(ألَشُـأعر والَرادٍودٍ مًوٌسِـى أّلَخِـأدٍم ) Telegram Posts

خوية وغلاتج .. لا ما نسيناج
من يوم موتج .. ولهسه ننعاج
عذريني أني واخوتج
ما حاضرين ابدفنتج
هاليوم اجيناج .. هاليوم اجيناج
............................----------...........
؛١
خويه من جانه الخبر ما صدكَـينه
بيج مو بالشام ندري بالمدينه
اشرجعاج الديرت الي ذابحينه
جان اجيتي الكربله ومتي اعله ادينه

خويه زينب .... حسبيته  ابموتج
خويه زينب ... على ريحتة خوتج
خويه زينب .... وحشه ظل تابوتج

وصلتني الاخبار  .. وحشه الجنازه
ولجفوف الاخوان ... جانت بعازه
بالشام صارت موتتج
ما حاضرين ابدفنتج

..........................__.............
؛؛٢
عن سبب تأخير جيتي لو سألتي
حيل ما ظل عندي اجيلج بيه يختي
حاضره ابعاشر محرم انتي جنتي
وشفت شوفت عينج الخيل اعله جثتي

بالحوافر ... طشروهه اعضامي
بالحوافر ... لحمي ظل كَـدامي
بالحوافر ... سحكَـو اعله احلامي

من يوم موتي ...  والهل مسيه
يوجعني كلشي ... يل كلشي بيه
دمي يصب من روحتج
ما حاضرين ابدفنتج
...........................__.............
؛؛؛٣
خوية حقج لو عتبتي انتي عليه
وعلى عباس الرخص عمره الأخيه
الأخوه عازتهم صدكَـ وكت المنيه
وانتي تانيتي نجي وما بينه جيه

مو بدينه .... خويه الج ما جينه
مو بدينه ....  امن الجروح البينه
مو بدينه .... يل الأخت عذرينه

المكسور ظهره ... شتعينه يا كَـاع
مو هينه يختي ...  نوصلج ابساع
وهل السبب كل اخوتج
ما حاضرين ابدفنتج
...........................____........

؛؛؛؛٤
.لربعينج جينه جابتنه المحنه
عفنه ظلمه اكَـبورنه وجيناج كلنه
الله لا ينطي الزمان الي بعدنه
الشام لاديرتنه لا ديرت اهلنه

طبت السوكَـ ... لسه خويه ابالي
طبت السوكَـ ... بيهه رمح العالي
طبت السوكَـ ... تحجي حال اعيالي

اتأخرت يحسين ... جنج تكَـولين
كَـبرج وصلناه ... دم سالت العين
تانيتي انتي وغربتج
ما حاضرين ابدفنتج
__..........___

✍️🏻 كلمات موسى الخادم

قصيده اربعينية مولاتي زينب ع

ب ١٥ شعبان .. 🌷 .. قد كبّر الأذان
أشهدُ أن المهدي هل اهلاله
🌷🌷🌷🌷🌷🌷🌷🌷🌷🌷🌷🌷🌷
------------------/_///_/__//////////
؛١////🌷
كبّر اذان الفريضه ابهل مسيه
أنْولد صَاحب الدوله المهدويه
اليملي باجر هالأرض قِسطاً وعدلاَ
وبسمه تتباهه تضل كل البريه

نوره سطع … غطه الشمس  …غطه الشمس
هذا المسه …. احله امنمس…احله امنمس
هذا الخبر من كل كَـلبنه انذيعه

رغماً على الشيطان
قد كبر الأذان
اشهد ان المهدي هل اهلاله
__-------------------------
؛٢🌷🌷

ياسلام الله على المهدي ورسومه
أجمل أعياد السنه صارلنه يومه
الما يحب هاليوم مو منه نحسبه
أعلينه محسوب اليحب ساعة قدومه

وسط الگلب …اسمه انقش …اسمه انقش
ودربه ورد … كله انفرش ..كله انفرش
جا هو غير المهدي روح الشيعه

اعظم ولي وسلطان
قد كبر الأذان
اشهد ان المهدي هل اهلاله
__------------------------

