"Yosh Prokurorlar" klubi

🔰 Ҳар бир тонг – бу барчасини бошидан бошлаш учун янги имкониятдир, гарчи ўтган кун омадсиз келган бўлса ҳам.
—
Каждое утро – это новая возможность начать всё сначала, даже если прошлый день был неудачным.

Сенека

https://www.youtube.com/watch?v=zJv2oh-G0-U

🔰 Ассалому алейкум хурматли устозлар!

✅ Барчаларингизни 1 октябрь – Ўқитувчи ва мураббийлар куни билан табриклаймиз!

✅ Ким сизга ҳаётингиз давомида нимадир яхши нарса ўргатган бўлса, ўша одам сизга Устоз мақомида бўлади.

✅ Саводингиз чиқишидан тортиб ҳаётингизнинг пасту баланд йўлларида берилган панду насиҳатларгача - барчаси шунга тааллуқли.

♻️ Берган ўгитларингиз, қимматли вақтингиз, асабингиз, умрингизга - бизга сарфлаган барча нарсага рози бўлинг, азиз Устозим!

♻️ Aзиз Устозим, метин иродангиз, тоғдек сабрингиз, билим уммонидаги сабоғингиз доимо сарбаланд бўлсин!

♻️ Сиҳат-саломатлик, оилавий хотиржамлик, тинчлик ва фаровон ҳаёт ҳамиша ҳамроҳингиз бўлсин!

🔰Байрамингиз муборак бўлсин!!!

♻️ Давлат хавфсизлик хизмати ходимларини 26 сентябрь - Ўзбекистон Республикаси Давлат хавфсизлик хизмати органлари ходимлари куни билан самимий муборакбод этамиз.

🔰Академия магистратурасига табақалаштирилган тўлов-контракт асосида ўқишга қабул қилиш ҳақида эълон
 
✅ Академия магистратурасининг қуйидаги мутахассисликларига танловда иштирок этган номзодлар табақалаштирилган тўлов-контракт асосида ўқишга қабул қилиниши маълум қилинади.

✅ Ташқи номзодлар – “Прокурорлик фаолияти”,  “Коррупцияга қарши курашиш” ва “Инсон ҳуқуқларига оид халқаро ҳуқуқ” ҳамда “Прокурорлик фаолияти” сиртқи ва кечки мутахассисликлари бўйича;

✅ Ички номзодлар – “Прокурорлик фаолияти” (сиртқи) мутахассислиги бўйича.
Академия магистратурасида табақалаштирилган тўлов-контракт асосида ўқиш учун Академия қабул комиссиясига жорий йилнинг 10 октябрь кунига қадар Академиянинг [email protected] электрон почтасига ташқи номзодлар ариза, ички номзодлар эса ўз аризасига бевосита раҳбарининг тавсияномасини илова қилган ҳолда юбориши мумкин экани маълум қилинади.

✅ Барча номзодлар учун ариза намунаси.

✅ Ички номзодлар учун бевосита раҳбарининг тавсияномаси намунаси.

🔰🔰🔰 Ўзбекистон Республикаси Президентининг тегишли Фармонига асосан адлия катта маслаҳатчиси Адхамов Исроил Мирджамалович Ўзбекистон Республикаси Бош прокурорининг ўринбосари лавозимига тайинланди.

✅ Тайинловга қадар И.Адхамов Ўзбекистон Республикаси Президенти ҳузуридаги Ижтимоий ҳимоя миллий агентлиги директорининг маслаҳатчиси лавозимида ишлаган.

♻️ И.Адхамов прокуратура органларида турли масъул лавозимларда фаолият юритган.

🔰🔰🔰 Сузиб кетган пуллар ....

✅ Прокуратура органлари томонидан спортни ривожлантиришга қаратилган қонунлар ижроси юзасидан тизимли назорат тадбирлари ўтказиб келинмоқда.

