أحمد الطحان @ahmedta7an Channel on Telegram

أحمد الطحان

@ahmedta7an

شعر لأحمد الطحان، محمود طه، شعراء جاهلية، معاصرين، شعر رومانسي، تاريخي، حزين، وتربيزات بلياردو وبينج بونج

أحمد الطحان (Arabic)

هل تبحث عن مصدر لقراءة الشعر الرومانسي والتاريخي؟ إذا كان الأمر كذلك، فقناة "أحمد الطحان" على تطبيق تليجرام هي المكان المناسب لك! يضمّ القناة الشعر الخالد لأحمد الطحان ومحمود طه، الشعراء الجاهلية والمعاصرين. إن كنت تبحث عن الشعر الرومانسي أو الحزين، فإن هذه القناة ستلبي كل احتياجاتك. بالإضافة إلى ذلك، يمكنك الاستمتاع بتربيزات البلياردو والبينج بونج على هذه القناة، مما يضيف عنصراً ترفيهياً إلى تجربتك. انضم إلينا اليوم لتستمتع بمشاركة الشعراء العظماء وقراءة أجمل الأبيات الشعرية!

أحمد الطحان

10 Jan, 15:09

_ فيه حزن أسهل من كدا .. ليه دا؟
* فيه حزن أصعب من كدا عدى
فيه حضن ممكن يتنسي بالوقت
و حضن كل يوم يجدد المدة
يمكن هناك مفيش باقة
مفيش قنوات مشفرة
مفيش صحيان بمعاد
ولا رجوع بمعاد
ولا بيع ولا شرا
اما العدم
أو الخلود ف الجنة
من غير ألم
اسمك جميل
ينفع أكيد يتغنى
لكن هقولك أغنيه تقولهالنا
" متزعلوش يصعب عليا زعلكوا وأنا غايب
أنا سبت أكثر شيء هيوجعكوا
لكن سبتكوا حبايب "

الطحان
64
أحمد الطحان

07 Jan, 23:15

_ فيه حزن أسهل من كدا .. ليه دا؟
* فيه حزن أصعب من كدا عدى
فيه حضن ممكن يتنسي بالوقت
و حضن كل يوم يجدد المدة
يمكن هناك مفيش باقة
مفيش قنوات مشفرة
مفيش صحيان ب معاد
ولا رجوع بمعاد

الطحان
144
أحمد الطحان

07 Jan, 18:44

ورجوتُ عيني أن تكُفّ دموعها
يوم الوداعِ ناشدتُها لا تدمعي
أغمضتُها كي لا تفيضَ فأمطرت
أيقنتُ أنّي لستُ أملك مَدمَعي
ورأيتُ حُلمًا أنّني ودّعتهم
فبكيتُ من ألمِ الحنينِ وهم معي
مُرٌّ عليّا بأن أُودّع زائرًا
كيف الّذين حملتُهم في أضلُعي!


د/محمد المقرن.
159
أحمد الطحان

02 Jan, 17:05

كل سنة واحنا حافظين ملامح بعض
ماشيين في نفس الأرض
بنصون حِبال الوِد
بنشد لو ترخي ونرخي لمّا تشد
ونقطعها من فرط الحنين
وبننجرح وبنجرح وننُط من السنين
ونفتح قلوبنا للغُرب مكتوب عليها:
"ادخلوها بسلامٍ خائفين"

الطحان
301
أحمد الطحان

28 Dec, 19:36

وفي كل مره عم سيد يقول ماتفوتنيش ويقطع في الوريد من غير تفاهم
ماتفوتنيش انا وحدي ماتفوتنيش وياهم .
440
أحمد الطحان

28 Dec, 19:35

مدرتيش ياما اللى حاصل وانتِ غايبه
حالنا مال بعدك خلاص الدنيا سايبه
416
أحمد الطحان

25 Dec, 17:08

مبعرفش الوداع الشيك
ولا الروح الرياضية
و قلت زمان كتير لعينيك
بإني حالة مرضية
لـذا
واحد .. أنا بحييك
على هروبك ك تضحية
اتنين .. أنا بهنيك
على خروجك من الخية
تلاتة .. لأ تلاتة عادي
تلاتة عشرة ف الميه

الطحان
492
أحمد الطحان

24 Dec, 10:46

أنجبتُ أرواحًا تنبض خارج جسدي، وإلى الآن لا أعرف ما الذي تعنيه الأمومة:
هل هي شعوري بالرجفة حين يمرض أحدهم؟ أم هروب دمي من عروقي حين يتأخرون بالخارج؟
هل هي خوفي الذي لا يتوقف عن ضخ نفسه في جلدي، بسببٍ وبلا سبب؟
أم هي فرحتي الممزوجة بالغضب حين استبدلوا كلمة "نعم" بـ "لا" لأول مرة اعتراضًا على رأييّ؟

الحقيقة أنها مربكة، ومخيفة، ومطمئنة: فكرة أنني أم.