؛٣🌷🌷🌷

اليوم بيبان الفرح مفتوحه كلهه
اترحب ابكل  محب للمهدي وصلهه
ألف هنياله الحضر هاي  المسيه
هالمسيه املاك ربنه تحسبلهه

كلمن حضر … هذا الحفل …هذا الحفل
نال الأجر … نال الفضل …نال الفضل
هاليوم من ربنه امر تشريعه

يا أيُها الإنسان
قد كبر الأذان
اشهد ان المهدي هل اهلاله
_--------------

؛٤🌷🌷🌷🌷

وينه اليشاركنه هالفرحه الجبيره
خل يجي ويجيب وياه العشيره
مولد المهدي فخر للشيعه كلهه
أي وحق كافل الحره الكله غيره

هذا الشهر …. اعظم شهر …اعظم شهر
صيته كبر … بالمنتظر …بالمنتظر
أجمل شهر محد يحب توديعه

اتحبه الإنس والجان
قد كبر الأذان
اشهد ان المهدي هل اهلاله
--------------🌷🌷🌷🌷🌷------------------

✍️🏻 كلمات موسى الخادم

اليوم ميلاد … حبيبي الغالي
اليوم ميلاد …. نبض  دلالي
اليوم ميلاد … ربيع امالي
حسين حسين…  حسين حسين…  حسين حسين
🌷🌷🌷🌷🌷🌷🌷🌷🌷🌷🌷🌷🌷

… ..
١؛🌷

بالجنان انقام محفل والجليل ايقوده
والملائك بيه حضرت رددت انشوده
ابمولد حسين الفخر
مالك وفطرس حضر
يبارك الليله ويهني حيدره بمولوده

كل ملك صار …  يرف بجناحه
كل ملك صار …  تفضحه افراحه
كل ملك  صار … يحس بالراحه
حسين حسين… . حسين حسين…  حسين حسين
… ..----------------
٢؛؛🌷🌷

اليوم من سابع سمه جبريل رف اجناحه
ونزل لحسين ابو اليمه ايهزله مهده ابراحه
بهلفت العاشكَـ نزل
قَبل حسين ابخجل
وصاح  جبريل انه خادم صيحته بفراحه

صاح جبريل  … أميري حسيني
صاح جبريل …. فخر يكفيني
صاح جبريل … اخدمه بعيني
حسين حسين… . حسين حسين… . حسين حسين
… ..----------------
٣؛؛؛🌷🌷🌷

كل نبي مرسل حضر  يم الحبيب حسينه
شايل اوياه كل فرح شايل ورود  الزينه
ليلة ماليهه الفرح
كل محب كلبه انشرح
كل محب لحسين حاضر فرح بان بعينه

عاشكَـ حسين … ترف دلاله
عاشكَـ حسين … ألف هنياله
عاشكَـ حسين … جبيره افعاله
حسين  حسين… . حسين حسين… .. حسين حسين

…… .-----------
٤؛؛؛؛🌷🌷🌷🌷

استبشر الكون بعظمته بمولد حسين الولي
نوره شع برض الرساله وبسمة الباري العلي
وجه اشبه بالشمس
ابعين ربنه منحرس
امن الحسد محروس ب الله شبل والينه علي

أجمل إنسان … تسولف ناسه
أجمل إنسان … عظيمه انفاسه
أجمل إنسان … شهد عباسه
حسين حسين… . حسين  حسين… .. حسين حسين

🌷🌷🌷🌷🌷🌷🌷🌷🌷🌷🌷🌷🌷🌷

الحمدلله رب العالمين
اللهم صل على محمد وآل محمد
✍️🏻 كلمات موسى الخادم

اليوم كل الشيعة فرحانه
ميلاد شبل الوصي مولانة
عباس عباس… عباس عباس
… ..
اليوم ياشيعة علينة المفخره
مولد العباس سبع الكنطره
بالدرر والماس زينوهة الثره
وصفكت المولود سمعو ناكره

صوت الهلال سمعو عدوانه
… ..
اليوم ميلاد الكمر راعي الشيم
كافل الحرة العقيلة ام القيم
يعجز ابوصافه يكتب كل قلم
بحر من الجود بجفوفة انرسم

