𝕆ℝℙℍ𝕀ℂ

مرحبا
أنا ك شخص حابب عبر عن رأيي الي عندي ألف دليل عليه بس مالي خلق ناقش فيهم.. بس بدي قول

بشار الاسد دكتاتور.. مجرم.. سفاح.. ( ليس الأول بالتاريخ عفكرة بس جديدة عشعبنا يتعامل مع مصطلح دكتاتور وغيرها لأنه كان بسموهم خلفاء ايام زمان هخخ).. وهي حقائق مثبتة لا يمكن انكارها من أي صاحب عقل

الثورة بدأت بشكل شريف لبضعة أشهر ثم اتسخت وأصبحت جبهة النصرة وداعش وتنظيمات جيش الاسلام وغيره من التنظيمات الارهابية التي أجرمت بحق السوريين
والتدخل الخارجي كان أقذر مايمكن واليوم قطر وتركيا تحصد نتائج تدخلها بالسيطرة الكاملة على سوريا ومقدرات سوريا ولن يوقفها أحد والخاسر الوحيد هو الشعب السوري

الخاسر من نظام بشار الأسد كنظام حكم هو الشعب السوري
والخاسر من الثورة والتدخل الخارجي هو الشعب السوري
لأن النظام وأفراده تحول لعصابات أكثر اتساعاً وأكثر عدداً وأنتج رؤوس عصابات أكبر وأكثر ثراءً وإجراماً ونهباً.. ولم يحدث العكس كما كان متوقع..

الثورة لها فضائح كثيرة.. ليس بقدر نظام بشار المخلوع طبعاً (والأمور هنا يجب أن تكون نسبية وليست مقارنة بين قيم مطلقة)
النظام له فضائح أكثر وإجرام أكثر

برأيي.. الثورة ماتت في 2011.. نعم سبب ذلك بشكل أساسي بشار الأسد.. لكن التدخل القطري والتركي والإيراني تحديداً ساعد بموتها بشكل ضخم وتحويلها لحرب دمارية على السوريين
حاقد على أفعال بشار الأسد بقدر حقدي على تركيا وقطر وإيران.. كلهم شركاء في قتل السوريين وتجهيلهم وتدمير مستقبل الأجيال السورية لمدة مائة عام قادمة..

بشار الأسد مجرم ومن دفعه للاستمرار في إجرامه هي قطر وتركيا وإيران بشكل أساسي.. وبشكل أقل - وآسف لمن سينطمز من هذا الاعتراف - الشعب السوري نفسه.. عندما وضعه بشار بين خيار جبهة النصرة وداعش أو بقائه على الكرسي
والجيش الحر ينهار ويتخذ اتفاقيات بخيانات من قادته مع قادة النظام واتفاقيات تركية قطرية إيرانية روسية لتدمير بنية الجيش الحر وأسلمة (وتطرف) الثورة والعمل المناهض لنظام بشار المجرم.. الشعب لم يقف مع الجيش الحر والجيش الحر نفسه قل فيه الشرفاء وفسد منه الكثير وبدؤوا في العمليات الإجرامية الطائفية وبنفس الوقت تعرضوا لغدر من جبهة النصرة وداعش.. وهكذا صارت فوضى.. يتحمل مسؤوليتها كما قلت بالبداية تحالف جرائم النظام مع أطماع قطر وتركيا وإيران وأيضاً الشعب السوري الذي رضي بالتنظيمات الإرهابية (نرى اليوم كيف يطبّل للارهابي ويعتبره وريث رسول الله في الأرض) وخان الجيش الحر عندما لم ينتفض بانتفاضة واحدة كبيرة وشاملة (وهنا أقصد كل الطوائف والملل التي كانت تهتف في مناطق سيطرة النظام بالروح بالدم) وأيضاً خيانات قيادات الجيش الحر لهيكله وهدفه وبنيته..


الحرب بسوريا كانت حرب أهلية طاحنة وحرب بالوكالة طاحنة..
الثورة ماتت في 2011-2012 وأرى فيها الكثير من الفضائح واللإنسانية والقذارة من قبل كل الأطراف.. بدون أي استثناء.. حتى الشعب السوري كان مذنباً بحق ذاته.. لذلك أنا فاقد الأمل بسوريا ومستقبل سوريا منذ أمد طويل.. ولن يعود هذا الأمل رغم كل المهللين والمطبلين وال"منحبكجية" الجدد الذين أفرزتهم وصول القوات الإرهابية لحكم دمشق بسيناريو هزلي مضحك وكوميدي جداً..

الثورة ضد القمع والاستبداد.. هي حق ووسام شرف لكل ثائر.. والسوريين لم يقوموا بأعظم ثورة بالتاريخ كما يروّج بعض المطبلين العميان بل بثورة - كالعديد غيرها - كانت ببراعم نقية لتتسخ بعدها وتفرز نباتات كريهة الرائحة.. تم فيها إقصاء النخب وإظهار الأطماع البشرية وقذارة ودناءة النفس البشرية بأعظم درجاتها من كل الأطراف دون استثناء..

ختاماً.. الإجرام لا يبرر الإجرام.. والإرهاب والعمليات الإرهابية لا تسقط بالتقادم..

سلام.

https://t.me/Media_Gate
بتمنى تشاركولي ياها🙏🏻❤️

غداً أو بعد غد (بعد انتهاء فورات السوشل ميديا)

منشور عن الأمير الآغا خان.. الذي توفّته المنية قبل أمس..

منشور بعيد عن الهبد والمبالغات.. بعين ناقدة وحيادية.. ومشاعري لن أناقشها إلا في ختام المنشور.. غالباً سأكتبه على منصة تيلغراف وأنشر الرابط هنا بصيغة (قراءة فورية) من ضمن التيلغرام..

منشور سأعتمد فيه على مصادر تاريخية متعددة وشهادات شخصية أيضاً من بعض أصدقائي الإسماعيليين..

لا أدّعي أنني (سأخرج الزير من البير) ولكنني لن أتحدث بعواطف جياشة ولا بانحيازات (سلبية أو إيجابية) ولا من منطلق ديني وعقائدي..

هذا مجرد تنويه للفت الانتباه لمن يهتم، أو يحب، أن يقرأ.. وأيضاً دعوة لمشاركة القناة (أو على الأقل المنشور) مع أصدقائكم الإسماعيليين وغير الإسماعيليين للقراءة..