فاطمة رحيم..
489
أحمد الطحان

20 Dec, 20:54

اللي في قلوبنا يا علي
تحت التراب
و اللي بضفاير يا علي
لبسوا الحجاب
و اللي إشتروا روحنا يا علي
نسيوا الحساب
قال الطبيب إيه يا علي؟
نوبة إكتئاب !
ما تقول له أح*ا يا علي
و " ليت الشباب " ..

الطحان
548
أحمد الطحان

17 Dec, 23:56

دلوقتي كل واحد اولى بشيلته
صاحبك مسيره هيمشي مهما عاشرته
وحبيبك اللي انتا بتحكي في سيرته
عنده قضية وعنده الف دليل ادانة
حبيت محبة صافية لا يشوبها عكر
وكرهت من كل قلبي بغل فر وكر
في فرق بين الاتنين
بين اللي مات واتنسى
وبين اللي عاش وافتكر

الطحان
601
أحمد الطحان

16 Dec, 20:15

السياج متشال وانا اعمى
يا مسدس طلقته ناعمة
صعب تجرحني مكان ما تمُر
صعب تخلق روح ف أي جماد
ولا مفر ولا مفر وآه يا نبي الله
فؤاد حداد..

الطحان
595
أحمد الطحان

13 Dec, 23:21

#سيرة
622
أحمد الطحان

13 Dec, 23:08

أنا لمّا جيت من الغيب،
العدل كان سيفي،
والحق كان مطمعي،
والحب كان كيفي.

دقيت على الأبواب،
لقيتني في السرداب،
غابة من الأنياب،
مسنونة حواليا.

• أحمد فؤاد نجم
550
أحمد الطحان

12 Dec, 22:08

انسحب
بس ابقي قول للست علي القهوة
أن الهوي مش غلاب
وانك استسلمت لشكوكك
وسبت ايدي في عز الضباب

الطحان
619
أحمد الطحان

11 Dec, 16:02

كان شكلنا مع بعض
يشبه كل الأحِبِّة
طايرين وما لينا أرض
خلافاتنا بتستخبَّى
لكن ما بينّا نار
على حافة الانهيار
فاضل بس القرار
وهنبعد حبَّة حبَّة
لكن فيه مغناطيس
و ف ليل إسود غطيس
ببعض بنستغيث
نرجع لبعضنا
إنتي ولا أنا

الطحان
628
أحمد الطحان

09 Dec, 04:48

‏وحتيجي يوم وتصدّقي
عشقي الأصيل وتحققي
حلمي الجميل وتزوقي
عمري اللي ضاع مستنظرك.

- أحمد فؤاد نجم
686
أحمد الطحان

08 Dec, 11:27

أمضيت شطرًا كبيرًا من حياتي، أعاند نفسي على تمردي وعنادي، واليوم، اليوم يتكشف لي جزء من نفسي، لست معاندًا، ولا متمردًا، هذا الوجه الذي ألبسه ليس وجهي، إنما هو وجه، ارتديته كارهًا؛ لأعيش بينكم، كل يوم أتذكر المقولة التي تتحدث عن صراع الخنازير في الوحل، أظن أنني صارعت عددًا كبيرًا من الخنازير في الوحل، لدرجة أنني لم أعد أدري من أنا، اليوم أقول: لست متمردًا، أنا طيب، وهذا الإطار الذي صُنع لي، أفسدني، وأفسد ذوقي بمعرفة من أكون.


د/أحمد ياسر رزة.
703
أحمد الطحان

07 Dec, 13:19

فاكرة لما الحزن صابني
والوجع غير في شكلي
كنت محبط ضهري محني
من همومي ومن مشاكلي

كله سابني اتخلى عني
كنت تايه وسط غلبي
قلبي كان مقسوم وجعني
قولتي قوم كمل بقلبي

دنيا ودت ناس وجابت
وانتي ثابتة م البداية
طول طريقي عليكي ساند
مهما يحصل لي معايا
676
أحمد الطحان

06 Dec, 23:17

‏“ياريت كان ليها حسبة
أو شاهد أو طريقة
ياريت كان لينا نسبة
من نوايانا البريئة
ياريت كان فيه حقيقة
واحدة.. عليها اتفاق
والدنيا مش حريقة
والعالم مش سباق”

الطحان
556
أحمد الطحان

05 Dec, 23:36

وما غُرْبَةُ الإنسان في غيرِ دارِهِ
ولكنّها في قُربِ مَن لا يُشَاكِلُه.
635
أحمد الطحان

04 Dec, 23:32

قناة دينية جميلة، ربنا يجعلها ف ميزان صاحبتها.
575
أحمد الطحان

03 Dec, 21:16

حذرت العالم من غضبي
و العالم مهتمش خالص !
فبدأت أتقوقع علي قلبي
و العالم متهمش خالص ..
و بخبي حنانك ف مخالبي
و مخالبي من النوع المايص ..
تفتكري العالم هيسيبنا ؟!
أو أستاذ أحمد عبوارث
هيبطل يدي دروس سَكة
ف الشقة ف الدور السادس ؟!

