییب، قالانلارا اوزون عؤمور دیله‌ییریک.
#ادبیات_ائوى
@AdabiyatEvi
ادبیات ائوی
21 Jan, 19:51
#شئعیرلی_گونلر
گل قییما یانار اودلارا هر گون قالانیم
اوغروندا غمین کؤلگه‌سینه دالدالانیم
گلسن، اوره‌یین چوخ دیله‌ییندن کئچه‌رم؛
گل قییما وطن تورپاغی تک پارچالانیم...
#یاور_چوپانی
#ادبیات_ائوی
@AdabiyatEvi
گل قییما یانار اودلارا هر گون قالانیم
اوغروندا غمین کؤلگه‌سینه دالدالانیم
گلسن، اوره‌یین چوخ دیله‌ییندن کئچه‌رم؛
گل قییما وطن تورپاغی تک پارچالانیم...
#یاور_چوپانی
#ادبیات_ائوی
@AdabiyatEvi
ادبیات ائوی
20 Jan, 08:17
#گونلریمیز #20یانوار
35 ایل کئچدی...
تورپاق سو ایله قاریشاندا پالچیق اولور، قان ایله قاریشاندا وطن!
19 گئجه‌سین، 20 گئجه‌سینه باغلایان، ساوئت اوردوسو ائرمنی‌لری قوروماق ادّعاسی ایله آذربایجانین باکی شهرینه گیرمیش. 143 آذربایجانلی‌نی شهید ائتمیش و 800 نفری ده یارالاندیرمیش. روس حاکمیتی و ایش بیرلیکچی سویسوز ائرمنی‌لر فاجعه و جنایت‌لرینه؛
تاریخیمیزه بو صحیفه‌نی اؤز قان‌لاری‌‌یلا یازان شهیدلریمیزی سایغی، هم ده غرورلا آنیریق. اونلارین قانی یئرده قالمادی. آرتیق روح‌لاری شاددیر.
قیش اویودا بیلمیر بو سویوق غمی
دونوب باش‌داشی تک بیر دردلی آنا
دیدیلمیش گلین‌لیک پالتاری کیمی
قار یاغیر شهیدلر خیاوانینا
یورغون عسگرلرین یوخوسو دَرین
سون سؤزو: «بیر ایچیم سرین سو وئرین»
اؤرتور یاراسینی قار شهیدلرین
قار یاغیر شهیدلر خیاوانینا
بوردا آغلایان کیم بوردا سوسان کیم؟
بیزلردن محبت اوموب، کوسن کیم؟
دن دوشور تورپاغین ساچینا سانکی
قار یاغیر شهیدلر خیاوانینا
شئعیر: #نصرت_کسمنلی
#ادبیات_ائوی
@AdaviyatEvi
35 ایل کئچدی...
تورپاق سو ایله قاریشاندا پالچیق اولور، قان ایله قاریشاندا وطن!
19 گئجه‌سین، 20 گئجه‌سینه باغلایان، ساوئت اوردوسو ائرمنی‌لری قوروماق ادّعاسی ایله آذربایجانین باکی شهرینه گیرمیش. 143 آذربایجانلی‌نی شهید ائتمیش و 800 نفری ده یارالاندیرمیش. روس حاکمیتی و ایش بیرلیکچی سویسوز ائرمنی‌لر فاجعه و جنایت‌لرینه؛
تاریخیمیزه بو صحیفه‌نی اؤز قان‌لاری‌‌یلا یازان شهیدلریمیزی سایغی، هم ده غرورلا آنیریق. اونلارین قانی یئرده قالمادی. آرتیق روح‌لاری شاددیر.
قیش اویودا بیلمیر بو سویوق غمی
دونوب باش‌داشی تک بیر دردلی آنا
دیدیلمیش گلین‌لیک پالتاری کیمی
قار یاغیر شهیدلر خیاوانینا
یورغون عسگرلرین یوخوسو دَرین
سون سؤزو: «بیر ایچیم سرین سو وئرین»
اؤرتور یاراسینی قار شهیدلرین
قار یاغیر شهیدلر خیاوانینا
بوردا آغلایان کیم بوردا سوسان کیم؟
بیزلردن محبت اوموب، کوسن کیم؟
دن دوشور تورپاغین ساچینا سانکی
قار یاغیر شهیدلر خیاوانینا
شئعیر: #نصرت_کسمنلی
#ادبیات_ائوی
@AdaviyatEvi
ادبیات ائوی
19 Jan, 16:14
بیز، #ادبیات_ائوی اولاراق، هر مدیا کیمی دویغولاری پایلاشیب به‌به-چه‌چه دئمک اوچون بیر آرایا گلمه‌میشیک.
8 ایلدن چوخدور ادبیات ساحه‌سینده چالیشیریق و چالیشماغا دا داوام ائده‌جه‌ییک...
بیز بیر آرایا گلدیک، چونکی، بیزدن سونرا ادبیات دونیاسینا گلن‌لر، ادبیات دونیاسی‌نین ساده‌جه بند-بند شئعیرلر اولمادیغینی بیلسین.
بیزی بو ایللرده دستک‌له‌ین و دستکله‌مه‌ین هرکسین الینی محبت‌له سیخیب، چوخ ساغ اولون دئییریک.
#ادبیات_ائوی
@AdabiyatEvi
8 ایلدن چوخدور ادبیات ساحه‌سینده چالیشیریق و چالیشماغا دا داوام ائده‌جه‌ییک...
بیز بیر آرایا گلدیک، چونکی، بیزدن سونرا ادبیات دونیاسینا گلن‌لر، ادبیات دونیاسی‌نین ساده‌جه بند-بند شئعیرلر اولمادیغینی بیلسین.
بیزی بو ایللرده دستک‌له‌ین و دستکله‌مه‌ین هرکسین الینی محبت‌له سیخیب، چوخ ساغ اولون دئییریک.
#ادبیات_ائوی
@AdabiyatEvi
ادبیات ائوی
19 Jan, 15:29
#مقاله (کپشن)
#جلیل_ممدقولوزاده -نین یارادیجیلیغینا اؤتری باخیش
یازیچی: #ادبیات_ائوی
@AdabiyatEvi
#جلیل_ممدقولوزاده -نین یارادیجیلیغینا اؤتری باخیش
یازیچی: #ادبیات_ائوی
@AdabiyatEvi
ادبیات ائوی
18 Jan, 15:25
صراف دئدیم حکمت ایلن یوخ، وار اولماز،
گولدو، دئدی باخ، گور یوخو، وار ائیله دیم اولدو
#صراف
برگزاری اولین جلسه از سلسله جلسات کارگاهی _ آموزشی و نقد وبررسی؛ شعر خوانی انجمن فرهنگی؛ ادبی «صراف سخن» با محوریت شرح غزل و صنایع ادبی بکار رفته در اشعار غزلسرای نامی ایران و آذربایجان، بویژه شاعر پر آوازه آذربایجان حاج رضا صراف تبریزی.
شعر خوانی؛ نقد و بررسی ادبیات؛ س..
زمان: روز دوشنبه 1403/11/01
ساعت: 18:30 - 16
شرکت برای عموم آزاد و رایگان است.
مکان : تبریز؛ پارک مقبره الشعرا؛
مرکز فرهنگی و گردشگری شهرداری منطقه۱۰.
توجه: مهمانان محترمی که با اتومبیل شخصی تشریف می آورند؛ می توانند روبروی درب مرکز گردشگری پارک نمایند.
#ادبیات_ائوی
@AdabiyatEvi
گولدو، دئدی باخ، گور یوخو، وار ائیله دیم اولدو
#صراف
برگزاری اولین جلسه از سلسله جلسات کارگاهی _ آموزشی و نقد وبررسی؛ شعر خوانی انجمن فرهنگی؛ ادبی «صراف سخن» با محوریت شرح غزل و صنایع ادبی بکار رفته در اشعار غزلسرای نامی ایران و آذربایجان، بویژه شاعر پر آوازه آذربایجان حاج رضا صراف تبریزی.
شعر خوانی؛ نقد و بررسی ادبیات؛ س..
زمان: روز دوشنبه 1403/11/01
ساعت: 18:30 - 16
شرکت برای عموم آزاد و رایگان است.
مکان : تبریز؛ پارک مقبره الشعرا؛
مرکز فرهنگی و گردشگری شهرداری منطقه۱۰.
توجه: مهمانان محترمی که با اتومبیل شخصی تشریف می آورند؛ می توانند روبروی درب مرکز گردشگری پارک نمایند.
#ادبیات_ائوی
@AdabiyatEvi
ادبیات ائوی
18 Jan, 11:27
آشیق علسگر ناخچیوان شرورونا قوناق گلیر. ائل آغ‌ساققال‌لاری اؤز آرالاریندا سؤزلشیرلر کی، بو ماحالدا بیر مشهور ائل هاواسی وار، اگر آشیق علسگر او هاوانی چالا بیلدی، اونا بؤیوک دؤران ییغاجاغیق، یوخ، چالا بیلمه‌دی، آنجاق آتینا آرپا-سامان وئره‌جه‌ییک.
مجلیس باشلانیر. ائل آغ‌ساققال‌لاری ناخچیواندا مشهور اولان ائل هاواسیندان سؤز سالیرلار. علسگر مجلیس‌دن اجازه آلیب باییرا چیخیر. گؤرور کی، بیر چوبان هوشکوره‌یینده بیر هاوا چالیر، یقین ائدیر کی، بو همین هاوا اولاجاق.
مجلیسه قاییدیر. سازینی کؤینه‌ییندن چیخاریر و آغ‌ساققال‌لارا اوزونو توتوب دئییر:
- قدیم عادته گؤره آشیق اوّل بیر «دیوانی»، بیر «تجنیس» و بیر ده بیر «ائل هاواسی» اوسته چالیب- اوخویاندان سونرا صحبته باشلار. امّا گؤرورم کی، سیزین آرزونوز اوّل-اوّل ناخچیواندا مشهور اولان ائل هاوانیزی ائشیتمک‌دیر. ائله ایسه قویون سازیمی سیزین هاوانیز اوسته کؤکله‌ییم.
علسگر سازی کؤکله‌ییر. ناخچیوان هاواسینی ائله بَزه‌یه-بَزه‌یه چالیر کی، آغ‌ساققال‌لار بیر آغیزدان «آفرین، آشیق علسگر» دئییرلر.
علسگر دئییر:
- بو سیزین «کؤهنه ناخچیوانی» هاوانیز. امّا بو هاوانین بیر بالاسی، بیر گولو ده وار. سازین کؤک و پرده‌لرینه بلد صنعتکار عینی سس قاطاریندا بو هاوادان بیر قول آییریر، بیر گول وورور. «ناخچیوان گولو» هاواسینی یارادیر.
یازیچی: #جلیل_عبدالله
کؤچورن: #نرگس_ابراهیمی
قایناق: آذربایجان شفاهی خالق ادبیاتی کلیاتی
#ادبیات_ائوی
@AdabiyatEvi
مجلیس باشلانیر. ائل آغ‌ساققال‌لاری ناخچیواندا مشهور اولان ائل هاواسیندان سؤز سالیرلار. علسگر مجلیس‌دن اجازه آلیب باییرا چیخیر. گؤرور کی، بیر چوبان هوشکوره‌یینده بیر هاوا چالیر، یقین ائدیر کی، بو همین هاوا اولاجاق.
مجلیسه قاییدیر. سازینی کؤینه‌ییندن چیخاریر و آغ‌ساققال‌لارا اوزونو توتوب دئییر:
- قدیم عادته گؤره آشیق اوّل بیر «دیوانی»، بیر «تجنیس» و بیر ده بیر «ائل هاواسی» اوسته چالیب- اوخویاندان سونرا صحبته باشلار. امّا گؤرورم کی، سیزین آرزونوز اوّل-اوّل ناخچیواندا مشهور اولان ائل هاوانیزی ائشیتمک‌دیر. ائله ایسه قویون سازیمی سیزین هاوانیز اوسته کؤکله‌ییم.
علسگر سازی کؤکله‌ییر. ناخچیوان هاواسینی ائله بَزه‌یه-بَزه‌یه چالیر کی، آغ‌ساققال‌لار بیر آغیزدان «آفرین، آشیق علسگر» دئییرلر.
علسگر دئییر:
- بو سیزین «کؤهنه ناخچیوانی» هاوانیز. امّا بو هاوانین بیر بالاسی، بیر گولو ده وار. سازین کؤک و پرده‌لرینه بلد صنعتکار عینی سس قاطاریندا بو هاوادان بیر قول آییریر، بیر گول وورور. «ناخچیوان گولو» هاواسینی یارادیر.
یازیچی: #جلیل_عبدالله
کؤچورن: #نرگس_ابراهیمی
قایناق: آذربایجان شفاهی خالق ادبیاتی کلیاتی
#ادبیات_ائوی
@AdabiyatEvi
ادبیات ائوی
18 Jan, 11:26
#فولکلور
کؤهنه ناخچیوان
یازیچی: #جلیل_عبدالله
کؤچورن: #نرگس_ابراهیمی
قایناق: آذربایجان شفاهی خالق ادبیاتی کلیاتی
#ادبیات_ائوی
@AdabiyatEvi
کؤهنه ناخچیوان
یازیچی: #جلیل_عبدالله
کؤچورن: #نرگس_ابراهیمی
قایناق: آذربایجان شفاهی خالق ادبیاتی کلیاتی
#ادبیات_ائوی
@AdabiyatEvi
ادبیات ائوی
15 Jan, 19:16
#شئعیرلی_گونلر
سنی دوشونمک گؤزل بیر شئی،
اومید وئریجی بیر شئی...
دونیانین اَن گؤزل سسیندن،
ان گؤزل ماهنینی دینله‌مک کیمی بیر شئی؛
آنجاق آرتیق اومید یئتمیر منه
من داها ماهنی دینله‌مک دئییل،
ماهنی سئویله‌مک ایسته‌ییرم...
#ناظیم_حیکمت
#ادبیات_ائوی
@AdabiyatEvi
سنی دوشونمک گؤزل بیر شئی،
اومید وئریجی بیر شئی...
دونیانین اَن گؤزل سسیندن،
ان گؤزل ماهنینی دینله‌مک کیمی بیر شئی؛
آنجاق آرتیق اومید یئتمیر منه
من داها ماهنی دینله‌مک دئییل،
ماهنی سئویله‌مک ایسته‌ییرم...
#ناظیم_حیکمت
#ادبیات_ائوی
@AdabiyatEvi
ادبیات ائوی
15 Jan, 13:42
#دوغوم_گونو #ناظیم_حیکمت
مَحمَت حیکمت ران (ناظیم حیکمت) یا دا تورکیه‌دن آیریلدیقدان سونراکی سوی آدی ایله «ناظیم حیکمت بورزِجکی».
دوغوم تاریخی: 15 یانوار 1905 سئلانیک، عثمانلی امپراطورلوغو
اؤلوم تاریخی: 3 اییون 1963 مسکووا.
ناظیم حیکمت تورک ادبیات دونیاسی‌نین اونودولماز دئولریندن بیری‌دیر. شئعیرلری آزی 50 دیله چئویریلمیش و بیر چوخ اؤدول قازانمیش‌دیر.
ناظیم حیکمت تورک چاغداش ادبیاتینین ان اؤنملی و دونیا ادبیاتیندا یئر آلمیش گؤزده یازیچی‌لاردان بیری‌دیر.
بو گون تورک ادبیاتینین ماوی گؤزلو دئوی #ناظیم_حیکمت ین دوغوم گونودور.
سایغی و سئوگی ایله آنیریق 💙🖤
#ادبیات_ائوی
@AdabiyatEvi
مَحمَت حیکمت ران (ناظیم حیکمت) یا دا تورکیه‌دن آیریلدیقدان سونراکی سوی آدی ایله «ناظیم حیکمت بورزِجکی».
دوغوم تاریخی: 15 یانوار 1905 سئلانیک، عثمانلی امپراطورلوغو
اؤلوم تاریخی: 3 اییون 1963 مسکووا.
ناظیم حیکمت تورک ادبیات دونیاسی‌نین اونودولماز دئولریندن بیری‌دیر. شئعیرلری آزی 50 دیله چئویریلمیش و بیر چوخ اؤدول قازانمیش‌دیر.
ناظیم حیکمت تورک چاغداش ادبیاتینین ان اؤنملی و دونیا ادبیاتیندا یئر آلمیش گؤزده یازیچی‌لاردان بیری‌دیر.
بو گون تورک ادبیاتینین ماوی گؤزلو دئوی #ناظیم_حیکمت ین دوغوم گونودور.
سایغی و سئوگی ایله آنیریق 💙🖤
#ادبیات_ائوی
@AdabiyatEvi
ادبیات ائوی
14 Jan, 10:22
#شئعیر #آتا
وارلیغیم، یوخلوغوم، سن هر شئییم‌سن
توکنمز اومیدسن، آرزوسان آتا
حیات باشقا دونیا، سن باشقا دونیا
دونیامین ایچینده دونیاسان آتا
سنین اوزه‌رینده قورولوب جاهان
وارلیغین-روحوندور منی یاشادان
دئسه‌لر: سنین‌چون نه دئمک آتان؟
ان چتین سوال‌سان، جاوابسان آتا
اولاندا اوزاقدا، دونیا گلیر دار
چیلپاق بدنیمه سانکی یاغیر قار
ستایش ائتدیییم ایکی وارلیق وار
منیم‌چون ایکینجی آللاه‌سان آتا
شئعیر: #نصرت_کسمنلی
سس: #شیوا_جعفریان
#ادبیات_ائوی
@MaviDuygular
@AdabiyatEvi
وارلیغیم، یوخلوغوم، سن هر شئییم‌سن
توکنمز اومیدسن، آرزوسان آتا
حیات باشقا دونیا، سن باشقا دونیا
دونیامین ایچینده دونیاسان آتا
سنین اوزه‌رینده قورولوب جاهان
وارلیغین-روحوندور منی یاشادان
دئسه‌لر: سنین‌چون نه دئمک آتان؟
ان چتین سوال‌سان، جاوابسان آتا
اولاندا اوزاقدا، دونیا گلیر دار
چیلپاق بدنیمه سانکی یاغیر قار
ستایش ائتدیییم ایکی وارلیق وار
منیم‌چون ایکینجی آللاه‌سان آتا
شئعیر: #نصرت_کسمنلی
سس: #شیوا_جعفریان
#ادبیات_ائوی
@MaviDuygular
@AdabiyatEvi
ادبیات ائوی
13 Jan, 13:45
#دوغوم_گونو #غلامحسین_ساعدی
چیلله (دی) آیی‌نین 24-جو گونو 1314-جو ایل تبریز شهرینده، کارمند بیر عائیله‌ده دونیایا گؤز آچدی.
غلامحسین ساعدی، عؤمرونو وطن حسرتی ایله باشا یئتیردی.
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DExIxFjMeWS/?igsh=ZzJiYW85Nno1bWNo
#ادبیات_ائوی
@AdabiyatEvi
چیلله (دی) آیی‌نین 24-جو گونو 1314-جو ایل تبریز شهرینده، کارمند بیر عائیله‌ده دونیایا گؤز آچدی.
غلامحسین ساعدی، عؤمرونو وطن حسرتی ایله باشا یئتیردی.
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DExIxFjMeWS/?igsh=ZzJiYW85Nno1bWNo
#ادبیات_ائوی
@AdabiyatEvi
ادبیات ائوی
06 Jan, 14:32
#آنیم_گونو #میکاییل_مشفق
میکاییل اسماعیل‌زاده (مشفق) ۱۹۰۸-جی ایل باکی شهرینده دوغولموشدور. آذربایجان شئعیر گؤیونون پارلاق اولدوزو مشفق، سئوگی، اجتماعی و میللی ایرق شئعیرلری ایله آدینی ادبیاتیمیزا مؤهورلَمیش و میللتین اوره‌یینده باشقا بیر یئری وار.
بو گون استالین و ساوئت حاکمیتی‌نین چیرکین سیاست‌لرینه «ملیّتچی» دامغاسی ایله قوربان گئدن، دَیَرلی شاعیر «میکاییل مشفق»ین آنیم گونودور. سایغی و سئوگی ایله آنیریق...
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DEfM7ITstyJ/?igsh=MWlsbmd2dTl1eG9lMA==
#ادبیات_ائوی
@AdabiyatEvi
میکاییل اسماعیل‌زاده (مشفق) ۱۹۰۸-جی ایل باکی شهرینده دوغولموشدور. آذربایجان شئعیر گؤیونون پارلاق اولدوزو مشفق، سئوگی، اجتماعی و میللی ایرق شئعیرلری ایله آدینی ادبیاتیمیزا مؤهورلَمیش و میللتین اوره‌یینده باشقا بیر یئری وار.
بو گون استالین و ساوئت حاکمیتی‌نین چیرکین سیاست‌لرینه «ملیّتچی» دامغاسی ایله قوربان گئدن، دَیَرلی شاعیر «میکاییل مشفق»ین آنیم گونودور. سایغی و سئوگی ایله آنیریق...
