گولات اهلنه

گولات فواتح. #للوالده_للحبیبه

یادکتور گلی الوالده اشبیهه
احط الولد فوگ المال وشریهه
اسمالله الوالده انشمرن تراچیهه
یادکتورچن بلوه ابتلینا
یکتب بلدوه وحنه شترینا
یادکتور بس اطلب علی شترید
اخذنی وبیعنی بلسوگ وانه انگادلک بلاَید
((دکتور اطلب وانه اشریهه))
لتونین یایما سحنتینی
شلعتی ابتوت گلبی وی شرایینی
یمه اویاچ یمه ویا بعد عینی
یمه ابظیم گلبی وشارچیتینی
ربیتی افروخی وعنزیتینی
ونتی اعدال اهلی وفارگیتینی
دللتی بناتی ودللتینی
ویهوا عله ییمه وحیل مابیه
((اکحیله امی شلون انساها))
انتی الوالده وعدال کل اهلی
جمرتهه ابراس الگلب هل تچوی
مخنوگه بعبرتی وبس اضل ابچی
((وشیصبر الروح الفرگاهه))

الناشره ام وسام

https://t.me/ahwazyh90

گولات فواتح. #للحبایب_للنصبات

شلتن یلنصب ولسایس اویاچن
یا نصبات ولشرای یهواچن
سایس بلنصب وعدل مرابطهن
وی خیل الجوافل لا تخالطهن
سایس بلنصب وترس علیجتهه
ونشدلی عله الوذنه واخذ بتهه
((ویابوهه اکحیله امن الحد))
شلتن یلنصب کلچن فرد شیله
یفراگ الحبایب مالنه حیله
یبن روضان حیی لنجیبات
اهن نصبات ویخلفن اکحیلات
وتیی اریاح منهن خوش طیبات
عسه ذچر النجیبه ریت لا مات
((وتستاهل هوسه وشیعوهه))
یلبیچن محنه وین غربتن
عله بخت الوکت چا وین ودرچن
سمعن بیه مریضه وجن یشوفنی
اهلاً بلحبایب جن تعننی
یابلی دوه یمه وشربنی
گعدن عد راسی ابراضه حاچنی
((ابساع ابساع یا موت المشفجات))

الناشره ام وسام

https://t.me/ahwazyh90

گولات فواتح. #للنصبه_ولکحیله_لنسوان

اکحیله وما بعد بلخیل ویاهه
فدوه لللی امعلیه روس ولیاهه
وذنه مصنصله وما غبر حاچاهه
ارید احچی عله الوذنه وشگول انه
((ومنشوره یکحیله امن الحد))
اجبل یای یا شرای الکحیله
ادلیک الشگر مارضن بلمیله
اجبل یای وترسلک علیجتهه
((اکحیله وشلعت هیه وخیتهه))
شرای العلیمی حط علی نوبه
نصبه من خیول اعدیل منتوبه
اجبل یای یا شرای العَبیه
اتخیر بلنصب بت الشمکلیه
وتصنصل علیهه وخذ رشمتهه
مثلهه مرتبهه وونبتت نجابتهه
ممنونه عله الوغرات شیلیهه
((شیخ اگرن لوما هل شیله))

الناشره ام وسام
https://t.me/ahwazyh90

#نعاوی #للولد_للصبیان

ضمی اهدومی بلصنادیج
وطبجی الجدید اویه العتیج
وهلبت نجیچ ابلیلت العید
یلولد حس امک اتنادی ولک یمه

یمه الولد ماکو بمعزه
وضربتنی ابتالی الیل فزه
حسبالی یمی وجیت الزه
خایب یلولد حمل امک وخذهه

ردت الولد يطبگلي رمشي
ويحومي بيده ويشيل نعشي
وبجنازتي امخوصر ويبجي
تاليهه اكعد فوك نعشه لیش یما

ردت الولد ویه الیدفنون
امنگب وطالع بس العیون
ویخطرون منه ومایضحکون
یلولد ویعتکم الگلبی ولک یمه

الولد یاشبت الباب
ویامفرشی من گاع التراب
ویا طرادتی ولمای خنیاب
ویا سترتی من یطرگ اشهاب
خایب لیش ماتنشد علیه ولک یمه

لگعد ابسدچ یا خرابه
ولماصول ینعر ولربابه
اندهی الولد مرو اصحابه
خایب یلولد حس امک اصیح یمه

ارچبنی یبو دانگ الوح
ذبنی بطریجک ونته روح
اشلون العزیز تفارجه الروح
گلبی بفرگاکم اتچوه ولک یمه

طولک عجبنی یابو ابیاضی
ویامن علیک السلف راضی
محبوس افکنه ابغراضی
تطبخ ذبیحه نار گلبی

اصعد هرد ونزل هرد
ولغیم من دمعی ورد
وما ینفع امه اله الولد
یلولد حمل امک تکور ولک یمه

بلیل ناغیته ولعبته
ولاچنی سهریت وطلگته
راح الولد مو هاذ وکته
چا لیش هیچی ولک یمه

ربیتهم وربای زین
ومثل العیبی ابگطنتین
ردت الولد لو هملت العین
علیک نهلانه وذلیله ولک یمه

صبیان گطعو خیط شلوا
ومشکلین امن الغوا
صبایه وبلاهه الموت بلوا
احوی یلصبیان یمه

الناشره ام وسام الاهوازیه

https://t.me/ahwazyh90

#نعاوی. #معاتب_للظیم_للاَهل


اوصیک یلرایح لهلنه
عید الوصیه وحچ عنه
وگلهم ابهل عیشه متحنه
دور اهلک یگلبی

اوصیچ یا شمس نویتی
ولهلی وصلیلی وصیتی
من فارگتهم انهیم بیتی
ذلیله ومشت بلراگ روحی ولله یمه

ضلیت عاگوله بثنیه
وتراب السلف یذری علیه
انا شیابنی لهای الدنیه
یمه اشلون بیه

ودولنه دانگ وملاح
وزلام شیالت اسلاح
یهل المروه. الحمل طاح
علیکم یلیلی عیب انامه ولله بویه

ودولنه دانگ انحمل
وعیونه امن الظیم تهمل
وین ال عله عرضه یخمل
علیکم مریضهه ومگومن ولک بویه

روحی مثل حبت شلب
امسلسله ومابیهه لب
لو طگهه لهوا ویه ریح اتهب
احاخ بویه احاخ بویه

یحگلی لصبغ اسنونی
وحط العصابه عله عیونی
چا لیش هیچی ضلمتونی
مو های المروه بویه

ضلیت ممتحنه وعاین
یوم التفارگنه الظعاین
الماعدهه ولی المن تعاین
اسلیمه وچساحت ولیهه اخ بویه

خلونی ابچی مَلمه
وعله ضیم مانی معلمه
ولچ شبعی رخص یمدلله
ذلیت گل لهلی علیه

یاغیم الابیض یلتعدیت
سلملی عله اهلی من وره البیت
گلهم بهدوم الشته گضیت
حلفو الغطه لو نمت لیلی اخ یمه

الناشره ام وسام الاهوازیه

https://t.me/ahwazyh90

#نعاوی. #للظیم_ولقهر😭معاتب للاهل

امن الظیم ناکل عیشت اشعیر
ومن غصباً نقمسه بلحم خنزیر
ومن العراء نلبس توامیل
علی ظیم مانشدو علیه لیش یمه

یحگلی بلیل مانام
وجرن جریرک یاحمام
بعده الهظم ولظیم جدام
جایسه الیمره وچوتنی ولک بویه

گلبی مثل حگت اگطین
مسدیه عله روس الحیاطین
لیروحن اعیونه ایصیر مسکین
ولله صدگ یمه


انچان جاسچ هضم صیحی
من فوگ راسی الگبر طیحی
خایبه موتی ویانه وستریحی
موتی ولحگی اهلچ یروحی

خایبه تردینه وتوکلی
تگطعینه ومشیچ ونی
وتلگینه برملت علی
رملت علی تراب وتذری ولک بویه

تبچین ولله بلجهنم
چلچل عليه الحد وظلم
او لو مطرت الدنيه ايتهدم
صخام ویهی ولله بویه

یشحتونه ونرد علیهم
ومثل الحسچ نلزگ بدیهم
اهلنه ومرد الروح لیهم
انا خلافکم گلبی تچوه ولله یمه

گلبی مثل شیرت انومی
طگنی الولی ویگلی گومی
طگنی وهل زود همومی
علی ظیم یابویه الحگنی

لحگیتهم بس بلوزار
وتمخلصو منی بلعذار
ظلی بمرارچ مالنه کار
ضلیت بمرارک یگلبی

راسی عره ولشیل عدهم
متفوشله مدری شگلهم
گعدت وگمت ماچنی اختهم
احوی تسعر نار گلبی😔

ودولنه بزر اشبنت
برض الخلا یاخلگ ینبت
سوده عله من خلف البت
چا لیش هیچی ضلمتونی

وین الیگلی گعدی عندی
نشفی اعیونچ لیش تبچی
لو ما اجیتچ عود عتبی
علی ظیم ماینشد وگله

شمرنی الولی شمرت اعگاله
شمرنی وذبنی ابداره
وضل الگلب محد ابکاره
اعتب علیمن بعد بویه

الناشره ام وسام الاهوازیه

https://t.me/ahwazyh90

#نعاوی #للولیان_للزینین


يمشون بالسوگ الطويل
واحد عله الثاني يميل
ايحطون للساعه زناجیل
بعد الیویعنی

گامو امن المجلس وجونی
وگفو بطولی وسالمونی
فدوه رحت للعنزونی
فدوه الکم عیونی


بیت الولی امن ابعید بین
وشواربه لضیف حیین
هاذه العدنه ومنتدین
بعد اختک وهلهه

مطرت مطر وغيم الكون
والبيهم كلافه شلون يمشون
ردناهم تچيه وللوکت عون
چاوینکم ولوکت خذنی

