القناة الرسمیةللشاعر الحسیني عبدالامیرالناصري

قصیدة:غیمة سوالف
ـــــــــــــــــــــــــــــــــــــــــــــ
یا غیمة سوالف یاصدر المضایف
یالمهدي دخیلک مثلک ماني شایف
ــــــــــــــــــــــــــــــــــــــــــــ
یل أمقدّر نصیبي..دوه اجروحي وطبیبي
اذا گولن حبیبي..وحگک ماأغالي

اشوف الدنیا انته..احبک خلها سکته
حضن گلبي سکنته..یبوصالح یغالي

اشوف اهلالک..نزل تفصالک
اذا ما احبک..شحب ابدالک

یاشمس الحقیقه یانـور الخلیقه
گلبي یعرف اشلون بالدنیا یوالف
ــــــــــــــــــــــــــــــــــــــــــــــ
الیناشد انته وینک..اگلّه اتبع یقینک
امامک هوّه عینک..یشوفک ماتشوفه

ابد ما انته غایب..بعد المن نعاتب
ذنوب الناس حاجب..حلم عیني تحوفه

الیرید ایشوفک..ویبوس اچفوفک
یطــهّـر ذاتــه..ویجیب احروفک

تعرف بالمشاعر تعلم بالضمایر
یاشارة بختنه واحساس العواطف
ـــــــــــــــــــــــــــــــــــــــــــــ
یمن حیل الله حیلک..وابوفاضل کفیلک
دخیل الله و دخیلک..ظهورک بس نریده

یمهدینه ابزمانک..عطش کلشي الحنانک
منایر جمکرانک..علینه مو بعیده

بعد چم دمعه...ونشوف الطلعه
نصلّي خلفک...صلاة الجمعه

یمته آخذ مرادي وایصیح المنادي
ابن الزهره یاناس شیخ اعله المضایف
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
#شعبان

قصیدة:مضیف الساده
ـــــــــــــــــــــــــــــــــــــــــــــ
هوّسـتله القــاده هلا هلا
من گرب میلاده هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
جت البشاره والعین عشگ تضویله
بیت الحـسین فرحته چبیره اللیله
حلـوه لمْـت عــمامه مـن اتحــیّیله
کلــها صـاحت أجــینه نـبارک لـیله

هاشـــم رفعــتله الـــرایه
صار أبن احســین الـغایه
عـــمّه اتقـــدّم بــالـــثایه
هــوّس عبــــاس ابــهایه

*ثلثـین الأکبـر عبـاسي*

هلهــلن عمْاته هلا هلا
قبّلن وجــناته هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
أذْنـتــله الـمــنایــر هـلــه ابأیثــاره
دویة أصیاح عـمامه عـلت یم داره
زلمة احسین یشابهمن أمن أصیاره
کلــها گالت یــشابه عــلي و فقّـاره

یشــبـه حیــدر کلــشیــته
اسمه و رسمه وشخصیته
مـن زغره و عالي أبصـیته
عــاگد عـالـمــلــعب نیــته

*من زغره وسیفه أبکاروکه*

بالمهـد وأیـتاني هلا هلا
صولت العدناني هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
مو عجیبه اللي أسمه علي متعالي
هـالأسـم جـاذبیــته تجـیب الغالي
هیــچ الأکـبر نـشوفه نجم وایلالي
بالمـیادین ابوحسین ینوش العالي

ماخـذ فـنّـه وتـدریــبه
من حیدر راعي الهیبه
یفـزع لو صــارت نیـبه
ایکض الطایر وایجیبه

*حي صگر الطف مایتلاگه*

لاگت ابراعیها هلا هلا
رایــه لمعـلّیها هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
زلمة الزین کلامه أنحچه بأفعاله
هذه الأکبر والطفوف سند تبراله
فنّه واحد من ایصول گدر یدناله
خله أبن غانم أعله الفـقار و شاله

صاح آنه الیشطر سیفي
بالملــعب أکــرم ضـیفي
أفــتر عالقــاده ابـکـیفي
طـگ أبطـگ أخذ حیفي

*لو هذه الطـف لو مـاریده*

عفـیه زلمة هاشم هلا هلا
شال بیده الصارم هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري المحمره

صیّاد الطفوف
ــــــــــــــــــــــــــــــــــــــــــ***ـــــــــــــــــــــــــــــــــــــــــ

صـیّاد الـطـفوف....مولاي الأکبر
یلعب بالسیوف ....مولاي الأکبر
أبچفّیّة عبّاسه..گام وعصّب راسه
علي الأکبر علي الأکبر.. شال و طگ
علي الأکبر علي الأکبر.. ما دنّـــــــــــــــگ
ــــــــــــــــــــــــــــــــــــــــــــــــــــــــــــــــــــــــــــــــــــــــــ
صفنتله الرجال ....مولاي الأکبر
من شد عالقتال ....مولاي الأکبر
الیگابل سیفه..مایرد أبکیفه
علي الأکبر علي الأکبر.. طیر و حط
علي الأکبر علي الأکبر.. یــــــــتـــــلـــگّط
ــــــــــــــــــــــــــــــــــــــــــــــــــــــــــــــــــــــــــــــــ
سویٰ المستحیل ....مولاي الأکبر
یـتـلگـّط    ثـجـیل ....مولاي الأکبر
أشسوه بالخیاله..من نوت تدناله
علي الأکبر علي الأکبر.. ضل یلعب
علي الأکبر علي الأکبر.. بـالمـــــــلعب
ــــــــــــــــــــــــــــــــــــــــــــــــــــــــــــــــــــــــــــــــــ
بالملعب یحیر ....مولاي الأکبر
لا لا  ما  تصیر ....مولاي الأکبر
الیمّه گایل آنه..بیده گص السانه
علي الأکبر علي الأکبر.. گدها و هـد
علي الأکبر علي الأکبر.. داس  الحد
ــــــــــــــــــــــــــــــــــــــــــــــــــــــــــــــــــــــــــــــــــــــ
گدها و بي تلوگ ....مولاي الأکبر
ضل بیهم یسوگ ....مولاي الأکبر
ما تفر من أیده..من یقاتل صیده
علي الأکبر علي الأکبر.. خلّه الطف
علي الأکبر علي الأکبر.. تتـــخاطـف
ـــــــــــــــــــــــــــــــــــــــــــــــــــــــــــــــــــــــــــــــــــ
یا طف بي ینول ....مولاي الأکبر
تربـایت   فحـول ....مولاي الأکبر
ألبي شهامه وهیبه..من علي تدریبه
علي الأکبر علي الأکبر..کر هــم کر
علي الأکبر علي الأکبر.. چن حیدر
ــــــــــــــــــــــــــــــــــــــــــــــــــــــــــــــــــــــــــــــــــ
کلمات خادم الحسین ع
ابوعلی..عبدالامیرالناصري
https://t.me/abdolamiralnaseri
#شعبان

🎥 " صياد الطفوف "

🎙أداء الرادود: محمد علي الکعبي

✍🏻 للشاعر : عبدالأمير الناصري

🎼 الهندسة الصوتية: هيثم السعيداوي

🎬 المونتاج والتنفيذ: علي عبدالرسول الأسدي

🖥 الرعاية الإعلامية: الأهواز ميديا

📡البث الفضائي: قناة الأهواز الفضائية


🎦اليوتيوب :
https://youtu.be/LdyNzDyCAhE

🎦آپارات :
https://www.aparat.com/v/p2CTx

📸 الانستقرام:
https://www.instagram.com/p/BwZBLv2D6EA/?utm_source=ig_share_sheet&igshid=y4jo71tmss72


➖➖
@AhwzMedia2  ⬅ للإشتراك

قصیدة:محبوبي
ــــــــــــــــــــــــــــــــــــــ
یا اول حب الي ... بجنونه مبتلي
فدواته کل هلي ... محبوبي
ـــــــــــــــــــــــــــــــــــــــ
سولفت عـشگي اعله الأنـظار
وبالعشگ فضحتني العین
مـــا تشـوف اعیـوني النـاس
لن ترسـها حُـب الحسـین

گلبي یعرف..من خذاني..یم شخص مالک کیاني
ماهي صدفه..آنه اعرفه..محبوبي

ما فارگ عالمـي..محبوبي الفاطمي
لعیـونه أنـتمي... محبوبي
ـــــــــــــــــــــــــــــــــــــ
روحي حنّت والعـشگ نار
جازفـت مو مره مرتـین
کل عشــگ تالیـته خسران
بس تجاره حب الحسین

گلبي شاطر..یدري بیمن..بالعشگ واجب أهیمن
آنه أحبه..والله أحبه..محبوبي

کل خیري ابخدمته...أستعطي رحمته
ما فارگ خیمته...محبوبي
ــــــــــــــــــــــــــــــــــــــــــ
محبوبي..یا اول آیات العشگ
محبوبي..گلبي الوصاله بس یدگ
محبوبي..لو ما أشمّه أختنگ
یستاهل

ماعندي غیره .. خاطر اعوفه
یکفیني خیره ..یمي اشوفه
محبوبي الحسین..ضمني ابچفوفه

سألوني و جاوبت .. عن حبي ما تبت
ماعوفه لو متت... محبوبي
ـــــــــــــــــــــــــــــــــــــــــ
یا ملک عدنه امن المــلوک
الیــخدمــونه سـلاطین
الخیـــر مـو بــالدنـیا والله
الخیر کلّه اباب الحسین

الله یدري..من عشگته..گتله احبک انته وانته
یا نفس روحي..یا دوه اجروحي..محبوبي

من ساعة مولدي... بشواگه مهتدي
شکراً یاسیّدي...محبوبي

ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري....المحمره
#شعبان

قصیدة :شهر المسرّات
ـــــــــــــــــــــــــــــــــــــــــــ
شهر المسرّات هلاله بالسمه
*هلیوم هلیوم نهنّي فاطمه*
واجب نبارک علي حامي الحمه
*هلیوم هلیوم نهنّي فاطمه*

حي اللّه یا شعبان..بیک الفرح عنوان
مستبشـره الأکـوان..طه النبي فرحان

*خل نبارک حیدر بولاده*
ــــــــــــــــــــــــــــــــــــــــــــــــ
شع نور الحسین ابن عقد الوله
*هلیوم هلیوم نهنّي فاطمه*
شالتّـه أمه و قرتله البسمله
*هلیوم هلیوم نهنّي فاطمه*

حي اللّه نور حسین..مثل الگمر مرتین
مامثله صایر وین..شهله وچبیره العین

*یا محله العیـد ابمیلاده*
ــــــــــــــــــــــــــــــــــــــــــ
حي أم البنین و حي هذه الشهر
*هلیوم هلیوم نهنّي فاطمه*
من ابوحسنین علي جابت گمر
*هلیوم هلیوم نهنّي فاطمه*

اسم الولد عباس..صاحب وفه و نوماس
بالحله ما ینقاس..من زغره رفعة راس

*من زغره و سولف بالغیره*
ـــــــــــــــــــــــــــــــــــــــــ
یا فرحة حسین و مجـده المعتلي
*هلیوم هلیوم نهنّي فاطمه*
من علي السجاد و من لأکبر علي
*هلیوم هلیوم نهنّي فاطمه*

حي اللّه هالأولاد..بیهم شموخ أمجاد
یسلم علي السجاد..لأکبر ضیائه أزداد

*فرحان احسین ابأولاده*
ــــــــــــــــــــــــــــــــــــــــــــ
یا وردة احسین التشبه فاطمه
*هلیوم هلیوم نهنّي فاطمه*
سمّـاها لحسین رقیه العالمه
*هلیوم هلیوم نهنّي فاطمه*

حي اللّه هالأنـوار...من دوحة الأطهار
صارت رقیه وصار..بیها الشرف عتبار

*کحّلها احسین امن اعیونه*
ـــــــــــــــــــــــــــــــــــــــــــــ
لأبن الحسن نور بزغ نص الشهر
*هلیوم هلیوم نهنّي فاطمه*
چن عمّه عباس گمر یشبه گمر
*هلیوم هلیوم نهنّي فاطمه*

نص الشـهر یانور...بین السمه منشور
فرحانه کل الحور..والعسکري مسرور

*تستاهل یا شیخ الساده*
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
#شعبان

قصیدة:ضوّه سمائي
ـــــــــــــــــــــــــــــــــــــــــــــــــ
موسم عشگنه أجه..وابنوره گلبي لجه
شعبان أجه أبمنهجه..ضــــوّه ســمائي
....................................
یاحضرت عشگنه الغالي
هـلیــله اعتــله مــوّالـي
بـحسـین السـکـن دلّالي

شاء الله و خلق من نوره
محبوبي و نطاه هالصوره
بصیــاره و دلیـلي أیزوره

لگیت أنفاسي یمّه..سیّدي الغالي
أجیت اللیله أشمّه..سیّدي الغالي
وسط گلبي أضمّه..سیّدي الغالي

بحسین أحسّه یدگ..گلبي المشه بالعشگ
نور الله شفته صدگ..ضــــوّه ســمائي
............................................
بصـیار الگــمر شع لیلي
واعیونه غدت تضـویلي
یادنیا عنّه بس أحچیلي

الخوّه صارت اویه اصیاره
حي الله الـکافل و أیـثاره
هنـیاله الأخو زینـب جاره

کفـو الجـابت أبنها...هیْه بدویه
گمر ضاوي ابحضنها..هیْه بدویه
رضـعها الغـیره منها..هیّه بدویه

أم الي جابت گمر...تتباها بین البشر
ردتلي نور البصر..ضــــوّه ســمائي
............................................
یــا هیبــة علــي و أولاده
ساجدهم سیداعله الساده
بالسجاد هالعـشگ یتمـاده

فرض الحب عنّه یحچي الواقع
عـند الله صــار أمــام الــرابع
کل عمره ساجد أهـوه و راکع

أجه احسین و دناله...یوم میلاده
نـظر أبنه ابجمـاله...یوم میلاده
علیـنه أشـرق هلاله...یوم میلاده

عند الله أسمه علي...ابن الحسین الولي
هلـیله نـوره جلي..ضــــوّه ســمائي
............................................
ابن الطف وصل مولوده
واتباها الحسین ابزوده
حیدر ثاني یشبه عوده

بالأکــبر غـرامي یکــبر
کلـشیته یقــارن حیـدر
نفس الهیبه نفس المنظر

علي و الکل تشوفه...حیدر الثاني
مهابه ابکل چفوفه..حیدر الثاني
نفس اسمه و حروفه..حیدر الثاني

سبحانه رب الفلق...ثاني علي النه خلق
من نوره کلشي صدق..ضـــوّه ســمائي
............................................
ودّیــني صحت ودّیــني
یاروحي الحبیبي أخذیني
من نـوره أکحّـل عیــني

بالمهدي سمانه العالي
هـلیله یشـع و ایـلالي
حي الله العزیز الغالي

لهج گلبي و لساني...مهدي یامهدي
تضـل أنت أمــاني..مهدي یامهدي
أیا صاحب زماني..مهدي یامهدي

یالمهدي گلبي لهج...منک نرید الفرج
نورک ینور الحجج..ضــــوّه ســمائي
............................................
کلمات خادم الحسین ع
عبدالامیرالناصري...المحمره
#شعبان

قصیدة:عید العقیده
ـــــــــــــــــــــــــــــــــــــــــــ
نص الشهر..عید العقیده
بالمنـتظر..فرحه سعیده

عجّل یـرب الکون
یوم الفرج مرهون
نص الشهر..عید العقیده
ـــــــــــــــــــــــــــــــــــــــــــــــــــ
رب العــرش زاد أمـتداد أنواره
من مملکة ذاته و عظیم اسراره
هلــیله عنــده للــوجود أبـشاره
میـلاد صــاحب ثــارالله و ثاره

نتبع أثر..طلعه الرشیده
بالمنـتظر..فرحه سعیده

صاحب وفه و أیثار
ضنــوة علي الکــرار
نص الشهر..عید العقیده
ـــــــــــــــــــــــــــــــــــــــــــــــــــ
من جانب الطور و سمانه العالي
هلــیله نـور ابن الحســن متـلالي
قوس الگمر حاجب اعیون الغالي
نـزلت الرحمـه أکــراماً الهـالوالي

تاج الفخر..هلیله عیده
بالمنتظر..فرحه سعیده

موسی هتف بالطور
نـور انخـلق من نـور
نص الشهر..عید العقیده
ـــــــــــــــــــــــــــــــــــــــــــــــــــ
آنه أشهد المهدي ابفخر حبّیته
ومحبوبي الأول بالگلب سمّیته
والــیته مـن اول عـهـد والــیته
عایش و تاني و منتظرها جیته

یوم الـظفر..کلنه نریده
بالمنتظر..فرحه سعیده

یــرفــع لــواء الــدین
من صحن ابوالحسنین
نص الشهر..عید العقیده
ـــــــــــــــــــــــــــــــــــــــــــــــــــ
ناتـج حروف المهــدي اکبر غایه
یهدي الزمان و ربّه ناطي احچایه
یـاربّــي عجّـل طلــعتـه الوفّــایه
عنـده اعلـه راگ العـلگمي یا رایه

عمّه الگمر..ذاخرله أیده
بالمنتظر..فرحه سعیده

أیشد عزمه بالعباس
والــرایه ما تنــداس
نص الشهر..عید العقیده
ـــــــــــــــــــــــــــــــــــــــــــــــــــ
کلمات خادم الحسین ع
عبدالأمیرالناصري..المحمره1442

لـسـیدتـے ومـولاتے امــیـرة الــطـف (رقــیه بنت الــحــسین ع)
🌸🌸🌸🌸🌸🌸🌸🌸🌸
 اسمها من الزچیه.  بنت الحسین
رقیه الفاطمیه.       بنت الحسین

ابدماوصفوها      حبیب گلب ابوها
رقیه الفاطمیه. بنت الحسین
   🌸🌸🌸🌸🌸🌸🌸
نزلت بشاره من السمه های المسیه
تحمل هدیه من العرش لأبن الزچیه
الله خلق من طینته الحره الأبیه
هالطفله وحسین ابتشر صارت رقیه

جمال الله وخصاله.   بنت الحسین
اجت بنت الرساله.     بنت الحسین

ابدماوصفوها.      حبیبت گلب ابوها

رقیه الفاطمیه.  بنت الحسین
🌸🌸🌸🌸🌸🌸🌸🌸
نور الزچیه فاطمه بلعز تعبّد
هلیله من صارت رقیه رد تجسد
ینظر علیها ابن الزچیه وشوفه یمتد
شاهدها تشبه فاطمه بضعة محمد

إبسحرشوگه یضمها.  بنت الحسین
رقیه تشبه امها.      بنت الحسین

ابدماوصفوها.    حبیبت گلب ابوها

رقیه الفاطمیه بنت الحسین
🌸🌸🌸🌸🌸🌸🌸🌸
ربنه جعل هاذه الاسم من محتواها
کلمن اسمها فاطمه ربنه اصطفاها
فرحتها لحسین ابکبر دنیه وعطاها
ضوّت دیاجیر الظلم من شع ضواها

ضِوت بیهه الوسیعه.    بنت الحسین
مثل امها الودیعه.         بنت الحسین

ابدما وصفوها    حبیبت گلب ابوها

رقیه الفاطمیه بنت الحسین
🌸🌸🌸🌸🌸🌸🌸🌸🌸
واگف یهز بیده المهد والعین بلعین
تنظر ابوها وتبتسم واتنادی یحسین
هالطفله تصنع ملحمه في مر السنین
خدّام اله تنجعل کل السلاطین

وانه الخادم رقیه.    بنت الحسین
فضلها بین ادیه.      بنت الحسین

ابدماوصفوها.  حبیبت گلب ابوها

رقیه الفاطمیه بنت الحسین ع
🌸🌸🌸🌸🌸🌸🌸🌸🌸🌸

لخـادم رقیه عبـدالامیرالنـاصرے
@abdolamiralnaseri
#شعبان

قصیدة:ابداع الخالق
ــــــــــــــــــــــــــــــــــــــــــــــــ
شعبان أجانه..خل نصلّي ونگول
نــوّر سمــانه..نــور آل الـرسـول
سبحانه مَن جاد...نور أربع أسیاد
نــوّر سمــانه..نــور آل الـرسـول
ـــــــــــــــــــــــــــــــــــــــــــــــــــــــــــــ
للحسین

سبحانه رب الخالق الدنیا بیده
شاءت قدرته من ضیاء الثنین
نور الزچیه ضافه نور الصمیده
من هل کواکب سوه نور الحسین

وجه الحسین أبهر ضیاء السمه
نصه العلي ونص الثاني الفاطمه

لاح نـوره والعـالم صـفن
لاح وجها وجه ام الحسن
لاح هیبتـه هـیبة عــلي بالزمن
---------------------------------------------------
للعباس


سبحانه رب المبدع ابکل صفاته
ببـداعه خالــق للگـمر یا قــرین
وجه ابوفاضل منّـه أکثر حلاته
شــع ابسـمانه گــمر أم البنیــن

غیّر مدار الکــون و کل أنظمه
یطلع گمر لو عباس اعله السمه

صار وجـها یـشبه للگـمر
صار حیدر ابجیته ابتشر
صار هذه ابوفاضل أحزام الظهر
---------------------------------------------------
للسجاد


سبحانه رب الیخلق ابکل أراده
من نوره صوّر علي ابن الحسین
خلّه مثاله اعله الارض للعباده
صاحب کراماته زین العابدین

کلمن علي بالفخر ضل معتلي
هذه علي ابن الحسین ابن علي

نور وجها مثل المرتضیٰ
نور ساطع ابکبر الفضا
نور للعرش من وجها سار و مضیٰ
---------------------------------------------------
للمهدي


سبحانه رب الجاعل الکلشي حجه
من نور أنجز وجه نور المبین
بالمهدي تمّم حجته و خلّه نهجه
صارت خلقته رحمه للمؤمنین

نص شهر شعبان أکتمل یا بدر
وجه ابوصالح غطه نور الفجر

وین مثــله ما صـایر بعــد
وین حبه احلیٰ امن الشهد
وین یا ابوصــالح ســیّدي المـدد
---------------------------------------------------
كلمات .الشاعر : عبدالأمیر الناصري
#شعبان

قصیدة:حبیب العمر
ـــــــــــــــــــــــــــــــــــــــــــــــ
یا أغلی .. من عمري ..وأسنین العمر
تستاهل .. لعیـونک .. مـولاي أنتـظر

یا سبب کلشیتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
أبتدي ابیا چلـمه من أحساسي
و العـشگ ویّـاک تـارس راسـي
یلّي تسوه الیسوه بین أنفـاسي
فدوه یرحولک هلي وکل ناسي

بالحـچي ما بالي ..لو گلت تحلالي
أنته وانته ابْالي..یامهدي

سولفتک...لعیوني... یا أجـمل حلم
بیک أحلم...لیـلیّـه...واگـعد مبتسم

أنته کل أُمنیتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
أشلون اگولن غایب أنته اعلیّه
و آنه أحسْک روحي و اکثر بیّه
یا هو عـاش ابـلایه روح و ریّه
أنتـه روحـي الـشـایلک بیــدیّه

آنه أحبّن روحي .. لنها بسمک توحي
یاملاذ اجـروحي..یا مهدي

آنه اعرف .. دلّـالي .. غیرک مایحب
خلْـیني ..کـل عمري.. یم بابک محب

ماأعوفک نیتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
آنه أحبّن حُب طموحه أثجیله
الیطــب ابراســي لا مـا شیـله
حبّـي بس اللّه ایعـرف تآویـله
حبّـي میفـهمونه قیـس و لیله

