الشاعر عبدالله الفريجي

ليلة شهادة السيدة فاطمة الزهراء صلوات الله عليها

اجركم الله يا شيعة امير المؤمنين

يروى ان الحسين عليه السلام عند شهادة السيدة الزهراء جلس عند قدميها يبكي ويقول اما فاطمة انا حبيبك الحسين كلميني


هلن يا دمعات العين
هل دموعه الليلة حسين
…………..
يا دمعي المن باقي بعيني
الرباني وعرفني بديني
العشت بخيره كل اسنيني
هل دموعه اعلى الخدين
.
يهل دموعه وفاگد حيله
ما يكدر جف ايده يشيله
فارك المدللته الليلة
وكضه الليله كلها اونين
.
شلون يون وشلون الحسرة
المفارك ام مثل الزهره
دلاله يا كلمة تصبره
الفارك امه بسبع سنين
.
سبع سنين وياها مدلل
بهاي الليلة كلشي تبدل
المدلل بده حسنه يذبل
طير وكسروله الجنحين
……………..
يا دمعي اسمع زين وافهم
يهاي الليلة كلشي تهدم
حسين بهاي الليلة تيتم
وسد بيده لامه الجفنين
………
حسين بهاي الليلة تعذب
يتعب ويرد يبجي ويتعب
واه من يسمع ونة زينب
يموت ويحيه ابن الطيبين
.
حسين ويسمع زينب تنعه
شلون يضم حسراته ودمعه
صوت اخته لصوت امه يرجعه
زينب جنها امها ام حسين

اه يا شبل الزجية المنتظر
.
يا اخر انفاس الزجية فاطمة
يا وريث اهموم حماي الحمة
يالوجودك عمد صاير للسمة
هم الك مولاي يتبسم ثغر
اه يا شبل الزجية المنتظر
…………..
هم الك مولاي راحة امن الدمع
وهالدمع هم اله ساعة وينگطع
لو تعز اعليك مكسورة ضلع
امك الزهراء ومجهولة قدر
اه يا شبل الزجية المنتظر
……………..
النوم مكتوب ولزوم اعلى الجفن
ينغمض من ظلمه الليلة تجن
من نمت مولاي گلبك مطمئن ؟
لو نمت وتفكر بجذع الشجر
اه يا شبل الزجية المنتظر
………………
براحتك تكعد گبل طرت الفجر
لو تفز وانت گلبك منكسر
خاف شفت امك الزهراء تنعصر
وگعدك ثارك يمكسور الظهر
اه يا شبل الزجية المنتظر
………………..
بماي من تتوضه وعيونك تشوف
وبرودته تحس بيها لو لاح الجفوف
تذكر العطشان التحيطة الالوف
ضامي فاضت روحه يم شاطي النهر
اه يا شبل الزجية المنتظر
………………
وبصلاة الليل الاطمن النفوس
تذكر الصلتها بالهيمة بجلوس
الخلت اخوتها تحت حر الشموس
مجتلين وما سلم منهم نحر
اه يا شبل الزجية المنتظر
…………………
الف عام وهذا حالك سيدي
ليمتى گلبك من مصابك ينحدي
يمتى فقارك احكامة تبتدي
هواي يا مولاي فقارك صبر
اه يا شبل الزجية المنتظر
………………………
ما تضل هيج ولزوم الها فرج
يجي يوم ونسمع المهدي خرج
وعذر ماكو اهناك ما تنفع حجج
من فقارك يومها ماكو مفر
…………….
تضمين
وتصلب الجبتين من فوك اشجرة
والدفع باب البتول الطاهره
ضهره بيدك يا غيور اتكسره
وكوفة الكرار تصبحلك مقر
اه يا شبل الزجية المنتظر
…………….
وتنسعد بيك الگلوب الكابرت
الالها صار سنين جيتك ناطرت
البسبب حبك هواي تغربت
جيتك اطيب شكو شيعي انكسر

