الدوحه الفاطميه

يعبر الشاعر عن لسان حال خادم الحسين ع 👇🏻👇🏻
مشايه ننتظرك تجي تشرف وطنه
👈🏻 ما گال تشرف بیتنه أو... إنما قال تشرف وطنه و هنيئا لکم هذ الشرف يا أهل العراق

اهل العراق أثبتو كرمهم و حبهم في كل هذه سنوات لزائر لحسين عليه السلام و نحن نشكر كرمهم و فضلهم لهذ الخدمه الحسينيه المباركه
بس أكو نكته مهمه أحب انوه عليها
أكو من يخدم بس يفرق بين زوار الحسين عليه السلام
يعني عند زوار خاصه و زوار عامه
الخاص يجي سبوع أو عشرة أيام أو أكثر يبقى ، فصاحب البيت لا يبالي بس إذا اجه زائر
عام يعني ميعرفه أول مره يطب بيته يبقى يوم و يكله أكلت و شربت و تفضل أطلع بعد ❗
السؤال/ هل الحسين عليه السلام يفرق بين زواره ؟
أو يقبل الحسين عليه السلام بهذ الأسلوب؟
إذا تقول بلسانك هذ بيت الحسين ف ليش طلع زائر الحسين من بيت الحسين و تخلي تذكره سيئه بذهن زائر الحسين🥹
تره نيه بلعمل و ليس بلسان ،
أللهم أرزقنا و جميع خدام و زوار الحسين خلوص النيه 🙏🏻

#و نكته المهمه الاخره لجميع الزوار بأن يبقى قليل في كربلاء بأيام الزياره الاربعينيه ،حتى ينطي مكانه ل باقي الزوار و الي يكتسبها فرصه و يبقى سبوع أو عشرة أيام أو أكثر فهذ حق الناس حق الزوار يبقى في عانقه

ذكر فإن الذكرى تنفع المؤمنين 🌹

#حب_الحسين_يجمعنا

✏️ ست عطايى( أم سيد جواد )

#تعليم اللغة الإيرانية
#بإدارة ست عطايى

رابط القناة 👇👇


https://t.me/lranianlanguage

مجموعة أنصار المهدي ( عج )
#للعتبات_المقدسه  و زيارة الإمام علي بن موسى الرضا عليه السلام في #مشهد_المقدس
تقدم أفضل الخدمات المميزه لزوارها الكرام
#نتشرف بخدمتكم

سارع بتسجيل معنا
هاتف التسجيل
09165215832
09393567338

#ست عطايى

نزله

يالخدم رفعت راس ... اتباهه بيكم عباس
هله برجال الليالي الفاطمية
......
هله بعشاك الشعائر والمجالس واللطم
هذا يوم الزهرة لتقصرون حد كسر  العظم
الزهرة تستاهل بواجيكم وشوغات  الهضم
لا تبخلون بدمعكم وانت حيلك لا تضم

الخاطر ام الحسينين ... يالخدم طيحو العين
هاية ليلتكم يفرسان العزية
......
خل نشوف الناصبية شنهو ولد ام الحسن
لجل عيناها ورضاها  نوكف ابوجه الزمن
على طول السنه ننصب ماتم الها ابكل وطن
ونلعن الكّسّر ضلعها بالخفاء وباللعن

الله يلعن من عاب ... صدر فاطم بالباب
وخله دمعتهه على الوجنه جرية
......
يله يخواني النشامه خل نردد ما يلي
احنه غير الزهرة ما عدنه وحق ربنه العلي
لا مره الا الزجية ولا فتى الا علي
خل نردد هالشعار بصيحه وحدة تعتلي

فاطمه سر الله ... وعلي حيدر صاناه
تشهد الاملاك ماخان الوصية
......
لحضر مجلس للزجية رضه الباري حصله
باجر بيوم القيامه اينول اعظم   منزله
علي يشفعله ورسول الله وحُسين يقبله
والاملاك بتاج من در تعنتني وتستقبله

وجنة الله اتحييه .. وعلى الراس اتخليه
اكرامأ الام الحسن جنه زهية

......
ما يحب الزهرة بس الصدك طاهر بالنسب
الرايد ايراجع شنو اصله ايشوف كلبه شنهو حب
والدليل الحرك باب الزهرة والجاب الحطب
هذا مو طاهر حليبه امه شرَّايت ذهب

مو رجل من ارجال ... بالنسب عنده اشكال
ماله ابو المعروف نحجيه القضيه
........

