Zafarbek Solijonov

Дўстлар, энди инстаграмда фаолиятни бошладик. Кенгайтирамиз. Бепул ҳуқуқий маслаҳатлар, ижтимоий-сиёсий масалаларда ўз фикрларимизни бериб боришни мақсад қилдик. Линк орқали ўтиб, комментларда қўлласангиз, обуна бўлсангиз, хурсанд бўлардим.

Линк👉 https://www.instagram.com/reel/DBbbVnSKEKm/?igsh=ZzV6aGdlaWNpYjdx

@Zafarbek_Solijonov

Яхши битта аноним канал топиб олдим. Жуда ишончли. Ҳаётингиздаги қайсидир қизиқ воқеани улашмоқчи бўлсез, канал айнан сиз учун. Ижтимоий тармоқда ёзган фикрларингизам шу каналда чиқиши мумкин.

Каналда бот ишга тушган. Ҳикоянгизни ўша ерда улашсангиз бўлади. Ҳеч ким сизни билмайди, танимайди. Лекин фикрларингиз тарқайди. Энди дардингиз ичингизда қолмасин. Яхши лойиҳа.

❗️Обуна бўлинг: @dardsuz

Сунъий интеллект бўйича мутахассисларни тайёрлаш дастурларини қабул қилишни қўллаб қувватлаймиз — ХДП

Халқ демократик партияси ўзининг сайловолди дастурида сунъий интеллект бўйича мутахассисларни тайёрлаш дастурларини қабул қилиш ҳамда ушбу соҳада ўқишни қўллаб қувватлашини эълон қилди.

Бундан ташқари, партия дастурида олий таълим муассасаларида ногиронлар ишлаш бўлимларини ташкил этиш, улар учун барча инфротузилмаларни яратиш, шу жумаладан, ўқув машғулотларига кар-соқов талабалар учун сунъий интеллектдан фойдланган ҳолда сурдо шарҳловчиларни жалб этиш масаласи ҳам қайд этилган.

Шунингдек, 1-синфга турли сабабларга кўра кеч борган болалар учун тезлаштирилган таълим ва давлат таълим стандартлари асосида имтиҳон ўтказган ҳолда, ўзининг ёшига мутаносиб юқори синфга ўтказиш тартибини жорий этиш партия мақсадларидан биридир.

#saylov2024

👉@Zafarbek_Solijonov

Мана шу масалада шаҳарда бир тоифа бор. Парковкаларга қараб, соққани олади. Чек бермайди. Ҳали қарасам йиғилволиб тоғда ва бошқа жойларда дам олган. Ҳатто "чёрный касса"гача қилиб олишган, ойига 500 доллардан. Зўр а? Жуда тўғри қарор, молодец ҳокимият.

👉 @Zafarbek_Solijonov

Тошкентда 14 мингга яқин автотураргоҳ қуриларкан. Шаҳар ҳокимлиги ҳужжатига кўра, пулли тўхташ жойлари 10 йил муддатга e-auksion орқали ижарага қўйиларкан. Парковка нархлари зонасига қараб, соатига 5 минг сўмдан 12 минг сўмгача бўларкан.

Бир-икки жойга машинамни қўйдим, қаердаги одамлар қараб тураркан шу парковкага. Йигирма минутам турмай қайтиб чиқиб икки минг сўм берсам соқовча ишоралар билан кам дейди, норози башарада. "Қани терминалинг, чек бероласанми" десам жим.

Шунақа пайт асаб ўйнарди. Давлатам, ҳукуматам, ҳокимлигам тўғри йўлда. Машинанг борми, парковкасигаям пулинг бўлсин. Парковка пули давлатга ёки уни аукционда сотиб олганларга тушса, чек беришса, шунда кўнглим ҳотиржам бўларкан. Яхшигина сумма йиғилади кунига. Тўғри қарор бўлибди.

👉 @Zafarbek_Solijonov

Темурийлар даврига оид муҳташам Қуръон мусъҳафи топилди

Темурийлар даврида яратилган муҳташам Қуръон мусъҳафи бош офиси Лондонда жойлашган Кристис ким ошди савдоси уйи ёрдамида топилди.

Тошкентда бўлиб ўтаётган халқаро маданий мерос ҳафталиги доирасида Француз тадқиқотлар миллий марказининг профессори Карим Ифракнинг таъкидлашича, ушбу қўлёзманинг тарихи XIV-XV асрларга бориб тақалади.