كعدت الزهراء وامير المؤمنين
الحنينة تريد توديع الحنين
.
واليحل كل صعبة وشدة
كل حيله من عينه تبده
حيدر
……………………..
صاحت يا علي ومسرع اجاها
عزيزة گلبه حيدر گابلاها
صب الماي وبجفه رواها
اشربي يا بعد عيني وضواها
.
لنه حسه بالخطر . گلبه
والفحل جنه انكسر . گلبه
شنو صاير يا الله
.
من الزهره اقترب . حيدر
شافاها واضطرب . حيدر
شنو صاير يا الله
.
مال طوله الما كبل طوله يميل
لمن حس بالزهره نيتها الرحيل
ومدري شنزل منه بخده
كل حيله من عينه تبده
حيدر
……………………..
صدتله وبقت تحجي الملامح
وحجيّ العين جان هواي جارح
ماتت عد علي كل الجوارح
طير امن السمة اعلى الكاع طايح
.
بقى يحس بالضوه . گوة
بقى ايشم الهوه . گوة
جنه مات الكرار
.
كلشي هي لعلي . الزهره
وراح تترك علي . الزهره
جنه مات الكرار
.
فراك فاطمته درى كلش قريب
هي جم ساعة وعلي يبقى غريب
ويكضيهن اسنينه لوحده
وكل حيله من عينه تبده
حيدر
……………..
عن لا تنكسر ضم المشاعر
حيدر خفه حزنه وضل يكابر
والزهره تعرفه انكسر خاطر
ولخاطرها تدري باقي صابر
.
گالتله من قبل . ادعي
موتي گبلك يحل . ادعي
شتسوى العيشه بلياك
.
اعيش بيا گلب . دونك
الماي ما ينشرب . دونك
شتسوى العيشة بلياك
.
تدري يا حيدر اذا گبلي تروح
ما تضل يا ابوالحسن بالزهره روح
وهذا الحجي حيدر هده
وكل حيله من عينه تبده
حيدر
…………………………….
الوكت يمضي وَهيْ گامت توصيه
عليّ كون الجفن بيدك تخليه
ومن تابوتي للمدفن توديه
يحضرني الكسرني لا تخليه
.
من تغيب الشمس . شيعني
من تنام الانس . شيعني
وگبري اخفيه عن كل عين
.
لدليّ بالكبر . الظالمني
الخلانه ننكسر . الظالمني
گبري اخفيه عن كل عين
.
لو تريد ارتاح من كل العذاب
انت واولادي عليّ هلّو التراب
ويم الگبر طوّل الكعدة
وكل حيله من عينه تبده
حيدر
………………………….
مني اسمعها هاي اخر وصية
باجر من يحل وكت المنية
من زينب تضل تبجي عليه
بحميتك خلها يا حامي الحمية
.
باجر من تنفجع . زينب
وتبقه اتهل الدمع . زينب
احضرها يابو تراب
.
ما ترتاح بوكت . بنتي
ولو كبرت انسبت . بنتي
احضرها يابو تراب
.
هسه تبجي ويبجي وياها الحسين
بكربلا تبقى وحيده ابلا معين
وتنوخذ من بلدة لبلده
وكل حيله من عينه تبده
حيدر

………………

يا زكية
يامن ادور القرون لمعرفتها
والعرفها وصل مرحلة الكمال
ولإلهه كلبه قر بالعبودية
يا زكية

امحبتج ورد النجاة
وبيج تتزكه النفوس
آمره لو مطمئنه
حددتها محبتج هاي الهوية
.
يا ملاذ المؤمنين
اليگصد الها العارفين
خاطر يوفقهم الله
ساعة استنباطهم
احكام شرعية الهيه
.
خالي گلبه امن الفقاهه
الما يقر بولاية الزهره النقية
.
اني ازغر واحد امن ابناء قومي
واقل منهم معرفة
وجايج مولاتي يا زهراء
ورايد گلبي نية

انطني نية
البيه تبعث روح عابد
والرجاء والخوف من ربي يصيرلي سجية

انطيني نية
التخلي بگلبي تقوى
وانت مولاتي التقية

انطيني نية
البيها اتورع على ما حرم الله
وروحي تصبح فاطمية

الوكت يمشي
وسيدي المهدي بعدها عيونه مولاتي جرية

اريد اصير لگلبه بلسم
ومن اكولن ربي عجل
كون من گلبي والساني
صدك رايد منه جية

رايد ارضيه
رايد ابجيه
رايد اشعر هو مالك كلشي بيه

نية
تجعل مني خادم
لائق بتمثيلي مولاي الامام
لمن اخدم بالمواكب والعيون تصد عليه

نية ترزقني مدامع
صادقة لاعظم رزية

بكربلاء الحجر يبجي
السمه تبجي
الوحوش دموع تبجي
اللي يرى والما يرى بكربله يبجي
للحسين السحكته خيول آل امية

انطيني نية
للمطيح دمع عينج
للحسين
وغربته
المسلوب واشفافه ضميه
للعقيلة الهاشمية
لجرح مولاتي رقية
يا زكية
انطني نية

يا زهراء اغيثيني
…………………
جاي ومتاعي . حسرة ضياعي .
دخيلج . ييمه . يزهراء
.
جاي ودمعتي. تشرح حسرتي
دخيلج . ييمه . يزهراء
.
جاباني مولاتي الحنين
انه الي رباني الحسين
بس كلبي اخذني مدري وين
يمه
.
الشيعي الي صرتله انتي ام
ايموت لمن ينحرم
من البواجي والطم
يمه
.
تعرفينه كلبه ييمه العبد
تكتله حسرته لمن يبتعد
وعبدكم ضميره بحسرته انكتل
اغيثيني اريد لخدمتي ارد
……………………….
رديلي حالي . لذيج الليالي
القديمة ييمه يزهراء
.
ردي لهفتي . ودمعي وخدمتي
القديمة ييمه يزهراء
.
غيرج يزهراء ما الي
امحلفج بغيرة علي
رديلي حالي الاولي
يمة
.
من جان يهتز الگلب
من ينذكر ماي الشرب
وحسين عاري اعلى الترب
يمه
.
اخذني حنيني لهذيج السنين
لدمعتي القديمة اخذني الحنين
گبل كلمة جانت تكسره الگلب
وتطيح دموعي فقط يا حسين
…………………………
كلشي تغير . بس ابو الاكبر
رحمته . نفسها . يزهراء
.
من گلبي يبعد . من گلبي اله يرد
رحمته . نفسها . يزهراء
.
بالرغم ما هو غريب
من ابتعد عنه واغيب
الكاه بالشدة قريب
يمه
.
امن اغلط واردله اعتذر
شحجيله يقبل اي عذر
ما خله كلبي ينكسر
يمه
.
الحسين اعلى مودي تعله الرماح
وبقى ضامي كلبه بهجير الرياح
اريد اوفي يمه لامامي الغريب
العلى مودي ضعنه على الهزله راح
………………………
خليني انعى . وانطيني دمعة
لغريبج . ييمه يزهراء
.
خليني احجي . بجروحه وابجي
غريبج . ييمه يزهراء
.
انطيني يا مولاتي حيل
ابجي عالساحكته خيل
عن حزنه ما رايد اميل
يمه
.
الله شكبره من مصاب
حسين عاري عالتراب
من الشمس دلاله ذاب
يمه
.
اويلاه يزهراء اعلى حر الهجير
ضميٌ سليبٌ غريبُ الامير
بقى اتلث ليالي بسموم الشموس
والمسلبه ماخذ ضعن اهله اسير