تحت راية ابو صالح ننجمع نوكف حرس
انطالب ابثار الزجية الحد كطع اخر نفس
انحاسب الكسّر ظلعها والصفعها والرفس
ابد ما ننسى ظلعها البيه بسمار انغرس

امربع انرد الثار ... ما نعوفه اشما صارر
قسم ابدم نحر الحسين واخية
.....
كلمات
موسى الخادم

اندفع باب السمه   وانكسر حامي الحمه
          وانسطر وجه الرسول 
---------------------------------------------------------------
ياسلام الله عله ابوهه فاطمه عليهه السلام
چانت مراية محمد وانكسر من عدهه جام
بضعتآ مني المؤيد گايل ابعبر الكلام
تالي ما واحد رحمهه وماتت ابعمر الحمام

يعني ذاكه الناصبي   ساطر عيون النبي
              ياصبر فحل الفحول 
--------------------------------------------------------------
منكسر ضلع  النبوه وسالت آيات الكتاب
شلون باب الجنه طايح ونطبگ بضلوعه باب
الزهره بحر العفة چانت والبعض ضلو سراب
حجاب عرش الباري لكن من اجوها بلاحجاب

والصطر خدهه انعجب. بچفه ضل طابع ذهب
                  راد بالمدمع ينول
----------------------------------------------------------------
ياشمس بالليل تسطع شع ضواج بكل مكان
الباب ضلعج يمه كاسر لو كسر ضلع الزمان
يالحنينه شلون حالي وموتج بهالحضه حان
أنشيع النعشين باجر نعشج ونعش الحنان

نشيع انفاس الوفه. وكل هذيج العاطفه
             شلون بعدج يالبتول
-------------------------------------------------------------------
حرگو حساس المشاعر وحترگ چف الحرير
حسين رفرف صبره يمه وراد من الهم يطير
طاحت امه وطاح يمهه وشاهد الرايح يصير
شاف راسه عله الرماح ولملمو جسمه بحصير

صاح يااول مره. تندفع يم حيدره
          والدمع ينزل سيول
---------------------------------------------------------------------
كوثر المختار انتي ودمعتچ صارت فرات
يمهه توگف غيرة الله وتنگطع چف الحياة
تعيش بس جروح گلبي وكل عدل بالدنيا مات
عينچ عله الماي تطفه وتنحني عليهاالصلاة

يمه باچر حرمله   يطفي كلشي بكربله
         وانه طولي بلايه طول
---------------------------------------------------------------
منشغل گلبي بجروحي ومنشغل بحساسي بال
عندي هم لو اقيسه بعدج يكسر ضهور الجبال
من شفت حبل الله يبجي وايده مجتوفه بحبال
تخيلت مجتوفه زينب والعلم عالشاطي مال

طيحتچ طيحت علم. حسرتچ نار الخيم
              غيبتچ حافر خيول.
-------------------------------------------------------------
تضلم الدنيا عله زينب ينذبح يمهه الصباح
والگمر عالغبره طايح والفرات ابوجهه فاح
واني چن شلال يابس والمثلت يمي صاح
غيم ويرعد رضيعك والمطر من نحره طاح

بچفه رفرف وابتسم. گلي اسمع ياسهم
              گتله گول وضل يگول
               اندفع باب السمه
------------------------------------------------------------------
خادم الزهراء ( ع)// احمد عباس الكعبي


https://t.me/joinchat/AAAAAEXfC0WTgXR6jaIf6w

أظل للموت انــدب فاطـمه الـزهـره

*-----*-----*-----*-----*

أظل للموت انــدب حرگت امصابج
نــار وتستعر يــا جمـــرة  اصوابـــچ
صاب الدين والله ابصدرج الصابـچ
وظلت كــل وكــت بگلوبنـا الجمــره

*-----*-----*-----*-----*

ظلت كل وكت نـار التشـب بالبــاب
يوميه يــرد يالزهــره بينـا امصــاب
مــا تشفه لحد مـا يظهر أنـه الغـاب
وياخذ ثــار ظلعـچ والله  والسطره

*-----*-----*-----*-----*

يــاخذ ثــار ظلعـج والجــره بعـــده
هامــة حيــدره والغــدرتــه جعــده
ونحــر حســين  ذاك القبلــه  جــده
بغضــا بالنبي وسـفه انگطــع نحره

*-----*-----*-----*-----*

انگطــع نحــره ومثـل دلالچ تهشم
مــن ظلعــه وظلـوعج طـاها يتألم
ظل مصاب ولدج بين سيف وسـم
وراعي الثار طول يا وسف صبــره

*-----*-----*-----*-----*

طوّل صبره وضلوعـچ تــريد الثـار
يا نار التشب ما تطفت والله الـنار
سر الله انتي وهجمـوا أعلـى الدار
مــا حفظــوا يوسفـه ايتـه وســره