تنويه: لديّ رغبة سرية في الانشغال عن أطنان الأفكار والتوقعات والخطط التي تهاجم دماغي بالبحث والكتابة عن شخصية جدلية عند شعوبنا العاطفية التي تنقسم بين من يكره هذا الرجل بشدة، من يحبّه بشدة، من لا يعرف عنه شيئاً..
- يعني اعتبروها عمل لمنفعة شخصية ألا وهي عدم إعطاء فرصة لدماغي بتدميري بكثرة الأفكار والخطط والمسارات المستقبلية الضبابيّة -

يوم لطيف لكم..❤️

تقولُ لي : حبيبي
فتخضرّ عروقي، ويبزغُ النرجسُ من صدري، ويهبطُ الندى بتثاقل عن جفنيّ..
وتحرقني لوعة العناق البعيد

كُل شيء يبدو منطقيًا معك
كُل شيء يبدو جميلاً
سهلاً
انتَ الفكره الوحيده الآمنه
بين كُل هذا القلق .

أنتِ القصيدة..

الي جاي اعظم
يا مطبلين يا عباد الدكتاتور الجديد بس لأنه من غير طائفة الدكتاتور القديم.. ورجونا لعق الاحذية لوين رح يوصلكم!
قتلتوا الثورة وعار على الثوار.. من لما طلعوا من إدلب أنا بعرف الي جاي وقلتلكم بس بدكم تقنعوني انو الجولاني ثائر! طيب تكرموا رح يورجيكم الثورة الي طلعت كرمال الحرية والكرامة كيف رح تكون كلها استعباد.. واذا راضيين انو يستعبد الناس بالبلد بس لأنهم من غير قومية أو طائفة ف بعتقد انو سقطت عنكم صفة الإنسانية تماماً
مبارك قواعد تركيا العسكرية في حمص وغاز الساحل

من شوي اجا تعميم للمدارس بكتاب رسمي بمنع جلوس طالب وطالبة معاً في نفس المقعد تحت طائلة المسؤولية!

أهم منشور رح انشره بحياتي و بتمنى الكل يقرأه و ربما يكون الأخير

كنت شاهد على إبادة جماعية صارت بأهلي بالفوعة و كفريا بريف ادلب

الفوعة و كفريا قريتين ظغار بريف ادلب من الطائفة الشيعية و نأسف انو صرنا مضطرين نستعمل هيك مصطلحات
القريتين معروفتين من المحيط بمسالمتهما و حبها و تعايشها و صارت كتير حالات مصاهرات و علاقات اجتماعية ودية منهم الكتير من أقربائي باعتباري من أحد أكبر العائلات في الفوعة

أبي راح ع حلب ببداية التسعينات هو و أمي لبداية حياة جديدة بسبب الوضع المعيشي الصعب بالضيعة
توظف أبي بشركة النقل الداخلي بحلب و كان أبي رسام موهوب و قرر يمتهن مهنة الدهان و الديكور كان مشهدلو بشغله الاحترافي و المُتقن

عشنا بحلب و تنقلنا بعدة أحياء عاشرنا الأخوة الكورد و الأخوة الفلسطينيين و السنّة عيشة كريمة و هانئة و سعيدة حتى العام 2012 سيطرت فصائل الجيش الحر المحلية من أهل المنطقة على منطقة سيف الدولة و ما حدا قرب علينا و لا زعجنا حتى ظهرت (جبهة النصرة ) يلي فيها كتير أجانب من جنسيات متتعدة هون بلشنا نتعرض لمضايقات و تهديدات فقط لأنو على هويتنا المكتوب عليها كلمة فوعة
فورا انتو من الفوعة يعني ايران و صدقا انا ما كنت بعرف شي عن ايران كنت طفل وقتا يعني
بعد عدة محاولات لاختطافنا انا و اخواتي و أبي و بعدا تتدخل فصائل الجيش الحر المحلية و تقلن هدول اهلنا و متلن متلنا ما شفنا منن الا كل خير
قرر أبي انو لازم نروح على الفوعة و كفريا
هون كان عمري 18 و مخلص بكلوريا قلي ابي بتاخد امك و اخواتك الأطفال التلاتة على الضيعة و انا و اخواتك جميل 20 سنة باقيلو مادة بيقدمها و بيتخرج من المعهد الصناعي لإعداد المدرسين
و اخي ياسين 17 سنة كان بيشتغل بمطعم رح ينهي شغلو و يلحقونا
ابي كان بدو يروح يطلب نقل على مدينة ادلب المتاخمة لضيعتنا
وصلنا انا و امي و اخوتي بأعجوبة على الضيعة
الطريق الواصل بين حلب و ادلب فاضي من الطرفين من النظام السوري و فصائل المعارضة المحلية و المتشددة بس كان في حواجز (طيارة)  من الطرفين
كان في سرفيس طلع ادامنا و كان في تواصل بين السائقين لحتى كل واحد فيهن يخبر التاني على وضع الطريق
السرفيس كان فيه ناس من ضيعتنا كمان تركوا حلب و راحوا عالضيعة ... للأسف انخطف السرفيس بما فيه و تم قتل السائق و بعتو جثته لاحقا على الضيعة و تم قتل الشباب يلي كانوا بالسرفيس ادام امهاتن و رجعوا الأمهات و الجثث عالضيعة
ما صادف سرفيسنا ايا حاجز من الطرفين
وصلنا
بعد يومين بينخطف ابي و اخي جميل من البيت بال2012
و اخي ياسين بكون راجع من شغله عالبيت بقوم جارنا باحتجازه 4 ايام حتى ما ينخطف مع ابي و اخي
اضطر جارنا يحجزه بالقوة بدون ما يخبره ليش بعدين اضطر يخبره بالحقيقة المرَّة هون اخي صار معو صدمة نفسية و صار معو مرض نفسي و بعدين جارنا قدر يوصله عن طريق معارفه لعنا عالضيعة
وصل اخي بحالة مأساوية

تم تحميلنا بالقريتين أوزار الحرب الأهلية و انتهاكات النظام و أعوانه و تم ترهيبنا على مدار 7 سنوات

كان كل ذنب القريتين انو ما بدن يتركوا ضيعهن و يتهجروا و ما كان بيشفعلن ايا شي

حاصرت جبهة النصرة و الفصائل المتحالفة معها القريتين حصار شبه كامل من 2011حتى 2015 لما سيطروا ع ادلب صارت الفوعة و كفريا محاصرتين بالكامل على مدار 4 سنوات تم استعمال كافة اشكال القصف بالجرر و القازانات و صواريخ الغراد و الهاون و  و حفر الانفاق و تفجيرها فينا و دبابات و عربات مفخخة و استشهد اخي ياسين بالقصف و انصبت انا و انشليت و استشهد خلال كل هالسنين معظم شباب القريتين و الكتير من الاطفال و النساء و الشيوخ وصولاً الى ما سُمي اتفاق البلدات الأربعة( الزبداني و مضايا و الفوعة و كفريا) القاضي بتهجير القرى الأربع للأسف
على دفعات كانت الدفعة الاكبر خلال عام 2017 و صار تفجير كبير بباصات المهجرين  من الفوعة و كفريا (تفجير الراشدين) و استشهد و انفقد وقتا 500 شخص

