وصفة ابي رحمه الله للوبيا
اولا لازم تغسلي اللوبيا وضعيها تتشمخ في الماء في الليل الى الصباح ارمي الماء الذي كانت اللوبيا منقوعة فيه ضعي كمية معتبرة من الماء حوالي لترين في قدر تغلي فوق النار لما يسخن الماء ارمي اللوبيا فيه لما تصعد تلك الرغوة البيضاء قومي بنزعها حتى تنتهي غطي القدر بغطاء وتفقديها من حين لاخر ان كانت نضجت او نقص منها الماء ضيفيلها ماء ساخن عندما تنضج اللوبيا تمسيها تلقايها اصبحت طرية طفي النار
المرق ارحي حبة بصل وضعيها في قدر به زيت كمية مليحة يعني عادي ماشي شويا ولا بزاف خليه يتقلا وبعدها اضيفي حبة طماطم مرحية و4فصوص ثوم مرحي وكمون وقصبر وفلفل عكري حلو وفلفل ابيض وملح كامل ملعقة صغيرة وملعقة كبيرة طماطم مصبرة خليهم يتقلاو على نار هادئة وصفي اللوبيا من الماء الذي طابت فيه ولا ترميه اتركيه جانبا
ضعي اللوبيا فوق المرق تتقلا قليلا وضعي باقة فيها زعيترة وورقة رند وعود كرافص اربطيهم بخيط غدائي وحطيهم فقوق اللوبيا ومرقي بالماء الذي طابت فيه اللوبيا وضعيها طيب متخدش وقت طويل وتكون جاهزة شوفي اذا كان خاصها ماء ضفيلها قليلا متكونش ناشفة ومتكونش خاثرة بزاف
ولما تقدميها ضعي قليلا من الكمون وزيت الزيتون وكرافص مقطع جويدة
وبالصحة والهناء
دعائكم لابي ان يجمعه الله مع اخي رحمه الله في الجنة لانه كان يحبه كثيرا وان يجعلهم من اهل الجنة اللهم آمين
واذا حبيتو اعطيكم سر الدجاج المحمر ومرقه