پست‌های تلگرام أحمد الطحان

مريض .. و مرضه عَدَى ذاته
كوِّن عاداته بطريقة غير مُسَلِّيَّة
بيلوم جميع الناس عَدَا ذاته
متأكد من كل شيء بنسبة ٤٠%

لأجل أننا مُسلمون،
وتعظيم شعائرِ الله فريضة؛
رمضان مُبارك، وكل عامٍ وأنتم بخير.
♥♥♥

و أنا
جزء من النظام
و جزء م الفوضي
و جزء م الأحلام
و جزء م الخردة
و جزء من عجزي
و جزء م القدرة
و جسم لسا بينسحب
م المايه و البودرة ..
و أخويا
أخويا - هنا الشاعر بيبتسم -
سلم نار قلبي
لبرود الدكاترة ..

الطحان

عَزيزي
المُشكلة ليست في العودَة
المُشكلة فيمَا بعد
إن عُدت
هل أعود لدَارِي الآمِن؟
أَمْ أصبَح الدارُ غريباً عنّي.

سما حسن

و إن قفلو الدنيا ف عينيا افتحلي الشيش
سرسبلى الضيّ ..

الطحان

لو كُنت وفرت البُكا اللي نزفته فـ غيابك
لو كُنت وفرت الألم من طَرْق إيدي على بابك
لو كُنت وفرت الوقت اللي ضاع فـ عتابك
لو كُنت وفرت الأمل وبدأت اجتنابك
لو كُنت وفرت حيرتي وفهمت أسبابك
لو كُنت شُفت الحقيقة والقصد والمعنى
لو كُنت أخمدت الحريقة والسُهْد واللعنة
لو كُنت ألاقي طريقة للزُهْد في وداعنا
لو كُنت وافقت المشيئة والوعد وطِباعْنا
مش كان زماني بكتب عن أي شيء تاني
عن شيء مهم على الأقل .. أو فيه أمل منه !
أو حتى شيء سطحي .. مفيش أذى منه
عن قول حكيم وعبقري .. أو فعل إنساني
مش كان زماني بجري فـ اتجاه راحتي
مش فـ اتجاه أحزاني ؟!!

الطحان

‏صَنعنا اللعنة
وأبدعنا
وأستثمرنا فيها نفوسنا
وصَرَفنا عليها فلوسنا
وما زهقناش م إللي بيخدعنا.

الطحان

‏زي المجاذيب تِلِف
ب قلبك التالف
و بذكريات للأسف
مبقتش تهم حد
ولا تتاخد بجد
و رسايل للأبد
مركونة ف البوسطة
و العالم مستعد
ترفعله إيديك ب وِد
يرفعلك الوُسْطَى

الطحان

الضريبة 40% موجود في المعرض .. دار دوّن قاعة ١ جناح B34

‏دلوقتي أقدر أودع كل الحاجات
اللي مقدرتش أودعها و اللي مقدرتش تودعني
أودعك
و أودع أبويا
و الكورة
و الكتابة
و الإدراك
و صحاب مبكوش ف دفنتهم
و أمضي تنازل عن جسمي لأحضان الغربا
و من بعدهم
ل مشرحة زينهم
و أمشي بروحي ف الخلا
مش بينهم

الطحان