قناة درب الحسین ضمان

نعي للاب
~•~•~•~•~•~•~•
مريت بالدار وشفتها
دخلت وعساني مدخلتها
كعدت اهلنه اتذكرتها
وذيج الازلام الضيعتها

<¤><¤><¤><¤><¤><¤>
انه بدار ابوي اليوم مريت
جرني الجدم كوه وتعنيت
دخلت ولكيته خالي البيت

<¤><¤><¤><¤><¤><¤>
فارغ لكيت البيت واضلم
ذاك الي جنه بيه نلتم
شعجب مامر علي سلم

<¤><¤><¤><¤><¤><¤>
كلش اشتاكيت لسلامه
ولذيج ضحكاته وكلامه
خلانه اخلافه يتامه

<¤><¤><¤><¤><¤><¤>
انه بجيت ودخلت لغرفته
ولكيت ساعاته وسبحته
وبذاك المسامر عتبته
بويه شلون الحنين يعوف بته

<¤><¤><¤><¤><¤><¤>
يعوف بته شلون الحنين
ويترك افراشه ويغفى عالطين
كافي منام الكاع مو زين

<¤><¤><¤><¤><¤><¤>
شلك يبويه بنوم الاغبار
نفسك عزيزه والرمل حاار
نوم التراب يغير اغيار

<¤><¤><¤><¤><¤><¤>
هذا الثره بيكم شسوه
خرب معانيكم الحلوه
يهل الشيم يهل المرؤه

<¤><¤><¤><¤><¤><¤>
الشاعره حزن النوارس

نعي للاب
••✦•৩﴾💔﴿৩•✦••
بويه الابو عازاته عازات
بجــاله بناته معززات
اخلاف عينه اهنه ذليلات
••✦•৩﴾💔﴿৩•✦••
يذلن بناته من يشيل
بجاله عليهن محد يعيل
وبفركتك دنيانه تميل
••✦•৩﴾💔﴿৩•✦••
مالت الدنيه ويانه بجفاك
اخذنه كلنه يبويه وياك
جارت علينه الدنيه بعدك
••✦•৩﴾💔﴿৩•✦••
بعدك يبويه اتجور الايام
وايامنه يا سود الايام
محتام الكلب يا بويه محتام
••✦•৩﴾💔﴿৩•✦••
احتاميت للكعده يوالي
من نكعد سوه انه وجهالي
صبح يا بيت الولي خالي
••✦•৩﴾💔﴿৩•✦••
خاليه الديران منهم
وما تسوه ابد اخلافهم
جاوين تلكه الشــال منهم
••✦•৩﴾💔﴿৩•✦••
شالو اعزاز الروح لبعيد
ولفراكهم يا ناري اتزيد
ماريد العمر بلياهم ما اريد
••✦•৩﴾💔﴿৩•✦••
┊  ┊  ┊  ┊
┊  ┊  ┊  ⚫️
┊  ┊  🖤
┊  ⚫️
🖤
℘(✍)⇣✿ ℘الشــاعرة 🌹🕊
خـادمـۂ الــزهـرا۽ ام زهـراء الڪعبـي
••✦•৩﴾💔﴿৩•✦••

#قصيده موشح للزهراء ع


جينه ننشد بت نبينه وينها
ابليله ظلمه گالو امشيعينها
  ❉ ❉ ❉ ❉ ❉ ❉ ❉ ❉ ❉
ابليله ظلمه شيعوها يا وسف
للبقيع المرتضى  بيها انعطف
اَللهُ اَكْبَر حيدره ابحرگه هتف
ام حسن وسفه تغمض عينها

✍ #ام عدنان سياحي
❉ ❉ ❉ ❉ ❉ ❉ ❉ ❉ ❉
ام حسن ياحيف تنلف بجفن
وبالتراب الحار وسفه تندفن
يحجي والدمعات من عنده جرن
راحت بعمر الورود سنينها 