*-----*-----*-----*-----*

آية وسوره انتـي بمصحــف التنزيل
بالقــران مــا تحــتــاج اي  تـــأويــل
من الكوثر صعب والله الدماء تسيل
وكضــت تالي العــمر بالاه والحسره

*-----*-----*-----*-----*

الشاعر
موسى البديري

https://t.me/joinchat/AAAAAEXfC0WTgXR6jaIf6w

⬛️◾️▪️⚫️﷽⚫️▪️◾️⬛️
مفجعة 💔 كأني بحضور العقيلة ع عند الامام الصادق ع في احتضاره

طور جديد (ساجيني حزنك-ملا مسلم الوائلي)
نفس طور (لبيك يبن الطاهره) المقتبس من الطور الفارسي (خيلي دعا كردم نشد)



عد موتي حضرت بت علي
و اعليــه   دمعـتها   اتهـلي
و جَــوَا  عبــايتــها  طــفـل
مـن  نحـره  ونـته  تعتــلي

وداع ... يا هلي و أحبابي
🏴🏴
لمن  نزل  بيه  الأجل ، و اتجمِعوا  عندي  الأهل
واحد يون واحد بچى ، و ابعمري فگدوا كل أمل
بالباب شفت أم الخدر ، حضرتني وي أم البطل
وحده تدگ اعله الصدر ، وحده تناشدني اشحصل

بس شايِله عبد الله * و اتگلي ذبحوا غفله
مگطوع راسه من اجه * و ابگلبي حزنه وهَّجه

وداع ... يا هلي و أحبابي
🏴🏴
هم حضرت أمي فاطمه ، و المرتضى ويه الحسن
هم  النبي  ويه  السبط ، و العيله  كلها  اتجمعن
وگفت  تگلي  عمِتي ، مشكور  ما  ناسي  المحن
تنعى الحسين  و مقتله ، رغم المصايب و الفتن

سمتني ناعي لحسين * شكرتني أم الابنين
و آنه عيوني اعله الدرب * و امتاني موتي يقترب

وداع ... يا هلي و أحبابي
🏴🏴
شفت ابعيوني فاطمه ، محنيه  من وقع الكسر
و ابخد رقيه چم ورم ، هم سكنه خدها منسطر
وحسين شفته منطعن چم طعنه من سيف الشمر
بس الكتلني بت علي ، ويه احتضاري تحتضر💔

تدريني اشگد مسموم * تعبان و عرفت مالوم
بعيوني شافت ودعِت * من چبدتي اتوجعِت

وداع ... يا هلي و أحبابي
🏴🏴
وصيت  ابني  بالعجل ، و اتمددت من  الألم
و الحره لفتني عگب ، ابرايه من راعي العلم
عالرايِـتــه  الامتَــرِّبه ، آثــار  ارمــاد  الخيم💔
هم بيها ريحة بوالفضل ، هم دم و أثر من السهم

و الموت يمي اگريب * سهمه يصيب وميخيب
و الكاظم اعليه انفجع * ظنه ابرجعتي انگطع

وداع ... يا هلي و أحبابي
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ


https://t.me/joinchat/AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

لطميه  شور للسيده زينب عليها السلام


وينج أووين السبي يمدلله
شسوت بحالج يزينب كربله
يازينب.              يازينب

🧿🧿🧿🧿🧿🧿🧿🧿🧿🧿🧿🧿

يوم شلتي والدمع منج يسيل
حايره تحشمين جاوين الكفيل
الحادي يوم الراد بضعونج يشيل
صحتي ياعباس رد القافله
يازينب.               يازينب

🧿🧿🧿🧿🧿🧿🧿🧿🧿🧿🧿🧿

خلي أبو فاضل يشاهد حالتي
يشوف بعيونه الكيود وناكتي
تبجي العيون الصخر ياحالتي
انده الحكني يبن عقد الوله
يازينب.           يازينب

🧿🧿🧿🧿🧿🧿🧿🧿🧿🧿🧿🧿

خويه مروني عليكم من مشيت
وبيك ياعباس ياخويه انتخيت
من شفت عالكاع مشمورات اديك
ضلت عيوني عليكم سايله
يازينب.            يازينب

🧿🧿🧿🧿🧿🧿🧿🧿🧿🧿🧿🧿

من سمع عباس زينب نادته
تكورت بيهه الحميه أوشيمته
شلون يفزعلج أوطاحت يمنته
ولا مشه بضعون نام أبكربله
يازينب.          يازينب