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DEfM7ITstyJ/?igsh=MWlsbmd2dTl1eG9lMA==
#ادبیات_ائوی
@AdabiyatEvi
ادبیات ائوی
06 Jan, 11:32
#گونلریمیز #باش_ساغلیغی
دوشون کائناتین مین سرّینی سن
بیر بایقوش اوچ‌یوز ایل قالیر دونیادا
اؤلمه‌لی اولانین یئرینه بعضاً
اؤلمه‌لی اولمایان اؤلور دونیادا
#ممد_آراز
آلدیغیمیز آجی خبره گؤره آذربایجانین دَیَرلی شاعیری، «بهمن زمانی» جناب‌لاری بو گون تبریز شهرینده وفات ائدیب.
ادبیات ائوی طرفیندن اونون محترم عائله‌سینه تسلیت دئییریک.
یئری اوچماق، یولو داواملی اولسون.
#ادبیات_ائوى
@AdabiyatEvi
دوشون کائناتین مین سرّینی سن
بیر بایقوش اوچ‌یوز ایل قالیر دونیادا
اؤلمه‌لی اولانین یئرینه بعضاً
اؤلمه‌لی اولمایان اؤلور دونیادا
#ممد_آراز
آلدیغیمیز آجی خبره گؤره آذربایجانین دَیَرلی شاعیری، «بهمن زمانی» جناب‌لاری بو گون تبریز شهرینده وفات ائدیب.
ادبیات ائوی طرفیندن اونون محترم عائله‌سینه تسلیت دئییریک.
یئری اوچماق، یولو داواملی اولسون.
#ادبیات_ائوى
@AdabiyatEvi
ادبیات ائوی
31 Dec, 20:01
#شئعیرلی_گونلر
اینسانلار دنیزدیر، اینسانلار بولود
یاغان یاغیش دئییل، تؤکولن قان‌دیر
اؤلن‌لر بیر اوووج تورپاغا دؤنور
بو تورپاغین آدی «آذربایجان»دیر 🇦🇿
#آردا_خانی
#ادبیات_ائوی
@AdabiyatEvi
اینسانلار دنیزدیر، اینسانلار بولود
یاغان یاغیش دئییل، تؤکولن قان‌دیر
اؤلن‌لر بیر اوووج تورپاغا دؤنور
بو تورپاغین آدی «آذربایجان»دیر 🇦🇿
#آردا_خانی
#ادبیات_ائوی
@AdabiyatEvi
ادبیات ائوی
31 Dec, 19:35
#شئعیرلی_گونلر
ایتیرمک قورخوسو وار بو شَهَرده
پاییزی؛ حسرته یئر بوشالدیرمیش
یئددی اویان یادلار قاپیمدان گیرَر
اؤلوم؛ آدام‌لاری یوموشالدیرمیش!
#سجاد_گل_نژاد
#ادبیات_ائوی
@AdabiyatEvi
ایتیرمک قورخوسو وار بو شَهَرده
پاییزی؛ حسرته یئر بوشالدیرمیش
یئددی اویان یادلار قاپیمدان گیرَر
اؤلوم؛ آدام‌لاری یوموشالدیرمیش!
#سجاد_گل_نژاد
#ادبیات_ائوی
@AdabiyatEvi
ادبیات ائوی
31 Dec, 17:16
#گونلریمیز #هم‌رأی‌لیک_گونو
دونیا آذربایجانلی‌لارین هم‌رأی‌لیک گونونون اساسی ۱۹۸۹-جو ایل دکابرین سون گونونده ناخجیواندا SSRİ-İRAN سرحدلری‌نین داغیلماسی زامانی قویولموشدور. قوزئی و گونئی آذربایجان آراسیندا هومانیتار، مدنی، اقتصادی و قوهوملوق علاقه‌لرینی گوج‌لندیرمک اوچون سرحد چپرلری‌نین گؤتورولمه‌سی قبول ائدیلمیشدیر. بو عنوان، ابوالفضل ائلچی‌بَی طرفیندن وئریلمیشدیر.
داغلارینین باشی قارلی
سینه‌سی یاشیل اورمانلی
دره‌لرین شیرین بارلی
آذربایجان! آذربایجان!
صحرالارین سونبوللودور
ایل مدام اوستو گوللودور
باغچالارین بولبوللودور
آذربایجان! آذربایجان!
#احمد_جواد
#ادبیات_ائوی
@AdabiyatEvi
دونیا آذربایجانلی‌لارین هم‌رأی‌لیک گونونون اساسی ۱۹۸۹-جو ایل دکابرین سون گونونده ناخجیواندا SSRİ-İRAN سرحدلری‌نین داغیلماسی زامانی قویولموشدور. قوزئی و گونئی آذربایجان آراسیندا هومانیتار، مدنی، اقتصادی و قوهوملوق علاقه‌لرینی گوج‌لندیرمک اوچون سرحد چپرلری‌نین گؤتورولمه‌سی قبول ائدیلمیشدیر. بو عنوان، ابوالفضل ائلچی‌بَی طرفیندن وئریلمیشدیر.
داغلارینین باشی قارلی
سینه‌سی یاشیل اورمانلی
دره‌لرین شیرین بارلی
آذربایجان! آذربایجان!
صحرالارین سونبوللودور
ایل مدام اوستو گوللودور
باغچالارین بولبوللودور
آذربایجان! آذربایجان!
#احمد_جواد
#ادبیات_ائوی
@AdabiyatEvi
ادبیات ائوی
29 Dec, 14:48
#دوغوم_گونو #نصرت_کسمنلی
نصرت ایّوب‌اوف (کسمنلی) ۲۹ دکابر ۱۹۴۵-جی ایلده آغ‌استافا رایونوندا آنادان اولموشدور. یازدیغی سئوگی شئعیرلرله آرامیزدا هله ده یاشایان نصرت کسمنلی، بوتون عؤمرو بویو سئوگی آختارمیش و سئوگی ایله قول-قاناد آچمیش شاعیر اولاراق تانینیر...
نصرت کسمنلی شئعیرلری‌نین ان ماراقلی و اؤزونه‌مخصوص جهتی بوندادیر کی، بو شئعیرلرده گئری‌یه- «اوشاق یادداشینی قانادان»، اوشاقلیقدا چکدییی بوتون آجیلاری، ناغیلا قاییتماق، ناغیلی یئنیدن یاشاماق آرزوسو یوخدور. نصرت داها چوخ ایچینده اولدوغو زامانین، دایانمادان آخیب کئچن عؤمرون ناغیلینی یاراتماغا و جانلی ناغیلدا یاشاماغا اوستونلوک وئریردی.
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DEKoT3islyk/?igsh=MXd3bXlqOGpyYjlhcQ==
#ادبیات_ائوی
@AdabiyatEvi
نصرت ایّوب‌اوف (کسمنلی) ۲۹ دکابر ۱۹۴۵-جی ایلده آغ‌استافا رایونوندا آنادان اولموشدور. یازدیغی سئوگی شئعیرلرله آرامیزدا هله ده یاشایان نصرت کسمنلی، بوتون عؤمرو بویو سئوگی آختارمیش و سئوگی ایله قول-قاناد آچمیش شاعیر اولاراق تانینیر...
نصرت کسمنلی شئعیرلری‌نین ان ماراقلی و اؤزونه‌مخصوص جهتی بوندادیر کی، بو شئعیرلرده گئری‌یه- «اوشاق یادداشینی قانادان»، اوشاقلیقدا چکدییی بوتون آجیلاری، ناغیلا قاییتماق، ناغیلی یئنیدن یاشاماق آرزوسو یوخدور. نصرت داها چوخ ایچینده اولدوغو زامانین، دایانمادان آخیب کئچن عؤمرون ناغیلینی یاراتماغا و جانلی ناغیلدا یاشاماغا اوستونلوک وئریردی.
حیاتیندان آرتیق بیلگی آلماق اوچون اینستاگرام پایلاشیمینا باخا بیلرسینیز:
➡️ https://www.instagram.com/p/DEKoT3islyk/?igsh=MXd3bXlqOGpyYjlhcQ==
#ادبیات_ائوی
@AdabiyatEvi
ادبیات ائوی
29 Dec, 10:49
داستايوفسكی‌نين سونونجو بؤيوک و اؤنملی اثری «كارامازوف قارداشلاری» (80-1879) رومانی‌دير. كؤهنه روسيه حاققيندا ماراقلی بير ائپوس (حماسه) اولان بو اثر یازارین ايللر بويو داوام ائدن آختاريش‌لارينا، سياسی، اجتماعی، فلسفی و اخلاقی گؤروش‌لرينه سانكی يئكون ووروردو. كارامازوف‌لار عايله‌سی‌‌نين تاريخچه‌سينده مؤلف بير داها اؤز دؤرونون اَن مركب و قارانليق گوشه‌لرينی، آداملارين اورک‌لرينی و بئيين‌لرينی گمير‌ن ضدیّتلی فيكير و احتراس‌لاری، روس خالقی‌نين مصيبت‌لرينی، دوشکون طالعينب عكس ائتدير‌مه‌يه چاليشميشدی.
فئودور كارامازوف و اونون اوغلانلاری ديميتری، ايوان و آليوشا بيرـ‌بيرينه اوخشامايان، کاراكترجه و مفكوره‌جه تاماميله مختلف آداملارديلار. ايوان كارامازوف عاغيللی بير گنج و استعدادلی يازيچی و فيلوسوفدور. داستايوفسكی‌نی دوشوندورن و اثرلرينده تئز-تئز توخونولان مسئله‌لری ايوان داها كسكين و قطعی بير شكيلده ايره‌لی سورور. ايوان اينسان‌پروردير، آمما اونون اينسان‌پرورلييی اينسانلاری باريشديرماق، حياتدا اجتماعي بير آربالیق (=موازينه) عمله گتيرمک ايسته‌ين‌لرين معیارلاریندان اوزاق‌دير. او دينداردير، آمما چوخ گوجلو تنقيدی محاكمه‌يه ماليک‌دير. او دئيير: « من آللاهين ياراتديغی بو دونيانی قبول ائتميرم ... يوكسک موازينه، هارمونييا {= هم‌آهنگ‌ليك} طرفداری دا دئييلم… من ايسته‌ميرم كی، آنا، اوغلونو ايت‌لره پارچالاتديران جلادلا قوجاقلاشسين! من بشريته محبت خاطيرينه هارمونييايا ضيدّم».
ايوان كارامازوفون يازديغی «بؤيوک مستنطق» {= بازپرس بزرگ} افسانه‌سينده خيريستانليغی تنقيد ائدن داستايوفسكی روماندا جاری سياسته، محكمه ايجلاسلارينا، اجتماعی عيدالت‌سيزليیه عاييد گتيرديیی بير چوخ اؤرنک‌لرله چاغداش روسيادا سوچسوز آداملارين، اؤزللیکله اوشاقلارين باشينا گتيريلن مصيبت‌لر دقّتی جلب ائدير.
كارامازوفون كيچيک قارداشی آليوشانين طالعی ده غريبه‌دير؛ موناستيرده تربيه آلان بو ديندار گنج ده حقيقت و عدالت آختارماق يولونا دوشور. موناستيردن چيخديقدان سونرا باشينا گلن ماجرالار اونو انقلابچی‌لارا ياخينلاشديرير، ظولمون كؤكونو كسمک اوچون او حتّی چاری {= تزار} اؤلدورمک ايسته‌يير، سوء قصدده اشتراک ائدير. آليوشانين سيماسيندا يازيچی گنج نسلين قارانليق چار روسياسيندا ايشيق آختارماق تشبّث‌لرينی، ايشيقلی دونيا اوغروندا ثمره‌سيز فداكارليغين فاجيعه‌سينی عكس ائتديرميش‌دير.
رومانين باش قهرمانی كئفجيل، چيلغين ضابيط ديميتری اصلينده استعدادلی، باجاريقلی، جسور، حتّی رومانتيک، شاعیرانه بير طبيعته مالک آدام‌دير. لاكين بو گؤزل كيفيّت‌لره مالک آدام دا حياتدا خوشبخت اولا بيلمير. آتا قاتلی كيمی تقصيرلنديريلن ديميتری كاتورقا [؟] جزاسينا محكوم اولونور. بوتون چيلغين محبّت ماجرالارينا باخماياراق ديميترينی يوخسول، تحكيم‌لی كندلی‌لرين دردی ترک ائتميردی. يوخودا گؤردويو كند يانغينی قلبينده يوخسول كندلی‌لره، اوتسوز چؤل‌لره، آغلايان اوشاقلارا قارشی دَرين بير كدر دوغورودو، كندلی‌لرين نه اوچون قوجاقلاشيب اؤپوشمه‌مه‌سينه، نه اوچون شن ماهنی‌لار اوخوماماسينا آجيييردی، يئر اؤزونده بوندان سونرا گؤز ياشی اولماسی اوچون مبارزه‌يه گيريشمه‌يه جان آتيردی...
داستايوفسكی‌نين دئمک اولاركی، بير چوخ اثرلری، اؤزللیکله اونلارين سونو فاجعه كيمی سسله‌نير. گوجلو، عاغيللی، تميز، خيرخواه آداملارين قيزغين آختاريشی، فداكارليغی اوغورسیزلیق‌لا قورتارير، قهرمان‌لار یئنیلیرلر. بو قهرمان‌لارين بعضيی‌لری شردن خلاص يولونو خيريستانليقدا {= مسيحی‌ليک} اطاعتده، بعضی‌لری عمومی، صينفی صولح‌ده، بعضی‌لری ايسه سوسياليزم‌ده گؤرورلر. اونلارين هئچ بيری اؤز آختاريشيندا آرديجيل و محكم اولماسا دا، بير مسئله ده بيرلَشيرلر. اونلاری بير گوجلو احتراس، بير مقصد بيرلشديرير. اونلاری هومانيزم {= اينسان پرورليک} قیجیقلاندیریر. موجود دوروملا، استبدادلا، ظولمله راضيلاشماماق، بدبخت انسانين حالينا آجيماق، دردينه شريک اولماق، اونون يولوندا قوربان گئتمك بو آداملارين معنوی گؤزل‌ليیينی تشكيل ائدير.
• مقاله نین باشلیغی «کؤچورن» طرفیندندیر.
• قایناق : «صنعتکار قوجالمیر» محمد عاریف، باکی، یازیچی نشریاتی 1980
یازیچی: #محمد_عاریف
اختصارلا کؤچورن: #همت_شهبازی
#ادبیات_ائوی
@AdabiyatEvi
فئودور كارامازوف و اونون اوغلانلاری ديميتری، ايوان و آليوشا بيرـ‌بيرينه اوخشامايان، کاراكترجه و مفكوره‌جه تاماميله مختلف آداملارديلار. ايوان كارامازوف عاغيللی بير گنج و استعدادلی يازيچی و فيلوسوفدور. داستايوفسكی‌نی دوشوندورن و اثرلرينده تئز-تئز توخونولان مسئله‌لری ايوان داها كسكين و قطعی بير شكيلده ايره‌لی سورور. ايوان اينسان‌پروردير، آمما اونون اينسان‌پرورلييی اينسانلاری باريشديرماق، حياتدا اجتماعي بير آربالیق (=موازينه) عمله گتيرمک ايسته‌ين‌لرين معیارلاریندان اوزاق‌دير. او دينداردير، آمما چوخ گوجلو تنقيدی محاكمه‌يه ماليک‌دير. او دئيير: « من آللاهين ياراتديغی بو دونيانی قبول ائتميرم ... يوكسک موازينه، هارمونييا {= هم‌آهنگ‌ليك} طرفداری دا دئييلم… من ايسته‌ميرم كی، آنا، اوغلونو ايت‌لره پارچالاتديران جلادلا قوجاقلاشسين! من بشريته محبت خاطيرينه هارمونييايا ضيدّم».
ايوان كارامازوفون يازديغی «بؤيوک مستنطق» {= بازپرس بزرگ} افسانه‌سينده خيريستانليغی تنقيد ائدن داستايوفسكی روماندا جاری سياسته، محكمه ايجلاسلارينا، اجتماعی عيدالت‌سيزليیه عاييد گتيرديیی بير چوخ اؤرنک‌لرله چاغداش روسيادا سوچسوز آداملارين، اؤزللیکله اوشاقلارين باشينا گتيريلن مصيبت‌لر دقّتی جلب ائدير.
كارامازوفون كيچيک قارداشی آليوشانين طالعی ده غريبه‌دير؛ موناستيرده تربيه آلان بو ديندار گنج ده حقيقت و عدالت آختارماق يولونا دوشور. موناستيردن چيخديقدان سونرا باشينا گلن ماجرالار اونو انقلابچی‌لارا ياخينلاشديرير، ظولمون كؤكونو كسمک اوچون او حتّی چاری {= تزار} اؤلدورمک ايسته‌يير، سوء قصدده اشتراک ائدير. آليوشانين سيماسيندا يازيچی گنج نسلين قارانليق چار روسياسيندا ايشيق آختارماق تشبّث‌لرينی، ايشيقلی دونيا اوغروندا ثمره‌سيز فداكارليغين فاجيعه‌سينی عكس ائتديرميش‌دير.
رومانين باش قهرمانی كئفجيل، چيلغين ضابيط ديميتری اصلينده استعدادلی، باجاريقلی، جسور، حتّی رومانتيک، شاعیرانه بير طبيعته مالک آدام‌دير. لاكين بو گؤزل كيفيّت‌لره مالک آدام دا حياتدا خوشبخت اولا بيلمير. آتا قاتلی كيمی تقصيرلنديريلن ديميتری كاتورقا [؟] جزاسينا محكوم اولونور. بوتون چيلغين محبّت ماجرالارينا باخماياراق ديميترينی يوخسول، تحكيم‌لی كندلی‌لرين دردی ترک ائتميردی. يوخودا گؤردويو كند يانغينی قلبينده يوخسول كندلی‌لره، اوتسوز چؤل‌لره، آغلايان اوشاقلارا قارشی دَرين بير كدر دوغورودو، كندلی‌لرين نه اوچون قوجاقلاشيب اؤپوشمه‌مه‌سينه، نه اوچون شن ماهنی‌لار اوخوماماسينا آجيييردی، يئر اؤزونده بوندان سونرا گؤز ياشی اولماسی اوچون مبارزه‌يه گيريشمه‌يه جان آتيردی...
داستايوفسكی‌نين دئمک اولاركی، بير چوخ اثرلری، اؤزللیکله اونلارين سونو فاجعه كيمی سسله‌نير. گوجلو، عاغيللی، تميز، خيرخواه آداملارين قيزغين آختاريشی، فداكارليغی اوغورسیزلیق‌لا قورتارير، قهرمان‌لار یئنیلیرلر. بو قهرمان‌لارين بعضيی‌لری شردن خلاص يولونو خيريستانليقدا {= مسيحی‌ليک} اطاعتده، بعضی‌لری عمومی، صينفی صولح‌ده، بعضی‌لری ايسه سوسياليزم‌ده گؤرورلر. اونلارين هئچ بيری اؤز آختاريشيندا آرديجيل و محكم اولماسا دا، بير مسئله ده بيرلَشيرلر. اونلاری بير گوجلو احتراس، بير مقصد بيرلشديرير. اونلاری هومانيزم {= اينسان پرورليک} قیجیقلاندیریر. موجود دوروملا، استبدادلا، ظولمله راضيلاشماماق، بدبخت انسانين حالينا آجيماق، دردينه شريک اولماق، اونون يولوندا قوربان گئتمك بو آداملارين معنوی گؤزل‌ليیينی تشكيل ائدير.
• مقاله نین باشلیغی «کؤچورن» طرفیندندیر.
• قایناق : «صنعتکار قوجالمیر» محمد عاریف، باکی، یازیچی نشریاتی 1980
یازیچی: #محمد_عاریف
اختصارلا کؤچورن: #همت_شهبازی
#ادبیات_ائوی
@AdabiyatEvi
ادبیات ائوی
29 Dec, 10:48
#مقاله
«کارامازوف قارداشلاری» رومانی و «داستایوفسکی» دونیاسی
یازیچی: #محمد_عاریف
اختصارلا کؤچورن: #همت_شهبازی
#ادبیات_ائوی
@AdabiyatEvi
«کارامازوف قارداشلاری» رومانی و «داستایوفسکی» دونیاسی
یازیچی: #محمد_عاریف
اختصارلا کؤچورن: #همت_شهبازی
#ادبیات_ائوی
@AdabiyatEvi
ادبیات ائوی
28 Dec, 15:12
#فولکلور
آران دئیر:
یایلاق، چوخ دا ساخلاما،
گؤندر گلسین، آغیر ائل‌لر منیم‌دی
یئرین گؤبه‌یی‌یم، دیزین دیره‌یی
مالی-مُلکِ سلیمان‌لار منیم‌دی...
یایلاق دئیر:
چیخما دیندن-ایماندان
سوسن‌دن، سونبول‌دن، هم ده گولشن‌دن
حکیم‌لیک، لُقمان‌لیق قالیبدی مندن
مین-مین دردلره درمان منیم‌دی...