✍ #ام علي البابلي
❉ ❉ ❉ ❉ ❉ ❉ ❉ ❉ ❉
بالبقيع اليوم كالو تندفن
اه واويلاه لمصاب ام حسن
شيعوها بنوح  وباه وحزن
اليوم زينب ويلي  الله  يعينها

✍ #ام زينب الساعدي
❉ ❉ ❉ ❉ ❉ ❉ ❉ ❉ ❉
جينه  ننشد وين طاحت فاطمه
الضلع مكسور   وايخر بلدمه
صاحت بصوت  وعلت بي  للسمه
ويمها بالتربان طاح اجنينها

✍️ #علويه ام فاضل
❉ ❉ ❉ ❉ ❉ ❉ ❉ ❉ ❉
وسفه ام حسين تمشي الطاهره
تمشي مكسورة ضلع وامرمره
ابد هذا الحال   مثله  ماجره
صوت نادى شفرق بيني وبينها

  ✍️ #ام حيدر العباديه
❉ ❉ ❉ ❉ ❉ ❉ ❉ ❉ ❉
شيعوها بليل فاطمة  البتول
والحسن وحسين  هالمدمع سيول
وزينب تودع نعش، امها وتگول
زغيره زينب يمه لتيتمينها

✍️ #ام وليد الموسوي
❉ ❉ ❉ ❉ ❉ ❉ ❉ ❉ ❉
الليله  ام حسين ويلي  اتشيعت
تبجي الحره     و  يم امها نعت
والحسن والحسين ليهم ودعت
  الليله يمها ينوح ضل حسينها

✍ #زهره الكناني
❉ ❉ ❉ ❉ ❉ ❉ ❉ ❉ ❉
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
16ربیع الثاني  1442هـــ🌙
لانجيز حذف الاسماء

•✮❈┈•↡🌺↡•┈❈✮•

قد يبعد الله عنك ما تحب ليشغلك بما يحب ففي أقدار الله حكمة ورحمة وألطاف خفية تستنير بها الحياة🌹
قال تعالى ﴿واللّٰه يعلم وأَنتُمْ لاتَعلمُون﴾


•✮❈┈•↡🌺↡•┈❈✮•

🔅كلام من ذهب

‏لا تطمح أن تكون أفضل من الأخرين
‏ أطمح أن تكون أفضل من نفسك سابقاً
‏فالعقول تصغر عندما تنشغل بالأخرين
‏وتكبر عندما تنشغل بذاتها.

قصيده بعنوان (( ما ضلت اوياي)) من مخيلتي القاصره لستشهاد سيدتي ومولاتي فاطمه الزهراء عليها السلام نسئل الله القبول..



راحت من وكت  ماضلت اوياي
مشتاگه  العطرهه  كلش  اهواي
امي  الليله    اريدنهه      تجيني
عذبني   الهجر   گطعني.  بهداي
*•──≪✿᯽✿≫──•*
شتاگيت الحنانج ولدفو ايديج
ولجلمه   ابنيتي.  ويا هلا   بيج
مثلج  وين  اكو  يالحلو  طاريج
لو  بيدي  ييمه  بروحي  اخليج

انه من اشتاگلج اشتم عباتج
يالمثلج    ابد  ماكو   بصفاتج
أعز    من   النفس يمه  غلاتج
الج كل لحضه يشتاگن بناتج

لاكن   هذا  أمر رب  البريه
تصبح دنيتي ظلمه  وخليه

عله    ام المحنه   تجري  عيناي
راحت من وكت ماضلت اوياي
*•──≪✿᯽✿≫──•*
اضل  اذكر   سوالفهه  وشقاهه
وسفه الموت من عندي خذاهه
تروح     الروح  يا يمه  عساهه
ولا يوم   الاشوف  امي  جفاهه

التفارگ امها تحس بروحها اتموت
تضل تنحب عليها ورايح الصوت
ونحلان  الجسد   والون . مبهوت
وبس الحزن  بعد لديارها  ايفوت