الطحان
536
أحمد الطحان

03 Dec, 00:04

✨
561
أحمد الطحان

01 Dec, 21:31

وسطنيني في ذكريات هشّة
وطنيني في لمسة أو رعشة
والطفي بيا
وارأفي بيا
دي السنين جاية وجيّابة
الغيبة والوحشة
اصطفيني م الجسد و الروح
قلبي كان صابح
صبح مجروح
اخطفيني من سطوح لسطوح
نبني نفس العيشة والعِشة
ولا أقولك؟
هاتي أيدك.. قومي نتمشى

الطحان
562
أحمد الطحان

27 Nov, 22:15

الضعف: إن حد يوحشك وتبقى مش عارف تطوله

الجُبن: إنك تفضل عالرصيف الليل بطوله، مش عارف تعدي

الوحدة: إنك متلاقيش في الجريمة شريك

الحب: لا تأذيها ولا تأذيك

الخوف: جاردن سيتي اللي مبيقومشي فيها آدان الفجر

والهجر: هجر

الطحان
1,312
أحمد الطحان

26 Nov, 17:26

https://on.soundcloud.com/uvBFc
52
أحمد الطحان

26 Nov, 16:26

«وَكُل مُناي أن أنساك حقًا
‏وأن أمحوكَ مِن نَصّي وشِعري
‏ولَكِن كُلمَا خَطَيتُ سَطْرًا
‏وَجَدتُكَ مُلهِمي وإمامَ فِكرِي!»
56
أحمد الطحان

24 Nov, 00:03

‏ما خيّرتيني , صفنت أنا فيكي , تغيّرتي ليه؟"

الفرعي
145
أحمد الطحان

21 Nov, 12:50

‏سابك ف وسط الطريق
سابك
لا عرفت ترجع ورا
ولا عرفت تتقدِّم
واقف بتشحت ضِل
أو ساعة رِفْقِة خِل
سابك ماسابش الحل
تايه في أسبابك

سابك
كأن مفيش
ولا جد ولا تهويش
ولا حاجة كات هتعيش
من بعده في غيابك

سابك
وفجأة اختفى
عطشان لكنّه اكتفى
من الضحك والفلسفة
ودموعه وعتابك
سابك..

الطحان
341
أحمد الطحان

20 Nov, 00:54

جُنَ جُنونُه، عيل نونو
دايمًا يخفي شيء في عيونه
كان وياه الدُنيا بتضحك.. بس بتضحك برضو بـ دونه


الطحان
299
أحمد الطحان

18 Nov, 10:45

طوبَى ل كُل اللي أجبرهم قدرهم
على انتظار الصُدَف السعيدة
الفُرَص البعيدة
على انتظار المَحبَّة بين جواب مقفول
طوبى لكل اللي أجبرهم قدرهم
على البُكا ف النُص ساعة ما بين
أخْد الدَوَا .. و بداية المفعول
طوبَى لكل اللي خافوا بس مقالوش
و سابوا الناس تتعَشِّم ف حُضْنُهُم
و استحملوا شعور الكِدْب المُهين
طوبَى لكُل العارفين
إن الحاجات أكبر كتير من حجمها
أعمق كتير من اسمها
أسخف كتير من إنها
تمشي بدون ما توجَعَك
طوبَى لكل اللي مستنّوش ردود
و مجاتلهُمْش
لكل اللي مستنّوش ردود
و جاتلهم
أما اللي استنّوا الردود
ف حلال أوي لعقرب الساعة .. قَتْلُهُم
طوبى للي مسابوش الشوارع لوحدها بالليل
اللي مسابوش الغنا يقلب ب دَم تقيل
للي مسابوش أي حاجة من إيديهم
لحد ما عروق إيديهم دابت م اللي بيحبوا الرحيل