داغ دئیر:
یازین اوّلیندن سولارین قیزار
قیزدیرما اوشاغین اوره‌یین اوزَر
گؤزل‌لر، محبوب‌لار سینه‌مده گزر
خیردا-خیردا آشان یول‌لار منده‌دی...
آران دئیر:
سوسن‌لی، سونبول‌لو، گول‌لو داغلاریم
شان ایچینده شعله چکیر یاغلاریم
بوستانداکی آلا-بزک تاغلاریم
قارپیز، خیار، دورلو نوبار منده‌دی...
داغ دئیر:
صفالی یایلاغام باشدان-بینادان
سینه‌مده بیتیبدی چوخ گول‌ِ خندان
مندن درس آلیبدی نئچه مین لُقمان
دورلو-دورلو گؤزل حال‌لار منده‌دی...
آران دئیر:
منه حسرت چکر بوزلو قایالار
سندن داد ائله‌ین مندن های آلار
باش-باشا چاتیلی ساری قایالار
خیرمان‌دا چئوریلن وَل‌لر¹ منده‌دی...
داغ دئیر:
ایسترم کی قیسا ائدیم بحثیمی
سنه باخیب اؤتورمرم کؤکسومو
دوستوم، همدمیم‌دی یازین مؤسومو
شوخ صنم‌لر، اینجه بئل‌لر منده‌دی...
1- وَل: خیرمان دؤیمک اوچون آلت.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوى
@AdabiyatEvi
آران دئیر:
یایلاق، چوخ دا ساخلاما،
گؤندر گلسین، آغیر ائل‌لر منیم‌دی
یئرین گؤبه‌یی‌یم، دیزین دیره‌یی
مالی-مُلکِ سلیمان‌لار منیم‌دی...
یایلاق دئیر:
چیخما دیندن-ایماندان
سوسن‌دن، سونبول‌دن، هم ده گولشن‌دن
حکیم‌لیک، لُقمان‌لیق قالیبدی مندن
مین-مین دردلره درمان منیم‌دی...
داغ دئیر:
یازین اوّلیندن سولارین قیزار
قیزدیرما اوشاغین اوره‌یین اوزَر
گؤزل‌لر، محبوب‌لار سینه‌مده گزر
خیردا-خیردا آشان یول‌لار منده‌دی...
آران دئیر:
سوسن‌لی، سونبول‌لو، گول‌لو داغلاریم
شان ایچینده شعله چکیر یاغلاریم
بوستانداکی آلا-بزک تاغلاریم
قارپیز، خیار، دورلو نوبار منده‌دی...
داغ دئیر:
صفالی یایلاغام باشدان-بینادان
سینه‌مده بیتیبدی چوخ گول‌ِ خندان
مندن درس آلیبدی نئچه مین لُقمان
دورلو-دورلو گؤزل حال‌لار منده‌دی...
آران دئیر:
منه حسرت چکر بوزلو قایالار
سندن داد ائله‌ین مندن های آلار
باش-باشا چاتیلی ساری قایالار
خیرمان‌دا چئوریلن وَل‌لر¹ منده‌دی...
داغ دئیر:
ایسترم کی قیسا ائدیم بحثیمی
سنه باخیب اؤتورمرم کؤکسومو
دوستوم، همدمیم‌دی یازین مؤسومو
شوخ صنم‌لر، اینجه بئل‌لر منده‌دی...
1- وَل: خیرمان دؤیمک اوچون آلت.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوى
@AdabiyatEvi
ادبیات ائوی
28 Dec, 15:12
#فولکلور
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوى
@AdabiyatEvi
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوى
@AdabiyatEvi
ادبیات ائوی
26 Dec, 09:47
وطن، باشا چوخ ایش گلر
باش اَیمه، باشین ساغ اولسون
بیز اؤلمه‌یه دوغولوروق
تورپاغین-داشین ساغ اولسون
#ممد_ایلقار
Vətən, Başa Çox İş Gələr
Baş Əymə, Başın Sağ Olsun
Biz Ölməyə Doğuluruq Biz
Torpağın-Daşın Sağ Olsun.
#Məmməd_İlqar
باشیمیز ساغ اولسون آذربایجانیم
#Başımız_Sağ_Olsun_Azərbaycanım
#ادبیات_ائوى
@AdabiyatEvi
باش اَیمه، باشین ساغ اولسون
بیز اؤلمه‌یه دوغولوروق
تورپاغین-داشین ساغ اولسون
#ممد_ایلقار
Vətən, Başa Çox İş Gələr
Baş Əymə, Başın Sağ Olsun
Biz Ölməyə Doğuluruq Biz
Torpağın-Daşın Sağ Olsun.
#Məmməd_İlqar
باشیمیز ساغ اولسون آذربایجانیم
#Başımız_Sağ_Olsun_Azərbaycanım
#ادبیات_ائوى
@AdabiyatEvi
ادبیات ائوی
20 Dec, 14:09
#شئعیر #چیلله
گئیینیب‌دیر آغ آپ آغ
گزیر حَیَط باجانی
خبر وئریر بولودلار
گلیر قار-قیش دؤورانی
قارغالار دا دانیشیر
قار، قار، قار، قار، قار گلیر
بو یام-یاشیل یئر اوزو
قار آلتیندا دینجه‌لیر
اؤزوم کیمی کؤرپه‌دیر
دوزلتدیییم قار آدام
من قار کیمی یونگولم
یئر-گؤی کیمی آزادام
هر گئجه‌نین آخیری
سحر اولار، گون اولار
بو قارلارین آلتیندان
گله‌جک‌دیر خوش باهار
یئر بورونور قار ایله
کامانچایلا، تار ایله
چیلله گلیر یوردوما
قارپیز ایله، نار ایله
چیلله بایرامینیز قوتلو اولسون
شئعیر: #آردا_خانی
سس: #ائلیسا_غیاثی
#ادبیات_ائوى
@AdabiyatEvi
گئیینیب‌دیر آغ آپ آغ
گزیر حَیَط باجانی
خبر وئریر بولودلار
گلیر قار-قیش دؤورانی
قارغالار دا دانیشیر
قار، قار، قار، قار، قار گلیر
بو یام-یاشیل یئر اوزو
قار آلتیندا دینجه‌لیر
اؤزوم کیمی کؤرپه‌دیر
دوزلتدیییم قار آدام
من قار کیمی یونگولم
یئر-گؤی کیمی آزادام
هر گئجه‌نین آخیری
سحر اولار، گون اولار
بو قارلارین آلتیندان
گله‌جک‌دیر خوش باهار
یئر بورونور قار ایله
کامانچایلا، تار ایله
چیلله گلیر یوردوما
قارپیز ایله، نار ایله
چیلله بایرامینیز قوتلو اولسون
شئعیر: #آردا_خانی
سس: #ائلیسا_غیاثی
#ادبیات_ائوى
@AdabiyatEvi
ادبیات ائوی
19 Dec, 10:36
بؤیوک چیلله ایله کیچیک چیلله‌نین آدینا باغلی خالق آراسیندا گزن نئچه پارا سؤیلمه وار. بیری بئله‌دی کی، بؤیوک چیلله دؤورانین سوروب گئدیرمیش، یولدا کیچیک چیلله‌یه توش گلیر. کیچیک چیلله بؤیوک‌دن سوروشور:
- قیرخ گوندو یاراقلی- یاساقلی حکمران‌لیق ائله‌ییرسن، نئیله‌دین، نئیلمه‌دین؟
بؤیوک چیلله دئییر:
- اون چوُوال‌لارینی¹ یاری‌یا ائندیردیم، اوْت تایالارینی اورتادان کئچیردیم، اوشاقدان- بؤیویه هامینی اوجاغین باشینا ییغدیم.
بئله‌ده کیچیک چیلله آغیز بوزور:
- آی های، گؤر ایندی خیردا لـله‌شین نئیلییه‌جک. اوُنلوغو² اوندان کسه‌جه‌یم آخورو دا سامان‌دان. جاهیل (گنج، جوان) سومویو، آهیل (یاشلی، قوجا) ایلیگی گؤینه‌ده‌جه‌یم. بیر بوْران قالخیزیم، بیر چوْوغون³ قوپاریم کی، گل گؤره‌سن.
بؤیوک چیلله دونیانین کؤر- کؤتویوندن حالی‌ایدی. بیلیردی کی، کیچیک چیلله‌نین عؤمرو آزدی، جمعی- جوملَتانی اییرمی گونلوک های- کویو وار. اودور کی، اوزون کیچیک قارداشینا توتوب دئییر:
- گئدیب اؤزونو ناحاق یئره اوجوز ائله‌مه، قاباغین بوْزآی‌دی⁴. ائله اوتور- دور کی، بوْزآی‌دا هاوالار قاریشاندا دئسین‌لر: «کیچیک چیلله‌نین گونلری ماغیل گونلر ایدی، عیناً یازین اورتا آیی کیمی‌ایدی».
بو کیچیک چیلله ده هئچ اؤزونه گؤره دئییل. بؤيوک چیلله‌نین سؤزونو بیر ایل ائشیدر. بیر ایل ائشیتمز و ائشیدن ایل اؤزونو اوُرواتلی آپارار. ائله کی، قولاق‌آردینا وورور، باخ اوندا اوزونو گؤرمه. تا بوْزآیاجان گؤیون اوزونو بوروم- بوروم بوراسیدی.
کیچیک چیلله‌نین قورتارماغینا بیر- ایکی گون قالمیشدان هر آخشام دوققازلاردا⁵ تونقال قالایاردیلار. واخت- وعده گلیب همین مقاما یئتن‌ده آغ‌ساققال‌لار جاوان- جومورلارا ائشیتدیرردیلر:
- چیلله‌قوْوانین واختیدی ها! تونقال چاتیب اوجاق‌لاری گورلاندیرین کی، بوْز‌آی دامارلانیب چیلله‌یه دوْی گلسین⁶
هه، ایندی کی، بوْزآیین آدینی توتدوق، قوی اوندا اونون خاصیّتین قانادینا دوزموش بیر ائل سؤیلمه‌سیندن ده سوراق وئرک. هه، سؤز او یئردن، او چاغدان تکان آلیب گلیر کی، ایل آیا گونه بؤلونوردو. بوتون آیلار گلیب اؤز گون‌لرینی گؤتورموشدو، تکجه آیین بیرینه هئچ بیر گون دوشمه‌میشدی. ییغیشیب گئنگش ائله‌یندن سونرا بو قرارا گلدیلر کی، آیلارین هره‌سی اؤزونون بیر- ایکی گونون، بو گون‌سوز قالمیش آیا وئرسین. اونون دا گونلری دوزلسین. بلی، اون‌بیر آیین کیمیسی بیر گون، کیمیسی ایکی گون کیمیسی ده اوچ گون وئردی. بئلهلیکله آیلارین سایی دؤنوب اولدو اون‌ایکی. تزه دوزه‌لَن آیین گونلری فصیل‌لرده‌کی آیلاردان ییغیلدیغینا گؤره اونون هاواسی‌نین احوالیندان باش آچماق موشگوله دؤندو. بیر ده گؤردون ایستی‌دی؛ اوستوندن بیر آز کئچمیش باخیرسان کی، بولود گلدی، سویوق دوشدو. او بیری گون یئنه آچیلدی. غرض، بئله‌جه قات- قاریشیق، بوْز بیر آی عرصه‌یه گلدی. او سبب‌دن ائل- جماعات اونو «بوزآی» دئییب نشان‌لادی.
۱-تول/توال/ حئیوان دَری‌سیندن سو قابی. چوال/جوال: قاب چرمی برای کشیدن آب از چاه. دول/دولچا.
۲-اون ساخلانیلان یئر.
۳- شدّتلی یئل ایله یاغان قار ایله یاغیش.
۴- قیشین سون اون‌بئش گونو ایله یازین ایلک اون‌بئش گونو.
۵- کند ائولری، باغ‌لاردا بیر- بیرینه کئچیریلن آغاج‌لاردان دوزلدیلمیش قاپی
۶- دوْو گلمک. غالب گلمک.
یازیچی: #حسن_اوموداوغلو
#ادبیات_ائوی
@AdabiyatEvi
- قیرخ گوندو یاراقلی- یاساقلی حکمران‌لیق ائله‌ییرسن، نئیله‌دین، نئیلمه‌دین؟
بؤیوک چیلله دئییر:
- اون چوُوال‌لارینی¹ یاری‌یا ائندیردیم، اوْت تایالارینی اورتادان کئچیردیم، اوشاقدان- بؤیویه هامینی اوجاغین باشینا ییغدیم.
بئله‌ده کیچیک چیلله آغیز بوزور:
- آی های، گؤر ایندی خیردا لـله‌شین نئیلییه‌جک. اوُنلوغو² اوندان کسه‌جه‌یم آخورو دا سامان‌دان. جاهیل (گنج، جوان) سومویو، آهیل (یاشلی، قوجا) ایلیگی گؤینه‌ده‌جه‌یم. بیر بوْران قالخیزیم، بیر چوْوغون³ قوپاریم کی، گل گؤره‌سن.
بؤیوک چیلله دونیانین کؤر- کؤتویوندن حالی‌ایدی. بیلیردی کی، کیچیک چیلله‌نین عؤمرو آزدی، جمعی- جوملَتانی اییرمی گونلوک های- کویو وار. اودور کی، اوزون کیچیک قارداشینا توتوب دئییر:
- گئدیب اؤزونو ناحاق یئره اوجوز ائله‌مه، قاباغین بوْزآی‌دی⁴. ائله اوتور- دور کی، بوْزآی‌دا هاوالار قاریشاندا دئسین‌لر: «کیچیک چیلله‌نین گونلری ماغیل گونلر ایدی، عیناً یازین اورتا آیی کیمی‌ایدی».
بو کیچیک چیلله ده هئچ اؤزونه گؤره دئییل. بؤيوک چیلله‌نین سؤزونو بیر ایل ائشیدر. بیر ایل ائشیتمز و ائشیدن ایل اؤزونو اوُرواتلی آپارار. ائله کی، قولاق‌آردینا وورور، باخ اوندا اوزونو گؤرمه. تا بوْزآیاجان گؤیون اوزونو بوروم- بوروم بوراسیدی.
کیچیک چیلله‌نین قورتارماغینا بیر- ایکی گون قالمیشدان هر آخشام دوققازلاردا⁵ تونقال قالایاردیلار. واخت- وعده گلیب همین مقاما یئتن‌ده آغ‌ساققال‌لار جاوان- جومورلارا ائشیتدیرردیلر:
- چیلله‌قوْوانین واختیدی ها! تونقال چاتیب اوجاق‌لاری گورلاندیرین کی، بوْز‌آی دامارلانیب چیلله‌یه دوْی گلسین⁶
هه، ایندی کی، بوْزآیین آدینی توتدوق، قوی اوندا اونون خاصیّتین قانادینا دوزموش بیر ائل سؤیلمه‌سیندن ده سوراق وئرک. هه، سؤز او یئردن، او چاغدان تکان آلیب گلیر کی، ایل آیا گونه بؤلونوردو. بوتون آیلار گلیب اؤز گون‌لرینی گؤتورموشدو، تکجه آیین بیرینه هئچ بیر گون دوشمه‌میشدی. ییغیشیب گئنگش ائله‌یندن سونرا بو قرارا گلدیلر کی، آیلارین هره‌سی اؤزونون بیر- ایکی گونون، بو گون‌سوز قالمیش آیا وئرسین. اونون دا گونلری دوزلسین. بلی، اون‌بیر آیین کیمیسی بیر گون، کیمیسی ایکی گون کیمیسی ده اوچ گون وئردی. بئلهلیکله آیلارین سایی دؤنوب اولدو اون‌ایکی. تزه دوزه‌لَن آیین گونلری فصیل‌لرده‌کی آیلاردان ییغیلدیغینا گؤره اونون هاواسی‌نین احوالیندان باش آچماق موشگوله دؤندو. بیر ده گؤردون ایستی‌دی؛ اوستوندن بیر آز کئچمیش باخیرسان کی، بولود گلدی، سویوق دوشدو. او بیری گون یئنه آچیلدی. غرض، بئله‌جه قات- قاریشیق، بوْز بیر آی عرصه‌یه گلدی. او سبب‌دن ائل- جماعات اونو «بوزآی» دئییب نشان‌لادی.
۱-تول/توال/ حئیوان دَری‌سیندن سو قابی. چوال/جوال: قاب چرمی برای کشیدن آب از چاه. دول/دولچا.
۲-اون ساخلانیلان یئر.
۳- شدّتلی یئل ایله یاغان قار ایله یاغیش.
۴- قیشین سون اون‌بئش گونو ایله یازین ایلک اون‌بئش گونو.
۵- کند ائولری، باغ‌لاردا بیر- بیرینه کئچیریلن آغاج‌لاردان دوزلدیلمیش قاپی
۶- دوْو گلمک. غالب گلمک.
یازیچی: #حسن_اوموداوغلو
#ادبیات_ائوی
@AdabiyatEvi
ادبیات ائوی
19 Dec, 10:34
#فولکلور #چیلله
فولکلوروموزدا چیلله
یازیچی: #حسن_اوموداوغلو
#ادبیات_ائوى
@AdabiyatEvi
فولکلوروموزدا چیلله
یازیچی: #حسن_اوموداوغلو
#ادبیات_ائوى
@AdabiyatEvi
ادبیات ائوی
16 Dec, 07:21
#دانیشیق
#حبیب_ساهر گؤزل دئییب؛
«بیر چوخ خزان گلیب کئچدی
بیر چوخ کاروان قونوب کؤچدو
بیر خزان‌دا یئتیم قالدیق
بیر خزان‌دا سئودالاندیق
بیر خزان‌دا آلوولاندیق
بیر خزان‌دا پارلاق قیزیل گونش دوغدو
بیر خزان‌دا بولود گلیب گونو بوغدو...»
#ادبیات_ائوی
هر خزان‌لا بیرلیکده، بیر باهار یازیلیب طبیعته، هر ائنیشین بیر یوخوشو، هر کدرین بیر سئوینجی وار.
یئنیدن آیاغا قالخاجاغیق، داها گوجلو، داها آرخایین.
آذربایجان ساده‌جه اؤزگورلوک اوچون ساواشیر و بو ساواش هرکسین ساواشی‌دیر.
سن شاعیر،
سن یازیچی،
سن اؤیرتمن،
سن اؤیرنجی،
سن هر ایشده اولورسان اول، سنین ده ساواشین‌دیر. دیلینه-ائلینه ان کیچیک ایشین بودور. اؤزونله و ائلین‌له فخر ائتمک، غرور دویماق.
ایره‌لی آددیم آتماق، یاراتماق، چالیشماق، هر شئی‌له، هامیمیز بیرلیکده گؤزل #آذربایجان اوچون.
#ادبیات_ائوى
@AdabiyatEvi
#حبیب_ساهر گؤزل دئییب؛
«بیر چوخ خزان گلیب کئچدی
بیر چوخ کاروان قونوب کؤچدو
بیر خزان‌دا یئتیم قالدیق
بیر خزان‌دا سئودالاندیق
بیر خزان‌دا آلوولاندیق
بیر خزان‌دا پارلاق قیزیل گونش دوغدو
بیر خزان‌دا بولود گلیب گونو بوغدو...»
#ادبیات_ائوی
هر خزان‌لا بیرلیکده، بیر باهار یازیلیب طبیعته، هر ائنیشین بیر یوخوشو، هر کدرین بیر سئوینجی وار.
یئنیدن آیاغا قالخاجاغیق، داها گوجلو، داها آرخایین.
آذربایجان ساده‌جه اؤزگورلوک اوچون ساواشیر و بو ساواش هرکسین ساواشی‌دیر.
سن شاعیر،
سن یازیچی،
سن اؤیرتمن،
سن اؤیرنجی،
سن هر ایشده اولورسان اول، سنین ده ساواشین‌دیر. دیلینه-ائلینه ان کیچیک ایشین بودور. اؤزونله و ائلین‌له فخر ائتمک، غرور دویماق.
ایره‌لی آددیم آتماق، یاراتماق، چالیشماق، هر شئی‌له، هامیمیز بیرلیکده گؤزل #آذربایجان اوچون.
#ادبیات_ائوى
@AdabiyatEvi
ادبیات ائوی
16 Dec, 06:49
#قانلی_آذر #۲۶آذر
تبریز شَهَری‌دیر ساعات قاباغی
آغاج‌لار گول آچیب آذر آییندا
گؤی مچیدین گؤم-گؤی اولوب یاناغی
سارا یاللی گئدیر آرپا چایین‌دا.