آنه أحبّـن واحـد ... مـا اریـدن زاید
ابگلبي أنته الگاعد..یا مهدي

ایفهمولي..من أحچي...بس أهل العشگ
لو أنتـه ... لو أشـلع ..گلبـي أمن العرگ

هالعشگ ماهیتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
الدنیا لو مـابیـها أنته أشبیها
غیـر أنته البیــها و أمـضوّیها
من جمالک قطره بس ناطیها
اشلـون لو کـلک تشـع اعلـیها

والله حاضر أحلف...کلشي منک یرجف
أشجابه یمّک یوسف..یامهدي

لو یوسف ..عشگنّـه..نسـوان البلد
عشْـاگک ..یالمهدي...شیعدهم بعد

من محبتک صیتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
ندعي مـعبـود السـمه ابأیثاره
أیرد علینه الغایب اعله أدیاره
هالبــشاره مـا مثــلها أبــشاره
المهدي بالدنیا نشـوف أنـواره

عجّل اللّه فرجک..سهل اللّه مخرجک
أوسع اللّه منهجک..یامهدي

تانینه ... ونادینه ..مـولاي العجـل
بعیوني.. الطافک ..رسمت کل أمل

أوّلـي و تالیـتي ... یا هـواي أبریتي
صحّتي و عافیتي..یامهدي/یامهدي
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
#شعبان

قصیدة:قمر العشیره
ـــــــــــــــــــــــــــــــــــــــــ
یا گـمر مـن الله..وعـودک ولي الله
ام البنـین أشخـلّفت..تحرسها عین الله

جابت گمر أمک الهیبه..مثلک فلا واحد ایجیبه
امک سمه وانته ضاویها

صاحت علي أنظر اولیدي..مثل الگمر شوفته عیدي
شافک گمر ضاوي بیدیها

گلها و کفو أنتي أم بیتي..جبتي ولد یمتلک صیتي

الغیره العلي و هوّه راعیها

راضع غیره مو شارب دُر
ـــــــــــــــــــــــــــــــــــــــــــــــــــــ
ما اشـک علویه.....أمـک الـبدویه
من الأسد جابت أسد..حلوه معانیه

چانت تهز مهدک أم شیله..وگلبک یفز من تلولیه
ما تغفه لا إله بحچایه

زینب تجي تنظر اعیونک..تقریٰ الحمد لا یحسدونک
من تبتسم تعرف الغایه

تنظر الک چن تحاچیها..ما تهده بس أله بیدیها
أتگمّطک أله بالرایه

أتلولیه بحسین حسین
ـــــــــــــــــــــــــــــــــــــــــ
یا بــدر یا ضاوي...هیچ انته غیراوي
أنته اعرفت من المهد..یا وادم أتخاوي

طبع الشهم من یحمدونه..کلها أتعرف شارة اعیونه
زلمه الکفو هیچي أفعاله

أنته الذي گد الحچایه..تفصال أجت بیدک الرایه
هذه العلم و أنته شیْاله

بالطف الک موقف أشکبره..حتی السمه ابزودک اتعبره
بیک الحسین والله هنیاله

کلک هیبه یا صگر الطف
ـــــــــــــــــــــــــــــــــــــــــــــ
یا شهـم أیـثارک...خطّیـته بصیارک
لیث انته واحیود الحرب..بچاها فقّارک

فارس وغی و درّبک فارس..وکت الحرب سیفک اینافس
حلوه الحرب أنته لو بیها

شلت النهر هوّه ما شالک ..بس أشّرت للخیم جالک
مو صعبه لک من تسویها

خل تفتخر بسمک الساده..عمهم کسر شوکة القاده
الخضره لک وانته راعیها

عم الساده بس انته وبس
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري
#شعبان

قصیدة:ثلث احیود
ــــــــــــــــــــــــــــــــــــــــــــــ
أشخلّفت و أشجابت..یعباس
أمــک الـمــا خــابـت..یعباس
عــدل بسمک صابت..یعباس
وابــگمــرها انــهابت..یعباس

ألخلّفـتک بـت عـرب بدویه
الما عرفها ایگول هم علویه

عباس..کلشیتک هیبه
ـــــــــــــــــــــــــــــــــــــــــــ
المـجد بسـمک کـبْـر..یعباس
هلـه ابـزلـمة حیــدر..یعباس
الفرک خشم العسکر..یعباس
صــگر مــا یتـصــگّر..یعباس

تطــبگ السبــعه و تعـثّر خـیلها
الحومه من تدخلها تاخذ حیلها

عباس...لا ما تتلاگه
ــــــــــــــــــــــــــــــــــــــــــــ
******
یا جـمــال أعیـونک...یالأکـبر
حسنک و مضمونک..یالأکـبر
أبزغــرک ایـهـابونک..یالأکـبر
چن علي ایشوفونک..یالأکـبر

یا جمال اللّه أعله طارف عینک
شـهله عیـنک یاعـزیز أحسـینک

مهیوب..یا أبن الساده
ــــــــــــــــــــــــــــــــــــــــــــ
مـن کبـر أیثـارک..یالأکـبر
واعـرفت فقّـارک..یالأکـبر
أکـتـمل شنـیارک..یالأکـبر
درت محـد دارک..یالأکـبر

الیشـوفک ما یصدّگ عینه
هـذه أنـته لو عـلي رد لینه

کرار ..تشطر بالحومه
ــــــــــــــــــــــــــــــــــــــــــــ
******
یا بـدر شـع نـوره...یمهدي
من سمه المعموره..یمهدي
أنت للـحگ صوره..یمهدي
رایتـک منــشـوره..یمهدي

هله ابزودک یاعجید الساده
هله ابشـیْال العــلم لـجداده

ماطاح..چف العدناني
ــــــــــــــــــــــــــــــــــــــــ
یـا أمـــل دنـیــانـه..یمهدي
یاللّه شــیل الـوانه..یمهدي
خل تشـوف أعدانه..یمهدي
نمشي وأنت اویانه..یمهدي

یاللّه شـدها ابیمنـتک لعمامه
بیک خل نکـشخ یتـاج الهامه

حیاک..یاسیف الشیعه
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
#شعبان1444

هوسات في حق العباس علیه السلام


أحسین یم حیدر یراقب ناطر اللیله الخبر
حیدر امسولفله رایح ینولد عدنا الگمر
گعد ملهوف ویتاني یچسي عباس ابنهر

عباس الطف صار اللیله
ـــــــــــــــــــــــــــــــــــــــــــــ
من نظر لعیون أخیه أحسین صاح ابکل یقین
مرت ابوي أحزام جابت لایگ الضهر الحسین
راح یم إم البنین وگلها بس هالچلمتین

مو مال أحد هذه أحزامي
ــــــــــــــــــــــــــــــــــــــــــ
عبدالامیرالناصري

‌مقطوعه للعباس علیه السلام

روح أختـفي یاگـمـر..خلّي السمه مختلي
وکتک خلص بالسمه..لا تصــعد و تبــتلي
هــلیـــله ام الگــــمر..جابت گمر من علی
نــور الگــمر بالأرض..حد الســمه معـتلي
کافي تگول الضــوه..من عندي و یرد الي
عبــاس هوه الضـوه..و رد الضــوه الاولي
حضن السمه بي گمر..راســم الي منــهلي
أم البنــیـن أنـجــبت ...آول گـمر من علي

خادم العباس ع عبدالامیرالناصري

قصیدة:شعبانیة
ـــــــــــــــــــــــــــــــــــ
حگها روحي اللیله لو تتغازل
ومن سیاج الدنیا خل تتعازل
اللیـله مو لیلة قـدر بس لٰاکن
الخـیر کله اللـیله ضل یتنازل
ـــــــــــــــــــــــــــــــــــــــ
عفیه یاروحي..اللیله طربي و غنّي موال العشگ ساعه
عفیه یاروحي..خلّي گلبي اللیله یحضن روحه بذراعه
عفیه یاروحي..اللیله بأسم أحسین صیحي سمعاً و طاعه
عفیه یاروحي..أحسین من السمه نازل ضاوي أبگاعه

أبمیلاد الضوه..هالعـالم روه
هاللـیله عزف..مـوال الهوه

اللیله مو عجبه الهون یشتاگن
یم الحــسین أنـحنن و أتـلاگن
اللیـله مو لیلة قـدر بس لٰاکن
الخـیر کله اللـیله ضل یتنازل
ـــــــــــــــــــــــــــــــــــــــ
یاگمر لیلي..اللیله توأم للگمر لاح أبسمه العالي
یاگمر لیلي..اللیله عند أم البنین النور متعالي
یاگمر لیلي..بین الف لیله و گمر عباس یحلالي
یاگمر لیلي..روحي حنّت للتریده و تعشگ الغالي

صوبین الدهر...شایع هالخبر
هــلیله أنــولد...تــوأم للگــمر

عفیه من أم البنین أشجابت
ولد لو جـابت گــمر وأنهابت
اللیـله مو لیلة قـدر بس لٰاکن
الخـیر کله اللـیله ضل یتنازل
ـــــــــــــــــــــــــــــــــــــــ
یاهله بیهم..عفیه بزلام الحسین و هیبة أولاده
یاهله بیهم..اللیله بالسجاد رفعت روسها الساده
یاهله بیهم..و لحدعش هذه الشهر هالنور یتماده
یاهله بیهم..صار الأکبر وأنحنت من شافته القاده

صح کلــمن علي...زوده معــتلي
فدوه أتروح إله..کل ناسي وهلي


موعجیبه البیه عرگ من حیدر
أزغـــیر والـــوادم تلـقبه الأکـبر
اللیـله مو لیلة قـدر بس لٰاکن
الخـیر کله اللـیله ضل یتنازل
ـــــــــــــــــــــــــــــــــــــــ
وینه محبوبي..دوّرت روحي و لگیته عایش أبروحي
وینه محبوبي..گلبي یوحي ابأسمه وأسمع گلبي من یوحي
وینه محبوبي..مو گمر و أگعد أتاني الگمر بسطوحي
وینه محبوبي..المهدي مني وآنه منه أبفرحتي و نوحي

أشهد بالزمـن..محبوبي وطن
عیني تنـتظر..نور أبن الحسن

عــجّل اللّه فــرجــه مـولانا
وسهل اللّه مخرجه أبدنیانا
اللیـله مو لیلة قـدر بس لٰاکن
الخـیر کله اللـیله ضل یتنازل
ـــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
شعبان1446

مقطوعه..للحسین بن علی ع
ــــــــــــــــــــــــــــــــــ
چذاب عشگ البشر...من یبتدي أمن العین
هوّه العـشگ بالگلب...یعرف طریقه أمنین

مرات تعشگ شخص..چـنّک تعرفه أسنین
تتـمـنه گلبــک یدگ...مـو دگـه ألـه دگتین

مــتـورط آنـه أبمــحب..رایــد ألـه گـلبـین
خاطـر یدگن سوه...بسم الـولف کل حین

ما یکـفي عنـدي گـلب..اتمنه کون آثـنین
بثنینهن کون أحب...بس الحبیـب حسین

ـــــــــــــــــــــــــــــــــــ
خادم الحسین ع
عبدالامیرالناصري...المحمره

قصیدة :هایم هایم
ـــــــــــــــــــــــــــــــــــــــــــ
هایم هایم..خل تسمع الناس
هایم هایم..بحسین وعـباس

شوگي تارس راسي
تــرجمــته انــفاسي
کـربـلائي احـساسي
هایم هایم..بحسین وعباس
ـــــــــــــــــــــــــــــــــــــــــــــــــــ
قـد فتــحنا لکَ یا گلبــي کتیـبه
بیها مکتوب المحب راید حبیبه
کلمـن ابهــالدنیا یتــناول نصیبه
وآنه أحب أثنین بأنفاسي الغریبه

حب الحسین سحرني وملک دلْالي
وجه لهلال أشوفه ابسمائي العالي
والگمر بـس گمرنه الیـشع وایلالي

هایم هایم..شفت الگمر زین
هایم هایم..بعـیون الحـسین

نظر شوگه اقـیاسي
تــرجمــته انــفاسي
کـربـلائي احـساسي
هایم هایم..بحسین وعباس
ـــــــــــــــــــــــــــــــــــــــــــــــــــ
یا جـمال اللّه الـرسـم بدر العـشیره
هذه ابوفاضل حبـیبي العـنده غیره
گلبي هایم والعشگ ماشي ابمسیره
الیــحـب اثــنیــن حسْـاده کــثیــره

یکفي عقلي ترسته ابجنون الـکافل
العنده عباس بخیت و ابد مایجامل
آنه عشــگي رفعني ابأسم ابوفاضل

هایم هایم ..رافعني لجنون
هایم هایم ..خـلهم یـموتون

هـالعـــشگ عـبْاسي
تــرجمــته انــفاسي
کـربـلائي احـساسي
هایم هایم..بحسین وعباس
ـــــــــــــــــــــــــــــــــــــــــــــــــــ
گلبي یطربني أبمواویله الثجیله
هالـفرح یـنرادله سهــره طـویله
یحله لو هلـیله صحــناله دخیله
احنه غیر احسین ماعدنا وسیله

یل تگــلّي دلیــلي أبعشــگمن هــایم
آنه اگــلک أحــبن شـخــص ما نــادم
یکفي لحسین اصـیرن موالي وخادم

هایم هایم ..ما بدل الراس
هایم هایم.. بحسین مولاي

هــالفــخر نبــراسي
تــرجمــته انــفاسي
کـربـلائي احـساسي
هایم هایم..بحسین وعباس
ـــــــــــــــــــــــــــــــــــــــــــــــــــ
ما یلوم احساسي ذاک الیدري بیه
آنه أحب عــباس لیــث الـغاضریه
موقــفه علّــمني مــوقــف للمــنیه
الأخــو بالضـــیج مایتــرک أخــیه

عفــیه بأم البنـین و نعــم بأولادها
الله بحسین کرمها ونطاها امرادها
کربــلائي و مواقــفها گلــبي رادها

هایم هایم ..گــد أم البــنین
هایم هایم..ابعباس وحسین

هالشرف نومــاسي
تــرجمــته انــفاسي
کـربـلائي احـساسي
هایم هایم..بحسین وعباس
ـــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...
شعبان1445

قصیدة:یحسین أحبنک
ــــــــــــــــــــــــــــــــــــــــــــــ
یل تـارس عـیوني من شوگي وظنوني
یحسین أحبـّنک ماي وأشـربنک
یل تارس اعیوني
ـــــــــــــــــــــــــــــــــــــــــــــــــ
بالحچي ما بالي...حسین حسین
لو گـلت تحلالي...حسین حسین
یـا نـجم آمــالي...حسین حسین
أنت أنت الغالي...حسین حسین

واعیونک الحلوه روحي الک فدوه
من زغري مجنونک صـد لیّه بعیـونک
یل تارس اعیوني
ـــــــــــــــــــــــــــــــــــــــــــــــــ
یا سـبب کلشـیتي...حسین حسین
خدمتي و تربیتي...حسین حسین
یاهــواي أبــریتي...حسین حسین
أنت بس عافیـتي...حسین حسین

لو أنـت لو أموتن من حبّـي ماتوبن
یـل منّـي و بـیّه بالدنـیا شـعلیّه
یل تارس اعیوني
ـــــــــــــــــــــــــــــــــــــــــــــــــ
حیل أحـبک آني...حسین حسین
بالعشگ متفـاني...حسین حسین
سیّدي وسلطاني...حسین حسین
واللّه مالک ثاني...حسین حسین

ماشوف الي ایشبهک ساحرني بس وجهک
بیک أرتـفع راسي یاسـیّد أحساسي
یل تارس اعیوني
ـــــــــــــــــــــــــــــــــــــــــــــــــ
آنه اشـوفک روحي...حسین حسین
گلبي بسمک یوحي...حسین حسین
یا فرحتـي ونوحي...حسین حسین
ویا مـلاذ اجروحي...حسین حسین

أجرحني ماعـوفک تلـگاني بچفوفک
عبدک وابن عبدک گلبي وقف عندک
یل تارس اعیوني
ـــــــــــــــــــــــــــــــــــــــــــــــــ
بأخـتصار أحچیها...حسین حسین
روحي الک أنطیها...حسین حسین
أنـت أعــلم بیــها...حسین حسین
بـس الـک أفـدیها...حسین حسین

فـدواتک أسـنیني یل گاعد ابعیني
احچیها طگ ابطگ حبّـک فلا یعتگ
یل تارس اعیوني
ـــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
شعبان1445

للسیده زینب س

خویــــه ملیــــت الصــبر
جسمی یرجــف بالگبر
خوفی یرجعلی الیسر
وانسبی اردود
… … … … … … … …
بچت عین الجرح بس مابچت من دم
خلص صبری اویه دمعی وماجزانی الهم
بعدنی ابگبری واذکر حرگ المخیم
اجتنی امنیــن محنة گبری یتهدم

بعده ماطاب الجرح
وآنه جرحی منذبح
روحی ماتقبل عذر
وانسبی اردود
… … … … … … … …
رجع لیّه الی چتّف بیده چفینی
یرید اگبالی عینک خویه یسبینی
اذا ما انته تنهض من یحامینی
یعباس الیــــسر مرتیـــن یعمینی

مالی حیل اعله الهزل
انچتف یاابـــــالفــــــضل
زینـــــب آنـــه ام الخدر
وانسبی اردود
… … … … … … … …
سمعت ألی أمـــر عالگبه هدموها
یـــــگلی ناگـــــــتچ للشـــــام جابـــــوها
لون امشی وچفوفی اردود گیدوها
اخافن لا رقیـــــه اویای یســـــــبوها

طفله یکفیها الحزن
مابعــــــد تگـــــدر تون
خوفی تمشی اعله الجمر
وانسبی اردود
… … … … … … … …
صحت چم مره ادرکنی یبوفاضل
مانی امعــــــلّمه امشی بـــلا کافل
أذا من یوم عفتک عالنـــــهر زاعل
یعباس اعتذر بعــــــتابی ماجامل

ودعیتک بالدمع
اعتذر ماتستــمع
ترضه ینهار الستر
وانسبی اردود
… … … … … … … …
أذا تبخل عله اختک خویه بالجیه
بعد ماجــــــیک یـــــــوم الأربعیــــــنیه
وحگ عیــــنک عِدای اتشمتت بیه
یریـدون ابگه حتی ابگبری مسبیه

جسمی مایحــــمل ضرب
حتی امشی اویه الغرب
عندی احزان اشکثر
وانسبی اردود
… … … … … … … …
جمر دلالی من تسکت فلا یبرد
اریدک تفزع الأختک یسیف الحد
اذا بینک و بیــــن احسین اتوسد
ابد محـــد یجینی ایهدّم المـــــرقد

بینک وبــین الشــــــهید
ابنی گبری من جدید
لاتخلینی انتـــظر
وانسبی اردود
… … … … … … … …
خادم الحوراءس
عبدالامیرالناصری/محمره

https://t.me/abdolamiralnaseri

‏"لو اجتمعَ النَّاس عَلَىٰ حُبِّ عَليِّ لَما خلَقَ الله النّار".
‏- الرَّسُول الاَعظَم مُحمَّد صَلىٰ الله عَلَيهِ وَآلهِ.

اسعد الله ايامكم كل عام وانتم بخير 🌹

قصیدة:الفرحه السماویه
ـــــــــــــــــــــــــــــــــــــــــــــــــــ
علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
ســماویه الفــرحــه ســماویه
علي أمـن الجـنه جانه طاریه
مواصیف الجنه ابوجه حیدر
لــذلک حتــی الجــنه شیـعیه

الجنه ابأسم علی
بیــها رســم علي
وللجنه من یطب
رایـد ختــم علي

علي علي علي ..أسـمه من اللّه
علي علي علي ..والبــاري علّاه

علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
أبـد مـا بـالــغ بــالــمدح دونه
أصیل الذات الناس أیعرفـونه
علــي ما محتــاج آنه أمدحنّه
رسول اللّه و اللّه الیمــدحونه

الدُر والذهب علي
عــالي الرتب علي
حتـــی ابــولادتــه
شیعي النسب علي

علي علي علي ..عالي أبسجایاه
علي علي علي ..والبــاري عــلّاه

علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
عـلي اول واحــد رفــع هـامـه
و علن بعد الهادي عن أسـلامه
علي ابسیفه و زوده نصر دینه
محمد دین اللّه و علي أحزامه

صـوت الوحي علي
مــا ینمــحــي علي
یدحي الثجیله بس
مــا ینــدحــي علي

علي علي علي ..فـاز اللي والاه
علي علي علي ..والبــاري علّاه

علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
علي ابحایط بیتي أله صوره
أزوره و أتنــومـس من أزوره
یذوب أبحب اللّه مثل شمعه
یطــفّـونه و اللّه الــرفع نوره

نـور البـصر علي
کـل النــظر علي
یکفي ابوالحسن
فارس مضر علي

علي علي علي ..رافعــها یـمناه
علي علي علي ..والبــاري علّاه

علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
أسـد مــا شفنه الیشبه أوجـودک
تطوف اعله السبعه علي ابزودک
فـخــر یـکفــیک ابهـایه لو گــلنه
ابــوطالب یـابـاالحــسن عــودک

لیث الحرب علي
فن الـضرب علي
تاریخــک الـشهد
أنته القطب علي

علي علي علي ..أسم اللّه ویّـاه
علي علي علي ..والبــاري علّاه

علي علي علي ..مولا یا مولا
علي علي علي ..مولا یا مولا
ــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:هویة محب
ـــــــــــــــــــــــــــــــــــــــــ
یلّي تنــشدني بیــمن أشــیلن راسـي
و یاهوه الیسري بیّه و ترس أنفاسي
بأختــصار آنه أگــلک أحبّــن واحـــد
آنه أحبّــن أمامــي عــلي بأحـساسي

دوّریــت الدنــیـا ما شـفت مثـله
بس علي یحلالي وغیره ما یحله
فـدوه هذه العالم راح ألــه کـــلْه
حیــدري عنواني عایـش ابفضله

عشگ من ربي..مکانه ابگلبي
شعوري ایلبّي..علي بس حبي

علي مولا دخیلک..علي مولا دخیلک
ــــــــــــــــــــــــــــــــــــــــــــ
لیش العیون یشوفن علي ولا غیره
لا تشک سر محبـته صعب تفسیره
العنــده غیره أکــیداً یــوالي حیدر
و ألي یرفض محـبته عـدیم الغیره

أحچي والمــا یقبل مــو مـــهم لیّه
المــهـــم آنــه أدري العندي و البیّه
عندي والدي شیعي وأمي شــیعـیّه
وآنه منــهم ماخــذ حِــسن هالنـیّه

أمیري حیدر ..ضمیري حیدر
بشیري حیدر.. مجیري حیدر

علي مولا دخیلک..علي مولا دخیلک
ــــــــــــــــــــــــــــــــــــــــــــ
بیــمـن أمــتاز أذا مـاأصــیرن شــیـعي
وآنه شرع اللّه شفــته ابعلي تــشریعي
انســأل عــن أمــامــي أکــیــداً بــاچــر
أشمحله حب حیدر ایصیر سبب توقیعي

آنه أشــوف الجنـه یم علي أمرایه
الجنه یعني حیـدر اکتفــي ابـهایه
بس علی یمضـیلي ختــم الأولایـه
الجنه تصبح ملکي لن عـلي اویایه

ولایة حـیدر .. نجـاح الأکـبر
ابد ما أخسر .. رحیق الکوثر

علي مولا دخیلک..علي مولا دخیلک
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

نایل...الشوگ

هونک یحادي العشگ أخذ الگلب یم علي
عـنـدي گلـب مبـتلي و شـیصبّـر المـبتلي
مرني أبطریق النجف عندي عرف من هلي
ای والله عـرفي علـي وبالنسبه کلشي الي
حـسـراتي بیـها ظـعن مـن الهـوی مخـتلي
گلبـي الیـحب حیدره بالعـشگ مملي ملي
ذبنـي اعلی باب الصحن ذبّت عبد للـولي
أوگـف وأصـیحن عـلي والله أحـبّن عـلي

کلمات خادم المولی امیرالمؤمنین ع
#عبدالامیرالناصري.