يا صاحب الامرِ ..يا زائرَ الزهرا
إلى متى تبقى . تزورها سرا
…………

يا مولاي يا مهدي العذر منك
مو قصدي الاساءة واقسم بحسنك
سئلتك منهضم عمرك كضه بحزنك
الف عام وبعض ودموعك بجفنك
.
فدمعُكَ يجري . للضلعِ والكسرِ
تَبكي لها دهرا . يا زائر الزهرا
………………….
تستاذن گبل لا للگبر توصل
ومن ماي البعينك وجنتك تبتل
استاذانك يذكرك جرحك الاول
باب امك الزهره المّنْ نذل يرُكل
.
يستأذنُ أحمد . والجاحِدُ الأسود
يركُلُها جَهرا . يا زائر الزهرا
……………………..
توصل للگبر ويضيك بيك البر
ولصوب النجف تندار تتحسر
تقرا النية ويطيح الدمع احمر
ازورج بالنيابة يمه عن حيدر
.
بجفنِكَ المُحمَّر . كأنَّكَ حيدر
لمَّا بكىٰ جمرا . يا زائر الزهرا
…………………
تقرا زيارة الزهراء بهادي الصوت
بسكوت الونين ويكتل البسكوت
تموت وثارك اليحييك من تموت
وتتاني يوم صلب الجبت والطاغوت
.
والليلِ إن عسعس ..بكفِكَ الأقدس ..
ما أجملَ الثأرا . يا زائر الزهرا
………………

سلام الله على العالمةالمنصورة
المرتحله بهضم وضلوع مكسورة
سلام الله على الغَمضت مقهورة
المرتحله غريبه بعين مسطورة
.
بحسرةٍ تَرثي . مغصوبةَ الإرثِ
مَجهولةً قَدرا. يا زائر الزهرا

معرفة فاطمة عليها السلام

‎عن الإمام العسكري (عليه السلام):
‎" نحن حجج الله على الخلائق، وأمنا فاطمة حجة الله علينا ".



في رواية عن الامام
العسكري عليه السلام
اختصر بيها الكلام
سيدي
.
للائمّٓه مكرمة
عالارض حُجج والسمة
وحُجة الحُجج فاطمة
فاطمة .
.
الزهراء . نور الله
الما يبهت والما يطفه
.
الزهراء . عين الله
الما عنها شيء يخفه
.
الزهراء . باب الله
الما والاها يضل ضايع
.
الزهراء . لطف الله
ادخيل الراحمنه بلطفه
.
احدعش كوكب ساجدين
وگدامهم سجدت شمس
ولو ما حدث هذا السجود
محد بدين الله يحس
شاء الاله بفاطمة
دينه وولدها ينحرس
………………………….
قال الامام الصادق عليه السلام
وإنّما سمّيت فاطمة لأنّ الخلق فطموا عن معرفتها


جعفر الصادق يگول
أمُنا الزهره البتول
لست تدركها العقول
فاطمة
.
لا ارض لا من سمة
الخليقة مُفطمة
عنّْ معرفة فاطمة
فاطمة
.
فاطمته . وخالقها
من نوره رب النور
.
فاطمته. والعالم
أن يدركها صار يدور
.
فاطمته . ولتوحيده
خلالها الخالق دربه
.
فاطمته . وكل عابد
ايقر بولايتها مجبور
.
الما واله گلبه فاطمة
توحيده ناقص بيه خلل
.
متفيده صوم ولا صلاة
ابلا معرفة شنفع العمل
.
الما قبل بالزهره البتول
هيهات من الله انقبل
………………………………

قال أبو جعفر (عليه السلام): والله يا جابر إنها ذلك اليوم لتلتقط شيعتها ومحبيها كما يلتقط الطير الحب الجيد من الحب الردئ، فإذا صار شيعتها معها عند باب الجنة يلقي الله في قلوبهم أن يلتفتوا فإذا التفتوا فيقول الله عز وجل: يا أحبائي ما التفاتكم وقد شفعت فيكم فاطمة بنت حبيبي، فيقولون: يا رب أحببنا أن يعرف قدرنا في مثل هذا اليوم، فيقول الله: يا أحبائي ارجعوا وانظروا من أحبكم لحب فاطمة، انظروا من أطعمكم لحب فاطمة، انظروا من كساكم لحب فاطمة، انظروا من سقاكم شربة في حب فاطمة، انظروا من رد عنكم غيبة في حب فاطمة خذوا بيده وأدخلوه الجنة.