بلی بو شَهَردن آرزولار کؤچور
آنالار ساچلارین یولان شَهَردیر
ایندی قاتار-قاتار دورنالار کؤچور
باغلاری سارالیب سولان شَهَردیر
کیتاب‌لار، کیتاب‌لار آمان کیتاب‌لار
داهی اینسانلارین آرزو دیله‌یی
باشیندان قووزانان دومان کیتاب‌لار
بیر ائلین-اولوسون ایتکین امه‌یی
#میربؤیوک_سئییدلر
بو گون آذر آیی‌نین 26-جی گونو، منحوس پهلوی رژیمی‌نین ارتشی الی ایله، کیتاب‌لاریمیزین یاندیریلان گونودور.
کیتاب‌لاری یاندیران اؤلکه‌ده، اینسانلاری دا اودا چکرلر...
آذربایجان خالقی، بو گونلری و ظولوم‌لری هئچ زامان اونوتماییب و اونوتمایاجاق.
کیتاب‌لاریمیزی اودلادیلار. دیلیمیزی یالاتدیلار! قلم‌‌لریمیزی سیندیردیلار، آنجاق غروروموزو سیندیرا بیلمهدیلر. باشیمیزی آشاغی دیکه بیلمهدیلر. سینیق قلم‌لریمیزله، مین‌لر کیتاب یازدیق و یئنه یازاجاغیق».
#ادبیات_ائوى
@AdabiyatEvi
تبریز شَهَری‌دیر ساعات قاباغی
آغاج‌لار گول آچیب آذر آییندا
گؤی مچیدین گؤم-گؤی اولوب یاناغی
سارا یاللی گئدیر آرپا چایین‌دا.
بلی بو شَهَردن آرزولار کؤچور
آنالار ساچلارین یولان شَهَردیر
ایندی قاتار-قاتار دورنالار کؤچور
باغلاری سارالیب سولان شَهَردیر
کیتاب‌لار، کیتاب‌لار آمان کیتاب‌لار
داهی اینسانلارین آرزو دیله‌یی
باشیندان قووزانان دومان کیتاب‌لار
بیر ائلین-اولوسون ایتکین امه‌یی
#میربؤیوک_سئییدلر
بو گون آذر آیی‌نین 26-جی گونو، منحوس پهلوی رژیمی‌نین ارتشی الی ایله، کیتاب‌لاریمیزین یاندیریلان گونودور.
کیتاب‌لاری یاندیران اؤلکه‌ده، اینسانلاری دا اودا چکرلر...
آذربایجان خالقی، بو گونلری و ظولوم‌لری هئچ زامان اونوتماییب و اونوتمایاجاق.
کیتاب‌لاریمیزی اودلادیلار. دیلیمیزی یالاتدیلار! قلم‌‌لریمیزی سیندیردیلار، آنجاق غروروموزو سیندیرا بیلمهدیلر. باشیمیزی آشاغی دیکه بیلمهدیلر. سینیق قلم‌لریمیزله، مین‌لر کیتاب یازدیق و یئنه یازاجاغیق».
#ادبیات_ائوى
@AdabiyatEvi
ادبیات ائوی
15 Dec, 22:08
آه... اَرکین دیوارلاری تؤکولور...
تؤکولور...
تؤکولور...
دَیَرلی شاعیریمیز #ناصر_مرقاتی جناب‌لاری آلمان اؤلکه‌سینده ابدی‌لیک بو دونیایا گؤز یوموب.
ادبیات ائوی طرفیندن آذربایجانین ادبی جامعه‌سینه تسلیت دئییریک.
#ادبیات_ائوى
@AdabiyatEvi
تؤکولور...
تؤکولور...
دَیَرلی شاعیریمیز #ناصر_مرقاتی جناب‌لاری آلمان اؤلکه‌سینده ابدی‌لیک بو دونیایا گؤز یوموب.
ادبیات ائوی طرفیندن آذربایجانین ادبی جامعه‌سینه تسلیت دئییریک.
#ادبیات_ائوى
@AdabiyatEvi
ادبیات ائوی
15 Dec, 11:11
هامی آزاده ائلین شاعیری وار
من اسیر ائل‌لرین آه، شاعیری‌یم
بو گون آذربایجانین داهی شاعیری #حبیب_ساهر -ین آنیم گونودور.
خاطیره‌سینی سایغی ایله آنیریق.
#ادبیات_ائوى
@AdabiyatEvi
من اسیر ائل‌لرین آه، شاعیری‌یم
بو گون آذربایجانین داهی شاعیری #حبیب_ساهر -ین آنیم گونودور.
خاطیره‌سینی سایغی ایله آنیریق.
#ادبیات_ائوى
@AdabiyatEvi
ادبیات ائوی
11 Dec, 12:35
#آذربایجان
سه سال قبل شبکه منوتو (Manoto)، پیام ارتشبد جم و فیلمی را از 21 آذر 1325 منتشر کرده و آن روز را روزِ نجات آذربایجان نامگذاری کرده‌اند. ما خودمان به گواهِ شاهدان آن صحنه‌ها، از حقیقت بودن اعدام‌ها و سوزاندن کتابهای ترکی به دستِ آن رژیم منحوس مطلع بودیم و در به در دنبال عکس‌ها و فیلم‌های آن اوان می‌گشتیم. دستمان هم به آرشیوهای آنها نمی‌رسید. پدرِ یکی از دوستانمان که متولد 1300 بود، می‌گفت: از راستاکوچه تا راه‌آهن، با گاری در حرکت بودم، حدود هزار جسد در پیاده‌رو و خیابان وجود داشت و من اجساد سرراهِ گاری را جابجا کرده و حرکت کردم.
حالا شبکه منوتو، خودشان از آن کتابسوزی‌ها فیلمی منتشر کرده و به گفته‌های مردمِ آذربایجان و شاهدان عینی آن صحنه‌ها، صحه گذاشته است.
ننگ باد، افرادی را که کتاب میسوزانند و با افتخار آن کتابسوزی و قتل و عام را، روزِ نجات یک ملت نامگذاری می‌کنند. در جایی که کتابها را میسوزانند، به راحتیِ آب خوردن، انسانها را نیز به آتش می‌کشند.
رژیم پهلوی، کتابهای ما را به آتش کشید، اما ما هنوز هم هویت خود را حفظ کرده و آن را بهتر از گذشته پاسداری خواهیم کرد.
#ادبیات_ائوى
@AdabiyatEvi
سه سال قبل شبکه منوتو (Manoto)، پیام ارتشبد جم و فیلمی را از 21 آذر 1325 منتشر کرده و آن روز را روزِ نجات آذربایجان نامگذاری کرده‌اند. ما خودمان به گواهِ شاهدان آن صحنه‌ها، از حقیقت بودن اعدام‌ها و سوزاندن کتابهای ترکی به دستِ آن رژیم منحوس مطلع بودیم و در به در دنبال عکس‌ها و فیلم‌های آن اوان می‌گشتیم. دستمان هم به آرشیوهای آنها نمی‌رسید. پدرِ یکی از دوستانمان که متولد 1300 بود، می‌گفت: از راستاکوچه تا راه‌آهن، با گاری در حرکت بودم، حدود هزار جسد در پیاده‌رو و خیابان وجود داشت و من اجساد سرراهِ گاری را جابجا کرده و حرکت کردم.
حالا شبکه منوتو، خودشان از آن کتابسوزی‌ها فیلمی منتشر کرده و به گفته‌های مردمِ آذربایجان و شاهدان عینی آن صحنه‌ها، صحه گذاشته است.
ننگ باد، افرادی را که کتاب میسوزانند و با افتخار آن کتابسوزی و قتل و عام را، روزِ نجات یک ملت نامگذاری می‌کنند. در جایی که کتابها را میسوزانند، به راحتیِ آب خوردن، انسانها را نیز به آتش می‌کشند.
رژیم پهلوی، کتابهای ما را به آتش کشید، اما ما هنوز هم هویت خود را حفظ کرده و آن را بهتر از گذشته پاسداری خواهیم کرد.
#ادبیات_ائوى
@AdabiyatEvi
ادبیات ائوی
11 Dec, 12:31
#گونلریمیز #۲۱آذر
۲۱ آذر آذربایجانلی‌لار اوچون، هم سئوینج‌لی، هم ده کدرلی اولدو.
۱۳۲۴-جی ایل آذر آیی‌نین ۲۱-جی گونونده، گونئی آذربایجانین ملّی حکومتی «سید جعفر پیشه‌وری»نین اؤندرلییی ایله قورولدو. بوتون ملت سئوینجله یاشاییردیلار. فریدون ابراهیمی دئمیشکن «اؤز مقدراتیمیزی اؤز الیمیزله رقم وورموشدوق». آنجاق پهلوی حکومتی‌نین دیکتاتورلوغو بو سئوینجی بیر ایلدن آرتیق تاب گتیرمه‌ییب و ۱۳۲۵-جی ایل آذر آیی‌نین ۲۱-ده آذربایجانین فدایی‌لرین قتل‌عام ائتدیلر. ۲۰ مین‌دن آرتیق آذربایجانلی‌نی اعدام ائله‌ییب و گولله‌یه باغلادیلار. آنجاق بونو بیلمه‌لی‌دیرلر:
بالیغی دنیزدن چیخاردا بیلرلر، آنجاق
بالیغین عاغیلیندان دنیزی چیخاردا بیلمزلر. آزادلیغیمیزی آلسالار دا، آزادلیق دوشونجه‌میزی بیزدن آلا بیلمزلر.
بیر ایل باش‌اوجالیق ارمغان گتیرن ملّی حکومتین سسی‌نی 70 ایلدن آرتیق‌دیر باتیرا بیلمیرلر و آذربایجان ملّتی هله ده پیشه‌وری خاطیره‌سین اورک‌لرینده داشی‌ییرلار.
بیر ایل عرضینده، تورک دیلی رسمی اعلان ائدیلدی، ایلک اولاراق قادین‌لار سئچگی‌لره قاتیلا بیلیب، تبریز بیلیم یوردو و تبریز ملّی رادیوسو ایجاد اولونوب، ایشه باشلادی. بوتون خیاوان‌لار آسفالت اولدولار. تبربز زیندانی دانشگاها چئوریلدی و... .
«ریچارد کاتم پیتسبورگ» بیلیم یوردونون اوستادی «ناسیونالیسم در ایران» کتابین‌دا ملّی حکومت حاققیندا یازیر:
«رضا خانین ایل‌لر بویو ایران‌دا گؤره بیلمه‌دیگی ایش‌لری، ملّی حکومت بیر ایلده آذربایجاندا گؤردو».
آتالار دئمیشکن: «بیر آرخا سو گلسه، اومود وار بیر ده گلسین.»
بیز، او گونلری یئنه گؤره‌جه‌ییک...
#ادبیات_ائوى
@AdabiyatEvi
۲۱ آذر آذربایجانلی‌لار اوچون، هم سئوینج‌لی، هم ده کدرلی اولدو.
۱۳۲۴-جی ایل آذر آیی‌نین ۲۱-جی گونونده، گونئی آذربایجانین ملّی حکومتی «سید جعفر پیشه‌وری»نین اؤندرلییی ایله قورولدو. بوتون ملت سئوینجله یاشاییردیلار. فریدون ابراهیمی دئمیشکن «اؤز مقدراتیمیزی اؤز الیمیزله رقم وورموشدوق». آنجاق پهلوی حکومتی‌نین دیکتاتورلوغو بو سئوینجی بیر ایلدن آرتیق تاب گتیرمه‌ییب و ۱۳۲۵-جی ایل آذر آیی‌نین ۲۱-ده آذربایجانین فدایی‌لرین قتل‌عام ائتدیلر. ۲۰ مین‌دن آرتیق آذربایجانلی‌نی اعدام ائله‌ییب و گولله‌یه باغلادیلار. آنجاق بونو بیلمه‌لی‌دیرلر:
بالیغی دنیزدن چیخاردا بیلرلر، آنجاق
بالیغین عاغیلیندان دنیزی چیخاردا بیلمزلر. آزادلیغیمیزی آلسالار دا، آزادلیق دوشونجه‌میزی بیزدن آلا بیلمزلر.
بیر ایل باش‌اوجالیق ارمغان گتیرن ملّی حکومتین سسی‌نی 70 ایلدن آرتیق‌دیر باتیرا بیلمیرلر و آذربایجان ملّتی هله ده پیشه‌وری خاطیره‌سین اورک‌لرینده داشی‌ییرلار.
بیر ایل عرضینده، تورک دیلی رسمی اعلان ائدیلدی، ایلک اولاراق قادین‌لار سئچگی‌لره قاتیلا بیلیب، تبریز بیلیم یوردو و تبریز ملّی رادیوسو ایجاد اولونوب، ایشه باشلادی. بوتون خیاوان‌لار آسفالت اولدولار. تبربز زیندانی دانشگاها چئوریلدی و... .
«ریچارد کاتم پیتسبورگ» بیلیم یوردونون اوستادی «ناسیونالیسم در ایران» کتابین‌دا ملّی حکومت حاققیندا یازیر:
«رضا خانین ایل‌لر بویو ایران‌دا گؤره بیلمه‌دیگی ایش‌لری، ملّی حکومت بیر ایلده آذربایجاندا گؤردو».
آتالار دئمیشکن: «بیر آرخا سو گلسه، اومود وار بیر ده گلسین.»
بیز، او گونلری یئنه گؤره‌جه‌ییک...
#ادبیات_ائوى
@AdabiyatEvi
ادبیات ائوی
25 Nov, 14:54
#شئعیر
آياقلا تورپاغين اؤپوشمه‌سيندن
دوغولوب بؤيويور يوللار حياتدا
تاپدانا-تاپدانا مين ايللر بويو
يوللار عؤمور سورور آياقلار آلتدا
گليم‌لى-گئديم‌لى يول، نسيل‌لرين
اؤلمز عابيده‌سی، امانتی‌دير
تاپدانماق اينسانين شرفسيزليیى
تاپدانماق يوللارين، لياقتی‌دير
اينسان قدمينه تامارزى قالماق
يوللارین باغرينا چكيلن داغ‌دير
دونيادا آياقلار آلتدا ياشاماق
بيرجه يوللار اوچون آلچالماماق‌دير
شئعیر: #شاهمار_اکبرزاده
سس: #شیوا_جعفریان
#ادبیات_ائوى
@AdabiyatEvi
آياقلا تورپاغين اؤپوشمه‌سيندن
دوغولوب بؤيويور يوللار حياتدا
تاپدانا-تاپدانا مين ايللر بويو
يوللار عؤمور سورور آياقلار آلتدا
گليم‌لى-گئديم‌لى يول، نسيل‌لرين
اؤلمز عابيده‌سی، امانتی‌دير
تاپدانماق اينسانين شرفسيزليیى
تاپدانماق يوللارين، لياقتی‌دير
اينسان قدمينه تامارزى قالماق
يوللارین باغرينا چكيلن داغ‌دير
دونيادا آياقلار آلتدا ياشاماق
بيرجه يوللار اوچون آلچالماماق‌دير
شئعیر: #شاهمار_اکبرزاده
سس: #شیوا_جعفریان
#ادبیات_ائوى
@AdabiyatEvi
ادبیات ائوی
23 Nov, 13:35
بوتون اکینچی‌لریمیزین گؤزو همیشه گؤیده اولار. اونلار همیشه یاغیشی (یاغمورو) گؤزله‌ییرلر. آتالار دئمیش: اکینچی یاغیش ایستر، یولچو قوراقلیق.
یاغیش ایسته‌مک آیین‌لری و دوعالاری، چوخ اسکی زامانلاردان بیزیم فولکلوروموزدا و اینانج‌لاریمیزدا اولموشدور. هله ده آذربایجانین مختلف بؤلگه‌لرین‌ده و قوراقلیق زامان‌لاریندا، خالقیمیز «یاغیش و یاغمور» دوعالارینی یاددان چیخارتماییب و اونو نغمه کیمی ده دیل‌لرده ازبر ائتدیرمیشدیر. بیرینی تقدیم ائدیریک:
گؤیدن، گؤیدن نه گلر؟
داملا-داملا یاغمور گلر
حیدر، حیدر، چؤرک وئر!
کیشی‌لره اورک وئر
خیرمانلاری ییغماغا
سرین، سرین کولک وئر
آنبارلار دولو-دولو
سَنَک‌لر سولو-سولو
بیزدن حرکت
یئردن برکت
گؤیدن یاغمور
وئر تانریم، وئر
یاغمور، یاغمور نه ایستر؟
یاغمور بوللو یاغ ایستر،
قاشیق- قاشیق بال ایستر
قونور گؤز قوربان ایستر
گؤبَک‌لی خیرمان ایستر
بیزدن حرکت
یئردن برکت
گؤیدن یاغمور
وئر تانریم، وئر
گؤی، گؤی، گؤی اولسون
آرپا-بوغدا بول اولسون
آلا گؤز قوربان اولسون
بوینوموزدا بویوندوروق
دورا- دورا یورولدوق
آجیمیزدان قیریلدیق
بیزدن حرکت
یئردن برکت
گؤیدن یاغمور
وئر تانریم، وئر
حاضیرلایان: #ادبیات_ائوی
@AdabiyatEvi
یاغیش ایسته‌مک آیین‌لری و دوعالاری، چوخ اسکی زامانلاردان بیزیم فولکلوروموزدا و اینانج‌لاریمیزدا اولموشدور. هله ده آذربایجانین مختلف بؤلگه‌لرین‌ده و قوراقلیق زامان‌لاریندا، خالقیمیز «یاغیش و یاغمور» دوعالارینی یاددان چیخارتماییب و اونو نغمه کیمی ده دیل‌لرده ازبر ائتدیرمیشدیر. بیرینی تقدیم ائدیریک:
گؤیدن، گؤیدن نه گلر؟
داملا-داملا یاغمور گلر
حیدر، حیدر، چؤرک وئر!
کیشی‌لره اورک وئر
خیرمانلاری ییغماغا
سرین، سرین کولک وئر
آنبارلار دولو-دولو
سَنَک‌لر سولو-سولو
بیزدن حرکت
یئردن برکت
گؤیدن یاغمور
وئر تانریم، وئر
یاغمور، یاغمور نه ایستر؟
یاغمور بوللو یاغ ایستر،
قاشیق- قاشیق بال ایستر
قونور گؤز قوربان ایستر
گؤبَک‌لی خیرمان ایستر
بیزدن حرکت
یئردن برکت
گؤیدن یاغمور
وئر تانریم، وئر
گؤی، گؤی، گؤی اولسون
آرپا-بوغدا بول اولسون
آلا گؤز قوربان اولسون
بوینوموزدا بویوندوروق
دورا- دورا یورولدوق
آجیمیزدان قیریلدیق
بیزدن حرکت
یئردن برکت
گؤیدن یاغمور
وئر تانریم، وئر
حاضیرلایان: #ادبیات_ائوی
@AdabiyatEvi
ادبیات ائوی
23 Nov, 13:34
#فولکلور
فولکلورموزدا یاغیش چاغیرما نغمه‌سی
حاضیرلایان: #ادبیات_ائوی
@AdabiyatEvi
فولکلورموزدا یاغیش چاغیرما نغمه‌سی
حاضیرلایان: #ادبیات_ائوی
@AdabiyatEvi
ادبیات ائوی
19 Nov, 13:19
گؤزل بیر موسیقی، کنسرته گلن‌لری والئح ائتمیشدی. هر کس فورته‌پیانودا سسله‌نن ماهنی‌نین تاثیرینده ایدی.
فورته‌پیانو دا چوخ خوشبخت ایدی. لاکین فورته‌پیانونون اوزه‌رینده دوزولموش آغ-قارا دیل‌لر بیر-بیری ایله مباحثه ائدیردی‌لر. اونلارین هر بیری موسیقی‌نین بئله گؤزل ایفاسیندا یالنیز اؤزونون اساس رولو اولدوغونو دئییردی. هر بیر دیل اؤزو ایله غرورلانیردی.
فورته‌پیانو اونلارا چوخ ایضاح ائتمک ایسته‌دی کی، اونلار بیرلیکده یارادیبلار بو گؤزل‌لییی. آنجاق هئچ بیری بو فیکری قبول ائتمه‌دی.
بو مباحثه چوخ اوزاندی. بئلهلیکله، اونلار قرارا گلدیلر کی، هر بیری بو پیانونون تاختاسیندان آیریلیب، اؤزو آیریجا ماهنی ایفا ائتسین. فورته‌پیانونون ترکیبیندن آیریلان دیل‌لر هر بیری فرقلی صحنه‌لره اوز توتدو. اونلار بو گؤزل ماهنینی تک ایفا ائتمه‌یه چالیشدیلار. لاکین نه قدر چالیشدیلارسا، آلینمادی. هر بیر دیل یالنیز بیر سسی ایفا ائتدیییندن، ماهنینی بوتؤو شکیلده سسلندیره بیلمهدیلر. هئچ کس ده اونلاری دینله‌مه‌یه ماراقلی اولمادیلار.
