الشاعر محمد الجرموزي Telegram 帖子

‏تحـرير مأرب صـــار واجـب مقدس
‏من مافيــــا ربي بهم قـد بلانا

‏مشـروع تكفيـري له الغـرب هندس
‏بفكر وهـــــابي يهـودي غزانا

‏دقـــون تتجــنـد لتـــذبح وتدحس
‏رُحمــاء بأمريكا وأشداء معانا

‏سلطـان مأرب قـد تعــــرى وأفلس
‏راشــد وماجــد دمهم قد دعانا

‏وكل إصـــــلاحي مع أمريكــ يخرس
‏شمس الحقيقة واضحه في سمانا

‏ياحــزب تكفــيري كفى ! لا هُنا بس
‏ماقد حصل من ظلمكم قد كفانا

‏قلتــوا مع "بشــار" مسـلخ ومكبس
‏وشعبه السوري من الظلم عانا

‏وسجون مأرب صارت اللعن وأنجس
‏يامن شغلتــــونا على صيديانا

‏⁧ #تحرير_مأرب ⁩
‏⁧ #الشاعر_الجرموزي ⁩

‏الوضـع ياصالح الصمـاد بعـدك خراب
‏ليتك ترى كيف حلت لعنـــة المزريين

‏تزاحمــوا بالمناصب مثل شـر الدواب
‏وسخــــروا كل قوتهـم على الصادقين

‏إذا أنتقـــدنا لفاســـد ينبحـوا كالكلاب
‏وكفرونـا وقالــــــــوا مالكم ! أي دين❗️

‏مايفهمـــوا بالتناصــح او بكثر العتاب
‏ماميـــزوا منهم العملاء من الناصحين

‏قد كل هامـــــور شكل له كتايب ذُباب
‏يشوهــــــوا أي واحــد ينتقد فاسدين

‏بالفيــس وتويت وتليجـــرام والوتساب
‏لانته تبى لك رعـــــــاية شــوه الناقدين

‏ياكم مجاهـد معاهم ذاق سوء العذاب
‏ماهمهـــــم فيه لان أوضاعهم سابرين

‏ماعادباقي سوى السيد يخوض الصعاب
‏وثله أبطــــال بالجبهــه من المخلصين

‏هم الأمــــل بعد ربي يجبـرون المصاب
‏من لايزالـــــوا على دربك ومستضعفين

‏وأحنا على العهد يابو فضل شيبه وشاب
‏وكل ماحـــــاربونا زاااااااااااد فينا اليقين

‏أحنـا مع الله مانحسـب لفاســد حساب
‏ونعــرف المؤمنيـن الصــــح والمارقين

‏نواجـه أمريكـ وإسرائيــــل وأهل الكتاب
‏نثبت ثبـات الجبــــال الرآسيــه ما نلين

‏المعنــويه بفضــل الله فـــوق السحاب
‏بس الوجــع ليش خبرتنـــــا كذا غافلين

‏بعيــد ماعادهـــــم معانا كما أول قراب
‏ماعـاد يشتــــو يرو واحــد من السابقين

‏وجالســـوا كل متملق يجيــــد الخطاب
‏حتى ولو هـو مع الشيطـــان نعّم القرين

‏ولو يشــــوفوه متيـهود ويحسى الشراب
‏مافيه خُله ولو يعجـن وسطنــــــا عجين

‏يتجــاوبوا كلما ينعــــــــق عليهم غُراب
‏والصقر غقغق ولا زد شـــاف ذره طحين

‏من كان منــا يصــدق يــوم نسمع عقاب
‏وإلا يصـدق ولد جــرموز يصبـــح سجين

‏وهكـــذا السلطه العميـــــــا تذر التراب
‏بعيون الأحـــرار لاجـل الوضع يبقى مُهين

‏تناســــــوا إن المســيرة ماعليها حجاب
‏يقودهــــا (الله) و (السيـد) عليها أمين

‏وتناسوا الدم الأحمر ذي مخضب خضاب
‏ما بيت ماهو مقـــدم راس شاجــــع زبين

‏وتناســـوا اللي مرابــط فـوق روس التباب
‏وأبطــــــال ثاروا مع الله مثل أُسد العرين