كنت شاهد على إبادة جماعية بتشبه مأساة غزة و الكتير للأسف من المدن السورية

بالأعراف الدولية يُعتبر تهجير ناس من قراهم جريمة تغيير ديموغرافي
تُعتبر جريمة حرب

الخلاصة انو كل الأطياف تمارس عليها شي بيشبه يلي صار بالفوعة و كفريا
كلنا ضحايا مصالح دول اقليمة و كبرى
و ما حدا متضرر غير الناس العادية من كل الأطياف

أنا ما رح أقبل عيش بعقدة ذنب طول حياتي و لأنك يلي بتعتبر حالك انتصرت إنك تهضم حقي و حق الناس البريئة

يا ريت تعترف بس انو انت كمان أجرمت بحقنا و اذا كنت قادر و نتيك صافية انك تحاول إصلاح ما يُمكن إصلاحه و تكشف عن مصير المفقودين و تطلق سراح العايشين منهم و تجرب تلملم جراحات الناس المكلومة و ترجع حقوق الناس ما استطعت بس بهيك حالة رح تكون عم تبني وطن

انا ما بسامحك بظلمي و ما بسامح كل حدا كان سبب
و انا لا بهمني ايران و لا روسيا ولا تركيا و لا امريكا هدول آخر همن نحنا كشعوب
بهمني انت كسوري لأنو صدقني ما حدا داير ع مصلحتنا اذا نحنا ما درنا عليها و حبينا بعض و لملنا جراحات بعض
ربما منشوري عالفيس ما يوصل لأسماع كتير ناس
بتمنى احصل على فرصة محاكمة علنية محلية أو دولية مصورة بوجود إعلام محلي و دولي و مناظرة و كل واحد يحكي يلي عنده و إفاداته و شهاداته مع كل من يهمه الأمر

الرحمة على كل الشهداء الأبرياء

و أنَّ لكل امرءٍ ما نوى

و السلام عليكم و رحمة الله و بركاته

أنا اليوم أرفضُ هويتي السوريّة..
رفضتني سوريا منذ أن ولدتُ، وترفضني كل يوم من وقتها.. لا تريدني.. لا ترغبُ بي.. تنفرُ مني وتتنصّل من مسؤولياتها تجاهي..
فتقاسمنا، أنا والكلاب الشاردة، الطرقات والأرصفة.. الصحارى والمجارير.. الأزقة الضيّقة ومساحات الإسفلت الواسعة في شارع السفارات..
لذلك أنا اليوم أرفضها.. لا أريد شفقتها ولا اعتذاراتها البالية.. لا أريد الهويّة التي تمنّ عليّ فيها ولم تشترِ لي سوى الخراب والموت ومرأى الدماء.. الكثير من الدماء.. لم أعد أقبل بسوريّتي وسأقودها للمحكمة.. ليفصلَ القانون بيننا.. لتنتهيَ هذه المأساة الطويلة.. لتسدلَ الستارة على هذا الفصل القبيح من مسرحية الموت التي سمّوها - جوراً - بالوطن.. أنا أرفض سوريّتي.. سأرميها في الشارع.. من يريدها فليأخذها.. خذوها وانصرفوا.. أعدّوا لها القصور.. افرشوا لها السجاد وأشعلوا البخور.. لا أريدها.. لو لبست أثواب التاريخ كلها.. ولو سجد لها الوقتُ والعنفوان.. لا أريدها.. لا أريدها.. لم يصالح أمل دنقل اليهودي الذي اغتصب أرضه.. ولن أسامح سوريا.. ولا أبناء سوريا.. الذين استأصلوا عُمري ورموه في المزبلة..

اليوم أرفضُ هويتي السورية.. لا أريدها.. لا أريدها.. لا أريدها..

𝕆ℝℙℍ𝕀ℂ pinned «انظر إلى الأشخاص الذين يُقدّرهم المُجتمع تعرف الإتجاه الحضاري السائد في ذلك المُجتمع و مصيره - د.علي الوردي»

🔴 بينما تُرفع شعـ.ـارات زائـ.ـفة عن التغيير والحـ.ـرية ... تبقى ظـ.ـلال العنـ.ـف والإجـ.ـرام تخيـ.ـم على #حمص و #حماة، حيث تُسـ.ـفك الد.ماء باسم السلـ.ـطة والمصـ.ـالح.
#المرصد_الإعلامي

‏⬇️
نرجو من الجميع اشتراك في قناتنا على X -YouTube -Telgaram -Facebook
روابط : شبكة سوريا مباشر S.L.N

https://hoo.be/salah_aldin_kurdi

تتداخلُ الألوانُ بين أصابعي وعيني.. أشتاقُ رائحة الورق.. أشتاقُ ملمس الكلمات على قلبي..
الموتُ له سُبل كثيرة..
وأنا اليوم أعيش موتي تماماً

سوريا ما بيحكمها غير المجرمين
انقلابات الفترة قبل حافظ الأسد
ثم حكم البعث
وتحديداً بشار الأسد وأسماء الأخرس
ثم حكم تنظيم القاعدة وأمير جبهة النصرة

شعب سوريا المقسم طائفياً وعاطفياً بيحب المجرمين بشكل مخيف.. الله يحشركن معهن يارب❤️

الحياة بسيطة.. موسيقى.. وخطوات قدميك.. وابتسامة

عبد العظيم فنجان

الكتاب الذي يجب أن يقرأه الجميع

هذه البلاد منهوشة الأمل
كيفما أدرتَ وجهك ترى حلمًا،
إمّا يذُوب
أو يُذرَف
أو يُدفَن
وإمّا يموتُ من الجوع

ونحن..
آه نحنُ نموتُ منَ الأمل.

- بتول حمادة

ضيفوا رفقاتكن التحضيرية وطلاب السنة 2 و3 طب بشري وصيدلة..
وبشري 4-5
في أشياء عم تتجهز كتير ظريفة رغم انها فترة امتحانات❤️❤️

خلونا نقحص ال200 يلا😆❤️

وحينما كان العُمر مُرًّا، آنسته أنتَ.

مساء الخير.. ليلة أخرى من القهر على سوريا.. يبدو أنني أدمنت العودة بالذاكرة، والمقاطع، إلى مآلات هذه الحرب ودهاليزها التي انطوت في الأعوام الأربعة عشر الأخيرة..لا يحضر في ذهني.. رغم قرفي واشمئزازي من الإرهابيين الإسلاميين كداعش والنصرة وجيش الإسلام زهران علوش.. وكل المتطرفين وراء إيديولوجيا معينة.. لا يحضر في ذهني أي شيء سوى الشتائم.. لبشار الأسد.. الذي لم أكن أجرؤ أن أكتب عنه سوى بالتشفير.. ومن يقرأ كتاباتي هنا يعرف ذلك.. ولحسن - لحق الله بشار به - نصرالله ومافعلوه بأبناء هذه البلاد..
حارب معارضتك كما تريد أيها الفاشي.. لو تسلّحت حاربها.. حارب الإرهابيين واستعن بروسيا الفاشية كما تحب وبإيران الخمينية القذرة.. ولكن لا تقتل المدنيين.. لا تهن كرامة السوريين.. لا تحرق السوريين.. لا تؤذي البشر كما فعلت بالحجر.. في حارتنا ديك ساديّ سفاح.. سفاح..

