#Mustaqillik_Kubogi_2024
Xabar berganimizdek, "Uzbekistan GTL" MChJ xodimlari oʻrtasida Oʻzbekiston Respublikasi mustaqilligining 33 yilligi munosabati bilan boshlangan "Mustaqillik kubogi 2024" sport oʻyinlari chempionati bo'lib o'tmoqda.
Bir oy davomida o'tkazilishi rejalashtirilgan chempionat ayni vaqtda yanada qizg'in tus oldi. Shu vaqtgacha sport oyligi doirasida bir qancha sport turlari boʻyicha musobaqalar oʻtkazildi va gʻoliblar aniqlandi. Xususan, voleybol, shaxmat, stol tennisi musobaqalarining chempionlari e'lon qilindi. Yana bir yangilik sifatida, bu yilgi o'yinlar qatoriga kibersport musobaqalariga "Counter Strike" oʻyinlari ham kiritildi. O'yinlar natijalariga ko'ra, kiberfutbol va "Counter Strike" oʻyinlari boʻyicha gʻoliblar ham aniqlangan.
Hozirda futbol musobaqasi yarim final bosqichiga kelib, qiziqarli oʻyinlar davom etmoqda. Shuningdek, oldin xodimlarni 3 kmga marafon, turnik va brus mashqlari kabi qiziqarli sport o'yinlari boʻyicha musobaqalari kutib turibdi.
"Uzbekistan GTL" kasaba uyushmasi tomonidan tashkil etilayotgan mazkur sport tadbirlari korxona xodimlarining jismoniy va aqliy salohiyatlarini sinovdan oʻtkazib olish bilan birga ular oʻrtasida jamoaviy ruhni kuchaytirishga va sog'lom turmush tarzini targ'ib qilishga ham xizmat qilmoqda. Musobaqalar davom etmoqda.
———
Bizni kuzating ⬇️
💬Telegram | 🌐Website
👍YouTube | 😉LinkedIn
👨Facebook | 📹Instagram