‏وتناسوا الحـــرب ذي ماقد توفى النصاب
‏وتناســـــــــوا إن اليهــود اليوم متكالبين

‏الليله الهاجـس أبحــر بعد طــول الغياب
‏وترجـــم اللي بصــــدري كاتمه من سنين

‏أعـــوام نســـــأل ولاحصلت منكم جواب
‏والسـر ذي له زمن في وسـط صدري دفين

‏سلام للرئيس الصمــــــــاد ذااااك المُهاب
‏من شعبنــا يذكره في كل ســــــاعه وحين

‏من ذاب فـالشعب والشعب الأبي فيه ذاب
‏ذي من فراقــه وفقّــــده قد بكت كل عين

‏وش عـــاد باقـول يابو الفضل حلمي سراب
‏نحتـاج صمـاد بعــــــدك ينقـــــذ الثائرين

‏وإلا ( مع الله ) بعـدك بانشــــد الركاب
‏نفضــل المــوت نستشـــهــــد ولانستكين

‏⁧ #مع_العظيم_الصماد⁩
‏⁧ #الشاعر_الجرموزي⁩

يا الله وفقنـا لحـــل المشـاكـل
وإنصـاف كل إنســـان حـاير ومظـلوم

ماهمنــا ونعم ولا أطلب مقابـل
رضـــــاك يا الله رزق والـرزق مقسـوم

هـــذا زمن فيه الفتـن والـزلازل
ما يثبت إلا كـل شاجــــــــــع وزيـزوم

ماميز العاقل عن إنسان جاهل
إلا المواقـف ذي بهـا الحــــل معـدوم

والناس ماحـد منهم عاش كامل
كل البشــر تخطي ولا شخص معصوم

خلك بوقت الجــد ثابت وصامل
تعيش شـــامخ وأن أتى الموت مرحوم

ولاتجـالـس كـل نمـام هــامل
أبعـد عـن الأنـــــذال ما يلحقـك لـوم

وإن جاتك الزله من إنسان خامل
طعـن القفا ماتـوجـع إنسـان محشوم

أهـم شي تعـرف مع من تعــامل
الصقـر ما يلحـق قفـا خـربشـة بـــوم

أصدق مع نفسك بدرب المراجل
تعيـش رآيـق بــــــال والحـال منعـوم

والشاعــــر اللي راس ماله زوامل
نفسه غنيه لوقضـى العمـر محــــروم

لاخــير في شاعـر مطبل مجامل
الشعـر ديـــوان العـرب دآيــم الــدوم

الأن بأصــرح بتصـــريح عـاجل
بيان واضــح وأصـــدر اليــوم مرســوم

ومن يقــول إني أحب المشاكل
فهو بعيــد البُعـــــد من شعب مهموم

أنا لســــان لشعب ثاير مناضل
أفطـر بقــــول الحـق فطـره ولا أصـوم

ومن زعـل ويريد أجامل لباطل
هـذا هو المدســـوس خنجـر ومسموم

لابد من تصحيح للوضع داخل
أما مع الخـــارج قد الوضــــع محسوم

المرحلة هذه من أخطر مراحل
ولانجــــامل بعضنــــــا البعـض ياقوم

لابد من تغيير جـــذري وشامل
وكل فاســــــــــد نجعله يحــرم النوم

الشعب هذا شعب صامد مقاتل
لانهمله ❗️ ونخلي الوضــــــــع ملغوم

العدل والإنصاف للشعب كامل
رفع المظــــــــالم فرض واجب وملزوم

واصل مع قايد علم دون فاصل
هو الضمـــــــانه هو أمل شعب مكلوم

نلتف حـــوله نسنـده بالتكافل
والنصـــــــــر بإذن الله حتمي ومحتوم

#إستكمال_التغيير_الجذري
#الشاعـر_الجـرموزي

في حُب رســول الله قُلت👇

سـلام يامولد ضيــاء الفجـر من بعـد الظـلام
يامنقـذن ٲهــــداء به الله رحمــــتاً للعالمين

يامبتـــدٲ تاريخـنـــا الكـوني ويا مسك الختام
يامن باسمك اقسـم الرحمن فــ الذكر المبين