مطرت مطر والکون غیم
باللحد مدفون المشیم
گلبی ابفرگاکم اتهیم
یهلنه اهلا یهلنه

لاگيتهم بالسوگ كلهم
اتلوح بيديهم تفگهم
زينين مايحصل مثلهم
اسباع اهلنه ليش شالو


الغریب عیب ارافجنه
یمسه المسه گلبی یخاف منه
ویا رفجت الوالی جنه
مامش حنین اعاتبنه ولک خویه

خذونی حدر حمالکم
مثل السفینه ابرالکم
تمشون حالی حالکم
ولله صدگ بویه

یونی امن العلوه یتمشون
گلی یبویه وین تردون
نعتب عله برعین العیون
عنیتو علیه

یوم التعنون العلیه
یطیح الغرض من بین ادیه
خفیف الغرض یثگل علیه
علیکم اودر مای عینی ولله بویه

الخال وبن اخته تناخو
وعله ناعم الباروت طاحو
وگضایت العتبات راحو
ماضل چبیر اعاتبنه ولله بویه


الناشره ام وسام الاهوازیه

https://t.me/ahwazyh90

#نعاوی. #معاتب_للاهل_ولخوان


لا رید حملتهم تجینی
ولاریدهم یوفون دینی
بطرف العرب وتنام عینی
محد نفع روحه ونفعنی لاولله یمه

لارید منک مجنعه
ولا رید ظیمی ترفعه
بطرف النزل حسک وسمعه
علی ظیم ماینشد وگله ولچ یمه

مارید من زرعه ودوابه
ولا رید یچسینی العصابه
ردت الولی حگ الطلابه
اویلا ضل بلنار گلبی

لا رید منکم قصر عالی
ولا رید منکم ثوب غالی
ردتک تگل للولد خالی
اویلاه تسعر نار گلبی

انه یایه من گاع لیگاع
خلیت الولد وعفت المتاع
عله شوفتک ورجع ابساع
محد رمانی وشاف گلبی

ردنه الولی حگ السلام
غنیات عدنه عیش وایدام
سلمت ما ردو سلام
چا لیش مو های المروه خویه

حطیت حملی وصایحتکم
ویهل المروه عاتبتکم
حسبونی غریبه مانی اختکم
تردون لو نگطع الظنه یهلنه

تعنیت لهلی بلعصاری
انا سولف ظیمی ومراری
ومحد بظیم الگلب داری
ولچ محد گطع یمنه ونشدنه لا ولله یمه

ارید الیگلی یاورینی
وخذی معاشچ من یمینی
ولو خلص چیلچ عاتبینی
مارید ما نشدو علیه ولک خویه

ارید الیگلی لاتهمین
مسحی دموعچ لیش تبچین
صیری بضرای ولا تخافین
معیول بیه وجیت احشم😭

الناشره ام وسام الاهوازیه

https://t.me/ahwazyh90

گولات فواتح. #للصبیان_لحلوین

ادری یلصبایه لیش مختاضین
اکثر غیضکم چه منتم امعرسین
بعدهه اعمارکم ما داشه العشرین
((یمغیسل ناوشنی الساعه))
اون اعله الولد ونه بثر ونه
عله المیت یخیه ومحضرت یمه
احط حلگی عله صدره وشمنه
((لمصنع لیش یدفنونه))
یحلالی الولد من لابس اردانه
مثل الیوم لا مرنه ولا جانه
امشی انروح خل نلحگ الدفانه
شو شال الولد خلانی بمچانه
((خله ایرد وامه متانیته))
من عگب الولد حملی من ایشیله
فلک بیه الدهر خیه شسویله
ارید ارفج ظعنکم یوماً ابلیله
((ورد ارفج ویه الناسینی))

الناشره ام وسام الاهوازیه

https://t.me/ahwazyh90

گولات فواتح. #للخوان_للشباب


یا مغیسل لا تکض امتونه
لا تحطون الرمل بعیونه
انهیم بیت المغیسل یا یلادیته
ایغسل بلحلو خربص اتوالیته
اهنا یلی تغسله احسب هدب عینه
سبع ولگابله ایکصر شیاهینه
اهنا یلی تغسله اشلون الک عین
من بعد الغسل حطیته بلطین
ارید احچی عله شبان اذکرنهم
((امضیعینه بو عیون الحلوه))
یفراگ الولد ولله عمه اعیونی
من ابچی علی اولا تلومونی
بعدک شاب تویع موتت الشاب
اشلون اتنام عینک حدر التراب
ویهوا عله الصبیان یایمه
((ودوم ادرا صوابه ابضلعی))
شلک بلتراب العین یعمیهه
تعال وشوف حال اختک یوالیهه
متزامط بعد لو عالو اعلیهه
((وین الگا الحید المثلک))

للناشره ام وسام الاهوازیه

https://t.me/ahwazyh90

گولات فواتح. #للصبیان_الخوان


مالومه یا ام الولد مالومه
فص عینچ یوم الیابو اهدومه
ولولد یخت الولد تبقه علی امحصره
لو یعز شخصه علیهه اتروحله وللمگبره
((یشالع گلبی وفص'عینی))
اطینه انروح للحود المضلمات
ناخذ غوط ناخذ بنطرونات
اطینه انروح یاخیه المجابرهم
ونوخر التراب الچان ضاهدهم
ناخذ غوطهم ناخذ الساعات
ندخل للغریریه اتریکات
ارید احچی عله شبان ممنونه
((یا لباسه الغوط اتون))
امشنه انروح للمگبره جمعیه
ناخذ غوطهم ناخذ الشمسیه
امشنه انروح للحلوه معانیه
ارید احچی عله صبیان ممنونه
((حلوین ونامو بلهیمه))
دبنی کِلت العریس دبنیهه
هیل ومی ورد رشی حواشیهه
انا ابنیهه وعزرائیل یطویهه
((یتریح وربعه یزفونه))

ناشره ام وسام الاهوازی

https://t.me/ahwazyh90

گولات فواتح. #للشباب_الشبان

شگول اعلیک یا مدهون ویامنسول
یاحلو المعانی ویا ضریف الطول
عله یومک اخوک الیوم شیگول
((ایهد بیده العده اخوان))
اشحلو الطول من یلبس الدشداشه
حلگک لا لفه ابعویه ولا لاشه
اخافن بلدرب ایضیفه اهل باشه
((یخیار الصد رایح بوگه))
اشحلو الطول من یجبل انهیم بیته
یا صناع گلی اشلون صنعیته
طوله امن الخزاعل من انهیم بیته
شیلی ایدج عله صبیان اعدلیهه
((ماتلگینه یلراح ابنچ))
غمیص الابسه اولیدی سلک شفته
یوم الفصله وحطه عله ارگبته
انهیم بیتچ یا امه اشلون یایبته
المنیه اشلون من البیت ساگته
ویهوا عله صبیان ویهوا
((خل یگعد ویرعی اگلیبی))

https://t.me/ahwazyh90

گولات فواتح. #للخوان_ولحباب

الماعدهه ولی عند الریل خطار
لاتحچی بصلافه ولا طالب جار
مثل السایله تگعد باب الدار
الماعدهه ولی کل وکت مضلومه
ادیر بعینهه لو خذت مهظومه
ادیر ابعینهه کلیوم وکل لیله
ماعدهه ولی حته تودیله
من غصباً علیهه تحمل العیله
((عیاله وعیب احمل عیله))
یاهی الی تگول البین ناسینی
اتضل تگول ولله عیب ایینی
کل احنه ردعنه البین ویه الگاع ساوانه
((یلمالچ والی امشی ویانه))
بعد شترید تعمل یادهر بینه
بعد ذاک الدلال بظیم ضلینه
هجرنه ادیارنه وللغرب نوینه
لحن ونحب وسیل ادموع دم عینای
بعد گومی وهلی وشنهی بعد سلوای
ارید احچی عله البین لعب بینه
((وبیش نزامط العدوان لو شالو الدهریه))

https://t.me/ahwazyh90

گولات فواتح. #للولیان_معاتب

ارید اصعد عله العالی وجیسنه
الحید القاط بلنوم ارد اندهنه
تعای وجابلینی یلمالچ ولی
شو یاهو الیجی ایضل یتهدد علی
ویهوا علیهم خلصت روحی
((العیاله نامت بلطین))
انه جایه اومن علی الشرجی
بکاروکه الولد وهل هدل متنی
تره انه معارچه ولرجل طاردنی
تره انه معارچه ونگلی عله راسی
طگتنی الشمس وین اکصر انعاسی
نهلانه یخویه وحیل مابیه
((مهظومه وجیتک شچایه))
ارید اجابل التلطم عله الخوان
تهضمهه الزلم وتضل بلا ولیان
مهظومه وذلیله ولگلب دوهان
ویهوا ییمه وحیل مابیه
((العیاله امنین انجیب))
https://t.me/ahwazyh90

گولات فواتح. #للآهل_ولخوان

ولله عیونچن صلفه یهل نسوان
اتمرن بلسلف وتشوفن الدیران
ولچن وین اهلچن صدمت العدوان
ویهوا لهلنه وحیل مابیه
((العیاله الیوم انرید))
نسیتینه نسیتینه یچذابه
وحنه ارجال الهیابه
نسیتینه وتحنیتی
ریتچ لا تهنیتی
نسیتی ضحکتی وبیتی
نسیتینی وضحک سنچ
طربتی للرجل چنچ
یبتنه لو لهاچ ابنچ
((ابکل موجب اذکرینه))
راحت ذیچ اهلنه وذیچ لمتنه
وذیچ احیادنه المن زغر ربتنه
بعد یابین هم اتعود ولیانه
ویجمعها الزمان وتگعد ویانه
ویهوا عله الدنیه ومصایبهه
((وشسویتی یادنیه ابحالی))
https://t.me/ahwazyh90