Унинг яратилиш тарихи ўзига хос рамзийликка эга, сабаби ундаги ҳар бир сўз олтин суви билан битилган. Китобнинг замонавий технологияларсиз, бундай усулда яратилгани унинг янада улуғвор ва бебаҳолигини таъминлайди.

Маълум қилишларича, ҳозирда Ислом цивилизацияси маркази ва Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти билан ҳамкорликда қўлёзманинг факсимиле нусхасини Ўзбекистонга қайтариш бўйича иш олиб борилмоқда.

👉 @Zafarbek_Solijonov

Бу йил сайловларда электрон овоз бериш ҳам йўлга қўйилади

27 октябрдаги Қонунчилик палатаси ва маҳаллий кенгашларга сайловлар янги технологиялар асосида ўтказилиши кўп айтиляпти. Тошкентда баъзи бир сайлов участкаларида электрон овоз бериш тизими жорий этиляпти.

Агар сиз электрон овоз беришни танласангиз, у қуйидаги тартибда амалга ошириларкан:

• Қурилма фаоллаштирилгандан сўнг, ўз тилингизни танлайсиз;
• Номзод ёки партияни танлаш учун керакли квадратни босасиз;
• Овоз бериш тугаши билан, экранда натижалар кўринади;
• Натижалардан қониқсангиз, қурилма принтери овоз бериш квитанциясини чоп этади;
• Квитанция қурилма қутисига туширилгандан кейин овоз тасдиқланади;
• Агар хатога йўл қўйсангиз, “бекор қилиш” тугмасини босасиз, тегишли ёзув босилган квитанция қутига туширилади.

Юқоридаги видеода янаям батафсил тушунтириш берилибди. Умуман олганда, жуда осон экан жараён.

#sаylоv24

👉 @Zafarbek_Solijonov

19 октябрь куни ўтказилган дебатда ЎзЛиДеПнинг Экопартия ва ХДП билан мунозаралари билан эсда қоларли бўлди.

Хусусан, аҳолини уй-жой билан таъминлашга оид саволга Либерал-демократик партияси вакили келгуси йилларда соҳага 15 млрд доллар маблағларни йўналтириш орқали 1 млн хонадонли уй-жойлар қурилишига алоҳида эътибор қаратилишини ҳамда «Ҳар бир оила ўз уйига эга бўлсин»деган мақсад партия учун устувор эканини таъкидлади.

Экологик партия эса энергия тежовчи арзон уй-жойлар қуришбўйича лойиҳаларни рағбатлантиришни таклиф қилаётган бўлса, ХДП «Ижтимоий турар жойлар тўғрисида»ги Қонунни қабул қилиш, унда уй-жойларни барпо этаётган қурилиш компаниялари ва тижорат банклари даромадидан мажбурий ажратмалар эвазига уй-жойга муҳтож фуқаролар учун махсус жамғармалар ташкил этишни таклиф қиляпти.

Юқорида айтилган ташаббуслар агар ростдан амалда жорий қилинса кўплаб аҳоли уй-жойли бўлиши мумкин.

Тан олиш керак, дебат учун долзарб мавзу танланган.

#saylov24

👉 @Zafarbek_Solijonov

Она тили — миллатнинг тарихий, маънавий-маданий қиёфасини ўзида ифодаловчи беқиёс бойликдир. Унинг софлигини сақлаш эса миллат қиёфасини, руҳининг покизалигини таъминлаш билан чамбарчас боғлиқ.  

Бугунги кун муносабати билан "Миллий тикланиш" партияси ажойиб видеоролик тайёрлабди. Барчамизга маълум, давлат тилига эътиборда бўлиш ва унинг софлигини асраш масалаларини тарғиб қилишда "Миллий тикланиш" партияси анча илғор. Ҳатто бу мавзуда сайловолди дастурида ҳам қатор вазифалар қайд этилган.

Давлат тилини ҳар доим ҳаммамиз ҳурмат қилишимиз керак.

Байрам муборак, азизлар!

#saylov24

👉 @Zafarbek_Solijonov

Иқтисодий ислоҳотларнинг ёрқин натижалари эътироф этилди

Халқаро ҳамкорлик ташаббуслари ҳафталиги доирасида “LT TEXTILE INTERNATIONAL” компаниясининг директори Ван Хун Ту Тошкентдаги иқтисодий ислоҳотлар ва уларнинг натижалари ҳақида ўз фикрларини билдириб ўтди.