🧿🧿🧿🧿🧿🧿🧿🧿🧿🧿🧿🧿

اليوم ماكام الولي من النهر
يصعب أعله اهلج يبعد اهلي الامر
شلون يقبل زينب تروح أبيسر
وركبوهه فوك ناكه مهزله
يازينب          يازينب

🧿🧿🧿🧿🧿🧿🧿🧿🧿🧿🧿🧿

*تمت بفضل الله

https://t.me/joinchat/AAAAAEXfC0WTgXR6jaIf6w

(يامهدي)


بـيـن البقيع وكـربلـه    نـدري بدموعك هـامـلـه

             طـول الــزمــن نـدعـيلـك
             يـبـن الحسن شـد حـيلـك

*----------------------*--------------------*
صعبه الصبر  وانـت بجمـر   نـار المصايب
وحدك عشت  زين احملت   بُـعـد الحبايب
اشكـم جـرح  وشكم رمح  شفت العجايب
تـحـمـل ألـم   مثل السهم   هـدم الاطايب

المثلك تحيّـر حـالتـه     ليل ونـهـار بـدمعته
              مـاتـهـدئ حـتـى ابـليلـك

*-------------------------*-------------------*

تـنـزف دمـع  چنك شمع  خلصت حياتك
اشعندك بعد   ماضل أحد  بـس ذكرياتك
يـمـتـه تـهـل  حكم العدل  نـدري أمنياتك
هيبت علـي   أوارث علي  كـلـهـن صفاتك

المتحمل اجـروح العـده    يـوميـه حزنه ايجدده
            اليـمتـه الـبـچـي وعـويـلـك

*-----------------------*----------------------*

ظهره انحنه  وبـكل سـنـه   نعـرف تكابر
بـهـل مـحـن   طول الزمن   بالغربه صابر
كسـر الگلـب  كلش صعب   ماصحله جابر
صبـرك عبـر  حجم الدهـر    والحده عابر

مايحصل الجرحك دوه    الحد ما ترفرف بـالـوه
                خـل الصبـر يـحـچـيلـك

*-------------------------*-----------------------*

شفت الحطب  شفت الگُبب  ظالم هدمهن
دمـعـك دمـه   وتبچي السمه   اعيونك ألهن
هـمـك جبـل   جـفـنـك ذبـل    يكتل حزنهن
تـذكـر هـلـك   وجـروح ألـك   يكثر عددهن

يالوضعك ايبچي السمه  دنيّـه بعيونك مظلمه
               نـار بــوســط دلـيـلـك

*----------------------*--------------------------*

أگبـور المجـد   ساوه الحقد   ونته تنظره
الـمـثلـك نـعه   بهـل فاجعه   أنعظّم أجره
مـن الظـلـم     تحمل هظم    يوميه كسره
ابـلا حچـي    وي الـبـچـي   صارتله عِشره

حيل المصايب جرحته   گلبك يمهدي وأذتـه
               نـدعـي ألـلـه ونـصليلـك

*-------------------------*----------------------*

✍خـادم الـحسيـن ع
الشاعر رعد الجريخي


https://t.me/joinchat/AAAAAEXfC0WTgXR6jaIf6w

.     .      بـانـت عـلامـات أشـكـثـر
             وبـدمـوع الـعـيـون انتظر

  ويـنـك يـمـوعـود          ويـنـك يـمـوعـود

                                         *---------------*---------------*

وينك     مـتـحـمـل شلون الجـرح
وينك     يـالـتـنـحـب بليل وصبح
وينك     بـعـمـرك أشـخـلـه الـذبـح
وينك     إيـنـاشـدك دمـعي اليسح

    يـالّابـس إثـيـاب الـحـزن
    والـعـمّـتـك زيـنـب تـــوّن

                                         *---------------*---------------*

أدري     أمـجـرح عـيـونـك دمــــع
أدري     يـومـيـه بـالـطـف تنـفجـع
أدري     أسـنـيـنـك بـغـربــه شـمـع
أدري     أبـالـك أخـيــــــام وضـلـع

    مـتـحـمـل أهـمـوم وألـــم
    وبـضـامـرك نـــار الـخـيـم

                                         *---------------*---------------*

عجل     يـاصـاحـب الـثـار الأبــي
عجل     يـالـتـعـبـك حـيـل السبي
عجل     يـالـحـرگـتـك نار الـعـبـي
عجل     أرفـع دعـائـي ومـطـلـبـي

     أدري بــدلـيـلـك مـحـتـرگ
     مـاتـنـسـه ألـمـتـون الـزرگ

                                         *---------------*---------------*

غايب     ولـوحّـدك عـايـش غـرب
غايب     أيـأذي الـغـيـاب وصـعب
غايب     والـمـدمـع بـخـدك يصب
غايب     أجـروحـك بـنـص الگلب