وردتي، في بستان قلبي، لا أريدك أن تكبري.. أزهري.. أغرِقي الكون يناعة ونضارة.. ولا تكبري.. لا تسمحي للشمس أن تجففك.. ولا للهواء أن يُبعدك..

مرحبا
للي بحب، وعنده قناة تلغرام كبيرة، في خدمة نشر اعلانات مدفوعة (يعني بتربح من نشر اعلان لمدة٢٤ ساعة) طبعا الاعلان بكون متناسب مع محتوى القناة او جمهور القناة، الدفع بالدولار (سعر الاعلان بين ١-٥$ بحسب حجم القناة ونشاطها.. )

الي مهتم وعنده قناة يكتب بالتعليقات


تنويه: القناة حسب مافهمت شرطها يكون عدد المتابعين فوق الالف

فأنا أحبّكِ والرّكام يغطي كل شيء حولنا
وأنا أحبّك والغد يبدو ضبابياً حزينا؟..
وأنا أحبّك لأنني مازلت أؤمن بأن الحب هو، المعجزة الكبرى في هذه الحياة..

- فاروق جويدة

‏أجدني محظوظًا لقدرتي على مشاركة حياتي مع أعظم امرأة التقيتُها على الإطلاق،
مازلتِ مُبهرة و ملهمة بالنسبة لي، مازلتِ مؤثرة .

- المغني جوني كاش
في كلامه لحبيبته جُون كارتر

أنت تمنحني أعظم شيء في الدنيا
وهو أن أمارس عاديتي معك
ليس ثمة  ما يخيفني أو يخجلني
في حضرتك

-شهد حمامي

مضادات الاكتئاب صارَت تدخل فيّ وتخرج مني محتارة تائهة

والساعاتُ تسبحُ في سماء الدمع، أنّى تزفرُ الشمس وينضوي على نفسه اليأسُ؟

اللادينيين أو أي حدا مانو مسلم عندن خوف كبير من فكرة الحكم الإسلامي، مو لأنو الإسلام بحد ذاتو مشكلة، بس لأنو التجارب اللي شفناها بتطبيقات الأنظمة الدينية كانت متشددة وسلبت الناس حقوقهن الأساسية

هالخوف بيرجع لعدة أسباب واضحة:
• فرض الدين بالقوة: متل فرض الحجاب، منع حرية التعبير، أو حتى معاقبة المرتدين واللي مو ملتزمين

• تقييد الحرية الشخصية: بحكم ديني، بيصير في قوانين بتتحكم بكل تفاصيل حياتك، حتى لو كنت مو مقتنع أو حتى مخالف للدين

• التنوع مرفوض: الحكم الديني غالباً بيرفض أي اختلاف فكري أو ثقافي، وبيحاول يمحي أي رأي أو فكر مختلف عن رأيو

على الطرف التاني، المتشددين بيخافوا من العلمانية، بس الخوف هون مختلف تماماً
مو لأنو العلمانية بتضيق عليهن أو بتمنعن من ممارسة دينهن، بالعكس، العلمانية بتضمنلن هالشي (والأمثلة لا تعد ولا تحصى)

الخوف الحقيقي عندن بيجي من فقدان السيطرة والقدرة على فرض قناعاتهن على غيرن

العلمانية بتمنع ك فرض الحجاب وبتجعلو حرية شخصية تماما
تحت النظام العلماني، الكل متساوي، وما في حدا عندو “امتياز ديني” يميزو عن غيرو
العلمانية بتحمي حق اللاديني يقول رأيو بدون خوف، وهالشي بيزعج المتشدد لأنو بيشوف حالو وصي على الباقيين
العلمانية بتساوي بين المسلم والملحد بالحقوق والواجبات وهاد ضد العقلية لانو المسلم بيعتبر نفسو الله كرّمو عن باقي البشر بالإسلام

العلمانية ما بتمنع حدا من ممارسة دينو، بل بتحمي حق الكل، مسلمين أو غير مسلمين، يمارسوا حياتهن بحرية
شوف أوروبا مثلاً: المسلمين فيها عايشين وعم يمارسوا دينهن براحتن، أكتر حتى من بعض الدول الإسلامية

• وين المشكلة الحقيقية؟
المتشدد مو خايف لأنو العلمانية رح تضيق عليه، هو خايف لأنها رح تعطي غيرو نفس الحقوق اللي بياخدها هو

الصراع بين الطرفين مو بس اختلاف فكري
بالنسبة للاديني، الخوف هو على حقوقو وحريتو الشخصية
أما بالنسبة للمتشدد، الخوف مو على دينو، بل على فقدان السيطرة على غيرو.

زبدة الحشي:
العلمانية ما بتعادي الدين، بالعكس، هي نظام بيحاول يعمل توازن بين الحرية الفردية واحترام التعددية
المشكلة الأساسية هي برفض المتشدد لفكرة المساواة والحرية لأنه بيشوفها تهديد لسيطرتو، مو لدينو
الحل ما بيجي إلا بالحوار، وبفهم إنو العالم ما لازم يكون قائم على السيطرة، بل على حقوق مشتركة للجميع

#سوريا_الحرة
#دخيل

بين ثنايا الوقت، أبحثُ عن عمري المهدور..

عنجد عم تعملوا مساجد ومصليات بالجامعات هلا والبلد مليانة قتل وخطف وجوع وبرد ونازحين؟😀😀😀😀😀😀😀😀😀😀😀 ومافيها رواتب ولا مصاري😀😀😀😀😀 من وين؟
سبحان الله كيف المسلم مستعد كرمال ممارسات دينه يعمل كلشي بينعمل اما كرمال جوهر دينه مو سائل😀😀😀😀

بدي ذكركن انو نظام الأسد الابن والأب كان متجذر لأصغر تفصيلة بكل شبر بسوريا حتى بإدلب وقت صارت محررة وعملوا فيها منطقة عازلة.. كان واصل فيها.. وشفتوا قديش في فروع أمن وقديش في سلاح وقديش كان في سجون.. وماحدا بيعرف كم ضابط هرب معه من القواعد الروسية.. كل ضباط المخابرات الكبار.. ماضل غير مجندين صغار بالجيش راحوا حبسوهم بحجة انهم فلول نظام وهو انتقام طائفي واضح.. بس معلش.. يعني ٣-٤ الاف ضابط مخابرات كبير وفروع أمن وسجون ووو... كل هاد لمدة ٥٣ سنة متجذر بكل سوريا.. وسقط بأسبوع لما وافقوا يسقطوه..
بأكدلكم سواء الحكومة الحالية أو الجاي أو أي حكومة بتئذي الشعب ماعد تلقى اسبوع لتسقط.. مو لأن الشعب بس سقط الأسد لا.. بس لأنو ولا حكومة رح تتجذر متل ماكانوا هدوك وبالتالي لما الشعب يتحد رح يسقط أي ظالم..

