👥 Yoshi 60 dan oʻtib qolgan bir doʻstimdan oʻzida qanday oʻzgarishlarni his qilayotganini soʻradim...
U menga quyidagilarni aytdi:
💬 Ota-onam, aka-uka, turmush oʻrtogʻim, farzandlarim va doʻstlarimni seva-seva, endi oʻzimni seva boshladim.
💬 Dunyo mening yelkamda emasligini angladim.
💬 Meva-sabzavot sotuvchilar bilan savdolashishni toʻxtatdim. Yana bir necha ming soʻm meni sindirmaydi, lekin bu pullar kambagʻal dehqonga qizining oʻqishi uchun pul toʻlashga yordam beradi.
💬 Ofitsiantga ham choychaqa qoldiraman. Qoʻshimcha pul uning yuziga tabassum olib kelishi mumkin. Axir uning tirikchiliki menikidan koʻra qiyinroq.
💬 Keksa odamlarga bitta voqeani necha marta takrorlagani haqida aytishni toʻxtatdim. Xotira ularni umr yoʻllaridan qayta yurib, oʻtmishni eslashga majbur qiladi.
💬 Odamlarning notoʻgʻri gapirganini bilsam ham, ularni tuzatmaslikni oʻrgandim. Hammani mukammal qilish yuki mening zimmamda emas. Dunyo mukammallikdan qimmatroqdir.
💬 Barchaga saxiylik bilan iltifot koʻrsataman. Yaxshi gaplar nafaqat ularni eshituvchining, balki mening ham koʻnglimni koʻtaradi.
💬 Koʻylakdagi burma yoki dogʻga eʼtibor bermaslikni oʻrgandim. Shaxsiyat tashqi koʻrinishdan koʻra aniqroq koʻzga tashlanadi.
💬 Meni qadrlamaydigan odamlardan uzoqlashishga harakat qilaman. Ular mening qadrimni bilishmaydi, lekin men bilaman.
💬 His-tuygʻularimdan uyalmaslikni oʻrganyapman. His-tuygʻularim meni odam qiladi.
💬 Munosabatlarni toʻxtatgandan koʻra, xudbinlikdan voz kechish yaxshiroqligini tushundim. Xudbinligim meni cheklaydi, undan voz kechsam men hech qachon yolgʻiz qolmayman.
💬 Har kunni oxirgi kunimdek yashashni oʻrgandim. Axir u chindan ham oxirgi boʻlishi mumkin.
💬 Meni baxtli qiladigan ishni qilyapman. Men baxtim uchun javobgarman va qarzdorman. Baxt bu tanlovdir. Siz xohlagan vaqtda baxtli boʻlishingiz mumkin, shunchaki baxtni tanlang!
— Entoni Xopkins.
Ijtimoiy tarmoqlarni kuzatib boring:
🕊Telegram 📱Facebook 📱Instagram