     أتـنـطّـر وطـال الــــوعـد
     والـجـيـتـك أشـباقي بعد

                                         *---------------*---------------*

وحدك     تـذّكـر الـنـوگ الـعِـجـف
وحدك     أعـرف حـيـاتـك تختلف
وحدك     سـيـل النـواظـر مايجف
وحدك     مـعـاشـر أجـروح ونـزف

     أسـنـيـنـك أحزان وبچي
     مـيوصف لحالك حـچـي

                                         *---------------*---------------*

يمته     يـالـغـالـي يـجـمـعنه الزمن
يمته     أتـنـطّـرك يـبـن الــــحـسـن
يمته     أمـسـح دمّـوعـي ويـنـسـن
يمته     بـــثـارك تـطـالـب بـالـعـلـن 

   أتـحـاسـب الـذابـح طـفل
   وأتـنـشـف الـدمـعـه التهل

                                         *---------------*---------------*

✍بقلم خادم الحسين (ع)
الشاعر رعد الجريخي


https://t.me/joinchat/AAAAAEXfC0WTgXR6jaIf6w

قصيدة شهر رمضان وليلة القدر تتساءل عن حالة المولى بقية الله (عج) في هذه الأيام، وهو يستذكر عطش جده سيد الشهداء (ع) الذي يبس لسانه، وغارت عيناه، وذبلت شفتاه، وتفتت كبده، وحال بينه وبين السماء كالدخان من العطش، بأبي هو وأمي ..

شهرُ الصيامِ عادَ يا أللهُ
وعيدُنا الموعودُ لا نراهُ

ندعو دعاءَ"الإفتتاحِ"في المسا
عسى يطلُّ صبحُ مولانا عسى

يا ربِّ قرِّبْ بالظُّهورِ وقْتَهْ
(مكِّنْ لهُ الدينَ الذي ارتضيتَهْ)

(كَثِّر بِهِ يا ربَّنا قِلَّتَنا)
وفي الورى (أعزِزْ بهِ ذِلَّتَنا)

(نشكو إليكَ فقدَنا نبيَّنا
وأننا لسنا نرى وليَّنا)

ما حبُّنا ؟! إنْ لَمْ نكُنْ نُفكِّرُ
بحالِهِ، أينَ وكيفَ يفطرُ؟

إفطارُهُ بالدمعِ لا بالماءِ
والآهِ لا بِلُقمَةِ الهَناءِ

يبكي على آبائهِ القماقِمْ
قَدْ قُتِلوا في يومِ قَتْلِ فاطِمْ

لكنَّ ما أجرى دماءَ العَيْنِ
مُصابُهُ بِجدِّهِ الحُسينِ

فقلبُهُ كجمرةٍ مُلتهِبهْ
على الذي لسانُهُ كالخشبهْ

لمْ ينْسَهُ مِنْ ظمإٍ يُعاني
حتّى رأى السَّماءَ كالدُّخانِ*

لهفي عليهِ ذابِلَ الشفاهِ
وقدْ رماهُ السَّهمُ وسْطَ الفاهِ

وجَوْفُهُ قدْ جفَّ مِنْ حرٍّ قسى
فيَنشَقُ الغبارَ إنْ تنفَّسا

قال لهُمْ "ذا كبدي تفتَّتا"*
كانَ الجوابُ أنَّ شِمْرَهُمْ أتى !

بسيفهِ سقاهُ كاساتِ الرَّدى
هلْ ذَبَحَ الحُسينَ أمْ مُحمَّدا ؟!

لَمْ يكْفِهِمْ سيفٌ لئيمٌ غادِرُ
فكلُّ عضوٍ قدْ سقاهُ حافِرُ !

ومشهدٌ يُذيبُ صوّانَ الحجرْ
كيف بأجفانِ الإمامِ المنتظرْ ؟!

على القناةِ زينبٌ تراهُ
غارتْ بأُمِّ رأْسِهِ عينَاهُ

فلابنِهِ المَوْتورِ عجِّلْ فرجَهْ
وفي زمانِ العُسْرِ سهِّلْ مخرجَهْ

هذا دُعانا في ليالي القَدْرِ
أنْ نسمعَ "الصيحةَ" عندَ الفجرِ

تقولُ أنَّ "الحقَّ في آلِ عَلِيْ"
يا ربِّ عجِّلْ بنداها عجِّلِ..