تفائلوا رغم صعوبة المهمة.. قولوا يارب واتخذوا مواقفكم وحددوا غايات حياتكم.. كونوا أحرار فعلاً مو بس أحرار من الأسد ويلا.. حرروا عقولكم وقلوبكم..

الله كبير.. لا بقا تحرضوا عبعض.. لأنكم خسرانين مين ماكنتوا وشو ماكان دينكم وطوائفكم اذا ضل الوضع سيء أو ظالم.. لهيك شدوا حالكم ووقفوا هبل..
كونوا أحرار وتفائلوا..

هلو
تقرير من وزراء إسرائيل حسب صحيفة (إسرائيل هيوم) بأن الوزراء رح يعرضوا على نتنياهو مشروع تقسيم سوريا إلى مقاطعات وبعدها رح تعرضوا الولايات المتحدة وفرنسا وغيرها بقمة دولية..

قلت بخبركم بس مشان تعرفوا انو (الحالات الفردية) والتجيشش عبعض جايي منه خا*وق مرتب لكل سوريا.. وانتو لسا مستمرين بالتجيشش عبعض ودعم (المجاهدين) وحركاتهم الجهادية..

مابتمنى التقسيم بس الي بتقوله اسرائيل ماحدا فيه يغيره..

لربما بناء بيوت للنازحين في الخيام ومدارس أهم من بناء المساجد في الجامعات صح؟

الله يحمي أهلنا بحمص..


https://www.facebook.com/1634302921/posts/pfbid02GpCcbNgqJDbCe33yUpJTA47vfrgfQmCpTyEjMrBJ3p1XW1khyNWvPsViPUQgNvEvl/?app=fbl

ماعم اقدر نام..
عم فكر بمجزرة التضامن.. وكيف في ناس بررت لبشار الأسد هالشي.. رغم انو بوقتها ماكانت داعش فاتت على سوريا لسا.. شو السبب الي بخليهم يستعملوا هيك نوع من القوة على المدنيين؟
طيب لنحكي بواقعية.. ستالين عمل هيك وافظع.. وهتلر.. ماكان ع وقتن في نت.. وحافظ الاسد بحماة.. وصدام بالعراق.. وغيرن كتير.. بس بالمنطق ليش لتصوّر هيك شي وتفتخر فيه اذا انت مانك شيطان؟ ماعم افهم.. مابعرف ليش طالعة براسي.. بوقتا كنت صغير وخفت كتير.. واهلي يقنعوني انو هدول مندسين ومخربين.. هيك كان اسمهم بالاعلام.. بس مافهمت كيف النسوان والاطفال مندسين.. شو عم يدسوا وشو عم يعملوا.. ويقلولي اهلي ماتحكي حدا عن هالقصص اوعا ها ماتخلي حدا يسمعك.. وخصوصاً بالمدرسة.. كنت مصدوم.. لهلا ماعم استوعب..


الي سمعتو بس بهالفترة.. انو امجد اليوسف عايش بالسويد.. بعد اتفاقية وقف اطلاق النار وحشر المعارضة مع الفصائل الاسلامية المتطرفة بإدلب (محاولة سخيفة من الكلب بشار حتى يتركن يقاتلوا بعض) كان احد الشروط الاساسية لتسليم السلاح هو تسليم امجد اليوسف للمعارضة.. ووقتها حسب مافهمت وماني متاكد بس انو النظام قلهم تم اعتقاله او ماشابه وبعدها اختفى ونقلوه ع السويد وموجود بالسويد ب اسم "اليكس" بعد ماغيّر بشكله..
قد تكون هبدة بس مابستبعد انها تكون حقيقية.. ابدا.. مافي شي صعب ع نظام الاسد..

ياجماعة ماحدا بيتخيل فظاعته.. ماحدا بيتخيل.. داعش وبقر بطون الحوامل هي بنظرهم تطبيق للشريعة.. اوكيه.. بس ممارسات تعذيب نظام الأسد هي شو؟ يعني شو الغاية من هيك شي؟ المتعة؟ ماعم افهم.. وماعم اقدر نام

ماعبالك تجمع مصاري ببلاش؟

بدون ماتدفع فرنك.. جبتلك الحل.. كلشي لازم تعملوا كبسة انضمام..
وشارك الخير للناس بيزيدك خير❤️

https://t.me/Media_Gate

عموماً الي بدي يوصل هو نقطتين..

1 بعمري ما كنت شبيح وما إلى ذلك والي بزاود عليي بدي حط راسه بالأرض❤️
لأنه ولا حدا فيهم حكي قد ربعي رغم كل محاولاتي للترميز وإخفاء المقاصد (هدول غيض من فيض)
2 والأهم.. بتمنى للأمانة لو كنت من المعتقلين وانقتلت..

حتقلولي يا الله شو انك سوداوي وهالكلام.. بس من كل عقلكم أنا كنت معارض لنظام بشار الأسد لأنه بشار الأسد على رأس هالنظام؟ ولك أحبائي بعمري ماهمني بشار الأسد ولا فلان وعلان.. صدام حسين ديكتاتور.. طالبان بأفغانستان.. بوتين بروسيا.. الخامنئي بإيران.. ويعني آخرون كُثُر.. أنا مو ضدهم كأشخاص.. يمكن بشار الأسد كإنسان التعامل معه أحلى من التعامل مع جاري.. مابعرفه للزلمة ينفلق.. أنا ضد النظام المستبد.. ضد الدكتاتورية.. ضد سلب الحقوق.. ضد الفرض بحجج المقاومة والصمود (أو بحجة الشريعة الدينية كمان).. ضد سلب رأي الشعوب وسلب حرياتها وأملاكها وأموالها وأنفاسها وأرواحها.. أنا ضد القمع والظلم للإنسان مين ماكان يكون الظالم.. حرية وكرامة كل فرد ومايتعدى ع حقوق غيره ومايئذيه..
معقول كون معارض لنظام الأسد وقبلان بنظام الجولاني ؟.. الزلمة مجرم متله متل بشار شئتم أم أبيتم.. بس واحد كان معه قوة عسكرية ضخمة جداً والتاني كان معه ميليشيات.. ف لو بتاخدها نسبة وتناسب بيطلعوا نفس الزبالة😄

