Посты канала أحمد الطحان

لا أنتمي غير لحنيني الخاص
حنين..
هنبقى واحد لو كنا بس نصاص
لكن أنا مش نص

الطحان

هبت رياح الخير، وأقبلت الخيرات وشرّعت أبوابها، وحانت اللحظة المرُتقبة:

يسرنا أن نعلن فتح باب التسجيل في الدفعة السادسة من برنامج #البناء_المنهجي.

المسار الأساسي:
https://binaamanhajii.social/3am

المسار الميسر:
https://binaamanhajii.social/Muyassar

نسأل الله أن يفتح عليكم ويسدد خطاكم 🍃

ساعتها يمكن متلاقيش إنسان
متأخّرة
زي اللي خدوا إعفا من التجنيد
عشان تلاتين سنة
صعب إنك تبقى تاني عسكري
و تصحى للطوابير
و تجري و تعافر كمان
ساعتها يمكن متلاقيش إنسان
متأخّرة
زي اللي خلِّف ف خمسيناته
على سهوة
و ملحقش يعلِّم ابنه عمايل القهوة
و كانسر الدُخّان
ساعتها يمكن متلاقيش إنسان
متأخّرة
زي الدموع قبل الوداع بدقيقة
زي الخضوع بعد اكتشاف الحقيقة
و زي الجوع بعد ال لاست أوردر
زي اللي يعفي و هو لا يقدر
و زي الزهايمر
بعد ما تبتدي النسيان
ساعتها يمكن متلاقيش إنسان
متأخّرة
زي الفلوس اللي تيجي بعد سد الدين
زي فكرة عبقرية تحل موقف صعب
عدَّى من سنين
زي أما تفتكري الإجابة بعد لَم الوَرَق
زي أما تفتكري الشهادة بعد بِدْء الغَرَق
زي رَصْف الطُرُق
بعد موت حبيبين
متأخّرة
و دي عادة فيكي من زمان
و ساعتها .. يمكن متلاقيش إنسان

الطحان

خايف .. لأ مرعوب
والسما مبقتش تمطر قلوب
السما بتحدف جثث
وانا غصب عنى متورط فى كل القصص
صدقته فى كل شئ قاله
لو كنت باقى خمسين
كنت ابقاله
" انت الشيطان "
حصل
بكيت بِحُرقه
كإني مشيت كل الطريق
وحد غيري وصل
بكيت يا نور
بعلو صوت عربية الإسعاف
وهى مش عارفه مين اللي اتصل ..

واقف ف وش العاصفة
محتار أهرب ولا أتدارى
أهاجمك انتي و أقول دي مش مُنْصِفَة
ولا أهاجم نفسي ب مرارة
لازم يكون في دليل بيخلق صِفَة
لازم يكون ف إيديا أي أمارة
لازم فيه شيء يثبت غير العاطِفَة
_مسرح جريمة و اتمسح بشطارة_
مريض يجوز .. و شاركت ف التكلفة
و أنا لو مريض .. هحتاج أكيد ل زيارة

الطحان

_ فيه حزن أسهل من كدا .. ليه دا؟
* فيه حزن أصعب من كدا عدى
فيه حضن ممكن يتنسي بالوقت
و حضن كل يوم يجدد المدة
يمكن هناك مفيش باقة
مفيش قنوات مشفرة
مفيش صحيان بمعاد
ولا رجوع بمعاد
ولا بيع ولا شرا
اما العدم
أو الخلود ف الجنة
من غير ألم
اسمك جميل
ينفع أكيد يتغنى
لكن هقولك أغنيه تقولهالنا
" متزعلوش يصعب عليا زعلكوا وأنا غايب
أنا سبت أكثر شيء هيوجعكوا
لكن سبتكوا حبايب "

الطحان

_ فيه حزن أسهل من كدا .. ليه دا؟
* فيه حزن أصعب من كدا عدى
فيه حضن ممكن يتنسي بالوقت
و حضن كل يوم يجدد المدة
يمكن هناك مفيش باقة
مفيش قنوات مشفرة
مفيش صحيان ب معاد
ولا رجوع بمعاد

الطحان

ورجوتُ عيني أن تكُفّ دموعها
يوم الوداعِ ناشدتُها لا تدمعي
أغمضتُها كي لا تفيضَ فأمطرت
أيقنتُ أنّي لستُ أملك مَدمَعي
ورأيتُ حُلمًا أنّني ودّعتهم
فبكيتُ من ألمِ الحنينِ وهم معي
مُرٌّ عليّا بأن أُودّع زائرًا
كيف الّذين حملتُهم في أضلُعي!


د/محمد المقرن.

كل سنة واحنا حافظين ملامح بعض
ماشيين في نفس الأرض
بنصون حِبال الوِد
بنشد لو ترخي ونرخي لمّا تشد
ونقطعها من فرط الحنين
وبننجرح وبنجرح وننُط من السنين
ونفتح قلوبنا للغُرب مكتوب عليها:
"ادخلوها بسلامٍ خائفين"

الطحان

وفي كل مره عم سيد يقول ماتفوتنيش ويقطع في الوريد من غير تفاهم
ماتفوتنيش انا وحدي ماتفوتنيش وياهم .