ليلة ٤ شهر رمضان ١٤٤٠ هج

________________________________
*في تفسير قوله تعالى : { فتلقى آدم من ربه كلمات } ، أنه رأى ساق العرش وأسماء النبي والأئمة (ع) ، فلقّنه جبرائيل قل :
يا حميد !.. بحقّ محمد ، يا عالي !.. بحقّ علي ، يا فاطر !.. بحقّ فاطمة ، يا محسن !.. بحقّ الحسن والحسين ، ومنك الإحسان .
فلما ذكر الحسين سالت دموعه وانخشع قلبه ، وقال :
يا أخي جبرائيل !.. في ذكر الخامس ينكسر قلبي وتسيل عبرتي ؟.. قال جبرائيل : ولدك هذا يُصاب بمصيبةٍ تصغر عندها المصائب ، فقال :
يا أخي وما هي ؟.. قال : يُقتل عطشاناً غريباً وحيداً فريداً ، ليس له ناصرٌ ولا معينٌ ، ولو تراه يا آدم وهو يقول :
*واعطشاه !.. واقلة ناصراه !.. حتى يحول العطش بينه وبين السماء كالدخان*، فلم يجبه أحدٌ إلا بالسيوف ، وشرب الحتوف ، فيُذبح ذبح الشاة من قفاه ، وينهب رحله أعداؤه ، وتُشهر رؤوسهم هو وأنصاره في البلدان ، ومعهم النسوان ، كذلك سبق في علم الواحد المنّان ، فبكى آدم وجبرائيل بكاء الثكلى.
(المصدر : الدر الثمين ص 245)

* ورد في منتخب الطريحي ص 451 وذريعة النجاة ص 135 الخصائص الحسينية ص 62 إن الإمام الحسين (عليه السلام) قال لأعدائهِ : « *الآن اسقوني قطرة من الماء فقد تفتت كبدي* » .





#اللهم_عجل_لوليك_الفرج

https://chat.whatsapp.com/E5fpaQJhl7SA5uDntnRisx

لحد اخر نفس. اصيحن ياحسين
نطيته اربعه واحس يطلبني دين

كلمات الشاعر / زهير الابراهيمي

بصوت. مسلم المطيري

لحد اخر نفس اصيحن ياحسين
نطيته اربعة واحس يطلبني دين
......
انه الكلبي نُبَض ( حسين )
رفض غيره ولُفَظ ( حسين )
تره اخيول الهجر ( حسين )
ترض ابصدري رض ( حسين )

امامي وسيدي انه ام البنين
نطيته اربعة واحس يطلبني دين
.....
فكدت الاربعة ( حسين )
وسبتني المشرعة ( حسين )
ومتت من اسمعت ( حسين )
حبيبي ابمصرعة ( حسين )

يريت انه فده لبو القلب الحنين
نطيته اربعة واحس يطلبني دين
...
صرت دمع و الم ( حسين )
و جسد أحشائه هم ( حسين )
يموت اشباقي الك ( حسين )
رماد امن الخيم ( حسين )

مثل نار الخيم اكل عمري الونين
نطيته اربعة واحس يطلبني دين
......
لمن جاني الخبر ( حسين )
حسين اصبح وذر ( حسين )
اطلعت روحي تره ( حسين )
و متت من القهر ( حسين )

انه المكتوب الي اموتن مرتين
نطيته اربعة واحس يطلبني دين
...
شفت زينب اجت ( حسين )
بجيت وهم بجت ( حسين )
غريبة اعله الهزل ( حسين )
احس روحي اطلعت ( حسين )

واظن متنه سوه و عدلنه احنه الثنين
نطيته اربعة واحس يطلبني دين
.....
اموت بكل مسه ( حسين )
وعليَّ دهري قسه ( حسين )
اسيرة ومركبي ( حسين )
ابّحر حزني رسه ( حسين )

وانه امضيعة ضوه فلا اندله وين
نطيته اربعة واحس يطلبني دين
....
انه جروحي سمه ( حسين )
جبيرة ومظلمة ( حسين )
سماي ابلا شمس ( حسين )
بحر دمعي ضمه ( حسين )

نشف دمعي نشف ولاضلتلي عين
نطيته اربعة واحس يطلبني دين
....
جروحي اتحيرت ( حسين )
شجرت عيني شجرت ( حسين )
التعيش بلا اهل ( حسين )
بلا موطن صفت ( حسين )

متت وله عشت اشفرق بلحالتين
نطيته اربعة واحس يطلبني دين
....
زهير الابراهيمي

هاي الفاجده الشبان .. بالتابوت شالوهه

گضت آخر عزه ومـاتـت البـدويه
هـايــه الحــيلـهه الـيـنبـاگ ليـليه
هــايه ابكســـرة الشــبان محــنيه
ومـا مسبيه بــس بالنــوح مسبيه