ليش بتمنى لو متت بسجون الأسد؟ لأن الحياة وصلت لنقطة لا تطاق فعلاً.. من تحت الدلف لتحت المزراب.. انتظار وانتظار.. على الأقل بوقت بشار كانت كل الناس مرعوبة من الأمن ومرعوبة من بعضها وماحدا عم يشبح عالناس غير الي الهن ايد بالنظام.. اما هلا طوائف دينية بحالها عم تشبح عغيرها يعني بدل من ١٠ الاف شبيح مثلاً صرنا بكم مليون.. اي مو شي بخري؟ حرمان الحقوق ماشي والاستبداد مكمل بس بصبغة دينية وهالمرة عم يقولوا (الثوار) سمعاً وطاعة بس لأنهم عاجبتهم الصبغة الدينية للاستبداد؟ خراي عليكن🥹 والله بكل جدية بقولها.. انتو شو مفهومكم من الثورة؟ شو مفهومكن من الحرية؟ تمد رقبتك لحدا وانت رضيان vs وانت مو رضيان؟
الي شايف حالو حر هلا ومصر انو الجولاني تكفي حكومته كم سنة لسا ويقمعوا الناس بحجة ( هاد شرع الله ونحن الاكثرية) لا يجي يزاود عالي كان رضيان بحكم بشار لان مافرقت عنه.. هداك كان رضيان بالظلم لأنه شايف الظالم عم يحميه ويحمي جماعته.. وانت رضيان بالظالم لأنه من جماعتك.. مافرقت شي عن هداك عفكرة.. شبيح اول عن اخر..
الثورة كلمة فضفاضة عليكن وكتير كبيرة بحقكن.. وهون عم بحكي عن جبهة النصرة ومؤيدينها..
هيثم مناع كان ثائر اي
الويسي مانو ثائر..
وبقدر اقعد عد أسماء لبكرا..


الحرية مابتتجزأ واذا رضيان تكون عبد بس كرمال نتفة مصاري بتدخلها الحكومة وتجبلك الكهربا ف انت مابتستاهل تعيش.. روح انقلع عافغانستان أحسنلك..
العبودية مقابل الخدمات بتعني انو نظام الأسد نجح بتدجينك وتحويلك لحيوان مابهمه غير العلف والمي وعدا عن ذلك مبسوط انو ينركب..

دائماً فيك تحصل حريتك الكاملة مع خدماتك الكاملة لما بتحب غيرك وبتطلع من عقلية الدين والطائفة والجماعة والمنطقة وبتركز عالوطن.. وبتعرف انو نظرتك للدني الي علمك ياها دينك او عاداتك وتقاليدك مو بالضرورة صح.. اكسرلي هالراس شوي برضايي عليك احسن ماتضل مغشوش مفكر انك رافعه وهو واطي..

فيك تحصل حريتك وحقوقك كاملة لما بتحب غيرك وبتتقبل غيرك.. وبتفهم انك انت وهو شركاء بالوطن.. ومافي اكثرية واقلية والسلطة مو لعبة الكراسي الموسيقية عم تبدلوها وتلعبوا معها طميمة يوم بتعطوها لطائفة والي بعدو لطائفة تانية..


بس تعرف شو يعني وطن.. وثورة.. وحرية.. تعا قلي تحررنا

التحرير مو بس من الأهبل المخلوع
تحرير العقل والقلب والتسامح والمحبة والمشاركة والوعي والقراءة والثقافة وفهم الوضع والمشاركة ببناء الوطن مع الجميع بدون إقصاء (ماتجي تقلي يعني بدك سهيل الحسن يرجع عالبلد والله بضربك.. المعنى واضح قصدي انت وجارك يا اهبل).. دينك الك وعبادتك الك.. بس بناء الوطن للكل.. وقتها بتعرف شو يعني ثورة وحرية عنجد

او يومها؟

او يومها؟

حدّثيني
عن أي شيء
عن أي شيء
أنا متعب
اخلقي
ليلًا ناعمًا
اخترعي
قصة دافئة
قولي
أي شيء
الآن
أي شيء
افرشي صوتك
أريد أن
أستلقي

- عصري مفارجة

كطفل عفويّ
أحببتك

هكذا
خبّأت اسمك تحت قلبي
ونمت

نمتُ ثلاثين عاماً
خارجي


- عصري مفارجة

‏يستظل العالم تحت شجرة أو فناء
أنا أستظل تحت روحك،
روحك ظلي.

- لؤا استانبولي

𝕆ℝℙℍ𝕀ℂ pinned «مسافرون مسافرون نحن فى سفينة الأحزان قائدنا مرتزق وشيخنا قرصان مواطنون دونما وطن مطاردون كالعصافير على خرائط الزمن مسافرون دون أوراق..وموتى دونما كفن نحن بغايا العصر كل حاكم يبيعنا ويقبض الثمن نحن جواري القصر يرسلوننا من حُجرة لحُجرة من قبضة لقبضة من مالك…»

مسافرون
مسافرون نحن فى سفينة الأحزان
قائدنا مرتزق
وشيخنا قرصان
مواطنون دونما وطن
مطاردون كالعصافير على خرائط الزمن
مسافرون دون أوراق..وموتى دونما كفن
نحن بغايا العصر
كل حاكم يبيعنا ويقبض الثمن
نحن جواري القصر
يرسلوننا من حُجرة لحُجرة
من قبضة لقبضة
من مالك لمالك
ومن وثن إلى وثن
نركض كالكلاب كل ليلة
من عدن لطنجة
ومن طنجة الى عدن
نبحث عن قبيلة تقبلنا
نبحث عن ستارة تسترنا
وعن سكن
وحولنا أولادنا احدودبت ظهورهم وشاخوا
وهم يفتشون في المعاجم القديمة
عن جنة نظيرة
عن كذبة كبيرة… كبيرة
تدعى الوطن

مراقبون نحن فى المقهى..وفى البيت
وفى أرحام أمهاتنا
لساننا..مقطوع
ورأسنا..مقطوع
وخبزنا مبلل بالخوف والدموع

يا وطني المكسور مثل عشبة الخريف
مقتلعون نحن كالأشجار من مكاننا
مهجرون من أمانينا وذكرياتنا
عيوننا تخاف من أصواتنا
حكامنا آلهة يجرى الدم الأزرق فى عروقهم
ونحن نسل الجارية
لا سادة الحجاز يعرفوننا..ولا رعاع البادية
ولا أبو الطيب يستضيفنا..ولا أبو العتاهية
إذا مضى طاغية
سلمنا لطاغية
مهاجرون نحن من مرافئ التعب
لا أحد يريدنا

مسافرون خارج الزمان والمكان
مسافرون ضيعوا نقودهم.. وضيعوا متاعهم
ضيعوا أبناءهم.. وضيعوا أسماءهم.. وضيعوا إنتماءهم..
وضيعوا الإحساس بالأمان

يا وطني.. كل العصافير لها منازل
إلا العصافير التى تحترف الحرية:
"فهى تموت خارج الأوطان".