قصیدة:عشگ روحي
ـــــــــــــــــــــــــــــــــــــــــــــــــ
ابغــرامک حیل..متــعـدّي
خذاني الشیب..بس بعدي
الــک ثـلثــین..مـن چبـدي..وثلث اتقاسمه اویاک

یبــعد الــروح.. والــریـه
الــک اشـتــاگ..یــومــیه
علــه فـرگــاک..مــابیــه..ولا فکّرت أنساک

حبیبي حبیبي حبییي یالغالي
ـــــــــــــــــــــــــــــــــــــــــــــــ
قایست حبنه..ویه الي ایحبّون
حبنه من الله..مو عشگ لعیون
موعشگ صدفه..مثل الي ایمرّون
هالعشگ طاهر..بي جمال و لون

لو نطوني الأریده و خذوک أنته
والله گلبي من اعروگه گطّعته
بینک وبیني خلّي العشگ سکته

اموت اعلیک..موکافي
عله العافوک..متعافي
حروفک دوم..بشفافي..یلمهن شوگ معناک

حـواســي بیک..مسبیه
الــک اشـتــاگ..یــومــیه
علــه فـرگــاک..مــابیــه..ولا فکّرت أنساک

حبیبي حبیبي حبییي یالغالي
ـــــــــــــــــــــــــــــــــــــــــــــــ
لو ردت أمدح...ما تگلّي أشلون
هوه لي ایحبک..امن الله عنده اجنون
هوّه یا قانون...یلزم المجنون
آنه بجنوني...اکتبت قانون

آنه احبک من اول حلم جاني
شفتک انته وگلت ما احب ثاني
چلمة الحب الک بس عله الساني

احبک موت..موبیدي
اسولف بیک..تعویدي
وجه لهلال..موعیدي..صباح العید عیناک

الک هــالعیــن..عیــدیه
الــک اشـتــاگ..یــومــیه
علــه فـرگــاک..مــابیــه..ولا فکّرت أنساک

حبیبي حبیبي حبییي یالغالي
ـــــــــــــــــــــــــــــــــــــــــــــــ
سیّدي ابحبک..جازفت لظنون
ماشفت کلمه..أتعبّر المضمون
أشعندي و اشأملک..غیر آنا المرهون
انته محبوبي...وآنه الک ممنون

لاتخلیني ضایع بلا والي
لاتفک ایدک امن ایدي للتالي
آنه احبک لأنک عشگ مالي

ابوصال الشوگ..أتمنّه
الــک مــولاي...أتــدنّه
وعدنه اهناک..بالجـنه..أخدمک أکثر اهناک

خدمتـي اتصیر..حتمیه
الــک اشـتــاگ..یــومــیه
علــه فـرگــاک..مــابیــه..ولا فکّرت أنساک

حبیبي حبیبي حبییي یالغالي
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:دیرة هلي
ـــــــــــــــــــــــــــــــــــــــــ
دیـرة هــلي..تعشـگ علي
هذه العشگ..موروث الي

هیبه و مفخره..حیدر
لیث و قسـوره..حیدر
ــــــــــــــــــــــــــــــــــــــــ
من عهد أجدادي عندي احساب..أسمه
خطوه خطوه ابهالأرض ینجاب..أسمه
حُـب أبـواتراب الحـجب لتـراب..أسمه
گمت أحب محبوبي داحي الباب..أسمه

آنه أنتـمي...ابکل عالمي
للمرتضیٰ...روحي و دمي

أعشگ حیـدره..حیدر
لیث و قسـوره..حیدر
ــــــــــــــــــــــــــــــــــــــــ
آنه عاشگ فارس الهیـجاء..حیدر
ذاک أسمه الشرّف الأسماء..حیدر
بالـفراسه أمسـکّت الأعداء..حیدر
تحچي عنّه صلبه والبیداء..حیدر

فـارس شهم... مایـندحم
من غیــرته...شـایل عـزم

فـارس خیـبره..حیدر
لیث و قسـوره..حیدر
ــــــــــــــــــــــــــــــــــــــــ
عــربي و أمتـاز ابأصـیل الخیل..عربي
أبـن الأهــواز و ابــد مــا میــل..عربي
عــالأصــایل یـشــهد الـتـأویــل...عربي
حب علي ابگلبي و أضل اکحیل..عربي

شط دیرتي...خط سیرتي
من الـوصي...کل غیــرتي

غیره و مقـدره..حیدر
لیث و قسـوره..حیدر
ــــــــــــــــــــــــــــــــــــــــ
احنه ناس انشوف ابوالحسنین..هیبه
والیطب بالعین ایضل بالعـین ..هیبه
اللّه واحـد مــا یصـیر آثـنیـن..هیبه
حیــدره واحــد یـضل للـدین..هیبه

کل السلف...صاح و هتف
نهویٰ نضل..شـیخ النجف

لا مـَـن أغیـّــره..حیدر
لیث و قســوره..حیدر
ــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

مقطوعة: هونک یاگلب
ـــــــــــــــــــــــــــــــــــــــــــ
یـاگــلبـي هـونک بـعد....لاتـبـتلي بالعـشگ
طبع الیحب من صـدگ..یحتــرگ گلبه حرگ
أنته أکتفي ابداخلک..عندک عشگ من صدگ
یکـفــیک لأم الحـســن..یاگلــبي لمّـن تـدگ
وگـفة النخـله شــرف..الهـیبه مو بالـعـثگ
السـعف صـح معــتلي..بس الفــخر للعـرگ
حب فاطمة أهوه الهویٰ..تحتاجه من تختنگ
صیر ألها شمعه و ضوه...کل ما تحن
تعتلگ
مرفــوض خلّه العـشگ...عنـدک اذا تنسحگ
بس حیـدره و فـاطمه...ایعرفون معنا العشگ

ـــــــــــــــــــــــــــــــــــــــــ
کلمات خادم الحسین ع
عبدالامیرالناصري

قصیدة:معشوق الباري
ــــــــــــــــــــــــــــــــــــــــــ
فرض بیت اللّه بس حیدر وصلّه
ســجد بصــیـاره للــبــاري وصلّه
تعـــابیر العـــشگ صــارت وصلّه

نظرات الشـوگ..من اول یوم
بین المعشــوگ..ورب القیـوم

گل أدخل بیتي لن هــوّه بیـتک
آنــه الخلــقتک واعرف حمیتک
هــالدنیا کلـــها تصــبح ثنـیـتک

هالحُب ایلـوگ...ویستاهل دوم
بین المعشــوگ..و رب الــقیـوم
ــــــــــــــــــــــــــــــــــــــــــ
هِـوه البــاري عـلـي و اللّه هِـواله
ویضل شان المجد بسمه وهواله
عـلي الکــون ابعـظمته هم هواله

لن هوّه الکون .. وأهوه التـقدیر
کُــن فـیــکون ...بچفوفه اتصیر

ذات اللّه ذاتـــه حامي الحمیه
کــلـشي أمـامـه یاخــذ تحــیه
سر أسم الأعظم عنــده سجـیه

کلشي مرهون ... وابحـبه ایـدیر
کُــن فـیــکـون ...بچفوفه اتصیر
ـــــــــــــــــــــــــــــــــــــــــــ
یضـل عــالي ابعُــله ربنـه تعاله
علي و صوت الملک بسمه تعاله
منو الغیـره وصـل جاهه وتعاله

عالي ابمعناه....لا مـاینـقاس
ربـنه العــلْاه....مابین الناس

اللّه الیــریـده یرفـع مقـامه
حیدر من اللّه حاز الـکـرامه
عـالي ابعــلوّه فخـر الأمـامه

اللّه الـخــلّاه...تاج اعله الراس
ربـنه العــلْاه....ما بیــن الـناس
ــــــــــــــــــــــــــــــــــــــــــــــ
عـلي معـناته کل دینـي وقبله
ویضل کعـبه الأسم اللّه وقبله
اریـد اوصـل لـعـد بابـه وقبله

وانـدب للــموت ...حیـدر مولاي
وابعالي الصوت ...ابوجه اعداي

آنـه اعـــتــقـادي ابحـیدر امـیري
یکــفیــني حـــبّه عاش ابضمیري
شنهو اهوه الأول شـنهو الأخـیري

لــو بـالتــابــوت... هم أهتف هاي
وابعالي الصوت... ابــوجه اعداي
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري

مقطوعه

لتـلـوم گـلـب الــمحب....لویطـرب أبحب علي
هـوّه العــشگ بالگــلب....مو صدفه واصل ألي
حط ذانک اعلیٰ الصدر....وأسمع نبض داخلي
کـل دگـه تهتــف علــي....گلـبي أبــعلي مبتــلي
ماأریــده هــذه الــهویٰ....مـن الهــویٰ مخــتلي
لا عــــذّب الـلّه هــــلي ....غذّوني حب الولي
ســمّـیني أعــبد بــشر....وأتـرکنــي یا عــاذلي
هـوّه اللّه یعــشگ علي....أشلون آنه ماأحب علي
ـــــــــــــــــــــــــــــــــــــــــــــ
کلمات خادم المولي عبدالامیرالناصري

قصیدة:عـلي عـلي
ــــــــــــــــــــــــــــــــــــــــــــــ
سـولــفت للــوادم...عــلي عــلي
گلبـي بیــمن هایم...عــلي عــلي
هوّه عشگي الدائم...عــلي عــلي
حـد ظــهور الـقائم...عــلي عــلي

حد الموت نعشگ حیدر
حد الموت نعشگ حیدر
ــــــــــــــــــــــــــــــــــــــــــــــ
إسئل أمن أحساسي...عــلي عــلي
ومـن عــبیر أنفـاسي...عــلي عــلي
یا هـو طب أبــراسي...عــلي عــلي
وصار کــل مـقیاسي...عــلي عــلي

مــاینـــقاس والــدشــبر
حد الموت نعشگ حیدر
ــــــــــــــــــــــــــــــــــــــــــــــ
صــادق أبتـعـبیـري...عــلي عــلي
حب عـلي تـقـدیري...عــلي عــلي
مـنّه شـایف خـیري...عــلي عــلي
و الیــضـده غــیري...عــلي عــلي

ماینــعاف فـارس خیبر
حد الموت نعشگ حیدر
ــــــــــــــــــــــــــــــــــــــــــــــ
مؤمــن أبمـصداقي...عــلي عــلي
حیــدر ابأعــمــاقي...عــلي عــلي
شفــته واحـد راقي...عــلي عــلي
گـلبي بي متــلاقـي...عــلي عــلي

نظــرة شـــوگ ماتتـغیر
حد الموت نعشگ حیدر
ــــــــــــــــــــــــــــــــــــــــــــــ
الکعبه صـارت بیته...عــلي عــلي
من أجــل قدسیـته...عــلي عــلي
اللّه رافــــع صیــته...عــلي عــلي
واشــکبر شخصیته...عــلي عــلي

گد الکـــون یمــکن أکبر
حد الموت نعشگ حیدر
ــــــــــــــــــــــــــــــــــــــــــــــ
یبقی صــاحب رایه...عــلي عــلي
و اکــبر أمن الغــایه...عــلي عــلي
شیـــعـتـه وفّــایـــه...عــلي عــلي
عــدها یمّه احـچایه...عــلي عــلي

الیبقیٰ اویاه لا ما یخسر
حد الموت نعـشگ حیدر
ــــــــــــــــــــــــــــــــــــــــــــــ
کلمات خادم المولا عبدالامیرالناصري

قصیدة:راعي الشداید
ـــــــــــــــــــــــــــــــــــــــــــــــ
گلبي راید علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
فتّش و شوف دلیلي الهایم
بیـمن إمـتاز و عاف الـوادم
آنه أحـبّـن چبـــیر الــساده
آنه أحبّـن عـلي و مــا نـادم

یاچبــیر الســاده علي علي
گلبي بسمک ناده علي علي

تبقي واحد علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
یـاهـو مثــلي یـحب محــبوبه
لو ذنـب حــبّه یـهــويٰ أذنـوبه
خـل یگــولون مــدیحي بـاطل
العنده ابوحسین مایعرف توبه

أنت لو محبـوبي علي علي
خل تزید أذنوبي علي علي

أنت شاهد علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
شیعي وأمتاز علي کل صیتي
و مـا أریــده النکــر شیــعیتي
اللّه خــالقــني بـس الحـــیدر
یعنــي حیــدر سبب کلـشیتي

مـا أشــوفن غیــره علي علي
گدها صاحب غیره علي علي

ابگلبي گاعد علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
مظهر الدین علي أبمعناته
ومعــجـزاتــه رِوَت آیــاته
معـجزة اللّه فــارس خیبر
بالمــلاحم حچـت صولاته

القدره بین اچفوفه علي علي
والـمــلاک اتطــوفه علي علي

عندي قائد علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
کلشـي لولاه بـطل تنســیخه
بس ابوحسـین عدل تاریخه
الشـیخه رادت عـلي لا غیره
لنه یســتاهل اهـوه الشـیخه

آنه شیخي حیدر علي علي
وابـعلـي اتبــختر علي علي

ماله ناقد علي ــــ للشداید علي

یاعلي یاعلي یاعلی یاعلي
ــــــــــــــــــــــــــــــــــــــــــــــــ
کلمات خادم المولا عبدالامیرالناصري

قصیدة:علي الکرار علي الکرار
ــــــــــــــــــــــــــــــــــــــــــــــــــ
رایـة محــمد بیده..علي الکرار علي الکرار
ماینوصف تمجیده..علي الکرار علي الکرار

هیبة اللّه اعلیٰ الأرض
حبّــه عـالعـالم فــرض

علي الکرار علي الکرار
ــــــــــــــــــــــــــــــــــــــــــــــــ
بسم اللّه نبدي أبزوده..علي الکرار علي الکرار
کلشي أنخلق لوجـوده..علي الکرار علي الکرار

آیه من ربّ الـسمه
علي حمّـاي الحـمه

علي الکرار علي الکرار
ــــــــــــــــــــــــــــــــــــــــــــــ
ما ینمـدح برهـانه..علي الکرار علي الکرار
شأن المعالي شانه..علي الکرار علي الکرار

اللّه رافــع هـیبـته
کلها تعرف صولته

علي الکرار علي الکرار
ــــــــــــــــــــــــــــــــــــــــ
سوح الحروب أتریده..علي الکرار علي الکرار
لا مــا یکــع للصــیده..علي الکرار علي الکرار

من یهـد أبـصـارمه
السـمـه تمـطر دمه

علي الکرار علي الکرار
ــــــــــــــــــــــــــــــــــــــــــــ
فنّه الیـگابل سیـفه..علي الکرار علي الکرار
یمرح یفوت أبکیفه..علي الکرار علي الکرار

تشهد أحیـود الحـرب
حیدر أمبچّي الصعب

علي الکرار علي الکرار
ــــــــــــــــــــــــــــــــــــــــــــــ
بأفـعـاله ما یتـوازه...علي الکرار علي الکرار
محّد عرف أعجازه..علي الکرار علي الکرار

چلـمة الگدها و بلي
بس لأبـوالیـمه علي

علي الکرار علي الکرار
ـــــــــــــــــــــــــــــــــــــــــــــــــ
کلمات خادم المولا
عبدالامیرالناصري.

قصیدة:مولد الامام الباقر ع
ـــــــــــــــــــــــــــــــــــــــــــــــــــ
للبــاقـــر سلامي....من شوگي وهیامي

یافرحة السجاد ابزینة الأولاد
للبــاقـــر سلامي
ــــــــــــــــــــــــــــــــــــــ
هــذه الخــبر شایع
مـن قـدرة الـصانـع
هــلــیله بـالــواقــع
خامس نجم ساطع

ضل یزهي جماله ...من نــوره و کماله

هذه الفرح ینراد ابزینة الأولاد
للبــاقـــر سلامي
ـــــــــــــــــــــــــــــــــــــ
ضاوي ابسمه العلوي
مثل الــبدر یضــوي
بسم اللّه مــن ینوي
چــفه عــلم یـحوي

للـباقر حفلنه .....یتقبل عملنه

شوگ الموالي زاد ابزینة الأولاد
للبــاقـــر سلامي
ـــــــــــــــــــــــــــــــــــــ
أسم النـبي أسـمه
عـزم الـولي عـزمه
بالـدنیا ضل نجـمه
ضاوي ابفضل علمه

من علمه وجهوده ....بارکنه ابوجوده

فضل العلم یزداد ابزینة الأولاد
للبــاقـــر سلامي
ـــــــــــــــــــــــــــــــــــــ
یا شیمته و شانه
مــن نــور برهانه
عنـد اللّه عـرفانه
ابمیـزان أحسـانه

فضــله للأمـامه ....من اللّه وسامه

انبارک الأمجاد ابزینة الأولاد
للبــاقـــر سلامي
ـــــــــــــــــــــــــــــــــــــ
نـتوسّـل ابجــوده
یروینـه بوجــوده
هالـفرحه مریوده
نفــرح ابمــولـوده

انقــدم تهـاني ....هاللیله ابأمـاني

یحلالي هالأنشاد ابزینة الأولاد
للبــاقـــر سلامي
ـــــــــــــــــــــــــــــــــــــــــ
کلمات خادم الحسین ع
عبدالامیرالناصري

قصیدة:چاوین الأعزاز
ـــــــــــــــــــــــــــــــــــــــــــــ
ماعدها جنّاز ساعة دفنها
چاوین الأعزاز ضل عالي ونها

أم اللي ربّت أربعه و سوّتهم أسیاد
یاهو الیشیل أجنازة الماعدها أولاد
ساعة دفنها ضل عالي ونها
ـــــــــــــــــــــــــــــــــــــــــــــــــــــ
اشگد تشیل أحزان..التفگد الولیان..اربعه شبّان..ودّعتهم
هايه أم عباس..الکبّرت فُـراس..بآخر الانفاس..مالگتهم

تعبت علیهم والتعب..گالت یرید أمجازه
هسه اهیه عازتها أجت..یاهو الیسد هالعازه

الماعدها شیّـال یرفع نعشها
حتی امن الدموع یثگل رمشها

ام البنـین ابلا ولـد والـولد ینـراد
یاهو الیشیل أجنازة الماعدها أولاد
طافـح حزنها ضل عالي ونها
ـــــــــــــــــــــــــــــــــــــــــــــــــــــ
بیا نظر واعتاب..تنظر اعله الباب..تدري بالغیّاب..ما یردّون
اشلون اذا میتین..کلهم أمغربین..اربعتهم وین..تبچي لعیون

من طوّح و سار الضعن..ودّت گلبها أویاهم
تدري الزلم لا ما ترد..بس الترد أدماهم

من ذیچ الأیام بدّت بچیها
تدري من اتموت محد یجیها

یوم اعله یوم الحسره ضلّت حیل تزداد
یاهو الیشیل أجنازة الماعدها أولاد
شیرد ضعنها ضل عالي ونها
ـــــــــــــــــــــــــــــــــــــــــــــــــــــ
اشگد ثجیله اهواي..للتضیّع راي..من یگطّر ماي..ابحلگها
من ترید اتموت..یاهو یمها ایفوت..هیّه والتابوت..تبچي حگها

حاچت نعشها المنحني..و محد یشیله اتشوفه
لو حتی ابوفاضل عدل..یا هو الیجیب أچفوفه

وین اهیه لچفوف ضایع أثرها
وین الله عباس یحفر گبرها

وینک یبوفاضل نعش أمک زلم راد
یاهو الیشیل أجنازة الماعدها أولاد
مخیوب ضنها ضل عالي ونها
ـــــــــــــــــــــــــــــــــــــــــــــــــــــ
اشلون ایجیها اشلون..الما بقتله اعیون..عالنهر مرهون..چفه یمّه
ابصدره کومه اسهام..ینلچم لو گام..والعمد بالهام..یجري دمه

یابس عله اعیونه الدمه..یا هو الیدلّي بأمه
عباس من صابه السهم..الدنیا صارت ظلمه

بس وحشة الموت للأم ثجیله
تبچي اعله تابوت محد یشیله

رادت یجي العباس منّه تاخذ أمراد
یاهو الیشیل أجنازة الماعدها أولاد
حنّـت لأبنها ضل عالي ونها
ـــــــــــــــــــــــــــــــــــــــــــــــــــــ
الله یدري الخیل..ابجسمه سحگت حیل..ماله قدره ایشیل..دم جروحه
أمه رادت هاي..للضـعن روّاي..لاتضـوگ الماي..حتي روحه

وفّیـتي یأم الأربعـه..ابدم الـگمر وأخـوانه
نعشچ تشیعه أم الحسن..واهل السمه دفّانه

اجرچ عله الله آه یالحنینه
وافیتي لحسین وانتي حزینه

ریتچ نظرتي اشلون طایح ابوالسجاد
یاهو الیـشیل أجنازة المـاعدها أولاد
یهمل جفنها ضل عالي ونها
ـــــــــــــــــــــــــــــــــــــــــــــــــــــ
عالصدر چتّال..یذبح الآمال..هذه عالعسّال..راس الحسین
جسمه بالطف ضاع..دمه فوگ الگاع..ما بقتله أضلاع..بالمیادین

الف و تسعمیة جرح..کلها ابجسد تتعاله
باقي ثلاثه اعله الترب..محد دناله و شاله

من طاح الحسین سلبو حریمه
لاما شرب ماي بالطف هظیمه

عاد الضعن لاچن بلا والي وعلم عاد
یاهو الیشیل أجنازة الماعدها أولاد
زادت محنها ضل عالي ونها
ـــــــــــــــــــــــــــــــــــــــــــــــــــــ
کلمات خادم الجسین ع
عبدالامیرالناصري...المحمره

قصیدة:
ــــــــــــــــــــــــــــــــــــــــــــــ
یاعلینه..انته دلّینه یاعلینه..الگبر وینه
ــــــــــــــــــــــــــــــــــــــــــــــ
یل شلت نعش أمنیاتک من شلت نعش الحبیب
بالگبر تدفن وجودک ترضه بالفرگه عجیب

یاهـو غـیرک للـمـقابـر ودّه روحه
بیده یحفر گبره وایطمهن جروحه

یاعلینه..لحظه حاچینه یاعلینه..الگبر وینـه
ــــــــــــــــــــــــــــــــــــــــــــــ
تعرف ابدرب السمه اکثر من ادروب الفراق
والیفارگ روحه تطلع من یحس بالأشتیاق