الطحان
325
أحمد الطحان

17 Nov, 13:57

كان راح يسكور
بدل الدكتور
او ايًا كان
داير ما يدور
تايه بيدور
تايه بيخاف
طاير شفاف
رايح مجبور راجع مكسور
قطرات بتفوت وانت الرابط
على اي رصيف شايف و كفيف
رايح بتدور
داير بتخاف
كان راح يسكور
بدل الدكتور
او ايًا كان
داير ما يدور
دراويش عايشين بفؤاد مكسور
دراويش عايشين بفؤاد مكسور
وفؤاد حدّاد هو البادئ
من ايام الوطن اللاجئ
إلى يوم الوطن المنصور
كان راح يسكور
بدل الدكتور
أو أيًا كان
داير ما يدور
في ناس بتموت
قائد.. شرمـــــ
لكن مبسوط والناس مباسيط
والحل بسيط في رضا و قبول
حفراً عالناشف والمبلول
رزعاً في السايب والمربوط
وبيبنوا كيان ضد الأنسان
ويهدوا بيوت و يشدوا حزام بطن الهلفوت
ويقولوا كلام عن بطن الحوت عن دعا يونس
ويقولوا مصر مهيش تونس
تونس تكسبنا وتتأهل في التصفيات
وإحنا بنتصفى ونتجاهل بالتوصيات
في المؤتمرات
وخطط خمسية و عشرية
وبِدل برا و بِدل جوا
كان ناقص تبعتلى فتوة
ويعيد السيرة العاشورية
فينك يا عاشور
كان راح يسكور
بدل الدكتور
او ايًا كان
داير ما يدور
التمبو سريع و الوزن قديم
كان عندي زمان احلام بتهيم
و بدل قلبي ذكر و ترانيم
دلوقتي بدل اعدام وجحيم
وجحيمي في قلبي يكفي عصور
كان راح يسكور

الطحان
324
أحمد الطحان

16 Nov, 13:08

أتحدث عنه يا زينب لأنه كُلي وليس بعضي؛ يستحق.
اكتشفت فيَّ اللغة التي لم أبلغها من قبل،
فقط لأنه معي..

له لغةٌ لا تقهر يا زينب، ولسانٌ غُمس في الفصاحة ساعة ولادته، تغمرني المتعة عند سماعه ليس لأن كلامه جميل، لأنه قائله، حتى شتائمه مبللة بلذةٍ فريدة.
ما أبسط التعبير إذا قلت إنني مفتونة به، وما أبعده إذا قلت أحبه..
هذا الرجل داءٌ لا دواء له، ينتشر في الجسد، ستحبين أن تكونين زوجته، صديقته، أو امرأة عبرت مزاجه في ساعةٍ يعكرها شقاء العمل...

وأنا جميعهن، فالكثيرات اللائي يتعاركن بداخلي، كلهن، كلهن اتفقن عليه يا زينب


فاطمة رحيم .
327
أحمد الطحان

15 Nov, 23:05

- انت بكرة هتعمل اية ؟!
بكرة ... عادى
عادى جدا
هصحى اشوف علامات ف جسمى
مش فاكرها جات منين
او معاد مفروض اروحه
او اصحاب اقصى طموحهم
يقتلو الوقت الحزين
بالكلام فى الكورة يمكن
وان دى مكانتش فاول
وان دى مستاهلة طرد
وان دى خبطت فى طوبة
فاجئة نطت عاملة بنض
ف السياسة
وف السياحة
وف الدولار
وف ضحايا الدولة يمكن
وف ضحايا الانتظار
وف يومين ف العجمى يمكن
يفرقو ف المود شوية
وف حاجات مش منطقية
مش هزار
ال ام ازرق و شحة
ا7ا ..و بعشرين جنيه !
هو ايه الحر دا
هو ايه البت دي ..
حلوة جداً نعمل ايه ؟
الحساب
ناس بتقفل
- انت بكرة هتعمل ايه
بكرة..
بكرة عادي
عادي جداً
هصحى اشوف
علامات ف جسمي
مش فاكرها جات منين!

الطحان
379
أحمد الطحان

14 Nov, 23:28

كل البيّانات الشخصِيَّة
مش مظبوطة
مش فيها الاسم اللي بحبّه
و لا فيها العنوان الحالي
و لا فيها العمر الفعلي
... ل عامة أوحالي
و لا فيها المِهْنَة اللي عايزها
و لا فيها حبيبتي اللي ف بالي
كل البيانات الشخصية
مش لايقالي

الطحان
379
أحمد الطحان

13 Nov, 04:40

منى عبد الغني
في الباشا
و مجدي عبدالغني
في تسعين
و صمت أبويا في الشاشة
و عينك ناطة في الڤاتارين
و أخويا لما يتحاشى
يكلمني لإني تخين
و أخويا التاني ده باشا
مدلع نفسه دنيا و دين
شُفيلي معاكي كمَّاشة
أشيل من قلبي بني آدمين
شُفيلي كوفية و إعاشة
بيوحشني غُنا الميادين
أنا في الوحدة دي
سلطان
أنا بأمر اُطاع ع الفور
أنا مش حُر
لكن ليا كل السلطة
أسيب كل شيء حواليا
يفضل حر
و مش عايز.. و مش شايف..
و مش رايح.. و مش فاكر
و مش مُضطَّر

الطحان
446
أحمد الطحان

08 Nov, 15:27

لا فرق بينه وبين الهاوية، أدركته.
اسمه؛ تسبيحة تَجلب لقلبي الراحة والقلق في آن واحد...
رجل يُشبه الأحجية، توليفته عجيبة.