ياخيـر ٳنســــاناً وقــايد للبشـــر واعظـم ٳمام
ياكــاملن بمكـــارم الأخـــــلاق ياباهي الجبين

ياحاكمــن بالحــق بين الركــن حيـــاً والمقام
شاهـد بانك من طهارت منشــٲك صادق امين

عليك ياطـــه صـــــــــلاة الله منـــــا والسلام
صلى عليــك الله وآلك كــل وقـت وكــل حين

في يـوم كان النـاس في حـالة شتــات وانقسام
ومستوى الامه وحـــــال الناس في واقع مهين

الكُفـر والنعــــرات واحقــاد العـداوه والخصام
والظلم واهل الكبر تستقوي على المستضعفين

والرحمــــه الانســـــانيه وصلت لشبه الٳنعدام
وصــار وضع الناس في غـــابه من المتوحشين

غرقـــوا بلاد الجـــــاهليه في المفـــاسد والٲثام
وأهل ألكتــــــاب اتحولوا في دينهم لا ملحدين

حــــالة تبــلد خيمت فــــوق العبـاد بشكل عام
والناس في عــــــالم من الفوضى جميعاً تايهين

حتى قفـــا الظلما ولد نـــــور الهُـدى بدر التمام
في يـوم ما ٲم ٲنجـبت غيره على الدنيـــــاء جنين

ٲرسيت في العـــــــالم قيم اخلاقيه وٲعظم نظام
وٲدق تشريعـــــــات في الدنيــاء على مر السنين

علمتنـــا ياسيـــــدي فهم الحـــــلال من الحرام
والٲمــر بالمعـــــروف والتقـــــــوى وبر الوالدين

بٳقــــامة الصلــــــوات وٳيتــــاء الزكاه وبالصيام
وطاعـــــة ٲمر الله بجهـــــــــاد الطغاه الكافرين

والحــــق للامه بفـــــرض الحــــج للبيت الحرام
وقُـدسنـــا مســــرى رســـول الله وٲولى القبلتين

علمتنــا حتى الوضـــوء للفــــرض واداب الطعام
والسبق في الٳحســـــان لان الله يحب المحسنين

وٲوصيـــــت بان الله هو مـــــولاك ياخيـــر الانام
وانك ولي الٲمــر من بعـــده ومـــــولى المؤمنين

ومن تـــــولى الله واتــــــولاك ياعــــــالي المقام
والا وصيـــــك قــــاهر الاعـــداء ٳمـام المسلمين

لو اللتـــزمنـا بالوصيــــه حــق معنــى الٳلتـــزام
ماتتـــــرك الامــــه علي يُقتل ويُغتـــال الحسين

ولــوربطـنـا بيــن حـــاضـرنا والاحــــداث القدام
ونقــــــــارن الٲحفـــاد بابـــــا الضــــلال الاولين

لانعـــرف ٳن يزيــــد ابوسلمــــان وابليس الغلام
ذي خلـف ابن سلـول من عهـد الجـدود السابقين

نفس التــوجـــه والعقــــايــد كلهـا نفــس الكلام
والحقـد والٳجــرام نفسه عنــد هـــولا المجرمين

باينتقــم ربي لهــــــذا الشعب اشــــــــر الانتقام
وينصــــر السيــد على المتغطـرسين الحــــاقدين

من حللـوا في موطــن الطُـهر النبي شُــرب المدام
وحللــوا فحشـــــــا زواج المثليــــــه للماجــنين

وصابحـــوا هم والخنــــازير اليهـــود ابنــاء عمام
واتوحـدوا ضـــــد الفلسطيـــني مع المستـوطنين

ترقبـــوا ضــــــــربه آلهيـــه تصــــــابح كالحطام
الوعـــــد من ربي هـــــلاك لقـــوم عاشوا مترفين

الغـــرب خــادعنــا وخـــــادع امتي بســـم السلام
حتى ٲصبحـت ٲرضي مطـامع لليهـــــود الغاصبين

واليـوم ياابن البـــــــــدر تعلنهـــا على روس الانام
تغيـير جـــــذري في الحكومه واجتثاث الفاسدين

وسر بنــا ياقـــايد الفتـــــــح المبيــــن الى الامام
وقــول بســـــم الله نتــــــــــــوكل وبالله نستعين