موبعیده ابگلبک اتضم التریده
تدفن الزهره ابدلیلک مو بعیده

یاعلینه..یمها ودّیـنه یاعلینه..الگبر وینه
ــــــــــــــــــــــــــــــــــــــــــــــ
سولفو عنک بچیت ودمعتک فاضت حنان
وأنته ماباچي ابحیاتک مره وحده ابهالزمان

شنـهو بچّاک وعـفت مـاغسلتها
لاتگول اضلوعها امورمه شفتها

یاعلینه.. اعلیها بچّینه یاعلینه..الگبر وینه
ــــــــــــــــــــــــــــــــــــــــــــــ
عودک الیزهي ذبل اللّه یصبرک عالغیاب
أنته ابواتراب وعلیها شنهو وصّیت التراب

گتله یتـراب الأجتّـک روحي بیـها
روحي مسکورة ضلع عینک علیها

یاعلینه..ابحیره ضلّینه یاعلینه..الگبر وینه
ــــــــــــــــــــــــــــــــــــــــــــــ
هیّه مو قصة وداع و لو نگول الغالي راح
التاکل ابگلبک تحبها وتدري لا ما تستراح

فاطمه الچانت مثل نسمه تشمها
هسه مخنوگ ابحزنها ومنته یمها

یاعلینه..أبلهفه نادینه یاعلینه..عالگبر وینه
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

لسان حال السیدة زینب س

یبویه امنـین اجیــب اثیــابي السود
و أرد أحزن علی أمي الراحت اردود
عـلي یالـراد بیــدک شمــس هالکون
رد أم الحــســن یــم زیــنــب أردود

کلها أمن الأحزان کلها أمن الأحزان
تــجاعیــد الوجه کلها أمن الأحزان

وین أهما ألحنان وین أهما ألحنان
یاگاع المقبره وین أهما الحنان


بسّک یالتراب بسّک یالتراب
أشبقی من الأهل بسّک یالتراب

وین أهما لأحباب وین أهما لأحباب
یاگاع المقبره وین أهما لأحباب


کلش عزیزات کلش عزیزات
شریچات العمر کلش عزیزات

شیرجّع المات شیرجّع المات
یاگاع المقبره شیرجّع المات

خادم الحسین ع عبدالامیرالناصري

قصیدة:احچي یافاطمه
ـــــــــــــــــــــــــــــــــــــــــــ
عالضلع و الکسر..سولفیلي أشیمر
آنه ام البنین..عین تنزف دمه..احچي یافاطمه
ـــــــــــــــــــــــــــــــــــــــــــــــــــ
من بعد مر السنین الدارچ اخذاني الزمن
خادمه مو مرت ابوهم آنه لحسین و حسن
عنچ ایگـلولي أمنه شیّبت من المحن
أثمنطعش ورده عمرها ابعصره وحده ذبّلن

غصنچ المن ذبل..والدمع دم همل
سولفیلي ابحنین..روحي متألمه..احچي یافاطمه
ـــــــــــــــــــــــــــــــــــــــــــــــــــ
ما اجیت آخذ مکانچ حتی یرتاح الگلب
آنه روحي اتشم هواها ونایمه انتی ابترب
اشلون ألمّن ذکریاتچ من حضن بیتچ صعب
زینب الهسه و بعدهه عینها صوب الدرب

اتگلّي امي ترد..ترجع من اللحد
بس گلبها حزین..اعیونهه امورّمه..احچي یافاطمه
ـــــــــــــــــــــــــــــــــــــــــــــــــــ
عدنه لیلیه ابعتبتچ آنه والحره بچي
اتجیب بیدیها عباتچ یمي تگعد تشتچي
اتگلّي راحت امي مني اعلیمن اگدر انتچي
البیت لو مابي محنّه اسوالفه ماتنحچي

البت اذا تنهظم..یعني ماعدها أم
ما الچ اي قرین..بالارض والسمه..احچي یافاطمه
ـــــــــــــــــــــــــــــــــــــــــــــــــــ
صفنة الیفگد حبیبه تکسر اخیوط الضوه
القالع الباب ابچفوفه هسه صایر ما هوه
تاکل ابروحه الملامه ایگول ما متنه سوه
راحت ام بیتي و حیاتي وما احب حتی الهوه

حیدر الرد شمس..هسه مو مثل امس
ما یرد الونین..نوحه ما اعظمه..احچي یافاطمه
ـــــــــــــــــــــــــــــــــــــــــــــــــــ
اشسوت الدنیا الی حیدر لحظه ما عاف الدمع
مو ضلع واحد یگلّي الباب کاسر چم ضلع
یالزچیه اشلون حالچ من تلگیتي الجذع
النار ما یوم ابحضنها گالوا اینام الشمع

شمعة الله انطفت..من عیونچ غفت
نوحچ اعله الجنین..لو علیچ ابضمه..احچي یافاطمه
ـــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:عوف الدمع
ـــــــــــــــــــــــــــــــــــــــــــــ
یا یمّـه یحسین...کافي امن الونین
ملگه الجذع..ویه الضلع
أیهونها بس امصابک
ـــــــــــــــــــــــــــــــــــــــــــــ
یولیدي کافي امن البچي..لا مو وکتها ادموعک
اسمک ذبیح و مو ضلع..ضملک دمع لضلوعک
نار الي ذوبت شمعتي..باچر تذوب اشموعک
درعک ابصدرک ینخسف..لمّـن تغیر أجموعک

یبني الولد گوم...مو وکت الهموم
عوف الحزن..لا لا تون
یمک بعدها احبابک

ملگه الجذع..ویه الضلع
أیهوّنها بس امصابک
ـــــــــــــــــــــــــــــــــــــــــــــ
لا هاذه مو ذاک الزمن..الي اشوف اجروحک
لا تنجرح من حالتي..ضم النیاح الروحک
لا تمسح ابجرحي و یضل..عالي اعله امک نوحک
یاهو الي یمسحلک جرح..من السهام اتلوحک

شیرد الأسهام...ما ظنّي تلتام
یبني السهم..یترک ألم
بضلوعي گبل اخضابک

ملگه الجذع..ویه الضلع
أیهوّنها بس امصابک
ـــــــــــــــــــــــــــــــــــــــــــــ
خل نلتقي ضلع و نحر..و نبچي دمعنه الحالک
لا مو چبیر اعله الجرح..عندک جراح اگبالک
ریت اشتریها کربله..ابکلشي الي بیها ابدالک
ولا توگع انته امن المهر.. و یفزع الک چتّالک

من توگع اتلوج...دم نحرک ایموج
سیف الذبح...یترک جرح
فوگ النحر لو صابک

ملگه الجذع..ویه الضلع
أیهوّنها بس امصابک
ـــــــــــــــــــــــــــــــــــــــــــــ
بعیوني صفنه امن البچي..تقراها بس اعیونک
تصبح غریب ابکربله.. و أبعطشک ایذبحونک
ناس الي عصروني و طحت..هُـما الذي ایسحگونک
ما ترحم اخیول العده..بالـحـافر أیضیـعونک

ما ترحم الخیل...اتهشّمک حیل
ییني الصدر..یشبع کسر
تتگلب امن اصوابک

ملگه الجذع..ویه الضلع
أیهوّنها بس امصابک
ـــــــــــــــــــــــــــــــــــــــــــــ
یا یمّه بسمار الصدر...حافر یصیر ابصدرک
و سهم المثلث ما یرد.. یطلع گبل من ظهرک
یا ریته یذبحني الشمر.. ولا اشوف ذبحت نحرک
نار و جمر،سیف و عطش..کلهن یتانن عمرک

راح التقي اویاک...بالمذبح اهناک
متألمه...آخذ دمه
یایــّمه من أثــیابک

ملگه الجذع..ویه الضلع
أیهوّنها بس امصابک
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:مولاتي یازهراء
ـــــــــــــــــــــــــــــــــــــــــــــــــ
مو ســوالف دمـع
لـو عـتب ینســمع
کل قضیتي الضلع
مولاتي یازهراء
ــــــــــ ــــــــــ ــــــــــ ـــــــــ
یعلم الله ابحالي وابحزن الي عندي
عیني غیمه و ما تفارگ گاع خدي
یالزچیه اعلیچ کل ونه الي تبدي
بین شریان المنیه ابروحي تحدي

گلبـي دیــرة حزن
کل کــتر بي یــون
بس الچ ضل یحن
مولاتي یازهراء
ــــــــــ ــــــــــ ــــــــــ ـــــــــ
صــارت ایامــچ من الونـّه لیالي
والنیاح اعلیچ احبه ابصوت عالي
دمعي غالي والمصاب اهوایه غالي
بت نبي و بید الصحابه اتموت تالي

یا جــریـمة ظــلم
عشتي بیها ابهضم
شفتي کسر العضم
مولاتي یازهراء
ــــــــــ ــــــــــ ـــــــــ
یا صحابه الجابوا اعلیچ المنیه
ذوله هُـمّا اهل العصابه الجاهلیه
چانوا ایـگــلوله بالــدار الــزچیه
صاح حرگــوها و إن بالـدار هیّه

ابلا وجه یستحي
طبها دار الوحي
والــضلع یندحي
مولاتي یازهراء
ــــــــــ ــــــــــ ــــــــــ ـــــــــ
من کسر ضلع السمه ابأیده العنیفه
خضب ابدار الوحي نفس الشریفه
کل حقدهم لا علي یصبح خلــیفه
أي نعم تبــت أیادي أهل السـقیفه

تبت أیـده و تب
بیده شب اللهب
یلعن الله السبب
مولاتي یازهراء
ــــــــــ ــــــــــ ــــــــــ ـــــــــ
والله لا ما ینــمحي ذکر الأمامه
ویبقی حیدر علم بین اهل الزعامه
حیــدر ابراس الیــحبونه عمــامه
و لعنة الله اعله الیقلل من مقامه

لا فتی بس علي
مرشد النه و ولي
هالــذکر معتــلي
مولاتي یازهراء
ــــــــــ ــــــــــ ــــــــــ ـــــــــ
والله ما یبـرد جـمر هاي المهـانه
والکسر ضلعچ جهنم بس مکانه
من یجي المهدي و یرف بیده لوانه
یالثــارات الــضلع یصــبح ندانه

من یجي ابن الحسن
ثاره بیدچ(غدن) غداً
یصــلب اهل الفــتن
مولاتي یازهراء
ــــــــــ ــــــــــ ــــــــــ ـــــــــ
کلمات خادم الحسین ع.
عبدالامیرالناصري..المحمره
فاطمیة1442

قصیدة:حرامات
ـــــــــــــــــــــــــــــــــــ
حرامات..ییـمه نفگد احباب
حرامات..یطمّچ عنّي لتراب
ـــــــــــــــــــــــــــــــــــ
أنا زیــنب ییــمه الضــیّعـیت أمـي
افـگدت منچ حنان الیـسري ابدمي
مشیتي و بس مکان الدمعه ضل یمي
أبحضن عیني تصاویرچ ترس حلمي

الحلم مات..أحسّه ابدفعة الباب
حرامات..یطــمّچ عــنّي لــتراب
ـــــــــــــــــــــــــــــــــــ
بلا أم الحـیات اشتـسوه مـا تـسوه
التموت أمه یضوگ امرورة الگهوه
علي عنّـت سـوالفـنه ابفـرد ضحوه
ییمه امن ایدچ الخبزه اشکثر حلوه

حسافات..یشیلچ نعش المصاب
حرامات..یطــمّچ عــنّي لــتراب
ـــــــــــــــــــــــــــــــــــ
أشیسد فیت الضوه للمایشوف أمه
بـیت ابلایه أم چن مگـبره و ظلمه
تره الفاگد حضن لیل الشته ایهضمه
و من چلمة صباح الـعافیه ایحرمه

معانات..اعیش وگلبي مرتاب
حرامات..یطـمّچ عـنّي لتـراب
ـــــــــــــــــــــــــــــــــــ
یریت ابتعبي أوفي أمي التعبت
علیه و ابسـهر لیل الربه اتعذبت
یالحنــینه ارید احضــانچ الربّت
تجي اتضمني ولا اعیشن عله الهلبت

مسافات..اشوف أبّینه احساب
حرامات..یطــمّچ عــنّي لتـراب
ـــــــــــــــــــــــــــــــــــ
العــمر لو ینهدي چان أهدي أیامي
الج یالشلتي ضیمي و ضیم آلامي
علیــچ اتــعودیت الگــاچ جـدامي
یالحــبیبه وداعـچ نحّـل اعضـامي

عله الفات..شعاتب والگلب ذاب
حرامات..یـطـمّچ عــنّي لتــراب
ـــــــــــــــــــــــــــــــــــ
کلمات الشاعر خادم الحسین ع عبدالامیرالناصري..المحمره

قصیدة:دعاء المحبّین
ــــــــــــــــــــــــــــــــــــــــــــــــ

انخاچ یامولاتي..بحماچ یامولاتي
تقضین کل حاجاتي...یالزهره
ــــــــــــــــــــــــــــــــــــــــــــــــ
یا أمـل گلبي الي جامـع کل صفاته ابخیمتچ
و َ کفــی ٰ باللهِ ربـّـاً مـن خلقــنا الخدمتـچ
ندري رحمت الله اوسع بس طمعنه ابرحمتچ
غـزّرت بیـنه المجـالس لن کلیـنه ابنعمـتچ

مدیون یامولاتي..ممنون یامولاتي
أتسمـعین کل دعواتي...یالزهره
ــــــــــــــــــــــــــــــــــــــــــــــــ
یا حلـم کل مـا اشـوفه ینـولد بیّه النـظر
المـهم أرضـي علیه و خلـها لا ترضیٰ البشر
لحظه من مجلس عزائچ تسویٰ کل هذه الدهر
عالصـدر طابعلي صوره امطرّزه ابچفي الحمر

بالروح یامولاتي..هالنوح یامولاتي
تبــقـین بیــن آهاتي...یالزهره
ــــــــــــــــــــــــــــــــــــــــــــــــ
ما بـچـینه اعـلی الزمان الما مـگفـاه للتـچي
احنه نبــچي بالمـجالس لـنها تسـتاهل بچي
ماکو بینه الیحچي بیچ و من خدمتچ یشتچي
الدمـعه مملوحه و عبیدچ کلها مملوحة حچي

للموت یامولاتي..هالصوت یامولاتي
تدرین شنهو أبذاتي...یالزهره
ــــــــــــــــــــــــــــــــــــــــــــــــ
منـّت الوادم ثجـیله و بیها لا ما نقـتنع
مِنّي بـس انتي علینه واحنه رایح ننرفِع
منچ انرید الشـفاعه و النجه أبیوم الفزع
یَــومَ لا ینــفَع جـَزاءً اله بس هـذه الدمع

أبچیچ یامولاتي.. أنعیچ یامولاتي
بالعــین کل دمعاتي...یالزهره
ــــــــــــــــــــــــــــــــــــــــــــــــ
الله لیـفارگ لـساني مـن تراویح السـمه
هذه تسـبیح اللـیالي فاطمه یا فاطـمه
أتوجّهِت و أتوسّلِت هلـیله روحي الهایمه
بسمچ أترزقیـني راید تالي حُسن الخاتمه

دعواي یامولاتي...إبدنیاي یامولاتي
أتسجلین کل خطواتي...یالزهره
ــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:رزق الدمع
ـــــــــــــــــــــــــــــــــــــــــــــ
دعوة گلب من محب..دمعاته بهوایه
حتیٰ أبمنامه یحب..ینصبلچ اقرایه

لیلیّه مجلس لطم..اگضیهن أسنیني
ــــــــــــــــــــــــــــــــــــــــــــــ
سبحانه من خلّه الدمع..أقرب وسیله للوفه
عین الي متعرف البچي..ماعدها حگ المعرفه
یافاطمه راید رزق..منچ الدمعي و موقفه
کون ابچي و ادموعي نهر..مو عن أجابه و عاطفه

رزقیني دمعة بخت..ابچیها لمصابچ
وأشما عیوني حوت..أنثرها یم بابچ

بین الحزن والهضم..اتسلّه بونیني
ــــــــــــــــــــــــــــــــــــــــــــــ
یل خیمة اعیونچ وطن..عشنه و کبرنه ابخیمتچ
کلما کبر بینه الدهر...نعرف قداسة خدمتچ
یا رحمت الله الواسعه..شملینه کلنه ابرحمتچ
خلّـیها ذمتي تنعقد...یأم الحسین ابذمتچ

لو ما وگفتچ الي..چا ضیّعت روحي
محد فزعلي و علي.. لویعتلي نوحي

عنچ ابد ما أضم...دمعات البعیني
ــــــــــــــــــــــــــــــــــــــــــــــ
یل عندچ ابچفچ رزق..دمع البچیته ابدنیتي
ما طامع اویاچ ابأجر..ستري کرامت شیبتي
لو مو الچ المن أصب..من المحاجر دمعتي
نعم الله صرت اویه الخدم..وخادم الزهره کُنیتي

جبتیني من العدم..من غمرتي و آهي
ردتیني ویه الخدم..اتفاخر ابجآهي

کل خوفي لا انحرم..امن الخدمه تدریني
ــــــــــــــــــــــــــــــــــــــــــــــ
صارت قرابت دم الي..للونه و أصیاغ الدمع
کل قصّتي لیش الورد..یغفه اعله ذرعان الشمع
دمچ نده و لمّن نزل..ضل یطفي نیران الجذع
لن ضلعچ احساسه انکسر..ما حبّن ابصدري الضلع

خلّیني الطم عمُر..یالزهره بدموعي
حد ما أطب بالصدر..وأشلعهن أضلوعي

خلّیني أکسر عضم..مولاتي خلّیني
ــــــــــــــــــــــــــــــــــــــــــــــ
گمت اشتري اعلیچ البچي..و ماگمت اخلّي النوحي حد
لو ما یکسرون الضلع..ما سحگو اضلوع الجسد
چم فاطمه اهناک انسبت..والغربه ما ترحم أحد
لو ما یسطرولچ وجه..ما أبنچ أتوسّدله خد

من فاطمه الکربله..چم ونه مسموعه
بس المصاب أوّله..للمات ابلوعه

حزن ابحزن ینلضم..والونّه تکفیني
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
ربیع الثاني1442

السلام علیکِ یا ام الحسن س
نعی في حق الأم
ــــــــــــــــــــــــــــــــــ
أحبن شوفت أمي و ذیچ گعدتها
وسوالفها الحنینه وعطر شیلتها

أحب أغفه أبحضنها وأشم ریحتها
حد ما أسد عیني أبعیني صورتها

ما تحلالي نومه أبلـیل فرگتـها
أنامـن کـون و أتغـطّه أبعبایتها

إنشلع گلبي وردت هلیوم شوفتها
بیها العـافیه أمن الصبح خبزتها

عمت عیني وشفت باللحد نومتها
أمي اشلون تغفه و ما غفت بتها

یهـونک یا گبر هاي أمي حالتها
مکسـورة ضلع و العین غمضتها

ـــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
@abdolamiralnaseri

قصیدة:الوصیه
ـــــــــــــــــــــــــــــــــــــــــــــ
سمعي وصیتي...گبـل المنیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمـه زینــب حضــري روحچ للبله
وأنـسي روحچ عدنا چنتي امدلله
مــو نــهایه و تــوه حــزنــچ أوّلـه
بــأنتــظـارچ الله خــالق کــربــله

کربـله اتریدچ..انتي الضحیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه سمــعیني ابگـلب یعرف یون
شوفي دمعاتي الي تذبح بالجـفن
راح اودعچ و أتـرک اویاچ الحزن
سلّمــیلي اعلــه الیــضل أبلا دفن

بوسیلي نحره....و شمّي ألیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه زینــب بــعده مــو بادي الألم
گعــدي خل احچــیلچ ابنار الخیم
انتــي بیــدچ فــصّلي للطـف علم
و رایح اتشوفینه شیسوي السـهم

ضـمّي دمعتـچ...لتصب علیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
ضمّي کلشي العندچ و عوفي الضلع
چـن اشـوفـچ بـاچـر ابـعــازة دمـع
المــثلچ ابلا والـي بالــطف تنفـجع
والــغــریب أیــریدچ الـگلــبه درع

قــدمي جواده...ابن الـزچیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه راح احسینچ ایشوف الضمه
و مو ضلع واحد ضلوعه أمهشّمه
أهــناکه صیــحیلي ییــمّه فاطمه
عالترب نحر الحسین إیصب دمه

نشري قمیصه...أبوادي الرزیه
یـمــه یـازیــنب....للــغاضـریه
ـــــــــــــــــــــــــــــــــــــــــــــ
رایح اتـسحگه الخیول اعله الثره
و الجســم بیـض ألسیوف اتطبّره
عالرمـح ینزف دمـه ایضل منحره
وأنتي مــن بعــد الدلال أمــیسّـره

التجــرح دلیلي...أنتي ســبیه
یـمــه یـازیــنب....للــغاضـریه
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:موشح في حق باب الحوائج ام البنین س
ــــــــــــــــــــــــــــــــــــــــــــــــــــ
یل تــرید أم الگـمر تگضـیها
أقریٰ بس الفاتحه و أهـدیها
ــــــــــــــــــــــــــــــــــــــــــــــــــــ
أقریٰ بســم أم البنیـن الفاتحه
یل ترید اهمــوم گلبک راجحه
اشما یرید ایصیر ثگل النایحه
کلشي یسهل کافي بس تنخیها
ــــــــــــــــــــــــــــــــــــــــــــــــــــــ
کلشي یسهل کافي تندبها أبعسر
اتشوف حملک وحده جدّامک یمر
مــا تــرد طـلّابها ابأصــعب أمـر
تلــزم أید المــمتــحن بیــدیــها
ــــــــــــــــــــــــــــــــــــــــــــــــ
تلــزم ایده الي نخـاها ابحــاجته
کافي بسم احســین یرفع دعوته
ایهون کلشي و لا تجیب امصیبته
احسین ابنها اهواي غالي اعلیها
ـــــــــــــــــــــــــــــــــــــــــــــــــ
احسین عدها أغلیٰ من شم الهوه
مات و هیه ابعـینها مات الـضوه
همّـا روحین ابجسد عاشوا سوه
الحاجه بسم احسیـن تفزع لیها
ـــــــــــــــــــــــــــــــــــــــــــــــ
الحاجه لو چانت بسم راعي الگلب
گول مگضــیه و لا یبــگه صعب
هــاي أم القــدّمت فــوگ الترب
اربعـــه لحســین منهـا و بیــها
ــــــــــــــــــــــــــــــــــــــــــــــــ
اربعه لحســین ودّتـهــم فده
الله جازاهــا و جعلها قاعده
باب للــحاجات هاي الوالـده
أقریٰ بس الفـاتحه و أهدیها
ــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
1443

قصیدة:عصابه
ــــــــــــــــــــــــــــــــــــــــــــ
بعض البشر ما تستحق..چلمة صحابه
أللـي تلیـق الـهم فقــط..چلمة عـصابه

عالزهره یا دار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
مصادر بالکتب تشهد..الک احچیها بالساني
جریمه اتحیّر التاریخ..أمر یتبعها شیطاني
بده أبتخطیطها الاول.. و نفّذ خطّة الثاني
بغضهم لا علي یصبح..أمیر و حکمه ربّاني