ردیلي    ييمه   ونشفي    دمعي
وجبري خاطري ورحميلي وضعي

ردي يالحنينه ومسحي مبجاي
راحت من وكت ما ضلت اوياي
*•──≪✿᯽✿≫──•*
ابد ما حسبت.  يمه.    تروحين
منتظره   بعد    ليه       ترجعين
بدون   ابنيتج   ماظن تگدرین
لون  شفتي  وضعها  رح  تبچین

الليالي بدموع من بعدج اكضيهه
صفت بنتج  وحيده  من  يباريهه
تدرين   الهجر   لزغيره      ياذيهه
هانت ياوسافه.   وهيج  عفتيهه

اخذي اسنين عمري ولا تعوفيني
فدوه تروحلچ یلزهره    اسنيني

يومج    يلزجيه    مرد    اجلاي
راحت من  وكت  ماضلت  اوياي
*•──≪✿᯽✿≫──•*
يومج   یالزجيه   منه    شذكر
سطرات الجفن  لو الدم  الطشر
لو ضربه متونج والظلع المکسر
لو وكعه المحسن ولوعه  المنظر

شفتج عالارض وبيدج اوليدج
تگلیله انتهض وتحركيه     بيدج
ع فراگ الولد اسود صبح عيدج
صح بعد طفل بس انتي اشبيدج


الله يعين كلمن تفگد اضناهه
ابد ما الومهه  لو زاد   مبجاهه

من اذكر مصابج ترجف اعضاي
راحت من وكت ماضلت اوياي
*•──≪✿᯽✿≫──•*
✍🏻بقلم خادمتكم وخادمه الحسين
((ع)) 
الشاعره غدير الباهلي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث




https://t.me/aazz09zz

نعی للزهراء(ع)



یاناس عازونی عله امی
ماتت ومنهاالظلع مدمی
ضلت اهموم الدنیه سهمی



ام المحنه شالت الیوم
البیت صبح رکنه مهدوم
حزنان الگلب وسودالاهدوم



ضاگ الخلگ والعین هلت
منه الحنینه الیوم شالت
من حملت ماادری اشگالت


وین احچی عگبهااهموم گلبی
عمت وبعدماشوف دربی
المن یاناس عیونی تربی


یابوی ودینی الگبرها
ضغیره ومااندل دربها
عافتنی وحدی انطاهاگلبها



وحشه صبح بیت الحنینه
بچینه اشگدبچینه وماتجینه
ابعازه ونریدالدلیلتنه



بچیت وبصدری العبرا
عله امی وظلعهاوکسرا
حزنان الگلب یاهوالیجبرا



اگعدواحط ایدی عله خدی
عله الچانت تگلی نامی ابسدی
عافتنی ومشت للظیم وحدی
علیهاعیونی یویعنی



تمت ابعون الله
خادمة الحسین الملایه ام داودالگرغولی
من مدینة معشور..الکورا

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن

بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ  صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فلة وفزاعية ( لفاطمة الزهراء ع ) 🌺
-------------------------------------------------------

يابوية رد بالوالدة
ما اگدر لفرگاها


اسمعني بوية ياعلي
رد الزجية الليلة الي
اخلافها المنزل خلي
لو مشت وين الگاها

لو مشت وين انشوفها
امي اشحلات اطيوفها
شلون ابگبرها انعوفها
و گلبي بحزن ينعاها

يا بوية ردلي بالنعش
كلبي على الزهرة انخمش
شلون للدار من ادش
يوحش ترا مبناها

وحشة المباني عالمشت
يا ريت وياها متت
اهروش گلبي اتگطعت
امي اريد اوياها

وياها  خذني  للگبر
ماريد اعيش بهالعمر
شمحلاته وياها السمر
اتوكلنا من يمناها

ماكو مثلها احنينة
وياج اگلها اخذينة
يحبيبة لتخلينة
يكتل تراهو اجفاها

-------------------------------------------------------
*تمت بقلم خادمة اهل البيت ع ✍آلــشــا؏ـرة  رغــد ام وسام  الفرطوسية *
ذمة عدم حذف الاسم وغير مبرئ الذمة كل من ياخذ من الكلام