- نزار قباني

يسقط أحمد الشرع ( ولو انه ليس رئيساً ولا الو أي صفة بالقانون)

"كانت امرأة تثبت في كل مرة، بأنها مخزن هائل من الصور الشعرية"


- لؤا استنبولي

لم أنسَ أنني قلت : " أحبكِ " من قبل ، لكنني أكرر هذه اللفظةَ المعجزةَ ، كي أصونَ حريتي من الهبوط إلى وحلِ العالم ..

- عبد العظيم فنجان

الساعة الآن الثانية عشر و تسعة دقائق بعد منتصف اللّيل..

الأول من كانون الثاني.. ألفان وخمسة وعشرون

سوريا.. بدون آل الأسد..

كل عام وأنتم بِحُبّ..

هدية العام الجديد

لكل الراغبين بتعلّم التسويق الإلكتروني وكتابة المحتوى التسويقي بعد إلغاء حظر منصة ميتا

شاركوها مع المهتمين❤️

https://t.me/Media_Gate

في 2024 تعلّمت الكثير عن الكثير من الأشياء..
أهمّ ماتعلّمته عن الحب.. أنّني لا أعرفُ منه شيئاً ولن أعرف.. سوى تفاصيلك كلّها.. من وجهك إلى قدميك..
الحبّ.. كبير جداً.. الحبّ.. هو أنتِ.. ولاشيء سواكِ

أنوثتك
نوع من أنواع
التبذير


- عصري مفارجة

-أخرجيها-
لقد إتفقنا على أن
يكون شعرك الأسود
قصيراً
من أدخل ضحكتكِ
في الإتفاق؟!

- يعرب معروف

و إذا كان قلبي قد أسلم لحبك خطأً، فقد أحسن اختيار الزلّة.
نعمَ الهاوية بؤبؤ عينك.


- مرح سلطان

عندما أحببتكِ دخلتُ مغارة نفسي ، وشاهدتُ الجوهرَ لكنني لم أحتمل أن أكون نبيا ، فسكرتُ بجمالكِ . لم أعرف أن مَن يسكرُ بجمالكِ يحملُ على ظهره العالمَ

- عبد العظيم فنجان

أخشى أن يرّف لي جِفن
‏عندما تكون أمامي
‏ويفوتني عُمري
‏مع تِلك الثواني
‏التي لا أنظر بها إليك

- مقتبس

عدّة أساليب لقول أُحبّك..
أقربها: تعالَ بين ذراعيّ

مساء الخير.. أحتاج للتواصل مع أحد سكان هذه القرى في ريف حماة بأسرع وقت وللضرورة القصوى.. بتمنى لو بتقدروا توصلوها

ونحنُ من منفى إلى منفى
ومن بابٍ لبابْ
نَذْوِي كَمَا تَذْوِي الزَّنَابِقُ في التُّرَابْ
فُقَرَاء، يا قَمَرِي، نَمُوتْ
وقطارُنا أبداً يَفُوتْ

- عبد الوهاب البياتي

وللبكاء عندي، حنينٌ قديم..
ومواعيدُ بعيدة
وشوقٌ يفورُ

تعمل منصة "تأكد"، بصفتها شريكًا موثوقًا لشركة Meta، على التصدي لخطاب الكراهية والعنف والتحريض ونشر المعلومات المضللة في سوريا، والذي شهد تصاعدًا ملحوظًا على مواقع التواصل الاجتماعي بعد سقوط نظام الأسد المخلوع.

في ظل التطورات الأخيرة، تدعوكم منصة "تأكد" للإبلاغ عن أي منشور تحريضي عبر ملء هذا النموذج، مع الانتباه إلى أن هذا النموذج مخصص فقط للمحتوى التحريضي على منصات تواصل تابعة لشركة Meta، وهي (فيسبوك، إنستغرام، وواتساب).

رابط النموذج 👇

t.ly/cSe7z

هالمنشور بيتناول نقطتين، ويمكن يطول شوي، فإذا مو مهتم، عادي فيك ما تكمل القراءة والخطاب غير مهذب لأني ما عم استقطب حدا إذا أنت حساس الله معك.

النقطة الأولى: المطالبة بالحقوق
صرت ملاحظة إنه في ناس عم تعلق بشكل هجومي كتير على فكرة المطالبة بالحقوق، وبيحكوا: نحنا بدنا مي وكهربا ورواتب، وأنتو نازلين تطالبوا بدولة علمانية وحقوق نساء! شو هالمطالب التافهة؟ الناس عم تموت، وأنتو بدكن تشربوا وتسكروا؟!
أول شغلة: من حق أي حدا يطالب بالحياة يلي هو مقتنع فيها، سواء بده يشرب ويسكر ويطالب بدولة علمانية أو بدو كهربا ومي ونت، وما حدا بيقرر عنه شو لازم تكون أولوياته، هاد ملخص الحرية يلي فلقتونا فيها عفكرة.
ثاني شغلة: ليش في ناس مفكرة إنه لازم تطالب بشي واحد فقط، أوك صح المثل بقول ايد وحدة ما بتصفق بس الحكومة ما عندها "إيد وحدة"😃 وبتقدر تستوعب لأنو هي شغلتا مو مفضلة عاللي خلفوك هيي
يعني عادي كتير تطالب بأكتر من مطلب بنفس الوقت. الفكرة إنه يتم تنظيم المطالب بطريقة واضحة، وكل مطلب بياخد حقه.
ملاحظة: أنا بعرف أنك بتعرف هالكلام ولكنك بتتغاضى عنو لأنك من كتر مو حر فكرياً بهمك الطالب أكثر من المطالب، بس تذكر أنو الحر بتهمو الفكرة مين ما كان قائلها والعبد بهمو القائل شو ما كانت فكرتو.
النقطة الثانية: "مين اللي بيطالب؟"
(هي مربوطة باللي قبلا)
في ناس عندها فكرة إنه بس "نحن" يلي إلنا حق نطالب، والباقي مالهم مكان، وكأنه الموضوع لعبة وفريقنا ربح، والباقي آوت.
عزيزي السورجي، حركات شعب الله المختار وخير أمة أخرجت للناس بلاها، كل الناس مواطنين مو بس جنابك، شو ما كانت توجهاتهم أو خياراتهم، سواء بيشبهوك أو لا، بحبوك أو لأ، بيتمنولك الموت أو الحياة. أصدمك؟ حتى الشخص يلي عمل أخطاء كبيرة أو تورط بجرائم ودم، هو بالنهاية مواطن عنده حقوق (لو مخصوَرة) أنت بدولة مو بزريبة.
إنك تقوم بثورة ضد القمع والترهيب والإقصاء، وبعدين تمارس نفس الأساليب ضد غيرك، هاد الشي ببساطة بيفرغ أي قيمة من كلامك. القصة ما بتكون إنه الإقصاء سيء إذا إجا ضدك، وتمام إذا إنت عم تمارسه. بهاي الحالة، انت ما بتكون ضد الإقصاء، انت بس زعلان أنو ما اجتك فرصة تكون إقصائي أو حتى إلغائي.
واللي بقلي ليش أيام بشار ما حكيتي بحب قلو كول خرا سلف.😘

- هاجر.