صرح الباقر بيان
يحوي دستور وضمان
ونار موجودة وجنان
بالبيان .
.
سولف وكال العبد
الواله امي ينسعد
ينفرش دربه ورد
للجنان .
.
الوالها . تلتقطعه
بذاك اليوم مثل الطير
.
الوالاها . وحباها
طاهر ما حاجة لتطهير
.
الوالاها . بالجنة
اهناك الله يبين قدره
.
الوالاها . يضل يشفع
واهله وناسه تشوف الخير
.
كلمن سقى لحُب فاطمة
الحَب فاطمة ماي الشرب
خليه يأمن يطمئن
وينام مرتاح الگلب
مولاك ابو الصادق ضمن
اهناك للجنة تطب
…………………………..
گلبي صدق كل امام
وفرزنت معنى الكلام
فاطمي وعندي التزام
فاطمي
.
فاطمي والعن جهر
الخله بالزهراء كسر
ماله طيبة وينجبر
فاطمي
.
الاذاها . ااذاني
وما ارحمه الما راحمها
.
الاذاها . حارك دمي
بعصرتها وطيح دمها
.
الاذاها . وهاضمها
ما اميل واترك لعنه
.
الاذاها . غربني
من مولاتي غربها
.
كل ما شلت ايدي بقنوت
من احيي گلبي بالصلاه
.
الظلم مولاتي البتول
ابتدي بلعنه بالدعاء
.
الما راعى قدر ام الحسين
تلعنه الارض والبااسسماء

يهل دمع عيني على الزهراء مو عن عاطفة
دمع عيني لفاطمة اصدق دليل المعرفة
صوت دمع عيوني يستفهم بليش ويا ذنب
ينكسر ضلع الزجية الوصه بيها المصطفى
.
ليش ما راعو رسول الله بحرمته
ليش حركو بابها وقهروها بنته
وين عادات العرب وين الصوارم
ليش كل اهل المدينه غدت سكته

…………………..

الغيره شبت بالضلوع ومنها طاحت دمعتي
وأعلى من كل صوت يبقى صوت دمعي ولطمتي
بلطم ضلعي بلطمتي اسئل سبب كسر الضلع
وليش لطمو وجنة الزهراء الطم وجنتي
.
ليش يعصرها اللعين ابن الدعية
ليش بالبسمار تنصاب الزجية
ليش ابنها يطيح منها بيا شريعة
فاطمة اليرضيها يرضي الله ونبيه

…………..
ليش مظلومة وغريبة وضيعو بيها العرف
ليش ما واحد على بت النبي گلبه يرف
وينها اسيوف الصحابة وينها اتباع النبي
وينها البحرب من جفهم العسكر ينخسف
.
غير حركو دارها بضعة محمد
ليش كدام النذل ما وكف احد
ليش محد عله صوته وسولف الحق
وكال عن ظالم الزهراء هذا مرتد

……………….
فزت بروحي الحمية وهوه الغربة بگلبي هب
اه يا زهراء جمر الباب بضلوعي كتب
ابو ثار وشيعي واترقب ضهور المنتظر
المهدي اليرد للزجية شكو حگ الها انسلب
.
گلبي يبرد من يرد ثار الهواشم
من على الشجره اشوف الظلم فاطم
لهذاك اليوم ناري تحدي گلبي
لمن يصير الحجي بس للصوارم

…………….

فاطمي وعندي الليالي كلها عاشوراء
مره اصيحن يا حسين ومره يا زهراء
حبهم رسى بيه
لشاطي العبودية

…………….
حب صدگي العشته مو حب اوهام
حب يزداد شما تمضي الايام
مو حب وقتي ويمضي بسرعه
.
روتني امي بلبنها
حب الزهره وابنها
وكل ما اريد اغمض عيني
لولتي باحلى الاسامي
.
اسم الله الزهره تكلي
وغرام يملكة عقلي
وكل ما اعطش ترويني
وسلمت عالكلبه ضامي
.
وبلبنها خطت امي عالگلب اسمين
فاطمة الاول والاخر خطته اسمه حسين
وتولدت نية
لشاطي العبودية
………………………
والراوي الثاني الگلبي رواه
الوالد ضل ياخذني امشي وياه
زغير وزنجيلي بجفيني
.
خط زنجيلي بلطمتي
شوگي وحبي وخدمتي
وكل لطمة اشعر بالغربة
واشعر يحسين ومصابه
.
طفل بس گلبي واعي
شفت صوت النواعي
الما حبهن ما يتهنى
ولا يشم ريح المهابة
.
ادركت معنى السعادة من هذاك اليوم
السعادة تعني لطمي للبقى مهضوم
زنجيلي بيديه
لشاطي العبودية
……………………..
شاب وما عد روحي مثل اي شاب
اتملك روحي وگلبي جرح الباب
شاب ومحني لجرح الزهره
.
صرت اعلى الزهره اقره
وصارت بضلوعي جمرة
شفت الكاتب كاتبلي
الزهراء عصروها الاجناب

.
وشبت بيه الحمية
وحسره لامي الزجية
وثائر صرت لظلامتها
وفدكها صرت اطالب
.
ثائر لثار الزجية لحد طلاع الروح
مره يا مظلومة اصيحن مره يا مذبوح
والروح ثوريه
لمرسى العبودية
………………………
من ضلع الزهره وذاك البسمار
لزينب والخيمة ولذيج النار
اتنقل وجروحي بگلبي
.