حامل لواء حسين مولانه
……
ابنورة حارت كل ملائكت السمة
والشمس كدامة صارت مظلمة
قل اعوذ ابصوت تقرة فاطمة
خافت اعليه ينحسد من مبسمة

نور البوجهه نور خوّانه
.. ..
يوسف الصديق اصبح منبهر
يم جمال الكافل احتار الفكر
جم زليخة ابابة عاشت تنتظر
شوفت العباس للناظر تسر

ابكثرة جمالة الناس حيرانه

……
انولد وي عباس كل معنى الوفه
والشهامة والكرم والعاطفه
مو سهل عباس واحد يوصفه
نسخة من حيدر علي بالمعرفه

غيرة وشجاعة وطيبة عنوانه
……
الحمدلله رب العالمين
اللهم صل على محمد وال محمد
موسى الخادم

اليوم ميلاد الحبيب الغالي
اليوم ميلاد السكن دلالي
اليوم فرحانة النجوم اتلالي
بمولد حسين… بمولد حسين… بمولد حسين

… ..
بالجنان انقام محفل والجليل ايقودة
والملائك بيه حضرت رددت انشودة
ابمولد حسين الفخر
مالك وفطرس حضر
يبارك الليلة ويهني حيدرة بمولودة

كل ملك يصفك صبح بجناحه
كل ملك بانت عليه افراحة
كل ملك يشعر الليله ابراحه
بمولد حسين… . بمولد حسين… بمولد حسين
… ..
اليوم من سابع سمة جبريل رف اجناحة
ونزل لحسين ابو اليمة ايهزلة مهدة ابراحة
بهلفت العاشك نزل
قبل حسين ابخجل
وصاح جبريل انه خادم صيحته ابفراحة

للحسين العايش ابوجداني
للحسين ومولدة الي امتاني
للحسين ابقى انه خادم أني
بمولد حسين… . بمولد حسين… . بمولد حسين
… ..
كل نبي مرسل حضر يم الحبيب حسينة
شايل اوياه كل فرح شايل ورود الزينة
ليلة ماليهة الفرح
كل كلب بيهة انشرح
كل محب لحسين حاضر فرح بان بعينة

صفكت العاشك تضل مسموعة
صفكت العاشك تنشف ادموعة
صفكت العاشك تنسي اللوعة
بمولد حسين… . بمولد حسين… .. بمولد حسين

…… .
استبشر الكون بعظمته بمولد حسين الولي
نورة شع برض الرسالة وبسمة الباري العلي
وجه اشبه بالشمس
ابعين ربنة منحرس
امن الحسد محروس بلله شبل والينة علي

بقل هو محروس روح الهادي
بقل هو كل الحضور اينادي
بقل هو خل نبتدي الانشادي
بمولد حسين… . بمولد حسين… .. بمولد حسين


…… .
الحمدلله رب العالمين
اللهم صل على محمد وال محمد
موسى الخادم

متباركين بولادة الأقمار المنيره

https://youtu.be/ijTE5XqMaZ8

يا غريب يا مسموم
::::::::::::::::::؛؛؛؛؛؛؛؛؛؛؛؛؛::::::::::::::::::

١؛::::::::::::
للكاظم مشايه اعتنيت
ولبابه ابلا موعد اجيت
خطواتي تسبكَـني لكيت

لبو طلبه انه ودموعي التصب
جيت ازوره اعله الجدم واطوي الدرب

القاضي الحاجات

يم بابه ...  انه اعتنيت اليوم
يم بابه ...  صيحاتي يا مسموم
يم بابه ... اجري الدموع ادموم
يم بابه ... روحي حزينه اتحوم

صيحاتي ... غريب غريب

حزني ما ينقاس . يشهد العباس . شيبالي الراس
يبقى يوم امصابه حزني الدائم

يا غريب يا مسموم
################

٢؛؛؛::::::::::::::
للحضره وداني الحنين
والكَـبره طبيت ابونين
مو دمعه ابجيله انه عين

عمره خلص بالسجون المظلمه
شمس ما شافت اعيونه ولا سمه

مأسات مأسات

كَـضاهه .... وسط السجن يا ناس
كَـضاهه .... حد اخر  الأنفاس
كَـضاهه .... يبجي الفكَـد عباس
كَـضاهه .... بنوح اليشيب الراس