موش ام البنين الروح .. بيت احزان سموهه

مــرت جـم ليــالي وهيه مكسوره
واخــر ليله الهه وضـحت الصوره
وحيــده وتكسر الخـاطر الناطوره
مخنوگه ابچيهه وحـيل محسـوره

بـرآيـة كـافلج يم عون .. ام عباس چفنوهه

بيهه امن الـوجع ما ينوصف ويلي
صاحت تنهش الفـرگه نهش حيلي
بالعيـن الصبح صاير مـــثل لـــيلي
و دم ياعين هـلّـي اعله الوّلد هيلّي

وينك يابوفاضل وين .. صاحتـلك البدويه

تريد اتـمـوت ملـت روحهه الغـربه
صعبه الـدنيه من دون الولد صعبه
هنياله العله حسين الـوگف گــلـبه
وضاع العمر مـن گد ناطـره ابدربه

محلات العمر لو راح .. بس اونين لحسيني

هــايه الـقـدمـت اربـــع كـــواكــبهه
ولا همـهه التـعـب والـنـوح رافـگهه
مـا شايف صبر مثــل الــذي عـدهه
وادموع الحزن مـا نـاشـف ابـخـدهه

شمرت اربعة اقـمــار .. فيّ وتخــدم العيله

شيــعـوا أم الوفه بالنــوح شيعوهه
شـدوا المجلس وكل حگهه انطوهه
هــايه أم البنين اللـيــله عـيـنــوهه
وآسوهه ابلــطــمكم حـيـل وآسوهه

هايه ام المجالس هاي .. فايض زودهه اهوايه

- خيري الصفراني


https://t.me/joinchat/AAAAAEXfC0WTgXR6jaIf6w


🔮 قناة تهتم بنشر القصائد و الألحان


@Ahbabalzahrae1

#خدمتكم شرف لنا

فلـسفة الانتـظار  .. للغايب باختصار
اترجمها ام البنين
اترجمها ام البنين
-------

كــلمن منــتظــر غـــايــب .. وگلبه امن الوله جمره
بغمار الحب وجوب ايخوض .. وفلسفة الوفه يقره
امـــن ام عبـــاس اتــعلـم .. يمــن للمــهدي منتظره
عــلى غايـــبها مــن تبچي .. دمــعتها تهـــل حــمره
 
ودمــوع الانكسار .. للغايب باختصار
اترجمها ام البنين
اترجمها ام البنين
-------

يامن ناطــر الغايـب  .. وحچي اسمعونك بكل يوم
تره ام الاربـعه قبلــك .. مـــن الــنـاس شبــعت لوم
المامذبوحلـه ابـن ادم .. ايســـولف حـقـه ماملچوم
والرايحله ابو اليــمـــه .. عــاديـــه يطـلــگ الـــنوم
 
والحدر اعيونه نار .. للغايب باختصار
اترجمها ام البنين

-------

عـــالــم فلــسفة حــبها .. يـــامـــن رايـــد اتــدرسه
ابحب ام البنين ابحث .. اخــذه وطبــقـــه بـــنفسه
اساس المعرفه القصوى .. الوفـــاء وكـــون مـاتنسه
الامامك شوگك امن ايقل.. امن الطف صدرك اترسه
 
اشواگك مهما صار .. للغايب باختصار
اترجمها ام البنين
اترجمها ام البنين

------

راح الـكــــربلـه وراحــت .. كــل ايامهــا الحلوه
وكل مانسمه مـن الطـــف .. تمـر بالطاهره تهوه
اعــــز مانمتـــلك احـــنه .. تعـلـــمنه الـــه فدوه
ابلايه انفاس ابو صالح  .. كلشي الدنيا ماتسوه
 
ومن انگول البذار .. للغايب باختصار
اترجمها ام البنين
اترجمها ام البنين
-----

خل اعيونك اتسولف .. والدمــعات بــديها
هوه الفارگ احبابــه .. روحه اتضل تواليها
يمن للمهدي تشتاگه .. ام عـــباس حـاچيها
گلها ابداعة اعيونچ .. جمرتي بيش اطفيها
 
الدمعه ليل ونهار .. للغايب باختصار
اترجمها ام البنين
اترجمها ام البنين
-----

المثل ام البنين ايعيش .. ينطــر غايبــه اعوام
شــما رادو يــحاچـونه .. تره المشـتاگ ماينلام
هــوه المــنذبح شوگه .. متفزز اجروحه اسهام
اليدور ماي حتى ايعيش .. يمشي مستعد ايام
 