ومن قُصـر منـــا فلا اتحـــزم جهـــازه والحــــزام
حتى لفتح ( القـــدس ) يتبـرهن من الشك اليقين

وعزومنـا من بعــد تســع اعـــوام نصمـد الف عام
ونـوصي ابنــانا وهم يوصـــــوا بثــــــورتنا البنين

والعهــ د للشُهــداء وللجــــرحى الكرام ابنا الكرام
إنا على درب الشهـــــــــاده في خُطــاهم سايرين

والله يعين اخواننـــا الاســـرى على اعــدانا اللئام
حتى يعــــــــــــودوا لاوطنــــــا سالمين وغانمين

والعهـــــد منا يارســــــول الله لايـــــــــوم القيام
ان لانخـالف امـر ابوجـبــــــريل في دنيـــاء ودين

ولا نقصــــر او نســـــاوم عنــــد تنفيـــذ المهــام
وٳلا نفـــرط في علمنـــا من قفــــــا السيد حسين

على رســــــــول الله وال البيت في الختــم السلام
صلـــــــوا على طــه النبي المصطفى ياحـــاضرين

#لبيك_يارسول_الله
#الشاعر_الجرموزي

‏يا أبطالنــــا للحاسمه ولعـــوها
‏للصبـــر ميقاته وللنصـــر ميقات

‏كتايب المــــــوت أقبلت وزعوها
‏متلهفه للغزو ❗️في كل جبهات

‏عهــد الــــولاء بدمائهــم وقعوها
‏( ولآية الله ) فــــــوق كل الولايات

‏هبـو على ظهـــور الوغى سنعوها
‏الصافنات .. الموريات .. المغيرات

‏دنيــاء المـذلة والعنـــــاء طلقوها
‏الحي يرفــض عيشتـه بيـن الأموات

‏( ( الله أكبر ) ) رآيتي يرفعوها
‏بالحــق تقهــر رآيتي كل رآياااااااااات

‏ما كل صرخــــة فــ المـلأ شرعوها
‏اذا صرخنــا ردد الكون صرخااااااات

‏كم حـــاولوا قــوم الردى يمنعوها
‏حتى أصبحـت تجتـــاح قاره وقارات

‏غصبـا بني صهيــــون با يسمعوها
‏تابع بنـايل ســـات ! وإلا عرب سات

‏المرتـــزق ! والداعشــي ! ما وعوها
‏ضاعـــوا وتاهوا في دروب الضلالات

‏عبيـــد واشنطـن ! ونجـد ! أجمعوها
‏وصبـــوا عليها نـــــار في كل الأوقات

‏من كل دولة ضـــــــــدنا جمعوها
‏وأحنـا لها بكفوفنـا المــــوت لا جات

‏اؤامـر أمريكـا ❗️ العـــــرب يتبعوها
‏وأحنا أتبعنـــا أمر ( رب السماوات)

‏👈من الإرشيف

‏⁧ #ولعوها ⁩
‏⁧ #الشاعر_الجرموزي ⁩

زوامل وأناشيد أنصارالله الجهة الرسمية والوحيدة لتنفيذ نشر الأعمال الجهادية رسميآ  والخط المباشر الرابط بين كافة الجهات الإعلامية الرسمية في المسيرة القرآنية

https://t.me/Zwaml100

قصيدة حصـرية ( سفينة نـوح )
جـــــاء وقتها مواكبة للتغيير الجذري👇

ياسفينة نـــوح عـد شي لذي مثلي سعه
وإن ماشي عـــاد بقعـاء لخلق الله وساع

إن صنعهـــا ( نــوح ) لله طلعنــا معه
حسب وأحنـا أول من آمن بطاعه وإتباع

كان واجـب نوح مش كل من جـاء طلعه
لإن عــــاد الوضـــع يحتـاج دقه وإطلاع

من خــدع يابن النبي نـــوح فالله يخدعه
أشهـد إن ماضــرنا إلا المكايــد والخداع

والله إن نفـوسنــــا رآضيــــه مستقنعه
واللتزمنــــــا في ولآنــا برغبــــه وإقتناع