ردّو عله اعـقاب الزمن..للــجاهــلیه
و أللي تقـود المـؤتمر..حزب الرعیه

مهبط الأسرار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
جدل و اعقول متعوبه..تساوي الدرّه بالفحمه
علي ما راید السلطه...علي امن الله أخذ حکمه
أجو واتجمّعوا عالباب..حشود الغدر متلثمه
و یماشیهم ابن خطاب..الله ایلعنه و اینقمه

تبت یدا أبـي لهـب..واهـل السقیفه
اول خلیفه المعتدي..و ثاني خلیفه

ابدار الوحي أشصار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
حزب شیطاني متقدّم... و جزول النار بیدیهم
تحاچیهم أنا الزهراء...ولاکن ما نفع بیهم
یعرفون الزچیه أمنین..و سمعوها تنادیهم
أنا بضعة رسول الله..لچن شیطان أیماشیهم

گلهم و إن بنت النبي..هـجموا علیها
حرگوها دار المرتضی..ابکلشي بیها

مهجة الکرار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
عصرها الما أله أمروّه...و ضلعها ابعصرته اتهشّم
طاحت فاطمه الزهره.. وره الباب و جزاها الهم
هوت من طاح ابنها و مات..و غده البسمار یگطر دم
جریمـه بچّـت التـاریخ...أم و طفل ما تسلم

لا مکـتفت أهل الحقد ..من شـر غدرها
رد ابچعب رمحه النذل..طگها ابضهرها

بضعة المختار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
وگع حمل السمه عالگاع.. والدم یطفي بالمجمر
صاحت فضه لحگیني..و گلبها چان یم حیدر
علي الگطّع قیود الکون..مثل أمرایه و اتکسّر
یشاهد زهرته تذبل... و یشیخ ابحضرته الأبتر

لو ما کلام المصطفی...و حفظ العقیده
چا رد جمـعـهم من یـسل.. فقـاره بیده

دار أم الأطهار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
علي الجندل أبن مرحب... و قلع خیبر من اترابه
القالع باب ما ترهم...تصیر الفزعه یم بابه
یشوف الزهره مسطوره..و خدها ینزف اصوابه
والجـبتین تتـماده...یمّه و توصـل اعتـابه

تتچتف اچفوف السمه ..لا مستحیله
حیدر امیـر اعله الخلگ..ولـکل ذلـیله

بس داره للثار...شبـّوها بالنار
أللـي تلیـق الـهم فقــط..چلمة عـصابه
ـــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
1442

قصیدة:سلمي عالعباس
ـــــــــــــــــــــــــــــــــــــــــــــــ
سلمیلي اعله ابني العباس..یازینب المظلومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
یا زینب ابحـال الضلوع أحچیله
عیني دمعها أمن الدمـوم أتسیله
گلـیله ذاک الطـگني ایده أثجیله

من طگني شهگت لأنفاس..بضلوعي المهشومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
گلّـیلـه یا هــو الـي دفــعلي بابي
بیده عصرني و أستحل بصوابي
محسن سقط من عصرته بعتابي

ولیهضمني ضل ینداس..یمي و اشوف ادمومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
گــلّیلـه یـعــرف فـاطــمــه الأذّاهـا
گلهم و *إن* عندي خصامه اویاها
چتفــو علي و تـرکض وراه خـلاها

حیدر البچّه الفُـراس... صار الجبان أیحومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
گلّیله رحت أرکض وراه بونیني
خلو ابن عـمي لا تمـوت اسنیني
رد العـبد بچـفوفه یـسطر عیني

حیّرني و أگطعت الیاس..من ضربته المیشومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
گلّـیله یاخـذ ثـاري من الثـاني
عباس اریده ابـثاره لا ینساني
ایبچّي الزمان العالضلع بچّاني

خلّاني ما شیل الراس...من الضلع ملچومه
گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
وصّـي کفیلچ بیده یطفي ناري
یلعن سقـیفه السـاعدیه ابثاري
یلعن ابن صـهاک من طب داري

لیهسّه جرح الاحساس...ینزف دمه من یومه

گلّیله أمي أمن النـاس..متـألمه و مهضومه
ـــــــــــــــــــــــــــــــــــــــــــــــ
کلمات خادم الحسین ع.
عبدالامیرالناصري...المحمره
1442

قصیدة:جرح البین
ـــــــــــــــــــــــــــــــــــــــــ
لیلة وداع و حسره..بین الوصي والزهره
سـولـفلي یا جـرح البین
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
صد للزچیه ابعینه..حیدر و صاح ابعبره..یالزهره لتعوفیني
حُبچ الحیدر وینه..ما ظن نسیتي العِشره..بحزاني لتخلیني
الیمّه تموت أسنینه..المن یرید النظره..لا ما اشوف ابعیني

محتاج الچ مثل الماي..أقسملچ ابهاي و هاي
عمــري الـچ بس تبقیـن
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
التنگطع نفس اعیونه..عینه تضل مختنگه..راید وصال احبابه
وجهچ تغیّر لونه..من جبتي طاري الفرگه..گلبي انمرد بعتابه
گلبي انجرح بظنونه..وأمنین أجیب الملگه..للممتحن بصوابه

نارچ تشب ابگلبي..طفّیتي شمعة دربي
ابهالحـاله ماظن ترضین
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
ریت التموت أسنیني..فدوه الحیاتچ روحي..اسم اعله روحچ هایه
ابلا فاطمه تدریني..تاکل ابروحي أجروحي..المثلچ تره مو اهوایه
أتلمّحچ خلّیني...اترس اعیوني ابنوحي..وجهچ اگبالي أمرایه

الیدفن عزیزه ابأیده..صبر الزمن شیفیده
حاچـیني یا أم احـسین
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
الساطر ابأیده اعیونچ..یعرفني زین أشبیه..الهاذه السبب غدروني
نقطة ضعف یدرونچ..انتي الي بالدنیه..وابموتچ ایذبحوني
اشلون العمر من دونچ..اگضیهن الیالیّه...من شوفتچ حرموني

الچانوا عبید اگبالي...هسه احرگوا دلّالي
فجـعوني بیـچ و بالبـین
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
ادري الصبر ما ینفع..وابحالتچ زین أدري..عندچ ضلع دم ینزف
صحتي علي و آنه أسمع..گمت و طحت من قهری..وگلبي الچ متلهّف
ابکل شده حیدر یفزع..بس الچ حرت ابأمري..یافاطمه متأسف

لو ما وصیت المختار..چا عذّبتهم بالنار
ایـعرفوني بالمـلعب زین
صار الحچي بس بالعین

بین الوصي الزهره
ـــــــــــــــــــــــــــــــــــــــــــــــــــــــ
کلمات خادم الحسین ع.
عبدالامیرالناصري..المحمره
الفاطمیه1442

قصیدة:وداع الحبیبه
ـــــــــــــــــــــــــــــــــــــــــــــــ
خل نگــوم انـودّع أمـنـه فاطــمه
ونمسح الباب و عتبته امن الدمه
یلّا یحسین و حسن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
یلّا یخـواني نودّع فـاطـمه الحـد اللحد
أمنه راحت من ایدینه وکون نقبل ماترد
مابعد نسمعها تحچي و عینها لا ماتصد
سیف الموادع یخوتي بالگلب لازم یحد

راحت أم العافیه وأم الحنان
کـون نتـعوّد نعـیش ابلا أمان
آه مـن غـدر الزمـن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
خل نشم ثوب العلیها ونذکر ایام المضت
حلوه یا نومة حضنها أعیونّه بي سلهمت
چانت اتلمنه ابحضنها وهسه لمّتنه انتهت
وغیر چلمات الحنینه ماسمعنه وما حچت

خل نشمها شمة اوداع ومصاب
ما بعـد یلتـم شـمـلنه یا عـذاب
من بعـد کل المضن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
یل حسن لفهه ابچفنها و خل نجیم النایحه
آنه وحسین ابدمعنه یمها نقری الفاتحه
أمنه هاي اللیله میته ماهي أمنه البارحه
عافـت ایتـام ابحـزنها و للـمقـابر رایـحه

بیـتنه امن الیـوم صار المقبره
منّه أخذت أم حنینه و طاهره
یاجـسم بیها اندفن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
لا تـلچـموها ابضـلعها لو دنیـتو للــگبر
وصّو دفان المقـابر أمي مو مالت عصر
خویه یحسین ارد احلفک خلي عینک عالصدر
خایفه اضلوع الزچیه تنلچم من الکسر

أمنـه مکـسورة ضـلع المن تموت
ابلیله ظلمه تندفن کون ابسکوت
اعیوني حگهن لو بچن
أنفـصّـل الأمنـه چـفـن
ونمسح الباب و عتبته امن الدمه
ـــــــــــــــــــــــــــــــ
یاحسین ابهذه دمعک أقسم اعلیها قسم
أطلب امن الزهره تحضر یوم عاشر بالخیم
گلها یمٌا اهـناک زینب تنـسبي وتشبع ألم
گلها حضـریني یزهره لو وگع راعي العلم

اهناکه ظهرک ینکسر یم العضید
مـو جـرح واحـد و داویـکم أرید
حلّف أمنه بالضـعن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
گلها حضریني یزهره لو صعد صدري الرجس
ابنچ اهـناکه ضـحیه هوّه مـیّت ینـرفس
گلها یمّا اعله الذواري تحرگ ابجسمي الشمس
زینب احبال ابأیـدیها چنها مو زینب أمس

گلها حتی الحسن ینسم بالچبد
و چبـده من سم الأعادي ینمرد
عـدنا بالدنیـا مـحن
أنفـصّل الأمنه چفن
ونمسح الباب و عتبته امن الدمه
ـــــــــــــــــــــــــــــــ
کلمات خادم الحسین ع.
عبدالامیرالناصري...المحمره
1442

قصیدة:راحت
ـــــــــــــــــــــــــــــــــــــــــــــــــ
راحت..ويه أمي راحة بالي
راحت..لا مــا تــرد للـــتالي
ـــــــــــــــــــــــــــــــــــــــــــــــ
الچانت ضوه بالبیت..
و من الضــوه اتلالي عافتني ابحالي
الیفگدله أم مثل السمه المن النجم خالي

مو حلوه طبت البیت..
للفاگد اعزازه حضن أمه یحتازه
الأم مثل دعوة نبي عازتها العازه

وینچ..یایمه رحمي ابحالي
راحت..لا ما تــرد للــتالي
ـــــــــــــــــــــــــــــــــــــــــــــــ
الچانت تسولف خیر..
والعافیه بیها کبرتني بیدیها
یاربي رد أمي الي خل أحب رجلیها

ابشیلتها یغفه اللیل..
من چانت اتلولي تنظر علیٰ طولي
بس هسه فاگدلي حضن آخ الزمن یولي

آهي..عالسهرت النه اللیالي
راحت..لا ما تـــرد للــتالي
ـــــــــــــــــــــــــــــــــــــــــــــــ
کل مغریبه أتضیج..
روحي ابثگل همي لو ما شفت أمي
یعصرني صدري وأختنگ لن أمي مو یمي

محتاجه روحي الموت..
موتي یریحني یاگلبي سامحني
دنیا الي ما خلـّتلي أم عادتها تجرحني

ویلي..للراحت امن اگبالي
راحت..لا ما تــرد للــتالي
ـــــــــــــــــــــــــــــــــــــــــــــــ
کلمات الشاعر:عبدالامیرالناصري

قصیدة:خل ابچي اویاک
ــــــــــــــــــــــــــــــــــــــــــــــــــــ
زید اعله ابچاک..یاخویه احسین
خل ابچي اویاک..و أعمیها العین

آنه اختک وأنت المظلوم
من أمنـه أتیتّـمنه الـیوم
خل ابچي اویاک
ــــــــــــــــــــــــــــــــــــــــــــــــــ
خویـه لاتهـده ابونـینک..للدمـع لا تعتـذر
المنکسر ظهري و ظهرک..مو ضلعها المنکسر
دمعة احساسي تگلّي..ضاع من عدنا العمر
صدر الي ایضمنه تکسّر..و شیعوّض هالصدر

هالدنیا اترید..نصبح أیتام
یا لوعه اتهــید..مــن الآلام

گلـب الیــتیتّم مــألوم
من أمنه أتیتّمنه الیوم
خل ابچي اویاک
ــــــــــــــــــــــــــــــــــــــــــــــــــ
ابیا صباح الخیر اعیشن..و آنه ضیّعت الصبُح
ابلایه ام الدنیا ظلمه..بیهه واهس مایصُح
منشلع گلبي یخویه..احساب نابت بي رمُح
لیش لو أنظر دمعتک..گلـبي اکثر ینجرُح

بدموعک هاي..شایل احزان
سولف ویّاي..لتضل حیران

آه اشـگد گلبک ملچوم
من أمنه أتیتّمنه الیوم
خل ابچي اویاک
ــــــــــــــــــــــــــــــــــــــــــــــــــ
چانت أمي اتگلّي زینب..انتي لخوانچ ضره
لو متت صیري انتي أمهم..صبْريهم عالجره
بیک وصّتني و تگلّي..احسین جبري خاطره
یمّا عني شـمّي صدره..و قبّلیـله منحـره

وصّتـني اشلون..أتقبّل هاي
جدّامک کون..ماأشرب ماي

بسـوالفها عدها اهموم
من أمنه أتیتّمنه الیوم
خل ابچي اویاک
ــــــــــــــــــــــــــــــــــــــــــــــــــ
اشگد عزیز انته اعله أمنه..و کل سوالفها الک
بس بچت عیني أعله حالک..من حچتلي ابمقتلک
لا تضم اعلیه و احچي..ابدمعة امي اتوسلک
نزّلـت أمي ابگبــرها..انـته یاهـو اینـزّلک

گالت مذبوح..عالغبره ایطیح
صوته مبحوح..مابیهـ ایصیح

شمسوي و تصبح محروم
من أمــنه أتیتّمــنه الیـوم
خل ابچي اویاک
ــــــــــــــــــــــــــــــــــــــــــــــــــ
خل نضم دمعي و دمعتک..والضلع یشبگ ضلع
باچر ابهاي المدامع..نضوي بالخیمه شمع
تنگطع نفسي امن اشوفن..خویه نحرک ینگطع
والسهم لو صاب گلبک..ادري بیهـ ماینشلع

بچفوف الموت..یحسین الگاک
بس ابلا صــوت..اگــعد انـعاک

شیصبّر گلبي المهضوم
من أمنه أتیـتّمنه الیوم
خل ابچي اویاک
ــــــــــــــــــــــــــــــــــــــــــــــــــ
امي گالتلي اعله صدرک..ینخسف وکت الذبح
والیذبحک ما یرحمک..بیده جرحک ینفتح
گلّي من یا صوب اجیلک..حتی بس لا أنلمح
یمک اگعـد و ابعبـاتي..أمسح ادموم الجرح

نار و دخان..واسیاط و خیل
وانته العطشان..دمک لیسیل

ماترحم حالـتنه الگوم
من أمنه أتیتّمنه الیوم
خل ابچي اویاک
ــــــــــــــــــــــــــــــــــــــــــــــــــ

کلمات خادم الحسین ع
عبدالامیرالناصري...المحمره
1442

قصیدة:وینه گبرچ
ــــــــــــــــــــــــــــــــــــــــــــــــ
وینه گبرچ..یاشرف کل الفواطم
وینه گبرچ..فاطمه يأم الهـواشم
وینه گبرچ..دوّرت کـل الــعوالـم
وینه گبرچ
ــــــــــــــــــــــــــــــــــــــــــــــــ
آنـه ام الأربــعه و ام الــحسـین
آنــه ســمّاني عــلي أم البــنـین
یاشرف کل النسه اعله العالمین
أسمـي من الونـه صار ام الونین

یالزچیه..روحي مختنگه ابهضمها
یالزچیه..حــسرتي مــگدر أضـمها
یالزچیه..یادمــعتي و یا عـظــمها
وینه گبرچ
ــــــــــــــــــــــــــــــــــــــــــــــــ
جیــت أدوّر والـدمـوع أتـخـط وراي
أمحمّلات اعیوني من هاي اعله هاي
أســال امــن الارض لو اسـأل سـماي
مــا تــگلیــلي الــگبر ویــنه تــعاي

وین اشوفچ..حتــی یرتــاحن عــیوني
وین اشوفچ..و التقي اویاچ ابشجوني
وین اشوفچ..امن الزمن خابت ظنوني
وینه گبرچ
ــــــــــــــــــــــــــــــــــــــــــــــــ
ابیا کتــر نمــتي ابجـروح الماتنام
ویا أرض صارت الچ وادي السلام
انتــي اول بت نـبي و زوجـة أمام
عـالأرض ما عدها حضره ولا مقام

ضیّعیتچ..مثل حسبه ابگلبي ضاعت
ضیّعیتچ..روحــي من الفــرگه لاعت
ضیّعیتچ..عــیني مثل الشمعه ماعت
وینه گبرچ
ــــــــــــــــــــــــــــــــــــــــــــــــ
آنــه ویّــاچ أبمــصایبــنه خــوات
اي شریچات احنه بس بالتضحیات
الــفرق انتــي الــچ یســروا بــنات
و آنــه ماخــذ اربــعه منــي الفـرات

للمدینه..رد ضــعن ماعنـده کافل
للمدینه..احسین مارد و ابوفاضل
للمدینه..جـتني مـسلوبه المحامل
وینه گبرچ
ــــــــــــــــــــــــــــــــــــــــــــــــ
انتي یسـرولچ بنـات اعله الهزیل
وآنه ذبحــولي زلــم دمـهم یسیل
مثــلچ أم مذبــوح أبنها مستحیل
ومـثلي ماجابن أخو الأخته کفیل

آنه و أنتي..أثنینه ذبحــوا زلمنه
آنه و أنتي..أثنینه یسروا حرمنه
آنه وأنتي..أثنینه واحــد ألــمـنه
وینه گبرچ
ــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
فاطمیه1442

قصیدة:آنه و انتي
ـــــــــــــــــــــــــــــــــــــــــــــــ
آنه و انتي و دمعتي البالناظر
عدنـه ملـگه بیها کسرة خاطر
راح اشــوفچ یمّا یوم العـاشر
آنه زینب
ـــــــــــــــــــــــــ ــــــــــــــــــــــــ
توه بسمله اعله نوحي و نوحچ الفت الصخر
الله یعـلم یالزچـیه أشـضاملــنه هالدهر
رایح اتعوفیني یمّا و راح اشوفچ عالنهر
اهناک نتلاگه ابحزنّـه أثنینه نفگد گمر

گمت اشوف العتبه طف جدّامي
چن شریعه و یـمها طایح ضامي
بـالـدمــوع اعیــوني لا متــکابـر
آنه زینب
ـــــــــــــــــــــــــ ــــــــــــــــــــــــ
عالجریٰ والیجري گلبي راح أعوده اعله الصبر
عالجمر علمیني أمشي مو وراي اشگد جمر
الیوم عصرة صدر عندي وضلع واحد منکسر
باچر العصره چبیره اتصیر الي سحگت صدر

یمّا لتــعوفین اخـوي ابـحاله
من یدوس اعله الصدر چتّاله
وحده بالطف لامعین و ناصر
آنه زینب
ـــــــــــــــــــــــــ ــــــــــــــــــــــــ
جمرة العتبه زغیره أتصیر یم نار الخیم
وجعة البسمار أصعب یمّا لو وجع السهم
سولفیلي الصدره دامي أشگد یجر آه و ألم
احسین چم حافر یسحگه و ادري منهن ماسلم

چم أثر رفسه علیهـ مطبوعه
و یاضلع یتداوه من أضلوعه
آه من کــسر الـضلع بالـحافر
آنه زینب
ـــــــــــــــــــــــــ ــــــــــــــــــــــــ
یلّي من العتبه شلتي للطفوف اهنا ظعن
جیبي ویاچ العزیزچ یمّا لو جیتي چفن
باچر ادلال الهواشم بالمضایف ینچفن
والعزیز ابلا عزیز ایضل غریب امن الوطن

الســاتر الله باچر امن الـسابي
بیده یحرگ بالطــفوف أطنابي
امن السبي بس الله باچر ساتر
آنه زینب
ـــــــــــــــــــــــــ ــــــــــــــــــــــــ
یمّا لو جیتیني باچر جیبي للخدّر عبي
امن السیاط انلف عبینه ونمشي بدروب السبي
یمّا خدري الماتشوفه هسه عین الأجنبي
باچر ایگـولون عنّه هـذه خدر الزینـبي

یمّا لو شفتیني وحدي ابحیره
گولي مــني راح راعي الغـیره
گلبي بین اخواني یصبح حایر
آنه زینب
ـــــــــــــــــــــــــ ــــــــــــــــــــــــ

کلمات خادم الحسین ع
عبدالامیرالناصري..المحمره
1442

قصیدة:علّمیني
ــــــــــــــــــــــــــــــــــــــــــــــــــ
یمه لو غمّضتي عینچ تاخذ اعیوني المنایه
من بعد خدري و دلالي راح اصیر أم السبایه
علّمیـني اعله الصبر
یمّه لو ضکني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
علّـمیني اشلون اعیش ابدنیتي یافاطمه
تاخذ اعیوني السوالف یمّا لدروب الضمه
انتي لو رحتي مکانچ ینترس من الدمه
عالدمع و الآه زینب والله ماهي امعلّمه

علّمیني اعله الحجاب انطیني من عندچ عبایه
من بعد خدري و دلالي راح اصیر أم السبایه
تـنـولـي أم الــخدر
یمّه لو ضکني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
علّـمیني اشلون أشدّن جرحچ و جرح الگلب
ویاجروح الگاها باچر نایم اعلیها الترب
یمّا لتعوفین زینب حایره اموقف صعب
یاهو یفزعلي امن اصیحن یا هلي آنه ابغرب

قسمتي ابهالدنیا حزني ما أله حد و نهایه
من بعد خدري و دلالي راح اصیر أم السبایه
مالي قسمه ابهالعمر
یمّه لو ضکني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
علّـمیني من أطیحن یاهو یلزم یمنتي
آنه اسمع کل ونینچ یاهو یسمع ونّتي
انتي طحتي و آنه یمچ جیتچ ابکل حسرتي
لو اطیحن آنه باچر یاهو یمسح دمعتي

واعدیني یمّا باچر الگه خطواتچ ورایه
من بعد خدري و دلالي راح اصیر أم السبایه
عندي آهـات اشـکثر
یمّه لو ضکني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
علّـمیني الیا مصایب کون أذبّن معصبي
ویا وکت لازم أصعده ابآهي تل الزینبي
العدها أم یمها ییمه ما تضیع و تنسبي
امن السیاط اعرف ییمه اتبید باچر هالعبي

یمّا لو ذبحوا زلمنه یا هو یرفع یمنه رایه
من بعد خدري و دلالي راح اصیر أم السبایه
خوفي کلّه امن الغدر
یمّه لو ضکـني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
علّـمیني اشلون اشیلن حیلي لو طاح العلم
و یا سهم یعمي النواظر حتی ألاگي هالسهم
بیت الاحزان ابغـیابچ راح اجیـبه للخیم
خاطر ایـحرگونه بـیّه یـمّا وأشـعر بالألم

من العطش باچر ییمه نرجع اموات وضمایه
من بعد خدري و دلالي راح اصیر أم السبایه
مـرّي بـیّه بـالـیسر
یمّه لو ضکني العسر
من بعد خدري و دلالي راح اصیر أم السبایه
ـــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره
1442