يكتل جرح الشهامة
من يجيس النشامه
وانه العباس مخلي
من اجفوفه غيره بيه
.
الرباه بدر الهواشم
يبجي لجرح الفواطم
وما يبرد گلبه وحزنه
كل صباح وكل مسية
.
انطر لثار الفواطم والگلب مهضوم
اااه يا ثار العقيلة الما نسيته بيوم
ويلي يمسبيه
لمرسى العبودية
…………………………..
ما طابت روحي بدمعات العين
الا الثار ايطيب جرح حسين
من يظهر مولاي المهدي
.
يضهر صاحب زماني
ويحققها الاماني
ويخرج الماذي الزهره
وفوك الزهره يصلبه بيده
.
ويروح لال امية
ولاجل عمته رقية
بفقاره الشام يهدها
وارث اجفوف الصميدة
.
وزينب ترد الاميرة سيدة عدنان
وتسجدلها الدنيه كلها بت رفيع الشان
شمحلاها من جية
لمرسى العبودية

تنويه / القصيدة للشاعر تحسين الكناني

القصيدة كلام مولانا صاحب الزمان عجل الله فرجه


يمة برگبتي ثارين
ثارج وثار الحسين
ما غمضت يمة العين
يازهراء
….
بجمر المهج. متاني الفرج. وآخذ بأيدي ثاري
وبكل صبح. ينهض جرح. يهيّج بصدري ناري
مره الدمع . لكسر الضلع . يرسملي انكساري
ومره اون . وابجي بحزن . عالباقي جسمه عاري
.
ابجي واون لجرحين
مره الج تبجي العين
ومره تهل للحسين
يا زهراء

………………
عمري كضه . عالمرتضى . دموع الجفن جرية
من انخذل . ولحده ظل . ما عانته البرية
كبال الخلك . بيته احترك . والدار مو خليه
بيها الخدر . وام الستر . السيدة الزكية
.
ما راعوا شبيها الدار
ما رعوا گلب الكرار
وابيته شبوها النار
يا زهراء
……………….
دمعي يصب . من الگلب . للمحسن وعذابه
وللضل امس . بحر الشمس . متوسد الترابه
لنفس الالم . دمعاتي دم . بس اه يا مصابه
الراسه برمح . وضل منطرح . واعياله بالخرابة
.
نفس الالم والجروح
لكن التِطلع الروح
الضعنه وي غربة يروح
يا زهراء
…………………..
من غيبتي. لحد طلعتي. ابعث الة سلامي
طال الصبر. ضاگ الصدر. عالبقة بجرحة دامي
الظل وحّدة. بين العدة. حاير وگلبة ضامي
كل يوم احن. وابجي واون. واتنطر انتقامي

وبثاري گلبي يبرد
ويبرد گلب محمد
وحكم السقيفة ينهد
يازهراء

يا مولاتنا يا فاطمة المعصومة

يا اختك الرضا
يمدلله كل الخدم
كلمن هوه كلبه الخيم
وكلمن عشك كربله
مديتي ايدج اله
وحبج بوجهه انرسم
.
طير وكسر جنحي الهوه ومالي غصن امشيله
والطير لو ماله غصن . الغربه تاخذ حيله
وفجاة الكلب مر بيه عطر . وشاف الشجر يوميله
بهالليله دك بابي العشك . الله يذيج الليله
.
كلبي بحب المعصومه صار يدك
ورباني وكبرني هذا العشك
ودلاني وعلمني بدربي الصدك
.
دخيل اخت الرضا
.......................

بقم الهوه
امنيتي بس اشتمه
وبابج اتوسل يمه
تدرين كلب العبد
يموت من يبتعد
دخيلج يباب الرحمه
.
جاي اكبر وبيه حلم . مخليني اعيش بخنكه
كلشي سهل عد اليحب . بس التكسره الفركه
واشما بلغ حجم الجرح . ينتهي كله بملكه
جا يمتى مو عمري كضه . وما مر هواج بشهكه
.
اتمنى ما اعبر عمر الشباب
الا احني ظهري يم ذاك الباب
وبشمت شباكج انهي العذاب


......................
شارة بخت
عد النسه حب دنيته
والتهه بس بدمعته
الكلبه حبج حضه
بيه شاره من الرضا
وتسوى وطن غربته
.
دور العبد ما يرغب . بس يمج اتمنيته
شمحلاها خادم انحسب . عد الرضا وحنيته
كالولي رباج الرضا . زغيره وربيتني ابيته
بداعت ارباج وغربته . انطيني من تربيته
.
ادبيني وعلميني حب الخدام
وحالي شلون يصير امن اذكر الخيام
علميني هين كلشي الا الشام
.....................
يام الوفه
الهاجرت حتى تشم هوه
من الربت وياه سوه
علمي الكلب عالهجر
رايد اشوف الكسر
المر بضعن نينوى
.
الهجر ضيع جم حلم . جم كلب عاش الغربه
جم كمر ضاعتله امنيه . وصارتله حسره بكلبه
ضعن الاميرات المشه . ودلاه الكافل دربه
من تالي ضل ابلا اخو . وما عنده ماي يشربه
.
رايد احس جرحه ذاك الهجر
هجر الخوة الصار بذاك الضهر
الخله سلطانتكم تمشي بيسر
...........................
افراك الاخو
انتي اعرف بهذا الجرح
بس فركة اهون من ذبح
يا غربة اخت الكمر
ما منها طول الدهر
شافت اخوها برمح
.
الكلبه بالفركه انجرح . جرحه يسده املاكَه
وعين الغريبه الشافته. دم الاخو وفراكه
ضل الجسد فوك الترب . وهي مشت عالناكه
وماشاها راسه اعلى الرمح . جي شافاها مشتاكه
.
ذيج السفره الما بيها اي انصاف
المدلل كل عمره مجتوف نشاف
ضعن الله بحي الغربة ضل ينطاف