نعي عندما خرجت الزهراء خلف الامام علي عليهما السلام كأني بها تقول

يحيدر ما تدير العين لية
محنية الظهر شوف الزچية
على الحسنين اتوچة بدية
اكض ظلعي واجر ونة خفية
انة ادري بيك مچتوف بوصية
====================
يصد لية عمر ويصيح رجعي
أُمر عبدة يطگني فوكَ ضلعي
اگوم وانچفي ويسيل دمعي
يكسر كل گلب يا ناس وضعي
===================
يطگني حيل كل طگة شتمني
علية لا انكسر گلبة ورحمني
يدفعونة الحسن وحسين عني
ولك كافي ترة طگك كتلني
===================

عندما ذهبت الزهراء لزيارة قبر النبي (ص)

يبوية باليتيمة الوادم اتروف
وتكسر كل گلب هالحال معروف
بس انة ولوني بنار وسيوف
ظلموني واجيت اشكيلك اتشوف
====================
اريد اگعد على گبرك يغالي
يبو القاسم يريت تشوف حالي
هاي انة العزيزة وهيچ تالي
يبوية كل صبر بجفاك مالي
====================
تلگاني بعد چم يوم اجيلك
واريد اگعد يبوية واشتكيلك
وراويك الضلع واكسر دليلك
اخذني ليك يا بوية دخيلك
====================
الم فگدك يبوية يوم ما هاد
ويفراكَ الابو للروح مراد
تضل للمگبرة يا رايح وراد
ملتني بكثر ما انوح العباد
===================

عند استشهاد الزهراء عليها السلام كاني باولادها يقولون
===================
يم گلب الحنين وحضن دافي
يالنمتي يمن نوم العوافي
نچلب بالنعش ونسير حافي
وحگچ ما جفن بالليل غافي
====================
نفز بالليل ماهي امنة الحنينة
يا يمة صعب فگدچ علينة
تنامين بگبر شيصير بينة
خلافچ يالزچية اتيتمينة
=======≠=====≠=====
زغار وما شبعنة بريحت امنة
بعد عيناچ چا ياهو اليلمنة
الزمن شيريد من عندچ حرمنة
بعدنا زغار بفراگچ لچمنة
==================

عندما قام الامام علي عليه السلام بتغسيل الزهراء عليها السلام

===================
صعب فگد العزيز وبي اذية
موقف يا خلكَ يصعب علية
شريچة روحي اغسلها بدية
شيصبرني بغيابچ يالزچية
===================
كسر گلبي يزهرة حيل وضعچ
گبالي امددة ويسيل دمعچ
ولمن صارت ايدي فوكَ ضلعچ
تونين من اجيسة گمت اسمعچ
===================
فجعتيني يزهرة وزاد وني
حگي من اون يالرحتي عني
كسر گلبي الضلع حيل وهضمني
عزيز الروح شال وراح مني
====================
ما ضلي صبر يا بعد عمري
وشچندوب اگل للروح اصبري
يالزهرة غيابچ كسر ضهري
حزين ابقى عليچ بطول عمري
======================

اسالكم الدعاء رائد الاسدي

🌷‏الأيام قد تعيد نفسها
🏵ولكنها لا تعيد ما أخذته منا
🌷أشياء ترحل ولا تعود
🏵وأشياء حتى لو عادت لم تكن مثلما كانت
🌷فلولا الامل لضاقت بنا الحياة
🏵ولولا نعمة النسيان
🌷 لما بدأنا حياة جديدة في كل يوم ...🌺🥀

❣🌹صباح الخير للناس الطيبين🌹❣

🏵🎋🏵🎋🏵☕🏵🎋🏵🎋🏵

الناشر احمد الفاطمي:
قصيده ثكيله حول الزهراء ع


وين الگاها وين الگاها   ظيعت أمي وين الگاها
أمشي وياها امشي وياها   ياريت اگدر امشي وياها