#عاشور_الزهراء

#الرادود_سید_محمد_الحسیني

https://youtu.be/ipKJNmefwRE?si=VMAqwx1ulTsSpYpD

#کلمات_الشاعر
#عبدالامير_الناصري

#تنسيق_والمتابعه
#عبدالرضا_الموالي

#تصویر_والإخراج
#سجاد_الدليمي

#ادارة_الانتاج
#سيد_امين_الهاشمي

#توزيع_و_ميكساج
#مهدي_عليق

#هيئة_محبين_قمربني‌هاشم(ع)
#خدام_الزهرا(س) #الاهواز_مدينة_میانرود

قصیدة:لو عندي خوات
ــــــــــــــــــــــــــــــــــــــــــــــ
راحت أم العافیه..والمحاچي الدافیه
والله أتمنه صرت عندي خوات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
بیّن عله اعیوني الکبُر..من راحت أمي للگبر
عیني احترگ بیها الدمع..وسالت دمعتي من جمر

عندي ریت أویاي..چم أخت یمي..تبقی ابحیاتي
حتی لو حنّیت..وأذکرت أمي..أشتم خواتي

أمنین أجیب الروحي..أخت یمي النوحي
ضلّت أمن أمي مئآسي الذکریات
بیـهن أشتـم ریحة أمـي بالحیات
راحت أم العافیه
ــــــــــــــــــــــــــــــــــــــــــــــ
حلوه الأخت وکت الحچي..نتگابل و نشبع بچي
اعلیها أذب حمل الگلب..واگدر علیها انتچي

أشلون اشیل الباب..حتی لا شوفن..دم أمي بیها
أشما اجیم النوح..والله ماعوفن..نوحي علیها

عتبي یمکن جارح...والزمن میسامح
أمـي عافتـلي ثـیاب أمحـرّگات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
العدها خوات ابهالزمن..یتشارکنها بالمحن
بس آنه أختي دمعتي.. و أخواني لحسین و حسن

امي گبل الموت...چانت اتگلّي..انتي غریبه
هسه یلّا أدریت..التنفجع مثلي..عدها مصیبه

چانـت اتوصّـیني..ابدمـعتي لبـعیني
چانت اتسمّي دمع عیني الفرات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
چانت تگلّي ابهالدمع..راح ابچي چم راس و ضلع
و ألي أعز من دمعتي..جدٌامي نحره ینگطع

یمّا لیش احسین..من یذبحونه...اتسحگه الحوافر
و یرجع المیمون..خالي من دونه..للخیمه حایر

اهناک اشوف اگبالي..ابسرجه دم الغالي
دمه اشوفنّـه ابرموک العادیات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
یتگلّب اگبالي جسم..یشبع سحگ من ینهشم
الماشافت اخیالي تضل..تعرفني باچر بالأسم

من یجي الحدّاي..ویحدي بضعوني..أمشي سبیه
یدري بیّه أمنین..ویضرب امتوني..بالغاضریه

یدري زینب یاهي...جاه أخوتي جاهي
احنه مو مالات غربه أمیسّرات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
مو وحدي یاخذني السبي..آنه و عباتي و محجبي
بس لو تصح عندي أخت..انبدلهن اعلینه العبي

آهي من الشام.. وعازة الوالي..بالغربه عازه
أنچتف بحبال...و ألي تبرالي..بس الجنازه

کون احاچي الناگه...لخوتي مشتاگه
ذني أوصال أخوتي المترمّلات
بیهن أشتم ریحة أمي بالحیات
راحت أم العافیه
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:‌من فرد نار
ـــــــــــــــــــــــــــــــــــــــــــــــــ
لیش الأقدار تندار من عتبة ألم
تحدي بالثار والنار توصل للخیم

الحارگ الباب..حاسب احساب..یحرگ اطناب
من فرد نار
ــــــــــــــــــــــــــــــــــــــــــــــــــ
یاقرابة..هالمئآسي وحده وحده اویه الجراحات
یاقرابة..فاطمه و حسین من نفس المعانات
یاقرابة..عصرة الزهره و کسر ضلع السماوات
یاقرابة..صدر الحسین و رموک الخیل بالذات

بین الثنین ضلعین مهشومه وصدر
اهنانه دخان نیران واهنــاکه جمر

نفس المصاب..نفس الصواب..نفس الخضاب
من فرد نار
ـــــــــــــــــــــــــــــــــــــــــــــــ
یا ألمها..العتبه موضع للشهاده أبین الثنین
یا ألمها..ینکسر ضلع الزچیه ابصدر الحسین
یا ألمها..النار من العتبه تنظر للصواوین
یا ألمها..السطره تتحول سیاط اعله النساوین

محسن ایطیح ویصیح مارید المهد
لن یذبحــون بظنــون عبـدالله الولد

صار التراب..مهد الاحباب..والگلب شاب
من فرد نار
ــــــــــــــــــــــــــــــــــــــــــــــــــ
دمعه دمعه..من صدر عین الزچیه طاحن اضلوع
دمعه دمعه..بین کل دمعه بچي أیتام مسموع
دمعه دمعه..بالحبال أمچتّفات أرموش وأدموع
دمعه دمعه..راس الحسین ابرمح بالعتبه مرفوع

راس الحسین بونین ینعیٰ الطاهره
وأم الحسین بالعین تنـظر منـحره

دم الأعتاب..آخر اجواب..الحومه والباب
من فرد نار
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة :بیت الحزن
ـــــــــــــــــــــــــــــــــــــــــــــــــ
یابیت الحزن والنوح..بیک اشگد لگیت اجروح
شایلهن عله الراس

سولفلي عن الزهره..ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
آنه ابن الکسرو أضلوع ابصدرها
واختفه عن النظر بالسر گبرها
أمي یا بیت الحزن توّه أبعمـرها
أثمنطعش ورده و اجه الظالم عصرها

سولف عالجره یابیت..بیه أشچم ألم خلّیت
حزني ماله مقیاس

جرح الزهره مایبره.ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
من اشوف ابعتبتک دم الزچیه
مبچه عیني ما یضل یلحگ علیه
ابیا ذنب بیت الوحي ناره سریه
والتلـوذ أبابـها اتشوف المنیه

سولف یاهو شب النار..و خله بالصدر بسمار
فاگد کل الاحساس

یمها تسعر الجمره.ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
الله یدري اشگد بچیت اعله المصیبه
حزني شیّبني و شلت شیبه اعله شیبه
أمي لیش أبّیتــها و ماتت غـریبه
الیجیب الناس ضل محد یجیبه

سولف وآنه ابچي اعیون..محسن عمي طاح اشلون
بین العتبه ینداس

طاح ابشدة العصره .ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
التاکل ابروحي الضرب خد أمي بیده
اشلون طگها ویدري موجود الصمیده
حیــدر الخلّـه الــزلم کلهم عبــیده
لیش ســاکت والمســافه مو بعیده

یاهو الطگها یم الباب..لمّن فزعت الاصحاب
گاطع منها لنفاس

عدها اعله الوجه سطره.ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
من طلع جدي علي و أمي تشوفه
مثل طیر المنذبح ضلت تطوفه
ابحمایل سیفه من شدّو چفوفه
اشلون گامت وهیه ماتگدر تعوفه

صاحت خل یرد للدار..خلّو عن علي الکرار
کافي یأهل الارجاس

حایر حیدر اتنظره.ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
أمي من گید الوصي صارت نحیله
اشلون لو شافت أثر گید العقیله
تمشي مسبیه و حمایلها ثجیله
والحسین اعله الثره محد یشیله

راس اعله الرمح مرفوع..وابرمک الخیول اضلوع
من حسین و عباس

یم المنذبح نحره.ماتت و هیه منکسره
مارحموها هالناس

أنا المهدي أنا المهدي أنا المهدي
ــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:عذریني
ـــــــــــــــــــــــــــــــــــــــــــــــ
عذریني لو سال الدمع
بالمغتسل شفت الضلع
یا فـاطمـــه آنه علــي
..شیداوي گلبي المنفجع
ــــــــــــــــــــــــــــــــــــــــــــــــــ
صایرلي ایام ابحزن..و ایامي کلها مظلمه
بس ماچنت ادري الضلع..مکسور منچ فاطمه
من غسّلیتچ شاهدت.. منچ ضلوع امهشّمه
مرت چفوفي اعله الضلع.. وانترست اجفوفي دمه

شمّسوي بسمار الصدر
تارک أثر ویه الکسر
ریت آنه صدري المنعصر
..شیداوي گلبي المنفجع
ــــــــــــــــــــــــــــــــــــــــــــــــــ
حار اشکثر چان و نبت..یالزهره بسمار الظلم
شمسوي بیچ الدافعچ..بالعصره کاسرلج عضم
هوه الي گلبه ینکسر..ما یگدر ابگلبه یضم
ماگدر اخفي دمعتي..کاتلني یاروحي الهضم

شیّبني ضلعچ من شفت
کسره و حرت وین التفت
مثل الدمع یمچ طحت
..شیداوي گلبي المنفجع
ــــــــــــــــــــــــــــــــــــــــــــــــــ
حیّرني دهري ابروحتچ..دلّاني بیبان المحن
مشتاگ اصیحن فاطمه..ردّیلي یا ام الحسن
ضلعچ اخافن ینلچم..اشلون الفّچ بالچفن
حاچیهن اعیوني گبل..من البچي لاینعمن

یاهو الي یدفن بالترب
بچفوفه گلبه اشگد صعب
یافاطمه انتي الگلب
..شیداوي گلبي المنفجع
ــــــــــــــــــــــــــــــــــــــــــــــــــ
الله واکبر یا زمن..گلبي بعد لا ما یدگ
الداحي باب ابیمنته..جدّامه بابه یحترگ
جدّامه تنطگ فاطمه..و ابنه یطیح و ینسحگ
جدّامه بنته حایره..الدخان خانگها خنگ

سیفي ذبح روحه الي
للهــده ما گتــله بلي
ردتچ تـنادیــني علي
..شیداوي گلبي المنفجع
ــــــــــــــــــــــــــــــــــــــــــــــــــ
ضلعچ اخذ حیل العمر..والحیل اریده الکربله
لو هسه بچّاني الضلع..اشلون الحسین ابچي اله
البسمار حافر بالصدر..یهشم ضلوع البسمله
القرآن عالي اعله الرمح..زینب سبیّه اترتله

شیطفي نیران الخیم
والکافل ابعینه السهم
نفس الحزن نفس الالم
..شیداوي گلبي المنفجع
ــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:خل ترجع
ــــــــــــــــــــــــــــــــــــــــــــــــــــــــ
ماعنده راحه المایشوف أمه ابصباحه
یا چلمه یسمعها و یحس بالچلمه راحه

أمي خذت حتی الهویٰ من راحت اویاها
بس صوره منها اعله الگبر ضلّت أبدنـیاها

خل ترجع أمي
ــــــــــــــــــــــــــــــــــــــــــــــــــــــ
یاعذابي..من مصابي
أمي توأم روحي بس عافتني هالروح
ماکو راحه..والمناحه
ضلّت اتجیب و تودّي ابگلبي لجروح
دنیا غربه...وماکو صحبه
أمي اقرب ناسي عندي المن اتروح
خل تردلي...بس تگلّي
موت حاضر آنه اموت وینتهي النوح

امي وطن وآنه الضعت من راحت أمي
ما اعیشن آنه ابلا وطن رایدها یمي

أمـي الي ربّتنـي عمـر مااگــدر انســاها
بس صوره منها اعله الگبر ضلّت أبدنـیاها

خل ترجع أمي
ــــــــــــــــــــــــــــــــــــــــــــــــــــــ
ما تردها... من لحدها
والله لو ابچي علیها أثنـین العیون
اي یگلبي...وینه دربي
راید اگـعد بالدرب بلـکت یمـرّون
ماهي ونسه..وحتی انسه
اشگد گعدنه اشگد حچینه لاچن اشلون
انسه کلشي..وآنه رمشي
من کثر ثگل البچي طاح امن الجفون

غیر امي و ادموع الجفن مابیهه عیني
مااگدر اقبل ماتت امي و ما تجیني

لیل الفراق اشگد صعب شیحمله فرگاها
بس صوره منها اعله الگبر ضلّت أبدنـیاها

خل ترجع أمي
ــــــــــــــــــــــــــــــــــــــــــــــــــــــ
نوحي عالي..حاله حالي
من ازورن امـي یتلگّــاني لتراب
دایم الگه..عدها ملگه
لو صحت یمّه ابگبرها اتردلي لجواب
من اصیحن..من اطیحن
اتگلي اسم الله اخاف اعلیک تنصاب
بالمقابر...مااکابر
اشبگ اتراب الگبر وابچي اعله لحباب

لو حتی طمّاها الترب ما قل ثمنها
الله احبنها واحب نومة حضنها

اتمنه لو لحظه فقط جدّامي الگاها
بس صوره منها اعله الگبر ضلّت أبدنـیاها

خل ترجع أمي
ــــــــــــــــــــــــــــــــــــــــــــــــــــــ
أمي کلشي..وتبقی کلشي
للنفس حتی الهویٰ بین الصدر ضاگ
راید امي...لحظه یمي
ترجع و اگدر اگلها اشلون مشتاگ
ارد اگلها...فدوه الها
حاضر انطي اعیوني بس یخلص هالفراگ
ارد اشمها ...حیل اضمها
اترس انفاسي حنین و آه و اشواگ

ریت الگبر یوسع واحطن روحي یمها
کل ما احن اعلیها اشبگها و اشمها

لو ینفتح باب الگبر اتوسّد احذاها
بس صوره منها اعله الگبر ضلّت أبدنـیاها

خل ترجع أمي
ــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:الوداع
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
هیده یا أمي الحنینه
فرگتچ صعبه علینه
لوتموتین آنه أموتن
ظلمه تصفالي المدینه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
لاتروحین ابعذابچ
صدرچ أحمر من خضابچ
ینلچم کل خوفي صدرچ
من تنامین ابترابچ
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
آنه شفت ابعیني منظر
والگلب شاط و تحسّر
یمّه بسمار الي صابچ
یاضلع منّه تکسّر
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
انتی بالباب اندفعتي
وابسبب هالدفعه طحتي
من سقط محسن ییمّه
شفتی حاله و انجرحتي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
خدچ أحمر یا مصیبه
بت رسول الله الحبیبه
یمّه حیدر ظهره حدّب
گلبه ما یحمل نحیبه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
راح اشوف الجمره تکبر
والحزن یلفیني اکثر
یمّه نار العتبه باچر
ابسواد الخیمه تسعر
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر النار ابخیامي
وچم جسد عالغبره دامي
باچر احسینچ ضحیه
ینذبح من نحره ضامي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر ابروس العوالي
احسین اشوفه راسه عالي
وابوفاضل عالشریعه
دمه ینزف عالجرالي
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر ابدرب السبایه
امشي وایتامي ورایه
متني من ضرب الأعادي
أسود أبلون العبایه
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ
باچر آنه ابلا عشیره
انسبي و اصبح اسیره
چنّي مو زینب ییمّه
تنسبي الچانت امیره
ـــــــــــــــــــــــــــــــــــــــــــ
الوداع الوداع یمّه...الوداع الوداع یمّه
ـــــــــــــــــــــــــــــــــــــــــــ

کلمات خادم الحسین ع
عبدالامیرالناصري...المحمره

قصیدة:عوف الدمع
ـــــــــــــــــــــــــــــــــــــــــــــ
یا یمّـه یحـسین...لاتبــچي علــیه
ضم دمعة العین..مني الحگ رقیه
ـــــــــــــــــــــــــــــــــــــــــــــ
یولیدي کافي امن البچي..لا مو وکتها ادموعک
اسمک ذبیح و مو ضلع..ضملک دمع لضلوعک
نار الي ذوبت شمعتي..باچر تذوب اشموعک
درعک ابصدرک ینخسف..لمّـن تغیر أجموعک

یبني الولد گوم...تکفیني الرزیه
مو وکت الهموم...لاتبـچي علـیه
ـــــــــــــــــــــــــــــــــــــــــــــ
لا هاذه مو ذاک الزمن..الي اشوف اجروحک
لا تنجرح من حالتي..ضم النیاح الروحک
لا تمسح ابجرحي و یضل..عالي اعله امک نوحک
یاهو الي یمسحلک جرح..من السهام اتلوحک

شیرد الأسهام...یوم الغاضـریه
دنیـانـه آلالام...لاتبــچي علــیه
ـــــــــــــــــــــــــــــــــــــــــــــ
خل نلتقي ضلع و نحر..و نبچي دمعنه الحالک
لا مو چبیر اعله الجرح..عندک جراح اگبالک
ریت اشتریها کربله..ابکلشي الي بیها ابدالک
ولا توگع انته امن المهر.. و یفزع الک چتّالک

من توگع اتلوج...ضامي اعله الوطیه
دم نحـرک ایمــوج...لاتبــچي علــیه
ـــــــــــــــــــــــــــــــــــــــــــــ
بعیوني صفنه امن البچي..تقراها بس اعیونک
تصبح غریب ابکربله.. و أبعطشک ایذبحونک
ناس الي عصروني و طحت..هُـما الذي ایسحگونک
ما ترحم اخیول العده..بالـحـافر أیضیـعونک

ما ترحم الخیل...وانته ابلا تچیه
اتهـشّـمک حـیل...لاتبــچي علــیه
ـــــــــــــــــــــــــــــــــــــــــــــ
یا یمّه بسمار الصدر...حافر یصیر ابصدرک
و سهم المثلث ما یرد.. یطلع گبل من ظهرک
یا ریته یذبحني الشمر.. ولا اشوف ذبحت نحرک
نار و جمر،سیف و عطش..کلهن یتانن عمرک

راح التقي اویاک...دم ضلعي بدیه
بالــمذبح اهــناک...لاتبــچي علــیه
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

السلام علیکِ یا ام الحسن س
نعی في حق الأم
ــــــــــــــــــــــــــــــــــ
أحبن شوفت أمي و ذیچ گعدتها
وسوالفها الحنینه وعطر شیلتها

أحب أغفه أبحضنها وأشم ریحتها
حد ما أسد عیني أبعیني صورتها

ما تحلالي نومه أبلـیل فرگتـها
أنامـن کـون و أتغـطّه أبعبایتها

إنشلع گلبي وردت هلیوم شوفتها
بیها العـافیه أمن الصبح خبزتها

عمت عیني وشفت باللحد نومتها
أمي اشلون تغفه و ما غفت بتها

یهـونک یا گبر هاي أمي حالتها
مکسـورة ضلع و العین غمضتها

ـــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
@abdolamiralnaseri

قصیدة:الوصیه
ـــــــــــــــــــــــــــــــــــــــــــــ
سمعي وصیتي...گبـل المنیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمـه زینــب حضــري روحچ للبله
وأنـسي روحچ عدنا چنتي امدلله
مــو نــهایه و تــوه حــزنــچ أوّلـه
بــأنتــظـارچ الله خــالق کــربــله

کربـله اتریدچ..انتي الضحیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه سمــعیني ابگـلب یعرف یون
شوفي دمعاتي الي تذبح بالجـفن
راح اودعچ و أتـرک اویاچ الحزن
سلّمــیلي اعلــه الیــضل أبلا دفن

بوسیلي نحره....و شمّي ألیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه زینــب بــعده مــو بادي الألم
گعــدي خل احچــیلچ ابنار الخیم
انتــي بیــدچ فــصّلي للطـف علم
و رایح اتشوفینه شیسوي السـهم

ضـمّي دمعتـچ...لتصب علیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
ضمّي کلشي العندچ و عوفي الضلع
چـن اشـوفـچ بـاچـر ابـعــازة دمـع
المــثلچ ابلا والـي بالــطف تنفـجع
والــغــریب أیــریدچ الـگلــبه درع

قــدمي جواده...ابن الـزچیه
یـمــه یازیــنب....للــغاضـریه
ـــــــــــــــــــــــــــــــــــــــــــــ
یمه راح احسینچ ایشوف الضمه
و مو ضلع واحد ضلوعه أمهشّمه
أهــناکه صیــحیلي ییــمّه فاطمه
عالترب نحر الحسین إیصب دمه

نشري قمیصه...أبوادي الرزیه
یـمــه یـازیــنب....للــغاضـریه
ـــــــــــــــــــــــــــــــــــــــــــــ
رایح اتـسحگه الخیول اعله الثره
و الجســم بیـض ألسیوف اتطبّره
عالرمـح ینزف دمـه ایضل منحره
وأنتي مــن بعــد الدلال أمــیسّـره

التجــرح دلیلي...أنتي ســبیه
یـمــه یـازیــنب....للــغاضـریه
ـــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:دعاء المحبّین
ــــــــــــــــــــــــــــــــــــــــــــــــ

انخاچ یامولاتي..بحماچ یامولاتي
تقضین کل حاجاتي...یالزهره
ــــــــــــــــــــــــــــــــــــــــــــــــ
یا أمـل گلبي الي جامـع کل صفاته ابخیمتچ
و َ کفــی ٰ باللهِ ربـّـاً مـن خلقــنا الخدمتـچ
ندري رحمت الله اوسع بس طمعنه ابرحمتچ
غـزّرت بیـنه المجـالس لن کلیـنه ابنعمـتچ

مدیون یامولاتي..ممنون یامولاتي
أتسمـعین کل دعواتي...یالزهره
ــــــــــــــــــــــــــــــــــــــــــــــــ
یا حلـم کل مـا اشـوفه ینـولد بیّه النـظر
المـهم أرضـي علیه و خلـها لا ترضیٰ البشر
لحظه من مجلس عزائچ تسویٰ کل هذه الدهر
عالصـدر طابعلي صوره امطرّزه ابچفي الحمر

بالروح یامولاتي..هالنوح یامولاتي
تبــقـین بیــن آهاتي...یالزهره
ــــــــــــــــــــــــــــــــــــــــــــــــ
ما بـچـینه اعـلی الزمان الما مـگفـاه للتـچي
احنه نبــچي بالمـجالس لـنها تسـتاهل بچي
ماکو بینه الیحچي بیچ و من خدمتچ یشتچي
الدمـعه مملوحه و عبیدچ کلها مملوحة حچي

للموت یامولاتي..هالصوت یامولاتي
تدرین شنهو أبذاتي...یالزهره
ــــــــــــــــــــــــــــــــــــــــــــــــ
منـّت الوادم ثجـیله و بیها لا ما نقـتنع
مِنّي بـس انتي علینه واحنه رایح ننرفِع
منچ انرید الشـفاعه و النجه أبیوم الفزع
یَــومَ لا ینــفَع جـَزاءً اله بس هـذه الدمع

أبچیچ یامولاتي.. أنعیچ یامولاتي
بالعــین کل دمعاتي...یالزهره
ــــــــــــــــــــــــــــــــــــــــــــــــ
الله لیـفارگ لـساني مـن تراویح السـمه
هذه تسـبیح اللـیالي فاطمه یا فاطـمه
أتوجّهِت و أتوسّلِت هلـیله روحي الهایمه
بسمچ أترزقیـني راید تالي حُسن الخاتمه

دعواي یامولاتي...إبدنیاي یامولاتي
أتسجلین کل خطواتي...یالزهره
ــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة : أین المطالب
ـــــــــــــــــــــــــــــــــــــــــــــــ
یالله یا مهدیها..صفّیها..بچفوفک
رایـتک علّیها...هدبیها...بچفوفک