واويلاه  .... وحيد وحيد

ماكو يمه احباب . عيشو بمصاب . وسدو اعليه باب
شمس ما تدخل أله ولا وادم
#################
٣؛؛؛:::::::::::::::::::::

بمصابه أعلنت الحداد
واثيابي اتغطت بالسواد
عالكاظم عزيت الجواد

ليلة امصابه مليئه بالدمع
وانه روحي بصحنه عالكَـهه شمع

واجريله دمعات

دمعاتي  ... لمصابه تجري ابحور
دمعاتي .... فوكَـ الخدود اتفور
دمعاتي  ... تشبه حزن عاشور
دمعاتي  ....بثوابه كل ما زور

بمصابه  ... اجيه اجيه

لاطم اعله العين . تشهد الجفين . اي وحق حسين
ما يهمني اللايم اومو لايم
#################

٤؛؛؛؛:::::::::::::::::

اويه المهدي شاركت العزاء
ما غايب حاضر  بالبكاء
يم جده التبجيله السماء

المهدي من كربله جاي بدمعته
ايشيع اجنازت السمو جبدته

الوسط السجن مات

المهدي .... الجده الغريب اينوح
المهدي .... كل ما يجي ويروح
المهدي .... كله اعله جده اجروح
المهدي .... يم النعش مطروح

يبجيله .... دماء دماء

وحيل ما بي حيل . نعش جده يشيل .امصابه حكَـه اثكَـيل
ساعد الله اليوم كَـلب القائم
:::::::::::::::::::::؛؛؛؛؛؛؛؛؛؛؛؛؛؛؛؛؛؛؛؛::::::::::::::::::::

✍️🏻 كلمات موسى الخادم

قصيدة توسل بباب الحوائج ( لطلب الذريه )


كل طالب ذريه  ... اتنخاك
مارديته انطيته  ...  ابيمناك
يا موسى ابن جعفر

...............::::::::::::؛؛؛؛؛؛؛؛؛::::::::..............
١؛/؛؛؛؛

ياموسى ابن جعفر يا أبو الغيره
وكَـفتك حاضره الكل طايح بحيره
ابو الشدات انته ابساعة الشده
وما معتاز اجاك الا وكثر خيره

كل متعسر ابحاله ... اتعناك
مارديته انطيته ... ابيمناك
//////////////////////////
٢؛/؛؛؛؛؛؛؛؛

بصحنك تنكَـظي كل حاجه متعسره
بساعتهه تفضهه اوداعت الزهره
مو أنه الحجيت التحجي افعالك
تكَـول ابابك الحاجات متيسره

تخلص ساعت يحجي.... وياك
مارديته انطيته ... ابيمناك
يا موسى ابن جعفر

/////////////////////////
٣؛/؛؛؛؛؛؛؛؛؛؛

قصص كثره عليك اتسولف الوادم
اليريد الخلفه خله ايروح للكاظم
يكض شباجه ويحلفه بستر عمته
ينطي مو ولد عشره وحق فاطم

يمه وتشعر ابنك ... ناداك
مارديته انطيته ... ابيمناك
يا موسى ابن جعفر
//////////////////////////////
٤؛/؛؛؛؛؛؛؛؛؛؛؛

اجيتك سيدي وجايب بدي دمعي
رايدلي ولد لمصيبتك ينعي
ما ردته يصير ابجاه لا سلطه
لا ردته يغير حالتي اوضعي

خادم ردته اوليدي ... ينعاك
مارديته انطيته ... ابيمناك
يا موسى ابن جعفر
//////////////////////
٥؛/؛؛؛؛؛؛؛؛؛؛

تعبت امن انتظار الخلفه تدريني
واجيت اشكيلك ابدمعات البعيني
صبر ما ظل بعد عندي وكُبر عمري
ومو صعبه عليك اولاد تنطيني

والكون ابكل شده... اتعناك
مارديته  انطيته  …  ابيمناك
يا موسى ابن جعفر
......................؛؛؛؛؛؛؛؛؛؛؛....................

✍️🏻 كلمات موسى الخادم 🤲🏻