حين أكتبه؛ أشعر بأنني أنجزت شيئًا مهمًا
-أحيانًا- معقدًا لكنه دائمًا يثير فيَّ أشياءً مألوفة:
ذكرى بعيدة
أغنية قديمة
صورة جماعية لم يتبق منها غيري
وشارعٌ الرجوع إليه يحتاج إلى معجزة.

يصل إلى دمي:

رجلٌ يخرج من صدره أسرابًا من الغربان تنعق .. وفوق رأسه سحابةٌ سوداء، مرعبة؛ رعديةٌ وممطرة. تتطاير من حوله النساء اللائي يحلمن بعناقه...

وأنا؛
ابنة الرياح التي لم تفشل في الوقوف بمعاكسة عواصفه ..
استطعت معه صبرًا.

لا يرى سواه، الليل والنهار معًا؛ يعقب نفسه، ويسبح في فلكه لا في أفلاك الآخرين...

لامست في دمه وحدةٌ مفرطة.

أحدق في تلك العيون؛ البحيرة، وأشاهد انعكاسي يغرق ..
عيونٌ التهمت رغبتي بإخلاصٍ وشراسة.

أتساقط من جسدي حين أشتهيه، هو رب الصاعقة التي عصفت بي ..
يلملمني؛ من ماءٍ إلى حجر، إلى حلم،
إلى سحابة
إلى شجرة
إلى غابة
إلى نهر.

معه لا أصل إلى موت، لا ذائبة ولا متجمدة.
أعرفنا معًا، سيظل بيننا ما يصعب على العالم تدميره.


فاطمة رحيم
539
أحمد الطحان

08 Nov, 03:18

أنا شُفْت الصوة على الحيطة
قام قلبي استغرب
م المنظر
ف قعدت اضحك و بهيستيريا
و الناس يقولولي ..
مش منظر
ف أقول اسكتوا مانتوش فاهمين
الراجل دا كان ضِل حزين
و اما اتوفّى أصبح فتارين
ف شوارع روحي مِتْبَعْتَر
ضحكوا ساعتها زي المجانين
ف ضحكت و قلت ..
مش منظر

الطحان
464
أحمد الطحان

05 Nov, 00:58

جاي تدافع عن مين
عن كل البني آدمين
طب ما تدافع عن روحك
ماهي سارحة ف التانيين
ف العلاقات الشخصية
ف النظرية النسبية
و الحراكات الثورية
و الأخطاء العفوية
ب الشك و بالتخمين
قلتلنا نقرا الفاتحة
و قرينا و قولنا آمين
هتحاسب مين على إيه
هتحاسب إيه من مين
جتلك عريان ب عينيا
و بقلب دنيا و دين
جتلك جري ب رجليا
علشان يلزمني يقين
السما لغز و فزورة
و انتا خلقت الأسطورة
كملت ب قلبي الصورة
و أنا تايه جوا حزين
بلعب و اللعب بيتعب
بتعب و أرجع و أجرب
و أشرب من نفس المقلب
علشان طيب مسكين
عقلي مش قد الكون
ف بلاش الكام مليون
أنا جاي أدافع عن مريم
أحلى بنات التكوين

الطحان
588
أحمد الطحان

04 Nov, 01:17

أمانة عليك يا شيخ و انتا مسافر
تاخد كل هدومك معاك
مش عايز أشم ريحتك فيهم
و لا أطل طلّة عليك من الشباك
أمانة عليك يا شيخ و انتا مسافر
متقوليش هترجع امتا
عشان متعشِّمش برجوعك
و يرجع يخيب ظنّي
لأني هستنّاك
أمانة عليك يا شيخ و انتا مسافر
مَلِّي عينيك منِّي كويس
حاكِم عارفاك بتِنْسَى
و مش ضامن صورتي تفضل للأبد ويَّاك

الطحان
550
أحمد الطحان

30 Oct, 23:03

شاعر بعدم إهتمام
شاعر بعدم إحتياج
شاعر بعدم إرتياح
شاعر بعدم الناس.. شبعانة منك
وإنت لسه مشبعتش ندم
فين الكلام الحلو والسايح
على وش مكرونة حلو من عمايل إيدك
فين الكلام الجي والرايح
فين الحنين الماشي والراجع
أنا خوفي أقرب شيء إلى المنطق
لكنه أبعد شيء عن الشارع
قلت مساحة الكلام عننا
زادت مساحة الكلام ع الناس
عدت شهور.. يا سيدي عدت سنة
اللبس بس بيتحسب بمقاس