مافعلنــا مثل من جـــــاء مركب مدفعه
وأشترى واحد (21)وعشرين سبتمبر وباع

سخــر الثــــــوار ..للمصلحـه والمنفعه
أستغل أهــــداف ثورتنــا لصيته يوم ذاع

خلـو السلطة عبيـــــــد المناصب لأربعه
قسمــــوها بينهم كل واحــــــد له قطاع

يــوم من مــران عــــــاد السفينة مقلعه
مامع ربآنهــــا إلا ( الملازم ) و ( الكراع )

كل مؤمـن في رضــــــــاء الله شل الأمتعه
والتُقى زاده وحُـب الشهــــــــادة له متاع

عن فســـــــاد السلطة إنفوسنـــا مترفعه
والرجــــــال رجــــال والعـــز فينا للنخاع

أستجبنـــــا وأستقينـــــا الهُدى من منبعه
والمسيــــ ــــرة نـــورها عم في كل البقاع

بس يابن البــــــدر بعض المواقف موجعه
وأغلب الأنصـــــــار من زُمرة الباطل وجاع

والسفينة جـــــــــــات والهّدِي ربي شرعه
ينقــــذ ( الأمه ) وينهي تفاصيـــــل النزاع

لكن أصحــــــــاب السقيفه عملهم قردعه
كل واحــــــد منهم بـــــــاع دينه يوم جاع

أمتطــووو في ركّـب الأحـــــــرار كمن إمعه
والهمــج مدت يديهـــــا مع شله رُعاع

والطقٌــــوم الغُبر ذي جـات صنعاء مسرعه
فرملــوها ! ! قوم عفـــــاش ماتعـدت رداع

دخل الأنصــــــار قـــوم الريـاء فـ المعمعه
والوجيـــه الســود لبست ردى الثــورة قناع

والمنــــادي من ينــــــــادي ومن بايسمعه
قد شحب صـــوت المنادي ولا لآقى إستماع

كل من غضي بطـــرفه ! وســـدي ! مسمعه
والثعــال الماكـــره تفترس لحـــــم السباع

لانتقـدنـــا مانحصــــــــل إجــــــابه مُقنعه
وإن سكتنـــا طـــــــاح منهج مسيرتنا وضاع

كل مؤمـن حُـر كــاس العنــــــــــاء يتجرعه
والعســل ! والسمن ! والبيـض تأكلها الضباع

من ( حبسني ) ظلم ياسيـــــدي من يقنعه؟
إن مالي أي حنطه ! ولا عندي ! صواع

شاعــر الأنصـــــــــــار من ضن حبسه ركعه
سوء ( ضنه ) زادني عــــزم قــــوه وإندفاع

من ( وثق بالله ) ماشـــاف خـوف وضعضعه
كل فاســــــد لا يحــــــاول ! معي ليٍ الذراع

كل واحــــــد فوقنا جـــــاء أقرعه قال أفرعه
وأصبحــــــوا ضـــــدي مع شلة الباطل دفاع

والسـبب ليــش ؟! أنتقـــــد صانعين الزوبعه
ذي على الباطــــل توالو بنــــــــدوه وإجتماع

حـــــــــان وقت الأن كلين ( يعرف ) موقعه
من ظلم بالشبــر ! يقضــوه ! خلق الله ذراع

يا ( ولي الله ) للرَّكب مـد الأشرعه
فوق طوفــــــان الدمـــاء الطاهرة مد الشراع

والفســــــاد أقطـــع من الجـذر عرقه وأقلعه
مثل ( عزرائيل ) ذي ينـــزع الـــــروح إنتزاع

وإنتصـــــر للحــــــق ! من كل باطل وأردعه
هدَّ باقي حصــن خيبـــر وسُــــوره والقلاع

عــــاد باقي في (القضـاء) و (القيادات) أذرعه
ذي على الحبليـــن تلعـب مع أطــراف الصراع

مصدر التشـــريع نهـج ( الكتاب ) ومرجعه
وأي نهجــــاً من سوى ( الله )مصيره للضياع

الشـــــراذم ! والشلل ! ضـــــــدنا مجتمعه
والألم بالقمــــع و الطعن فينـــــــا كل ساع