الناشره ام وسام الاهوازیه

فزاعيه للاب

خله   حيف ديوان الا كبارية

شالو للنجف اهل العزوبيه

🏴🏴😭💔🏴🏴

يالديوان خالي من الاكبار

شلت يابوي وانه بكلبي نار

ابنك بس يون ولليله محتار

اكعد يابويه // وحاجينه }

🏴🏴😭💔🏴🏴

اليوم اعله نجف كلنه مشينه

ابونه شكد حنين يرد اعلينه

يالفركاك ما خله عزم بينه

شلون يشيل // الربانه }

🏴🏴😭💔🏴🏴

كضيت العمر يابويه وياك

لهفان الكلب يذكر حجاياك

جد بني وعليه صعب فركاك

الحد اعليك // اينصبونه }

🏴🏴😭💔🏴🏴

بويه افراكم هدم دلليلي

وانه وداعت ساهرت لليلي


مهدوم وعلي ياناس حيلي

وين الكاه // المثلك كلي }

🏴🏴😭💔🏴🏴

ما خليت واحد ما نخيته

ردولي الابو مهجوم بيته

حالي اليوم حزنان وشكيته

نعشك ياحيف // يشيلونه }

الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم الله اجوركم💔

https://t.me/ahwazyh90

قصيده مربعه للامام علي عليه السلام

بعدخلصت العشره ويه راعيهه
يوم الشال ابوه وشال واليهه

صعب يومك يابويه وحيل اذاني
وانه ابنيتك عزيزه الوكت هظماني
مهظومه عليك امغيره  الواني
بعدياهو اليمره وينشداعليهه

معزب لليجي وكارم الخطار
ابو الكلفه علي حيدر الكرار
اهتز الكون ومصابه  ولاصار
وزينب بالحزن تكظي لياليهه

تعال اليوم بويه ابعازتك انه
ودين الله انهدم ونهدمت اركانه
واملاك السمه تبجي وحزنانه
بتك بالهظم محد يمر بيهه

يكولون الابو خيمه البناته
ويشيال الوصي خلصت حياته
يلطمن عالصدر ومكابلاته
وزينب فكدت الوالي يهاليهه

يمربيهن يجيهن ليلة العيد
ويشيل الهظم من عدنه شنريد
موكالوعلي نام ومشه ابعيد
وين الجان وياهها ويلاكيهه

اسم الكتاب
لبيكي يازهراء
الشاعره

خادمة السيده الزهراء والسيده رقيه ع
ام زهراء الفاطميه لايجوز حذف الاسم

https://t.me/ahwazyh90

فراعيه للاب

يا جد الولد ريض وحاجيني

المن ضاله بويه دتتانيني
🏴🏴😭💔🏴🏴
محمل بالابو ويا ك اخذني

يكتلني كتل يا زين وني

شلون تشيل وانته تروح عني

احنه نريده // خلوه ايرد }
🏴🏴😭💔🏴🏴
عني يا وسافه شايل اليوم

حيلي وداعتك مابقه مالوم

هايه صورتك بويه الهدوم

اعله الوالي // ياكلبي احزن )
🏴🏴😭💔🏴🏴
باخميه وعلينه صاير افياي

ياهيبته بناتك كوم وياي

اندهمن بعد كلولي بعضاي

تراب يضمهن // يعيونه }
🏴🏴😭💔🏴🏴
خلصت الوكت يابوي ونات

شيرده اليموت نوب هيهات

الف وسفه تعيل ليوم شمات

أوياك أمغرب // دلالي }
🏴🏴😭💔🏴🏴
ما يرحم وكتنه ومارحم حالي

ردتك عوز تبقه والذخر والي

انطيك العمر بس كلي يا غالي

البويه اوياك // ايشيلوهه }



الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم
https://t.me/ahwazyh90

#-فزاعیه امیرالمومنین ع مع هوسه

بعد ما اعیل لو عالت العیاله
و اخلاف الابو دمعاتی هماله
☲‌☲‌☲‌☲‌☲‌☲‌☲‌☲‌
من شال الابو وبقیت ایتیمه
الف وسفه راح الابو اهظیمه
اونن بلقهر والون اجیمه
ریضولی النعش بالله یشیاله

*((شایل تابوته// ریضلی اشویه))*

✍ #علويه ام فاضل
☲‌☲‌☲‌☲‌☲‌☲‌☲‌☲‌
يل شايل ابوي ابراضه تانيني
اريد اعاتبنه ويسمع اونيني
شلون ايهونله يروح ويخليني
ابوي الحيد يلي ماكو امثاله

*(( هد حيلي / شالو اكبالي ))*

✍ #ام زينب الحجامي
☲‌☲‌☲‌☲‌☲‌☲‌☲‌☲‌
وافرگك آیبویه عمه اعیونی
شلون تروح وسفه وتخلونی
بعد عينك یبویه اعداک ایهظمونی
بشهر لصيام بويه يتم عياله

*((یابونه الراح//وخلانه))*

✍ #ام البنين
☲‌☲‌☲‌☲‌☲‌☲‌☲‌☲‌
بعد ما عيل وانه امهبطه الراس
اريد الطم عليه يا خلگ يا ناس
ابوي الراح مني وهدم الساس
من بعده اون والدمعه هماله

*((امحملينه// للوادی اليوم))*

✍ #ام ضياء المرشدي
☲‌☲‌☲‌☲‌☲‌☲‌☲‌☲‌
براض ابراض یالماشی ابلیل
من بعده حزینه و دمعتی تسیل
لو طاح الحمل منهو الی ایشیل
   مياله يادنيه. اشبيج مياله

*((میاله //ویانه الدنیه))*

✍ #زهره. الكناني
☲‌☲‌☲‌☲‌☲‌☲‌☲‌☲‌
أنه بعازتك يلاابو  تدريني
شايل لیش و الوحدي مخليني
شلي ابدنیتی یتیمه اتخلیني
والهدم العلیه مابیه اشیله