احنا ناس مدللين

📍الكاظمية المقدسة

فاطمي وايامي كلها فاطمية
……….
مخلوق . لحبها مخلوق
والحمد لله على نعم الخلق
مرزوق امن الله مرزوق
حبها وشمحلاته من الله الرزق

احن ام واغلى ام رباني طيب اجفوفها
امن الزلم خلتني انعد يا كبر معروفها
گادر اترك كلشي عندي وعن حياتي اتخلى
وخدمة ام الحسن تطلع روحي بس ما اعوفها
.
سهل عندي افراك كلشي يمر عليه
فاطمي وايامي كلها فاطمية
………………….
يرضى . الله يرضا
عالعبد من ترضى عنه ام الحسن
يحضى الجنة يحضى
وقصر عالي يصيرله بجنة عدن
.
الينرهن عمره بمحبة فاطمة واولادها
يصير مو بالجنة لا. ايصير من اسيادها
النار ما سداها الله بوجه خادم فاطمة
بوجه كلمن حَب خَدمها النار ربك سادها
.
النعمة الاكبر عالخلق حب الزجية
فاطمي وايامي كلها فاطمية
………………….

ما دام . النفس ما دام
العن الاذاها والگايل وان
اسلام .هي الاسلام
وبظلامتها الخليقة تمتحن
.
والنكر حق الزجية وكال ما مظلومة
خل يحضرله جواب المهدي قادم يومه
الولاية ما تصح للما لعن واتبره
الولاية عالموالي بهل الشرط ملزومة
.
والبراءة هي سنُة هاشمية
فاطمي وايامي كلها فاطمية

………………………..
انحاز . الها انحاز
وما اجامل على حادثة الضلع
جناز . وحده جناز
حيدر بفاطمة ويهل الدمع
.
ما اميل ولا احيد ولا اثني حجايتي
وبعلات الصوت اصرح عن ظلم مولاتي
ما احس لذة بصلاتي دون لعن اعدائها
كبل لا للقبلة امدها بيمنتي مصلايتي
.
ابو ثار ابقى وبرائي للمنية
فاطمي وايامي كلها فاطمية
………………..
للثار ابقى للثار
ولابنها المهدي ابقى منتظر
والنار بمهجتي النار
تشب لو طاري الزجية ينذكر
.
عهد نار الضلع ما تطفى تضل حدر الضلع
الا نور المهدي بين الگلب واعيوني يشع
الدنيا توكف وابو صالح يبتدي بالمحكمة
والغصب ارث الزجية بجفه ابنها ينصرع
.

وعلى الشجرة يصلبه ابن حامية الحمية
فاطمي وايامي كلها فاطمية
…………

في ليالي عاشوراء تقول الزهراء اسعدني على ابني يالتحبني
وفي الليالي الفاطمية يقول الحسين اسعدني على امي يالتحبني

بدء الليالي الفاطمية

كلام الحسين عليه السلام ⬇️⬇️


مثل ما تسعد امي بشهر عاشوراء
اسعد گلبي وابجي وياي للزهراء
يالي تحبني ومنكسر كلبك عليه
شاركني حزني باليالي الفاطمية
وابجي على الزهراء
…………………..
ادور بالمجالس مثل المضيع
واكعد باخر المجلس واصب دمعي
وي كل دمعة تنزل گلبه يتمنى
مو ضلع امي ريت المنكسر ضلعي

.
انه اليتيم الگلبه لهفان
ادور عزه امي وين ما جان
ويلي جفنها احمر وذبلان
وبالضلع من الباب نيشان
.
كلشي يطيب بس هذا الكسر ما طاب
ماتت امي اثر عصرتها من الباب
بكسر الضلع حسيت شي وانكسر بيه
شاركني حزني بالليالي الفاطمية

وابجي على الزهراء
…………………………….
يالتحبني وشبابك كاضي بالخدمة
وملامح وجهك مغيرهن العاشر
حبيبك يتموه واتغربت روحه
ذاك الباب خلاه منكسر خاطر
.
اسعدني على امي يالتحبني
وخل ونك يشاركني وني
التاكل بگلبي وهاضمتني
البسمار ضيع امي مني
.
محتاره امي بين الغربة بين النار
على غفلة وضلعها صوبه البسمار
شاغت وطاحت وانغمى اعليها الزجية
شاركني حزني بالليالي الفاطمية
وابجي على الزهراء
………………………………
وين الكضه عمره ودمعته بعينه
ومن ينجاب اسمي كلبه يتحسر
خل يدري الحسين بعمر خمس اسنين
شافه اضلوع امه الزهره تتكسر

.
كل ليله افكر كبل لا انام
كسر الضلوع شلون يلتام
الهضمتني امي اثمنطعش عام
وكوة عليها تحرك الجدام
.
هذا اول جرح ماله دوه ينباع
دواها الضاع وياه فرح عيني ضاع
اموت امن الهضم من تلتفت جانت اليه
شاركني حّزني بالليالي الفاطمية
وابجي على الزهراء
……………………………….
شافتهم خذو كرارها مجتوف
وراهم طلعت وشافوها من بعيد
امر عبده اللعين وقنفذ اتعنه
ضربها بسوطه واسود صار لون الايد
.
امر على عبده وضربها
ومن ضربتها للگاع ذبها
لا انكسر گلبه ولا رحمها
امن الناس ما واحد حشمها
.
صار اسود متنها بت رسول الله
العليها بكبره الله سلم وصلى
ضيعو قدر الله بضربهم بت نبيه
شاركني حزني بالليالي الفاطمية
وابجي على الزهراء
…………………………….
كل هذا العذاب وساكته الزهراء
ما خلت علي يدري الضلع مكسور
كلبها ما اطاها تكل لابوي الصار
خافت لا تمر ليلة وعلي مقهور
.