بنتظـــر وأصبــــر لحتى سقــــوط ! الأقنعه
والزمـــن ( دوار ) والصـــــــاع بأرده بصاع

من صبــر يجعــل له ( الله ) من الضيق السعه
داااااااام ( نهـج الله ) دآيـــم بزاده والمتاع

والمثـل قــد قــال من شـــــط ( ثوبه يرقعه
والتطبــــع يغلبه قالـــــــوا الناس الطباع

وأنت أمــرك ( سيــــدي ) حــــق لازم نتبعه
بالولآ سلمـــــت لك ياسيــــدي أمرك مطاع

أنطلقنــــا وأنت بالحـــــق صــوتك تصدعه
في ( سبيــل الله ) يا مرحبــــا ياخيــــر داع

#يد_تحمي_ويد_تبني
#الشاعر_الجرموزي

‏إعـداد وإستعـداد ياشعب الكـرامه والجهاد
‏نصفر العـداد نبـدأ للمعــــــارك من جديد

‏عصابة الموساد قد عاثت في الارض الفساد
‏جهاد وإستشهاد هبو يا أؤلى البأس الشديد

‏شعب اليمن إمداد ياغزة وحـ ـزب الله عماد
‏والحشد في بغـداد عــاد حسين ياشلة يزيد

‏ نريد والله راااااد حلف اليهــوده يصبح رماد
‏لو يحتشد عُباد واشنـطن وتزحـــف بالعبيد

‏أحنــا على الميعـــاد تبقى يدنـا فـوق الزناد
‏والشعب بالمرصاد والله قال أنزلنــا الحديد

‏عمار والمقــــداد تاريـخ اليمن ياقـــوم عاد
‏ولكل أُمه هــاد نتبع صاحب القول السديد

‏والعهد للصـمـاد خطه ( دم ) ماهو بالمداد
‏وبحــرنا وقـــاد للغازي يقل هــل من مزيد ؟