سالوندا اولان دینله‌ییجی‌لر دوروب اورادان چیخدیلار. بونو گؤرن دیل‌لر چوخ مأیوس اولدولار. هر بیری سهوینی باشا دوشدو. یالنیز بیرلیکده گؤزل موسیقی ایفا ائده‌جکرینی آنلادیلار. بئلهلیکله اؤز یئرلرینه قاییدیب، بیر-بیرلریندن عوذر دیله‌دی‌لر. یئنیدن بیرلیکده صحنه‌یه چیخیب، موسیقی ایفا ائتدیلر. هر کس اونلاری تبریک ائده‌نده، اونلار دا بیر-بیرینی تبریک ائتدیلر.
یازیچی: #جواهیر_تانری_وئردی
حاضیرلایان: #ویدا_حشمتی
#ادبیات_ائوی سؤزو:
عزیز اوشاقلار،
بیر چیچک یاشیللانیب غنچه آچیرسا، تورپاق، سو، یئل، گونش، هامیسی بیرلیکده اونا جان وئریب و اونو یاشاتماغی باشاریرلار.
هرکسین یئته‌نه‌یی فرقلی و گؤزل‌دیر. هرکس اؤز یئرینده بیر یئره قدر باشاریلی اولا بیلر، آنجاق ان یوکسک باشاریلار، توپلوم ایله بیرلیکده آددیم آتدیغینیز یوللاردان دوغولور.
#ادبیات_ائوى
@AdabiyatEvi
فورته‌پیانو دا چوخ خوشبخت ایدی. لاکین فورته‌پیانونون اوزه‌رینده دوزولموش آغ-قارا دیل‌لر بیر-بیری ایله مباحثه ائدیردی‌لر. اونلارین هر بیری موسیقی‌نین بئله گؤزل ایفاسیندا یالنیز اؤزونون اساس رولو اولدوغونو دئییردی. هر بیر دیل اؤزو ایله غرورلانیردی.
فورته‌پیانو اونلارا چوخ ایضاح ائتمک ایسته‌دی کی، اونلار بیرلیکده یارادیبلار بو گؤزل‌لییی. آنجاق هئچ بیری بو فیکری قبول ائتمه‌دی.
بو مباحثه چوخ اوزاندی. بئلهلیکله، اونلار قرارا گلدیلر کی، هر بیری بو پیانونون تاختاسیندان آیریلیب، اؤزو آیریجا ماهنی ایفا ائتسین. فورته‌پیانونون ترکیبیندن آیریلان دیل‌لر هر بیری فرقلی صحنه‌لره اوز توتدو. اونلار بو گؤزل ماهنینی تک ایفا ائتمه‌یه چالیشدیلار. لاکین نه قدر چالیشدیلارسا، آلینمادی. هر بیر دیل یالنیز بیر سسی ایفا ائتدیییندن، ماهنینی بوتؤو شکیلده سسلندیره بیلمهدیلر. هئچ کس ده اونلاری دینله‌مه‌یه ماراقلی اولمادیلار.
سالوندا اولان دینله‌ییجی‌لر دوروب اورادان چیخدیلار. بونو گؤرن دیل‌لر چوخ مأیوس اولدولار. هر بیری سهوینی باشا دوشدو. یالنیز بیرلیکده گؤزل موسیقی ایفا ائده‌جکرینی آنلادیلار. بئلهلیکله اؤز یئرلرینه قاییدیب، بیر-بیرلریندن عوذر دیله‌دی‌لر. یئنیدن بیرلیکده صحنه‌یه چیخیب، موسیقی ایفا ائتدیلر. هر کس اونلاری تبریک ائده‌نده، اونلار دا بیر-بیرینی تبریک ائتدیلر.
یازیچی: #جواهیر_تانری_وئردی
حاضیرلایان: #ویدا_حشمتی
#ادبیات_ائوی سؤزو:
عزیز اوشاقلار،
بیر چیچک یاشیللانیب غنچه آچیرسا، تورپاق، سو، یئل، گونش، هامیسی بیرلیکده اونا جان وئریب و اونو یاشاتماغی باشاریرلار.
هرکسین یئته‌نه‌یی فرقلی و گؤزل‌دیر. هرکس اؤز یئرینده بیر یئره قدر باشاریلی اولا بیلر، آنجاق ان یوکسک باشاریلار، توپلوم ایله بیرلیکده آددیم آتدیغینیز یوللاردان دوغولور.
#ادبیات_ائوى
@AdabiyatEvi
ادبیات ائوی
19 Nov, 13:19
#اوشاق_ادبیاتی
«فورته پیانو»
یازیچی: #جواهیر_تانری_وئردی
حاضیرلایان: #ویدا_حشمتی
#ادبیات_ائوى
@AdabiyatEvi
«فورته پیانو»
یازیچی: #جواهیر_تانری_وئردی
حاضیرلایان: #ویدا_حشمتی
#ادبیات_ائوى
@AdabiyatEvi
ادبیات ائوی
19 Nov, 10:20
ائل شاعیری، «حبیب ساهیر»ین، فریدون ابراهیمی اوچون یازدیغی شئعیری اوخویاق؛
ایل دؤنومون توتان یوخدور
یوخدور سنی یادا سالان
قبرین اوسته گؤی اوت بیتدی
ای ناموراد یازیق جوان!
آسیلدیغین گوندن بری
ماتملی‌دیر گؤی گولوستان
دولاشارکن شیمال یئلی
یوردون قیزیل بایراغیندا
ائل‌لر ایله اود یاندیردین
بابکی‌لر اوجاغیندا
لاکین افسوس سون ایشیق تک
سؤندون حیات چیراغیندا...
نه ائل‌لرین مکتبینده
کتابینی آچان اولدو
نه یازدیغین قیزیل یازی
رواج تاپیب، دستان اولدو
لاکین سانما بو عصیرده
هر شئی بیتیب نیسیان اولدو
گونون یئددی رنگی اَریر
قیزیل اوزَن سولاریندا
سنین ایزین، کؤلگه‌ن قالمیش
آستارانین باهاریندا
#فاشیزم هله حؤکوم سورور
قیزیل اودلار دییاریندا...
مکتب‌لرده #آنا_دیلین
اوخوتدوران اوستا یوخدور
اوردو– اوردو اویماق‌لاردا
اسیر چوخدور، آزاد یوخدور
کئچیب چیراق، سؤنوب اوجاق
خارابا چوخ، آباد یوخدور...
گئتدیم بابا دیارینا
گؤردوم بایقوش فیکره دالیب
قبرین اوسته آخشام چاغی
پاییز گونو، شفق سالیب
سندن یولداش خاطیره‌لر
دَرین سیزی جاندا قالیب
عزراییله قیلینج چکیم
یئنه بیر گون اؤله‌جه‌یم
چیراق کیمی یا بیر آخشام
یا بیر سحر سؤنه‌جه‌یم
بیلیرم کی یئر آلتیندا
توز تورپاغا دؤنه‌جه‌یم
بونلا بئله امینم کی
نور ظولمتی بوغاجاق‌دیر
اَن نهایت اوفوق‌لاردان
قیزیل گونش دوغاجاق‌دیر
داش نه قدر برک اولسا دا
ایستی سویوق اوغاجاق دیر
#حبیب_ساهیر
#ادبیات_ائوی
@AdabiyatEvi
ایل دؤنومون توتان یوخدور
یوخدور سنی یادا سالان
قبرین اوسته گؤی اوت بیتدی
ای ناموراد یازیق جوان!
آسیلدیغین گوندن بری
ماتملی‌دیر گؤی گولوستان
دولاشارکن شیمال یئلی
یوردون قیزیل بایراغیندا
ائل‌لر ایله اود یاندیردین
بابکی‌لر اوجاغیندا
لاکین افسوس سون ایشیق تک
سؤندون حیات چیراغیندا...
نه ائل‌لرین مکتبینده
کتابینی آچان اولدو
نه یازدیغین قیزیل یازی
رواج تاپیب، دستان اولدو
لاکین سانما بو عصیرده
هر شئی بیتیب نیسیان اولدو
گونون یئددی رنگی اَریر
قیزیل اوزَن سولاریندا
سنین ایزین، کؤلگه‌ن قالمیش
آستارانین باهاریندا
#فاشیزم هله حؤکوم سورور
قیزیل اودلار دییاریندا...
مکتب‌لرده #آنا_دیلین
اوخوتدوران اوستا یوخدور
اوردو– اوردو اویماق‌لاردا
اسیر چوخدور، آزاد یوخدور
کئچیب چیراق، سؤنوب اوجاق
خارابا چوخ، آباد یوخدور...
گئتدیم بابا دیارینا
گؤردوم بایقوش فیکره دالیب
قبرین اوسته آخشام چاغی
پاییز گونو، شفق سالیب
سندن یولداش خاطیره‌لر
دَرین سیزی جاندا قالیب
عزراییله قیلینج چکیم
یئنه بیر گون اؤله‌جه‌یم
چیراق کیمی یا بیر آخشام
یا بیر سحر سؤنه‌جه‌یم
بیلیرم کی یئر آلتیندا
توز تورپاغا دؤنه‌جه‌یم
بونلا بئله امینم کی
نور ظولمتی بوغاجاق‌دیر
اَن نهایت اوفوق‌لاردان
قیزیل گونش دوغاجاق‌دیر
داش نه قدر برک اولسا دا
ایستی سویوق اوغاجاق دیر
#حبیب_ساهیر
#ادبیات_ائوی
@AdabiyatEvi
ادبیات ائوی
19 Nov, 10:18
#فریدون_ابراهیمی، 1298-جی ایل، آبان آیی‌نین 29-جو گونو اردبیل‌ین آستارا شهرینده دونیایا گؤز آچیب و تهرانین بیلیم یوردوندا حقوق رشته‌سینده عالی تحصیلاتین باشا یئتیریب.
آتاسی #غنی_ابراهیمی آستارانین مشهور اینسانلاریندان اولوب و آستارادا دموکرات فرقه‌سینین تملینی قورانلاردان بیری ساییلیر...
گونئی آذربایجانین ملّی مجلیسی قورولدوغو زمان و #پیشه‌وری -نین باش ناظیرلیییندن سونرا، فریدون ابراهیمی 1324 ایلی، آذر آیی‌نین 21-ده، آذربایجانین ساوچی (دادستان) مقامینا منصوب اولوب.
شاهنشاهی ارتشی‌نین وحشی هجوموندا، فریدون ابراهیمی آذربایجاندا قالیب و تورپاق و وطن یولوندا شهید اولماغی، قاچماغا اوستون توتور. آدلیم فدایی، 24 ساعات مقاومت گؤستردیکدن سونرا، یولداشلاری ایله بیرگه توتوقلانیب و 6 آی شکنجه و دیندیرمه‌لرینده، آذربایجان و خلق‌لرین ملّی ایستک‌لریندن دفاع ائدیب و ملّی و طبقاتی آرمان و ایده‌آل‌لاریندان بیر آددیم دا گئری‌یه چکیلمه‌ییب و هئچ زمان قدّار حاکمیتیندن عفو ایسته‌یی اولماییب.
نهایت‌ده 1326-جی ایل خرداد آیی‌نین بیرینجی گونو، صبح ساعات 4-ده، تبریزین ستارخان خیابانی، گولوستان باغی‌نین قاباغیندا دارا چکیلیب و شهادت درجه‌سینه نائل اولوب.
آدی هر زمان، اورک لرده یاشایاجاق.
#ادبیات_ائوی
@AdabiyatEvi
آتاسی #غنی_ابراهیمی آستارانین مشهور اینسانلاریندان اولوب و آستارادا دموکرات فرقه‌سینین تملینی قورانلاردان بیری ساییلیر...
گونئی آذربایجانین ملّی مجلیسی قورولدوغو زمان و #پیشه‌وری -نین باش ناظیرلیییندن سونرا، فریدون ابراهیمی 1324 ایلی، آذر آیی‌نین 21-ده، آذربایجانین ساوچی (دادستان) مقامینا منصوب اولوب.
شاهنشاهی ارتشی‌نین وحشی هجوموندا، فریدون ابراهیمی آذربایجاندا قالیب و تورپاق و وطن یولوندا شهید اولماغی، قاچماغا اوستون توتور. آدلیم فدایی، 24 ساعات مقاومت گؤستردیکدن سونرا، یولداشلاری ایله بیرگه توتوقلانیب و 6 آی شکنجه و دیندیرمه‌لرینده، آذربایجان و خلق‌لرین ملّی ایستک‌لریندن دفاع ائدیب و ملّی و طبقاتی آرمان و ایده‌آل‌لاریندان بیر آددیم دا گئری‌یه چکیلمه‌ییب و هئچ زمان قدّار حاکمیتیندن عفو ایسته‌یی اولماییب.
نهایت‌ده 1326-جی ایل خرداد آیی‌نین بیرینجی گونو، صبح ساعات 4-ده، تبریزین ستارخان خیابانی، گولوستان باغی‌نین قاباغیندا دارا چکیلیب و شهادت درجه‌سینه نائل اولوب.
آدی هر زمان، اورک لرده یاشایاجاق.
#ادبیات_ائوی
@AdabiyatEvi
ادبیات ائوی
18 Nov, 15:30
آدلیم سومئرشناس #معزز_علمیه_چیغ ابدی‌لیک بو دونیایا گؤز یومدو.
معزز علمیه، ۱۹۱۴-جی ایل بورسا شهرینده دونیایا گؤز آچمیشدیر. آتاسی تاتار تورک‌لریندن و آناسی تورکیه‌لی‌دیر. بیرینجی دونیا ساواشیندا «ازمیر»ین اشغال اولونماسینا رغماً، عائله‌سی «چوروم»ا داشینمیشدیر.
بئش ایل «اسکی شهیر»ده معلّم‌لیک پئشه‌سینده چالیشمیشدیر.
پروفسور کرامئرین «History begins at Sumer» آدلی کتابینی تورکجه‌یه چئویرمیش‌دیر. ۱۹۹۰-جی ایل «تاریخ، سومئرده باشلار» آدلی کتابینی چاپ ائتدیرمیشدیر.
۲۰۰۰ ایلین‌ده استانبول یونیوئرسیته‌‌سیندن فخری دکتری آلمیشدیر. معزز علمیه چیغین شخصی آرشیوی «قادین اثرلری کتابخاناسی و بیلگی مرکزی وقفی»نده‌دیر.
۲۰۰۵-جی ایل عثمانیه‌نین «چارداک کؤیو»نده‌کی «آنادولو خالق بیلیم‌لری و کولتور درنه‌یی» طرفیندن «اؤزگور انسان اؤدولو»نه لاییق گؤرونموشدور. ۱۹۹۵-جی ایل «قورآن، انجیل و توراتین سومئرده‌کی کؤکنی» کتابی چاپ اوزو گؤرموشدور. بیر ایل سونرا «سومئرلی لودینگیررا» و ۱۹۹۷-جی ایل «ابراهیم پیغمبر-سومئر یازی‌لارینا و آرخئولوژیک بولونتولارا گؤره» آدلی کتابینی چاپ ائتدیرمیشدیر. ۲۰۰۰ ایلین‌ده «گیلقامیش- تاریخ‌ده ایلک کرال قهرمان» آدلی کتابی ایشیق اوزو گؤرموشدور. ۲۰۰۴-جی ایل «برکت کولتو ومعبد فاحشه‌لییی» آدلی کتابی «قایناق یایین‌لاری» طرفیندن چاپ ائدیلمیشدیر. ۲۰۰۸-جی ایل «سومئرلی‌لرده طوفان- طوفان‌دا تورک‌لر» آدلی اثری همن نشر واسطه‌سی ایله باسیلمیشدیر. بوندان علاوه ده چوخ کتابا صاحیب‌دیر. سومئر، آکاد و هیتیت تاریخی و کتیبه‌لری حاققیندا دونیادا آدلیم انسان‌لاردان ساییلمیشدیر. بو گون «مئرسین» شهرینده ابدی‌لیک بو دونیایا گؤز یومدو.
تانری‌نین رحمتینده اولسون. واردیغی یئر اوچماق اولسون.
تورک دونیاسینا چکدییی امک‌لر اوچون منت‌داریق.
#ادبیات_ائوی
@AdabiyatEvi
معزز علمیه، ۱۹۱۴-جی ایل بورسا شهرینده دونیایا گؤز آچمیشدیر. آتاسی تاتار تورک‌لریندن و آناسی تورکیه‌لی‌دیر. بیرینجی دونیا ساواشیندا «ازمیر»ین اشغال اولونماسینا رغماً، عائله‌سی «چوروم»ا داشینمیشدیر.
بئش ایل «اسکی شهیر»ده معلّم‌لیک پئشه‌سینده چالیشمیشدیر.
پروفسور کرامئرین «History begins at Sumer» آدلی کتابینی تورکجه‌یه چئویرمیش‌دیر. ۱۹۹۰-جی ایل «تاریخ، سومئرده باشلار» آدلی کتابینی چاپ ائتدیرمیشدیر.
۲۰۰۰ ایلین‌ده استانبول یونیوئرسیته‌‌سیندن فخری دکتری آلمیشدیر. معزز علمیه چیغین شخصی آرشیوی «قادین اثرلری کتابخاناسی و بیلگی مرکزی وقفی»نده‌دیر.
۲۰۰۵-جی ایل عثمانیه‌نین «چارداک کؤیو»نده‌کی «آنادولو خالق بیلیم‌لری و کولتور درنه‌یی» طرفیندن «اؤزگور انسان اؤدولو»نه لاییق گؤرونموشدور. ۱۹۹۵-جی ایل «قورآن، انجیل و توراتین سومئرده‌کی کؤکنی» کتابی چاپ اوزو گؤرموشدور. بیر ایل سونرا «سومئرلی لودینگیررا» و ۱۹۹۷-جی ایل «ابراهیم پیغمبر-سومئر یازی‌لارینا و آرخئولوژیک بولونتولارا گؤره» آدلی کتابینی چاپ ائتدیرمیشدیر. ۲۰۰۰ ایلین‌ده «گیلقامیش- تاریخ‌ده ایلک کرال قهرمان» آدلی کتابی ایشیق اوزو گؤرموشدور. ۲۰۰۴-جی ایل «برکت کولتو ومعبد فاحشه‌لییی» آدلی کتابی «قایناق یایین‌لاری» طرفیندن چاپ ائدیلمیشدیر. ۲۰۰۸-جی ایل «سومئرلی‌لرده طوفان- طوفان‌دا تورک‌لر» آدلی اثری همن نشر واسطه‌سی ایله باسیلمیشدیر. بوندان علاوه ده چوخ کتابا صاحیب‌دیر. سومئر، آکاد و هیتیت تاریخی و کتیبه‌لری حاققیندا دونیادا آدلیم انسان‌لاردان ساییلمیشدیر. بو گون «مئرسین» شهرینده ابدی‌لیک بو دونیایا گؤز یومدو.
تانری‌نین رحمتینده اولسون. واردیغی یئر اوچماق اولسون.
تورک دونیاسینا چکدییی امک‌لر اوچون منت‌داریق.
#ادبیات_ائوی
@AdabiyatEvi
ادبیات ائوی
17 Nov, 10:52
#مقاله
فارس دیلینده تورکجه سؤزلر
یازیچی: #حسن_اوموداوغلو
#ادبیات_ائوی
@AdabiyatEvi
فارس دیلینده تورکجه سؤزلر
یازیچی: #حسن_اوموداوغلو
#ادبیات_ائوی
@AdabiyatEvi
ادبیات ائوی
11 Nov, 18:49
#باجیمین_دیلین_بیلمیریک
«باجیمین دیلین سیز بیلیرسیز بیز باشارمیریق»
«رحمت لیک» یاراشمایان معصوم جبارپورون باجی‌سینین بو جمله‌سی اوره‌ییمین باشیندا بیر داش تک آغیرلیق ائدیر.
منیم ده باجی‌لاریم تورپاغیمین اوستونده بئله باغیراجاقلار دئیه، گؤزلریم دولور؛
معصوما آغلاییرام
اؤزومه آغلاییرام
اؤزوموزه آغلاییرام
تالانمیش دیلیمیزه و چئوره‌میزه آغلاییرام.
آذربایجانین تورک دیلینده یازیب-یارادان یازیچی‌لارینا، شاعیرلرینه، اؤزللیکله قادین شاعیرلرینه آغلاییرام.
اونلارکی باش توک‌لریندن قارانلیق بو زاماندا ائولرین دیب-بوجاقلاریندا سانکی وطن‌لریندن قارّه‌لر قدر اوزاق، کسیلمیش دیل‌لری ایله دویغولارین و دوشونجه‌لرین یازیب یارادیرلار، آنجاق هئچ زامان اوجورکی گرک اوخونوب، دوشونولمه‌ییرلر.
آخی منیم ده باجی‌لاریم دیلیمی بیلمه‌ییرلر دئیه، اوره‌ییم قان لاختاسی اولور.
منیم ده سئودیک‌لریم یازی‌لاریمی اوخویا بیلمه‌ییرلر.
منیم ده قاپی قونشولاریم شئعیرلریمی یاشایا بیلمه‌ییرلر دئیه؛ شهرین یاغیشدان آیریلان گون باتیشینا زیلله‌نیب گؤز یاش‌لاریما ایذین وئریرم کی سون دامجی‌یا قدر آخیب توکنسین‌لر.