➖➖➖

ظيعت امي وشالت مني ماترجع ذيج الايام
وماترجع ياذيج ألمه  صارت تشبه للحلام

ماطبگ جفني ولاساعه   من يوم الراحت مانام
شلون انساها شلون شلون انساها

أمي الشالت ما أنساها
➖➖➖

هيهات اتعود ونتلاگه  امي الشالت لا متعود
وشيردهه النه ونرجع نگعد   ويرد ذاكه الوكت اردود
وتنزل احزاني ابشوفتهه   وعني تروح ايام السود
بعوز ارباها بعوز ارباها  راحت وبعوز انه ارباها
➖➖➖

ربتني وتعبت وتاذت   سهرت مانامت بليل
ياما ابحضن امي تربينه  والخاطرنه انهد الحيل
ماملت لاگالت ساعه  منهم مليت وياويل

كون وياها كون وياها   اكضي ايامي كون وياها

➖➖➖

اكضي ايامي وذيج العشرا   ونتسامر نكعد وياج
عندي همومي وين اشكيهه  وين اشكي الهم ابلياج
صعبه الشالت مني انساها   يايمه ويصعب فركاج
يافركاها يافركاها    جمره وتسعر يافركاها




➖➖➖
جمره ابكلبي ياافراك امي  ماتطفى واليوم اتهون
هيه الروح اشلون انساها   وهيه الكلبي اشكدتدرون
غالي ارباها ومن ربتني  ماكالت فديوم شلون
ماشفناها ماشفناها   ابليل الشالت ماشفناها

➖➖➖

ماشفناها وشالت منه  خلت بس ألون والنوح
ما يرتاح الفارك روحه  ينزف من كلبه المجروح
الفاكد أمه ليله اينامه   كلبه بيه حسره ومذبوح

الضيعناها  الضيعناها   خلت حسره الضيعناها
➖➖➖

بقلم خادمات الحسين الشاعره سحر ام كرار الساعدي
والشاعره العلويه ام جعفر
الناشره ام زينب خادمة المنبر الحسيني
ذمه عدم حذف الاسماء
نسال الله تعالى القبول والتوفيق وحسن الخات

⬛  *مقدمه مجلس..*  ⬛

🏴 *مولاتي فاطمه الزهراء (ع)* 🏴


◼️ *مقدمه استهلاليه*

صل الله عليك يا سيدي و يا مولاي يا رسول الله  و على آلِك المظلومين ..
صل الله عليك و على بضعتك الطاهره المظلومه فاطمه الزهراء
السلام على..
المغصوب حقها .. الممنوعة أرثِها .. المكسور ضلعها.. المغيّب قبرها....
السلام على المضطرةِ بين الحائط و الباب
روحي و أرواح العالمين لكِ الفداء...
يا رحمة الله الواسعه و يا بااب نجاة الأمه.. ما خاب و الله من تمسك بكم و أمن من لجىء اليكم سادتي..
يا ليتنا كنا معكم فنفوز و الله فوزاً عظيما ...


◼️ *القصيد أو القريض*

يـا  بـاب فـاطم لا طرقت بريبة 
ويـد الـهدى سـدلت عليك حجابا
أولـست أنـت بـكل آنٍ مهبط 
 الأمــلاك فـيـك تـقبِّلُ الأعـتابا
نـفسي فـداك أمـا عـلمت بفاطمٍ   
 وقـفت  وراكَ تُـناشِد الأصـحابا
أومـا رَقـِقْت لـضلعها لما انحنى     
 كـسرَاً  وعـنه تـزجُرُ الـخطابا
أفـهَل  درى المِسمار حين أصابها    
 مـن  قـبلها قـلب الـنبيِّ أصابا
عـتبي على الأعتاب اسقط محسنٌ   
 فـيها ومـا انهالت لذاك ترابا

◼️ *أبيات النعي... *

*أبوذيه*

دموعك يالمحب سلها
عله الماتت ونين اليل سلها
اذا تنسه المصاب الباب سلها
عن المحسن و عن ضلع الزجيه

يبويه ما حلالي العيش بسمار
يبويه ويوم فگدك علي بسمار
يبويه نبتوا بالصدر بسمار
واسقطوا محسن علوطية


هنا حال الزهراء سلام الله عليها وهي تناشد والدها رسول الله (ص)..