الطحان
670
أحمد الطحان

28 Oct, 21:58

ما تجيليش شارب
ما تجيليش هارب
ما تجيليش غير لو تكون تايب
أنتَ ايه يعني!
أنتَ حِتّة قلب وتجارب
كل مرّة أمدّلَك 100 كارت
ليه مُصمِّم تسحب الشايب؟!
ليه مُصمِّم تقفل الأبواب؟!
ليه أسيبلَك بابي متوارب؟
كل حرب داخلها خسرانة
بس برضو عنيد وبتحارب
ليه أحبك وأنتَ مش قادر
ليه بابادِر وأنتَ مُتَقوقِع
قول لي شيء مُقْنِع..
مش كلام سايب.
كل رَدّ باقوله مُتَوَقَع
لأ برافو ذكاءَك الخايب
لأ برافو بجد إبْهِرني
إحكي ليّا القِصّة إيّاها
عند جبل الزيت في راس غارب
أنتَ مُدرِك قسوة الحاصل!
الوجع موصول ومش واصِل
لأ وتزعل لمّا نتعاتب
ما تجيليش شارب
ما تجيليش خربان على تَكّة
ما تجيليش بالشك وأنا شاكّة
ما تجيليش بإيدين ماهيش ماسكة
أنتَ عارف أخرة السكة
خُدها مشي معايا مش راكب
ما تجيليش إنسان مالوش وَازِع
ما تجيليش خَلْصَان وبتنازع
ما تجيليش شارع طويل مهجور
ما تجيليش قبل أمّا تِطْفي النور
ما تجيليش تَقْضية واجب
ما تجيليش شارب.
663
أحمد الطحان

28 Oct, 00:04

كان نفسي وقت المعركة
أمد إيدي _اللي انتِ قطعتيهالي _
أحوش عنك
خبطة واحدة وسط سيل الخَبْط
_ شفت انتِ عملت إيه؟
* آه شُفْت ..
أنا و انتي موتنا ف نفس المعركة .. بالظبط

الطحان
559
أحمد الطحان

26 Oct, 23:24

أخويا شَكِّلْ الحزن في كل القوالب..
أخويا صاحب الحزن فنهشه بمخالب..
أخويا جَسِّد الحزن وكلمه..
أخويا كان شواف ملقاش حد يكمله..
أخويا كان متشاف بس ملهوش قالب..
أخويا ساب الدنيا ليه معجبين واصحاب..
بس ملهوش صاحب..

أخويا كان بيحب ويكره عَالولهْ..
أخويا شاف الحقيقة عارية فتأمل قوامها..
أخويا وصفه معلش كان جارح..
غريبة الناس متسمعشي غير من أبيح..
"أو من ذكرى لحبيب رايح"..

أخويا دا "كان حبيبي وكان أرق حبيب"..
دفنته جوايا مخافة عيارة يصيب..
فرد جناح قلبه لجلن يحضن حبيبته..
إتسابقوا فتواعدوا يشوفها عن قريب..

قال كل اللي كان مفروض..
وصف كل اللي كان مرفوض..
إتوضا وتجرد من كل زيف وحدود..
ورفع راسه للسما وابتهل:

"يا خالق الأكوان
‏و طالقنا روح و عنان
‏و سايقنا للنسيان
‏سايق عليك النبى
‏المصطفى العدنان
‏اكسر خشب مركبي
‏و الروح تعود بلا عود
‏هذا الجسد قربان"

إقبل حبيبك يا حبيب الكل..
قربان ولد مات شهيد الحزن..

#عمرو_الطحان
607
أحمد الطحان

26 Oct, 23:01

قالوا الشتا معملش ذنب إلا الشتا
الفاتحة على كل الحاجات الميتة
البعد غيّر فيكي حاجة
ف الملامح .. ف التسامح
حتى صوتك كان ساعتها ضعيف و رايح
معرفتكيش .. ما أنا أصلي عارفك من زمان
من قبل ما يبانلك سنان .. و قبل ما تعدي السنين
معرفتكيش .. بس الحنين هو الحنين
و السكرانين مبيزعلوش ..
و مبيفوقوش مهما الحقايق كانت صريحة و ملفتة
الفاتحة على كل الحاجات الميتة

الطحان
473
أحمد الطحان

26 Oct, 11:05

حزن أكبر من شعورك بيه
وقت كان لازم تعيط فيه
يأس له معنى و عذر وجيه
ضعف .. خاين
صاحب ماخور
و ماشي يوزع الموت ع الزباين
..
قاعد لوحدك في عمارة قديمة
ضهر الفنادق و البنوك و السيما
شاعر بأقصى درجات الهزيمة
شاعر بكل شعور مالوش قيمة
..
خلاص .. حصل
ياريت بس حد يطمن قلبها .. إنه وصل
عيل صغير بس مش هيتوه