*((شیشیله// وافراگک بویه شیشیله))*

✍️#ام منتظر الجابريه
☲‌☲‌☲‌☲‌☲‌☲‌☲‌☲‌

تمت بعون الله تعالى

بـ✍ــاقـ✍ــلام خـادمـات أهل البيت ع

◼️أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

فزاعيه للاب

اون اعله الابو ونه باثر ونه

يالغرب دلاله وايست منه

🏴🏴😭💔🏴🏴

غرب يالعزيز اليوم اريدنه

بعدني بعازته ولا ما امل منه

اتعنه للنجف والكبره اندهنه

اكعد الايامك // معتازه }
🏴🏴😭💔🏴🏴
اندهنه واكله عالو اعليه

بويه بداعتي محمل مهضميه

تدري خلافكم مذلوله البينه

البيت ايون // يا راعيه }
🏴🏴😭💔🏴🏴
نحجي بزود ابونه واحنه بهيابه

اريد الطم واكول اليوم يا يابه

والدفان شال وسدد ابوابه

اندك اعليه // شال وغرب )
🏴🏴😭💔🏴🏴
كلي منين اطب واعتابه اسمعنه

تدرون الابو ماكو اعزنه

ندك اعليه هذا الزين خلنه

تستاهل ون // انته الهيبه }
🏴🏴😭💔🏴🏴
بويه فراك وجهك موش بالهون

ادري بنومكم كلش تطولون

اجانه العيد جايمته تكعدون

خط أحمر // بعزه بختك }


الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

لطميه للامام علي عليه السلام
»»»»»»»»»»»»»»»
الليله دار ابوي اتهدم الحيل
اشوفنها ودموعي بحرگه اتسيل
~~~~
انوحن وابجي لو صديت للدار
وسف يا حيف شايل علي الكرار
اشوف امچانه خالي وگلبي يحتار
هدم حيلي علي من حمل بليل
✍🏻   ام حسين العيساوي
🚩🚩🚩🚩🚩🚩🚩🚩
يهد حيلي مچانه من انظره
گسرني البين وسفه  شلون كسره
گلبي اعله المصيبه اشلون اصبره
مياله يدنيه وبينه اتميل
✍🏻ام زين العابدين
🚩🚩🚩🚩🚩🚩🚩🚩🚩
كسرني البين ما يرحم ابحالي
شايل حيدره عزي ودلالي
والله  بشيلته  همي صفالي
عياله يدنيه  وبينه اتعيل
ام رحمه الگاظميه✍🏻
🚩🚩🚩🚩🚩🚩🚩🚩🚩
شايل والدي والدار ظلمه
من اصد ليها احس عيوني تعمه
گلبي عالوصي كثران همه
ياويلي على حالي انه ياويل

ام علي الموسوي✍🏻
🚩🚩🚩🚩🚩🚩🚩🚩🚩
اليوم الدار وحشه وكلبي مالوم
اخاف افراك ابوي الغالي للدوم
واشوف الحسن  وحسين مهموم
حسافه  داحي البيبان  ويشيل
✍️ ام محمد الساري
🚩🚩🚩🚩🚩🚩🚩🚩🚩
دار المرتضى هليله حزنانه
ومحرابه حزين وينعه قرأنه
زينب تنتحب والروح خلصانه
على فگد الولي مابيهه ضل حيل

✍🏻  ام حسين العيساوي
🚩🚩🚩🚩🚩🚩🚩🚩🚩
تمت بعون الله بقلام شاعرات رابطة سيد الشهداء عليه السلام غير مبري الذمه الي يحذف الاسماء او تلاعب بيهه
◼️أنت المعزى سيدي يا صاحب الزمان ... عظم الله
https://t.me/ahwazyh90

#الطميه_بديوان_بحر_الولاء_الجزء_١٤_.


لطميه للأمام علي عليه السلام "للأب"


شلي بلدار وانه فاكده الوالي
ابوي الدللاني ما دره ابحالي
❥━──➸➽❥💔❥━──➸➽❥💔
شلي بلدار ما اكعد بعد بيهه
يتمني الحنين او مارجع ليهه
ظلمه او محزنه من عكب راعيهه
ضيعته او بكت بس صورته اكبالي
❥━──➸➽❥💔❥━──➸➽❥💔
دللني الابو واليوم بجاني
شايل هيبتي او بلدار خلاني
وحشه ضل مضيفه او كثر احزاني
نحلانه عليه او منشده بالي
❥━──➸➽❥💔❥━──➸➽❥💔
منه ايست من غمض عيونه
ولده ابعازته واليوم يردونه
يا راعي الحميه حمل اضعونه
وحشه البيت من عكبه او صبح خالي
❥━──➸➽❥💔❥━──➸➽❥💔
شلي بلدار عكب عيون والينه
شايل للمكابر مايرد لينه
يا راعي الكرم ما يرجع علينه
اشلون انساه يلطوله ايتراوالي
❥━──➸➽❥💔❥━──➸➽❥💔
ابو الحسنين شال او عايف ادياره
خلاني اونن وابجي ابداره
شايل هيبتي وانكطعت اخباره
فلت وانتهت وياه للتالي
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

🏴أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

فزاعيه للاب

وين يريد حمل راعي البيت

اعليك النوح بويه ليش ماجيت
🏴🏴😭💔🏴🏴
وين تريد يا سمعه نزلنه

بعد يالابو جا منهو النه

هذا الموت اجانه وكلنه طشنه

شيلمنه خلافه // تبدينه }
🏴🏴😭💔🏴🏴
طشينه  يبوي خلاف عينك

معتازين نشبع من حنينك

حاجيني وكلي اليوم وينك

ياحيل فراكك // هدانه }
🏴🏴😭💔🏴🏴
يالتسوه العتب بويه واكلك


ناوي للنجف ياحيف شلك

عباره عن محله انته كلك

وبيش امجانه // ايسدونه
🏴🏴😭💔🏴🏴
اون اعليك ماطول نفس بيه

نايم بتراب وحار ذاريه

يا ذاك الرسم خربت محاجيه

{ عيب انساهه // العيله تمر } }
🏴🏴😭💔🏴🏴
بويه بيش اصبر روح جتاله

اندهك لو اجت ردلي العياله

هاليوم الكلب متلولح شماله

البين خلافك // طكاني }



الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

لطميه فزاعيه✍
للامام علي
عليه السلام🏴👋
طلب من احدئ الخادمات
🎤🎤🎤

ابوي اليوم صبح بالغريريه
لارض النجف شال ومادره بيه

هد حيلي الشايل مني

🎤🎤🎤

صبح بالنجف راعي العزوبيه
عايف داره وعايفله بنيه
وعايفله يتامئ وماحجه بجيه

وين مغرب شيال الكلفه

🎤🎤🎤

شيال الكلافه اليوم يردونه
للكلفات والضيجه يندبونه
ابونه الحيد بالشدات ينخونه

بالشدات وبالعازه اتنخه بحيدر

🎤🎤🎤

لو جاستك ضيجه اتنخه بسمه وكوم
ابو الكلفات حيدر يحضر المهموم
انخاه ياعلي من كلبك بهل يوم

لو صارت ضيجه اتنخه وصيح الحيدر

🎤🎤🎤

زينب بت علي تبجي اعله واليها
اجينه اليوم ليها احنه نعازيها
عوانه امشنه الهه اعله لهاليها

نعازيهه امشنه نروح

🎤🎤🎤

نعازيها العقيله بالمصاب الصار
مفجوعه بابوهه حيدر الكرار
ظلت تبجي حزنانه بقت بالدار

عازيها الدار وزينب

🎤🎤🎤
تمت بعون الله تعالئ
بقلم✍شاعرة اهل البيت
ام احمد ( البصراويه)
https://t.me/ahwazyh90

#فزاعیه مع هوسه

من بعدالولی    صرنا یتیمات

-----------------------
من بعدالابو وظلمه الدور
وانته یالابوساکن بالگبور
والدیوان عگبک صار مهجور

*دیوان العز سدو بابه*
-----------------------
اگعدیابوی وخلنی احاچیک
ومن بعدک بتک تعتب علیک
گوم اگعدطلابک تنادیک

*لاگیهه خطار الجتک لاگیها*
-----------------------
شایل لیش وبناتک عفتهه
عگبک  عینک  شلون حالتهه
بعدک یلولی وصعبه لیلتهه


*هدحیلی یابویه افراکگ*
----------------------
تانی یالرایح للغریریه
نایم خوش نومه بلثنیه
وبناتک عگب عینک خطیه

*ایذلوها وابناتک بعدک ایذلوها*
-----------------------
اجانه العید ریته لااجانه
ظلمه وموحشه بعده دیوانه
نصیح بصوت یاحید رد النه

*ارجع لیهه وایتام اتصیح*
-----------------------

✍🏼 #علویه ام فاضل

❌غیرمبری الذمه یحذف اسم❌


🏴أنت المعزى سيدي يا صاحب الزمان ... عظم الله اجوركم💔

https://t.me/ahwazyh90

#قصیده فـزاعیـه

ندهولی  الولی   مو وکت هلنومه
عنی الیوم  شال وضاعت ارسومه
┄┉❈❥ًً❀💠(❀❥❈┉┄
لا تمشی یبویه العید هل جانه
من بعدک  صفت ظلمه دنیانه
تبچی علیک کلها الیوم حزنانه

*(( احنه انریده//والوالي الیوم))*
┄┉❈❥ًً❀💠(❀❥❈┉┄
یامحله الابو ومحله حاچایاته
و عنه من مشه تبچی ابنیاته
وهم تعود ویاهن یگعداته

*((یاموت //ابعد خلی الوالی))*
┄┉❈❥ًً❀💠(❀❥❈┉┄
یامحله الابو ومحلاها ارسومه
بعدعینک یبویه الروح  مالومه
ما هاد الگلب و کثرت اهمومه

*((مهظومه //من شال الوالی))*
┄┉❈❥ًً❀💠(❀❥❈┉┄
علی افراگک احن ومنهدم حیلي
اصیح ابصوت عالی مانمت لیلی
من بعدک یبویه ضایع ادلالی

*((راح الهیبه//یاگلبی احزن))*
┄┉❈❥ًً❀💠(❀❥❈┉┄
تون اعلیک روحی ماغفت لیله
یاوسفه رحت یمباری العیله
والله اخلاف ابونه المدمع نسیله

*((والدار //اخلافک حزنانه))*
┄┉❈❥ًً❀💠(❀❥❈┉┄
های الدار گلی شلون اطب بیها
وعیونی ترید الیوم راعیها
ابو الحسنین شال ومارجع لیها

*((وافراگک والله//یهدم بحوالی))*
┄┉❈❥ًً❀💠(❀❥❈┉┄