والاحزانه جهار .. للغايب باختصار
اترجمها ام البنين
-------
حيدر تركي الكربلائي
 
 

في ذكرى ام البنين سلام الله عليها (ميمر )

ام البنين الرحمان    أكرم صفات انطاها 
★★★★★
ردت البيت المرتضى انواره
ام البنين من الله هيه بشاره
صانت البيت  وقدست اسراره
بكل شده وي الكرار   عون وعزم تلگاها
★★★★★
شماقدمت للمرتضى  خجلانه
تنسعد لاجله وتحزن الاحزانه
تنسه كرمها  تسولف اباحسانه
افعال الوفه لهذا البيت شماقدمت تنساها
★★★★★
تعرف علي وشنهو علي منزلته
واي منزله متريد بس خادمته
ضحت عمرها وللوصي ناذرته
سنين العمر للكرار   باعتهن ودنياها  
★★★★★
لزمت ظهر حيدر ابيوم الشده
بجور الزمن مايوم حس بوحده
تدري بعلي تغدر الوادم بعده
اثلاثتهم وي العباس   كلهم فده المولاها
★★★★★
حسين بسفر للكوفه عاقد امره
لمت ولدها   وعين تجري ابعبره
صيروا درع  ياولدي لابن الزهره
بزينب توصي العباس   طول الوكت يرعاها
★★★★★
لحسين تدعي ويصب نار المدمع
كل شده عن حسين ياربي ادفع
ولدي فده بس كون سالم يرجع
من غيره شلي بدنياي  ولاحاجة عندي وياها
★★★★★
عباس گالت عندي يمك مطلب
لابن الزجيه بالدمه  تتخضب
وعينك على خدر الهواشم زينب
الله خلقها الاكوان   الهم تره وسواها
★★★★★
لحسين يوم الشده كون ارجاله
وصت ولدها  تموت دون عياله
ماريد طاغي  من العده يدناله
ولخيم زينب ماريد   خيول العده تدناها 

الشاعر حسن لعيبي الحريشاوي

نزله لأم البنين ع
……………………………………………………………… .

باب عالي و للدعاء    .    ربك امخليها
الحاجه يم ام البنين . ما تظل تگظيها
…………………………………………………………………

چي تخلت عن اسمها . الأجل بضعة طه
باب واسع للحوائج . الله بيده انطاها
لان خدمت ولد فاطم . للنجم علّاها
ابتدي بسم الزجيه . لو ردت تنخاها

لون تسمع بالبتول .    محنتك تجليها
الحاجه يم ام البنين . ما تظل تگضيها

…………………………………………………………

بدت من الصفر هي . والاصل بدويه
وبعمل واخلاص صارت . بالنسب علويه
صارت اتوقع حوائج . للخلگ يوميه
اتگلك انت عليك تدعي . والبقيه اعليه

انت يل شيعي عزيز . دمعتك اشريها
الحاجه يم ام البنين . ما تظل تگضيها

…………………………………………………………

اجت هاي المنزله الها . بالدمع وبلوعه
عل صفه تحت الحوافر .داست اعل ضلوعه
هي موكب رايه ناصب . للابد مرفوعه
حسين هو الاصل عدها . والبنين افروعه

الاربعه الأم الحسين . ما اظن اوفيها
الحاجه يم ام البنين . ما تظل تگظيها

……………………………………………… ............

بالامان و راحه نشعر  . لو قرينه السوره
الفاتحه ونهديها الها  . وبنفس مسروره
كل درب لو صار ظلمه . بيها يسطع نوره
غيم يمطر دوم فضلج .  عل كرم مشكوره

سفرتج للشيعه دوم . بالنعم تمليها
الحاجه يم ام البنين . ما تظل تگضيها

…………………………………………………………

الخادم و كلش تحبه . لان تعرف شانه
لوَن خادم طلب حاجه . بالعجل خلصانه
امدلل و ياخذ امراده . گبل نُطق السانه
هي ام هاي المواكب . كافله و سلطانه

دمعه هي ام البنين . والخدم تجريها
الحاجه يم ام البنين . ما تظل تگظيها
……………………………………………………… .

طلبتي منج يحره . وادري مترديني
مثلج اخلص بالخدامه . و للعزه اتوفقيني
الدنيا صارت حيل ظلمه . ابنورج ادليني
بداعة الگالاها هوني . يا نفس لحسيني

بداعة الراحت سبي . والحبل بيديها
الحاجه يم ام البنين . ما تظل تگظيها
…………………………………………………………
✍️ ( سيد خضر الزاملي ) الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀.....................🕊😭