الطحان
530
أحمد الطحان

25 Oct, 12:04

ياللي طالع عالي على كتفي
شفت ايه من عندك احكيلي
و اوعى تكدب .. عيني صيّادة
ياللي خايف كتفي يوجعني
لما تنزل تحت .. غنيلي
انتا عارف .. سهل أتراضى
ياللي جاي علشان تودعني
اخفي رعشة إيدك يا زميلي
الوداع فيه قسوة .. و إرادة
امتا كان فيه شروطي و شروطك
بحة في صوتي و في صوتك
مين ينادي و مين هيتنادى

الطحان
449
أحمد الطحان

24 Oct, 23:49

أتحرك وسكين في قلبي، أتجاهله لأنساه، أنسى وجود السكين وأتحرك به، أفاجئ بعد فترة بقدر هائل من الألم! أتعجب! لم يحدث خارجي لكل هذه الجلبة! فجأة أكتشف! السكين المغروس في قلبي كأني أبصره لأول مرة، أمشي، أتبع النصائح، أتجاهله! وأدور في حلقة لا تنتهي من الألم، وفي لحظات أسال نفسي.. متى أتوقف لأعترف بأن قلبي الصغير قد تهشم إلى ذلك الحد الذي لا حد له؟






أحمد ياسر رزة
519
أحمد الطحان

23 Oct, 20:47

الطبع غلّاب
و الطبيعة خلّابة
إخوات صحيح
بس البطن قلّابة
العقل ميح
بالنسبة ل اتنين غلابة
واحد صريح
و التاني .. بيتغابَى

الطحان
499
أحمد الطحان

21 Oct, 22:17

و لأني ضمنت وجودك
ف وجودك أصبح عِبء
فيه ناس بتحب بسرعة
و تفارق بعض ب بطء
و فيه ناس بيسيبوا الفرصة
علشان شايفين الفرق
و أحِبّة فقدوا حياتهم
و أحِبّة فقدوا النطق
..
فيه حدود لما ب تتحط
بتخلّي الحب خسارة
"شرط المحبة الجسارة"
ولا مفيش محبّة ب شرط؟

الطحان
615
أحمد الطحان

21 Oct, 17:00

كان فؤاد حداد بصوت مصطفى
كات جميلة .. و الجمال اختفى
كان علي .. وللأبد هيكون
نور ف قلبي .. بس فجأة انطفى

الطحان
507
أحمد الطحان

20 Oct, 01:41

‏بس ابقى عرفني يا علي
‏إيه الغياب اللي ينفع أستناك ترجع بعده
‏وإيه الغياب اللي لازم أنساك فيه.

الطحان
623
أحمد الطحان

19 Oct, 23:54

‏فيه ناس ضحايا نفسها
وبتتهم غيرها،
وناس ضحايا غيرها
وبتتهم نفسها،
فيه سوء تفاهم في الوجود.

الطحان
989
أحمد الطحان

18 Oct, 23:45

الود لما انقطع
علمنا معنا الجفا
فيه كبر باين هنا
فيه كدب فيه عجرفة
الذكرى لا تختفي
لكن صاحبها اختفى
ريتنا لعبنا السهل
زي ما قال مصطفى
كل الجمال في الجهل
و القبح في المعرفة

الطحان
601
أحمد الطحان

18 Oct, 12:51

دعيت بـ شك ووسط دُعايا إتشنجت
وبدأت أبعت رسالة شديدة اللهجة

أنا مش موافق؛
معترض؛
غضبان..

عايز اشارة واحدة بس تبان!
غير الإشارة الحمرا ع الصلبان
نزل علينا اللطف و الرحمات

نزلها دلوقتي؛
هنا..
أرجوك!

خلي القدر زي القانون ثغرات
إديلنا إفراج حسن سير وسلوك
المرة دي قدملنا إثبات!
في ضعف واضح في الدُعا وشكوك

- الطحان
406
أحمد الطحان

18 Oct, 08:17

تعبان ..
كأن الكون بـ تُقله
بـ كل حكاياته و زعله
واقع على كتافي
تعبان،
و بردان
و حافي
و مبتلىٰ
و مبتلي
و برغم كدا لسه بمارس هوايتي المفضلة ..
و بقطع أي إيد تتمدلي
خايف .. لأ مرعوب
و السما مبقتش تمطر قلوب
السما بتحدف جثث
و أنا غصب عني متورط فـ كل القصص
صدقته فـ كل شيء قاله
لو كنت باقي خمسين
كنت أبقاله
"انت الشيطان" ؟
حصل
بكيت بـ حرقة
كأني مشيت كل الطريق
و حد غيري وصل
بكيت يا نور
بعلو صوت عربية الإسعاف
وهي مش عارفة مين اللي اتصل
بصحى بـ التمانية و أربعين
و بنام بنص قلب و نص عين
و باخد أدوية ياخدوها الأنبيا و المدعين
زي ما تقولي كدا أنا بعيد عنك و ع السامعين
انت إبني ..
بس آخر مرة كان لي فيها إبن
كنت بالنسباله فردة إستبن .
الخوف
الخوف
الخوف