‏⁧ #المعركة_الفاصلة⁩
‏⁧ #الشاعر_الجرموزي⁩

‏الشـرق والغـرب يابن البـدر قد لباك
‏وأنا عروبي ومسلم كيف ما لبيك ؟؟

‏مخذول ذي مايلـبي دعـــوتك ونداك
‏والقدس بك مستجير وغزة تناديك

‏ياقايــد النصـــر ربي عـــــزنا بحماك
‏وعز أمة رســـول الله مٍنك وفيك

‏ماخــــاب من هـــو تولى الله وأتولاك
‏الشعب متولي الله وأنت متوليك

‏بقـــــوة الله وأنصــــاره قهـرنا أعداك
‏لوتطلب أرواحنـا ياسيدي نفديك

‏جينـــاك يابن النبي والحيدره جينــاك
‏راهن بنا سيدي وأبشر بما يرضيك

‏⁧ #لبيك_أبوجبريل⁩
‏⁧ #القدس_قضية_الشرفاء⁩
‏⁧ #غزه_العزة⁩
‏⁧ #الشاعر_الجرموزي⁩

هذا بلاغ للأنصـار
👇
العـ ـدو عندما فشل بقـوة الله وتأييده عسكرياً وعندما أنصدم بقوة جباره من رجال الرجال بالجبهات الذين أذاقوه ومرتزقته الويل والنكال في كل جبهه ولم يستطع تحقيق هدف إستراتيجي وصل إلي حالة يأس وإحباط ووصل إلي يقين إن هؤلاء القوم لاتستطيع أي قوة بالعالم كسرهم او كسر معنوياتهم فلجئ لخطه خبيثه ومدروسه وممنهجه بالداخل
وهي كالتالي👇
_إستقطاب ضعاف النفوس من قيادات وأفراد محسوبين على الأنصار مابين ترغيب وترهيب مابين فلل وسيارات ودولارات وإدخالهم بالثراء ومسخ وإختراق ومسك ملفات عليهم !!
_زج عناصر من مخلفات النظام السابق بأجهزة الدولة والقضاء وفي مناصب هامه وحساسه !
_تمكين لوبي عفاش بالقضاء وماسكين زمام القضاء بدعم مخدوعين وعشاق مناصب من الأنصار وعزقلة قضايا الناس والتضييق عليهم وتغييب العدالة وشحن المواطنين لا ظهر الأنصار !
_إقصاء المجـاهدين والشُرفاء وذو الكفاءه بشكل مش طبيعي ومحاربتهم وإبعادهم من كل مفاصل الدولة والقضاء !
_ضخ أموال مهوله ينفقها لوبي عفاش هُنا وهناك مستغلين حاجة الناس بهذا الوضع المنقطعه فيه الرواتب والحصار الجائر !
_مماطله في دفع رواتب الموظفين برغم إن الوفد الوطني مشترط الشرط الأول لمسار الإتفاق هو رفع الحصار ودفع رواتب الموظفين !
_تشويه الأنصار بكل الطُرق والإساليب المختلفه وشحن المجتمع ضد الأنصار وتحميلهم المسؤولية في كل سلبيه تحصل !
_تصغير وتحجيم وتشكيك في كل مايقوم به المجـاهدين بالقوات المسلحة اليمنية من إنتصارات بالجبهات او من مناصرة قضايا الأمه !
_تغييب العداله تغييب كلي وغياب الإنصاف في أبسط القضايا !
_تلميع وجهاء ومشايخ محسوبين على ال عفاش في حل القضايا وأنهم رجال دولة ورجال وطنيين ولو يوفوا من جيوبهم وتُنسب الإيجابيات لنظام عفاش والسلبيات شحنها فوق الأنصار !
_إفساد مالي وفشل إداري بكل قطاعات الدولة !
_شيطنة من ينتقد الفساد او من يسعى لتصحيح الوضع وتلفيق التُهم ضده ولو من عدم وزج الأجهزة الأمنية عبر أيادى متغلغله بالأمن لقمع أي صوت مناهض للفساد !
_عرقلة وتأخير التغيير الجذري بكل الطُرق والإساليب الشيطانيه !
النتيجة التي يسعوا لتحقيقها ولن تتحقق بقوة الله ورعايته وعظمة القيادة هي توليد السخط الشعبي حتى الوصول لأسر الشُهداء والمجـاهدين والسباقين ناهيك عن عامة الشعب !

هذه النقاط التي سردتها لكم من خلال معرفتي المعرفه التامه بماجرى ويجري ووجدت الأدله الدامغه على ذلك !

فعلى كل مجـاهد وكل مواطن حُر أن نبدأ بالتغيير أولاً بنفوسنا والرجوع الي الله بكل صدق وجد وعزم ونزداد إيمان ووعي وبصيرة
لكي نواجه هذا اللوبي الشيطاني المدفوع من دول العـ ـدوان
والإلتفاف حول القيادة الثورية بكل مايوجهنا ويرشدنا إليه القائد

لأن هذا اللوبي الشيطاني وهذا المخطط الخبيث لن نستطيع هزيمته والتغلب عليه وإفشاله إلا بالإرتباط القوي بالله عزوجل وإيمان راسخ ووعي وبصيرة وهو الله الذي سيفشله ويفضح عناصره ويأيد ويسدد ويعين قيادتنا لتطهير مؤسسات الدولة والقضاء من هذه العناصر الشيطانيه
وسوف ترجع المياه الي مجاريها الطبيعيه كما عهدنا مسيرتنا وثورتنا
منذ بدآية إنطلاقنا
والله غالب على أمره ولكن أكثر الناس لايعلمون
ويمكرون ويمكر الله والله خير الماكرين

قد يتفق معي البعض وقد يخالفني البعض وقد يشكك البعض
ولكن الله الشاهد عليا أنني كتبت هذا الكلام من صدق نيه ومن دافع حرص وإستشعار للمسؤولية ومن خلال معايشتي للواقع وإرتباطي بالمجتمع وإستقبالي للملفات والمظلوميات والتمعن فيها لسنوات
ماجعلني أستنتج هذا الملخص في واقعنا الداخلي
فلا يجوز أن نُحبط ونحبط الاخرين ولا نرجف ونزرع اليأس في ضل وجود قيادة قرآنية شاهدنا فيها ومعها آيات جليه
‏ومن هزمهم خارجياً سوف يهزمهم داخلياً بتأييد الله

وسلامتكم

#الشاعر_الجرموز