بیر سیرا دردلری سؤزه گتیرمک اولمور.
بیرسیرا سؤزلری نه اؤزگه، نه دوغما دیلینده یازماق اولمور؛
پینه ائدرلر، قینایارلار، توخونارلار.
و من بو آغیر آجیلاری اودا بیلمیرم
بوغازیمدا دویونله‌نیر، درد اولور؛ سرطانا چئوریله‌جک قدر آغیر، درین و کدرلی بیر درد...
دردلریمی سیزینله پایلاشماق ایسته‌ییرم
باغیرماق ایسته‌ییرم
ائله اوجادان کی سسیم بیناب‌دان تبریزه قدر سوره...
و منله سس-سسه معصوما و معصوم‌لارا آغلایاق...
یازیچی: #نوریه_لوح
#ادبیات_ائوى
@AdabiyatEvi
«باجیمین دیلین سیز بیلیرسیز بیز باشارمیریق»
«رحمت لیک» یاراشمایان معصوم جبارپورون باجی‌سینین بو جمله‌سی اوره‌ییمین باشیندا بیر داش تک آغیرلیق ائدیر.
منیم ده باجی‌لاریم تورپاغیمین اوستونده بئله باغیراجاقلار دئیه، گؤزلریم دولور؛
معصوما آغلاییرام
اؤزومه آغلاییرام
اؤزوموزه آغلاییرام
تالانمیش دیلیمیزه و چئوره‌میزه آغلاییرام.
آذربایجانین تورک دیلینده یازیب-یارادان یازیچی‌لارینا، شاعیرلرینه، اؤزللیکله قادین شاعیرلرینه آغلاییرام.
اونلارکی باش توک‌لریندن قارانلیق بو زاماندا ائولرین دیب-بوجاقلاریندا سانکی وطن‌لریندن قارّه‌لر قدر اوزاق، کسیلمیش دیل‌لری ایله دویغولارین و دوشونجه‌لرین یازیب یارادیرلار، آنجاق هئچ زامان اوجورکی گرک اوخونوب، دوشونولمه‌ییرلر.
آخی منیم ده باجی‌لاریم دیلیمی بیلمه‌ییرلر دئیه، اوره‌ییم قان لاختاسی اولور.
منیم ده سئودیک‌لریم یازی‌لاریمی اوخویا بیلمه‌ییرلر.
منیم ده قاپی قونشولاریم شئعیرلریمی یاشایا بیلمه‌ییرلر دئیه؛ شهرین یاغیشدان آیریلان گون باتیشینا زیلله‌نیب گؤز یاش‌لاریما ایذین وئریرم کی سون دامجی‌یا قدر آخیب توکنسین‌لر.
بیر سیرا دردلری سؤزه گتیرمک اولمور.
بیرسیرا سؤزلری نه اؤزگه، نه دوغما دیلینده یازماق اولمور؛
پینه ائدرلر، قینایارلار، توخونارلار.
و من بو آغیر آجیلاری اودا بیلمیرم
بوغازیمدا دویونله‌نیر، درد اولور؛ سرطانا چئوریله‌جک قدر آغیر، درین و کدرلی بیر درد...
دردلریمی سیزینله پایلاشماق ایسته‌ییرم
باغیرماق ایسته‌ییرم
ائله اوجادان کی سسیم بیناب‌دان تبریزه قدر سوره...
و منله سس-سسه معصوما و معصوم‌لارا آغلایاق...
یازیچی: #نوریه_لوح
#ادبیات_ائوى
@AdabiyatEvi
ادبیات ائوی
11 Nov, 14:11
#شئعیر
شاعیر داغ چایی‌دیر، باشی بَلالی
اوزونو او داشا-بو داشا چیرپار
اولماق‌چون دونیانین دردیندن حالی
باشینی تاریخه، یادداشا چیرپار
وطن مجنونودور، صاف‌دیر، دلی‌دیر
میللتین بایراق تک قالخان اَلی‌دیر
شاعیره، اؤز خالقی جان دئمه‌لی‌دیر
یاخین ایسته‌مه‌سه، یاد، داشا چیرپار
سئوینَر یئتیریب بیتیرن‌ده خالق
آغلایار چیینینه گؤتورن‌ده خالق
بؤیوک استعدادی ایتیرن‌ده خالق
بئش دیزه چیرپاندا، بئش باشا چیرپار
شئعیر و سس: #زلیمخان_یعقوب
#ادبیات_ائوى
@AdabiyatEvi
شاعیر داغ چایی‌دیر، باشی بَلالی
اوزونو او داشا-بو داشا چیرپار
اولماق‌چون دونیانین دردیندن حالی
باشینی تاریخه، یادداشا چیرپار
وطن مجنونودور، صاف‌دیر، دلی‌دیر
میللتین بایراق تک قالخان اَلی‌دیر
شاعیره، اؤز خالقی جان دئمه‌لی‌دیر
یاخین ایسته‌مه‌سه، یاد، داشا چیرپار
سئوینَر یئتیریب بیتیرن‌ده خالق
آغلایار چیینینه گؤتورن‌ده خالق
بؤیوک استعدادی ایتیرن‌ده خالق
بئش دیزه چیرپاندا، بئش باشا چیرپار
شئعیر و سس: #زلیمخان_یعقوب
#ادبیات_ائوى
@AdabiyatEvi
ادبیات ائوی
10 Nov, 18:36
چارمیخا چکیلن آغریلاریم تک
قابارلی سؤزلریم کیتاب‌لاریمدا
ایل‌لردیر یانیری بیر اوووج اورک
گؤز یاشی بویلانیر قابارلاریمدا
قلم‌لر، آسیلی بیر شهید کیمی
اوخشاییر، سیزلاییر آغ واراق‌لاری
کؤرپه اوشاقلارین اورکک خیالی
اویادیر ایچیمده اؤتن چاغلاری
کؤهنه یارالاریم آذر آییندا
سیخیر اوره‌ییمی یئنی درد اولور
1324 اولای‌لاریندا
بیری نامرد اولور، بیری مرد اولور!
هله ده گؤزومده یانان کیتابدا
ایپ آتدی اوینایان اوشاقلار یانیر
بیر جئیران بالاسی الینده کیتاب
سیلاحلی عسگری بیر قارداش سانیر!
قوروماز کسیلن دیل‌لرین قانی
آخی وطن بویدا قفس اولارمیش؟
یاراشمیر اَینیمه یادلارین دونو
وطن گول آچارمیش، وطن سولارمیش
تکجه الیفبا یوخ، تکجه لوحه یوخ
گئجه‌دن گوندوزه یئتن یانیردی
تکجه معلّم یوخ، تکجه سؤزلوک یوخ
تبریز آلوولانیب، وطن یانیردی...
#معصومه_جبارپور
#ادبیات_ائوى
@AdabiyatEvi
قابارلی سؤزلریم کیتاب‌لاریمدا
ایل‌لردیر یانیری بیر اوووج اورک
گؤز یاشی بویلانیر قابارلاریمدا
قلم‌لر، آسیلی بیر شهید کیمی
اوخشاییر، سیزلاییر آغ واراق‌لاری
کؤرپه اوشاقلارین اورکک خیالی
اویادیر ایچیمده اؤتن چاغلاری
کؤهنه یارالاریم آذر آییندا
سیخیر اوره‌ییمی یئنی درد اولور
1324 اولای‌لاریندا
بیری نامرد اولور، بیری مرد اولور!
هله ده گؤزومده یانان کیتابدا
ایپ آتدی اوینایان اوشاقلار یانیر
بیر جئیران بالاسی الینده کیتاب
سیلاحلی عسگری بیر قارداش سانیر!
قوروماز کسیلن دیل‌لرین قانی
آخی وطن بویدا قفس اولارمیش؟
یاراشمیر اَینیمه یادلارین دونو
وطن گول آچارمیش، وطن سولارمیش
تکجه الیفبا یوخ، تکجه لوحه یوخ
گئجه‌دن گوندوزه یئتن یانیردی
تکجه معلّم یوخ، تکجه سؤزلوک یوخ
تبریز آلوولانیب، وطن یانیردی...
#معصومه_جبارپور
#ادبیات_ائوى
@AdabiyatEvi
ادبیات ائوی
10 Nov, 18:33
#گونلریمیز #باش_ساغلیغی
«شاعیرلر اؤلن‌ده شئعیر اولورلار»
دَدَم قورقود آیتدی:
العاقبت اوزون یاشین سونو اؤلوم-آیریلیق
اجل آلدی یئر گیزلتدی، فانی دونیا کیمه قالدی؟!
حؤرمتلی شاعیر «#معصومه_جبارپور» باشقا بیر حیاتین یولجولوغونا بوخچا باغلادی.
ادب‌سئور خالقیمیزا، یازیچی و شاعیرلریمیزه باش ساغلیغی وئریریک.
سون سارایی اوچماق اولسون،
چیراغی یانار دورسون...
🖤🖤🖤
#ادبیات_ائوى
@AdabiyatEvi
«شاعیرلر اؤلن‌ده شئعیر اولورلار»
دَدَم قورقود آیتدی:
العاقبت اوزون یاشین سونو اؤلوم-آیریلیق
اجل آلدی یئر گیزلتدی، فانی دونیا کیمه قالدی؟!
حؤرمتلی شاعیر «#معصومه_جبارپور» باشقا بیر حیاتین یولجولوغونا بوخچا باغلادی.
ادب‌سئور خالقیمیزا، یازیچی و شاعیرلریمیزه باش ساغلیغی وئریریک.
سون سارایی اوچماق اولسون،
چیراغی یانار دورسون...
🖤🖤🖤
#ادبیات_ائوى
@AdabiyatEvi
ادبیات ائوی
09 Nov, 10:01
اووچونون آتدیغی اوخ آنا مارالین بالاسینی یارالاییر. داغی او بیری اوزه آشان کیمی، کؤرپه مارال یئره ییخیلیب جان وئریر. آنا مارال بالاسی‌نین باشی اوستونده دوروب گؤز یاشلاری آخیدیر. بونو گؤرن یولچونون اوره‌ییندن قانلار آخیر، انصاف‌سیز اووچویا قارغیش‌لار یاغدیرا-یاغدیرا یانیقلی بیر بایاتی چکیر:
مارال دوردوغو یئرده
بوینون بوردوغو یئرده
اووچونون قولو سینسین
مارال ووردوغو یئرده
سحر تئزدن همین اووچو یئنه ده اووا گئتمه‌یه حاضیرلاشیر. اونون آمان-زمان بیرجه اوغلو وار ایمیش. اوشاق آتاسیندان اَل چکمیر. «من ده سنین‌له اووا گئده‌جه‌یم»، -دئییب دورور. آتا باشقا بیر بهانه ایله ائودن چیخیب گئدیر. اوغلو دا اونون دالینجا یوللانیر. اووچونون بوندان خبری اولمور. اوشاق چوخ یول گئدندن سونرا یورولور، بیر داغداغان آغاجی‌نین دیبینده خزلین ایچینه گیریب یاتیر.
اووچو آنا مارالی قووا-قووا داغداغانین کنارینا گتیریر. مارال داغداغان آغاجینا چاتاندا اووچو اوخ آتیر. اوخ مارالا دئییل، خزلین آراسیندا یاتمیش اوغلونا دَییر. اوشاق بیرجه دفعه «اوف آتا!..» -دئییب قیشقیریر، جانی چیخیر.
دونن همین یول‌لا کئچن یولچو قاییدان باش گؤرور کی، اووچو بو گون ده اوخلا اؤز اوغلونو اؤلدوروب. مارال او تایدا بالاسی‌نین باشی اوستونده، اووچو دا بو تایدا اوغلونون باشی اوستونده گؤز یاشی تؤکور.
یولچو گولله‌لنمیش اوشاغین قانینی گؤرنده قلبی اود توتوب یانیر، ائله بیر بایاتی چکیر کی، داغلارا، دره‌لره سس سالیر:
عزیزیم، داغدا قانی
قان گؤردوم داغداغانی
اووچو ووردو بالاسین
گؤل اولدو داغدا قانی.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
مارال دوردوغو یئرده
بوینون بوردوغو یئرده
اووچونون قولو سینسین
مارال ووردوغو یئرده
سحر تئزدن همین اووچو یئنه ده اووا گئتمه‌یه حاضیرلاشیر. اونون آمان-زمان بیرجه اوغلو وار ایمیش. اوشاق آتاسیندان اَل چکمیر. «من ده سنین‌له اووا گئده‌جه‌یم»، -دئییب دورور. آتا باشقا بیر بهانه ایله ائودن چیخیب گئدیر. اوغلو دا اونون دالینجا یوللانیر. اووچونون بوندان خبری اولمور. اوشاق چوخ یول گئدندن سونرا یورولور، بیر داغداغان آغاجی‌نین دیبینده خزلین ایچینه گیریب یاتیر.
اووچو آنا مارالی قووا-قووا داغداغانین کنارینا گتیریر. مارال داغداغان آغاجینا چاتاندا اووچو اوخ آتیر. اوخ مارالا دئییل، خزلین آراسیندا یاتمیش اوغلونا دَییر. اوشاق بیرجه دفعه «اوف آتا!..» -دئییب قیشقیریر، جانی چیخیر.
دونن همین یول‌لا کئچن یولچو قاییدان باش گؤرور کی، اووچو بو گون ده اوخلا اؤز اوغلونو اؤلدوروب. مارال او تایدا بالاسی‌نین باشی اوستونده، اووچو دا بو تایدا اوغلونون باشی اوستونده گؤز یاشی تؤکور.
یولچو گولله‌لنمیش اوشاغین قانینی گؤرنده قلبی اود توتوب یانیر، ائله بیر بایاتی چکیر کی، داغلارا، دره‌لره سس سالیر:
عزیزیم، داغدا قانی
قان گؤردوم داغداغانی
اووچو ووردو بالاسین
گؤل اولدو داغدا قانی.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
ادبیات ائوی
09 Nov, 10:00
#فولکلور
مارالین گؤز یاشلاری
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
مارالین گؤز یاشلاری
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
ادبیات ائوی
29 Oct, 10:49
#گونلریمیز #جمهوریت
بیر اینسان نهایت، کمیک‌له اَت‌دیر
بو اَت، بو کَمییه جان، حُریّت‌دیر
اَن بؤیوک حُریّت، «جمهوریّت»دیر
دئمک ایندی سن بیر، «جهان» کیمی‌سن
#خالد_فخری_اوزانسوی
بوگون تورکیه‌ده جمهوریت گونودور. بؤیوک اؤندر «مصطفی کمال آتاتورک»ون اؤندرلییینده قورولان تورکیه جمهوریتی‌نین 101 ایل‌لییینی غرور ایچینده قوتلاییریق.
بو تاریخی گون، تورک اؤلکه‌لری‌نین باغیمسیزلیق و اؤزگورلوک مجادله‌سی‌نین ظفرینی سیمگه‌له‌ییر.
کَمیک: سوموک
#ادبیات_ائوی
@AdabiyatEvi
بیر اینسان نهایت، کمیک‌له اَت‌دیر
بو اَت، بو کَمییه جان، حُریّت‌دیر
اَن بؤیوک حُریّت، «جمهوریّت»دیر
دئمک ایندی سن بیر، «جهان» کیمی‌سن
#خالد_فخری_اوزانسوی
بوگون تورکیه‌ده جمهوریت گونودور. بؤیوک اؤندر «مصطفی کمال آتاتورک»ون اؤندرلییینده قورولان تورکیه جمهوریتی‌نین 101 ایل‌لییینی غرور ایچینده قوتلاییریق.
بو تاریخی گون، تورک اؤلکه‌لری‌نین باغیمسیزلیق و اؤزگورلوک مجادله‌سی‌نین ظفرینی سیمگه‌له‌ییر.
کَمیک: سوموک
#ادبیات_ائوی
@AdabiyatEvi
ادبیات ائوی
24 Oct, 09:46
آذربایجان شاعیری، یازیچی‌سی و دراماتورقو
حسین جاوید 24 اکتبر 1882-جی ایل نخجوان‌دا دوغولموشدور.
ایلک اوخولو نخجوان‌دا، اورتا تحصیلینی م. ت. صدقی‌نین «مکتبی تربیه» آدلی یئنی اصول‌لو مکتبینده آلمیشدیر (1894-1898). 1899-1903-جی ایللرده تبریزین طالبییه مدرسه‌سینده تحصیلینی دوام ائتدیرمیشدیر.
ایستانبول اونیورسیته‌سینین ادبیات شؤبه‌سینی بیتیرمیش (1909)، نخجوان‌دا، سونرا ایسه گنجه و تیفلیسده، 1915-جی ایلدن باکی‌دا معلم‌لیک ائتمیشدیر. حسین جاوید کلاسیک آذربایجان ادبیاتینین ان یاخشی عنعنه‌لرینی اینکشاف ائتدیرن صنعتکارلاریندان‌دیر. او 20 اثر آذربایجان ایرلی‌جی رومانتیزمینین بانی‌لریندن بیری اولموشدور.
حسین جاوید صنعتی ژانر و فورما جهتدن زنگین‌دیر. او، لیریک شئعیردن، لیریک-ائپیک پوئمالارین، آذربایجان ادبیاتیندا ایلک منظوم تراژدی و درام‌لارین مؤلفی‌دیر. «گئچمیش گونلر» آدلی ایلک شعر کیتابی 1913-جو ایلده چاپ اولونموشدور. حسین جاوید داها چوخ دراماتورق کیمی تانینمیش‌دیر. اونون فلسفی و تاریخی تراژدی‌لری، عایله-معیشتی درام‌لاری اوسلوب، یازی اداسی فورما یئنی‌لییی باخیمیندان آذربایجان دراماتورگییاسیندا یئنی بیر مرحله یارتدیغی کیمی، میللی تئاتر مدنیت‌ینین گلیشمه‌سینه قووتلی تاثیر گوسترمیشدیر، «جاوید تئاتری» کیمی سجیه‌لنمدیرمیشدیر.
یارادیجی‌لیغیندا اونملی یئر توتان «ابلیس» (1918) منظوم ترادژی‌سینده دؤورون بوتون مورتجع قووه‌لری- «اینسان اینسانا قورددور» فلسفه‌سینین طرفداری- «۲۰ عصرین مدنی وحشی‌لری» اولان دایره‌لری ایبلیس سورعتینده عمومی‌لشدیریلمیش. ایشغالچی محاریبه‌لرده لعنت یاغدیریلمیش‌دیر.
1937-جی ایلین قورخونج رئپرئسیالاری ایلک اولاراق آیدین‌لارین سیرادان چیخاریلماسینا، عمومن میلتیمیزین سارسیدیلماسینا یونه‌لمیشدی. بونون ایلک ضربه‌سینی آلانلاردان بیری‌ده حسین جاوید اولدو. او، همین ایل اییونون 4-ده کمونیست ساوئت طرفیندن (حزب کارگری کمونیستی شوروی ) حبس ائدیله‌رک سیبیری‌یا سورگون ائدیلدی. 1941-جی ایل دئکابرین 5-ده ایمپریانین ایرکوتسک ویلایتینین تایشئت رایونون شئوچئنکو قصبه‌سینده اؤلدو.
بؤیوک دراماتورق، یازیچی، آذربایجان ادبیّاتیندا رومانتیزم ادبی جریانی‌نین اساس نماینده‌سی، رومانتیک شئعیرین و منظوم فاجعه‌نین بانیسی داهی حسین جاوید'ین دوغوم گونونه عائد:
«شئیدا فاجعه‌سی» کتابیندان آلینتی:
بو دونیا چکیشیب- چارپیشما دونیاسی‌دیر. طبیعی، او سیزین قانیزی سومورمک ایستر؛ فقط سیزده ده همّت اولمالی، الدن گلدیگی قدَر اؤزونوزو مدافعه ائتمه‌لیسیز. یوخسا انصاف، مرحمت خولیالاری ایله سورونه‌جک اولساز؛ نتیجه‌ده ذلّت و سفالتدن باشقا بیر شئی الده ائده بیلمزسیز. بو گون یوسف‌له موسیٰ نین بوغازلاندیغینی گؤروب‌‌ده قویون سوروسو کیمی کناردان سئیر ائدیرسیز؛ حالبوکی صاباح هامینیز، بلی، هامینیز بو قانلی، بو اوچوروملو کئچید‌دن کئچمه‌یه مجبور اولاجاقسینیز. افسوس‌کی، سون ندامت، سون فریاد هئچ بیر فایدا وئرمه‌یه‌جک.
و ایندیسه «ابلیس درامیندان» فراقمئنت:
تورک اوردوسو دائم باساراق اؤلکه‌لر آلمیش،
اَن سوندا سیاستده باسیلمیش دا بونالمیش.
ادراکی سؤنوک باشچی‌لارین غفلتی آنجاق،
ائتمیش، ائده‌جک ملّتی هپ الده اویونجاق
تورانا قیلینجدان داها کسکین اولو قوّت،
یالنیز مدنیّت، مدنیّت، مدنیّت...