تـ✍️ـمـ✍️ــت

✍ #علویه_ ام فاضل_

❌غیرمبری الذمه الیحذف الاسم او
🏴أنت المعزى سيدي يا صاحب الزمان ... عظم الله
https://t.me/ahwazyh90

فزاعيه جنوبيه للامام علي (ع)  وكل من فقد الاب

جبير البيت صبح جوه التراب
كسر ظهري بغيابه وكلبي انعاب
😭😭😭😭

سبع وبخيت من يحجي بعداليه
صدر ديوان ابونه وكله شخصيه
سگف للبيت جان ونگعد بفيّــه
( ظل خالي عگبه البيت اظلم)
😭😭😭😭

عمود البيت ابونه وسورنه العالي
شايل للگبر والبيت ظل خالي
بعد ماظل جبير اخلافه للغالي
( راح الوالي ياگلبي احزن)
😭😭😭😭

درر حجيي الولي ومابيه كل ميله
حكمه وموعظه للراد يحجيله
يستاهل لطم ودموع نبجيله
( ونينه للشال وغرب)
😭😭😭😭

بتراب الولي نام وغفت عينه
النايم باللحد مايرجع اعلينه
نعايدمن بعد من شال والينه
( لا تدك بابي ياعيد ابعد)
😭😭😭😭

انه عيدي الولي والوالي ماهوه
تون روحي بغيابه وكلبي اتجوه
ماظل حيل اجرن بالجدم گوه
( انهد حيلي بغيابك بويه)
😭😭😭😭😭😭
تمت بقلم الملا يقين الكربلائيه
اهدي هذا العمل الى مولاي صاحب العصر والزمان
غير مبري الذمه من يحذف الاسم

◼️أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

فراعيه للاب

تهد بسلاح ذوله اهلك العياله

واحدهم سبع والماو يحلاله
🏴🏴😭💔🏴🏴
ذوله اهل تفك واهل شواجير

واهلك عزبت بس للخطاطير

مكسوره جناح وروحي تصير

شيوخ الوكفت // يرودنه
🏴🏴😭💔🏴🏴

وهاي دلالهم متخدره بهيل

عليك مكدره ما نايمه اليل

ذوله شيوخ ماعدهم زلم ميل

جم كازه // انشد واذبحلك
🏴🏴😭💔🏴🏴
بس عدكم تره لعبت الرشاشه

هاي زلام كلفه موش وشاشه

ما عدكم اغم كلفين يا حاشه

{زلم الهيبه // ياما و اشهد }
🏴🏴😭💔🏴🏴

وين يريد خيال المليحيه

هذا البمعارك حيد طاريه

لا تبطيش ما احمل مهضميه

{وياه اتعاتب//ودوني }
🏴🏴😭💔🏴🏴
اريد عتب عليكم ولعتب بلوه

جوه تراب هذا الخوته حلوه

يا تجايتي وانته الي سلوه

{من يوم الغرب // ذلينه}


الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم الله
https://t.me/ahwazyh90

فزاعيه للاب

سبع يازين يمبجي الدواوين

واهلك عارضه وكلها مسلحين

وين يريد ابو دله وفناجين

صاير نومكم كله على العين

انه اريد اليكلي لا تهمين

نامت كل شواربكم عله طين

يا روحي عله العيله تعيلين

يرف شواربه يوم التزمطين

ما بسج ونين اولا تونين

شال من ازاطمتي//جاوين الكاه

🏴🏴😭💔🏴🏴

وين الكاك يمخوف اليعيلون

اريد اعميج هذا اليوم يعيون

عله اسباع الكلايف ما يردون

ذوله الزامطو لا ما يزمطون

بعد هيهات اهل كلبي يرجعون

الكلفه اتريد // الوهامه

🏴🏴😭💔🏴🏴

عليك اليوم اجت تنشد الوهامه

ضهري منحني ونفلت احزامه

شيعود الابو شيردهن ايامه

تون الروح كلش حيل محتامه

يزتونه بتفك وخيول جدامه

هذا البمعارك يدك دمامه

خلي اهل الخيل // ايزتونه



الشاعرة العلويه ام كنان الهاشمي
🏴أنت المعزى سيدي يا صاحب الزمان ... عظم الله اجوركم💔
https://t.me/ahwazyh90

قصائد الابو 😭
🏴🏴😭💔🏴🏴

#نعاوی. #للابو_للولیان

خیال دردفنی وراک
امن الهیف غطینی بعباک
تباب الخلا وبات ویاک
تسعر نار گلبی

اجیت وشچیت الحال عده
رف شاربه ولغیض شده
العایل علیچ الزمه حده
یعمن وشدنهن اعیونی

واجف عله راسی وسلم
وماخلته العبره ایتکلم
مدری حچوله یو امعلم
صوصه الخله ولبگ اضلوعی یمه

واجف عله راسی ونشدنی
انا احوالچ یبویه معجبتنی
جاسچ هظم لو ذاکرتنی
مالوم ما یبراش گلبی ولله بویه

سیارتک طرت المگطاع
وتمشی اعله گلبی موش بلگاع
بویه شعاجلک یاحلو الطباع
من سوده علیه بویه

ودیت للیلوع لوعی
وبشطفته يمسح ادموعي
وینشدنی عله رخصی او یوعی
ابعازت حنين اعاتبنه

ودیت للیطلع الونه
براسه شقابه وعرفنه‌
زین وتهاب الزلم منه
ذلیت ذلانی زمانی ولله بویه

وديت خط اويه الطروش
گلبي انملخ من الهروش
ارجع يوالي الحال مشلوش
چا لیش گطعیت بویه

یحگلی لصبغ اسنونی
وخلی العصابه عله اعیونی
چا لیش هیچی ضلمتونی
یهل گلبی لیش یویه

صعدت الیبل ولیبل یخرش
ونگطع من گلبی هرش
اخلاف الولی لابعد مادش
ادشن بیتک انه شسوی ولک بویه

یابعد انه وذول الیسمعون
یردون یختاضون یرضون
مثلک یبویه مایصیرون
یابوی یاحنای ضلعی

چهبت الولی للشوف اجیت
وخالی نزلهم یوم طبیت
ثگلت عبرتی وایسیت
عینی البچانک ماچابس ولله بویه

للناشره ام وسام الاهوازیه

https://t.me/ahwazyh90

#نعاوی #للخوان

جرت دمعتی گامت تبدی
وطروش للوالی اودی
بعده بخوته لو جاز منی
احوی خویه احوی خویه

بینی وبین الولی فیه
یا خال الولد عالو علیه
یبن امی اریدنک تچیه
علی ظیم بس بین علیه

عینی عله دربک ربیه
وگلک عله العالو علیه
العایل علیچ اوسده المنیه
شبعت مذله وظیم روحی

ودیتله ولیل یابه
وسگیط النده بلل ارچابه
گلیلی لو عدچ اطلابه
انا بعوز الولی وضلیت اردم

ودیتله ولحوم حایم
ویفززه لو چان نایم
یبن امی کتلتنه الهضایم
چندوب اگل للیار خویه

ودیتله بلیل بلیل
ودیتله بمسابج الخیل
اتحزم یخال الولد حیل
یبعد انه وبناتی

گلولهه تسلک اویه الناس
اتبطل الشقابه اتهبط الراس
ومن صوبنه خل تگطع الیاَس
تانونی وانه الحگ یا ابن امی

راس الشقابه هبطی
ولسانچ حدر رجلیچ حطی
ولتکرهینه انوب ودی
معیول بیه وجیت احشمک اخ یمه

گلولهه تبچی اشخبرهه
ایقل شوفهه ویعمه نظرهه
اتچل چلت الحیه بیفرهه
ذلیت خال الولد نایم لیش خویه

گلولهه تبچی اشترید
لحنه بحبس لحنه بحدید
تتبع ظعنه انچانهه اترید
ونی وراددینی یبت امی

الناشره ام وسام الاهوازیه
https://t.me/ahwazyh90

گولات فواتح. #للمکتول_للشباب


کون مزامطه وبیده المکنزیه
کتلته بوگ یادگمان یخریه
کون مزامطه راسی ماگصیته
فوگ امن النزل فنک لاگیته
کونی مزامطه وفنک تحاچی
میاح الریال وعیب اتبچی
ارید احچی عله المکتول خرمیه
((ما رد ایده من صار الطگ))
عل مکتول من جونی یخبرونی
طلعت مدوهنه ماشوف بعیونی
ضیعت الدرب یا ناس دلونی
((وما جاهه یسمع صوت امه))
احمدونی عله عگلی دحمدونی
لانی مسودنه ولا ذابه اهدومی
لانی مسودنه ولا جیت فوگ البیت
یوم الیابو اعلومک یبو توالیت
لانی مسودنه ولانی المجنونه
اشلون البلگبر وهله ایتریونه
((خلو یگعد ماهو یومه))

للناشری ام وسام الاهوازیه
https://t.me/ahwazyh90

گولات فواتح. #للمکتول💔


ها یم الولد شو نایمه اتشخرین
لنتی مسودنه ولبحده وتیولین
مکتول الولد ولدم جره اعله العین
((مکتول ومحد تچاله))
گومی هلهلی یم شیلت البلبول
یعارچ بلظهاری ولشعر منثور
یطارش روح شوف ام الولد شتگول
تشرب مای بارد ولولد مکتول
((ونهد حیلی من یابو علمه))
حس التفگ ضل یردی وره البیت
والیهم یخال ابنی وتکفیت
خذو بغدار الواویه یاحیف
((مالک فخر بیهه یلصبته غفل))
بزندک یا ابن امی ادگوگ ترکیه
هوه وحده عارک الواویه
عافو وشردو ربعه یلخریه
عافو وشردو ربعه یهرداله
ما مرو عله ابن امی وخذو ثاره
ارید احچی عله المکتول اذکرنه
((وتچیله احظر یبن العم))

للناشره ام وسام الاهوازیه

https://t.me/ahwazyh90

گولات فواتح. #للشجاع_ولزین

ارید احچی وصیرن مثل زنوبه
اثلیثی وصوتوله وهای بنوبه
اثلیثی وصوتوله ومهاته اویا
ایحم منه عدوه وینچره ملگا
اثلیثی وصوتوله ونحچه ابیومه
عله راگ الشریعه شایعه اعلومه
((امصوتله وثابت یومه))
یا صَل الصگط من فوگ الگحافه
ورابی اعله النده ولمای ما شافه