*نعي مجرد*

تصيح بصوت والدمعه جريه
يبويه گوم ما تلحگ عليه
تراني صبحت بعظم رزيه
ضلع مكسور و الونه خفيه
ومحسن سگط والحاله شجيه
علي يمي و يعاين عليه
حن أو بجه و گال شبديه
أبوج بصبر وصاني وصيه

*" لا حول ولا قوة ألا بالله العلي العظيم
وسيعلم الذين ظلموا آل محمدٍ أيَ منقلبٍ ينقلبون و العاقبةُ للمتقين "*


_-_-_-_-_-_-_-_-
*تمت بحمد الله تعالى*

  🖊️ *أعداد و تنظيم :*
*خادمة أهل البيت (ع)*
*" #أم_عباس "*
*نسألكم الدعاء لتعجيل الفرج*



https://t.me/aazz09zz

قصیده حق مولاتنا زهرا زینب(ع)




واویلي عل الزهره

یتمت زینب الحره

💔💔💔💔💔💔


صاحت لاتشیعوها واویلی عل زهره

روحی لاتشوغوها واویلی عل زهره

امی ویمي خلوها واویلی عل زهره

های الماتت بحسره واویلی عل زهره


💔💔💔💔💔

بعدنی بحاجة ارباها واویلی عل زهره

وماگدر ابلیاها واویلی عل زهره

اطب بلدار ملگاها واویلی عل زهره

گلبی شرایح يصبره واویلی عل زهره



💔💔💔💔💔
یتم وفراگ ماحمله واویلی عل زهره

یشال النعش خله واویلی عل زهره

وگلبی غیابه یشله واویلی عل زهر

بعدها اظیم الي یجره واویلی عل زهره

💔💔💔💔💔

بابچ‌لاتسدینه واویلی عل زهره

وحسینچ تعوفینه واویلی عل زهره

تیتم بآول اسنینه واویلی عل زهرا

رایح ینکسر کسره واویلی عل زهرا


💔💔💔💔💔

ماتنجبر کسرتنه واویلی عل زهره

عل راحت وعافتنه واویلی عل زهره

الموت ستعجل عل امنه واویلی عل زهره

ضیعنها هل دره واویلی عله زهره

💔💔💔💔💔💔


✍انتظار الریاحي

نعي بحق فقد الاحباب



سوالف من امس تلجم بالجروح
اذا   كلبي  يون   لحد   يلومه


صدك ما ينجرع يا طعم الفراك
والمفارك  عزيز  شلون  نومه


اذاني الوكت  باك  العزيزين
وحاربني شكثر من ذاك يومه


يحملون العزاز وعيني اتشوف
وسكنو بالمكابر اهل كومه


مو بيع وشره ونشريهم بساع
اليريده الموت ياخذ مايسومه


اتضل بس المحاجي واه تسبك اه
وحشه وبالكبر تخرب ارسومه


بقلم الشاعرة أم كرار الساعدي

غير مبري الذمه من يحذف اسم الشاعر


الشاعرة أم كرار الساعـدي
💫 💫خطيبة المنبر الحسيني🎤
🙏🙏 اللهم عجل
لوليك الفرج 🙏🙏
📓
🏴أنت المعزى سيدي يا صاحب الزمان ... عظم الله اجوركم💔

✍️..بذمته يحذف اسم .الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه

*واناهم*

حرت مدري اروح المــن *واناهم*
البـشر شايـــل فرح گلبه *واناهم*
مثـــل يعگــوب لوليــده *واناهم*
انعمت عيني وبعد ماشوف جيّه