الطحان
384
أحمد الطحان

16 Oct, 22:18

‏تلاتة متبصلهمش روحي ولا تكلمهم
‏ولا ترمي سلام
‏و ليهم ف قلبي مساحة الكرة العادية
‏و الإنتقام
‏_اللي يعرفوا نقط الضعف و يدوسوا عليها
‏
_و اللي يحضنوا و هما معندهمش نية للتلاقي
‏
_و اللي أول ما يتعلموا مسك السلاح
‏يضريوا عشوائي

‏أحكيلك حدوتة؟
‏كان ليا زمان تلاتة صحاب
‏و انت عارف بقي الباقي

الطحان
388
أحمد الطحان

16 Oct, 22:18

وأقول راح أموت قبل أواني
فتبُصِّي بقسوة وحِنِيَّة
ومافيش أنا قبلك يا حبيبي
ومافيش بعد الشَر عَلَيّا

الطحان
398
أحمد الطحان

16 Oct, 22:16

منى عبد الغنى في الباشا
ومجدى عبد الغنى في تسعين
وصمت أبويا فى الشاشة
وعينك ناطة فى الڤتارين
وأخويا لما يتحاشى
يكلمني لأني تخين
وأخويا التاني ده باشا
مدلع نفسه دنيا ودين
شوفيلى معاكي كماشة
أشيل من قلبي بني أدمين
شوفيلي كوفية وإعاشة
بيوحشني غُنا الميادين

الطحان
394
أحمد الطحان

16 Oct, 22:16

إيه اللي بعد البوابات؟
ناس بتصحى و ناس تبات
ناس بتمشي تحسب ف حسابات
ناس تعاند .. ناس تهاود
ناس بتئذي ب دم بارد
ناس ف حركة و ناس ثبات

الطحان
377
أحمد الطحان

16 Oct, 21:57

الدنيا سوق جملة
و العلاقة سوء تفاهم
و الرؤية مش كاملة
كدب اللي قال فاهم
ساعدني ب العُمْلَة
ب أي شيء ساهِم
حبِّني مُجاملة
و اقرالي ك مُجاملة
ما دام مفيش مُعاملة
هتحب تقراهُم

الطحان
388
أحمد الطحان

15 Oct, 23:56

و كان المُضْحِك المُبْهِر
بقى أراجوز عجوز و حزين
يا غلطة ف تسع تُشْهُر
بيدفع حقها ف سنين
بيقعد ف الضلام يسهر
و عايش بس ع النيكوتين
و يفضل يختفي و يظهر
و يرمي بلاه على التانيين
و يتباهى و يتْمَنْظَر
ب حبِّة ذكريات حلوين
يجوز من بوسة مسروقة
و حضن دافي من شوقَة
و كورة ف رجله مطلوقة
ب سِن الجزمة ف التسعين
و كل ما ينجرح .. يجرح
و يطلع للسما يسرح
و يعمل م الهوا درابزين
و كل ما ينْصِلِح .. بيبوظ
و كل ما يتْحِرِم .. بيعوز
بقى أراجوز عجوز و حزين


الطحان
347
أحمد الطحان

12 Oct, 07:44

فيه ناس صاحبة قضية
وناس صاحبة محل
‏وناس صاحبة مرض
وناس صاحبة مزاج
‏وأنا صاحبك يا علي
‏صاحبك!
‏وده فيه من الإنتماء والمكسب والخسارة
والإندماج والإستسلام والإحتياج

الطحان
463
أحمد الطحان

02 Oct, 04:46

https://soundcloud.com/amir-salaheldeen/amir-3omomn-3ady?ref=clipboard&p=a&c=0&si=cfc0dde7fc8b44f3a59803c5f28341a9&utm_source=clipboard&utm_medium=text&utm_campaign=social_sharing
631
أحمد الطحان

02 Oct, 04:43

رثاء الذات
ف ضحكة حضرتِك بالذات
مع غيري
رثاء الذات
ف صحّة حضرِتِك بالذات
و تكراري .. ل تخديري
رثاء الذات
و أنا المذنب هنا بالذات
ف إحساسي و تفكيري
رثاء الذات
مهوّاش قطر بس و فات
دا قطر أخير ف تقديري
رثاء الذات
و أنا كتّرت م المجازات
ف تعبيري
الطحان
536

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.