✅ Хусусан, Ўзбекистон сузиш федерацияси мансабдор шахслари томонидан сузиш спорти учун ажратилган маблағлар ҳисобидан терма жамоа аъзоси бўлмаган, аслида Федерация Бош котиби А.Г.нинг оила аъзолари бўлган Н.Г., М.Г ва бошқа жами 15 нафар фуқароларни Туркия давлатига дам олишга юборилиб, 405 млн. сўм маблағ талон-торож қилинган.

✅ Шунингдек, амалда ўтилмаган ўқув - машғулот йиғинлар учун сохта буйруқлар асосида 458 млн. сўм маблағлар ўзлаштирилган.

✅ Бундан ташқари, Федерацияга халқаро мусобақа ва ўқув машғулотлари ўтказиш учун ҳомийлар томонидан ажратилган 1,2 млрд. сўм маблағлар мақсадсиз сарфланиб, талон-торож қилинган.

♻️ “Камбағалликни қисқартириш ва аҳолини ижтимоий ҳимоя қилиш соҳасидаги қонунчиликка риоя этилиши ва унинг ижроси устидан назоратни кучайтириш чора-тадбирлари тўғрисида”ги Президент Фармони (ПФ-136-сон, 11.09.2024 й.) қабул қилинди

🔰Фармонга кўра:

🌀Камбағалликни қисқартириш ва аҳолини ижтимоий ҳимоя қилиш соҳасидаги қонунчиликка риоя этилиши ва унинг ижроси устидан назоратга масъул бўлган Бош прокурор ўринбосари лавозими киритилади;

♻️ Бош прокуратуранинг ташкилий-штат тузилмасида 7 та штат бирлигидан иборат Камбағалликни қисқартириш ва аҳолини ижтимоий ҳимоя қилиш соҳасида қонунчилик устидан назорат бошқармаси ташкил этилади;

🌀Қорақалпоғистон Республикаси, вилоятлар ва Тошкент шаҳар прокуратураларида жами 28 та штат бирлигидан иборат Камбағалликни қисқартириш ва аҳолини ижтимоий ҳимоя қилиш соҳасида қонунчилик устидан назорат бўлинмалари ташкил этилади.

♻️ Янги киритилаётган Бош прокурор ўринбосари зиммасига қуйидаги вазифалар юклатилади:

✅ ҳар ҳафтада камида битта туман(шаҳар)га бориб, камбағал оилаларни реестрга киритиш ва чиқаришнинг ҳаққонийлигини ўрганиш;

✅ камбағал оилаларга берилаётган маблағлар эгасига манзилли етиб боришини назорат қилиш;

✅ камбағалликни қисқартириш ва аҳолини ижтимоий ҳимоя қилиш соҳасида зиммасига юклатилган вазифаларни лозим даражада бажармаган масъулларга нисбатан қонун устуворлиги ва жазо муқаррарлигини таъминлаш;

✅ ижтимоий ҳимоя ва камбағалликни қисқартириш соҳасида қабул қилинаётган қонунлар талаблари, Президентнинг Фармон ва қарорларида белгиланган топшириқлар ижросини назорат қилиш.

🔰 "Яшасин Ўзбекистон Республикаси! Яшасин Ўзбекистон халқи!”

♻️ Қадрли ва муҳтарам каналимиз кузатувчилари!

✅ Давлатимиз мустақиллигининг 33 йиллиги муносабати билан Сизларга мустаҳкам соғлик, оилавий бахт, тинчлик, тотувлик, ҳамжиҳатлик ва фаровонлик тилаймиз.

✅ Ҳаётингизнинг ҳар бир куни меҳр, шоду хуррамлик ва янги зафарларга тўлсин, амалга ошираётган эзгу ишларингиз эса жонажон Ўзбекистонимиз шон-шуҳратини юксалтиришга хизмат қилсин!

✅ Сизларни, бутун халқимизни Мустақиллик куни билан яна бир бор табриклаб, барчангизга тинчлик-омонлик, бахту саодат, хонадонларингизга, эл-юртимизга файзу барака тилаймиз.

🌀 Барча эзгу ишларимизда Яратганнинг ўзи қўлласин, ўзи мададкор бўлсин! Юртимиз тинч, осмонимиз мусаффо, халқимиз омон бўлсин!

♻️ Мустақиллигимиз абадий бўлсин!