یوصفون المنومس چه بزر آفه
اهلال العید یلمتعب الشوافه
((لو صار الطگ یلعب یوله))
یرضه الله الغبر ولزین کله اعیار بلگبان
الاسد مثل السرای یثور منه اسنان
یفرح بلمکنزی ومن یثور الزان
((ویتونس لو صارت عیله))
یا صَل یا شهم یا آفه یا عربید
بظلام الیل اسمک زلزله ورعید
انته الاسد یخسه الاسد یا صندید
((یمعدل ولماو اتلوچه))

للناشره ام وسام الاهوازیه
https://t.me/ahwazyh90

گولات فواتح. #لزلمه_الزین_المعدل

درب الصد کلف لداش میدانه
لو ثار المکنزی وعجد دخانه
ایرید ارجال من ملگاه عیزانه
مو کلمن یگوم ایگول هاذ انه
یحچی اویه الزلم وینسف اردانه
ماهاب الخطر لو لوه بذرعانه
((وصاح انه من گالو حیهم))
ممنونه عله نشمی یممنونه
لیش تموت یامن عاچف النونه
رداد الکلام اعله الیگولونه
امعلم للحچی یلما یعلمونه
امثنی لرصاص وعارض امتونه
ایو ربعه المنومس یشورونه
لا یحچی المخطیه ولا یکرهونه
عدنه ازلام تتعلم عله افنونه
((وهاذه اعله الماو امربینه))
حلالی احزام اخوچن ولیرغ لایج
یا نیمة ابريهه السابجه السایج
واجف للنخه وللیای مضایج
((ویتنخینه وبراس الحد))

للناشره ام وسام الاهوازیه

https://t.me/ahwazyh90

#نعاوی
بحق الام والابو والاخو ولآخت

لو ضاج انا خلگی الضحه
ابدی عله یاری گباحه
بس گعدتی ویه امی راحه
لو شالت امی یاهم اهلی
😭😭😭😭😭😭
الیوم. امی یایتنی
ودشت علیه وشالت ابنی
اشیویعج یمه انشدتنی
الیوم عنیتی علیه ولج یمه
😭😭😭😭😭😭
یما صار العصر صار الغروب
وگلبی عله امی ضال ایلوب
یما چندوب اگل الصبر چندوب
عنن علیه العاشرنه
😭😭😭😭😭😭
روحی وروحچ فرد معلاگ
وثنینه مانحمل افراگ
وشفرگ ظعنه من غیر میعاد
شفجه ولچ یایمه
😭😭😭😭😭😭😭

نگعد حدر فیچ یتینه
نگعد انا وامی الحنینه
اریدچ لخوی تعاتبینه
یمه اهلا ییمه
😭نبدی عله الخوان اشویه😭

لاگیت اخوی انه وبچیت
خذه ابخاطری ویابانی للبیت
عله شوفتک خویه حتامیت
یما خوال الولد عنو علیه
😭😭😭😭😭😭
یمه یبچی الولد جرجر اذیالی
وایگول ودینی الخوالی
اینه ولگینه الحوش خالی
انه ابشاربه الگل لبنی خالی
😭😭😭😭😭😭
بعد گلو لختنه لاتجینه
ولا تگطع الفیه علینه
وبلمگبره تبدی علینه
یلولیان یمه
😭😭😭😭😭😭
بیت الولی خیه اشحلاته
وربع حراثی موافجاته
راح الیحیی الخواته
چندوب اگل للیار خویه😭

😭شویه خل نبدی عل ابو😭

😭😭😭😭😭
یانی الابو سلم علی بل باب
ینشد علیه چه ماخذه اجناب
الماعدهه ابو چابیش تنهاب
ضایج خلگنه انرید ابونه
😭😭😭😭😭😭
کل الهله بلجای یهرف
وکرکوشت السبحه ترفرف
عنده الطلایب عیب تکلف
هله بیک بعد انه وفروخی بویه
😭😭😭😭😭😭

هله بشایب طر الجزیره
وینشد عله بته الزغیره
وبلظیم یابته الچبیره
الحگ علی بویه یبویه
😭😭😭😭😭😭
دش ولگانه جاعدات
وماگال من جعدن چثیرات
وینشد عله باجی البنات
تبچی البنات اهلهه اخ بویه
😭😭😭😭

😭شویه نبدی عله الخوات😭

یمه خیعونهه الیارتهه اختهه
دشت علیهه وفرحتهه
شتردین خیه ناشدتهه
یمه عنت علیه خالت ابنی
😭😭😭😭😭😭😭
اشمحلاهه یادشت الخوات
یمه دشن علیه مستهمات
مدری اشعلینه سامعات
خیه یبت امی
😭😭😭😭😭😭😭😭
یملابستنی بلهدوم
ویمشارچتنی بلهموم
مگدر عله افراگچ ولا یوم
چا وین تلگاهه یگلبی
😭😭😭😭😭😭😭
ضاج الخلگ ولهم تلملم
وعلیمن انگلک یاجدم
انگلک عله شچایت الهم
یختی یبت امی😭

😭😭😭😭😭😭

((شوی نروح صوب الحبایب))

حبایبی یاطین حری
رملت علی ذیج التذری
ویانارهن بگلب تسری
تسری ییخیه وعیب تطفه😭
😭😭😭😭😭😭😭
ردنه الحبایب لشداید
لمن نمیل اعله الوساید
وصبح ولمنه الیوم زاید
خلصن حبایبنه وبچینه
😭😭😭😭😭😭😭

للناشره ام وسام الاهوازیه
https://t.me/ahwazyh90

گولات فواتح. #للاهل_ولاحباب

دوهانه غدانی البین دوهانه
شربنی یخیه اگلاص سکرانه
چنت ابجالکم یهلی شبطرانه
چنت مدلله واکلی بگاشیه
چنت ابراس عیطه ونثنت بیه
((وصرت اهدال ولعیله مضت بیه))
اهلنه وین یاخیه شمرونه
ابیا بهیمه وبیا صبخه ذبونه
امرن بلمنازل تگول عافونه
((ولچ یاخیه اشلون مافگدونه))
خلصتو یاهلی چنتو ترس عینی
لا بیکم ردی ولا بیکم ادوینی
خلصتو یاهلی یلکلکم افحوله
ولا بیهم ایو مریض تعافوله
نهلانه اعله اهلنه وحیل مابیه
((العیاله ومنین انجیب))
https://t.me/ahwazyh90

گولات فواتح. #للشیوخ

ذبح عشرین وضل یصلخ بلمیه
وشلب المهبش حالی بواریه
ودهن الطحیمی صافی بصوانیه
ارید احچی عله الکلهم اعزوبیه
((ومجبور ابنه یسوی افعاله))
دگت الگهوا وکصر فی العصر
معزب المیدان ولگمگم صفر
دگت الگهوا ولعبن فناجینه
وجت الخیل تنشد ابو هلا وینه
امعزبهم المنومس لو صار المَن تسمعیه
شلب الغبر هل حالی بواریه
شلب الزین خلص للعزوبیه
ارید احچی عله شیخه وهالیهه
((وبیامه انشد وتفطن))
ما یحتاج تنشد وین بیت افلان
البیت امن الشمس بین بلا عنوان
حس هاون یدگ ابوسطت الدیوان
((ودیوانه مضیعه وینشد))

https://t.me/ahwazyh90

گولات فواتح. #للایواد_ولاحباب

امر بدارهم ولگه حثال البُن
عله ایواد الشفتهه یاگلب شتون
الایواد الشفتهه مبرسمه اعبیهه
تفور ادلالهه وتجلی بگهاویهه
ویهوا ییمه وحیل مابیه
من فتگ الولانی وذب علی ذیه
باچر بلحدود تصیر مثریه
یاتفگت هلی الناجلته لخریه
ویهوا عله البین وطراجیعه
((وعله اعیونی البین اصطرنی))
امر بدورهم مامش هضل بیهه
اضن بدای لو شایل یراعیهه
بعد چم یوم یابویه وتمر بیهه
ویهوا یبویه وحیل مابیه
امر بدارهم وتگول عافونی
وانه الغالیه وبلظیم خلونی
بنوبت هوش وعش زرزور حطونی
ارید احچی عله الشالو فرد شیله
((وذلینه یطارش گلهم))

https://t.me/ahwazyh90

گولات فواتح. #للدنیه_ومصایبه

چبحچ یلدنیه من تمیلین
بحیارچ عله الخیر تگطفین
وچفیتی الگهاوی ولدواوین
چبحچ یلدنیه ودوم حیاله
اتعلی بلنذل وتچثر بماله
چم خیر ابخیر چفت ادلاله
ارید احچی عله الدنیه ومصایبه
((ومیاله الدنیه اویه اهلی))
الدنیه امناجیه ویاهو الیناجیهه
تنفی احیاد من تچفی اویه راعیهه
وتهدم ابیوت وتخرب مبانیهه
سفیهین العگل یل اَمنو بیهه
باَولهه الفرح ولبچی بتالیهه
ارید احچی ییمه وحیل مابیه
((ویانهه یادنیه شمالچ ))
عله لحظه الدنیه لعبت بحالی
خلتنی ذلیله وما الی والی
الحید الشال ولله گطع دلالی
نهلانه علیهم حیل مابیه
((اتبز عینی کلیوم الدنیه))

https://t.me/ahwazyh90

#من_ديوان_قُربانُ_الطف_ج11
قصيدة للأربعين(يعمن عيوني)
❥━──➸➽❥❂❥━──➸➽❥❂
السيدة زينب عليها السلام عندما وصلت كربلاء وشاهدت قبور اخوتها نادت:

ولياني وعليهم يعمن عيوني
اريد ابچي عليهم حيل خلوني
❥━──➸➽❥❂❥━──➸➽❥❂
اريد ابچي عليهم واجهر الونه
فرگاهم كلف وشلون احملنه
يچوي الروح والدلال احسنه
الون والنوح للماتوا وعافوني
((وعليهم كل وني ونوحي))
❥━──➸➽❥❂❥━──➸➽❥❂
ونيت وعليهم هلت الدمعه
النايم باللحد ياناس شيرجعه
احا يفراگهم دلالي يفجعه
منهم أيست وانگطت ظنوني
((ماتوا يعزازي اولياني))
❥━──➸➽❥❂❥━──➸➽❥❂
صحت يخوان جيت اليوم مهضومه
صار الأربعين وروحي مالومه
خوال الولد گعدو طالت النومه
ماحسبت هيج بساع تنسوني
((فرگاكم يوجع اذاني))
❥━──➸➽❥❂❥━──➸➽❥❂
من گبر لگبر افتر وازورنكم
بعدني بعوزكم لامشبعت منكم
تسرون اويه دمي والله احسنكم
بنومتكم عله الغبره فجعتوني
((مفجوع مفطر دلالي))
❥━──➸➽❥❂❥━──➸➽❥❂
من درب اليسر رديت محنيه
بارض الشام ماتت يخوتي ارقيه
عفتهه وجيت انوح وحيل مابيه
بالايتام والله حيريتوني