طالب أبثار...ضلع أمک فاطمه
ـــــــــــــــــــــــــــــــــــــــــــ
یالله هد و أستهم..وصل وکت الحسم
خـلّي من صیـحتک.. کل حزن یبتسم
سیــفک ابـیا علي...خـل یکر بـالـزلـم
بـچـّه قادة حـرب...والله هـذه الأسـم

یاعلي أشمحلاها..تقراها..بحروبک
رایـتک مـلگـاها..تلـگاها...بحروبک

انته عتـبار...ضلع أمک فاطمه
طالب أبثار...ضلع أمک فاطمه
ـــــــــــــــــــــــــــــــــــــــــــ
انطــي فتـوة فزع..أمرک الینسمع
خلّي ذاک الضحک..یبچي مثل الشمع
انته خـیط و ضـوه..الخلّصت بالدمع
صلّــي بالمقــبره...رکعتـین الدمع

یالله صلي ابثارک..بتّارک..بیمینک
مستهم فقّارک..شب نارک..بیمینک

عندک أخبار...ضلع أمک فاطمه
طالـب أبثـار...ضلع أمک فاطمه
ـــــــــــــــــــــــــــــــــــــــــــ
طالـب اعله السـبب..کافي من التـعب
کافي تبدي الحچي..یحچي باب الخشب
یا جریـمه السـدت..ومنها شفنه العجب
یاهو شـب الحـطب.. والبـده باللـهب

انته تعرف ناسک..بحساسک..حاسبهم
یاشـهم نوماسک..مـقیاسک..حاسبهم

تعرف اسرار...ضلع أمک فاطمه
طالـب أبثار...ضلع أمک فاطمه
ـــــــــــــــــــــــــــــــــــــــــــ
خل یصیـر الدمه..شـاهد المحکمه
والکــسرلک ضـلع..بیــدک اتـألّمه
أسال من الحسن..یاهو طگ فاطمه
عمـک أهـوه الذي ...گلبه نار أرتمه

عمک اهوه الشاهد..مو واحد..هد لیها
یاهو چان الـقائد ..وأشـراید..هد لیها

صابه مسمار...ضلع أمک فاطمه
طالـب أبثار...ضـلع أمک فاطمه
ـــــــــــــــــــــــــــــــــــــــــــ
وصلت اعله العضم..شفرة اهل الظلم
یا ابوصـالح مدد..مـن أیادي الخصم
الـعــجل سـیّدي..أبگلبک أشگد تضم
عـجّل الله لــنا...یومـک أمن الهـضم

کلنه احنه اجنودک..بوجودک..نتفاخر
نســتلم مـریـودک..وأبـزودک..نتفاخر

یلـتهـب نار...ضلع أمک فاطمه
طالب أبثار...ضلع أمک فاطمه
ـــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:موشح في حق باب الحوائج ام البنین س
ــــــــــــــــــــــــــــــــــــــــــــــــــــ
یل تــرید أم الگـمر تگضـیها
أقریٰ بس الفاتحه و أهـدیها
ــــــــــــــــــــــــــــــــــــــــــــــــــــ
أقریٰ بســم أم البنیـن الفاتحه
یل ترید اهمــوم گلبک راجحه
اشما یرید ایصیر ثگل النایحه
کلشي یسهل کافي بس تنخیها
ــــــــــــــــــــــــــــــــــــــــــــــــــــــ
کلشي یسهل کافي تندبها أبعسر
اتشوف حملک وحده جدّامک یمر
مــا تــرد طـلّابها ابأصــعب أمـر
تلــزم أید المــمتــحن بیــدیــها
ــــــــــــــــــــــــــــــــــــــــــــــــ
تلــزم ایده الي نخـاها ابحــاجته
کافي بسم احســین یرفع دعوته
ایهون کلشي و لا تجیب امصیبته
احسین ابنها اهواي غالي اعلیها
ـــــــــــــــــــــــــــــــــــــــــــــــــ
احسین عدها أغلیٰ من شم الهوه
مات و هیه ابعـینها مات الـضوه
همّـا روحین ابجسد عاشوا سوه
الحاجه بسم احسیـن تفزع لیها
ـــــــــــــــــــــــــــــــــــــــــــــــ
الحاجه لو چانت بسم راعي الگلب
گول مگضــیه و لا یبــگه صعب
هــاي أم القــدّمت فــوگ الترب
اربعـــه لحســین منهـا و بیــها
ــــــــــــــــــــــــــــــــــــــــــــــــ
اربعه لحســین ودّتـهــم فده
الله جازاهــا و جعلها قاعده
باب للــحاجات هاي الوالـده
أقریٰ بس الفـاتحه و أهدیها
ــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
1443

قصیدة گعدیة الفاطمیة..أسباب الخیانه
ــــــــــــــــــــــــــــــــــــــــ
فــتّح عینک و شوف..أسـباب الخـیانه
وأعرف یاهو مسئول..عن هاي الدیانه

لو ماحرگـة الباب...ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
مصدر أعیون الخیانه..یرجع الیوم السقیفه
أهناک مبدء للتجاسر..صار بچفوف الخلیفه
هوّه أسّس هالجریمه..وهالمعانات المخیفه

گالوله بالک تقترب..هالدار ألمن تنتسب
گلهم و أن لازم تشب..هالدار عالزهره الشریفه

شبّوا بالخشب نار..من أقرب مسافه
نیّـتهم ابوحسیـن..یترکها الخلافه

لو ما نار المصاب..ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
مو صحابه و یاهو یقبل..هیچي افعال الصحابه
بختـصــار الّلایگـلهـم..بس فقط چلمة عصابه
بالأسم والذان طرشه..والرسول اعلن خطابه

گلهم بعد عیني علي..الکم یاهالوادم ولي
جـدّامه گلوله بلي..بس تالي خانوا بالأجابه

روس امحمّله احجار..مو عقلیّه حره
أخذوا ثار الحروب..من فاطمه الزهره

لو ما ابن خطّاب..ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
زلّه بالتاریخ صارت..من أجل کرسي الرئاسه
الماهو گدها اشجابه الها..و راد یرفع بیها راسه
الهسّه بعض الناس ترکض..عالکراسي ابکل شراسه

طبع الحکم راید عقل..لازم یدِل و یستدِل
بس حیدر الهذه الفعل..نصّبه الباري ابقداسه

گالو حیدر ایموت...لو نحـرگها داره
ماظنهم یعرفون..اشگد واسع مداره

لو ما فعل الأصحاب..ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
العاقل ابمنطق کلامه..ما یتعبک بالحچي الحگ
بس یجیلک واحد أعمه...ایـگول لا تلعـن و تزهـگ
أدري هوّه الزرع اخضر..مایصـیر انگــول أزرگ

الله لعن کل ناصبي..و الآیه مصدر مطلبي
واشلون لو بنت النبي..بیدین أخبث ناس تنطگ

الله یلعن الگام...یعصرها ابچفوفه
کسّر منها لضلوع...والوادم تشوفه

لو ما ذاک الصواب..ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
نسخه من الماضی صارت..عدنا بالحاضر جدیده
عدنه احزاب الخدامه..شوّهت أسم العقیده
الناس للرادود تلطم ...بس نست معنا القصیده

چلمة الــ آنه أشثمرت...اهوایه گالوها و هوت
بس البقت ناس الدرت..یاثمن حب الصمیده

خلّـک ثابت اقدام...بالخدمه الأبیه
واخذ احساب الایام..من الفاطمیه

لو ما دم الأعتاب..ماطلعت هالأحزاب
أسباب الخیانه
ــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

قصیدة:بفاطمة
ــــــــــــــــــــــــــــــــــــــــــــــــ
بفاطمة وأبیها وبعلها وبنیها

یربي رد علینه..الفگدناها أمن أیدینه
ـــــــــــــــــــــــــــــــــــــــــــــــ
زینب آنه و ضیم اللیالي..سابیلي حالي..من مشتکاي
ربي لو اگولن أمي راحت..من عیني طاحت..هالدنیا هاي
دنیه ما بیها ریحة أمي..یخنگني همي..أمي هواي
أمي چانت عافیتي عندي..هسه آنه وحدي..وضیمي وراي

بفاطمة وأبیها وبعلها وبنیها

نرید أمنه الحنینه..الفگدناها أمن أیدینه
ـــــــــــــــــــــــــــــــــــــــــــــــ
وحشه بیت الما بي محنّـه..صفناته ونّـه..اتجیب الدموع
أمي بس عافتلي عبایه..محروگه هایه..ابنار الجذوع
ماتت و بسمار المنیه..ابصدر الزچیه..صاب الضلوع
ماتت و دمعتها اعله خدها..یا لوعه عدها..وضلت تلوع

بفاطمة وأبیها وبعلها وبنیها

ابحزنها اتألّـمینه..الفگدناها أمن أیدینه
ـــــــــــــــــــــــــــــــــــــــــــــــ
اشلون اگولن مشتاگه روحي..وادري ابجروحي..دهري یعیل
أفرش أهدوم أمي و إلمهن..أگعد أشمهن..لو مرني لیل
چلمة الیمّه أشگد حنینه..گلبي ابونینه..راید یشیل
ربي رجّعها الي أودها...بس ساعه ردها..مشتاگه حیل

بفاطمة وأبیها وبعلها وبنیها

علیها أشگد بچینه..الفگدناها أمن أیدینه
ـــــــــــــــــــــــــــــــــــــــــــــــ
موتي احسن من هذه عمري..أتمنـّه گبري..یم أمي صار
أمي عافت بتها غریبه..عندي مصیبه..بسمار و نار
گمت اشوفن باب الزچیه..یرسم قضیه..بیها أنتظار
خیمه خیمه و سوط السبایه..یرکض ورایه..یطلبني ثار

بفاطمة وأبیها وبعلها وبنیها

علیها انحن بقینه..الفگدناها أمن أیدینه
ـــــــــــــــــــــــــــــــــــــــــــــــ
گمت أحسّن حرگة دلیلي..تاخذلي حیلي..یم الغریب
من اشوفن منحر عضیدي..وادمومه بیدي..وجسمه سلیب
مو ضلع واحد راح اشوفن..واشلون اعوفن..جسم التریب
عالرمح والدم ابلحیته...یرجع نخیته..بس مایجیب

بفاطمة وأبیها وبعلها وبنیها

یریت أمنه تجینه..الفگدناها أمن أیدینه
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:تمنّیتچ
ــــــــــــــــــــــــــــــــــــــــــــــــــ
تـمنّـیتچ بـعد یمّي...تسندیني علیٰ همّي

زغیره و راسي شیّب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
یبــعد المایشــوفن غیــرج ابعــمري
کَسر ضلعـج کِسر گـلبي وکسر ظهري
زغیره اعله الحزن بس دمعتي ابکبري
گد عمــرچ ارید ادمــوع الي تجــري

بچي لیلي یأذیني....أخذ حیلي دمع عیني

الــچ گـلبــي تعـــذّب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
ردت گبل الرحیل و ساعة الفرگه
اروح آخذ عبــاتچ ذکــره لي تبگه
لچن هسه آنه ماني أمصدگه وأمصدگه
رحتـي والعـبایه ابأیــدي محـترگه

أثر نار و جمر بیها...عباتچ وین أخلّـیها

الهوه یاخذها لو هب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
یریت ابگلبي صارت عصرة اصوابچ
ولا شــوفن أثر دم یمّــه بعـتــابـچ
گمت البس عبــاتچ واگعــد ابّـابچ
أحسچ یمي وابجي اعیوني لمصابچ

أشم بیها حرگ جمره...عمت عیني عله الزهره

اشمها و گلبي ینحب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
ییــمه گلبــي حمّل للســفر ضیمه
ومتاعي للسفر ناگه و درب هیمه
اشوف ابلایه باب البیت چن خیمه
و تبخــل عالیــتامه تمطــر الغیمه

عله بابچ شفت منظر...سبي حرمه وگطع منحر

یمیل ابراسي محجب
یتیـمه عـفــتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
وراثـه مــن جــروحچ آخــذ آلامـي
لحد ما شوف اخوتي اتطیح جدّامي
ییــمه البـاب توصـل ناره لأخــیامي
ویذبحون الحسین امن الگفه ضامي

یحیّرني نزف دمه...اعوفه لو أضل یمّه

تضـل نیــراني تلـهب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
اذا طاح الحسین الحومه متشیله
ابعبــاتچ یــمّه ما اگــدر أفییّـــله
یعت بیه الشـمر لو اگـعد أبچـیله
مـثل لیل أحدعـش لا ما تـمر لیله

وطن غربه وسبي ظالم...یشیّبنه حچي الوادم

هظیمه المثلي تنسب
یتیـمه عـفـتي زینـب

تسندیني علیٰ همّي
ـــــــــــــــــــــــــــــــــــــــــــــــــــــ
کلمات خادم الزهراء س
عبدالامیرالناصري..المحمره

قصیدة:جرح الفراق
ـــــــــــــــــــــــــــــــــــــــــــــــــ
یل ضیّعت حنانچ...ماینترس مکانچ
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
من عیني ضایع یا ضوه
حتی الهــوه لا مو هـوه
جـرح الفــراق ابـلا دوه
شیـ ردها لـمٌــتنه سـوه

هسه الگلب یعاني...بیه اشعمل زماني
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
یاجرحـچ اشکبره الي
شیّبنه من شیّب علي
بیتچ ضـریر و مختلي
مـو ذاک بیــت الأولي

بیت الي خالي منچ...یتحسّر اعله حضنچ
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
بیت الي ما بیه أم سجن
حیــطانه متروسه حزن
بالعــتبه طایح یا غـصن
کـون ابکســرته یـنـدفن

غصنچ ذبل بدینه...یا أمنه یالحنینه
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
عافیتي ماخذها الکسر
من اذکر اصواب الصدر
ریحـانة الله و تـنعـصر
تــذبل اذا طــبّت گــبـر

لیلیّه هذه همّي...یاموت اخذني لأمي
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
لیلــیّه اســولف للـدمع
لو صوت ضل ماینسمع
قصـة جذع من ینـدفع
بسـماره یوصـل للـضلع

من اللحد اخافن...اعیوني کلشي شافن
یالزچــــــیه..یالزچـــــــیه
ـــــــــــــــــــــــــــــــــــــــــــــــــ
ریت الزمن یرجع وره
وایضیع درب المقـبره
یمّـه التمـوت أمـه تره
کلشیـته یوگع عالثـره

بیچ انتهینه کلنه...یاهو الیلم شملنه
یالزچــــــیه..یالزچـــــــیه
ـــــــــــــــــــــــــــــــــــــــــــــــــ

کلمات خادم الزهراء س
عبدالامیرالناصري

قصیدة:حچي اللیل
ــــــــــــــــــــــــــــــــــــــــــــــ
هــوّد یلیلي یلیــلي هــوّد یلیلي
شیردلي حیلي یلیلي شیردلي حیلي

کون ایدفنون بالعیون عزیز الما یرد
مو بالتراب یطمّون غصن من الورد

هود یليلي
ــــــــــــــــــــــــــــــــــــــــــــــــــــ
آنه یا لیل الحــچیـت ابنایبـاتي
وشـالو ابـتابوت أجمل ذکریاتي
امي ماتت وانکسر واهس حیاتي
راح امـوتن والهــجر سـبّة مـماتي

والله لو ادري المقابر عدها یاحظ وبخت
تاخذ اعزاز النحبهم و ابأذیّـتنه رضت

ودّیني لأمي یلیلي ودیني لأمي
کاتلني همّي یلیلي کاتلني همّي

یاهومرتاح والنیاح یطر سابع چبد
مو بالتراب یطمّون غصن من الورد

هود یليلي
ــــــــــــــــــــــــــــــــــــــــــــــــــــ
اشبیها ویّانه المقابر بس تجافي
تاخـذ البیــهم محنّه وما تـوافي
کافي بالله اعلیک یالدفّان کافي
رد علینه الکبّـرتنه ابحضن دافي

رد علینه أم المحنّه التفرش البیت ابضوه
الزهره مو مالت مقابر ردها خل نگعد سوه

ماریده عمري یلیلي ماریده عمري
بس الله یدري یلیلي بس الله یدري

موحلو البیت تمنّـیت یغـطّیني اللحد
مو بالتراب یطمّـون غصـن من الورد

هود یليلي
ــــــــــــــــــــــــــــــــــــــــــــــــــــ
أمي دنیا أمن الهوی ابلیّاها خنگه
الما یشم أمه یمـوت ابگلبه حرگه
آنه مثـل أمي أمـن أدوّر ویـن الگه
أمي چانت عین شمعه و عین ملگه

ابلا ضلوع اشلون گلبي یوگف ابصدري ویدگ
امي مکسوره و صدرها مختنگ من الحرگ

ملچومه أمي یلیلي ملچومه أمي
مظلومه أمي یلیلي مظلومه أمي

حیل مکسور والگبور مضاجعها تهد
مو بالتراب یطمّون غصن من الورد

هود یليلي
ــــــــــــــــــــــــــــــــــــــــــــــــــــ
والله حیل أشتاگت أعیوني علیها
المـا چـنت إبعــد أیدیه من أیدیها
عیني بس الدمعه وامي اتعیش بیها
ابچـي وادمـوعي تذکّـرني ابحچیها

هیـده یاأهل المقابر عنـدي ویّاکم عرف
أمي بین الموته کلها ابخدها لأحمر تنعرف

عدها أبلحــدها یلیلي عدها أبلحــدها
سطره اعله خدها یلیلي سطره اعله خدها

ریت الایـام بالاحـلام ترد من البُعد
مو بالتراب یطمّون غصن من الورد

هود یليلي
ــــــــــــــــــــــــــــــــــــــــــــــــــــ
کلمات خادم الزهراء س
عبدالامیرالناصري...المحمره

السیدحسن نصراللّه في ذمة للّه

فيديو كليب جديد

*بأنتظارك*

اداء
*عبدالرضا الموالي*


كلمات الشاعر
عبدالامير الناصري


الهندسة و التوزيع
حسن الهرداني

التصوير . المونتاج و الإخراج
سيداحمدالحسيني البطاط

يوتيوب
https://www.youtube.com/watch?v=wfqSMuTVBtc

آپارات
https://www.aparat.com/v/Fu5T8

﷽

                  ​تهنئة خاصة​

​السلام عليكم ورحمة الله وبركاته​

يسرني ويسعدني أن أتقدم إليكم بأصدق التهاني والتبريكات بمناسبة المولد النبوى الشريف، ومولد حفیده الامام جعفر الصادق (ع)سائلا المولى العلي القدير ان يجعل أيامكم كلها افراح وأن يعيده علينا وعليكم أعواما عديدة وازمنة مديدة وأنتم في أحسن حال ..

               ترتاح نفسي إن ذكرتُ محمدًا
          أو صحتُ كالـملهوف عشقًا ياعلي
وأذوبُ في عشقِ البتولةِ هائمًا
          فالهمُّ في عشقِ البتولةِ ينجلي
واللهُ يعلمُ إن ذكرتُ المجتبى
          ينهدُّ صرحي كالضريحِ المنجلي
أمّا الحسينُ إذا ذكرتُ حروفٓهُ
          فالنارُ في خلدي تحطُّ وتصطلي
فحسينُ قد شقّٓ الفؤادٓ تحسُّرًا
          والصوتُ منّي بالتفجُّعِ يعتلي

متبارکین بمولد شفیعنا ونبینا وحبیب
قلوبنا ابا الزهراءمحمد (ص)
وحفیده الامام صادق(ع)
🌹🌹🌹🌹🌹🌹
کل عام وانتم بخیر🎊🎊🎊

قصیدة:طشْو الهیل
ــــــــــــــــــــــــــــــــــــــــــــ
یانجــوم اللــیل خبري نجم أسهیل
عیدابــوالزهـراء یالله طشّو الهیل
ــــــــــــــــــــــــــــــــــــــــــــــــــ
سحر شوگ المله
ابعــرش اللّه عِله
تبـــاریک الأفـــراح هله ابعیده هله

یاوالــد فاطــــمه
ینــور امن الـسمه
گلب کل محب صاح هله ابعیده هله

یاللّه بالتــهلــیل انصلّي واجب حیل
عیدابــوالزهراء یالله طشّو الهیل
ــــــــــــــــــــــــــــــــــــــــ
کبر هـذه الـفلک
حفل عــدنا الک
بــشارة قدومــک حچه بیها الملک

رسول الله انـولد
یشـع بـدر السعد
ملامــح رسومـک حچه بیها الملک

چن هتف جبریل ابـساعة التنزیل
عیدابــوالزهراء یالله طشّو الهیل
ــــــــــــــــــــــــــــــــــــــــ
جنـان الله ضـوت
أبقبس نوره روت
محمد ضوه الکــون مثیله ما رأت

وسط جــنة عدن
الف یوسف صفن
یشــهدلّـه لــعیــون مثـیله مارآت

یوسف أبتجلیل حـگه مـن أیمیل
عیدابــوالزهراء یالله طشّو الهیل
ــــــــــــــــــــــــــــــــــــــــ
ابربـیع اللّه کـمل
حلم طاري الأمل
أبلطف رحـمت اللّه ابوالقـاسم نزل

وسیعه رحــمته
أنخلــقــنه أمّـته
یگـــرّبنـــه للّه ابوالـــقاســـم نزل

حاشه بالتضلیل ینمـحي التآویل
عیدابــوالزهراء یالله طشّو الهیل
ــــــــــــــــــــــــــــــــــــــــ
کلمات خادم اارسول ص
عبدالامیرالناصري...المحمره
ربیع الاول1446

قصیدة:صلّو عالنبي ص
ـــــــــــــــــــــــــــــــــــــــــــــــــ
لاح الـبــدر نـــــوره...صلّو عالنبي
وانکشــفت الـصوره...صلّو عالنبي
خل انعوذه بالسوره...صلّو عالنبي
هالــدنــیا مســروره...صلّو عالنبي

شع نــوره بســـمانه...صلّو عالنبي
چانه الــضوه جـانه...صلّو عالنبي
ربــک رفـــع شـــانه...صلّو عالنبي
ابوالزهـــره مــولانه...صلّو عالنبي

هالعــــالم ابأســــره...صلّو عالنبي
عاشــگ ابوالـزهــره...صلّو عالنبي
بسبــعطعش فــجره...صلّو عالنبي
مــیلاد ابــوالـــعـتره...صلّو عالنبي

صیحــتنه بالـمحـفل...صلّو عالنبي
عالــخاتم المـــرسـل...صلّو عالنبي
بالـــطافه نتـــوسّــل...صلّو عالنبي
غـــیـره ولا نــــقــبل...صلّو عالنبي

فــرحـــتنه شیـــعیه...صلّو عالنبي
فـــــرحه ولائـــــــیه...صلّو عالنبي
بأســم النـــبي هــیه...صلّو عالنبي
مــا نـخـــلف الــــنیه...صلّو عالنبي

بأســم النـــبي و آلـه...صلّو عالنبي
هالـــصـوت یتـــعاله...صلّو عالنبي
کل مــحب هـــنیـاله...صلّو عالنبي
آل الـــنــبــي والــــه...صلّو عالنبي
ـــــــــــــــــــــــــــــــــــــــــــــ
کلمات خادم الرسول ص
عبدالامیرالناصري...المحمره

لَـمَّا رأيـتُ الـناسَ باسمِكَ تُنشِدُ
ولِـمـدحِ نُــورِكَ تَـسـتَعِدُّ وتَـحشدُ

حـارَت حروفي يا حبيبُ وحارَ بي
قـلـبٌ يَـقُـومُ مـن الـحنينِ ويَـقعدُ

قُـلـتُ الـحَبيبُ مُـحَمَّدٌ, فَـأَجابَنِي
صَـوتِـي, ورَدَّدَ: والـطـبيبُ مُـحَمَّدُ

وبَـدَأتُ أنـسِجُ مِـن سَنَاكَ قصيدةً
صَلَواتُها شَجَنِي وقلبي المسجدُ

أنـا نَـجلُ حَـسَّانَ الـذي بـكَ نـالَهُ
شَـرَفُ الـمَديحِ وفَـضلُهُ الـمُتجدّدُ

وأنـا فَتَى الأَنصارِ مَن نَصَرُوكَ في
زَمــنٍ مِــن الـخُـذلانِ كـان يُـعَربدُ

مَـنَـحُـوكَ أفــئـدةً تَـــرِقُّ وأعـيُـنـاً
مِـن فَرطِ خَشيَتِها تَسِيلُ وتَسهَدُ

وبـكَ اهـتَدَوا لِـلحقِّ بَعدَ ضَيَاعِهِم
ورَمَـــوا بـكُـلِّ ضَـلالـةٍ وتَـشَـهَّدُوا

يـا خَـيرَ خَلقِ اللهِ جئتُكَ في يَدِي
قَـلـبٌ وقـافـيةٌ تَـضـيقُ بـهـا الـيَدُ

فَـأَعِـرْ لِـقافيتِي وقـلبي مَـسمَعًا
واشـفَـعْ لِـمَـن بـهـما أَتـاكَ يُـرَدِّدُ

إنــي أُحـبـكَ يــا رسُــولَ الله يــا
مَــن حُـبُّـهُ فـي الـقلبِ لا يَـتَبَدَّدُ

مـاذا يُـضَيفُ عـلى المَحَبَّةِ شاعرٌ
دَمُــــهُ قـصـائِـدُهُ الــتـي تَـتَـنـهَّدُ

وإذا شَـهِدتُ فَـمَا تَكونُ شهادتي
واللهُ يَـشـهدُ والـملائكُ تَـشهدُ؟!