#حسین_جاوید
#ادبیات_ائوى
@AdabiyatEvi
حسین جاوید 24 اکتبر 1882-جی ایل نخجوان‌دا دوغولموشدور.
ایلک اوخولو نخجوان‌دا، اورتا تحصیلینی م. ت. صدقی‌نین «مکتبی تربیه» آدلی یئنی اصول‌لو مکتبینده آلمیشدیر (1894-1898). 1899-1903-جی ایللرده تبریزین طالبییه مدرسه‌سینده تحصیلینی دوام ائتدیرمیشدیر.
ایستانبول اونیورسیته‌سینین ادبیات شؤبه‌سینی بیتیرمیش (1909)، نخجوان‌دا، سونرا ایسه گنجه و تیفلیسده، 1915-جی ایلدن باکی‌دا معلم‌لیک ائتمیشدیر. حسین جاوید کلاسیک آذربایجان ادبیاتینین ان یاخشی عنعنه‌لرینی اینکشاف ائتدیرن صنعتکارلاریندان‌دیر. او 20 اثر آذربایجان ایرلی‌جی رومانتیزمینین بانی‌لریندن بیری اولموشدور.
حسین جاوید صنعتی ژانر و فورما جهتدن زنگین‌دیر. او، لیریک شئعیردن، لیریک-ائپیک پوئمالارین، آذربایجان ادبیاتیندا ایلک منظوم تراژدی و درام‌لارین مؤلفی‌دیر. «گئچمیش گونلر» آدلی ایلک شعر کیتابی 1913-جو ایلده چاپ اولونموشدور. حسین جاوید داها چوخ دراماتورق کیمی تانینمیش‌دیر. اونون فلسفی و تاریخی تراژدی‌لری، عایله-معیشتی درام‌لاری اوسلوب، یازی اداسی فورما یئنی‌لییی باخیمیندان آذربایجان دراماتورگییاسیندا یئنی بیر مرحله یارتدیغی کیمی، میللی تئاتر مدنیت‌ینین گلیشمه‌سینه قووتلی تاثیر گوسترمیشدیر، «جاوید تئاتری» کیمی سجیه‌لنمدیرمیشدیر.
یارادیجی‌لیغیندا اونملی یئر توتان «ابلیس» (1918) منظوم ترادژی‌سینده دؤورون بوتون مورتجع قووه‌لری- «اینسان اینسانا قورددور» فلسفه‌سینین طرفداری- «۲۰ عصرین مدنی وحشی‌لری» اولان دایره‌لری ایبلیس سورعتینده عمومی‌لشدیریلمیش. ایشغالچی محاریبه‌لرده لعنت یاغدیریلمیش‌دیر.
1937-جی ایلین قورخونج رئپرئسیالاری ایلک اولاراق آیدین‌لارین سیرادان چیخاریلماسینا، عمومن میلتیمیزین سارسیدیلماسینا یونه‌لمیشدی. بونون ایلک ضربه‌سینی آلانلاردان بیری‌ده حسین جاوید اولدو. او، همین ایل اییونون 4-ده کمونیست ساوئت طرفیندن (حزب کارگری کمونیستی شوروی ) حبس ائدیله‌رک سیبیری‌یا سورگون ائدیلدی. 1941-جی ایل دئکابرین 5-ده ایمپریانین ایرکوتسک ویلایتینین تایشئت رایونون شئوچئنکو قصبه‌سینده اؤلدو.
بؤیوک دراماتورق، یازیچی، آذربایجان ادبیّاتیندا رومانتیزم ادبی جریانی‌نین اساس نماینده‌سی، رومانتیک شئعیرین و منظوم فاجعه‌نین بانیسی داهی حسین جاوید'ین دوغوم گونونه عائد:
«شئیدا فاجعه‌سی» کتابیندان آلینتی:
بو دونیا چکیشیب- چارپیشما دونیاسی‌دیر. طبیعی، او سیزین قانیزی سومورمک ایستر؛ فقط سیزده ده همّت اولمالی، الدن گلدیگی قدَر اؤزونوزو مدافعه ائتمه‌لیسیز. یوخسا انصاف، مرحمت خولیالاری ایله سورونه‌جک اولساز؛ نتیجه‌ده ذلّت و سفالتدن باشقا بیر شئی الده ائده بیلمزسیز. بو گون یوسف‌له موسیٰ نین بوغازلاندیغینی گؤروب‌‌ده قویون سوروسو کیمی کناردان سئیر ائدیرسیز؛ حالبوکی صاباح هامینیز، بلی، هامینیز بو قانلی، بو اوچوروملو کئچید‌دن کئچمه‌یه مجبور اولاجاقسینیز. افسوس‌کی، سون ندامت، سون فریاد هئچ بیر فایدا وئرمه‌یه‌جک.
و ایندیسه «ابلیس درامیندان» فراقمئنت:
تورک اوردوسو دائم باساراق اؤلکه‌لر آلمیش،
اَن سوندا سیاستده باسیلمیش دا بونالمیش.
ادراکی سؤنوک باشچی‌لارین غفلتی آنجاق،
ائتمیش، ائده‌جک ملّتی هپ الده اویونجاق
تورانا قیلینجدان داها کسکین اولو قوّت،
یالنیز مدنیّت، مدنیّت، مدنیّت...
#حسین_جاوید
#ادبیات_ائوى
@AdabiyatEvi
ادبیات ائوی
17 Oct, 13:59
#موسیقی 12#
#Hiç [ KaraDeniz ]
Söz-Müzik: #ZekiUçkan
Oxuyur: #ResulDindar
Gecenun bir vaktinde
Yıldızlarun altinde (×2)
Oturup ağladun mi?
Ayrılık saatinde (×2)
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar? (×2)
Sen bir damla yaş olsan
Ben da bulut olurdum (×2)
Düştüğün yapraklara
Gelur seni bulurdum (×2)
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi?
Sen sevdaluk etmedun mi?
Sen hiç aci çekmedun mi?
Resimlere bakup bakup
Gözyaşini dökmedun mi yar?
#ادبیات_ائوى
@AdabiyatEvi
#Hiç [ KaraDeniz ]
Söz-Müzik: #ZekiUçkan
Oxuyur: #ResulDindar
Gecenun bir vaktinde
Yıldızlarun altinde (×2)
Oturup ağladun mi?
Ayrılık saatinde (×2)
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar? (×2)
Sen bir damla yaş olsan
Ben da bulut olurdum (×2)
Düştüğün yapraklara
Gelur seni bulurdum (×2)
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi? (×2)
Resimlere bakup bakup
Gözyaşini dökmedun mi yar?
Sen sevdaluk etmedun mi?
Sen hiç aci çekmedun mi?
Sen sevdaluk etmedun mi?
Sen hiç aci çekmedun mi?
Resimlere bakup bakup
Gözyaşini dökmedun mi yar?
#ادبیات_ائوى
@AdabiyatEvi
ادبیات ائوی
15 Oct, 11:57
یوخسول، آج-
بیر دیلیم چؤره‌یه، بیر ایچیم سویا محتاج،
من فیلیسطین‌لی اوشاق؛
آچسا گؤزل چیچک‌لر گؤرمز گؤزوم
منه سیلاح اوزانیر گول-چیچک یئرینه
بورادا گول دئییل گولله‌لر واردیر.
اونوتدوم اویناماغی، اونوتدوم اویونجاق‌لاری
بیر تک اویون وار بیلدیییم: «ساپاند ایله ساواشماق».
سیلاحدان باشقا اویونجاق دا گؤرمه‌دیم ذاتاً.
دوغولدوغومدا اؤزومو ساواشین ایچینده تاپدیم!
گؤزومدن یاش دئییل قان گلیر
من دؤیوشورم ظلمون تاختینا قارشی.
اویناماغین دادینی دادمادیم من
منیم اویونوم ساواشماق
سن اویوندا وورولورسان،
«ائبه»¹ اولورسان
من اوینارکن «شهید» اولورام.
سن مکتبه باشلادیغیندا
من ساواشدا اولاجاغام.
کتاب-دفتر گؤرمه‌دن
قوش نه‌دیر، چیچک نه‌دیر،
سئوگی نه‌دیر بیلمه‌دن.
سؤیله‌یین نه‌دیر منیم گوناهیم؟
وطنینده غریب-اسیر،
گولمه‌یی اونوتموش
گؤزوندن دامجی-دامجی یاش دئییل
قان گلن اوشاق‌لاری دا بیلمه‌یینیزی ایسته‌ییرم!
ای یئر اوزونون اوشاق‌لاری
انسانلیق اؤلمه‌سین دئین‌لر!
قارداشیق‌سا گلین برابر گولَک
برابر اوینایاق، برابر یاشایاق...
۱- ائبه، ماما و قابله‌دن علاوه، «ائوجیک-ائوجیک» و یا قوناق‌باجی اوینوندا، اوشاقلارا باشچی اولانا دا ائبه دئییلیر.
شاعیر: #عزت_الدین_سون_کایا
اویغونلادان: #شاهین_مرادی
#ادبیات_ائوى
@AdabiyatEvi
بیر دیلیم چؤره‌یه، بیر ایچیم سویا محتاج،
من فیلیسطین‌لی اوشاق؛
آچسا گؤزل چیچک‌لر گؤرمز گؤزوم
منه سیلاح اوزانیر گول-چیچک یئرینه
بورادا گول دئییل گولله‌لر واردیر.
اونوتدوم اویناماغی، اونوتدوم اویونجاق‌لاری
بیر تک اویون وار بیلدیییم: «ساپاند ایله ساواشماق».
سیلاحدان باشقا اویونجاق دا گؤرمه‌دیم ذاتاً.
دوغولدوغومدا اؤزومو ساواشین ایچینده تاپدیم!
گؤزومدن یاش دئییل قان گلیر
من دؤیوشورم ظلمون تاختینا قارشی.
اویناماغین دادینی دادمادیم من
منیم اویونوم ساواشماق
سن اویوندا وورولورسان،
«ائبه»¹ اولورسان
من اوینارکن «شهید» اولورام.
سن مکتبه باشلادیغیندا
من ساواشدا اولاجاغام.
کتاب-دفتر گؤرمه‌دن
قوش نه‌دیر، چیچک نه‌دیر،
سئوگی نه‌دیر بیلمه‌دن.
سؤیله‌یین نه‌دیر منیم گوناهیم؟
وطنینده غریب-اسیر،
گولمه‌یی اونوتموش
گؤزوندن دامجی-دامجی یاش دئییل
قان گلن اوشاق‌لاری دا بیلمه‌یینیزی ایسته‌ییرم!
ای یئر اوزونون اوشاق‌لاری
انسانلیق اؤلمه‌سین دئین‌لر!
قارداشیق‌سا گلین برابر گولَک
برابر اوینایاق، برابر یاشایاق...
۱- ائبه، ماما و قابله‌دن علاوه، «ائوجیک-ائوجیک» و یا قوناق‌باجی اوینوندا، اوشاقلارا باشچی اولانا دا ائبه دئییلیر.
شاعیر: #عزت_الدین_سون_کایا
اویغونلادان: #شاهین_مرادی
#ادبیات_ائوى
@AdabiyatEvi
ادبیات ائوی
15 Oct, 11:56
#اوشاق_ادبیاتی #شئعیر
من، فیلیسطین‌لی اوشاق
شاعیر: #عزت_الدین_سون_کایا
اویغونلادان: #شاهین_مرادی
#ادبیات_ائوى
@AdabiyatEvi
من، فیلیسطین‌لی اوشاق
شاعیر: #عزت_الدین_سون_کایا
اویغونلادان: #شاهین_مرادی
#ادبیات_ائوى
@AdabiyatEvi
ادبیات ائوی
14 Oct, 12:10
#شئعیر
بو گون ممد آراز'ین دوغوم گونودور
سایغی ایله آنیریق...
دیلیم دینمَز، کیرپیک‌لریم سس ائلر
نئجه خوشدو، اوره‌ییمی کس ائله...
قالان عؤمره یاریم اورک بس ائلر
اونوت منی، آلدات منی، آت منی
ائنیشی قار، یوخوشو قار بو یولون
یاد نفسدن بوز قایاسی سو اولو...
یالان یولو، بئش آددیم‌لیق سو یولو
آلدات منی، اونوت منی، آت منی
سن عؤمرونون آتشینده یاناندا
کؤلگه‌ندن ده گرکسیزدیم یانیندا
قیمتلی بیر ایتیک ساخلا یادیندا
اونوت منی، آلدات منی، آت منی
گؤزدن گؤزه کؤرپو سالماق نَر ایشدی
باخیشلارین، مئیلینی تئز دَییشدی
تَزه آددیم، اؤزو تَزه دؤیوشدو
آلدات منی، اونوت منی، آت منی
بو سئودادان نه یئتیردیک، نه اوزدوک؟!
دالغاسینا نه غرق اولدوق، نه اوزدوک
آخیر سنی، دوزده قویدو بو دوزلوک
اونوت منی، آلدات منی، آت منی
شئعیر: #ممد_آراز
سس: #مهربان_زکی
#ادبیات_ائوى
@AdabiyatEvi
بو گون ممد آراز'ین دوغوم گونودور
سایغی ایله آنیریق...
دیلیم دینمَز، کیرپیک‌لریم سس ائلر
نئجه خوشدو، اوره‌ییمی کس ائله...
قالان عؤمره یاریم اورک بس ائلر
اونوت منی، آلدات منی، آت منی
ائنیشی قار، یوخوشو قار بو یولون
یاد نفسدن بوز قایاسی سو اولو...
یالان یولو، بئش آددیم‌لیق سو یولو
آلدات منی، اونوت منی، آت منی
سن عؤمرونون آتشینده یاناندا
کؤلگه‌ندن ده گرکسیزدیم یانیندا
قیمتلی بیر ایتیک ساخلا یادیندا
اونوت منی، آلدات منی، آت منی
گؤزدن گؤزه کؤرپو سالماق نَر ایشدی
باخیشلارین، مئیلینی تئز دَییشدی
تَزه آددیم، اؤزو تَزه دؤیوشدو
آلدات منی، اونوت منی، آت منی
بو سئودادان نه یئتیردیک، نه اوزدوک؟!
دالغاسینا نه غرق اولدوق، نه اوزدوک
آخیر سنی، دوزده قویدو بو دوزلوک
اونوت منی، آلدات منی، آت منی
شئعیر: #ممد_آراز
سس: #مهربان_زکی
#ادبیات_ائوى
@AdabiyatEvi
ادبیات ائوی
13 Oct, 14:15
#شوکریه
سؤز: #احمد_جواد
اوخویور: #آذر_زینال_اوف
احمد جواد بو شئعیری، حیات یولداشی شوکریه‌یه سونوب.
#ادبیات_ائوى
@AdabiyatEvi
سؤز: #احمد_جواد
اوخویور: #آذر_زینال_اوف
احمد جواد بو شئعیری، حیات یولداشی شوکریه‌یه سونوب.
#ادبیات_ائوى
@AdabiyatEvi
ادبیات ائوی
13 Oct, 14:09
#مقاله
چیرپینیردی قارا دنیز
#احمد_جواد'ین آنیم گونونه
یازیچی: #شرف_جلیل_لی
قایناق: ادبیات و اینجه صنعت
#ادبیات_ائوی
@AdabiyatEvi
چیرپینیردی قارا دنیز
#احمد_جواد'ین آنیم گونونه
یازیچی: #شرف_جلیل_لی
قایناق: ادبیات و اینجه صنعت
#ادبیات_ائوی
@AdabiyatEvi
ادبیات ائوی
12 Oct, 12:53
بیر کاسیب کیشی اَکینچی‌لیک‌له دولانیردی. داغین باشینداکی گؤلون یانیندا اَکین یئری واردی. کیشی اوزونو آروادینا توتوب دئدی:
-آرواد، ایسته‌ییرم اوغلومو دا اؤزومله ایش اوستونه آپاریم. من مَجگَلچی¹ اولوم، اوغلوم دا هوْداخچی².
کیشی اوشاغی اؤز اَلی ایله بویوندوروغا میندیریر، اؤز اَلی ایله ده یئره دوشوروردو. آتا بونا دا چوخ سئوینیردی: «کؤمک‌دیر، هایان‌دیر» -دئییردی.
بیردن اؤکوزلردن بیرینین سامی‌باغی³ قیریلدی. کیشی اوتوروب سامی‌باغی هؤرمه‌یه باشلادی. بیر ده باشینی قالدیراندا گؤردو کی، اؤکوزلر گؤله چات‌ها‌چاتدادی، اوشاق دا بویوندوروق‌دان یاپیشیقلی قالیب. کیشی چاتاناجان اؤکوزلر اؤزلرینی سویا وورورلار. ائله بیل بو دوزده نه اؤکوز وارمیش، نه ده جوت. کیشی‌نین باشینا هاوا گلیر، گؤل ایله دانیشیر:
عزیزینم، قانلی گؤل
قانلی دریا، قانلی گؤل
قایتار منیم اوغلومو
اولما منله قانلی، گؤل!
او واخت‌دان بو گؤل «قانلی گؤل» آدلانیر.
۱- کوتان قوشولموش اؤکوزلری سورن جوتچو.
۲- کوتانچی. کوتانین دسته‌ییندن توتان آدام.
۳- سامی: بویوندوروغون هر ایکی اوجونداکی قوشا دئشیک‌لره سالینان نازیک آغاج. باغ؛ باغلاماغا یارایان هر شئی. ایپ.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
-آرواد، ایسته‌ییرم اوغلومو دا اؤزومله ایش اوستونه آپاریم. من مَجگَلچی¹ اولوم، اوغلوم دا هوْداخچی².
کیشی اوشاغی اؤز اَلی ایله بویوندوروغا میندیریر، اؤز اَلی ایله ده یئره دوشوروردو. آتا بونا دا چوخ سئوینیردی: «کؤمک‌دیر، هایان‌دیر» -دئییردی.
بیردن اؤکوزلردن بیرینین سامی‌باغی³ قیریلدی. کیشی اوتوروب سامی‌باغی هؤرمه‌یه باشلادی. بیر ده باشینی قالدیراندا گؤردو کی، اؤکوزلر گؤله چات‌ها‌چاتدادی، اوشاق دا بویوندوروق‌دان یاپیشیقلی قالیب. کیشی چاتاناجان اؤکوزلر اؤزلرینی سویا وورورلار. ائله بیل بو دوزده نه اؤکوز وارمیش، نه ده جوت. کیشی‌نین باشینا هاوا گلیر، گؤل ایله دانیشیر:
عزیزینم، قانلی گؤل
قانلی دریا، قانلی گؤل
قایتار منیم اوغلومو
اولما منله قانلی، گؤل!
او واخت‌دان بو گؤل «قانلی گؤل» آدلانیر.
۱- کوتان قوشولموش اؤکوزلری سورن جوتچو.
۲- کوتانچی. کوتانین دسته‌ییندن توتان آدام.
۳- سامی: بویوندوروغون هر ایکی اوجونداکی قوشا دئشیک‌لره سالینان نازیک آغاج. باغ؛ باغلاماغا یارایان هر شئی. ایپ.
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
ادبیات ائوی
12 Oct, 12:52
#فولکلور
قانلی گؤل
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
قانلی گؤل
قایناق: آذربایجان شفاهی خالق ادبیاتی کلیاتی
یازیچی: #جلیل_عبدالله
کؤچورن: #نرگس_ابراهیمی
#ادبیات_ائوی
@AdabiyatEvi
ادبیات ائوی
03 Oct, 20:24
هره بیر اوجوندان ایتدی
آللاهیــن ناغیــلی بیتدی
اَن سون آدام، اؤلدو-گئتدی
قــاریشقــالار اؤلـکـه‌سینه!
#سجاد_گل_نژاد
#ادبیات_ائوى
@AdabiyatEvi
آللاهیــن ناغیــلی بیتدی
اَن سون آدام، اؤلدو-گئتدی
قــاریشقــالار اؤلـکـه‌سینه!
#سجاد_گل_نژاد
#ادبیات_ائوى
@AdabiyatEvi
ادبیات ائوی
03 Oct, 17:58
#کیتاب_تانیتیمی
شئعیر ترجمه‌ده، دالغالارین ساحیله گتیردییی تانینماز جسده اوخشاییر...
دونیا شئعیر آنتولوژیسی
کیتاب آدی: #آلت_شیفت_شعر
چئویریب - حاضیرلایان:
#عیسی_زینی - #زامان_پاشازاده
گرافیست: #آتابای_تیکان_تپه_لی
یایین ائوی: #انتشارات_پارلاق_قلم
آنلاین ساتیش:
https://www.instagram.com/parlaq.qalam
#ادبیات_ائوى
@AdabiyatEvi
شئعیر ترجمه‌ده، دالغالارین ساحیله گتیردییی تانینماز جسده اوخشاییر...