Тошкент шаҳар прокурори Эркин Тўрақулович Юлдашев сўзи

🌀🌀🌀 Ҳуқуқни муҳофаза қилиш академиясида стажёр-тадқиқотчилик, таянч докторантура (PhD) ва докторантура (DSc)га қабул эълон қилинади
 
✅ Ўзбекистон Республикаси Ҳуқуқни муҳофаза қилиш академияси «12.00.01 – Давлат ва ҳуқуқ назарияси ва тарихи. Ҳуқуқий таълимотлар тарихи”, “12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ”, “12.00.04 – Фуқаролик процессуал ҳуқуқи. Иқтисодий процессуал ҳуқуқи. Ҳакамлик жараёни ва медиация”, “12.00.05 – Меҳнат ҳуқуқи. Ижтимоий таъминот ҳуқуқи”, “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура”, “12.00.08 – Жиноят ҳуқуқи, ҳуқуқбузарликларни олдини олиш. Криминология. Жиноят-ижроия ҳуқуқи”, "12.00.09 – Жиноят процесси. Криминалистика, тезкор-қидирув ҳуқуқи ва суд экспертизаси" ва “12.00.12 – Коррупция муаммолари (юридик фанлар)” ихтисосликлари бўйича стажёр-тадқиқотчилик, таянч докторантура (PhD) ва докторантура (DSc)га қабул эълон қилади.

✅ Стажёр-тадқиқотчилик, таянч докторантура (PhD) ва докторантура (DSc)га ўқишга талабгорлар 2024 йил 15 сентябрдан 15 октябрга қадар http://phd.mininnovation.uz веб-сайти орқали рўйхатдан ўтгач, Академиянинг Илмий-инновацион тадқиқотларни мувофиқлаштириш ва илмий ходимларни тайёрлаш марказига барча зарур ҳужжатларни ўрнатилган тартибда тақдим этишлари талаб этилади.

♻️♻️♻️ Ўзбекистон Республикаси Президентининг "Ўзбекистон Республикаси давлат мустақиллигининг ўттиз уч йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида"ги Фармони билан прокуратура органларида хизмат қилаётган бир гуруҳ ходимлари ҳам мукофотланди: 

“Жасорат” медали билан

Мўминов Хуршид Тошмуротович - Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг Сурхондарё вилояти бошқармаси бошлиғи ўринбосари

“Содиқ хизматлари учун” медали билан

Абдураҳмонов Яхё Абдуғаниевич - Юнусобод тумани прокурори

Норқабилов Худойберди Раббимович - Навоий шаҳар прокурори

Фазилов Жахангиржон Тулқинович - Фарғона вилояти прокуратураси бўлим бошлиғи

Юсупов Саъдулло Насруллоевич - Самарқанд вилояти прокуратураси бўлим катта прокурори

“Шуҳрат” медали билан

Махмудов Алишер Абдусалимович - Ўзбекистон Республикаси Бош прокуратураси бошқарма бошлиғи

Эргашева Барно Шокиржановна - Ўзбекистон Республикаси Бош прокуратураси ҳузуридаги Мажбурий ижро бюросининг Тошкент вилояти Оққўрғон тумани бўлими давлат ижрочиси

Барчаларини юксак мукофотлар билан табриклаймиз!

🔰 Ниғматилла Йўлдошев яна қайта 5 йил муддатга Бош прокурор лавозимига тайинланди.

Олий Мажлис Сенати ялпи мажлисида Ниғматилла Йўлдошев номзоди сенаторлар томонидан Бош прокурор лавозимига маъқулланди.

🔰🔰🔰 Академия бакалавриатининг “ПРОКУРОРЛИК ФАОЛИЯТИ”  йўналишига қабул давом этмоқда
 
✅ Ўзбекистон Республикаси Президентининг 2022 йил 28 ноябрдаги “Жиноятларни тергов қилиш соҳасида малакали кадрларни тайёрлашнинг сифат жиҳатидан янги тизимини жорий этиш тўғрисида”ги ПФ–257-сон Фармонига асосан Ўзбекистон Республикаси Ҳуқуқни муҳофаза қилиш академиясида 2023/2024 ўқув йилидан бошлаб бакалавриатнинг “Прокурорлик фаолияти” йўналиши бўйича кадрларни тайёрлаш жорий этилган.