Унинг таъкидлашича, 1992 йилда Тошкентга талабалик даврида келганида, яшаш билан боғлиқ кўплаб муаммолар бўлган. Виза, прописка, Хитойга бориб-келиш ва авиачипталар сотиб олиш жуда қийин эди. Бугунги кунда эса бу муаммоларнинг барчаси шунчаки тарихга айланган.

Ван Хун Ту мамлакатнинг иқтисодий муҳити ҳар томонлама яхшилангандан сўнг, Ўзбекистон яшаш ва бизнес қилиш учун анча жозибадор бўлганини таъкидлади. Унинг компанияси Андижон ва Сурхондарё вилоятларида заводлар очган, у ерда 5 мингдан ортиқ ишчи фаолият юритяпти. Умумий савдо айланмаси эса 30 миллион АҚШ долларидан ошар экан.

Ван Хун Ту Ўзбекистондаги ислоҳотларнинг самарали натижалари кўринарли эканини ва бу келажакдаги инвестициялар учун қулай муҳит яратишини таъкидлади.

👉 @Zafarbek_Solijonov

Сайлов яқин

Қонунчилик палатачи ва маҳаллий кенгашлар сайлови ўтказилишига ҳам 7 кун қолди. Ҳар бир партия аъзолари сайловга катта тайёргарлик кўришди. Ўзларини танитишди, ўз дастур ва лойиҳаларини қайд этишди. Буёғига овоз бериш қолди холос.

Эслатиб ўтаман, 16 октябрдан 23 октябргача сайловга олдиндан овоз бериш ўтказилмоқда.

Сайловларда овоз беришда фаол бўлинг!

#saylov24

👉 @Zafarbek_Solijonov

Келажагингизни ўзингиз танлайсиз!

Салкам бир ҳафтадан кейин, 27 октябрь куни Парламент сайлови бўлиб ўтади. Сайловларни ўтказиш учун 10717 та сайлов участкаси шай бўлиб турибди, улардан 56 таси 39 та давлатда.

Бу йилги сайловлардаги бюллетенлар батамом янги шаклда бўлади. Биринчи марта аралаш мажоритар-пропорционал тизим асосида ўтади сайлов. Муддатидан олдин овоз бериш эса аллақачон бошланди.

Мени қувонтиргани, сайлов замонавий технологиялар асосида ва янгича форматда бўляпти. Ўзбекистон тарихида илк бор айрим сайлов участкаларида электрон овоз бериш синовдан ўтказилади.

Синаб кўрилиши режалаштирилган электрон овоз бериш қурилмаларидан 37 та хорижий давлатда (АҚШ, Германия, Буюк Британия, Италия, Бразилия, Сингапур, Австралия ва ҳоказо) фойдаланилган бўлиб, шу кунгача 6,5 млрд дан ортиқ сайловчи шундай қурилмадан овоз берган.

Ўйлайманки, ҳар бир киши ўз овози билан келажакка таъсир қилоламан деб, фаоллик кўрсатиши керак. Агар фуқаролар сайловларда қатнашмаса, ўз келажагини бошқаларга бериб қўйган бўлади.

Келажагингиз учун масъулиятли бўлинг!

#saylov24

👉 @Zafarbek_Solijonov

Ўзбекистонда энергетика лойиҳалари жуда тез ривожланаётгани айтилди

Тошкентдаги “Халқаро ҳамкорлик ташаббуслари ҳафталиги”да энергетика соҳасидаги ислоҳотлар муҳокама қилинди. “Universal Energy Uzbekistan” компанияси директори Чжун Куннинг таъкидлашича, у Ўзбекистонда энергетика лойиҳаларининг жуда тез ривожланаётганини кўрган. Унга кўра, улар Самарқанд вилоятида қуввати 500 мегаватт бўлган янги “яшил” лойиҳани амалга оширмоқдалар.

“Юртингизда энергетика соҳасида эришилаётган ютуқларга Президентингиз томонидан биз инвесторлар ва хорижий компаниялар учун яратиб берилаётган имкониятлар сабаб деб ўйлайман. Нафақат мен, балки мулоқотда иштирок этаётган бошқа хорижлик мутахассислар ҳам ушбу ислоҳотларни жуда юқори баҳолаётганини кўриши мумкин”, — деб қўшимча қилган Чжун Кун.

👉 @Zafarbek_Solijonov