لم تكن إنسانة.. لقد كانت فراشة..

أخاف أن يكون جيلنا
كالأبطال الذين يموتون
في الحلقة الأخيرة
بعد كفاحهم الطويل
لا يرون الربيع على حقيقته
ولا يعرفون طعم التفاح
تحت ظل شجرة

يموتون هكذا
لأنه وببساطة قالت الأقدار
كلمتها
كان عليهم الركض الطويل
ليعيش الغير
كالأطفال الذين لم يولدوا بعد
والفتيات اللواتي يحلمن الآن
أن يَكُن أمهات

أخاف أن أموت
ولا أشاهد قصيدة واحدة أحبها
تلف البلاد على قدم واحدة
وأقول أنا من صنع هذه الكلمات
داخل هذا الرأس بيت صغير
خرجت منه قصيدة
تلك التي تتفاخر أمامكم الآن

أريد للطبيب أن يصنع معجزة
ويصلح عظام رجل مشوه
أريد للمحامي أن ينصر الحق، بحق
وأن لا يملء ميزان عدله بالنقود
أريد أن أشاهد المهندس
يُصمم بناء يضحك
أريد لهذا الجيل أن لا يفوته الأوان

أخاف أن نكون كالأبطال
في الحلقة الأخيرة

أن لا يقول الجميع بعد موتنا
ليت فلان رأى هذا
وليت فلانة كانت هنا معنا

اتخيل سوريا بريشة
صديقتي التي تحب الرسم
تنام على لوحة بيضاء
فاتحة حدودها للغزلان
ولعصافير السماء
للناس الذين يحبون الموسيقا
يدخلون إليها بنغم وخفة
وأتخيل أننا كلنا
جميعنا, أيها الأصدقاء
بداخلها نضحك
فتكون أولى اللوحات
-المسموعة-

أيتها البلاد لا تخذلينا

أيها الزمان أطل وقتك
قل للأرض بأشجارها
وغاباتها
بسناجبها الصغيرة
وحقول عباد الشمس الأصفر
للنحل الذي يسكن خلاياه
أعطوا هؤلاء الناس فرصة للحياة
لألّا يخجلوا
بسوريتهم.

- يعرب معروف

بمناسبة اليوم العالمي للغة العربية، أود أن أشارك ملاحظة قد تكون لافتة: أغلب الذين يسخرون من اللغة العربية، ويصفونها بالضعف أو المحدودية أو التعقيد، هم في الواقع عاجزون عن فهمها أو استخدامها بشكل صحيح. لا يعرفون كيف يعربون جملة مفيدة، ولا يدركون جمالياتها ولا عمقها. المشكلة ليست في اللغة، بل فيمن يجهلها!
كل عام ولغتنا العظيمة بخير، لغة الإبداع والبيان والتاريخ.


- هاجر

زنوبيا من أرض سوريا
مي سكاف من أرض سوريا
لمى الباشا
الياسمين من أرض سوريا
مريم العذراء من أرض سوريا
حبيبتي.. من أرض سوريا
وغيرهنّ كثير..

بأيّ حكم تأتي على نساء هذه الأرض الطاهرة يا ذا الجمجمة المخلوعة؟

https://t.me/download_it_bot?start=ref601961646


بوت تحميل أي مقطع أو صورة من كل السوشل ميديا بدون اشتراك بأي قناة وبدون مسخرة البوتات العربية ومجاني
بس ابعت الرابط واكبس تحميل بالدقة الي بدك
انستا فيس يوتيوب تويتر بنترست .. الخ

الحديث عن إدلب التي يتمنى السوريون تكرار نموذجها في سوريا..

ماذا تعرفون عن سجون الجولاني ومعتقلاته؟

🎬 Dark

لو خبرنا الجولاني إنه هي حرب واحتلال لجماعته على سوريا ماكان حدا سوري دخلهم حارته
بس قالوا تحرير للكل من نظام فاسد ومجرم.. وعلى هالأساس..
بس حالياً رجع خطاب المنتصر والمغلوب
الجولاني المنتصر والخسران هو الشعب كله الا الي بيطلع بيهلل للجولاني
وعدا ذلك.. تتهم بالطائفية لأنك ضد الجولاني.. تتهم بالنفاق لأنك ضد الجولاني.. تتهم بإنك خسران ومهزوم ومامتقبل الهزيمة لأنك ضد الجولاني

عقلية ثنائية يا مجرم سفاح دكتاتوري يا دكتاتور إخواني متعطش للنساء والسبي.. عدا ذلك انت مالك وجود..

تبارك الله بأفكاركم.. شعب سوريا بأغلبيته معاق فكرياً.. مشكور بشار الي وصلكم لهون

https://t.me/NSG_freesyria


رح تنحذف بوستات السياسة من هي القناة وتتحول لهون

شاركوها للكل.. شو الهدف منها؟؟
نرفع بس الوعي السياسي حتى ما ياخدنا حدا بالعبطة ونكون فئة فاعلة بالمجتمع عن فهم مو قيل عن قال

ماذا يعني أن أحبَكِ؟

أن أغضَ النظرَ عن ملوحة الطعام الزائدة
وأكنسَ البيت
كما نريد لهذا الحزن أنْ يُكنس
أن تتقبلي
أشيائي غير المرتبة:
كتبي على المكتب، أوراقي على السرير
دفاتري فوق الأريكة.
وأن أوفرَ دموعَكِ
لأشياء أهم من تقطيع البصل.

ماذا يعني أن أحبكِ؟
أن نتشاركَ قهوة الصباح
رغم أني لا أحبها
ويصير لدي
مَن يبكي معي/ أحدثه/ أصارحه/ أراقصه/ ويتحمل قلقي
غير المرآة.

ماذا يعني أن أحبكِ؟
أن نشتري كل كتب العلاقات
وندرس محاضرات علم النفس
ونستشير كل القدامى
والخبراء
لنحل مشاكلنا

ونركل آراءهم بقبلة.

سأحبكِ
فهناك الكثير من الورد الأحمر
والقليل من الحب.

_
- حيدر الغزالي