*🖋ام حيدر النصاري*

*الخوّة*

الخوّه شالتها المَراجــل بالشدايــد عاصفه
الماعرف معنـه الأخوة مافهم شنهو الوفه
الخوّة بالدم والمحبة اتكـون منـبَع عاطفه
يسگيها الزين ابشريانه

*ام حيدر النصاري الكعبي*

عازات الاهل

عازات الاهل عــازات تـشدّ احزامك الخوّه
شيالت حمِل ياصاح وسيف ازماط للنخوّه
کلمن یلم شمل اعضاه یصبح للزلــم قـدوّه
والملعب يتباها ابزوده

ام حيدر النصاري الكعبي

(لو ردت تخـتار زلمه)

لو ردت تختــار زلمه جوهَـر اتنـــگه الثمين
حتى ابــوكت الكلايـف يبـقه شامخ مايلين
وليدوس اليل حافي ايصيرلك هوه اليمين
و بيـوم الهــد شايل سيفه
_

ام حيدر النصاري الكعبي

⚡هوسه اجتماعيه ⚡


ماتسوه العتـب دنيــاك شاعت بالظلم والجور
ويا ويله اليـلم بالمال وكل همه يجمع اقصور
مايفيــده حلاله ابيوم التنزله الزلم بيـن اگبور
الغرته الدنيه ايرد خالي
______


ام حيدر النصاري الكعبي

#نعي لفقد الأحباب:
------------

هنا يالمگــــبرة يالبيــج اهلنـه
بيج اعزازنه الكلهـم مــــحنــه
بيج الزين والصــــاحب دفنـه
بيــج النـام بـيه عـازه لكـبرنه


ايا درب النجف شمسوي بيـنه
بيك اجــــــم عـزيـز الدافنينه
بيك البـيه محنـه يحـن علينه
نامــو باللحـــــد وتـفـارگيــنه

اتانـيهـم بعـــد لــو ما يــردون
ما شبعانه منهم شوف العيون
ترا فگد الحبايب ما ظن يهون
اعزاز اشگد عليه بيه يـــدرون

فارگنـي العزيز ومگدر انسـاه
يحن گلبي لگعدته وذاك ملگاه
يا محله گعدته من اگعد ويـاه
يا وسفه وحسافه اتراب غطاه


هيبه العنــده اخو يا ناس هيـبه
وَنَه ابن امي دفنته امنين اجيبه
يا ناس الاخـو فگـده مـــصـيـبه
البيت الماله اهل وحشه تصـيبه


----------------
✍️حيدر عبدالله السعيدي

#فزاعيه مع هوسه

تون اعليج بنتج ليش عفتيها
شلتي بساع يمه ويتميتيها
~
يا جناز ها ريضلي انه اشویه
هاي امي العزيزه وكلها حنيه
واخلافج ييمه الروح محنيه
يلشايل نعشها ساعه خليها

*(واخلافج بنتج محزونه)*
~
اصيح ابصوت يايمه دحاجيني
من بعدج يا يمه من ايسليني
ودارج مظلمه يمه و ا تبجيني
بعد الدار يمه اشلون اطب ليها

*(والدار اگبالي اتبجيني)*
~
من بعدج ييمه دمعتي بخدي
تركتيني ييمه ليش انه الوحدي
يالشايل نعشه تريض وهدي
امي شلون اعيش انه بلايها

*(واليل اخلافج ماانامه)*
~
احن لرباج يمه الدللتيني
ماارهم بلا احضانج تدريني
شلي بالعمر لوغبتي عن عيني
شنو لذت حياتي بعد عيناها

.*(والروح من بعدج حزنانه)*
~
غبتي اليوم ضل خالي مجانج
انادي بصوت يمه ياحنانج
قسه وياج الدهر حيل وزمانج
وتراب الكبر غير معانيها

.*( و حزنانه وتون وحدها)*
~
تـ✍️ـمـ✍️ــت

✍ #علویه_ ام فاضل_

❌غیرمبری الذمه الیحذف الاسم او یغیره❌