موجوعها بس الوجع مكبوت
بسكوت جانت تبجي بسكوت
خافن يسمعه والدي الصوت
لو درى حيدر خافت يموت
.
هو الينجرح يجرح الناس اوياه
شلون الينكسر ضلعه يضم الاه
تتبسم لحيدر اذا كعدو سوية
شاركني حزني بالليالي الفاطمية
وابجي على الزهراء

كوم يا بن فاطمة ورد ثارها
واصلب المتعدي عتبة دارها
العصر فاطم والهضم كرارها
الزوم يجازى ويرد حق فاطم
.
الزوم عالشجره تصلبه ايمينك
وتسعد الزهراء وتگر عينك
ومن جديد تكوم تحييه دينك
وعالشريعة تصير وحدك قائم
.
الماهوْ صِديق ولا يملك يقين
الاول الما عنده غيره ولا له دين
الامر يجتف امير المؤمنين
جَتفه عالشجره اويه ذاك الظالم
.
كوم دين اهلك يريدك يا شهم
يبن المركض الرجال ابلا هدم
اشتهى ذو الفقار جف بيه ينلزم
وما لكه غيرك يهيبة هاشم
.
يبن المخلي بگلبهم خوفة
يا شبيهه الورث حيل اجفوفه
انهض ورد الحكم بالكوفة
ما يصح غيرك عليها حاكم
.
وبعد عندك ثار تانيته شكثر
الثار هذا مخلي دمعاتك حمر
حسين ضلته لوحده بذاك الضهر
ودايره جيش العدى متزاحم
.
جم ضَهر لازم بجفك ينكسر
وجم نحر لازم بسيفك ينحر
هذا جرحك ما يطيب وينجبر
الا لون الدم يلون الصارم
.
وبعد عندك ثار ياكل بالگلب
ثار المغربات بديار الغرب
الهاشميات الغفن فوك الترب
مشن وي المن اخوهن غانم
.
كوم رد صولات قتال العرب
وخلي دم الشام يوصل للركب
للخرابة ضعن ابو السجاد طب
وطبته وي هيبته ما متوالم
.
اللهم صل على محمد وال محمد وعجل فرجهم والعن اعدائهم

حب فاطمة
حب لامس گلوب الغيارى
جو عالمه
حيدر الخطاه بنكساره
الشم هواه
يَرهن كل عمره بدمعته
بمجره الدمه
تشب ويه ذكر الضلع ناره
.
والجنحه رف بسمه حب فاطمة
يحضى براعية علي حامي الحمه
حب شايله وين النقي والوفي
مو اي گلب هذا العشك يفهمه
.
بس الشهم والعنده غيره
كلبه حضه بحب الاميره
البيه من علي حيدر شهامه
وبيه غيره من بدر العشيرة
…………………
الكلبه يدك
بحب فاطمة هنيال كلبه
من يختنك
تعيشة باُنس دمعات حبه
والفاطمي
المتعلق بحب الزجية
ام الحسن
برحمتها هي تخطله دربه
.
الحب الوحيد الي يطهر الگلب
الما يشبهه او لا اكو مثله حب
الدرب الوحيد للّه حب فاطمة
ولله محال يكون غيره درب
.
اليرضي الله رايد كل مراده
وبالجنه يحضى والسعادة
لو ما يدك باب الزجيه
متنفعه باجر اي عبادة
…………………………….
العمره كضه
وثار الضلع يمشي اويه دمه
وينخى الرضا
يرزقه دموع الغيرة لامه
هذا الوفي
وباجر الزهره تزور كبره
والمرتضى
باجر يصيحه اهناك باسمة
.
الما ناسي كلبه شلون حيدر علي
متغرب وهو الامير الولي
بيوم الدفنها ونهى عشرة عمر
رد مختلف مو حيدر الاولي
.
الّخادم البيه كلبه نخوة
المغزرة بيه طعم الابوة
يعيش بجرح حيدر امامه
الكضه ليالي الفركة كوة
…………………………….
مو عاطفه
حب رايد ادموع بعقيدة
ابلا معرفه
ما ينمشي ادروبه بعيده
جرح ام حسن
طيبته الا بساعة الثار
بيوم الفرج
من ينصلب التعدت ايده
.
ميطيب هذا الجرح الا بزمن
بيه ينصلب التعده باب ام حسن
وي البواجي كون ندعي الفرج
خاطر يرد ثارات اهله المضن
.
ايطيبن اجروح الهواشم
ويبردن گلوب الفواطم
امن المهدي عالشجره يصلبه
الما خله ضلع الزهره سالم
……………………