✅ Шунга кўра, Ҳуқуқни муҳофаза қилиш академиясида 2024/2025 ўқув йили учун “Прокурорлик фаолияти” бакалавриат таълим йўналишига қабул бошланганлиги маълум қилинади.

✅ Академия бакалавриати “Прокурорлик фаолияти” йўналиш бўйича ўқитиш кундузги ва сиртқи таълим йўналишларида ўзбек ва рус тилларида, давлат грантлари ва тўлов контракт асосида амалга оширилади.

✅ “Прокурорлик фаолияти” йўналиши бўйича ўқишга қабул қилиш танловида иштирок этувчи номзодлар жорий йил 5 июндан 25 июнга қадар (25 июнь куни ҳам) тест синови топшириш учун my.uzbmb.uz сайтининг “Олий ва профессионал таълим муассасаларига (2024-2025-ўқув йили учун)” бўлинмасида “Юриспруденция” ва “Чет тили” тест синови топшириладиган фанлар мажмуаси, таълим тили ва тест топшириш ҳудудини танлаш лозим.

✅ Тест синовлари июль-август ойларида ўтказилади.
Шунингдек, номзодлар “Чет тили сертификати” бўлинмасида тегишли сертификатни юклаши мумкин.

🇺🇿 PREZIDENT FARMONI IJROSI TA’MINLANMOQDA

🇺🇿 O‘zbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF–80-son Farmoni hamda mazkur Farmon ijrosini ta’minlash yuzasidan qabul qilingan O‘zbekiston Respublikasi adliya vaziri hamda TDYU rektorining tegishli buyruqlari ijrosini ta’minlash maqsadida TDYU Sud, huquqni muhofaza qiluvchi organlar va advokatura kafedrasi professor-o‘qituvchilari tomonidan Toshkent viloyatining Zangiota va Toshkent tumanlari hududida joylashgan maktablarga tashrif buyurildi.

🤝 Tashrif davomida tegishli tuman adliya bo‘limi rahbari hamrohligida maktab direktori, direktor o‘rinbosarlari va “Huquq” fani o‘qituvchilari bilan uchrashildi hamda Farmon doirasida belgilangan vazifalar, ularni amalga oshirish imkoniyatlari muhokama qilindi.

🏫 Maktab direktorlari bilan birgalikda maktabning mavjud o‘quv xonalari ko‘rib chiqildi hamda “Huquq sinfi”ni tashkil etish bo‘yicha maktabning qulay, talablarga javob beradigan xonasini belgilash bo‘yicha dastlabki tanlovlarga kelishib olindi.

⚖️ Shuningdek, maktablarning “Huquq” fani o‘qituvchilari bilan suhbat o‘tkazilib, Farmon mazmun-mohiyati, u bo‘yicha maktablar oldiga qo‘yilgan vazifalar tushuntirildi, farmon ijrosini ta’minlash, uni hayotga tatbiq etishda “Huquq” fani o‘qituvchilarining muhim o‘rni haqida ma’lumot berildi.

🏆 Farmon asosida maktab o‘quvchilari hamda o‘qituvchilar o‘rtasida o‘tkaziladigan olimpiada va tanlovlar, ularga tayyorgarlik ko‘rish masalasida maslahatlar berildi.

📞 Tashrif yakunida maktab mas’ullari bilan doimiy muloqotni bog‘lash, amalga oshirilishi rejalashtirilayotgan ishlarni o‘zaro hamkorlikda bajarish maqsadida aloqa almashildi.

✅ Xulosa qilib aytganda, maktablarda “Huquq sinfi” va huquq fanlari chuqurlashtirilgan holda o‘qitilishini tashkil etish orqali yuridik kadrlarni tayyorlashda “maktab — litsey — texnikum — universitet” tizimini joriy etish ishlarini amalga oshirish choralari ko‘rilmoqda.