صـلى عـليكَ اللهُ مـا نَـطَقُوا, وما
كَـتَـبُوا, ومــا نَـضَـحَت بـنُورٍ أَبـجَدُ
صديق اليوسفي

https://youtu.be/G_UZShORMhw?si=KSCgEU3JHFi--Imq

القناة الرسمیةللشاعر الحسیني عبدالامیرالناصري pinned «قصیدة:اللّه أیعودکم ــــــــــــــــــــــــــــــــــــــــــــــــــ اللّه أیعودکم یأهل الحمیه یل شهرین واسیتو الزچیه شکراً من الحسین الکـــم یالمــوالـین یل شهرین واسیتو الزچیه ـــــــــــــــــــــــــــــــــــــــــــــــــــ یلّي عفــتو الدنــیا شهــرین…»

صبراً صبرا...
في حق شهادت الامام الرضا ع
ـــــــــــــــــــــــــــــــــــــــــــــ
یامسموم یامسموم..صبراً لحزانک
یامسموم یامسموم..تلهب نیرانک
صبراً صبرا....یبن الزهرا
ــــــــــــــــــــــــــــــــــــــــــــ
یاشهید الضامی گلبک تنزف ایامک دمه
انته سیف السم دنالک ذابحک سیف الضمه
یاقتیل الغربه والهم ناحت اعلیک السمه
یالرضا تبچی اعله حالک عین امک فاطمه

تبچی ادموم تبچی ادموم..امک یم راسک
یامسموم یا مسموم..خلصت انفاسک
صبراً صبرا....یبن الزهرا
ــــــــــــــــــــــــــــــــــــــــــــ
یا شباها البیک اشوفن کل جرح منک سجن
چبدک و غربة سنینک کلها های امن الحزن
انته وحدک والمصیبه یالرضا و دمع الجفن
کل أثر ونه ابدلیلک چنها طفله من تون

صار ایحوم صار ایحوم..یمک چتٌالک
یامسموم یامسموم..بالغربه أشحالک
صبراً صبرا....یبن الزهرا
ــــــــــــــــــــــــــــــــــــــــــــ
غربت اوطانک عجیبه وصارت احزانک خیم
یاعجب سم الشربته صار بحشائک سهم
ما الک عباس یفزع حتی یرفعلک علم
و لا الک بالخیمه زینب تندعي و عدها ألم

ریت اتگوم ریت اتگوم..تنکت آلامک
یامسموم یامسموم..صابتنی أسهامک
صبراً صبرا....یبن الزهرا
ــــــــــــــــــــــــــــــــــــــــــــ
یالرضیت السم یذبحک سیّدي ابسیف الغدر
ما صعد شمر اعله صدرک وانسحگ منک صدر
خنصر ایدک بعده عندک والجسم ما بي کسر
ولا طحت عالغبره عاری و ما الک في و ستر

مو مهشوم مو مهشوم..صدرک یالغالي
یامسموم یامسموم..خل نوحک عالي
صبراً صبرا....یبن الزهرا
ــــــــــــــــــــــــــــــــــــــــــــ
چبدک الینزف جروحک یالرضا ابدار الغرب
ما سبالک حرمه یمک تنسبي و تنطگ غصب
ما شفت محنة بناتک حایره ابطول الدرب
و لا شفت موتت رضیعک دمه من نحره یصب

یامظلوم یامظلوم...خل تهمل عینک
یامسموم یامسموم..لمصاب احسینک
صبراً صبرا....یبن الزهرا
ــــــــــــــــــــــــــــــــــــــــــــ
کلمات خادم الحسین ع
عبدالامیرالناصري ...المحمره

قصیدة: مهلاً یاموت
ــــــــــــــــــــــــــــــــــــــــــــ
ـــــــــــــــــــــــــــــــــــــــــــ
مهلاً یاموت..لا تاخذ مـني الـغالي
مهلاً یاموت..وتموت الدنیا اگبالي

آنه الزهره..آنه الزهره
مهلاً یاموت..رفقاً..مهلاً یاموت
ـــــــــــــــــــــــــــــــــــــــــــ
رمش عینی حبل وأمچتف ادموعی
وحکایات الحزن مصدرها موضوعی
اذا مات النبي ما تـسلم اضلوعی
وقنادیل المصایب ترجم اشموعی

لو مات الچان ابجـسمی روح
آنه اصبح بعده کلّی اجروح
خلیني ابحال العـندی و روح

بیت الاحزان..یتـحوّل رایـح بیتي
بیت الاحزان..راح ایصیر احسینیتي

بیت العبره...بیت العبره
عوف التابوت..عذراً..مهلاً یاموت
ـــــــــــــــــــــــــــــــــــــــــــــــ
اذا عین النبي ابحجر الامامه اتنام
نـوایح دنیتي اعـلیه تشد احزام
ابد مو دنیا حلوه دنـیة الأیتام
محـمد والدي و ما بـیه عالآلام

التفگد والي و ما عدها اخوان
یـم أزغـر واحـد هـم تنـهان
عیـني راح اتشـوف النـیران

عیني اعله الباب..خایف گلبي امن اصوابي
عیني اعله الباب..یعصرني اگبال أحبابي

ابصدري العصره..ابصدري العصره
خل یعله الصوت..جهراً..مهلاً یاموت
ـــــــــــــــــــــــــــــــــــــــــــــــ
یریت ابعمري اگدر اشتري عمره
ولا تشبع دمع بعیوني العبـره
أنا زهـرة محـمد سـید الـعتره
اذا مسها الجذع تتألم الزهـره

الما متـعوده اتحن ویه الشوگ
اشلون أیـضمها باب المحـروگ
جمر الباب ابجـدمي مسـحوگ

ریحة دخان...ضلیت أشتم بثیابي
ریحة دخان...من نار التحرگ بابي

نار و جمره...نار وجمره
صبري منعوت..فضلاً..مهلاً یاموت
ـــــــــــــــــــــــــــــــــــــــــــــــ
نـوایه الـدنیا کـلها تنگلب ضدنه
و سهام اهل السقـیفه توصل الحدنه
أبمُـلکنه اتـطالب الـناس و تناشـدنه
و یطگ خدي الي حاسب روحه من عدنه

یعـرفني و یعـصر گام الباب
صدري ابسمار الـحار انصاب
یسمعني و ما رد لیه أجواب

آه امن النار...حرگت گـلبي ابآلامي
آه امن النار...محسن طایح جدّامي

هشموا صدره...هشموا صدره
محسن لیموت...ظلماً..مهلاً یاموت
ـــــــــــــــــــــــــــــــــــــــــــــــ
دمعتي و دمي طفّن جمرتي وناري
و بقـایه امن الـحزن بالعتبـه آثـاري
الذبحني المرتضي یتچتّف ابداري
ابحمایل سیفه حیدر شفته بکتاري

زینب ما تعرف شنهو الصار
و عـلیمن شبت بینه النار
ما تـطفـیها و ایدیها أزغـار

زینب لتنوح...ضلت ترکض مرعوبه
زینب لتنوح...تطـفي ابنار الملهوبه

تبچي الحره...تبچي الحره
صاحت بسکوت..صبراً..مهلاً یاموت
ـــــــــــــــــــــــــــــــــــــــــــــــ
علیه امن المئآسي اعیون مشبوحه
و احس اعیون گلبي اتنام مجروحه
نظرتي اعله الجرالي نظرة مذبوحه
أشیرید ابروحه ذاک العذّبوا روحه

ما چنّي الزهره و ام احسـین
أحمر خدي و دم تهمي العین
مـهلاً یـامـوت و صبرک ویـن

ریتک یاموت...تاخذ روحي و ترحمني
ریتک یاموت...بجـروحي لتـألمنـي

لوبس نظره...لوبس نظره
عني لتـفوت...وعداً..مهلاً یاموت
ـــــــــــــــــــــــــــــــــــــــــــــــ

کلمات خادم الحسین ع
عبدالامیرالناصري...المحمره

یاوالدي..
ـــــــــــــــــــــــــــــــــــــــــــــــ
یاوالدي...مو سـهل نزف الدمع
یاوالدي...راح اودعک و انفجع
یاوالدي...ینـکـسر  مـني  ضلع

یاوالــــدي الوداع
ــــــــــــــــــــــــــــــــــــــــــــــ
فارگـتني  اویه  اللیالي
حالي حال المـاله والي
بویه صوت اللیل عالي
غیر دمـعاتي أشـبقالي

أیٌامي..ظلمه من دونک
أحلامي..رادت اعیونک
آلامــي...لا   یـبعدونک

یاوالدي...أبلا هوه اتموت النفس
یاوالدي...ظلمه بعیـوني الشمس
یاوالدي...گـلبي مشـتاگ  الأمس

یاوالــــدي الوداع
ــــــــــــــــــــــــــــــــــــــــــــــ
عوّدتني  ابکـل  حنانک
أتگلّي یا بویه أبلـسانک
هسه ضل خالي مکانک
گلبی مشتـاق   الأمانک

دلّیني...اشلون اجي یمک
حاچیني..هـمّي  من همّک
یاعیني..دمعتي  اتلچـمک

یاوالدي...یا گلب  یترک  گلب
یاوالدي...صفنة الخایف صعب
یاوالدي...لو  عـفتـني  أنضـرب

یاوالــــدي الوداع
ــــــــــــــــــــــــــــــــــــــــــــــ
بیتي صایر وحشه لیّه
انـظر   الـباب   ابـأذیه
بویه  لو  هجموا  علیه
ینـکسر  ضـلع   الزچیه

ملتـهبه...نـاري  تبـرالي
بالعتبه... محسن اگبالي
متخضبه..آنه و أطفالي

یاوالدي...أبني رایح یختنگ
یاوالدي...أبني رایح یحتـرگ
یاوالدي...أبني رایح ینسحگ

یاوالــــدي الوداع
ــــــــــــــــــــــــــــــــــــــــــــــ
یـصـعب   اگبال   الأودهـم
راح  امـوتن  و  آنه  عدهـم
خایـفه   اعلیـهم    وحدهم
تبقیٰ بس دمعه اعله خدهم

بچفوفي..جمره من جذعي
یا خوفي..لو صحت ضلعي
و أبشـوفي..یحترگ  دمعي

یاوالدي...زینب أتطفي الجمر
یاوالدي...و هیه ما عدها عمر
یاوالدي...أمنین اجیـبلها صبر

یاوالــــدي الوداع
ــــــــــــــــــــــــــــــــــــــــــــــ
زینـب التحرگها  ناري
هیّه   تتورّث  خمـاري
الخیمه تلهب بالبراري
مثل ما حرگولي داري

آهاتي...بس  علیٰ زینب
حسراتي..بالغرب تنسب
جمراتي..بالخـیم  تلـهب

یاوالدي...زیـنب   أبـلا   فاطـمه
یاوالدي...و لا علي حامي الحمه
یاوالدي...تمشي  بدروب  الضمه

یاوالــــدي الوداع
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره

یا أبا الحسن، يا علي بن موسى، أيها الرضا، يا بن رسول الله، يا حجة الله على خلقه ، يا سيدنا ومولانا ، انا توجهنا واستشفعنا وتوسلنا بك إلى الله، وقدمناك بين يدي حاجاتنا، يا وجيها عند الله، اشفع لنا عند الله،

أعظم اللّه أجورنا وأجورکم🏴

قصیدة:اللّه أیعودکم
ــــــــــــــــــــــــــــــــــــــــــــــــــ
اللّه أیعودکم یأهل الحمیه
یل شهرین واسیتو الزچیه

شکراً من الحسین
الکـــم یالمــوالـین
یل شهرین واسیتو الزچیه
ـــــــــــــــــــــــــــــــــــــــــــــــــــ
یلّي عفــتو الدنــیا شهــرین ابأهـلها
اللّه کــون أیعــودکم للــخدمه کـلها
الخـدمه نعمه و ما تصح نعمه مثلها
و ألي یخدم عنده حظ الیوصل ألها

ما یحـصل فرق بین الخدامه
أتصب الچاي لو تلبس عمامه

رد الدیــن بالدیـن
الکـــم یالمــوالـین
یل شهرین واسیتو الزچیه
ـــــــــــــــــــــــــــــــــــــــــــــــــــ
یلّي عدکم بالمـجالس أحـله مـوقف
یالخـدم ما قصّـریتو أحسین یعرف
عنـده باچر للـخـدم موقـف مُـشرّف
مثل ما وگفـیتو یوگـف عنکم أیعف

لا تستزغر الیکنسله مجلس
باچر یم ابو السجاد یجلس

فـوز و قـرة العـین
الکـــم یالمــوالـین
یل شهرین واسیتو الزچیه
ـــــــــــــــــــــــــــــــــــــــــــــــــــ
الخدمه مو بس شاعر و رادود شـهره
و لا فــلان و لا فــلان الــجاي یــقــره
أحسین حتی الیغسل أصحونه ینظره
ما تصوره الناس بس حسین أیـصوره

وایــد نــاس تـخدم منــها للّه
محد یعرف أسمه ویاهو باللّه

یلـزمهـن هـالأیـدین
الکـــم یالمــــوالـین
یل شهرین واسیتو الزچیه
ـــــــــــــــــــــــــــــــــــــــــــــــــــ
یل نـطــیت أمـوالـک و مـتّـاني ردها
لا تشـک أضــعاف تـرجعــلک بعــدها
التــجاره اویـه الحــسین اللّه یـودها
الزهره حتی الدمعه من تنزل تصدها

لاتسـتقرب ابیــوم القـیامه
هالخادم یفوز ابحب أمامه

ابجنّه و حور من عین
الکـــم یــالـمــوالـــین
یل شهرین واسیتو الزچیه
ـــــــــــــــــــــــــــــــــــــــــــــــــــ
الله لا یحرمنا من هــاي الخــدامه
کــون مو شــهرین نخــدم للـقیامه
أحسـین خلّه الخادمه هاي الکرامه
الدنـیا کلها أتگــوم حبٓـاً بأحتــرامه

لو ما هالمجـالس والمئآتم
محد یحترم چلمة الخادم

هالخدمه امن الحسین
الـکـــم یالـــمــوالـــین
یل شهرین واسیتو الزچیه
ـــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره

قصیدة:فگدناک
ــــــــــــــــــــــــــــــــــــــــــــــ
فگدناک ابزمن مابیه محنّه
نعاتبمن والـموادع جـرحنه
ــــــــــــــــــــــــــــــــــــــــــــــ
ابحچینه الدمعه تعرض لو نرید اکثر نعاتب
عله الدنیا السلام و انته عنها اللیله غایب
اذا جفنـک تسدّه ینـفتح باب المـصایب
نعیش ابدنیه سوده وتکثر اعلینه العجایب

اشکثر من آهک اعله الدنیا صحنه
نعــاتبمن والـمــوادع جـرحــنه
ــــــــــــــــــــــــــــــــــــــــــــــ
بلا ماي الأرض صحره و تشح بیها الضمایر
بلا نور السمه ظلمه و تضل عمیه النواظر
بلا صوت الجهل یکبر تضل خرسه المنابر
بلا راي الگلب یخسر وجوده امن المشاعر

مثل طیح الدمع عالوجنه طحنه
نعاتبمن والـمــوادع جـرحنه
ــــــــــــــــــــــــــــــــــــــــــــــ
یمن نعشک حمل أطهر جسم فوگ الوطیه
و للآخــرةُ خیــرٌ لــکَ مــن هــالدنــیّه
رحیلک ترجم الموت ابعباراته الشجیه
نشوفک رحمة الله و ضیّعـتّک هالبریه

بلا رحمه الهضم دایم یلحنه
نعاتبمن والـموادع جـرحنه
ــــــــــــــــــــــــــــــــــــــــــــــ
ألم فگدک شعل نار المصیبه ابنص گلبنه
بچـیناک و عله الدنیا تخاصمنه وعتبنه
فگدناک ابزمن نحتاج الک تضوي دربنه
ویجي غیرک یدلّیـنه ابد لا ما حسبنه

ندوّر عالضوه ابلهفتنه رحنه
نعاتبمن والـموادع جـرحنه
ــــــــــــــــــــــــــــــــــــــــــــــ
یضل یومک عظیم وحزنک ابسود الملابس
عله امصابک ابد ما یکفي کل نوح المجالس
عرفناک أنته من عدنه و صرت للدمعه واهس
دمه نبچي علیک و بالدمع لجلک ننافس

وداعک سیف و بالفرگه ذبحنه
نعـاتبمــن والـمــوادع جـرحنه
ــــــــــــــــــــــــــــــــــــــــــــــ
کلمات خادم الحسین ع
عبدالامیرالامیرالناصري

قصیدة :الی اللّه
ـــــــــــــــــــــــــــــــــــــــــــــــــ
عِله الآه عِله الآه ساعــة المـنیه
الی الله الی الله راح ابوالزچیه
ــــــــــــــــــــــــــــــــــــــــــــــــ
سـالت ادمـوع الارض ویه الـسمه
یــوم غمّض عــینه والــد فاطــمه
صــارت الدنــیـا ابغــیابه مظــلمه
بالـحزن والنوح ضل حامي الحمه

فگدناه فگدناه سیدالبــــریه
الی الله الی الله راح ابوالزچیه
ــــــــــــــــــــــــــــــــــــــــــــــــ
لبســت اثــیاب الحـزن کل عترته
و حـیل کسـرت بأهل بیته روحته
فاطــمه تبــچي و تـحن الفــرگته
أتیــتّمت بعــد الحبـیب و غـیـبته

رزایــاه رزایــاه طافت الرزیه
الی الله الی الله راح ابوالزچیه
ــــــــــــــــــــــــــــــــــــــــــــــــ
من بــعد دفن الرســول ابکل علن
وجّــت ابـدار الـوحـي نــار الفـتن
حـرگوا الــدار أعله اهــلها بالمحن
وما رعوا حرمة علي و ام الحسن

لگیــناه لگــیناه دمعتـه جریه
الی الله الی الله راح ابوالزچیه
ــــــــــــــــــــــــــــــــــــــــــــــــ
من هجــسها فاطـمه خلف الجذع
گــام یــدفـعــها و تعــمّد بالــدفـع
اشلون باب اعله الصدر من تنطبع
لایه شک بالعصره تکسر چم ضلع

اویـلاه اویـلاه فاطمه ابأذیه
الی الله الی الله راح ابوالزچیه
ــــــــــــــــــــــــــــــــــــــــــــــــ
ریـت حاضــر ینــظر ابعینه النبي
اشلون یسطر خد بضعته الأجنبي
العین حـمره وعالأرض تحبي حبي
اتصـیح لحـگلـي یلـیث الــطالــبي

علي اهناه علي اهناه لزمته الوصیه
الی الله الی الله راح ابوالزچیه

ــــــــــــــــــــــــــــــــــــــــــــــــ
کلمات خادم الحسین ع
عبدالأمیرالناصري

قصیدة:‌شکرناکم
ــــــــــــــــــــــــــــــــــــــ
من صحن الرضا أنقدم تحیّه
الشـعب العـراق أهل الحمیّه

أهـل غـیـره عرفناکم
عله الخدمه شکرناکم
أنقدم تحیّه
ـــــــــــــــــــــــــــــــــــــــــــــــ
نشـهد اسوایتکم أکبر من عمل
دوله وحده و رحّبت کل الدول
افرشتو گاع الوطن سفره للوصل
خیــر مقدم خیــر منـزل للــنزل

شکراً عالضیافه البین ایدیکم
مـا قــصّرتو ویـه الیعتــنیکم

أهــل نعــمه عرفـناکم
عله الخدمه شکرناکم
أنقدم تحیّه
ـــــــــــــــــــــــــــــــــــــــــــــــ
یل فتحتو ابیوتکم طول الدرب
احنه نفـتح الکـم ابواب الـگلب
یل تحدّیتو الصعب یوم الصعب
الـیطـب اعلـیکم أبـّیـته یـطب

غیــر الیا هلـه لا ما سمـعنه
حسین اویاکم ابخیمه جمعنه

تحییــونه سمـعناکم
عله الخدمه شکرناکم
أنقدم تحیّه
ـــــــــــــــــــــــــــــــــــــــــــــــ
یا بلـد یشــبه بلـدکم یا بلـد
امضیفه شایل بالملایین العدد
حسین واحد وانتو صرتوله سند
والزیــاره تشـهد ابـهذه الـوعد

طعم الخدمه فوگ اللسن باقي
أحلی امن العسل چاي العراقي

ابمجالسـنه ذکـرناکم
عله الخدمه شکرناکم
أنقدم تحیّه
ـــــــــــــــــــــــــــــــــــــــــــــــ
الله لا یحرمنه شوفت کربله
و کل سنه مشایه نتعنه أله
عـدکم ابأیـران أکبـر منزله
الزایر ابأسم الرضا نستقبله

خـدّام الرضـا بیـکم تـرحّب
عدنه بالصحن للیجي موکب

عـله الهـامه رفعناکم
عله الخدمه شکرناکم
أنقدم تحیّه
ـــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري

من الداعين لكم من تحت قبة سيد الشهداء عليه السلام
صل الله عليك يا ابا عبدالله🚩
‎السَّلام عَلَى الحُسَيْن،
‎وَعَلَى عَليِّ بْنِ الحُسَيْنِ،
‎وَعَلَى أوْلادِ الحُسَيْنِ،
‎وَعَلَى أصْحابِ الحُسَين