((بايتام الماتوا محتاره))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*🤲

https://t.me/ahwazyh90

🎤📚📓قصيده للديار التي خلت من (الحسين ع) العليله ع

ولج يـادار وين اهلج مشو وين
اشــوفج خاليـه وحدج تـونيــن

ولـج يـادار علــمينـي بــالعـزاز
ســهم فــراكـهـم بكلـيبي بـزاز
المـفارك تـراهـو لأهـلـه يـعــتاز
وأنــه للمشــو بَــــسّ اهمل العين

يادار اعزازنه لا ماطب ليج
ولا فد يوم عيني تعاين عليج
عكب ارسوم اهلنه اتراب غاطيج
ومثل نوحي عليهم هالتنوحين

اعتب والعتب مافاد العتاب
عميت اعيوني بس انتظر علباب
ضليت بحزن والدمع سجاب
خلوني بهضم بين الحياطين....

ولج يادار وين احبابج اليوم
صار فراكنه والعتب محتوم
اعتب والعتب مافاد للدوم
ضل طير الحزن ينعه بلونين

يدار اشلون حاجيني بعدهم
ماضل ماي بعيوني ابفكدهم
ريت الموت ياخذني لعدهم
ماضلي صـبر بعـد المـحبين


ولج يادار وين العاشرونه
عافوج ومشوجنهم نسونه
ماضنهم بعد ويلي يجونه
الدار خلافكم تنعه يطيبين


بشراف الشاعره ام زين العابدين المحمداويه
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام🥀

https://t.me/ahwazyh90

نوحيه للأربعين( صاحت ما تگعدون )


يوم الأربعين أم عون ردت
يم أگبور أهلهه أتنوح گعدت
صاحت ما تگعدون
ها يا نور الأعيون
والله الروح ليكم يهلي حنت
يوم الأربعين أم عون ردت
❥━──➸➽❥💔❥━──➸➽❥💔
ردت بالحرم والروس وأطفال
گوه تمشي وأتسحسح بالأذيال
صاحت يا خوال أبني يالأبطال
ما يرهم عليكم نوم الأرمال
جيناكم يالأحنان
من وليت العدوان
بس خوله أو رقيه أهناك ضلت
يوم الأربعين أم عون ردت
❥━──➸➽❥💔❥━──➸➽❥💔
سلمنه عليكم من دخلنه
ما وأحد گعد منكم يهلنه
صحنه حسين ما تگعد تلمنه
بعد أفراگ يبن أمي رجعنه
جينالك بالأعتاب
ها يا نسل الأطياب
روحي أعليك يلمهيوب شاغت
يوم الأربعين أم عون ردت
❥━──➸➽❥💔❥━──➸➽❥💔
يا خال الولد جيتك بالأعتاب
أعتب والدمع من عيني سچاب
أدور بالگبر بلكت أكو باب
أريد أدخل وأشوفنك يحباب
بالتربان ممدود
يالكلك وفه وزود
صدگ يحسين هاي الفرگه صارت
يوم الأربعين أم عون ردت
❥━──➸➽❥💔❥━──➸➽❥💔
أشوف أبكربله أگبور السلاطين
عباس الشهم وأبن أمي حسين
ذاك الأكبر أو جسام الأحنين
شبان أشحلاهم ما معرسين
ليش الموت أجاهم
شبان شحلاهم
وأسكينه أعله گبر الحيد ونت
يوم الأربعين أم عون ردت
❥━──➸➽❥💔❥━──➸➽❥💔

*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*

https://t.me/ahwazyh90

#حصریا نعي جدید للولیان


حطیت حملي وچیمته
وندهیت اخوي و عاتبیته
چا لیش حملي اتعذریته
هلا بیک یبعد الیوجعني
ـــــــــــــــــــــــــــــ

بادن ادیه وطاح حملي
وراح الیلم بیدینه شملي
انه اخلافه بعد بالعمر شلي
تعبانه وارید الدللوني
ــــــــــــــــــــــــــــــــــ

ردتک تضل هیبه وتچیه
و عینک  تحط خویه علیه
ما حسبت تلفي المنیه
عمیانه عله الخوان عیني
ـــــــــــــــــــــــــــــــ

ارید اعاتبه موت الخذاه
و اگعد ابسده وانحب احذاه
مَرّد دلیلي یــوم مجفاه
خایبه میته ولا یدرون بیه
ــــــــــــــــــــــــــــــــــ

مجفاک خویه حیل یچوي
وخرب نزلنه الچان مبني
ونیت خویه وعیب تدري
نهلانه من یوم الجفوني
ــــــــــــــــــــــــــــــــ

تمت بعون الله تعالی
#کلمات یاسمین الشموسي

https://t.me/ahwazyh90

قصیده للاخوان{{ نارک بالگلب}}


نارک بالگلب خویه اشیطفیها
روحي امدوهنه والضیم غاطیها
ـــــــــــ🏴🏴🏴ـــــــــــــ
تسعر بالگلب والروح لهابه
فوگ هموم گلبي ناره عطابه
ترف خدک وتچوي حیف الترابه
روحي اعله التراب الیوم والیها
ـــــــــــ🏴🏴🏴ـــــــــــــ
مشتعله بغیابک گابه ابناري
مالحگینه جرحک نگعد انداري
اموت ابداعتک لو اچهب ابداري
متروسه صور اشلون اصد بیها
ـــــــــــ🏴🏴🏴ـــــــــــــ
عفتني ابلوعتي للضیم والونه
اموذر عالرمل بالعین اشوفنه
جرحک بالگلب یا خویه اهیسنه
عزیزه وغالیه زینب تجافیها
ـــــــــــ🏴🏴🏴ـــــــــــــ
الفرگه اوداعت الله سلت احوالي
اموتن کون ویاک انه اشوالي
ابدال العافیه بس ضیم یبرالي
زینب ناحله منهو الیباریها
ـــــــــــ🏴🏴🏴ـــــــــــــ
زینب ناحله ضلت ومهضومه
ابد متلوگلک یحسین هالنومه
اشم ابعمامتک والروح مالومه
عگب الفارگهه من یسلیها
ـــــــــــ🏴🏴🏴ـــــــــــــ
تمت بعون الله تعالی
کلمات یاسمین الشموسي
نسالکم الدعاء

https://t.me/ahwazyh90

حبايب عيني انتن
الي ماتعرف لطور مال الگول لو لطور مال نعی الادزه بلقناه خل تجی خاص وعلمهه عمری انتن🌸

@T_UU0Y
حبايب هاذ'خاصي ادخلن وعلمجن عل طور👆🏻

گولات فواتح #للنسوان_الزینات

بیتک طاح یلگلت سوه النسوان
بیهه مخبله وتخرب الخوان
بیهه مشرشبه وتعارک الجیران
((وهای اعدال ابن خیون بلدیوان))
یحسبون النسه کلهن فرد شیله
وبیهن عاجله وبیهن مخیبیله
وبیهن بلمجالس تعدل المیله
یحسبونچ مره ومشیله بشیله
وانتی اعدال من شد اعله الکحیله
وانتی اعدال ابو دله وفناجین
((امغربه یاکمیله وین تردین))
یانبعه ویشتلونچ بلحدود
اخوچ البلمجالس دوم مفگود
یانبعه ویشتلونچ ابلطلاطه
اخوچ البلمجالس عگب ازماطه
یانبعه ویشتلونچ بلجبال
ااخوچ البلمجالس دوم عیال
ویهوا عله الوذنات ممنونه
((وراسچ عالی من زود اهلچ))

https://t.me/ahwazyh90

گولات فواتح. #للحبایب_للام

یایمه ونتی بیرغ العسکر
الچ عزال منهن موش بلدفتر
ارید احچی علیهن ولحچی بلوا
ریحتچن اخضیره لو هب الهوا
ارید ویاچ یمه ومارید الهوا
((وحگ الله ییمه موتتنه سوا))
حلو احیایهه المشتول عل هامه
اهلهه اعله الرصاص الحار وهامه
عليمن تنشد اخوتهه یدفان
فوگ امن السلف حطو العنوان
وهای مکمله کل غلط مابیهه
((ونصبه ولچناین راضیه اعلیهه))
ارید اروح الجناز الکدیشات
لا تطبج کدایش ویه اصیلات
ارید اروح للجناز وحچیله
((لاتطبج کدیشه ویه الکحیله))
محد بلمحنه ایصیر مثل امی
تشیل الظیم منی. وتشرچ بهمی
حنینه ومانمل من لذت ارباهه
گلبی الفارگاهه الیوم رادهه
((ومضیعه امی وین الگاهه))

https://t.me/ahwazyh90

گولات فواتح. #للنشامه_واهل_الماو

یلوگ الماو بی مویات مویات
ولایگ بید چتال الحیایات
یاچف المراجل ریت لا مات
یاچف المراجل بارعه اعیونه
راس زماط للکلفات ینخونه
الحگ یبچی عله اریال الیطلعونه
ارید احچی عله البرعین ممنونه
((یلماشی ابلیل انده ذوله))
عرکه بلجبل ضخری یشالیهه
حط چفنه اعله متنه وهل گطع لیهه
میاح الرجال وما یحاچیهه
صعد ویگول بلعاگات شهدولی
یصیر العصر ولعاگات نگضیهه
ویهوا عله کل زین ومنومس
((امن احچیله یستاهل هاذه))
اروحن للگبر وحفر برجلیه
وگللهه یخویه عالو اعلیه
اریدلی ولی ایهد بطرگ ثوبه
ولعایل علیه ایلزمهه ادروبه
ولعایل علیه الیوم زامطنی
ویگلی ذلیلت راس وهضمنی
ویهوا ییمه وحیل مابیه
((ویزماطی اشلون اتغرب))

https://t.me/ahwazyh90

#نعاوی. #للولد_للشباب😭


ردتک تشیل الحمل ردتک
وتالیهه گبل روحی دفنتک
اشلون اتعوفنی یبنی عله بختک
احا ینار لولد حیل تچوی💔😔😭


عبریت مچریه و نهر مای
وحس الولد یبچی ورای
مدری عطشان لو یبچی اعله فرگای
یلولد یمه

علوا ییمه ماتنسیت
ولابیک نص الیل طلگیت
یبتک ییمه شحصلیت
عنو علیه یلولاد یمه

ربیتهم وربای زین
مثل الِعیب ابحگت اگطین
ردت الولد لو هملت العین