من ام البنين المالكة الروح
عزيزة فاطمة الطيبة الوفية
اطلب خدمتي ودمعات العيون
وغيرة اعلى اليالي الفاطمية
.
ليالي الفاطمية تريد وفاي
وانه لام الوفه مديت يمناي
ادكن بابها بحضرة العباس
وارد وحاجتي جايبها وياي
.
على دين ام البنين
لو بعد ما اريد دين
منها رايد المدد
وناخيها بالحسين
…………………………….
ومن رحمة عيون الكمر عباس
البيها اجتمع حب اثنعش معصوم
اطلب صدق واخلاص ومواساة
ومروة تعيش بگلبي للدوم
.
اعرف المن امد اجفوفي الاثنين
والمن امشي من تضيك بالعين
اَستجار بگلب جان بيوم عاشور
إِسِتجار بوكفته مولاي الحسين
.
الجان لضعونه كفيل
للخدم اصبح خليل
الدنيا متبقيله لون
الما دخل عنده دخيل
………………………….
والكاظم المعيشني بالخير
المخليني عالخدام انعد
يم باب المراد امشيله وانخاه
بليالي الزهره ميخليني ابرد
.
انه مرتاح گلبي عندي محبوب
بس اسمه يمر ترتاح الگلوب
دخيله الكاظم يضل بابه مفتوح
اذا بعيوني كلها انسدت البوب
.
دخيل اليحل الشدد
سند للماله سند
لخدمة امك فاطمة
يا ابو الرضا مدد
……………………………
انُس خدام اهله الهاشمي الحيد
امام الفاطميين الغيارى
الرضا ومنه اطلب يخليني مولاي
خادم فاطمي همه انكساره
.
الكلْ ما اضيع بالدنيه نخيته
ويِردني لفطرتي حبه وحميته
شاب وسلميته احلام العيون
وبكل حلم واكفلي لكيته
.
بخدمتي رايد امان
والرضا رب الضمان
گلبي بيده وارتجيه
وهو سلطان الحنان
…………………………………..
وللمعصومة مأوى الفاطميين
التشبه الزهراء بكرمها
بلا ما احجي هي ترزق العين
وتنطني رثاء لحزن امها
.
انه امن شتاك للزهره اعتنيها
ولفاطمة تاخذني اباديها
بضريح السيدة المعصومة العيون
دمعة لفاطمة ودمعة عليها
.
يخت الرضا منج اريد
ابدي بالحب من جديد
كون من اكتب رثاء
كون الج مولاتي ايد

https://youtu.be/mUWE_eOHQaQ?si=sA-miV-fhmbMmOfS

شهادة الامام الحسن العسكري (صلوات الله عليه)


جابتها المحنة لارض سامره
وغدت هالليلة يم اوليدها الزهره
.
حنت والگلب من النعاوي ذاب
ابن عدها قتيل بديرة الاغراب
وحنيتها جابتها لابنها الشاب
الكبل ليتم ثلاثينه خلص عمره

.
………………….
ابنها الكلشي اله بالدنيا يتحسر
البيام الطفولة لغربته اتأسر
خذوه من ديره اهله لديرة العسكر
ديرة النسمة بيها من تهب مره

…………..،……….
ديرةْ ناس ما ترغب بني هاشم
تتبع حاكم ويكره علي الحاكم
ما ترحم البي ريحة علي وفاطم
ديرة معلمه كل هاشمي اتكسره
………………..
هاي المره الإخرى الزهره تتعنه
لسامره بفرد دمعة وفرد ونه
اجت للحسن تحضر ساعة الدفنه
تنعي لغربته فاطمة متحسرة
………………….
ياهو المن ولدها ليه تتعنه
تشوف ابنه يجفنه گبل ليدفنه
الا حسين ما صح الجفن لابنه
حسين ابنه بحصيره نزله لگبره

شهادة مولانا الحسن العسكري صلوات الله عليه

القصيدة عن لسان حال مولانا بقية الله عجل الله فرجه


وين الغيور بشيعتي
المحترك گلبه لغربتي
ويطيح دمعه امن الگلب
لكسرتي ولوحشتي
يا شيعتي يا شيعتي
………………………..
غريب وعايش الوحدي
ولا خوان تبرالي
انه المقتل احبابي
ما فارك ابد بالي
بهاي الدنيه ما مثلي
بسيف وسم كضو اهلي
ما رحمت بني الزهره
الدنيه وغربت حالي
.
بهلي شعمل هذا الوكت
اتغربو واتغربت
مالي اخو يعين الگلب
ولا عالبجي عانتني اخت

~~~~~~~~~~~~~~~
مراقد اهلي متغربه
وقلة التعتني ليها
وغربت كاع سامره
قليل الكلبه حس بيها
الاهله عاشو بغربه
يبقى منكسر كلبه
ومتاني يجي يومي
وارفن رايتي اعليها
.
من يأذن الباري الي
بيها ارف راية علي
واكطع رگبها بيمنتي
الناس المغربه هلي

~~~~~~~~~~~~~
كضيت العمر متحسر
وكلبي عاش بالغربه
منهد ما شفته كدامي
ابوي السم اكل كلبه
شفته منخطف لونه
لمن غمض عيونه
ويلي كوه غامضهن
ثاري سمهم متعبه
.
بعيوني ديرة امن الحزن
اخر هلي سد الجفن
وضليت انه الوحدي
والوحدي اكعد واون

~~~~~~~~~~~~
البيه من الگمر غيره
ومن الاكبر مروة
وشهامة من گلب عابس
ومن جون ووهب نخوة
لامامه يدعي كل لحضه
وجفنه بدمعته يغمضه
العايش كسرة افراكي
تكظي ايامه بالكوة
.
يقسم على الله بكربله
وبالنام عاري بالفله
يعجل الله بالفرج
وياخذ بثار ودم هله