دونیا شئعیر آنتولوژیسی
کیتاب آدی: #آلت_شیفت_شعر
چئویریب - حاضیرلایان:
#عیسی_زینی - #زامان_پاشازاده
گرافیست: #آتابای_تیکان_تپه_لی
یایین ائوی: #انتشارات_پارلاق_قلم
آنلاین ساتیش:
https://www.instagram.com/parlaq.qalam
#ادبیات_ائوى
@AdabiyatEvi
ادبیات ائوی
01 Oct, 10:07
#اوشاق_ادبیاتی #کیتاب
بدنیمی ائشیدیرم اینگیلیزجه‌دن تورکجه‌میزه چئوریلن اوشاق کیتابی‌دیر.
بو کیتابدا اوشاقلارین فیزیکی حیس‌لری آنلادیلیر، اؤزللیکله استرس، قورخو، اوتانج و... کیمی دویغولار یاشایاندا اوشاقلارین بدن اولاراق نئجه آراملاشماسینی اؤیره‌دیر.
بدنیمیزی تانیماق، اونونلا بیر یولداش کیمی داورانیب سئومک گره‌کیر.
بو دَیَرلی کیتاب بوللو رنگ‌لی شکیل‌لر و گؤزل آنلاتما سبکی ایله بالالاریمیزا اؤزلرینی سئویب بدن‌لرینه سایغی گؤسترمه‌یی اؤیره‌دیر.
کیتابین سون صفحه‌سینده بالالاریمیزا بیر هدیه‌میز وار.
کتابین آدی: #بدنیمی_ائشیدیرم
یازان: #گبی_گارسیا #GabiGarcia
چئویرن: #صونا_نوری #SonaNuri
ناشر: #آیدین‌ساو
قیمت: 100.000 تومن
#ادبیات_ائوى
@AdabiyatEvi
بدنیمی ائشیدیرم اینگیلیزجه‌دن تورکجه‌میزه چئوریلن اوشاق کیتابی‌دیر.
بو کیتابدا اوشاقلارین فیزیکی حیس‌لری آنلادیلیر، اؤزللیکله استرس، قورخو، اوتانج و... کیمی دویغولار یاشایاندا اوشاقلارین بدن اولاراق نئجه آراملاشماسینی اؤیره‌دیر.
بدنیمیزی تانیماق، اونونلا بیر یولداش کیمی داورانیب سئومک گره‌کیر.
بو دَیَرلی کیتاب بوللو رنگ‌لی شکیل‌لر و گؤزل آنلاتما سبکی ایله بالالاریمیزا اؤزلرینی سئویب بدن‌لرینه سایغی گؤسترمه‌یی اؤیره‌دیر.
کیتابین سون صفحه‌سینده بالالاریمیزا بیر هدیه‌میز وار.
کتابین آدی: #بدنیمی_ائشیدیرم
یازان: #گبی_گارسیا #GabiGarcia
چئویرن: #صونا_نوری #SonaNuri
ناشر: #آیدین‌ساو
قیمت: 100.000 تومن
#ادبیات_ائوى
@AdabiyatEvi
ادبیات ائوی
26 Sep, 19:25
#موسیقی 11#
#دوستاق_بیر_ده_سئور_اولدو
موسیقی: #یونان_خالق_ماهنیسی
سؤز: #خلیل_رضا_اولوتورک
ایفا: #خومار_قدیم_اووا
«ایشیقلان ای کؤنلوم، گؤزوم
صبح آچیلیدی، سحر اولدو
چین چیخاجاق یوخوم بو گون
منیم یاریم گلر اولدو» ×2
«بو گلیشین حئیرانییام
قدمینین قوربانییام
بیر ساعاتلیق مهمانییام
بختیم یئنه گولر اولدو» ×2
«خوش گلمیسن عؤمروم-گونوم
موتلولوغون سسیم، اونوم
نفس دَر، باشینا دؤنوم
بو گلیشین هونر اولدو» ×2
«اوخشایاجاغام تئللرینی
سیخاجاغام مَرد الینی
اؤز کؤنلومون همدمینی
دوستاق بیر ده سئور اولدو» ×2
#ادبیات_ائوى
@AdabiyatEvi
#دوستاق_بیر_ده_سئور_اولدو
موسیقی: #یونان_خالق_ماهنیسی
سؤز: #خلیل_رضا_اولوتورک
ایفا: #خومار_قدیم_اووا
«ایشیقلان ای کؤنلوم، گؤزوم
صبح آچیلیدی، سحر اولدو
چین چیخاجاق یوخوم بو گون
منیم یاریم گلر اولدو» ×2
«بو گلیشین حئیرانییام
قدمینین قوربانییام
بیر ساعاتلیق مهمانییام
بختیم یئنه گولر اولدو» ×2
«خوش گلمیسن عؤمروم-گونوم
موتلولوغون سسیم، اونوم
نفس دَر، باشینا دؤنوم
بو گلیشین هونر اولدو» ×2
«اوخشایاجاغام تئللرینی
سیخاجاغام مَرد الینی
اؤز کؤنلومون همدمینی
دوستاق بیر ده سئور اولدو» ×2
#ادبیات_ائوى
@AdabiyatEvi
ادبیات ائوی
23 Sep, 19:53
#شئعیر
هرکسین حالینا آغلایان بو من
داها چوخ اؤزومه گولدوم بلکه ده
حایاتدا چوخلو شئی، چوخلو سؤزلری
زامان کئچدییین‌ده بیلدیم بلکه ده
ایندی قولاغیمدا یالنیزلیق سسی
قوجا چینارام کی یوخدو کؤلگه‌سی
چکیلیب دونیاما بوتون هرکسی
بیر گئجه بئینیمدن سیلدیم بلکه ده
بوراسی حایاتین ان سون دوراغی
کؤنلومده یئنی‌دیر سئوگینین داغی
دردیم‌له، سئوگیم‌له بیر آخشام چاغی
یاغیش یاغا یاغا اؤلدوم بلکه ده
شئعیر و سس: #آردا_خانی
#ادبیات_ائوى
@AdabiyatEvi
هرکسین حالینا آغلایان بو من
داها چوخ اؤزومه گولدوم بلکه ده
حایاتدا چوخلو شئی، چوخلو سؤزلری
زامان کئچدییین‌ده بیلدیم بلکه ده
ایندی قولاغیمدا یالنیزلیق سسی
قوجا چینارام کی یوخدو کؤلگه‌سی
چکیلیب دونیاما بوتون هرکسی
بیر گئجه بئینیمدن سیلدیم بلکه ده
بوراسی حایاتین ان سون دوراغی
کؤنلومده یئنی‌دیر سئوگینین داغی
دردیم‌له، سئوگیم‌له بیر آخشام چاغی
یاغیش یاغا یاغا اؤلدوم بلکه ده
شئعیر و سس: #آردا_خانی
#ادبیات_ائوى
@AdabiyatEvi
ادبیات ائوی
22 Sep, 13:54
#گونلریمیز #مدرسه
#مهر_آیی_نین_گلیشی
#ادبیات_ائوى سؤزو:
بو گون مهرین بیرینجی گونودور، مدرسه‌لرین آچیلدیغی گون، اؤیرنجی‌لرین سئوینجله ایکینجی ائولرینه گئتدیک‌لری گون.
بو قدر سئوینجین یانیندا کدر ده وار، آنا دیلی کدری، مدرسه اؤنونده بوراخیلان دیل.
آنجاق نه گؤزل‌دیر کی هله ده اؤز آنا دیلینی اوره‌یینده داشییان گله‌جک نسیل‌لر، بو دیلی اونلاردان اسیرگه‌مه‌ین اؤیرتمن‌لر و قورورملار واردیر.
جان کؤنولدن سیزی قوتلاییریق اؤز آنا دیلی ایله اؤیرنجی‌لرینه اؤزگورلوک یولونو گؤسته‌رن عزیز اؤیرتمن‌لریمیز.
اوره‌یینیزه، امه‌یینیزه ساغلیق.
شئعیر: #شاهمار_اکبرزاده
#ادبیات_ائوی
@AdabiyatEvi
#مهر_آیی_نین_گلیشی
#ادبیات_ائوى سؤزو:
بو گون مهرین بیرینجی گونودور، مدرسه‌لرین آچیلدیغی گون، اؤیرنجی‌لرین سئوینجله ایکینجی ائولرینه گئتدیک‌لری گون.
بو قدر سئوینجین یانیندا کدر ده وار، آنا دیلی کدری، مدرسه اؤنونده بوراخیلان دیل.
آنجاق نه گؤزل‌دیر کی هله ده اؤز آنا دیلینی اوره‌یینده داشییان گله‌جک نسیل‌لر، بو دیلی اونلاردان اسیرگه‌مه‌ین اؤیرتمن‌لر و قورورملار واردیر.
جان کؤنولدن سیزی قوتلاییریق اؤز آنا دیلی ایله اؤیرنجی‌لرینه اؤزگورلوک یولونو گؤسته‌رن عزیز اؤیرتمن‌لریمیز.
اوره‌یینیزه، امه‌یینیزه ساغلیق.
شئعیر: #شاهمار_اکبرزاده
#ادبیات_ائوی
@AdabiyatEvi
ادبیات ائوی
22 Sep, 09:23
#گونلریمیز #مدرسه
#مهر_آیی_نین_گلیشی
بو گون درسه گئدیرسیز
قدمینیز موبارک!
اليفبانیز، چانتانیز
قلمینیز موبارک!
موبارکدیر ایشیغا
قوجاق آچان جرگه‌نیز
موبارکدیر ظلمت‌له
بؤیوک موباریزه‌نیز...
کیتاب‌لارا باش اَیَن
زامان-زامان اوجالار
غالب اولماق ایسته‌ین
بيلگى‌لردن باج آلار
آلین بو سورغولارى
چانتانیزا دولدو‌رو‌ن
هر سورغو‌نو‌ن اوستونده
بیر-بیر محکمه قو‌رو‌ن!
نه‌یه اؤز ذُکامیزلا
گؤیه نور ساچمامیشیق؟
نه‌یه گؤره بیرینجی
آیا بیز اوچمامیشیق؟
دوشونون دَرین-درین
بو سرّى ده آچین سیز
نه اوچون بیلیک‌لييه
کؤله اولور بیلیک‌سیز؟
نه‌یه یوز ایل‌لر بویو
دانیلیب دیر حاققيمیز؟
نه اوچون باشقا خالقا
بويو‌ن اَییب خالقیمیز؟
نه‌یه اله باخمیشیق
الیمیز اولماییب می؟
نییه دیللنمه‌میشیک؟
دیلیمیز اولماییب‌می؟!
تزه‌دن اؤیره‌نین سیز
قارا نه‌دیر، آغ نه‌دیر؟
آزادلیق نه، بایراق نه
وطن نه، تورپاق نه‌دیر؟
هره بیر کؤز سؤندورسه
اوجاق قالماز وطنده
خالقا قول اولمایاندان
آغا اولماز وطنده
ای عزیز بیرینجی‌لر
ائلین سئوینجی اولون
چالیشین حیاتدا دا
ائله بیرینجی اولون
شاعیر: #شاهمار_اکبرزاده
#ادبیات_ائوی
@AdabiyatEvi
#مهر_آیی_نین_گلیشی
بو گون درسه گئدیرسیز
قدمینیز موبارک!
اليفبانیز، چانتانیز
قلمینیز موبارک!
موبارکدیر ایشیغا
قوجاق آچان جرگه‌نیز
موبارکدیر ظلمت‌له
بؤیوک موباریزه‌نیز...
کیتاب‌لارا باش اَیَن
زامان-زامان اوجالار
غالب اولماق ایسته‌ین
بيلگى‌لردن باج آلار
آلین بو سورغولارى
چانتانیزا دولدو‌رو‌ن
هر سورغو‌نو‌ن اوستونده
بیر-بیر محکمه قو‌رو‌ن!
نه‌یه اؤز ذُکامیزلا
گؤیه نور ساچمامیشیق؟
نه‌یه گؤره بیرینجی
آیا بیز اوچمامیشیق؟
دوشونون دَرین-درین
بو سرّى ده آچین سیز
نه اوچون بیلیک‌لييه
کؤله اولور بیلیک‌سیز؟
نه‌یه یوز ایل‌لر بویو
دانیلیب دیر حاققيمیز؟
نه اوچون باشقا خالقا
بويو‌ن اَییب خالقیمیز؟
نه‌یه اله باخمیشیق
الیمیز اولماییب می؟
نییه دیللنمه‌میشیک؟
دیلیمیز اولماییب‌می؟!
تزه‌دن اؤیره‌نین سیز
قارا نه‌دیر، آغ نه‌دیر؟
آزادلیق نه، بایراق نه
وطن نه، تورپاق نه‌دیر؟
هره بیر کؤز سؤندورسه
اوجاق قالماز وطنده
خالقا قول اولمایاندان
آغا اولماز وطنده
ای عزیز بیرینجی‌لر
ائلین سئوینجی اولون
چالیشین حیاتدا دا
ائله بیرینجی اولون
شاعیر: #شاهمار_اکبرزاده
#ادبیات_ائوی
@AdabiyatEvi
ادبیات ائوی
22 Sep, 06:45
#باش_ساغلیغی
آلدیغیمیز آجی خبر اساسیندا تانینمیش یازیچی زهره خانیم وفایی حیاتین دَییشدی. او بیر نئچه ایل جوالدوز درگی‌سین نشر ائیله‌میش‌دیر. تانریدان بو عزیز اینسانا رحمت دیله‌ییریک. بئلهلیکله ادبیات ائوی طرفیندن اونون محترم عائله‌سینه باش ساغلیغی دئییریک.
#ادبیات_ائوى
@AdabiyatEvi
آلدیغیمیز آجی خبر اساسیندا تانینمیش یازیچی زهره خانیم وفایی حیاتین دَییشدی. او بیر نئچه ایل جوالدوز درگی‌سین نشر ائیله‌میش‌دیر. تانریدان بو عزیز اینسانا رحمت دیله‌ییریک. بئلهلیکله ادبیات ائوی طرفیندن اونون محترم عائله‌سینه باش ساغلیغی دئییریک.
#ادبیات_ائوى
@AdabiyatEvi
ادبیات ائوی
21 Sep, 10:56
«سونای» یا همن «سون آی» یایین آخیرلاریندا سون آیلی گئجه‌لرده چیخان آیا دئییلیر. بو زامان اکین بیچیلیب، خیرمانلار ییغیلار آما هله پاییز دوشمه‌میش اولار. بو گئجه آی ایله گونش ۱۸۰ درجه زاویه‌ده اوزله‌شیرلر. دئمک اولار بونلار بیر-بیرلری ایله اوز-اوزه قالیب، بیر–بیرینین اوزون بوتون گؤرورلر. آنجاق بو گؤرمه چوخلو تله‌سیک حالدا اوز وئریر. بئله کی پاییزین اعتدالی اولدوغونا گؤره گئجه و گوندوز برابردیرلر.
بو گئجه سانکی آی ایله گون گیزلین-پانج اویناییرلار. بیری او بیریسینه چاتماق ایسته‌ییر آنجاق چاتا بیلمیر.
سانکی آی گونشین آردیجا قاچیب آما یئتیشه بیلمیر. آی بئلهلیکله اسطوره‌لرده سئودالانیر. ائله اولور کی خالقی دا سئودالاندیریر. خالقین سئودالی گؤزلرینده آیین دولاشیغی داها سئودالی گؤروشور.
سونایین سئوداسی سونسوزدور. بلکه ده ابدی تکرارلانان بیر سئودادیر. هر ایل بیر تاپماجا کیمی، بیر گیزلین-پانج کیمی تکرارلانیر.
بو گؤزل دوشونجه آذربایجانین ان اسکی دوشونجه‌لریندن‌دیر و اونون یاشی اسلام‌دان قاباغا یئتیشیر. هله ده بعضی کندلرده ائله اسکی چاغلارا تای بو گئجه ییغیشیب، اویناییب و بوتون آیین سئوداسین قوتلاییرلار...
بو مقاله «علی فرهاد» جناب‌لاری‌نین قلمی ایله آفتاب آذربایجان نشریه‌سی‌نین ۴۶-جی شماره‌سینده چاپا یئتیشیب. مقاله‌دن بیر بؤلومون سئچیب و پایلاشدیق.
#ادبیات_ائوی سؤزو:
سئوگی گونو ساده‌جه سئوگیلی‌لر اوچون اولان بیر شئی دئییل!
دوستون دوستا سئوگیسی، باجینین قارداشا سئوگیسی و عکسی، آتانین-آنانین بالایا سئوگیسی، دوغا سئوگیسی و... اوچون ده کئچرلی‌دیر. تکجه سئوگی اؤلومدن گوجلودور. #یونس_امره دئدییی کیمی: سئوه‌لیم، سئویله‌لیم...
#سونای تورک فولکلوروندا #سئوگی_گونو
یازیچی: #علی_فرهاد
#ادبیات_ائوی
@AdabiyatEvi
بو گئجه سانکی آی ایله گون گیزلین-پانج اویناییرلار. بیری او بیریسینه چاتماق ایسته‌ییر آنجاق چاتا بیلمیر.
سانکی آی گونشین آردیجا قاچیب آما یئتیشه بیلمیر. آی بئلهلیکله اسطوره‌لرده سئودالانیر. ائله اولور کی خالقی دا سئودالاندیریر. خالقین سئودالی گؤزلرینده آیین دولاشیغی داها سئودالی گؤروشور.
سونایین سئوداسی سونسوزدور. بلکه ده ابدی تکرارلانان بیر سئودادیر. هر ایل بیر تاپماجا کیمی، بیر گیزلین-پانج کیمی تکرارلانیر.
بو گؤزل دوشونجه آذربایجانین ان اسکی دوشونجه‌لریندن‌دیر و اونون یاشی اسلام‌دان قاباغا یئتیشیر. هله ده بعضی کندلرده ائله اسکی چاغلارا تای بو گئجه ییغیشیب، اویناییب و بوتون آیین سئوداسین قوتلاییرلار...
بو مقاله «علی فرهاد» جناب‌لاری‌نین قلمی ایله آفتاب آذربایجان نشریه‌سی‌نین ۴۶-جی شماره‌سینده چاپا یئتیشیب. مقاله‌دن بیر بؤلومون سئچیب و پایلاشدیق.
#ادبیات_ائوی سؤزو:
سئوگی گونو ساده‌جه سئوگیلی‌لر اوچون اولان بیر شئی دئییل!
دوستون دوستا سئوگیسی، باجینین قارداشا سئوگیسی و عکسی، آتانین-آنانین بالایا سئوگیسی، دوغا سئوگیسی و... اوچون ده کئچرلی‌دیر. تکجه سئوگی اؤلومدن گوجلودور. #یونس_امره دئدییی کیمی: سئوه‌لیم، سئویله‌لیم...
#سونای تورک فولکلوروندا #سئوگی_گونو
یازیچی: #علی_فرهاد
#ادبیات_ائوی
@AdabiyatEvi
ادبیات ائوی
21 Sep, 10:54
#فولکلور #میفولوژی
#سونای تورک فولکلوروندا #سئوگی_گونو
یازیچی: #علی_فرهاد
#ادبیات_ائوى
@AdabiyatEvi
#سونای تورک فولکلوروندا #سئوگی_گونو
یازیچی: #علی_فرهاد
#ادبیات_ائوى
@AdabiyatEvi
ادبیات ائوی
21 Sep, 09:57
#گونلریمیز #دوغوم_گونو
شهوریور آیی‌نین 31-جی گونو آذربایجانین بؤیوک اتیمولوژ و قورقودشوناسی، اوستاد اومود اوغلونون دوغوم گونودور.
سؤزسوز کی حسن اومود اوغلو جناب‌لاری‌نین تعریف و آلقیشا نیازی یوخ. حقیقتاً اوستادین آدی، آذربایجان ادبیاتینا گؤزللیک یارادان آدلاردان‌دیر. بیز ده اومود مکتبی‌نین اؤیرنجیسی اولماغیمیزا گووه‌نیریک.
آد گونون قوتلو اولسون اوستاد. تانریدان اوزون عؤمور و سعادت دیله‌ییریک.
شئعیر: #شاهمار_اکبرزاده
سس: #حسن_اوموداوغلو
#ادبیات_ائوی
@AdabiyatEvi
شهوریور آیی‌نین 31-جی گونو آذربایجانین بؤیوک اتیمولوژ و قورقودشوناسی، اوستاد اومود اوغلونون دوغوم گونودور.
سؤزسوز کی حسن اومود اوغلو جناب‌لاری‌نین تعریف و آلقیشا نیازی یوخ. حقیقتاً اوستادین آدی، آذربایجان ادبیاتینا گؤزللیک یارادان آدلاردان‌دیر. بیز ده اومود مکتبی‌نین اؤیرنجیسی اولماغیمیزا گووه‌نیریک.
آد گونون قوتلو اولسون اوستاد. تانریدان اوزون عؤمور و سعادت دیله‌ییریک.
شئعیر: #شاهمار_اکبرزاده
سس: #حسن_اوموداوغلو
#ادبیات_ائوی
@AdabiyatEvi
3,372
subscribers
6,806
photos
778
videos