چندوب اگل لروحی اصبری😭

احطک بحضنی وگعد اگعود
وزیزایت الماتاجد العود
ویلولد وصله امن الچبود
مثل عجد الگصب مرضوض حیلی😭

حگهه الخلگ اتلوم بیه
لأن مادرو بضیم العليه
راح الولد من بین ادیيه
يلولد يا حناي ظلعي😭

کون الولد ینباگ بوگه
وبگته بتراچیه وطوگه
راح الولد ولحیل فوگه
غرب ظعنهم ولچ خیه😭

حطی الولد بین لبینچ
مدری جنینی لو جنینچ
هاذه الشلع عینی وعینچ
علیک اصبی العین مولح یلولد یمه

انا الخاطرک فضیت خلگی
وحملت الشتیمه ونعلت اهلی
وانا الخاطرک یا. ابن بطنی
یمه چبح طالعه الیلگف حرثتی😭


يدفان حط الباب بلباب
وحط الشباب اعله الشباب
وسویعه نمرگ للحباب
ماجوش لاتفرح یگلبی😭

یوم الاسود یوم التنسیت
وتحت لظلع وچلای رفیت
یبتک انا وشحصلیت یمه
علیک مسکوره ومگومن یلولد یمه😭💔


یوم طلوگ اصیاح ونیاح
وکت النساوه الموت لاح
رتک لعد النعش لواح
یلولد یایمه

https://t.me/ahwazyh90

گولات فواتح. #لهل_المضایف_ولعزوبیه

المن هل مضیف البِنیته اعجیبه
خطار الضحه سبعین ترچیبه
التاه ابلیل حس الهاون ایجیبه
((الهاون دگ وین اریاله))
المن هل مضیف البَنیته شرجی
عچل دیوانه ولزین بی یحچی
یراطنهم ترک ونوب بلدوی
ارید احچی عله زینین اذکرنهم
((حچیی الدِر یرغب شرایه ))
المن هل مضيف المعرض ابابه
من كثر الهضل اتروط اشبابه
من كثر العِلييج الخیل تلوی رگابهه
من کثر الطبخ الزلم اضیج اخلاگه
ممنونه عله الکلهم اعزوبیه
((عشاه وزادت صینیه))
ما یحتاج تنشد وین بیت افلان
البیت امن الشمس بین بلا عنوان
حس هاون یدگ ابوسطت الدیوان
((اهلچ ماکشو للخطار وغزایه))
https://t.me/ahwazyh90

گولات فواتح. #للشجعان_واهل_الکرم

اهل بیت وکرامه واهل صینیه
الگهوه مسکره ولتفگ مرچیه
من بغداد اجو عدهم شروعیه
ارید احچی عله الکلهم افاعیه
((ویچملونه الناگص حچیه))
اضلن مسهره ولیل احجنه
راحتلی ارجال التگطع الونه
راحتلی ارجال التاخذک یا ثار
وکصرونی کصره الماعلیهه اجبار
شگول اعلیک یابو دعچلانیه
ودار الحای لینه بفرد صینیه
((ومن شالو ما وصو بینه))
دگن یابنات البارعه اعیونه
کزبر شاربه یوم الیغسلونه
ولچ عدی اعله ابوچ المایدرچونه
من بولاد مصیوغات یمتونه
ایهزون الحدید ومایهزونه
لبسله مکلبده ودلس المتهیه
حلو شد الفشگ لایج اعله اجذیه
((یتونس لو صارت عیله))

https://t.me/ahwazyh90

گولات فواتح. #لهل_المضایف_ولعزوبیه_ولشیخه_وهالیها

هلا بسود العلایج لو لفن میه
یتلگاهن وعنده الضیف کیفیه
يتلگاهن المنومس ونزلهن
عله لحم السمین وبارد المَیه
هله بسود العلایج لو لفن تسعین
تلگاهن دشر ومولم السچین
ذبح برشه الغنم بیهه اسنون اثنین
ابد ما عاین الههه وگال مطفل های
((اخذ اسراهه یلنازل داره))
سبع ایدود الک حید الیخلف حید
آفات البحر منک اتهیی ابعید
اید ایصید بیهه واید یشوی الصید
((یصید ماصادو طیره))
بناهه مبیضه ویلمع سکم لیهه
ابریسم صاح مفروشه زوالیهه
بیادر بو یا بَن الیضل بیهه
بناهه مبیضه غاطات غاطات
ابن خیون بیهه گیل وبات
ابن خیون بلباب العزوبیه
وبیده تلمع ام طاسه نگریزیه
سبع ماهبطت راسه النضامیه
ایدش عله الحکومه بغیر جنسیه
((ویمخوف الدوله بصولاته))

https://t.me/ahwazyh90

گول فاتحه مجلس کامل

ارید احچی عله الخوان ممنونه
ارید امشی وراکم وین حد الگاع
ورکبلی سفینه ولحگ ام اشراع
ویلی یلولی لو یشتره ویتباع
اروح ویا شیالت شراویله
مترادی الولی ومایصبح الیله
((اترید اشوفه متنعیه اخته))
اشلون اتشیل زامطت الزلم بیک
لبو (اسم الشخص) تالیهم
اشلون اشیل زامطت الزلم بیک
ردتک یبو (اسم الشخص)ماتموت الیوم
(اسم الشخص)یتالی اهله
یا (اسم الشخص) ویا یومه
(اسم الشخص) وعله یومه
یلخوان اذکرنهم
رتک ها یماضی ماتموت الیوم
لعازاتی یخویه ولضخر مضموم
هاذ موش يومك يا بلول الريج
ردتك ذخر گلبي من يثور الهيج
((وین الگا الغرب منچ))
اشلون تشیل زامطت الزلم
وعله(اسم الشخص)وعله یومه
اشلون تشیل زامطت الزلم بیک
ویبو (اسم الشخص)ویایومه
اشلون تشیل زامطت الزلم بیک
وعله الخوان شیلیهه
اشلون اتشیل زامطت الزلم بیک
عله الشالو ثلاثتهم
راحو لی عله (ام افلان)امعزبتهم
احااا حاحاحاحاحاحاا شیلی شیلی شیلی
ارید احچی لبو (اسم الشخص)وعله یومه
ارید احچی لبو (اسم الشخص)معزبهم
ارید احچی عله شجعان اذکرنهم
((العیاله ومنین انجیب العیاله))

((علیه ظیم وامی الیوم اریدنهه))
عله ام افلان شیلیهه
علیه ظیم وامی الیوم اریدنهه
عله ام افلان وحبایبهه
علیه ظیم وامی الیوم اریدنهه
‌عله شفجات نهلانه
علیه ظیم وامی الیوم اریدنهه
او یم افلان ولچ خیه
علیه ظیم وامی الیوم اریدنهه
لبست ثوبهه وشمرت بردانه
گعدت تستریح الیوم عیزانه
روحن شوفن امچن خاف زعلانه
های الوالده وریض یحادیهه
تعبانه علینه وما نجازیهه
سفرتچن لعد الروح تاذیهه
یبعد ابیوت اهلنه مانمر بیهه
((وللعازه یحبیبه انریدچ للعازه))
لیش تونین سم اهلچ طواعین
وعله ام افلان شیلیهه
لیش تونین سم اهلچ طواعین
ادش للحوش ومی ماتلگتنی
اضنهه ماشیه وانه مخلیتنی
مر افراگچن لروح یاذیهه
سفرتچن طویله ونمتحن بیهه
ویبعد ابیوت اهلنه مانمر بیهه
((وربت ولدنه ترید حگ ارباهه))
اادور اعله الولد یامن یدلینی
عله الولاد یایمه
ادور اعله الولد یامن یدلینی
عله الحلوین اذکریهم
ادور اعله الولد یامن یدلینی
یا افلان یایمه
ادور اعله الولد یامن یدلینی
وعله افلان نهلانه
ادور اعله الولد یامن یدلینی
عله الراحو جوانیه
ادور اعله الولد یامن یدلینی
اعله الصبیان شیلیهه
انهیم بیت المغیسل یا وکاحیته
یغسل بلحلو خربص توالیته
یصبیان یایمه
یلولاد یلحلوین اذکریهم
یصبیان ماتردون نسوان
استحرمتو الهوا ونمتو بتربان
ستحرمتو الهوا وشم العذیبیه
استحرمتو الهوا ونمتو بطینیه
ارید احچی عله الولاد اعدلیهه
((وبلهیمه صبیان ونامو))
اعله الولاد شیلیهه
اطلبک بلحلیب وریحت الخوه
ویبن امی المحنه موش بلگوه
وهوای العتب ولعتب للیسوه
بعد یاهو الیجی ویدگ علیه الباب
ابو طول الحلو نام وغفه بسرداب
گلی شحال گلبه الفارگ الغیاب
((یمغیسل ناوشنی الساعه))
((گالو نجی بلعید شو ماجونه))
هییی ماجورات ماجورات

الکاتبه: ام وسام
قناتی https://t.me/ahwazyh90

گولات فواتح. #للوالده

هنا یمغسلتهه بهیده غسلیهه
تره امی ترفه لا تلوعیهه
اناشدچن حبایب امی وین
امی ویاچن لو یم الحسین
گللی امچ مشت بدایه
بعد چم یوم ترجع تگعد ویایه
یگللی امچ ماهی ویانه
گلبی انشال ای ولله امن امچانه
((وتگلی امچ ماهی ویانه))
حل الباب يبن امعين ورخصني
وخلی الوالده اعله الظيم تنشدني
لو دشیت امی گوت اعزومی
لو طلعیت امی تشچی اهمومی
جناز الحبیبه اراض بلراض
لوعالو علیه عدمن اختاض
ارید احچی عله امی وحیل مابیه
((وذلینه یایمه اخلافچ ))
https://t.me/ahwazyh90

گولات فواتح. #للاخت_للوالده


بيتج والولد عدمن تخلينه
ردي لخاطرج جينه وتعنينه
ننده بلحنينه وماتحاجينه
على وليدج ينصبه من توصينه
((بلهيمه عافتنه ونامت))
وین مسافره خیه یبت امی
خذینی ویاچ یا شچایت همی
لو طال السفر حملچ عله حملی
((انحب نسامر ویه الحبابه))
اخذینی ویاج یایمه وباریج
خافن بلدب خطار یلفیچ
مس ام الکرم حطو ویاهه
خافن بلدرب خطار یلفاهه
ادگ بلباب حسبالی تفکینه
خطار الیجی شو ما ضیفینه
((انشر بیرغهه الحبابه))
https://t.me/ahwazyh90